حبك اللي خذاني فوق هام السحاب

حبك اللي خذاني فوق هام السحاب

قلبي اللي تولــّع / شوق / هم / وعَذاب
......................عذره ان الليالي جرحها ما يطيب

آه يا نور عيني لا يطول الغياب
......................ما بقى الا الدموع ويقتفيها النحيب

ليت منهو يضمك كود يبرى الصواب
.......................يدْفـِنك بالضلوع العوج قبل المغيب


كل م / أذْكـِر نفسك وهمستك والعتاب
......................اعتلي فوق رجم الشوق واقنب قنيب

سكرتك يا نظر عيني سؤال وجواب
.......................كيف تسأل !! تبي سكران حبك يجيب

كل ما لاح طيفك قمت الوم السراب
........................ليه الومه ؟ وانا يا روح روحي غريب

جيت اموتك حقيقة والكفن منك ذاب
.............................آه لو بس اموتك كان شوفك قريب

حبك اللي خذاني فوق هام السحاب
..................................لين شفت الثريا والغرام العجيب

أكتبيني على اول سطر / صمتي كتاب
................................شيّب الحبر صبري قبل وقت المشيب

اطعنيني تجنـّي كل م/ الجرح طاب
...............................دام لا شفت جرحك قلت عندي حبيب

أدري أني تجاوزت بغلاي النصاب
...........................وأدري أني أنا الملتاع وأنت الطبيب

وأدري أني بلا دنياك كومة ثياب
...........................ذاب فيه اللحم بالعظم وأمسى عطيب

وأدري أن المواجه دونه ألفين باب
.......................وأدري أن الأمل يمكن يصيب أو يخيب

وأدري أن المحبه صدقها ما يهاب
.....................ويش يطفي بقايا جمرها واللهيب

لو يقولون لك ماطا بذاك التراب
................رحت اشمه واحضنه لين جرحي يطيب