عبدالوهاب أفا بو يوسف ليه كذا
يعقوب من سمع عمه راح له ولمه وبكاء عنده
نترك الشباب بالمستشفى ونروح لباريس
في الشقة كان سكوت جعل من المكان أحلى و أحلى وكانت ريحة العطر في كل مكان الصالة تسمع فيها صوت العصافير أما في غرفة النوم ما كان هناك الا صوت واحد صوت يبين ان صاحبه تعبان من حلم ومتضايق
الوليد بحلمه :
طايح على الأرض وخايف يترجى شخص وخايف منه أمبين من نظرات عيونه له
وليد : لا لا أرجوك خليني أعيش لا لاتموتيني سامحيني أدري غلطت سامحيني
في الجهة الي خايف منها وليد كانت امرأة لا بسه عباة ومو أمبين منها شي رافعه السكين تبي تضرب وليد وليد : أسف والله بس لا تقتليني
المرأة حركت السكينة بقوة أتجاه وليد واطعنته طعنة خلت
وليد تتعالى شهقاته ويحس روحه بيختنق
قام وليد من الحلم مرتاع وبصوت عالي : لا لا لا
قامت الجازي مرتاعة من النوم ما تدري وش صاير
الجازي خايفة : وش فيك وليد
وليد : أعوذ بالله من الشيطان الرجيم اعوذ بالله من الشيطان الرجيم
الجازي : وش فيك وليد خرعتني
وليد : ما أدري يالجازي حلمت بان وحدة بتقتلني بسكين
الجازي : الحمدلله على كل شي إنشاء الله خير
الوليد عصب : أقول لك بتقتلني وتقولين لعله خير أنتي ما تفهمين
الجازي ما أستحملت كلام وليد وقامت من السرير للصالة
الوليد : وش سويت أنا أحد يكلم مرته كذا يوم الصباحية ,,,تستاهل لعله خير ها خلها لوحدها ممكن تراجع روحها وترجع
الجازي يامن أردتي السلام
وتخليتي عمن أحبكي لسنين
لعلكي بأول إختبار سقطي
ولم تستطيعي حتى الدفاع
لا تحزني ولا تبكي حتى الدموع
لا زلنا بأول الطريق فاصبري
وتحلي بالشجاعة وانهضي
الجازي : لا ماني قايمة فهمت ,,,أقول الحمدلله على كل حال ويسوي كذا حتى الدموع بوقفه ما أحد يستاهل أبكي عشانه غير..............................
لازمت مكانها والوليد لا زال بالغرفة
بعد ساعة
الوليد : ما يصلح كذا أهي في مكان وأنا بمكان , ,أروح لها لكن كيف وهي الغلطانة ((وليد يقاوم التحدث مع روحه مو راضي يكلم نفسه )) أنا ماني متكبر (نفس وليد : شكلك نسيت عمر بن الخطاب وش قال ))مانسيت وإذا تبين ذكرتك قال ماوجد أحد في نفسه كبرا إلا من مهانة يجدها في نفسه,,, سمعتي عارفه ,,,أوفففففففففففففف ,,,,,,بقوم خلاص
راح وليد للصالة ولقا الجازي حاطه راسها بين رجولها
وليد يحط أيده على راس الجازي ويمسح على شعرها : الجازي أسف
الجازي: ...................
الوليد : جازي سامحيني أدري المفروض ما أتكلم كذا لكن وش أسوي بالعصبية الي فيني
الجازي:................................
الوليد : قومي حبيتي وشوفي وش جايب لك من الوالدة الصباحية مالتك دقيقة أجيبها
راح الوليد يجيب الصباحية وجا
الوليد يقدم الصباحية للجازي : سمي يا أحلى معرسة
الجازي بصوت بحوح : ما أبي شي بهالدنيا كثر ما أبي كرامتي
الوليد انصدم بكلام الجازي
الجازي : لا ذهب ولا غيره يغنوني عن كرامتي هي الشي الوحيد الي يحسسني بعزتي ...والأصعب من هالشي أن تجي الأهانة منك في يوم الصباحية في أول يوم لنا مع بعض وتبي تراضيني بالصباحية ما أبيها
الوليد حس بذنبه الي سواه قام وحب راس الجازي : ها وش تبين زيادة على كذا حبيت راسش و أوعدك أني ما أرفع صوتي عليك أبد رضيتي يالغالية تراك بتعذبيني كذا
أرفعت الجازي راسها ولا حبت توريه وجها وليه توريه عشان يشوف دموعها لا,,قامت وراحت للغرفة خذت ملابس لها وادخلت الحمام
الوليد : يعني لا زلتي زعلانة
الجازي : وليد تراني جيعانة مو متغدين ولا
الوليد : أخيرا ,,,,ايه بنتغدى خلصي أنتي وبوريك باريس على أصولها
الجازي أطالع نفسها بالمرايا: لا ماراح تشوف وجهي الحزين أبد أنا شموخ ,,,,,,,,,,,,,لكن مجروح,,,,,,,,,,,,,,,,,,
تسبحت الجازي وطلعت من الحمام ولازال شعرها يقطر ماي فجلست تمسح على شعرها
الوليد شافها كذا وقام أخذ المنشفة
الجازي : ليه تاخذه
الوليد : لعله خير
الجازي : لعله خير!!!!!
وليد يمسح شعر الجازي من الماي : ها عرفتي وين الخير
الجازي : أول مرة أحد ينشف شعري لا أحساس غريب ان حد يمسحه عنك أيه وليد هنا شد أشوي
وليد : كيف الحين
الجازي : ايه
وليد : تبين أدلكك بعد
الجازي انحرجت : لا كافي كذا ( وخرت عن وليد وراحت جنب المرايا(
وليد بخاطره : أدري تستحين بس لا
وليد : الجازي ترا نقيت لك وش بتلبسين
الجازي : وينه
وليد يوري الجازي الملابس
الجازي: أنت مجنون ألبس كذا بره
الوليد : ليه وش فيها أنتي بباريس وبعدين بتلبسين عباتك
الجازي : انا ما لبست هالشي بالعروس تبيني ألبسه هنا ,,,,,أستحالة ,,,وبعدين كيف ترضى ألبس هاللبس ما تغار
وليد يكتم غيظه : ومين قال أنا ما أغار لكن
الجازي : قلت ما ني بلابسته دور لي شي أستر من هذا
الوليد : عنك مالبستي شي الشرها علي أقول وش الحلو عليك
الجازي بخاطرها : كيف ترضى لي ألبس كذا وين الغيرة أههه لو تدري خليل كيف يغار حتى لو أنك قايلي ألبسه معك أستحي فما بالك في الشارع لا لا يعني لا
الوليد : أنزين خلصي بسرعة ولبسي كفنك ولا تطلعين من جسمك شبر بره في الهواء
الجازي : وهذا الي بيصير
الوليد : عاد سمعي بطلعين بملابس على كيفك ماهنا طلعه بتفشلينه أنتي
الجازي بلبس ملابسي الحين أطلع وبعدها شوف أن كنت راضي ولا زي ما قلت والأفضل أجلس هنا لحالي وأنت روحح تمشى
طلع الوليد معصب على كلام الجازي
الجازي : وش البس الحين ايه هذي حلوة وهالتنورة معاها يا حلاتهم بيتخبل ان شافهم علي
ألبست عباتها وأطلعت
الجازي : ها كيف
الوليد : لا يكون كذا بطلعين
|
|
|
|
03-08-2011
|
#112
|
الجازي : ايه وان كنت مو راضي بجلس هنا
الوليد : وجهك بتغطينه
جازي : طبعا ما يفرق هنا ولا السعودية الدين واحد
الوليد بغضب: طلعي يله
طلع الوليد مع الجازي للتمشية وكانت أول طلعه لهم مع بعض بباريس وأول شي راحوا له المطعم
الوليد : الحين ليه أخترتي ناكل أكلات بحرية توقعت بتقولين تبين شي ثاني
الجازي : حلو السؤال أضمن شي نضمن أنه حلال الأكل البحري لأن ميتته حلال أما اللحم ولا الدجاج ما أدري كيف أذبحوهم ذبح أسلامي ولا لا
الوليد : اله يعيني عليك في هالسفرة شكلك كل يوم بتأكلينا سمك
الجازي تضحك : هههههه
الوليد بخاطره : الله كل ذها حلا ما شاء الله تبارك الله دايم تقول امي ما ينضل الشي الا أصحابه
الجازي : وليد وين رحت
الوليد : لا جالس أفكر فيك وبضحكتك
الجازي انحرجت وانقلبت أخدودها حمر : وليد بسك عاد
الوليد : شليب بسي ماني قادر أكتم الي فيني قدامك
الجزا ي: أنزين بنجلس نتكلم ولا أحنا ماكلين
الوليد : يله نطلب الجين بسم الله أبي أبو الربيان جمبري
الجازي : وش تبي فيه
الوليد : راح تشوفين ليه أبيه المهم وش تبين أنتي أبي هامور وصافي وربيان
الوليد : من جدك أنتي كل هذا بتاكلينه
الجازي : امزح معك بس خلهم يجيبون لي سمك فيليه وربيان مشوي شكله حلو
الوليد : صار
نترك العروسين ياكلون ونروح للأحساء بالسعودية
خالد : عبدالوهاب تبي شي
عبدالوهاب : لا بس خلوا بالكم على مها وأسيل
خالد : وعبدالعزيز غيره تبي شي الي يقول مانت شايفهم بتشوفهم بكرة بس الحين بالسيارة تبي شي
عبدالوهاب : لا ما قصرتوا
وخر خالد عن الباب : مع السلامة انتبه لروحك
مشت سيارة الأسعاف الي تقل عبدالوهاب وكان مسارها للخبر لمستشفى ؟؟؟؟؟؟
الكل مشى من المستشفى حتى عبدالرحمن طلع الحمدلله هو بخير الحين
في بيت الجوهرة كانت شيماء تجهز ملابسهم لأنهم بيمشون وتأخروا كثير
إبراهيم : ها قضيتي ولا لسه
شيماء : بخلص بس وين البنات ولا وحده أتساعدني
إبراهيم أتلاقينهم مع بنات عمهم
فعلا كانت شيماء مع هيبة يودعون بعض لكن في الوداع فيه كم سالفة تطلع لذا تأخرت
أما العنود كانت مع نورة
نورة : العنود عبدالرحمن أكيد زعلان علي
العنود : وش تبني أسوي لك حتى هو زعلان مني ولا يكلمني
نورة : ليه وش صار
العنود : يوم طلعتي طلع الكلام الي بقلبي ما قدرت أكتمه وطلعت وراك
نورة أتناظر العنود بقوة : وش قلتي له تكلمي
العنود بخاطرها : الله يستر وش فيها أنقلبت علي
العنود : قلت له أنه هو السبب وانه خرب على الكل الفرحة الي هو فيها وغيره
نورة : أنتي ما تستحين على وجهك كيف اتكلمين أخوك الكبير كذا (لحظة صمت عمة المكان )
العنود شالت قشها ومشت قبل لا يجيها شي من نورة
نورة تلتفت تبي تشوف العنود مالقتها
نورة : عنودو وصمخ وين رحتي يالجبانة ,,,,عبدالرحمن المهم الحين وش بسوي يارب عونك
في الجنب الثاني كان عبدالرحمن يشيل الأغراض معاه يعقوب
يعقو ب : عبدالرحمن تكلم قول أي شي
عبدالرحمن : سم بغيت شي
يعقوب : عبدالرحمن لا تعور قلبي أول مرة أنحط بموقف زي كذا ما أعرف وش أسوي فيه بخاطرك شي علي أن كان فيه قلي خلني أعرف تراني مو مرتاح
عبدالرحمن يحط أيده على كتف يعقوب ويطلع أبتسامة خفيفة : لا ما فيه شي شايلة عليك بس عندي هم ثاني شاغلني
يعقوب يوم سمع كذا لم عبدالرحمن وفي هذي الأثناء كانت العنود طالعه من بيت الجوهرة وبتروح بيتهم وشافت يعقوب وهو يلم عبدالرحمن
العنود بخاطرها : بعد ما سويتها تكفر خطاياك ,,,شوف الولد كيف فرحان ,,,وش دخلني فيهم خلني أروح لأمي شكلها بتصفعني
يعقوب بخاطره : اكيد هذي العنود أمبين من مشيتها وكبرها
كل الأغراض أنحطت بالسيارات وكلن ركب سيارته
لينه توها طالعه من بيت أمها بعد ما سلمت عليهم
الجوهرة جنبها قمر وسارة
الجوهرة تصيح
سارة : وش فيك عمتي , وليه الدموع
الجوهرة : ما أدر يوش أقول بس أبنيتي ما تعودت أهدها
قمر : هذي سنة الحياة أمي
الجوهرة : الحمدلله على كل حال جهزتوا شنطتي بروح بيت خالد
سارة : ليه ماتنامين عندنا أريح لك
الجوهرة : ودي لكن خالد مو راضي يبيني أروح بيته
قمر : كيفك سوي الي تشوين أنه يريحك
نترك الأحساء ونروح لأمريكا وكان الوقت الساعة الرابعة بعد الظهر
خليل : ها كلموك ولا لا
معاذ : لا زال يدق ,,,,,الحمدلله ردوا
أم معاذ : السلام عليكم
معاذ : وعليكم السلام كيف حالك أميه
أم معاذ: معاذ .........صحيح هذا صوت أوليدي فديتك يالغالي ليه القطاعة
معاذ : أفا أمي من أسبوع كلمتكم
|
|
|
|
|
03-08-2011
|
#113
|
أم معاذ : ما تحس أنها طويلة وبعدين ليه هالرمسه المفروض كل يوم ترمسنا ,,,ولا أقول الله لنا شوف الي ماخذ بالك منوا
معاذ : هذا الي بغيت أرمسك فيه أمييه ودي أتزوج
أم معاذ : تقول الصدق يا ولدي من زمان ودي تقول هالكلام ... يا حبيبي من أي قوم بتاخذ
معاذ : ماهم من الشارقة ولا هم من الإمارات هم من هنا من أمريكا
أم معاذ : ليه يا وليد ما تاخذ من بناتنا هنا ,, أهم حاجة من أي قوم هي
معاذ بخوف : أمي هي بنت تدرس معي بالجماعة وما هي عربية هي أمريكية , أمي قبل لا تقولين أي حاجة عرفي أني أحبها كثير كثير ولا أظن أتزوج غيرها ان رفضتوا والبنت مسلمة ولو تشوفينها راح تدخل قلبك على طول وأنتي تعرفين كيف أختياري دايم ما أختار أي شي
أم معاذ : يا ولدي كنت احب أسير أخطب لك أحسن البنات وكنت أشوف البنات وأحجزهم ببالي لك وان رجعت خبرتك عنهم لكن دام انك تقول البنت شقرديه وتحبها ما أدري وش اقول لك بس عطني مهلة أقول لأبوك وأخبره وأخوانك لهم حق يغ=عرفون وبعدها كلمنا ,,كلمنا بعد أسبوع أكون جهزت لك الرد تامر شي بعد وليدي
معاذ : فديتك يالغالية وأنا أقول دايم مين أغلى ناسي مافيه غيرك يالغالية أحبك أحبك أحبك مع السلامة
ام معاذ : الله يسلمك
خليل : ها شكلك فرحان
معاذ : أفا عليك كيف ما أفرح وأمي تبشرني بالخير
خليل : يعني رضوا
معاذ : مبدأين ايه بس تبي تخبر الوالد والأخوان انا كنت خايف من أمي ترفض أما الباقي يهونون
خليل : الحمدلله
نترك القوم الي هنا ونروح للسعودية بالأحساء في ذيك النخيل الي تجمع أصحاب السوء أحيانا
مبارك : خذ هذي يا حمدان وبتنسى الكثير
حمدان : وش هذا
مبارك : هذي تخليك تنسى حتى روحك وتخليك تعيش جو حلو
حمدان مظاهر الخوف بادية عليه
مبارك : وش فيك خايف وين الرجال
حمدان : أنت ما تخاف من ربك تخليني أكل حبوب ومخدرات بعد
مبارك تلعوز مزاجه : أنت مانت رجال لو أنك رجال كان خذتها ولا قلت شي بس جد طلع طفل بيبي هههههههههههههههه بيبي ههههههههه
حمدان : أتخسي ما في غيرك بيبي
أخذ حمدان الحبة وجاب له ماي
مبارك : الي يقول دواء بياخذ أكلها يله
حمدان يمسك الحبة يبي يدخلها قربها لعند فمه وتوها بيدخلها تذكر أمه وأبوه (بخاطره : انا أسوي كذا كنت دايم أعايب وأبوي يحذرني من رفقة زي هذي أسوي كذا لا ماني بالعها وخلني طفل ولا أني أنزل من نظرة أمي علي(
مبارك : وش فيك خفت خلني أنا بدخلها عنك
أخذ مبارك الحبة وحاول يدخلها في حمدان لكنه عجوز كانت مقاومة حمدان أقوى
مبارك : هههههههههههههه شباب تعالوا مسكوه لي
جاو ا الشباب أمسكوا حمدان
حمدان بأعلى صوته لكن مين يلبي : لا يا عيال الكلب هدوني هدوني
فتح مبارك فم حمدان ودخلها داخل وأغصبه يبلعها
بلع حمدان الحبة لكنه جس يبكي لين حمرت عينه
حمدان : يا عيال الكلب كذا تسون فيني
طلع حمدان أمعصب على الي صار وسار بسيارته بأعلى سرعة كنت المنعطفات ما تأثر عليه كان يسوق والدموع على جبينه وكان صوت الأغاني عالي
حمدان يضرب المسجل ويطفى
حمدان : حسبي الله عليكم كذا تسون فيني وأنا الي ظنيت أنكم رفقة عدله ,,,, ايش هذا ما أشوف لا (قاله بأعلى صوته )
نزل حمدان من السيارة بصعوبة ولقى سيارة ثانية مصدومة وطايحة بالثبر ( حفرة على شكل مسار طويل يمشي فيها الماي(
حمدان : وش أسوي الحين يالله لطفك ,,,خلني أكلم عمي بو راشد
حمدان يتصل على عمه بو راشد
بوراشد كان نايم وماله خلق يرد
أم راشد : حسن رد على جوالك
بو راشد : إنشاء الله
حمدان : الو عمي
بو راشد أمعصب مين الي يكلم هالوقت : الو ونعامة ترفسك
حمدان : عمي ألحق علي سويت حادث والسياة الي صدمنها بالثبر طايحة
أبو راشد ماهو مستعب كلام حمدان عدل على طول قام ولبس ثوبه وطلع
حمدان والخوف منأثر عليه : وش فيه سكر الخط مين اكلم الحين ,,,هذا رقم عمي ,,,الو بو راشد : وينك الحين
وصف حمدان المنطقة الي هو فيها لعمه
بو راشد : خلاص جايك الحين
بو راشد كلم ليلى على بيتهم ومن درت جلست تصيح ولكت أخوها خالد يجيها
بو راشد وصل عند حمدان لقاه خايف لذلك كتم غيظه عنه
بو راشد بخاطره : اههه يا أخوي وش أسوي الحين تذكرت وقفاتك معي كثير وش أسوي أنا الحين
حمدان حظن عمه خايف
بو راشد : وينها السيارة
حمدان يأشر لعمه مكان السيارة
بو راشد يروح للثبر يشوف راعي السيارة كان صاحي بس يتألم حاول بو راشد يطلعه لكنه ما قدر
بو راشد : حمدان تعال هنا بسرعة
نزل حمدان مع عمه وطلعوا الرجال بصعوبة وعلى طول ودوه للمستشفى
في الطريق
بو راشد : وش السالفة تكلم بسرعة خلني أفهم
حمدان يقص قصته من أول ما خانوه ربعه وأكلوه الحبة لين طلع من النخل
بو راشد يضرب المقود بقوة : أعيال الكلب ( ضرب بو راشد حمدان كف ) كمل يالحمار
كمل حمدان السالفة لين ما كلمه والرجال وراهم يأن من الألم
بو راشد : عرفت وش عاقبة الي سويته عرفت رفقة السوء وش سوت لك وأهلك ما فكرت فيهم ما فكرت بأمك
أوصلوا للمستشفى نزلوا الرجال وعلى طول على الطوارئ
كلم خالد بو راشد وعلمه وين أهم
بعد ربع ساعة أدخلت ليلى للمستشفى مع أخوها
كان بوراشد ماسك حمدان ويهزه بقوة ويحاول يأدبه
بو راشد : سمعت وش قلت لك
حمدان ومبين أثر الحبه عليه : مستحيل يا عمي
بو راشد : لا تذبحني
ضرب بو راشد حمدان كف مرة ثانية وكانت ليلى أطالعه
ليلى أركظت أتجاه و لدها وتوخره عن عمه
ليلى : انت مافي بقلبك رحمة ما تخاف من ربك شايفه كبرك تضربه ولا يوم مات أخوك تجبرت علينا
عبدالرحمن : يمه كافي
ليلى بعصبية : أسكت ما تعرفه كثري
بو راشد : سمعت وش قلت لك حمدان وأنتي يا ليلى مسكي ولدك زين وديه البيت
مشى بو راشد وهو عارف ان الي يسويه صح
خالد : بو راشد وين بتروح
بوراشد : مشوار قريب وجاي
راح بو راشد للشرطة
بو راشد : لو سمحت وين مكتب الملازم
العسكري : هنا بس دقيقة أخبره
دخل العسكري يستأذن لبو راشد
دخل حسن بعد ما أذن له الملازم
بو راشد : السلام عليكم
الملازم : وعليكم السلام
بو راشد : أسف على الإزعاج لكن تو .....
نروح للمستشفى الي كانت فيها ليلى جالسه على الكرسي وماسكه راسها بقوة
حمدان وهو يبكي : فهمتوا عمي وش يبي ,,,يبي يقول لي لا اتكلم وأقولأنه هو الي يسوق مو أنا يبي يدخل السجن بدالي وأنا مو راضي مو راضي يمه شفتي وش يبي يسوي عشاني يمه لا تخلينه يدخل السجن يمه مسكيه
ليلى بخاطرها : وش تبيني أقول أنا الي كنت فاهمه حسن خطاء لقيته أسمى من أي شي كنت أتصوره بيدخل روحه السجن عشان ولد اخوه ولا فكر بعياله لا غيرهم جد خليت خليفة لعيالك يا سامي
خالد : قوموا الحين خلونا نروح للبيت
ليلى : حسبي الله عليك يا حمدان(( راحت ليلى اتجاه ولدها واتفلت بوجهه)) كذا تسوي فيني وفي عمك ليه عشان كلاب الشارع وشفت بالنهاية يبونك تتعاطى المخدرات ما يشرفني أنك ولدي (مشت ليلى تبي تطلع من المستشفى (
حمدان حالته يرثا لها أمسكه خالد وطلعه معه للخارج
أركبوا السيارة وراحوا للبيت في السيارة كان حمدان يصيح كثير
ليلى : صح والله أنك خليتني أصيح وانت ما تستاهل
في قسم الشرطة
الملازم : الحين بنوقفك وبنخبر المرور عن مكان السيارة وبنخبر أهل الرجال عن الي صار ونشوف حالته وبعدها يصير خير ومشكور في الأخير على تعاونك
بو راشد بخاطره : عسى يا أخوي وفيت شي من الي سويته لي
كلم بو راشد أهله وخبرهم بالي صار له
أم راشد : أقلبت البيت صياح لكن لازم فيه أحد مظلوم
حمدان دخل غرفته على طول ما يبي يشوف أحد يبي يصيح بس
ليلى جالسه مع أخوها بالصالة يشوفون حل للمشكلة لا والله جالسين يتكلمون عن بو راشد
خالد : تدرين يا ليلى اول مرة أعرف بو راشد صح طلع كبير والله ويشرفني انه نسيبي
ليلى : إذا أنت تقول كذا انا وش أقول عنه وأنا الي سبيته وأهنته اكثر من مرة ليتني أنقص الساني قل لا أقول أي شي ليتني ( بكت ليلى على ظلمها على بو راشد (
مرت الليلة ثقيلة على الكل بس كان لازم تعدي
في اليوم الثاني عند الظهر
نزل حمدان من فوق وشاف كل أخوانه وأمه وخاله تحت
حمدان بخاطره : كلهم هنا عشاني وانا الي ما عبرت أحد ياني كنت قاسي كثير
نزل حمدان وراح باتجاه أمه سلم يبي يحب راسها لكنها وخرت راسها عنه ( ماهو حبت راس اتنسي ألم سويته يا حمدان )
حمدان من شاف أمه جفته كذا ما قدر يستحمل أن أمه تزعل منه ولا ترضى له يسلم عليها على طول جفى عند ركبتها وجلس يصيح ويصيح ( مو عيب تغلط لكن العيب انك ما تعرف أنك غلطان وتستمر بغلطك )حمدان لا عرف خطاءه ويبي صلحه
حمدان وهو يصيح : يمه سامحيني ما بقى لي حد بع أبوي غيرك يمه ما أدري وش بسوي بروحي ان ما سامحتيني بموت روحي هو أقرب حل لي كيف أصبر من دونك علميني كيف أسف للكل سامحوني كنت طايش كنت أحس بفراغ بعد أبوي ما كنت أظن فيه حد يسده سامحوني
ريم تصيح ومنال تصيح وسلطان يصيح حتى خالد يمسح دموعه مو قادر أنه ما يصيح على الي صاير
ريم تحط أيده لعى كتف امها وتناظرها وفي هالوقت العيون تتكلم
ليلى مو قادرة تخبي مشاعرها تمد ربها أن ولدها رجع لها وبصورة ما كانت تتوقعها يصيح يبي الغفران
حمدان يبكي : يمه سامحيني يمه أرجوك نار بقلبي ما يطفيها غيرك أرجوك
ليلى تحط أيدها على راس ولدها وتمسح عليه
حمدان بخاطره : هذي أمي ريحة يد أمي حرارتها بس أخاف مو هي ما أبي أشوف غير يدك يا يمه
رفع راسه حمدان ولقى بالفعل ليلى تمسح على راسه وعيونها مليانة دموع وهي فرحانة
قام حمدان من وقته وحضن أمه على مرأى من الجميع
حمدان : سامحتيني يمه خلاص الحمدلله يارب الحمدلله كنت خايف ما تسامحيني وان مت أدخل النار الحمدلله يارب
ليلى : كيف أزعل على فلذة كبدي كيف
حمدان سجد لله شكر على الي صار
الكل فرحان والكل يصيح كلهم متأثرين بالي صار
هنا نعرف كيف قلب الأم رحيم بعيالها مهما صار منهم
|
|
|
|
|
03-08-2011
|
#114
|
الجزء الثاني والثلاثين :
خالد : الحمدلله على كل حال , بس الحين لازم نعرف وش صار على الرجال الي صدمته , وعمك لا زم نروح له ونشوف وش بنسوي, وانتي يا ليلى لا تنسين أم راشد ما وصيك عليها
ليلى : ما راح أهدهادقيقة
خالد : الحين أنت مارحت الجامعة اليوم
حمدان : اليوم ماعندي دوام لا اليوم ولا الأربعاء
خالد : شنو بأمر مين عندك يعني من يوم الثلاثاء ما تدري عن الجامعة لين الأحد والثلاث الأيام أنواع الظغط
حمدان : لأجل عين تهون ألف عين أتعب 3 أيام وبعدها أرتاح أربعة أيام
خالد : وانت صادق
ريم : أنا مو قادرة أروح مكان توني يايه من الكلية وطفرانه حدي
منال : لا تهديني تعالي بروح وياك
سلطان : أما أنا بجي وياكم
خالد : يله بنروح
ليلى :تبين شي
ليلى : لا بس كنت بروح لبيت أم راشد
خالد : أنتي زاهبة أمخلصة ولا
ليلى : أيه خالصة
خالد : قومي أجل
أطلعوا كلهم ليلى راحت لبيت حماها وخالد وحمدان وسلطان راحوا مع خالهم
بعد ربع ساعة أوصلوا المستشفى
خالد : حمدان أجلس هنا مع أخوك لا تجون
حمدان : خالي أبي أشوفه
خالد : الي أسويه لمصلحتكم ,,,سلام
خالد راح للرجال الي أنصدم لقى جنبه عايلته
خالد : السلام عليكم
طلع رجال من الغرفة : وعليكم السلام
خالد : كيف حال مريضكم
الرجل : الحمدلله بخير أحسن بكثير من أول
خالد : معك خالد الحمد نسيبي الي صدم أخوكم
الرجل : معك محمد أخو ه وأخوي أسمه ماجد ,,,,,بالنسبة للي أصدمه وينه
خالد : ليه ما تدرون عنه أخ محمد
محمد : لا والله الشرطة جات تستجوب ولا قالت شي
خالد : أهو جاب أخوك ماجد وعلى طول راح الشرطة يسلم روحه
محمد : والله والنعم بنسيبكم ما قصر لولا الله ثم هو لكان أخوي ميت من وين تلاقي واحد يصدمك في منطقة ما فيها حد ويجي يسعفك ويسلم روحه
خالد :كأني أسمع من كلامك أنكم أمسامحينه
محمد : الي له حق أخوي وإذا تبي أسمع الكلام منه (دخل محمد يشوف درب لخالد ) خالد تفضل
دخل خالد وسلم على ماجد
خالد : كيف حالك اليوم
ماجد : والله الحمدلله أشكر ربي وأحمده أنت الي صدمتني
خالد : لا الي اصدمك أول ما جابك راح سلم روحه للشرطة
ماجد : وش تقول أنت ما يجلس ثانية أهناك لازم يطلع أنا كنت غلطان كنت مسرع وماخذ خطه
خالد : بالله عليك هذا الي صار
ماجد : ايه والله ودي أشوفه وأسلم عليه وأحب راسه أخوي مين ينقال لكم
خالد : معك خالد عبدالعزيز الحمد
ماجد : أبوك عبدالعزيز الحمد
خالد : نعم ليه تعرفه؟؟
ماجد : أفا كيف ما أعرف عبدالعزيز الحمد ,,الله يجزاه ألف خير ما قصر ويانا اول
خالد :ليه وش صاير
ماجد : او ل شي أبيك تعرف شي واحد أنا شيعي وبعدين أبوك ساعد أبوي مساعدة ماننساها أبد
خالد : والله شوقتني , وش سوى ابوي
ماجد : أبوك كان صديق الوالد الله يرحمه الروح بالروح ما كان فيه تمييز بينهم يعني شيعي ولا سني تعرف الأحساء طيبين ولا يهمهم هالشي
خالد : أسلم
ماجد : جات فترة الوالد جاه شلل نصفي ولا كان فيه علاج هنا لذا أبوك أول ماشاف هالشي خذ أبوي لمصر وعالجه هناك والحمدلله رجع الوالد مثل طبيعته ومن بعد هالسالفة جماعتنا ما رضوا بالي صار لأن أبوي كان وده يتسنن لكن ما رضوا أهلنا زي ماقلت وشكوا بين أبوي وأبوك لين صاروا بينهم زعل والسبب أهل الشر أبوي دايم يذكر أبوك ويتمنى لو يرجعون مثل بعض حتى انه يوم بيصالحه عرف أنه توفى ومن بعدها الوالد بحالة ثانية تعب كثير وحس انه مذنب بحق صديق وفي مثل عبدالعزيز أبوك, عاد سبحان الله جاء اليوم الي نرد دينا لكم ولا يسوى شي قدام الي سويتوه لأبوي
خالد : الله يجزاك خير ويكثر من أمثالك
طلع خالد من الغرفة وراح لعيال أخته
حمدان : بشر يا خالي
خالد : ابشرك سامح ولا يبي شي ,,,لا وطلع يعرف أبوي عبدالعزيز
حمدان : أهههههههههههه ريحتني الحمدلله
أطلعوا من المستشفى وراحوا للشرطة
خالد : السلام عليكم
العسكري : وعليكم السلام ,,,,سم يا أخوي تامر شي
خالد : بالأمس جاكم واحد سلم روحه لأنه صادم واحد
العسكري : أيه عرفته في التوقيف
خالد : ممكن نشوفه
العسكري : ايه ممكن بس لازم تاخذ أذن
خالد : ناخذ اذن
خذ خالد أذن ودخل هو وعيال أخته لخالهم
بو راشد بخاطره : من الي جا الحين ,,,,,, مو كأنه حمدان وسلطان ((أبتسم ((
خالد : السلام عليكم
بو راشد : وعليكم السلام
قرب حمدان وحضن عمه
أجلسوا مع بعض قرابة ساعة ,, خالد خبر بو راشد عن الي صار وعن العفو
عند الساعة الرابعة عصرا في المستشفى كانت مها جالسة مع عبدالوهاب ومعهم أسيل وعبدالعزيز
مها : خلاص تقوه وأطلع
عبدالوهاب : أنطرك لين تقولين لي أنا بروحي زهقت ,,,ما أدري ليه خالد أصر الا أجي هنا
مها : لأن ملفك هنا ولازم يشوفونك وبعدين هنا أحسن مو هناك
عبدالوهاب : وأنتي صادقة هناك مجزرة مو مستشفى
اسيل : أمي أبي عزوزي
مها : ما تقدرين تشيلينه
اسيل : لا أقدر أشيله بجلس على الكرسي وبعدها عطيني أياه
مها : إنشاء الله جلسي الحين
عطت مها عبدالعزيز لأسيل
أسيل : أغاه لا إلاه إلا الله
عبدالعزيز يضحك من أسيل
مها : شوفه يضحك
عبدالوهاب : ربي يسلمه إن شاء الله
مها : وش صار عليه
عبدالوهاب : هذا أنا هنا أغتنمه فرصة وأروح لهم ,,,بس بكرة بروح
مها / الله يستر يا رب
العنود نامت من بعد ما جات من الكلية تعبانة حيل
هاتفه النقال يرن وهي في خبر كان
ياسمين : ليه ماترد هذي شكلها نايمة ,,, بس كيف تعطيني مواعيد وأخر شي تخلف
بدق عليها مرة ثانية
تدق ياسمين على العنود للمرة الثانية
جمانة تسمع صوت الجوال وتدخل غرفة أختها
جمانة : العنود قومي ((تهز العنود ((
العنود : ها وش تبين
جمانة : أول شي جوالك يدق وبعدين قومي صلي العصر
العنود : وين الجوال هاتيه
أخذت العنود الجوال وردت
ياسمين : يالدبة كل هذا نوم
العنود : الحين متصلة علي عشان تقولين يالدبة سلام
سكرت العنود الخط
|
|
|
|
|
03-08-2011
|
#115
|
ياسمين : وش فيها هذي خلني أدق عليها مرة ثانية
تدق ياسمين على العنود للمرة الثالثة
العنود : السلام عليكم
ياسمين : وعليكم السلام ,,,وش فيك زعلتي
العنود : لا بس بغيت أتحرش فيك
ياسمين : هين يا عنيد
العنود : يا حلاة أسمي ان قلتيه أحلى من القشطة مع العسل
يا سمين : هذا الي هامك القشطة والعسل ولا هاجر وناصر ما فكرتي فيهم
العنود حست أنها تذكرت شي مهم : أي والله الله يذكرك بالشهادة قولي أمين
ياسمين : أمين ,,,انزين متى أجيك ولا بتجيني
العنود : لا أنتي تعالي على ما أتسبح وأبدل ملابسي تكونين جيتي
ياسمين : يله مع السلامة
العنود : مع السلامة
جمانة : من هذي هاجر وناصر
العنود : هذا سر بس بيني وبين ياسمين
جمانة : عفية عنود قولي لي
العنود : وخري عني مو قايلة لك ,,جهزي لي الحمام
جمانة : لا والله لو أنك قايلة لي كان فكرت أسوي لي تبين لكن بعد كلامك نجوم الظهر أقرب لك
العنود : قومي طسي أجل
أطلعت جمانة والعنود أدخلت الحمام تتسبح
في جامعة البترول كان يعقوب مع عبدالرحمن يتكلمون
يعقوب : وش جيبك اليوم
عبدالرحمن :لا يكون تظن أني تعورت ولا أنكسرت الحمدلله كاني حصان
يعقوب : فديتك يا بو إبراهيم لا تذكرني بالخيل قمت أتشائم
عبدالرحمن : مهما يصير الخيل في عروقي ولا أقدر أخليها
يعقوب : كيفك ,,,المهم وين بتروح الحين
عبدالرحمن : وش عندك
يعقوب : بروح أقضي أغراض للرمضان
عبدالرحمن : وش عندك ,,, ما شاء الله والله وكبرت وصارت عندك عيله
يعقوب : لا تطنز بودي عزبة لبيت كافلينهم
عبدالرحمن : قل كذا من زمان
يعقوب : بتجي
عبدالرحمن : لا ما اظن عندي كم شغله للبيت بسويها وبعدين بروح بشوف سالفة مع أختي العنود
يعقوب بخاطره : العنود ماني ناسي نظراتها لي بالمستشفى كأنها أحتقرتني لطول الزمن بس كنت أستاهل على الي سويته
عبدالرحمن : ياهو وينك
يعقوب : كاني ,,بمشي بغيت شي
عبدالرحمن : لا تعال ما تبي نروح لعمي عبدالوهاب هم أهله يبون اغراض لبيتهم وتعرف عمك تعبان
يعقوب : بكلمه الحين وبشوف كان يبي شي مريت على مها ورحنا للسوبرماركت
يعقوب يكلم عبدالوهاب
عبدالوهاب : ألو
بعقوب : هلا بعمي كيف حالك اليوم
عبدالوهاب : بخير ولله الحمد
يعقوب : عمي كنت بروح للسوبرماركت بقضي للرمضان وقلت خلني اشوف مها كان تبي تروح
عبدالوهاب: الله جابك خلني أقول لها ( عبدالوهاب يأشر لمها (
مها : أنا
عبدالوهاب : أيه أنتي
يعقوب : أنا
عبدالوهاب : لا مو أنت أقصد زوجتي
مها : وش بغيت
عبدالوهاب : يعقوب بيقضي أغراض من السوبرماركت للرمضان تقومين وياه
مها : والله البيت ناقصه أغراض كثيرة أيه بروح بس وين بحط عبدالعزيز
عبدالوهاب : ودوه لشيماء
مها : خير خله يجي
عبدالوهاب : أيه بتروح وياك بس بخليك تتعب أشوي ابيك تودي بو سعود لبيت إبراهيم
يعقوب : إن شاء الله هذا أنا جيت لكم
عبدالوهاب : مع السلامة
يعقوب : مع السلامة
عبدالرحمن : ها بتجي وياك
يعقوب : لا أنت الي بتجي وياي تاخذ عبدالعزيز وتوديه بيتكم
عبدالرحمن : أي عبدالعزيز
يعقوب : ولد مها
عبدالرحمن : أيه خلاص أجي وياك
كلن ركب سيارته واتجهوا للمستشفى
بعد نصف ساعة
ياسمين توها واصله لبيت العنود
العنود تدق على ياسمين
ياسمين : جنيه أنتي
العنود : ليه
ياسمين : توني واصله لبيتكم
العنود : خلاص بطلع لك الحين
في هذي الأثناء كان عبدالرحمن توه واصل من المستشفى ومعاه بو سعود
العنود : يمه بطلع جاتني ياسمين
شيماء : أنتبهي لروحك
العنود : لا تخافين علي أنا بنت شيماء
أطلعت العنود وقابلها على الباب عبدالرحمن وهو شايل عبدالعزيز
العنود : الله عزوزي هنا ..........يا قلبي (تحبه على خده (
عبدالرحمن بخاطره : ليه يالعنود قلتي كذا
العنود : من وين جايبه
عبدالرحمن يطالع العنود من وراء النظارة الشمسية : .............................
العنود : وش فيك تكلم
عبدالرحمن أنواع الصفط : ...............................
العنود : عبدالرحمن لا تأخذ على كلامي أسفة
عبدالرحمن : أنتي (يهز راسه بالنفي (
العنود : ليه عبدالرحمن
عبدالرحمن دخل البيت ولا عطا أخته أي كلمه
العنود تأثرت بهذا الشي وراحت لياسمين وهي زعلانه أدخلت السيارة وسكرت الباب بقوة
ياسمين : ليه عاد الباب وش ذنبه
العنود : ,.................
ياسمين : العنود وش فيك مع أخوك شكله مو طبيعي
العنود : روحي سأليه
ياسمين : أستجنيتي أنتي وش هالكلام
العنود : وش أسوي لك ملقوفة اليوم
ياسمين : هذا جزاتي لو ماكان عندنا اليوم مو عد مع هاجر ولا كان نزلتك
العنود : ترا عندنا سواق ويقدر يوصلني
ياسمين لا ليه السواق خلي هاليوم يعدي على خير
مشى السواق وداهم للسوبرماركت يقضون فيه لبيت هاجر
في بيت هاجر
|
|
|
|
|
03-08-2011
|
#116
|
ناصر جالس يلعب بالبلايستيشن
هاجر : ناصر كافي مو ناقصين فاتورة زيادة
ناصر : جديدة هذي أخر لعبة
هاجر : أخر لعبة قلت
هاجر بخاطرها : وش بسوي عقب بكرة أول يوم للرمضان واليت مافيه أكل أنا استحمل لكن ناصر صغير كيف يستحمل
ناصر : يمه بصوم السنة معك
هاجر : عفية عليك وأنا أقول دايم ولدي رجال
ناصر : أيه بس ابيك تسوين لي الي ابي من الأكل
هاجر أحزنت على هالكلمة : أنزين وش تبي اسوي لك
ناصر : الأولاد بالمدرسة يقولون دايم بيتزا أبي تسوين لي بيتزا ومكرونة بالباشميل ولا تنسين السمبوسة والقيمات ...كل هذي اكلات أسمع العيال يقولونها بالمدرسة
هاجر بخاطرها : كل هذي تبيها من وين أسويها لك والثلاجة فاظية ربي يسهل علينا
في بيت خالد عند الساعة 5و5
منيرة : ما أدري أنا زوجته ولا ولا ما أدري أعصابي تعبانة بسبته
الجوهرة : ليه يا بنيتي تقولين كذا أ:يد أنتي زوجته
منيرة : أجل ولدك ليه ما يكلم
الجوهرة : مو تقولين أنه راح لليلى
منيرة : ايه ,,,ولازال ندها بس ليه ما يعبرني حتى أنا أكلمه ولا يرد
الجوهرة : الغايب عذره معه
منيرة : أي غايب أي كلام والله أنه مايستاهل هالتعب الي أسويه له
الجوهرة : عيب يا بنيتي لا تقولين كذا على رجلك
منيرة تنرفزت على كلمة الجوهرة عيب: ان عيب علي مو هذي تربيتك مو هذا ولدك من شابه أباه فما ظلم لكن أنا أقول من شابه أمه فما ظلم
الجوهرة : وش فيك اليوم مرتفع السكر عندك شكله
منيرة : لا تقولين كذا السكر عندك أنتي مو عندي
الجوهرة : عاشو لا كذبي علي بعد عندك السكر روحي خذي دواك
منيرة : أبركها من ساعة أبعد أشوي عنك يا ..........يا عمتي
الجوهرة : أفتكرت
فوق كانت نورة جالسة مع هيبة
هيبة : أنتي السبب
نورة : أدري
هيبة : دام أنك تدرين ليه ماتسوين شي
نورة : ودي لكن وش أسوي
هيبة : كلميه
نورة : تظنين وحتى لو كلمته ما راح أرضى على نفسي وهو بعدين راح يزعل كثير اعرفه ما يرضى
هيبة : أجل وش بتسوين
نورة : ما أدري لكن عندي فكرة ليه مانروح لهم الظهران
هيبة : وكيف نروح
نورة : مو عمي بالمستشفى خلينا نكلم أبوي نروح لعمي في أخر الأسبوع ومنها نفطر مع هناك
هيبة ": والله فكرة بس وش بتسوين
نورة : هناك يحلها ألف حلال
هيبة : على قولتك ربي يحلها
بو راشد توه طالع من التوقيف ولله الحمد بعد ما تنازل ماجد
خالد : الحمدلله كفارة
بو راشد : وانت صادق كفارة اخر مرة أدخله
حمدان : ليه ناوي تدخله
بو راشد : ايه أن سويت شي مرة ثانية
حمدان مايدري وش يسوي غير أنه يلم عمه
سلطان : من الصبح وانت طايح تلملم بالأوادم
حمدان : باقي واحد عساه يسامحني
سلطان : منوا
حمدان : خليفة أبوي
سلطان مستغرب مين هذا
جاء حمدان وحضن أخوه : عرفت من هو خليفة ابوي
سلطان : لا يا أخوي انت خليفته وانت الكل بالكل بس لا تخلينا مره ثانيه
حمدان تعب وماسك راسه من الألم
سلطان : وش فيك حمدان
حمدان : يعورني راسي كثير
سلطان : عمي خالي لحقوا
جاء بو راشد مسرع لحمدان
بو راشد : شكله المخدر بداء يشتغل مفعوله وبداء ينهش فيك لازم تجلس ..خالد خلنا نمشي
خالد : يله
أركبوا وراحوا لبيت ليلى
بعد ربع ساعة أوصلوا
بو راشد : خالد خلنا نمسكه ونرقيه فوق بغرفته ينام أشوي ,,,وانت سلطان حضر له أكل زين
سلطان : إن شاء الله ,,,,,الحين كيف أسوي له أكل وش عرفني بالطبخ أنا ,وأقول خلني أروح للغالية ريم أو منال يسون لنا أي شي
أنتهى يعقوب ومها من الأغراض وراحوا يركبون السيارة
مها : الحمدلله خلصنا كل الأغراض
يعقوب : متأكدة
مها : تبي نروح محل ثاني رحنا
يعقوب :لا لا والي يعافيك لا أساسا هذي أخر مرة أوديك فيها محل كيف مستحمل عمي معك
فتح يعقوب السيارة واركبوا
مها : أسيل ركبي حياتي ...شكلك اول مرة تروح تقضي
يعقوب : وانتي صادقة ايه ,,بس أنا أعرف وش أبي مو أدور على كل مكان وأشيل الي أبي ولا الي ما أبي
مها :ههههههههه في هذي صادق وبعدين تعلم من الحين عشان زوجتك
يعقوب : أي زوجة أي كلام فاظي
مها : الا صحيح ما تفكر في بنت
يعقوب : اههههههه الا أفكر بس مو قايلك بعدين تفضحينا عند عمي
مها : أفا عليك أنا أفضحك ماني قايلة له شي بس شوف لا تقول لي أسمها بأختار أنا وحدة وبعدها قل إذا كانت هي قلي وإذا ما كانت لا تقول
يعقوب : بتسوين ذكية بس يالله أختاري
مها : همممممم ريم بنت ليلى
يعقوب : ....................
مها : أدري انها مو هي بس بغيت أعرف بتتكلم ولا لا المهم هي العنود أكثر وحدة تصلح لك
يعقوب : وش معنى
مها : أول شي هي ولا لا
يعقوب :...........................
مها : كيفك بس متأكدة أنها هي
يعقوب بعد 3 دقايق : مها صدق العنود هي الي أفكر فيها بس احس انها ماتبيني وانا أحيانا ما أحب حركاتها
مها : هههههههههههه روح أسأل أي أحد من يحب أكثر من البنات راح يقولون لك العنود صبر أشوي ....أسيل ماما مين تحبين أكثر من البنات
أسيل : قلت لك في البيت
مها : أيه قولي مرة ثانية
أسيل : أحب ماما وجديدة و العنود
مها : سمعت
|
|
|
|
|
03-08-2011
|
#117
|
يعقوب : أجل وش معنى أنا غير
مها : أسأل روحك
راح يعقوب بيت عمه إبراهيم وأخذ عبدالعزيز ثم راح بيت عمه عبدالوهاب ينزل مها مع أعيالها
بعد ما دخل الأغراض
يعقوب : مها رقمي اعتقد وياك أي شي تبينه دقي
مها : لا توصي حريص من الحين خلنا نروح الجمعية
يعقوب : لا خلاص لا تدقين أبد
مها : هههههههههههه المهم دير بالك على نفسك ولا تفكر كثير بالي في بالك
يعقوب : الله يعين
فمان الله
مها : في أمان الكريم
طلع يعقوب وعلى طول توجه لبيت ؟؟؟؟؟
العنود : ها نصور كيف اللعبة
ناصر : مرة حلوة تسلمين أنتي ويا ياسمين بس انا زعلان
ياسمين تلعب بشعر ناصر: ليه يا حياتي
ناصر : ما تجلسون كثير ويانا على طول تمشون
ياسمين : بعد أحنا أهلنا يبونا وانت نخليك عشان تذاكر وتنام بدري
ناصر : خذوني معكم
العنود : وجديدة
ناصر : تجي ويانا
العنود ماتدري وش تقول : ...............
هاجر : عيب يا ناصر
يا سمين : المرة الجاية بنجلس وياك كثير وليه نوديك الملاهي مرة وحدة مع جديدة
ناصر : صدق
العنود : ايه صدق بس انت أجتهد وجيب علامات زينة
ناصر :إن شاء الله
العنود : فمان الله يا عمه تامرين على شي
هاجر : بعد الي تسونه لي ولناصر أبي منكم شي لا يا يمه ما أبي شي يكفي أنكم ترعونا وحنون علينا وانتوا مالكم دخل فينا ولا أنتوا ملزومين بعد أحنا ناس مقطوعين من شجرة فقرة لكن ربي من علينا ببنتين مثلكم وبرجال والنعم فيه
ياسمين : لا تقولين كذا والله مانبي الا مرضاة ربنا والي نسويه فيه كثير ناس تسويه وأحنا كلنا لبعض أنتوا لنا واحنا لكم
هاجر: المهم أمباركين عليكم الشهر مقدما وربي يجعلكم من عتقائه من النار
العنود تحب راس هاجر وتليها ياسمين
ناصر : وأنا
ياسمين : يا روح أنا أمواه ( على خده (
العنود : امواه (على خده (
ياسمين : العنود شوفي أخدود ناصر شكلنا خلاص بنتغطى عنه
العنود : ليه حمراء أخدودك
ناصر : ما أدري بس أستحيت
العنود : أجل خلاص زي ماقالت ياسمين بنتغطى عنك لأنك صرت رجال ولا
ناصر : أيه أنا رجال البيت
العنود تطلع من البيت مع ياسمين وفي طلعتهم تو الاند كروزر واصل مال يعقوب وقف عند الباب لبيت هاجر أما البنات فمشوا ولا ناظروا وراهم خايفين لكن ياسمين جالسه أطالع
ياسمين : العنود شوفيه وقف عند بيت هاجر
العنود : طالعي قدام مو هذي سيارتكم
ياسمين : وينها ,,,ايه هذي ركبي بسرعة
العنود : أزين لا تدزين (تدفين (
ياسمين : الله يا حلوه
العنود : جد ما تستحين
ياسمين : انتي لو تطالعينه راح تقولين ما أستحي
العنود بخاطرها : خسرانه أنا شي خلني أطالعه
لفت العنود وجها وتناظر جهة البيت
العنود : الله وش حلاته تدرين
ياسمين : مالت عليك دخل البيت وش رايك نروح نشوف مين هذا
العنود : اليوم أنتي خبلة اللهم سكنهم في مساكنهم
ياسمين : أنا مسكونة أوريك ( أقرصت العنود (
العنود : اي يالنذلة سواقكم هنا
ياسمين : مرة ثانية لا تقولين أنا مسكونة سمعتي
العنود : بشري بسعدك لكن مو الحين بعدين
مشت السيارة ولا أقدروا يعرفون من هذا الرجل
في بيت هاجر
هاجر : ليه الكلافة ياولدي
يعقوب : لا كلافة ولا حاجة والله لو أقدر كان جبت اكثر بس تعرفين طلاب أحنا
هاجر : يعني قصرت على روحك ها
يعقوب : لا قصرت ولا شي لكني حاسب حساب كل شي المهم كيف حالكم ومنوا الي كانوا هنا قبل اشوي
ناصر : أبلة ياسمين وأبلة الع
هاجر : عيب ناصر ,,,هذولا بنات يبون الخير مثلك
يعقوب بخاطره : مالقوا غيرك يا عمه جد اني أناني أبي الخير لي بس
هاجر : ها يعقوب وين رحت
يعقوب : لا بس أقول الله يوفقهم يارب
هاجر : ليتك تاخذ وحده منهم
يعقوب : أنا لا شكلي مو متزوج
هاجر : وليه
يعقوب : غريبة اليوم كلن يبيني أتزوج وش السالفة
هاجر : هذا لأنهم يحبونك
يعقوب : تحبين الكعبة إنشاء الله
هاجر : أمنية حياتي أروح لمكة وأحب الكعبة
يعقوب : بشري بالي يوديك بس لما أتزوج
هاجر : لما تتزوج بتنسانا وبتملي عليك زوجتك دنيتك
يعقوب : لا ما أكون انا يعقوب أن نسيتكم
ناصر قام وحب يعقوب على راسه
ناصر : أكيد مو ناسينا
يعقوب : أكيد وكيف أنسى ولدي ناصر
ناصر : عمي وش جبت لي هدية
يعقوب : خمن وش جبت لك
ناصر: همممممممممممممممم عجزت وشو
يعقوب: متى فكرت بس يالله بقول لك جبت لك دراجة بس في السيارة إذا طلعت بجيبها لك
هاجر تصيح ويعقوب لاحظها
يعقوب : ليه الدموع الحين
هاجر : هذي دموع فرح وشكر لله ,,ما أدري وش حالنا بيصير لو أنتوا مو موجودين أنت والبنات
يعقوب : الله يخلينا لك وأنتي تستاهلين كل خير المهم طولت عندكم شكلي وأنا هم بروح أذاكر كم كلمة تامرون شي
هاجر : الله يحفظك ولا تنسانا في رمضان تراك معزوم
يعقوب :زين عدل كثري من الثريد أحبه موت
هاجر : مع السلامة
ناصر : وأنا
يعقوب : تعال عشان تاخذ السيكل
راح ناصر مع يعقوب وخذ السيكل منه وحبه على خده
ناصر : شكرا
يعقوب : شد حيلك ولا تزعل جدتك سامع تراك رجال
ناصر : البيت
يعقوب : شاطر مع السلامة
ناصر : مع السلامة
في بيت ليلى الساعة 8 مساء
كان حمدان يطق الباب بقوة يبي يطلع
ليلى مو قادرة تتحمل تصيح على ولدها والي صاير له
ليلى : والي يعافيك خالد خله يطلع
خالد: أنتي ما تفهمين قلت لك هذا علاج له وخلاياه تتصارع مع السم هذا
ليلى : أنزين
خالد : ريم خذي امك وروح تحت غرفكم أي مكان
ريم : إن شاء الله عمي ,,,أمي قومي
راحت ريم مع أمه للصالة تحت
|
|
|
|
| | | | | | |
العرض العادي
