11-09-2015
|
|
|
كيف أغطي حشرجـة صوتي وأنام ..
يعتصرني حزن وضلوعي تنوح
وأكّثِر من الدمع في جنح الظلام
وأبتر الأحلام وسنـيني تروح
ليت جفني ماعرف نص الكلام
كيف أعيش النور وألواني جـروح
كيف أغطي حشرجة صوتي وأنام
كيف أبادلهم مشاريه ومزوح
وأفرد جناح الفرح والإبتسام
علموني والبكا طيره يلوح
لا بغيته إختـــــــــفى بين الغمام
وإتركوني أنسجه شـــعر وأبوح
وأغزله أبيات وأعشاش ولثام
وأكسرأقلام التغابي والوضوح
وأفهم أسباب التجافي والسلام
ليت صوتي أنتهى بأرض الطموح
وليت يومي يفتهم معنى الصيام
مادروا في داخلي هدّوا صروح
وكبّروني فوق عمري ألف عام
لــ صاحبتها
|
|
العرض الشجري