سواليف سهران

بدأت قصتي من عام 1417 تقريباً و سامحوني على الاسلوب والقصة كالتالي :
انا شاب ملتزم و مجتهد بدراستي توفي والدي الله يرحمه وجميع المسلمين وانا بالصف الثالث ثانوي اثرت على دراستي وتخرجت بمجموع مايدخلني الجامعة .. معاي ونيت وارثة اشتغل علية مرة مشاوير ومرة ابيع خضار ومرااات غنم هههههه و كنت اظن اني أسعد واحد بمدينة جدة ع العموم .. انا شاب وسيم وذكي ولعييييب كورة وكل اصحابي يبوني ألعب بفريقهم ... وأنا أحاول أجامل الجميع يعني كنت كل مرة ألعب بفريق ... ويوم إتصل علي واحد من أصحابي ساكن بعيد بشمال جدة وانا ساكن بالجنوب وقالي أن مباراتهم بكرة مهمة ويبيني العب معاهم حاولت أعتذر بسبب انهم بالشمال و بعيد عني لكن هو أصر ولزززم قلت اوكي أجيكم بعد العصر بس هو حلف إني أتغدا معاه بالبيت ... فعلاً تغديت عندة وبعد العصر لعبت المباراة وكل شي تماااام ،،،رجعت البيت أخذت دش وتعباااان ابي انام وتمام الساعة 11 رن جرس التلفون .. رديت بس كانت بنت غلطانة بالرقم ...
قالت مساء الخير !! رديت عليها بعنف وقلتلها انتي غلطانة ... قالت آسفة وقفلت ....
كل يوم بنفس الوقت الساعة 11 كانت هذي البنت اللي غلطانة بالرقم تتصل وتقول مساء الخير وتسكر الخط ... تخيلوا ... كل يوم ...
كل يوووم .... بالنسبة لي جو الصياعة والبنات والخرابيط مو جوي وملتزم بصلاتي و أخلاقي لكن مع الوقت وتواصل اتصال البنت زاد فضولي وقلت لازم أعرف وش تبي هالبنت.... وهالمرة إتصلت و قالت مساء الخير وقلت مساء النور.. عاد الكلام جر الكلام وتعرفت على البنت ... إكتشفت إنها ما تبي شي مني وما تعرفني ولا أعرفها بس مجرد صدفة ... المفروض إني أوقف عند هذا الحد.. لكن شوي شوي كنا نسولف بالساعات .... و نسهر وإحنا نسولف مع بعض هي تقولي وش صار معاها بالثانوية وانا اقولها وش صار معاي بونيتي الخ... وتكلمنا بكل المواضيع وعن كل شي بالعالم ،،، تغيرت بداخلي مفاهيم وأشياء كثير ... بطلت العب كورة من اخلص شغلي لبيتي ههههه كأني متزوج خخخ ،،، وبصراحة أعجبت فيها بذكائها و بثقافتها و أسلوبها وهي بعد معجبة و تقلق إذا مارديت عليها حبيتها وهي حبتني ....
إسمها ريما 16 سنة .. وأنا عبد الرحمن 19 سنة صغيريييييين شحليلنا هههههه
إستمرينا على هذا الحال سنة وشوي وجا يوم تبشرني إنها نجحت وتخرجت من الثانوية العامة علمي وبتفوووق ههههههه باركتلها بس التفوق كبيرة شوي خخخخ ماصدقتها ،،، زعلت وقالت مو متفوقة بس لا وعلى مستوى مدينة جدة !!! أوووووخص خخخخخ يا حرمة وش فيك علا جدة كلها ههههه قويييية خخخخ
قالت روح شوف جريدة عكاظ الثانوية رقم000 وتلقا إسمي
فعلاً لقيت إسمها من المتفوقات بس اللي حيرني تشابة الأسماء بينها وبين صاحبي اللي تغديت عندة ؟؟؟؟؟؟ شكيت واجهتها وقلتلها صاحبي فلان يصير عمك ،،
إعترفتلي إنها شافتني يوم جيتهم بالبيت وانها أخذت رقمي من نوتة عمها وحاولت إنها تبرر و تعتذر لكن !!!!!!
أقولكم بصراحة حسيت إني غبي ومغشوش فيها من سنين و إني قاعد أخون صاحبي اللي فتحلي بيتة وأكرمني وإني متمرد على ديني وأخلاقي و زعلت من نفسي ومنها ومن كل شي وقررت اني اقطع علاقتي معاها ... لكنها أصرت تتصل بإستمرار .. وعشان ما أضعف وارد عليها فصلت التلفون شهوور كل ما أدخل البيت أفصلة ،،، أقنعت نفسي إنها ما تصلحلي وأصلاً هي مستواها وين وانا وين.. لكنها ما اقتنعت وتحاول كل فترة انها تتصل وأنا ثابت على قراري ،،، بعد كم شهر البنت فقدت الأمل وصارت تتصل بس رنة وحدة وتقفل .. تخيلوا مرت أربع سنين وهي تقريباً بأكثر الليالي الساعة 11 تتصل رنة وحدة وتقفل ،، عاد حتى أنا صرت أشتاق لهالرنة مع إنها مجرد رنة وحدة بس كانت ابلغ من كل الكلام ،،، أوووووم الرومنسية هههههه
المهم أربع سنين على هالحال وبالمرة هذي الساعة 11 وانا انتظر الرنة المعشوقة ههههه تواصلت الرنات لين فصل الخط ؟؟؟
ثاني مرة الأتصال متواصل !!!!!
رديت وفعلاً كانت هي المتصلة مجرد ما سمعت صوتي وهي تعتذر وتبكي وأنا بعد بكيت مدري لية ؟؟
المهم سولفنا بشووووق وأحيينا الأيام الخوالي ههههههه وعرفت انها تخرجت وتعينت معلمة .. قالتلي إن عندها سالفة مهمة ولازم نتقابل وتقول سالفتها .. وانا بموووووت علا شوفتها
قالت اوكي نتقابل بملاهي الشلال آخر الاسبوع عشان يكون يوم للعوائل ...
حضرت ووقفت الونيت بعييييد لا يفشلني ههههه ... تقابلنا وشفتها كانت جميييييلة أحلا بكثير من اللي متخيلة عاد ماقدر أوصف شعوري بس كنت بطيييييييييير من الفرح ..
ماني مصدق يدي بيدها حسيت بكف يدها يذوب بيدي كأن يدي تشرب يديها من نعومة يدها تلخبطت و حست وضيعت وتصنمت لين هي قالت هييية عبدالرحمن وش فيك ما ترد !!!!
انتبهت لنفسي مركز بيدينها وهي مدري وش تقول خخخخخخخ ....
المهم قالت انها كانت ترفض العرسان بحجة الدراسة ،،، لكن هالمرة العريس غير ما تقدر ترفضة ،،، سألتها عنة قالت من جماعتهم وماشالله منصب ومال وما لها عذر ترفض ،،،، أحسن مني ثانوية عامة وونيت هههههه.... قالتلي لازم أتقدملها .. قلت الزواج يحتاج مصاريف مهر ذهب حفلات الخ الخ وأنا وضعي المادي سيء وماعندي هالمبالغ
قالت : أعطيك المهر وانت اعطية ابوي وانها هي اللي بتصرف على البيت... حاولت انها تقنعني بس أنا رفضت ...
صعبة أتزوجها بفلوسها!!!
قالت إعتبرها سلف ورجعها بعدين ...
قلتلها أصلاً ما ارضى آخذ مصروفي من زوجتي .. قالت خلاص أعطيك راتبي وانت إصرف علي وعلى البيت ...
حاولت أشرحلها وجهة نظري ترى صعب على الرجال تصرف علية زوجتة المهم بالنهاية إقتنعت بكلامي ... وقدرت موقفي ..
قالت أوكى ابي منك طلب.. قلت تفضلي
قالت ابنتظرك لو عشرين سنة لين تتوظف وتوعدني اننا نكون لبعض وما يفرقنا أي شي.
بصراحة هي جميلة ومتوظفة وأحسن مني
وتستاهل عريس يليق بها ... قارنت نفسي بالعريس اللي تقدملها وحتى إني قارنت نفسي بخوياي ،،، كلهم أحسن مني جامعيين وطموحاتهم ماجستير ودكتوراه وانا وييييين
ثانوية مجموع زي عدمة وونيت شغال علية لحوووووول ولا قوة الا بالله ...
بعدين وش ذنب المسكينة ترتبط بواحد فاااااااشل وهي ناجحة !!
ذنبها إنها كريمة وتحبني ؟؟؟
فكرت بالموضوع كم يوم و قررت إني أقطع علاقتنا لمصلحتها للمرة الثانية لكن كيف ؟؟ لو أفصل التلفون وما أرد عليها بتنتظرني أعرفها تسويها ...
جاتني فكرة اني اصارحها اتصلت عليها وقلتلها لا تنتظريني ماحولي وظيفة ولا حولي سنع انا فاااااشل .. قالت : أخترتك وأبيك والماديات مو أهم شي بالحياة ومن هالكلام ...
ما نفعت هالطريقة ... حاولت بطريقة ثانية
قلتلها : بصراحة انتي عااادية وما تعجبيني وجمالك مو ذاك الزود ارجوك لا تزعلين مني ما أبيك .. قالتلي لا تقارني فيك اكيد اصير مو حلوه قارني بالبنات اطلع أحلاهم وأخذتني إستهبال وضحك هههه ....بالأخير خطرت على بالي فكرة ... قلتلها ماقدر اصبر لين نتزوج وانها لازم تتطلع معاي من بيتهم وهددتها اني مسجل كل كلامها ولو ما سمعت كلامي افضحها ...
المسكينة صدقت .. وقعدت تبكي وقالت : انت مو كذا وشفيك عبدالرحمن وكررت إسمي وهي تبكي ... الله يخليك ابعد عن طريقي لا تضرني وقعدت تحلف إنها ما تتصل علي أبد وانها ندمانة ومن هالكلام إللي يسمم القلب ... بالحقيقة انا اللي انصدمت .. مدري عشان خيبت ضنها ولا عشان خاب ضني فيها.. لكن بالنهاية اللي حصل من مصلحتها حتى لو كان الثمن إني اكون بنظرها أنذل انسان مايهم هي تستاهل التضحية ..
أما بالنسبة لي سائت حالتي النفسية وتأثرت كثير باللي حصل .. حزنت على نفسي وجاني مثل الإكتئاب ،، ما ارتاح لين أروح للحرم وعند الكعبة عند الملتزم اتذكر إني دعيت الله يارب أنا ما أسوى شي يارب يتغير حالي صدقوني مريت بحالة نفسية أشوف نفسي ما أستحق أي شي زين بحياتي لأني فاااااشل ... وإستمريت على هالحال...
أدعو الله بالحاح اقسم بالله شفت معجزات حصلتلي ( مع إني كنت أدعي الله عشان القى وظيفة ) مدري كيف أوصفلكم اللي حصل أشياء والله ماتصدقونها بإختصار شديد اللي حصل فتحت سجل تجاري توريدات قدمت عرض على شركة مقاولات طلع الشيخ صاحب الشركة وهو من نفس قبيلتنا وإسمة نفس إسمي يعرف الوالد اهتمبي كثير
وجاء وكيل توريدات أخطأ بالأسم بيني وبين صاحب الشركة ... أسند لي عقد توريد بالملايين اقسم لكم بالله اخطاء عجيبة كانت السبب والمسبب هو الله سبحانة ...
ابشركم اني متزوج وساكن فيلا بارقى الاحياء ....
عندي بنت سميتها ريما لو تدري المدام ياويلي ههههه... القصه حقيقيه

للجمال عنوان ... وانت عنوانه
وإذا كان للحرف طعم
فأنت طعمه..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

منور عود الليل

طرح رااائع

وربي مايحرمنا من تواجدك وجديدك الراقي

وننتظر ابدااعك

جميله ي قلبي
يعافيك ربي

يعطيس آلعـآفيـه / طرح رآئع

تسلم الأيـــآدي ع الجلب الرائع
ربي يعطيكـَ الف عـآافيه
لا حرمنـــا جديدكـَ وجهودكـَ
ننتظر جديدكـ ب كل شوق
لروحكـَ بسـآتين اليـآسمين

يّعَطٌيّك الْعَافُيّهِ عَلَى الَإنتًقآء الَرٌائعَ
طًرَح رٌآئٍع كـ رٌوِعَة حًضّوِرٌكـ
لَك كلَ الَشّكرٌ وِالَتُقَدُيّرٌ لآَعَدِمناك

يعطيك العافية طرح في قمة الروعه و نال الاستحسان
وعم الجميع بالفائده

لك الشكر والتقدير

نجم

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
احترامي..