 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
#1
03-22-2018
|
||||||||||||||||||||||||||||||||
|
||||||||||||||||||||||||||||||||
رواية /حزينة على ماضي ولىّ و فات
البـــــــــارت التــاسع
سهى دقيت على سامي سهى:اهلا سموي سامي:سموي بعينك وش تبين سهى:ابيك تمريني ابي اجي عند جدتي مشتاقتله سامي:وخوانك السلق وينهم سهى:تعرفهم اذا انت تشوفهم فأنا اشوفهم.. تكفى سامي سامي:انا اعرفك اذا قلتي لي كذا تعال مرني يعني فيه شي وش فيه تكلمي .. سهى والله اني عارفه انك بتقفطني مستحيل يخفى عليك شي:ايه فيه اذا جيت اقولك سامي:امري لله .. تجهزي بدري ولا قسم بالله لامشي واخليك سهى:حاضر قمت بسرعه اجهز نفسي سهى:ماماتي تراي بروح عند جدتي حصة:وليش ان شالله .. خلاص اليوم الخميس نروح بالليل كلنا مالها داعي روحتك الحين سهى:يمه تكفين وبعدين خالتي ريما فيه ودي اشوفها حصة:تشوفينها بالليل ولا بس انتي ودك تروحين لحالك يالشيطانه ومين بيوديك ؟ سهى:فيه احد غيره حبيب قلبي وروحي سامي الله يخليه لنا حصة:سبحان الله ياسامي مدري وش اللي يغيره معك مايرفض لك طلب سهى : بديتي تغارين حصه تدفها مع كتفها:وع على وشو اغار منك ولا على سامي "كشت عليها"كلكم محصل بعضه سهى باست راسها:يالله مع السلامه اكيد جاء بالسيارة سامي:ساعه ساعه عند الباب يا تبن .. شوي وكنت بمشي سهى:مايطاوعك قلبي انا ادري سامي:اقول صكري الباب بس ازين لك .. ويالله قولي لي وش فيك .. ابوك صح سهى بشهقة كنت كاتمتها وديت على الجرح :ضربني عشانها سامي التفت عليها:صادقه انتي .. وش فيه بالضبط .. اكيد فيه شي كايد ولا مستحيل يضربك كذا سهى قلت له كل السالفه :وبس هذي السالفه .. حسيت اني ضايقة وجدران الغرفة كاتمه على نفسي دقيت عليك قلت بغير جو سامي:زين ماسويتي .. ياسهى انا كم مره اقولك لاتتعرضين لها.. عشان ماتجيبين لك المشاكل سهى:وش اسوي والله غصب سامي:خلاص يابنت الحلال .. مافيه بيت مايخلوا من المشاكل ..وان كان على ابوك فهذا ابوك لو يكسر العصا فوق راسك .. له الحق ولا احد يقدر يتكلم سهى:ادري .. عسى الله يخليه لنا يارب ولا يحرمنا منه عسانا مانذوق حرته سامي:ايه هذا الكلام الزين .. ولا امسحي دموعك وصلنا لاتشوفك امي عاد الحين تستلمك انواع التحقيق سهى:سامي.الله يخليك لي سامي يضرب راسها: ويخليك بعد .............................. سما قمت الصبح من بدري والحين قرب يأذن العصر ماجاء للبيت الى الحين حتى انه الباص اللي وصل لتالا غريبة وينه دقي على امي بتطمن عليها بس ماخبرتها انا الى الحين ماجاء جاء المغرب ولحد الان ماجاء ياربي وش فيه احس قلبي مقبوض مو عوايده يتأخر لهالوقت اتصل على امه لا صعبه وش بتقول ماتدرين عن زوجك ولا يمكن ماتدري حتى هي واهبلها عليه لا خليني ساكته ازين بنتظر الى بكرا اذا ماجاء بتصل ................................ ابتهال رائد:بكرا فيه طلعت استراحه للجماعه كلها بتروحين تراك اوك ابتهال:لا ماراح اروح رائد : العزيمه لاهلي ..تبين تفشليني عن خالتي يقولون مايقوى زوجته ابتهال:مايهمني كلام خالتك بقلعه تقلهم كلهم وخاصه اللي انت خابر رائد بارتبكاك:يابنت الحلال هذا كان زمان وخلاص الحين غير انتي زوجتي وحياتي كلها ابتهال دفيته عني :مايهمني متى كان بس المهم اني ماراح اروح يعني ماراح اروح رائد:ياعمري انتي اسمعيني بس .. لاتطلعيني بالشينه عند اهلي وبعدين يرضيك امي وخواتي يشتغلون لحالهم وانتي فيه ولا تروحين تساعدينهم ابتهال:ايه يرضيني ايه والله يرضيني .. لاتحسبني بجامل واسكت لا .. هذا كان زمان.. زمن التنازلات والمجاملات راح ياما شلت امك وخواتك واهلك كلهم فوق راسك وش لقيت مالقيت الا اللي وجع قلبي رائد: الله يسامحك والله انهم يحبونك بس انتي اعوذ بالله منك قلبك قاسي ابتهال:عليك نور انا كذا طبعي كذا اذا انجرحت من احد مستحيل اسامح اتناسى ايه بس انسى واسامح لا .. رائد تكفى الله يرضى عليك لاتفتح هالسيره مره ثانيه تراها تجيب لي الغمته "مسكت يدينه"تكفى لاتزعل مني والله مايهمني الا رضاك رائد باس راسي: لا مازعلت على راحتك اذا بتروحين ولا لا ................................... صارت الساعه 11 ونص ولا الحين ماجاء خلاص تأكدت انه صاير شي اتصل على امي ولا لا خايفه عليها مافيه لا اتصل على سامي ولا لا سامي بيقول لي بجي اخذك ماتجلسين لحالك بالبيت وانا بصراحه ماابي اطلع من البيت بدون اذن المزعوم زوجي احس اني خايفه وخايفه على البزران اكثر يارب سهل امري ويسسر امري مافيه الا اني اتصل عليه بس اخاف يفهم اتصالي غلط يوه ماعلي منه اهم شي يتطمن قلبي اخذت الجوال ودقيت على رقمه وانا قلبي يرجف وش بقوله اذا رد يوم انا وش قاعده افكر فيه يارب يرد بس مقفول الجوال مقفول يارب خلاص الرعب دب لقلبي اكيد اكيد صاير شي حرام عليه يتركنا كذا لحالنا طيب كان خبر احد اف بس وش اسوي :يارب ترده لعياله سالم غانم ياالهي ................................. اليوم الثاني ريما ريما:تخيلي ياسهى نسيت اجيب لبس طلعه من بيتي اف بس وش هالحظ .. صديقاتي بيطلعون وانا مشتاقتلهم من زمان عنهم سهى:انا عندي فكره الحين انتي روحي تجهزي وزين شعرك وتمكيجي وانا وسامي نروح لبيتك ونجيب لك اللبس اللي تبينه ريما: ايه والله صح .. بس يمكن سامي مايوافق سهى: لا ماعليك سامي عندي ريما:ايه الغلا كله لك مايقدر يرفض لك طلب سهى:خلاص ماراح اروح ريما : هههههه امزح بس اخلصي علي سهى تمد فنجال القهوة لريما ريما باستغراب: وش فيه سهى: اتفلي .. ابشرب من غسالك خايفه من عينك ريما: ههههههههه خبله ....................... سما جاء اليوم الثاني وماجاء لمار:بابا وينه ماجاء صح هزيت راسي بمعنى لا فهودي بحضني يبكي من امس وهو يبكي مو راضي يسكت : اف بس اسكت اسكت "بكيت بقلبي مكسور" خفت وش اسوي بهالدنيا لحالي لو انا لحالي والله عادي مو مشكله ادبر نفسي لحالي بس هذولا البزران وس اسوي فيهم خايفه عليهم اكثر من نفسي يارب ساعدني يارب يرجع بسرعه وينه وينه ليش مقفول جواله تالا:تبكين..وش فيه سما وانا مالي نفس لها ولأسئلتها : مافيه شي ............................. سهى رحت انا وسامي بنجيب الاغراض لخالتي ريما سامي باستغراب: يوم غريبة سيارة سعود موجوده سهى: ايه والله .. بس يمكن رايح مع احد من اصدقائه سامي: ايه صح يالله بسرعه خلينا ننزل دخلنا البيت ولقيت اللمبات مشتغله مشينا بهدوء فتح سامي الباب اول مافتح الباب ولا نسمع صوت شهت بسرعه سامي حط يده على فمي يسكتني دخلنا بهدوء سمعنا صوت ضحكة مرأة من غرفة نوم خالتي وسمعنا صوت سعود يتكلم معها مسك يدي سامي وبسرعه طلعنا برا البيت ركبنا السيارة ولا احد كلم الثاني من شدة الصدمة صرت استغفر طول الطريق شفت سامي غير طريق البيت لفيت عليه:وش فيك ليش غيرت الطريق وقف السيارة وحط راسه على الدركسون سامي:والله ياسهى ماني مستوعب اخخ بس ليتي دخلت وذبحتهم بمكانهم اخ سهى:تعوذ من ابليس يا رجال ماتدري يم.... ضرب الدركسون بكل قوته: وش ماادري وش انا سمعته وبغرفة اختي "غض اصبعه" اخ بس يالقهر ياحيف على الرجال ياحيف عطيناه اختي نبيه يصونها ويقدرها هذي جوهره ثمنيه كذا يسوي فيها مع بنت ابليس غصبن علي من كلامه صرت ابكي بصوت مسموع سامي: اسكتي تراي ماني رايق لك .. مدري وش اسوي بهالمصيبه هذي يارب سترك ورحمتك يارب سهى:طيب الحين وش نسوي وش نقولها على الااغراض اللي بنجيبها سامي:يستغفلها .. جايبها عندنا على اساس انه مسافر وهي المسكينه واثقه فيه سهى : خلاص عاد الحين وش نقول لها شوفها تتصل علي تأخرنا عليها سامي :قولي لها سامي ماوداني البيت جاه ظرف طارئ وراح ..بس اصحي تقولين لها شي والله لاقطع لسانك سهى:طيب دخلت البيت ورحت عندها شفتها جالسه تتمكيج بسرعه جت عندي ريما:هاه سهى وين الفستان سهى بارتباك: سامي ماوداني .. راح عنده ظرف مستعجل راح ونزلني هنا ريما:يوه الحين يوم اني ابي منه حاجه راح وتركني اف بس وش اسوي الحين خلاص شكلي ماراح اروح اف ياربي وش هالقهر سهى ضميتها لصدري بقوه وغصبن علي انفلت لساني ريما تبعدني:وشفيك بسم الله من اول ماجيتي وانتي وجهك مقلوب فيه شي تكلمي همست بأذنها:خالتي بقولك شي بس لا تنصدمين سع......................... انتهى البارت التاسع هل تتوقعون انه سهى راح تخبر ريما ؟؟ وش موقف ريما من اللي صار لو عرفت؟؟؟ سما .. كيف بتتصرف بغياب راكان عنها؟؟ انتظرونا في البارت العاشر ولاتنسونا من تعليقاتكم الحلوه بقلم : سلام 
 
|
| مواقع النشر (المفضلة) |
| الكلمات الدلالية (Tags) |
| /حزينة, ماضي, رواية, على, فات, و, ولىّ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الملوك الأربعة الذين حكموا الأرض .. | نادر الوجود | …»●[ أرواح أيمـــانيـــه ]●«… | 4 | 03-19-2009 10:02 PM |
| ملف قصايد ليل اللعنايه بالوجه والجسم واليدين والقدمين والبشره .... | البرق النجدي | …»●[غروركــ مصدرهـ روعة جمــالكــ]●«… | 8 | 01-13-2009 10:00 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| ღღسلـــــةفواكـــــــه والخضـــرواتღღ | نادر الوجود | …»●[لكل داء دواء ولبــدنكـ عليكـ حق]●«… | 6 | 12-13-2008 01:43 AM |
| عشرون معجزة من معجزات القرآن الكريم | بقايا الجرح | …»●[ أرواح أيمـــانيـــه ]●«… | 9 | 11-02-2008 09:51 PM |
 |
العرض الشجري