لاتجاملني مخافة ( قال ) مـدري خـوف ( قيـل )

من بغى الفرقا لقى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج الناس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحيـل
صاحبك طبعـه غريـب وغربتـه غربـه طبـاع

فـي الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هي تميـل الارض حـدره ... مايميـل
يـدري ان الفقـر ماهـو عيـب والدنيـا متـاع

ماعشـق لـذّة حياتـه كثـر عشـق المستحيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجاع .. وفـارق احبابـه شجـاع

مما راق لي ونقلته لكم

يعطيك الف عافيه عالطرح الرائع

وننتظر جديدك وابداعك الراقي والقيم

فلاتحرمنا منه .,.,

حبيتها

تسلم ايدكـ عالطرح

هدوووووء

لكـ :mh659:

لاهنت اخي

وصح لسانك ولسان شاعرها

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

الله يسلمكم على المرور

تحيتي لكم

الف شكر

طرحتي بشكل راقي

الله يعطيك العافيه

تسلم يالغلا
على روووعه
أنتقائك وذائقتك الجميلة
لاعدمنا جديدك

ودي

بسومة