 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
04-05-2018
|
||||||||||||||||||||||||||||||||
|
||||||||||||||||||||||||||||||||
بالهداوه يا دوا المشتاق خذني بالهداوه الفصل الثالث والعشرون
الـبارت قــــــــــــبل الاخـــــــــــــــــــــــير (( 23 ))
مرت فتـــــــــره ومنصور كل مره يحاول يدق لوديمه ويحاول يرمسها لكنها ما اترد علييييه مطنشتنه.. يحاول ويحاول ولا استسلم.. وديمه هووووب طايعه... طرش لها سلامي اترمسها... لكن ما شي فاااااااااايده... منصور يفكر (( انا لازم الااقي حل للسالفه انا ما اتحمل فرااااااااااااااااااقهااااااااااااااا لازم اردها لازم اردها ليه.. )) الضـــحي في بيت سالم بن محمد .. منصور سار صوب سلامي.. منصور : سلاااااااااااااااااااامي طلبتج قووووووووولي تم تم تم تم سلامي : بسم الله شووووووه... ليش تممم منصوووور : قوووووووووووووووووووولي.. طلبتج.. سلامي : ويمكن ما اروم منصور : لا اتروووومين.... سلامي : انزييييييييييين... يالله تم منصور : دقي حق ودوم.. سلامي : ليش انته ما تتصل ابها منصور : انتي اتصلي ولج عليه اسوييلج اللي تبينه.. سلامي : واااااالللللللله.. منصور : والله سلامي : ودنيه بوظبي ابا اتشرى من المولات هناك منصور : تاااااااااااااااااااااام امره.. فاااااااااااااالج طييييييييييييب... سلامي : انته بتدفع منصور : يفندج والله لو تاخذين المولاااااات كلها ما قلت شي انيه يدفع وارشج بالفلوووس رش يالله اتصلي سلامي مسكت التليفون سلامي : انزين شو اقول لها.. منصور : لمحيلها اذا بعدها تبانيه.. وخلاف عطيني التليفون بدون ما اتقولين الها سلامي : اوكييييييييه (( واتصلت ))... وديمه : مرحباااااااااااااااا سلامي : المرحب لا هان يا ربيه واشحاااااااااااالج... وديمه : الحمدلله عايشييين.. عقب ما رمسوا شويه لمحت سلامي لودوم اذا بعدها تبا منصور ولا لاء خلاف منصور قبض السماعه وشللها... من عيونك تشتكي عيني... بس يكفي لا تسهــــرهـــــا عالسهر يا كامل الزيني... تغصب اعيوني وتجبرهـــــا من شقى شوقن يشقيني... لك يا اغلى الناس واخيرها نومي الهاني يجافيني... ولعيون الشوق يامرهـــــــــــا كل ليله فيك تغريني... اوعد اطيــــــوفك واســــــامرها لين تصحى الشمس واتبيني... والنهار العذب يغمرهــا لك غلى يسكن شرايني... عنك نفسي كيــــــف اصبرها مدخل الله لا تخليني... اتعب اعيـــــــــــــوني واسهرها وديمه انصدمت.. وما عرفت شو اتسوي وجان اتسكر فيه ويهه عقب ما سمعت الشله خنقتها العبره ويلست اتصييييييح سلامي تسمع اخوووها وفاجه عيوووووووووووونها.... سلامي : مااااااااااااااااااااااا شاااااااااااااااااااااااااااااااااااااااء الله علييييييييييييييك... منصووووووووووووور من ورانا صوووووووووووووووتك عذاااااااااااااااااااااااااااااااااااب.. منصوور : هبي هباااااااااااااااااااااااااج الله... سلامي : جيه قلت ما شاء الله... منصور : الله واكبر عليييييييييج ساحره ... سلامي : قلت ماااااااااااااااااااااااا شااااااااااااااااااااااااااء الله.. بلاك انته.. وتعال ليش سكرت.. منصور : سكرت في ويههي سلامي : ههههههههههههههههههههههههههههههههههه قفطووووووووووووووك مسكيييييييييين حااااااااااااالك منصور : جاااااااااااااااااااااب.. )) وفرها بالتليفون وضهر عنها (( سلامي في خاطرها : والله وصووته حلوو من وراناااااا ما شاء الله عليييه والله ما كنت ادري ... يدتنا وعبادي وام علي سايرين صوب بوظبي.. امعزوت عند عرب هناك ما.. ام علي تتعامل مع اليده وجنها امها لانه ام علي ام متوفيه يعني عبادي ما عنده يده من الام... ودايما ربااااعه.. وكل اللي يشوفهم يقول ام وبنتها.. عادي ريلااااكس.. ما شاء الله عليهم.. كانوا خاطفين عدال عماره.. وموقفتنهم الاشاره... عبادي يطالع العماره.. ام علي ترمس فالتليفون... عبادي : امايه.. اليده وهي اطالع : عونك.. عبادي : الله يعينج.. شو رايج فهالعماره اليده : اتهبي.. عبادي : امايه.. طاعي مطولها.. فووووووووق اليده : لا هوووب مطالعه بسم الله منها.. عبادي : هههههه شو رايج انسير فوووق اليده : لا... بسم الله.. لا لا عبادي : امايه بنسير وبنطيييح من فوووق شو رايج.. اليده : ييييييييييه.. >> شهقت ......بنمووووت.. بسم الله.. عبادي : لا امايه ما بنموووت بنطيير بنسوي جيييه.. >> يطنز.. ويحرك ايديه.. اليده سكتت ما ردت عليه .. عبادي : هاه شو رايج.. اليده : لا لاء.. مشوووا شويه خلاف اليده شافت واحد ميلس تحت الشيره.. اليده : الله كريييييم.. >> قالتها بطريييقه.. عبادي : شووو امايه.. اليده : هالرياااال حلييييله.. وقف وقف.. عبادي : شو تبينه.. اليده : ابااااااه بعطيه هالمىء عبادي : عنبوووووه بتعطينه ماي شاربه منه اليده : هيه حليله عطشان ميلس فالحر.. ولو عندي سفره بعطيييه.. عبادي : عنبوووه سفره شو يباها بيفرها في ويههج اليده : لا هوب فارنها ابعمره.. ياكل خرى الهووش عبادي : هههههههههههههههههههههه عبادي خطف عنه ولا سوى سالفه.. اليده : وااااااااااااااايه اشعنه عبادي : صدقه اليده : هيه عيل... عبادي : برايه يذلف.. منصــــــــور يحاول يتصــــــل بودوووووم بس ما اترد عليه.. سار وكتب لها رساله واتشرالها كاااااافي من نتالي وفواله واتشرالها فريرو روشيه ومالتيزر واااااااايد لانه يعرف انه ايعيبها وحطهن في بوكس وغلفهم بغلاااااااف حلووووو كله حب ورومانسيه... وخطفه عليها عطاها البشكاره ووصاها اتوديه لوديمه على طول بس ما اتخبرها انها من عند منصور ... وديمه : اللللله حق امنوووه هذا لين : فور يووو مادام وديمه : حقيييي.. الله من منووووه.. لين : ما ادري ما دام وديمه : هيييييييه.. اكيييد اللي مطرشتنها ليه بتتصل ليه تتاكد انه وصلنيه.. وفجته واتخبلت... وديمه : يااااااااااااااااااااااااا ربييييييييييييييه الحلويات الي اتعيبنيه.. اوووووووه شو ها.. ورقه بعد حركاااااااااااااات... شو فيهااااا.. فجت الورقـــــــــه ولقت مكــــــــــــــــــــــتوب تبووون اتعرفوووووون... يا اخي الواحد وخصووصياته.. لحووووول يا الفضوووول.. هوووووب طبيعي نسبته فينا وديمه قرت.. " يا حبيبي جيف ممساكم... يعلم في خير تمــــــــسونا.. وش خلف يا زين لاماكم... شالسبب لي به هجرتنوا.. " ان رحت عني راحت الروح مني.. وان جيتني رديت للجسم روحي شوفك يشيل الهم والحزن عنــي.. وفرقاك يا مملوح يدمي جروحي وديمه حبيبتي.. انا آآآآآآآآآآآآآآآآآآآآآآآآسف.. والله آآآآآآآآآآآآآآآآآآآآسف ادري انيه اتسرعت وظلمتج.. دخيييييلج سااااااامحييينييييييه... والله ما اتهووووونين علييييه... خلااااااااااص والله انزين بتصلج وردي عليه رفجه غااااااااااالي اترديييين حتى لو ما ترمسيييين بس سمعييينيه دخييييييييييييييييييييييييييييييييييلج... وديييييييمه.. طلبتج.... ريلج الميهووود من فرااااااااااقج وديمه يوم قرت فرحت لانه ما نساها ولانه يفكر فيها.... وديمه : فديت روووحك يا الغالي.. شوي ولانه متصل.. لكنها ما ردت عليه.. خلاف رد اتصل ولا ردت عليه.. عقب خمس دقايق رد يتصل وهالمره ردت عليه.. منصور امره هوووووب مصدق وفرح... منصور : الحمدلله يوم شليتيه... يااااااااااااا ويليه... واشحاااااااااااااااااااالج وديمه ما ردت عليه.. منصور : ويييييييليييييييه.. وديمه انا آآآآآآآآآآآآآآآآسف سامحينيه.. وديمه انا ظلمج وديمه ما ردت عليه منصور : وديمه .. وديمه ما ردت.. منصور : آآآآآآآآآآآآآه ويييييييل رووووحي واااااااااااااااشقاااااااااااااااااااااااااااهاااا ااااااااااا وديمه قولي شي بس ... احس انيه ارمس عمريه.. جنيه مينووون... دخييلج وديمه : باي...)) وسكرت (( منصور طالع التليفون : آآآآآآآآآآآآآآآآه ويليه فديييت حسها... صدقهم والله ومن الحب ما قتل.. اسمينيه اتلتهت فيا هالحب .... فالـــــــــيوم اللي عقــــــــــــــــبه... قرروا فريجنا يسيرون صوب راس الخيمه يباتون لهم كمن يوم هناك... اليد + ام علي + علي وحرمته وعياله + ميروه + اللي يسووقبهم عباااااادي فالنسيان الابيض ^_* ام محمد + فطامي + وديمه + منصوري وبييث + اللي يسوقبهم حمد فالنسيان الاسود.. ام سعيد + زاهره + سلامي + اللي يسوقبهم سعيد.. ورفيعه عند اهلها باته من كمن يوم... وساروا فالستيشن الذهبي.. وساروا فريجنا... صوب راس الخيمه.. وديمه يوم سارت بس عشااان اتحاااول تنسى او تتناسى منصور واللي اكييييد ما بتروووووم... وطبعا هم من قبل لا يضهرون من العين حاجزين شقق.. شقه لليده وام علي وميروه / وشقه لعلي وحرمته وعياله / وشقه لام محمد وفطامي وديمه ومنصوري / وشقه لام سعيد وسلامي وزاهره / وشقه لحمد وعبادي وسعيد يعني 6شقق حاجزين والسادسه نسيت اقولكم لاحمد والنيره بس لانهم ما ساروا فياهم.. خلاف بيلحقوونهم لانه احمد عنده شغله ويوم بيخلص بيسييير.. وكانن الشقق في نفس الممر متجابلات وعدال بعض... شقه قوم اليده امجابله شقة قوم ام سعيد.. وعدال شقة اليده شقت ام محمد وامجابلتنها شقة فيها انجليز اما الشباب (( حمد وعبادي وسعيد )) فشقتهم فوووق وحجرتين عدال بعض اخر الممر وعدال باقي الشقق لعلي وحرمته وعداله قوم احمد والنيره اللي بعدهم ما ضهروا من العين... ضهروا من العين قرب خمس العصر ووصلوا هناك وكلن سار شقته ورتب اقشاره وخلاف كل عقب ما حطوا اقشارهم.. اتيمعوا في شقت اليده عشان يسوون العشا وكانوا طابخين لحم قعود ناشف وعيش ابيض.. يلسوا يتعشووون الكل ميييت يووووووووع... وكاااااان العشى بطراااان ما فيه حيله ... يا حافظ عالرم في ذمتيه ويلسوا شويه خلاف كلن سار شقته ورقد... فاليـــــــوم الثـــــــــــاني الصبح اتريقوا.. وخلاف اتلبسوا وركبوا سياييرهم.. وساروا يحوطون في الاماراه... وفجأه يت ام سعيد فكره انها تشتري بيت هناك.. ويلست ادور بيوت.. والظهر ردوا البيت... وكان غداهم سمج قباب مشواااي وسمج مطفي.. وعيش ابيض وعيش برياااني وسلطه ورووب.. وبارد.. طبعا مطرش من عند شيخه من شيوخ راس الخيمه.. محد مثلها.. انسانه طيييبه ومتواااضعه.. عقب احمد والنيره عقب ما اتغدوا ضهروا من البيت وساروا صوب راس الخيمه.. ووصلوا عالليل.. سلموا عليهم ويلسوا وسووولفوووا وسوو عشى منصور درى انه وديمه سارت فقرر انه يسيييير عندهم.. وطبعا حاولوا يدورون له حجز.. يعني ام سعيد كانت تباله شقه هو وحرمته.. ما كانت تدري انه شي امبينهم.. فاليل بعد ساروا يحووطووون..ام سعيد واليده وعبادي وام محمد يدورن بيت.. اما ام علي وحمد والبنات (( ميروه / سلامي )) سارن السوبر ماركت يتشرن اغراااض وعقب اتيموا مره ثانيه كلن رد من البقعه اللي كان فيها... وعالساعه 12:30 منصور توه واصل وطبعا محد رقد كان يتريااا بس احمد والنيره ساروا يحووطوون.. وعلي وحرمته في شقتهم.. اما اليده وام علي وام سعيد وام محمد وعبادي وحمد وسعيد كانوا يالسين في شقة اليده.. وديمه وسلامي وميروه كانن يالسات في شقة ام سعيد.. منصور يرمس امه.. منصور : اماايه انتوا عند البنايات الطواال وين ذاك اليوم ام سعيد : هيه وراهن.. منصور : ما عليه ياينكم بشوووف انا ام سعيد : اطرشلك عبادي.. منصور : لا.. بييكم ان شاء الله انا قريييييب ام سعيد : ونحن انتريااااك.. وسكر عن امه.. ويوم وصل وقف سيارته فالباركن عدال ارمدا عليها رقم قطر... ودخل .. منصور : السلااااااام عليكم.. الكل نش ورد السلام واتوااااااايه فياهم الكل : علييييييييييييكم السلااااااااااااااااااام اليده : ابطيييت ابويه منصور : شو اسوي هذا دوبيه.. اليده : لاء.. ما ضهرت من وقت.. منصور : هوووب مشكله انا هنيه الحينه.. ام سعيد : اتعشيت الغالي.. منصور : هيه خذتليه من الدرب.. اليده : نزلت اقشارك منصور : لا بعدنيه.. اليده : شو اتريااااااا.. سر سر منصور : ليش مستعيه وااايد يدوووه عبادي : فديييت عيوووووزيه يوم تحتشر.. اليده طالعت عبادي بنظره عبادي : والعثره... اتغيت علينا السلطات العليا للقوات العيووزيه ^_* ام علي : ايييييييييييهااااااااااااااا يا عبيد لو بغيييتك ريااااااااااال.. عبادي : وثرنيه هوووب ريااااااااااااااال.. افاااااااااااااا يا ام علي... انا ولدج.. ام علي : لا مضيع مذهبك حمد : القط دخيييييييلك... عبادي : خلااااف.. ^_* ميرانه كانت حادره و سلمت على منصور.. ويلست ام سعيد : الغالي ما رينا لكم حجز.. شالراي اليده : شو رايك اتبات الليله فيا خوانك وباجر بتفضى حجره خلاف بتسير فيها فيا حرمتك.. منصور : هوووب مشكله.. زيييين... منصور : بسير فووق بطالع الشقه.. عبادي : بلحقك.. وضهر منصور من شقة اليده ولانه وديمه بعد ضاهره من شقة خالتها ام سعيد ومثل ما قلت لكم متجابلات شقة اليده وشقة ام سعيد منصور وقف بقعته مستاااااااااااانس شااااااااااااف رووووووووحه جداااااااااااااااااااااااااامه وديمه شاااافت منصور وانصدمت شو يابه نزلت راسها كانت تتريا منصور يخوز عسب تتدخل عندهم منصور ما خاز وسار صوبها.. وكانت يالسه اتعدل شيلتها وتتحجب منصور ابتسم : واشحاااااااالج الغاليه وديمه منزله راسها وحاول اتخطف عنه سار ومسك ايدها... منصور : جنيه قلت اشحاااااالج... وديمه ما ردت عليه منصووور سار وشللها.. لــي صاحبن عني تغير... اخلف دروب الحب عنــــي وانا على لفراق مقدر... البعد هم ومتــــــــــــــعبنـــي مركب غرام الحب سمر... والامواج في غبه خذنــــي ظني نهار الحظ دبر... والايام بالظلـــــــــمه كســـــني عوق الهوى في القلب يكبر... واخاف اصبح مثل فني يا قايد الخفرات فكر... وخذني حبيــــــــــــــــبي بتاني ما شفت دمع الشوق غدر... عليك يا روح الــــــمتني يا فايق بجوهر ومنظر... فيك الجمال اللي فتنــــــــــي بعدك شرات الموت الاحمر... وانته بسهمك جاتلنــــي عود عساه الكسر ييبر... وييزاك رب العرش عنـــــي وديمه استحت وخافت حد يخطف ويسمعه.. وديمه : بس خلااااص منصور: فديييييييت هالحس يا ربيييييييه... وينه عنيه من زماااااااان... اسمييها ردت الروووح فيه يوم سمعته وديمه : لو سمحت منصور.. لو حد يخطف ويسمع الحينه منصور : خله يخطف ما عليه امنه جيه مسوي شي حراااااااام انا حرمتيه وكيفي فياها... وديمه طنشته وسارت عنه منصور : آآآآآآآآآآآآآآآآآ من قلبن غدى حبببه جنوووووووووووووووني..وسار فوق ورقّـت البشكاره شنطته.. ويلس هو وحمد وعبادي دااااقين سوالف.. سعيد يالس فيا علي.. فاليـــــــــــوم الي عقـــــــــــــــــــــــبه.. الكل يالس تحت يتريــــق في شقة يدووه... وديمه توها حادره.. وديمه : السلام عليكم الكل : وعليكم السلام.. اليده : تعالي غناتيه اتريقي.. وديمه : شو ريووقكم... ام محمد : بلاليط وسندويجات ان بغيتي جبن ولا مربى ولا بيض.. اللي تبينه موجود بنت سلطان وديمه : الله يطول بعماركم... ويلست تتريق.. والكل يالس فالشقه الا احمد والنيره بعدهم في شقتهم.. ام سعيد توها حادره.. وديمه نشت وصبحت ابها... ام سعيد : لقيت لكم شقه بس فوق.. ما شي تحت وديمه تتريق وهوب فاهمه السالفه.. منصور : عطوج المفتاح ام سعيد : الحينه بييبه.. سلامي : خساره ما بترقدين عندنا وديمه مطنشه ويالسه اطالع الجاهي وقابضتنه بايديها الثنتين.. ام سعيد : هاه الغاليه لقيت لكم شقه وديمه : لبييه امايه ام سعيد : دورنا لكم شقه وما رينا واليوم عرب ضهروا وفضت شقه عاد فوق لج ولريلج وديمه فجت اعيووونها على وسعهن وطالعت منصور.. واصلا منصور كان مجابلنها.. ام سعيد : الحينه بس بينظفونها وخلاف بيعطونا المفتاح... عبادي : احسن فكه بفتك.. خالتيه تدرييين ما خلانا نرقد امس حاااشر البقعه... اتخبري حمد وسعيد ام سعيد : شو تباهم.. هاه.. منصور : جذاااااااااااااااااااااااب.. طالع.. عبادي : ما شفتيه.. سحب الكرسي.. وانسدح عليه خلاف نش ورده وشل المخاد وعقهن تحت اونه يبا يرقد عليهن.. ولا خلانا نرقد من الحشره.. وخلاف يلس يهذرب ولا طاع يسكت.. لعوااااااااااااااااز اسميييييه ام سعيد : اييييييهاااااااا يا منصور.. هوووب ياهل انته.. ويوم اوعيكم للصلاه ما طيعون اثورون... منصور : اماااااااااااااااااااايه قسم بالله جذااااااااب.. اصلا هووو اللي سوى جييه وعقه عليه ... عبادي مييت من الضحك.. وطبعا كل اللي قاله جذب هوب منصور اللي سواه.. هذا هو بس جلبه على منصور.. منصور : يا الجلب.. براويكم.. اضهر جان فيك خير عبادي : نعااااااااااااام انه فيه خييير منصور نش ولا سوا سالفه عبادي : وين بتسير بخاااويك >> يستهبل منصور : لا والله صدق.. تعااااااال ونش وراه وضهروا خاري ولحقهم حمد ويلسوا يسولفوووون وعااااااااادي ريلاااااااااااكس وديمه وسلامي يتحوطن خااااااري وسارن صوب الحوض.. حمد يوم شافهن اتغيييض من الخاطر.. لانهم كانوا يالسين عند الحوض (( حوض سباحه عنده كراسي ومظلات )) وسار صوبهن.. حمد : شو مضهرنكن هاه.... وديمه : نتمشى حمد : لا والله جيه في حوووش بيتكم عشان تتمشووون.. عربان هنيه.. لا وبليا عبي.. بيااااض ويهه يا بنات محمد بن منصور.. وديمه : حمد بلاااك خلاص الحينه انا معرسه وعادي هوب عزبه عشان ما اضهر.. حمد : حتى لو بعدج صغييره.. يالله جدايه سلامي : هد هد خيووووو.. بلااااااااك ريلاااااااااكس.. خذ الدنيا ببساطه.. حمد : يالله.. اونج بتتفلسفيين.. منصور وعبادي يايين صوبه عبادي : حلفت علييك تضربهن... سلامي : لاااااااه منصور : بلاااك حمد.. حمد : عنبووووه وين عايشااااات يحاوطن هنيه.. منصور : صدقه شو يايبنكن هنيه.. هاه وديمه طالعته بنظره.. منصور ابتسم.. واستااانس وطالعها بنظرت غيااااض منصور : يالله دااااااااااااااخل.. ما عندنا بنات رغييد.. وبعدين اتغشن يوم بتضهرن هوووب برووحنا هنيه تسمعن وديمه ما ردت عليه ومنصور كان مستقصدنها بالرمسه سلامي : لا والله منصور منصور : هيه عيل هووووب تتحروووون عماركم معرسات خلاااااااص رغيييييييييد يالله دااااااااااااخل سلامي : انزين انا هوووب معرسه شالحل... وديمه طالعته بنظره منصو ر: تبين الحل خيتوووووو سلامي : هيه منصور : ذلفيييي دااااااااخل عبادي : هدوا هدوا... ريلاااااااااااااااكس.. كل هذا عشان حليلهن يبن يضهر... شو هالعنصريه.. جيه حلااال عليكم حراااااام عليهن... ياااا بنااات محمد بن منصور .. (( كان ساير صووبهن وجان يتزحلق ويطيح فالحوووض )) الكل مااااااااااااااااااااااااااااات عليه من الضحك حمد : اخيييييييييييييج علييييييييييييييك.. محل خيااااااااااااسهم.. منصور : لااا حاشر البقعه من الصبح تبا تسبح فالحووووض.. ضهر من الحووض ورشهم ماي وخلاف دخلن البنات دااخل ميتاااااااااات ضحك... شوي ولانه حمد ومنصور حادرين 
 
|
|
04-05-2018
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ولانه عبيد حادر و خرسااااااااااااااان مىء من فوق لين تحت.. الكل يالس فالصاله الا اليده وام علي يالسات في الحجره حمد ومنصور ساروا صوب الحجره ووراهم عبادي ..... اليده يالسه اتسولف.... ولانهم حادرين.. اليده : مرحبا تعالوا فدييتكم... شوي ولانه عبادي يضهر من وراهم ويسير صوب اليده.. ام علي : عبيييد بلاك بويه خرسان مىء من وين ضوييته منصور : طااااح فالحوووض .. اليده : يييييييييييييييييييييييييييييييييييه >>> شهقت... عبادي سار يبا ييلس حذاها.. اليده : والله لتخووووووز عنيه اخيييييييييييييييج.. هوووووووب اتصكنيه.. تراه معرووووف عن اليده انا اتجز وبشكل فضيييع لدرجة انها مستحييل تركب سياره بدوون ما اتحط قرطاسه تحتها وهوووب حيله قرطاسه بعد.. لا هيه اصلا عندها قراطيييس كمن وحده يوم تستعمل وحده واتخلص منها اتغسلها... اسميييها سوااالف يدوووه.. وعبادي يعرف انها اتجز.. فسااااااار صوبها بالعاااااااااااااااااااني.. عبادي : بلاااااااج يدوووه.. انا ياي اتشجى عليهم.. اليده : وخلى مطر ما اتصكنيه اخ اخ... يعلك السقم يا ربيه.. عبادي مد ايده ... اليده : واااااااااااايه عبيد.. فضل عنك يا الخااااااااااايس... خوووووووووووز.. الكل مييييييييييييت ضحك عليهاااااااااااااااااااااااااااااا ام علي : واااااااااايه عبيد خوز عن يدتك شو هالمذهب اللي فيييييييك.. اسميييك الا مضيعنه... سر بدل اثيااابك واتسبح.. عبادي : لييييش ام علي : وانته شو امعفدنك في الحوووض هوووب قايلتلكم محد يسبح فيه محل خياااااسهم.. اخ علييييييك.... اليده : ما يسمعها الرمسه... عبادي : جيه ياهل عندكم... هالرمسه قولوها حق عيال علوووه هوووب حقيه فالليل.... الكل يالس فالصاله.. زاهره قابضه هالريموووت ومن حواس لين اغاني ولين قنوات نجوووم ما عندها غيرهن ولا افلام... كانت زهور حاطه فلم.. عبادي يرمس حمد ومنصور.. عبادي : حووووووووه زهوووور بعدلي عن هالسكن حطي حديث ولا قوران ^^ عيوزيه ما اداني هالسكن.. حمد ومنصور يضحكوون زهوووور طالعته بنظره وقحه >> هاي جيه طبعها بس هوووب قصدها شي بس قصدها عبادي فجأه قالها حطي حديث ولا قرأن زهور : مــ ا بـــــــــــــــا.. انزييييييين عبادي اتغيض بس على مزح : صدقه.. طالعوا شو بسوي ابها.. يوم اقووول لخالتيه انه حربيه بتي اتهزبها ههههههههه زهوور مطنشه عبادي : خالتيه طالعي زهووور الحينه بتي حربيه على حوااااس ... جان ما اتخلص ام سعيد اتموووت في شي اسمه حربيه وكانت اتسووولف.. ام سعيد : واااااااااايه حطي حوااااس بتي حربيه لييش انتي جيييه.. حطي يالله... زهوور : لييش امايه ام سعيد : صه.. يالله حطيييها... زهور : انزييييييييييين... وحطت حوااس وكانت اغنيه مصريه.. عبادي : ههههههههههههه.. لا لا على اغاني حربيه.. حطييهاا ام سعيد : حطي اغاااني يالله زهوور : يا ربيييييييه.. )) وحطتها (( وما كانت عليها حربيه .. كانت عليها اعلان.. ام سعيد طنشت ويلست اتسولف وخلاااف سبحان الله خلص الاعلان ويت الحربيه وام سعيد في نص السوالف .. ام سعيد : يه.. حليله.. اسميها حربية غاااااويه.. سمعوا الكلمات... ووقت الرقاد.. وديمه سارت طبعا شقة امها.. ام محمد : واااااااايه جيه ما بترقدين عند ريلج... هااااه وديمه : هاه .. أأأأ... لا... هيه .. ام محمد : شو لا هيه.. وديمه : قصدي امايه انا هوووب ربعت بوووش.. يعني امبونيه فياكم ويوم يى منصور اخليكم وانهي عنده ام محمد : شو ربعت بوش بعد جيه هذا ريلج .. عييب عليييج... وديمه : لا امايه انا ما احب عيييييييب عليه اخليييكم وانهي... ام محمد : لااااا هوووووووب عييييييييب يالله سيري صوبه يترياج الحينه لا خليييت منه.. وديمه : لاااااااااا بييلس... ام محمد : شو هالرمسه.. شي بينكم.. وديمه : لاه.. يالله يا امايه ثرج تبين الفكه منيه... ما دريييت بج.. ام محمد : لا والله ما ابا الفكه يا غيير الحينه انتي امعرسه.. ووضعج يختلف عن لول وديمه : خلاص امايه هوووب مشكله انا الحينه بنهي صوبه.. ام محمد : هيه ما عليه.. وديمه وهي سايره صوب الباب : تصبحين على خيير.. وهيه فالممر حتى ما ادل اي حجره..(( يا الله.. شو موقفيه الحيييييينه.. يا هذي نشبه... ما ادري اسييير.. والله زعلانه عليه .. خلاااااص.. ما اباه... لو يطلقنيه احسن.. بس تعذبت.. والله احببببببببه.. وامووووووووووت فيه.. بس ما اروووم اعييييييش فيااااااااااه.. صعب.. وييييييييييييييييليييييييه... لا والمشكله ما ادل وين الشقه.. وانا هووووب متصلتله... )) وهي يالسه اتفكر سبحان الله حمد ضاهر من عند منصور.. (( شقته )) حمد : شو اتسوييييييين خااااااااااري نص الليل وبروحج وديمه : شو اسويي ضاهره من عند امايه وسايره صوب شقتيه حمد : هيه.. انزين يالله هبطي قبل لاسير (( وفج باب الشقه )) وديمه (( الحمدلله... حمد دلنيه.. الحينه هوووب هنيه المشكله المشكله شو بسوي داخل.. ما اابااااااااه.. )) دخلت...ولا رمست.. ومحد داخل غير منصور ..كان يمشي من الصاله ساير صوب الحجره شاف الباب امبطل لف ويهه شاف حرمته.. وجااااااااااان يشق الحلج من الضحكه.. منصور : مستحييييييييييييييييييل...اللي ااشووووووووفه .. وديييمه هنييييييه.. غرييييبه وديمه ماردت علييه وسارت صوب الحجره ومسكت الباب .. منصور واقف محله ويطاالعها وديمه : انا برقد هنيه وانته ارقد فالصاله.. )) وسكرت الباب وقفلته (( منصور تم محله مستغرب : لااااااااا حووووووووووول شو هالحااااااااااااال هاي الحينه صدق جيه بتسوي... لا حووووووول الله... اسميييييهاااااااا هوووووووووب حااااااااااااله.. تعبت انا وسار الصاله ورقد.. والصبح وديمه نشت قبله واتسبحت واتلبست وسارت تحت.. منصور نش ولا لقى حد عنده منصور : اسميييهااااا هوووب حاااااااله في ذمتيه هووووب حاااااااله.. خلنا انرد العين وانا برااااااويييها.. بخلييها على بزاااها الحينه... وخلاااف بيّـرهاااا ير غصبن عنها انا ما عندي هاللعبه وهالمذله.. خلاااااص غلطنا واعتذرنا هوووب معتذرييين مره ثاااااااانيه... بس ... اتسبح واتلبس ونزل تحت ..... عقب الغدا الكل نش وسار كلن شقته لانهم كانوا يالسين في شقة اليده وين مكان التجمع ^_* واللي سار حجرة الرقاد وين اليده يالسه.. الا وديمه كانت يالسه فالصاله واطالع أغنية قمه ومندمجه فياها ويالسه تذكر عرسها.. منصور خطف ظاهر من حجرة اليده يبا يسييير شقته يريح.. شاف وديمه برووحها هبط وسكر الباب وقاااال تحـــــــــــيه طيــــــبه وبعد التحيــــــــــــــه.. أحيي قلبــــــك القــــــــــــاطع وصالــــــــه.. مضـــــت ايـــــــــام بــك وامــــضت عليــه.. سهــــر ودمـــوع وهمـــوم وعبــــــــــــــاله.. خـــذاك الـــوقت او قصـــدك أذيــــــــــــــــه.. أو انته برهن حال(ن) مــــــا تطـــــــــــــاله.. خذاني لك وله نـــــــفس(ن) شجـــــــــــــيه.. حنان وشـــــوق وادروب ورســـــــــــــــاله.. أســــــــال النـــــــاس عنك وانته فيـــــــــــه.. واهاذيبــــــــــك تلايــا الليل تـــــــــــــالـــــه.. ذبحـــــت القـــــــــــــــــلب والطرف وصبيه.. و وزولك ذابح القلـــــــــــب وخــــــــــياله.. ألا ويـــــــــــــــــنك تــــــــعال وحس بيه.. >> اونه يسوي حركه وينج ويسوي بيده تعالي أعــــــــــــــــاني من غيابك واحتمالـــــه.. بغيـــــــت اعرف حيــــــــــاتك كيف هيه.. يسوي حركه اونه يسأل عســــــاك ابخــير واطيـــاب وسهــــاله.. كان منصور يشل ويحرك ايده اتعرفوون يوم الواحد يشل ولا يعد قصيده يحرك ايده .. وديمه استوت اشارة مرووور وبندت التلفزيون وضهرت خاري.. فاليوم الثاني وعقب الغدى كلن يمع اقشاره ورتب شنطته... وحملووونهن فالسيايير... وديمه ما ركبت فيا ريلها ركبت فيا قوم امها...محد قالها شي عادي... وفالدرب... لازم فيه مغااامرات شويه ولا ما بتكووون سيره.. كانوا يمشون والشارع خطين وهم بعدهم اصلا ما وصلوا طريج العين – دبي.. عباااااااادي معروووووووف بمغامرات وحمد ومنصور يكملووون عليه.. وانا خبرتكم اذا تذكرووون انه عبادي ما يداني رقم من امارات الدوله ولازم يطفر به .. تبووون اتعرفون انا قبل ما قلت لكم بس الحينه بقووولكم بس هوووب قصدي شي ولا حد يزعل بس فالحقييقه هوو جيه وانا استغرب منه ليييش.. من يشوووف رقم دبي لازم يطفر به ولا ما يعطييه السيد ولا يلعوزه ليييش ما ادري انا ابرووحي استغرب ومن اسير بقعه واشوف رقم دبي اذكره ^^ سياره ارمدا بيضا عليها رقم دبي وراه تعطييه فول ليت مسرعه تباه يخوز عسب اتجاوزه.. كان عبادي يمشي جدام وعقبه حمد وعقبه الباقيه.. حمد من شاف الارمدا ضحك حمد : شوفوا شوفوا ام محمد : شووه حمد : اتشوفين هالارمدا ام محمد : هاي هاه حمد : هيه ام محمد : بلاااها حمد : تبا اتجاوز وعبادي مستحييل يعطيها السيد ام محمد : اشعنه.. حمد : ما يداني ارقام دبي طاعي شو بسوي به راعي الارمدا شكله مواطن ومسرع من الخاطر ولازق فعبادي.. عبادي كل مره يخبط بريك جدامه وراعي الارمدا يطر يخبط بريييك قوي عسب ما يدعمه.. حمد مييت من الضحك.. راعي الارمدا كان شكله مستعيييل ويبا يجااوز لكن منصووور يالس ويخف السرعه وخلاف يسرع.. حمد ما شاء الله ما يخصه بس كمل السالفه.. سار ومشى عدال الارمدا عسب ما يجاوز حمد على اليمين يعني سكروا عليه.. الارمدا وديمه : حمد شو هالحركات حراام حليله مستعيييل حمد يضحك : طالعي .. اسميييييه هههههههههههه.. حمد ومنصور وعبادي يوم يكونون فالشارع ابدااااع وسوالف.. حتى لو هووب رقم دبي رباعه يفهموون على بعض بالاشاير وحركات بالسيايير يعني اذا واحد يبا يلف هووب لازم يتصل ويقوول انا بلف.. اشاير وخلاص.. يبوون يسكرون على حد بعد بالاشاير.. يعني حمد يوم كمل على عبادي عبادي عطاه اشاره يسار وحمد سار وكمل.. شوي ولانه حمد يضحك ام محمد : بلاااك ؟ حمد : طالعي ورى ام محمد : منووه وديمه وفطامي وحتى منصوري طالعوا ورى وشافوا منصور يمشي ورى راعي الارمدا يعني صدق سكرووا عليييه ومنصور اونه يعطي راعي الارمدا فووول ليييت يباه يخطف عسب يجااوزه.. يغاااايض.. ^^ ام محمد : قلعوووه شو تبووونه حليله... حمد : جيه انا قابض سيد ام محمد : خف خف.. هالسيايير هوووب لعبه بووويه.. خف خله يخطف اليده : يييييييييييييه << شهقت.. عبادي : بلاااج عيووزيه طالعي طالعي اليده : يا بوييه براااااض.. خله يخطف شو تبااااااااه عبادي : هههههههههههه عيووزيه طالعي حتى حمد بعد سكر عليييه اليده : شو تبووونه حليله.. الله كرييييييم.. خلوووووه جادنه مستعيل يبا عياله.. عبادي : هههههههههههههههههه اويين عياله.. ههههههههههههههههههههههه اليده : وخلــــــــــــى مطر يتضك عنه حليله وخلاف خلووووه يخطف حليله.. وسار ربيه يحفظه حليله... عقب يوم من سيرة راس الخيمه.... منصــــــــــور تعب خلااااااااااااص ما راااااااااام يتحمل الزووووووووود يبا حل بالطيب ولا بالغصب.. واتوجهه لبيت الحبيبه.. يشووفله حلل للسالفه اللي طووووولت... اهلها كانوا بيسيرون دبي بيباتون هناك.. وديمه ما بغت اتسير وهذا اللي يعرفووونه.. منصور وصل ودخل وسار صوب حجرتها.. فج الباب ودخل منصور : السلام عليكم.. وديمه ما سمعت الصوت عدل تتحراه واحد من اخوانها.. وردت بطريقه حلووووه مما خلت منصور يستاااااااااااااااااانس وديمه : وعليييييييييييييكم السلاااااااااااااااام والرحمه.. مرحباااااااااااااااا ملااااااااااااااااااااااااااااااااااااااااين منصور : احم احم... امممم زين يوم رضيتي علينا... وديمه لفت ويهها ولانه منصور على طول اتغيرت الملااامح.. منصور : لاااااااا دخيييييييييلج توج اترحبين ابيه... ودييييييمه سمعي انا ياي اردج البيت يا اخي تعبت انا بسج دلع عاااااااااد ويالله وديمه ما ردت عليه منصور : ودييييييييمه ارمسج انااااا... وديمه : خييييييير شووووووو تباااااااااااا منصور : ابااااااااج وديمه : اسفه وانا ما ابااااااااااااك.. لو سمحت اضهر.. منصور : هوووووووب ضااااااااااااهر اليوم الا فياج... وديمه : بتبطي.. منصور : ما ببطي وانا ولد سالم.. وديمه : انته شو مشكلتك هااااااااه خبرنيه شو مشكلتك.. منصور اتقرب منها : مشكلتك انك قلب حساس تشره على قلبي وتزعل.. مشكلتي موووووووووولع بك بلى اقيااااس وان ما سألــــــــــــت اشتــــــــــــــــــــاق واسأل.. وديمه : لو سمحت خوووز عنيه ما اباااااااااك.. خلاااااااااااص... منصور : افااااااااا... اشعنه ما تبينيه وديمه : لا اتحرانيه اطنز.. لو سمحت اضهر.. خلااااااااص عافتك نفسيه بس.... منصور : وديمه انزين انا عرفت غلطيييييييه... واعتذرت لج.. شو بعد تبين اكثر وديمه : ما ابا منك شي غييير اتخلينيه انااااااااااااا تعبت في ذمتييييييييييييه تعبت.. يسد اللي يانيييه منك بعد بتزيييدنيه كفــــــــــــــــــــــــــــــايه جرحك الاول... ولا تجــــــــــــــــــرحني الثــــــــــــــــــــاني جـــــــــــروح الــــــــروح تتعبنــــــــي... لمـــــــــــــــــــــــاذا انتـــــه أنــــــــانــــــي؟؟ منصور : وديييييييييييمه... انتي ليييييييييش جييييييييييييه..ولا جنيه ريلللج.. وين طاعت الزووووج وديمه : انته ما قدرت هالشي فييييييييييييييه... لو سمحت اضهر منصور : هوووووووب ضااااااااااااااهر تراااااااااا دزييييييييييييت لج وييييييهه واااااااااااااااايد وانتي محد يدز لج وييييهه..يالله جداميه.. انا هوووب فيييييييه البزى.. يالله )) ومسكها من ايدها فوق الكووع ويرّها (( وديمه : خييييييييبه.. فجني .. هذا اللي كنت خايفه منه ماااااااا اباااااااااااااااك خلااااااااااص عافتك نفسيه.. منصور : انتي من متى كانت نفسج تبانيه هاااااااااه.. من خذتج ولا سمعت منج كلمة حب .. ما سمعت منج اي شي اي كلمة اتقولها اي حرمه حق ريلها.. وانا حتى ما اعرف اذا اتحبينيه ولا لاء.. ما اعرف شو شعووووورج جدااااااايه.. حيرتينيه فياااااااااج.. وانا ما قصرت ولا فكرت اقصر فيييييييييي حقج امره .. حتى ظلمت نفسيه والسبه انتي.. سهرت الليل والسبه انتي .. تعبت والسبه انتي.. مرضت والسبه انتي.. اتغيرت حاليه والسبه انتي.. حتى الدموووع واللي ما قد صحت طاحن والسبه انتي.. يعله من نفاااااااااااااد الحب جااااااااااااااااااانه ذلنيه... انا في حيااااااااااااااتيه ومن استويييييييت محد ذلنيه بتييييين انتي وبذلينيه.. لا ولله.. وديمه : لووووو سمحت الحينه بتعق عليييه هذا كلله.. وانا شو ذمبيه.. هاااااااااااه.. انا اللي ما قصرت فيييك .. وانته ما شاء الله ما قصرت فييييه.. كنت مرتاااحه قبل لا تاخذنيه... منصور : لا والله... صدق... سبحان الله تونيه اعرف.. ما عليه من رمسج انا يالله.. وديمه وهيه اتصيييح ومطت ايدها وضكت عنه ورى : انته شوووو من البشر .. اصلا انته في حيااااااااتك ما بغييتنيه شو اللي غييير... هاه.. منصووووور .. خلاااااااااااص لو سمحت انا ما أ ب ااااااااااااااااااااااااااااااك تسمع. منصور : والله تبينيه ولا غيره يالله فضحتينا الكل مستغرب والكل يتنشد شو المستوي افتضحت ما عرفت شو ارد علييييهم.. يالله جداميه وديمه : والله ما اضهر.. خلاااااااااص ما ابااااااااك.. منصور انته ما تفهم.. غصب يعني اللي ما يباك تتلزق فييييييييه.. تدري طلقني.. هووووب انته تبا اطلقنيه قبل.. طلقنيه الحينه .. خلاااص ما اباك والحمدلله انه ما شي يربطني بك يعني طلقنيه احسن.. منصور : انتي شو اتقولييييييييين اطلقج.. والله لو اتمووووووووتين ما طلقتج.. انتي اتعرفين هذا شو يعني.. موووووووتي.. وديمه : ومن متى... وشو يخصه ما احيييدك يا منصور.. ما احييييييد انك تهتم فيه... منصور من عرفتك وانته اتعاملنيه غييييييير ولا كنت ادري شو سبب هالمعامله حتى انته اللي خليتنيه اكرهك ليييش ما ادري بس لانك ما اتعاملنيه عدل... منصور حتى يوم خذتنيه استغربت انا من معاااملتك.. قسم بالله شكييت فالسالفه.. حسييييت انه تمثيل × تمثيل.. هوووب هذا انته.. والحينه ضهرت على حقييقتك يا منصور.. آآآآآآآآآآآآآآآآآآآآآآه ويييليييه >> وتمت اتصييييييييح منصور : وديييييييمه بقوووولج شي يمكن ما اتصدقينه بس والله والله العظيييم انج من طحتي فهدنيا وانا احبـــــــــــــج... حتى احبج شويه.. اعشقج.. الا اتنفس هواااااااااااااااااااااج.. ودييييييييمه انا متخشع تخشييييييييييييييييع.. امووووووووووت فالارض اللي توطاها جدمج.. قسم بالله احببببببببببببببببببببببببببببببببج.. اتعرفيييييييييين شوووووووووووو يعني.. اتعرفين شو يعني الواحد يوم يحب ويكتم حبه ويعيييش في حاله محد يعلم ابها غير ربه اللي خالقنه....)) وشللها بصوت حزيين مخنوووق خانقتنه العبره.. بدون لحن لانه اصلا هووب قادر (( أحبـــــــــك لو بـــــــــــغيييت انســـــــــــــــــاك مقـــدر.. أحبـــــــــــــك لا تســـــــال القـــــــــــــــلب اصـــــــــــبر.. أحبــــــــــــــك مـــــــن زمــــــــن يـــــــوم الطفــــــــــــــــــــــــوله.. ويــــــوم الوقــــــــــــــت أحــــــــــــــــــلام وتـــــــــــــــــــــــصور.. وديمه هوووب مصدقه اللي تسمعه.. منصور : اففففففففف... )) واتغيرت ملامح ويههه ولف ويهه عنها لانه حس ابعمره بيصيييح (( وديمه نزلت راسها : منصووورون خلااااااااص طلقنيه.. منصور : اطلقج.. جيييه انتي ما تفهمييييييييين.. ان طلقتج بعلن وفاااااااااااااااااتي.. ما اروووووووووم.. وانا هوووووووب مطلقنج ان طرتي ولا ان حليتي.. وديمه : غصب... وانا ما اباك.. خلااااااااص يا اخي اذا انته صدق اتحبنيه على قولتك طلق وخلنيه اعيييش حياتيه.. اذا كنت صدق اتحبنيه.. منصور : هذا اللي ما كنت ابااااااااااااه... يعله النفااااااااااااااااااااااد الحب اللي ذلنيه لهدرجه... انا منصووووووور الللي محد قد تجرأ يذلنيه.. آآآآآآآآآآآآآآآآآآآآآآآآآه يا الدنيااااااااااااااااااااا.. وديمه : منصوووووووووووور ... طلقنيييييييييييييييييييييييه.. الله يســـــامح يوم في حقـــــي أخطيـــــــــــــت... والا انـــا ما اســــامح الدهـــــــر كلــــــــــــــه... ما اســــــــــامحك يوم انته عنــــــي تخليييييت.. وعـــــــــذبتني سنتين مــــــــن دون زلـــــــــه.. خلني بزيـــــــــــدك يا الغلا من الشعر بــــــيت.. حلفت منسى ليـــــــــــــن دمــــــــــــــعك تهله.. تقول سامحـــــــــــــني وانا اقول يا ليــــــــــت.. مع السلامه روح مـــــــــــــــــــــرضى المذله.. منصور سمع هالكلااام و طالعها وقبل لا يضهر طااااااااااحت دمعته.. وديمه شافت دمعته.. اووووووووووووووووول مرررره.. اول مره منصور يصييييح.. اول مره حد يشوووووف دموووووع منصوووور.. منصور راعي الهيبه والشخصيه والحشمه والسوالف والطيبه والجرأه وال... منصوووووووور طاحت دمعته.. وديمه انصدمت منصووور يصيييييييح وعليهااا بعد.. وديمه اتقطعت من الصااااااااايح منصور ضهر من عندها متغيييييييييييييض ولا رام ينطق بكلمه منصوووور حس خلاااااااااص ما يبا يذل عمره اكثـــــــــــــــــــــــر.... بس هوووب متعوووووووووووود على هالشي ضهر منصووووور متغييييييييييييييييييييييييييييييييييييييض وحااااااااااااااالته حاااااااااااااااااااله وديمه هلها كانوا بيسيرون دبي وبيباتون هناك يومين وبيردوون... وامبونها ما بتسير لكنه عالسريع زهبت عمرها ونزلت قبل لا يضهرون لانهم كانوا يالسين يحطون الشنط فالسياره.. وديمه ميييييييييييته صايح حتى ما اتشوف شو يالسه اتحط او اتسوي من كثر الصاااااااااااايح وديييييييييمه مييييييييييته على منصور.. تبااااااااااااااااااه.. لكن ما تقدر اذل عمرها اكثـــــــــــــــر بس.. بس اللي صااااااااااااار .. نزلت عالسريع وركبت السياره وساروا دبي... منصور سار صوب العرقوووب ويلس هنااااااااك يصيييييييييييييح ويوووووووون.. منصووووووووور خلاااااااااااااص حس ابعمره انه مااااااااااااااااااااااااااااااااااااات.. ضهرت روووووووووووووووووحه... آآآآه من شاجي افواده.. من الغرام وصد به مـــــــــــــوده.. ماخذن لشوق وقاده .. لي شرى نور القمر خـــــــــــــــده.. هو شفات القلب واسعاده.. بو عيانن دعج مـــــــــــسوده.. ما احمل فرقاه وابعاده.. ولا حمل هجره وصــــــــــــــــده.. في حشايه نار وقاده.. من غرام الــغالي مـــــــــــــــــوده.. دمع عيني خرس اوساده.. يوم عنـــــــــــي اعلن ابصده.. لي سعو لحسود ببعاده.. يحترق بشوفت امـــــــــــــــوده.. لي عذلت القلب ما فاده.. ولي صبرت الصبر له حـــــــده.. منصور يلس وعقب نش ما رام خلااااااااص تعب.. وكان يبا يسييير البيت .. ركب سيارته.. ودقها سلف ونهي صوب بيتهم وفالدرب يعني هو فالبر يالس وناهي صوب بيتهم وديمه ما خاازت عن باله ويالس يفكر فيها وكل ما يفكر كل ما اتزيد المواجع وكل ما يزييد هطووول الامطار قصدي الدمووع وطبعا بينهم علاقه طرديه.. وبتالي بتسوي خط مستقيم..>> شو يخصه.. ^_* منصور قلبه يتقطع.. وكل ما يذكر كلمة طلقنيه بدوووون شعووور يدووسس عالرييس ويسرع.. وصدق منصور اسرع وما ينتبه عالسيايير.. ولا يوقف لا عند لفه ولا عند دوار ولا شياته خاطف ولا جنه حد جدامه غير وديمه.. وديمه يالسه فالسياره وطووول الدرب محد جداااااااااامها غير الغناااااااااااااااه العوووووووووووووووووووووووووووووده منصووووووووووووووووووووووووووووووووووووووور.. منصور بدووون مايحس او ينتبه.. خطفت شاحنه عووده جدامه.. هو مسرع وهوووب منتبه.. وخلاف انتبه.. وياي بيخبط بريييك وكسر عالسكار ولف بالقووو وانجلبت السياااااااااااااااااااااااااااااااااره عليييييييه (( 5 )) جلبااااااااااااااات الشاحنه لفت بالقو بس من كبرها ما رامت بس ما شي استوابها.. واحد كان ياي راعي استيشن وكمن سياره نزلت بسرعه تتلاحق هالمنجلب خاصه انه في مقطعه صوب البر يعني هوووب مقطعه امره.. لا فيه سيايير سايره وراده ... يلسوا يدورون راعي السياره ولقوووه طايح الصوب الثاني من الشارع.. ناطر من دريشه السياره اللي كانت على يمين الشارع ومنصور طايح والدمان صبيب على يسار الشارع.. ابسرعه اتصلوا على الاسعااااااااف والشرطه وشلووووه وطاااااااااااااااروووووووووووووووووبه الدختر... واللي يشوووف السياره او شافها متوقع انه راعي مااااااااااااااااااااااااااااات.... واستوت الحشره.. وودوا منصور غرفة الانعاااش وحشره استوت فالدختر.. وخلاف اتصلوا بأبو سعيد .. ودرى بالسالفه وخبر ام سعيد وسعيد واحمد وطاروا الدختر صوووب ولدهم.. الكل فالدختر على احر من الجمر يبون يعرفووون شو حل بمنصور... (( بو سعيد / ام سعيد / سلامي / احمد / سعيد / زاهره / سلطان / النيره )) كلهم هناك على اعصابهم... قوم وديمه وصلوا الفندق توهم ما وحالهم يالسين حتى ينزلووون الشنط.. وديمه قلبها اتحسه يعوووووووورها بالقووووووووووو.. صدق صدق يعورها.. ما اتعرف ليييييييييييش.. بس حاسه انه فيه شي... عقب اتصلت سلامي بودوووم.. وديمه : مرحباااااااااااااااااااا بالغاليه.. سلامي مييييييييييييييته صاااااااااااايح حتى ما رامت اترد وديمه : ألوووووووووووووووه سلامي وهيه اتصيح : أ.. ا.. لو..ه وديمه : سلااااااااامي >> متروعه...... سلامي ما ردت عليها.. اتصصيييح بصوووووووت فضيييييييع... وديمه : سلااااااااااامي.. اتصيييييييحيييييييين... سلامي : و..وود.. >> ويلست اتصييييييييييح وديمه : سلاااااااامي بلاااااااااااااج.. ليش اتصيييحيييين... سلامي ما رامت ترمس وسكرت في ويهها.. سلامي من الضيجه اللي فيها كل ما اتحاول اترمس حد من اهلها ما يرد عليها ويصيييح.. تبا حد يخفف عنها بس ما رامت... وديمه اتروعت.. اتصلت بالنيره.. ما ردت عليها.. زاااااااااااغت.. اتصلت بام سعيد ما ردت لانها نست تليفونها فالبيت من العيله (( العيله = السرعه ))..وديمه قلبها عورها زوووووووووووود سارت واتصلت عالبيت وردت عليها سريات البشكاره وديمه : ألووه سرياتي : هلووو وديمه : منوووه سرياتي : خدامه.. وديمه : سرياتي.. سرياتي : يس وديمه : وين ماماه سرياتي : مافي موجود وديمه : وين روح سرياتي : برى.. وديمه : انزين سلامي .. بابا. سرياتي : محد نفرات منيه وديمه اتروعت.. : بسم الله وينهم.. ما تدرين وين سارووا.. طبعا سرياتي زعلاانه واتصييح بعد هيه من صياح العايله خاصه انها عندهم من زماااااااان من يوم منصور صف 3 بس طبعا ما ربته.. هاللي ناقص.. سرياتي : كلش روخ مستشفى وديمه بردت اعظامها : مستشفى لييييييييييييييش حد فيه شي.. البشكاره وهي اتصيح : منصور مووت وديمه : شووووووووووووووووه.. واتيبست وفرت تليفونها بقوووه.. وانصدمت وتمت تزااااااااااااااااااعج.. شرى المينووونه صابتها حاله هستيريه.. وتعبت. وديمه : لااااااااااااااااااااااااااء.. منصوووووووووور ما مااااااااااااااات.. لاااااااااااااااااااااااااااااااااء.. مستحييييييييييييييل.. يجذوووووووووووب عليييييييييييييه.. لااااااااااااااااااااااااااااااااااااااااااااااا.. لاااااااااااااااااااااااااااااا ليتينه انا وهوووووووووووب هوووووووووووووو لااااااااااااااااا.. منصوووور انا احببببببببببببببك.. منصور والله كنت بقوووووووووووووولك انا احبك... انته كنت تتريا هالكلمه منيه.. منصووور جان صبرت.. منصور انا ما اقدر اعيييييييييييش بلياااااااااااااك.. مستحيييييييييييييييل.. لااااااااااااااااااااااااااااااااااااااا وصل الخبر حق ام محمد وحمد.. حمد بسرعه سار صوب حجرت اخته اللي سمع صوووتها واتروع عليها.. حمد فج الباب ولقى اخته حالتها حااااااااااااااااااااااله.. حمد : ودييييييمه >> بكل حزن ابروووووووحها يلس يصيييح كله ولا خوييييييه توأم روووحه وربيعه.. وديمه : حمد .. لاااااااااااااااااا.. حمد .. منصور.. حمد انا اباااااااااااا منصوووووووووووووور.. حمد انا احبه.. اريد اقوووله.. ليييييييييييش ما يصبر لييييييييش جيييه مستعيل... هووو قال انه بيعلن وفاته امس .. لييييييييييش جيه مستعييل انااا ابااااااااه حمد حزن على حال اخته وسار صوبها شوي ولانها طايحه مغمى عليها ربع صوبها وحاول يوعيييييييها.. ويالله يالله نشت... ويوم نشت وديمه وهي ميته صايح وخلاااااااااااااااااااااااااااص : حمد ابا منصور ودنيه منصور.. ابا اشووووفه دخييييييلك حمد على طول وقف اخته ونزلوا تحت وطاااااااروا صوووووووب دار الزين.. ساروا صوب العين.. وين منصور والله يعلم شو بيستوييي...
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
