صدى البوح

السـلام عـليكـم ورحمـة اللـه وبـركـاته
وأسعـد الله جمـيع اوقـاتـكـم بـكـل خـيـر
إليـكم صـدى الـبـوح والـذي يُـعتـبـر خـاص جـداً

اتـمنى أن يـلاقـي القـبـول


يـابـنت عـن إفـراقـي جـيـتـي تِسـأليـن
عـقـب الـغـرام اللـي مـن اسمـك ازدهــر
وعـن الـمشاعـر جـيـتـيَ ابـ تـتـأكّـديـن
شـكّـك قــوي ويـقَـضّ لـي قـومـة ظَـهـر
أو شــكـلـه الـلـيـلـة رحـيـلـك الـمـشِـيـن
وان كــان هـــو لاتْـمـوّتي نـبت الزهَـــر
زرعــت حــبّـك بـالضــمـايــر والـوتـيـن
إلـيـن قــلـبـي مــن وصـايــفْــك انـبـهـر
ان كـان فـي ودّك مـع اشـواقـي تـجيـن
شـوقـي مـعـك هـو اجـمـل ايّـام الـدهـر
وان كان عـن قلـبـي نــوَيـتـي تِـرحليـن
إقـضـي ذيَ الـليـلـة مـعـي آخـر سـهـر
أدمـنـت حـبّـك والـسـوالــف والحنـيـن
يــأمّ الــدلـع وأمّ الـمـشـاعـر والــطُـهــر
حـبّـك ثِـبَـت مـا يشـلـعـه جـدراً مـتـيـن
بـالعكـس حـبّـك يـشلع اجـدوراً شُــهـر
وحـبّـك جـمـر وتْــوَصّـفــه هالكلـمتيـن
(يصهـر جـبال) وهـو(مُحالـة يـنصهـر)
وحـبّـك عـذاب الـروح والـقلـب الـرهيـن
وعـذوبـتـه أنــقـى مــن اعـذوب الـنـهـر
اطريـك فـي ليـلـي وفـالصـبح الـمُبيـن
ويطـريـك نـجـم الـلـيل حـتّى فـالـظُـهـر
واطــريـك فـي ايّـام عـمـري والـسنـيـن
ويطريك سـرّ العلْم فــي صـوت الجهـر
واخْتـام كــلْمـتـي مـن الـجـرح الدفـيـن
لـو ما تـداويـنـي (بآمـوت امـن الـقـهـر)


،،،، بــرد ودفــا ،،،،