رواية حبيبي مغرور و أعشقه لحد الجنون

نوره زين ارجع بيت اهلي الحين
فارس ليه ترجعين خلك هنا
نوره لا تجنني الحين قلت لي
لا تجلسين بيت اهلك
عشان سعود وبفضي لك الشقه
وهذا انت هنا
فارس بصراحه بيت اهلي
صاير مزعج من اهل القصيم ولا عارف ارتاح
قام وقرب منها
وبعدين والنهايه متى بنخلص
نوره من شنهو نخلص
فارس من الدلع الي انتي فيه
صار لنا اكثر من اسبوع واحنا بعاد
عن بعض والله يانوير ماشبه نفسي
الا بمهند من كثر مايركض
يراضي نور خلاص كفايه دلع
حضنها لصدره وتوه بينزل الفوطه
نوره لحظه ..لحظه
تبينا نرجع لبعض
فارس اكيد
نوره ماعندي مانع بس بشرط
فارس اسمعه
نوره اهو شرطي عشان ارجع لك
اسمع من اليوم ورايح ماتدخل
في أي مشكله تصير لي مع مرت اخوك
او بنت اختك انت اطلع منها ولا لك شغل
شقلت
فارس ااااااه
صدق رياض لما قال اغسل يدك
من الحريم لاتدخل بينهم
بس خلاص الي يريحك بسويه
خلاص
نوره اذا كذا خلاص
فارس شالها بيدينه
مشتاق ولهان كثير
نوره حاوطته من ارقبته
ماراح تكون مثلي مشتاقه لك اكثر
باسته على خده
فارس كملها بالشفايف
وادخلو الغرفه
^_____^@@@@
يوم الخميس
الساعه 10 الصباح
يدق جوال نوره وعلى مانتبهت وردت
نعم بصوت كله نوم
سحر وينك
نوره شفيك
سحر حضرتك نايمه للحين وناسيه
روحتنا للمشغل عشان زواجي
وانتي ليه في الشقه كلمت بيتكم
وقالت لي خالتي رجعتي
نوره سحر انتي سبقيني للمشغل
وانا بعد ساعه بخلي فارس يجيبني
سحر لحضه كأني سمعت
فارس ها نوير تراضيتو خلاص
طاح الحطب
نوره وهي تناظر فارس وهو نايم جنبها
ومن قال احنا كنا متزاعلين اصلا
سحر لا ماكان بينكم شي
ويد ورجل جدتي الي انكسرو
مو عشانكم بس عشان
تعرفين ان يوم زواجي مبارك عليكم
نوره لا تشوفين روحك علينا
خلصينا روحي المشغل وانا بلحقك بااااي
الساعه 9ونص
صارو المعازيم يحضرون
في فندق الشريتون
ماجد كان كاشخ ومنور بالبشت الأسود
واقف مع ربعه
رياض وفارس وليد وناصر
وطلال الي اعزمه فارس مع اهله
رياض اقول يامعرسنا لا تفشلنا اليوم
خلك سبع سامع
ماجد صج انك فاضي
رياض يغمز لفارس
اقول فارس الواحد يوم زواجه
وش لازم يكون
فارس مايبقى لها كلام اكيد سبع
مو رخمه
وليد ماعليك منهم شكلهم دفشين لاتستعجل
ماجد والي يرحم والديكم ماني حولكم
طلال ياجماعه بالراحه عليه
لا تضايقونه يوم عرسه خلوه مبسوط
رياض احلى يالرايق مانقدر احنا
طلال يبتسم لكلام رياض
تصدقون فتحتو نفسي لزواج
مدري هو حلو مثل ماتقولون ولا
فارس اقول اعقلها وتوكل والله يسعدك
في قاعة الحريم
كان الرقص والوناسه
انقضى الزواج
في الفندق بعد ماسكر ماجد الباب
دخل الغرفه وكانت سحر مرعوبه
فصخ البشت وعلقه وجلس جنبها
ماجد مبارك علينا ياقلبي
والله يقدريني اسعدك معاي وانتي لا تنسيني
سحر تبتسم
ماجد شرايك نقوم ناكل الحين
سحر انا مو جوعانه
ماجد لا تكذبين نوره قالت لي
انك ماكلتي شي من الصبح
ماني ناقص يغمى عليك من الجوع
سحر صدقني ماني جايعه
ماجد دام مانتي جايعه
اجل انام احسن لنا
وحط يده على سوستة الفستان
سحر من الخوف قامت
لا انا جايعه بروح اكل
ماجد يضحك
الحين صرتي جايعه لما صار
وقت الجد بس ناكل وبعد الأكل نكمل
السالفه
ثاني يوم سافرو المعاريس
شهر العسل وقضو احلى اسبوعين
وكان الوضع بين نوره وفارس
مافيه احلى منه
ارجعو المعاريس من عسلهم
وسكن ماجد عند اهله
وبعد فتره تجمعو البنات في الكافي
نوره وسحر ومشاعل ونوره2
نوره2 حمدالله على السلامه ياعروس
ان شالله انبسطي في سفرتك
سحر تمام واكيد مبسوطه
نوره اكيد طالما مع اخوي ماجد
بتصير سفرتها حلوه
مشاعل عاد هذا خالي ماجد
اكيد بتصيرين مبسوطه معاه
سحر أي مبسوطه لو ارجالكم بعيد عنه انا بخير
نوره شفيهم ارجالنا
نوره2 أي والله شفيهم بسم الله عليهم
سحر لا مافيهم شي بس شاطرين
يحفرون بأذنه وكل يوم طالع لي بشي
نوره2 حبيبتي خبره والمثل
يقول اسأل مجرب ولا تسأل طبيب
نوره الحين ماستانستي معاه
سحر انا من له اتكلم اذا حريمهم
انتو اكيد ارجالكم حدث ولا حرج امري لأالله
نوره2 مو وجه نعمه مالت عليك
وانتي ياحلوه متى بيجون يخطبونك
مشاعل يوم الجمعه
نوره الله يتمم لك على خير
سحر بس الله يعينك الولد حلو انتبهي
مشاعل وهذا الي خايفه منه
انا لما شفت طلال ماصدقت
حلو كثير والله اخاف لطلعت معاه
يغازلونه البنات
نوره2 لا تطلعين معاه حبسيه في البيت
نوره شدعوه ترا بنتنا حلوه
وماعليها كلام
سحر صادقه خلك واثقه من نفسك
نوره2 المهم اجليه لحد مااولد
مابي احضره وانا بطني طالع كثير
مشاعل والله على كلام اهله
بيصير في العطله الكبيره
نوره لا ريضه يمكن بتصيرين في الثامن
نوره2 انا في الرابع واحس
صرت نفاخه والله تعب
عقبالكم انتو الثنتين
نوره الله يسمع منك
سحر طيب بنات انا بمشي
ماجد جاه ياخذني
نوره تو الناس ماشبعنا منك
سحر قال لي بس ساعه وبجي اخذك
نوره2 احلى حركات بداية الزواج
سحر يمه منك
يالله مع السلامه
اطلعت
نوره تناظر في الموجودين
وشافت وحده شافتها من قبل
نوره هذي اروى
مشاعل مين اروى
نوره الي طلقها فارس اخر وحده
نوره2 وانتي شعليك منها
نوره ابي اعرف ليه طلقها
مشاعل خالتي ماهي نصيبه حتى لو انها
ملكة جمال
نوره2 انتي ماتوبين خلاص
الله يستر على عباده
نوره انا فيني فضول ولا بجلس
افكر
قامت عندها ولا سمعت كلام البنات
وقفت عند الطاوله الي اروى
جالسه فيها مع بنات
نوره السلام عليكم
وعليكم السلام
نوره اروى ممكن اتكلم معاك
اروى اوكيه
قامت معاها واجلسو في طاوله
بروحهم
نوره بعرفك على نفسي انا نوره زوجة فارس
اروى ادري انك زوجته
نوره طيب انا بدخل في الموضوع
على طول ممكن اعرف ليه
فارس طلقك لأنه وحده مثلك
صعب يفرط فيها بسهوله
اروى اول انتي جاوبيني بصراحه
فارس يحبك انتي مبسوطه معاه
نوره اكيد يحبني واحنا مبسوطين مع بعض
اروى طالما انتي سعيده معاه
مانصحك تعرفين السبب لأنه لو عرفتي
اكيد مصيرك بيصير مثلنا
عيشي حياتك معاه بدون عوار الراس
انا ممكن اقولك السبب بس حرام
ماحب اخرب حياتك خلك ماتعرفين احسن
نوره كلامك يخليني اصر واعرف
الله يخليك تكلمي
اروى على مسؤليتك وانا مالي خص
نوره وعد مني على مسؤليتي
اروي وحتى لو عرفتي السبب
لا تفكريت تشوفينه
نوره اوعدك بس قولي
اروى انا لما تزوجت فارس
كان زواج مغصوب عليه برتكول
مثل مانقول زواج مصالح بسبب
الشراكه الي بين ابوي وابوه
وكانت حياتنا عاديه وممله
وبالصدفه شفت وحده من الي طلقهم
وقالت لي ان فارس يحتفظ بشريط
والبوم صور له
نوره عمري ماشفتهم عنده
اروى فارس عنده درج خاص ويقفل
عليه والمفاتيح عنده
نوره تذكرت ان فيه درج
من ادراج المكتب دايم تشوفه مقفل
اذا نظفت غرفة المكتب
بس ماهتمت الحين تأكدت شكوكها
نوره اقدر اعرف شفيهم الشريط والصور
اروى ذكرى لسفره من سفراته مع
..
نوره مع وحده ثانيه كان يحب من قبل
اروى انا بصراحه ماشفتهم
بس لما واجهته فيهم بكل برود طلقني
نوره ماشفتيهم وطلقك
والثنتين الي قبلك
اروى بصراحه الي علمتني شافت
الشريط والصور وطلبت منه يحرقهم
بس طلقها
هذا انتي عرفتي السبب
وانا معرفك يا نوره بس حرام
تهدمين بيتك بنفسك وانسي الي سمعتيه
طالما انتي عايشه معاه
بسعاده
نوره انتي ماقصرتي معاي
سلمت عليها وارجعت للبنات
نوره2 خلاص بر قلبك عرفتي
مشاعل خالتي شفيك سرحانه تكلمي
نوره مافيني شي
نوره2 وشنهو السبب
نوره بعدين تعرفونه الحين انا ابي
امشي
كلمت فارس ياخذها مع مشاعل
ونوره رياض جاه لها
في السياره بعد ماوصلو مشاعل
فارس الحلو شفيه ساكت
نوره ولا شي بس احس
بصداع اشوي
فارس سلامتك اذا وصلنا
الشقه اخذي بندول
مضى يومين
ونوره تدور السالفه في مخها
بس عشان ماتخلي فارس
يحس بشي كانت طبيعيه
معاه وكل ماحاولت تنسى تذكر الدرج
الي مقفل في مكتبه وكان اذا
دخل قفل عليه الباب ويظل كم ساعه
واذا طلع تصير عيونه حمرا
واذا اسألته عن السبب تعذر
بأشياء وهميه
راحت السالفة وصار لها كم يوم
فارس راجع من الشغل الساعه 2ونص
نوره هلا حبيبي يعطيك العافيه
فارس يعافيك
نوره غسل وانا بجهز الغدا
فارس زين
بعد ماتغدو دخل يريح ونام وعلى
المغرب صحى وصلى وجلس مع نوره
فارس بروح المكتب فيه
رساله جايتني من فرنسا بخصوص الشغل
بعد ماراح أجلست نوره
من محطه لمحطه
دق جوال فارس وكان جنبها على الطاوله
وشافت الأسم ام ابرار
نوره اعرفتها منيره
بعد تتصل السخيفه دقي لحد ماتشبعين
وحطته على الصامت
من كثر ماتصلت نوره خافت
يكون فيهم شي
قامت وخذت الجوال

نوره فارس حرمة اخوك تتصل
فارس خير ان شالله
رد عليها
هلا ام ابرار ..خير ..ابرار ..
محمد وينه .. خلاص انا جاي
نوره خير فيهم شي
فارس وهو يروح الغرفه
يبدل
مدري بس تقول ابرار تعبانه
بروح اشوفهم
نوره طيب طمني
فارس زين
طلع
أرجعت نوره ترتب الصاله
ودخلت المكتب لفارس
أجلست على الكرسي للطاوله
وشافت المفتاح على الدرج
نسى ياخذه
ترددت تفتحه بس حب الفضول
ولازم تعرف قصة فارس
افتحته وشافت ملفات
وتحتهم ظرف كبير
خذته وافتحته وشافت البوم صور وشريط
للفديو
افتحت الألبوم وبدت تتفرج على الصور
كان فارس مع اربع شباب
في بداية الصور وبعدين
مع واحد وبنت
وكان توه في عمر 20 او21
خذت الشريط وراحت الصاله
عشان تشوفه
شغلته وشافت فارس مع نفس الشباب
جالسين في صاله واحد يصورهم
ومعاهم مجموعة بنات
والي يصور يكلم فارس
قوم حطت عينها عليك
فارس انقلع وياها
الي جنب فارس
حرام عليك تكسر خاطرها
فارس ماعطاهم وجه
البنت قامت غرفة وسكرت الباب
قام الي جنب فارس يلحقها
بس فارس امنعه يدخل
حاول بس ماقدر
جلس معصب وكلم الباقين
انتو كلاب عن جد مراح نخلص وياكم
اشوي ويطلع الي دخل الغرفه
يكلم فارس
الكلبه ماتبيني تبيك روح لها
فارس تنقلع
نوره الي شافته خلاها ماتبي تكمل
معقوله فارس يحتفظ بشريط وصور
كثل كذا عشان وحده في حياته
يمكن لما كان في شبابه حب وحده
ولا قدر ينساها وحطت البنت الي
كانت مصره عليه ممكن تكون اهي
عصبت عليه خذتهم
بعد ثلاث ساعات
يدخل فارس ونوره كانت جالسه في غرفة النوم
هلا حبيبتي
نوره هلا شلون ابرار
فارس الحمدلله جاتها الدوده الزايده
وسوو لها عمليه والحين احسن
نوره حمدالله على سلامتها
فارس استغرب شكل نوره
وطريقة ردها بس ماهتم ورجع
للمكتب ودقايق يرجع لها
انتي فتحت الدرج
نوره ايه فتحته وشفت
فارس يقاطعها
وين الصور
نوره الصور حرقتها والشريط قصيته
فارس عصب
نوير وينهم
نوره انا مدري له تحتفظ بذكرى منتهيه
خلك في الحاضر احسن
فارس ماتحمل اكثر
قرب منها وعطاها كفوف في وجها
وهو يصرخ عليها
نوره بعد ماطاحت في الأرض
خلاص بعطيك اياهم
تركها
راحت لدولاب وطلعتهم وعطته
وهي تصيح
انت انسان مريض ومجنون تضربني
عشان وحده حيوانه اتركتك
فارس غمض عيونه وبهدوء
نوره انتي طالق
نوره انصدمت حطت يدها على فمها
ماهي مصدقه
طلقتني بعت حبنا وعشرتنا بسهوله
حرام عليك
طلع فارس من الغرفه
ونوره الحقته وامسكت يده
تترجى فيه وتصيح
فارس لاتتركني انا احبك
ولا اقدر اعيش بدونك
فارس سحب يده بقوه وطلع من الشقه
نوره منهاره وطاحت على الأرض
فارس ركب السياره وكلم ماجد
ماجد هلا فارس
فارس ماجد رح اخذ اختك من الشقه
ماجد ليه فيه شي
فارس ماعطاه فرصه وسكر
سحر خير خالي فيه شي
ماجد قال لي اخذ نوره من الشقه
سحر اروح معاك
ماجد لا خلك بروح اشوف السالفه
ولا تقولين لأمي
راح ماجد الشقه وضرب الجرس
بس محد يرد اتصل جوال على نوره
ولا ردت ضل يتصل ويضرب الجرس
قامت وهي شبه منهاره
افتحت الباب وصعد ماجد وفتح باب الشقه
شاف نوره على الأرض وتصيح
ماجد جلس جنبها
نوره حبيبتي شفيك ومن سوا في
وجهك كذا فارس مد يده عليك
نوره طلقني طلقني
ماجد ليه مجنون
راح غرفتها وجاب عبايتها
ولبسها وطلع معاها وراحو البيت
اول مادخلت كانت امها وابوها
جالسين في الصاله
نوره تصيح بقوه وراحت احضنت امها
مريم شو مستوي شبلاها اختك
فهد ماجد نوره شفيها تكلم
ومن الي ضاربها كذا
ماجد طلقها فارس
سحر اشهقت مو مصدقه وصاحت
حاولو يعرفون السبب من نوره
بس رافضه تتكلم
فهد دموعك غاليه يابنتي والمريض
الي خذتيه مايستاهلك بس والله
ضربه لك ماراح يعدي
طلع من البيت
مريم يمه ماجد الحق ابوك لا تصير
مشكله مع فارس
ماجد لحق أبوه وركب معاه السياره
سحر اتصلت على بيت اهلها
حصه هلا سحر شلونك ..شفيه صوتك ..
انتي بخير ماجد بخير ..
ليلى وعبدالرحمن وخلود قربو منها
عشان يسمعون
سحر بصوت مبحوح
يمه خالي فارس طلق نوره
حصه شتقولين
وبدت تصيح
عبد الرحمن خذ السماعه من حصه
هلا سحر شفيكم
ليلى حصه تكلمي صاير
خلود يمه خالي فيه شي
عبد الرحمن لا اكيد هذا مجنون سكر
ليلى شفيكم والله مالي قلب يتحمل
عبدالرحمن لا حول ولا قوة الا بالله
حصه تمسح دموعها
يمه فارس طلق نوره
ليلى اشهقت بقوه
طلقها طلقها لا اكيد تكذبون
قولو غير هلاكلام اكيد احد مسوي له عمل اناقايله
عبدالرحمن مقفل جواله مايبي
نعرف عن سواد وجهه
وسواته الشينه
كلم محمد وشافه مغلق
وكلم عبدالمنعم
هلا يبه
عبدالرحمن تعال ابيك الحين ضروري
عبدالمنعم خير يبه فيك شي
عبدالرحمن لا طولها معاي قلت تعال
حصه وليلى الحزن بادي عليهم
ودموعهم تسبقهم ولأول مره
خلود يرق قلبها وتنزل دموعها
بس ماتدري حزن على حال خالها
او نوره الي مالها ذنب
عبدالرحمن طلع برا الشارع ينتظر عبدالمنعم
فهد وماجد نازلين من السياره
سلمو عليه
فهد اسمع يابو محمد طلق البنت ماقلناشي
مايستاهل ظفرها بس يمد يده عليها
ماني ساكت عليه بنات الناس مو لعبه
عنده
ماجد يبه صلي على النبي
عبدالرحمن والله انا متفشل معاك
ولا عارف السبب
فهد قل له اني بشتكي عليه
في الشرطه كل شي ولا نوره
عبدالرحمن الي يريحك سوه مقدر امنعك
ماجد يحاول يهدي فيه
ركب فهد السياره
ماجد السموحه ياعمي اهو معصب
الحين بس تأكد ماني مخليها توصل لشرطه
عبدالرحمن ياولدي مالومه وانا لو
في مكانه بسوي كذا واكثر
بش ماقول غير حسبي الله ونعم الوكيل

في بيت رياض
رياض الله يعطيك العافيه ياقلبي
نوره2 وياك بس شكلك تعودت
كل ماتجي من العمل تبي اسوي
لك تدليك
رياض ماأستاهل جاي من العمل وتعبان
نوره 2 والله حتى انا ظهري يتعب
رياض سلامتك بس شخبار
حبييب أبوه الحين
نوره متعبني كثير
رياض يحط اذنه عند بطن نوره
حبيبي ارتاح وانت عند امك
ولا تجننها وتعبها علينا عفيه على اولدي الشاطر
نوره خلصت مع اولدك يالله وخر
ترا حامت كبدي منك وانت قريب مني
رياض لا حول ماخلصنا من اوحامك فيني
بأي شهر انتي امي تقول مايطول الوحام
نوره دخلت الخامس توني
وبعدين هذا اولدك مخليني ماأشتهيك
واحس كل ماتقرب ابي ارجع
رياض شقول فيه ولد كلب يبي يحرمني منك
نوره احد يسب نفسه
رياض انا اذا بيخليك تحنين علي
وقرب منها
بس جوال نوره يدق
نوره وخر بروح ارد
رياض تركيهم ماهم مهمين
نوره لا حرام اكيد شي ضروري وانت لاحق
قامت وردت هلا شعول
مشاعل صوتها مبحوح
نوره شفيك ياحظي مصيحه وملكتك بكره
مشاعل نوره فارس طلق خالتي
نوره بصرخه قويه طلقها ليه
رياض وقف عند نوره
نوره صارت تصيح بعد ماسكرت
رياض حبيبتي خير
نوره2 فارس طلق نوره
رياض مصدوم
لا هذا مو صاحي بالمره
راح خذ غترته
نوره2 وين بتروح
رياض بشوف الحمار وين راح
نوره2 طيب ودني لنوره الله يخليك
رياض يالله قومي
....
مر اليوم على نوره وهي حابسه نفسها
في الغرفه والكل كان يحاول يعرف السبب
بس ماتكلمت حتى لما جاتها نوره صديقتها
ونصحهم الدكتور الي جابوه انهم
مايضغطون عليها عشان ماتتعب نفسيتها اكثر
وتتعرض لأنهيار عصبي حاد تدخل
المستشفى عليه والأخ فارس مقفل جواله
طول اليوم ومحد عارف وين مكانه
ثاني يوم محد قدر ينام كان اليوم مثل الكابوس
سحر ظلت مع نوره في الغرفه
سحر نوره تبين اسوي لك فطور
نوره تهز راسها لأ
بس ادموعها اسبقتها وتكلمت
عشان شريط وصور يطلقني
وين الحب الي عشناه
سحر أي صور وشريط فهميني نوره
نوره ماتكلمت بس سحر تأكدت
من شي احضنتها وحبت رأسها واطلعت
من الغرفه وكلمت جدتها
هلا جدتي شلونك عقب امس
ليلى وين اصير احسن وولدي
مدري عنه ولا عارفين سبب طلاقه
سحر جدتي صار لازم نوره
تدري عن سالفة خالي لأنها
قالت شافت عنده صور وشريط
ليلى من وين له واحنا كل شي
بخصوص الموضوع ..
حفضناها في مكان محد يدري عنه
سحر لازم تجين وتخبرينها
ليلى نص ساعه وانا عندكم
في غرفة نوره
مريم يمه لازم تاكلين شي
مايستوي جذي ماتكلين لا تعذبيني معاج
نوره مابي ماشتهي
مريم انتي على لحم بطنك
من امس عشاني اكلي شي
بعد نص ساعه اوصلت ليلى
واصعدت الغرفه عند نوره سلمت عليها
واجلست جنبها
ليلى سمعيني يا نوره الكلام الي
بقوله مضى عليه 11سنه والله
يعلم كيف احنا عشنا
ذيك الأيام
قبل 11سنه كنا عايشين في القصيم
مع اهل زوجي وكان عندي بنتين
واربع اولاد
محمد وعبد المنعم وتركي وفارس
تركي وفارس كان عمرهم من بعض قريب
لما ولدت تركي بعد 4شهور
حملت بفارس وجبته وصارو
مع بعض الي يشوفهم يقول تؤم من كثر مايشبهون بعض وكانو دوم مع بعض اكلهم وشربهم
وسهرهم حتى السفر مع بعض
لحد ماجات السفره المشؤومه الي
اقلبت حياتنا كلنا لما عرفت ان تركي
تزوج من المغرب وحده هناك
حلفت عليه يطلقها قبل لا تحمل وتربطه عدل
وبعد اصرار وافق وطلبت من فارس
يسافر معاه عشان يتأكد انه تركها نهائي
وسافرو اثنينهم
تمسح ادموعها وتبلع ريقها
وسحر تمسح دموعها
ليلى كلمني فارس بعد يومين وقال ان
تركي خلص موضوعه مع البنت
وطلقها وانهم بكره راجعين الرياض
ان شالله الساعه 10 اليل
فرحت كثير ان اولدي ارتاح من شر هالبنت
راح فارس مع تركي في مقهى
وهم جالسين
ليلى جاتها نوبة بكى مو طبيعي
نوره خافت. ومريم خافت
صلي على النبي ياام محمد
ليلى تكمل بصعوبه
كانو جالسين ويضحكون ويسالفون
لحد مادخلت طليقة تركي وبكل
برود طلعت مسدس واطلقت عليه 14 رصاصه
في كل مكان من جسمه
بدت ترتجف وتصيح اكثر
مريم خلاص يام محمد
سحر جدتي صلي على النبي
كملت
بعد ماذبحته اطلقت على راسها
رصاصه وماتت
فارس صار يصرخ لما شاف تركي
جثه هامده في حضنه والدم من كل
مكان يطلع ظل يصرخ ويصرخ
ينادي عليه عشان يكلمه بس
تركي مات في حضن اخوه
فارس كان رافض أي احد يشيله
من حضنه ولما جات الشرطه والأسعاف
مقدرو عليه الا لما عطوه ابره
منومه لأنه كان في حالة انهيار
بعدها سافر عبدالرحمن ومحمد
وعبد المنعم هناك وشافو حالة
فارس الله يعلم فيها ماهم قادرين يهدونه
اظطرو يعطونه ابره منومه طول
الرحله وجابو تركي معاهم في
تابوت والله يعلم يا نوره كيف عشنا
ذيك الأيام فارس بعد مادفن اخوه
جاله انهيار عصبي ودخلناه المستشفى
بس ماقدرو يسون له شي ونصحنا
واحد من الدكاتره عند دكتور في الرياض
راح عبدالرحمن واخوانه معاه
لعند الدكتور ونصحهم ان كل
ذكرى بخصوص تركي لازم تنشال
صور ملابس أي شي يذكره فيه
وعبدالرحمن لما شاف فارس كذا
قرر نترك القصيم ونعيش في الرياض
لأنه خسر واحد ولا كان عنده استعداد يخسر الثاني ودخلنا فارس مستشفى في الرياض
ظل سنه يتعالج وبعدها رجع فارس لنا
واحسن من الأول بس الظاهر
ان فارس عنده صور لأخوه واحنا
ماندري عنها
نوره كانت تصيح من اسمعت قصة فارس
ليلى نوره لا تزعلين من الي سواه فارس
معاك اكيد بيراجع نفسه ويعرف
انه غلطان وبيطلب السماح منك
بس لاتتركينه انتي الوحيده الي
شاف السعاده معاها وارتاح
الله يخليك سامحيه على الي سواه
ومسكت يد نوره , نوره احضنتها
وصاحت في حضنها
مريم ياام محمد نوره بنتكم وبتبقى
بنتكم وان شالله غيمه وتنزال
وترجع الأمور احسن من قبل
نوره "ليه ماصارحتني يافارس وقلت لي
عن اخوك والله كنت بساعدك واوقف معاك
عاجبك الحال الي وصلنا له بسبب
اعنادك وينك الحين وينك"
فارس قضى ليلته في المزرعه
ولما عرف أبوه راح له مع اخوان فارس
واجلسو يتكلمون معاه
وهو كان رافض يتكلم ويسمعهم
نوره2 كانت عند نوره وصارت تغصبها
تأكل مع مشاعل
نوره ادخلت الحمام
نوره2 مشاعل قومي جيبي لي
دفتر مذكراتها بسرعه
مشاعل ليه
نوره2 انتي قومي الحين وبعدين افهمك
راحت مشاعل ودورته في ادراجها
ولقته وعطته نوره2
شبتسوين فيه
نوره2 صبري بعد اشوي بطلع معاك
وبتعرفين وين بنروح
بعد ماتطمنو على نوره اطلعو
نوره2 اطلبت من السواق يوصلها
شقة نوره
مشاعل ليه جينا شقتهم
نوره2 بنتظر فارس وبعطيه مذكرات
نوره لازم يعرف ان نوره كانت تحبه من زمان
وظلو ينتظرون
مشاعل واذا ماجه يمكن في بيت اهله
نوره2 اذا مابين بعطيه سحر
توصله له
وبعد ساعه شافو فارس يوقف سيارته
عند الباب وينزل
نوره2 انزلت
وقفت عند فارس ومدت الدفتر
فارس خير شنو هذا
نوره2 هذا يخص زوجتك ولازم تقراه
واذا ماعجبك الي فيه ياليت تعطيه
رياض عشان ارجعه لصاحبته
خذه فارس ودخل الشقه
واهم ارجعو
فارس يجهز شنطته حجز تذكره لمكه
كان يبي يرتاح ويختلي مع نفسه
ولا لقى مكان غير بيت الله
الي بيحس فيه بالحياه من جديد
وسافر
ثاني يوم
نوره واقفه تناظر نفسها في المرايه
وكيف وجها ذبل وعيونها تعبانه
سحر اقول خالتي بروح
انادي نوره تتغدا معانا يمكن الله
يهداها وترضى تنزل
مريم ياليت يابنتي حاولي معاها
اصعدت سحر الغرفه ضربت الباب
وادخلت وشافت نوره طايحه على
الأرض ومغمى عليها
صرخت سحر بقوه ونادتهم
ودخل ماجد وفهد
ومريم ولما شافوها
حملها ماجد وراحو المستشفى بسرعه
وبعد انتظار طلع الدكتور
مبروك المدام حامل
انبسطو كثير ماجد وفهد ومريم
وسحر ماصدقت وبشرت جدتها
وليلى كلمت فارس بس كان
جواله مغلق
مر اليوم وكانو فرحانين انه الحمل
بيصلح الحال
رجع فارس من مكه وصعد غرفته
وليلى لما درت من الخدم انه فارس
موجود راحت غرفته
فارس اول ماشاف امه سلم عليها وحب يدها
ليلى فارس نوره حامل
فارس حامل ..حامل
ليلى ايه عرفنا اليوم لما طاحت ودوها
المستشفى وقالو انها حامل
فارس الله يرضى عليك لازم ترجع نوره
ماراح تلقى وحده زيها
فارس الي كاتبه ربي بيصير يمه
ثاني يوم بعد صلاة الظهر
سحر انتي سمعيه بالأول حرام صار له
ساعه ينتظر
نوره قلت مابي اشوفه خلاص ماعندي استعداد اعيش معاه
سحر ماجد قل كلمه
ماجد نوره وانا اخوك ماراح تخسرين شي
سمعي شبيقول له ساعه ينتظر في المجلس
نوره لاتحاولون معاي لما عرف
اني حامل جاه يركض
فهد يدخل
لو سمحتو خلوني مع بنتي اشوي
طلع ماجد وسحر
فهد سمعي يابنتي انتي تعرفيني
ماغصبك على شي بس الرجال عنده
كلمتين سمعيهم وصدقيني
قرارك اهو الي بيمشي
وطالما انتي عند ابوك محد بيغصبك
على شي والحين تبين تسمعينه ولا
اقول له يمشي خلاص
نوره بسمع شيقول
فهد اجل تعالي معاي
انزلت نوره وهي ماسكه يد ابوها
وتذكرت لما كان ماسكها اول
مره وبيدخلها على فارس يوم الملكه
وكيف كانت مرعوبه جاها نفس الأحساس
فتح فهد باب المجلس ودخلو
ادخلت ولا كلمه او سلام
فارس اول ماشافها صار قلبه يدق
كأنه اول مره يشوفها
فهد جلسي يابنتي وسمعي
واي قرار بتتخذينه راح انفذه
وهو يناظر فارس
فارس الي تبقيه بيصير ان شالله
طلع فهد وسكر الباب
فارس بعد نفس عميق
انا اعترف اني غلطت لما ماخبرتك
بخصوص اخوي تركي بس صدقيني
غصبا عني
نوره وهذي النتيجه يافارس
خليتني اشك فيك واصدق كل الكلام
الي ينقال عنك وانك كنت تحب وحده
وعايش على ذكراها
فارس يتنهد
تعرفين الشعور الي عشته لما كنت
مع تركي نسولف ونضحك
وقال لي انه راح يرضي امي
ويفرحها ويتزوج بنت عمي
وبيشتغل مع ابوي ويترك حياته وربعه
الي ماخذ منهم الا الدمار كان
يحلم بحياته الجديده
وبعد ماخلص من كلامه بدقايق
صار في حضني غرقان بدمه
تعرفين كيف صرت ذاك الوقت
مجنون .مجنون اخوي في حضني
ودمه كله علي صرخت
وصرخت قلت يمكن يسمعني
ويرجع يكلمني لكنه راح
تعرفين الشعور كيف لما
خذته معاي وهو حي ورجعت
معاه بس كان في تابوت مع العفش
ميت شعوري الله يدري فيه
تعبت كثير وجاني انهيار ودخلت
المستشفى ولما ابوي يزورني
ويشوف حالتي من اسوء لأسوء
جاته جلطه قلبيه وسوو له عمليه
وقال الدكتور الي يعالجني ان
انا السبب في حالة ابوي
قررت بعدها اني ارضى واتعالج
وطلعت ولأني ماابقى ابوي وامي
يخافون علي ماسألت عن صور تركي
بس الي عندي اخذتهم من صديق
تركي لما كان مسافر معانا
وحلفت عليه مايقول لأهلي ان عندي
ذكرى لتركي احتفظت بالدقايق
الأخيره الي عشتها مع تركي
وكل ماولهت عليه طالعت الصور والشريط
بدون محد يدري
ولما انتي شفتيهم وقلتي انك حرقتيهم
حرقتي اخر ذكرى لأخوي
كل الشياطين اطلعت في وجهي
وضربتك وانا اعترف اني ندمت
لما نطقت بالطلاق ندمت كثير اموت ولا اقولها
نوره وقفت لو قلت لي عن اخوك
كنت بساعدك ووقف معاك بس
انت تركت الشك يعمي قلبي وخربت حياتنا
فارس طيب هذا انتي عرفتي الحقيقه
كامله خلينا نرجع لبعض
ونعيش من جديد مع ولدنا
نوره فارس لو ماحملت كنت بتجي وتراضيني
ولا لأني حامل غصب عليك بترجعني
فارس قرب من نوره
ولمس ذراعها بيده
صدقيني حتى لو ماكنتي حامل
كنت برجعك غصب عنك
انا مو مجنون افرط في وحده
تحبني من كان عمرها 15سنه
واخلصت لي لما كبرت في حبها
نوره مستغربه كيف عرفت
فارس يبتسم
انا قريت مذكراتك كلمه كلمه
حرف حرف
نوره تبتعد عنه
ذاك اول احب فارس صديق اخوي
كنت اشوفك احسن الرجال ماكنت ادري
فارس يقاطعها
وللحين تحبيني مثل ماأنا ميت فيك
نوره تتوهم ذاك اول استاذ فارس
فارس قرب منها وحضنها بقوه
حاولت تبعده بس فارس اقوى منها
وقربها اكثر واكثر
بعد دقايق شفتي ماقدرتي
تقاوميني قولي احبك لا تكابرين
نوره لفت وجها عنه للجه الثانيه
فارس بيده رجعه له
قولي احبك قولي وقرب
وباسها بكل هدوء بدون مقاومه
من نوره

قولي احبك قولي وقرب
وباسها بكل هدوء بدون مقاومه
من نوره
حبيبي تعال وكافي دلال انا منك وانت مني
احبك وابيك وميت عليك ابي احيا واموت جنبك
عيوني معاك وروحي فداك وهمي رضاك
لأني احبك ومابي غيرك ولا لي غيرك فديت قلبك

بعد ساعتين
ماجد يوقف عند باب المجلس
يبي يسمع شي بس هدوء
ماجد شكلهم ماتفاهمو وفارس طلع
وهي صعدت ولا شفناها
فتح الباب بشويش ودخل
وانتبه لهم وبسرعه طلع
" لا يروح فكركم بعيد الموضوع بسيط"
طلع وسكر الباب
ماجد وهذ الي كاتبه لي ربي اشوفهم
فهد جاي ومعاه صينية الشاي والقهوه
ها بشر صار شي
ماجد شرايك نتقهوه مع الوالده
فهد انا جايبها لرجال شفيك
ماجد نتقهوه مع الوالده احسن
فهد انت خبل فيهم شي
ماجد يبتسم
لا مافيهم بس الظاهر انهم يتصالحون
فهد فهم
انت متأكد
ماجد الي شفته يقول كذا والله تعالى اعلم
فهد اجل يابوك نتقهوه مع امك احسن لنا
ارجعو الصاله واجلسو
مريم وسحر مستغربين
سحر أجلست جنب ماجد
وتكلمه بشويش
شفيكم خير
ماجد بنتقهوه هنا عندك مانع
سحر اقصد خالي ونوره
ماجد خلي عنك القافه تراها مو زينه
سحر في هالشي ملقوفه ونص
اخلص صاير لهم
ماجد يبتسم
تصالحو مع بعض
سحر ماصدقت ومن خبالتها
قامت وباست ماجد في شفايفه
وراحت تبشر اهلها بالجوال
ماجد منحرج
لا تشرهون عليها قلت بعشيك في مطعم
وافرحت
لما درت ليلى وعبدالرحمن وحصه
اكيد اكيد افرحو وبالأمانه حتى خلود
لما درت احضنت امها وصاحت
7
7
7
7
7
في المجلس
فارس حاضن نوره لصدره ويلمس خدها
الله يخليك لي ياقلب فارس ونبضه
نوره ياروح نوره واحساس نوره
الله لا يحرمني منك
فارس زين انا واصل حدي
خلينا نرجع شقتنا ابيك خلاص
نوره لا حبيبي روحت الشقه انساها
فارس ماتصالحنا
نوره ايه تصالحنا بس
انا عندي شروط
فارس قوليها
نوره بتوافق عليها
فارس يبتسم
تامرين قولي
نوره أول شي ابي شقه جديدة
وبأثاث جديد القديم ولا شي ابي
منه لأنه بيذكرني بالماضي وتكون قريبه
عند اهلي عشان اذا فكرت تزعلني
اقدر اجي عندهم مشي
فارس الله لا يجيب الزعل ان شالله
احبك واحب جنونك
والشقه مقدور عليها ان شالله
نوره طيب وشرط ثاني
فارس لا تصيرين طماعه
نوره لازم تعرفه وتساعدني فيه
فارس قولي
نوره انا ونوره صديقتي
فكرنا بمشروع من بعد ماتخرجنا
بس كان ينقصنا راس المال
ودنا نفتح روضه كبيره
لللأطفال وتكون كامله في كل شي
واخصائين تكون غرف الدراسه
مصممه بطريقه تخلي الطالب
يحب الدراسه وقلنا
نسوي قسم طبي خاص لللأطفال
يعالجهم اذا احتاجو
فارس بس الموضوع يحتاج
راس مال كبير
نوره ادري وانا مع نوره
قلنا بنطلب منك مع رياض
تساعدونا
فارس ماعندي مانع اساعدك
بس سلف وترجعين لي المبلغ بعدين
نوره نفس كلام رياض لنوره
ماتسوون الشي لحريمكم
فارس والله ماجبت فلوسي من الشارع
وبصبر عليك متى ماجبتيهم
الا اذا
نوره اذا ايش
فارس حضنها لصدره
صرتي شاطره وجبتي
12 ولد وبنت ودرستيهم
في روضتك
نوره لا تمزح اكيد متى اجيبهم
فارس هذا بداية الخير
ويحط يده على بطنها
والباقي كل سنه
نوره كل سنه يعني متى
ارتاح
فارس يبتسم
يلوموني اني احب اخبالك
وحضنها
نوره لحضه باقي شرط اخير
فارس نوره مصختيها
نوره بس واحد والله
اذا الله عطاني ولد بسميه
تررررررررركي
فارس باس راسها
الي تامرين فيه ياام تركي
نوره احبك يا أول الحب واخره
وضاعت انفاسهم مع بعض لتعلن بدايه جديده
الخاتمه في اسطر

زياد وليال
بعد مارجعو لسعوديه
وليال ادرست في الأمارات
اكتشفت انها حامل وقررت توقف
الدراسه لحد ماتولد بالسلامه

فواز وليان
بعد مارجعو تزوجو وعاشت معاه
في شقه وصارت تصمم بنفسها
بيت المستقبل وكملت دراستها
في الجامعه وتبون الصج
ليان مو وجه دراسه دوم تتغيب
وماصدقت تحمل وصار عذر
تترك الدراسه وتتفرق لزوجها والبيبي
ماجد وسحر
متفاهمين كثير الله يبعد الحسد
عنهم وعايشين في حب مستمر
والله عطاهم بنوته حلوه

رياض ونوره
ماقول لكم كيف رياض
المسكين تحمل نوره وقت
الولاده في غرفة الولاده
وخلته يندم انه خلها تحمل
على الي سوته له راحت يده
من كثر العض الي جاه
بس المهم كل شي يهون لما شال بيده
اولده

نوره وفارس
الحب الجديد مالي عليهم
وعايشين بسعاده مع بعض
خاصه لما فارس شرا
بيت جديد قريب عند اهله
ومثل ماوعد
نوره جابت تركي
والمسكينه ماكملت 5 شهور
وحملت مره ثانيه
كله يهون في رضى
العاشق المغروم

النههههههههههههههايه

[.::.].::
صفحه مذهله ومكتمله بِ جمال
الطرح
شكراً لك منْ القلب على هذآ العطاء
بِ إنتظآر جديدك آلعذب وآلمميز ,
خآلص ودي ووردي لِ أنفآسك ..

..:ღ:..

500
تقييم

ماورى الحريم الا القلق والازعاج
هذي داخله مع زوجها رواقه والاخت تدور المشغل
مع صبح الله
سلمتي على الروايه

شاكره مروركم العطر

وهاذي الروايات

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

شاكره مرورك العطر