تعودت عليك

تعودت على سهر الليالي وياك
كيف يلومونِ و الوله مني لك عنوانه عشق
تمنيت الليالي فيك و وياك
وما تمنيت غيرك بالعشره خليلة
انتي الحبيبة الي سما عشقها وياي
سحايب يسوقها ربنا و تسقي قساة أرضه
حبيبةٍ كامله في كل الوصف و أزود بعد
زينها طغى عليكِ يا حوا ب الف مره
الي محياها طغى على نور الشمس يوم تشرق
و الي محياها بظلام الليلي تنور سجى ظلمته
نار حبك بهالقلب بركانٍ لهيبه جمر
حمرتها من بوحة أنفاسه يوم مرت
احترت وش اكتب بوصفك يا ضي العين
و احترت كيف اتغزل فيك يا الغناة
ابي مدي لو يجف من تساطير العشق
امده من دم وريدي و اكمل بالوصف ولو زاد
لك بالعين من وله الحب أشعارٍ جديده
لمعة نظر تفضح كل ما يدور فيها
و الشوق وسط القلب مالي تجاويفه
كل ما سرحت فيه يا غناتي ابهواك
واكتب لك من السرحه ، فيك ألف قصيده
لا من وصفتك قالوا وصفه من خيال
و ان رسمتك على جدار غرفتي قالوا الله يا ذوقه
فنه عذب يرسم من راقي سماه
ابي اتقهوى حدك بالفنجال و اتغزل فيك
الله على زين العيون الوسيعات من شفتها
وابي اكمل تالي الليالي حدك و أتمناك
ما يغمض لي جفن يوم اجلس اتأمل محياه
ابي افعل فعل و الفعل فاعل
وفعلي من يوم شفتك بفعلته محتار
و اتعلى و اعاني و العنوه شديده
و عنوتي يوم ألقاك بالصدر احماه
صاب السهم من عشقه ألف صوبه
و كل التصاويب بالقلبي مزروعه
حتى نبض من خافقي يوم صابه بالسهم و ألقاه
بوحه نبض دمه من الوجودي مكتوبه
طاحت كل الوجايد يوم ألقاه و بالروح أنفداه
فدوة ولو راح العمر من بعدها ترخص له
بعض الوجع يمكن تداويه بالأعشاب
الا الوجع فيني دواه بعد الله بيدين الحبيبة
ابكتب لك شعر و ب اكتب لك بالغزل عنوان
حتى ينقطع هالنفس من عروقي و اموت
و اكتب وصاتي يوم اموت يا الخليله
مات الجسد وروحه بعدها حايمه حولك
تحماك وين ما كنت بطيفٍ حزينه
نبض شوقها يكتب لك من العشق مليون روايه.

المهرة الجامحة ,غريب الديار ,دجى الليل و 2 آخرون معجبون بهذا

اول اطيافي ,صمت القمر