رواية/ وعندما رأت عيناي عيناك أدركتُ حينها أنك ستشقيني/ البارت السادس

بِسم اللّٰه الرحمن الرحيِم لا حول ولا قوة لِي إلا باللّٰه العليٌّ العظِيـم . . ^^ الجزء الســادس ^^ .. وماذا تبقىٰ على مقلتينـاآ شُحوب الليـالي وضوءٌ هزيِل ،! .. دخلت البيت وهي مبسوطه من اول اختبار لهم وكان سهل، دارت بعيونها مافي احد كالعاده ..توجهت للمطبخ شافت الشغاله .. ملاك بإبتسامه: سلام عليكم سينتا سيتنا ردت لها الابتسامه: وعليكم السلام انسه ملاك ملاك وهي تمثل الزعل: وين رحتي وخالتني لوحدي بشغل البيت هذا اللي ما يخلص؟! سينتا بزعل: والله انا اسف انسه ملاك بس انا يخاف من ماما حصه يضربني ملاك ابتسمت لها: ما عليه تراني امزح وياك، والحين هي وينها سيتنا كشرت: يقول يروح الغرفه بابا فارس يبه بموضوع ٭بهمس٭ انا سمعته يقول ملاك وما ادري ملاك برفعه حاجب وتحذير : سينتا ترا لما تسمعين حديث غيرك بدون ماهو يعرف حرام وراح يعاقبك عليه رب العالمين سينتا بخوف: استغفرالله ياربي، بس انا ما يرضى هذا حصه يتكلم فيك ملاك بنعومه غمضت عيونها ورجعت فتحتها: ما تكثرين لها وانا ما يهمني كلامها ولا يفيدني وعلى قول المثل "كلب ينبح وجمل يمشي " سينتا بإبتسامه: انت كلامك كثير يوزن بلد ملاك ما مثل هصه دايم لب لب لب عالفاضي ملاك ضحكت على طيبه هالمسكينه وراحت تصعد الدرج تبغى تروح غرفتها كان باب غرفه فارس مفتوحه وسمعت حديثهم فارس وهو يناقش حصه بإهتمام: بس يا حصه انا اشوف الرجال مناسب لها واكيد بنتي ما راح تلقى احد مثله حصه بدانائه: لااا ياا فارس اسمع مني اهل بندر وانا اعرفهم، ٭بهمس٭ ترا ملاك يحليلها ما تقدر على هالناس اعوذ بالله منهم فارس وهو يشتت كلامهاا: لالا لا ما ظنتي بندر راجل وماشاءالله عليه وراعي دين ويخاف وربنه وبعدين الرجال مقتدر ويقدر يسكنها بعيده عن هله حصه وهي تقيف وراه وهو عاطيها ظهره: هله وانا اعرفهم اكثر منك وعاد امه استغفرالله منها متحكمه حتى براجلها يعني مستحيل تخلي ضناها يبعد عنها ..انا قلت لك اللي عندي فارس بحيره: بس ياا حصـ... حصه قاطعته وهي تحط يدها علي كتفه: عاد هذا كلامي وانت ثمنه وبالاخر ملاك بنتك وانت ما ترضى فيها الشين وبعد هالعمر ترميها عند ناس ما تخاف ربها وملاك يا قلبي عليها مسكينه ٭وهي تقرب له اكثر ٭ انت اقلبها براسك وقرر وحتشوف ان معي حق فارس: ما ادري والله وش اقول بس كلامك حيرني ولخبط موازيني اللي اعرفه انه رجال كفو ويتأمن عليه وانا خايف لا اقطع نصيب البنت حصه: بنتك وراح تلقى نصيبها وكل احد ربي كاتب قسمته فهالحياه، وبعدين ترا ملاك مثل بنتي وما ارضي لها وبقولها لك من الحين اني مو موافقه .. تنهدت: استغفرالله العظيم، الحمدلله اللي تزكرتي ربنا.. صج والله ان كيدهن عظيم،، تركتهم في حديثهم وكلام حصه اللي ياكل عقل فارس وراحت غرفتها بدلت ثايباها ..حملت قطتها بحضنها ونامت وهي تتخبطهاا ملامح الملثم اللي مو راضي يبعد عنهاا.. ابتسمت بخبث وهي تنتصر على فكر فارس بنية حبها لملاك، بس حصه كانت نوايها غير عن اللي تحكي عنها .. صج مثل ما قال فارس انهم عيله معروفه وغنيه وكفو وكل كلام حصه كذب بكذب .. بس الغيره والحسد والحقد اللي ذبحهاا من عرفت انهم بياخذون ملاك وانها بتترك هالعيشه وتعيش بالعز والنعم وترتاح، انعمت ..مع انها ما تبيها، وصارت تفكر في مصيبه تقنع فيها فارس، وحصلت علي تبغاه بكيدها ووسوستها .. ، ابتسم راكان من موافقه سلطان له خطته اتجاه فارس.. ضياء بسخريه من حديثهم وان اللي يبغوه ما راح يحصلون عليه: وانتو مفكرنها بكل بساطه بتحصلون على بنته راكان بعدم استعاب: شلوون يعني وش فيها البنت؟! ضياء بضحكه علي تفكيرهم الفاشل بسخريه اكثر: السيد فارس لو كان بيوافق عاللي يتقدمون لها اليوم كان صار جِد لوحده بكبر اختي الصغيره سلطان برفعه حاجبيه المعتاده: يعني افهم من كلامك ان ابوها رافض يزوجها ضياء: الله ينور عليك راكان كان يناظر فيهم بحيره يعني الخطه بعد لا رسموها باءت بالفشل ..؟! سلطان بخبث: بس انا اعرف شلون اقنعه واتزوجها بالطيب ٭وهو يميل براسه ٭ ولا غصبن عليه ضياء برفعه حاجب: شلوون تبي تهدده؟! سلطان وهو يحرك راسه بالنفي: ما انا اللي اضغط من اليد اللي تعور بس بنته بجيبها ابتسم راكان وناظر في ضياء اللي مقهور منهم ضياء وهو يتمالك اعصابه بعد هذا الرائد سلطان ونفسه ما تسمح له يعصب عليه: بس تذكر ان البنت بتكون محرمه عليك لانك تزوجتها بإسم طلال وطلال هذا ماله وجود راكان تنهد وهو يغمض عيونه قاطعه سلطان وهو يلف عنهم ويروح يجلس على كرسيه: ومن قال لك انا بأتزوجها بإسم طلال، شي يناقض الدين والشرع ما با اخالفه راكان بتعقيده: شلووون يعني ..انت شنو جالس تخربط فيه مجنوون انت، ما واعين عاللي تقولونه سلطان رفع كفه بحده وهو يغمض عيونه: راكان ثمن كلامك واعرف نفسك مع مين جالس تحكي راكان رفع حاجبه بصدمه: اجل يا طويل العمر بيع سلامتك لاحد ما يسوي، ناظر فيه بقوه وترك له المكتب وطلع سلطان عصب وحذف علبه زجاجيه من عالطاوله تنهد وهو يحط كفوفه على وجه: استغفرالله العظيم .. ضياء وهو يناظر الزجاج المتناثر في ارض المكتب راح جلس عالكرسي قباله بهدوء حتي لا يثير عصبيته اكثر: انا فاهمك عليك انت بشنو تفكر، بس انت لازم بالاول تحسبها صح قام يبي يطلع .. سلطان ناظر له بتعقيده وهو يرجع راسه عالكرسي: اتمني تفهمه معك ابتسم وهو عاطيه ظهره وطلع من المكتب متوجه لمكتب راكان اللي كان ثاير وقالب المكتب رأساً على عقب، ناظر فيه بإستغراب كان واقف عند الشباك ويناظر السقف وهو مدخل كفه الايمن في شعره اللي يميل اطرافه للون البني ويغطي رقبته من الخلف واليسار علي خصره .. لف نظره يوم سمع تسكير الباب تنهد وراح جلس على كرسيه: عاجبك اللي قاعد يفكر فيه هالسلطان ضحك ضياء بخفوت: تراك مو فاهم عليه راكان وهو يحط يده علي الطاوله يقرب من ضياء: وش اللي ماني فاهمه الرجال بيبع عمره بيوم وليله، يبي يروح لفارس بشخصيته نعنبو الساعه اللي قلت فيها تزوج بنته ضياء جلس وبهدوء: لا هي خطه زينه واأكد لك بكذا بيكسب فارس بس من دون لا يكون شي مخالف بهالعمليه راكان وهو يستوعب حط يده اسفل ذقنه ويحركه يمين ويسار، ببرود : بس هاذي يبيلها حبكه زينه، طيب كيف راح يخطيها ضياء اطلق ضحكه قويه وهو يناظر في عيونه الجامده: تعرف وش اكثر شي يعجبني فيك راكان ابتسم له: وشهو؟! ضياء: عصبيتك اللي تقهر وبرودك اللي يقتل راكان بإبتسامه جانبيه لصديقه: يااا شيخ ،!!!! ضياء قرب منه بهدوء وهو عاقد حواجبه: اسمعني يا راكان بقولك شي واتمنى انك تتقبلها بصدر رحب من اخ او صديق قبل لا يكون زميلك بالشغل،ان كل خطه حنا نخطيها بحياتنا شو ما كانت، بنشوفها كيف بنظر تعاليمنا واخلاقنا وقبل كل شي بنشوفها من الناحيه الدينيه اللي من واجبنا نحرسها وما نترك شي ولو شو ما كان يجرفنا بعيد عنه راكان فهم عليه حط يده فوق كفه وهو يبتسم براحه: فهمت عليك والله كلامك درر ومن راسي من فوق الله يبارك في اللي رباك ضياء رد عليه بإبتسامه مجروحه، كل كلمه وكل مكان وزمان يذكره ابوه يذكره والده اللي تعب فيه ورباه،، صج حال يحير، اب يربي ابنه عالصح وهو يمشي بالغلط؟! راكان رجع ظهره على الكرسي وهو يشرح له تنهد بعمق:والله ما كان قصدي، انا بس كنت ادور على حل يوصلنا للي نبغاه ضياء: بس مو بشي يطعن دينناا راكان بإبتسامه: معك حق، بس كلامه جلطني يوم قال با اتزوجها بإسم سلطان كان ودي اكفخه بهاللحظه بس انت تعرفني اطلق ضحكه هادئه وهو يستند عالباب: هاا كان ودك تكفخني ثنينهم ناظرو خلفهم، كان سلطان واقف عند الباب .. راكان بإبتسامه وهو يتناسى اللي صار بينهم : تفضل سلطان، وانا اعتزر عن اللي بدر مني بس قاطعه وهو يجلس: ادري عنك يا راكان لا انفجرت ما تنمسك وعشان كذا جيتك بمكتبك ابتسم له بروقان: حياك والله نور المكتب رد له الابتسامه:انا يوم قلت لكم با اتزوجها بإسم سلطان، عشان تكون حليلتي وهي بـ بيتي زوجة سلطان بالشرع حتى لو ما كنت ابغاها،وفارس انا اقدر عليه وبسوي الصح دون لا يحس فيني حط يده على كتفه وهو يضغطه: ربي يكون معك ويوفقنا لما يحب ويرضى، كفو عليك من يومك راعي حق ودين سلطان بهمس: امييين،، ولولاك ما كانت جاتني هالفكره رجال ينشد فيك الظهر والله .. ضياء كان جالس بهدوء وكانه مو موجود بيناتهم، يناظر فيهم ويبتسم .. لاحظ له سلطان ورفع حاجبه لراكان بمعنى وش فيه سرحان راكان بابتسامه واسعه: ضيااء ترا هذا سلطان مهب سلطانه سلطان اطلق ضحكه قويه على مزرحته ضياء تلعثم بإحراج: سلطانه بعينك راكان وهو يضحك: صج بشنو كنت تفكر لك اقتراح ارجح ولا شلوون؟! ضياء بإبتسامه: ابد عاد انتو كيفيتو و اوفيتو ٭بهمس ٭ كنت اتزكرنا ايامنا جميع يوم كنا صغار راكان بإبتسامه: اي والله ايام لها ايقاع سلطان تحول نظرته للجمود وقف: اجل انا استأذن وراي شغل لين راسي .. فهم عليه راكان: اذنك معك بعد ما طلع من المكتب تنهد ضياء بصوت عالي وهو يشتت نظره راكان بهدوء: تحمله شوي يا ضياء عاد سلطان وانت تعرقه من يوم صغير وهالقضيه الظاهر خلاه يفقد الكثير ... قاطعه ضياء: ما تهتم يا راكان الايام بيننا ولوحده بيعرف، مدام جمعتنا الايام مره ثانيه بس بظروف مختلفه اكيد بتصفي هالخلافات مجرد ما تنتهي هالقضيه راكان: والله ما ادري وش اقولك يا ضياء كل مره اتفاجئ فيك اكثر ربي يكملك بدينك وبعقلك ضياء بهمس: اجمعين ان شاءالله .. وخلاه وطلع دقايق وجرفته الافكار بخياله، او بالاحرى بالبنت اللي سرقت تفكره، وش السر اللي وراها؟! والله ان في شي شدني لها؟! بس من هي ووين بألقها والرياض وسيعه وييين يااربي .. ناظر في الجدار بقوه وهو يكلم نفسه: بس ما راح استسلم راح القاها وين ما كانت والله ان عيونها للحين قدامي وبأطلعها من بين مليون وحده منقبه... ، مرت أيام الامتحانات بسهلها وصعبها وجاء اليوم الاخيـر بالسنه الثانيه .. ليلي وهي ترمي مرجعها فوق الطاوله: يااااه اخيراا خلصنا ٭وهي تتكلم بحالميه ٭ أبا انام وارتاح وتين تقاطعها وهي تميل بمفها : بسك ياخي قرفتينا الاجازه قبل لا نذوق طعمها ليلي بسماجه: ومن قالك انها حلوه عشان تذوقيها يختي هاذي ايام بتعيشينها وتين وهي ترجع على كرسيها: والله حسيتك مسافره جزر المالديف ما اقول الا مالت عليك وعلى خيالك .. لاحظو ملاك اللي شارده بتفكيرها وهي ترتشف من عصيرها بهدوء ليلي بصوت خافت: ملاك اشفيك؟! ناظرت فيها وملامح وجهها ما تطمأن .. وتين بخوف: لولو حبيتي عسى ما شر وش صاير لك ؟! ملاك تنهدت: افكر بالاجازه استغفرالله ليلي ووتين ناظرو بعضهم بحزن، درو انها تفكر في ايامها مع حصه اللي تعيشها كل اجازه وياها، صج ان ايام الدوام متعبه بس تحس فيها بالراحه اللي ما تحسه في وسط بيتها .. ليلي بتنهيده: ما راح تسافرون هالاجازه؟! ملاك وهي تناظر كوب العصير تبعها: ما اعتقد نسافر هالايلم اشوف ابوي دايم بشغله، ٭وبتنهيده عاليه ٭وحتى لو سافرنا بتكون ناشبتلي ليلي: عالاقل ابوك بيكون فاضي وما تقدر تقرب عليك .. ما ردت عليها واكتفت بالسكوت .. عم السكون لدقائق وقطعها صوت جوال ليلي ،رفعته وهي تتأفف .. حطه سايلنت وتين بتعقيده: من؟! ليلي: هاذا راشد ولد جارتنا اللي حكيتلكم عنه ملاك واخيرا تكلمت، عقدت حواجبها: وش فيه يتصل عليك ؟! وتين ناظرت لها بملل: الرجال مطفشها يقول يبغاها توافق علي طلب الزواج ملاك بتساؤل: هذا اللي كان يوقف قدام الجامعه؟! ليلي بقرف: ايه هوو قطييعه تقطعه ان شاءالله ياخي كل يوم وانا راده البيت القاه واقف عند الباب ويترجاني اني اوافق، ما يتوافق دمه ان شاءالله .. ملاك بضحكه هادئه: حرام عليك بسك محارش، طيب ليش ما توافقين عليه الرجال شكله ما يلعب ويبك من جد ليلي: يا ناس ما ابغاه ليش ما يبي يفهم يجيني طمام يوم اشوفه وتين بضحكه خبيثه: اقول وافقي عليه وترتاحين من لويه البيت والجامعه ليلي: والله اشيل البيت فوق راسي وادوام في الجامعه ليل ونهار ولا اتزوجه تخسي عليه هذا شين الحلايا .. ملاك بحيره : امرك عجيب والله انت لا يعجبك العجب ولا الصيام في رجب وقبل لا ترد عليها جاها اتصال ليلي: اووف ما ما اخليه هالمره .. وتين بإستغراب: بعد هو؟! ليلي بإبتسامه: لا لا هذا ابوي،" ردت عليه " هلا هلا بَلِي مدللني هلا بتاج راسي .. ابوها بضحكه: انا جمب الجامعه انتطرك ليلي: ثواني واكون عندك قامت تشيل اغراضها: تقولولي تزوجي انا ابي اعيش كذا يا ناس لا احد يتحكم علي ولا يطلعني بكيفه وش لي منه وانا عند ابوي الماس وتين وملاك بضحكه وهم يودعوها:والله ما عندنا نفهمك .. ليلي: يلا بنات راح اشتاقلكم مرررره يا حبيابي وتين وملاك حضنوها: وحنا بعد والله وتين: عاد هاا لا تقطعين ليلي: من بكرا انا في بيتك ههههه ملاك: وانا بعد" لي لي " ليلي: يا حبيبته لِي لِي لا توصي حريص وهالحصه دبارها عندي يلا باي ورمضان كريم عليكم .. ملاك ووتين: الله اكرم علينا وعليك .. هاذي ليلي بنت خالتها لوتين، وحيده امها وابوها .. اكبر منهم بثلاث سنين، عمرها (24)سنه، تدرس معهم بسبب عدم حبها للدراسه وكل عام وهي تعيد السنه، لكن مع وتين وامها "ريهام " غصب تدرس، كل الدلال لها، وبهذا تمشي اللي براسها واللي تبغاه يسويه لها ابوها، بس مع هذا حنونه وطيبه وحلوه صارو يناظروها لين ما طلعت .. وتين: وش صار بموضوع بندر ملاك بإبتسامه: مثل غيره بخباثه حصه صرفوه ان مالهم بنت للزواج وللحين البنت تدرس وما ادري تنهدت: حسبي الله عليها، اذا ما تبيك بعد ما راح تتركك بحالك .. فاض قلبها ودموعها خانتها من النزول تغوقرت عيونها وكل اللي جمبها ضباب .. وتين: خلاص ملاك ارجوك لا عاد تبكين الحين بيلاحظون عليك البنات ملاك بغصه: خلهم يشوفو ويعرفون ان ملاك اللي تعيش بالقصور والعز مب هي نفس حالها اللي تعيشه داخل وتين ضغط على يدها: وش بتستفيدين بالاخر وتأكدي هالشي بيطعن ابوك ملاك بهمس وهي تخنقها العبره: ومن اللي مضعفني غير ابوي، كل شي اتراجع عنه عشانه، كل شي ارفضه عشانه، استحمل حصه بعد عشانه، وش اسوي اكثر من كذا والله تعبت وتين: كله انا معك بس تستحميل هذا هذا كوم ثاني ياخي ليش ما تقولين له عن فعايل هاللي ما تخاف ربها عشان يوقفها عن حدها ولا يرميها مسحت دموعها: ومن راح يبغى له يوم يطلقها وتين بعصبيه: مو انت قاعده وش يبي فيها ملاك: لا انا ايام وبروح عنه وهذا الشي اللي مصبرني عليها بس هي يوم تروح ما عاد لها رجعه ويكفي انه مرتاح معها وتين بسخريه وهي تعقد حواجبها: وش اللي كم يوم وتروحين، هذا هو كل ما جا لك النصيب تضيعه بدنائتها وحقدها، وريني كيف بتطلعين وهي رازه بالبيت مثل ابليس ملاك بعصبيه: طيب وش بيدي طالع لحتى اسويه، انا مستحيل اخرب لابوي وحتى لو ما طلعت ماني مثل خباثتها وما تربيت على كذا وتين قامت بزعل وهي تشوف رساله ضياء انو ينتظرها: اجل خلك مع هالسطحيه وعمايل حصه وشوفي بالاخر وش راح تحصدين غير الندم والحسره خلتها وطلعت لضياء وهي تدري ان كلامها كان قوي عليها كل الطريق تمسح دموعها وتعابت نفسها مره وترجع تقول يمكن بعد اليوم تغير تفكيرها وان الطيبه ما تنفع بهالزمن .. ضياء حس عليها واكيد هي تبكي عشان ملاك بس ما يدري عن السبب وطول الطريق كان الصمت هو سيد الموقف .. ، حط عينه بعين فارس بتوتر ما يعرف شلون بيفاتحه في موضوع الزواج ..؛ ناظر ساعته: اجل يا طلال بكرا من الصبح تكون عندي ابغاك بشغله مهمه..الحين انا بروح البيت في اوراق مهمه ابغا اجيبها طلال تحمحم: مطول ولا ... فارس يقاطعه: لاا شكلي مطول ٭بضحكه٭ عاد اليوم بنتي خذت اجازه ولازم اكون في البيت مبكر قبل لا ترجع وقف بتوتر وهو يعتدل تحمحم .. فارس قرب منه بتساؤل واهتمام واضح: طلال بغيت شئ؟! طلال وهو يصلح غترته: والله صج بغيت بشي يخص المستقبل ٭وبمكر يمثل فيه الخجل ٭وعاد ما اعرف من وين افتحه .. فارس بضحكه جلس وهو يناظر ساعته: لك عشر دقايق قول فيهم، خربط واللي يطلع معك انا بأفهمه بالطيب ان شاءالله .. طلال بإبتسامه يبين له انه ارتاح: والله يا طويل العمر انت تعرفني انسان جِدي بحياتي وبفضل رب العالمين توصلت للي ابي والحين عمري 30سنه، ٭بإبتسامه تبين طيب اصله ٭ ونويت اكمل نص ديني وافتح لي بيت ان شاءالله .. فارس بفرح: والله هذا المفروض تسويه من قبل وما اقول الا ربي يوفقك ويسعدك ان شاءالله ٭ضرب صدره ٭وانا بوقف معك باللي اقدر عليه وربي يقدرني انت رجال والنعم فيك .. ارتاح من كلامه وتطمن:ادري عنك يا طويل العمر ما تقصر فارس بإبتسامه واسعه: بنت من تبي تاخذ ٭بضحكه مزاحيه٭ان شاء الله يكونو يناسبوك،! ضحك على جملته بخفوت صار يعرف سماجته اللي مثل الحنظل خلال هالشهر ونص وما يدري شلون اللي بالشركه مستحملنه طول هالسنين، ابتسم غصب: لا لا ان شاءالله يناسبوني وانا يشرفني نسبهم فارس: اجل ... طلال اعتدل بجلسته وهو يشبك اصابعه: انا بغيت بنتك على سنه الله ورسوله فارس بتعقيده: من؟! طلال ناظر فيه بتوتر يخفيه: بنتك المصون طال عمرك،! فارس بإبتسامه:والله يا طلال انت رجال كفو وما تنعاب وفوق هذا راعي دين وخدمه ماشاءالله عليك بسسس.... طلال ناظر فيه بتوتر وخايف يرفضه هذا امله الوحيد، ويتوقف على الموافقه او الرفض وصار يدعي بقلبه انه يوافق عليه، رد عليه بترقب: بس شوو؟! فارس رفع نظره له وبمساافه طويله وهو يتأمل وجه سلطان، خلاه يتوتر اكثر بالرغم من انه ما ينخاف ويهاب منه الكل لا انذكر اسمه، بس هاللحظات تخليه يتوتر واي احد بمكانه كان خاف اولا هو متنكر ثانيا ما يدري عن نوايا فارس حتى لو كسب ثقته ثالثا يبغى يطلب منه اغلى ما يملك وباللي سمعه من ضياء خله امله بهالطلب واحد بل المئه بس رغبته فيه خلاه يصر ويثق في قدرته انه بيخليه يوافق بس شلون؟!!! راكان وهو يحمل السماعه بتوتر اكثر من اللي يمر فيه سلطان كان يشوفهم من الكاميرا، خاف عليه من نظرات فارس المتفحصه وسكوته اللي ما يطمن..: سلطااان، سلطااان انت تسمعني ـ تحمحم وهو يحك اذنه من فوق الشماخ "بمعنى انه سامعه " راكان وهو يقرب السماعه من فمه ويتكلم بهدوء حتى لا يوتر سلطان اكثر: خلك راكد ولا تتوتر اعتدل واصلب بجلستك وبادله نفس النظره يا سلطان .. صار ينفذ اللي يقوله له راكان بالحرف الواحد ومع هذا منزعج من الصوت اللي بإذنه بعده ما يتحمل اردف فارس بعد دقايق دامت طويله وثقيله على سلطان: بصراحه يا طلال انت وسبق قلتلك، النعم فيك بس هلك انا ما ادري عنهم شي، لا تواخذني بعد انا ابغى اطمن عن اللي بيصرو اهل وعزوه لبنتي سلطان بإبتسامه هادئه وكل مرهيكبر بعين فارس: من حقك طال عمرك، "تنهد وناظر فيه "هلي يطلبونك الرحمه .. انصدم من رد طلال ما كان يدري انهم ماتو وبهمس: ياا سااتر ..كلهم؟! طلال وهو يمثل الحزن اللي ارتسم في ملامحه بدقه: اي، الوالد والوالده ماتو بحادث قبل ست سنين في لبنان ومالي اخوان حتى هلي بجهه ابوي او امي ربي يرحمهم انقـطعت عنهم من سافرو وما عاد بينا تواصل ... فارس بحزن على حال طلال وهو يضغطه على كتفه: مأجور يا ولدي الله يرحم من بقى ويلطف فيمن رحل طلال بهمس وهو يمسح دموع التماسيح: آااميــن.. فارس بإبتسامه: يعني اقدر أأمن بنتي عندك، وتكون عندك بالحفظ والصون سلطان بدهشه وهو شااق الحلق: يعني موافق؟!! فارس: افااا حنا رجال وعند كلمتنا ربصراحه ما بألقى احسن منك زوج لبنتي، وانت تشتغل معي وانا اعرفك عدل سلطان بفرحه مصطنعه: مشكور يا عم وبنتك لو ما شالتها الارض وبيتي اشيلها في عيوني يكفي اني اناسب فارس الصفقي بقدره وقيمته واكون زوج بنته فارس بإبتسامه: ما بدري على "عمي " سلطان ناظر فيه بسكون اطلق فارس ضحكه قويه استفزت سلطان وخلاه يبتسم غصب .. فارس وقف: كفوو يا ولد مقرن وانا اشرتي رجال والله.. طلال وقف معه وهو يصافحه: شوف الوقت اللي يناسبك وانا جاهز فارس يحط يده على صدره: الوقت اللي تامر فيه انا حاضر طلال بإبتسامه: والله تدري انا رجال لحالي واحب اتزوج قبل شهر رمضان .. فارس بصدمه: هوو ما قريب رمضان ما بقى له غير ثلاث اسابيع يا رجل طلال: ما يخالف يا عمي وخير البر عاجله .. فارس صافحه للمره الثانيه: خير ياولدي اللي تشوفه وعلى بركه الله، اجل انا استأذنك مره تأخرت اعتزر طلال بإبتسامه: ولو يا طويل العمر، الله معك ناظر فيه ليييين طلع،،، جلس براااحه وهو يتنفس بعمق ويسند راسه عالكرسي: واخيررراااا يا راكان ان اللي نبيه صار راكان بضحكه: مبرووك، من قدك يا ولد الجبلي اسابيع وتصير معرس سلطان بضحكه: وش معرس استغفرالله اخاف تطلع لي شبه ابوها هذا اللي تنفر منه شواطين الجن والانس استغرالله وتخليني انفر انا بعد راكان اطلق ضحكه قويه له زمن عن خفه سلطان طول هالشهرين اللي مضو ما شاف منه غير العصبيه: اقوول المكتب راق لك اطلع لا يكون هو الثاني حاط كميرات مراقبه بمكتبه .. طلال يفز: وانت قلتهاا هذا ظله ما يتأمن له،يلا مسافه الطريقه واكون عندك .. راكان: انتبه، ربي معك .. ، ركبت مع السائق بـ ورا في هدوء تام حتى زفيرها ما كان ينسمع .. ملاك الكلمه اللي رمتها لها، كانت مثل الصخر ضغط على قلبها جرحها بقوه، الكَاتمه على قلبها، الظالِمه،! الداكنه الذي بدأ يضيق بها كُل شي، واللّٰه ليس هناك سببا يُجبرني او يجرنِي الي الكتمان .. والله ليس هناك سبب غير هذا القلب الذي لا يعرف للظلم طرِيق، وهذا العقل الذي لا يتقبل قانون المعامله بالمثل، غير الصمت الذي اجده يلازمني دائما وفي أشد حاجتِي للكلمات ..قلبي حتى في شِده هذا العالم متناقض، كيف اذا عُصفت بما اكره، كيف اذا كان هذا قضاءِي وقدري؟! اوليس اللّٰه بكافٍ عبده؟! بلى ... واللّٰه ان تراكمت الظروف في حنجرتِي ووضعتِ الارض في يداي، لن اجد احداً يسعفني الىٰ ما اريِد سوىٰ اللّٰه، حتى ابي فِلذة كبدي ليس بقادر .. لماذا يا وتين يا نصفُ قلبي الاخر؟! انا لا احتمل ما علِي وانت تعلمين .. اجل هاذي وتين تحكي كذا وش لي بالبقيه؟! .. انتبهت للطريق وهي تحس بعطش فظيع، اليوم الجو مرره حرّ، بلعت غصتها وهي تدراي دموعها وبصوت خفيف: لو سمحت جاي وقف لي عند البقاله وقف لها ..انتظرته ينزل لها ويجيب طلبها بس ما اكترث لها وظل جالس، تنهدت بصمت وهي تنزل دخلت البقاله اشترت ماي ..طلعت من البقاله وصارت تناظر الشارع يمين ويسار تدور عليه: هذا وين راح استغفرالله العظيم لا يكون نسى طلعت جوالها وبقهر: وين رحت ما تشوف اني بالبقاله جاها صوته: اسف انسه ملاك، هذا اوامر من السيد فارس ملاك انصدمت من رده وبهمس: ابوووي؟! طب ليييش ..؟! جاي: انا علي ينفذ بدون سؤال "وقفل الخط " ناظرت جوالها بصدمه حتى الدموع مو راضيه تنزل بعد مصدومه،بهمس وصوت هزيل : حتى جاي صار يقفل في وجهي الخط، ليش يبه حرام عليك كل هذا عقاب لاني طلعت من البيت ...كل هذاا،!! ما يكفيني انه حارمني من امي، ما يكفي سوات حصه ولا عشان ما تدري عنه .. كانت واقفه تحت الطق الحار وجسمها من تحت العباءه يتصبب عرق وقفت تاكسي بعد دقايق كانت بالبيت ... ، دخلت وهي ما تشوف اللي قدامها غير صوره وتين واخر كلامها، وصوت جاي وهو يقول هذا اوامر السيد فارس؟! اعترضت طريقها برفعه حاجب: واذا دخلتم اهل منزلٍ فسلمو على اهلها ناظرت فيها بقوه وقهر مو ناقصتها اللي فيها كافيها ـ شافتها ما ردت عليها: تراني ما اتكلم مع الحيط وين كنتي صايعه، تدرين ان الساعه اربعه؟! ملاك بقهر : بإي صفه تسألين؟! امي وما ادري عنك؟! بإي حق تحققين معي في كل شي ولازم تعرفين كل التفاصيل عن ادق حاجاتي ٭بصراح ٭جاوبيني بإي حق تعبت منك وكل مالي اكرهك زود ياخي حِلي عني واتركيني بحالي رفعت يدها كانت تبي تصفعها، بس يد ملاك وصوت فارس اللي كان واقف عند الدرج كان اسرع في استوقافها فارس بقوه: حصصصصصصه... ملاك وهي تضغط على يد حصه وبفحيح: واللّٰه ثم والله اذا هاليد انرفعت مره ثانيه بتشوفين نفسك بالشارع انت فاهمه .. حصه كانت مفجوعه من منظرها قدام فارس اكثر من رده فعل ملاك فكت يدها بعنف وقرف وصارت تسرع في خطواتها لين ما وصلت الدرج وشافت عيون ابوها اللي محمره وشوي يطلع منها شرار وبصوت يتمالك فيه اعصابه: ممكن تفسري لي هالتصرف؟! ملاك نزلت نظرها بزعل منه ومن اللي سواه فيها اليوم : ما عندي توضيح، فسر اللي شفته وانت ادرى ببنتك ردها كان قوي مما خلاه يتسرع ويفاتحها بالموضوع:اجل ما عندك وقت تجاوبيني، انا بعد ما عندي وقت استشيرك وانتظر موافقتك، تجهزي يا ملاك زواجك من طلال بيكون بعد ثلاث اسابيع من اليوم واللي عنده قلته وما اغيره ، واللي سويته لك اليوم عقاب الظاهر انك تبين تطلعين من طوري حصه كانت تناظر فيها بفرح ونصر "وقعتي وما احد سما عليك، يشتغل معه اكيد بيكون مثله ههههه " رفعت نظرها بصدمه وكلمات ابوها تتردد في كل اركان البيت، فعلا بكت من صراخ ابوها وكل خليه في جسمها ما عادت تتحمل فارس الدموع نقطه ضعفه:يعني هذا كثير وما تتحملينه وتخليني اتحمل اغلاطك ناظرت فيه بقوه وهي تبكي، انفعلت وافرغت كل المدفون من عمايل والدها: ليه يتركني بالشارع ويروح، قلبي بقى يوقف من الرعب والناس تناظرني ماشه وجايه، الحين لو كنت قلتهم انا بنت فارس الصفقي وش كنت تتوقع تسمع، واخر شي يطلع من وراك ٭بصراخ٭ انت اللي امرته يسوي فيني كذا ليييييش؟!حسيت بذل ورخص عمري ما راح احسه مع احد غيرك، مسترخصني هالكثر يا ابوي ...وبس عشان شنو؟! عشان طلعت مع وتين وامي .. كل مكان اروح له لازم تكون معي، كل مكان لازم تعرفونه انا من وين جايه ووين رايحه، معيشني بين اربعه جدران وكأني عاهه لك انا وش ذنبي .. حتى صديقات ما عندي ما اعرف وش السبب .. وكأن العالم كله واقف عند ملاك واي خطر بيصيبني انا ..معيشني بدائره سوده ما اعرف منها غير الظلمات، كل ما اسألك عن شي تطلعني بنفق مسدود، انا طفشت من سنيني اللي اجهلها لا تحاسبني، مالك حق تحاسبني عن اي شي اسويه انا بحاجه اني افهم حياتي ما عدت صغيره ، حتى هلك ما اعرف عنهم شي ولا تقولي انهم بالكويت انت نالك اهل بالكويت كلش، حتى امي اللي هي اقرب وحده لي ما اعرف عنها شي، اجهل ماضيها وحياتها ، ابد مالك حق تبعدني عنها كِذا..٭وبصوت متهجد٭ انا وش ذنبي لحتى اكون ضحيه افعالكم ابي اعيش مثل العالم والناس، قيودك هاذي تذبحني في الثانيه الف مره ..انا تعبت خلاااااص، كنت بحاجه لأحد في كثير من الاوقات يسمعني، يشوف الضيق والكدر اللي انا فيه يترجم الكلمات اللي تراكمت تحت جلدي من كثر الكتمان وعيت تطلع، ويشاركني الغصات اللي تخنقي، لا تسألني ليش اسوي كذا وعشان غلطه وحده بتوقف لي بطريقي ومن جا هالطلال صار الكل في الكل والحين بترميني له، ٭بلعت غصتها و رؤيتها تضببت ٭خليتني اكره نفسي يبه ليييش؟! ما ابغى اتزوج ابي اعيش عمري اللي راح ولا ابي اعيش بهالبيت ابغى امي اللي حرمتني عنها حتى لو ما افهمها ارحم لي بمليون مره ... وتجاوزته بالدرج وهي تصعد تحت انظارهم المصدومه وشهقاتها تعلى .. فعلا انفجرت اليوم حصه كانت مصدومه من رده فعلها وبحده: ملااااك وقفي فارس الذي لا يقل عنها صدمه، رفع يده لها بمعنى تسكت خلاها واقفه بصدمتها وحمل رجوله وطلع من البيت بكبره ... استندت عالباب وهي تقفله، رجولها ما عاد فيه حيل انزلقت وهي تجلس على ركبها، كان شكلها يقطع القلب ومبهذل، متناثر شعرها الاسود اللي تخالطه تلك الخصل الشقرا على اطرافها المروله، وعباتها مفتحه وطرحتها ونقابها ما تدري وين وقع منها ... ناظرت حولها بخوف من الغرفه المظلمه وهي تبكي صوت عالي .. لِما كل هذا؟ لما جعلتني اقع بذنب كلماتي وهذا الجنون؟ لما كنت قاسياً؟ وان اتيت لي بصفتك النادره, ذلك الحنون ،!! كل شي ضدي ااين اجد التوفيق .. اتوجهت لفراشها بتعب وارهاق استلقت عليه، استسلمت للنوم وهي تغط فيه بثبات والدموع تغرق ذلك الوجه الملائكي النااعم ... ، نهـايه الجزء السـادس.. إلى الملتقى بإذن الله

تسلم الأيادي الذهبيه على الطرح الرآئع
تحية عطرة لِ روحكَ النقيه
شكراً لكَ من القلب على هذآ العطاء
لكَ ارقى الود و أجزلْ الشكرْ
دمت بِحفظ الله ورعآيتـه

يُعَطِّيگ الْعَافِيَةُ لِرَوْعَةِ الطَّرْحِ،،
تَعَطَّرَتْ زَوَايَا الْمُنْتَدَى بگ
تَقْديرُ يليق بگ وُدِيَ وَعَبِقُ وردَيْ

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

حضوركي شرف لي
نورتي عزيزتي
روح الندى

حضوركي شرف لي
نورتي عزيزتي
ملاك

حضورك شرف لي
نورت أخي الكريم
مجنون قصايد

حضوركي شرف لي
نورتي عزيزتي
ارتواء نبض

يسعد لي رووووحك

ما أجملك وما أجمل ماشاااهدنا

سعدت بمصااافحتك هوووووون

يعطيك العااافيه

شاكره لك