@~آحاسيس عذبة ~@

شمعة وليل احباب والجو هادي
واستارة العشاق بين سعدها
شوق وقف بالباب همسه ينادي
وده يصافح بالغلا كف يدها
في كفه اليمنى ورود وكادي
وفي كفه اليسرى بقايا وعدها
يمكن تجي لاحل وقت البرادي
يمكن غيوم الشوق يصدق رعدها
بوحي

اكتب قصيدي بين حزة وحزه
يرتاح بالي لاكتبت القصيده
بيني وبين ابيات شعري معزه
حيث انها تمشي على ما اريده
ان صابني من رمح الأيام غزه
يفزع معي ضد الليالي الشديده

نبضي

استنسخ الفرحة من افواه الأطفال
الي تفر حهم من الضيق لعبة
وامرر الواقع على حلو الآمال
لو كانت احلامي من الوقت صعبة
واكتب حروف البوح عن راحة البال
والضحك فيني داخل البوح كذبة

بوحي

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

ماعاد طعم العيد بالريق حالي
لاصار خلك نازح الدار وبعيد
والعيد ماهو عيد لاغاب غالي
لاغاب نور الدار ماكن به عيد
في زحمة الأقراب كني لحالي
ماغير اردد هاجس البعد ترديد
عن طاري الأحباب مانيب سالي
لو طوقوني بالغنا والزغاريد
بوحي

ترا الحنين احيان يجبر على البوح
ويصير صوت البوح اقوى من الصمت
بعض الغلا في داخل الروح مفضوح
يبين في عينك ولو ماتكلمت

بوحي

غيمة فرح تمطر لنا العيدهتان
تسقي فياض قلوبنا بهجة العيد
منها يفوح الورد من كل بستان
والناس كل لابس زين وجديد
حتى طيور الصبح غنت بالالحان
احلى غناوي العيد بالحب تغريد
الله يعيد العيد والكل فرحان
جعله علينا دوم مبروك وسعيد
بوحي

يالي تحــاول بالجـــفا تقتــل الــود
وش فيــك دايم تستفزه غــرامي
ياشوق حبي مافرضته على حد
الي فــرضته طيبـتي واحــترامي
مـن حبني مـن جـد حبيته بجـد
صدق المشاعر واضحه في كلامي
والي يحــبك بعــض الأيــام لـوصد
لابـد يقبــــل بـه عـــظيم الهــيامي


بوحي

شبيه صويحبي سبحان رب يخلق الأشباه
عطاك الله من نفس الوصوف الي لمحبوبي
تشابه طلته نوره بياضـه لمعــة محـــياه
وحتى بالصدف اسمه لقيته فيك مكتوبي
شموخك عزتك رفعة مكانك كنها اياه
تقول ان الحلا الي في حبيبي فيك مسكوبي
الا حسبي على بدر تجلى جابلي طرياه
شبيه صويحبي قلي وش الي جابك دروبي

بوحي

استغفر الله كل ما اصبحت وامسيت
عن كل ذنب في الحياة اقترفته
وابقدرتك ياخالق الحي والميت
تعطيني الي في سجودي طلبته

بوحي