رواية/ وعندما رأت عيناي عيناك أدركتُ حينها أنك ستشقيني/البارت الأول

"بسم الله الرحمن الرحيم روايه "وعندما رأت عيِناي عينَـاك ادركتُ حِينها انكَ ستُشقِني " تحكي لنا عن قصه فتاة تعيش حياة معقده يحتويها الغموض، ترعرعت بعيدا عن والدتها في كنف والدها الذي يعمل في ترويج المخدرات وزوجته القاسيه، لا تعرف شي عن ماضيها او ماضي والدتها، .. تزوجت من صديق والدها، وكانت مجبره على ذلك، وبعد الزواج تحولت حياتها من الغموض الي التعب والشقاء، توالت الشهور إلي ان تعرفت علي هوية زوجها الحقيقي،، وإتضح انه يعمل في قسم القوات " محقق "،اي ان زواجها خدعه ..، لكن لم تقف حياتها هنا،،.. اترك لكم الباقي إلي حين التكمله روايتي بين ايديكم صمت المشاعر ـــــــــــــــــــــــــــــــــــــــــــــــــ ^^ الجزء الأول ^^ لا شي هذه المره غير اني اعيد رسمك الف مره لأتاكد اذا كنت لا أزال قادره على رسمك بدقه ام لا وهل يمكنني ذلك بأصابع هشمتهاا ملامحك .. رفعت جوالها ناظرت الساعه عضت شفتها السفليه بشهقه حطت فرشاه الرسم وجريت ع الصاله تنهدت بصوت عالي وهي نازله لما شافت ابوها توه طالع نادت عليه: يبـه يبــه .. فارس الصفقي بإبتسامه لبيه يا عيون ابوك لاحظت للعيون اللي تناظرها من بعيد بس تجاهلتها: ابي اروح لـ ماما اليوم .. تنهد حتى لا يثور، رفع سبابته بتحذير بس لاااا اوصيك اياااك والتأخيـر ملاك بترجي: لااايبه تكفى اليوم برجع متأخره شوي خلص يبه بعد الفطور كلمي السايق وروحي لها خايفه هالمره يعصب عليها مسكت ايده: بروح لها الحين ابي افطر وياها ناظر لها وابتسم: يا كثر حنتك يا ملاك ضحكت: وش اسوي والله لي زماان ما شفتها ومشتاقتلها حيييل .. بابتسامها اكتساها رضا توصي شي بفرحه ما ابي الا سلامتك باس جبينها وطلع بصوت غليظ وكله إستهزاء: وين راحيه انسه ملاك من الصبح تنهدت وهي تغمض عيونها اصبحنا واصبح الملك لله ردت عليها بأدب: عند امي قربت منها وبستهتار اكبر: إيه سمعت بس مافي طلعه قبل لا تطبخين وتنظفين المطبخ ملاك ابتسمت بسخريه خالتي ماله داعي اسطوانه كل يوم اذا طلعت قبل لا اسوي اشغالي قولي طنشتها بدم بارد وهي تجلس تفتح التلفاز ... انقهرت منها وراحت عالمطبخ خلصت اعمالها في حدود ساعه، راحت غرفتها اخذت شور طلعت ناظرت بالمرايه شعرها المرول تأفأفت منه وهي ترفعه ببكله لبست عباتها وطرحتها ونقابهاا وطلعت .... ركبت بالخلف وهي تطلع جوالها وتتصل في صديقتها صديقه القلب والروح رفيقه المواقف والايام الصعبه بعد ثالث رنه ردت عليها: وينك فيه ما تردين يا الدبه، صبااح الخيـر ردت عليها وهي تضحك: ههههه صباح الفل اسفه ياقلبي جوالي كان بعيد ابتسمت وكانها تشوفها: شلونك؟! وتين: الحمدلله طيبه انت اشلونك؟! تنهدت من رب العالمين بخير والحمدلله، اسمعي وش بقولك.. هاا امري حبيبتي ما يامر عليك عدو يا بعد قلبي مُري علي اليوم عند امي وتين: واخيرا صرحت لك المدام بالخروج ملاك: والله غثت معدتي من الصبح استغفرالله وتين بخوف عليها لا يكون سوت لك شي نفس كل يوم "تضيع الموضوع ما تبي تقرف يومها " ها ما قلتي وتين: خلص حبيبتي بشوف عبدالله بس هاا لا تفطورون ههههه ملاك: ههههه وحنا نقدر يلاا بااي وتين: بااي سلمي لي على خالتي وليوونه كثير ههههه يصل ان شاالله .. اللي يشوفها يقول عايشه بعز وما عليها ضيم ما يشوفون الضيقه والحظ اللي هي فيه من الداخل لفت وهي تناظر الشوارع وتتأمل الحي اللي عايشه فيه حي راقي لابعد حد حست انها مخنوقه وهي تتذكر هذاك اليوم قبل عشرين سنه جات على الدنيا هاذي وللاسف من وعت امها مطلقه وعايشه بعيد عنها ..وش السبب؟! ليش ابوها طلقها ما تدري ..ما تدري شي عن ماضي امها او اهلها، .. ما تدري شي عن حياتها اللي كل ما تسأل سؤال تطلع بنفق مقفول وما تلاقي جواب ..؛ ربتها جدتها ام ابوها ما دامت لها توفت وهي عمرها 14 سنه بعدها ابوها تزوج مره طاغيه وشريره ومتجبره عليهاا لكن هذا الشي كله ماا يظهر قدام والدهاا غير الوجه الطيب البشووش ..،ولهذا السبب ما تقول لابوها عن فعايل زوجته المجرمه مستحملتها عشان خاطره ومع هذا في بعض الاحيان ما تفهم ابوها في تصرفاته يمنعها تطلع من البيت ما يحب تسأله عن شي؟! يتحكم فيهاا لابعد الحدوود ... ولا يبيها تكون صداقات مع البنات ما تدري وش الشبب ليىييييــش!!!؟؟؟ غير بنت صديقه اللي هي "وتين "،! لكن هذا كله تمحيه بطيبته الغريبه وحنيته وتعامله لها مستحيل احد يشوفها ويقول هي عايشه با الحال وتخدم مره ابوها .. مسحت دمعتها وهي تسمع صوت السايق: ما تريد تنزل انسه ملاك سكتت وهي تفتح الباب وتنزل مالها خلق ترد احد âک…âک…âک… ألمــــانيـاآ ـ مدينة " ميونيــخ " واقف في شباك مكتبه يناظر الفراغ يتذكر الماضي اللي مو راضي يفارقه كل ما سرح الا يشفي غليله الا يرجع حق ابوه من المجرم اللي دمره وشرده " قبل 26 سنه كان ابوه " سعود الجبلي " يسكن بالسعوديه تاجر اعمال وله اكبر الشركات المعروفه عالمياً .. انسان طيب وقلبه كبير .. تعرف على رجال فقير ما يملك غير بيته وامه المسكينه عينه معه بالشركه وبسرعه خلاه يكسب ثقه وصار ذراعه اليمين يوكله في نصف اعماله حتى العقود كان يروح بداله ويوقع عليها ـ بعد اربعه سنين من العمل والصداقه بينهم اكتشف انه يخونه معظم الصفقات والشيكات نازله بإسمه في البنك وهذا الشي اللي خلاه يخسر عمله وشهرته بالمملكه،؛ إطر بعدها انه يسافر الي المانيا ويباشر عمله فيه لكن هالشي ما منع فارس الصفقي انه ينافسه ويشوهه سمعته ما دفعه ان يتهمه في تجاره مخدرات هو وصديقه اللي سانده ورفع اسمه بالسوق من جديد وهو "عبدالملك الجوهري " اللي توفى اثر حادث وبهالسبب اختفى سعود الجبلي وما احد يدري عنه شي ،! .. " ضرب الحايط اللي صوبه بقوه وهو يتعود لهالفارس الي دمر حياة ابوه طلع من مكتبه معصب ولحظه كانت امه متواجده بالصاله قبل راسه وراح وقف بعيد عنها شوي دخل يدينه بجيب بنطاله تنهد: يمه انا بعد سبوع راجع المملكه زمرد شكت فيه وبخوف: ليش يمه؟! ابي اباشر عملي هناك راحت وقفت وراه وهي خايفه من السبب اللي رايح له : ليش وش اللي ناقصك هنا؟! ـ مو ناقصني شي والحمدلله بس ابي ادرس قضيت هالواطي الصفقي حطت يدها على كتف ولدها اللي يطول عنها كثير ماشاءالله وبصوت متعب: يا يمه سلطان متى بنخلص من هالسيره كافي اللي راح يمه الله يرضى عليك سلطان بزعل عصب: يمه شلون تبيني اخليه وهو اللي دمر حياتنا هو الي بسببه ابوي ما ندري عنه ولا نشوفه غير يكلمنا بالشهر مره زمرد ودموعها تنساب بهدوء: يا يمه انا اتكلم من خوفي عليك اخاف انت بعد تضيع مني يا الغالي يا ريحه الغالي والمظلوم حقه عند رب العالمين محفوظ لف لها وقبل راسها وبصوت اشبه للهمس: السموحه والعذر يمه بس قلبي ما راح يرتاح الا اخلص من هالكلب واخلص العالم من شره انا ما درست هالمجال الا عشان انتقم منه حتى لو هالشي مقابله عمري زمرد: بسم الله عليك يا عمري ربي يوفقك ويحفظك لنا يارب ابتسم لها: اي يمه ما ابي منك غير هالدعوات اللي تشرح صدري يلا خاطرك بأروح لركان اشوفه، باس جبينها وطلع ناظرت فيه لين طلع: ربي ييسر امرك ويشرح صدرك وينور طريقك ويقلبك وينصرك بقوته ياا ولدي ياارب كون معهم نزلت دانه بأبتسامه المعتاده قبلت راس امها: قؤ موقين ماما زمرد وهي شارده ردت عليها: صباح النور استغربت من حالها وجلست قربهاا: ماما اشفيك عسى ما شر؟! ناظرت فيها بحزن: سلطان يمه عقدت حواجبها باستنكار: سلطاااان؟! وش فيه؟! حكت لها وش قال ـ دانه وبكل جديه: انا معه وربي يوفقه وينصره ع اعدائه انت بس لا تخافين زمرد: وشلون تبيني ما اخاف واخوك يبي يروح للموت برجوله ها الرجال مجرم وحنا ما نقدر له دانه: يمه اشفيك اعرفك قويه وايمانك قوي ان شاءالله ربي ما راح يتركه وهالمجرم اخره بيسجونه بإذن الله، وبعدين داد بيرجع لنا من جديد والله اشتقت له زمرد والحزن كسى قلبها: وانا بعد والله اشتقت له بس وشن سوي دانه وهي تحضن امها وتربت عليها: ان شاالله سلطان بيرجعه لنا بس نبيك قويه يمه وتقوينا هو يحتاجنا الحين تبكي بحضن بنتها بصمت: ربي يوفقه ويأزره ان شاءالله ويرجعو لنا سالمين وغانمين ياارب دانه: آميــــن يااارب بعد دقايق نزل ريان وهو توه صاحي شاف اشكالهم ما تطمن خلهم وراح المطبخ ياكل له شي âک…âک…âک… دخل الفيلا صف سيارته بالباركينق كان رايح اتجاه باب الفيلا شافه جالس عالكراسي قرب المسبح وبيده اوراق وقف وراه وبإبتسامه: صبااح الخير عالسرحان بعالمه وقف لما عرف صاحب الصوت وبإبتسامه عكس اللي جواه ياااا هلااا والله بالحبيب بشو كنت شارد لي ساعه واقف وراك يا استاذ راكان ناظره بطرف عينه: اقوول اسكت انت ووجهك يا قم اذلف سلطان: هههههههههههه ماني رايح الا تخبرني راكان بشو غير الشغل يعني سلطان يرفع حاجب: والله ما ادري وش اللي عاجبك بهالشغل ناظره هذا فن فن يااا المخبوول والله مافي احد مخبوول غيرك هذي رساله يا استاذ سلطان "وهو يناظر لبعيد "وبعدين ترفغ عني االكثيير... ناظره سلطان لمده وفتح الموضوع اللي كان جاي له من الاساس .. راكان بعد ما سمعه ولان كل مره يصرعه بهالاسطوانه: وانا اقول الاخ اشتاقلي وجاي يسأل علي اتاريك جاي عشان هالطاري سلطان بجديه: هالطاري اللي مو راضي تتقبله اهو اللي مضيعينا يا راكان واللي ضيع ابائنا راكان وقف وعطاه ظهره وهو مدخل كفوفه ببنطال جيوبه: وهذا انت قلتها ضيعنا "ناظر له "وش تبينا نسوي لماضي راح وما بيرجع وش نستفيد من حقنا الي بنرجعه في الاخر واصحابه تركونا وراحو .. وقف وراه وبهدوء عكس البراكين اللي بداخله: انت ناسي حنا وش قرينا وش اللي اتفقنا عليه يوم كنا صغار .. راكان صد عنه: هذا كان زماان بس الحين كل شي تغير سلطان بحده: مافي شي تغير يا راكان اترك هالاوهام اللي مسيطره ع عقلك اوريك ان اللي بنستفيد منه ما راح يكون استفاده شخص واحد هالشي اللي نبي نسويه بيفيد الكل بيفيد المجتمع بيفيد دولتنا، التفت له وبنفس الحده: اللي تقول فيه هذا وش بستفيد منه اناا ابوي بيرجع لي امي اللي تركتني من يوم انا صغير بترجع لي وريني انا وين مكسبي من هالتحقيق ناظر فيه لدقايق وعم الصمت بيهم: ما هقيت منك هالكلام والتفكير يا راكان ابد ما توقعته منك وانت بالذات ..بس انا ما راح اتراجع عن هالقرار وراح تابعه لييين انهيه يا ولد الجوهري واخبرك ان بدايه الاسبوع الجاي بكون بالمملكه ما لقى منه اجابه غير السكوت سلطان: آوفْ ع¤يدِرزِهِن " الي اللقاء " تركه وراح ترك وراه الطيف اللي يتابعه .. ناظر فيه وبتنهيده يأس خرجت منه جلس غط وجهه وهو شابك اصابعه .. بعد لحظات حس بيد تنحط على كتفه رفع راسه شاف جدته ابتسم لها إبتسامه باهته .. الجده بحنيه : وش فيك ياولدي حالك مب عاجبني؟! راكان: ولا شي يمه اتزكر الماضي السقيم عمقت بنظرتها والحزن ارتسم في ملامح وجهها اللي كساه التجاعيد: مب باليد حيله ياولدي لحتى نرجع الماضي يشهد علي ربي لو كنت اقدر ما كنت وقفت مكتفه اتوكل على ربنا يا راكان وهو يرضيك وعالم بحالك ناظر لها براحه وصدى صوتها يردد في عقله "لو كان في يدها حيله كان ساعدته وانا في يدي الف مفتاح ومو راضي اتحرك " طبطت على كتفه وهي تغمض عيونها: عمر الدنيا ما تاخذ ياولدي من غير لا تعطي اتوكل على الله وهو ينصرك وينور طريقك .. راكان بن عبدالملك الجوهري توفى ابوه الله يرحمه وهو صغير، تركته امه وهو بحاجتها وللحين ما يدري عنها شي مما زاد كرهه لها اعتنت فيه جدته وصارت له مثل امه [ ام امه "صوفيا " من اصل الماني تزوجها رجل سعودي ] درس تحقيق وجنائيات الجرائم العامه هو وصديقه سلطان بس للاسف ما باشر عمله فيـه .. ألمانيا ـ "الانسان ليس نهراًً، ..ويمكنه الرجوع للخلف .،! âک…âک…âک… نهـاية الجزء الأول

تسلم الأيادي الذهبيه على الطرح الرآئع
تحية عطرة لِ روحكَ النقيه
شكراً لكَ من القلب على هذآ العطاء
لكَ ارقى الود و أجزلْ الشكرْ
دمت بِحفظ الله ورعآيتـه

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

يُعَطِّيگ الْعَافِيَةُ لِرَوْعَةِ الطَّرْحِ،،
تَعَطَّرَتْ زَوَايَا الْمُنْتَدَى بگ
تَقْديرُ يليق بگ وُدِيَ وَعَبِقُ وردَيْ

الله على اختيارك للموضوع الروووعه
شكرآ على المجهووود

بالتووفيق ان شاء الله

نجمكم

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

أسعد الله قلبك بكل ماتتمناه
مثل ما أسعدتني بصفحتك الجميله والرااقيه

يعطيك العااافيه
وشكرا لك مع تقديري

حضوركي شرف لي
نورتي عزيزتي
روح الندى

حضوركي شرف لي
نورتي عزيزتي
ارتواء نبض

حضوركي شرف لي
نورتي عزيزتي
ملاك