ديوان الامير : سعود بن عبدالله آل سعود

كل المشاعر

كل المشاعر في غيابك كسيره
وأنت بظلام العمر للعمر قنديل

عين تشوف وماتشوفك ضريره
عيد الغلا بعد العذاب المواصيل

جرحك حبيبي مايجي مثل غيره
احتاج جرحك حاجه الارض للسيل

للحب نشوه والليالي قصيره
يانور ليل الحب عذب التعاليل

الليل للعشاق دنيا كبيره
والصبر خطوه في دروب المقابيل

قل للهوى

قل للهوى ينسى وأنا أوعدك بانسا
وان مرت الذكرى بخونك وبذكرك


الغيب حظ وكف الأيام ملسا
صدّق حبيبك لا تخونك مشاعرك

غابت عيونك صاحبي وين نرسا
أنا وجرحي والشواطي تسامرك

محتاج لك

محتاج لك وينك عنك سألت الناس

محتاج لك وينك محتاج للإحساس

وش آخر أخبارك وانتي القمر جارك

ياللي بعيده حيل من بالنظر زارك

من خبّر العشاق عن هالعيون وليه

وان قلت لك مشتاق زادك غرور وتيه

مشتاق لك يكفي خل السهر يغفي

في عيونك الليله

يا مطول الليل


يامطول الليل الخواطر كثيره
أتعبني الهوجاس وأتعبني الليل

خليتني من بين يأس وحيره
طال انتظاري وأنت طولت بالحيل

كل المشاعر في غيابك كسيره
وأنت بظلام العمر للعمر قنديل

عين تشوف وماتشوفك ضريره
عيد الغلا بعد العذاب المواصيل

جرحك حبيبي مايجي مثل غيره
احتاج جرحك حاجه ألارض للسيل

للحب نشوه والليالي قصيره
يانور ليل الحب عذب التعاليل

الليل للعشاق دنيا كبيره
والصبر خطوه في دروب المقابيل

برق وسحابة


القصايد مثل برق وسحابه
تشربه عين وعيونك دخيله

والورق جاع والعشب الكتابه
والمعاني مثل روض وفصيله

والمنابت تراها ماتشابه
النفل والخزامى وش مثيله

صبح الاشراق ياسيف المهابه
يامسا الحب يالعين البخيله

عاشقك بالهوى مغرم صبابه
خافقه بين كفينه يشيله

هاجس مر ماجابه غدابه
وهاجس فيك ماكفاه ليله

فيه حكي بصدري مادرابه
وكل ماطاح حرف قمت اشيله

وبه بعينه حديث ماحكى
به اه لو بس يعطيني قليله

حرفي اللي احنه من عذابه
لين ناظر بعينيه الجميله

كل مامر نسناس وجابه
اطلق البال للهوجاس هيله

ابتدابه حديث ولانتهابه
بين صدري والانفاس العليله

كف الشموع


كف شالت شموع وكف شالت غلا
وانت بين الايادي نجمة ماتطيح

هو صحيح الحبايب بالوصال بخلا
اه مصعب سؤالي بالخفوق الجريح

انتظرتك حبيبي في عيون الولا
ياحبيب المكان وحاكمه بستريح

قبل احبك وهبتك شوق صدري
امتلا ولاطريت بخيالي هب بالصدر ريح

مرني في عيونك كل كلمة هلا
الظما في عيوني وانت وصلك شحيح

من يقول السوالف للعيون ابدلا
خاب ظن الكلام وطاب حظ المريح

ليت مانيب واله للمحاجر ولا
في خفوقي شعور لك يقوم ويطيح

انت تامر

أنت تامر

لو على عمري أطيعه

ما هو قادر

قلب من حبك يبيعه

لا تغريك السنين

يمتلي قلبي حنين

أنت في قلبي يا قلبي

وللعمر روح وعين

مر يا عمري في ليلة ذكرياتك

لا ينسيك الجفا حلو امنياتك

ما نساك الورد والليل العتيم

بس بعض العمر والأحلام فاتك

ضج ليل الحب من طلة جبينك

وكثر همس احساسي النايم بعينك

عطرك اللي ما تغيره الليالي

كنه الليله يسولف عن سنينك

وحشتني سواليفك :

وحشتني سواليفك

وحشة شوفتك أكثر
كل ليله مع طيفك

حبيب الروح أنا أتحسر
طاير من عيوني
النوم على ذا الحال أنا كل يوم

سمعني حبيبي
الصوت وسيرني على كيفك
كلامك فيه نشوة روح
يحرك فيني الوجدان

يعطيني أمل مفتوح
في لقياك مهما كان

ساعة يختفي صوتك
أعيش بعالم الحرمان

لا تقطع علي الصوت
أنا ما اقدر على الحرمان