دمـــــــــــــــــــــوع عذراء رومانسية جريئة

الجزء الثلاثون ،،



بعد اسبوع كنت مع الجازي بالغرفه واحاول اطلعها من الجو اللي هي فيه .. بس كانت ساكته طول الوقت .. كسرت خاطري وانا اشوفها تصيح .. اعرف السبب بس ما ابي اقول او افتح الموضوع.. الجازي يا قلبي الزواج قسمه ونصيب وفيصل مو نصيبج .. كلمتها وانا اطالعها وانطر منها كلمه بس سكتت .. غيرت الموضوع وخصوصا اني ابيها بموضوع غير .. الجازي اسمعيني عدل انا ابيج بشي مهم جدا وانتي الوحيده اللي راح تساعديني .. رفعت راسها تشوفني .. كملت وانا احس ان الموضوع شدها : موضي ابي اعرف شنو بينها وبين محمد .. انصدمت وطالعتني وهي تكلمني : ندى .. موضي وقحه وقليله ادب لا تصدقينها اذا قالت لج شي ؟؟ مسكت يدها وانا اترجاها : انزين قولي أي شي عنها .. انا واثقه في محمد بس ما اثق في موضي .. ارتجفت الجازي بين يدي وانا اشد علي يدها قالت : موضي اصغر من محمد بـ 4 سنين ومن يوم كانت صغيره وهي تحسبه لها يعني هي قررت يكون محمد لموضوي .. بس محمد ما كان مهتم والا عمره فكر بهالشي لان اللي كانوا يبونه تكون موضي لراشد .. بس انتي تعرفين راشد وعصبيته .. عمي خاف عليها منه وقرر ان الزواج يصير بس يكون محمد المعرس .. سكتت شوي وانا قلبي يحترق ! تكلمت الجازي وقالت: بس محمد رفض وقال انتوا كتبتوا اسم موضي براشد وانتوا اللي تتحملون المساله اما عني ما راح اتزوج حتى لو شاب راسي .. امممم في ذاك الوقت عمر محمد 23 او 24 سنه كنت الجازي تتكلم وانا سرحانه وافكر بـ محمد .. ندى ندى صوت الجازي العالي رجعني لها وقالت : لا تخافين على محمد لو يبي موضي او غيرها كان من زمان تزوج .. بس القلب يا ندى القلب .. قالت هالكلام وهي تاشر على قلبها .. دمعت عيوني عليها وحضنتها البنت تتعذب والا احد درى عنها !!



في مكان ثاني يعقوب يغير ملابسه عنده اليوم جلسه ذكر " محاضرة دنيه " .. البس ثوبي واحس اني مخنوق مادري ليه بس الضيقه فيني .. لا ادري بس مو قادر اعبر انفتح الباب ودخل سالم يركض وهو يضحك: بابا بابا ابي كوكو! استغربت شنو كوكو .. رفعته من الارض وانا اقوله : من وين يجبون كوكو! دزني علشان ينزل وهو يناديني .. طلعت وراءه وانا حاط الغترة على كتفي شفت العنود قاعده عند التلفزيون بالصاله وهي تكتم ضحكتها .. نط سالم عليها ورد يقول كوكو من جديد .. انفجرت العنود بضحك من قلب وضحكتها تعبتني بزياده وبدون قصد صرخت فيها: العنود اخلصي علي انا مو فاضي ! اسكتت وقفت وهي اطالعني ودموعها تجمعت بعيونها .. سالم اللي تكلم وهو يسحب يدي ويقول : بابا لا بابا عيب .. ركضت العنود من جنبي رايحه غرفتها اوووووف طلعت مني بقهر .. رحت من صوب غرفتها وطقيت الباب بس ما ردت علي فتحته وشفتها قاعده على السرير وحاطه راسها على رجلها وهي ضمتهم على صدرها بيدها الصغيرة .. كسرت خاطري! قربت منها وقفت عند السرير من جهتها وقلت : انا اسف العنود صدقيني مو مني انا تعبان شوي واعتقد ان الحرة اطلعت فيج .. صوت بكاءها زاد شوي ارتبكت وخفت قعدت على السرير وانا اكمل : اذا متضايقه مني فانا اسف والله .. لا تخليني اطلع وانتي زعلانه الله والعالم ايش يصير فيني ! شهقت بقوه وهي ترفع راسها صوبي وعقبها حضنتني باقوى ما عندها .. حضنتني وعطرها دخل اقصى الرئه وجهازي العصبي .. كنت تقول شي بس انا كنت في مكان ثاني .. حطيت يدي على ظهرها وشديتها صوبي .. وانتبهت انها كانت تنادي طلال !! وهي بحضني ... دزيتها وسمعت ايش تقول عدل : الله يخليك لا تطري الموت انا ابيك وياي اخاف تموت وما احد عندي يعقوب انا احبك .. استغربت كانت تقول طلال .. بس شكلي كنت اهلوس وانا بحضنها ابتسمت لها خصوصا كلمه احبك اثرت فيني كلمتها : لا تخافيني انا هنا ..!! بس ما قلت لي شنو كوكو !!



في فترة الاسبوع كنت اقرء الدفتر الوردي اللي عطاني اياه سعد كنت ناسيه فترة طويله او اتجاهله .. في البدايه كان عن حياة لينا من مولدها وحاطه فيه اجمل اللحظات.. بس اللي خلاني مصدوم لمدة اسبوع كامل الكلام اللي وراء مكتوب كنت مع سعد اخوها وكنت اقرء الكلام اللي انكتب بس باخر الصفحات .. في بدايه كلام لينا ..

... اليوم اقنعت الدلوعه العنود تكلم ابوها علشان يزوجني عزيز .. وكذبت عليها يوم قلت لها بخليج تسكنين ويانا بالكويت ,,

... اليوم خطوبتي من عبدالعزيز كان وما زال حب حياتي .. شفت ندى وهي رايحه صوب المطبخ لحقتها وانا اقول لها : شفتي ان عزيز ما اخذج لعبه .. ويوم شبع رجع لي انا .. والحين دوري لج على انسان يسعدج بعيد عنا ,,

... يوم زواجي من عبدالعزيز .. كنت اجمل واحلى من الكل حتى العله ندى اللي حضرت العرس .. في زفتي قهرني عزيز يوم سال عن ندى اذا موجوده وانه يبي يشوفها قبل لا يروح الفندق ..

... في شهر العسل كنا في بيروت .. كنت احس ان عزيز بعيد عني وانا ابيه يحس بـ حبي له .. بس للاسف هو مو معاي لانه دووم يتكلم عن ندى .. ويعتبرني اخت له وصديقه وبس !

... اول مرة ينام معاي عبدالعزيز يوم كان تعبان .. وكان يناديني باسمها .. يشوفني ندى علشان جذي تهور وصار اني زوجته بالاوراق وبالواقع .. مو مهم من ينادي المهم هو لي ..

... يوم عرف بحملي واني بالشهر الاول .. تضايق بس بين ان الموضوع عادي قدام اخوي سعد بس يوم كنا بروحنا اطلق علي رصاصه الموت يوم قال : لو ادري ان مرضي راح يخليج تحملين كان فضلت الموت على اني اخون ندى ..

... كنت بالمستشفى اسوي فحص علشان سلامه البيبي وكان معاي عزيز .. هذي اول مرة يروح وياي من حملت وكنت بالسادس .. وقالت لنا الدكتوره ان الجنين بنت .. شفت فرحت عزيز اكبر من فرحتي ...

... بعد الولاده عزيز قرر يسمي البنت نور ما كنت عارفه السبب لين ما قالي ان ندى تحب هالاسم وان ودها يكون اسم بنتها نور كرهت اسم بنتي بس مستحيل اكره عزيز ...

... شفت ندى وانا في بيتهم البنت حلوة حتى وهي 28 سنه ما تغير منها شي بالعكس الزمن خلها تصير جذابه اكثر .. واللي قهرني ان عزيز كان يتنهد كل ما شافها ...

... اليوم خطوبه ندى وانا بالمستشفى كنت تعبانه بعد ما اكلت علبه حبوب كامله .. وغير اني مريضه قلب .. سمعت عزيز يقول : ندى لي انا وبس .. طلعت من الحمام " عزكم الله" بدون ابين له اني سمعت شي وانا من داخلي ميته قهر ...

... في عرس ندى عزيز كان حابس نفسه بالمكتب وانا ونور بالصالون .. كنت عارفه اني مستحيل اخذ مكان ندى بقلبه بس انا زوجته وام بنته ,,

... اليوم راح اسوى شي بسيط لعزيز بس انطره يجي لاني وبالكل امانه راح اطلب الطلاق وارجع مع اخوي سعد ...

... قلت لسعد اخوي عن اللي سويته واني ظلمت العنود ... وهني عصب سعد اخوي وطلع بس قالي راح اتناقش الموضوع معاج بعدين ... وعقبها كلمني بالتلفون وهو يقول : ان العنود انخطبت لغيره وهو كان يتمناها زوجه له .. صدمني اخوي سعد يحب العنود!! وانا اللي خربت حياته ...


هذا اللي كان موجود بالدفتر كنت اكلم سعد اللي هز راسه وقال: عبدالعزيز .. لينا من كانت صغيره وهي دلوعه ابوي واي شي تبيه عندها يكون .. تكلم وهو وانا احسه مخنوق : هي طيبه وكانت تحبك صدقني .. لا تاخذ عليها ! تنهدت بقوه وانا اقوله : مستحيل اخذ على احد كنت اعتبرها اخت وصديقه وصارت زوجتي عن طريق الخطا صدقني كنت ومازالت اذكرها بالخير .. وقفت وانا اقول لسعد : انت الوحيد اللي تدري بانها كانت عذراء لين تعبت ذاك اليوم وصار اللي صار.. سكت شوي وعقبها قلت له: بس ليش ما قلت لي عن العنود ؟! سكت سعد شوي وعقبها قال: الزواج قسمه ونصيب .. طلع من عندي بعد ما تكلمنا لمده 3 ساعات ونص وانا سرحت بذكرياتي ....


انا ما اقول اني ما احبها بس هالبنت راح تبعدك عني صدقني .. كانت ندى تتكلم وهي تروح وتجي والخوف واضح بعيونها.. وانا قاعد على الكرسي القريب من باب المجلس .. وقفت ورحت صوبها وانا امسك يدها : مستحيل ما نخلق اللي يفرقنا شالت يدها من يدي وهي تعدل الشيله على راسها: عزيز البنت دووم تقولي انها تحبك وانك لها .. صدقني لينا اللي تبيه يجيها وهي قاعده في البيت! مسكت يدها من جديد وانا اقربها لصدري : احبج يا ندى وانتي ا
اغلى ما في هالدنيا .. انتي روحي واذا فقدتج عشت جسد بلا روح! شديت يدي عليها وانا اهمس بحبي لها..



اليوم الشفت عندي صباحي يعني زام ليل .. وبنفس الوقت كنت مشتاق لندى .. كنت اخطط اخذ اجازة واروح فيها العمره كـ شهر عسل متاخر لنا وخصوصا اني حرمتها من السفر والسبب دوامي .. البنت صابرة علي وراضيه فيني يا بعد قلبي والله احبج .. ابتسمت واناا اتذكرها .. وبدون مقدمات دخل الضابط عبدالله المكتب وهو يناديني .. وكيل عريف محمد وين التحيه!! وقفت وانا مخترع!! ضربت التحيه له وانا ما زالت متخرع ... ههههههههههه ضحك عبدالله علي وقال: شبلاك !! ابتسمت وانا اقول : كنت افكر وخربت علي ! قال وهو يقعد على الكرسي القريب مني : اكيد في ندى .. كمل وقال: من يوم خذتها وانت ما تنشاف كل لازق فيها ياخي اطلع شم هواء بس بدونها .. ههههههههههههه ضحكت من قلب وانا اقوله: مستحيل اختك هذي ذهب واللي يرخص بها خسر عمره .. وبعدين انا ناوي اخذ اجازة لاسبوعين واروح وياها العمرة شرايك ؟! ابتسم ورد : ابشر خذها من يوم الخميس الجاي وانا من الحين موافق على خروجك.. سكتنا شوي وعقبها كلمني عبدالله بس بشكل جدي: محمد .. انا ابيك بشي بس مش عارف شلون ابتدي! طالعته وقلت: تفضل وانا اخوك قول كل اللي بخاطرك! سكت عبدالله وهو يحرك يده بقوه وقال: ندى يوم دخلت المستشفى كان بسبب احد .. انصدمت وانا اسمعه بس عبدالله كمل وقال: انا سالت الدكتور اللي بالطوارئ وقال ان الضربه من فعل فاعل بس الزوج متستر والزوجه رافضه تعترف .. قولي يا اخوك انت تضرب ندى .. تنقص يدي من الكتف وتنشل اذا سويتها .. صرخت وانا اوقف واطالع عبدالله وكملت : انت مو فاهم شي .. الموضوع بسيط وان شاء الله راح اخلصه بنفسي واللي صار لندى حادث غير مقصود فيه صدقني .. ورب البيت يا اخوي ما عمري رفعت يدي عليها .. ابتسم عبدالله وقال: ما عمري ندمت على زواج ندى منك لاني اعرف من محمد بن علي الـ ............ !!



من طلع لين الحين ما رد واتصل فيه وما يرد شبلاه .. اووووووووف بدر وينك .. كنت افكر وانا خايفه اخوي طلع من الساعه 7 ونص الصبح وما رجع لين الحين الوقت تاخر وحده ونص بالليل من اكلم .. فيصل صرخت بصوت عالي وانا اتذكر فيصل .. رفعت جوالي واتصلت بعد اكثر من 4 رنات جاني صوته ..
فيصل : السلام عليكم ورحمه الله وبركاته .. هلا اسماء !
اسماء : وعليكم السلام ورحمه الله .. شلونك فيصل !
فيصل : بخير الله يسلمج .. شبلاج صوتج فيج شي !
عجبتني الملاحظه عنده رديت عليه وانا شبه اصيح : بدر يا فصيل .. طلع من الصبح لين الحين ما رد وانا خايفه جواله ما يشيله !
رد على فيصل وهو يحاول يطمئني : اذكري الله يا بنت الحلال الحين انتي بروحج بالبيت!
جاوبته وانا توني اركز على هالنقطه: أي بروحي .. فيصل لا تسال اكثر وتزيد خوفي ..
فيصل: خلاص لا تخافيني الحين اجيج انا ويعقوب ويمكن ناخذ العنود ويانا .. انا عندهم بالدفنه وبيتكم قريب من هنا عطيني 5 دقايق .. يالله مع السلامه ..

صكرت التلفون وانا قلبي مقبوض بدر امانه ولازم احافظ عليه امي وصتني عليه .. يارب رجعه لي سالم غانم وبصحه وسلامه .. يارب ..



اليوم راح اعلمج الادب واخليج تندمين على انج خذتي محمد مني ..
كنت افكر وانا بالغرفه انطر راشد ينام بس الاخ شكله ناوي يسهر على التلفزيون .. فكرت بشي وعقبها ابتسمت خطه حلوة علشان اخليه يطلع .. راشد حبيبي ابي اروح اقعد مع الجازي وندى وضحى .. كلمته بس ما رد علي .. نزلت من السرير وقربت منه وهو قاعد على الجلسه ويتابع مباراة بين الريان والعربي " فرق الدوري القطري" امممممم حياتي ما رديت علي .. لف صوبي وهو يطالعني ونظراته بالعين كانه يحاول يقرء ايش براسي .. وقال: ماله داعي خلي البنت تستانس واذا تحسبين اني مادري عن حركاتج فـ انتي غلطانه .. انصدمت من كلامه وحبيت ابين له اني مظلومه : أي حركات وانت ايش تقصد .. بكيت او حاولت امثل الدور بشكل صح .. بس راشد مسك يدي بقوه وسحبها عن عيني وقال: دموع التماسيح هذي مو علي .. والله يا موضي ما يردج بيت ابوج الا تصرفاتج واذا زدات عن حدها تعرفين ايش راح يصير .. خفت وانا اشوف تهديده حاولت ابعده عني بس كان ماسك يدي بقوه انطق الباب وانا حمدت ربي على الانقاذ اللي جاء .. مين عند الباب صوت راشد اللي خرعني .. ههههههههههههههههههه ضحكه ناعمه وهاديه عند الباب وعقبها صوت هادي : ندى ممكن تفتح الباب اخ راشد والا زوجتك موضي حصريه لك .. ابتسم راشد وانا استغربت هي جايه لي برجولها ايش تبي اوووف صج عله .. لف علي راشد وهو يقول: اذا تبينها اخذيها ... فتحت الباب وانا اشوف ندى لابسه جلابيه مستره ومغطيه شعرها زين .. مدت يدها ندى ومسكت يدي وهو تقول: يالله يا حلوة عندي لج الليله سالفه طويله .. ماردي ليش حسيت بشي حلو وهي تمسك يدي .. مسكت يدها بالمقابل وانا بداخلي فرحه غير طبيعيه وقلت : صج يعني راح اسهر وياكم .. غمزت بعينها وهي تقول: غصبن عن راشد بعد .. طلعنا واحنا نسمع صوت ضحكت راشد من داخل الغرفه !!



الساعه 3 ونص الفجر وبدر ما ظهر وصرت خايف اكثر من اسماء والعنود ويعقوب .. كنا بالصاله واسماء لابسه العبايه والنقاب لان يعقوب ويانا .. كلمتها وانا اقول: لا تخافين عبدالله راح يتصرف .. وعلى العموم الخبر راح يوصل لنا قريب .. رن جوالي بهالوقت وكانت اشوف اسم عبدالله يزين الشاشه وقلبي انقبض .. رديت وانا احاول اكون هادي : السلام عليكم ورحمه الله وبركاته .. طمنئي لقيت بدر .. طيب طيب .. رفعت راسي اشوف اسماء اللي كانت تراقب حركاتي وتركز على نبرت صوتي .. خلاص انا جايك الحين .. مع السلامه .. صكرت من عبدالله في الوقت اللي نطت اسماء وجاءت صوبي وقالت: ايش صار بدر وين ! مسكت يدها وانا مش عارف من وين ابتدي : بدر في المستشفى صـ .. صوتها العالي وقف الكلام بين شفايفي : لالالالالالالالالالالالا اجوك لا .. بدر امانه .. بدت تصيح ويعقوب طلع والعنود جاءت عندها وهي تقول: يا بنت الحلال اذكري الله .. انتي ما خليتي فيصل يكمل ..! رفعت راسها اسماء وهي تقول: لا تقول انه مات الله يخليك .. ابتسمت وانا اقول: الحمدالله الولد بخير بس يوم صار الحادث ما كان عنده اثبات هويه .. مسكت يدها للمرة الثانيه وانا اوقفها وقلت: اللي بالمستشفى ما اعرفوا هذا من لين صحى بدر وقال لهم من يكون .. في هذي الوقت كان الخبر عند عبدالله وقالي .. مسحت دمعه طاحت من عيونها وانا اكلم العنود : روحي جيبي ماي وعقبها كلمي يعقوب علشان نروح للولد ..

الجزء 31،،


في الكافتيريا جامعه قطر البنات متوزعين بالنشاط والكل في حاله اللي يدرس واللي يلعب ورق واللي شغل الحش وبدء يتكلم عن فلانه وعلانه .. باخر الزاويه كانت شله كبيرة قاعده وضحك وسوالف وصوتهم موصل اخر الدوحه .. تكلمت وحده منهم بكل نعومه وهي تميل بجسمه: الا وين بندر اليوم ما شفته بالمحاضرة !! ردت عليها دلال اللي كانت اطق على الطاوله : رح يشوف وضحى اذا خلصت محاضرتها والا لا .. اووووف هذي متى تتخرج مليت من طاريها .. تكلمت حصه وهي ترفع خصله نازله على وجهها .. ردت دلال عليها وهي تقول: حصوص انتي كنتي حبيبته وانتي اللي ضيعتي بندر منج .. ردت حصه وهي توقف : بس انا اعتذرت وذليت نفسي .. ليمتى راح يكون جذي والله احبه .. رفعت دلال راسها تشوف صديقتها وهي تقول بقلبها " الحمدالله والشكر متى راح يعقلون" هاااااااااااااي صوت رجولي خلى كل اللي قاعدين يوقفون علشان اللي جاء .. بندر و وضحى كانوا وقفين يا طالعون البنات اللي قاعدين .. تكلمت البندري او " بندر " كما يطلق عليها : شسالفه ليش ساكتين متعود صوتكم يوصل القمر .. ضحكوا البنات وردت سلمى وهي تقول : لا بس كنا نشوف فلم هندي نسخه قديمه .. قالت كلامها وهي اطالع حصه اللي انحرجت من كلام البنات ودمعت عينها وهي تركض صوب الحمامات "عزكم الله " طالعها بندر بدون اهتمام وهو يجلس على الكنب وتجلس وضحى جنبه وما كان يفصل بينهم شي حتى الهواء ما كان يمر .. رجعوا البنات يسالفون وبندر كان هيمان بشكل وضحى ونعومتها .. وضحى ذايبه بحركات بندر لها ..



في المستشفى في الطابق الخامس 574 كان بدر نايم على السرير الابيض وبجنبه اخته اسماء .. كانت ماسكه يده وهي تقرء القران على راسه .. دخل فيصل بكل هدوء علشان ما يحسس اللي موجودين فيه .. بعد الستارة اللي تفصل السرير عن الباب وشاف الوضع السايد .. سكت وهو يراقبهم ..
حسيت باحد موجود بالغرفه رفعت راسي اشوف من وانصدمت بعيون عسليه مركزه على وجهي .. انحرجت ونزلت راسي وانا اقول : حياك الله ليش واقف .. رد فيصل وهو يقرب من السرير وقال: اخباره اليوم ؟! رديت عليه واانا اوقف اجيب له شاي: طيب بس ما زال نايم .. سكت وانا ابي اقول شي بس بعدين الوقت مو مناسب كنت افكر والا سمعت ايش قال فيصل .. اسماء اسماء .. صوته رجعني له وانا اقول: لبيه .. ابتسم وقال: لبيتي حاجه يارب .. اقولج بدر ماله اصدقاء ما اشوف احد يزوره .. سؤاله حزني وخصوصا انه عن الغالي قلت له وانا اطالع بدر: لا والله .. اخوي من النوع الانعزالي ما يعاشر العالم .. سكت وانا اقول : قبل وفاه اهلي كان ما شاء الله عليه شعبيه بالفريج .. وعقب ما توفوا بحادث صار مكانه البيت .. تنهدت وانا اكمل : تصدق يا فيصل لما اقوله اطلع تمشي غير جو ,, يرد على ويقول .. الغاليه من يقعد معاها .. كان يحاتيني ويخاف علي .. خنقتني العبره وما قدرت اكمل كلامي .. جاءني فيصل وهو يحضني ويشد من حضنه : لا تبكين والله دموعج غاليه .. وصدقني انتي وبدر بعيوني وما راح اخليه بروحه .. ومن اليوم ورايح .. سكت شوي وانا ارتحت وهديت .. حاولت ابعد نفسي منه بس فيصل كان عنده راي ثاني .. حضني مرة ثانيه وهو يقول: اول ما يقوم بدر بالسلامه راح اسوي عشاء لسلامته ومنها يكون يوم زواجنا .. مادري ليش حسيت اني اطير من الفرح واخيرا راح استقر ويكون في مسوؤل غير بدر بالبيت .. بدون شعور مني حضنت فيصل بقوه وانا اقول : ربي لا يحرمنا منك يالغالي ..!!



...؟ صج لا حول الله والا قوة الا بالله العلي العظيم ,, ربي يقومه بالسلامه .. طيب من متى صار هالشي ..
...؟ من يومين تصدقني البنت خايفه على اخوها وكل عنده حتى فيصل 24 ساعه عندهم ..
...؟ ربي يجزاه خير ان شاء الله والله اسوم تستاهل فيصل وهو يستاهلها بعد .. بس ليش ما قالت لي المفروض انا اقرب وحده لها؟!
...؟ ادري بس هي طلبت مني ما اخبرج لانها خايفه عليج .. والا تنسين انج بالتاسع .. بس انا ابيج في موضوع ثاني ؟!
ندى:حتى لو المفروض خبرتني .. المهم قولي اللي تبين تقولي يالغلا كم العنود عندي !
ابتسمت على كلامتها وقلت: في شي بيني وبين يعقوب .. يعني .. اممممم ما اعرف شلون اقوله !!
ردت على ندى : لا تستحين قولي انتي مزعله الرجل والا العكس صحيح !
رديت بسرعه علشان الموضوع ما يكون غلط : لالالالالالا .. مو جذي ندوووش الموضوع شوي غير يعني يتعلق بالامور الزوجيه!!
ندى : اهاااا فهمت عليج .. انزين كملي !
احس الجو عندي صار حار كنت بالصاله وسالم نايم بحضني .. ويعقوب طلع من فيصل .. رديت على ندى وانا مش عارفه شلون اقولها اني ما زالت عذراء..
العنود: ندى بقول بس لا تعصبين ادري اللي اسويه غلط بس والله مو بيدي ..
حسيت بالخوف بصوت ندى وهي تكلميني وتقول: يعني شنو انتي مسويه شي غلط .. العنود قولي تراني اختج الكبيرة !
رديت وانا العب بشعر سالم اللي مازال نايم وقلت: انا ... ندى انا .. امممممم .. انا ما زالت بنت !
ندى ترد علي وهي تصارخ : ااااااايش ,, انتي شتقولين حرام عليج الملائكه تلعنج وتحاسبين من ربج .. ليش تحرمين يعقوب حقه الشرعي .. كملت قبل لا اتكلم وقالت : هو سوى لج .. قال لج شي .. العنود قولي ..
رديت عليها وانا احس اني بصيح: لا بالعكس طيب يا ندى .. شهقت بصوت مخنوق وقلت : كل ما حاول يضمني او يقرب مني اتذكر طلال يوم يوم .. هنا عاد ما قدرت وبكيت بقوة لدرجه اني قيمت سالم من نومه .. واسمع ندى تهدين وتسمعني كلام يهدي من وضعي .. بنفس الوقت كان سالم يحضني ويصيح معاي وهو ما يعرف ليش ابكي .. كلمتني ندى وقالت: اسمعي الحين الساعه 5 ونص المغرب .. عقب صلاة العشاء بقول لمحمد يخليني عندج حلو الكلام .. هزيت راسي لها كانه تشوفني .. كملت وهي تقول يالله بروح اصلي الحين واكلم محمد .. لا تصحين اذكري الله .. ومع السلامه ..

صكرت التلفون وانا احس براحه على الاقل في احد يعرف معاناتي .. اااااااااااه يا قلبي !! نزلت راسي تحت وطالعت سلوم اللي ما زال يصيح ضميته بصدري وانا اقوله : يا قلبي ليش تصيح !!



اروح لندى .. لالالا بس البنت طيبه ... امممممم بس يا موضي ندى هي اللي خذت محمد منج .. لالالالا البنت طيبه والله وتحب الخير لكل! ليش انا عكسها ليش .. صحاني من تفكيري يد ناعمه غطت على عيوني .. هههههههههههه ضحكت وانا اقول: من الجازي .. بس ما في رد اممممم اكيد وضحى !. هم ما في رد عيل اكيد صافيه .. اووووه ليش مو ندى .. صوتها وهي تضحك على تخميناتي الغلط .. شالت يدها وانا لفيت جهتها .. وقالت لي : ليش موضي بنت فهد حرم السيد راشد بن علي قاعده بروحها .. حبيت كلامها طلع من قلبها بدون لف والا دوران مثلي .. مادري ليش اختنقت وابي اصيح .. بسم الله الرحمن الرحيم .. موضي شبلاج ليش تصحين عسى ما شر .. كلمتني وهي صج خايفه علي .. رديت وانا اصيح : ندى انا اسفه والله اسفه .. رفعت ندى راسي بيدها وهي تبتسم : يا قلبي احنا خوات .. وعادي اذا صار ما بينا مشاكل .. وليش الاسف مهما صار انتي زوجه راشد وبنت عم محمد .. حضنتها بقوه وانا احس بـطنها اللي بارز ومعطيها شكل حلو .. تكلمت ندى وهي تقول: نفتح صفحه جديده .. وانسي الماضي اتفقنا .. هزيت راسي لها واانا اقول: صج انج ذهب غالي .. ربي يوفقج مع محمد .. بس ممكن طلب ! عيوووووووووني لج يالغلا .. رد ندى احرجني لدرجه ان وجهي صار احمر .. قلت لها : علميني اكون مثلج ..! ابتسمت وقالت: طلعي موضي اللي داخل هني .. اشرت على قلبي وكملت : وانتي تكونين احس مني !!



على الساعه 6 المغرب دخلت البيت وانا اسمع صوت الضحك .. ابتسمت وانا اسمع ضحكات ندى واللي ميزتها من بين الكل .. يا جماعه الخير تغطوا .. ما اخذت دقايق الا ندى تفتح لي باب الصاله وتقول : حياك الله .. ادخل ما احد غريب .. اعجبتني وهي لابسه جلابيه اورنج ممسوكه من عند الصدر وبارزة بطنها وعلى اطراف الجلابيه دانتيل .. وحاطه مكياج ناعم اورنج ولبسه الشيله بنفس الالوان .. ابتسمت وقلت لها : حي الله ام غايب.. شلونج عساج بخير .. كنت اتكلم معاها وانا داخل الصاله .. ردت علي وخدودها حمرت بزياده : بخير اذا انت بخير .. في هاللحظه تكلمت وضحى : الله على الغزل الصريح .. شرايك يا الشيخ محمد تقول لنا شعر بـ ندى بعد وتخلص .. ههههههههههههههه ضحكوا البنات عليها وعلشان احرجهم قلت :
والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يـستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق

الكل كان ساكت ويطالعوني بنظرات اعجاب .. واللي عجبتني بالنظرة ندى .. مسكت يدها وقلت: يالله يا بنات انا طالع مع المدام الغرفه وعقبها عندنا طلعه عائليه .. كملت وانا ابتسم : لوسمحتوا صكروا المغارة اللي فتحتوها !!



كنت اسمع تعليقات محمد واحنا بالطريق رايحين صوب بيت يعقوب .. بس كنت اتجاهل كلامه وابتسم عليه وهو يضحك علي وعلى الاغراض اللي معاي .. قال وهو يمسك يدي : حياتي لا يكون ناويه تهجريني وتعيشين عند حرم السيد يعقوب .. ابتسمت وانا اقوله: أي لازم علشان تشتاق لي .. من تزوجنا ما بعدت عندك الا يوم وفاة المرحومه .. مسك يدي بقوه وهو يقول: لا تعيدينها الله يخليج .. ما اقدر اعيش يا ندى صدقيني ما اقدر .. كلماته عذبتني واحساسه الصادق ومشاعره الغنيه بالحب .. ربي لا يحرمني منك احبك محمد رديت عليه وانا اشد على يده .. وصلنا بيت يعقوب في مدينه خليفه الجنوبيه " منطقه بالدوحه " نزلت وانا اقوله : لا تتاخر علي وانت عند الشباب .. رد وهو ينزل علشان الاغراض اللي وراء : ان شاء الله على الساعه 10 ونص اكون عندج .. حط الاغراض عند الباب وراح دخلت البيت وانا اشوف العنود عند الدرج تنطرني .. جيتني وهي تركض حضنتني بقوة .. ههههههههههههه يا بنت بطني عورتي البيبي كلمتها وانا احاول ابعدها عن بطني .. اووووه نسيت والله حياتي ندوووش والله وحشتني من زمان ما شفتج ردت علي العنود وهي تمسك يدي وكملت: ليش متعبه عمرج وجايبه بيتكم معاج! ضربتها على راسها وقلت لها : كافيه محمد بالسيارة تجيني انتي بعد .. هههههههههههههههه ضحكنا واحنا ندخل الاغراض للبيت .. بعد السلام والتكريمات الملكه اللي مسويتها العنود قعدنا نتكلم وبديت اشرح لها شنهي الحياة الزوجيه وشلون تتعامل مع يعقوب .. وعطيتها الاغراض اللي عندي وشفتها شلون كانت منحرجه منهم مع هذا لازم تتعلم وانا واثقه بالعنود .. في هاللحظه رن جوالي بنغمه محمد طلعت من الصاله وانا البس العبايه واوصى العنود بزوجها وبيتها ..



كنا قعدين على البحر واشوف يعقوب مو طبيعي من رن جواله بنغمه مسج .. طالعته وانا اهز يده واقول: شبلاك يا رجل اللي يشوفك بالهوضع يقول قرصته حيه .. ههههههههه ضحك يعقوب وهو يرد علي : يا فيصل الوقت تاخر والعنود تسال ويني؟ ضحكت عليه وانا اقول:وين تاخر تو الناس يا رجل ؟ رفع يعقوب ساعته لي وهو يقول: وحده ونص اخر الليل تقول تو الناس .. انصدمت لاني وعدت اسماء اجيها المستشفى .. قوم الله ياخذ عدوك نسيت البنت .. كلمت يعقوب وانا استعجله وقف وقال : من اللي قارصته حيه الحين .. ضحكنا على بعض وكل واحد راح صوب سيارته .. توكلت على الله صوب المستشفى والطريق كان شبه فاضي وصلت الغرفه على الساعه 2 الاربع الفجر دخلت بشويش علشان ما ازعجهم اذا كانوا نايمين .. لفيت صوب السرير وانا اشوف بدر نايم قربت منه وحبيت راسه والله هالولد يدخل القلب على طول .. كنت امسح على راسه سمعت صوت اسماء من وراي : حمدالله على السلامه متى جيت ! كانت تهمس علشان ما يقوم بدر .. لفيت صوبه وانا ابتسم لها وقلت : توني من دقايق .. انتي اللي وين كنتي ! رفعت اللي بيدها وكان اكل طالبته من برع وقالت: قلت للسايق يجيبه فوق بس رفض وما عندي احد نزلت تحت وجبته .. مادري ليش حسيت باحراج منها : اسف اسماء والله نسيت الوقت كنت مع يعقوب و... ههههههه ضحكت وهي تهمس وتقرب صوبي : عادي يا ابن الحلال ما صار شي وبعدين انت طلعت من عندي 10 بالليل عادي اذا جيت متاخر .. مسكت يدي وهو تقعدني على الكرسي القريب من الدريشه وقالت : تعشيت والا تنطرني .. ابتسمت وانا اقول : شلون اتعشى وانتي ما تعشيتي ما يصير .. هههههههه صوت ضحكتها تجنن هذا اللي اكتشفته اليوم .. وقفت وهي تنزل الشيله وتعدل شعرها وعقبها حطت الطاوله وفرشت الاكل وقالت : بسم الله ومدت لي الخبز ... يارب اني اسعدها يارب قدرني على اسعادها كنت اقول هالكلام بقلبي وانا اضحك واسولف مع اسماء ..



دخلت البيت على الساعه 2 ونص الفجر كان الوضع هادي .. اكيد بيكون هادي من اللي يصحى هالوقت .. دخلت الصاله وكانت مرتبه صكرت الليت ورحت صوب الممر الداخلي .. اول غرفه فتحتها كانت لسالم .. كانت ظلام والمكيف شغال وهدوء الغرفه قربت صوب سريره وانا اشوف سلوم نايم بعمق قربت منه وبست راسه .. طلعت من عنده وقفت عند الغرفه الثانيه بس ما قدرت افتح الباب مع اني اشوف الليت شغال يعني ما زالت قايمه بس ما حبيت ازعجها مسكت نفسي انا ابعد عن باب غرفتها لا تهور وادخل .. فتحت باب غرفتي وانا اخذ نفس قوي وطلعت جوالي وطرشت لها رساله اني بالغرفه .. رحت صوب السرير وانا افسخ الثوب وافتح باب الكبت اطلع لي بنطلون البيجامه .. انفتح الباب الغرفه بقوه خلاني لف صوبه بخوف وشفتها وهي واقفه وكانت تصيح : بس هذا اللي قدرت عليه اطرش رساله انك بالبيت .. يعني ما قدرت اتعب نفسك وتمر وتسال ايش صار والا فينا شي .. كلامها صدمني حسستني اني مقصر في حقهم على تاخر 3 ساعات ما عرفت ايش اسوي وقفت مكاني انا مصدوم من جهوم العنود .. كملت كلامها وهي تمسح دموعها : ما كان له داعي تقول انك جيت بعد كان نمت برع عادي ما يهم .. انا اصلا من زمان ما لي احد لا فيصل ولا عزيز والا طلال .. الوحيده بعد الله ندى هي اللي لي وبس .. طلعت تركض وانا منصدم اكثر طلال للمرة الثانيه طلال ايش سويت علشان كل هذا ايش يا يعقوب .. تعوذت من ابليس وصكرت باب الغرفه وانسدحت على السرير بس ما جاني نوم وانا اتذكر كلامها ..



اااااااااااه ما اقدر والله اااااااااه كانت تتوجع وانا ما اعرف ايش اسوي .. ندى الله يخليج خليني انادي امي كنت اكلمها علشان تهدني بس ما في امل .. حمود لااااااا ارجوك لا تخليني بموت ااااه كانت تتكلم بسرعه وانا قلبي طاح بيدي لفيت صوب الجوال واتصلت على الجازي بعد الرنه المليون عندي ردت : هلا حمود .. ما عطيتها مجال صرخت عليها : الجازي قولي لامي تجي اعتقد ان ندى راح تولد الحين وانا ما اعرف ايش اسوي .. ما سمعت الا صوت القطار الجازي صكرت بوجهي حذفت الجوال ومسكت يدها وانا اسمعها تتالم : يا قلبي فيني والا فيج .. هههههههههه اااه كانت تضحك وقالت : شنو اللي فيك اااااه تبي تحمل خلني اتخيل ههه اااه لا ما اقدر خلاص .. صوت طق الباب انقذني تركت يدها ورحت فتحته لقيت امي والجازي : بسرعه روح شغل السيارة والجازي جيبي شنطتها الصغيرة اللي جهزناها.. صوت امي وهي تعطي الاوامر ريحني شوي طلعت علشان اشغل السيارة شفت بوجهي موضي : شلونها طمنئي عليها محمد هي طيبه ..استغربت من سؤالها واللي استغربته اكثر انها متغطيه مني ابتسمت وقلت : ان اشاء الله تكون بخير بس خليني اروح اشغل السيارة .. طلعت بسرعه وما اخذت اقل من 5 دقايق الا امي وندى والجازي جاين ركبت امي مع ندى وراء والجازي جنبي طلعت بسرعه وانا ادعي ربي يقومها بالسلامه ...



كنت انطر رد بس الوضع السايد هو الهدوء .. فطوم تراج ما رديت علي كلمتها وانا اشوفه تشرب الحليب .. وقالت : عبدالله انت تتكلم جد والا بس تبي تعور قلوبنا .. ابتسمت وانا اقول لها : الا من جدي وعمي وخالي بعد خلاص عاد ابي اتزوج ويكون لي بيت وعيال واسرة مليت والله .. شفتها وهي تحط الكوب على الطاوله وفجاءه .. هيييييييييييييييييييييييييييييييه واخير يا شايب .. نطت علي تحضني بقوة وهي تصارخ لدرجه ان امي قامت من النوم بصراخها .. هههههههههههههههههه ضحكت عليها وانا قول : اذا انتي سويت جذي عيل ندى ايش راح تسوي .. شتسوي يعد غير اللي سوته اختك الخبله فطوم .. صوت امي اللي خلى فطوم تضحك هههههههههههههههههههههههه وقالت : صبج الله بالخير يا ام خماس. حسبي الله على عدوج قولي امين .. ههههههههههههه ضحكنا انا وفطوم وعقبها قالت امي : شبلاك اليوم على الساعه 7 صراخ وضرب ما في دوام اليوم .. لفت فطوم صوبي وهي تقول: والله يا ام عبدالله ولدج اليوم فرحني وقال انه يبي يتزوج .. هدوء جديد بس هالمرة امي اللي قطعت الهدوء بصيحها .. قمت من على الكرسي وانا رايح صوبه : شدعوه يالغاليه قلت بتزوج صار جذي خلاص غيرت رايي .. تخسي تغير رايك صوت امي اللي خل فطوم اختي تضحك وتقول : رحت فيها يا بو الشباب .. ضحكنا وانا اسمع امي تكلمني عن فلانه وعلانه وفطوم تاكل وتضحك شوي وتعلق شوي ...

الجزء 32،،



صار اسبوع على ولاده ندى ورجعت بيت امها لانها "نفاس" بس محمد قوم الدنيا والا قعدها مو قادر على بعد ندى يوم فما بالكم بـ 40 يوم ..!!

بدر اليوم يطلع من المستشفى بسلامته واسماء فرحانه وفيصل اسعد منها لانه ناوي على العرس قريب ..

وضحى بدت علاقتها بـ بندر" البندري" تزيد بطريقه مخيفه وهي مو على بالها ابد تغير من نفسها او تحس بان في رب يراقب وملائكه تسجل ..!

موضي علاقتها تكبر بكل اهل البيت عمها وخصوصا بـ ندى .. وراشد ملاحظ هالتغير بس ما زال مو مصدق ..

الجازي بدت تتقرب من ندى بشكل كبير وتعلقت بالبيبي اكثر وبدت تفكر بـ حياتها ومستقبلها بدون فيصل ..

محمد يخاف من قرب الجازي لندى وخصوصا بعد موضوع منيرة اللي بدء يتحرك ويسال من تحت لين تحت ..

العنود ويعقوب حياتهم بدت تدخل بدوامه اسمها عدم اهتمام من الطرفين بس الاهتمام بـ سالم هو العامل المشترك بينهم ..




صوت الضحك والسوالف والرقص والاغاني في بيت ام عبدالله رجع من جديد والسبب الولد الصغير ولد ندى اللي رجع الفرحه بالبيت .. ابراهيم بن محمد عمره اسبوع بس .. لكنه خذا الحب كله ورجع الروح للكل وخصوصا ندى ..عطيني برهوم شوي تكلمت الجازي وهي تمد يدها لي .. عطيتها ابراهيم وانا اقول لها : مرة وحده رضعيه لانه ما يبي يرضع من صدري .. اووكي ما طلبتي يالغلا ردت الجازي علي وهي تلعب ابراهيم وتاخذ الرضاعه مني .. فطوم وهي تكلمني : ليش سميتوه ابراهيم مو المفروض علي على اسم ابو محمد .. قبل لا اتكلم قالت الجازي : أي بس ابوي رفض وقال اذا الاسم لي سموه ابراهيم اللي اعرفه ان على اسم صديقه .. سكتنا واحنا نشوف اللي حولنا من رقص وضحك وسوالف البنات دخلت اسماء وهي تضحك لي وتبارك بنفس اللحظه قامت الجازي من جنبي .. قعدت اسوووم وحضنتني وقالت: مبروك يالغلا ادري مقصرة بس انتي تعرفين الوضع شلون .. حضنتها بقوة وانا ارد عليها: ادري والله ادري المهم انتي اخبارج واخبار بدر ؟! ردت وهي تشوف ابراهيم اللي كان بيد الجازي : بدر بخير وانا الحمدالله زينه .. كلمتها وانا اقول: صج فيصل راح يخلي عرسكم بعد شهر .. انحرجت وصار وجها احمر وقالت: شفتي شلون اللي براسه يسويه ضحكنا ورجعنا لاجواء الضحك والسولف والرقص وعشنا بالجو اللي كل البيت عايشه ..




سالم حبيبي البس علشان نروح عند برهوم والا ما تبي تشوفه .. كنت البس سلووم اللي مو راضي وكان عنيد جدا مو عارفه شفيه كان يركض يمين ويسار وانا مو قادره تعبانه لان الدوره الشهريه معذبتني : سلووم والله تعبانه حبيبي تعال خلني البسك .. شوي واصيح لان الوضع غريب .. بعد يعقوب مجنني بس لازم اوريه اني مو محتاجه له .. قرب سالم يوم لاحظ اني اصيح وانا حاطه يدي على وجهي : ماما انا اثف ماما انود .. حضنته بقوه وانا اصيح مو قادره استحمل الضغط اللي فوق راسي محتاجه ندى وبقوه بعد .. العنود شفيج ايش صاير .. صوت يعقوب فوق راسي زاد من صياحي حسيت فيه وهو يقعد جنبي مسك يدي وبعدها عن وجهي ومازال يسال : العنود قولي ايش صار ؟! بعدت عنه وقفت وانا اقول : ما في شي بس تعبانه ..لفيت صوب سالم وقعدت البسه وهو ساكت يطالعني ويضحك بوجهي .. خلاني اضحك وانا اتالم ويعقوب قاعد وراي وريحه عطره هزت كل خليه بجسمي بس ما اقدر .. لازم اكون اقوى وما احتاج الا لندى .. خلصت من سالم وفقت البس عبايتي وانا اقول لـ يعقوب : يالله توكنا على الله ..



...؟ بس انا ابيج الحين اذا ممكن ؟!
...؟ بس ما احد عندي شلون راح اجيك !!
...؟ وضحى يا قلبي تصرفي ابيج عندي محتاج لج والله ؟!
وضحى: بندر يا قلبي اصبر شوي اشوف محمد اخوي اذا راح لزوجته خليته يجيبني عندك ..
بندر: يا قلبي خلاص عيل انا انطرك فوق تعالي على طول ما احد بالبيت ..
طلعت اشوف محمد لقيته معصب وقاعد بالصاله مع ابوي ويشرب شاي .. ليش عاد شهر ونص تقعد بس اسبوعين .. هذا محمد وهو معصب على ندى .. رد عليه ابوي وقال: اثقل يا ولد شبلاك انت الحرمه والد خلها عند اهلها .. ههههههههههه ضحكت ورفع راسه محمد صوبي وهو يقول : خير بعد انتي .. كلمته وانا اهدي من الوضع : الا كل الخير ,, ممكن توديني عند البندري ابي منها ابحاث للجامعه .. شفت نظره من ابوي بعدم رضى بس تجاهلت الموضوع وقف محمد وقال : يالله عندج بس 5 دقايق تاخذين الاوراق وترجعين .. استانست اني بروح لبندر بس تضايقت بنفس الوقت لاني ما راح اطول .. مو مهم هذا اللي كان بخاطري .. رحت البس العبايه وركضت صوب السيارة وانا اسمع ابوي يكلم ندى بالتلفون .. بيت بندر قريب جدا من بيت ندى يفصل بينهم بس شارع وصلنا ونزلت بعد ما خبرت بندر ان عندي 5 دقايق بس دخلت على طول لاني ادل البيت عدل .. وصلت عند غرفته وطقيت الباب فتح لي بندر وقال : بسرعه دخلي دامها بس دقايق خليني استغلها احسن استغلال ..



كنت اعدل الوساده اللي وراء ظهر بدر اللي يضحك علي طول الوقت .. طالعته وانا اقول: المفروض تشكرني على مساعدتي ووقتي الثمين .. هههههههههه ضحك بدر وقال: قلت لك خلني وانت اللي مو راضي .. رديت عليه وانا اسوي عمري زعلان : الله يسامحك .. هههههههههههه ضحك بدر للمرة الثانيه وهو يقول: فيصل لا تزعل بس انت اللي معذب عمرك .. ابتسمت له وانا اقول: لاني اخوك والاخ يوقف مع اخوه في عز احتياجه .. لحظه صمت وانا اشوف دموع بدر تتجمع بشكل غير طبيعي بعيونه .. يا اخوي شبلاك .. كلمته وانا احاول افهم ايش غلطت فيه .. قال بعد ما مسح دمعه نزلت بكل تهور من عينه: لانك الوحيد اللي استحملت طبع اختي وحزنها .. لانك الوحيد اللي رضيت فيني كاخ وصديق .. لانك الوحيد اللي ما فكرت تستغل اسماء لانها يتيمه ولاني ضعيف والا اقدر دووم اساعدها .. لانك الوحيد اللي حسيت بصدق نواياه وحبه لنا .. سكت بدر وانا انصدمت من كلامه اللي لاول مرة اسمعه بحياتي .. حضنته بقوه لصدري وقلت : احلف لك بالله الواحد احد انك انت واسوم بعيوني والا راح اخليكم تحتاجون شي لا من قريب والا بعيد .. هههههههههههههه ضحك بدر للمرة الثالثه بس هالمره ضحكت معاه ..





الاسبوع الثاني من حياة ندى في بيت اهلها .. كانت قاعده على طرف السرير وطالعني .. وانا حاط ابراهيم بحضني وانطر ردها .. بس السكوت طول شوي وبديت احس اني غلطت يوم تكلمت .. خذت ندى هواء قوي وعقبها قالت : محمد انت تشوف طلبك عادي ..؟ رديت عليها بسرعه :كم مرة اقول لج لا تقولين محمد .. والا يوم جيتي هني صار الوضع غير .. شفتها تبتسم على زله لسانها .. ومع ابتسامتها خلت قلبي يرقص والله وحشتني كنت اكلم نفسي .. ردت وقالت وهي تبرر موقفها: اسفه يا قلبي بس انت تعرف الوضع كيف يعني عيب اقولك حمودي انا مو بالبيت واخاف احد يسمعني وخصوصا امي وتغسل شراعي .. تراني مو ناقصه والله .. صوت ابراهيم وهو يصيح قطع الحوار بينا .. وقفت اعطيها الولد وانا اقول: شرايج بكلامي ..ردت علي وهي تقول: والله ايش اقولك انا مو مصدقه في الجازي وخصوصا بعد ما عرفتها وعاشرتها زين يمكن وضحى يتخيل لها ان الجازي .. سكتنا واحنا نطالع بعض .. كملت ندى تقول : بس الوضع مشكوك فيه تدري ليش .. ابتسمت لها وانا اقول : ليش يا محقق كونان .. هههههههههه ضحكت وانا ذايب فيها وهي تلبس ابراهيم وتلفه عدل وقالت : تبي الصج منور كانت دووم تشتكي من الجازي بس مو لدرجه انها تسوي اللي قالته وضحى .. شكوى المرحومه كانت بـ تجاهل الكل لها من صغير وكبير بالبيت .. كملت وهي تقول: امممم انا متاكده ان في شي ثاني احنا ما نعرفه .. اوووووف طلعت مني غصب وانا اقرب صوبها : تصدقين والا مرة سمعت صوت منيرة بالبيت كانت هاديه بالحيل بس يوم عرفتج وهي مو مقصرة ندى سوت وقالت وحطت وشالت خلت الكل يحبج حتى الخطا منج عندها احلى ما في دنياها.. سكت وانا انطر ردت فعلها .. كملت وقلت: ندى اخاف يكون صج وحده منهم دفعت منيرة من الصخور .. نظرت الخوف والدموع اللي كانت واضحه بعيونها وهي تقول : ان شاء الله لا بس خلني اتاكد واساعدك .. لفت جهه ابراهيم تحاول تمسك نفسها لا تصيح .. حضنتها وهي معطتني ظهرها وانا احاول اغير الموضوع وقلت : ندى والله وحشتيني متى تردين البيت مو عدله كل يوم اجي استحي من امي ومن عبدالله و.. ما كملت كلامي لان ندى رجعت راسها على شفايف كانها تسكتني وتقول: قريب يا قلبي قريب ..





...؟ يعني انت تشوف جذي ؟
...؟ أي لازم يا قلبي يكون بهالطريقه علشان العالم يعرفون ..؟
...؟ بس انا ما جهزت شي ..؟
...؟ مو مشكله اخذي فستان جاهز ورتبي اغراضج براحتج عندج شهر كامل ..!
...؟ بس يا فيصل الجهاز يبي شغل وندى الحين ما تقدر تساعدني والعنود مشغوله مع سالم وزوجها و؟؟!
فيصل : يا اسماء اخذي فاطمه بنت خالتي تراها عندها الخبره اللازمه وبعدين انتي جربتي العرس من قبل مو لازم مساعده ..؟
سكت احس ان فيصل احرجني بهالكلام .. اسف والله اسف ما اقصد شي غلط صدقيني .. تكلم فيصل بعد ما سكت .. حسيت عمري غبيه بس ابتسمت وانا اقوله : حصل خير وانت صح اقدر اعتمد على فطووم وعلى خبرتي وطبعا التلفون ما يقصر بيني وبين ندى .. هههههههههههه ضحك وهو يقول : اشوه يعني ما زعلتي ..؟ رديت عليه : لا ما زعلت بس انا اللي خايفه من الموضوع شوي .. سال وهو يحاول يكون عادي بس انفعاله كان واضح : ليش يا الغلا فيج شي .. حاسه بشي ! خذت نفس قوي وانا افكر اقوله والا لا .. امممممم فيصل في شي لازم اقوله لك اناااا .... اسماء اسووووووووووم صوت اخوي بدر وهو يناديني قطع الكلام اللي كنت بقوله .. كلمت فيصل وانا اقوله : بعدين بقولك بروح اشوف بدر شبلاه .. رد علي وهو شبه يضحك: الله يعينج على الدلع بس الله كريم كل لبدر واحنا لنا الله .. ههههههههه ضحكت علي فيصل وصكرت من عنده وطلعت من الغرفه رايحه صوب بدر اللي كان ماد رجله المكسورة ويطالع التلفزيون .. نعم استاذ بدر ناديتني كلمته وانا اشوفه وهو يطالعني ويبتسم وقال : ما عليج امر خبري فيصل اني ابي اروح البحر اليوم مليت من البيت .. مادري ليش حسيت بالفرحه وانا اشوف بدر قام يطلع ويروح مثل الشباب اللي بعمره .. انت تامر امر خلصت كلامي وانا ارفع الجوال اتصل في فيصل من جديد ..!





بالكويت في ارض الخير ودار المرحوم جابر .. نور تركض من المربيه علشان ما تلبسها .. وهي تضحك على حركات المربيه ما انتبهت لابوه اللي مسكها من خصرها ورفعها وهو يحذفها بالهواء ونور تضحك من قلبها وهي مبسوطه حيل .. ليش ما تلبسين والا عاجبج الجو يعني .. ههههههههههههه ضحكت نور وهي تقول لعبدالعزيز: ما ابي !! ابتسم عزيز لها وقال : مو منج من الدلع .. انزين انا البسج ! امممممممممممم نور وهي تفكر وطالع ابوها وتقول: لا الي ندى .. حسيت بطعنه قويه بصدري ليش يا نور كل ما احاول انسى تذكريني فيها.. اااااااااااااه يا ندى .. نزلت نور من يدي وانا اعطيها المربيه علشان تلبس في هالوقت رن جوالي وانا اشوف من المتصل وبنفس الوقت اشوف الوقت .. 10 ونص الصبح والعنود داقه ان شاء الله خير ... الووو ..
العنود: هلا والله بالغلا .. شلونك ؟!
ابتسمت وانا ارد عليها واقول: هلا فيج .. انا بخير وانتي شلونج وشلون يعقوب وفيصل ؟
العنود وهي تضحك : احنا طيبين ما دامك طيب .. اممم عزوز مو ناوي تهجر الكويت وتنزل قطر ..؟
استغربت من سؤالها المباشر ورديت عليها: ليش صاير شي ..!
ردت العنود وهي تقول: لا والله مو صاير شي بس وحشتنا و نور بعد لها وحشه .. والا عندك شي بالكويت ما يخليك تفكر فينا ..
تنهدت بصوت عالي وانا اقول: من قال قطر واهلها في قلبي ..؟ العنود وهي شبه متردده : عزيز بقولك شي ؟؟ اممممم ندى ربت من اسبوعين وجابت ولد وسموه ابراهيم باركت لمحمد والا ما احد قالك ..؟
خلاص يالعنود كسرتي قلبي وهدمتي احلامي غمضت عيوني بقوه وانا ارد عليها بكل برود عكس اللي داخلي من نار : صج مبروك لا والله ما احد خبرني بس الحين راح اكلمه وابارك له .. بعد السلام صكرت التلفون وقعدت على اقرب كرسي وعشت مثل كل مرة بذكرياتي ...


اصلا اذا كبرت وتزوجت ان شاء الله .. وربي كتب لي اجيب بنت راح اسميها نور اما اذا ولد راح اسميه عبادي على اخوي ... شرايك عزوز ... كنا قعدين على الصخور بالكورنيش انا وندى وفيصل والعنود .. كانت ندى لابسه بنطلون جينز ازرق وبدي اسود وعمرها ما تجاوز 14 سنه كانت تخطط للمستقبل وانا مبسوط اني اكون معاها واسمع لها .. رديت عليها وهي تنطر مني رد : حلو اسم نور بس عبدالله ماله داعي .. وقفت على السور وهي تتخصر لي وتقول: لو سمحت عبادي تاج راسك .. مسكت يدها بقوه وانا اقول لها : ندى عيب هالحركه انا اكبر منج .. شدت يدها من يدي وهي تنزل من فوق وتقول: اصلا انت ما تعرف شي .. ركضت صوب خالتي وامي وهي زعلانه مني ..




كنا قعدين نتغدى بالصاله بعد ما خبرنا فيصل انه ما راح يجي علشانه مشغول مع بدر .. الهدوء اللي عايشه خانقني بس ايش اسوي العنود عنيده وانا مو قادر انسى لها اسم طلال ابدا .. ماما ابي ماي صوت سالم قطع تفكيري .. رفعت عيني وانا اشوف وجه العنود وهي تصب الماي له وهو يضحك ومبسوط .. اااااااه قلتها بقلبي وانا اتمنى اكون مكان سالم .. كانت لابسه تنوره بيج وقميص بنفسجي حرير .. ورافعه شعرها وبعض الخصل طالعه من جهه اليمين .. حبيبي لا تسوي جذي .. صوتها وهي تكلم سلوم طلعني من جوي وقفت وقلت : الحمدالله .. رفعت راسها صوبي وعقبها قالت : بس انت ما اكلت .. رديت عليها وانا رايح صوب المغسله : خلاص شبعت وانا اصلا تعبان بروح انام قبل صلاة العصر .. ما سمعت ايش قالت مع اني متاكد انها علقت .. غسلت يدي وعلى طول رحت الغرفه وصكرت الباب .. تنهدت بقوة وانا افسخ الثوب وانسدح على السرير .. تذكرت ايش صار من اسبوعين بينا ... غمضت عيوني وانا اشوف العنود قدامي بس هي اللي دووم اشوفها باااا حلامي ..!




على الساعه 5 ونص المغرب كنا في بيت ندى بالريان صرت احب هالمكان الحين عرفت ليش منيرة تحب ندى علشان الجو العائلي اللي تحسه منيرة عندها .. دخلنا البيت واحنا نشوف خالتي ام عبدالله تتقهوى وندى حاطه ابراهيم بحضنها وهو نايم .. وفطوم تضحك على سوالف خالتي .. السلام عليكم يا اهل البيت تكلمت امي وانا من بعدها سلمنا وقعدنا نسولف .. فطوم ممكن تاخذين ابراهيم شوي ابي الجازي بسالفه .. تكلمت ندى وهي تمد يدها .. قامت فطوم وهي تقول : بدينا الحين بالاسرار ..ضحكت على فطوم وقلت: مالج خص!! جوجو ابعدي عني ترى اتفاهم معاج بطريقتي .. تكلمت فطوم وخلتنا نضحك عليها .. قمت مع ندى لغرفتها اللي كانت مرتبه وسرير ابراهيم جهه اليمين .. قعدت على السرير وانا انطر ندى تتكلم .. ادري انج راح تستغربين سؤالي بس ارجوج تقولين لي الصراحه .. كلامها خوفني وايد وخصوصا شكلها المتوتر وقفت وقربت منها وانا اقول : خير ان شاء الله ايش صار .. ردت ندى تقول : وين كنتي يوم وفاة المرحومه منيرة ؟! سؤالها كان صدمه لي ايش تقصد تجمدت عروق دمي وانا ارد عليها : الموضوع صار عليه سنه تقريبا .. بس والا يهمج خليني اتذكر .. امممممممم ابوي مع امي وراشد يتناقشون على العشاء واللي اتذكره .. اممممم صافيه تتهاوش مع محمد اما انا كنت بالسيارة اسولف بالجوال مع العنود بنت خالتج .. اعتقد انج تعرفين انها صديقتي .. بس هذا اللي اذكره .. طالعت ندى اللي قالت : وضحى وين كانت ؟! استغربت من الاسئله الغريبه وانا ارد : امممم ما اذكر والله بس اعتقد على الصخره القريبه من راشد لانها كانت تضحك على هوشاتهم.. رفعت راسي وانا اقول لندى: ادري ان منور كانت تقولج اني اكرهها بس والله العظيم اني احبها .. اختنقت وانا اقول: انا غبيه يا ندى لاني ما عرفتها بحياتها وخسرت منيرة والا عرفت هي شنو ..كملت كلامي وانا اقول: صدقيني كنت اغار يوم عرفت ان منيرة تعرفت على صديقه وخلتها الام والاخت والصديقه سكت وعقبها صحت كل اللي بخاطري طلعت الاول والتالي .. قعدت اصيح وانا اقول حق ندى انا ايش قبل وشلون حب فيصل غيرني وشلون خسرت كل اللي حولي .. صحت قهر وانا بحضن ندى صحت خوف من الله صحت حزن على شبابي اللي ضاع على الفاضي ..

الجزء 33،،



عدا اخر اسبوعين من وجود ندى في بيت اهلها .. وحاليا اتحنى بالصاله باجر راح ارجع بيتي .. ابراهيم نايم والحنايه خلصت من يدي وبدت برجلي مش عارفه ليش بس فطوم اصرت احنيهم .. كانت اسوم عندي وهي تسوالف ومشتطه للعرس وتقول ايش خذت وايش اللي باقي .. اسوووم مو جنج عورتي راسي .. وهذي انتي ما تبين العرس اشوفج فرحانه .. حمرت خدود اسوووم وهي ترد علي : والله لو ما في يدج حناء كان ضربتج سنه بـ ساعه وبعدين انتي تعرفين ان الشيخ فيصل خاطره يسوي عرس ليش احرمه والله .. هههههههههههه ضحكت فطوم وهي تقول: انتوا البنات غربيين .. قامت فطوم وهي تقول :بروح اجيب كابتشينو تبين اسماء .. هزت راسها اسوووم على العرض المغري على قولتها واول ما اطلعت فطوم كلمتني : ندى فطوم ليش ما تزوجت .. رفعت راسي ودمعت عيني .. انصدمت اسماء وقالت : خلاص الله يهداج ما ابي اعرف .. ابتسمت بحزن وانا اقول: لا تقولين هالكلام قدامها .. خليه ما بينا اوكي .. هزت اسوووم راسها من جديد وهي تنطرني اقول .. احم اسمعي يالغاليه : اممممم فطوم الحين عمرها 32 تقريبا تزوجت وعمرها 22 سنه من ولد خالتي وعاشت معاه على الحلوة والمرة .. وربي رزقهم في بنت سموها سعاد .. كانت الدلوعه ودوم ينادونها سوسو .. المهم امممممم جاء يوم طالعين رحله للبحر وهم بالطريق صار لهم حادث وتوفى زوجها على طول اما سوسو قعدت تقريبا اسبوع بالعنايه وعقبها توفت ..عقبها فطوم قررت تعيش على ذكراهم كل ما خطبها احد ارفضت ما تبي العرس تقول انها جربت وما تبي تعيده .. سكت وانا اشوف اسوووم تصيح وخلت دموعي تنزل وانا اتحرك .. مدام don't move الحنايه كانت تكلمني علشان اثبت وما اخرب النقش اللي برجلي .. دخلت فطوم وهي شاله الكوب بيدها وتسال : شفيكم ليش وجيهكم زرق .. من مات عندكم ..! رفعت راسي وانا اطالع اسماء اللي انفجرت من الضحك وهي تقول : الناااااااااااااااااس تقول صار وجهك اصفر مو ازرق .. ضحكنا كلنا بعد ما اختنقنا من الزمن ..!




كنت اشوفه وهو مشتط ويرتب الغرفه مرة يحط الورد على الطاوله ومرة يحطه على الارض محمد متوهق باجر ندى راح ترجع البيت وهو لين الحين ضايع ... هههههههههههههه : محمد اطلع انا برتب الغرفه !! لف صوبي وهو يقول : لا ابي ندى تشوف شلون المكان نظيف .. الجازي قولي وين احط سرير ابراهيم .. امممممممممم قعدت افكر وانا اطالع الغرفه : شرايك هني .. علشان يكون قريب من ندى اذا صاح .. حسيت انه مقتنع بكلامي سحب السرير صوب جهه ندى وعدله .. وانا رحت ارتب باقي الاغراض .. دخلت صافيه وهي تقول : امي تقول الغدى جاهز يالله تعالوا .. ردينا انا ومحمد بصوت واحد : اوووكي .. ههههههههههههه ضحكت وضحى اللي كانت واقفه وراء صافيه: شبلاكم جنيتوا .. ليش مسوين جذي ؟ لف محمد صوبها وهو يقول: بدل ما تساعدوني تضحكون ..؟ قالت صافيه : انا ساعدتك الصبح .. الحين جوجو وبعدين على العصر وضحى .. تكلمت وانا اقول لهم : لا ما احد يرتب الغرفه غير محمد وانا .. يالله اطلعوا خلونا نخلص .. ابتسم محمد وهو يقولي: ربي يعطيج العافيه .. والله فيج خير .. تكلمت وانا اشيل الطاوله الصغيره واقربها من الكراسي : ندى اختي وحبيبتي والاخت اللي ما جبتها امي .. شفت ابتسامه غريبه على شفايف وضحى وهي تقول: نفس كلام المرحومه منيرة .. سكتنا كلنا واحنا نتذكر منيرة ونترحم عليها ونطلب لها الجنه ...




الساعه الحين 3 ونص العصر وكنت بالغرفه ارتب ملابس الشباب صج هلاك في الدقيقه يبدلون اوووف مليت .. قبل مرتاحه خدم وحشم والحين انا اللي اسوي كل شي .. هذي ضريبه الزواج .. كنت سرحانه وافكر واهلوس بروحي .. سلووووم نايم على سرير ابوه وانا ارتب ثياب يعقوب بالكبت ما حسيت الا وانا بحضنه .. ضمني بقوه وهو يقول: نورتي الغرفه .. سكت ما قدرت اتكلم وخصوصا اني مشتاقه له بس ما ابي اعترف.. خلاني الف صوبه وهو يمسك وجهي بيده وانفاسه تحرق وجهي .. رفع راسي وهو يقول: لين الحين زعلانه ..؟ بعدت نفسي شوي علشان اقدر ارد عليه بس للاسف الكبت خلاني محاصرة يعقوب من قدامي ويده على جهه اليمين وبنفس الوقت الكبت وراي والطوفه على يساري يعني اذا فيني خير احاول اطلع .. لا طلعت همس مني ما قدرت اقولها بصوت اعلى احس اني خلاص وصلت مرحله الصفر .. قرب يعقوب شوي مني وهو يقول بصوت واطي : يعني انتي راضيه .. اوووف ابعد الله يخليك كنت اقول هالكلام لنفسي وانا اغمض عيوني وقلت : اكيد .. بدون مقدمات حط شفايفه على شفايفي وباسني بكل قوه وانا منصدمه من حركته السريعه وبنفس الوقت مبسوطه من قربه .. حط يده على خصري وهو يقوبني له اكثر .. وانا اذوب اكثر واكثر كنت ارتجف وهو بعد .. بدون شعور مني حطيت يدي على رقبته وانا اقربه مني وفجاءة : بابا عيب .. صوت سلوم قطع علينا اجمل اللحظات اعتقد بالنسبه لي ..!




على الساعه 7 بعد صلاة العشاء كنت اسولف بالجوال ومش منتبها لوجود اللي معاي نسيت اني في بيت خالتي ام عبدالله .. لين ضربت فطوم كتفي وهي تقول: خلاص عاد ما تملون سوالف من الصبح لين الحين .. كلها اسبوعين وانتي بحضنه .. صوت ضحك فيصل احرجني وجهي شب من الاحراج وندى وخالتي يضحكون علي .. صكرت التلفون من فيصل بعد ما طلب مني اكلمه بالليل .. لفيت صوب فطوم وانا اقول: انتي شنو .. خليني استمتع .. خالتي شوفيها .. ههههههههههههههههههههه ضحك خالتي وندى علينا واصل اخر القارة الاسيويه .. قعدنا نتناقش انا وفطوم واللي معانا يضحكون .. لين تكلمت فطوم وقالت : أي ندى ما قلت لج عبادي يبي يتزوج .. وامي ادور له حرمه سنعه مو نفس بعض الناس .. كانت تقصدني .. طنشت لها وانا اقول لندى : امممممممم شرايج في الجازي ! شفت الصدمه بعيون ندى وعقبها قالت: والله مادري بس بسالها وان شاء الله خير .. تكلمت خالتي ام عبدالله وهي تقول : أي والله ليش نروح بعيد والجازي بعدها ما تزوجت ... احس ان ندى فيها شي وخصوصا بعد ما جبنا طاري الجازي والزواج بس مو مشكله بعدين راح اعرف .. رن جوالي وكان المتصل بدر وقفت وانا اقول: يالله هذا بدر ينطرني بروح البيت .. احسن من لسان فطوم ام لسانين ... ههههههههههه طلعت على صوت ضحكهم والله ربي راضي علي بهالدنيا هذا كان تفكيري وانا اركب السيارة ..!



كنت اسولف مع فيصل بس بالي مشغول باللي صار اليوم مع العنود .. اوووف لو ما كان سلوووم موجود .. ليش ايش كان سويت ؟! صوت فيصل اللي ردني للمجلس .. طلعته وانا اقول : ايش تقصد ! قالي وهو يبتسم : انت تقول لو ما كان سلوم موجود ! انحرجت لان تفكيري كان بصوت عالي .. ههههههههههه ضحك فيصل علي وهو يقول: وجهك لونه اخضر على قولت بنت خالتي .. ههههههههههه ضحكت وانا ارد: ما لك خص بـ لوني و وجهي ههههههههههه ضحك فيصل ! يالله عيل بروح داري ابي انام .. تكلم فيصل وانا احس اني مستانس بدخل عند العنود .. وقف فيصل وقفت وياه .. يالله تصبح على خير والا تنسى باجر عندنا دوام بدري .. كلمني فيصل وهو يطلع من المجلس رايح صوب الملحق الخاص فيه .. " من بعد ما باع عبدالعزيز البيت اللي بالدفنه وفيصل يسكن مع يعقوب والعنود وله ملحق خارجي خاص فيه واصلا قليل ما يتواجد بالبيت " رديت عليه وانا اقول : ان شاء الله طال عمرك لا توصي حريص .. كل واحد فينا راح بطريقه دخلت الصاله ولقيت العنود قاعده عند التلفزيون اتابع برنامج .. السلام عليكم .. رفعت العنود راسها وهي ترد السلام قعدت على الكنب اللي هي قاعده عليه وانا اقول: وين سالم ؟! تكلمت وهي تشوف البرنامج : نايم من ساعتين لا تنسى الوقت متاخر .. رفعت ساعتي وانا اشوف ان الوقت 12 ونص بالليل وقلت : وانتي متى تنامين ؟! طالعتني وهي تقول : الحين بس كنت ابي اسالك قبل لا انام .. امممم عادي اروح عند اسماء باجر تبي مني شغالات .. طالعتها وانا اقول: روحي .. وتصبحين على خير لان عندي دوام .. طلعت من عندها وانا احس انها بارده معاي مو نفس العصر يوم حسيت انها مشتاقه لي ...!



كنت مع امي على الفطور وانا اسمع عن اختيارها للعروس بس ما توقعت انها تكون اخت محمد .. انزين يمه وين البنات .. كلمتها وانا اشوفها وهي تفر القنوات .. ردت علي وهي مندمجه مع التلفزيون: فطوم عندها اجازة اليوم وراحت تودي اختك ندى تسوي شعرها والسوق .. يعني ابراهيم هني! كلمتها وانا اوقف ؟! أي يمه نايم لا تروح وتقومه كلمتني وهي تهددني بالعصى .. هههههههههههه ضحكت على امي وانا اقول: ان شاء الله يا ام عبدالله بس راح ابوس راسه .. طلعت من الصاله رايح صوب غرفه ندى اللي كان بابها مفتوح والخدامه قاعده عنده وهو نايم .. يجنن هالولد طالع على ابوه ما اخذ من ندى الا لون بشرتها الحنطيه .. بسته وانا اشوف حركات يده ورجله ههههههههه ضحكت عليه وعلى شكله ,, تخيلت انه ولدي الله يالدنيا الحين فكرت بس بالعيال والزواج .. رن جوالي وكان المتصل محمد ..
هلا والله بو ابراهيم ؟! رديت عليه وانا احط برهوم على السرير .. هلا فيك .. شلونك عساك بخير ؟ رد علي وهو شبه يضحك على ترحيبي له .. انا بخير دامك انت بخير ..؟ طيب انت وين الحين .. سالني محمد وانا طالع من غرفه ندى .. رديت عليه : كنت بغرفه زوجتك وحاط ابراهيم بحضني وحاليا طالع الصاله ليش تسال .. لا يكون انا حرمتك وانا مادري.. ههههههههههه ضحك محمد وهو يقول: حشى لله حرمتي احلى على الاقل اذا قمت الصبح اتصبح بغزال مو سبال ؟ ههههههههههههه ضحكت عليه وانا ارد وحاط عمري معصب : تخسي انا سبال .. اصلا انا الغلطان اللي اسولف وياك ... ههههههههههههههه ضحك محمد وهو يقول: يا رجل عن السوالف بس .. تعال لي انا عندك بالمجلس .. ان شاء الله الحين جاي لك .. صكرت منه التفلون وانا احمد الله على محمد اللي محافظ على ندى ويحبهااا ..!



كنا مبسوطين واحنا نرتب البيت اللي يشوفنا يقول عندنا عيد .. مو علشان ندى راح تجي .. المشكله اني مبسوطه اكثر منهم .. دخلت الغرفه اجيب عود وبخور علشان ابخر المكان وانا اقول المغرب راح ينور البيت .. ما حسيت باللي معاي بنفس المكان .. ما شاء الله كل هذا حق ندى .. لفيت صوب راشد اللي خرعني وهو يتكلم .. بسم الله الرحمن الرحيم .. انت من متى هنا .. كلمته وانا اشوفه وهو يطالعني من فوق لين تحت ويقول : الحين انتي لابسه لمن بالضبط .. سؤاله احرجني من قلب .. رديت عليه وانا اطلع من الغرفه : فكر مثل ما تبي واذا انت تشوفني موضي القديمه تراك انت الخسران مو انا ..؟ قبل لا امسك مقبض الباب حسيت بيده على كتفي ولفني صوبه وهو يقول: اتمنى ان موضي القديمه ماتت .. فتح الباب وطلع وخلاني واقفه في مكاني مصدومه ليش هو الوحيد اللي مو مصدق والله تغيرت .. هزيت راسي بقوة وانا اقول : بكيفه صدق والا لا اهم شي اانا مرتاحه جذي .. طلعت من الغرفه رايحه صوب الصاله علشان ابخر المكان قبل لا تجي ندى مع محمد ..



بالجامعه وجو الدراسه والاجتهاد للبعض .. وللبعض الاخر كان للهو والمرح والملذات .. شله بندر في الزاويه المفضله لهم .. كانت وضحى لاصقه بحضن بندر وهم يتهامسون بالغزل وكلامات الحب اللي ما تنقال الا للازواج .. وفي مكان ثاني وسط المجموعه كانت حصه منقهرة وهي تشوف الوضع والعلاقه اللي بدت تقوى ما بينهم .. الا اقول وضحى ليش طلقج ولد عمج .. سؤال حصه لوضحى خل الكل يسكت ويطالع وضحى اللي انصدمت من هالسؤال المباشر .. رفع راسه بندر وهو يقول لحصه : اعتقد هالجواب ما يخصج بس اذا حابه تعرفين عادي .. والا تعتقدين ان سؤالج راح يحرج حبيبتي .. انقهرت حصه وفرحت وضحى على الدافع الحار من بندر لها .. تكلمت دلال وهي تقول : اليوم في مباراه بين بنات النشاط وبنات الرياضه لكرة اليد بتروحون والا لا .. الكل رد وهم مبسوطين ان في جو ثاني غير الحش والقافه .. ورجع صوت شله بندر يهز الكافتيريا من جديد بدون اهتمام باللي حولهم ..!




...؟ ان شاء الله قريب راح اخبرك ؟
...؟ يعني راح تحضر عرسي !
...؟ ان شاء الله يا فيصل راح احضر شبلاك تحن وايد..؟
فيصل : هههههههههه يا اخي اشتقت لك من رحت للكويت ما نسمع حتى صوتك عرسي بعدي يومين ابيك معاي يا اخوي ..
عبدالعزيز : افا عليك اذا ما وفقت وياك من يوقف .. ادري ان عبدالله ويعقوب وبدر معاك بس اكيد انا غير ..
فيصل: اكيد يا اخوي انت غير ؟
عبدالعزيز : خلاص عيل اشوفك قريب مع السلامه ..
صكرت من فيصل وانا افكر في الدوحه وخصوصا في ندى .. دخل منصور المكتب وهو يقول : الاستاذ سعد يقولك متى راح تطلع من الشركه الساعه الحين 8 ونص بالليل ؟ رديت عليه وانا اوقف : الحين ليش هو وين ؟ رد منصور وهو يطالع وجهي : بالبيت .. عبدالعزيز انت بخير .. رديت وانا اتنهد : أي انا بخير .. بس ابيك تقطع لي تذاكر للدوحه عرس فيصل بعد يومين واحسب احسابك وسعد وياك .. رد منصور وهو مبسوط: الف مبروك يارب .. بس انت ليش زعلان؟ رديت عليه وانا احط الاوراق بالشنطه : مو زعلان بس جو الدوحه واهلها الدوحه يعذبني .. صكرت الشنطه وانا اسلم على منصور واوصيه على التذاكر .. طلعت من المكتب رايح صوب الاصنصير رن جوالي على نغمه احبها حيل تقول:

تدري انا وياك
قصتنا مثل شمس وقمر
من اول الوقت حتى اخره
ما يلتقون
كل يدور صاحبه
وحكم القدر
تشرق تبيه
يغرب يبيها
وفي السماء
يتخالفـــــــــــون

تدري انا ما عاد اظن
ان لي معاك قسمة
ويا عزتي للي القدر
هو نده وخصمه
قاوم هبوب العاصفة
وهزته نسمه
نسمه رقيقة ظالمه
ما في قلبها رحمة
يا من عرفني الليل
واقف على بابك
لأصرخ واهد الليل
ما اتحمل غيابك

اه يا حبيبي للأسف
ما بيدنا حيلة
هذا نصيب قلوبنا
ويعلها خيرة
كل شيء حبيبي بينتهي
حــــبـــــنـــا خــــالـــد
صفحة تشع من البياض
الله بها شاهد


رديت على الجوال وانا احس اني راح اختنق .. الوو ؟ عزيز وينك !! صوتها يالله احب صوتها .. البحه اللي فيه تجنني .. عزيز صرخت بقوه وانا اقول : هلا هلا ندى معاج .. هههههههههه ضحكت وقلبي يرقص مع ضحكاتها قالت : سنه لين ترد تراك بالكويت مش عايش في مثلث برمودا .. هههههه ضحكت وانا اقول: سوري والله كنت بالمصعد .. اهااا انزين اسمع ابيك تنزل الدوحه وتجيب نور تراها وحشتنا .. والا تنسى عرس اخوك ..؟ كنت اسمع صوتها وانا مغمض عيوني .. علشان اقدر اخزنه داخل عقلي .. ان شاء الله انت تامرين .. امممم ندى مبروك ما جاج ويتربى بعزج .. ردت علي وهي فرحانه : الله يبارك فيك .. اممم خلاص انا اصكر الحين محمد ينطرني اشوفك بالدوحه .. صكرت التلفون وانا ما زالت عند المصعد اللي كان يفتح ويصكر وانا مو حاس فيه ..

الجزء 34،،






وصلنا البيت تقريبا على الساعه 9 بالليل .. كنت مصصم ادور بالدوحه واخلي ابراهيم يشوف قطر بس ندى الله يهداها تحن الا نرد البيت .. دخلنا الصاله وكانت امي اول من يستقبلنا : هلا وغلا تو ما نور المكان حي الله الغاليه .. ترحيب امي الحار لندى طلع البنات كلهم وكل وحده تمسك فيها ساعه من بوس وحضن ودموع صج هنود اهلي .. محمد شبلاك عطني ابراهيم .. صوت امي رجعني لهم ورديت : أي ان شاء الله .. الله يهداكم اللي يقول ندى راجعه من معركه مو من الريان وانتوا عندها كل يوم .. صوت غريب تكلم او بالاصح من زمان ما سمعته : والله زوجتك عن الف وحده فينا واذا غابت حسينا بـ مكانها .. ردت صافيه وهي تقول: وانتي الصاجه يا موضي ندوووش حبيبه الجماهير .. هههههههههه ضحكنا على خبال البنات .. يالله انا طالع المجلس تامروني بشي .. كلهم قالوا لا .. الا ندى اللي قالت اي .. ههههههههههه ضحكنا من جديد وردت وضحى عليها وقالت : لاحقه عليه طول العمر معاج خليه يروح .. ردت عليها الجازي وهي تحضن ندى وتقول: ما عليج منها تدلعي عليه واطلبي كل اللي تبينه .. علقت صافيه وهي تضحك : أي خليه يودينا مباراه الريان يوم الخميس .. ههههههههههه ضحكنا من جديد وقالت ندى : اصلا انتوا ما تعرفون شي .. قالت هالكلام وهي ترفع راسها لي وتقول : أي ابي سلامتك ورضاك .. هدوء بالمكان ما في حتى نسمه هواء تعكر صفوه .. تنهدت وانا اقول لها : الله يسلمج يالغلا .. انا اترخص مع السلامه .. طلعت من عندهم وصوت الضحك رجع من جديد ..





كنا بالمطار اليوم راح يوصل عبدالعزيز ونسيبه وصديقهم .. الجو اللي حولنا كان فرح خلاص عرس فيصل باجر والكل مبسوط وفرحان .. يعقوب هذا عزيز تكلم فيصل وهو يمسك يدي .. رفعت راسي وانا اشوف ثلاث شباب واحد فيهم شايل بنت وعرفت عزيز من بينهم .. ركض فيصل مثل الياهل صوب اخوه واول ما وصل عنده حضنه بقوه وكان يصيح شوق .. الله يهدك يا فيصل تصيح وانت رجال وباجر عرسك .. عيل ايش خليت للعنود .. تكلم عزيز وهو يبتسم .. واللي قهرني يقول اسم العنود قدام العالم .. هده فيصل وهو يقول : كل منك ليش تاخرت كنت انطرك يعني لو ما كان عرسي ما كنت جيت .. فيصل اذكر ربك وخلنا نسلم على الشباب تكلمت وانا امد يدي لعزيز .. هلا والله بالنسيب شلونك عساك بخير ؟ رديت عليه : بخير ولله الحمد انت شلونك !! انا بخير رد علي وهو يقول: هذا سعد ومنصور .. سلمنا على الشباب واحنا ريحين صوب السيارة .. طبعا حلفت على عزيز والشباب ينامون عندي بالبيت خصوصا ان في مكان وغرف وخصوصا اني مخبر العنود ترتب غرفتين للفيصل وعزيز داخل البيت والمحلق الخارجي حق سعد ومنصور ..





محتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني
ألا أنت وينك لاتعذر بالاسباب
ابيك تترك كل شي وتجيني


طرشت هالمسج لندى وانا ارتب الغرفه اللي بنام فيها ..غرفتي راح تكون لعزيز والثانيه لفيصل وغرفه سالم احذا غرفه يعقوب،، كنت قاعده على سرير يعقوب وانا اقول : اليوم راح اجتمع وياك بنفس الغرفه .. رن جوالي وكانت ندى المتصله ..
ندى: السلام عليكم ورحمه الله وبركاته .. شلونج العنود ؟
صوت الازعاج اللي عندها حسسني بالحزن اكثر رديت : وعليكم السلام .. انا بخير .. امممم انتي وين ؟!
ندى : وين بعد اليوم رديت بيتي والازعاج اللي عندي خوات محمد ومرت راشد .. انتي اللي شبلاج ليش هالرساله !
اااااااااااه تنهدت بكل قوة وانا اقول : ايش اقولج يا ندى .. سمعت كلامج وسويت اللي المفروض يصير بس للاسف ..
قطعت ندى كلامي وهي تقول: بنات هالله هالله في برهوم بروح اكلم العنود واجيكم .. بدء الازعاج يخف وسمعت صوت باب يتصكر ..الو انتي معاي ؟ كلمتني ندى وانا احط العطورات على الطاوله ..
العنود : أي يالغلا معاج ؟؟
ندى : طيب قولي اللي صار وانا اسمعج ..
خذت نفس قوي وقعدت على اقرب كرسي وقلت: تذكرين يوم طلعتي من عندي .. قررت ابتدى من نفس اليوم .. اممم رحت شفت الاغراض واخترت القميص المناسب حطيته على جنب .. وبعدها رحت لسلوم علشان انومه .. اممم ايش اقول .. ردت ندى علي تحاول تهديني لان صوتي بدء يتغير ..
ندى: يعني ما صار شي ومن ذاك اليوم لين اليوم ما صار شي .. انتي تعرفين ان مر شهر تقريبا .. انتي متزوجه من 5 شهور ومازالتي بنت ..
العنود: مو بيدي هو ما جاء وتاخر ويوم اتصلت فيه ما كان يرد وحتى بالرسايل ما عبرني كل اللي سوه ان جاء البيت على الساعه 2 الفجر وطرش رساله لي يقول فيها انه بالغرفه .. انتي متخيله الوضع ..
ندى : والا سالتيه وين كان يمكن كان معذور ليش تحكمين على طول وبعدين.. كوني صريحه مع يعقوب تره طيب ورجال صالح لو غيره كان انتي الحين في بيت اهلج .. تنهدت ندى وهي تكمل : اليوم تتعاملين معاه كزوجه مو شرط بالفراش بالتعامل والاهتمام والرعايه .. خلج قويه وصادقه .. تسمعين ..
رديت عليها وانا اسمع صوت يعقوب يناديني : ان شاء الله .. اممم ندى انا بصكر الحين يعقوب يناديني .. وبنتفاهم بعدين اووكي قلبي .. صكرت الجوال ولفيت ابي اطلع وانصدمت يوم شفت يعقوب يطالعني بنظرات غضب ..





كنت ارقب محمد وهو نايم رفعت راسي الجهه الثانيه اشوف النسخه الجديده لمحمد ضحكت وانا احاول اقوم بس يد محمد وقفت حركتي وسحبني جنبه وهو يقول: على وين !! طالعته بكل حب وقلت له : بروح الحمام "الله يعزك" خلاص شبعت نوم ! هههههه ضحك وهو مغمض عيونه ويقول: ذكرتيني باول يوم لنا يوم شردتي للحمام.. ابتسمت وانا ابوس راسه واقول : انت ما تستحي .. خلني اقوم .. بس محمد عاند اكثر وحضني بقوه وهو يقول: بس انا مشتاق لج .. فتح عيونه وكمل: ندى شهر يالظالمه وانتي مو بحضني والحين تبين تروحين .. سكت وانا اطالع عيونه مش عارفه ليش احب هالانسان عرفته من سنه بس وهو كل حياتي .. وعزيز اللي عشقته سنين ما له مكان الا انه اخ ولد خاله .. شفيج ليش تصحين كل هذا علشان تطلعين.. تكلم محمد وابتسمت على كلامه وحضنته وانا اقول: كنت افكر شلون كنت بدونك طول السنين اللي راحت .. حتى يوم عرفت منيرة ما عمري شفتك والا حتى سمعت صوتك الا يوم وفاتها بـ شهر تذكر .. ههههههههههههه ضحك وقال : اقولج سر قعد معاي عشر سنين !! رفعت راسي اشوفه وهو يقول: كنت احلم فيج بالاسبوع مرة بس الله يسامحج حتى بالاحلام تكونين قاسيه وتصديني .. هههههههههه ضحكنا واحنا نتكلم عن احلام محمد.. وقسوتي معاه!





الساعه 10 ونص الصبح طلعت وشفت فطوم تسوي لها ساندوج وامي تتقهوى .. السلام عليكم ورحمه الله شلون اصبحتم .. ردوا السلام وقالت امي : اصبحنا بالخير ولله الحمد .. عبدالله من بيروح للذبايح ؟ رديت عليها وانا اخذ القهوة من يد فطوم: انا ويعقوب بنروح لهم .. اما الصاله فـ عبدالعزيز وبدر هناك وسعد جزاه الله خير هو اللي راح يحط التجهزات بالصاله .. متى جاوا من الكويت ؟ تكلمت فطوم وهي توقف وتمسك العبايه ومفتاح السيارة .. امس بالليل وصلوا .. انتي وين رايحه ؟ كلمتها وهي تبوس راسي امي وتقول: حق العروس ندى وعقبها العروس العنود وعقبها العروس اسماء.. ههههههههههههههههه ضحكنا انا وامي على كلامها رديت عليها: ومتى بتصيرين عروس يا فطوم ؟ وقفت وطالعتني وهي مصدومه من الموضوع .. كلمتها امي : فاطمه ابي اموت وانتي في بيت ريلج فكري بس بالموضوع .. تنهدت فطوم وهي تقول: الله كريم بس ما يهون علي العشرة اللي راحت .. قعدت وقالت: اخاف والله يصير شي واخسر من جديد.. استغفرا الله ايش هالكلام الاعمار بيد رب العالمين .. تكلمت وانا اوقف واقول: انتي الحين روحي للبنات وبعدين نتفاهم .. استمتعي ورقصي وافرحي ترى اليوم عرس فيصل وهو يستاهل .. ضحكت لي وهي تقول: ربي يخليك لنا يالغالي ..!





المغرب الكل مبسوط ومشتط وانا معاهم كنت اراقب البنات اليوم بس عرفتهم لاني غبيه وحرمت نفسي اشوف لي خوات وصديقات.. كانت ندى لابسه فستان ناعم عنابي غامق وماسك جسمها بطريقه حلوة وشعرها على فوق ومكياجها ناعم مثلها .. اما فطوم كانت لابسه فستان ذهبي مخصر على جسمها وطالعه منه شرايط ذهبيه وشعرها على كتفها مدرج ومكياج هادي.. حتى بنات عمي كاشخين للعرس اللي يشوفهم يقولون اخوهم .. حبيت هالتجمع .. موضي شبلاج ما راح تنزلين .. صوت ندى ردني للواقع وللعرس وللصاله .. وقفت وانا اقول: احس اني بين اهلي .. ههههههههههه ضحكت ندى ومسكت يدي وقالت : حبيبتي انتي بين اهلج واللي يزعلج بس قولي من وانا امسحه من هالدنيا .. ابتسمت لها ووحطيت يدي على يدها وقلت : وين تبيني اروح قولي.. تعالي معاي تحت نشوف العالم وعقبها نقول للصاحبه الدي جي تجهز الزفه .. تكلمت وهي تسحبني وحتى قبل لا تسمع رايي ابتسمت وانا اقولها: ان شاء الله وهذاني وراج .. هههههههههههههه ضحكنا واحنا نزلين والبنات ينزلون ورانا علشان المعازيم وصلوا ..




...؟ طيب يا فادي انا راح اخبر الاستاذ .. والبضاعه تكون موجوده يوم السبت ..
...؟ خلاص عيل انا اصكر الحين واتفاهم معاك باجر الصبح .. مع السلامه ..
كنت ضايق من الخاطر ابي اطلع بس أيش اسوي عرس فيصل ولازم اكون هني .. وقفت برع صوب صاله الدوحه للاحتفالات كنت قريب من المطبخ الخارجي طلعت علبه الزقاير وفجاءة ...
...؟ انتي وين الحين .. ياااااااااا سلام يوم اقولج تعالي معانا قلتي ما اقدر .. طيب وين السيد يعقوب .. اهاا متاكده ,, لالالا لين الحين ما زفينا اسماء كم يبي لج .. خلاص عيل بقول لندى ..
اصلا لج الشرف فاطمه بنت .... الـ ... تمر عليج هذي اخر مرة يا ناكره للجميل .. يا الله مع السلامه ..
فاطمه بنت خاله عزيز لا وين مستحيل هذي فاطمه سبحان الله كنت افكر بعد ما شفتها تدخل الصاله وهي مو مركزة لوجودي .. يا ربي تغيرت وصارت حلوة قبل كانت ترفع الضغط .. ماشاء الله عليها .. سعد سعد .. شبلاك واقف هني ؟ لفيت صوب اللي ينادي ولقيته عبدالله رديت وانا خايف انه شافني : ابد سلامتك جاني اتصال من الشركه عكر مزاجي قلت ادخن .. لا حول الله والا قوة الا بالله العلي العظيم .. صحتك يا رجال شنو ادخن انسى الزقاير وتعال معانا عند الرجاجيل .. رد علي وهو يمسك العلبه ويرميها بـ اقرب زباله "الله يعزكم" هههههههههههه ضحكت وانا اقول : ان شاء الله وهذي الولاعه بعد .. ههههههههههه ضحكنا واحنا رايحين صوب الشباب وانا براسي صاحبه الفستان الذهبي ..!





من 10 دقايق وانا واقف عند باب الغرفه .. مش قادر احرك رجلي ابي ادخل اخذ الفلوس بس العنود داخل اكيد انا قلت لها ما تروح معاهم .. يالله يا يعقوب ايش صار يعني انت حتى ما سالت من اللي كانت تكلم .. اكيد مو شاب لانها كانت واثقه من نفسها بس شلون اعرف .. بدون تردد فتحت الباب وحاط نفسي طبيعي بس للاسف كانت العنود واقفه عند المنظرة وهي تسوالف بالجوال ومعطتني ظهرها وتضحك كنت راح اتهور بس يوم سمعت اسمع فطوم عرفت اني غبي .. صكرت التلفون ونزلت راسي تحت وانا رايح صوب الدرج اطلع الفلوس .. راح نطلع الحين تكلمت وانا اسمع لاني تاخرت وبعد شوي راح يزفون العروس .. طلعت الفلوس من الدرج ورفعت راسي لها طاحت الفلوس على الارض وانا اشوف العنود اللي كانت لابسه فستان احمر قصير لين الركبه ممسوك من الصدر بورده عليها شرايط وشعرها مسويتها تسريحه على فوق مع شرايط حمراء ومكياجها حلو وصندالها عالي تقريبا وصلتني بالطول .. كلمتني وهي تنزل تاخذ الفلوس وقفت ومدت يدها وهي تقول : شفيك ! فيني شي غلط .. او مو حلو لابسي مو عدل ؟! مديت يدي ومسكت يدها وانا اسحبها صوبي : يعقوب الله يخليك بعدين انا تاخرت .. كلمتني وهي شبه مرتبكه والمشكله اني مرتبك اكثر منها .. قربتها مني وانا اشم ريحه عطرها Miss Dior قريت اسمه يوم حطت اغراضها معاي بالغرفه .. سمعت اسمي وانا قريب من رقبتها كنت ابوسها وهي بحضني : يعقوب لاااااا وقف شوي .. ما يصير رااح نتااخر .. بابا عيب ؟ صوت سالم الغضب شوي خلاني استوعب الوضع .. وابعد عن العنود والنفس عندي شبه مقطوع ...؟




الساعه 9 ونص والعنود من نص ساعه تقولي راح تنزلين ولا صار شي ... اوووف خايفه خايفه .. دخلت ندى وهي تبتسم وتقول: هدي اعصابج ولا تخافين كلنا معاج .. ويالله قومي لانج راح تنزلين .. الحين انتي متاكده الحين .. رديت عليها وانا امسك يدها .. دخلت العنود وهي تقول : وين المسكه ليش مو بيدج .. يالله الاغنيه جاهزة وخلصنا كل شي ما بقى الا انتي .. طالعت ندى وهي تبتسم لي وعقبها طلعت معاهم نزلت من الدرج وانا اسمع اصوات البنات برع .. وقفت عند باب الصاله وانا انطر الاغنيه او الزفه ..

هاليله احلى ليالي العمر واجملها .. هالليله حلو بنور اللي تحليها
يا عيون سمي ما دامج تنظرين الها .. بسم الله سمي وبعين الله تحميها ..
سمي وصلي على خير البشر كله .. في كل لفه هدب يا عيون عديها ..

بدت الزفه بصوت الشاعر والموسيقى الهاديه كنت اطالع قدامي واشوف الناس اطالعني كنت خايفه وانا امشي وفجاءة طاحت عيوني بعيون ندى ارتحت وانا اجي صوبها كانت فوق بالكوشه تنطرني مع البنات اشكالهم حلوة ابتسمت ومشيت على نغمه الزفه لين وصلت وفقت عند الكرسي كانت المصورة تطلب مني اسوي حركات مرة يمين ومرة يسار .. والبنات يرقصون جاتني .. العنود وهي تضحك وتقول خلاص فشلتينا وانتي شاقه هالضحكه اسكتي شوي .. وعلى فكرة الشباب عند الصاله الحين بغطيج .. تجمدت ابتسامتي وانا اطلع نظرات الخبث بعيون العنود وهي تحط الغطى على راسي .. بعدها بدقايق سمعت :

عاشت قطرنا لنا ....في ديرة اهل الحميه... عاشت قطرنا لنا
دار ابو مشعل حمد ...صبوا لها الشاذليه ...دار ابو مشعل حمد
دار التميمي حمد ...صبوا لها الشاذليه ... دار ابو مشعل حمد
لي ثارت البندقيه ...ما نر تضي بالدخايل ... لي ثارت البندقيه
جده وابوه اللي بنوا ساس الوطن من عدام ...جده وابوه
اليوم عرضه نشوة السيف والخيل
والعز ومضة في حياة الرجاجيل
صكو على البيرق قروم النشاما
ذبوا غترهم ما على الهام هاما
رجل تدوس الذل ورجول قدام
العج وأصوات الرجاجيل وزحام
نز العرق بجباه حمر النواظر
كلن هتف يا ساعة المجد حاضر
وسيوفهم تمشي كما السيف هادر
يا موت ول والطير بالجو كاسر

ما كنت اسمع شي عقبها الا التباريك من الشباب لفيصل وقف جنبي بدر وعرفته من العكاز اللي بيده .. مبروك يالغلا سمعت صوته ودي اصيح بس ندى محذرتني من الصبح .. انشال الغطى من وجهي ونزلت راسي تحت .. ما شفته ومنحرجه اشوفه .. مبروك يالغلا كان صوت فيصل وهو يلبسني الخاتم بيدي اليسار .. ما رديت لاني خلاص ما اقدر ..!!




البنت اللي قدامي والا احلى والا اروع والا اجمل .. المشكله هي اللي شفتها بعرس ندى وحبيتها هي اللي خطبتها وعزيتها بس الحين هي غير غير .. مبروك يالغلا .. كلمتها بس ما ردت علي ابتسمت وانا اشوف ندى جايه صوبي وتقول: مبروك يا قلبي .. تستاهل اسوووم وتستاهل الخير .. رديت عليها واانا ابوس خدها : يبارك فيج وعقبال ابراهيم .. ضحكت العنود اللي تحضني وتقول: باااااااال تو الناس الولد ما عدا السنه اصبروا عليه .. ههههههههه ضحكنا على تعليقها .. قعدت جنب اسماء بس البنت ساكته .. رفعت راسي اشوف خواتي يرقصون لي ندى والعنود .. وخالتي ام عبدالله تحذف الفلوس على رؤؤسهم .. حسيت الوقت طويل مع انه عدى بس 15 دقيقه .. اشرت على ندى وقلت لها يالله انا تعبت .. قامت اسماء وقفت معاها ومشينا صوب الباب وهم يزفونا .. تغطت اسماء بالعبايه وركبت السيارة .. اصريت اني اسوق وما احد يكون معانا .. طلعنا من الصاله صوب الفندق عزيز ما قصر حجز لنا في انتر كونتنتال .. وصلنا ونزلت ورحت جهت اسماء اساعدها وعقبها اخذت المفتاح من الموظف وصعدنا فوق .. بالغرفه وبعد ما نزل الرجال الاغراض وطلع لفيت صوبها وانا اقول: لا يكون زعلانه من احد وتحطين الحرة فيني .. هههههههه ضحكتها مثلها هاديه .. لا .. بس في سؤال في راسي .. اممم ليش تبوس ندى ! هههههههههههههههه جاء دوري اضحك وانا اقول: انتي ما تدرين انها اختي من الرضاعه .. شفت الصدمه بعيونها وهي تقعد على اقرب كرسي : لا ما كنت ادري .. المهم انا يوعان حدي تبين شي والا مستحيه .. !

الجزء 35،،




الليله هذي من احلى الليالي على كل بطل من ابطال قصتنا.. اللي عاش الحب واللي عاش الصدمه واللي بدء حياه جديده واللي بدء يرسم لنفسه اول الخطوه ....




نبدء في منطقه بنص الدوحه مدينه خليفه .. دخلت وانا شايل سالم بيدي لانه نايم الحبيب .. والعنود تمشي وراي وهي تسوالف عن اللي صار كنت اضحك على ضحكها دخلنا غرفه سالم وهي ما زالت تسوالف انتبهت انها شايله الصندال بيدها يعني كانت تمشي بدونه طوال الوقت .. عجيبه هالبنت كنت اشوفها وهي تقول لي : جيب البيجامه من الدرج الاول وعطني الشرشف الابيض .. والا تنسى تجيب الكريم علشان ادهن صدر سالم اليوم ركض بالصاله لين تعب .. كنت اسمع وانفذ وراقب كل حركه تسويها لين خلصنا وطلعنا على طول للغرفه فتحت الباب انطرها تدخل بس هي وقفت عند العتبه ورفعت راسها لي وهي تقول: بعد اليوم انام هني ..؟ كانت تهمس لي ابتسمت وانا اهمس لها : أي لان عزيز راح ينام بالغرفه هذي .. كنت اتكلم وانا ارويها أي غرفه .. اها هو ما قال بيروح مع سعد .. كلمتني وهي تدخل الغرفه وشكلها مرتبك .. لا سعد وعزيز ومنصور راح يردون بالليل عندي وعطيت اخوج المفتاح الثاني للبيت لا تخافين .. كذبت عليها لاني ابيها تنام عندي اليوم بعد ؟ صح عبدالعزيز وسعد ومنصور راح ينامون بالفندق!! بس كذبتي بيضاء لاني مشتاق لها .. بعد ما تاكدت اني قفلت الباب من بعد ما دخلت وقبل لا تسوي شي حضنتها وبكل حب وشوق و وله ..



انصدمت من الحركه المفجاءة من يعقوب لي حضني بقوة وانا بين يده .. مشتاقه والله بس لازم يعرف لازم اقول له اني احبه واموت فيه .. ما ابيه يفكر اني استغله ابي يعرف انه كل حياتي والقلب دوم له .. تحركت ولفيت صوبه وكان يتنفس بقوه وهو يقول : العنود ارحميني شوي انا رجال ومن حقي ... قبل لا يكمل حطيت يدي على شفايفه وانا اقول: لا تكمل .. فاصل يعني سكت وانا اخذ هواء واشوف نظراته المتسائله .. كملت وانا اقول والدموع غرقت بعيني : يعقوب انا انا .. من عرفتك وانا اسمع الكل يمدح فيك وفي اخلاقك .. كنت اقول ليش وافق علي وانا اللي كنت ... اختنقت وانا امسح دموعي وامسك يده علشان ما يبعد عني .. بس سحب يعقوب يدي وهو يحاول يبعد مسكته من جيب الثوب وانا اقول: ارجوك انا اخطيت والسبب اللي يبعدني عنك هو اني .. ااانا يعقوب انااا احبك والله احبك .. ما اعرف متى بس كل يوم تكبر بعيني .. وتسكن بجوفي يعقوب ارجوك لا تخليني .. صحت والا قدرت اكمل الكلام اللي كنت حفظته واردده بيني وبين نفسي كل يوم قبل لا انام كنت اصيح والا حسيت بـ يعقوب .. رفعت راسي علشان اتاكد انه موجود انصدمت يوم شفته واقف وعيونه تلمع من الدمع اللي فيها .. ابتسمت وانا اشوفه يقرب مني ويقول: وانا اعشقج واهواج وانتي اغلى ما ملكت بعد سالم بهالدنيا .. حضني وهو يبوسني وشد من حضنه لي .. همست وانا اقرب شفايفي من شفاه : يعقوب احبك ...



في منطقه قريبه من ابطال مدينه خليفه .. ابطال جدد شفناهم بس ما عشنا معاهم في منطقه معيذر بالذات بدت قصه جديده !! .. توني داخله واحس رجلي متقطعه من الرقص والمشي والروحه والرده .. اااااااااااااه طلعت من قلبي واانا اقولها .. سلامتج عسى ما شر ؟ لفيت صوب الصوت وانا اشوف راشد واقف عند باب الحمام "عزكم الله" وكان حاط الفوطه على خصره توه مخلص وما اخذ شور مادري ليش شدني جسمه وشكله اول مره اركز عدل .. انحرجت ونزلت عيني على الارض وانا رايحه صوب الكبت اعلق العبايه .. الله يسلمك ما شر بس الكعب "الله يعزك" ذبحني .. سكت بعد ما قلت اللي عندي .. اصلا ما عندي شي وجوده بس يربكني ويخربط حساباتي .. اهااا طيب قلتي لي .. رد علي واحسه بارد معاي .. اوووف هذا متى يحس ويعرف اني تغيرت " كنت اكلم نفسي وانا رايحه صوب التسريحه علشان امسح المكياج وافتح شعري " قعدت على الكرسي ورفعت راسي للمنظرة وطاحت عيني بعين راشد .. وقفت اللحظه .. ابتسمت وانحرجت من جديد صديت ونزلت راسي كانت ادور المنديل علشان وجهي .. ما حسيت الا بيده على كتفي وهو يقول : وقفي خلاني اشوفج عدل ..



سحبت يدها علشان اركز على الجمال اللي عندي يالله تجنن عذاب هالبنت .. لابسه فستان وردي راسم جسمها مع تكسيرات من جميع الجهات ورافعه شعرها بطريقه التسريحه الرومانيه .. ومكياجها حلو وناعم عكس قبل يوم كانت تفضله ثقيل .. اخذت نفس قوي وانا اقول: ما شاء الله عليج يا بنت العم كل هذا عندج .. وين كنتي تخشينه عني .. رفعت راسي علشان اشوف عيونها بس كان راسها يطالع يدها اللي بيدي .. وابتسامتها الحلوة ما فرقت شفايفها بدون ما انطر جواب او حتى استئذان رفعت راسها لي وبستها بنعومه وانا اقربها لي من زمان يا موضي اشتقت لحضنج .. كنت اهمس لها وانا اسمع شهقاتها المستمره لكلامي .. بعدت شوي وما بيني وبينها الا انش واحد يفصلني عن وجهها القمري وقلت : انتي حلالي واعتقد ان اللي بينا كبير يا موضي لا تهدمين بيتج بيدج وخليج جذي على طول لي .. لراشد وبس فهمتيني .. كنت اشوف لمعه حلوة بعيونها وهي ترد بصوت خافت وهادي : انت تامر يا ولد العم ..




قريب منهم وبحدود بيتهم وفي معيذر شخصين حبيناهم وعشنا معاهم اجمل اللحظات الحلوة والمرة .. كنت اسوالف واتكلم واعلق ومحمد ساكت وهو يراقب حركاتي احرجتني نظراته وانا ادور بالغرفه وقفت من جهه سرير ابراهيم وانا اقول له: حياتو فيك شي ..؟ وقف وهو جاي من صوبي بعد ما كان نايم على السرير .. قرب مني وهو يقول: تحبيني ؟! هههههههههه ضحكت وانا امسك كتفه واحس برجولته الطاغيه : وهل لديك شك ؟! غمزت له بعيني وانا اتكلم معاه باللغه العربيه الفصحى .. ابتسم وهو يقرب اكثر ويقول : عيل ليش ما جيتي عندي اول ما دخلتي شفته وهو يسكت وعقبها قال : تعودت اكون انا وبس اللي بحياتج والحين في احد يشاركني .. كانت نظرة محمد في هالدقيقه على ابراهيم اللي كان يتحرك وهو يبتسم لابوه بكل عفويه .. طالعت محمد بصدمه وانا اقول: حمودي حبيبي هذا ولدك تغار منه .. مو معقوله ؟! مسكني من يدي بقوه وهو يقول: ندى انتي مو ملاحظه انج مو مهتمه فيني ..؟ انصدمت من كلامه .. اعرف اني مقصرة شوي بس مو يعني اهمل ولدي وشغلي علشان لحظات بيني وبين محمد وانا متاكده من انه راح يقدر الوضع ..!



شفت الصدمه بعيونها بس ما اقدر اسكت واصبر اكثر اخاف تبعد عني اكثر واكثر والسبب ابراهيم والشغل اللي مهتمه فيهم اكثر مني .. شالت يدي عنها وهي رايحه جهه سرير برهوم وقالت: محمد ليش تفكر جذي هي مساله وقت صدقني .. ما اعرف ليش حسيت ان اسمي صارت تنطقه بدون اهتمام او ان الوضع صار عادي بـ محمد اكثر عندها يمكن انا سخيف بس ما يصير انا لي حق بعد .. ندى لو اقول لج ان اليوم سمعت اسمي الرسمي منج اكثر من 3 مرات تعذريني اذا زعلت منج .. لفت صوبي وهي تحط يدها على شفايفها بقوا : اسفه والله بس ما ابيك تفكر اني اني .. بدء صوتها يهتز واهتز قلبي معاه بس لازم اعلمها اني لاي حق ولابراهيم حق ولشغلها حق .. قربت منها وبست راسها وانا اقول : انا مش اناني يالغلا بس لازم ترتبين وقتج صح والا تنسين اني زوج ومحتاج لج اكثر من قبل .. اخذت مفتاح السيارة وانا رايح صوب الباب .. حياتي وين ؟! وقفت عند الباب وانا اقول: مخنوق ابي اتنفس شوي .. طلعت قبل لا اعرف ردها لاني مو قادر اوقف ثانيه وانا اشوفها تصيح ..!




بالغرفه المجاورة لاهل معيذر كانت محادثه غريبه بين وضحى العاشقه وبندر الهايم ..
وضحى : حبيبي والله الجو كان حلو يا ليتك جيت ؟
بندر : يا قلبي انتي تعرفيني اني ما احب حفلات الزواج ..
وضحى: لو قلت لي كان استغليت الوضع وجيتك ..
بندر وهو متحسف على الوقت اللي راح: خساره كانت راح تكون ليله من الف ليله وليله ..
وضحى وهي تضحك: ههههههههه يا قلبي ان شاء الله اعوضها عليك ؟
بندر وبكل وقاحه: حبيبتي انتي ايش لابسه الحين !!



الجازي اللي بعد ما رجعت راحت تمسح المكياج وتفتح التسريحه ودخلت تاخذ شور يهدي التعب اللي بدء معاها .. اووف من الصبح وانا قايمه الله يوقفك يا فيصل .. سكت وانا اتخيل اني العروس ابتسمت واانا اضحك على نفسي .. لفيت صوب شي شد انتباهي .. كان البوم ازرق محطوط على سريري وعليه ورقه صغيره ! فتحت الورقه وانا اقرء الخط الهادي والناعم " هذي علشانج بس بشرط بعد ما تشوفينه وتخلصين منه تصلين لربج ركعتين و تدعين لها بالرحمه " فتحت البوم بيد ترتجف وانا اشوف صورة منيرة وندى وبعض صديقاتهم وبديت افر صفحه صفحه واقرء كل تعليق كاتبته ندى لي .. كنت اصيح واضحك وبنفس الوقت ابوس صور منيرة .. وبالاخير توضيت وصليت ركعتين وانا اشكر الله على النعمه اللي انا فيها وعلى ندى بحياتي ..!




في فندق ريتز ابطال نعرفهم وعشنا جوهم .. منهم من حب وضاع حبه ! ومنهم من عاش حب وخسر حبه ....


لين الحين براسي وكل ما غمضت عيني شفتها وشفت صورتها .. اهااا الذهبي عليها حلو بس .. العنود يا سعد .. انت تحب العنود .. قعدت على السرير بعد ما كنت منسدح .. فتحت عيني عدل وبديت ارتب اوراقي براسي .. تكلمت وانا اشوف انعكاس صورتي بالمنظرة: العنود متزوجه ومرتاحه مع يعقوب .. ليش ما تطلعها من راسك .. انعكاس صورتي ترد علي وتقول: فكر في فاطمه ما شاء الله جمال ودلال .. خل العنود للي يستحقها .. غمضت عيوني من جديد وانا احذف نفسي على السرير بكل جسمي واقول : باجر لازم اكلم عزيز علشان يقربني منها ومن اهلها .. لازم .. غمضت ونمت وانا كلمتي لنفسي .. لازم !!




اما بالجهه الثانيه نايم على جنب ونور بحضنه .. يلعب بشعرها وهي نايمه مثل الملائكه .. قبل لا تنامين المفروض تقولين لي ايش خالتي ندى سوت وايش لابسه .. ابتسمت يوم شفت اني اكلم نفسي ونور ما تدري وين ربي قاطني .. غمضت عيوني وانا اشوف صورتها يوم كانت في صباحيتها .. ابتسمت اكثر وانا اتذكر يوم كانت ترتب الاغراض بالمطبخ وهي حايرة وين توديهم يوم زواج العنود .. اليوم بس اليوم اللي ما شفت شكلها شلون .. فتحت عيوني وانا اقول: اكيد حلوه مثل كل مرة اكيد ..
غمضت عيني وانا اعيش ذكرى من ذكرياتي :
عزيز شرايك .. رفعت راسي وانا معصب صار لهم ساعه وهم يتعدلون .. العنود وندى يرفعون ضغطي دايما اذا تاخروا .. بس انصدمت وانا اشوف ملاك لابس فستان عاري عند الكتف وداخل عليه الوان الربيع واللون الاصفر كان ملفت اكثر .. ومكياجها هادي مخليها برئيه بزياده وشعرها قاصته على شكل دائري ونازل على وجهها عمر ندى ما تعدى 18 سنه وهي تدور قدامي كل خليه فيني اجمدت وانا اشوفها .. عزيز قول تكلمت وهي تمسك يدي علشان اتكلم .. بس صوتي اختنق والا طلع وقف في مكانه .. شفت نظرة حزن من عيونها وهي تصد عني وهي تقول : بروح اجيب عبايتي وانادي العنود تاخرنا صح .. لحقتها وانا امسك يدها اللي مغطيتها الحناء على شكل ورد جوري .. انتي اروع مخلوقه على الارض .. دوووم راح تكونين جميله بعيوني مو علشان اللي انتي حاطته لا .. علشان قلبج رفعت يدي وانا احطه على قلبها اللي كان يضرب بكل قوته من لمستي لها .. كل اللي سوتها انها ركضت وهي تقول : انت مجنون .. ضحكت عليها .. وضحكت وانا نايم واتذكر ندى ..!




دخلنا البيت وضحكنا موصل اخر الدنيا .. كانت فطوم تتكلم وهي مبسوطه وانا اكثر منها لان اهلي كلهم مرتاحين وفرحانين .. تصدق ان الخبله العنود كل شوي تخرع المسكينه اسووم .. هههههههههههه ضحكت على كلام فطوم وانا اقول : هالبنت ما راح تعقل حتى وهي متزوجه .. تكلمت فطوم وهي تقول: ما شفت ندى ما شاء الله عليها ثقليه وبين عليها انها ربه بيت وام وزوجه .. مو الخبله العنود .. هههههههههه ضحكت وانا اقول : محمد بعد عاجبني بثقله .. شكله ادب ندى صح وخلى خبلها يتبخر .. عند غرفتي نادتني فطوم وهي تقول: على فكرة الجازي كانت حلوة وتجنن .. اممم متى راح تفكر تكلم محمد .. لفيت صوبها وانا مش متخيل الصورة .. والله انطر ندى تكلمني قبل بالموافقه وعقبها نتوكل على الله .. ردت علي وهي تقول : ان شاء الله خلني اشوفك معرس اوف مليت وانت قاعد على قلبي .. ههههههههههههه ضحكنا واحنا ندخل غرفنا ..




في الانتر عند اصحاب الافراح والليالي الملاح وبجو غير عن جو أي زوجين بكل هالدنيا فيصل واسماء .. كنت مرتبكه لازم اقول له الوضع محرج وانا خلاص ما اقدر اوقف فيصل اكثر من جذي .. اسماء انا ما ابي اجبرج على شي بس خوفج مني مش مقنع وانتي تعرفين ليش .. صوته الهادي يزيد من احراجي وربكتي .. كلمته وانا اقول له: فيصل في شي ما قدرت اقولك اياه .. سكت وانا اطالعه .. اخذت هواء قوي وانا اقول: فيصل انا .. اممم ,, اوووووووف سكت من جديد وانا اهز رجلي بقوه .. وقف فيصل وهو يقول : اذكري الله انا بطلع للصاله وبخليج على راحتج .. ما ابي اجبرج على شي .. وقفت معاه وانا اقول: فيصل لا افهمني ارجوك .. دمعت عيني وانا اكمل واقول: انت تعرف ان طليقي كان يضربني ويسكر ومعذبني بس انت ما تعرف ليش ؟ صرخت بصوت عالي وانا مش متخيله اني صرخت بوجه فيصل .. لف جهتي وهو مستغرب ويطالع يدي اللي كانت ماسكه يده وانا ارتجف من قلب .. فيصل ارجوك خلني اتكلم ارجوك ..



كانت تترجاني وانا خايف عليها اكثر من خوفي على نفسي .. فيصل .. نادتني وانا اقول لها : اسووم الله يهداج هدي اعصابج؟! ترى الموضوع عادي يا قلبي.. حضنتها وهي تصيح .. وعقبها دزيتها علشان اكلمها بس عيني طاحت على لابسها .. وهي لابسه قميص نوم حرير وناعم سكري عليه دانتيل عند الصدر وشبه عاري وفوقه روب .. ارتجف جسمي وغمضت عيوني وانا ابعدها اكثر وقلت: بنام بالصاله وانتي صلي ركعتين ونامي زين .. صديت بسرعه علشان ما اضعف اكثر .. وقبل لا اوصل للباب كانت اسماء حاضنه ظهري وهي تضمني اكثر وتقول: يضرني لانه .. هو كاان .. ااااه فيصل .. تكهرب جسمي من قرب اسماء لي وارتجفت بقوة وانا احاول ابعد عنها .. لفيت صوبها وانا مقدر الخوف اللي هي تحس فيه .. وقفت بعيد عنها وكنت اطالع أي شي وكل شي الا هي ما كنت ابي اشوفها .. وقلت : لا تصيحين واذكري ربج وصلي .. راح اصبر يا اسوم اعرف اللي شفتيه مع طليقج مو شوي .. راح اصبر صدقيني .. طلعت وانا اسمعها تقول: بس انت مو فاهم فيصل انت .. طلعت برع وصكرت الباب قبل لا تكمل باقي كلامها رحت قعدت على الكنب اللي موجود بالصاله وانا مخنوق .. الله ياخذه ايش سوى فيها خلالها تكره الزواج .. كنت اسب والعن واستغفرا الله بنفس الوقت ..!





بالغرفه المجاورة لاهل معيذر كانت محادثه غريبه بين وضحى العاشقه وبندر الهايم ..
وضحى : حبيبي والله الجو كان حلو يا ليتك جيت ؟
بندر : يا قلبي انتي تعرفيني اني ما احب حفلات الزواج ..
وضحى: لو قلت لي كان استغليت الوضع وجيتك ..
بندر وهو متحسف على الوقت اللي راح: خساره كانت راح تكون ليله من الف ليله وليله ..
وضحى وهي تضحك: ههههههههه يا قلبي ان شاء الله اعوضها عليك ؟
بندر وبكل وقاحه: حبيبتي انتي ايش لابسه الحين !!



الجازي اللي بعد ما رجعت راحت تمسح المكياج وتفتح التسريحه ودخلت تاخذ شور يهدي التعب اللي بدء معاها .. اووف من الصبح وانا قايمه الله يوقفك يا فيصل .. سكت وانا اتخيل اني العروس ابتسمت واانا اضحك على نفسي .. لفيت صوب شي شد انتباهي .. كان البوم ازرق محطوط على سريري وعليه ورقه صغيره ! فتحت الورقه وانا اقرء الخط الهادي والناعم " هذي علشانج بس بشرط بعد ما تشوفينه وتخلصين منه تصلين لربج ركعتين و تدعين لها بالرحمه " فتحت البوم بيد ترتجف وانا اشوف صورة منيرة وندى وبعض صديقاتهم وبديت افر صفحه صفحه واقرء كل تعليق كاتبته ندى لي .. كنت اصيح واضحك وبنفس الوقت ابوس صور منيرة .. وبالاخير توضيت وصليت ركعتين وانا اشكر الله على النعمه اللي انا فيها وعلى ندى بحياتي ..!




في فندق ريتز ابطال نعرفهم وعشنا جوهم .. منهم من حب وضاع حبه ! ومنهم من عاش حب وخسر حبه ....


لين الحين براسي وكل ما غمضت عيني شفتها وشفت صورتها .. اهااا الذهبي عليها حلو بس .. العنود يا سعد .. انت تحب العنود .. قعدت على السرير بعد ما كنت منسدح .. فتحت عيني عدل وبديت ارتب اوراقي براسي .. تكلمت وانا اشوف انعكاس صورتي بالمنظرة: العنود متزوجه ومرتاحه مع يعقوب .. ليش ما تطلعها من راسك .. انعكاس صورتي ترد علي وتقول: فكر في فاطمه ما شاء الله جمال ودلال .. خل العنود للي يستحقها .. غمضت عيوني من جديد وانا احذف نفسي على السرير بكل جسمي واقول : باجر لازم اكلم عزيز علشان يقربني منها ومن اهلها .. لازم .. غمضت ونمت وانا كلمتي لنفسي .. لازم !!




اما بالجهه الثانيه نايم على جنب ونور بحضنه .. يلعب بشعرها وهي نايمه مثل الملائكه .. قبل لا تنامين المفروض تقولين لي ايش خالتي ندى سوت وايش لابسه .. ابتسمت يوم شفت اني اكلم نفسي ونور ما تدري وين ربي قاطني .. غمضت عيوني وانا اشوف صورتها يوم كانت في صباحيتها .. ابتسمت اكثر وانا اتذكر يوم كانت ترتب الاغراض بالمطبخ وهي حايرة وين توديهم يوم زواج العنود .. اليوم بس اليوم اللي ما شفت شكلها شلون .. فتحت عيوني وانا اقول: اكيد حلوه مثل كل مرة اكيد ..
غمضت عيني وانا اعيش ذكرى من ذكرياتي :
عزيز شرايك .. رفعت راسي وانا معصب صار لهم ساعه وهم يتعدلون .. العنود وندى يرفعون ضغطي دايما اذا تاخروا .. بس انصدمت وانا اشوف ملاك لابس فستان عاري عند الكتف وداخل عليه الوان الربيع واللون الاصفر كان ملفت اكثر .. ومكياجها هادي مخليها برئيه بزياده وشعرها قاصته على شكل دائري ونازل على وجهها عمر ندى ما تعدى 18 سنه وهي تدور قدامي كل خليه فيني اجمدت وانا اشوفها .. عزيز قول تكلمت وهي تمسك يدي علشان اتكلم .. بس صوتي اختنق والا طلع وقف في مكانه .. شفت نظرة حزن من عيونها وهي تصد عني وهي تقول : بروح اجيب عبايتي وانادي العنود تاخرنا صح .. لحقتها وانا امسك يدها اللي مغطيتها الحناء على شكل ورد جوري .. انتي اروع مخلوقه على الارض .. دوووم راح تكونين جميله بعيوني مو علشان اللي انتي حاطته لا .. علشان قلبج رفعت يدي وانا احطه على قلبها اللي كان يضرب بكل قوته من لمستي لها .. كل اللي سوتها انها ركضت وهي تقول : انت مجنون .. ضحكت عليها .. وضحكت وانا نايم واتذكر ندى ..!

الجزء 36،،



مشى الوقت ودارت الايام .. مر الشهر بعد الشهر وكل بطل من ابطال قصتي له حكايه .. دخلت البيت وانا جسمي مهدود من شفت الليل .. شفت الصاله فاضيه وما فيها احد اكيد يعني من اللي بيكون موجود .. امي بشغلها وابوي مسافر من يومين .. صافيه في المدرسه و وضحى بالجامعه وعندهم امتحانات .. الجازي اشتغلت في مدرسه مستقله كـ مشرفه او اخصائيه والفضل بعد رب العالمين لندى اللي خلت الجازي تتغير .. اما راشد وموضي مسافرين صار لهم اسبوع للرياض تغير جو .. اما الغلا ندى اكيد في دوامها بالمستشفى ابراهيم عند ام عبدالله .. تنهدت وانا اطالع يدي واقول : وانا من لي ومن عندي .. طبعا انا ؟! سمعت صوتها بس كنت شاك رفعت راسي اشوفها وانصدمت ؟ ندى ليش ما رحتي الدوام .. كلمتيني الساعه 7 تقولين رايح الريان والحين 9 ونص ! ابتسمت وهي تقول : حبيبي شفيك ليش تتكلم بسرعه .. اممم اخذ نفس قوي .. فعلا خذت نفس قوي وانا اقول : فيج شي .. برهوم مريض فيكم شي قولي..؟ قربت منها وانا اشوف انها لابسه بيجامه حرير لونها مشمشي .. والبدي عليها مخصر ويده كت يعني بدون اكمام .. ابد سلامتك ما في شي .. تكلمت وهي تمسك يدي وادخلني الغرفه وتقول: أي صح كلمتك علشان انزل ابراهيم عند فطوم اليوم عندها اجازة وقلت استغل اختي شوي .. وعقبها رحت الدوام طلبت اجازة عرضيه لمده يومين .. وعقبها رجعت البيت .. قعدتني على الكرسي وهي تكشف الغطى عن الفطور اللي قدامي .. تفضل مدت لي منديل مرطب امسح به يدي وهي تقول: حطيت لك كل اللي تحبه كروسون وجبن حلومي وعسل طبيعي وزيتون اخضر وعصير برتقال طازج ..سكتت وهي تقول لي : اممم حمودي وانت جاي القطوا اكل لسانك .. مش عارف ليش احس اني مبسوط انها بدت تهتم فيني وبنفس الوقت اخاف يختفى هذا الاهتمام قريب .. نظفت يدي وانا اقول لها : مشكوره على الفطور صج يوعان .. هههههههه ضحكت بكل نعومه وهي تجلس جنبي وتقول : عليك بالعافيه .. لفيت جهتها اطالع عيونها صج مشتاق لها .. سالتها وانا اخذ لي زيتونه : شنو سر هالاهتمام اليوم ؟ ردت بكل بساطه : لانك زوجي وحبيبي وكل ما املك امممم بعد في شي بس راح تعرفه بالليل ؟ ابتسمت عليها وانا اكل لاني صج ميت جوع ..؟



كنا قعدين بالمكتب الرئيسي للمتفجرات ننطر رئيس الاركان يجي .. فيصل شكله تعبان بس يكابر على نفسه ويبي ياخذ الدوره هذي غصب .. كلمته وانا اشوفه يحط يده على وجهه .. فيصل مو لازم انت الحين رتبه ما تحتاج لي شي .. كلامني وهو ما زال على نفس الوضعيه : ابي اغير جو .. عفوا تغير جو تدخل دوره عسكريه انت تستعبط والا المدام مسويه لك شي جامد .. قلت كلامي وانا اشوفه وهو يقعد ويشد ظهره ويقول: اخبار العنود ان شاء الله بخير ؟ استغربت انه غير السالفه يعني انا صح رديت عليه : والله العنود طيبه ويسرك حالها بس هالايام وايد تتعب وتنام والا ازيدك من الشعر بيت تقول ريحتي خايسه .. وخصوصا لما ارد من الدوام .. هههههههههههههههههههههه ضحك فيصل بكل قوه وهو يقول: شدعوه العنود اللي ما ترضى على طرف لك تقول هالكلام .. ابتسمت وانا اقول : شفت شلون ؟ بس اللي يقهرني لما اقولها والله توني سابح وحط كريم بريحه الفرواله .. ترد علي وتقول : يعقوب اطلع البيت كله ريحتك ؟ ههههههههههههههههه انفجر فيصل من جديد وهو يقول : شدعوه طاش ما طاش .. عند هالكلمه سكتنا احنا الاثنين وقعدنا نطالع بعض .. قلبي يضرب بقوا وانا اقول لفيصل بعد 5 دقايق هدوء : يعني انت تشوف ان تصرفاتها تعني انهاا ... كمل فيصل كلامي : انتوا ما رحتوا المستشفى تخليها تسوي فحص .. هزيت راسي بـلا وانا من داخلي مبسوط وطاير من الفرحه .. صوت اقدام عميد الاركان وهو جاي صوبنا خلنا نوقف باستقامه واحنا نضرب له السلام العسكري ...!



كنت افكر بعرض ندى وخطبتها لاخوها عبدالله !! انا زوجه انا كنت افكر واناا احط الاوراق داخل الدرج الخاص فيهم .. وما انتبهت على الشخص اللي واقف عندي بالمكتب .. لو سمحتي .. صوت صغير طالع من تحت نزلت راسي وانا رايحه صوب طفل عمره 7 سنين طالب في اول ابتدائي .. ابتسمت له وانا اقول : هـلا حبيبي ؟ اممممم انا تاخرت على الصف .. ما اعرف وين الصف ! هههههههه ضحكت على كلامه وبرائته الحلوة وقلت : حبيبي انت جديد ! هز راسه بـ أي وهو يمسك يده بقوة .. طيب قولي ايش اسمك ؟ كلمته وانا امسك يده اللي بدت تشد بقوه وامشي معاه صوب الكنب اللي عندي بالمكتب .. قال وبكل بساطه : عبادي ؟ رفعت حاجبي وانا مستغربه توني كنت افكر في ندى واخوها عبدالله .. وجاني ولد اسمه عبادي يعني عبدالله .. ابتسمت له وانا اقول عبادي ايش اسم ابوك ..؟ عطني اسم ابوه ورحت صوب الكمبيوتر اشوف هو وين وباي صف .. بعد ما شفت وقفت ورحت صوبه مسكت يده وانا اقول : يالله اوديك الفصل .. ابتسم بخجل وطلع وهو يمسك يدي ويقول: ابله انتي طيبه !! هههههههههه ضحكت وقلت : اكيد الماما اطيب مني صح .. وقف واستغربت قال : ماما ماتت !



كل شي جاهز اغراض بدر في مكانها وفيصل بعد ايش اللي نسيته ايش ... امممممممممم والا شي قلت هالكلام لنفسي وانا ارتب الطاوله ما بقى الا 5 دقايق على وصل حبايبي الساعه الحين 2 الظهر والغدى جاهز .. رحت بسرعه لغرفتي علشان احط شويه عطر وقفت وانا اطالع السرير الاضافي اللي بالغرفه .. لين متى يا اسماء .. لازم يعرف هو ايش ذنبه .. قطع تفكيري صوت بدر اللي كان يناديني .. طلعت بسرعه وصكرت الباب وراي علشان ما يشوف السرير الثاني.. هلا والله تو ما نور البيت .. كلمته وانا اخذ منه الغترة عيل وين فيصل .. السلام عليكم ورحمه الله دخل فيصل وهو ينزل الشنطه العسكريه جنبه .. احب شكله وهو جذي احس بشي يتحرك داخلي ! ردينا عليه السلام وانا اقول: غسلوا يدكم ورحوا على الطول صوب غرفه الطعام .. دخل بدر قبل لا اخلص وانا اشوف فيصل اللي شكله كان مهدود .. مسكت يده وانا اسال: فيك شي ؟ طالعني وهو يقول : لا بس ابي انام احس ان جسمي متكسر .. مو قبل ما تتغدى حتى لو تاخذ سلطه .. طالعني وهو يقول :ان شاء الله .. دخلنا وقعدنا على الكراسي بدر كان يتكلم عن شغله الجديد في البلديه وهو مبسوط .. كنت مستمعه وانا اشوف فيصل اللي كان يضحك على بدر ويعلق عليه .. رن جوال بدر وقف وهو يقول : فيصل انا اليوم بطلع مع صديقي للبحر تجي معانا .. فيصل وهو يقول : لا يالغالي روح بس طمنئي عليك .. طلع بدر وقعدنا احنا الاثنين .. اممم فيصل فيك شي ؟ رفع راسه وهو يقول: لا بس يوم السبت راح نبتدي دوره عسكريه يمكن ناخذ اسبوعين .. انصدمت وما قدرت اقول شي بس قعدت اطالعه وهو ياكل السلطه بهدوء ..



صوت امي وهي تهاوش الخدامه قعدني مو النوم .. ما ارتحت احس اني مخنوق .. رفعت الجوال علشان اشوف الشاشه واعرف الساعه كم 6 وثلث المغرب .. يالله خلني اقوم اصلي .. دخلت وتوضيت للصلاة وانا افكر اكلم فطوم اليوم عن سعد .. كلمني عزيز من شهر ونص تقربيا ولين الحين ما خبرت فطوم .. صليت وعقبها طلعت وانا اسمع صوت فطوم تهدي امي اللي كانت معصبه من قلب .. عسى ما شر ؟ شفيكم ! كلمتهم وقعدت جنب فطوم وكانت حاط ابراهيم بحضنها وهو نايم .. صبت لي حليب كرك وهي تقول : لازم يعني انت ما تعرف امي لازم ترفع ضغطها .. تكلمت امي وهي تقول: خلصت كرتون الشاي توني شاريته امس والحين تقول خلاص .. ؟! ههههههههههه ضحكنا انا وفطوم على امي وقلت : الله يهداج بس الحين اجيب لج عشر كراتين بس انتي اذكري الله .. لفيت اطالع فطوم وقلت :حطي ابراهيم وتعالي شوي برع ابي اعطيج شي .. صج يا الله قوم ايش تنطر .. ههههههه ضحكت على خبالها وقفت وياها وامي تهاوش فطوم ... وقفت بنص الحوش وقلت : خطبج مني سعد من شهر ونص بس كنت متردد اقولج .. والحين دخلت بالموضوع على طول لاني ابيج تفكرين زين ..؟ سكت وانا اطالع الابتسامه اختفت وقالت : ان شاء الله .. رديت وانا اعطيها اللي عندي : استخيري ربج وان شاء الله خير .. وهذي لج افتحي يدج كانت عندي امانه بس اليوم هي ملك لج .. واذا عندج أي سؤال خليه بعد ما تشوفينها طيب .. فتحت يدها وهي تقول شنو هذا ؟ افتحيه انتي وراح تعرفين .. طلعت من البيت وخليتها تفكر بنص الحوش ..؟



كنت اضحك ومش قادره امسك نفسي .. خلااااص الله يخليك .. هههههههههههههههههههه وقف وقف .. بس ما زال ماسك خصري وانا اضحك من كل قلبي .. حبيبي حبيبي خلاص ارجوك.. مو الحين مشتاق لج تعرفين شون يعني مشتاق لج .. تكلم محمد ويحضني بقوه .. احبه ياربي احبه ،، طيب انا احبك بعد .. بس ممكن تتركني ثواني ؟ رفع راسه وهو يقول: ليش وين بتروحين .. رفعت يدي وقلت : هناك بس شوي شوي .. ههههههه ضحك وهو يقول: بعد لين العشرة واذا ما جيتي انا اللي راح اجيج .. ابتسمت وانا رايحه صوب الكبت اطلع اللي ابيه .. واسمع محمد يعد والحين هو عند رقم 6 ابتسمت ورجعت ويدي وراء ظهري وقلت غمض عيونك .. قعد عدل على السرير وقال : اها مفجاءة .. غمض عيونه وانا احط العلبه بيده .. يالله افتحها واتمنى تعجبك ؟ فتح عيونه وهو يطالعني وحط الهديه على جنب وهو يقول: اغلى واحلى هديه بحياتي .. انصدمت لانه كان يتكلم عني .. نزلت راسي وانا ابتسم .. قرب مني وحضني وهو يقول: ما اشتقتي لابراهيم .. حضنته واخذت هواء واشم ريحه عطره " كرد" بقوة واقول : مو امثر منك .. شدني له اكثر وهو يقول: اكيد .. رفعت راسي وقلت : اكيدين .. امممم ممكن تفتح الهديه ابي رايك ..؟ طيب طيب انسدح على السرير على وضعيه شبه جلوس وسحبني لصدره وقرب منه الهديه وهو يفتحها ويقول: نشوف ايش هذا .. سكت لحظه يوم شاف اللي فيها جلس عدل وانا اطالع تعبير وجهه طالعني وهو يبتسم وقال : كتاب الله " قران " هزيت راسي وهو يقول : بس ما عرفت المناسبه .. ابتسمت وانا ابوس خده : كل عام وانت حبيبي .. اليوم يوم ميلادك ..؟



كان يتكلم وانا اقول له لا .. وهو يترجاني وانا اضحك عليه .. حبيبي ليش قولي .. قرب مني وهو يقول : غرض في نفس يعقوب ؟! هههههههههههه ضحكت وانا اقوله : يعقوب عاد قول ليش تبيني اروح المستشفى الحين .. وسلوم من يقعد عنده ؟ رفع راسه وهو يقول : راح انزله عند خاله فيصل .. ونطلع على طول طيب .. اووكي طيب يالله راح البس العبايه واجي .. طلعنا من البيت ورحنا صوب بيت اخوي فيصل ونزل يعقوب وهو ينزل سالم ويعطيه فيصل اللي بدء مبسوط اكثر من يعقوب لروحتي للمستشفى .. رحنا صوب المستشفى وطول الطريق وانا متوترة وهو يسولف ويقول عن الدورة اللي راح ياخذها مع فيصل وصلنا وقفنا بالمواقف ولفيت صوبه وانا اقول: قول قبل لا انزل ايش الموضوع .. طالعني وقال وهو يفتح باب السيارة الحين راح تعرفين .. نزلت معاه وانا خايفه .. دخلنا وتوجهت صوب الكنترول وقدمت بطاقتي واخذنا تقريبا نص ساعه وعقبها سمعت اسمي وقف يعقوب وجاء صوبي وهو يقول : لاتخافين ؟ دخلنا عند الدكتوره اللي رحبت في يعقوب شكلهم يعرفون بعض .. قعدنا وانا معصبه عليه .. دكتورة زوجتي من فترة بدت تتعب ودوم تحس انها تبي تنام .. وبعد تقول ان لي ريحه .. هههه ضحكت الدكتورة وانا غضبي يزيد على يعقوب مسك يدي وهو يطالعني وقال: اعتقد انها حامل وابي اتاكد وانا معاها .. انصدمت من كلامه ايش يقول انا حامل .. طبعا والا يهمك سيد يعقوب .. راح اسوي لها تحليل الحين واعطيك خبر بس اذا ممكن اكلم المدام .. مسكت يده بقوا وانا اسمع وارد على اسئلت الدكتورة وعقبها خذوا مني دم وطلعت من العياده وراح نعرف الخبر على التلفون .. ركبت السيارة وانا اقول: من متى وانت تحس اني حامل ؟ رد علي وهو يضحك : من يوم قلتي ان لي ريحه !!



كنت احط نور على الطاوله ابيها تتعشى وهي تسولف وتتكلم والاهم بالموضوع ان كلامها عن ندى .. سعد يضحك على الحروف الغلط اللي تقولها نور .. عزيز ما جاك خبر من عبدالله ؟ كلمني سعد وانا احط الملعقه بفم نور وقلت له : انبلا كلمني بس انت اصبر .. هو كلم البنت اليوم بس ! شدعوه من متى وانت مكلمه؟ تكلم سعد وهو مرتبك وقال : لا يكون ما تبيني اكيد ما تبيني .. تذكر ايش كنت اسوي فيها وانا صغير .. هههههههههههه ضحكت على سعد اللي احسه تغير من شاف فاطمه ومن يوم عبر اكثر لي وقال اللي شافه وحس فيه .. رفعت راسي له وقلت: لا تخاف بس الرجال كان مشغول بدوامه وبعدين فاطمه ما تحط الاشياء السخيفه براسها .. بس انت اصبر شوي وان شاء الله خير .. ناديت المربيه تاخذ نور اللي رافضه تروح وطلعنا جهه الحديقه الخارجيه واحنا نسولف .. تعتقد فاطمه ترفض لان لينا اختي .. سؤال سعد صدمني شوي تكلم سعد وهو يقول: احنا اخوان لان ابوي صديق ابوك الروح بروح بس صدقني ما كنت ادري عن لينا وحبها .. صدقني كنت منعتها قبل لا تفكر تبعدك عن ندى وخصوصا اني اعرف الموضوع من قبل .. سكت سعد وعقبها قال : تذكر يوم كنت تتصل فيني بالليل وتقول ايش سويت اليوم مع بنت خالتك وشلون انت تحبها .. هههههههههههههههههههه ضحكت وانا اسمع كلام سعد وقلت : وتذكر يوم اتصلت فيك وانا معصب على قرر ابوك اللي حرمني حب حياتي ؟! ابتسم سعد وهو يقول : الله يسامحهم كانوا يشوفون انك الافضل لها بس ما كانوا يشوفون انت ايش تبي ..؟ سكتنا واحنا نشرب الشاي وكل واحد دخل عالمه ..


كانت تجنن وهي تضرب التلفزيون .. اوووف يالله عاد ابي اشوف المباراة .. ندى ماله ذنب الجهاز ليش تحطين حرتج عليه ؟! لفت وانا اشوف الصدمه بعيونها .. حاولت تركض جهه غرفتها بس سبقتها ودخلت معاها وانا اصكر الباب وراي .. خافت وهي تقول: عزيز انت مو حلال علي .. ههههههه ضحكت وعلى خجلها وخدودها الورديه تجنن احبها والله احبها .. كنت وما زالت مو حلال يا ندى ..



كنت انطر يعقوب صار له ساعتين برع وين راح ليش ما يخبرني عن الاوضاع كيف .. حسيت بوجود اسماء من صوت صندالها .. لفيت عليها وهي تقول لي : ليش قاعد برع الجو بارد ؟ وقفت وقلت : انطر العنود .. امممم ليش في شي ؟ كلمتني وهي تقرب من وتضم عمرها لان الهواء كان بارد .. تبي الصج يعقوب وانا شاكين ان العنود حامل .. قلت لها وانا اشوف الفرحه اللي بعيونها وهي تقول : صج والله .. طيب الخبله العنود شلون ما شكت قبلكم ؟ هههههههههه ضحكت عليها وهي تتكلم وقلت : تدرين العنود ما تعرف هالامور يعقوب هو اللي شك بالسالفه ؟ طيب كلام يعقوب وشوف ايش اللي صار .. تكلمت وهي متحمسه وقبل لا اتصل رن جوالي باسم يعقوب ... هلا بشر ؟ صج احلف .. طيب وهي وين .. ههههههههههههههه خلاص خلاص والا يهمك الحين جاي .. لفيت على اسماء اللي كانت تنطر مني خبر .. مبروك العنود حامل وحاليا هي مش مصدقه .. ههههههههههه ضحكت اسماء وضمتني بقوه : الف مبروك يا خالي فيصل .. وقفت والا قدرت احرك جسمي اسماء بحضني وريحه عطرها دوختني وغير هذا لمساتها الهاديه ااااه .. بعدت عني وهو تقول روح لهم وانا بجيب سلوم ؟؟ طلعت بعد ما ضبطت معدل التنفس عندي ورحت ليعقوب اللي كان ينطرني برع .. سلمت عليه وانا ابارك له من جديد ورحت صوب العنود وفتحت الباب : طيب ليش تصحيني راح تكونين ام ؟ رفعت راسها وهي تقول : اخاف ما اكون ام زينه او مادري فيصل ؟ بست راسها وانا اقول : تراج ربيتي سالم .. والا تنسين هذا اخوه .. هزت راسها وانا اصكر الباب وادخل البيت بعد ما طلع سالم لاهله وراح.. دخلت البيت وعلى طول على الغرفه .. دخلت وانا اشوف اسماء وهي ترتب اغراضها للدوام .. بعد اذنج ابيج ترتبين اغراضي بالشنطه .. كلمتها وهي معطتني ظهرها .. انسدحت على السرير الخاص فيني وانا شبه مرتاح ..

الجزء 37،،




مر اسبوع على الاحداث اللي عشناها وكل واحد منهم عاش بالطريقه اللي تمناها .. او كان يتمناها ..



احس اني بطير من الفرحه من اسبوع وانا مو طبيعيه من عرفت اني حامل .. كل ما اسوي شي بالبيت اتذكر البيبي .. بصير ام انا ام .. ماما انتي تحبيني .. صوت سلوم وهو يكلمني خلاني ابتسم .. أي احبك حبيبي انت قلبي ؟ رفع راسه وهو ياشر على بطني ويقول: طيب هدا !! ههههههههههههههههه ضحكت عليه وانا اقول :بعد احب هذا .. وقف رايح صوب الباب .. وقفت وراه مش عارفه ايش فيه .. طلع بالحوش وقعد على الدرج .. انخلع قلبي وانا اشوف دموعه .. ضميته وانا اقعد جنبه .. حبيبي شفيك ! انا ما ابي هدا .. خفت من كلامه بس سكت وانا اضمه اكثر .. ايش صار ليش سلوم حزين جذي .. ما انتبهت ان سالم نايم بحضني طول هالفترة .. قعدنا تقريبا 15 دقيقه بالحوش وعلى الدرج .. اخذت سالم وديته غرفته وطلعت للصاله وانا افكر بكلامه .. اخذت التلفون واتصلت على يعقوب : السلام عليكم ورحمه الله .. هلا عندوه شلونج ..؟ ابتسمت وانا اسمع صوته وترحيبه وخصوصا بعد ما تعمقت علاقتنا .. وعليكم السلام ورحمه الله وبركاته .. انا طيبه ولله الحمد .. انت شلونك ؟ اااااااااه طيب بس الجو هنا خنقنا .. الله يعينا على الدوره ..؟ كلامني وانا اضحك عليه وقلت : ربي يعطيك العافيه .. حبيبي ابي اعرف شي .. ؟ رد وهو شبه يضحك : قولي يالغلا ! امممممم سالم يوم عرف ان امه ماتت ايش كانت ردت فعله ..؟ هدوء على الخط الثاني وانا انطر الرد .. بس الهدوء زاد وخوفني .. يعقوب انت معاي ؟ تكلم بعد ما طاح قلبي : تقريبا عمره سنه ونص يوم وفاه امه .. بس يوم صار عمره 3 سنين بدء يسال وكنت اقوله انها بالجنه .. يعني هو ما يعرف وهو الحين صغير بالسن .. كلامه ثقل على صدري .. بس سالم ما يبي اللي في بطني والحين عمره 4 سنين .. وصاح بحضني لاني حامل .. ؟ رد الهدوء من جديد وبعده قال يعقوب: اذا جيت من الدوام راح اكون وياه بس انتي خلي بالج عليه .. رديت عليها : سلوم بعيوني وانت عارف هالشي .. هالله هالله بنفسك .. مع السلامه





كنت اطالع اسوم وهي تروح وتجي واطالع الساعه جنها اسد غابه .. هههههههههههههه ضحكت وانا اتخيل اسوم اسد !! لا والله احلفي انتي .. كلمتني وهي معصبه ..؟ ايش تبين اسوي انتي ما تبين تقولين شبلاج واطالعين الساعه ؟ رديت عليها وهي تقعد على الكرسي القريب من مكتبي .. وسكتت كنت انطر تقول شي بس البنت صايره غريبه وقالت : الساعه الحين 10 ونص الصبح وسكتت .. وقبل لا اتكلم انطق الباب .. تفضل صوت اسماء هي تنادي اللي وراء الباب .. دخل البوي " موظف هندي " ومعاه باقه ورد كبيره حمراء منسقه بشكل راقي وقال : مدام ندى .. وقفت وانا منصدمه : اوه انا مدام ندى .. حط الباقه على الطاوله وطلع حتى قبل لا اسال أي سؤال .. وقفنا انا واسوم واحنا نطالع بعض بصدمه .. فيه كرت تبين اقراه .. هزيت راسي لها .. شالت البطاقه من الورد وهي اطالعني وتقول : متاكده .. اخاف معجب مني او مناك .. ههههههههه عمى ان شاء الله يعمي العدو .. اقري اخلصي علي .. رديت عليها وانا جايه صوبها .. طيب طيب لا احد يضربني .. اممممم الي زوجتي ندى .. وقبل لا تكمل سحبت البطاقه من يدها وانا اقرء الكلام المكتوب ..

الى زوجتي ندى :

انتعاش الورد في لحظة وصال
والذبول انواع والفرقا قهر
والنجوم اشكال في عرض الليال
والكواكب فوق واحلاها قمر
مستحيل انساك حتى بالخيال
وان نسيتك!!
حلم من بعد السهر..

مادري ليش حسيت اني طايرة بالسما .. حتى وانا بالدوام تذكرني .. رفعت راسي وانا اشوف ابتسامه اسوم وهي تقول : الله على الغرام والرومانسيات يا عيني يا عيني .. وبنفس الوقت نغمه الرسايل عندي تعلا بالمكان رحت للجوال وانا مرتبكه .. مادري احس محمد يشوفني .. " اليوم انا دوريه يعني مرور يعني سيارة والف الشارع .. يعني فاضي عمل .. بس لعيون الغاليه خالفت القوانين وكرست الحواجز وقفت عند اقرب محل ورد وبعثتها لج .. احبج " اوووف الوجه صار احمر .. صوت اسماء ضحكني من قلب .. رفعت راسي وانا اقول " احبه اسوم احبه "





كنت اطالع الرساله اللي عطاني اياها عبدالله من اسبوع .. واصلا كنت ناويه اخبر عبدالله بالموافقه لاني ارتحت بعد الاستخارة بس في شي مانعني .. فتحت الرساله شوي شوي وانا خايفه وقلبي يطق .. انصدمت من الخط اعرفه والله اعرفه .. ناصر خط ناصر صكرت الرساله وانا منصدمه ..! الدموع كلها بعيوني وحشني وتذكرت المرحمومه سعاد من شفت خطه .. بس لا يا فاطمه مو الحين تضعفين .. فتحت الرساله وانا خايفه خايفه .. خذت نفس قوي وانا اطلع الهواء فتحت الرساله وقريت ...

بسم الله الرحمن الرحيم

الى زوجتي العزيزة فاطمه ..
شلونج يالغلا وحشتيني ادري انج مشتاقه لي بس انا اكثر والله ..
اذا فتحتي هالرساله اكون تحت التراب .. وانتي الحين تقرين وصيتي بس ارجوج وحلفتج بالله لا تصيحين .. ابيج قويه مثل ما عرفتج وابيج اقوى حتى بعد فرقاي .. والشي الثاني اللي يخليج تقرين هالوصيه سبب يعذبني لاني احبج بس انا ابي لج الخير ..اكيد في زوج واخوج عبدالله مقتنع فيه .. وافقي وتوكلي على الله انتي صغيرة ومليون واحد يتمناج يالغلا .. فطوم حياتي انتي ومماتي .. وافقي وانا معاج وين ما تروحين .. لان واثق فيج وفي اخوج .. ما دامه خلاج تقرين هالوصيه يعني هو مقتنع في المعرس انه رجال وراح يصونج ..
فاطمه هالله هالله بنفسج وفي سعاد .. وديري بالج عليها تراها ذكرى مني لج ..

احبج
زوجج نـــــــاصر

بكيت دم بكيت قهر .. سعاد معاك يا قلبي انت اللي خذت الذكرى اللي عندي انت يا ناصر .. بعد الصياح اللي خذا تقريبا نص ساعه مسحت دموعي وقررت قراري .. رفعت التلفون اكلم عبدالله بس للاسف جهازه مغلق .. بس اليوم الخبر بيكون عند سعد ..!





على الساعه 3 ونص العصر دخلت البيت وانا اختنق وميت من البرد مع ان الجو برع حلو مو بارد بس احس اني مريض .. دخلت الصاله وصوت خواتي اخر الدنيا .. يــــا ولد !! تكلمت بصوت عالي علشان مرت راشد تتغطى .. جاني صوت امي وهي تناديني حياك الله يا ابو ابراهيم .. دخلت عليهم وانا اسلم عليهم واحب راس امي وعيوني ادور ندى ما كانت بالصاله وياهم .. ست الحسن والدلال داخل مع ابراهيم .. كلمتني وضحى وهي تبتسم .. ردت عليها الجازي : وانتي الصاجه بعد قلبي ندى من الساعه 12 الظهر وهي تنطرك علشان تتغدى معاك .. عجل عليها !ههههههههههههههههه ضحكت صافيه وهي تقول : اكيد روح خلها تاكل والا تنسى تحط ورده حمراء بس ان شاء الله يرزق خواتي واشوف عيالهم .. هههههههههههههه ضحكنا على دعواتها اللي حسستنا انها عجوز وانحرجت اكثر يوم لمحت صافيه عن الورد قدام الكل .. استاذت منهم ودخلت الغرفه بهدوء ولقيتها تراقب ابراهيم اللي كان نايم بكل براءة ابتسمت وتسحبت بشويش علشان ما تحس : حياتي اعرف انك وراي .. همست بصوت واطي علشان ما يصحى ابراهيم .. وقفت وراءها وحضنتها : شلون عرفتي ؟! مسكت يدي اللي بخصرها وهي تقول : مينون اللي ما يعرف حياته .. لفت وهي تحط يدها على رقبتي وتقربني منها اكثر لدرجه نهدها كان داخل صدري وقالت : حمود لا تخليني ارجوك ..؟ انصدمت من كلامها اللي خلى كل شعره بجسمي توقف وانا اشوفها تغمض عيونها والا تمسع اللي اقوله .. ندى حياتي ندى شبلاج ردي علي ردي نــــــــــــــــدى ...!





وصلت يعقوب البيت وانا مهدود والحين انا عند باب البيت بس مالي خاطر انزل اليوم بيكون اخر يوم لي هني وباجر بالمعسكر .. اووووف نزلت وانا اشوف بدر عند الباب يسوالف مع صديقه حمد " حمد وسلطان ربع يعقوب وفيصل .. بس حاليا يتواجدون اكثر مع بدر والسبب فيصل " السلام عليكم .. شلونك يا حمد عساك بخير .. لف حمد صوبي وهو يحضني: وعليكم السلام .. اانا بخير ولله الحمد .. انت شخبارك ؟ رديت وانا ابتسم لبدر : طيب ولله الحمد .. عيل انا اخليكم ميت من التعب ..بعد ما دخلت للصاله لقيت اسوم في نص تنطرني .. الحمدالله على السلامه .. ليش تاخرت خفت عليك وبعدين جوالك مغلق عسى ما شر .. تكلمت وهي تحرك يدها يمين ويسار علامه على انها متوترة .. رديت وانا اقعد على اقرب كنب واقول: الله يسلمج .. والجوال بدون شاحن علشان جذي مغلق .. وبعدين انا تعبان وابي انام قوميني للصلاة المغرب طيب .. وقفت وطلعت للغرفه قبل لا اعطيها فرصه تتكلم .. فسخت لابسي وانسدحت بدون ما اغسل وجهي ويدي كنت هلكان من قلب .. انسدحت وعيني على الشنطه اللي مرتبه للدوام باجر .. اوووووووووووووف طلعت مني بقوة وانا اغطى وجهي بالملحف ..





...؟ يعني هذا قررها .. انت متاكد ؟
...؟ أي نعم هي خبرتني اليوم اول ما جيت بس ما حبيت اتصل الظهر قلت اكيد انك نايم ..
...؟ لا والله يا اخوي كنت بالمكتب .. بس مو مشكله .. عبدالله بغيت اسالك فيصل وين اليوم اتصلت فيه وما رد علي ..؟
عبدالله : فيصل في الوقت الحين مضغوط والسبب الدورة العسكريه بس تلقاه بالبيت لان من باجر راح يكون عندهم .. عبدالعزيز مو ناوي تجي قطر ..
عبدالعزيز:ههههههههههههههههه انت بصوب والعنود بصوب شسالفه ..
ضحك عبدالله وهو يقول: ابد سلامتك مشتاقين لك ولنور .. طيب بشوف جدولي هالاسبوع واحاول انزل لكم باذن الله .. رديت عليه وانا اوصيه يوصل السلام للاهل .. اول ما صكرت التلفون رفعت راسي اشوف سعد اللي كان ينطر الجواب على العرض وهو عرقان وحالته حاله .. تكلمت وانا اشوف توترة زاد اول ما فتحت فمي وقلت : والله يا سعد الزواج قسمه ونصيب .. وقفت وانا اشوف شلون تحطم وكملت : وبنت خالتي المصون اللي راح تصير حرمتك موافقه .. هدوء والا نفس دقات الساعه هي الصوت الوحيد بالمكتب .. طالعني سعد ونظرته كلها دمع خوفني وانا اشوفه يوقف ويقول: الله ياخذ عدوك يا رجال وقفت قلبي وانت تقول قسمه ونصيب .. الله يهداك بس الله يهداك .. هههههههههههه ضحكت بقوة ومن كل قلبي وانا اشوف سعد جذي .. اول مرة اعرف انه عاطفي وبكل للكلمه من معنى .. وقفت ورحت اضمه وانا اقول : خلني اتكلم معاك بجد .. بعدت وانا اشوف معالم وجهه شدت اكثر وهو يقول : خير ان شاء الله .. سكت ووفكرت اذا قلت له راح يقدر المسؤوليه الجديده ..





صوت الاسعاف بالبيت كان يخوف كنت اصيح من قلب ندى مريضه وما نعرف ايش فيها .. هي مريضه سكر او عندها الضغط او مشاكل صحيه .. المسعف يكلم محمد اخوي اللي دموعه نزلت بدون ما ينحرج منها بالعكس كان يعبر عنها وبكل جوارحه .. رد محمد وهو يهز راسه بلا .. طيب ممكن احد يجي معانا والباقي يروحون بسيارتهم الخاصه .. ركب محمد الاسعاف مع ندى .. طبعا ما في احد فينا يسوق قعدنا بالبيت .. واول شي سويتها اتصلت في فطوم اخت ندى .. وصوت البنات داخل يزيد بالصياح .. الو .. السلام عليكم هلا الجازي ..
دخلت بالموضوع على طول وانا اقول : فطوم اخوج وينه .. وصحت بقوة وانا اسمعها تقول : شفيكم عسى ما شر .. ايش صار ليش تصيحين الجازي .. وعقبها صوت رجال يكلمني : الو الجازي انت معاي .. انا عبدالله ؟
كلمته وانا اشهق بقوه : ندى يا عبدالله طاحت مريضه وجاءت الاسعاف وخذتها وراحت مع محمد .. كملت وانا اسمع صوت الصدمه عنده : اللي يخليك مر اخذ امي او روح هناك وطمئنا البيت ما فيه رجال ..؟ رد عبدالله وهو يقول: طيب طيب انا رايح الحين .. وهالله هالله بالبيت انتي الحين صاحبته طيب ! رديت عليها وانا احس اني اقوى من قبل : طيب بس ارجوك روح .. رد بكل قوه وهو يقول: ان شاء الله الحين طالع .. مع السلامه ,, صكرت التلفون وانا ادخل غرفه وضحى اللي كانت تصيح وتقول :حبيبي بندر انا خايفه عليها انت ما تعرف من ندى هي حياتنا ونور بيتنا .. اخاف يصير شي واموت من عقبها .. كلام وضحى صدمني بندر تكلم ولد وضحى اختي العاقل اللي تخاف الله تسوي مثل ما كنت اسوي من ضايع وصياعه ..





على الساعه 8 ونص بالليل الكل كان بالمستشفى .. عبدالله وفيصل وزوجته واخوها بدر ويعقوب وزوجته ولده سالم بس باقي اهلي وام عبدالله ويزيد حزني .. كنت قاعد على الكرسي انطر الدكتور اللي اخذ الفحوصات لندى .. اوووف لين متى وانا انطر صار لي 5 ساعات واكثر .. اكره هاليوم ليش يارب .. استغفرا الله محمد تعوذ من ابليس .. كلمني فيصل بعد ما طلعت الكلمه مني بدون شعور .. وقفت وانا مو قادر اصبر على فرقها اكثر من جذي .. المفروض تكون بحضني .. غمضت عيوني بقوة وانا اسمع الاخ محمد لو سمحت ,, صوت الدكتور كان جدي اكثر من الازم رديت بـ نعم وجسمي بدء يعرق بشكل غير طبيعي .. تفضل معاي المكتب لو سمحت .. كلمني الدكتور من جديد ولفيت صوب عبدالله اللي حس فيني وجاء صوبي وهو ماسك يدي وهو يقول : تفضل يا دكتور انا اخو المريضه .. طيب تفضلوا معاي .. تكلم للمرة المليون وانا وعبدالله نمشي وراءه .. دخلنا مكتب عبارة عن غرفه فحص عاديه .. قعد على اقرب كرسي وقال وهو يطالعني : طيب .. اولا المدام كانت تشكي من شي ؟ وجه سؤاله لي وانا هزيت راسي بالرفض .. طيب .. هي ما تشكي من فقر الدم (ضعف , إرهاق , صداع , خفقان بالقلب , ضيق في التنفس عند بذل مجهود( تكلم الدكتور وهو يقول اشياء احسها جديده علي اذني .. تكلم عبدالله هالمرة وقال : أي كانت تشتكي من فقر بالدم بس صارت طيبه وكانت تتعالج .. طيب خلوني اقول لكم اللي اكتشفناه بعد الفحوصات اللازمه واضح لنا الاختلال الكروموزومي الوحيد الذي يؤدي إلى نشوء هذا المرض وهو عبارة عن تبادل قطعتين من كل من كروموزوم 9 و 22 مما يؤدي إلى نشوء كروموزوم يطلق عليه اسم كرروموزوم فيلادلفيا ويؤدي ذلك إلى فقدان الخلايا خاصية الموت المبرمج وبالتالي إلى تكاثر كريات الدم البيضاء بلا حدود مع عدم فقدانها خاصية التميز , ولذلك تظهر هذه الخلايا بشكلها الطبيعي وان كان بأعداد كبيرة جدا في النخاع العظمي وكذلك في الدم نتيجة انهيار الحاجز بين النخاع العظمي وبين الدم. ايش تقصد انت ايش تبي تقول .. تكلمت وانا خلاص مو قادر استحمل .. قال الدكتور : اللي عند ندى مرض سرطان بالدم او Blood Cancer..





الصدمه شلت محمد اللي اغمى عليه على طول ركضت جهة محمد امسكه قبل لا ينزل على الارض .. شاله الدكتور معاي وانا اناديه .. بس لا حياة لمن تنادي .. دخلت الممرضه بعد ما حطينا محمد على السرير وهي منصدمه طلعت تركض برع الغرفه وما طولت الا والجهاز معاها .. قاسوا له الضغط طلع نازل شوي .. قال الدكتور : شي طيبعي من الصدمه راح نخليه بالغرفه لين يقوم .. طلعني الدكتور من الغرفه وانا اقوله : شنو العلاج لندى ..؟ تكلم الدكتور اللي صكر الباب وراءه وقال : اممممم طيب .. بواسطة عقاقير كيماوية تعطى عن طريق الفم بسهولة مثل xxxx هيدروكسي يوريا Hydroxyurea ولكن يحصل أن هذا المرض بعد فترة يستمر في المعدل من 3-5 سنوات ينتقل إلى طور أشد خبثا يشبه سرطان الدم الحاد ويكون أقل استجابة للعلاج من سرطان الدم الحاد الذي لا يسبقه سرطان دم نخاعي مزمن وعند ذلك يصعب السيطرة على هذا المرض فيؤدي عادة إلى الوفاة .سكت وانا اسمعه يتكلم .. ادمعت عيوني ورحت جهه الناس اللي تنطر اللي بقوله .. جاء فيصل عندي وهو يدور محمد بعيونه : وين محمد وشفيك مو طبيعي ..؟ رديت وانا امسك يده : ندى مريضه يا فيصل .. اختك مريضه ..؟ مسحت دمعه خانت عيوني وطلعته وقلت : محمد تعب يوم عرف واغمى عليه وهو الحين هناك .. اشرت على الغرفه اللي فيها محمد وقلت : طلبوا انه يرتاح شوي لان الضغط نزل شوي عنده .. عبدالله وين ندى .. صوت عبدالعزيز اللي كان يمشي بكل ثقه وخوف .. انصدمنا واحنا نشوفه تكلم من جديد : وينها ابي اشوفها ..





حياتنا صارت بالمستشفى والساعه الحين 11 ونص بالليل .. كنت واقف جنب العنود ما ابيها تتعب بس الله يهداها مو راضيه تسمع الكلام .. كنا مرتبكين وخايفين وخصوصا بعد ما عرفنا بمرض ندى وتعب محمد .. فيصل سؤال ادري اني ما عندي سالفه وسخيف بس قولي شلون ندى اختك ..؟ وانت كنت ناوي تخطبها لك ..؟ كلمت فيصل اللي كان على يساري متسند على الطوفه .. ااااااااه أي اختي .. امي ارضتها اكثر من شهرين يوم خالتي ام عبدالله تعبت .. وموضوع خطبتي كنت ابي افهم عزيز ان البنت تقدر تختار ويخليها بحالها .. بس سؤالك حلو لان الكل نسى موضوع الرضاعه هذي او اعتقد هم يعتقدون ان احنا اخوان علشان التربيه بس تصدق حتى عزيز اللي واقف عند الباب كان ناسي هالشي .. الا خالتي ام عبدالله لاني اتفقت وياها نسوي جذي علشان ندى تتزوج وتروح بنصيبها .. سكت احترامنا لسكوته .. متى راح نرجع البيت .. وراءنا قومه الصبح والا نسيت الدورة العسكريه .. كلمت فيصل اللي ضرب راسه وهو يقول : اوووف نسيت يالله قوم نطلع انا بستاذن من عبدالله واجيك .. كلمت العنود اللي رفضت بالبدايه : بس انا ابي اشوف ندى ما يصير ..؟ مسكت يدها بحب وخوف وانا اقول : العنود حرام عليج ترى سالم تعب ونام على الكرسي وانتي حامل بالشهر الثاني واقفه على حيلج طول اليوم .. اسمعي الكلام ورحي مع ريلج .. صوت عزيز اللي انسمع مرة ثانيه على التوالي لانه من دخل ما قال الا شفيها ندى والحين روحي واسمعي كلام زوجج .. طالعته العنود وهي تمسح دموعها وقالت : ان شاء الله بس اول ما تصحى كلموني اووكي .. هز عزيز راسه وراح صوب باب الغرفه .. الفجر راح انزلكم بيت خالتج حلو .. كلمتها وانا اشيل سالم واشوف فيصل جاي صوبنا مع زوجته واخوها اللي كانوا بحاله صدمه غير طبيعيه ..!!





دخلت الغرفه ودموعي تذرف بقوة رفعت الجوال ابي اكلم بندر واقوله على اللي صار بس يد الجازي اللي مسكت الجوال خوفتني وهو تقول: من بندر ..؟ انصدمت من كلامها وانا ارجع على وراء: ايش قلتي .. انتي شبلاج ؟ كلمتها وانا احط نفسي قويه .. قالت بدون ما يغمض لها جفن : انا سمعتج وانتي تكلمينه اليوم العصر .. من بندر .. والا تخليني اخبر ابوي وراشد اللي جاين بالطريج ؟؟.. سكت وانا منصدمه وغمضت عيوني وانا اقول : بندر هو البندري ..؟ لحظه هدوء وعقبها مسكتني الجازي من يدي بقوه ودفعتني صوب الكبت وعقبها كف حار على خدي .. رفعت راسي وانا اشوف منيرة ..!! أي منيرة نفس ردت فعلها يوم عرفت عن البندري دفعتني وعطتني كف .. انتي ما تستحين تعاشرين بنات علشان جذي طلقج ولد عمج .. كلمتني الجازي وهو ترص على اسنانها .. لا ارجوج لا تقولين جذي .. ولد عمج طلقني لانه عقيم وما كان يبي يظلمني معاه هو قال جذي .. والله العظيم ما اكذب .. كف ثاني منها وقالت : رب العالمين لعنهم تعرفين والا لا.. انت المسلمه اللي تخافين الله هذا اللي يطلع منج .. انتي نجسه وين الطهارة وين العفه وينها ..؟ صحت .. أي صحت وانا اشوف منيرة قدامي مو الجازي حضنتها وانا اقول : سامحيني والله اني احبج سامحيني .. بس انتي اللي خليتيني اسوي جذي .. ليش يا وضحى .. انا اختج وكنت اخاف عليج .. كلمتني وهي تضمني وانا اصيح .. مو انا اللي سويت جذي البندري اللي دفعتج هي .. انا خبرتها وهي اللي جاءت هناك علشان تهددج بس .. انتي ايش تقولين وضحى انتي اللي اللي .. رفعت راسي وانا اشوف صدمه الجازي اللي كانت واضحه وضوح الشمس ..!

الجزء 38 ،،



عدى اول اسبوع على كل من عرفنا وحبينا .. اللي عاش بصدمه واللي راح وهو ينطر لحظه امل .. واللي عاش على ذكرى .. واللي حضن الصبر .. كلهم وكلنا عاشنا هالامل ..

يعقوب ترك العنود وسالم بالبيت لان عبدالعزيز قرر يكون معاهم في غياب يعقوب لدورة العسكريه اللي مر عليها اسبوع ..

الجازي قررت بالموافقه على عبدالله بس تنطر طلعت ندى من المستشفى .. وبعد بدت تمسك وضحى من يدها اللي تعورها ..

فيصل ودع احبابه علشان يفكر وياخذ قرر يحسم وضعه مع اسماء بدون ما يجرح احد او يزعل احد منه .. " الله يعينك "

فطوم تربي ابراهيم بالفترة اللي ندى بالمستشفى تحس بحب اتجاهه خصوصا انها تذكر المرحومه سعاد فيه .. ابراهيم عمره 5 شهور تقريبا ومسوي جو لاهل ندى وخصوصا ام عبدالله ..

عبدالله بدء يضغط على نفسه بالشغل يبي ينسى او يتنسى الهم اللي على صدره من مرض ندى وعزله محمد ..

محمد ما يفارق ندى والا لحظه كل عندها ما يقدر على فرقاها .. والوقت اللي يكونون البنات عندها يموت الف مرة لانها بعيده عنه..

عزيز يراقب من بعيد ما يبي المشاكل مع انه يكره محمد والا يتمنى وجوده بنفس المكان اللي هو فيه ..

العنود اللي بدت تقرب سالم من البيبي وتتكلم عنه علشان ما يكره اخوه او اخته .. وبنفس الوقت ميته خوف على ندى اللي رفضوا الدكاترة يطلعونها في هالفترة ..

اسماء بدت تحس بفراغ وخصوصا عدم وجود فيصل وندى هز شي منها ومن شخصيتها بدت تميل للهدوء اللي مخلي بدر يخاف عليها اكثر ..

وضحى احبست نفسها بالبيت وتنطر العقاب .. ما فكرت بعقاب ربها بس خافت من عقاب الناس .. "الله يهداج ويصلحج "

موضي وراشد علاقتهم بدت تقوى وبدوا يقربون للبعض اكثر .. موضي تحاول تلطف الاجواء في بيت عمها بعد ما لفه الحزن بغياب ندى ومرضها ..





...؟ الحين انت وين ..!
...؟ يعني وين بكون في المستشفى ..؟
...؟ ارجع .. ترى ما يصير اللي تسويه ؟؟ ما تخاف احد يشوفك !!
...؟ ما احد يهمني ابي اشوفها .. ابي اكون قربها ومعاها .. ليش ما احد يفهمني ..؟
...؟ عزيز هالكلام ما ينفع .. وانت عارف ليش ؟!
عزيز: ااااه .. مو مشكلتي ينفع والا لا .. انا مشتاق لها .. العنود افهمني شوي ..؟
العنود: طيب طيب فاهمتك بس ممكن ترجع انت هناك من الصبح والحين الساعه 2 ونص الظهر .. تعال تغدى وعقبها ترد وانا وسالم معاك شرايك ..؟
عزيز: عندوه اسلوب اليهال هذا مو معاي .. !!
العنود : الله يهداك يا عزيز .. تعال نور مشتاقه لك وسلوم ماا قصر فيها العن شكله ..
عزيز : هههههههههههههه .. لا تضحكيني نور تقدر على عشرة .. وبعدين خليهم يمكن يكبرون ويصرون عزيز وندى بس باختلاف الاسامي وهالمرة يكونون احلى زوجين ..

كلامه حزني .. الله يعينك يا اخوي .. كلمته وانا احاول اقنعه : عزيز واللي يسلمك تعال البيت والله محتاجه لك .. اليهال يتهاوشون وانا مشغوله ارتب البيت وانت ما احد ويعقوب دوووام انا من عندي ..؟ سكت انطر رده تنهد وهو يقول : خلاص الحين جاي مع السلامه .. صكرت التلفون وانا اشوف سالم ونور وهم يلعبون .. وتذكرت كلام عزيز لما يكبرون الله والعالم ايش بيصير .. انا ما ابي بنت اخوي تتعب من الحب مثل ندى والا ابي ولدي سالم يعيش على ذكرى .. سلوم انا بغرفه والباب مفتوح لا تطلع بالشمس زين ماما .. كلمت سلوم ورحت للغرفه .. قعدت على السرير وانا مشتاقه ليعقوب .. مسكت الغترة اللي احطها تحت راسي علشان اشم ريحته .. وينك يالغالي وحشتني .. غمضت عيوني وانا اشوف من احب بعيد عني .. ندى يعقوب فيصل ..؟ الله كريم .. وقفت وانا اقول : ندى دوم تقول " عسى ان تكرهوا شي وهو خير لكم " ونعم بالله .. ابتسمت وانا اطلع من جديد بس بروح عاليه وقويه .. كل ما ضعفت تذكرت كلام ندى اللي دوم يقويني ..!




رحت فوق قبل ما اطلع من المكان .. دخلت الاصنصير وقبل لا يتصكر الباب دخلت بنت معاي سكت ولبست النظارة حطيت رقم 5 وانا الاحظ نظرات البنت لي .. متعود اشوف هالنظرات بس ما تهمني عندي اللي تسواكم كلكم .. خذت نفس وانا انطر .. انت عبدالعزيز مو جذي ؟! لفيت راسي جهتها وانا مستغرب .. وقلت: أي نعم .. تعرفيني ..؟ شفتها اطالعني من فوق لين تحت كانها تقيمني .. كان ودي اعطيها كف يعلمها الادب رفعت راسها وهي تقول: اكيد اعرفك .. شفتك في عرس ندى وكنت اشوفك من قبل ايام الثانويه يوم كنت تمر تاخذها ..؟ انصدمت اكثر يعني في معرفه .. طيب وعرفتي من اكون في شي معين تبينه ..؟ كلمتها وانا اشوف الباب ينفتح .. وبكل جراءة قالت : أي ابعد عنها تراها مو لك ..؟ طلعت من الطابق ولفت يمين .. وانا انصدمت ومسكت نفسي لا اروح وراءها واعلمها الادب من جديد .. من هي علشان تتحكم وتتشرط .. طلعت قبل لا يتسكر الباب ورحت جهه اليسار ودخلت صوب غرف المرضى .. وعلى طول رحت صوب غرفتها وكل عاده اسال اذا محمد موجود والا لا .. وقفت عند باب الغرفه وانا اشوف ندى صاده الصوب الثاني بس ما في احد داخل .. مسكت يد على كتفي هزتني بقوه لفيت وانا اشوف محمد واقف بس كان ضعيف ومهدود حيله .. قال : شلونك عبدالعزيز ؟ رديت عليه وانا مش مرتاح : بخير وانت ؟ طالعني بنظره طويله وهو يقول : تبي تشوفها ؟! رفعت النظارة وحطيت عيني بعينه وقلت : أي ابي اشوفها ..؟ نزل راسه وغمض عيونه وقال : طيب اخليها تتغطى اصبر .. دخل محمد وانا استغربت كلامه ليش يسالني وليش يخليني اشوفها ..؟ تفضل سمعت صوته بس ما حبيت اطالعه دخلت وانا مشتاق اشوفها .. طالعتني كانت تعبانه وذبلانه ومع هذا حلوة وجذابه كالعاده .. عزيز ليش جيت ..؟ سؤالها صدمني وقبل لا اقول شي .. انا طالع اذا تبين شي ناديني ..؟ كلمها محمد وهو طالع بس ندى اعترضت وبقوة وقالت : محمد لا تروح واسمع اللي بقوله لعزيز ..





لازم افهم عزيز .. سكتنا كلنا وانا اطالع محمد غمضت عيوني وقلت : عزيز اللي بينا كان ماضي أي احبك بس حبك اليوم غير ادري انك لين اليوم تحبني .. وادري انك تتمنى اكون لك وبس .. يا عزيز افهم انا احب محمد واموت بالتراب اللي يمشي عليه .. واعرف انت ليش هني .. سكت وانا اشوف محمد وعيوني بعيونه وقلت : يوم خطبني محمد كنت افكر فيك وكنت اقول لنفسي ايش راح يفكر عزيز .. بس عقبها وكلت امري لله وصليت الاستخارة علشان ما اظلم نفسي .. سكت وانا احس باللالم في جسمي .. وحاولت اكون طبيعيه وقلت : تدري ليش وقفت .. لاني شفت محمد بالحلم وكنا على منبر مسجد يحلف لي ويقسم انه راح يصوني ويعز من مكاني .. ااااه مسكت راسي وانا احس اني خلاص .. قرب مني محمد وهو يحضني .. حياتي ايش فيج قولي ..؟ كلمني وانا اتوجع مش قادره اتكلم بس دموعي سيده الموقف .. بروح اانادي الممرضه .. تكلم عزيز وصوته ما كان طبيعي .. لا لا تروح اسمع .. ارجوك خلني اكمل .. كلمته وانا ادري انه غيران ومعصب اني بحضن محمد .. تكلم محمد : يا قلبي بعدين انتي الحين تعبانه .. هزيت راسي بلا وقلت : الحين ..؟! اسمع عزيز .. اعرف انك ما تطلع من هني واعرف انك تحاول تسال عني اذا طلع محمد من عندي .. اعرف .. بس اللي ما تعرفه هالشي يضايقني ... لاني افكر برده فعل زوجي وابو ولدي فيني .. حضني محمد وهو يهمس : مستحيل اشك فيج بيوم مستحيل ..؟ حسيت براحه من حضن محمد بس الالم رجع من جديد وبقوة : ااااااااااه محمد جسمي اااااه صحت بقوة وانا اسمع صوت عزيز يقول : راح انادي الممرضه ما حسيت بشي بس صوت محمد وهو يقرء القران على راسي اخر شي اذكره ..





الساعه الحين 5 المغرب والاخ محمد ما جاء .. اوف ليش تاخر كنت اراقب الساعه وكل دقيقه وعدني اليوم يوديني عند ندى .. يالجازي عورتي راسي رايحه وجايه .. كلمتني امي وانا مو قادره اضبط نفسي وقلت : يمه محمد قال بجي من الظهر والحين 5 ما تبيني اخاف ..؟ حطت امي فنجان القهوه وهي تقول: يعني ايش بصير .. اذكري الله اقعدي .. رن جوالي ورحت اركض اشوف من استغربت رقم غريب .. صكرت الخط ورديت للامي اللي قالت : من محمد ..؟ قعدت جنبها وانا اقول : لا ما اعرف من رقم غريب ؟.. سكتنا واحنا نسمع اذان المغرب .. ورن جوالي من جديد ونفس الرقم .. اوووووووووووووف .. الو من معاي ؟! وعليكم السلام ورحمه الله .. شلونج الجازي ؟! صوت رجال واللي خلاني اخاف اكثر ان صوت اعرفه .. بخير والحمدالله .. من معاي ؟! سالت علشان اتاكد اكثر .. انا سيف ولد عمج ؟ انصدمت هو كنت حاسه انه هو .. هلا سيف شلونك ؟ رديت وانا خايفه قال : بخير جعلج بخير .. بدون مقدمات صج الكلام اللي سمعته .. سكت وانا اسمع صوته وقلت : أي صج وانا مواقفه واعتقد ان وراي رجاجيل يقرورن معاي والحين عن اذنك انا مشغوله .. مع السلامه .. صكرت التلفون وانا اشوف امي اطالعني بنظرة من هذا..؟ تكلمت وانا ارتجف .. يمه هذا سيف اخو موضي .. يقول لي صج الكلام اللي سمعته ..؟ كلمتني امي وهي تقول: وهو شعليه منا .. احنا عندنا رجاجيل بالبيت وهو مو ولي امرج ..؟ من هذا !! صوت محمد اللي كان داخل خوفني وقلت : ما احد بس انت ليش متاخر .. ردت امي وقالت : الا ولد عمك رافض عبدالله ليش .. ؟ ارتفع حاجب محمد مستغرب وقال : وهو ايش يبي فينا ابوي موافق وهي مواقفه وخلاص ما احد له شي عندنا .. لف صوبي وهو يقول: بروح اسبح واجي .. وقف وانا اساله من عند ندى : تكلم واحس انه مخنوق فاطمه وام عبدالله .. دخل الغرفه وانا رحت اصلي لين يطلع ونروح لندى ..





كنت افكر بكلامها وعقلي وقلبي فرحانين بالحب اللي تكنه لي ندى .. دخلت الحمام "الله يعزكم" اخذ شور سريع ودافئ يهدي من التعب اللي كسر ظهري .. وانا تحت ادش كنت اتذكر الكلام " محمد يحلف ويقسم لي " وطول عمري راح احلف واقسم لج .. ااااااااه طلعت مني وانا اطلع واحط الفوطه على خصري رحت اطلع لي ملابس .. حبيبي البس هذا ألوان الاسود عليك عذاااااااااااب ابتسمت وانا اشوف التي شيرت الاسود قدامي .. مسكته ووطلعت معاه جينز ازرق راح اسوي كل اللي تحبه ندى ..لبست وتعطرت وفرشت السجاده وصليت المغرب وعقبها طلعت
وشفت الجازي تنطرني برع .. يالله توكلنا على الله .. وقفنا وطلعنا من البيت واحنا بالسيارة .. تكلمت الجازي وهي شبه مرتبكه : محمد في شي لازم تعرفه .. بس ارجوك خلنا نفكر بعقل والا تتهور طيب .. كلام الجازي وخوفني وقلت : عسى ما شر صار شي بـ ندى .. لالالالالالالالالا الموضوع ما يخص ندى السالفه تخص المرحومه منيرة .. تكلمت وهي تهز راسها .. طيب قلت هالكلمه علشان تقول اللي عندها .. وقالت السالفه من البدايه لين النهايه وختمتها بكلمه : محمد ايش راح نسوي هذي جريمه بس بدون قصد وضحى قالت انها ما كنت تدري عن نوايا البنت .. كنت ماسك السكان بقوه واحس شياطين الدنيا فوق راسي تنط وضحى اختي تصادق هالاشكال وضحى .. محمد صوت الجازي رجعني للمكان .. طالعتها وانا اشوف ان احنا واقفين في مواقف المستشفى وقلت : خلاص الموضوع عندي وانا اللي راح اتفاهم مع وضحى والبنت اللي سوت جريمتها .. شفت الخوف بعيون الجازي بس انا اللي راح اتصرف انا ..!





ندى لا تقولين هالكلام .. انتي الحين مريضه ولين صرتي زينه راح نملك انا وسعد .. كلمت ندى اللي كانت تحن علي راسي علشان الملكه اللي تاجلت والسبب مرضها .. هزت ندى راسها وهي تقول:مو مشكلتي فطووم انا ابيج تملجين .. وان شاء الله الجازي توافق على عبادي وتصير بنفس اليوم .. ههههههههههه ضحك عبدالله اخوي وهو يقول : الله يهداج شلون نفرح وانتي هني .. صح كلامي اخوي .. والا شرايج يمه .. كلمت امي اللي كانت حاطه ابراهيم بحضنها وهو نايم .. تكلمت امي وهي تقول: اختكم ندى عدل اذا فرحنا هي تفرح صح يمه .. ابتسمت ندى وهي تقول لنا : فدييييييييييت امي هي اللي فاهمتني بعد محمد .. هههههههههههههههه ضحكنا كلنا على صوت محمد اللي كان داش .. يـا ولد لبست شيلتي وغطيت وجهي .. وعقبها دخل مع عبدالله ومعاهم بنت متغطيه .. انا رايح تبون شي .. تكلم اخوي عبدالله وهو منزل راسه لفيت له وانا اقول : لا تتاخر طيب .. ابستم لي قال : ان شاء الله عمتي .. ههههههههههه ضحكنا من جديد وطلع عبادي ومحمد وقعدنا احنا .. الجازي خلاص مواقفه صح .. تكلمت ندى وبنفس اللحظه رفعت الجازي الغطى وهي تقول: بسم الله شدراج .. انا ما كلمت الا اهلي حتى محمد ما يدري .. شفت ندى تاشر على قلبها وتقول: هذا حس فيج يعني اقول مبروك ..؟ تكلمت امي وهي تقول: زين ما اختر عبدالله عسى ربي يوفقكم يارب انتي وفطوم .. ابتسمت للجازي اللي ردت البسمه لي .. خلاص عيل قولوا لسعد ينزل الدوحه الملكه الخميس الجاي .. تكلمت ندى وهي تحدد موعد الملكه سكتنا انا والجازي احترام لقرارها و واقفنا على اليوم لانها رغبه ندى الغاليه ..!




يالله يا بدر راح ياذن العشاء واحنا ما رحنا لها .. كنت انطر بدر اللي كان يرتب غترته بالصاله .. لف علي وقال : اذكري الله شبلاج مستعجله .. رديت عليه : انا مشتاقه لندى صار لها اسبوع بالمستشفى مليت متى تطلع .. ابتسم بدر وقال : تصدقين انا احب ندى وايد .. انصدمت ورفعت راسي اشوفه ضحك بدر وقال : أي احبها تدرين ليش ..؟ هزيت راسي بلا .. قال : لانها تخليج غير وخصوصا اذا كنتي عندها ترجعين وانت مبسوطه .. ابتسمت وقلت : اكيد هذي ندى انت ما تعرفها صدقني اللي يقرب منها يتمنى يكون وياها على طول .. انزين يالله نروح والا غيرتي رايج كلمني وهو يطلع قبلي من البيت .. لا طل ما غيرت رايي يالله قدامي .. ضحكنا وانا افكر متى يرجع فيصل اكيد عرف اكيد شاف اكيد فهم .. كل هالامور براسي وانا اشوف بدر اللي صار له ربع وصار اجتماعي وانسان يحب الضحك ويعبر عن رايه بكل حريه .. من يوم تزوجت فيصل وانا اشوف اخوي غير غير .. الله يوفقك يا فيصل ويخليك لي .. شفيج انا اكلمج وانتي تتبسمين طيب ردي علي .. صوت بدر وهو يكلمني رجعني له ولدوحه ووخصوصا عند المستشفى ..!





كنت اقرء الدفتر اللي بيدي صار له اسبوع وانا اقراه كل يوم والا مليت منه .. لين اخر لحظه وانا اقرء .. ااااااااااااه ليش صار جذي ليش البنت تتعذب والسبب واحد حيوان .. وانا غبي بدل لا اخفف عليها ازيدها .. فيني والا فيك يا اخوي شبلاك .. صوت يعقوب رجعني للواقع .. لفيت عليه وانا اقول : ليش دووم الانسان الضعيف يتعذب والمشكله اللي يحبه يعذبه اكثر ..؟ رفع يعقوب عينه لي وهو يقول: المدام صح ..؟ كمل وهو يقعد ويقول: مادامنا بهالمكان الجميل ليش ما تتكلم معاي بصراحه .. ابتسمت على تعبير بو سالم على الخيمه اللي احنا فيها حاليا احنا بـ زكريت منطقه للدورات العسكريه اللي تصير بالدوحه .. قعدت على حيلي وقلت : طيب احس اني مقصر بحق اسماء مادري ليش تخاف مني بس من اسبوع عرفت السبب .. سكت وانا اطالع الدفتر واقول : صدقني يوم فتحت الشنطه وشفت هالدفتر خفت منه حيل بس بعد ما قريت اللي فيه حبيتها زود .. مسكت يد يعقوب وقلت : تذكر يوم قلت لك اني شفتها بالعرس وكانت جميله .. هز يعقوب راسه وهو يقول: اذكر اني كنت اقولك لا تذكر مفاتنها لانك مو حلال عليها ..؟ سكت عند هالكلمه وانا اقول لنفسي .. حتى وهي حلالي اخاف اشوف مفاتنها .. ابتسمت وقلت : أي .. كاتبه كل شي من يوم شفتها لين جيت هالمكان .. كنت ابي الراحه بس مالقيتها اصلا الراحه ما لقاها الا معاها .. ههههههههههههه ضحك يعقوب وهو يقول : يا رجال ما بقى الا كم يوم وترجع لها ..





الساعه الحين 12 ونص بالليل كنت اكتب اللي تقوله لي ابي اعرف كل اللي عندها مو علشان شي بس علشانها .. والحين وين وصلنا .. رفعت راسي اشوف ندى وهي تعدل نفسها واقول : حبيبتي ندى ما ابيج تتعبين .. اخاف عليج وبعدين من راح يفكني من يد زوجج ..؟ هههههههههههه ضحكت ندى بكل نعومه وهي تمسك يدي وتقول : والله انج وحشتيني يالغلا .. مش متخيله القاج و وين هني ..؟ ابتسمت وانا اشوف عيونها واقول : ندى انا وانتي كنا ومازالنا قلب واحد .. بس قلبي هو اللي فرقنا صج اللي صار غباء مني .. مسكت يدي بقوة وهي تقول: مو بس منج حتى مني .. هههههههههه شكل الغباء منتشر بالجو في ذيج الفترة .. تذكرين ايش كنا نسوي انا وانتي والعنود ايام ايام الرحلات والطلعات .. أي والله كانت ايام حلوة وان شاء الله ترجع .. كلمتها وانا اشوف الحزن طغى على وجهها فجاءة وقالت: كم تعطيني من الوقت يا دكتورة ..؟ اختنقت ودموعي نزلت وقلت : ندى الاعمار بيد رب العالمين .. وبعدين ندى اللي عرفتها مؤمنه بالله والا ندى صارت انسانه ثانيه بعد اللي شافته ..؟ ااااااااااااااه يا دكتورة ليتج ما فارقتيني والا بعدتي عني .. ليش فضلتي الطب على وجودج معاي ..؟ ليش حبيت عزيز وخلتيني اكرهج لو لفترة بسيطه ..؟ ابتسمت وقلت لها : انسي عزيز .. انتي تعرفين ان وصيه ابوي لي اكون دكتورة ولا المرحومه منيرة واسماء خلوج تنسين صديقه طفولتج وعمرج نور .. ابتسمت لي وهي تقول : تدرين ايش اسم بنت عبدالعزيز .. هزيت راسي بلا وكملت وقالت : نور ..؟ وتعرفين ليش ؟! بعد هزيت وقلت لا ..؟ ابتسمت وقالت : علشان اذكرج دووم حتى لو ما كنتي معاي .. وعلشان اتذكر شكثر كنت غبيه لاني ابعدت عني اغلى ناسي .. حضنتها وهي تقول : تعرفين لو يشوفج عزيز ايش راح يسوي .. ههههههههههه ضحكت وانا اقول لها : شفته اليوم بالاصنصير بس شكله ما عرفني .. غمضت ندى عيونها دليل ان اللالم بدء من جديد مسكت يدها وانا اسال : بدء معاج هزت راسها ضغطت الزر علشان تجي الممرضه .. Please bring the injection for the patient!" ارجوج جيبي الابرة للمريضه " كلمت الممرضه علشان تستعجل وانا خايفه .. كلمتها ندى ارجوج كوني اقوى من جذي .. ارجوج ارجعي لي انا مشتاقه لوجودج الحين مثل ما انتي محتاجتني .. هزت راسها لي وهي تشد يدها بقوة اطمئني على نفسها واانا اكثر وحده اعرف ايش يعني مرضها ..!!

الجزء 39 ،،




بعد اسبوع جديد بس هالمرة راح تطلع ندى من المستشفى بعد ما قررت الدكتورة نور ان المريضه محتاجه للاهلها اكثر من المستشفى .. من الدكتورة نور ؟ سالني محمد هالسؤال واانا اركب السيارة .. رديت عليه وانا اقول : بقولك بس بشرط توديني الي فرانس .. ههههههههههه ضحك علي وهو يقول: تذكرين يوم طلبتي مني هالطلب .. ابتسمت له وانا امسك يده واقول : أي اذكر ومستحيل انسى أي شي يخصك .. قرب يدي من شفايفه وباسها وهو يقول لي : ربي لا يحرمني منج ..؟ والا منك .. بس قولي راح توديني ..؟ هههههههههه ضحك وعلي وهو يشوف عيوني اللي كانت تشع فرح وحب .. وقال : اكيد يالغلا كم ندى عندي .. طلع من المستشفى واحنا ريحين صوب المطعم القريب لنا وكان فرع السد .. وقف ونزل جاي جهتي علشان يساعدني ودخلنا واحنا نسولف ونضحك رحنا المكان المخصص للعائلات .. قعدنا وطلبنا الغدى وسالني محمد نفس السؤال : من الدكتورة نور ..؟ رفعت راسي له وقلت : الله يسلمك نور هذي صديقه عمري عشنا مع بعض وحبينا بعض كنا دمار شامل امي وامها كانوا مو مرتاحين لنا اذا اجتمعنا .. ابتسمت وقلت : كبرنا وصرت اكلمها عن عزيـ .. سكت وانا اطالع عيون محمد شفته يبتسم لي ويقول : كملي والا تخافين ..؟ كلمته وانا امسك يده اقول: كنت اكلمها عن حبي له وشكثر انا مبسوطه لوجوده بحياتي .. لين البنت حبته بدون قصد منها .. صار عزيز حبها بس بدون ما تقول والا حتى فكرت تقول .. تدري ليش ..؟ شفته يهز راسه بلا .. ههههههههه ضحكت وانا اقول :اكيد ما تدري .. امممممم لانها فضلت صداقتي على حبها لعزيز .. تكلم محمد وقال: لحظه يعني هي تحب ولد خالتج من كلامج بس .. وبعدين وين راحت عنج .. ؟ نزلت راسي وانا العب بالشوكه .. وقلت : أي هي حبته من كلامي عنه .. وسبب بعدها عني .. اممممممممم انا طلبت منها بعد ما شفت صورة لعزيز بين اغراضها ..؟ ههههههههههه ضحك محمد واستغربت منه بس هو تكلم وقال : تدرين اللي اشوفه واللي احسه حبج لعبدالعزيز بسبب قربج منه او قربه منج الدائم يعني حبج مو الحب اللي احنا نعيشه الحين فهمتيني .. هزيت راسي وانا متاكده ان كلام محمد صح 100% .. وصل الغدى وبدينا ناكل واحنا نتكلم عن صداقتي بـ نور وحبي الطفولي لعزيز ..!





كنت مبسوطه اليوم فيصل راح يرجع رحت الصالون وسويت شعري بعد ما اخذت اجازة من الدوام .. اليوم الخميس وانا مستانسه اكثر يوم عرفت ان ندى طلعت مع محمد يعني خلاص الامور تمشي صح والكل بخير .. الساعه الحين 2 ونص الظهر بعد نص ساعه راح يكون فيصل موجود .. طلعت برع اشوف بدر اللي كان يتابع مباراة قديمه على قناة الدوري والكاس .. قعدت جنبه وهو مندمج .. بدر ما تبي شي ؟! رفع راسه وهو يقول : اوووف شعندج كل هالجمال حق فيصل .. انحرجت وانا اشوف نظرات اخوي الصريحه اللي تعبر عن فرحه كبيرة بقلبه لي .. ههههههههه عيب يا قليل الحياء .. بنشوف اذا تزوجت أيش بيصير ..؟ رديت عليه وانا اسمع صوت جرس الباب وقف بدر وهو يقول: اذا تزوجت والحين عن اذنج هذا سلطان وحمد .. عندنا اليوم جلسه ذكر ويمكن انام معاهم بالمسجد يعني لا تخافين طيب .. ابتسمت له وانا اقول: ربي يحميك ويصونك الله معاك وهالله هالله بنفسك طيب .. سلم علي وطلع لربعه .. قعدت افكر شلون اقابل فيصل وانا متاكده انه قراء الدفتر غمضت عيوني ما اعرف شكثر كنت على الوضع لين حسيت بيد دافئيه على كتفي .. رفعت راسي اشوف من ..؟ اشتبكت عيوني بعيون عسليه عذبتني وسهرت عيوني .. وقفت وانا اشوف شلون شكله بدون شعور مني حضتنه لصدري وانا اقول: وحشتني وحشتني .. ما تعرف اشكثر مشتاقه لك .. كان يحضني وهو يمسح على شعري ويهمس : وانتي اكثر يا قلبي اشتقت لج .. بعدني عنه وهو يطالعني ويقول : احسج ضعفانه شوي.. اكيد راح اضعف ؟؟ شلون تبي حالي يكون وندى بالمستشفى وانت مو بحضني ..؟ كلمته وانا اضمه من جديد ..!





كنت مبسوط بالاستقبال الحافل اللي سوته لي العنود .. خلاص يا قلبي ارتاحي شوي .. كلمتها وانا اشوف حركتها السريعه من المطبخ لين غرفه الطعام وتحط الاكل وتقول : حبيبي شوف نفسك شدعوه ما تاكل ..؟ ههههههههه ضحكت عليها وانا اوقف عندها واقربها مني واقول: العنود انا ما ابي اكل .. سكت وانا اشوف خدودها اللي احمرت و وجها اللي تغير .. هههههههههههه ضحكت من جديد وقلت : احبج يا مجنونه .. بعدتني عنها وهي تقول : يعقوب اليهال شفيك .. لفيت صوب سالم ونور اللي كانوا يبتسمون لنا وقلت لهم : يالله كلنا نحضن ماما العنود .. في ثانيه والكل بحضن العنود اللي كانت تضحك علينا واحنا نبوسها ونحضنها بقوه .. خلاص عورتوني .. هههههههههههههه ضحكت العنود وضحكنا معاها .. طيب خلاص كل واحد على كرسيه .. تكلمت وانا ابعد عنها غصبن عني .. كنت اكل واسمع العنود وهي تسولف عن ندى اللي راح تطلع اليوم وبنفس الوقت تكلمت عن ملكه ولد خالتها و اخته بنفس اليوم .. طيب متى راح تكون المكله ؟! سالتها وانا امسك يد سالم اللي يحاول يلعب بالشوربه .. قالت المفروض اليوم بس طيارة سعد باجر راح توصل ..؟ يمكن تكون باجر .. ان شاء الله ... تكلمت وهي تقوم من على الطاوله وتمسك سالم ونور علشان تغسل يدهم .. وقفت اشيل الصحون وادخلهم المطبخ وانا اسال : شلون ندى الحين ..؟ نزلت العنود نور بعد ما غلست يدها وقالت : تصدق صادفنا صديقه قديمه لنا .. وهي اللي طلعت ندى من المستشفى لانها دكتورة هناك .. وقالت ندى راح تكون بخير اذا كانت بين اهلها .. هزيت راسي وانا الحق العنود اللي دخلت غرفه اليهال علشان تنومهم ...! يعني متى راح تخلصين ابيج عندي .. كلمتها وانا فعلا مشتاق لها .. ابتسمت وقالت : عطني بس 10 دقايق ..!





وقت العصر الكل مجتمع لان ندى رجعت باستشاء وضحى اللي كانت معتزله العالم لمده اسبوعين راشد وزوجته وصافيه وامي وابوي وانا .. شلونج يمه ان شاء الله زينه ؟ تكلم ابوي وهو يطلب من ندى تقعد جنبه .. بخير والحمدالله انتوا اخباركم ..؟ كلمتنا ندى وهي اطالع الكل .. رديت وقلت : بدونج والا شي .. صدقيني ..! تكلمت موضي اللي كانت متغطيه لان محمد موجود وقالت : ندى كم مرة نقولج انتي نور هالبيت صدقيني .. رد راشد وقال : اذا تسمح اخ محمد اتكلم مع حرمك المصون .. ههههههههههههههههه ضحكنا كلنا واحنا نشوف محمد اللي قال : تفضل اخ راشد بس يا ليت كلامك بحدود المعقول تعرف الغيره لها دور .. هههههههههههههه ضحكنا من جديد .. فعلا رجعت ندى ردت الروح لنا .. تكلم راشد وقال : اسمعني عدل انتي الاخت اللي ما جبتها امي .. منيرة كانت تحبج والحين الكل وخصوصا الجازي اللي بدت تتعلق فيج اكثر ... سكتنا وانا اسمع كلام اخوي راشد وبعدها قال : ما انكر ان الكل يحبج بس صدقيني الكل بيكون معاج .. واحنا اهلج والا اانا غلطان .. سكتنا واحنا انطالع رده فعل ندى .. رفعت راسها جهتي وقالت : الجازي تستاهل الخير واذا حبتني مرة فانا احبها مليون مرة .. اما انتوا على عيني وراسي من يتمنى يكون عندكم ويبعد عنكم .. سكتنا وخصوصا بعد ما هتز صوت ندى شوي .. مسكت يد ندى وقلت : ممكن اكون اخطيت عليج يوم من الايام بس والله اني ندمانه على كل كلمه وصدقيني جوجو اليوم غير جوجو الامس .. اسمع ادلع نفسها .. صوت ابوي اللي يحاول يخفف الجو اللي توتر ... هههههههههههههههه وضحكنا كلنا على تعليقه ..!






كنت ارتب اغراضي حق باجر .. يعني بكون عروس من جديد لازم اكون غير .. ندى قالت : فطوم حاولي تكونين غير ترى سعد مو ناصر .. يعني وبالعربي رجال عن رجال فهمتي .. فديت ندى وحشتني اكيد الحين مرتاحه بحضن رجلها .. طلعت للصاله وانا اشوف ابراهيم يلعب بحضن امي ابتسمت لهم وقعدت جنب امي وقلت : متى راح تاخذه ندى ؟! تكلمت امي وهي تقول: متى ما بغت تاخذه تجي .. المهم تكون مرتاحه الحين .. سكتنا شوي وعقبها تكلمت امي وقالت : انتي جهزتي .. الرجال يبي يوقع العقد وتسافرين معاه .. طالعت امي وانا اقول: أي جهزت كل شي والشنطه جاهزة .. بس يمه من بيكون وياج .. ابتسمت امي اللي كانت تمسح دمعه نزلت غصبن عنها وقالت : عندي الجازي والا نسيتي ان عبدالله راح يسوي نفس سعد .. سكتنا وانا اطالع امي وقلت : يمه ليش الرجاجيل مستعجلين ..؟ ههههههههههههههه ضحكت امي وهي تقول : بعد يا يمه يبون حريمهم عندهم وبعدين انتوا اللي رضيتوا يكون بدون عرس .. ما في احسن من ندى واسماء اللي وسعوا صدورنا .. ههههههههههههههههه ضحكت على كلام امي وقلت : طيب خلاص اذا جاء عبادي بقوله ابي عرس .. ما في امل انسي الموضوع احسن ... تكلم عبدالله اخوي وهو داخل من الباب .. ههههههههههههههه ضحكنا انا وامي وقال : الحين بعد ما جهزنا تقولين تبين عرس ما في .. ابتسمت وقلت : شلون بسافر واخليكم ..؟ سكتنا للمرة الثالثه بس هالمره معانا عبدالله ..




كنت متمدد على السرير وانا اطالع السقف مش متخيل ان ندى قالت الكلام اللي سمعته بالمستشفى .. اااااااااااااااه طول عمري اشوفها بكل مكان بس الحين احس بشي ثاني بالخسارة .. أي خسرت يا عزيز مو بس ندى حتى اللي يحبون ندى .. اووووف غمضت عيني وانا اتخيل ندى .. وبدون مقدمات صورة ثانيه دخلت براسي .. فتحت عيني بسرعه وانا اتنفس بصعوبه مستحيل من هذي .. من تكون علشان اشوفها !! احس اني راح اختنق وقفت ولبست بدله رياضه وطلعت من بيت يعقوب المكان شبه مهجور .. ركبت السيارة وما كنت محدد وجهه معينه كنت الف الشوارع بدون هدف وانا اخذ اللفه ما انتبهت على السيارة اللي كانت واقفه ضربتها بقوه وصوت الحادث كان قوي .. تحرك جسمي على قدام ورد بقوة على وراء واول ما استوعبت الفكرة انتبهت اني قريب من بيت خالتي .. وركزت اكثر على السيارة المضروبه .. نزلت وانا احس برجلي ترتجف وقفت عند باب السيارة الثانيه وانا اقول: انت بخير .. صار فيك شي ..؟! صدمه احس اني انضربت من جديد يوم شفت وجهها هي والله هي البنت اللي بالمستشفى .. كانت ماسكه راسها وهي مو معاي كانت تحاول توقف الدم اللي يطلع من راسها .. فتحت الباب بقوة وانا اقول: اختي فيج شي ..؟ رفعت راسها وشفت انها مو مركزه طبعا مو منها من الحادث الله كريم .. مسكت يدها وانا اقول : ارجوج قولي انتي من وبنت من او عطيني رقم اهلج .. لا انا بخير انا ... اااه توجعت بعد ما قالت كلمتين .. لا انتي مو بخير انتي من قولي .. كنت ابيها تتكلم لاني متاكد اني اعرفها و بنفس الوقت عندي فضول .. صوت الدوريه " الشرطه " وهي جايه صوبنا خلتني ارفع راسي وانصدمت بالناس اللي حولنا .. هي بخير صوت العسكري اللي نزل من السيارة .. لا مو بخير اعتقد انها تنزف ..؟ رديت عليه وبـ نفس اللحظه رفع العسكري جهاز النداء وبلغ عن الحادث وطلب الاسعاف لان في مصاب .. انت الطرف الثاني بالحادث ..؟ هزيت راسي وهو يقول ممكن تتفضل معانا ... طيب بس ممكن اتصل تلفون ؟؟ كلمت العسكري اللي عطاني فرصه اجيب الجوال من السيارة واتصلت على عبدالله .. علشان يلحقني بـ المركز ..





كنت اشوفها وهي تنشف شعرها من الماي .. كانت حلوة كالعاده تجنن .. احبها والله احبها ابتسمت لي وهي تشوفني من المرايه وتقول : يوعان ؟ هزيت راسي بلا وانا اقوم من السرير رايح لها وقلت : بس اشتقت لج .. انحرجت ونزلت راسها اطالع يدها .. رفعت راسها وانا اقول : تصدقين اسماء كنت مقرر ارجع واريحج مني .. شفت عيونها تدمع كملت وقلت : بس يوم قريت الدفتر اللي عطتيني اياه .. قلت لنفسي مستحيل اتركج مستحيل .. وقفتها وانا اطلع بعيونها .. وكملت كلامي وقلت : ما عمري عرفت الحب الا يوم شفتج بعرس ندى .. وما عمري حسيت بالشوق والغرام الا بعد ما انخطبنا وملكنا .. وما عمري حسيت اني زوج الا اليوم صدقني .. انتي مو مقصرة معاي بس انا اللي قصرت بحقج .. حضتني وهي تصيح وتقول: والله يا فيصل ما كان قصدي والله .. بس ما عرفت شلون اعبر لك .. شلون اقول لك ان زوجي كان عاجز .. واني بنت .. خفت تفكر بشكل غلط فيني وانا .. انااا كنت اشوفك كل شي بعد الله وبعد بدر .. صاحت وخليتها تصيح وتعبر عن اللي تحسه .. خليتها تصيح الايام اللي راحت من عمرها بتعب وحزن على حالها وحال اخوها .. خليتها تصيح حبها لي وشوقها ..





فتحت عيني وانا اشوف اخوي سلطان عند راسي .. واحس بالالم يضرب بقوه براسي .. اوووف ايش صار وقف سلطان وقرب عندي وقال : سويتي حادث ما تذكرين .. انبلا اذكر ..؟ قولي اللي بـ سيارة الثانيه بخير كلمته وانا اقعد وارفع من جسمي .. ابتسم لي وهو يقول : أي بخير دكتورة نور .. ؟ كلمني وهو يقرب من السرير: تدرين من صاحب السيارة ..! هزيت راسي وندمت على الحركه وتغير شكل وجهي .. بنفس الوقت اسمع اخوي يضحك علي ويقول : خبله الحين راسج مضروب وتهزينه .. ابتسمت له وانا اقول : من طلع !! عبدالعزيز .... ال .... اخو صديقي فيصل اللي بنت خالتهم صديقتج ندى .. تكلم سلطان وانصدمت عزيز رجعنا على طاري عزيز اوووف الله ياخذ العدو .. انطق باب الغرفه وقام اخوي يشوف من وعقبها رجع وقال : جبنا طاري القط جانا ينط .. هههههههههه ضحكت على كلامه وانا مو فاهمه .. ايش تقصد من عند الباب .. تكلمت وانا احاول ارفع المخده " الوساده " ..! تكلم سلطان وهو يقول : غطى راسج عدل لان عزيز عند الباب ويبي يشوفج .. ايش انت مجنون شلون تخليه يدخل انت مو صاحي .. كنت اهوش سلطان وفجاءة عورني راسي وبقوة .. سكت وانا اشوف سلطان بغضب .. قال وهو يهدي من غضبي : خليته لانه جاي مع اخته والعالم ينطرون برع .. وراح ادخلهم بس انتي غطي شعرج ؟؟! لبست الشيله عدل وانا اعدل نفسي دخلت العنود بالاول وهي تبسم لي وبيدها باقه ورد وتقول : السلام عليكم ورحمه الله .. شلونج ان شاء الله بخير ..؟ رديت وانا ابتسم لها واقول : عليكم السلام انا بخير شلونج انتي يا ام سالم .. وليش متعبه عمرج يالغلا .. دخل عزيز قبل لا ترد العنود على سؤالي كانت عيونه بعيوني كانه منصدم من شوفتي بعد هالسنين ..





مليت من البيت ومن الغرفه ومن العالم اللي حولي .. ابي اطلع واتنفس ابي جو غير جو بيتنا اووووووووووف ليش يا وضحى سويتي جذي .. ليش هديتي الثقه اللي بينج وبين اخوانج ,, اختنقت ودموعي بدت تنزل بغزارة صحت وانا اشهق بصوت عالي أي صحت خوف .. مادري ليش ما فكرت باني غبيه كنت اشوف بندر ملجا لي حضن وحنان كنت اشوفه كل شي .. بس الحين وينه بعد ما عرف ان اهلي عرفوا اختفى من عالمي وجوي .. ليش !! قعدت وانا اتلفت بالغرفه .. لمن اشتكي لمن !! كنت اتكلم بصوت عالي .. تعرفين لمن يا وضحى ؟! صوت قوي وحاد صوت اخاف منه وهو هادي وشلون وهو معصب صوت محمد اخوي وعزوتي .. رفعت راسي اشوفه مادري ليش احس بالبرد بكل جمسي .. محمد همست باسمه وانا اوقف على حيلي .. أي محمد .. محمد يا وضحى ؟ تكلم وهو يصكر بااب الغرفه وهو يقول : ليش يا وضحى هانت عليج منيرة هانت عليج اختج .. ليش يا وضحى ضاعت منج التربيه وين خواتج عنج يوم تختارين من بنات الشواذ ؟؟! وين احنا عنج يوم ما لقيتي الا شله الفساد .. وقبل كل هذا شلون نسيت ربج .. كنت اسمعه وانا اشوف الغضب اللي بعيونه وجهه اللي بدء يميل للون العنابي .. وده ينفجر بس ما اعرف ليش لين الحين ما مد يده .. كان بعيد عني وهو يطالعني ويقول : انتي من اليوم حشرة وحتى الحشرة لها فايده ومعنى ..؟ الكل درى عن سواتج وفعلتج .. بس بس انا ما ذبحتها والله انـ ... كف حار منه وكاف ثاني وقف الكلام عندي طحت على الارض ابوس رجله ابيه يفهمني .. بس محمد رفسني برجله بقوه على بطني صرخت الم وكره لعمري ما ابي اعيش ما ابي .. انفتح الباب على دخلت ندى اللي سمعت الصوت وجاءت وهي منصدمه من اللي يصير ..





مسكتني ندى وهي مش عارفه ايش الموضوع .. محمد اذكر الله ما يصير تتفاهمون بالضرب .. كانت تهديني والحقيرة وضحى على الارض .. كنت منقهر ابي افجر اللي فيني بعد ما عرفت ان البندري سافرت برع الدوحه والا راح ترجع .. من راح ياخذ حق منيرة من .. كنت اطالع عيون ندى وانا اقول : لانج ما تدرين ايش وراء هالضرب .. لو بيدي دفنتها الحين وبردت دم منيرة .. شهقت ندى بقوه على دخلت ابوي وامي اللي انصدموا من الكلام اللي نقال .. محمد انت ايش تقول ؟ صوت ابوي الغاضب خلاني اهدى شوي وانا اقول : أي يبه اللي سمعته بنتك المصون كانت ترافق بنات سمعتهم والارض وحده .. بنات ما خافوا الله ويوم عرفت منيرة عنها كلمتها وقالت لها اذا ما عقلت راح تقول لنا .. بس تعرف ايش سوت بنتك وضحى راحت اشتكت عندهم وقالت لازم اخليكم اختي راح تفضحني ..اخذت هواء قوي وانا اقول : بس اللي صار ان صديقاتها قرروا يسكتون منيرة بس سكوتها يكون للابد .. سكت وانا اختنق واشوف الصدمه بعيون الكل .. امي وابوي الجازي وراشد وموضي وصافيه وحتى ندى اللي بدت تضم جسمها بيدينها وهي ترجع على وراء .. صوت الصياح بدء يزيد من جهه صافيه وموضي ..ابوي اللي قعد عن الكرسي قريب الباب من الصدمه .. امي اللي غطت وجهها وهي تبكي حرقه وقهر ... راشد اللي بدء الشيطان ينط قدام عيونه .. ندى اللي طلعت من الغرفه وهي تمسك الطوفه علشان ما تطيح على الارض .. تركت الكل والا عاد يهمني احد ندى هي الاهم طعلت وراءها ومسكت يدها وقالت : وضحى .. طلعتني وهي تردد اسم وضحى .. حضنتها بقوة وقلت : اطلبي لها الرحمه ..؟




صوت جوالي ازعجني وخصوصا اني بالدوام ومو فاضي .. القضيه اللي بيدي قويه ويبي لها تفكير .. بس صوت الجوال اللي بدء يرن من جديد قطع علي جوي .. اوووووووووووف رديت وانا منقهر : السلام عليكم ورحمه الله .. ؟ ما كان في رد بس صوت صياح بنت .. خفت وقلبي انقبض نزلت السماعه اشوف الرقم .. حتى الرقم ما اعرفه .. الو من معاي ..؟
..؟ الو عبدالله ..؟
رديت وانا مستغرب اكثر : أي نعم عبدالله .. عسى ما شر اختي ..؟
..؟ انا .. انا الجازي ..!
انصدمت الجازي رديت واناا اوقف من المكتب : عسى ما شر صاير شي ندى فيها شي ..؟
ردت وهي تزيد بالصياح اللي يعور القلب : لا ندى طيبه .. انا . انا مو مواقفه على الزواج ..؟
مش عارف ليش حسيت بحزن دخل قلبي مش عارف ليش احس ان كل شي انهدم .. تكلمت وانا امسك نفسي لا اصيح معاها : طيب ليش .. احد جابرج على الزواج مني ..؟
الجازي : لا والله العظيم .. انا اللي وافقت عليك من نفسي .. بس بس ما ابيك تطيح بالمشاكل معاي انا ما اصلح لك ..؟
كلامها خوفني مو علشان انها ما تصلح لي .. اللي خوفني كلمه
المشاكل .. وقلت : الجازي ممكن تهدين شوي ..؟ خليني افهم
!!سمعتها وهي تاخذ نفس و وتقول: منيرة ! وعقبها سكتت ما تكلمت .. نطرتها وسكت احتراما لها .. وعقبها قالت : وضحى لها سبب بوفاة منيرة .. مش عارف ليش حسيت بالبرد بجسمي وانا اسمعها تقول اللي بخاطرها .. قالت كل شي عن اللي صار لين ما تفاهم محمد وعرفوا اهلها بالموضوع وكل شي .. سكت وانا اسمعها تقول : علشان جذي ما ابيك معاي بالمشاكل ..؟ كلمتها وانا اقعد على الكرسي واقول: الجازي انا خطبتج لاني اعرف اختيار اختي ندى .. والزواج يتطلب مسوؤليه .. واذا عن مشاكل اهلج .. فـ احنا اهل من يوم عرفت ندى المرحومه منيرة .. يعني اعرف كل اللي عندكم قبل لا اعرف محمد اللي صار اخ لي وزوج لاختي !! لا تخلين الاشياء البسيطه تاثر فيج .. انا شاريج يالجازي والا تحطين في بالج مرة ثانيه اني ممكن اتخلى عنج علشان مشاكل مالها معنى عندي ..!