@~آحاسيس عذبة ~@

ياشوق شوق الشوق شقيت صدري
قلي ياكل الشوق لوين رايح ؟؟
نام الغلا ياشوق ماعاد بدري
ماحدن بنص الليل ياشوق سايح
كم ليلة لعيون الأحباب تسري
وترد مكسور العواطف وصايح
ارجوك لاتقتل مع الحب قدري
لاصار حظك مع هل الحب طايح
تعال ماابغى عاذل القلب يدري
عود لصدري لاتسوي فضايح
بوحي

وين الطريق الي يودي لدربك
عطني لدربك ياهوى البال عنوان
ارسل عناوين المحبة لقلبك
افتح لزوار الغلا كل بيبان


انا ابيك وشاري القلب قربك
أمانتك لاتحرم القلب تحنان
وش فيه غير الي حلف لك بربك
ياخي تراني املك احساس انسان
بوحي

اكتب على ظرف المواصيل اسمي
لاترسل المكتوب من دون عنوان
الي لقيته بس مكتوب رسمي
عنوانه المكتوب شكر وعرفان
خايف يصير الظرف ماهوب قسمي
جايز يصير الي سعى فيه غلطان
لانه اذا ماجا على الظرف وسمي
يصبح رفيق اهمال في درج نسيان

بوحي

قلي وين القاك ياموعد غدا
لا تخليني على ذمة وعود
غايتي لقياك لويبعد مدى
اسمح ليوم اللقاء خله يجود
بوحي

عسى المسا هذا يجي في احساس
ويصير عنده مع هل العاطفه ذوق
لويتكرم بس في غفلة الناس
يجمع قلوب الحب في ليله الشوق

بوحي

المكان الي قصدته ما ابي به شخص ثاني
ما ابي غيري وغيرك داخل اجواء السكينة
ما ابي ناس وشوارع ما ابي صوت المباني
مابه الا بوح شاعر يحكي لبنت حزينة
ينثر ابيات الغرام وتحكي اسرار المحاني
لين ترتاح الصدور من الأحاسيس الدفينة

بوحي

مع السلامة من تغلا يخلى
والله يسهلك دروب السلامة
مازم يهضم لوتعال وتعلى
من رادنا مرفوع حب وكرامة

بوحي

تئن من الألم احلى الورود بكف قاطفها
وهي تترك منابع روحها وتغادر الجنة
ومن احزانها اهل الهوى تنثر عواطفها
تبث أنفاسها اغلى عطر ذوق بلا منة
وتلطف أجواء الغلا محد يلاطفها
وهي تضحك مظاهرها وداخل جوفها ونة

بوحي

قطع خفوق الي يحبك ويغليك
مزع شرايين الغلا والمحبة
خنجرغيابك شايفه بين اياديك
قتلتني بغياب من دون سبة

بوحي

يامساء الشـوق وانغام الـغرام ولحـظة استرخاء
مع ورود الـحب والـوان الغـروب لعين قاريها
يامساء يرتشف كأس العذوبة من نهرطعم اللقاء
مع لذيذ البوح من همس الشفايف والغلا فيها
ياغيـوم الــود هــلي وامطـرينا لين حـد الأرتـواء
بللـي ورد القلـوب الي تفتـح شــوق نـهديــها

بوحي