01-08-2023
|
#331
|
.
.
.
.
.
اضحك وانا في داخلي مجروح
خايف من الناس لا يدرون...
|
|
|
04-23-2023
|
#332
|
.
.
.
.
.
بعضُ نعمنا تؤذينا، فالذاكرة تسترجع عذاب الرحيل..
على العموم وغير ذلك: كل عام وانتم بخير.
لا فاقدين ولا مفقودين.
|
|
|
04-27-2023
|
#333
|
.
.
.
.
ولانه؛ يجب علينا أن نكون حذرين من الأشياء التي نأمل أن نحظى عبرها بإعجاب الناس.
إلا أنا - اقدر اقول استثناء - أشوف المضاد لما حذرت منه بالعلن.
امس وانا متجه للاستراحة؛ دار حوار ع السريع بيني وخوي درب. ثوبك هذا ثوب العيد؟
قلت: عندي عمل الساعة 9 وانا رايح البر ناهيك عن الكرف الي باكرفه، لأجل ذلك لم البس ثوب العيد!
وفكرت لوهله ليش ابرر له؛ وثوبي اشيك من ثوبه. زعلت والله من نفسي.
نرجع لمحور كلامنا سابقا.ً
- قبل رمضان وانا مع احد المقربين على قلبي - وبعد من فراغه من قراءة الوتساب تكلم مع نفسه بصوت مرتفع: انا الرجال وتسألني ليش ما اعطيها خبر قبل خروجي من البيت.
يطالع فيني ويسألني ايش رأيك في هذا الصداع؟
قلت: زوجتك تقصد. قال: في غيرها جابت لي الضر (النمل يقصد) في راسي!
قلت له: طيب ليش ما علمتها.. على الاقل تسلم من الضر وتوترك هذا..
قال: كيف؟!
قلت: تبغا الصدق انت الغلطان.. يمكن بتوصيك بشيء ضروري لها.
خاف ربك مخليها مع ورعانك الي الحارة تقول ياصبري عليهم.
ياخي من اول بافتح مع هذا الموضوع ومستحي.. وبما انك اشركتني بينكم فخذا كلامي على محمل الجد.
سلم على يدك وجه وقفى - ابوسعد تراها آدميه - ماشاء الله - هلكتها بالعيال صابرة ومحتسبة على خدماتك المقفلة.. والقليل من أغراض البيت والكثير من غيابك والخ الخ الخ
طالع فيني منبهر مصدوم قال: والله كأنك اعطيني كف.
شفته نخ - ارجع استرسل الزوم حقك اتركه.. قدام السرابيت خويانك مسوي انك الرجل الأول على مستوى العالم في الرجوله.
أكاد أجزم الزاحف فيهم دجاجة في البيت والدليل محد عزمك في بيتك.
قال: الله يجزاك بالخير ..
قلت: اليوم طالع الطايف. قال: بإذن الله.
قلت: تبغا تشوف الفرق وكلامي صحيح!
قبل توصل البيت - اتصل عليها وخذها استارباكس واعزمها على كوب قهوة وكوكيز..
ترا الطلعة ذي تطير الضر.
.
.
يتبع
|
|
|
09-21-2023
|
#334
|
.
.
.
عندي كلام ما ينفع احاكي به احد .. نظراً للخصوصية الي ما تصلح ان تقال لاحد يعرفني.
وهنا لا احد يعرفني فمرتاح وانا احاكي به:
نتكلم عن شيء طازة .. اليوم اختي الكبيرة ارسلت واتس تقول فيه
السلام عليكم
كيفك اخبارك .. انا محتاجة 1000 ريال حولها على حسابي بالبنك الاهلي.
قرأت الرسالة ونمت مرة اخرى واقوم متأخر جداً .. اخذت شور وسرحت شعري وحطيت كريم والخ الخ الخ. (مرة احدهم يضحك عليّ يقول كريم وتلبس عليه شماخ كيف كذا ؛ قلت وقت اذان الظهر وجب الوضوء وخوفاً على مشاعر اصدقائي فسهل التحكم بالكدش مع الكريم)
نرجع لمحور حديثنا ، نسيت سالفة اختي وذكرتني باتصالها برضو وتساب .. اتصلت عليها بعد الاتصال الاخر واليكم ما حدث .. انا لكيح واحب اللكاعه كذا يقول عني احد اصدقائي المهم
قلت: السلام عليكم
ردت: وعليكم السلام
اخذنا اخبار بعض ودخلت بالجد
قلت: تدرين كم نفر مسلف!
ردفت الاستفهام بعدد تقريباً 8 او 10 ولا احد من هذولي اقدر ارسل له رسالة وتساب واحد له الحساب واقول حولي.
يا اختي ليه ما تتصلي وتقولي يا صالح اسحب 1000 وجيبها للبيت احتاجها.
ترسلي رسالة .. يعني ما استاهل اتصال بنصف ريال من جوالك.
جلطتني ببكائها وتقول استحي منك.
وجبت لي شغله بلكاعتي وانا في غنى عنها .. يا بنت امزح معاك وابرر .. قلت لها شوفي مرة ثانية اتصلي من جد وانا اخوك الصغير وبالامر قولي: اسحب مبلغ كذا وجيبه للبيت.
قالت ما الي اتعبك
قلت: الان تبغين 1000 وانا توني واصل من العمل ارتاح والعصر بامر الصراف واسحب المبلغ واجيبه لك للبيت واعتبريه هدية.
بكت ثاني .. قلت: انا اخر حبه مني .. حافظي على مشاعر اخوك ولا تبكين قدامي ترا انا وحش خشن قوي الشكيمة ، لكن دمعتي بمثل هالمواقف قريبة.
ضحكت جداً .. تقول: لخبطتني ما اعرف اضحك ولا اوقف عن البكاء ولا مدري ويش هو هذا الشعور.
انتهى الحديث وانا اسمع حديث الفخر باخوها المميز بين الثلاث الاخرين.
.
.
تذكرت مشكلة صارت لاخوي الاكبر مع زوجته الثانية ان شاء الله باحكيها
بعد ما حليتها له قال: انت مصيبة.
مصيبة يقال عنها بمثل هالمواقف انك انسان رهيب ههههههه
|
|
|
| | | |