ها ياطين صرت اسمر

ها ياطين صرت اسمر ولاجف اليرد لونك
صرت غنوة عتب ومكابل الشباج وحزنك بادي بعيونك
ها ياطين ماذكروك ماغنوك مالمعوا على جفوفك
عطش روحك عتب للماي جي ماغنه بجروفك
وعتب لونك دمع ينضاك سولف كلشي بضنونك
برد حلمك ولاجاس الدفو المصلوب بزياك الجفو عنك
جم مرود لجم عينك
جم شامة بقت تتراوه بسنينك
جم شفه قرت بسمك ولاضاكت بساتينك
عشت وحدك ولاجنك عشت حنة اعله بوب الماقرو ليلك
عشت ملهوف مامش ساجية تغنيك من تعطش مكاتيبك
ولاهوية التفك بوبك ربيع يسامر بريتك
ها ياطين ظم جرحك عين المالمع بيها شذر طولك حزنها يجيسك بسكته
ولاتعتب على البيبان من تشوفها تلجمك
تره اللجمة سفر للموت
تره اللجمة عتب نهرين طك بيك واخذ عينك جنازة لصوب كل تابوت
العتب عالطيف التبده اعله كل ظلمة ولالم روحه يم حزنك
العتب عالرسموا بعينك درب وتراب من تشتاك يلجم بيك ويجرحك
نوبات الهوه يجرحك لون يتمرجح بكذلة
سنابل بيك عطشانه وطينك ماشعل روحه ولارفلك
منهد جزية نهرهم ماحجاك الماي ويبس طينك ولاجاسك حجي مبلل
صرت تحلم يرسمونك
صرت تحلم يلمونك وكت ماتتعب متونك
وكت ماتنطفي الوانك ويطك شيبك حزن بالراس
حزن ابيض على الماحفضوا ارسومك
يطين الناس لو رادوك طافوا عالمناير بيك
ورسموا جيتك صوغة ونذرولك عمر يتنومس بجيتك
يطين المايجي بحركة مايستاهل تغنيله اصابيعك
شد روحك تره العافوك باجر هم يردهم ضيج
باجر تعطش لروجك سواجيهم
باجر ينطفون وتشتعل بيهم.

مُعجب بكل ماشاهدت
وقرأت خلال تواجدي على هذا
الموضوع

دليل جمال ذآئقه
عالية المستوى ودقه في إختيار الطرح

شكري لك
من القلب على مجهودك

محمدالحريري

بيض الله وجهك على الاختيار
نقل في غاية الفائدة

احترامي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

حضوري شكر وتقدير لك
ولاهتمامك في مواضيعك


اخوك
نجم الجدي

سلمت أناملك لروعة ذوقك
يسعدك ربي ويحقق أمانيك

سلمت أناملك على الجلب المميز
اعذب التحايا لك

قلائد أمتنان لهذة
الذائقة العذبة في الانتقاء
لروحك الجوري

يسلمو ع المرور

*،




آنتقاء مميز .. مَ ننحرم من جديدك