رواية جفاف وردة بيضاء في رُكن الذكريات /40

..( البــ الأربعـــون ـارت) ..
.
.
‏أسمعك .. أسمعك جيداً !
‏ما عليك إلا أن تخفض صوتك قليلاً
‏لئلّا يشكَّ الآخرون في اختلافنا .
‏
‏" قاسم حداد "
.
.
.
انزلق الكأس بغصة : لية الكلام ذا ي ام هزاع ؟! .
ام هزاع بغضب : ماودي اتكلم كثير ، يكفي كذبتس علينا بالطلاق .
ودخلت ببطء تحمل غضبها معها ، نظرت لوالدتها التي تحركت هي الاُخرى تاركتها بعينان مليئة دموع .
مها بعد ان تلقت الكأس قبل ان يقع ارضاً وقفت به مُتسائلة : وش بتستفيد نوف وهي كانت بتخرب بيت كامل .
ابرار بوجع يُمزق قلبها : وحنا يعني ماخربنا بيتها ؟! .
مها بملامح مُشمئزه من نوف : ماكانت زوجتة وقتها .
مسحت دموعها بقوة وتحركت بخطوات قوية لغرفة جدتها .
توسطت غرفة جدتها ورطبت شفاتها بعد شعورها بجفاف حلقها وبتردد : انا مابي اروح مع ..
قاطعتها الجدة بنبرة حادة ونظرها على سجادتها التي كانت تجلس عليها مُنتظرة اذان العشاء : اذ تبين رضا جدتس روحي .
وبهدوء سريع : ولا هيب انتي اول وحده ياخذ عليها الثانية .
حبست تنهيدتها وبغصة : وش قال لتس ؟! .
الجدة نظرت لها : خلي منا طولت الحكي روحي وراتس لرجلتس ، وانا جدتس لاتخربين بيتس بيدتس .
قبلة اعلى راسها وانحنت لظهر كفها : بس انا مابي .
قاطعتها ساحبة يدها وبتهكم ساخر : ماتبينة ي بنت بنتي ؟!. واردفت بعينان واثقة : عيونتس من شافته وهي تلمع .
ومسحت على فخذها بهمس : من اول مانب راضية ع الطلاق لكن عشانتس وعشان امتس سايرتكم ، لكن شوري انتس ترجعين لبيتس ورجلتس وتساعدين ابوتس في دينة بدل ماتهجين وانتي عارفة ماعند ابوتس ريال .
بملامح شحبت وافعال والدها تُحرجها اكثر لكن لا تستطيح البوح بها امامها : ان شاءالله .
وقفت بجسد كانه يُسحب لمجزرتة وبعينان مكسورة بحثت عن والدتها لتتشنج ملامحها على صوت مها : عمتي طلعت .
لفت طرحتها بقوة وبكفين ارتجفو : وين راحت .
رفعت كتفيها : مدري بس يمكن تشوف ماجد .
استدارت قبل ان تخرج على نبرتها الحزينة : ابرار لاتقطعين فيني زي عادتس لما تشوفين الحُب ، واطلبي ابوي يجيبيني عندتس ترى ودي اشوف الرياض زي العالم ترى مليت من جو الديرة .
وغمزت ببتسامة حتى تُغير من مزاجها : وزينيني بعيون اخوه ، ترى اذا اعنست بخلي ذنبي برقبتس .
عادت لها مُحتضنتها بقوة وبحرقة تُفتف صوتها : ليش واثقة اني برجع معة .
همست بضحكة قصيرة : اسالي قلبتس .
بتوتر من مشاعرها المكشوفه للجميع : ماعندتس سالفة .
مها دفعتها بغصه تحبس خلفها حُزنها : يلا روحي قبل يخليتس تراه اقشر .
خرجت ترفع عبائتها من بقايا الامطار تصلبت ساقيها وهي ترى الواقفة امام ماجد ومن ملامحة يتضح ان هُناك حرب طاحنة بينهما .
اقتربت على نطق والدتها : لو بيدي ماعرفتها .
وصل لها حديث ماجد : الحمدلله انه مب بيدك .
توقفت عن السير على عبور والدتها جوارها بدون صوت .
لحقتها ومسكت ذراعها بنبرة ضائقة : يمــة .
توقفت هاتفه بنبرة مخنوقة : نعم ؟ .
ابرار ونظرات الواقف خلفها تُحرقها : ماتبيني اروح ؟! .
لفت لها وحدقت في ذاك الواقف : لا روحي .
واكملت مُمسكه لها يدها وبهدوء : دامتس مو ضايعه عنده .
بملامح مُستغربة : يمة وش قال لتس ؟! .
تركتها مُخفيه دموعها .
بقت واقفه وعينيها على الباب الذي اختفت خلفة والدتها .
اشاحت نظرها عندما وصل صوتة الغاضب صاعداً السيارة : بتطولين واقفة ؟! .
بعد تردد تحركت وركبت جوارة بهدوء مُميت .
تشابكت اصابعها مُحتضنه بعضها ، انزلت راسها والعبرة تخنقها .
خيم الهدوء على جو السياره الا من صوت اطاراتها السريعة على الطريق المُعبد .
استرقت النظر لملامحة مُتاملة شحوبها وذقنة المُهمل ابعدت نظرها للامام بتوتر من صوتة الساخر : مضيعة شي في وجهي ؟! .
التزمت الصمت وهي تحاول ان تُخفف التوتر .
نطق من جديد لكن بسؤال صدمها : جوالك وش كان يسوي مع ذا ؟! .
بنبرة صادقة : مدري .
استدار لها براسة : كيف ماتدرين ؟! .
بربكة : والله مدري جدتي اخذته مني .
قاطعها : خلاص خلاص .
حدقت فيه بغضب : وليش يوم تسالني دامك بتسكتني ؟! .
اخرج سيجارتة ورمى غترته عليها : صدعتي راسي .
بقوّة تحركت ساحبة السيجارة من ثغره : صدعت راسك ؟! .
لف لها ب استفهام غاضب : وش سويتي ؟! .
تشجعت وبعدم اهتمام : انت تعرف انه يكتمني .
قاطعها بصوت عالٍ : وش سويتي ؟! .
انزلت نافذة السيارة بحركة سريعة ورمت السيجارة خارجاً .
اوقف السيارة بملامح مُتسائلة عن هذه الحركة .
بشجاعة اقوى وصمته يُرعبها : ليش تعاندني .
حرك يده ، اغمضت عيناها بسُرعه ، واشرعتهما ببُطء شديد مُستغرب من هدوءة وعدم ضربة لها .
نطق مُعدلاً جلستة وهو يُشعل سيجارة اُخرى : ي شينها .
نظرت بعدم فهم .
اقترب نافثاً الدُخان عليها : لما تسوين قوية وانتي من تحتها .
بغضب سحبت السيجارة والبكت واللقتهما خارجاً ليلقى مصيرها سابقتهم .
فتح الباب بقوة ولف حول السيارة فتح بابها وبغضب : ليه ؟ .
بلعت ريقها وهي للان تُمثل القوة : احسن .
وضع ذراعه على ظهر المقعد واقترب بشبه ابتسامة شامتة : قلت لك ي شينها .
نظرت للامام محاولة تخفيف ضربات قلبها .
سحب نقابها ليتحرك راسها تلقائي من فعلته .
اغمضت عيناها ب انفاس مُضطربة .
همس بحدة : تصدقين كنت مإجل كل شي لما نوصل ، لكن انتي بحركاتك ذي تجنين على نفسك .
نطقت بنبرة سريعه غاضبه : ليش وش بتسوي يعني ؟ ، بتضربني كالعادة مافيه شي جديد .
فتح ثغره بتصنع : اضربك ؟ .
حبست انفاسها صامته .
ابتسم وانفاسة الحارة تلفح خدها : دام انك دارية اني بضربك ليش تسحبينها ؟ .
لفت عليه ناطقة بقسوة : لانك ..
اللجم ثغرها بقُبلة سريعة ناطقاً بعد ان ابتعد قليلاً : تقولين مافيه جديد وبـ اضربك .
ارتفعت انفاسها بخجل .
ابتسم وهو ينزل ويلتقط بكت الدُخان قائلاً بسُخرية : وتقول طلقتني .
اغمضت عيناها بعدم فهم لمقصدة : هيه من سمح لك ؟ .
جلس في مكانه بعدم اهتمام وانزل البكت امامة وانطلق بالسيارة هاتفاً : ماراح احد يشوفك ماله داعي النقاب .
تركت النقاب في حجرها وكفيها للان ترتعش : طيب طف النور ذا .
رفع نظره لاضاءة السيارة العلوية وببتسامة : لا خليها عشان نشوف وجهك زين ، من زمان عنك .
همست بشي لا يصله ثم نطقت : مايكفيك وجه حبيبة القلب .
بسُخرية وهو يحمل هاتفة الذي ارتفع رنينة : قصدك اللي طلقتك ؟ .
تاففت بغضب مُتكتفه .
ضحك ب استخفاف لعقلها : صدق ناقصة عقل .
ثم نطق قبل ان يصل له الطرف الاخر : هلا .
بعد ثواني وصل له الصوت المُتعب : ماجد عندك احد ؟ .
اوقف السيارة بقوة حتى كادت ابرار تخرج من الزُجاجة الامامية .
مسكت صدرها بإلم من ارتطامة بما امامها .
بتلعثم : اااانــــس .
انس ب انفاس مُتعبة : ليكون عندك احد ؟ .
ماجد بعدم تصديق : لا ماعندي احد ، انت وينك ، انت بخير ، منهم ، انس رد .
انس ونظره للواقفة امام الباب : انا بخير .
واكمل بهمس : **** .
انزلت راسها مُبعده عينيها عن تإملة .
رفعته على صوتة المبحوح الخفيف : خلاص اعطيها وتاكدي انها تطلع .
هزت راسها وخرجت من الحمام لتقف في الممر وتُعطية المُنتظرة : شكراً لك .
المراة العابرة : ماسويت شي ي قلبي .
خرجت من الحمام تلك .
وعادت تدخل وبهمس : طلعت .
انس اغمض عيناه : طيب تاكدي مافيه احد برا .
وبسُخرية كارهه : مو ناقصني يقولون وش مطلع ذا من حمام الحريم .
لفت عليه من جديد وهو يمد عليها شي تعرفه : اللبسي ذي .
رفعت نظرها : وليش ؟ .
حرك يده : اللبسيها بس .
حركت راسها برفض : لا مُستحيل ، ماجربت اللبسها .
قاطعها : مو وقت عناد .
اريان دخلت وسكرت الباب خلفها وبهمس : السبب ؟ .
اقترب وبحده : شوفي لون عيونك عشان تعرفين السبب .
بعينان مصدومة : وش فيها لون عيوني ، اوك بنقول عدسات .
سحب يدها اليُمنى وفتحها وانزل العدسات بقوة ناطقاً بحدة : اللبسي ذي ، واسمك من الان بنغيره وحتى اسمي .
رطبت شفاهها بغضب .
مد يده من جوار خاصرتها فاتحاً الباب خلفها وحرك عيناه : اريام اسمعي الكلام .
قبضت على علبة العدسات : اريام ؟ صدق سويت شي لما فكرت تغير اسمي .
اقترب براسة : اريام وش قلنا ؟ .
خرجت بحنق .
اغلق الباب عليه هامساً : صدفة يارب .
مسح على جبينه بصراع داخلي .. اسمها ولون عيونها اي صدفة ي انس تكذب فيها على نفسك ؟ .
اتاه صوتها من الخارج : بتطول ؟ .
خرج لتقع عيناه في عينيها التي اصبحت باللون البُني من اثر العدسات .
رفعت حاجبها : ارتحت ؟ .
تخطاها ناطقاً : توقعت اللون هو اللي مميز عيونك ، اكتشف بكل حالاتها مُميزة .
ارتبكت من غزله الصريح .
.
.
__
بنُعاس استلقت على الاريكة .
هند بتافف : اسيل وين ماتروحين تنسدحين ماتشبعين نوم ؟! .
اسيل جلست : نايمه ع كبودكم انا ؟! .
ام علي وعيناها على الاخبار في التلفاز : وين اريان ماشوفها .
اسيل بغيض : اكيد نايمة ولا انا ناشبين لي .
هند وقفت : من صحيت ماشفتها .
ام علي بهدوء : قالت بتطلع مع تركي .
روان بتساؤل مُستغرب : وين بيروحون ؟! .
ضحكت اسيل بسُخرية : بترجع له الحُب .
هند بملامح مُنتقدة : ليتك ساكتة .
اسيل بغضب : انتي اللي ليتك ساكتة .
ام علي بنبرة غاضبه : والله ماتتغيرون لين اموت لازم هواش قدامي .
هند نظرت لوالدتها ثم لاسيل : ماكان قصدي .
اسيل رمت جسدها للخلف وبهدوء : اذا تبون ترتاحون مني خلوني انام .
ام علي لروان : دقي على تركي شوفي وينه .
رفعت هاتفها لينطق تركي بنُعاس : ماتخلون احد ينام .
روان ب استغراب : انت وينك ؟! .
اغمض عيناه : بالمجلس نايم يعني ويني ؟ .
روان بهمس : اريان وينها ؟! .
نطق قبل ان يُقفل بوجهها : وانا وش دراني وينها .
وقفت روان وبتوتر : متاكدين اريان مو بالبيت ؟! .
ام علي نظرت لها : قالت بتودي ريما للبقاله مع تركي .
هند حدقت بوالدتها بخوف : بس ريما نايمه داخل .
اسيل ومشهد شادن ومن يُلاحقها تعود لها : يمكن عند هاجر لاتخوفونا ع الفاضي .
هند ابتعدت تبحث عنها : من بيوديها لهاجر ؟ .
تقدمت رافعه هاتفها : جوالها هنا .
وقف الجميع بعد بحث .
فهد بغضب صارخ : اخر مرة شفتوها ؟ .
اسيل برجفة : قبل العصر .
روان : في الظهر شفتها .
هند وهي تُغطي ثغرها حابسة دموعها : نمت وهي كانت موجودة عندي .
قاطعها صارخاً : وانا وش استفيد من نومك وهي عندك ؟! .
مسح تركي وجهه وبتفكير : كلمتو هاجر ؟ .
هند هزت راسها .
وقف : طيب كلمتو راكان يمكن معه ، او مع ابوي .
ام علي : ابوك ماجاء .
رفع هاتفه من حجره : بكلم راكان .
فهد ضرب الجدار ب انفاس غاضبه : لها كم ساعة مختفيه ، وتوكم تفقدونها وين عايشين انتم ؟ .
ام علي بغضب : ترانا مثلك ماندري وينها .
ونظرت لروان : صحي ريما واساليها ، هي كانت جالسه معها في العصر .
تركي بخوف ونظره لهاتفه : مايرد راكان .
ريما بنُعاس وملامح الجميع تُخيفها : مدري .
صرخ فهد : تذكري تذكري .
بكت مُحتضنه والدتها .
تنهدت ام علي بضيق .
بعد صمت هتفت وعيناها على كفيها : رحنا للبقالة .
تجمدت نظرات الجميع عليها .
هند ب استفهام : انتي واريان ؟ .
هزت راسها .
اسيل بنبرة خائفه : طيب وين اريان ؟ .
انزلت نظرها وبهدوء طفولي : هي قالت ماقول .
اقترب فهد والغضب يُعمي عيناه : حنا من اليوم قالبين الدنيا ، وذي تدري وتقول هي قالت ماقالو .
مسكة تركي وبحدة : فهد تراها فالاخير طفلة .
ريما بعينان مليئة دموع : رجعنا وهي دخلتني وطلعت وقالت بترجع .
عم المكان الصمت حتى نطقت ام علي بخوف : دقوو ع راكان .
قفز تركي عائداً لهاتفة المرمي فوق المركى .
.
.
__
ضم اصابعه لبعض وهو يتاكد من ثبات القفاز في يديه غطى ثغره بالكمام وانحنى ينظر للمكان .
نطق من خلفة : هيلدا كانت هنا .
راكان وعيناه للان مكان نوم هيلدا : انس ماكان في الاستراحة ذي .
واكمل مُتحسساً الارض : الاستراحه فاضيه من قبل يختفي انس .
دخل سعود قاطعاً تاملة : كان فيه اسير ثاني غير هيلدا .
واكمل رافعاً الكيس المليئ بحبال : شكله راجح .
اقترب مُحدقاً داخل الكيس : ودوه للفحص عشان نتاكد .
مد سعود الكيس للواقف جواره وانزل الكمام من وجهه هاتفاً بتعب : لقيتو من مسجله ب اسمه الاستراحة ؟ .
راكان حرك راسه برفض وخرج بخطوات هاديه .
نزع القفاز على اهتزاز هاتفه الصامت في جيبه .
نظر لسعود وابتعد وهو يُجيب على رقم ماجد : الو .
ماجد بكلمات سريعة : انس بخير ، واختك معه ولا تخاف ، كلها وقت وراح يطلع ، لاتتعبون نفسكم وتدورونه .
واكمل قاطعاً حديث راكان : ولا تششكون احد ، انس بخطر واهلنا اكثر ، الجميع في بيت عمي ابو عايد شددو عليهم الحراسه .
واقفل الهاتف قبل ان ينطق راكان اي كلمة .
رفع نظره في سعود وبتلعثم : اخوك ماجد وينه ؟! .
سعود ب استغراب : في البيت .
رفع راكان الهاتف ناطقاً لسعود : حددو مكان خط ماجد ، وخط اخر مكالمات اجراءها .
سعود بعدم فهم : وش فيه ؟ .
راكان ببطء : يقول انس بخير .
ابتعد سعود راكضاً للخارج فاهماً مقصد راكان الان .
نطق وصوت الطرف الاخر يصل له : تركي .
مسح جبينه : كنت بتحقيق ولا قدرت ارد ، ليش كنت داق .
تركي بهدوء مُتسائلاً فهو لا يُريد اخافته : اريان معك .
راكان بغضب سريع : انا اللي مفروض اسالك ، اريان وينها وكيف طلعت ؟ .
تركي بخوف : وش فيها اريان .
ضغط على راسه ناطقاً وهو يُقفل الخط : اريان مع انس وهم بخير .
نظر في عين والدته وكرر ماقال راكان : اريان مع انس وهم بخير .
ام علي مسكت قلبها وضغطها ينخفض : ي ويلي وش وداها مع ذا .
فهد نظر لتركي بصدمة : وانس مو مختفي له لاسبوع ؟ .
.
.
__
نزلت خلفه وهي تسحب خطواتها بتوتر .
دلف الباب ودخل باحثاً بعيناه .
اقتربت الخادمه : اهلاً سيدي .
احمد بتساؤل : وين امي ؟ .
الخادمه ونظرها للواقفه خلفه : خرجوا منذُ وقت طويل لسيدة عائشة ( ام مساعد ) .
وتين تنهدت بخفوت .
نطقت الخادمه قبل ان تبتعد : السيد عبدالرحمن رفض وجبة العشاء ، هل اُقدم لك .. قاطعها برفض : لا انا مابي .
استدار براسه : وتين تبين ؟! .
حركت راسها برفض : لا مابي ، ابي انام بس .
ابتعدت الخادمه ليقترب ب استفهام : وليش ماتبين ؟! .
ومرر نظره على جسدها المُغطى بالعباءة : جسمك مو عاجبني ، وش ذا النحف ؟! .
عدلت نظارتها الطبية وعادت للخلف : جسمي ولا جسمك ؟! .
رفع حاجبه : كلنا واحد .
بتغيير للحديث : ابي انام .
امال راسة بسُخرية وتحرك جهة اريكة زرقاء ورمى جسده عليها بتعب : وانتي كيس نوم .
تحركت صاعده : بتحسدني ع نومي .
رفع نظره له : وينك رايحة ؟ .
وقفت : بروح انام .
حرك راسة برفض : تعالي اجلسي ، بننتظرهم لين يجون .
بعدم اهتمام صعدت .
دخلت غرفتة واغلقت الباب خلفها بهدوء .
تجولت بنظرها فيها ولوت شفتيها بتهكم .
نزعت عبائتها ونظارتها وعدلت من شعرها تاكدت من شكل بجامتها الصفراء .
جلست على السرير ساحبة نفس عميق .
فتحت عيناها على دخولة .
انزل جاكيته على ذراع الاريكة وجلس عليها ونظره لها .
اشتكبت نظارتهم لتبعد عيناها بتوتر .
بنبرة هاديه : بحاول انسى انك عصيتي كلامي ورحتي مع فيصل .
قاطعته واقفة : وانت عرفت ليش طلعت ؟ .
رفع نظره لها وبسُخرية : انتي اصلاً مقررة من اول .
رطبت شفتيها بلسانها وحلقها يجف : يعني عارف ان زوجة مساعد شافتنا .
نظر لها : مساعد قال لي .
أضاقت عينيها بملامح مُستغربة : وانا توقعت انها ماقالت لاحد .
احمد : ماقالت لاحد بس مساعد .
بخوف من مافكرت به : وهي وش قالت لمساعد ، اكيد قالت شي .
قاطعها : لا مساعد يدري .
وقفت وبغصة : مساعد يدري ؟ .
بسط يده وهو يحسب على اصابعها : مساعد ، امل ، ابو مساعد ، وخالتي عايشه ، امي ، واخوي عبدالرحمن من قريب .
قاطعته برجفه : عبير .
حرك راسه برفض : لا البنات مايدرون .
غطت ثغرها بيد مُرتجفة : ودام ذولا يدرون ليش ماقلتو لي .
فتح ازرة قميصة الاسود : سالفة طويلة .
صرخت : والسالفه الطويلة يدرون فيها كلهم ؟ .
وقف وخلع ثيابه العلوية وبهدوء وهو يتجه للحمام : البعض يدري .
تحركت وهي تقف امامه وتمد ذراعيها : لو مادريت بالزواج متى كنت بتقول لي ؟ .
نظر لملامحها وبصدق رفع كتفيه : مدري .
عادت للخلف وبعينان اتسعت والدموع تملئها : كيف ماتدري .
رفعت يدها : انا للحين مو قادره اتحمل انك كنت رافضني .
قاطعها : ماكنت رافضك .
مسكت حلقها بغصه حارقة : لا تكذب .
بضيق من شحوب ملامحها : وتقولين قول الحقيقه .
تحركت جهة الحمام وبصوت عالٍ باكي : خلاص لاتقول شي .
لم تشعر الا بجسده العاري يحتضنها من خلف وبهمس : والله عشانك مو عشاني .
بكت بقوة ، لفها عليه وهو يرفع راسها وببتسامة همس : ماتوقعت صوتك يوجع الا لما سمعتك فيه تبكين .
همست بنبرة خجلة : ب استفرغ .
تركها بضيق لتبتعد بسُرعة .
انتصب بوقفته بعد ان خرجت وبخوف : تعبانة ؟ .
هزت راسها برفض واتجهت بخطوات مُتعبة لسرير .
مسك ذراعها ولفها ب استفهام : تكذبين ؟ .
نظرت لعيناه بتوتر ثم ابعدتها هامسة : ابي انام .
تركها مُتنهداً بضيق .
غطت جسدها بالغطاء وانفاسها المُضطربه تُسمع .
اغمضت عيناها تصطنع النوم وهو يدخلها معها .
سحبها له وادخل انفه بشعرها هامساً : لو جيت قبل ٣ سنوات وخطبتك بشكل رسمي بتوافقين ؟ .
قبل عنقها قُبلة طويلة وصوتها الهامس يصل له : لا .
ارتجفت من صوت همسة : عارف .
اغمضت عيناها وقلبها يقول ( ماذا تعرف ) .

.
.
__
تجلس على هذه الاريكة منذُ وقت ونظرها له .
كان يجلس ارضاً مُمدداً رجلة اليُسرى وعاكفاً اليُمنى وظهره يتكي به على اريكة خلفة ومغمض عيناه بإلم .
اريان بهدوء : اساعدك ؟! .
فتح عيناه المُحمرة وبنبرة متوجعة رمى القطنه بعيداً : تسوين خير .
جلست جوار ذراعه العاري وبلعت ريقها بتإلم من هذا المنظر : اكيد الغرز تجرثمت .
التزم الصمت كاتماً انفاسة .
مررت اطراف اصابعها الطويلة على الحرق العميق : كيف متحمل الإلم .
ابتعد بذراعة : ارجعي مكانك .
سحبت رسغة : ليش ارجع .
انس بهدوء مُتعب : لانك بثرة ، ماتشتغلين وانتي ساكتة .
مسحت على عضده بالقطنة وبهدوء : ع لسانك ذا مايقولون كان بين الحياة والموت .
حدق فيها بقوة .
توترت من نظراته : ماودك تتكلم منهم ذولا ؟ .
عاد يلتزم الصمت .
حركت راسها ب اسى .. غموضة سايقتلها يوماً .
رفعت عيناها بصدمة من سؤالة : كنتي عايشه بدار ؟ ، ولا كيف اخذوك الصايل ؟ .
شحبت ملامحها وبحركة سريعة بدت بلف الشاش على عضده .
همت بالوقوف بعد ان تاكدت من ربطة .
مسك ذراعها وبتكرار لسؤال : كيف لقوك ؟! .
عقدت حاجبيها : ماراح يجرحني سؤالك .
رفع نظره لها وبهدوء : بس انا مابي اجرحك ، ابي اعرف ماضيك .
سحبت يدها وبسُخرية : وليش ماتعلمني ماضيك اول .
حرك عيناه في الصالون واعادها لها : هذا بيتنا لما كنت صغير .
رفعت نظرها في المكان وب استفهام : وليش تركتوه .
نظر لها طويلاً ثم هتف : سافرنا .
عادت تجلس على الاريكة وبسُخرية : لانكم سافرتوا ؟! .
تربع في جلسته وبهدوء : ايه .
حدقت بملامحه التي تنظر للبعيد : وين سافرتوا ؟! .
رفع حاجبه : ٣ اسئلة ، وين دوري ؟ .
رفعت كتفيها : انا ماعندي شي .
عاد براسه للخلف : اوك .
تاففت بخفوت : وش اوك ؟ .
غطى عيناه بذراعه السليمة : ماعندك شي ، وانا ماعندي شي .
بعد صمت مُفكر : خلاص اسال .
ابعد ذراعه وببطء : السؤال اللي سالتك .
نظرت ليديها وبنبرة هادية : ابوي ماكان يتكلم بالتفاصيل هذي .
واكملت بضيق : بس اللي فهمته انهم لقوني بمكان .
بملامح ساكنة همس : لقوك وين بالضبط ؟! .
سحبت نفساً عميق : الحين انت وش بتستفيد ؟ .
قطعت حديثها واقفة بخوف على صوت الطرق الهادي .
وقف مُشيراً لها بالصمت ثم ارتداء الجاكيت على قميصة الابيض العاري وحرك شفاهه بعجلة : اللبسي عبايتك ، اكيد ماجد بس لازم نتاكد .
هزت راسها وارتدت عبائتها واختفت في احدى الغرف البعيده .
فتح الثقب ونظر لمن خلف الباب .
تنفس ب ارتياح وعيناه تلتقط ملامح ماجد .
دخل ماجد حاملاً اكياس كثيرة وتركها مُحتضن انس : والله روحي ردت لي .
ابعده مُمثلاً الضيق : اترك سلام الحريم ، وقولي ليكون احد وراك .
ماجد امال راسة : وش رايك انت ؟! .
نطق قبل ان يُغلق انس : معي ابرار .
بغضب همس : وين عقلك انت جايب حرمة ؟ .
ماجد بنفس الهمس : وعقلك انت وينه يوم جايب زوجتك بعد .
واكمل قبل ان يخرج : ع الاقل احد يجلس مع زوجتك ولا تبيها تجلس معي ؟ .
مسكه مع عضدة : ليه مطول انت ؟! .
خرج : اجل اخليك لحالك هنا .
ترك الباب واتجه لداخل .
نظرت ابرار بقلق للمكان المُظلم الا من اضاءة خفيفه .
حرك عيناه في المكان ثم استقرت على الكشاف الصغير : ماشغلت الكهرب ؟ .
ابتعد بنبرة مبحوحة : لا لو شغلناه راح يبدا الكيبل يحسب واكيد وقتها بيدرون ان في البيت احد .
همس ماجد ببتسامة : داهيه ي ولد عمي .
ابرار اقتربت : بنطول هنا ؟ .
نظر لها : ليكون خايفه ؟ .
بلعت ريقها وبربكة : لا مو خايفه .
غمز وملامحه لا تتضح لها : عاد تلقين ابوك معهم .
واكمل ب استفراز : نقدمك لهم وقتها يفكونا .
عادت للخلف بصدمة : جايبيني معك عشان كذا ؟! .
حرك راسه برفض : لا .
زفرت انفاسها وتكتفت .
ابتسم على غضبها : لو اني جايب نوف تراها شُجاعه .
همست من بين اسنانها : تضحك .
في الداخل .
اريان استدارت له : ماجد ؟ .
هز راسه : ايه ومعه زوجته .
رفعت حاجبها : متفقين تجمعونا هنا ولا وش سالفتكم ؟ .
ابتسم بسُخرية : نوريكم حياتنا ولا ماتبون تشوفونها .
تمتمت بتهكم : عاد ميتين نشوفها .
وبتساؤل : وهذي زوجته الجديده .
اتكى على الجدار : لا .
ب استغراب : ابرار ؟ .
حدق فيها طويلاً وبهدوء : وش عرفك فيها ؟ .
بهدوء مُماثل : تقابلنا بالمستشفى ، وبزواجنا .
بضحكة قصيرة : وكيف طاوعها قلبها تحضر بزواجه .
بملامح مـُستغربة : وليش ماتحضر ؟ بالعكس قوية .
اقترب براسة ناطقاً ببطء : ولو تزوجت عليك بتسوين مثلها وتنحاشين بعد ليلتها لاهلك ؟ .
عدلت النقاب قليلاً وبدهشه : وهي انحاشت .
ابتعد مُحركاً راسة : ولد عمي مجنون فيها ولا لو انه رجال مالحقها .
لحقته هاتفة : بالحُب كلنا نصير مجانين .
استدار لها فجاة وحرك عيناه : بالحُب ؟ .
بتسلية ابتسمت : اية .
اقترب مُصطنع عدم الاهتمام : وتحبين ؟ .
رفعت نظرها لسقف وبهمس : وليش تفكيرك راح بعيد كذا ؟ .
وتجاوزتة ناطقة بحديث مُبطن : مو يعني تحب الشقراء الكل يحب .
ابعد خصلات شعره للخلف ولحقها ناطقاً لماجد : جبت كشافات ؟ .
تحرك ماجد للاكياس : ايه .
انزل نظرة للاكياس : وجبت اكل ؟ .
هز راسه : ايه ؟ .
وحرك عيناه ب استفهام ، ليفهم انس مقصدة وهو يُشير خلفه .
شهق ماجد بصدمة : من جدك ؟ .
سحب احدى الاكياس من يدة ونظر لاريان التي وقفت جوار ابرار : اريان شوفي هنا اكل وموية .
وتحرك مُبتعد .
لحقة ماجد وصوتهم يختفي بـ ابتعاد خطواتهم .
ابتسمت ابرار مُحتضنتها : ماتوقعت اشوفك مره ثانيه .
اريان ببتسامه : ولا انا .
همست ابرار : الحمدلله على سلامة انس توني دريت من ماجد .
ابتعدت اريان وبهدوء : الله يسلمك .
واكملت وهي تُمسك يدين ابرار : قال ماجد لاهلي عني .
هزت راسها : ايه .
وبتردد نطقت : شفت اخوك علي .
بخوف : وين ؟ .
ابتسمت ابرار : وش فيك خفتي .
واكملت وهي تميل لها براسها : يشتغل استاذ بالمدرسه اللي في ديرتنا .
ابتسمت : جد ؟ .
هزت راسها : ايه ، بالصدفه دريت .
وبللت شفتاها : انا مادريت عن موضوع انس الا قبل ساعات .
اريان بهمس : وانا توني دريت انك تركتي ماجد .
بعد صمت : ماعليك مشاكل زوجية وانتهت .
ضحكت اريان : من قلتي لي بليلة زواجي انس مو مثل ولد عمه وانا يدي ع قلبي .
ضحكت ابرار : يكفي ماتزوج الثانية .
اريان ببتسامة مُتعبة : هذا اذا كملنا اصلاً مع بعض .
تنهدت ابرار هامسة : شكل حظك مثلي .
لفت عليها بنصف وجهها : كيف تزوجتي ماجد ؟! .
رطبت شفتيها وتحركت تجلس بتوتر : مابي اضايقك .
سارت اريان للاكياس فاتحة احداها واخرجت قارورة ماء ارتشفت نصفها لتتجمد يديها مُستديرة لمصدر صوت الصارخ بعيداً .
ابرار برُعب : فيه احد غيركم هنا ؟ .
تحركت للكشاف وحملته برجفه : لا .
وسحبت ابرار : خلينا نروح بمكان امن .
بتوتر : وماجد ؟ .
اريان حركت راسها ساخره : ماتوقعتكم تحبون بعض صدق .
ابرار رطبت شفاها : وش قصدك .
اريان بهمس وهي تُغلق انارة الكشاف : بتفهمين بعدين قصدي .
هُناك في الداخل لف ذراعة هامساً : لا اسمع صوتك .
جابر زفر غضبه : كسرت يدي .
انس وهو يحرك اضاءة الكشاف على ملامحة : توقعتك تخاف من الظلام صدق .
رفع جابر عيناه له : معي الله الحمدلله .
مسك ذقنة بقوة وبعينان مشتعلة : اختصروا .
اعاد رفع نظره لانس : ولد عمك يعرف كل شي .
استدار براسة ماجد : وش يقول ذا ؟ .
اقترب بالكيس وانزلة بيدة السليمة امامة : عطة ياكل لا يموت مو ناقصنا .
جابر محاولاً كبح غضبة : ابي اصلي ، وابي الحمام بتجلس رابطني ؟ .
مسح على شعر ذقنه المُهمل وبتفكير طويل : وليه لما كنت محبوس عندكم ماخلتوني اصلي .
قاطعة جابر : انا قلت يخلونك تصلي .
صرخ : كذاب .
اسكتة ماجد مُغلقاً ثغرة بكفة : لا عاد اسمع صوتك .
اخرج انس السلاح من جيبة الخلفي : فكة .
ماجد بملامح مصدومة : ولية ؟ .
تنهد انس : مو ناقصني ذنب وتبيه يسويها على نفسه ؟ .
زفر ماجد غضبة وتحرك خلفة : احنا اثنين انتبه .
جابر ببتسامة خبيثة : انس قدر على حُراسي وهو واحد .
ضغط ماجد على يديه المربوطة : لاتحاول تستفزني .
انس بهدوء : لاتفك رجلينة .
جابر بملامح ضايقة : وكيف بروح للحمام ؟ .
انس وهو لايزال واقفاً عند الباب : اوديك انا .
جابر رفع حاجبة : ليكون بتدخل معي بعد .
لواء شفتيه : اذا تطلب الامر ندخل بعد .
رفعة ماجد بكُره : عيني عليك .
وقف بجسد يؤلمة : احتاج مساج .
ارتفع ضغط ماجد : ولا كلمة .
جابر ابتسم : انت وش فيك تعصب بسرعة ، خلك مثل ولد عمك .
صفر انس : والله عارفنا زين .
ببتسامة عريضة اظهرت اسنانة العلوية : قلت لك اربع سنوات ماكانت بسيطة .
ماجد وانفاسة ترتفع : وقسم بالله اذا ماعرفت اليوم السالفة اني لاذبحة .
ابعدة انس وغرز السلاح في قفا راسة : استلمة عنك .
واشار لماجد : روح تاكد من اقرب حمام ومايكون له نافذة وحط له موية .
خرج ماجد .
نطق جابر بعد صمت : ماتخاف ع نفسك .
همس : مافكر بنفسي كثير ، والموت دائماً طريقة واحد .
جابر بهدوء : لكن طريقة الموت مو وحدة .
دخل ماجد : الحمام الشرقي مُناسب .
تحركو به حتى ادخلوه الحمام واعطاه انس الكشاف : تحتاجة .
جابر اخذة ودخل مُغلقاً الباب .
ماجد بهمس : يرسم خطة الكلب .
انس بهدوء : ماراح يقدر يسوي شي .
ماجد بغضب : وش ذا البرود عندك .
نظر له انس : وليش تسمية برود ؟ .
بحدة : من اللي اشوفة ، الحين يطلع لنا بشي من الحمام .
قاطعة انس : ولو طلع البنات موجودين وبيساعدونا .
ماجد بتافف : وانت بتعتمد ع البنات ؟ .
انس مسح على صدرة والبرد يتغلغل داخلة : انا اعتمد ع زوجتي ، لكن انت مدري عنك .
طرق الباب ماجد مُسترقاً السمع ب اذنة : طولت ي شيخ .
جابر رفع صوتة : من اليوم مربوط ، خلني اخذ راحتي .
ماجد : والله مدري عنك .
اغلق انس ثغره محاولاً كتم ضحكتة لترتفع ضحكتة بقوة .
ماجد بنصف عين : وش يضحك ؟ .
انس بلل شفاته السُفلية : بتحسدني ع ضحكتي .
خرج جابر ماسحاً كفيه ببنطالة الجنز : الموية كانت قليلة بس .
قاطعة ماجد : اهم شي توضيت ؟ .
جابر نظر لانس : جاكيتي اعجبك ؟ ، ترى البرد دخلني ولا تبيني اجلس كذا .
انس بعدم اهتمام : لا ابيك كذا .
ابتسم ماجد .
رفع حاجبة انس .
حرك شفاهه ماجد : اخيراً .
اعادوه لمكانة وبدا يُصلي ببطء .
ماجد واقفاً فوقة : اللهُ اكبر والله لو صلاة التراويح .
انس وعيناه علية : ان شاءالله يدعي بزوال الشر .
سلم جابر ناطقاً : لا والله دعيت امثال ابوك تزول .
تحرك ماجد بملامح مصدومة وهو يرفعة من ياقة قميصة : ان شاءالله ماكان صوتك ، وهذا كان شيطانك .
ضغط على اسنانة : خنقتني .
تركة بقوة ليسير بخطوات سريعة ويربطة حاملاً الاكل وخرج بة .
اتجة انس لزاوية اليُمنى وثبت الكشاف وبهدوء : عشان الفوبيا .
وصل له صوت جابر الهادي : ليش انت طيب كذا ؟ .
تركة مُتجهاً ناحية الباب : حاول تشتري سلامتك بصمتك ، ترى ماجد مو مثلي صبور .
حرك راسة بضيق وعاد يتكي بظهر للخلف وذهنه يُفكر بما يفعل عمة .
انس ب استغراب من الظُلمة : وين البنات ؟ .
ماجد ب استخفاف : هذولا اللي تقول بيفزعون لنا .
انس بهدوء : لازم اشوف ابوي .
ماجد بتوتر نظر له وداخلة يتسائل .. هل يعلم ان والدة بالمشفى .
انس اكمل : حل اللغز كله عند ابوي .
قاطعه ماجد بهمس : وش لغزة .
انس ادخل يده في جيبة وبهدوء : ودي انام ، بكره افهمك كل شي .
اقترب ماجد : وتبي تنام وانا مو فاهم من ذولا وليه اخذوك وليش يهددونك .
انس ابتعد : بكرة بتفهم .
تافف ماجد وجلس على صوت نداء انس : اريامم .
ابرار بهمس سريع : اسمك اريام ؟ .
ابتسمت اريان مُبتعدة : يمكن احلى من اسمي الغريب ؟ .
صعدت خلفة وبهمس : كان فيه صوت صراخ ؟ ، فيه احد .
قاطعها : ايه معنا اسير هنا .
توقفت بقوة شاهقة : بكل برود تقول معنا اسير ؟ .
اكمل سيرة : مايقدر يسوي شي .
بنبرة خائفة : انت ليش اصلاً جايبني ؟ ليتك خليتني في بيت اهلي .
توقف : هذا وانا اقول زوجتي قوية .
نظرت لقفاة وبتوتر من كلمة زوجتي : انت تقولة ؟ .
ابتسم مُكملاً سيرة : خليني اوريك غرفتي لما كنت صغير .
اقتربت له اكثر : طيب لاتمشي بسُرعة والله بيتكم كانه البيوت اللي في افلام الرُعب .
خلل اصابعه في اصابع يدها وقبضها هامساً : تخافين وانتي معي ؟ .
ارتفعت حرارة جسدها وبتلعثم : ضارب راسك شي ؟ .
فتح الباب ودخل : لية ؟ .
سحبت يدها بهدوء وعيناها تتجول في الغرفة الصغيرة .
خرجت لتتبعة بخوف : وين رايح .
انس وهو يحاول تذكر مكان المفارش : فيه غرفة هنا موجود فيها بطانيات .
بضيق : وحنا بنام هنا ؟ .
استدار لها : اية بنام ؟ وين تبينا نروح ؟ .
وقعت عيناه على قارورة المياة معها ، سحبها ليرتشفها دفعة واحدة .
بنبرة ضائقة : لو قلتي لي جبت لك ماء معي .
فتح الخزانة الكبيرة : ولو ابي قدرت اخذ .
حركت راسها بعدم فهم .
رمى غطاء ثقيل وفراش : شيليها واعطيها زوجة ماجد .
همست : بنام معها .
لف راسة : كيف بتنامين معها ! .
حركت يديها : انت نام مع ولد عمك .
قاطعها حاملاً غطاء : روحي اعطيها وارجعي جيبي المفرش .
في الاسفل بهدوء وهي تجلس جانبة : مافهمت وين كان ؟ .
حرك راسه برفض وعيناه للامام .
بتوتر همست : ليش جايبني معك .
بصدق وعيناه لاتزال تنظر بعيداً : لاني لو رحت للبيت بيحلقوني ، وانا وقتها كنت متاكد وانا جايبك مافيه احد يلحقنا .
نظرت لنصف وجهه وبقلق : وش بيصير بكرة .
لف لها : الله وحده يدري .
قطعت الصمت بنبرة مخنوقة : انا ماكنت ادري ان ابوي .
قاطعها : ادري ماتدرين .
بغصة : بس انت قلت .
قاطعها من جديد : ليش ماقلتي لي ان ابوك هو اللي دخل عليك واخذ فلوس ؟ .
بهمس : لانه ابوي .
همس : ابوك مايحبك .
انزلت نظرها : اهم شي انا احبة .
بتردد : ابوك وينة الان ؟ .
حدقت فيه : مدري ، كان اخر مرة معك .
اضاق عيناه بملامح مُستفهمة : وانتي وش دراك انة كان معي ؟ .
ضمت اصابعها لبعضها : كان وقتها يدق علي وسمعت انه جاك .
عض على شفاته بقهر : انحاش والله من يديني .
بنبرة غاضبة : ماجد هذا ابوي .
رفع صوتة : واذا ابوك ؟ ، حرامي تفهمين وش معنى حرامي ، وفوقها مُخدرات .
وقفت مُهددة : كل شي ولا ابوي .
رفع حاجبة : ترى للحين ماسك نفسي .
ب استهزاء : ماسك نفسي .
وقف مُشيراً لها : وش تسمين هذا الان ؟ .
بعدم مُبالاة : اللي تسمية .
بغضب : لاتخليني الحين اذبحك هنا .
اشارت ناحية السلالم : وقتها اخلي ولد عمك يذبحك معي .
حرك راسة : لامابي ارمل المسكينة نوف .
اشتعلت ملامحها : الله ياخذك وياخذها .
اقترب بقوة ماسكاً معصمها : للمعلومية الزواج ذا ماراح اطلع منه فاضي .
تجمدت ملامحها هامسة : وش قصدك ؟ .
تركها بقوة على صوت اريان المتوتر : ابرار .
لفت راسها ناحية اريان الواقفة بمنتصف السلالم .
تحركت بجسد مُرتجف ناحيتها .
اريان ونظرها لماجد وصوت انفاسه الغاضبه : وش فية ذا .
ابرار حملت عنها الغطاء وبنبرة مُرتجفة : شكراً .
نظرت لها : ع ايش .
همست بنبرة مُرتجفة : بس .
مسكت يديها وبهمس : لاتبكين كنتِ قدامة بطلة .
واكملت : زوجك للمعلومية اكرهه .
وهمست قبل ان تبتعد : بكرة ننحاش ونقدم قضية خلع لهم الاثنين ، والله مايستاهلونا .
رفعت نظرها لابتعاد اريان بخطوات سريعة .
سحبت نفساً عميق حتى تُخرج هواء رئتيها المُتلوثة من الشد والسحب مع عقيم النقاش ذا ، رمتها امامة .
نطق ساحباً الغطاء : البنت ذي ماتعجبني .
نظرت له بسُخرية : ماشاءالله وهو انت يعجبك احد .
ابتعد لاحدى الغرف ناطقاً : مابي اقول من يعجبني عشان ماتتعب نفسيتك ، اعرفك تغارين علي .
حملت الفراش وتبعته بغيظ : ومن انت عشان اغار عليك ؟ .
حرك الكشاف في غرفة الجلوس : حبيبك .
تاففت : تراني ابرار ليكون مضيع فيني ؟ .
اقترب للاريكة العريضة ورفع القماش الابيض عنها : اوك ي ابرار .
تنفست بخوف خالعة النقاب وعيناها على الغُبار : انا مُستحيل انام هنا وبالظلام ذا .
نظر لها وبسُخرية : تراك عايشة بقرية مسوية فيها اني اخاف .
حدقت فيه بحقد .
ابتسم وهو يقترب ساحباً الفراش منها ، انزلة ارضاً ورمى جسدة عليه .
بضيق : ماجد بتنام ؟ .
غطاء جسدة : ايه بنام .
بضيق اكثر : وانا ؟ .
رفع نظرة لها : وش فيك انتي .
زفرت انفاسها : كيف انام ؟ ، انا مُستحيل انام كذا ، وفوقها مافيه مخدة والفراش صغير .
مد ذراعة : ويدي ليش مخلوقة ؟ ، لامثالك تعالي ، اما الفراش صغير ف احسن شي .
ابعدت عيناها عنه وبقت واقفة .
نطق بعد وقت بنُعاس : يدي ترى تنملت .
انزلت عبائتها بتذمر هامس .
وصل صوتة : لو تنزلين ملابسك بعد .
عادت ترتدي عبائتها وبغضب : ماجد .
ضحك وهو يجلس : تعالي تعالي .
عادت للخلف : لا ماراح اجي .
ابتسم : والله ماراح اسوي اللي براسك .
بتوتر بللت شفاتها : وايش اللي براسي .
غمز بخبث : انتي اعرف .
انزلت عبائتها من جديد وتركتها على ذراع الاريكة القديمة وبتوتر : مدري كيف مرتاح وتضحك .
ابتسم : يكفي انك معي .
بتافف : والله ي ماجد طقطقتك مب وقتها .
غمز من جديد : وش اللي وقتة .
جلست بهدوء على الطرف : تلاحظ انك تعصب وترضى بسرعة ؟ .
استلقى من جديد مُبتسم : عاش مصرف .
ابتسمت ابتسامة صغيرة لتختفي قائلة : والله الفراش صغير .
سحبها بقوة له هامساً : وين صغير ؟ .
اغلقت عيناها وبهمس : والله صغير .
شدها له اكثر وبهمس : والحين .
برجفة : فكني .
طوق بطنها اكثر وبهدوء : اشش بنام .
همست بعد وقت : ماراح انحاش .
خفف من قبضتة .
تحركت مُستلقية على ظهرها ونظرها عالياً .
فعل مثلها ناظراً لسقف : ماراح تنامين ؟ .
تنهدت : قلت لك ماقدر .
حرك راسها له مُتاملاً تفاصيل وجهها بالظلام الخفيف .
سحبت الغطاء مُغطية وجهها .
ابتسم هامساً : ‏
سمراءُ ما هبَّ النّسيمُ مشرّقاً
إلّا وجدتُ بها النسيمُ تعطّرا‏
سمراءُ غنّاها الجمالُ ترنّماً
‏خلقَ الجمالُ على الجميلةِ أسمرا .
ارتفعت حرارتها بقوة واضطربت انفاسها ، اعطته ظهرها وداخلها يخفق بقوة .
بعد دقائق رفعت الغطاء ب استغراب من هدوء انفاسه ونومة سريعاً .
جلست وعيناها على ملامحة تنهدت هامسة : واذا قال بيتين بتصدقين ي غبية .
عضت على شفاتها السُفلية واستلقت على جانبها الايمن وبدت تتإملة حتى خطف الظلام عيناها .
.
.
__
وقفت بضيق : يُمة تكفين .
ام احمد : لُجين وش بيقول احمد ؟ .
مسك خصرها بكفيها وبضيق : ترى انا تملكت ع ناصر قبل يومين ليكون نسيتوا ؟ .
عبير رفعت حاجبها : وش قصدك ؟ .
ادخلت خصلت شعرها خلف اذنها وبنبرة مُرتبكة : وقصدي واضح .
ام احمد لفت طرحتها وب امر : اجل دقي ع ناصر واستاذني منه .
شهقت ضاربة صدرها : يمـــه .
ام احمد بغضب : وحيدن صمة ، ي كلمي ناصر ولا احمد جلسة هنا بدون اذنهم ماهيب عندي .
عبير بملامح خبيثة : عاد احمد بيرفض .
رفعت نظرها على اثير القادمة : خالة طلبتك .
لُجين بتوتر : اثير تكلمين احمد ؟ .
حركت راسها برفض : مُستحيل بيرفض .
اقتربت لخالتها : تكفين ي ام احمد .
ام احمد لبست برقعها ( البرقع : هو قماش اسود يُغطي كافة الرأس ما عدا العينان .. لكن تختلف ايضاً اشكال وألوان البراقع من مكان لاخر في الخليج .) : قلت لها تكلم ناصر .
حركت عيناها ببتسامة خبيثة : لُجين كلمي ناصر .
بتوتر : هو بيرفض بعد .
لُجين تنهدت : خلاص بروح .
ام احمد بهدوء : زين سويتي حتى وراك جامعة بكرة ليكون ناسية ؟ .
اثير سحبت هاتفها : اغراض الجامعه محلولة وتروح معنا من هنا ، بدق ع ناصر .
لُجين اقتربت برُعب : ماعندي رقمة .
اثير رفعته للاعلى : والله ان رقمة عندك ومن زمان بعد .
نظرت لوالدتها بسرعة ، وانزلتها بخجل من عيناها المُبتسمة .
مسحت على جبينها شاتمة اثير في داخلها .
ادخلت اثير الهاتف في اذنها هامسة : رد رد .
اتسعت عيناها بخوف وصوتة الهادي الثقيل يصل لها : الـو .
كحت بقوة رامية الهاتف ناحية والدتها .
اللتقطت والدتها الهاتف بعدم رضا : الو .
ابتسم ناصر مُتعرفاً على صوتة خالتة : ارحبي مليون ي ام احمد .
ام احمد وعيناها على الواقفة بعيداً وتمسك صدرها بملامح مُحمرة : وش اخبارك ، واخبار امك ؟ .
ناصر جلس وهو من كان سينام : الحمدلله كلنا بصحة وعافية ، انتي وش اخبارك ؟ .
ام احمد مُختصرة الحديث : تعرف الرقم ذا من هو له ؟ .
ابعد الهاتف ونظر لرقم ثم اعاده لاذنه هاتفاً بصدق : لا .
ام احمد ببتسامة اخفاها برقعها همست : دق بعد شوي وخزنة .
اقفلت الهاتف بوجهه ومدتة للُجين : وافق .
اثير ب استغراب : بس انتي ماقلتي لي ؟ ، وكيف وافق ؟ .
خرجت بهدوء : ولدي واعرفة .
لحقتها عبير ببتسامة .
اقتربت اثير صارخة : واخيراً بتنامين عندنا .
ابتعدت راكضة : لاتحاولين تضميني وتحتكين بعد حركتك الوصخة قبل شوي .
ضحكت اثير بقوة وهي تتجة للمجلس : مفروض تشكريني ، بس بنت خالتي واعرفك جاحدة للجميل .
لحقتها لُجين : كان ودي اتغزل بس مايمدي ولك شبية .
رفعت اسير راسها من الطفل الصغير في حجرها : وش في شبيتها بعد ؟ .
جلست تنظر لطفل امل : ياخي كيوت ودي اكلة .
امل بغضب مازح : ومالقيتي الا ولدي تبين تاكلينة ؟ .
لُجين ببتسامة مُعجبة : من زمان عن الاطفال .
اثير جلست جوارها لتُصبح لُجين وسطهم : بس لو انها بنت .
امل بضيق : لاتزيدين علي .
لُجين مالت لتُقبل وجنته الصغيرة : الحمدلله انه بخير ، غيرك محروم .
امل نظرت لطفلها : الحمدلله .
رفعت لُجين هاتفها لتنتفض واقفة على اسم ناصر .
امل بخوف من شحوب ملامح : لُجين وش فيك .
لُجين برجفة : ناصر يدق .
صفرت اسير غامزة : من متى ومن ورانا ؟ .
اثير وكزت كتفها هامسة بسُرعة : لا ابشرك مافاتك شي .
امل ببتسامة : ردي ع ولد خالتي لا تتعب نفسيته .
زفرت نفساً عميق وخرجت تسحب خطواتها .
اثير مسكت قلبها وبخفوت : يمة قلبي يدق احس انه يكلمني .
رفعت اسير يديها : يارب نشوف قلبك يدق صدق .
اخرجت لسانها بقرف : يع .
وهمست : تبيني اصير مثلك مايدري وين داري .
بملامح ضائقة : اثير .
قبلت خدها وبهمس : احبك شبيهتي .
فتحت الخط على حديثة : وش فيك ي خالة عسى ماشر .
عضت طرف اصبعها ب استغراب متوتر .
نطق من جديد : خالة .
ضغطت بقوة على اسنانها : ودامك تبي خالتك ليش داق ع رقمي ؟ .
ببتسامة صغيرة اغمض عيناه : لُجين ؟ .
التزمت الصمت وضغطها يرتفع بدون سبب .
وقف بتوتر : لُجين معي ؟ .
جلست على الاريكة وانحنت : دام الخط مفتوح اكيد معك .
بهدوء بطيء : ليش الحلو معصب ؟ .
بحديث يُبعد توترها : ليش داق ؟ .
مسح على جبينه وببتسامة : خالتي هي .
قاطعته : خلاص امي دقت عليك واستاذنت منك عشان اجلس عند خالتي عايشة ، وانت الله يجزاك خير على الموافقة .
قاطعها فاهماً اتصال خالته الان ، وبهمس : بس انا ماوافقت .
اضطربت انفاسها : كيف ماوافقت ؟ .
ابتسم بخبث : والله ماوافقت ، ولا راح اوفق .
بغضب : وليش ماتوافق ؟ .
ناصر بهدوء : زوجتي .
قاطعته واقفة : لا مو زوجتك .
نطق ببطء : الا زوجتي ، ويلا جايك ارجعك للبيت .
ابعدت الهاتف شاتمتة بحقد ، واعادته بنبرة رجاء : وليش ترجعني ؟ .
تنهد وهو من يضعف امام عيناها فكيف بصوتها ترجوه : لاني ماوافقت .
بتفكير سريع : بس انت قلت لامي .
قاطعها : والانسان يقدر يغير راية ، وبعدين البيت فيه مساعد .
قاطعته بغضب : مساعد متزوج ، وبعدين هو ولد خالتك قبل يكون صديقك .
ابتسم وبهمس : اوافق بس بشرط ؟ .
بهدوء : ع حسب الشرط .
جلس على سريرة وببطء : تطلعين معي يوم .
قاطعته بهمس : لا والله .
بعدم اهتمام تحرك : يلا جايك تجهزي .
صرخت : خلاص خلاص موافقة .
ضحك بصخب وهتف قبل ان يُقفل : تمسين على خير زوجتي العزيزة .
رمت الهاتف بقوة على الاريكة وسحبت شعرها صارخة واقدامها تضرب الارض : بيذبحني .
خرجت اسير وخلفها اثير : كيف كانت مُكالمة العاشقين ؟ .
لوت شفتيها والدموع تملى عينيها : اكرهه .
اثير اتكت على اسير وحركت حاجبيها : احلف انه خذ حقه عشانك رفضتي تشوفينه بيوم الملكة .
.
.
__
اخرجت العدسات من عينيها وادخلتها في عبوتها المُخصصة تحركت ببطء واستلقت في الجهة الفارغة .
كتمت اريان انفاسها المتوترة من قربة بعد دقائق طويلة وقفت وخرجت بخطوات بطيئة ساحبة الكشاف معها .
نزلت وبحثت في الاكياس اخذت ضالتها وهي قارورة الماء وحدقت بجوع في الكيس الاخر .
اقتربت منه وفتحتة بللت شفتيها هامسة : والله ميتة جوع في وقتك .
رفعت الكيس لتتجمد بخوف من صوت الانفاس خلفها ..
.
.
__
.. ( نهاية البارت الأربعون ) ..

راقني انتقائك الماسي
تسلم يمينك
ودام عطائك العذب
پآقة ورد

سلمت يمناك
طرح جميل جدا

طرح رائع
يعطيك العافية

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

طرررحك رووووعه للموضوووع
والله انك ذوووق

يعطيك العاااافيه

الله يعطيك العافية

- أنتقآؤكْ رَبيعٌ فاتِنْ ..
أروتني معرفتٌك حد الإكتفاء
لقلبك بياض لا ينتهي

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك