 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-23-2019
|
||||||||||||||||||||||||||||||||
|
||||||||||||||||||||||||||||||||
رواية / لآ تعتذر لي حبيبي خلني بجروحي أموت ولآ تنحني لي ..~/البارت الثاني
البارت الثاني ..~
*** ياعمي غيِّب ! واتعبنِي [ وإهدم كل ماكنت ابني ] ياعمي اقسى | بلا تفكير بلا حتى | ثواني وطيش . ياعمي انسى الجريح وطير | بلاحتى اماني وريش . ياعم إرسى على التنطيش . اهم اشيائي بالدنيا | سلامة قلبك الطيب, وعساك انتَ سعيد تعيش . *** عند الجوري وشجون .~ شجون بقهر:خلاص بس ما يصير اروح عندهم متأخره الجوري وهي ترش العطر وتعدل اللثمه:خلصت اكلتيني تو بدري سحبتها شجون بتأفف وطلعت معاها وهي تتحطم منها الجوري:خلاص جد انتي ما تملي من الزن شجون:لا عاد الساعه 9 الا شوي وعزيمة اهل زوجي واروح اخر وحده الجوري:بس عدال حلقك زوجي الله والاهل سعود وابوه وامه وزياده عيسى شجون:ويش فيهم وبعدين عيسى اللي مو عاجبك الف وحده تتمناه الجوري:على شنو يا حظي لا يكون صاكه شي من دي كا بريو و الا ولد بيت شجون بقهر:خلاص لا تنرفزيني الجوري:بطلي طاري عيسى ابطل انرفزك واللي في بالك شيليه شجون برجاء:والله شاريك وما في منه لا تخسرينه الجوري:اقول انزلي وصلنا نزلت ودخلوا لقسم الضيافه كان قسم منفصل عن فلتهم الاصليه مخصص بس حق الحفلات والاستقبال شجون:تعالي شوي جوا ابي اتاكد من شكلي قبل ندخل الجوري:يلا امشي عيسى اللي ما طلع من البيت لان بالعاده من تجي مع شجون تتاخر لان شجون توصلها معناته راح يشوفوها طالع من شباك غرفته يالله لو ما دخلت شجون هنا مستحيل اشوفها حيل بعيد خل انزل اسأل الخدم جات والا لا؟ طلع من غرفته وقبل ما ينزل من الدرج سمع صوت ضحك وهواش وقف وهو مستغرب من يكون هنا؟ شجون:الجوري بس خلاص خل نطلع الجوري وهي ترمي بنفسها بمياعه ع الكنب المقابل الدرج:شجون والله فيني نوم واحد تافه اليوم ازعجني شجون :قومي حسبي عليك لو احد دخل وشافك وش يقول بلع ريقه اكثر من مره وهو يشوف فستانها الكحل اللي فوق الركبه بشوي راسم تفاصيل جسمها شعرها المقصوص بطريقه مبعثره زادها حلا صوتها دلعها تعليقاتها رشت بعطرها في السماء وشمته شجون وهي تمشي قدامها:خير الجوري:بس ابي اتنفس عطر شجون اللي بعدت عنها بخطوات:الحقيني اذا ودك الجوري شهقت وركضت وراها بسرعه:صدق نذاله تجيبيني وتخليني شجون وهي تمشي بسرعه:ايه اخليك طفرتيني نزل ورمى نفسه ع الكنب وهو يتنفس عطرها سحب اغراضها اللي ع الطاوله وجلس يفتش بشنطتها وهو مبسوط ع الاخر سحب جوالها واستغرب ما عليه رمز جد غريبه مره عادي عندها وفتح ع الاسماء وجلس يضحك وهو يقرا الالقاب طلع ودخل ع الاغاني كان مزاجها غيره بس رومانس لاحظ انها تعشق اليسا لان الاستديو كله لها ونادرا يلقى غيرها فتح الرسائل وجلس يقرا كان مبسوط وهو يعرف عن شخصيتها اكثر وقف عند رساله((مجنونه تمدين يدك عليه وهو ليه سكت جد قويه))وفتح اللي بعدها((انتي واقفه بجهة الرجال شي طبيعي هو مو غلطان )) اتجه ع المرسله وجلس يفتش لحد ما وصل لمسجات صدمته((هيوف جد حقير وتافه ومنحط عيسى التبن من عمري مااحبهم وبعدين امه اللي ذبحها الاتيكيت ليه ما ربته بس عطيته كف برد حرتي فيه)) فتح اللي بعده((ايه اعطيه جاي يتلصق فيني يقول له يمون والا بامريكا على الحركات هذي سخيف))عض ع شفايفه بقهر اجل حقير ومدري ويش؟ولا اتلصق فيك بسيطه رجع بذاكرته لقبل شهرين كانت امه مسويه حفل بالبيت زي العاده تفاجأ ان مسج جاه ع جواله ! بس ما عرف من المرسل: ((عيسى حبيبي ربع ساعه باكون بجهة المغاسل اللي عند الرجال ابي اشوفك)) عيسى((مين؟)) ((لا شفتني تعرفني مجنونتك لاتتاخر)) مشى وهو مستغرب لف يدور مشعل معقول مقلب منه ابتسم ع اساس مشعل مسوي مقلب فيه ومشى بسرعه لجهة المغاسل قبل الوقت اللي قال له عنه عشان يشوف ويش يسوي دخل كانت الجوري تعدل مكياجها من بعد ما خرب عليها بحوسة السلام وقف متجمد ومو مستوعب هذي بنت من جد من تكون؟كانت لابسه فستان احمر طويل ماسك على جسمها والظهر كله مفتوح ما كا مبين وجهها لانها تحوس بالشنطه كان شكلها مغري من غير شعور قرب منها وحط يده على ظهرها ومررها عليه ببط ولف وجهها اما الجوري كانت في حالة صدمه من يكون وقت مالف وجهها وشافته شهقت بخوف وبعدت:وش تبي؟ عيسى:وهو يتاملها انتي اللي تبيني قرب منها اكثر امريني شنو ! وقف قربه كف منها على وجهه:انت حقير دفته بقوه لدرجة ان توازنه اختل وكان بيطيح بس وقف بسرعه و وازن نفسه سحبها بقوه:انا عيسى عبدالله ما انخلق من يمد يده علي وانتي اللي جيتي لحد عندي انتي من طلبني جايه تسوين اخلاق سحبت يدها بقوه منه وصوت خنقه البكاء:انت جنيت من جاء صوبك انت تبي تتبلى علي سحبت اغراضها وبقوه وقهر:اعتبر ان الكف هذا درس من الجوري بنت نايف عشان تعرف حدودك وروح دور وحده من مستوى اخلاقك وطلعت بسرعه من المكان بحاله من بعد مادقت على سواقها اما هو ظل بصدمته من كلامها قوتها مدري ضعفها وش تقصد هي ارسلت هي رفع راسه على صوت كعب وعطر قوي حس من قوته انه بيختنق فيه سوسن بمياعه:جاي بدري لو ادري كان جيت من وقت ماارسلت المسج ما توقعت تتلهف لشوفتي هالكثر عيسى وهو يسحبها بقوه لعنده:اجل انتي الحقيره اللي ارسلت المسج سوسن بخوف:ايه وش فيك حبيبي عيسى:حبيبك؟ سوسن:ايه حبيي وزوجي تو خالتي وماما يتكلمون وانا وافقت عيسى:يالجيكره لو ماتبقى غيرك بالارض هذي انثى ما قربتك سوسن وبمياعه:ليه؟ عيسى بقهر سحبها لعند المغاسل وفك المويه عليها لحد مااحتاس شكلها ورماها ع الارض:اسمعي يا بنت الناس الزمي حدك معاي والا والله اوريك شي عمرك ما شفتيه ((سوسن بنت خالته عمرها 22 سنه تحبه من زمان بس عيسى ما عمره بادلها الشعور وتحلم باليوم اللي يكون لها ومستعده تسوي أي شي عشان كذا بنت مدلعه اهم شي شكلها انسانه سطحيه لا بعد الحدود )) غمض عيونه وهو يشم عطرها اللي رشه عليه رجع يكمل بعثره باغراضها وهو مبسوط سحب جالكسي من شنطتها وايشارب جلس يأكل برواق وهو يشم الايشارب حقها وهو مبتسم جاء مسج ع جوالها فتحه وبعدها اطلق ضحكه قويه ! وهو يقرأ المسج اللي من صديقتها((ههههه جوجو مره رحمتك يومك سي لابعد حد انحرمتي من مادة دكتوره زينات ومدري مين مزعجك ؟وبالاخير راح تروحي عند عيسى بس يلا مو تقولي الى اليوم ما نسيتي عيونه من جمالها مشيها على مبدأ ان الله جميل يحب الجمال هع هع)) ابتسم من جديد يعني تشوفيني حلو يا جوري؟ ما توقعت مره اشغلك لهدرجه تكرهيني و مو طايقه شوفتي؟ بسيطه والا ما يهمني حبيتيني والا كرهتيني المهم انك سكنتيني وما ظني راح تطلعي من داخلي بيوم!! رجع رمى جسمه ع الكنبه وظل يقلب بجوالها من بعد ما لف ايشاربها الاسود ع رقبتها عند الجوري وشجون اللي كانوا ملفتات حيل والكل يسأل عليهم وهذا زاد ام سعود غرور خصوصي ان شجون زوجة ولدها شجون:جوري وش فيك؟ الجوري:بس تعبانه شوي ما نمت زين شجون خل اروح البيت خلاص عماته مو هنا تطمني شجون بضيق:زين خلاص بالرغم ان ودي تسهري معاي بس اعتذري من عمتي وطلعي الجوري:لازم؟ شجون وهي تبتسم لسوسن اللي جات صوبهم:ايه لازم سوسن:هاي شجون:هلا الجوري اكتفت انها تحتقرها وتدور بعيونها على أم سعود لحد ما لقتها وقفت بس وقفها صوت سوسن:وااااااو جوري فستانك مره حلو بس مدري استايل شعرك مااحس يناسبه الانوثه يعني لو الجوري بملل:يعني لو تنكتمي يكون أحسن ما اتوقع سألتك ولا طلبت شورك سوسن:مره مو كلاس مافي ذوق خلق وفرق الجوري طنشتها ومشت لعند ام سعود:سلام خاله ام سعود:هلا حبيبتي الجوري:بس حبيت أعتذر تعبانه ومو قادره اكمل السهره بس مشكوره كل شي مره ذوق ام سعود:وش دعوه كملي لسى ما بدينا سهر ورقص و وناسه الجوري:معليش بس وراي دوام باكر وماارتحت اليوم ام سعود:الله يوفقك ان شاء الله زين خل اقول للخدم يجيبون اغراضك وينها الجوري:ها توها تذكر وين خلت أغراضها وبأرتباك:لا شدعوه انا راح اقول لاي وحده منهم تجيبها ما يصير اكيد كل اللي بالحفل بيسأل عنك ام سعود بفشخره:أي والله تقولين ها شوفي هذي أختي تاشر لي تبيني يلا مع السلامه يا روحي الجوري:مع السلامه أشرت لشجون اللي تسولف مع صديقاتها انها بتطلع وطلعت تنهدت وهي تشوف الطريق طويل مشت بملل لحد ما وصلت سمع صوت كعب ونط بسرعه شافها وهي متقدمه بخطوات بطيئه وتطالع بالارض وكأنها تفكر بشي أبتسم ورجع مد جسمها وكأنه مو عارف بدخلتها عليه ! كان يحس دقات قلبه تزيد من تقرب بخطواتها طالعت بالطاوله اللي بنص الصاله وهي رافعه حاجبها ! وشلون أغراضها مبعثره من تجرأ وفتحها ! لفت على الكنبه اللي عليها عيسى وشهقت بقوه وهي تشوفه جوالها بيده وايشاربها لافه على رقبتها ! وقف بسرعه وهي بعدت بس سحبها لعنده بسرعه:ووووين تو الناس يا الجوري الجوري وهي تتنفس بقوه وتحاول تفك يدها من يده بس ما قدرت عيسى:ههههههههههههه شكل قوتك بلسانك بس الجوري بقهر:بعد انت جد حقير عيسى: ليه؟ سحبت يدها ولمت اغراضها المتناثره ولفت عليه وهي تحاول تداري دموعها وبصوت يرجف:هاتي جوالي والايشارب عيسى بعبط:لا الجوري وهي خلاص مو صله حدها بداخلها عنك ما جبتها لبست عبايتها اللي من حسن حظها أن مافي أحد شالها ! و أخذت شنطتها بس وقف قدامها:وين؟ الجوري :مو شغلك عيسى وهو يسحب لثمتها:لا أبكي احسن بعدين ابي اشوفك عدل جت تبي تمد يدها بس مسكها:نو نو نو لا حبي أنتي المره الاولى لك دخل جوالها بجيبه ورجع كمل بكل برود:بس هالمره لا ما يصير بيبي زين الجوري وهي تحاول تدفه:لا مو زين أنت جد مو متربي عيسى:لا تكبري بالكلام الجوري:بعد عني خلني أطلع أنت وش تبي اللحين؟ عيسى بهيام:أبيك جوري لا تنزلي وجهك خل أطالعك الجوري لفت وأعطته ظهرها قرب لحد ما حاوطها من خصرها حس أنفاسها السريعه كانت مصدومه معقوله في أحد بالوقاحه هذي ! لا لفت وكان المشهد ينعاد عليه من جديد غمض عيونه من بعد ما طبعت أصابعها على خده :تفووووه عليك وعلى من رباك ! الظاهر مالقيت أحد يربيك وعيشتك بالشارع اربع وعشرين ساعه خلتك زي اولاد الشوارع ما قدر يسكت او يكتفي بالصدمه ! رد لها الكف بواحد اقوى خلاها تطيح من قوته ع الارض حست أن الدنيا تدور فيها و أن كل شي فيها متوقف ظلت تطالعه بصدمه ! وهي فاتحه فمها على وسعه هي عمر ما أحد مد يده عليها تنضرب اللحين لانها دافعت عن نفسها قرب منها ! وهو لسى راسم على وجه علامات الزعل والتعصيب منها ! كل ما يقرب كانت تزحف على ورى شاف عيونها اللي أمتلت بالدموع وخدها اللي علمت اصابعه عليه ! نزل لعندها وهو يمسح دموعها :أسف وربي غصب عني الجوري برجاء وبكاء:ابي اروح عند شجون بعد لا تقربني عيسى:طيب طيب مو مقربك بس لاتبكي واللي يسلمك خلاص كانت تشوف كيف ندمان واضح على وجه هالشي لفوا بسرعه لجهة الباب ! وهم يسمعون أصوات صراخ وخصام بلع ريقه وهي رجعت تبكي لانهم كانوا يسمعون شجون امها خالته وسوسن خاف عليها ! خاف أحد يشوفهم مع بعض وقف بسرعه وهو يبي يركض لغرفته بس لو أحد شافها وش بيقول؟وكيف بتصرف :قومي بسرعه الجوري:وين؟ عيسى:تعالي معاي الجوري بقهر:مو قلت وقح و غطى بيده على فمها وسحبها بسرعه معاه وسحب شنطتها راح جهة الدرج اللي كان قريب من المطبخ دخلت ام سعود:لا يا سوسن هذا مو تصرف مو أسلوب سوسن بمياعه:يعني شنو طلعت غلط شجون برواق:مهما كان هم ضيوفنا ما كان لازم تقولي شي لهم حس بدموعها اللي تنزل على يده قرب منها وبهمس:الجوري أذي نفسي بس أنتي لا لا تخافين يا حبي انتي ! عض ع شفافه من بعد كلمته الاخيره اللي طلعت غصب عنه ! بس ظل صداها بأذن الجوري كانت قريبه منه لدرجة تسمع أنفاسه ! كان مغطي بيده على فمها ومحاوطها بيده الثاني كان مبسوط ع الوضع وهو يشم عطرها وهي قريبه منه ! ام سوسن:بنوتتي مو غلطانه عيسى بحقد:مالت اذا عدوا البنات عدوها معاهم حسيت بزلزال من قالت بنوتتي كان ودها تضحك بس مو وقتها ابد ام سعود:لا مو غلطانه انا منظري شلون قدام الناس اللحين سوسن بمياعه:يو خالتو يعني تبينها تتغزل بزوجي و أسكت لها لا ما قدرت اغير انا على عيسى حبيبي عيسى بقهر:عسى الله يأخذك حبك قرد أسود عنده نفسيه يالكشه يالجيكره حسبي عليك من خاله جلستي تتعالجي طول عمرك ! وبالاخير جبتيها ومن جبتيها رد نسلك انقطع ما عادت استحت تزوجتني خلاص الغت شخصيتي ! كانت تسمع سبه وتحطمه وما تبي تضحك غصب عنها ماقدرت ! حس بجسمها يهتز بحضنه نزل راسه وشافها ميته ضحك ووجها أحمر ! لانه كاتم على نفسها أبتسم غصب عنه وهو يشوفها كذا ! قرب منها:كان ودي اسمع هالضحكه ! اللحين بنطلع من هنا من صوب المطبخ ومنها من الباب الخلفي للبيت ! *** brb 
 
|
|
10-23-2019
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
سحبها بسرعه معاه لحد ما طلعوا للحديقه ظل ماسكها وهي تحاول تبعده بس مافي أمل !
داست بكعبها الحاد على رجله:آآآآآآآآآآه وش ذا دفها لبعيد عنه الجوري وهي تبعد شعرها وتتنفس بقوه تحس انها انكتمت طول الوقت تتنفس عطر عيسى وهو يمشي لعندها جوري يرجاء وبنفس متعب:لا تقرب كفايه اللي صار عيسى:أسف عدلت شيلتها وتلثمت :عطني أغراضي أبي اروح عيسى بخبث قفل جوالها وطلعه ومده لها:خذي الجوري بصدمه:ليش تقفله عيسى:ماقفلته بس خلص اشحن استخدمته واجد احتقرته ودخلت بالشنطه سحبها:وين تبين تفضحين نفسك مافي طريق الا انك تدخلين من المطبخ الجوري بقوه:عادي كنت أشرب أكل أي شي عيسى:"طيب ووجهك شنو الجوري بحقد:يعني؟ عيسى:أوصلك أنا الجوري:تحلم حضرتك عيسى:أجل من يوصلك؟ الجوري:سواقي عيسى:وشلون بيعرف جوالك خلص شحنه ولا تتوقعين بعطيك جهازي أسف الجوري احتقرته وظلت تطالع بالمكان وشلون يعني مافي ألا هو قدامي مقدر أرجع من بعد اللي صار شكلي عفسه وشلون اظل هنا معاه ! كذا وكذا أنا معاه أهم شي يوصلني ويخرجني من هنا:طيب يلا عيسى لبى قلب العناد بس:وين؟ الجوري:وصلني عيسى:يمكن ما أبي الجوري:سخيف مشت بسرعه:اوقف أي ليموزين أبرك منك عيسى سحبها:على كيفك؟ خلاص بوصلك بس شوي اجيب السياره هنا طلع وبعد فتره رجع:يلا مشت بتعب معاه تحس هاليوم أرهقها بقوه فتح الباب اللي قدام:تفضلي احتقرته واتجهت عالباب الثاني وهي مطنشه عيسى:خير الجوري:وش تحس فيه مو راكبه سحبها بقوه ! وقفل الباب وركب:على كيفك لا تفكريني سواقك بس الجوري:ما تستحي عيسى وهو يطالعها من فوق لتحت وبخبث:اممم زوجتي ليش أستحي؟ رجعت لصقت بالباب وهي تحس بأحراج من نظراته فضلت تسكت بس تخلص من هالمشوار كان كل شوي يوقف متعمد يضيع الوقت وقف عند محطة بنزين الجوري:خير؟بتطول؟ عيسى:اعبي بنزين بعد شنو؟ الجوري وشوي تبكي:خلاص طفشتني انت ما تفهم عيسى:طيب طيب خلاص حركت ارتحتي لفت ع الشارع وطنشته قرب من بيتهم:وقف هنا عيسى:خير؟ الجوري:وقف وخلاص السواق برا عيسى:بس أمشي معاك الجوري :بس عيسى:أمشي والا اوصلك بنفسي الجوري:طيب نزلت معاه ومشى معاها لحد ما وصلت :جوري ترى انا قفلت جوالك والا هو فل ههههههههههههههههههه ومش عنها الجوري ظلت تطالعه لحد ما رجع سيارته وصدى ضحكته بأذنها! لآ أختنقت من الوجود ولگ لفيت آشهـڍ أن جوك » يجيب ٱلعافيه دخلت البيت حمدت ربها مافي احد قدامها طلعت ركض على غرفتها وقفلت عليها الباب ! رمت أغراضها وقفت تطالع بشكلها شلون الكحل نازل وخدها احمر والروج محتاس ضحكت على شكلها ! يعني هو شافها كذا؟ مسكت على خدها جعل يدك بعدين سكتت ظلت تدور عليها الاحداث حست بغصه تخنقها ! من تذكرت قربه منها وش تبي أنا عمري ما شفت أحد مثلك كأنك تسوي شي عادي وطبيعي سحبت شنطتها ! طالعت نص العطر رايح الشوكولا بعد تنهدت والايشارب بعد عنده فتحت جوالها واتجهت ع الرسائل غمضت عيونها ! يعني قريت مسج هيوف آه و القهر قامت تسبح وتبدل من بعد اليوم واللي صار كانت تحس عطرها اختلط بعطره ! بالنسبه لعيسى اللي كان في عالم آخر مشعل:مجنون صح عيسى:ليش؟ مشعل:أنت وين مفكر نفسك على هالحركات عيسى:ما قدرت مشعل والله أحبها مشعل:حبها مو تسوي اللي سويته وبعدين ههههههههههههههه عيسى:خير؟ مشعل:سوسن محجرتك من زمان ههههههههههههه عيسى بقهر:وانت ليش تضحك؟عاجبك هالبلا اللي أنا فيه بدل ما تقول انا عون لك وراح أتزوجها مشعل:هههههههه لا والله ما اتعدى على صلاحياتك يبه تحبك البنت حرام تكسر بخاطرها عيسى:وجع فيك على هالسيره خربت مزاجي بجد يآرب , وأن حطيت رآسي بنآم , طآر نومي وآنعفس جوي ويومي مآبقى فيهآ ملآمي آحرآم حتى أني مآعرفني من همومي لآ لذيذ النوم نومي ولآ آلفرح يمر يومي أنت ربي , تعرف بـ أكبر همومي أمطر أفرآح بـ غيومي ذآ حرآم أني أسهر وهو مرتآح وينآم مدى اللي منسدحه وتطالع في رشا اللي سرحانه وعيونها في السقف مدى:رشونا وش فيك؟ رشا:أبد أفكر بالحياه الورديه اللي منتظرتني مدى وهي ترمي عليها دبدوبها:هههههههههههههه جد فاضيه تنكتي؟ رشا:خايفه من بكره؟ مدى:ليش؟ رشا:من الحياه اللي بطلع لها الناس اللي راح أقابلهم مدى أنا شلون أعيش معاه وأنا متأكده مليون بالمائه انه مجبور مدى وهي تتنهد:حاسه فيك يا رشا بس تعرفي أنا أتمنى اليوم اللي أطلع من هنا بس عشان ابرد حرتي من الكلب نايف و أدفعه ثمن هالسنين رشا:وشلون بتطلعي مدى:صدقيني لو مرت هالاسابيع و ما طلعت راح أهرب مستحيل أخليه يتهنى اكثر من كذا رشا:من بيصدقك مدى:شريط الفيديو عند فجر مستحيل تكون رمته رشا:وينها مدى وهي تمسح دموعها:مدري وين بالدمام والا بمكان ثاني والا مرميه مثلي رشا بابتسامه:ربك كريم مدو بيجمعك فيها ان شاء الله وتأكدي ان اللي تدعينه ليل ونهار ما راح يخذلك مدى:يا حظه فيك رشا:مين مدى وهي تعدل جلسته:ألا جد وش اسمه اللي خطبك رشا:مدري وش اسمه تعرفي اذكر انه كان عنده ولد اسمه مشاري اكبر مني مدى:اجل هو دا رشا:يمكن جاب غيره مدى:يمكن رشا بقهر:بس يا كان يكفخني تكفخ يا مدى أكره نفسي مدى:ههههههههههههههه أجل خذي حقك منه اللحين لو طلعتي رشا:ولا يهمك بس افك شعري مدى:لا هذا خليها لعمتك يعني بس في الحالات الخطره رشا:ههههههههه طيب عاليه اللي تحط العشاء:خلاص يمه ما صارت محاضره محمد:خير؟ عاليه:امي جالسه تعطيني محاضره عن اخلاقياتي بالعمل وبعدين يمه هذي مدى عليها لسان من هنا للحجاز ام محمد:ولو تظل ضعيفه لا تاخذينها بذمتك عاليه:هي لو منها أمل ما كان رماها عمها وشال يده عنها حتى من نحاول نكلمه ينسحب ولا نقدر نوصل له محمد:من قلة اصله مو منها هالضعيفه ام محمد:أي والله لو تشوف هالبنت تقول ملاك من جمالها حرام اللي يصير عليها محمد:من عمها عاليه:نايف حمد العآمر معروفه محمد:كح كح كح ام محمد:اسم الله عليك عطيه الماي عاليه:اسم الله عليك وش فيك محمد:لا بس غصيت معليكم كملوا أكلكم وسرح بالاسم هذا يعني هذا اللي وقف وشهد بقضية أخوه انه استغفر الله بس ((عائلة محمد عمره 27 محقق في الامن الجنائي عايش مع امه واخته عاليه ابوه متوفي من زمان انسان هادي لـ آبعد حد حنون وطيب عكس شكله اللي دايم ينعطى له هيبه طويل وجسمه رياضي اسمر ووسيم )) عند عائله آخرى مشاري:يمه ليش ادفع الثمن انا ام مشاري :لا يا ولدي ابوك الله يرحمه وعمك كفروا باليتيمه هذي مشاري:ذنبهم ام مشاري:بس ابوك هو اللي اقترح انه يرميها هناك ترجيته يجيبها اربيها ! بس رفض وكبر راس اخوه وظلموها ما يعرفون ان في اخره شفه مات وهو ندمان ووده انه يرجع الزمن كان ما صار اللي صار وبدأت تبكي مشاري وهو يمسح دموعها:خلاص يمه راح يصير اللي تبين بس ان طلعت زي ما هي لا ندمها عيشتها ام مشاري :اذا بتاخذها وتكمل على اللي سواه عمك و أبوك لا مشاري:افا انا تربيتك يمه بس والله خايف ام مشاري:طبيعي ما راح تفهمون بعض على طول بس بالكلمه الحلوه والتفاهم تغيرها وانا امك وهي بعدها صغيره وخاطرها مكسور من الدنيا هذي مشاري بقهر:طيب انا بطلع ام مشاري:الله يحفظك ((عائلة مشاري عمره 27 سنه صديق محمد ويشتغل معاه بنفس المكان وحيد امه ابوه توفي من فتره وكانت وصيته رشا انه يتزوجها ويعوضها عن الظلم اللي سببه لها ! رافضها لانه يحس انه ما يقدر يتفاهم معاها ولا هي الزوجه اللي حلم فيها طول عمره )) دق على محمد:هلا مشاري مشاري بضيق:هلا محمد:خير عسى ما شر مشاري:لا بس شوي متضايق اقدر اشوفك محمد:اكيد نص ساعه ونتقابل مشاري:اوك أبسـٌآلگ !! ليـــٌہ آلحظوظ آلعامرھ للّرديين ؟! وَحظوظ منْ يوفون دوم " رديـــّہ أروى اللي جالسه سوالف مع ريم وضحك وكل شوي يدق جوالها يا امها او اختها او فيصل اروى:ردي يمكن انشغل بالهم عليك ريم:بس مناك لان اختها وولدها جايين اليوم اروى:ايون ريم بحزن:شذى تحبه تحبه يا اروى وهو يبيني ولو درت نزلت دموعها قربت اروى منها:ريم خلاص ليه صرتي كذا مكسوره واي شي يهزك وكذا كذا وسعد اذا مااخذك مستحيا ياخذها ريم:مخنوقه يا اروى لا ام لا اب فيصل وش ما قلت له ما راح يفهمني وشذى في دنيا غير وسامي وهم دراسته وغربته ! حتى اللي حبيته من قلبي خلاني اخسر كل شي وراح تركني لوحدني اروى:افا وانا وين رحت ريم:ما تقصرين اروى اروى :عيونها ريم :ضميني اروى وهي تضمها وبداخلها اعرف ما كسرك الا شوقك لك بالرغم اللي تقولينه عنه الا انك تحبينه تحبينه يا ريم ريم بعد فتره:خل اروح اكيد راح تنفجر اروى:ههه طيب بس انتي اسكتي لا تزيدينها ريم:ان شاء الله كيف ابرقد ؟ والعقيم يكون حلمه بالابوّه ! فجر اللي تتفقد الاطفال وتشوف ناموا يبون شي من بعد ما تطمنت عليهم ! طلعت لبرا وجلست تتذكر ايامها مع اهلها ونزلت دموعها ليه ليه قتلهم وظلمهم ! حتى كرامتهم وشرفهم دنسه اخذ حلالي وفرقني عن أختي ع الاقل لو خليتها معاي كان قدرت انسى شوي من ظلمك ! ضمت وجهها بيدها وهي تذكر طفولتهم:مدى لا تطيحيني مدى:انتي مدلعه وخوافه فجر:انا طيب والله اقول حق بابا مدى:شفتي انك مدلعه :بابا فجر ليه تبكي مدى:وليد طقها بس بعد طقيته بس ما بكى وليد:انا رجال ما ابكي مدى:ما احبك :خلاص عيب انتم اخوان مو لازم يصير معاكم كذا وليد:لا مى بس اختي فجر زوجتي بابا يقولها لي فجر ببكاء وهي تمسك يد ابوها:اصلا ماابيك انت كله تبكيني وليد بخوف:لا فجر اسف ماقصدي بس انتي زعلتيني فجر:طيب اخر مره مدى:بابا شوف غبيه سامحته :عيب مدى فجر:بابا شيليني :حاضر بابا هاتي دلوعتي انا نزلت دموعها حاره على خدها:وينك؟ تعال ابيك تضمني تعال شوف وش صار فيني؟ وانتي يا مدى وينك أكيد مظلومه دامك معاه وليد صدقت ان بابا كذا هزت راسها تبي تبعد هالافكار اللي اتعبتها حيل ! brb
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
