بلا رقيب / لعاشقه ديرتها ، كاملة

ضحى
كان يتكلم كثير ويخطط ويشرح وانا ماني مستوعبه ياءالله معقوله حبه لي وصل لهالمرحله
مو مهم عنده نفسه كثر اهمية وجودي معه ...
مافكر ابد انه مريض وانها المفروض تكون نهاية العالم بالنسبه له
كل تفكيره اني مأتركه ...
ياءالله ياعساف كم قسيت عليك بذنب انت مأرتكبته ..
ضغطت وجهي بين يدي ابغى اوقف دموعي بس ماقدرت
ليه كنت اعاقب ابوي فيـــــك ..
من قبل مأخذك وهذي هي الفكر المستوطنه فيني .. انت الصوره الثانيه عن ابوي
بس انت الصوره الأبسط اللي اقدر اتواصل معهـــــاااا ...
هجر أبوي لنا ماعطاني الفرصه عشان اتواصل معه اعاقبه واشكي له هجرنااااا وأحاسبه عليه ..
بس انت كنت موجود وبعد الهجر رجعت عشان احاسبك ..
ومارحمتك ابد مارحمتــك عاقبتك وعاقبت ابوي وعاقبت امي فيك انت بس ..
ضحى :آآه خلاص بس ...
مابغى افكر اني ظلمتك مأبغى فكـــــــررر ..
قمت بسرعه لازم اقوله اني بسافر بروح معه لو يبغى للمريخ ..
حسيت بدوخه قويه اول ماوقفت رجعت تجلسني على السرير غمضت عيوني لين هدت ورجعت اوقف
مافيه شي بيعيقنـــــــي عنه ..
رجعت اقوم وانا احس بضعف كامل لجسمي احس رجولي اضعف من اني اوقف عليها ..
طلعت من الغرف وانا اتسند عليهاااا ... كنت امشي مع الممر وانا اسمع ضحك شدن معه..
سعاد
كانت أمي واصله حدها من العصبيه ومأذيتني معهـــــا ..
سعاد :طيب اللحين ممكن افهم وش ذنبي انا من كل هذا
باشا:انتي اللي دخلتي بنت الفقر بينا .. لو مأنتي ماكان خلف شافها ولاعـــــرفهااا
سعاد :لااه مو كانها بنت زوجك ...
باشا:بس انتي اللي لصقتيها فينااا وأخوك المهبـول على طول تعلق فيهــا ونسانااا ..
من طلع لاشغل لاوظيفه ولاأهل بس يلاحقهاااا ..كل مأتصلت ابغاه وينك مع مشاعل ..
لاوهاليومين صاير يطنش ومايرد علـــــــي ..حسبي الله عليهااا هي اللي فرقت بينا...
حسيت ان أمي بدت تقط خيط وخيط وش دخـــــل مشاعل تفرق بينهــم ...
صح أنها خبيثه وعقــــرب بس خلف بعد مو هين ..
ومو مره اللي بتفرق بينه وبيــــــن أهله ..
سعاد :ماتلاحظين انك مره متحامله عليهااا انا اتوقع ان خلف يغطي
على نفسه بمشاعل ولاهو عند سالفه ثانيه غيرها ومشاعل انا اعرفها
زين ماتقوى تلعب بخلف مثل مانتي متصوره ...
باشا :انا متحامله عليها هذي اللي فرقت بين الأخوان بس انتي وش دراك
خليك بس مع صاحباتك اللي بيضيعنك ...
فرقت بين الأخوان .. أي أخوان اللي تكلم عنهـــــم ..
امي للحين تعد مالك أخوناااا ... بس أنا ماني قادره افهم حتى اللحين ليش كان عمي مبارك مايبغى احد يعرف أن مالك ولده
يعني مافيه مبرر واضح ...
يالله انا ليش مشغله بالي مصيري بعـــرف ..
امم اللحين بكثر اتصالاتي بمشاعل بشوف اذا صدق هي سبب تغير خلف او لااا ..
دقيت عليها ماردت .. مره اثنين ثلاثه وبأوقات مختله وماترد علــــــي ..
اوكي ياميشو انتي اللي بديتــــي الحـرب ...
اصلاً انتي ماتستاهلي اخدع اخوي عشـــــانك لازم يعرفك على حقيقتك ليش أغطي عليك ...
سارا
صحيت قيس بسرعه ونزلت تحت كانت الساعه 9:30 يعني الحبيب بيتأخر على دوامه من تحت راســـــي ...
لا ليش من تحت راسي انا امس نايمه من الساعه سبعه مو ذنبــي أذا هو نومه ثقيل ..
كنت افكر بهالكلام وانا انزل السلم ...قابلت منيره بالصاله بتدخل على أمها ..
منيره :هلا صباح الخير
سارا :صباح النور .. خالتي صاحيه ..
منيره :لا والله تو افطرت ونامت .. تعالي معي للمقلط كنت انتظرك نفطرسوي ... ؟!
رحت معها وين ماقالت ..
منيره :وينك امس انتظرتك على العشاء مانزلتي ..
نزلت كاسة الحليب من ايدي ..ياربي وش اقولها هذي اللحين اني فضلت النوم على مقابلتك ...
سارا :آه امس قيس قال لاتنزلين .. تعرفين عشان اخوانك وانا نمت بدري ...
لاحظت اني جالسه اكذب بدم بارد ...
منيره :لاوالله ماله حق يقول كذا ..؟!
سارا :مأدري عنه اسأليه ..
كملنا فطور بعدين طلعت منيره وطولت وانا فتحت التلفزيون اووف فوق مافيه تلفزيون يعني بنحبس وملل بعد ...
وين راحت هذي تأخرت حسيت احد يدخل رفعت عيني بسرعه خفت احد من عيالهم بس طلع قيــس
وشكله تفاجأ فيني ...
قال بأبتسامه خبيثه
قيس :انتي هنااا
طالعته باستغراب وش عنده ..؟!
سارا :غريبه متأخر وتبستم
قيس :متأخر على ايش ..؟!
بهالحضه دخلت منيـــره ..
سارا :الدوام
رد وفيه ضحكــــه ..
قيس :اليوم الجمعه..
قلت بتلقائيه
سارا :ياحظك ...!!!
ولفيت اطالع بالتلفزيون ...
سكوت ثم ضحكــــت منيره ..
لفيت اشوفها كانت حاطه يدها على فمها وتضحك ودموعها نازله
طيب وش قلت يضحك لهدرجــــه ...
طالعت بقيس حسيته معـــــــصب ... عجيب ..
منيره:قيس اجلس وش فيك واقف اصبلك شااهي...
كانت عيني عليه وهو يجلس..
قيس:ايوه صبي ..بس لايكون سكره كثير..
منيره :لاماحطيت فيه سكر تركته برى اعرفكم ماتحبون السكر ..
ياربي.. واااااو.. يالناس الصحيـه ..مالت بس
والله انا اللي مالت وش في على بنت الناااس ..
ميشـو
كنت انظر لصورتي بالمرآءهـ بحبــــور .. أبدو رائعــه ..
كنت انتظر مكالمه من خلف قبل أن انزل لذهاب معه لقد وافقت على طلبه وأخبرني انا سنسافر معاً لمدة أسبوع
ويجب أن لايعلم أحد من عائلته او عائلتي بذالك ..
أخبرت أخواتي أن سأذهب للمبيت عند صديقه سافر أهلها وتركوها وحيـده
وبالتأكيـد لم أجد الكثير من الأهتمام فقد اعتادوا ذالك مني ...
سارعت للأجابه على هاتفي حينما رن كانت المكالمه من سعاد
لأعلم مالذي تريده هذه الخرقاء ..
لما لتدعني أعيش بسالم ...لم أحاول حتى الرد عليهااا ..
لقد تأخر هل أبادر انا بالأتصال عليه ..
كلا لن أفعـــل .. لما لأقضي الدقائق المتبقيه بمحادثة أخواتي بدل الجلوس
في توتر هنااا...
سعاد
طيب ياميشو كنت بعطيك فرصة أخيــــــره بس أنتي ماستغليتيهـا ...
بعد تردد أخذت جوالي وطلعت لجناحـــــه ..
أخاف منك ياخلف ... بس الأنتقام طعــــمه حلو ..
حسيت بأختنق وأنا امشي بجناحـــه .. معقوله اللي بسويـــــه ..
كذا بكل بساطه بروح وافضح كل شـي طيب لو قررت ميشو تنتقـــم ..
ماراح يكون قدامها فرصه لأن خلف ماعنده بالخيانه يمه ارحميني والشي هذا تعرفه ميشو اكثر مني
واستغلته من خلالــــــي ..
بس المره هذي غير بكون فيها انا الأستــــاذهـ مو التلميـذه ..
دقيت على غرفة خلف مالقيت رد .. أنا متأكده انه هنااا كنت تحت مع امي يوم قال انه مسافر وبيطلع يجهز نفسه ..
مامر ربع ساعه على طلعتي لغرفتي ومستحيل يكون خلالها جهز نفسه وطلع ..
حاولت افتح الباب انفتح معي يعني هو داخل ..
ماكان موجود بغرفة النوم ..
بس صوته يتكلم بالجوال من غرفة تبديل الملابس ..
ماعرفت وش أسوي ..أدخل او انتظر عند الباب
بس بالأخير تصرفت بتلقائيه دخلت وقفلت الباب وراي ..
كنت اسمعه يقول
:هذي نتيجة أختيارك وتحملها ..ماراح اخذك معي مكاان ..
سكت ثواني حسيت فيها قلبي توقف عن النبض
لأني توقعته خلص مكالمته وبيطلع ..
بس سمعته يكمـــــل ..
:انتي ضحيت كثير عشانها خلها هي شوي تضحــــــي ..
السالفه بعد فيها أنثى ..
الله يستــــــر .. أخاف يعصب لأني سمعت مكالمته ..
طيب هو بعد مايسمع كلامي بينفجر عصبيه
ماتفرق ..
ماحسيت انه خلص مكالمته انصدمت يوم طلع من الغرفه
وشكله هو بعد تفاجأ فينـــــي .. وفيه شي ثاني بعد لاحظته لأول مره
شعره اللي فيه شـــــيب ..
صدمه ... خلف ليه كم عمره عشان يطلع الشعر الأبيض براسه ..
توه صغيــــــر .. هذا من المصايب اللي تلاحقه
واللي أنا جايه عشان ازيدها ...
خلف :هاه سعاد وش عندك ...؟!
وقفت جامده مركزه على يده اللي تقفل أزرار اكمام ثوبه ...وماني قادره اتخذ قراري
انسحب اواكمل ...
رجع ينادينـــــي ...
خلف :سعادي خلصيني عندك شي تقولينه او تفضلي برى ...
هزيت راسي انفض فكرة التراجع منـــــــه ..
ليه ارحمه هو ياما قسى علي ومارحمنــــي
حتى لو أخوي الوحيـــد عمري ماحسيت اني اعني له شي مايذكرني الا اذا الموضوع فيه زواج او حرمه ..
عمره مافكر فينــــي ومأعتقد يعتبرني شي بالنسبه له ومتأكده اللحين لو بقول له الموضوع بدون أثبات
بيظربني وماراح يصدق على مشاعل حتى لو ماكان يحبها بس لأنها زوجته بيعتبرها أقرب مني انا حيا الله اخت ...
سعاد :أنا خايفه منــــك ..أوعدني قبل مأقولك ماتدخلني بالموضوع وماتمد يدك علي ...
شفت الغضب بعيونه وقال وهو يمشي لي
خلف :وش مسويه انطقــــــــــي ...
قلت بسرعه وانا اتراجع على ورى
سعاد :ماسويت شـي مشاعل هي اللي سوت ...
كرر الأسم وكأنه اول مره يسمعه
خلف :مشاآاعل
سعاد :ايه مشاعل هي اللي بقول عنهـــا بس قبل اوعدني ماتدخلني بالموضوع ولاتقول ليش قبل ماتكلمتــــي
لأني كنت خايفه منك ..بس اللحين بقول لأني حسيت حرام اكتم اللي أنا اعرفه ...أنت تعرف
ان مشاعل انسانه سيئه ..
بلعت ريقي وانا اشوف يكور يده معقول بيظربني قبل مأكمل كلامي حتى ...
سعاد :ومو أنا اللي اقول هالكلام سمعتها اللي تقول .. يمكن انت تدري عن شي بس فيها اشياء ثانيه ماتعرفهــــــــا ...
والأشياء الثانيه أكبر بكثير من اللي تعـــــرفه ...انا سمعتك لما قلت لأمي انك سألت عن مشاعل وتحريت وراها وواثق ان مالها علاقات بالشباب ...
وفعلاً هي مالها مثل هالعلاقات .. لأن علاقاتها من نوع ثانــــــي ... مشاعل مستغنية عن الشباب بالبنــــــات ...
وأذا مو مصدقني عندي الأدله .. واسألها عن صديقتها أو...
وبلعت الكلمة قبل مأقولها لأني شفت بعيونه ان لو نطقت الكلمه بيذبحنـــــي
سعاد :هدى .. ووو
ترددت مره واثنين وثلاثه قبل مأكمل
سعاد :ودليل اللي مستحيل مايتصدق الوشم اللي على ظهـــــرها ..والمقاطع اللي بالجوال هنـــاا..
كانت هذي اخر كلمة نطقتها قبل مأحس براسي يدور والقى نفسي طايحه على الأرض ...
سمعت قفلت الباب ..
ضحكت من بين دموعي
سعاد :الله يرحمك ياميشو ...
ميشـو
لأعلم لما فضل خلف اطلاق تلك الزمامير بدل الأتصال بي ..
حملت حقيبتي وانا اودع اخواتي ووعد التي رافقتني حتى باب الشارع وهي تسألني لما لأذهب مع السائق بدل
خلف حتى ليظن الناس اني سأذهب معه ويكون مصيري كمصير سارا ..؟!
هل تصدقون ان هذه الشقيه اصحبت تحبني فقط لأني ذهبت لأخراجها من المستشفى كم المشاعر سهله لديهااا ...
صعدت لسياره ..
ميشو :كيف حالك ياعزيزي ..؟!
أجابني بنظره حارقه منه ..يألهي مالذي حدث الآن ..
لأعلم مالذي اصابني حتى اوافق على السفر مع هذا الأنسان انه مرعب حينما يفقد اعصابه
وهذا مايبدوا عليه الآن فقط هو صامت ...
أخبرني من قبل انا سنذهب للمنطقه الشرقيه وبالتحديد مدينة الخبر لأنه يحب الذهاب إلى هناك كثيراً
وقد ذهبت إلى هناك من قبل مع كراميل وريدا ولكني لم أرى الكثير لأن زيارتنا اقتصرت على اماكن معينه...
أصابني الصمت الدائر بالملل ولكني لم أحاول كسره لأن خلف مخيف بهذا الوقت بالذات
فاجئني حينما مد يده الى حقيبة يدي وسحبها إليه ..
لم استطع سوى مراقبته وهو يخرج هاتفي المحمول كانت يده شديدة الأرتجاف ..
لم اعي ماكان يفعله بهاتفي لأني مرعوبه جداً وكنت قد حبست أنفاسي والتصقت بالباب ..
رمى الحقيبه عند قدماي ..
ثم عاد ليخرج هاتفه ويقوم بأغلاقه ...
وعاد إلى الصمت ...
ترددت قبل أن أسأله ..
مشاعل :خلف ماذا هناك ..؟!
ولم يجبنــــــي ..
ولم أحاول بعد الحديث بدأت اندم على موافقتي على مرافقته ليتني فكرت أكثـــــــــر ..
كانت جميع الأجواء من حولي مرعبه .. صمته مرعب وخوفي مرعب وصوت جهاز السرعه كان أكثر الأمور اثاره لرعبي ..
انتهى البااارت

الحلقه السادسه والخمســـونـ

((1))

[..سأفهمك!!..]


سارا
اضطريت اجلس اسمع سوالف قيس وأخته اللي ماتعنيلي أي شي .. حتى قام لصلاة
وأنا مقهوره متى يعني بيخليني اروح لخواتي ...
دخلت غرفتي معصبه وقفلت الباب بقوه .......
ماتوقعت ابد انه طلع هنا لما قال انه قايم للصلاه ..
قيس:خير وش فيه ..
حسيت انه معصب خفت ,,رديت وانا افصخ عباتي ..
سارا :هاه ولاشي ليش ......؟!
قيس :ليش ... شوفي حالتك كيف من طلعت جيتي هنااا ولانظرات الأستحقار اللي تحت ترى ماتفوت علي .. انتي وش سالفتك ..؟!
ياءالله وش فيه هذا يهاجمني ... خفت ماقدرت ارد عليه ... حسيت انها طريقة منه عشان استفزه ويظربني ..
واذا ظربني ماراح يخلني اطلع لمكان ..
قيس :ليش ساكته وين راح لسانك ... على العموم مو هذا الوقت المناسب للنقاش انا طالع لصلاه لرجعت نتفاهم ..

&

قيس
هو فاهمها زين ... ماتبغى تعطي نفسها فرصه حتى تتقبل المكااان والوضع الجديد .. مثل ماهي رافضه تتقبله ...
بالنسبه له هي كتاب مفتوح بكل سهوله يقدر يتصفحــه ..
جابها هنا غصب عنه ولاهو يفضل يكون معها بشقه لوحــدهـم ..
بس المشكله فيها هي ماتنترك لوحدها يمكن لو تقبلته اكثر تكون بأمان حتى بغيابه .. لأنه يحس
ان وضعه معها هو اللي يشوش تفكيرها ويخليها تتصرف بطريقه سلبيه ..
بالأضافه لأنها للحين ما وصلت لمرحلة النضج بسبب الأسره اللي عاشت وسطها
هي اللحين تعيش جزء من الطفوله وجزء من المراهقه للحين مترسب داخلهااا ...
وضعها قبل ووضعها اللحين مختلفين وشتان بينهم ..
قبل مافيه قوانين مافيه التزامااات صنعت منها شخص لامبالي يتصرف بطريقه اصغر من سنه بكثير
وفجأه انتقلت لوضع جديد لازم تكون فيه مسئوله اكيد الوضع بيكون صعب عليها
وهو يحاول يساعدها بس المشكله فيها هي ماتبغى تساعد نفسها ..دوره اللحين يقودها نحو النضج ...
فيه فكره معينه ممكن لو تحققت فيها نضج سارا ..
هذا تحديه ولازم يكسبه مو معقوله يخسر حياته اللي حلم فيها سنوات عشانها مو قادره تحبه ...
هذا فشل بالنسبه له وهو تعود بحياته على النجاح ...
وليش مايكافح عشان ينجح حياته .... صح هو رفضها بفتره من الفترات ولسبب مايبغى يسترجعه لأن الأمر هذا بالذات يزعجه جداً وممكن يدمر حياااته ...
لكن اللحين رجع يبغى حياته اللي خطط لها طول عمــــره ...
سارا كزوجه أختيار مره ممتاز من ناحية الجمال مايبغى اكثر من كذا .. يكفي ان مافيه مقارنه بينهم ...
وبالنسبه كأسره هذا موضوع لصالحه لأب لأم ولاحتى أقارب مجرد مجموعة خوات وكل وحده بتروح بطريقها ...يعني ماراح تبعده عن اهله ابدن .. يمكن يتفوق عليها بس بالتعليم تفوق كبير بس مو مشكله هي بتكمل حتى تأخذ الشهاده الثانويه وهذا كفايه عليهااا ..



((2))


[..انفضحت الأسرار..]


ميشو
توقف خلف عند احد المحطـات ونزل وهو بنفس الميزاج الغاضــــب ..
لأعلم لما بتلك اللحضه نزلت لأحمل هاتفي .. لم أكن مهتمه فيه كثيراً
ولايوجد من أرغب بالتواصل مع في هذا الوقت ولكن ربما كانت ردة فعل لتوتري الشديد فأنا اريد ان اشغل نفسي باي شـي ..
لم يكن الجهاز مغلق ...؟!
هل حاول اغلاقه وفشل للأعلم اطلعت على الشاشـه لأجد رسالة واردة .. كانت من سعاد
فتحتها فقط للتفكير بشيء جديد لم اتوقع ابدن انها تكشف سر الحاله التي يمر بها خـــــلف ..
شعرت بذعــــر من محتوى الرساله ..
كلا يألهـي لما فعلت ذالك ..
تلك السافله .. اتتهمنـــي زور ..
اي غباء أصابت به هل نسيت ان بيتها هي ايضاً من زجاج ..
سافله لن اغفر لها هذا ابدن سأريها حق سأريهـــــا قدرهااا بعدما أخرج من هذه الفخ التي وضعتني به.

أغلقت الجهاز واعدته إلى مكانه عند قدماي ..
عاد خلف وقبل ان يبدأ بتحريك السيارة اشغل سيجاره ليلحقها بثانيه وثالثه والعديد منهن في غضون ساعه واحده فقط ...
لم اكن استطيع التفكــــــير .. عقلي مشوش جداً ..
اشعر بخلف كنار متقده بجواري ..سيقتلني لامحاله .. هو لم يفعل حتى الأن ليجد المكان المناسب وحينما يجده لن يتأنى عن قتلـــــي ..
قبل ان ادرك مأفعله خرج صوتي ..
ميشو :خلف
نظر إلي بنظره غريبه غاضبه ولكن هنالك أهتمام اجل اشعر بذالك او اريد ان اشعر بذالك ...
واكملت سخافتي بغباء ماقلته
ميشو :انت تخيفني ..؟!
يألهي لماذا قلت ذالك بدأ غاضباً بشكل أكبـــــر
انا اتصرف بطفوليه لايكشف المحترفون مشاعرهم بهذه الطريقه ..
انا طفله وغبيه وخائفه ..
حقاً سأنقذ نفسي وانا بهذه الشجاعه ..
لما لأفعل ذالك اجل الثرثره ..
لن يعرف ابدن اني اتعمد ذالك ...
اردفت وانا اسمع كلماتي المرتجفه ...
ميشو :لما لاتتحدث .. انت صامت لأنك غاضب ولكن لماذا لأعلم ..
دائماً اجد نفسي بمثل هذا الموقف يغضب الناس مني بدون سبب وربما هناك سبب
ربما لأني لأجيد حديثكـم ..
شعرت بأني جذبت انتباهه ...
ميشو :اعلم اني لأفعل ذالك .. أنا لأستطيـع ذالك لأنه صعب علي ..
كان السبب والدي ..
نظرت إليه لم اجد اي اهتمام
ميشو :انت لاتهتم أليس كذالك ..
صمت ولاحتى جواب
اشعر بألم شديد لقد خذلني ..
سيفشل مخططي لن استطيع انقاذ نفســـي ..
وشعرت بالرغبه بالبكاء ...
البكاء اجل البكـاء ..
انا استطيع ذالك ..شعرت بالدموع تتجمع بعيناي ثم بملمسها على خدي وطعمها بشفتاي .. اختنق صوتي بأرادتي ..
وخرج صوتي مصحوب بونااات ..
ميشو :لما ترتبط بي اذا كنت لن تراعي شعـوري .. لما تحرمني من فرصة الزواج من شخص اخر يهــتــم بي ..انا افضل ان ارتبط بشخــص لا أحبـه ولكن يهتم بي اشعر بأني شخص له قدره
رفعت عيناي المليئه بالدموع لتلاقي عيناه ..
ميشو :لأريد ان اكون مجرد شيء من اشيائك ..انا بشر ايضاً ولي الحق بالأختيار ..
ويبدو اني اخطأت حينما ارتبطت بك انت اناني لاتهتم الا بنفسك حتى بالحديث لاتسمع الا ماتريد وعلى الأخرين الصمت حينما لاتريد ان تسمع شي ..
ولكن ماذا عن غيرك الا يحق لهم الحديث حينما يريدون .. وان تصمت حينما لايريدون سماعك ..
توقعت ان اقول اكثر من ذالك حتى اسمع صوته ولكن استجاب سريعاً ..
خلف :غريبه ماكنتي تحبين تكلمين عن نفسك ..
حتى لوكانت ردة فعل ساخره .. يكفي ان يكون هناك تجاوب ..
ميشو :لم اكن بحاجه للحديث عن نفــــسي ...اما الآن يجب علي ذالك ..
الا تفهم اريد ان اعيش بأستقرار مللت ان اكون الفتاة صاحبة الحظ السـيء ..
منذ نعومة اظافر لم احظـى بالأستقرار والسعاده ولاحتى ابسط الأمور الأمـان ...
أنت لاتفهم ذالك لأنك لم تمر بمثل هذه المشاكــل .. هل تعلم ان ابسط الأمور الكلام حرمت منه ...أجل حرمت من اتحدث بطريقة طبيعيه كما اقراني بسبب والدي ...والدي الذي سجني بطفولتي في شقه صغيره مع خادمه اجنبيـه لعدة سنوات حتى اوشكت على دخول المدرسه وبعدهاا أخذني لأعيش مع باقي يتيماته ....
لأكتشف ان هناك لغة يتحدث بها الأخرين غير اللغه التي كان تحدثني بها الخادمه ...
لم اكن افهم مايدور حولي كنت ابدو حمقاء بطريقة مؤلمه ... الجميع من حولي يتحدثون بلغه لأفهمها ...
وجدتي العجوز الكبيره تبدو ساخطه منـــــي ومن والدتي ... التي لم أراهااا ...
وكان لون عيناي بالنسبه لها خطيئة لاتغتفـــــر ... وكأن الأمر بيدي ...
دخلت المدرسه لأكتشف انه ليس بيتي الجديد من يتحدث لغه لأفهمها بل كل المجتمـــــع من حولي عداي ...
وحينما أتحدث يبدأ الضحك من حولي .... فأنا اتحدث كالهنود على حد قولهم ...
وماعيب الهنود او الأجانب حتى ... هم لديهم لغتهم الخاصه وأنا واثقه ان هؤلاء الساخرون سيبدون مثيرين لشفقه حينما يتحدثون بلغه غير لغتهـــــم ..
توقفت عن الحديث هنااا ... لأريد ان يعلم خلف كم افخر بالمصاعب التي مريت بها
الباقي يخصني أنا فقط ..
فلقد قضيت سنتين أو اكثر في محاولاتي الفاشله للحديث كالأخرين ... ولكن الأمر الغريب اني كنت رائعه بالمدرسه بل الأفضل من بين جميع طالبات صفــــي ... اذن مالخلل كيف اتفوق بلغه لأتقنها وهنا كانت المفاجئه ... الجميع لايتحدثون حقاً لغتهم بل هم أسوأ مني ... مايتحدثونه بالمجتمع لغه أخرى اختلقوها هم ... لاتوجد بكتب ولاحتى لها قواعد ..... اما لغة الكتب او بالأحرى لغة القرآن وهو الذي لم اعرف عنه الا من خلال المدرسه ...
هـي لغه أخرى أروع من ان يتحدثها العامه ...
لغه رائعه سحرتنــــي وما أن عرفتها لم أتركهــــــا ... تفوقت على نفسي وعلى جميع من حولي حينما أجدتهااا ..
وأصبحت محل سخريه للمره الثانيه في حياتي ولكن سخرية حسد وغبــــنه ... لأني الأفضــــــل ...
وماأنفكيت اتحدث فيها حتى اليوم ...
خلف :طيب وبعدين .. كيف صرتي تكلمين فصحى بعد ماكنتي تكلمين مثل الهنود ..
ساخر مازال ساخر ولكن لن اهتم .. فقد حققت مأريد خلف لم يعد غاضب ولاحتى بأعصاب مشدوده ... وانا لم اصل الا غايتي بعد ..
ميشو :امممم اصبحت اتحدث لغة الكتب والأعلام .. اللغه الأسهل من لغتكم العاميه ...
خلف :أسهل غريبه انتي ..؟!
ميشو :اجل اسهل بالنسبه لي على الأقل ..لم تكن اللغة الصعوبه الوحيده بحياتي ولكن لاتهتم اليس كذالك ...
خلف :مشاعل انا اسمعك مو بين كل جمله وثانيه لازم توقفين وتكررين اني ماني بمهتم ...
ميشو :حقاً هل ستسمعني للاخيـــــر
خلف :واللي بعد الأخير خذي راحتك ..
اممم لم اعتقد ان حديثي عن ماضي بالنسبه له مهمه لهذه الدرجه حتى ينسيه غضبه ...
كلا هو يحب ان يكشف غموضي وهاأنا اكشف له كل اسراري بجلسه واحد هذا بالنسبه له مثل الكنز ..
اعلم لو ماأملك مايثير فضـوله ماكان ليسمع ولاحرف من حديثـي ...
ميشو :أستمـرت حياتي بطريقة مأساويه دائماً المشاكل تواجهني بسبب صوتي شكلي ولون عيناي
كنت مميزه وشاذه بدون أختياري ..
كان قدري ان اكون كذلك لايختار الناس اقدارهم ولكن لن يفهم الناس ابدن ذالك مهما اظهروا من أيمان ..
كل مأفعله يبدو أمام الأخرين غير منطقي ولايتلقى القبول منهـم ..
كنت بحاجه للحمايه ولم يكن حولي من يحميني لا أب لا أم ولاأخوه .. ماذا كنت لتفعل لو كنت مكاني ..؟!
خلف :أكون قوي بنفسي مايحتاج ادور الأمان عند احد ..
شعرت بغصه لأنه يسخر مني
ميشو :وهل تعتقد ان بأمكاني ذالك انظر إلي ليس بأمكاني أن اكون قويه لأملك جسد كجسدك حتى اصبح قويه ولامشاعرصلبة كمشاعرك .. كان علي أن ابذل الكثـير حتى اصبح بأمااان هل تعلم مافعــــــلت ... ضحيت بسمعتي من أجل ذالك
هاهي العبارة التي كنت اتشوق لذكرهااا ..وأريح نفسي من عذاب التنبيش بالماضي ولكني لم انجح بذكرها بالوقت المناسب ...
ميشو :لايذهب تفكيرك بعيد لقد اخبرتك سابقاً اني لم ارتكب مثل تلك الأخطأ ...لأوضح لك الأمر
كنت جميلة وغريبه ومميزه حينما كنت بمراحله الدراسه كانت بعض الفتيات ينفرن مني والبعض الأخر يحاولن التقرب مني بشتى الطرق ...ولم أكن أحبذ ذالك .. انتقلت إلى المرحله الجامعيه لتكون الأمور أسوء بكثـــير .. هناك ناس لايقبلون ان ترفض رفقتـهم ويحاولون ايذاء من يفعل ذالك ..
ولم أكن لأستسلم واترك الدراسه فهي مستقبلـــي ..كان علي ان اسلك ذالك الطريق ولم أكن لأتمادى كان مجرد علاقات سيئه بظاهرها ولكن بالحقيقة فارغه ..اجل ساءت سمعتي بسببها ولكن لم ارتكب اي خطأ .. اتفهـــم ذالك .. لأني احسنت الأختيـار .. كانت هدى صديقتي التي يعتبرها الكثيرون حبيبة .. مجرد صديقه عاديه لديها مشاكلها ولدي مشاكلي انا ابحث عن الأمان وهي تستطيع ان توفر لي ذالك من خلاص اسمها فما يكون ملك لها لايقترب منه الأخرون ..
وهي مجرد فتاة عاديه انثى بداخلها ولكن شكلها الخارجي لايسعدها ابدن لم تكن جميله اطلاقاً
لذالك سارت بهذا الطريق حينما تقربت منهااا اكتشفت انها تشمئز من الفكره ولكن هذا الشكل كالدرع حول مشاعرها حتى لاتنجرح بسبب عدم جمالهااا ..
كل ماكان يحدث بيننا الرقص سوياً في بضع حفلات .. لاتنظر إلي هكذا كانت حفلات بريئه بالنسبه لي على الأقل ..هيا لو كنت مذنبة لما ذكرت لك هذه الأمور ..
لكني فقط ذكرتها لأني احب الوضوع واريد ان ادفن الماضــــي..
لم يكن هناك اي تجاوب منه وكأني لم اذكر اي شـيء ولكن لاحظت اشتداد يده على مقود السياره
.. كان لدي الكثير لتوضيحه ولكن لم ارد ان ازيد شكوكه حــــــولي ..


((3))

[ ..خداع مستمر..]


عساف
مليت الصمت اللي فارضته علــــــي ... كان يلزمني اتكلم اشرح امور كثيره بس هي مو راضيه تسمــع
تقول اللي وصلها يكـــــفي وتحتاج تفكر قبل ماتكون مستعده تسمع أي شي زياااده ..وبالأخير طلعتي بشغلة بتروح لخواتها يومين وبتفكــــــر ..
وأنا المطلوب مني اجلس هنا يومين على احر من الجمر بأنتظار قرارهاااا ...
انها تتخذ القرار بين خواتهاااا موضوع مو بصالحي ابد ... بس نصبر ونشـــــوف ..
للحين ماني قادر اثق فيهااا ...ولاعمري أصلاً وثقت بمشاعرها اتجاهي مو كل هذا عشان ايش ..
ومع ذالك ابغاها تثق فينــي .. وحتى لو وثقت هي فيني أنا بقدر أثق فيهااا
مأعتقد بجلس بين كل دقيقه وثانيه وسط شك انها تتركني ...


&
((4))


ميشو
بعد ساعه كنا قد وصلناا إلى حيث أراد خلف وبدأ أكثر هدؤ ولكني شعرت بمزاجه ساخر للغايـه
لأعلم الا ماذا يهدف ...
وبدأ يتحدث بطريقه مثيره للأشمئزاز عن حلم طال انتظارهـ سيحققه قريباً ...
لم احب المكان ابداً لما للم ننزل بفندق .. لم أختار الشاليه لنبقى فيه ..
اتمنى الا يخطط لأمر سيء ...
كانت انظر إلى الخارج ..
ميشو :أخبرني لما نجلس هنا ..؟!
خلف :ليش وين المفروض نكون .. مافيه سبب مايخلينا هنااا ..كنتي راضيه ومتشوقه وش اللي غير احوالك ..؟!
هل يتصنع الغباء هو يعلم مالذي اختلف .
ميشو :لكن المكان هنا مخيف ..
وقف خلفي تماماً ووضع يده على شعري
خلف :خلي الليل ينزل ويصير المكان احلى ..
ابتعدت عنه وكأني فعلت ذالك تلقائياً وسط الحديث ..
ميشو :اذا اختفى الضوء تماماً لن يكون الأمر رائع
...
خلف :ماقلتيلي انك تخافين من الظلام ..
قالها وجاء ليجلس بجانبي ..
ميشو :اليوم فقط بدأت اخاف منه ...
قلتها وأنا احاول الأبتعاد عنه لملاصقته لي ...
امسك بيدي واخذ يتأملها وسط يده العريضه
خلف :ليش خايفه ..؟!
شعرت بقسوة قبضته وهو يغلق يده على يدي ...
ميشو :لاتفعل ذالك انت تؤلمني ..
خلف :لا مو كذا الألم ..
وسحق يدي بقوه ...
لدرجة خشيت معها ان تتحطم اصابعي ..
ميشو :ارجوك توقف
خلف :شفتي هذا الألم ..؟!
نزعت يدي من قبضته بعد ان خففها
ميشو :لأعلم لما تفعل ذالك ..
خلف :بتبقين كذا ..؟!
أجبته وان احرك اصابعي التي كاد يحطمها
ميشو :تحدث بطريقه اوضح ..؟!
خلف :مظهرك مو مظهر وحده بتقضي اول ليله بزواجهااا
كنت اعتقد ان مظهري كان جيداً حتى اني قلت عن نفسي رائعه ..
ميشو :حسناً كيف يجب ان يكون مظهري
قمت لأتأمل نفسي بأحد مرايا المكان
خلف :ارتب من كذا ..
ميشو :كانت اظن اني اعجبك بجميع الأحوال
خلف :اوكي حلوه بس ماهو لدرجة اي شي تلبسينه تطلعين فيه بعيوني حلوه ...
امسكت بأطراف شعري احركه بدلال
ميشو :يأسفني ان اخبرك اني لأهتم بما يعجبك ..
واردفت وانا اشير بأصبعي متهكمه ..
ميشو :وهل تعتقد أنك ساحر بهذا المظهــــر ..
بعد حديثنا الطويل الساخر أخبرني انه سيذهب للتنزه بالخارج ..
واستغليت انا الفرصه للتحسين مظهري.. كنت سأفعل ذالك من دون طلبه
فهذه ليلة الأولى لنا معاً بالتأكيد لم أكن لأقضيها بذالك المنظر ..



((5))


[..تضحيه مستمره..]

ضحى

فضلت اخذ فرصه من الجو المشحون بالألم
رغم اني اخذه قراري وخالصه ...
راضيه اروح معه وين مايبغى ..
وانا جالسه بين خواتي حسيت بالراحه لقراري .. هم معتمدين على انفسهم ماعاد يحتاجوني
احس لو بقى بالبيت بس وعد ونوره بيعرفون يعيشون حياتهم وبالطريقه الصح ..
وأنا اثق فيهم كثيــــر .. وان شاءالله ربي بيحفظهــم ...
وعد :انتي رجعتي بس تسكتين لا احسن روحي اجلسي على مكتبك شكلي هذا بداية
طقوس العوده لتدريس ...
اخذت نفس عميق اللحين بقول لهم قراري
ضحى :اصلاً ماراح ارجع للتدريس لأنا بنسافر ...
شوق :تسافرون يعني ماراح ترجعون ..
ضحى :لا مو ماراح نرجع بس عساف بيرجع لوظيفته اللي قبل ولازم نروح كلنا معه ..
وعد :لااا لتروحين ضحى ..
ضحى :لازم اروح
هند :يووه ضحى حاولي لاتروحين خليه هو يسافر بعدين يجي ..
ضحى :بنات الله يخليكم لاتصعبون الموضوع علي خلاص انا اخذت قراري ..
تأففوا خواتي واللي قامت واللي سوت نفسها مشغوله بالتلفزيون بس مايبغون يناظرون فيني
آآآآه يعني وش أسوي ... ياليت أقدر انسى كل شي واجلس معهم
بس مأقدر أخذل انسان اعتمد علي بداني على نفسه ...
طلعت لغرفتي ماقدرت اتحمل اجلس أكثر احس اني ببكي قدامهم...
اول ماحطيت راسي على المخده نزلت دموعي ياربي وش هالأختبار اللي حطيتنـــي فيه
كيف بقدر اكمل حياتي معاه وهو مريض بمثل هالمرض ...
يمكن اليوم يقول بس ابغى اكون قريب منكم وبكره يبغى كل شي...
كيف برضى اعرض نفسي للخطـــر ... ليش احس اني مو مهتمه كثير بنفسي
قد اهتمامي اني مأجرحه ..
كيف برضى بهالوضع
لو اي مرض ثاني عادي اتقبله واوقف معه بس المرض هذا الناس تشوف اللي مصاب فيه انسان قذر
ووباء على الناس ... بس انا وش دخلني بالناس وحكيهم اصلاً متى الناس فادوني بشي طول
عمري ماسلمت من كلامهـــم ...جت على اللحين ..
اصلاً بنسافر وبنترك لهم البلد كلهااا وعلاجه بيكون هناك يعني مأحد داري عن المرض لو جلس فيه
سنين ...




((6))

[..رأيتني وحيده بالمستقبل..]

وعد
طلعت للسطح وانا مقهوره بخبر نوف باللي قالته ضحى
انا عارفه انها هناك لأنها تطلع تدخن بالسطح وهي ماتدري اني كاشفتها جيت جلست جنبها وهي
تدخن وسحبت السيجاره من يدها وحطيتها بفمي على طول
طالعت فيني مو مستوعبه
وانا جلست اكحح اختنقت ماقدرت اتنفس ..
صرخت علي
نوف:ياحماره انتي وش جابك
جلست اكح لين حسيت نفسي قادره اتكلم
وعد:لاتصرخي علي تدخن ولها عين تتكلم بعد ...
وقفت وبدت تظربني
نوف:وش تبغين انت وش تبغين
وانا حاطه يدي علي مابغاها تظربني
وعد :وخري عني يامتخلفه يامسترجله اتركيني ...
زفتني لين طلعتني مع باب السطح
نوف :انقلعي وقسم لو شفتك جايه هنااا لقص رجولك ..
كنت خايفه منها ومقهوره لأني خايفه ولأني مو قادره اظربها مثل ماتظربني ..
نزلت لين وصلت نص السلم
وصرخت عليها
وعد :والله لأعلمهم كلهم باللي سويتيه ياسكرانه ...
مأدري ليش قلت عنها سكرانه بس اللي يدخنون مثل اللي يشربون خمر ...كلهم سكرانين ..
نزلت تحت كنت مقهوره وناويه اخبر عليها بس مالقيت احد اخبره ....
كل وحده جالسه مشغوله بنفسهاا ..
وش بيصير فيني لسافرت ضحى اللحين انا اتصبر لتضايقت لأني اقول بتجي واشتكي لها
بس اذا سافرت متى ترجع عشان اقولهاا
احس بموت من الضيقه ليش ماني بنت طبيعيه ليش طلعت بالعائله هذي ياليتني بنت ناس ثانين
وكنت مرتاحه مأخاف من شي عندي ام واب طبيعين ...
كنت دموعي تنزل وانا اشوف التلفزيون ..
: لدرجه هذي محزنه على جيري تبكين ..
لفيت مو مستوعبه صوت سارا اللي واقفه عند الباب وشدن ونورا ماسكين بعباايتهااا
وعد:سارا صدق انتي جيتي
سارا بضحكه :لاكذب انا جيت ... وجع قومي سلمي
هزيت راسي ماني مستوعبه بجد سارا جت عندنااا
قمت وسلمت عليها وحظنتها
سارا :والله انك خبله فكيني لاتخلصيني
فكيتها وانا امسح دموعي
وعد :انتي الخبله وش اخلصك
مدت لي الورد اللي معها ياءالله هذا ورد صدق
سارا :وهذي باقة ورد لك حققت لك اغلى امنياتك مرضتي واحد جابلك ورد ..
اخذت الباقه منها وحضنتها صدق ورد
سارا :ياربي على الغباء الناس تشمها تلمسها بنعومه مو تحضنهااا
شدن :سارا ليش جبتي لوعد وماجبتيلي
سارا :ليه انتي دخلتي المستشفى
نورا:انا ماجت لي
شالت سارا نورا وجلست تبوسها
سارا :انا كلي جيت لكي اممممم بكلك تجنين ...
وعد :ماني مصدقه انك جيتي
نزلت شوق من فوق
شوق :وواااو سارا تخيلت اني سمعت صوتك
ضحكت سارا بغباء وهي تقول
سارا :بديت اشك اني حتى انا اتخيل ..
ليش اقول عن سارا غبيه وهي جابت لي ورد صدق اني قليلة حيا..
سارا :وين ملوكتي وهند ونوف ...
وعد :ملاك زعلانه من امس بكت وراحت للغرفه
شفت سارا ترمي عباتها بعربجه
وتطلع فوق بسرعه
ياليت كان عندي توأم يحبني ويخاف علي مثل سارا وملاك ...


((7))

[ ..عائلة مره أخر ..]

سارا


مادري كيف اقتنع قيس يخليني اروح لخواتي كنت فاقده الأمل اني راوح لهم
بعد الموقف اللي صار ...
لكن الحمدلله صار طيب ونفذ وعده حتى هو اللي جاء وقال تبغين اخذك لهم وسألني اذا ابغى اخذ لهم
شي وانا عاد ماقلت لااا اخذت كل شي طرى على بالي واهم شي باقة الورد لوعد الخبله ...
طلعت السلم بسرعه وانا افكر وش فيها ملاك تبكي اكيد السالفه فيها انا
كنت سرحانه ماني منتبهه طلعت بوجهي ماتوقعت ابد اشوفها
غمضت عيوني ماني مصدقه ... ياءالله ماعمري نسيتها
بس ماحطيت ببالي اني اشوفها
حسيت دموع تنزل على وجهي
ركضت لها ورميت نفسي بحضنهاااا
سارا:اشقت للللللللللك ...
حسيتها بالبدايه للحين زعلانه علي بعدين حسيت بيديها تقربني اكثر لها
وبكيت ... بكيت كل شي مريت فيه من اخر مره شفتها فيها لين اللحضه ...

&

ضحى
تفاجئت بشوفت سارا حتى اني بالبدايه كنت اشوفها ملاااك ماتوقع ابد تكون سارا
بس وقفتها نبهتني لهاااا ..
بالبدايه ماقدرت حتى المسها من الصدمه ياءالله كم لي ماشفتها كيف بسهوله
سويت فيها اللي سويته ياترى وش صار معها طول هالوقت
سارا الطفله اللي ماتعرف شي بالحياه اللي رميتهااا بكل عنجهيه للوحش اللي تخاف منه
ضميتها بكل قوتي ياءالله ياسارا شكل هذا ذنب اللي سويته فيك ...
سارا :سامحيني ضحى انا ماسويت شي
ضحكت من كلمتها انتي اللي سامحيني ياسارا ولا هذا اللي تعودتوه مني اخطي بحقكم وانتظر منكم
الأعتذار ...
مسحت على راسها
ضحى :كيفك حبيبتي ..
سارا :كويسه انتي مو زعلانه مني ..
ضحى :لا مو زعلانه ولاشي اصلاً من زمان كنت ابغى اشوفك بس ماصار فرصه ..
سارا :وين حمودي ابغى اشوفه ماشفته ..
ضحكت عليها واخذتها لمحمد ...
كنت احس بحزن وأنا اشوف انفتان سارا فيه احس هي اكثر وحده من خواتي
حبته يمكن لأنها ماشافته الا متأخر والباقيين ملوا منه
او سارا بطبيعتها عاطفيه اكثر وتحب الأطفال مأدري
الحمدلله اني شفت سارا قبل مأسافر .. ماني متصوره اني ممكن اسافر وانا ماشفتها
بس بعد مافكرت فيها كانت رايحه عن بالي كلياً ..
سارا :وش فيك شكلك مو طايقتني
غصبت نفسي على أبتسامه ماتستحق سارا اني ازعلهااا
ضحى :لاتقولين كذا انا متضايقه شوي
سارا :اممم اقولك شي
ضحى :ايش
سارا:توقعتك صرتي دوبا بعد ماولدتي بس ماتغيرتي ابد
ضحكت على كلامهااا مأحد قبلها علق على شلكي ..
قامت فجأه وهي تقول
سارا :ياءالله نسيت ملاك ماشفتهااا.. بروح اشوف ملاك وارجع لاتخبينه ..
وطلعت بسرعه
ماتغيرت ابد دايم مرجوجه .. بس طالعه تجنن مهتمه بنفسها كثيــــر حتى شعرها عرف
الأستشوار بعد ماكانت دايم مموجته ..
ياحليلك ياسارا والله ماني مصدقه انها فعلاً تزوجت ...

&

((8))


سارا

حياتي حمودي مره مت عليه حتى انه نساني توأمي ..
ودي اعرف وش سالفتها هذي ادق عليها ماترد وانا ابغى اعملها مفاجئه ماراح اقول من انها
وهي لارد ولاحس ..
نزلت تحت وقلت للوعد اللي تتخانق مع شدن ونوره على الورد
سارا :وعوده تعالي دقي على ملاك مابغاها تعرف انه انا ..
وعد :غريبه ماعرفت انه انتي كنت احسب التوأم يعرف لو توأمه اللي ورى الباب ..
تخصرت لهااا مطوله بنت الحلال
سارا :تعال يأختي خلصينــــــي ..
شدن :سارا انتي طالعه تجنيييييييييييييين احلى وحده صرتي ..
ضحكت على شدن شكلها لأنها ماشافتني من زمان تقول كذا الشوق ومايسوي ..
وعد :صادقه شدن صايره بيضاء
حطيتي يدي على خدي
سارا :أحلفي
وعد :والله
سارا :يععع يعني راح سامري ياقهري
وعد :مأدري شكلك طالع مادري كيف احس شعرك مو لابق على لونك الجديد
لوني الجديد حسيت اني فستان مو انسانه
سارا :ياكثر هذرتك قال لوني الجديد قال امشي دقي على الخبله ملاك بشوف وش سالفها ترى مامعي
وقت حدي صلاة العشاء وبروح ..
وعد :والله قيس صاير عبقري احسن ماخلاك تطولين عشان ماتهربين مثل ذيك المره
يخرب بيتها وعدوه كيف عرفت شكل البنت شاده حيلها بالدراسه ..
جلست وعد تدق على الباب وانا اشاركها
وعد :افتحي يانفررررررررره حزينه ضحى معصبه منك مررررررررررررررررررره ...
سمعت صوت ملاك تقول لاترضى
خخخخخ والله حتى وهي زعلانه لازم تكسح بضحى رهيبه توأمي ...
وعد :خبله انتي قصري صوتك لتسمعك وافتحي الباب يالله بسرعه ...وعندي سر خطير لك عن نوف بعد قسم بتكرهينها وتحقدين عليها مو بس عشان ظربتني لافيه سر ثاني ...
فتحت ملاك الباب وشكلها مستعده للهوشه بس لما شافتني تنحت شوي بعدين قفلت الباب بوجهي
...
وعد :هههههههههههههههههه ياحرام حتى مافيه هلااا هههههههههه ...
فتحت الباب بقوه ودخلت
سارا :وجع ليش ماتسلمين علي
ملاك :اسلم عليك ماتوقع اخر مره كنتي فيها معي سملتي علي قبل ماتروحين ...
يالبلشه وانا اقول البنت ماهزئتني بالتلفون شكلها مجهزتها لوجهاً لوجه ..
سارا :طيب لاحقين على الهواش اللحين سلمي واحضنيني مشتاقه لحنان توأمي ...
ملاك :مستحيل قلبي غضبان عليك ...وانتي صدق ضحى هنااا وينها يوم مختفيه
ياربي وش فيها ذي طايحه فيني تهزيء..
وعدوه بس تضحك علي ..
وعد :ايه هنا وتقول خلاص بيهاجرون ...
صرختنا جميع انا وملاك هزتني صدق حنا توأم مهما بعدنا عن بعض بلحضه وحده نرجع مثل قبل
ملاك سارا :ايشششششششش
ناظرنا انا وملاك ببعض بأبتسامه .. حطيت يدي حوليها وراسي على كتفها ..ياحياتي
ياتوأمي..
وعد :والله مأكذب خلاص عسافوه بيرجع على شغله القديم وهي ماراح تصير مدرسه وبتسافر معه
..
سارا :وشدن وحمودي
وعد :بيحطونهم بملجأ
ملاك:لاعاااد
وعد :خبله انتي بيأخذونهم معهم
ملاك:مادري قلت ماستبعدها عن عسافوووه
سارا :يب اكيد ولد عم مبارك ...
وعد :الا صدق بنااات اللحين عساف كيف يصير ولد عم مبارك وبنفس الوقت جدتي كانت عمته
ملاك :بجد يعني بيسافرون خلاص اجل انا بصير المسئوله عن البيت ومحد يسوي شي بدون شوري
وانتي وعد من اللحين اقولك ترى بخليك تكرفين بالدراسه لين تحصلين درجة الدكتوراه ...
ضحكتني صرخة وعد المرعوبه وكأنه صدق
وعد :لا ان شاءالله والله ماتصيرين انتي المسئوله عني اموت نفسي عندي اخو مالك هو المسئول
عني ترى بقوله يأخذني اعيش عنده
ملاك :لاحبيبتي تحلفين ولا ماتحلفين انا اللي بكون المسئوله عنك .. واذا عاندتي ترى برميك على أمك الجنيه ..
نطت وعد تبوس يد ملاك ..
وعد :لاوالله اصير خدامه عندك وماتوديني عند الشريره ...
سارا :شريره حرام وين بر الوالدين
كشرت وعد بوجهه
وعد :بر الوالديين اللي يصرفون علينا ويكرفون لنا مو اللي جابونا ثم رمونااا
ملاك :ياكثر كلامك اقول وش رايك تهوينا ..انا وتوأمي عندنا اسرار ...
وعد :لاتكفون لاتطردوني بعدين من بيقولكم سر نوف مو اللي ظربتني
سحبت وعد مع يدها
سارا :تعالي انتي وش سالفت ظربك اللي من الصبح تكررينها
وعد :طيب اوف بقول بس فكيني يدك صايره خشنه مثل يد الوحش ..
يالناس البنت مو صاحيه وش ذا التفكير يلعن شكلها اخذ دروس خصوصيه مو شاده حيلها بس ..
ملاك :وربي لو مانطقتي لأرميك مع الدريشه واقول انتحرت لأن ضحى بتهاجر ...
وعد:وربي لأقول بس لحضه اصبري علي تعرفين مأعرف اجيب السالفه بسرعه احس الكلام ضاع
مني كأني بالأذاعه وطاحت الورقه مني ومريولي قصير وناسيه بنطلون البيجامه علي ...
لاخلاص وربي ماتحمل انسدحت من الضحك من زمان ماسمعت احد ينكت غيري .. حتى اني
بديت استثقل دمي بس وعد خطيررررررررره ...
وعد :ايه تذكرت .. مو واضح علي اني مظروبه
ملاك :لا ياقلبي واضح عليك مقسومه .. وانتي من كثر الضحك بتطلع لنا مصارينك تشتكي ..
وعد :يعني انتم مادريتوا اني مظروبه ..
ملاك بعصبيه:الا درينا بس نحتريك تقولين انطقي
رفعت وعد يدينها قدام وجها
وعد :والله بقول قسم وربي شوفوا بقول السالفه انا نوف ظربتني بس وظربتها انااا وخليتها تبكي
فوق السطح وبس ..
رحمت وعد يوم سحبتها ملاك ورمتها برى الغرفه
ملاك:انقلعي يالمغثه خلي ضحى بس تسافر والله لأرميك بمستشفى المجانين ..
والله انا اللي استحق الرحمه نظرات ملاك اللي لفت علي ويدها على خصرها ماتبشر بخير ...
سارا :ايش ...؟؟؟
قربت مني وهي تحرك يدينها بتهديد
ملاك :وش هاه اذبحك انا وربي ماشفت بغبائك وش طلعك يالحماره من دوني ...
تراجعت على ورى بس وين وراي جدار جلست علي ملاك وبيدها مخده
ملاك :بخنقك حتى توبين ..
لاا وبسرعه قلت الكذبه اللي جت على طرف لساني
سارا :انا حامل
تنحت ملاك ووخرت عني
ملاك:احلفي .. طيب كيف وانتي تقولين ..
ركضت لعند الباب اكذب عليك بالأثنين ....
طلعت ولحقتني
ملاك:كيف يعيني
سارا :يعني كذبت عليك بالأمريين ..
وسحبتها مع يدها
سارا:تعالي بنشوف وش سالفة ضحــــى ...

يتبـــــع ....

((9))


ملاك
بعد مشوار طويل مع ضحى ماستفدنا شي غير نصايح انا نحافظ على بعض
يعني مصره على رايها ... مأدري وش سالفتها وش الحب اللي نزل عليها فجأه لعساف
اذكرها لقريب تبغى الفكه منه..
بس الصراحه مألومهاا من حقها تأخذ القرار اللي يريحها وسفرها مع عساف اريح لها لو انه غربه بس
بيكونون مع بعض والأهم ولدها يتربى مع ابوه وامه ...
بعد ماصلينا المغرب بقينا انا وسارا بالغرفه نسولف
قالت لي ان قيس انهبل يوم درنا انا كلنا شوشو لأنه يحب شوشو وبغى يذبحها بس الله ستـــــر ...
سارا:انا للحين ماني مستوعبه كيف يكشفك وماتقولين لي .....؟ لا وبعد راكبه معه يالحماره ..
تأففت بقوه
ملاك:يأختي صجتينها بذا السالفه وش اسوي قلت لك لاتروحين هناااك ابدن لو فيها موتك بس
مافهمتي ..!!!
سارا:ماقلتي مبرر واضح عشان مأروح هنااااك ومأدري اصلاً كنت سامعه كلامك بس ذيك المره
قلت بروح اشوف قيسوه بعد ماهربت منه وش مسوي..؟!!
ملاك:الصراحه بديت اشك انك رايحه مشتاقه له ..
صرخت بطريقه شككتني لو مو صدق ماسوت كذا اعرفها توأمي
سارا:حرااام عليك وش هذا الوحش
ملاك:والله الوحش ترى انا اعرفك زين وهذا اكبر دليل والقطو يحب خناقه ...
سارا:انا قطو ياحماره
ملاك:بس هذا اللي يهمك انتي قطوو ..يعني حبيتيه بعد كل اللي سواه فيك ..
وبكل غباء طاحت بالفخ اللي سويته لها
سارا:مو حبيته بس صار عادي عندي ...بعدين مو بس انا شوفي ضحى عساف تركها مادري كم
سنه بعدين رجعت له
ملاك:ياحماره كان يظربك ومصفقه لين اكلتي تبن
سارا :لأنه كان يغار علي
وربي البنت استخفت بجد شكلها غاسل مخها
ملاك:من اللي يغار عليك مصدقه انتي بكل سهوله لعب عليك ..
سارا:مايلعب صادق اجل يعني غباء هو يظربني بدون سبب هو قال السبب وانا سامحته انتي شكو
انقهرت منها زفرت بضيق
ملاك:والله انا مالي شغل بس عشان ماتجيني بكره تبكين حبيته وطلقني ولاظربني ولا هزأني ولاحب
وحده ثانيه ...
سارا:وليش يحب وحده ثانيه على كيف هو
ملاك:يعني ماسمعتي الاذي
رمشت بعيونها بدلع ودي اصفقها علي
سارا:لأن الباقيات مستحيل نو واي هو قال ماراح يطلقني وحلف مايتزوج لين يطلقني
ضحكتني على غبائها مافيه تناسق بين الجملتين ...
ملاك :يعني بيطلقك
سارا:لا ياغبيه انا كنت اقول طلقني بعدين هددني بيتزوج علي وانقهرت ليش يتزوج علي وهو
ماطلقني قهر صح ...!!!
فخليته يحلف انه مايتزوج لين يطلقني بعدين حلف انه ماراح يتزوج لين يطلقني وفي وقت اخر عصب
علي وحلف ماراح يطلقني ...
قلت عشان ارفع ضغطها
ملاك:المهم بالأخير بيطلقك ..
سارا:باخذ على قد عقلك اجابه صحيحه ..
وربي البنت صايره ثقيله مو مخفه زي قبل...
نادت علينا اللصقه نوف قالت كلنا جالسين تحت وسارا قالت بتنزل تحت لأنه شوي وبتروح ..

&

سارا
مأدري كيف مر الوقت بسرعه وأذن العشاء ..
تقطع قلبي وانا اسلم على خواتي مأقدر اتركهم بس غصب عنـي ...
لازم ارجع على الوقت اللي قاله لي قيس عشان بعدين يثق فيني واخذ راحتي ...
لبست عباتي وخطوتين الا وانا واقفه عند بابهم لا والحبايب الشله الموقره وعد ونور وشدن يسولفن
علي بجد اشكالهن تفشل ...
لقيت الباب مفتوح ودخلت
والله بغيت ارجع يوم انصدمت برجال شايب واقف بالحوش .. بس يوم شفت منير تطمنت شوي
ولاكنت برجع لبيتنا ..
منير اول مانتبه لي صرخ بقوه وفضحني مأدري كيف يكلمني كذا قدام الرجال انا بطنشه وادخل بس
هو واقف بوجهي
منير:سارررررررااا .. وينك صارت اشياء كثيره مادريتي عنها ..يبه هذي سارااااااا..
ياربي هذا ابوهم والله ماله حس .. من زمااان ماشفته ..
ابو قيس :هلاا هلا بساره ..تعالي يابنتي سلمي ياحليلتس والله كبرتي ..
احلف حسيت نفسي كبر نوره .. اجل ياحليلتس كبرتي
رحت سلمت عليه عادي لأن وصل عمر 14 وانا اسلم عليه بس بعدها ماعاد شفته ..
ورجني بسوالفه ولايتعذر لأنه ماسوو لي عرس عشان ولدهم وعشان ابوي وكل العايله الكريمه
ذكرهاااا .. بقي شوي ويقول عشان الحرب مع الحوثيين ...
ماصدقت انه طلع يصلي ارتحت ودخلت داخل الا اتفاجيء بالكارثه حريم ياحبيبي انا ناقصه
وتمسكني منيره تعرفني عليهم وطلعوا قرايبهم اللي بنتهم خطيبة جابر .. صدق هذا ماعنده نيه يسوي عرس .. ياحليلها البنت عاقله وشكلها بزر ...



((10))


[..لامجال لمجاراتي..]


ميشو

اخبرت خلف اني اريد العشاء بالخارج ولكنه رفض واصر على العشاء هناا
ابدو غبيه بطلبي ذالك مالجدوى يبدو انه لامفـــــر ...
ولكني لم استطع تناول الطعام لشدة تحديقه بي
خلف :قلت لك انك روعه
انزلت الشوكه من يدي بملل
ميشو :ذكرتها الف مره
اخذ بتحريك يده على حافة الكأس ليتوقف فجأه ويرفعه ليرتشف منه
خلف :خليها الف وواحد ..
ميشو :حسناً لك ذالك ..
خلف :انا بس اناظر بعيونك انسى نفسي تدووخني..
ميشو :وهل عيوني ارجوحه ...
خلف :عيونك بحررررر ..
رأيته يقف ويدور حول الطاوله حتي يصل إلي ليوقفني معه ..
خلف:تشوفين الأرجوحه تدوخ طيب وش رايك بهذا ...
.
.
.
.
سألها بنرفزه والشكوك تلعب براسه :مشاعل وش فيك ...
وقفت وهي تحرك يدهااا على كتفها وكأنها تنفض عنه شي ..
مشاعل :لاشي .. انت ماذا اصابك هل تتوقع ان اسلم نفسي لك بكل هذه البساطه
تكلم بنرفزه وهو مو طايق نظرة التحدي اللي ترميها عليه :مشاعل وش فيك انتي زوجتي لاتكلمين كنك وحده ..
قاطعته ..برفعت اصبع ..
مشاعل :ارجوك لاتكمل انا اعلم ماهية صلتنا والا ماكانت هنااا ولكن انت من يجب عليه التفكير وقياس الأمور
خلف يافهدي .. هل تعتقد ان الحصول علي بكل هذه السهوله ... هل نسيت تاريخك الطويل مع النساء
هل تعتقد اني زوجه مغفله تضيفهااا إلى رصيد نجاحاتك ...لن أطيل عليك الأمور .. لن تحصل علي بدون ضمااانه ..
بكل فرحه سألها عن الضمانه المطلوبه ...
مشاعل :لاتفرح كثيراً صدقني ستحتاج لوقت طويل حتى تتخذ قرارك ..أنا لأطلب القليل يافهــدي ..أنا اريد كل ماتملك .. هل تعرف معنى جميع ماتملك ..
وحركت أصبعها على ذقنه ..
ميشو:حتى ماترتديه من ملابس لأمانع ان تكتبها لي ..
مسك أصبعها اللي تحرك على وجهه بقسوه وسحقه وسط يده ..
خلف :تساوميني يا ******
كانت عيونها تذرف الدمع من الألم ..
ميشو :انا فقط احمي نفسي ...
خلف :تحمين نفسك من وش داخله حرب أنتي ..مشاعل اسلوبك هذا مايعجبني انتي موقدي لاتحديني ..
ميشو :ارأيت انت حتى لم تعطي نفسك فرصه لتفكير ..لم تحاول حتـــى ان تناقشني ...
بدأت مباشره تذكرني بالفرق بيننا ..أنا لأساوي لك شـي ...
حاول يضمها .. بس ابتعدت عنه بشراسه
ميشو:ابعد يديك القذره عنــي .. لاتحاول التقرب منـــــي .. انت حتى لاتشفق علــي ..
كل ماتريده ان تمتلكني حتى لو كان بدون رغبتـــــي ..
طلب منها بنرفزه ...
خلف :خلااص مشاعل انتهيناااا .. انا أحبك وابيك بس بتساوميني مأكون رجاال لو مشيت معاك بهالطريق .. خليك كذا لين ينطحـن الحب اللي براسك ..
سحب نفسه من الغرفه اللي كانوا فيهااا ..
.
.
.
مشاعل
لم اتوقع اكثر من هذا ...حدث ماكنت اتوقعه
سنرى ياخلف اخشى ان تعود قبل ان تنقضي هذه الليله لتخبري انك ستتنازل عن نفسك لي لو أردت ..
فكرت كثيراً كيف اضمن مستقبلي معه ولم اجد افضل من المال حينمااا اخذ كل امواله لين يبقى له مايساعده على خيانتي ... ولم اجد افضل من هذا التوقيت لأرمي قراري بوجهه ...
حسناً سنرى يافهدي من سيربح ...
صدقني ستعود لي مذعن وربما وقتها اخبرك اني غيرت رأيي وحتى جميع اموالك لاتكفيني ...
سأجعله يكتب ذلك القصر الرائع بأسمي وأطرد منه مالك الجرذ الحقيـــــر ...
كلا لأريد ان افكر بهذه الطريقه وكأن الأمر لن يتحقق ابدن سيفعلها خلف سينحني أمامي
لست أنثى عاديه حتى ينساني ويتخلي عني ولن يفكر ابدن ان يغفل متطلباتي ...


((11))


[..ثرثرات عائلية..]


نوف

جننت الحماره وعد كل شوي اهددها وحط يدي على رقبتي كأنه بذبحها وهي تلصق بضحى شوي وتجلس بحجرها بجد البنت هذي جبانه ... احس كل ماتكبر تطلع خوافه اكثر...والله لأهبل فيها
تستاهل ولا تقول عني انا مسترجله انا الدنيا تضيق فيني لسمعتها من غريب اللحين اسمعها من اختي ..
بس بزر ماعليها شرهه تحب تردد الكلام ...
لا واللي يضحك كل دقيقه تقول لملاك لاتنسين اليوم بنام معك بالغرفه ...
الخبله اكيد خايفه اني اذبحها لانامت ...
ضحى :وعد وش فيك كل هذا بردانه يعني
وعد :ايه موووت برد احس بصير جليد ...
نوف :ونجيب كسارة ثلج ونكسرك ..
بسرعه قبت بوجهي
وعد :انتي لاتكلميني ترى والله اعلم عن الشي اللي مو ظربتيني ..
ياربي الغبيه فضحتني عندهم اني ظربتها واللحين وش بيفكني من ضحى
ضحى :نوف وبعدين معك خلصنا من ظرب البنات بالمدرسه رجعتي لأختك بعدين شوف جسمهااا كيف بظربه وحده يمكن تكسرين عظامهااا ..
وعد:هي انتي لاتسبين دافعي بس بدون غلط وش بظربه تكسر عظامي حسيت اني دجاجه مسلوقه بخل وملح ...
شدن : شكن مو دجاج ياقرويه انتي مو تدرسين انقليزي ليش ماتقولي Chicken

ضحى :لأنه ياحلوه انقليزي بالمدرسه مو هنا بينا نتكلم بلغتنااا ..
وعد :العربيه مو العاميه بجد انتم عرب اغبياء انا بصير مثل ميشو اتكلم عربي ...
ضحكت عليها لين قلت امين
نوف :اجل عرب اغبياء وبتكلمين العربيه انتي وبأني برنامج بتطلعين في المرمى او .........
ياماما اسمها الفصحى مو العربيه كلنا نتكلم عربي بس تختلف اللهجات ...
وعد :قسم انك غبيه وكأنك سكرانه اصلاً العربيه هي اللي تكلم فيها ميشو والفصحى لغه ثانيه كانت بالوقت الجاهلي ومحد اللحين يعرفهااا يعني جاهلي ماعندهم كتب وماكتبوها كيف بنعرفها حناااا ويمكن كان فيه كتاب واحد عنها وغرق لما التتار رموا مكتبة بغداد بالنهـــــر ..
بنت الأيه تدقني بالحكي سكرانه هاه وربي لأنتف شعرها الليله ...
نوف :درس تاريخ هو
وقاطعتني شوق
شوق :خلاص بس لق لق لق لق سببتو لنا صداع ...
هند :لاخليهم شوي بيطلع علينااا لويس التاسع عشر من كثر الغبار اللي يتكلمون فيه ...
عاد جت ملاك مطفيه الأنوار الأماميه ...
ملاك:من لويس التاسع عشر اللي بفلم الخميس اللي طاف على القناه اللي تخبرونها ماراح اقولها عشان ماتصير دعايه ...

&

سارا

ماصدقت اطلع غرفتي وش ذا الضيوف بجد ثقيلين طلعت وهم لسى باقيين ...
فصخة عباتي رميتها ولحقتها بالجزمه والشنطه قفلت النور ورميت نفسي على السرير ..
ورحت بالنومه .. توني دقايق بس من نمت لا اقل يمكن ثواني ...
انفتح النور علي وصوت قيس يناديني ..
تنرفزت قلبت وجهي على الجهه الثانيه بعيد عن النور .. بس القاه بكل مكان
جلست وانا متنرفزه
سارا :خيرررررررر وش تبي
حسيته تفاجيء بلهجتي
قيس :وش فيك مريضه
سارا :أي مريضه مكسره تعبانه بموت
مد يده بيلمسي وجهي بس انا بعدت عنه
سارا :أوف خير وش تبي
قيس :من جدك انتي نايمه كذا طالعي وجهك كله أسود ...
يعني تغير لوني بهالسرعه شكل وعد صادقه .. هزيت راسي ارفض الفكره وش هالغباء ذا ...
سارا :اسود احمر برتقالي وجهي مو وجهك يعني هذي السالفه المهمه اللي تصحيني عشانها من النوم ...
قيس :السالفه المهم انك بتقومين اللحين ترتبين الغرفه اللي صايره مزبله بسببك وتغسلي وجهك وتغيرين ملابسك بعدين تنامين براحتك انتي عايشه مع شخص ثاني هنااا مو لوحدك ...
حسيت ببكي وش الهم هذا اصحى من النوم عشان ارتب ...
قمت مقهوره وخاطري احرق فيه ...
وانا ماره قدام التسريحه شفت وجهي انفجعي الماسكرا سايحه على وجهي لايكون لما كنت كذا وجهي
يافشلتي ... بس بعدين تذكرت اني لما جيت من تحت غسلت وجهي بسرعه بدون ماشوف وجهي بالمرايه ...
ارتحت وجلست ارتب المكان وانا افكر لازم دايم ارتب شكلي واطالع المرايه كل فتره عشان مانحط بموقف غبي ...
مادصدق اخلس غيرت ملابس ... ولبست بيجاما اورنج ...
اول ماحطيت راسي بنامي سمعت قيس يقول بضحكه
قيس :طالعه اليوم تهبلين
لفيت عليه برعب
سارا :من قال اهبل الا طالعه شوهه
حسيت فيه ضحكه
قيس :أول مره اشوف بنت تسب نفسها
قلت بتناحه
سارا :ليه انت تشوف بنااات
عطاني نظرة احتقار ولف عني ...
اشوى ان شاءالله دوم الزعل ...



((12))


[..صباح مختلف..]

وعد
توني صليت الفجر ورجعت بسرعه انااام قبل ماتطير النومه
بس ماحسيت الا بنوف تهزني
وعد :خير وش تبين ..؟!
نوف :قومي معي ابغاك تشوفين شي خطير..
اوووف مالي خلق ماصدقت ان معي كم يوم راحه عشان انام وهذي تبغاني اصحي
وعد :اقول توكلي على الله بس مالي خلق اروح مكان بنام تبغين ضحى تشوفني صاحيه عشان تخليني اداوم ..
نوف :بكيفك كنت بخليك تشوفين مفاجئه ماعمرك حلمتي تشوفيها ..
جلست النوم حلو بس المفاجئات احلى ..
وعد :ياويلك لوماكان عندك سالفه
لعبت بحواجبها وهي تقول
نوف :عندي ام السالفه بعد بس حركي رجولك ..
وراحت تركض قبلي لحقتها الا ماخذتني للسطح
وعد :تعالي وين رايحه برد حرام عليك
نوف :اوووف اص اللحين سمعتي كل الدنيا بس غلطتي يوم بوريك مفاجئه مالت عليك مانتي وجه مفاجئات .....
خفت ماتوديني للمفاجئه وانا تاركه النوم عشانه .. سكت لتغير رايها..
بس ماني فاهمه وش المفاجئة اللي بسطح ..
نوف :شوفي المفاجئه تحت الصندوق
شفت الصندوق اللي تكلم عنه بعيد بأخر السطح رحت فتحته ماسمحت الا صوت قفل لفيت لقيت نوف ماهي فيه والباب مقفل
الخايسه خدعتني ..رحت اركض وسمعت صوت باب ثاني يقفل ..
جلست ادق على الباب وانا اتوعدها الحقيره قفلت كل البابيين عشان مأحد يسمع صوتي لناديت او دقيت على الباب ..
انقهرت جلست ابكي كيف انا غبيه وقدرت تلعب علي ...


((13))


[..مشاعر مبهمه..]


قيس

من بعد الفجر ماغفت عينه ..
سوى نفسه بس قدامها انه بينام ولما نامت فتح عيونه ..
وهو يتذكر اللي صار أمس بالليل وسرق النوم من عينه ..
صحى على يدينه تلتف على كتوفه وتتشابك ورى رقبته ...
وهي تطلب منه انه يحبها مثل ماتحبه ..
كان النوم مأثر عليه رغم ذالك حس بكهرب يلسعه وخلاه يصحي مثل اللي شايف كابوس ...
آآه لو تدري وش سوت فيه لحظتهااا شعور ماعمره حس فيه ...
حظنها بكل مايقوى وهي ردد لها احبك احبك احبك
لكن بالطرف الثاني هي كانت نايمه وتحلم ولاحست فيه
كان حلم ...
لف على جهتها جاء على باله انه ممكن كانت صاحيه وتلعب عليه
بس مستحيل مد يده وقرص خدها ..وهو يقول لنفسه انه اكثر براءه من انها تسوي هالشي ...
حطت يدها على يدهـ
وفتحت عيونها
سارا :اححح يا***
بس قطعت كلمتها البذيئه بخوف ...
سارا :نسيت احسبك ملاك ...
معقوله هذي الساذجه تسوي فيه كل هذا تنسيه حتى طعم النوم ...
لكن ماينلام كلها حلى واللي يزيد حلاها تصرفاتها الغبيه مثل نظرتها العبيطه
اللي تطالعه فيها وكأنه مايشوفهااا ...
قيس :وش رايك بما أنك صحيتي تنزلين تجهزين لي فطور وقهوه على بال مأخذ لي دش والبس ..
شكل كلامه مأعجبها بس قامت مضطره ..
شافها تلبس عبايتها المفتوحه على البجامه وبتنزل ...
قيس :اقول غير ملابسك
سارا :وليش ان شاءالله لابسه عبايه انا بعدين مالي خلق عشان لرجعت انام مباشره ...
قيس :سوير اعقلي وغيري لبسك بعدين انزلي ..
تأففت وبقوه ورمت العبايه وراحت للدولاب ... سحبت لها جينز ولبست فوق بنطلون البيجامه
تحت أنظاره الساخره ..
سارا :زين كذا
قيس :فري نايس ..
عطته نظرة عدم رضاء ولبست العبايه وقفلتها وطلعت ..
مايدري ليه رجع ينادي عليها ...
بس اللي واثق منه انه يبغى يشوفها اليوم اكثر
لأنه اذا نزلت تحت ماراح يشوفها ثاني لوحدهم الا بعد رجعته من الدوام ...
قيس :سارررا
ثواني كادت تصل لدقيقه قبل ماتطل عليه وهي تفك اللثمه اللي كانت مسويتها
كتفت يديها وسألته
سارا :خير
تعدلت بنومته وتكى على يده ..
قيس :اممممم ماعندك غير هالبناطيل ...
شاف نظره بلهاء على وجها قبل ماتحول لعصبيه
سارا :بس عشان كذا مناديني ...
قيس :ايه عشان كذا ابي اشوفك بفساتيـن احسها بتطلع حلوه عليك احلى من الجينز الشبابي اللي تلبسينه ...
حكت راسها
سارا :احلف بس انا شاريته من محل نسائي اكيد الشباب هم اللي يتشبهون فيني مو انا اللي البس مثلهم ...

&


نوف
احلى عقاب ياوعدوه عشان توبين مره ثانيه تهدديني وتحطين راسك براسي ...
جهزت نفسي بسرعه للمدرسه وكنت حاطه يدي على قلبي لأنكشف قبل مأروح المدرسه ...
بس الحمدلله عدت على خير طلعت انا وشوق والباقيين نيام يعني مافيه أمل احد يدري عنها الا بعد كم ساعه ..
لما ركبت الباص تركت شوق اللي تبغاني اجلس جنبها ورحت مع شلتي الجديده ..
كانوا ثنتين بس اللي من شلتي بالباص بس يكفون وانواع الفله طول الطريق وكل ماتخيلت شكل وعد وهي بالسطح وتبكي انبسط اكثر ...


((14))

[..ميزاج متعب..]


سارا
مأدري وش سالفته ذا .. من الصباح رايق ..
دخلت المطبخ الهادي ..
ياءالله شكل مافيه احد اكيد منيره رجعت لزوجها يعني ياسارا اطبخي وانفخي والشغاله الخايسه هذي وينها
نظرت بالساعه توها سته وربع ...
باقي كثير ليش مصحيني هالوقت ..
فصخت عبايتي وعلقتها ورى الباب اللي قفلته مو ناقص احد يدخل علي ..
بديت اشتغل وانا اتحلطم ..
حسيت الباب ينفتح وانا اغسل على المجلى
لفيت اشوف مالقيت احد بس الباب مفتوح رحت بقفله الا وهذا قيس داخل
وشكله معصــــب ..
وسألني بصرخه
قيس :شافك كذا ..؟!
طالعته بذهول مأدري من اللي شافني
سارا :مين .. عن ايش تتكلم ..؟!
بس ماعطاني فرصه اتكلم
قيس :ألبس عبايتك وانقلعي فوووق ..
بسرعه لبست عباتي وطرت فوق وكنت خايفه يلحقني ..
بس سمعته يتهاوش تحت ..
اووووف ياربي من هالأنسان ..
كان رايق ايش غيره ..



((15))

[..لاتلاعبنـي..]


مشاعل

بعد ان اخذت دش رائع وارتديت اجمل مالدي من ملابس ..
وخرجت إليه .. كنت اسمع حركته بالصاله منذ نهوظي ولكني اخذت كل وقتي قبل أن اخرج إليه
خلف :صباح الورد لأحلى واعذب واجمل مشاآعل ..
يال وقاحتــه وكأنه لم يفعل شيء يوم أمس ..
هل أجاريه ام اوضح له غضبـــــي ..
بالتأكيد لن اجاريه لست رخيصه لهذه الدرجه لقد حدثني أمس بطريقة سيئه للغايه ..
ولكن غضبي لن يفيدني يجب أن استغل الوضع هل سيحاربني هكذا لا بأس ... توجهت إليه بدلال وجلست بجواره وانا اضع قدم على الأخرى ...
مشاعل :تبدو بميزاج رائع على خلاف مارأيته امس ..
حرك يده أشاره لرفضه الحديث بهذا الموضوع ..
وأخبرني ان اجهز ليأخذني للتناول طعام الأفطار بالخارج لم أمانع وأنا افكر بماذا يخطط الآن ..؟!




((16))

[..أضعت الطريق..]

نوف

ماقدرت اصبر بالحصه طول الوقت افكر بوعد ياربي طيب لو صار لها شي من تحت مقلبي
ماتت مثل تجمدت من البرد وصارت قطعة ثلج ..
أفكار غريبه حتى اني اصورها بخيالي .. لكن محتمله .. انبني ضمير كثير لازم اسوي شي
مافيني تموت واجلس طول عمري احمل ذنبها
طلعت من الفصل بعد جوله طويله من ترجي المعلمه ...اللحين كيف بقنع الأدارة يخلوني اكلم ..
اول مادخلت استقبلتني أبله عطوف بقائمه طويله من التهزيئات ماعطتني فرصه افهمها اني جايه عشان شي مو جايه لأنه وحده من المعلمات طردتني أو ارسلتني للأداره ..
وللليه بجد بالها طويل كيف حافظه كل هالشتايم والتهزيئات ..
قلت بمصاله وانا مقدمه رجل واحركها على الأرض كاني امسح شي
نوف :نسيتي تقولي اهلك وينهم اهلك ..؟!
بعدها ضحكت بمصاخه ..
لأن الكلمه هذي دايم على لساااانها تكرره على الطالبات وحتى لو كان ماعندهم اهل مثل حالتنا ..
أبله عطوف :انتي قليلة ادب مو متربيه ..
نوف :عارفه ماجبتي شديد بس
وقاطعتني
ابله عطوف :انتي ماينفع معك الا فصل نهائي ياطويلة اللسان
نوف :طيب اللحين على ايش كل ذا التهزيئه يأختي انا جايه للأداره مو عشان مطروده او شي انا جيت ابغى اتصل على اهلي لأن اختي مره تعبانه بشوف وش صار عليهاااا
حسيتها فهت شوي بعدين قالت
ابله عطوف:لامافيه اتصاللات فاتحه مكتب اتصالات انا يالله على فصلك بدون زياده هرج ..
الله ياخذك قول امين
ركلت باب الأدارة قبل مأطلع الله يشلها الحقيره ..
اووووووف منها وش اسوي اللحيــــن
لازم ادبرلي تلفون منه الأدارة ماراح اقدر ارجع لها ولا حتى للأشراف ..
قدامي غرفة المعلمات بس تلفونها تحويله مأقدر اتصل مباشره ..الأرشاد بس ماعمري جربته واصلاً المرشده ماتطلع منهـا ..
اوف اوف .. وش الحل ..؟!
كنت امشي بسيب كان فيه غرف التفصل والتدبير ومختبرات وفجأه طاحت عيني على طاولة قدام غرفة التفصيل عليها دفتر تحضير وأغراض والمهم اللي جذبني جوال ..
بدون تفكير سحبته وحطيته بجيبي ...
ومشيت عادي لأخر الممر وأول مالفيت كان قدامي السلم طلعته ركض وماوقفت مريت بالأدوار الأول والثاني ماوقفت لين وصلت مخبأنا السري ...
بسرعه دقيت على البيت
ماردوا رجعت دقيت ردوا من ثاني رنه
نوف :الووووووو
:الله ياخذك وش تبين بعد..؟!!!
يمه الجنيه مافيها شي بس كيف من الو عرفت صوتي
:ساكته ايه مالك وجه تكلمين والله اذبحك اليوم انصحك ماترجعي للبيت لأني بقتلك لوشفتك..
نوف :اوف طيب انطمي هذا ذنبي اشفقت عليك واتصلت اشوف وش صار عليك
وعد :انقلعي بس انقعلي والله اذبحك اليوم
وقفلت بوجهي الحقــــيره ..
مسحت الرقم وطلعت لازم ارجع الجوال قبل ماتدري صاحبته بس نزلت تحت لقيت معلمتين واقفات عن الطاوله ويتناقشن شوي وشفت ابله عطوف ومرشده جايين من بعيد ياربي وش الوهقه ..
اكيد بيشكون فيني .. لأني طلبت تلفون وبنفس الوقت اختفى الجوال ..لازم اطلع منها
امم اورط فيه شخص ثاني لأني لو رميته بأي مكان الشكوك ماراح تبتعد عنــــي ...
جلست ادور بين الفصول .. كان فيه فصل مافيه طالبات اكيد عندهم درس عملي دخلت وحطيت بشنطة وحده من الطالبات .. ورجعت للفصل بكل ثقـــــه ..




((17))

[..اللعبه الخاسره..]


ميشو


لأنكر ان التنزه بصحبة خلف مسلي نوعاً ما
ولكنه حينما بدأ التطرق للتاريخه مع النساء
وكان الغرور الرجالي يتملكه بدأ الأمر مزعج للغايه خصوصاً لفقدي السيطره على الوضع..
فأنا لم أعد افهمــــه .. خلف الذي أعرفه وراقبته جيداً من سنوات ماكان ليترك زمام الأمور بيد أنثى مهما كان يكن لها من مشاعر .. فأنا حتى الأن لم انسـى الفاتنه هند وكيف تركها لمجرد شكوك لاأصل لهاااا حول مؤامرة لم يكن لها اي يد فيهــا ..
اجل وصلنا عند الفاتنه هنــد..
كان يحرك الكأس بيده وكأن يحرك قطعة شطرنج ..
خلف :تدرين هند هي الوحيده اللي حسيت أني ظلمت نفسي معها ..صحيح ماندمت لأني مأندم على أي قرار اتخذه لكن أخذت منه درسه .. مأتعجل بهالأمور حتى مأظلم نفسي ..
الا ماذا يلمح ..هيا ميشو انتي تعلمين مايقصد.. مايلمح له انه طلق هند قبل ان ينال منها الكثير
هذا فقط مايندم عليه .. ليس مهم انه دمر حياتهاا وأصبحت مطلقة بلاذنب ..كل مايهمه ماخسره هو وليس مايخسر الأخرين ..

ميشو :هل تعلم ياعزيزي انت واضح جداً وأنا سعيده لوضوحك هذا ..

أرجع رأسه للخلف بضحكه مبالغ فيها
خلف :وانتي تعجبني مراوغتك على فكره ماينتهي هالأسبوع الى وانا منتصر عليك واعلنتها حرب ..
يخيفني تقلب ميزاجه .. لقد أحضرني إلى هنـــا والغضب متلبسه ..والآن يحادثني بكل مرح
وكأنه لايوجد مايعكر ميزاجه ..هل هناك رابط بين ماحدث مع هند ومايحدث معي .. هل صدق أدعاء سعـاد ..
وقفت وانا احمل حقيبتي
ميشو :حسناً دع غرورك ينفعك ..
لحق بي واحتضن كفه كفــي وأخبرني انه سيأخذني إلى مكان سيعجبني كثيراً ..

((18))



[..أسرار..]

سارا


ياءالله وين راح النوم اللي قبل كان كابس علي
اووف كله منه حتى النوم سرقه مني ..
جلست بالسرير تفكيري بقيس وسبب تصرفه مو طالع من راسي
لازم أعرف وش السالفه
لبست وكشخـت بالميك اب وسويت شعري ونزلت بسحب منيره بالكلام لين اعرف وش السالفه
بس يافرحه ماتمت وانا نازله سمعت منيره تكلم مع الشغاله انها بتطلع وتوصيها على اشياء كثيره شكلها خلاص راجعه لبيتهــا ..
رحت لهم ..واول ماشافتني
منيره :هلا سارا زين شفتك قبل مأروح ...
سويت نفسي مانتبهت
سارا :ليه طالعه انتي ..؟!
منيره :ايه والله ابو العيال برى بالسياره خلاص برجع لبيتي العيال لهم ايام عند جدتهم وعماتهم ووراهم دراسه لازم اكون معهم .. تكفين سارا مأوصيك على أمي ..
اووف بدينا بحركات نص كم ..قلت اسكتها
سارا :لايهمك امك بعيوني ..
اول ماطلعت تأففت وقلت للشغاله تسوي الغداء ..
وهزت راسها الغبيه وراحت ..
رحت لتلفون ودقيت على بيتنا ردت الغبيه وعـــد ..
سارا :مارحتي المدرسه انتي
بدت تغيلس قسم شوي وقفل بوجهها غثيثه
سارا :يووه مابي اسمع عنك وعن نوف شي عطيني ملاك ..
البزر قفلت السماعه بوجهي ..اوووف ياكرهي للحركات هذي ..
بجد ترفع ضغط المتصل ..رجعت اتصل يرن ومحد يرفعه حسيت انها فصلت السماعه ..
الله يفصل راسها .. ولاهو فاصل خلقه ..
حسيت بيديني على عيوني .. فزعت بسرعه جيت اشيلها .. من حجم اليدين عرفت انه منير ..
سارا :ايييه شيل يدك ..
منير بضحكه :من تكلمين ..
سارا:مين يعني خواتي والغبيه وعد قفلت بوجهي وفصلت السماعه...
منير :ليه هي غايبه
سارا :أيه غايبه مثلك يالحبيب انا مأدري ليش يحطون مدارس والطلاب نايمين ببيوتهم ..
يقفلون المدارس اكثر اقتصاديه ...
منير :احلفي يالأقتصاديه تسمعين بالأقتصاد انتي .. شوفي انا غايب خصوصياً عشان بقولك شي
..
مسكينه صدقت ان عنده سالفه وسألته
سارا :ايش ..؟!
منير : بتنطقين اليوم يعني بتنطقين ...
حسيت روحي بتطلع اكيد عرف سبب هواش قيس
سارا :وانت اشدراك
منير:انا من 15 سنه من طلعت على الدنيا وانا بذا البيت ومافيه هوشه ولاخناقه الا اعرف عنهااا حتى السريه منهااا
سارا :طيب اللحين وش بسوي أنا
منير :انا لو منك اهرب على بيتنااا
سارا :لا وش اهرب تبغى قيس يطلقني
منير:خليه يطلقك عادي انا لكبرت اتزوجك ماراح يضيع مستقبلك
سارا:انت مره مصدق نفسك من قال اني برضا فيك اصلاً
منير :ليش وش ناقصني انا ماصير مثل قيس
سارا:اووووف منير قسم انت عله
منير:طيب عليه خلاص شوفي من بيساعدك بالورطه اللي انتي فيهاااا
قلت له بعدم اهتام
سارا:اصلاً انت قلتها مطقوقه يعني مطقوقه
منير:ليش انتي وش مسويه
سارا:اذبحك انا..؟!
منير:لابجد وش مسويه انتي انا اقصد بالطق مقدمه للدخل بالسالفه عشان اجذب انتباهك اعرفك بايعه الدنيا بريال ومايخوفك غير الطق ..
سارا:طيب وش السالفه اللي عندك اذا ماتعرف ذا السالفه
منير:اعرف الهوشه اللي بسببها طلعت منيره من البيت
سارا:اللحين منيره طلعت عشان هوشه
منير:ايه اجل وش حسبالك بس لاتحاولين مافيني اخبرك هذي اسرار عائليه ..بعدين لأستمر زواجك مع قيس عشر سنوات تصيرين من العائله وتعرفين اسرارها ...
سارا:احلف بس انت ومن قال ابغى اكون من عائلتكم روح زين ..
منير:لابروح موبايلـــي ..
طنشته وقمت .. لايكون بعد قيس طرف بالهوشه الثانيه والله اللي اكلت هوء اليوم
..


((19))


[..وحضر الحب..]

ضحى

اتصلت عليه عشان يجي يأخذني مارد
مره ثنتين ثلاث .. بعدها ماقدرت اجلس من التوتر ..
وش صاير فيه ليه مايرد ..
ماصدقت نفسي يوم لقيتني فجأه ابكي ..
ياربي صايره اعصابي ماتتحمل اي ضغط .. وهو يتلاعب فيني حرام عليك ماني ناقصه
رد الله يخليك ...
كنت بأخذ عباتي وادق على تاكسي يجي يأخذني
لما دق جوالي ركضت له واشوى كان هو
رديت علي وصوتي كله بكاء
ضحى :ووووينك انت .....؟!!
عساف :حياتي هدي وش فيكم
ضحى :حنا مافينا شي انت وش فيك ليه ماترد
عساف :خفت علي ..
مادريت علي
عساف :كنت نايم تو بس صحيت وشفت مكالماتك .
مسحت دموعي وحاولت احسن صوتي
ضحى :طيب ..
عساف :طيب ايش
ضحى :خلاص عساف انا موافقه ..اصلاً كيف برفض .. انا مالي غيرك بهالدنيا..الله يخليك لاتتركنـــــي ...
طلعت غصــــب عنـي ..مأقدر ..مأقدر ...هو بيروح ويترك مريض يعني وش نهايته ...
طيحت الجوال وحضنت رجولي وانا ابكـــي ..
ليش
ليش
ليش
هذي نهايتي الفـــراق .. خلاص بيموت وانا ببقي أرمله وحيده من جديد بدون عون ...
ياربي ..ليتني اموت قبل مايفارقنــــــــي ..

((20))



[..الكبرياء السخيف..]

عساف

ظربت الجوال بخفه براسي ...البنت خلاص رايحه فيها ..
والله وطحتي ياوضوح ..
وش بتكون ردة فعلهااا لو كتبت لها الحقيقة برساله ..
وسافرت ..
فتحت قائمة الأسماء .. وينك ياخلف .. نبشرك بأخر المستجدات ..
لازم اعلمك بأنتصاري .. قلت لك بجيب راسهااا بدون خططك التافهه ماصدقت ..
عساف :هلا سلاام ابوخلوف
خلف :بالمهـلي ..وأخبارك
عساف :والله الأخبار عندك ..
خلف :ايه طيبه اخباري .. بس انت امس اللي ناوي تهرب معي
عساف :لا أبشرك خلاص طاحت راكعه .. انتهت ..
خلف :ايه ووش بتسوي؟؟
عساف :مأدري بس توني اشاور نفسي اسحب عليها وأسافر .. انت متصور كيف بيكون شكلهااا وهي تعرف الحقيقة لا وأنا مسافر ومخليهاا والله ولا حسره بتحس فيها تساوي الحسرات اللي مريت فيها من ..
قاطعنــــي
خلف :عمي يأسفني اقول انك ورع ..ياشيخ انقلع
شوفوا الولد قفل بوجهـــــي ..يعني انا الغلطان اني برد كرامتــــي
انا واثق لو هو اللي مر باللي مريت فيه ووحقق مبتغاه مو بس بيتركهاا الا بيذلها ذل ...
ياه تذكرين ياضحـى يوم كنت اقولك بالنهايه بتحبيني غصب طيب بالنهايه انتي اللي بتركضين وراي وانا بتخلـص منك .. ماكنتي تصدقين ..
كان لازم تحبيني كان لازم


((21))

[..هويه ضائعه..]

مالك

رجعت غصب للرياض بعد ماهلكتني أمي بأتصالاتهاا وخصوصاً من يومين صايره تتصل بالهبل
مأدري وش فيها بس أحس السالفه فيها أنَ ..
واليوم اول ماوصلت قلت لها مابغى اجي للبيت عشان خلف ..قالت انه مسافر
وتبغى تشـوفنـي غصب اليوم ..
اول ماوصلت اخذتنـــي من يدي قبل مايشوفني احد ودخلتني غرفتها ..
مالك :امي وش فيك خلصيني ترى هلكان من السفر
كان تدور على نفسها مثل المجنونه ..حسيت انها ماتدري وش تقول بديت اشك بالسالفه
اكيد الموضوع فيه خلف
مالك :خلف وش فيه ..؟!
باشا :وش فيه .. مافيه شي ..؟!!!
حسيت بخوف الحقيره والله كانت حاس
مالك :يمه مشاعل وش سوت بخلف علميني والله اقتلها الحقيره ..
شفت امي تطالعني بذهول ..
ليش تناظر كذا وش كانت تعتقد خلف اخوي مهما سوى انا مستحيل انسى افضاله علـــي ...
باشا :ماسوت شي بس من تزوجها ماعاد شفناه مثل قبل .. انا كنت حاسه بتأخذه منا بس هذا ماهو مهم المهـم اللحين انتي ماتغير على اخوك وترجع تعامله مثل قبل ..
لفيت عنها وجهي
مالك :انا صح انقهرت منه بالأخير مو هينه علي قتل ابوي .. حتى لو مو متعمـد بس غصب عني بنقهــر ..بس خلف اخوي وغصب احبه ماقدر اتغير عليه بكل سهوله ..وحتى لو ظلمتوني بسببه واخذتو حقي انا ماتغير مشاعري عشان فلوس وغيرها ..
باشا وهي تجلس :طيب زين زين ..انت تشـــرب ..؟!
حسيت نفسي مثل اللي انصب على راسه مويا بارده
مالك :انتي صدق اليوم مانتي بعقلك وش اللي اشرب وماشرب تسمعين نفسك انتي ..؟!بعدين لو احد قايلك شي عني مو مباشره تصدقينه وتجين تحققين معي ..لأنه هذا يدل على ان ماعندك ثقه فيني ..
باشا:انا ماني قادره افكر اللي بقوله لك خايفه عليك منه ..
والله ماني قادر اتحمل .. سفر وضغط وتعب وامي جالسه تلعب فينــــــي ..
مالك :تكلمي يعني انتي خايفه مني أنااا ... ترى انا اضعف واحد بينكــــم مأخوف ابد قولي اللي عندك ..
باشا:بس احلفلي انك ماتهور احلف على المصحف انك بتأخذ الموضوع بالعقــــــل ..
مالك :طيب الموضوع بوش يتعلق..
قامت تقرب لي المصحف بدون ماترد علي والله بنجن اليوم ..
باشا:ماني قايله شي لين تحلف ..
مالك :طيب هاتي
وحلفت لها على المصحف اني اخذ الموضوع بهدوء.. كنت حاس الموضوع تافه واكيد له علاقه بالفلوس وانا بخلص نفسي لأني تعبان وابغى النوم ...
باشا:انت حلفت ..
مالك:تبغين نسجله بالكاميرات بعد ...
حسيت امي بتقول شي كبير عليها من نظرة عيونهااا
باشا:الموضوع اللي بقوله لك كبير .. كنت جاهله وصدقت مبارك ..ان اللي يسويه ماهوخطأ وهو هددني فيكم كلكم وطاوعته بس عشانكم وهو قص علي ..
وجلست تقول كلام كثير كله تبريرات له الشي اللي مأدري وشهو ..
مالك :طيب خلاص يمه اقتنعت انك مجبوره على أمرك بس ممكن اعرف وش اللي سواه ابوي ..
شفت دمعه تطيح على خدها ..
طحت على يديها ابوسها
مالك:يمه لاتبكين وش فيك كلي لك بس لاتنزل دموعك ..
باشا:يمه انا غلطت الف مره والله غلطت بس ماعاد اتحمـــــل ..انا ماني خايفه على نفسي خايفه عليك وعلى خـــــلف ...هو ذبح أبوك من تحت هالموضوع
تركت يديها وش دخل حادثه موت أبوي وخلف بهالسالفه ... كنت اناظرها وكأني اتهمها بالجنون ...
مالك :وش هالسبب ..؟!
باشا:انت ولدي
مالك:عارف
زادت ببكاها
باشا:لا انت ولدي ولدي ولد بطنـــــــي
مالك:يمه لاتقولين كذا لاتلعبين فيني انتي طول عمرك امي اللي ربيتيني كيف ولد بطنك حرام عليك يمه ...
باشا :لا انت ولدي .. يمه مبارك عمره ماكان ابوك .. أبوك صالح ابو خلف وسعـــاد ...
كنت اناظرها ادور بوجهها ضحكه ابتسامه تدل على انها تمزح علي بس ماكان فيه
اخر شي سمعته صرختها قبل مابتعد عن هالعالم الكذاب ...

انتهى البااارت

الحلقه السابعه والخمسون


((1))


(وغابت البراءهـ )

نوف
سوو تفتيش لفصلنا وفتشونا شخصياً وركزوا علي بس ياحرام خاب ظنهم

مالقوا معي شي
مثل ماتوقعت كانوا شاكين فينـــي ..
بس مو على نواف خبره 10 سنوات بالسرقه والنشل ..
طلعوا من عندنا على نهاية الحصه طلعت بشوف الشله وشفت بنت قمر

من الثانوي ..
نوف :ياووولد قمر والله قمر ..
ماكنت احب اسوي هالحركات بس من صاحبة شلتي الزاحفه صرت مثلهم

..
واحس بحريه اكبر اقول اللي ابي اصرخ بصوت عالي وماستحي من احد

اللحين بس حسيت اني فعلاً اقدر اكون ولد ...
واسوي كل اللي ابغاه ..
لحقت البنت اللي كانت رايحه لدورة المياه وقفت قدام المرايا ترتب شكلها

وانا جيب يقال بسوي مثلها
بديت اخلل اصابعي بشعري وانا اناظر فيها يوم جت عيني بعينها غمزت

لها ..
كان شكل البنت تحفففففه لما انهبلت وبسرعه طلعت برى دورة المياه

..ههههههه خساره حلوه وخوافه ..
يعني وش فينا نخوف عشان يهربون منا فاهمين السالفه خطأ ..
يسمعون القصص الكذابه اللي تطلع عناا ولا احنا مظلومين ..



((2))


(غيرة الوحش )

قيس

هو معصب من شي بسيط ولايحس اني اللي سواه شي تافه
من حقه يعصب ويغار هي من يومها معجبه بأخوه والشي هذا ماخفى على

احد
والشي هذا يقهر ويشعل فيه ألف نار ..
كيف اللحين وهو شايف اخوه يدخل عليها ويشوفها بدون عبايه ...
الصبر ياررررررب ...
كان جابر متصل عليه أكثر من مره اكيد بيجلس يبرر بس بدون فايده
اللي حصل حصل وهو ماقدر يمنع نفسه من الأنفعال ...
وزين انه مسك نفسه ومامد يده عليه ..
المشكله اللحين فيها هي بتسأل اكيد وش سبب نرفزته ..واصلاً حتى لو

ماسألت لازم يوضح لهااا
الموضوع هذا وبنفس الوقت مالازم يبين لها انه يغار من أخوه لأنها

بطفوليتها بتقهره لو عرفت هالشي ..
فكر كثير ومالقى حل حس فكره مشوش ومايناسب جو الدوام فطلع

منه..
تذكر الجوال اللي طلبته كثيـر .. ليش مايجيب لهاا يمكن لو شافته

تنبسط شوي ..
احتار وش يأخذ لها لين لقى جهاز ناعم مره ...واخذ له كفر مناسب

..
شاف الساعه باقي وقت وده يرجع ذا اللحضه وبنفس الوقت ماوده لأنها مو

فاهمته والوضع عليه مره صعب ..
صعب يكون الطرف الضعيف حتى لوكان ماتدري..
استغل الفرصه لأنه كان بمجمع وراح يأخذ لها فساتين ..وهو يتصور

وجهها لاشافتهم بتنقهر كثير ويمكن تنبسط كل شي جايز ..
ماتوقع يندمج بالتسوق لدرجة هذي ماحس الا ووقت الصلاة داخل حاسب

على الملابس اللي اخذها وطلع ..
بعد ماصلى جلس بالسيارة فتح جوالها وحط فيه شريحه قديمه له ..
وهو يتذكر لما طلبت رقم مميز .. مو مغفل عشان يجيب لها رقم سهل

كلن يدق عليه ..
يتصورها لو دق احد عليها اكيد بتأخذ تطنز واستهبـال ماجاب شي من

عنده هذا طبعها وين ماكانت
ماتفرق لو كانت تكلم مع بنت او رجال مع قريب او غريب نفس الأسلوب

بكل مكان ..
حفظ ارقامه ورقم الدوام ...بغى يضيف لجهازها شـي منه ..
فكر كثير لين بصدفه فتح ملف بالذاكره كان فيه صور كثير له بعضها من

فترة قريبه وبعضها من سنوات ..
اختار كم صوره وحفظهم بجهازها اللي طبعاً ماكان كاميرا ..مو غبي

يجيب لها جوال كامير عشان يلقى بكره صورها بكل مكان ..
واخيراً حس الوقت المناسب يرجع البيت ..
باقي نص ساعه على موعد رجوعه بس مو مشكله ..ماحد ملاحظ

..
دخل والبيت هدوء ..
مر على غرفة امه جالسه تصلي بسريرها ومنير نايم على الأرض عندها

..
طلع من عندهم بهدوء لفوق ..
يوم وقف قدام باب الغرفه تذكر الأغراض اللي شراهم لها ..
ماكان معاه غير الجوال لأنه حاطه بجيبه ..
كان يفتح الباب وهو يفكر انه بيرجع يجيبهم كان مثل اللي متردد بين

الدخول او الخـــــروج ..
فسخ الشماغ ورماها على السرير قبل ماينتبه لسارا اللي تصـلي وراه

..
تمدد على السرير ورجوله على الأرض ..
مرت دقايق طولت الدقايق وللحين تصلي معقوله لف عليها شافها متعمقه

بالصلاه
سكت عنها شوي وبدت تمسك معه الضحكه ..
وماقدر يكتم اكثــر .. ضحك بقوه ماضحك فيها من زمان ..
كان يضحك ويضحك ويضحك .. لين حس فيها واقفه عند راسه مسح

دموعه ولف عليها
سارا :خير وش عندك ماتشوفني اصلي عيب اللي تسويه ...
هو عارف انها ماخلصت صلاتها اللي طالت خوف منه الا بعد ماسمعت

ضحكته ..
بس هين هو يعرف كيف يهبل فيهااا
قلب وجهه بسرعه للجديه ..
قيس :كل هذي صلاة ..
حسها كمشت على نفسها من الخوف ..
ابتسم وهو يقول
قيس :يادجاجه ...



&


سارا

اللحين هذا مبسوط بنفسه انه متوحش وتسلطي وهمجي ويخوف ..
بس اخاف اقول قائمة الجمل هذي واروح ضحية عصبيته احسن شي الم

لساني بفمي وأسكت
الحمدلله ان عصبيته اللي اليوم الصبح انتهت .. يعني الخوف اللي

طير النوم من عيني ماكان له اي داعي ...
سارا :اذا انا دجاجه انت ديك ..
قلتها بعفويه كذا يعني ماتوقعتها تضحك لدرجة يرجع يضحك مثل السكران

مره ثانيه ..
كان ودي اظربه بالمخده على راسه عشان يسكت بس خفت ..
شفتو الحركه اخذتها من المسلسلات ماتوقعت تأثر في لذا الدرجه ..
شوي وسكت ويمسح دموعه .. توقعون عمره بكاء .. سؤال غبي

بس له داعي ..
قالي وهو يدخل يده بجيبه ..
قيس :اسمعي .. اجلسي اجلسـي
سارا :اسمع او اجلس ...
عطاني نظره قويه سكتتني ..دايم احب اتهزأ
قيس :وش توقعين معي ..؟!
ايه بدينا بالغباء .. طيب انت معك شي انا كيف بعرف وش هو بدون

مأشوفه ..
سارا :مأدري ..
قيس :طيب تذكري وش كنت طالبه قبل كم يوم ..
سارا :جوال ..
مد يده علي وفيها جوال ..
ترددت أخذه مأدري وش صابني
بس مأدري يعني اول مره مأدري كيف اوووووف يالله بأخذه ...
بس سحبه على ورى وهو يضحك
قيس :يوووه يوووه كل هذا حياا
قلت بس ابرر موقفي
سارا :من قال بس خفت انك مسوي فيني مقلب مثلاً جوال لعبه
قيس :ليش شايفتني سخيف لهدرجه تفضلي هذا الجوال بس هاه ماتعطين

رقمك لكل من هب ودب ...
احس نفسي مررررره استحيت وومأدري كيف بس شعور غير يعني

قدرته لأنه جاب لي شي ماتعودت
احد يسوي شي عشاني مأدري بس حبيت انه يجيب لي شي ..
سارا :شكراً
قيس :بس شكراً مافيه طريقة ثانيه تعبري فيها عن الشكر
يبغاني ابوسه .. طيب
سارا :وتفضل احلى بوسه
بسته على خده وشوي يلف الخد الثاني
قيس :وهنا بعد ..
اوووو بعدين مصخهاا
...


&


قيس


كان مبسوط وعايش جوه لين ..
:سارررررا
اللحين هذا وش يبي بسارا قايله الف مره مايجي هنااا
طلع له وهو متنرفز
قيس :خير وش عندك
منير :أبغى سارا
رد عليه وهو يتركى على الباب
قيس :ووش تبغى فيها ..؟!
منير :الزلابه هذي عيت تحط لي غداء تقول لازم ماما سارا ..كله من

منيرووووه جالسه توصي عليها
قاطعه
قيس :خلاص انزل انت واللحين تروح لها سارا...
جاء بيدخل بس قبل سأله
قيس :اخوانك جوو
منير :فادي لا بس جابر جاء وشكله نام مأدري بالملحق هوو ..
قيس :طيب روح شوفه لو صاحي ناده على الغداء ..
انقهر يوم شاف سارا طالعه وعليها عباتها
قال بقهر
قيس :روحي قولي للشغاله الزفت تحط لنا الغداء ...




((3))


[..وعد أخرى..]

وعد

كنت انتظر نوف على نار خليها تجي بس والله لأسوي فيها مقلب ماحلمت

فيه
لو ماسمعت ضحـى صوت طقي على الباب يمكن مأحد درى عني وجلست

طول اليوم مسجونه بالسطح ويمكن اموت بعد ..
الدفشه الغبيه اللي ماتعرف تسوي مقالب والله اوريها ..
شدن :انت ليش جالسه هنا انا مليت
اووف ناقصه انا هذي
وعد :وانا حلفت عليك تجلسين معي
شدن :ياغبيه ماحلفتي بس مع مين بجلس انا اكيد انتي
وعد:والله وش اللي يخليه اكيد انك تجلسين معي
شدن :يعني مع مين بجلس
وعد:روحي العبي مع نوره
شدن :نوره تعبانه وماما تقول لاتجلسين معها تنتقل العدوى لكي
وعد :والله نوره ماجاها المرض صدفه انتي يالغبيه اللي نقلتي لها

المرض من مدرستك ..
شدن :بس انا مو مريضه
وعد :انتي مو مريضه انتي مرض يمشي على الأرض
شدن :يا***
وعد :تقلعي بس يابنت الشوارع
ماحسيت الا خبطه على ظهري بغت تطلع روحي
لفيت لقيت ضحى واقفه فوق راسي والشرار بعيونها
ضحى :اذا هي تربية شوارع لأنها جالسه معك شدن قومي ادخلي داخل

..
الحقيره تظربني برجلها على ظهري وتقول عني تربية شوارع والله

اوريها هذي اخت هذي افه مو اخت ..
اكرررهم كلهم ضدي ياليت كنت بنت ناس ثانيين مو ذولا اهلي ..
ياحظ سارا ومشاعل ياليت اتزوج وافتك واطلع من بيت الشؤم هذا..
انفتح الباب وادخلت شوق ...وبعدها نوف اللي هربت على الحوش

يوم شافتني لحقتها
وعد :خوافه اطلعي على حقيقتك والله لو مسكتك انتف حواجبك ..
نوف :أذا مسكتيني يالسحلفاه ..
عجزت امسكهاا الحقيره طياره مو انسانه..
طلعت لفوق وتخبت بغرفة مشاعل وقفلت الباب ..
ركلت الباب وقلت لها
وعد :لاتطلعين لأني بصفقك ..
سمعت هند تناديني من تحت ..
رحت اطل من السلم
وعد :نعم اشتبغون
هند :تعالي بنتغدى
وعد :اتغدوا مابي اشاركم بشي خلاص انسوني ..
ابغى مكان اخليه غرفتي لحالي وشفت غرفة جدتي ايه هي اللي بتكون

غرفتــي
نزلت تحت وجمعت اغراضي وهند تطالعني باستغراب
هند :وش تسوين انتي
وعد :وانتي وش تبغين لاحقتني
هند :بشوف وش سالفتك
كنت اجمع اغراضي باللحاف لأن ماعندي شنطه
وعد :سالفتي مو سالفتك فانقلعي عني
هند:انتي ليش لسانك طويل انطمي وقولي وش تسوين انا اكبر منك

بعدين لو متذكره انا أختك يعني ليش شغل فيك ..؟!
وعد :روحي عن وجهي زين اختي طيب عارفه يحتاج تذكريني يعني

ياكرهي لحركات المسلسلات ..
هند :وعد بلاخبال لاتتوقعين بنخليك تطلعين من البيت اعقلي لأقول

لضحى ونسجنك فوق ..
وعد :ليش شايفتني مجنونه اهرب
هند :طيب وش تسوين
لميت اخر اغراضي اللي هي شنطة المدرسه وطلعت من الغرفه وهي

تمشي وراي
وبس تكرر وعد وش تسويين مثل الببغاء
لفيت عليها بعصبيه
وعد :شوفي اذا مابعدتي عني بظربك مع يدك الملفوفه ..
بس ماطست اللصقه لحقتـني لين دخلت غرفة جدتي
هند :هي انتي وش بتسوين هنا
وعد :مااالك شغل تسمعين مالك شغل لاتحشرين نفسك بأموري
هند:اقول انطمي ترى عطيتك وجه مو بكيفك تجين هنااا انتي بزر

ماتبقين لحالك ..
اوووف الحقيره هذي وش تبي ..
وعد :أسمعي مابي امد يدي عليك وانتي اكبر مني
هند :لا اذا بتوصل لمدت اليد فكينا
واخيراً انقلعت البارده مسويه الأخت المثاليه ..
رقعت الباب وراها ورميت أغراضي على سرير جدتي اللي ماعليه شــي

..
اووف اللحين كيف بنام بغرفة وحده ميته .. اخاف تجيني أشباح ..
ولا روحهااا ساكنه المكان .. لاا استغفرالله الأرواح هذي بدع ..
ياربي ان شاءالله مايصير شي يخوف بالمكان عشان مأرجع لغرفتي مع

نووف ويضحكون علي ..
احس الغرفه ظلام مع اني فاتحه الأنوار .. وش القصه
ليكون صدق مسكونه ..
والأشباح دايم تسكن الدواليب ..
بحط لصق على باب الدولاب عشان مايفتحون ويطلعون اذا كانوا

موجودين واذا ماكانوا فيه انا برتاح..
كنت جالسه افكر وانا على السرير وماحسيت بنفسي الا نايمــــــــه ..




((4))


سارا


غريبه قيس اختفى .. من بعد الغدى اللي للأسف جلست عليه لوحدي

لأن خالتي اكلها غير ..
قمت انام واستغربت لما صحيت مالقيت قيس عجيب مانام الظهر يعني

..
المهم قمت صلت وتجهزت ونزلت تحت سويت قهوه وجلست لوحدي مافيه

احد لين دخل منير ومعه كتبه ورماها على الأرض وجلس ..
منير :أووف واجبات اسابيع ماحليتهاا وش اسوي اللحين
سارا :شفت قيس
منير :لا اصلاً حتى ماصلى معنا ..
بجد السالفه فيها ان ..
جلسنا لين المغرب وانا كل خمس دقايق افكر وش سالفته كذا فجأه اختفى

مو عوايده
لين دخــــل علينا وشكله منتهي من النوم
قيس:ليه ماصحيتوني
انا ومنير وجيهنا اكس مو فاهمين شي يعني هوكان بالبيت وحنا متوقعين

طالع ..
ماشاءالله علينا اذكياء مره بس يعني معذورين حنا يعني لو بالبيت اكيد

بالغرفه ..
سفهنا وطلع فوق لأن اتوقع لوجلس لين الليل ماحد تجرأ يرد عليـه
اطلع ماطلع اطلع ماطلع لاوالله البيبي اللي مايعرف يسوي شي طقاقه

مالي خلق احرك رجولي انا مرتاحه كذا ..
بعد ربع ساعه نزل ومباشر طلع للصلاه ..
مادري وش فيني مكسله عجزت اطلع فوق قلت بصلي تحت وقلت للخبله

الخدامه تسوي قهوه عشان لو يرجع ..



((5))


ضحى


مأدري وش فيهم خواتي يعني يوم أخذت قراري بالسفر بدت تطلع

مشاكلهم
اللي تصعب علي الموقف ..
نوف وعد مأدري وش فيهم قالبين على بعض وكل وحده متحامله على

الثانيه
الصراحه بديت أخاف اتركــــهـم
ياليت عندي احد اعتمد عليـه المشكله كل خواتي تقول يانفسي ولاوحده

تشيل هم الثانيه ..
مأقدر اتركهم على هالحال ولا اقدر اخلف وعدي مع عسـاف يعني لازم

القى لي حـــل
ومشاعل مأدري وش سالفتها مع صديقتهااا اللي تقول بتروح تجلس

عندهااا من راحت وادق عليها وعلى طول جوالها مقفـــل ..
يارب تتيسر الأمور ابغى اسافر وانا مرتاااحـــــه ..ودي اليوم قبل

بكره ابتعد عن هالمكااان
ابغى شي جديد ينسينـي الماضـي ..ويمكن لارحنا هناك نشوف حل

للمرض عساف كل شي جايز ..والله كـــريم ..
كانت شدن تلعب عندي مابغها تلعب مع نوره عشان ماتنقل لها المـرض

..على انها ميته تبغى تجلس معها بس اخاف يتنقل لها
المرض ومنها لحمودي ..
شدن :ماما خلينا ناخذ معنا نورا
ضحى :ناخذها وين
شدن :بالسفر
ضحى :لامانقدر نأخذها
شدن :ماما والله حرام ماعندها ام هي صيري امها ماحد يبغى يكون امها
ضحى :ياءالله شدن لاتعورين راسي خليك بلعبك وامور الكبار لاتشغلين

نفسك فيها
شدن :بس انا ماقدر مافكر فيها هي مسكينه وبيبي
يقهرني كلامها لأنه يحسسني بالذنب ابغى اسكتها لأنها تقول الحقيقية اللي

تعور قلبي
ضحى :شدن روحي عني ولابعاقبك ..
طلعت من عندي وهي تصارخ
شدن :أووووووووف منكم ماتحبون الصدق
والله هذي وعد مو شدن ..



[..أعتذر..]


((6))


سارا

كنت بنام بمكاني يوم دخل منير وعطاني كيس كبير مره ..
منير:هذا قيس قال اعطيك اياه وهو راح للأستراحه ..
اخذت الكيس وفتحته شفت ملابس معقوله حقي
منير:وش فيه
سارا:وانت شكو يالملقوف
منير:قلتيها ملقوف يالله بروووح العب كوره بالحاره ..
قلت بحماس
سارا:ياليت شباك الغرفه يفتح على الشارع عشان اتفرج عليكم
منير:درايش الملحق تطل عليه
سارا:احلف بس تبغى قيس يقتلني بعدين اخوانك ممكن يجوني ..
منير:احسن خل يطقك ويصير اكشن ..مع الباي
استغفرالله وش التحريف هذا قهر راح قبل ماقوله انه حرام ..لاحقه

اقوله لارجع ..
شفت الشغاله سألتها عن خالتي قالت سوي صلاة ونوم ..
ههههههه الله يرجني صرت اتكلم مثلها ..
طلعت فوق ومعاي الكيس نزلته على السرير وفصخت عباتي اووووف

من العصر علي ..
جيت بغير ملابسي حسيت بالجوال اللي بجيب البنطلون
ياءالله نسيت وماستخدمته ..فتحته وشفت الأرقام دخلت رقم بيتنـا

واتصلت ماطول يرد ردت ضحى
سولفت معها شوي بعدين قلت لها تعطينــــي ملاك ..
وجلست اسولف معها ماحسيت بالوقت كانت المكالمه فوق الساعه الكامله
دخل قيس ورفع حاجب يوم شافني متمدده على السرير وأسولف ..
سارا :طيب ملاك خلاص بروح اصلي
كانت ملاك تقول يعني عشانها مو عندي اخرب واخر صلاتي مو كأنها

هي بعد تسولف معي وماصلت ..
سارا:شوفي حالك قبــــل ..يأختي لو انتي حريصه حتى ابليس

مايشغلك روحي زين مع السلامه..
قيس :ماشاءالله وش المكالمه اللي مشغلتك حتى عن الصلاه
سارا :أكلم ملاك ..بروح اصلي بعد الصلاه قول اللي عندك ..
شفته يروح لسرير وينام على نفس المكان اللي كنت متمدده عليه بالعرض

..
شافني اطالعه
قيس :يالله صلي
سارا :طيب ..بس لاتجلس تطالع فيني ماحب احد يراقبني بصلاة

..
لفيت عنه بصلي اشوى ان القبله مو جهته ولاكان ماقدرت اصـلي ..
اول ماخلصت صلاة جاني صوته وشكله بس كان ينتظرني اسلم من

صلاتي
قيس :مافتحتي الكيس صح ..؟!
طولت شوي قبل مارد عليه
سارا :لا ليش
قال وشكله تنرفز ..؟!
قيس :طيب تعالي شوفي
اصلاً ماهتميت حتى اشوف وش داخله مأدري ليش يمكن لأني بطبعي

مأحب الفضول ..
مأدري ماعندي مبرر واضح ..
فتح الكيس وبدأ يطلع شغلات .. فساتين لااا من جده هذا نفذ كلامه

اووما بلبس ذولي ..
مأحب اصلاً انا مريول المدرسه اتضايق منه مأحب شي فضفاض احب

اللبس يكون على تفاصيل جسمـي ..
قيس :وش فيك كان ماهو عاجبك ..؟!
سارا:ياربي ماتعودت البس كذا
قال وهو يطلع قيس متوسط من الكيس الكبير ويحطه بين يديني
قيس :طيب وين المشكله تعـودي ..وشوفـــــي ذولاا بيعجبونك كثير
ليش قالها بخبـث ..
سارا:وايش هذا ..؟!
قيس:مادري افتحي خلينا نشوفه سوى ..
مادري مافكرت كثير وش بيكون ..
فتحت الكيس وطلعت اولى قطعه ..
يؤؤؤؤ وشذا والله هذا من مبطي قايله راعي حركات
سارا:ليش
قيس :وش اللي ليش
سارا:ماعجبتني حركتك
قيس :اي حركه
تذكري كلمة جوليت بالفيلـــــم انها مو دمية عرض تنفع هناا
سارا:انا مو دمية عرض ..انسانه انا والبس اللي يعجبني ماحد

يفرض علي شـي..
اخذ الكيس وقام يحطه بدولابه ورد وهو معطيني ظهـره
قيس:طيب براحتك محد فارض عليك شـي ..

&


((7))

قيس

ماتوقع منها هالرد كان يعتقد انها كتاب مفتوح قدامه وهذي هي تثبت انها

تقدر تخيب توقعاته
بس اختار افضل طريقة ينهي فيها الموضوع .. يبني لها انه ماهو

مهتـــــم ..
قيس :ماسألتيني ليش جبتهم
سارا:مادري
قيس :بس كذا شفتهم واعجبوني قلت اخذهم لك ..؟!
لو قدام احد ثاني انكشف انه يبرر بس قدام سارا مستحيل تنتبه ..
قيس :يالله ننزل تحت انا طلبت عشاء من برى واكيد ماوصل
كان واقف وماد يده لها بس استغرب يوم هزت راسها بالرفض .
سارا:مابي اليوم تغديت لحالي ومو مشتهيه اتعشي لحالي بعد ..
طنشها وطلع كان وده يقولها انه بيجلس يتعشى معها بس هو متعود على

كذا
يترك رياجيل عشان يتعشى مع اهله عيب بحقـه ..
رجع على ساعه وحده..
اول مافتح الباب سمع صراخها ..
فتح الأنوار واسرع لها
سارا:لأااااا لااا لاااا
جلس قريب منها وهو يهزها عشان تصحى
قيس :ساارا وش فيك اصحي
بس ماصحت استمرت تنتفض والدمع مغطي وجها
قيس :بسم الله عليك اصحي سارا
سارا:لاااا
كلمها بعصبيه
قيس :سارااا
جلست وهي تتنفس بقــــوه
قيس :وش فيك
كانت تتلفت حولها وناظرته برعـــب
سارا:لأااا وش تبغى روح عنـــــي ..
مسكها مع كتوفها يحاول يهديها بس انتفضت بقوه وبصياح عالي ويديها

تغطي وجها ..
سارا:وخر عني ياوووحش
انقهر منها وحضنها غصب على صدره .. وبداخله يحس بنار تغـلي

..
وبعدين مع هالخوف منه ماانتهينا يعنــي كم وضح لها انه يخاف عليها

اكثر من انه يخوفها
بس الصوره اللي داخلها عن الوحــــش ماهي راضيه تنمحـي ..

يتبــــع ....

((12))


[..مراهقه ام ماذا..]

وعد

كان النوم بغرفة جدتي مرعب صحيت نص الليل نمت وقت طويل وانا

جيعانه نزلت تحت الكل نايم والبيت ظلام ..
ماحد اهتم فيني ولاصحاني يمكن حتى نسوا اني عايشه معهم .. كيفهم

اهم شي انا اللحين اعيش لنفسي وبس هم
ماهتموا فيني ليش اهتم فيهم بس نورا عشانها صغيره الباقين قلعتهم ..
سخنت حليب واخذت معه شابورا
وانا اكل كنت افكر لازم اتغـير ..بكون حلوه ومرتبه وأحلى من شهد

حتى ..هي تزوجت عشانها حلوه انا بصير حلوه وانيقه
وبروح عند امي وهي تزوجني
وارتااح من الغبيات خواتي ومن بنات المدرسه ومن الروحه للمدرسه

..
بس خلصت رحت للغرفة مشاعل باخذ الاستشوار حق الشعر اللي عندها

واسوي شعري
وانا افتش لقيت عندها اغراض مره حلوه وجلست اخذ منها .. ياءالله

الاسكارف هذا يجنن وبيليق على مريولي ...
استشورت شعـري ورجعت انام ..
الصباح قمت بحماس
وجلست ارتب شعري وكل مره اسويه حركه .. لين دخلت علي هند

معصبه
هند:يالله تحركي انتي مو مداومه بعد
وعد :أوف اوف اوف انتي من مسلطك علي ادوام اموت انام مالك شغل

طسي عني
ولاكأنها موجوده لفيـــت على المرايه ..خلاص بترك شعري كذا
وين القلوس اللي اخذته من ميشو
انتبهت له وبجنبه الأسكارف ايه صح مالبسته
اخذته وربطته على قدام لا مو حلو على جنب احلى ..ايوه كذا احلى
هند:انتي يالخبله وش تسوين رايح للعزيمه حضرتك
وعد:اصلاً حنا مانروح للعزايم بعدين للمره المليون اقولك بذا الحلقه

مالك شغل فينــــي انا حرررره اسوي اللي اريد ..
ولفيت احط من القلوس كان اورنج مره حلوو
ايه كذا زين ماحست الدنيا ..
اخذت الكحل القلم جيت احط منه لا وش ذا ازرق اووف احس شكله نكته

علي
هند :لا انتي مو بصاحيه وربي مو صاحيه وعد وش فيك جني متلبسك
وخرت القلم عن عيني لأحوس الدنيا
وعد :انتي ورى ماتطسين ترى كذا ماراح اداوم حتى بكره اطلعي عني

ومالك شغل فيني...
حطيت شي خفيف بالكحل اشوى ماطلع يضحك ..
ولفيت اخذ عبايتي والشنطه اللي ماشفت وش فيها من كتب ..
يوووه ملحوق على الدراسه اهم شي الكشخه
اول مانزلت انصدموا فيني شوق ونوف بس طنشتهم اهم شي ضحى

ماشافتني الباقي كيفهم ..
جلسوا يتحرطمون علي بس ماعطيتهم وجه ..
لبست عباتي وطلعت عند الباب يبون يتهاوشون بالشارع انا جاهزه ..
مارتحت لين وصلنا المدرسه فصخت عبايتي وحطيتها بالشنطه ورحت

اتمشى احس الكل يطالعني عادي ...
كأنهم متعودين علي .. احس فيه شي خطأ مو من عادت بنات

مدرستنا يخلون الواحد بحاله ..
لما دخلنا الفصل بعد الطابور وجيت اجلس بطاولتي قالت لي وحده خبله

من الفصل فيها بلاهة العالم كله ..
:لاتجلسين هنا هذي طاولة الجنيه بنت مبارك ..
قلت بصوت ناعم اقلد شهد ..
وعد :بايخه
صرخت الخبله
:وععععععد مسويه عملية تجميل
قلت لها وانا احرك راسي بدلع
وعد :ياربي يسمعون بعمليات التجميل قراوه
:بنات شوفوا وعد وش مسويه
الحقيره جلسوا البنات يناظرون فيني ويتغامزون ويضحكون بس ماهموني

الغيره تسوي أكثـر..
كل معلمه تدخل فصلنا تستغرب من شكلي يعني كل الناس تغير ليش

ركزوا علي اوف منهم .
رحت للمخبأ السر حق خواتي وانا حاسه بيسوون لي شي
يوم وصلتهم لقيت مشترين لهم فطور وماجابوا لي
وعد :ليش ماشتريتوا لي
هند :لاعقلتي نشتريلك
وعد :يعني مو كفايه اللي تسوونه بالبيت حتى هنا تخليتو عني ..
طلعت من عندهم مقهــــوره ودي احرق فيهم ذولا مو خوات عدوات ..
الحصه الأخيره هاوشتني المعلمه عشان ماكملت دفتري وقالت لي اكمل

دفتري اللحين واجيبه لها اليوم
بس كان ناقصني دروس كثيره وانا بطيئه بالكتابه جلست اكتب واكتب

ودق الجرس وانا لسى ماخلصت صرت اكتب بسرعه
والبنت اللي اخذت دفترها اكمل منه قالت بتطلع واخلي دفتري معها ..

مر ربع ساعه بعد مادق الجرس وانا اكتب لوحدي
بالفصل حسيت الدور الثاني هدؤ ماحس فيه احد برى ابدن كان المكان

صار مهجور بسرعه جمعت اغراضي وطلعت اركض
وانا شايله شنطتي
اللي اول ماطلعت مع باب الفصل طاحت وطلعت كل اغراضي منها نزلت

اجمعهم بسرعه بسرعه وانا اسمع اصوات العلب
واكياس الشيبس والمناديل وهي تحركها الهوء يخوف حسيت اني بفيلم

رعب
قفلت شنطتي عشان ماتطيح منها الاغراض مره ثانيه ونزلت اركض مع

الدرج طلعت بوجهي معلمتنااا حسيت قلبي بيوقف ..
:وعد وش تسوين فوق للحين
وعد :كنت اكمل الدفتر
:كان خليته لبكره انتي مع الباص
وعد :ايوه
:الباص خلاص راح ..روحي لغرفة المعلمات انتظريني بتأكد من

الفصول فوق واجي ادبر احد يوصلك ..
كنت بسحب عليها واطلع مشي بس وانا اتصور الشوارع الفاضيه وعيال

الأبتدائي المزعجين يحذفوني
قلت لا خلني اجلس انتظرها احسن..
رجعت بعد فتره وانا خلاص جاني النوم .. ولاوحده من المعلمات او

الادريات رضت توصلني اخر شي قالت لي انها
بتوصلني لأن المناوبه اصلاً عليها..
لبست العبايه وسويت لثمه مثل شهد ..اول مره اتلثم واطلع بس متعوده

العب بالبيت واسويها
هزت راسها المعلمه وكأن مو عاجبهـا ..
طلعنا وسألتها يوم شفت رجال بالسياره اللي رايحه لها
وعد :ابله هذا مو سايق
:لا مو سايق أخوي ..
لاا ياويلي ضحى بتهاوشني لو درت راكبه مع رجال
وعد :لااا مابي استحي خلاص بروح مشي
:اقول امشي بس ماني فاضيه لحياك ..
اووف وقفت عند الباب ماودي اركب بس يوم نادتني بعصبيه ركبت

ورقعت الباب احسن يستاهلون
اخو الأبله :هيي بشويش على باب السياره هيوف انا مو فاضي اوصلك

عشان اكد على خلق الله..
كان شكل اخوها يضحك بجد يضحك لابس قميص بيت وشماغ برتقالي

لافه مثل الخليجين ..
مادري كذا تلقائي رديت ..
وعد :طيب اوف من زين السياره ..
سمعت الابله تقوله بصوت واطي
الأبله :انت اسكت فضحتنا ..
بس هو خبل ماعليه بس يتكلم بصوت مرتفع
اخو الابله :من هالخبله اللي مركبتها ..
وعد :انت الخبل شف وش لابس
حسيت الابله معصبه ومتفشله وندمانه انها وصلتني تستاهل ليش تخليني

اكمل الدفتر
:وعد خير ان شاءالله هذا اللي ربوك اهلك عليه ..
اخو الأبله :هذي اللي تبغاني **** خيرها بس ذولي ****

مايعرفون يربون بناتهم مايدرون ان البنت
اذا ماكسرت خشمها ماتعدل ..
اووووف قهرني همجي مرره احس الأبله وهي اخته وكبيره مايحترمها

واحد قليل حيا
وعد:اووص ياهمجي بتكسر وتظرب انت داخل حلبة مصارعه ..

ياكرهك
الابله :وعد خلاص ولا الكلام هذا بيوصل لأهلك ..
جلس يسب ويهاوس وانا منرعبه حسيت قلبي بيوقف الله ياخذه هذا وش

ركبني معه
ماصدقت اوصل بيتنا نزلت بسرعه حتى ماقفلت باب السياره ودخلت مع

باب بيتنا اشوى كان مفتوح ...
استقبلتني نوف اللي جلست تصرخ علي عشاني فشلتها بحركاتي بس

طنشتها
اللحين رايحات وتاركتني بالمدرسه ولهم عين يكلموني ..
رحت عند ضحى وجلست اشتكي عليهم يارب يمكن ترجع مثل قبل

وتهاوشهم ..
ضحى :خواتك الكبار ومعهم حق باللي قالوه والمفروض انتي تطيعينهم

مالك احد غيرهم وهم يبغون مصلحتك المدرسه
مو للكشخه والوناسه
المدرسه صرح علم ..
وعد :بس حنا عندنا مكان نروح له غير المدرسه عشان اكشخ فيه طبعاً

لا ..!!اجل تحملـوا تصرفاتي ..
وقمت من عندها متنرفزه ..


((13))


[..أمنيات..]


ملاك

ضحكتني تصرفات وعد مادري وش فيهم خواتي معصبات منها وربي

حركاتها تنكت بجد البنت بدت تراهق ..
بس من ناحيه ثانيه هم بعد معذورين ..لو انا معها بالمدرسه بتفشل من

حركاتها يعني كذا فجاه حست نفسها تبغى تكشخ ..ولا الكحل والروج

بجد ماهو لايق عليها صايره نكته فيهم ملامحها مره طفوليه ماتليق عليها

هالحركات..
ولا المشيه اللي طايح فيها تهز خصرها وهي تمشي .. شي قسم شي

..!!..لو سارا هنا ماتركتها بحالها من التقليد..
من جد الفراغ يسوي بلاوي ولا أنا من متى اركز وش تسوي وعد الخبله

..الله يصلحها بس..
فديت نوره مو مسليني بالبيت غيرها هي وكلماتها اللي مضيعه الطريق

..
ولا لو جينا لباقي خواتي احس نيران شابه بينهم ابتداء بوعد ونوف حتى

ضحى
كلن مو محتمل الثاني والوحده منهم اعصابها كبريت
وانا مو مهتمه وماني قادره حتى اتصنع الأهتمام .. وجود سارا

بجنبي كان يكمل روحي
اللحين احس روحي ناقصه ماعرف اهتم بأحد النصف اللي اهتم عشانه

مكانة فارغ ..
وللأسف مو راضيه بوضعـي ابغى اتغير ودي بشي يملء حياتي ..
دراسه مالي خلق .. مابغى اتمشكل مع احد ولا ابغى اكون طالبة

وهوشات ومعلمات ومديره وكلن بيكبر راسه علي ..
ودي اتوظف بس وش الشهاده اللي بتوظف فيها ابغى اكون غير احس

بالأستقلال ..
بشوف المجتمع مليت من الناس والمستوى اللي انا عايشه فيه ومليت من

نفسي بعد ..
سارا وعايشه حياتها واذا بغت تتسلى اتصلت هي عندها حياتها مألومها

بس انا محتاجه يكون لي حياه ..
محتاجه يكون لي هدف اعيش عشانه ..
وقدامي اخطأ كثيره وتجارب فاشله اكثر.. لخواتي ولي ماراح

امربنفس اللي مروا فيه ابغى اختار شي وانجح فيه
مباشره مابغى اجرب الفشل لأني مو متحمله خساره جديده ..

يتبــــــع ....

((14))


[..اهي عاشقه..]

ميشو

أكرهك ..!!..كفاك..!! توقف عن تحديق في بهذه

الطريقه ..
هذا مأريد قوله ولكني لأستطيـــع لساني لايساعدني لأنطق هذه الحـروف

بوجهه ..
من قال أن هذه الحياه أسهل من الموت بتأكيد قد أخطأ ...
لايروقني كوني زوجة حقيقية للخلف كان يعجبني ان اكون الأنثـى التي

لاتنال ..
والآن اصبحت كأي انثى مرت بحياته فتاة عاديه متى ارداها ارتمت

بأحضانه ..لا أتميز عن غيري من النساء ..
اود ان اقول له لاا ..اريد ان اظهر كرهي للمساته .. ارغب ان

اصرخ به انه ممل وغزله مستهلك ولا يعجبني ..
ولكن كل هذا لايحدث ولاأشعـربه ..
لأستطيع ان اتصنع هذا النوع من المشاعر انا لست خبيره كخبـرته التي

تألم قلبــــي ..
فلقد اكتشفت مؤخراً اني اشعربالغيره من تاريخه العريق مع نسـائه التي

لأستطيع ابعادهن عن تفكـيري ..
خلف لم يتزوج مره ولاحتى اثنتين
ولم يتعرف على فتاة ولا حتى عشــــر ..
من سأكون انا في هذا السجل الطويل .. الفتاة المتشرده التي لم يكن

يخجلها ان تصرح عن كرهها للرجال...
ولم احاول بمره اجتذابهم ..سواه هو فقط الوجود الرجالي بالتاريخـي

.. هو يعلم ذالك ..
ولكني اتمنى لو لاا يعلم.. اتمنى لو يكون ماضي غامض بالنســـــبه له

..
لأعلم افكار غبيه تراودني ولكنها من الغيره التي بت اشعر بها مؤخراً

..
كم كنت احتقر المرأه التــــي تريد ان تمتلك الرجل بكل ماضيه وحاضره

وتغضب من ماضي لم تكن فيه وبت اخشى ان اكون هكذا ..
خلف :امممم هاه حبيبي وين وصلتي ...
قمت بتعديل جلستي خلف الكونتر وأجبته بملل من اسألته السخيفه المتعبه

..
ميشو :هنا اين سأذهب بربك ..
أتعمد ان اجيبه بطريقة غير محببه لأخفي مشاعري خلفها ..
خلف :اممم شوشو مافيه امل تكلمين زين ..
بحق هذا السؤال اغضبني ماباله كلامي ..
ميشو :ماباله كلامي الا يعجبك ..
خلف :بالعكس يجنن بس مو بكل وقت عاد .. فيه اوقات ودي اكلمك

وتردين علي زي رد أي وحده ثانيه
هل يعلم ماشعر به من غيره ويسعى لأثارتها ..كلا لايفعل هي مجرد

صدف وهذا حديث روتيني من الممكن ان يحدث بدون سبب
فجميع الرجال يرون انفسهم اسياد زمانهم وأن جميع النساء يهمن بحبهم

ويتمنين البقاء تحت اقدامهم لخدمتهم ..
لأعلــــم لما استرسلت بتفكيري ولكن يبدون ان عقلي الباطن يرسل اشارة

تحذير
يوضح فيها ماسيكون عليه مستقبلي لو خضعت لخلف ..اجبته بتملق

..
وانا اتناول كوب الموكا الخاص به لأرتشف منه رشفات لم تعجبني فقط

لأغيضه ...
ميشو :اذا لماذا اخترتني لماذا لم تختر أخرى ..
ضحك ضحكته الجذابه ... تاريخ ضحكته معي طويل فقد جربت

معها جميع المشاعر في البدايه كنت اخشاها
لأن صوته كان من النوع الذي لم اتعود عليه فكانت ضحكته كذالك ..

وفي فترة من الفترات كرهتها وخصوصاً حينما
يتعمد ان ينفث فيها سحره الرجالي ..
والآن باتت اذني تواقه لسماعها ...واشعر بأن قلبي يتحرك في مكانه

حينما يسمعهــا ..
خلف :رحمتك عنستي ببيت اهلك اشفقت عليك وقلت اخذك عشان خواتك

ماينقطع نصيبهــــم
يألهي لماذا يحب هذا الرجل تكرار هذا الكلمه التي تنتقص من شأني ..
ميشو :اكرررهك
ماأن نطقت تلك الكلمه الا وجدت نفسي محتجزه بين ذراعيه ..
خلف :صدق حبيبتي بس عيونك تقول كلام ثاني وخصوصاً هاللحضه

..هاه قولي أنك تحبيني
وبكل ذعون أنثى عاشقه .. أجبته
ميشو :أحبـــــك ..
خلف بضحكه :حياااتي أنتي ..


((15))


[..الجميع:لاترحـلي..]

ضحى

جلست يومين وخلالها قدرت ابعد مرض عساف والسفر من راسي عشان

اقدر استغل الوقت مع خواتي
واحاول اقرب بينهم ومن كثر ماني اعطيهم محاضرات عن وش

المفروض يسوون من بعدي
صاروا يتهربون من الجلسه معي..انا ماقدر الومهم ولاحتى انا انلام

حالتهم ابد ماتساعد انهم يبقون بدوني
احس اني متسرعه لأن عساف للحين ماقال متى بنسافر واصلاً ماعندي

جواز ولاشدن وحمودي
وعلى بال مايطلع فيز ..اصلاً ماني عارفه وين نوى نسافر ..يعني

السالفه مطوله بس اناا ابغى امهد لنفسي كل شي
ابغى اريح نفسي وراحتي اذا اطمأنيت على خواتي ..وانهم بأمان من

بعدي ..
كنت منغمسه بأفكاري وشدن عندي جالسه تلعب تقص اوراق ملونه

وتلصقهم بدفتر رسم
ماكنت مركزه معهااا وماتوقعت ان مقص الورق الصغير اللي بايدها

بيسوي اللي سواه
ولاتوقعتها هي تنفذ اللي تفكر فيه لأنها سألتني قبل فتره اذا كان المقص

يقص جلد الانسان قلتلها لااا
ماتوقعت انها بتجرب الشي هذا ماشفته الا تناديني برعب ويدها نافورة دمـ
كنت ادور صوتي بصرخ بس ماقدرت بتحرك اشوفها ماقدرت
شفت ملاك اللي جت تركض على صراخ شدن تلف يدها بمنشفه وتشيلها

بتطلع بدون عباة حتى
وانا مكاني ماتحركت لين اختفوا من قدام عيني ..
جلست ادور صوتي بتكلم بنطق رجولي بحركها احس اني بحالة شلل

كامل اشوف نوف تطلع تدخل
لين فجأه حسيت اني روحي رجعتلي واني قادره اوقف على رجولي..
وقادره اسوي اتصال بعساف ..


&

ملاك

كنت توي صاحيه نزلت تحت بفطر قبل ماوصل المطبخ سمعت صرخت

شدن مو صرخت لعب ولاقهر صرخت ألم
رحت اركض لمكان الصرخه لقيتها وملابسها مغطيه بالدم وهي مو

بوعيهااا
وضحى كانت موجوده بس ماسوت شي
ركضت على المطبخ سحبت فوطه معلقه
كانت احس اني قادره اسوي اي شي مو خايفه
ولا رجولي خانتني
كأن اللي قدامي اي احد ومو خايفه عليه ..لفيتها على يدها وشلتها
وش المفروض اسوي لازم مستشفى صحيح
بس ايه اطلع الشارع
مادري بس اتوقع هذا الطريق للمستشفى لحقتني نوف قبل ماطلع
نوف :وين رايحه تعالي وش فيها شدن
ملاك :بوديها المستشفى
مادري صوتي طلع احد سمعه ولاأنا بس اللي اسمعه .. ماتخيل ان

اللي جالس يصير معي حقيقة ..احس اني بالموقف لحالي مافيه غيري

انا وشدن
والمستشفى بعيد بعيد كيف بوصله على رجولي ..
نوف :وانتي كذا ملاك ماعليك عبايه لحضه اجيب عباتي وعباتك
مو بس انا اللي يشعر بالبرود حتى نوف شوفوا كيف تتصرف ..ليش

ماحنا قادرين نتحرك بسرعه من مثبتنا على الأرض ليش ماطير
ليش مايجي احد يساعدني ..
جلست عالأرض وانا احس بالدم على ملابسي حتى وصل الأرض والله

اسمع صوته ينزل على الأرض مثل المويا
رجعت نوف وهي لابسه عبايتها وبيدها عبايه لي
طاحت العباية يوم انتبهت على دم شدن اللي على الأرض
صرخت عليها لأني احس اعصابي ماتحمل
ملاك :خلصيناااااااااااااااا
بلبس العباه بس ماقدرت كيف انزل شدن كيف اشوف وجهااا
كيف اعرف هي حي او ميته !!
لحضتها عرفت اني ماني قد الموقف
خروج ضحى بعبايتها ريحنـــــــي ..
خلاص انا مو مسئوله
بسرعه تركت شدن يوم جت تأخذها مني ضحى افتحت الباب ولحقتها

نوف وكان برى احد ,,
ينتظرهم سمعت اصوات قفل بيبان السياره وانا جالسه على ركبي

بالحوش..

&

عساف

كان عندي احساس ان ذا الأتصال مو خير
كنت مستشك من اللي وراه بس كان تفكيري ان ضحى غيرت رايها

ماتوقعت الموضوع يخصني انا يخص واحد من عيالي
وحتى يوم قالت شدن انجرحت وتنزف توقعت اي شي الا الحاله اللي

شفتها فيها حمدت ربي ألف مره اني ذاك الوقت
كنت بطريق للبيت وبنفس..
شارع بيتهم ولاكان البنت راحت!!
يوم وصلت المستشفى كان عندي احساس انها خلاص ماتت مع ذالك كنت

اركض فيها ابغى اي امل
هي بيديني ولانفس فيها اخذوها الممرضين وانا معاهم كنت اركض دخلت

معهم اشوفهم يحاولون يوقفون النزيف ..
قلت لهم بتبرع لها بدم واصريت انا اعرف هي نفس فصيلتي ؟؟
اقدر اتبرع لها ..!!
بس لما فحصوني رفضوا لأن السكر ماهو مضبوط ومأقدر اتبرع جلست

ارمي كل شي من القهر والغضب اللي احس فيه
ماخليت سب ولاشتيمه الا وقلتها بحقهمــ..
كانت ضحى واقفه تراقبنا وتسمع الكلام اللي يجرى بينا ..بس مافكرت

فيها اهم شي اللحين انقذ بنتـــي من الموت ..

انتهى البااارت

الحلقة الثامنه والخمسون
((1))

عساف

مرت على ثلاث أسابيع بطيئه عانيت فيها مع شدن المريضه وضحى اللي نفسيتها زفت
كنت احسها تعبانه من مرض شدن ومتعبها اكثر سالفة مرضي الكذبه
بكل لحضه ادخل فيها عليها والقاها تبكي كنت العن نفسي الف مره ..
وبكل ليلة اسمعها تقلب النوم مجافيها اتمنى اني مريض صدق وهي متعذب عشان كذبه ..
من يومين طلعت شدن من المستشفى وكانت صحتها مره سيئة فيها شحوب وضعف مخوفني ..
واللي قاهرني ان ضحى تلوم نفسها على اللي صار تعتقد انها هي السبب ..
والأكيد ان هي مالها علاقه لأن شدن طفله ومعرضه للأخطـــار..
اللحين كل اللي براسي انهي الموضوع بس لازم تمثليه عشان تضبط على ضحى الخطه مابغاها تنجرح لو اكتشفت اني كذبت علـــــيها .. مفكر اني بسوي جاني اتصال من المستشفى اللي حللت عنده وبختفي كم ساعه وبرجع مصدوم واقولها الخبر واني اغمى علـــي بعد ماسمعت الخبـر وجلست عندهم لين فقـت ...
وفعلاً سويت الخطه بحذافيرها دقيت على خلف بليز كلمي ورجع كلمني خليته يحكي شوي بعدين قلت اني جاي اللحين ...
عساف :طيب انا جاي اللحين ..
قفلت سألتني
ضحى :وش فيك ليش تضايقت ..؟!
زفرت بضيق
عساف:ذولي المستشفى اللي حللت عندهم وقالوا عندي المرض وطالبيني اللحيـن ..
وجيت اوقف ..
فزت من مكانها ومسكتني
ضحى :عساف تكفى لاتروح لهم ..حاسه بيصير مصيبــــه ..طنشهم خلاص انت راضي باللي الله كتبه لك وش تروح تسوي ..
مسكتها مع كتوفها بقوه
عساف:عارف اني راضي بس حنا لازم نكمل حياتنا بوجود المرض انا بروح اشوف وش يبغون وعشان اسمع منهم بعد كيف اقدر اكمل حياتي معاك ووش التحذيرات والمخاطر لاني قبل انصدمت مابغيت اسمع شـي.. ضحى للحين قدامك فرصه لو ماتبغيني انا مستعد اطلقك عشان مصلحتك ..بس اتمنى ماترضين ..
كنت اقولها بطريقة بغاية الأنانيه ابغى اشوف الاحتقار او الرفض بعيونها بس كل اللي شفته التعاطف والاستسلام قهرني وجودهم بعيــــونها حسيت عيونها فاقده الأمل خلاص ماعندها اي مصير ثاني ..
ضحى :لاتقول كذا انا خلاص عساف مابغى حياة ثانيه راضيه بحياتي معـك ..
طيب قولي راضيه عشان احبك .. وضحي انك تبغيني انا مو جالسه تضحين عشان انتي متعوده على التضحيـــــات ..
عساف:قلبي انا بروح للمستشفى ويمكن بعده اطلع مشوار ثاني لاتقلقين لو تأخرت
قهرررر قلبي خذلني وخلاني اقول هالكلام ولاماطرى علي اطمنهـا ..
رحت الغرفه غيرت ملابسي وهي بالصاله .. طلعت بدون مأشوفها ..وقفلت جوالي اول ماركبت السياره ..
دقيت على قيس وسألته عن مكانه وقالي انه بالأستراحه ورحت له ..
مر الوقت بسرعه مانتبهت الا الوقت بعد صلاة العشاء
كان لازم ارجع بس مأدري ليش طولت الجلسه زياده لان ميزاجي ماكان يساعد طول الوقت سوالف وسعة صدر مافيه شي يوحي أني مصدوم ..


((2))

قيس

كالعاده دخل عليها وهي تكلم أختها
قيس :سوير والله انا ماعقلــتي لاحط رقمك شحن ..
عرف بالصدفه انه تضايق من هالمسمى يوم دخل ولقاها تقول لاتقولين سوير لاتقهريني ..
وهو ماصدق يلقى شي يستفزها فيه ..
سارا:ياربي منك لاتقول سوير ولاتقول انماعقلتي لأني مو مجنونه بعدين وش فيها لو كلمت خواتي ..
جلس بجنبها واخذها بحضنه ..
قيس :مافيها شي لو كلمتيهم مره كل يومين مرتين كل يوم بس على طول الجوال ماينزل من اذنك اولاً الجوال خطر وممكن يضرك ثانياً كل يوم تكلمينهم ماراح يكون عندكم سوالف تقولونها لبعض ..
تأففت وهي تبعد عنه
سارا:اوف يععع لاتقرب مني وريحتك دخان اختنـــــق ..بعدين احنا كنا بيت واربع وعشرين ساعه مع بعض وعندنا سوالف نقولها كل دقيقه ماملينا لتخاف عليها عندنا بئر سوالف لينضب ..
قيس :اي دخان موسوسه انتي ماشربت ولاسيجاره اليوم ..
سارا :بغيت اصدقك
قيس :تكذبيني يعني ..افهمي يابنت انا ماعمري كذبت ..
سارا:طيب صدقتك ليش ..؟!
قيس :ليش ياحلوه عشان المستقبل مابغى اكون مدخن وعيالي يتضررون ..
حسها تكهربت يوم سمعت طاري العيال هو ملاحظها من زمان تضايق من هالموضوع بس صبر كثير على هالسالفه ..
قيس :ليش كل ماتكلمت عن العيال تكهربتي ..
كعادتها لاتكلموا بموضوع جدي تخاف وتلعثم .. قبل كانت تستهبل بس اللحين تغيرت كثير صارت تخاف وتلعثم من اخر مواجهه بينهم
اللي كانت بسبب خوفها منه ..
سارا:انا ماقلت شي بس يعني عشان ماعندنا عيال ....
قيس :طيب وين المشكله اني افكر فيهم من اللحين ..
سارا:مأدري بس اكره تفكر بالشي ممكن مايصير
استغرب طريقتها الغريبه بالتفكير وحس ان اللي بعقلها شي ثاني بس ماهي قادره ترجمه
قيس :طيب اذا يكدرك هالموضوع ماراح اذكره بس اتمنى يجي يوم انتي اللي تبدين الكلام بهالموضوع ..

((3))

ضحى

تعبت انتظره طول كثير وخلاص ماني قادره اصبر اكثر عالأنتظار والتفيكر الموحش راسي يئن من الوجع
وزاد علي الوضع بكاء حمودي اللي مو راضي ينام
نفسي ابكي مثـله بصوت عالي مليت اكتم الغصه بصدري ونزلت دموعي
ابغى اسمع صوت بكائي عشان ارتاح مليت اكتم الأهات ..
ابغى اقول الف آه بصوت مسموع عشان الدنيا كلها تحس بوجعي
بس بالدنيا كلها مافيها احد بيهتم فيني او يشيل همي دايم انا وحيده دايم انا ماعندي سند ..قبل الزواج وبعد الزواج وحياتي على طول بتبقى كذا
يمكن هذا ذنبي لأني عديت نفسي قوويه ..لأني اعتمدت على نفسي وماطلبت المساعده من احد
لأني حطيت نفسي بمنزله فوق قدرتي ..حملت نفسي اثقال ماهي قدهااا ..
ويمكن لأني بطشت وظلمــــت بس كان بطش وظلم اللي ماعنده حيله
آآه آآه آآآه
ليت الأيام ترجع والله ماظلم ولااقهر احد .. ماستغل قوة شخصيتي اني اكسر خواطر الناس ..
بس أرتاح اللحيــــن مليت الهـم والتعــب .. كنت مظلومه وظلمت وهذا انا اخذ ذنبي بالحياة بمصيبه ورى مصيبه
هذا ذنبي لأني حاولت اخذ حقي من المصايب اللي تجيني بظلم الأخرين ... مارضيت باللي قسمه لي ربي حتى لو مصايب بالنسبه لي ..
لا حاولت انتقم ... شفت الدنيا معادله القوي فيها يظلم الضعيف ..
وفيها ظلمت نفســـــي ..يوم تسطلت وتكبرت وبطشت كان فيها ظلم لنفسـي قبل ماظلـم الغيــــر ..

((3))


عساف


دخلت بهدؤ للبيت كنت متوتر لدرجة أني كنت ناوي اطلع مره ثانيه بس ضغطت على نفسي ودخلت
والبيت يغط بالظلام ..رحت لغرفتها فتحت الباب كانت شبه نايمه وتبكـي .. دخلت الغرفه بخطوات متردد ..
تعدلت بجلستها يوم شافتني ومسحت دموعها
ضحى :ليش تأخرت ..
نسفت كل اللي فكـــــرت فيه مأقدر باين عليها الأنهيار لو اقول وش بيصيــر ..مو وقته ابد ..
عساف :قلت لك بتأخـر.. رحت المستشفى وسوو لي تحليل دم .. وبعدين رحت للأستراحه عند الشباب ..
كان شكلي مزعج وانا واقف بنص الغرفه مو قادر اتقرب منها ولا مستحمل ابقى مكاني
عساف:انتي ليش مانمتي
اشرت على محمد
ضحى :حمودي ماخلاني انام
عساف :بس اللحين نايم ..لو مانتي نايمه تعالي نسولف بالصاله عشان مانزعج حمودي
حطت يده على عيونها وقالت بصوت مخنوق
ضحى :لا انا ابغى انام
صبرت نفسي وانسحبت بهدوء ...


((4))

ميشو


قضينا بالخبر ثلاثة ايام اخرى رائعه جداً شعرت فيها اني بالجنـه ..
ولكن لم تسمتر سعادتي طويلاً فقد مر على عودتنا أسبوعين اكتفى فيهما خلف بالمكالمات ولم أقابله ابداً ..
حتى انه لم يحدد موعد الزفاف الذي وعدني بتحديده فوراً رجوعنا إلى الرياض ..
لأريد ان اكون متسرعه ولكن كل مايحدث معي يأكد لي ان خلف يلعب لعبه ما ..ربما لتعودي على ملاعبة الأخرين اعتقد هذا الأعتقاد ولكن حدسي يصيب دوماً ..
منذ يومين هذا الأتصال الوحيد الذي جاءني منه
خلف :هلا قلبي
ميشو:مرحبا
خلف:اخبارك
ميشو:جيده نوعاًما
خلف :حبيبتي تعالي انا بالمجلس ..
فاجئني وجوده هكذا دون سابق انذار
اخبرته اني سأنزل فوراً ولكني تلكأت .. لما أسرع إليه لينتظر ..
استغربت وجوده غاضب حينما جائته حتى بدأ احتضانه لي وسلامه معاقباً لامشتاق ..
ابتعدت عنه وان اسأله بعتب
ميشو :خلف ماذا اصابك ..
بهذه اللحضه اختارت وعد الدخول ألينا
وعد :اوووووه خلفان من زمان عنك تجون ترتزون انت وعسافوه بمجلسنااا ..ايه صح من قتلت ابوي ماعاد جيت ..
ادهشني حديث وعد وكأنها جاءت فقط لتصب هذا الكلام العدائي وتخرج
بدأ خلف متألماً هل حقاً مأرى ..
خلف :هذي وعد
ميشو:بالطبع من يملك لسان سليط سواها ..
انصدمت بانهياره جالساُ
خلف :كنت عارف بس تمنيت ماتكون هي ..آآه يامشاعل مصيبه ..
عن اي مصيبه يتحدث لأعتقد ان حديث وعد احدث كل هذا الوقع بنفسه ..
رفع راسه وأشار لي لأقتـرب منه
خلف :قبل مأقولك الموضوع ابغاك تريحين أعصابك ولتخافين انا بوقف معكم ..؟؟
لم استطيع استيعاب مايرد الوصول إليه واذا كان يقصد تهدأتي فقد زاد توتري ..
ميشو :خلف فقط قل مالديك ..
خلف :عمي مبارك للأسف زوج وحده من البنات قبل مايموت مقابل المهر اللي اخذه لرجال بالسبعينات
كلا يألهي ليست وعد ربي ارجوك ليست وعد ... انا بالتأكيد لاتمنى لأني من خواتي ذالك ولكن وعد الطفله لأستطيع احتمال هذا الأمر ....
ميشو :كلا لاتقل ذالك ارجوك ..
خلف :حياتي اهدي .. ماراح يصير شي انا بنهي الموضوع بمعرفتي وبدفع له ضعف اللي دفع لعمي مبارك بس انتي اهدي ..
صرخت فيه
ميشو:تدفع ماذا وتصلح ماذا لقد فعلها كم اكرهه لم يكن بيوم والد لنا فكيف يعطي نفسه الحق بالتحكم بمصيرنا اي عدل يعطيه الحق ليبيعنـا لمن يريد ..
الدين اعطانا الحق بالقبـول او الرفض لما لايطبقـون الديـن ..ماذنب وعد الصغيره لتعيش هذا المصـير ..
خلف :هدي نفسك اللحين ..غضبك هذا ماراح يغير الوضع ..
صرخت فيه
ميشو :اغررررررب عن وجهي
كنت غاضبه وحزينه ومجروحه ولأعلم ماذا أفعل لم اتوقع منه ذالك ..لقد كان رده علي بدل تهدأتي صفعه على خدي ..لم استطع ردع نفسي عن الصياح به
ميشو :ايه السافل قليل المروءه ..
ولم يتواني ان يصفعني مره أخرى ..
وامسكني مع معصمي يثبتني قربه
خلف :مو خلف اللي تطولين لسانك عليه ... لو براسك هواش خليه لأحد غيري .. ومأكون رجال لو سمحتلك تكلميني بذا الطريقه ..
خلصت نفسي منه وخرجت قبل أن يزيدني .. انا مصدومه .. مصدومه .. من الخبر الذي حمله .. ومن طريقته في التعامل مع غضبي وحزني
لم يراعيني لم يفكر بضعفي لقد صفعني وكان وقع حديثه سيئاً على قلبـي ... اشعر بالحزن والبؤس .. ولم ادخر دموعي ..


((5))

خلف


بقيت واقف مكاني بعد طلوعها .. اووووف وش اللي سويته .. تسرعت برفع يدي عليها .. التصرف هذا مايفنع مع مشاعل
وهي زعلانه بعد ومصدومه بس انا مابغاها تأخذ علي واذا زعلت تنسى نفسها لازم تعرف حدودها .. أنا احبها واوصلها القمــــر ..بس ماسمحلها تغلط فيني ءأدبها بطريقتي وابقى احبهـا ..
اللي سويته مو غلط كذا بتعرف حدودها وبتلتزم فيها .. بس ياترى هذي الطريقه تنفع مع مشاعل المشكله انها غير ومو كل ماينفع مع باقي الحريم ينفع معها ..
لا ماهي غير انا اللي حاطه غير ولاهي مثلها مثل غيرها مافيها زود عنهن ..


((6))



عساف


كلمني خلف بموضوع الشايب اللي جاء يقوله انه مبارك قبل يموت زوجه وحده من بناته مقابل خمسين ألف ماصدقت مبارك لهدرجه كان محتاج الخمسين الف
ماتوقع عليه قصور بالمال عشان يضحى بوحده من بناته ... بعدين مو اي بنت اصغر وحده انا عارف ليش اختارها لأن مبارك جرب يتعامل مع الكبار وشاف
قوتهم فقال اضحي بالصغار لأنه ضعيف شخصيه وماكان يقدر يواجهم ..
وهذي وحده والله العالم كم باع غيرها قبل مايموت والعقد كان قبل شهر من وفاته واللحين شايب أبليس يبغى يكمل زواجه هذا مأدري كيف يفكر
بنت ولاتصلح تكون من احفاده فرحان بنفسه انه متزوجها ..
اللحين كيف افاتح ضحى بهالمصيبه وهي مو ناقصه صدمات ..
افضل شي اني افرحها بموضوع مرضي بعدين نجيب الصدمه هذي ...
دخلت عليهم بالبيت هي وشدن وتهدي شدن اللي زعلانه ان غيابها طال حتى لو مريضه تبغى تروح المدرسه وضحى تقول انه مو لازم اصلاً
تكمل مدرسه لأنا بنسافر ..
يوم دخلت حسيتها حزنت يمكن خافت انها بتذكرني بالموضوع
بس ماتدري انها هي اللي تحزن مو انااا ياءالله كيف قدرت تمر عليها هالكذبه ماتوقعت قلبها ضعيف لهدرجه ... بس من تصديقها عرفت ان فيها طيبة قلب
ماهي على احد .. وعكس ماني متوقع هي ماتقدم سوء النيه بالعكس نيتها بالأخرين زينه حتى لو كانوا مثلي مايستحقون ..
عساف :خلاص اصلاً ماراح نسافر وانت ياشدن بس تصيرين زينه بترجعين تداومين ..
طالعتني باستفهام قلت لها
عساف:تعالي الغرفه ابغاك بموضوع ..
دخلنا الغرفه جلست على السرير بتهالك .. انا فعلاً احس بصدمه ..صدمة ردة فعلها اللي ماشفتها للحين على الموضوعين ..
عساف:ماني قادر اشرح الموضوع .. بس اليوم وصلتني صدمتين .. خلتني ماني قادر افكر وحتى مشاعري مادري وش هي ..
من ثقل الصدمه الأولى ماقدرت افرح بالصدمه الثانيه ..تصوري طلعت التحاليل اليوم وقالوا اني سليم مافي مرض ..مجانين هبلوا فيني شهر كامل واللحين جايين يقولون مافيني شي وماستفسرت اكثر طلعت وهم المصيبه الثانيه مسيطر على تفكيري مشاعري حصر على الموضوع الثاني ..ضــــــــــــــحـــــــــى
ركضت لها يوم شفتها تطيح عن كرسي التسريحه ..
جلست على ركبي عندها كانت فاتحه عيونها تناظرني ..
عساف:ضحى بسم الله عليك وش فيك اصحي ..
ضحى :انا صاحيه بس خلني كذا ماني قادره اتحرك جسمي ثقيل..
عساف:لاماراح اخليك هنا قووومي .. لاتصيرين ضعيفه قومي ..اوقفي على رجولك ابغى اشوف ضحى القويه ..حبيبتي قومي لاتعورني قلبي
ضحى :...........
جلستها غصب وطوقتها بيديني ..وقلت بأذنها
عساف:احبـــك ..
حسيت برجفــــتها بين يدي
ضحى :تكذب علي صح..
عساف:وش اكذب عليك يامجنونه ..انا صادق واحبك مو مره الف مره ..
صارت تبكي .. يعني نقدر نقول تعدينا الصدمه الأولى ..
عساف :اوووووش خلاص ..انتهى الموضوع ..ليه تبكين اللحين
ماترد شي بس تزيد صياح ..
عساف :ليش تبكين وفري دموعك للمصيبه الثانيه
كنت قاسي قاسي وانا اقولها ..وحقير هي تبكيني وانا اوضحلها اني مو محتاج دموعها ..
لفت علي بألم
ضحى :فيك مرض ثاني صح ..
لا لا لا وش تفكر فيه هذي
عساف:لا الموضوع المره هذا مايخصني..
نزلت راسها على كتفي ..
ضحى :حبيبي مافيني على المصايب
حضنتها بكل قوتي حبيبي هذي لي أنااا ... لامستحيل اقولها مستحيل اعور قلبها ماتستاهل انا بتحمل كل شي عنها
عساف :يارووح حبيبك انتي خلاص انسي كل شي ماراح تشوفين مصايب وانا موجود ..


((7))

ميشو


لاستطيع ايقاف دموعي اشعر بالشفقه على نفسـي ..
لقد تجرأ ورفع يده علي ولم استطع حتى ايقافه ... ماذا كنت انتظر غير ذالك .. وسأرى الأسوء في الفترة القادمه
قبل ان يعلن ملله مني ثم يطلقني ..واكون ماضي في حياته ..
كلا كلااا لن يحدث ذالك ان من يتحكم في حياته أليس انا من طلقته من زوجاته السابقات وانا فقط من سيقرر الأنفصال ام الأستمرار ..
لا للأستسلام وليس الآن حينما اصبحت داخل اللعبــه ولست مجرد متفرج ..
كلا لن يحدث ذالك
لن اعطيه الفرصه ليتخلص منــــــــي
ٍسأبقى ان المتحكمه ..لن اسمح له ان يتفوق علي ..


((8))


سارا


انصدمت هذا وش قاعد يقول وعد وعد وعد زوجوها كيف اي عقل هذا يصدقه عمرها ماكمل 14 سنه كيف زوجها
ياربي هذا ابو هذا ..ماعنده احساس .. مايفكر باحد غير نفسه .. يارب تلطف فينا ..
ماكنت عارفه استوعب ودي انام يغمى علي مابغى اكون هناا مابغى اسمع هالخبر ..
بس انا موجوده هنا وغصب اسمع هالبصر ..
كنت اتصرف بدون احساس اشد شعري ادور على نفسي
ماني عارفه وش اسوي .
ثبتتني صرخة قيس
قيس :بسسسس اهدي ..
صحتني من هستريتي..
قيس :ماصار شي هدي مو مصيبه هذي موضوع بسيط وينحل بس مو بطريقتك الصراخ وتقفيل سمعك ..المشاكل موجوده بالحياة ولازم نواجها ..
انهبلت منه كيف يقول عن المصيبه هذي مشكله بسيطه وتنحل
عمره ماراح يحس بعظم مصيبتناااا ...
سارا :اكيد بتكون ماهي مصيبه عندك لأنها اختي ماهي اختك ..
قيس :طيب انا ماني حاس بس انتي روقـــي ..
سارا:يالله تصور اني روقت وهاديه وكل شي كيف بينحل الموضوع ..؟؟؟؟؟؟
قيس :بالتفاهم
سارا:تفاهم ايش لجاء واخذ اختي المسكينة البزر ..
قيس :اووووه سارا ماراح يأخذ اختك هدي بندفع له مهره وبينتهي الموضوع ..
سارا:طيب ليش مادفعت وانتهى الموضوع بدون ماتقول لي..
قيس:لو علي ماعلمتك بس عشان خواتك اكيد كلهم دارين قلت اقولك عشان مو لرحتي هناااك وعرفتي الخبر جتك الهستريا اللي جتك اللحين والمسكينه بتعرف.. الباقيين عاقللين بس انتي اللي عليك حركات ..
سارا:اكيد بنصدم اجل بفرح وانبسط والواحد لنصدم يتصرف تصرفات خارجه عن ارادته ..
قيس :وعشان هالتصرفات اللي خارجه عن ارادتك انا قلت لك الموضوع بينحل ماله داعي تصدمين الطفله ..
سارا:اووف طيب خلني اجمع نفسي بعد الصدمه ..
قال بملاغه
قيس :طيب شوفي اصبع من اصابعك تحت السرير
سارا:هه هه هه ماتضحك ..
ياربي اوووف منه مو لايق عليه يسوي نفسه خفيف دم بجد مو لايق
قيس:اذا انا ماضحك من اللي يضحك ليكون تعتبرين هذرتك اللي دايم مره خفيفة دم
سارا:مو هذرتي اللي خفيفة دم انا نفسي خفيفة دم اوووف مايعرف الفاعل والمفعول به
..
قيس :لا اعرف المظروب والمظروب به ..
ماني قايله مسوي خفيف دم ..مالت بس ..
سارا:ماتحس نفسك هاليومين بقووه صاير بايخ ..
قيس :اصلاً عارف ليه كل هذا بس ماينفع اعترفتي وانتهينا
لا لا مارجع على ذيك السالفه وربي جنني الخبل مصدق يعني اني احبه مصدق كنت خايفه منه وماقصدي احبك يعني احبك بس قصدي اني ماصرت اخاف منك
وعشااان يفهم قلت احبك وهو صاير يفهمها على كيفه يحسب احبه مثل المسلسلات ..
سارا:اووووووووف قسم مليت منك خلاص قلت لك ماحبك ياربي الواحد مايخطأ
قيس:شوفي الواحد يخطأ بكل شي الا المشاعر صعبه والله نمشيها لك
دفيته مع صدره اوخره عني بس وين مايتزحزح
سارا:طيب اووف احبك من قدك افرح شقق هدومك ..
قهرني قسم يعرف كيف يغيضنـي اكررررررررهه ..
قيس :طيب ليه معصبه .. لاتعصبين بسرررعه تعلمي تحكمين باعصابك ..
سارا:ماسألتك كيف اعصابي وانا حرررره فيها ..
قيس :لامن قال اعصابك وحره فيها اصلاً انتي مو حره بشــــي انتي ملكي بكل شـي...
اوف الله ياخذه زين يعرف كيف يقهــرني ..ماراح ابكي .. لا ماراح اعطيـه مراده بس لاا غصب بكيت ..

يتبـــــع .....

((9))


ضحى


مرت علي ايام حسيت فيها اخيراً بطعم السعــاده..
انبسطت فيها بس نغصت علي حالة عساف الغامضه والخمول اللي مايفارقه ..
لدرجة ان الشيطان بدأ يلعب فينــي ..ويسوس انه كذب علي يوم قال ان مافيه مرض ..
عساف :نحن هنااا
لفيت عليه كان واقف وراي مباشرهـ..
ضحى :جيت
عساف:جيت وتقهويت وجاني النوم وانا انتظرك يالله ماتبغين تروحيــــن ..
هزيت راسي بايه
ضحى :الا اللحين قايمـه بس بشوف لي شغله قبل
عساف:طيب لاتطولون انا انتظركم بالسيارة
رتبت اغراضنا بسرعه
وقلت لريتا تاخذ حمودي وشدن ويروحون السياره ..
ورحت للغرفة عساف باخذ اوراق حقت الأجازه عشان ناويه اداوم وقدم اعذاري ..
مالقيتهم بالأخير ..تذكرت الصندوق اللي كان بالغرفه فتحت كان فيه مجموعة أوراق للعساف ومن بينهم اوراقي ..
اخذت اوراقي وتركت الباقي حطيتهم بمغلف اوراق وبشنطتي ومباشره على السيارهـ ..
ضحى :ادري تأخرت
عساف:ماقلنا شـي ..
مادري ليه دايم احس انه المفروض يتضايق من شغلات ويعصب ومايسويها يمكن انا اتوقع تفكيره مثل تفكيري
والأكيد ان فيه فرق هو صبور اكثر منــــــي
عساف :متاكيد بتباتون مادري ليش حاس اني بوحشكـم ..
وطول الطريق يلمح لذا الشي بس ماعبرته لأنه لو عطيته وجه يتمادى قوه ...
وصلنا ودخلنا جلست فترة مع خواتي ... تفاجئت بميشو وحالها المقلوب ..
وقالت لي تبغاني بموضوع خاص ...
ضحى :يالله جلسنا لحالنا عطيني وش عندي واذا كان عن موضوع عرسك ترى مليت من هالسالفه سوي اللي تبغين ...
ميشو:الأمر اكبر من ذالك ..كارثه بحق ضحى كارثه
تأففت يوم سمعتها تقول كذا صرت اكره اسمع هالكلمه
ضحى :أوووف ماخلصنا من الكوارث حنا وش بعد
ميشو:لقد اخبرني خلف بمصيبه بل كارثه لقد زوج مبارك قبل وفاته وعد
مادري ماستوعبت
ضحى :كيف وش زوج
ميشو :وعد لقد زوجها لعجوز بالسبعينات من عمره
ضحى :مستحيل يكذب عليك اكيد اصلاً كيف غبيه انتي وعد عاااااااد ..مايصير اصلاً
ميشو:اووووه ضحى توقفي عن هستريتك هذا ماحدث يجب عليك ان تكوني اقوى من ذالك علينا مواجهة الأمر
مسكت راسي يعني صدق ..
مصيبه وكارثه جديده
ياترى هذي المصيبه اللي كان بيقولها لي عساف ورفضت
ولافيه شي بعد مستخبي
خلاص ماعاد انصدم من المصايب
المفروض انا كان اسمي مصيبة كارثه نحس مو ضحى ان ليل ماله نهار ولاني شايفه صبح ولاحتى ضحى ...
ميشو :اين ذهبتي ماذا سنفعل
ضحى :تسأليني وانا وش بيدي اسوي
ميشو :عليك ان تفعلي شي انتي الأقوى
حركت يدي قدام وجها
ضحى :من قال انا قوية واقوى من ايش انا خلاص ماعاد اتحمل ياليت اغمض عيني هالحضه وماعاد افتحهاااااا ..
ميشو :توقفي عن الهستريه ودعينا نفكر بتعقل
مسكت راسي ياربي من هالبنت ليش ماتفهم ان ماعاد فيني اعصاب ..


((10))


ميشو


لأعلم سر هسترية ضحى المبالغ فيها .. ترفض حتى الأستماع لي ..
وكأنها لو فعلت ذالك ستختفي المشكله لم ارى الذعر عليها حينما سمعت بالموضوع مالذي اصابها ..
هل تحولت فجأه الا شخصية لامباليه ترفض الواقع ..
يبدو انه لايوجد سواي ليتكفل بالأمر..
ميشو :حسناً بأمكاني القيام بهذا الامر .. انتي فقط اهدأي ...
قاطع حديثنا دخول وعد المفاجيء بابتسامه خرقاء
وعد :جت سارررررا
وخرجت قبل ان تكمل حرف الراء فلديها الكثير لتخبرهم بالخبـــــــر ..
لأصدق كيف يحدث هذا لطفله بهذ البراءه ..
خرجت من عند ضحى الذي يبدون انها تنعي حظها السيء لنفسها ..
اشعر بأنها ملت ان تتحمل مشاكل غيرها وتريد الأستقرار والتفكير بأسرتها فقط ...
انا لألومها .. لقد ضحت كثيراً من قبل وحان الوقت لتجد الراحـــه ..
لأعلم انا اعذرها اليوم وربما اجد نفسي ساخطه عليها غداً
ولكن بحق جاء الوقت المناسب لأضحي ان الأخرى وأفعل القليل من أجل أسرتـــي ..
استغليت ذكائي كثيراً للأنتقام ..وحان الوقت لأستغله لأنقاذ أسرتي
ولكن كيف ذالك ...؟!
آآه وايضاً علي تأديب زوجي المتحاذق ..



((11))


سارا


مابغى يقتنع قيس اني اروح لخواتي ... يخاف اني اقولهم قبل مايحلون الموضوع على قولته اصلاً مادري ليش رازيين وجيهم يقالنا رياجيل وبنعرف نحل شي .. الله عاد والرياجيل عساف وخلف اخبث ماعلى الأرض ...
خاصه خلفووه هذا ياني اكرهه قاتل ابوي وله عيـن بعد يسوي نفسه وصي على امورناااا ..
اول مادخلت مع الباب واجهت وعد ..
وعد :يوووه انتي كل يوم جايه ..
يووه ذي وش مسويه بوجهها حواجبها صفررر ..الخبله وعيد من وين تعرف هالحركات ..
سارا :وانا كل ماجي الاقيك بوجهي بعدين وش مسوي بوجهك يالخبله ليش حواجبك صفرا
وعد :صفرا بعينك مشقرتهم ياغبيه
سارا:الحمدلله على نعمة العقـــــل مشوهه نفسك يعني الحين طلعتي كشخه ..
جلست تدلع وتميع
وعد :غيرانه ادري
سارا:اقول ضفي وجهك بس انا وش موقفني اهرج معك انتي حتى السلام مو كفوه ..
ودخلت عنهااا رحت للمطبخ لقيت هند وشوق يتهاوشن
سارا:وانا كل مادخلت لقيت احد منكم يتهاوش
هند :هلااا سوير من وين طالعه الشمس تمرين على المطبخ قبل غرفة ملوك ..
شوق :هلاا حياتي سارا
ياربي وش فيهم خواتي محد في خير سلم علي ...
سارا:سلمن عساكن العله
جوني يسلمون
هند :يوووه تصدقين احسك متغديه معنا ..
شوق :انا احسك مسولفه معنا قبل شوي
سارا:يمصخكن ..
قلتها بقهر مادري لدخلت البيت وتذكرت اني جالسه مع الخبل قيسوه اللي مايعرف يقول نكته ولاكلمتين يضحكون على بعض
وخواتي جالسات سوى ومروقات مع بعض انقهر ...
مادري وش كان يقولن لأني قلت لهن بروح اشوف ملاك وشكلهن رجعن يتهاوشن ...
دقيت على غرفة ملاك الدوب ليش مقفله انا قايله لها اني بجي ...
رجعت ادق ثاني افتحت الباب بسرعه
ملاك :جيتي بسرعه كنت اسبح ..هلا والله بتوامي بالأحضان ..
حضنتها وانا اكرر كلمتها بمصخــــــره
سارا:توامي بالأحضان
فكتني وظربتني على راسي ..اححح
ملاك :حقوق الطبع محفوظه انا اللي اتمصخر عليك مو العكس ...
سارا:صح انا التوام المسكين وانتي الساخر ...
ملاك:الساخر او الضاحك
سارا :مادري اختاري اللي بدك ..
تذكرت وعد ومصيبتها وكشرت
دفيتها ودخلت ..
وهي فكت المنشفه عن شعرها وجت تجلس معي
ملاك:شفيك كشرتي فجأه
سارا:تذكرت مصيبه ..
ملاك :لاتقولين حامل ..
سارا:حامل بعين ابليس لا ان شاءالله والمصيبه ماتخصني
ملاك:واكيد ماتخصني لاني ببيتنا وكافيه خير شري ...
تذكرت اللي صار الصباح وظربتها على راسها
سارا:أي خير ليش تقفلين الستاره بوجهي صباح
ملاك:وجعووه لاتطقين وش اسويلك لزقتي كانك خدامه شايفه سواق الجيران..
قهرتني خاطري اخنقهــا ..
بس يوم تذكرت السالفه الأصليه تغير مودي
سارا:اووف السالفه منكده علي احس شايله ضيقتي وضيقتك خليني اقولها لك عشان ارتاح من نص الضيقه ..
ملاك :اخلصي من الصبح بتقولين سالفه وماسمعت شي كأنك حامل وصلت العاشر وماولدت ...
ياربي وش فيها ذي معلقه معها على الحمل
سارا:قسم لو جبتي طاري حمل مره ثالثه بسطرك ...
ملاك:والله انا اللي بسطرك اذا ماقلتي السالفه اللي عليتي كبدي فيها ...
اخذت يدها بيدي ...
سارا:مصيبه والله .. تصوري مبارك مزوج وعد لشايب قبل مايموت ..



((12))


ملاك


فكيت يدها وانا اصرخ ..
ملاك:وش تقولين انتي ؟؟؟!!
سارا:قسم ..
ملاك:وتقولينها بكل برود حسبنا الله ونعم الوكيل المتخلف النفسيه حسبي الله عليه ..
سارا:استغفرالله لاتدعين ابوك بعدين ميت هذا مو من بر الوالدين
ياربي هذي وش تقول رايقه قسم حرام وعد وعد ...
ملاك:ياربي كيف وليه وعد حرررام والله حررررام
سارا:حرام وبس قسم بكيت يوم قالي قيس الخبر..
ملاك:الله ياخذه وجه الشؤم مايقول الا السوالف اللي تقهر
حسيت سارا انقهرت وبترد بس طنشتهااا
ملاك:عساااه الموت هالشايب ..كم عمره هذا بعد
سارا:بحدود السبعين مادري كم ماقال بس شايب حتى لو ماشايب الورعه هذي حرام تتزوج حتى ...انا بغيت انتحر اجل هي كيف...
وربي نفسي ابكي ياويله من ربه كيف زوجها وليش سوى كذا
اتصور وعد تروح عنا الله لايسامحه ...
ملاك:انا مستحيل اخليه ياخذ وعد مستحيل ..
سارا:خبله انتي من بيخليه ياخذها قيس يقول بيدفع له مهره وينقلع ..
ملاك:واذا مارضى ..
سارا:وليش مايرضى ..
ملاك :ماتوقع تزوجها عشان يرجع ياخذ مهره بعدين وين يلقى بزر بايعينها اهلها بكل سهوله وهو ماختار يتزوج بزر من الباب لطاقه ...
سارا:اووف قسم صدعتيني انا كنت مفكره كذا بس يوم سمعتها منك حسيت بصعوبة الموقف ...الله يستـــــر ..
قلت اللي احس فيه
ملاك :أحسنا باردين ..
كملت سارا اللي ابغاه ..
سارا:وعديمين احساس..
بررت موقفنا مثل ماشوفه
ملاك:بس ماتعودنا نبكي ..
سارا:وتعودنا نكتم حزنا ...
ملاك:نبلع قهرنااا..
وحسيت بغصه تسد حلقــــــــــي ..
سمعت سارا تقول ..
سارا:لاتخليني ابكي خلاص مردنا بنلقى له حل ..
ملاك:بس بتصير مطلقه ..
سارا:حنا مانقدر نعترض على القدر بس نقدر نغيره اذا بيدنا ..مانقدر نرجعها ماتزوجت بس نقدر نخليها مطلقه اهون ...
قهرتني سارا حسيت قيسوووه ماثر عليها ولامن متى العقـــل احبها قبـل اللحين بديت انفر من ثقلهااا ..
ملاك:انتي لاعبن براسك الوحـــــش
قالت ببلاهه
سارا:وش دخل ..؟
ملاك :انتي موحاسه بس واضح بكلامــك ..
سارا:وش اللي واضح
ملاك:تفكــيره
سارا:والله انتي اللي منقلب راسك اجل تفكير قيس واضح فيني اناااا ...
قلت اغير الموضوع لأنه عمرها ماراح تفهم
ملاك:وش اخر اخباركم..؟!
سارا:اوووووووف فاتك ذا السالفه كل ماجيتكم بقولها لك وماتجي فرصه بس اللحين بقولها
قلت بشـــــــر
ملاك:وش صار ظربك ..؟!
كان ودي لو ظاربها عشان افتنها عليه .. بس نظرة الأستنكار اللي عطتني خبرتنـي ان السالفه مو حول الظــرب ..
سارا:تصوري صحيت بامان الله الا هو منقـــلب ومعصـب علي
قاطعتها اعرف تنرفز احد يقاطعها لأنها تحب تطول السالفه
ملاك:طيب وين الجديد هو دايم معصب...؟!
سارا:اووف خليني اتكلم لا تقاطعينـي لا يعني من الصبح وش معصبه وبعد ماكان نايم المهـم استجن وجلس يقول ليش تخافين مني ومادري ايش ... واخر شي لعبته عليه وقلت له احبك وصدق ...


سارا


مادري ليش قلت لها السالفه ..
بس كنــــت مقهوره لأني قلت له اني احبه وانا ماحبه ولاشي وودي احد يقولي صح اللي سويته او خطأ
ماحس الكلمه سهلـــــه
يعني وش احبك وانا ماحبه ولاناويه حتى احبه ..
ملاك :هيي انتي اكلمك ردي علي
سارا:ماسمعتك وش قلتي
ملاك :اقول وش هالأختصــار حشى قايله عندي سالفه ومادري ايش عشان تخبريني باختصار سواد وجهك ..
معقوله اللي قلته يعتبر سواد وجه عند ملاك طيب قيس وش يشوفه
ملاك:يالدوب تسرحين وانا احاكيك اكيد تفكرين بالوحش
سارا:مادري .!!
ملاك:والله كنت اعرف انك خبله ..
سارا:مادري ..!!
ملاك:وعمرك مادريتي الا خبله ونص اجل احبك اللحين يحطك بجيبة ويروح يتزوج عليـــــك ..
حسستني مو انسانه ريال اجل يحطني بجيبه بس غلطتي اسمع لها هي وش عرفها بالزواج والمشاعر بس ماراح اقولها اللي احس فيها عشان ماتقب بوجهي ...
سارا:طيب خلاص انا ماجيت هنا عشان نسولف عن قيس خلينا نسولف عنكــم ..
ملاك:طيب امشي ننزل احس باختنق لو جلست هنا اكثر .. بس قبل خليني اغير روبي تعرفين ممنوع النزول بلبس غير رسمي لصالة بيتنا ..
وجلست تضحك ببلاهه ..وانا انتبهت لعباتي اللي حتى اللحيـــــن علي ومن الشوق مانسى ...
فصخت عبايتي وملاك راحت للحمام تلبس ...
وقفت قدام المرايه اللي عالدولاب ...
مره خطير الفستان اشوى لبست عبايتي قبل مايشوفني قيسوه يصدق اني لابسته عشان مقتنعه بكلامه
انا لبسته بس عشان اعجبنـــي ...
مرره شي ولونه خطنطر اللون اللي يعجبني موف واصفر ..
سمعت صرخت ملاك من وراي قبل ماشوفها بالمرايه
ملاك:واااااااااااااااااااااو وشذا ...
ومسكتني مع يدي ولفت فيني على ورى وعلى قدام ..
ملاك:مسكت وربـــــــي
سارا:هذا اختيار قيسووه ماني قلت لك جاب فساتين
ملاك:ايه بس ماقلتي حركات زي هذا توقعت فساتين حقات اول
زم ويدين منفوخه هههههههههههههههههه اللي كانت تجيبه لنا جدتي ...
شوفوا الخبله قسم تفكيرها مصدي
سارا:ليه فيه احد اللحين يلبس حق اول ولاحتى تنباع
ملاك:ايه ليه ماتنباع اكيد يبيعونها بالجنادريه ..
سارا:ياملغك بس وقيس يعني بيشتري من أي محل حبيبتي ذولي من محل مادري وش اسمه بس غالي لمعلومك ...
ملاك :ممكن كل شي جايز بس اذا خلصتي منه لاترمين عطينياه بكشخ فيه على خواتك ...
سارا:لاعنوني مايليق عليك روحي اشتريلك ...
ملاك:يمه عالبخل ..
سارا:طالعه على توأمي ...
ونزلنا تحت وحنا نتخانق ولقيت نفس ردة الفعل من الجميع حتـــــى شدن المريضه انهبلت عالفستان ...
بس نصبت عليهم قلت ذوقي بس ملاك اللي تدري ان قيس اللي جابه لـي ..


((14))


خلف


بيفقدني اخر اعصـاربي هالأنسـان
خلف :اسمع اللي براسك ماراح تسويه وخصوص بهالفتــــــــره ..
مالك :اذا مشاورك تعال تكلم بسوي اللي ابي وذيك المحكمه ونتقابل فيها
كنت ماسك اعصابي عشان ماقوم اتظارب معه
خلف :انتي ماعندك انسانيه اقول اصبر هالفتره لين نفتك من شيبة النحس هذا بعدين سو اللي تبي لو تبي تبرى من العايله كلها ..
مالك :وانا وش لي خص فيهم ... يتزوجن يتطلقن يمووووووووتن ان شاءالله ... كذبة اني اخوهن انتهت والحمدلله ..مالي اي علاقة فيهن
خلف :ياخي قلتلك بس هالفتره وبعدها سوو اللي تبـي اللحين اذا قلت انك مانت وصي عليهن بيصير موقفهن ضعـيف سوو خير مره بحياتك ...
مالك :الخير اللي بيجي منهم مابيه وانا عارف حركتك ذي تبي لين تكوش على الحلال كله بس ماهو على مالك ...
خلف :ماراح اكوش على شي واذا تبي فلووس اعطيك بس هون عن اللي براسك
مالك :حتى لو اقتنعت حرام ... حرام اكون عارف ان الأنسان ذا مو ابوي وابقى ناسب نفسي له ..لازم ترجع الأمور لوضعها الطبيعـــي ..
عارف ان كل اللي يسويه عناد فينــي ..اخخ منه كيف بقنعه ذا ..ماله الاعساف يقنعـــــه ...
بس ماقدرت اتركه يطلع سحبته ورجعت مكانه بدفعه
مالك :ايه انت حدك عاد لاترفع يدك علي مو اصغر عيالك
خلف :انت اللي اسمع طلعه من ذا الغرفه مافيه لين يطيح اللي براسك حاول يطلع بس ماسمحت له وسحبت الباب وقفلته بالمفتاح ...
وبعدها قفلت باب الجناح خله يطين هنااا الين يرضى باللي ابيه ...
سمعته يطق عالباب ويهدد بس سفهته نزلت لقيت امي تنتظرني تحت ..
باشا:وش صار
خلف :الـ*** حجزته فوق وبشوف يأنا ياهو
باشا:كله مني ياليتني ماطاوعته ..
خلف :ياليتك ماقلتيله مو مطاوعتيه ..
باشا:بس الغلطه غلطتي من الاول لو ماطاوعت مبارك ماصار كل هذا ..بس ماهو بيدي كسرني ضعفه وورضيت ..
خلف :اوووف اللحين وش الحل مع الشايب
باشا:ماني مصدقه ان مبارك محتاج هالكم الف اللي باع بنته فيها ...
خلف :وهذا الشي اللي محيرني ليش سوى كذا ليييش
باشا:من قرادة حظ اخت مرتك هي وخواتها مقاريد..
مرتي ليته مانفتح طاريها اللحين وش السواة معها اكيد الحقد مالي قلبهااا بعد ظربي لها بس تستاهل ماحب اللي يشوف نفسه علي وخصوصاً من الحريم .. هي الغلطانه المفروض عرفت قدر نفسها..
خليها تعرفني من البداية انا ماحب اللي يقلل من كرامتـــي ..
طلعت من عند امي ركبت السيارة وارسلت لهاا مسج اني ابغاه الليله تطلع معي بشوف وش ترد وودي ترفض ....



((15))


ميشو


كنت افكر بعمق احاول الوصول لحل لخطه محبوكه لتخلص من ذالك العجوز ... لأعلم لما استعصى علي التفكير الآن حينما اردت فعل الخيـر ...
حقاً الأخيار لاحظ لهم ..
ربما لأن الأشرار يساعدهم الشيطان على تنفيذ مخططاتهم
تكون الأمور اسهل ..
هل كان الشيطان يساعدني في تنفيذ مخططاتي بايذاء الاخرين ..
هل انا لشيطان الانس الذي يستعيذ الناس منه ..
افكار ..افكار.. ليست المطلوبه لأعلم لما تطرق ابواب تفكيــري ..
سأبقيها خلف الأبواب دون اجابه وان طال الأمر
لن اجيبك ياضميـــــر ..
عد لسباتك ..
لن يفيدني استيقاظك متأخـراً ..
عدت للعالمي على رنين هاتفي معلناً وصول رسالة ..
وان التقط الهاتف وردت لي فكره لما لأستعين بصديقاتي سابقاً
ربما يملكن افكار تساعدني على حل هذا المعضله ..
فتحت الرساله كانت من خــلف ويستدعيني فيها للقضاء الليله معـــه .
يال أحلامــه او بالأحرى يال وقاحتــــــه ..
سأريك ايه السافل ..!!
نظرت لساعتــي حان الوقت بالتأكيد سفر ينتظرني بالخارج ...
تجهزت للخروج وحملت حقيبتي التي تحتــوي على شيك المائتا الف ..
هما الحل بالتأكيد سأعطيها لذلك العجــوز ليطلق وعد وبعدهاا سأدفعه الثمـن غالي ..
قبل ان اخرج من المنزل قابلت سارا وملاك ..
سارا:وين رايحه ماجلسنا سوى
مشاعل :عندي امور مهمه علي انجازهــا ..؟!
ملاك :ميشو وربي لتكلمتي احسك ام الأهيمة كلهااا وانتي ماعندك ماعند فراشه بمدرسة ابتدائــي ..
وبالتأكيد بدت الثرثره الطويله من التوأم يصحبها ضحك صاخـــب ..
لم اعرهما الكثير من الأهتمام وخرجت رغم جميع محاولاتهن لاثنائي..

سارا
قلت لملاك وانا ماسكه قلبي
سارا:اشوى ماسمعتنااا
ملاك :وانتي ليش خايفه
سارا:اووف قلت لك قيس مهددني ماخبر مالي خلق تسمع ذي وتروح تقول للخايس زوجها ويوصل الكلام لقيـــــس ...لأنه قايل لو طلع الكلام فأنه منك خواتك عاقلات ماراح يقــولون
ملاك :يعني هي تدري
سارا:مادري يمكن يقصد ضحى هي اللي تدري ...
ملاك :اووووووووف الله يعلن ذا الشايب ودي ازنطه ...
سارا:انا ودي اعلقه مع رجوله بهيلكوبتر ..
دق جوالي
سارا:اووف قيس ..
ملاك:طنشي رايقين حنا له
سارا:وش اطنشه تبغين يحرمني عنكم ويسحب الجول
فتحت الخط بسرعه
سارا:هلا
قيس:اهلين ..انا بسهر بالأستراحه خليك لو تبغين عند خواتك
سارا:وخالتي
قيس :للحين خالاتي موجودات وشكلهم بيبقون
سارا:طيب ثانكيو
قيس:خليك عاقله مع السلامه ..
طالعت بملاك اخاف تصير سمعت الكلمه بس البنت مو يمي مشغوله بفستاني تسحبه من تحت بتطوله ..بجد مخبوله ..
يتبــــع ....

((16))


ضحـى


قفلت علي باب الغرفه بمحاوله اني اترك كل مشاكل خواتي وراهـا
اللحين انا وبس ..وبشوف نفســي .. طلعت أوراقي ارتبهــــــم
الاوراق هذي لعسـاف .. تحاليل مستشـفى ...
بديت اقرأ كانت بالأنجليزي بس انا اعرف انجليزي ..
ويالتني ماعــــــرفت أقرأ ولافهمت وش المكتـــوب ولاطاحت عيني على التاريخ ..
مسكت راسي وانا ادور على نفسي
ظربت راسي بطرف السرير
كذاب
كذاب
كذاب
حسيت بدوخه ورميت راسي عالمخدهـ
غمضت عيوني
كــــذاب خاين
عمـــرره ماكان فيه مرض الايدز
كان سكــر
واللحين بديت أتأكد
بالمستشفى لما كان مصــر على التبرع
كنت اشوفه انا ماني مصدقه نفسي
بس قلت من قهره على بنته ماتوقعت انه يخدعني ماتوقعـــت ...
غبيه مغفله كيف صدقته كيف كان كل شي واضح بس اناغبيه خدعتني مشاعري ..
ياه ياه اكيد ضحك علـــــــي كثـــير
وانا اترجاه وابكي عشانه
بكل غبــــــــاء
الله لايسامحــك ياعساف على اللي سويته فيني خداع ×خدع عمري ماراح اقدر اعيش معك باستقرار كل ماقلت صرت رجال وبعتمد عليك
خيبت ظنــــــــي
يارب لك شكـواي ...
كل حياتي معه كذب عجزت القى شي صادق ارتكي عليه...


انتهى الباارت

الحلقه التاسعه والخمسون



ضحى

قضيت ليلى كله افكر بحــياتي مع عســاف

ورجعت اف
تح اوراق قديمه ..

كل شي يصير ومايصير سواه معي

هجرني خاني كذب علي مثل علي وش ناقص

وانا سويت معه كل شي كرهته صديته حقرته تقبلته رضيت واقتنعت فيه بس ماكان شي يعجبه يبغى يحصل على كل شي ومايعطي ولاشي

حياتي مع عساف بتستمر كذب وخيااانااات

اذا مارحم نفسه وتبلى عليها بالأمراض اكيد حنا بنهون عليه

اصلاً كيف ارضى استمر مع شخص يخدعني على طول ..

لو فيه مزايا الدنيا كلهااا ماينفعني

وبيربي عياله على الكذب انا ماني ناقصه سوء اخلاق عشان القاها بعيالي بعد ..

بس قبل مانتهي لازم اعطيه درس يأدبـــــه ..

كل اللي سواه فيني ماراح اخليه يمـــر بسـلام ..

لازم اخذ حقــي وارد اعتبـاري

مليت اسامح فيه وامشيله وهو مايقـــدر..

واخرتهااا عاقبني بأبشع طـريقه لعب بمشاعري

وخدعنــي ..

لازم ارد اعتباري عشان مابقى طول عمري مكسوره

كل ماتذكرت اللي صار ارثي نفسي

لازم انا انهي علاقتنا بطريقتي بعد ماعطيه درس ماينساه بحياته كلها ..

فكرة وش ممكن يقهـره ويحـرق دمه

فكرت كثير ولقيـت طريقه وحــده بس ..

ابيع البيت واخذ فلوسه بدون مايدري وحتى قبل ماخبره اني كاشفته

وبعدها ارمي كل شـي بوجهه واكشف اوراقه

ولاطلقني بتزوج ايه بتزوج بسوي أي شي عشان اتزوج واقهـــــــره

احقق الحلم اللي حرمني منه طول ياحياتي وهو يروح ماعليه اسف ..

ولو مارضى يطلقني بخلعــه ..



ميشو

ذهبت إلى الشقه رغبة بالأختلاء وجدتها وقد أصبحت مهجوره أشعر ان احد لم يزرها من فتره طويله ..

ربما من المعجز ان تكون ماتزال موجوده ...

ولكنها فعلاً مازالت موجوده

لأعلم أن كان يحضر إليها أحد .. ولكني لاأتمنى ذالك ..

جاءتها لأحضى بالوحده

واستطيع التفكير بشكل صحيح بعيداً

عن كل المؤثرات .. من هنا كانت تبدأ خطط انتقامي واتمهـا

في غـرفتي حيث الهدؤ طوال الليل ..

هنا مولد أفكاري ..واتيت هنا علني أجد مايساعدني على التفكير...

شيك المائتي ألف هو المفتاح ..

ولكن كيف سأتوصل لذالك الشخص

وكيف سأناقشه

هل سيقتنع ويطلقها ..

لأصدق ان هذا النذل الذي تزوج طفله بهذا العمر

سيكون سهل المـراس ...

اريد ان اعرف الكثير عنه .. حتى استطيع الوصول

إلى حل ولكني لأعرف كيف سأصل إلى المعلومات عنه

هل هو متزوج كم لديه من زوجه وبالتالي

ماذا عن الأبناء ..وماذا يشتغل هؤلاء الأبناء

فلو كانوا يعملون بمراكز مرموقه بأمكاني محاربة الأب من خلال ابناءه بالتاكيد لن يكون شخص عادي فوالدي لم يكن يتعامل مع الاشخاص العاديين ...

نظرة الا هاتفي لم يرد خلف على رسالتي توقعت

ان نستمر بحرب الرسائل يبدو بأنه استسلم مبكراً ..

ابعدت هاتفي عن متناول يدي حتى لأنظر فيه كل ثانيه..

لن يعاود المحاوله ..

كم اكره غروره هو المخطأ ولايريد حتى ان يكرر المحاوله ...

حسنا سأريك عدت لألتقاط هاتفي

وفتحت رساله النصيه

وبدأت بسرعه خط الحروف ...

قد تفيده كلمات الغزل وربما يجد نفسه اكثر تواضعاً ليعتذر ...

خلف

كنت مشغول بموضوع وعد

لدرجة نسيت اني طالب من مشاعل نطلع سوى الليله ...

لكن رسايلها اللي لقيتها بالجوال ذكرتني

الرساله الأولى رفض وكلام كبير

والثانيه غزل ..

لو فتحتهم كل وحده بوقتها ماحسيت بغرابة الموضوع

بس لأني فتحتهم سوى حسيت بخبث تفكيرهااا ..

مسويه رافضتني بعدين مرسله الرسالة الثانيه بتقهرني فيهـــاآ ..

مسكينه يامشاعل اذا بتحديني ..

.

.

مسح على راسه

طيب ليش يتحداها وحرب

وزعل وهواش

هو واثق انها بكره بتكون معه ولا... ليه يفرط بالأيام اللي مايدري

تطول او تقصر ليش يعكر علاقتهم

مد يده لخرطوم الشيشة وسحب نفس منهااا..

عشر سنوات مرت عليه مابين زواج وطلاق كان فيها يعيش نفس الرتم ..ونفس الطريقة بمعاملة نساء

ليش مايغير شوي ...

تجربه غير يكون الطرف الثاني هو اللي متحكم فيها

يمكن الخلل منه لأن دايم هو اللي متحكم ليش مايحاول يناصفهااا

حياتهم ليش يستولي على كل شـــي ..

قال لنفسه بصوت مسموع

.

.

خلف :والله اللي لعب السجن فيك ياخلف اجل تهرج نفســــــك ..

سحبت الجوال ودقيت رقمهااا ..

جاني صوتهاا بنعومه اللي ماسمعتها على انثى ...

خلف:مشتاقه ياقلبي ..

مشاعل :بالطبع لاا..

قلت بطريقة المزح اللي ماتفهمها...

خلف :طيب ليش بطبع مو بنسخ ..

مشاعل :لا اصدق انك صفعتني

لازم تنكد وش دخلنا بهالموضوع اللحين

خلف:انا ماحب المره النكديه والكفين اللي جوك بعطيك بدالهم

اللي ينسيك طعمهم ...

مشاعل :وهل تعتقد ان كل شي بالماده يمشي

همست لها بطريقه تنسيها اسمها

خلف:مو بس بالماده معنوي بعد بس تعالي عندي اللحين ...

مشاعل :أخبرتك اني لاستطيع ...

خلف:خابر كلامك ماتقدرين لأن كرامتك فوق كل شي

ولأني همجي بربري وشايف حالي على الحريم

شفتي كيف مانسيتهااا ...

مشاعل :ياءالله كيف استطعت تشويه حديثي بهذه الطريقه ..

خلف :عمري انتي تحبين السوالف كثير بس انا احب الاعمال اكثر...خلصيني اللحين تبغين امرك او تجيني ..

مشاعل :حسناً اين سنلتقي...

والله البنت صايره مطيعه بطريقة تشككني ..

وين قوة البأس اللي كانت متلبستهااا ..


مشاعل

بعد اقفالي الهاتف اقنعت نفسي ان رغبتي

بالذهاب إليه فقط لأني اريد ان اسحب منه المعلومات ..

وليس رغبة بلقاءه ...

حسناً سأذهب ولكني لن أتساهل معه

سأكون انا الأقوى ..

وكم ارغب بان تتاح لي الفرصه وانال منـه ...

اخبرني ان التقيه قرب أحد الفنادق وسيقلني من هناااك ..

كنت استعد لنهوض وماذا لو لم اذهب

اليس هذا يعتبر درس لتلقينه ...

عادت لمكاني ونظرت لساعة هاتفي

تبقى ساعه ونصف على موعدنااا...

عدت لأرساله رسالة مليئة بالغزل مره اخرى والحقتها بثانيه وثالثه ...

ارسلني ان لم أكن اقضي الوقت بالأستعداد ..

فأخبرته اني لست كباقي النساء بحاجه لأستعداد فأنا كامله ..

بعد مضي نصف ساعه اتصلت به اخبرني انه خرج للتو من المنزل وبدأ يحادثني وهو يسوق سيارته

وأخذ يهدي الأغاني لي

واخبرني بانه شديد الأشتياق لي ولرؤية عيوني التي تفتنه ...

وتأسف لأنه لم يتغزل فيها اخر مره ألتقينااا بهااا ..

واعلن انه ماأن نلتقي لن يبعدني ابدن عنه ..

لأن الدنيا اكثر تفاهه من اضاعتها بالفراق ...

اغلقت الهاتف بعد ان اخبرته اني سأصعد الآن لسيـارة

وبعدها اقفلت هاتفـــــي ...

ليلة سعيده ياعزيزي..

هو الآن مشتاق

سينتظر كثيـراً

ثم يتصل لأني تأخرت ولن يجد أجابه سيصاب بالجنون

سيذهب للمنزل ولن يجدنــــــي وبأخر الليل سأرسل له أني خدعته وهذا انتقام الصغيـــــــر ...


خلف

تأخرت المفروض قبل نص ساعه تكون واصله ...

نص ساعه مع هالزحمه تصـير ساعه اصبر اشوي وهي بتجي .. ماني متصل تصدق اني ماقدرت اصبر عنها

..ايه بعد ايش ماني فضحت كل شي يوم كلمتهااا ...

فرقعت اصابعي ورجعت اطل بمراية السياره

ارتب شماغي ..

بس نسينا ان مدامناا ماتحب الشماغ ولا اللبس السعودي

يعني ماراح نعجبها بجميع الأحوال ...

شغلت سي دي محمده عبده ..

ثواني وقفلته استغفرالله ...اللحين بهالعمر وماقدرت اضبط

نفسي كيف بربي عيالي بكـره ...

عيال واخيراً ياخلف اقتنعت انك محتاج عيال ...

بس عيال ماهن بنااات ..

لاويازينهن لو طلعن مثل مشاعل

بيدخلني شهار ...

.

.

وابحـر بتفكيره عيال ومشاعل وعائلة صغيره

ماحس انه اقتنع اخيراً

بزوجه تستحق انها تكون ام لأبنائــــه

لكن هل هي حقاً تستحق تكون أم ..

.

.

طلعت جوالي اتصلت عليها

لقيته مغلق ضاقت الدنيا بوجهي

وينها تأخرت مرت نص ساعه على موعدناا

مو سالفة زحمه هذي ..

هي عارفه متى لازم تطلع عشان توصل بالوقت المحدد ...

ولاهذي مثل حركتهااا ذاك اليوم

تتعمدت تأخر ..طيب والجوال وش لزمتها قفلته ..

بدت الوقت يمشي والدقايق تحولت لساعات تعمدت تسويها فينـــــي

هذي حقارن ورد على الكف اللي ظربتها ..

بس ماعرفتي من تحدين يامشاعل ...




سارا

تأخــر قيس مـره ماجاء يأخذنـي جت الساعه 11 وهو ماجاء ولاأتصل

وملاك طفشت مني لأني قلقانه وطردتني ونامت ...

نزلت شوي عند خواتي وانقرفت من هوشات وعد ونوف اللي ماتخـلص ..ياربي وش اسوي اخاف صار له شـي عاد ماني فاضيه اصـير ارمله ..استغفرالله وش هالتفيكر مابي ابكي لامات ..اوف لامابغاه يموت قسم ماني صاحيه فيه وحده تقول عن زوجها كذا ...

خبله قسم انا خبله ..

ماقدرت اتحمل اكثر لبست عبايتي وهم لفوا علي

سارا:وش فيكم بروح

هند :أول مره اشوفك مستعجله على الرجعه

شوق:لا ويوم هو ماجاء ياخذها

سارا:طيب اكيد انشغل وانا فيني نوم بروح اناااام احسن لي وبعدين

البيت كلها خطوتين ..

نوف :خليني اجي اوصلك

كنت متوتره وانا اقفل ازرار عبايتي

سارا:اجلسي بالبيت مابي احد يوصلنــي ..

وعد :انا مو رايحه مكان اخاف الشمس تأثر على بشـرتي ..

نوف:شمس باخر الليل الحمدلله والشكر حافظه الكلمه وماتدري وين تحطهــا ..

وعد :والله انتي اللي حافظه الكلمه الشمس اصلاً حتى بالليل موجوده بس بالقسم الثاني من الكره الأرضيه يعني كلامي صحيح اشعة شمس للحين موجوده وأكيد بتأثر على بشـرتي ...

اخذت شنطتي وانا اسمع وعد تكمل مشوارها الطويل

ياربي من اللحين ارتجف كيف لا شفته

فتحت باب الشارع وطلعت

طيب انا ليش مرتبكه وش يعنـــــي

بيقول ليش رجعتي بقول جاني النوم ورجعت عشان لو نمت هناك

بتسبب لي مشلكه ..

كان باب الشارع مفتوح دخلت وانصدمت تمنيت

الأرض تنشق وتبلعنــــي كان فيه كثير رجال بالحــــوش بسرعه توجه للمدخل بدون ماشوفهم

احس المكان كان سوالف يوم دخلت سكتو او يمكن انا صرت ماعاد

احس باللي حولي دخــلت بسرعه لصاله لقيت منيره مع خالاتها وبناااتهم ...

اوووووووف بجد ياليتني ماجيت

سلمت عليهم وجلست وكلهم يناظروني بنظره مادري كيف

بس قهرتني

حتى منيره قهرتني حسيتهااا مو طايقتني خير ان شاءالله ...

والله ماجلس عليهم بعد هالنظرات سحبت نفسي وطلعت فووووووق

الله يقلعكم زين ..

اكره احد يناظرني كذا اوووووووف ..حسيتني كائن نازل من السماء

فصخت عبايتي ورميتهااا ودخلت اغسل وجهي يمكن لاراحت الحراره اللي فيه انسى الأحراج

طلعت لقيت قيس واقف بنص الغرفه ..

مباشره قلت ..

سارا:فيني نوم ورجعت لو نمت هناك كان سويتلي مشكله ..

ماكان يتكلم بس قرب مني ومسكني مع يدي يبغاني الف

مادري كنت اناظره بعيونه اشوف وش يفكر فيه بس ماكان يناظر بعيوني كان يناظر..اوووووه الفستان كيف نسيت كنت ناويه افصخه قبل مايشوفه علي ..

لفني بيديه حتى صار وجهي لاصق عند وجهه

..

سارا:اوووف وخر وجهك من قريب يخوف

قيس:والله

سارا:ايه والله

حسيت صوت تغير وهو يقول

قيس:اشتقتلك يالخبله ...

يووه طيب ليش يناظر كذا

سارا:اجل اشوى اني جيت ورحمتك

مادري كيف قلت هالكلمات بس حسيت انها عصـبته وعيونه بتطلع

بس بسرعه رجع وجهه رايق وفكني

قيس:صدق خبله ...

سارا:انتي وش فيك طلعت مو عندك رجال

قيس:كانوا طالعين بس هم يحبون الهذره حتى وهم على الباب ..

سارا:شفت انكم بعد تحبون الهذره انا ملاك نامت وخلتني يعني احنا

ارحم منكم ..

قيس:طيب اذا بسمع كلامك بنام واقف بدخل اتروش لاتنامين ..

طفشت يوم قالي كذا غيرت ملابسي بعدين حسيت ريقي ناشف جيت اشرب مويا بس الثلاجه مافيها يعني لازم انزل اخذ من تحت اوووووف

لبست عبايتي أي كلام واخذت الطرحه ونزلت ..

على اساس كلام قيس انهم طلعــوا تفاجئت لما لقيت الحريم لسى موجودين ..

مريت بسرعه وتمنيت ماحد يلاحظني لأنهم جالسين بصالة الجانبيه ..

وبسرعه دخلت المطبخ وقفلت عبايتي ازرتها كانت مفتوحه

وانا لابسه بيجاما مره قصيره ..

اخذت المويا وطلعت بسرعه وانا طالعه بسرعه بوجهي طلع واحد كان قلبي بيطلع من مكااانه اشوى فادي مو جابر

والله كنت بنتحر لو هــــو

وخري عني وكمل طريقه وهو يصفر

احلف ..!!..وربي انهم منتهين ذا العائله ...

دخلت ولسى قيس ماطلع اشوى

اوووف اصلاً ماراح اقول اني نزلت حطيت المويا فوق الثلاجه لأنه كبير ومايدخل جواهااا..

وفصخت عبايتي وجلست عالسـرير ..

قسم ملل وش اجلس انتظره وش اسوي لاتلفزيون لاحاااجه

مو معقوله ببقى على طول كذا عايشه بملل ابغى مكان اكبر اخذ فيه حريتـــي ...

بس عارفه مستحيل يرجعني الشقه عشان امه...


قيس

كان يحول يأجل الكلام اللي عنده

بس خايف عليها

يخاف احد يجرحهاا بالكلام لازم الكلام يجي منه مو

من أحد ثانــــي ..

دخل بالغرفه بعد مانتهى متحمم ولابس لأنها تنحرج يلبس قدامهااا..

وهذي بعد غلطه منه لأنه خوفهاا منه

دخل بحيااتها بوقت ماستعدت فيه للزواج ولا تهيئت نفسياً

كانت خايفه من كل شي واي شـي ..

وهو يكره يسبب لها توتر او خوف حتى بسبيل انه يعودهاا..

كانت نايمه على السرير وتناظر السقف

اول ماشافته تعدلت بجلستهاا على السرير

وقالت

سارا:ابغى تلفزيون اووف ملل هنااا ..

وقف قدام المرايه يجفف شعره ..

تقتله اذا كانت كذا بريئه وبايعه الدنيااا

يحس بوضاعته كيف تجرأ وسوى اللي سواه حرمهاا حتى تسوي عرس على عيون الناس

وهذي هي الناس بدت تتكلم فيهــــم ..

سارا:اوووه اكرهك اذا سكت ومارديت ..

رمى المنشفه وجاء يجلس عندها ..

قيس:وانا اكرهك اذا كنتي تبغين شي وبنفس اللحضه لازم يصير ...

لاحظها وهي تدفع نفسها عنه

قيس:وانتي للحين من تروحين ترجعين بحياك ...

كذا حالتها من تروح عند خواتها وترجع ماتجلس حتى جنبه من الحياء

غريبه هالبنت ماكان يوضح انها حيويه من كانت صغيره وهي جريئه حتى مع الرجاال ..وبعد ماكبرت شافها بمواقف مختلفه وماكانت مستحيه توقعهاا ماراح تستحي منه وبتقهره جرأتها بس

ينصدم يوم عن يوم انها تصير اكثر حياء ...يكره اللي يفكر فيه

مايبغاها تصير تخاف منه ماتستحـــــي ..

انتبه عليها تغمض عيونها وتحرك راسها كانها تبعد شي عنه ...

واضح عليها النوم ...

قيس :نعسانه ...

سارا :اكيد مو قلتلك جايه عشان انام وانت بس تحبب تهذر

ضحك بقوه كالعاده بس تنعس تبدأ تقط خيط وخيط وتنسى حتى خوفهاا..

قيس :بس اليوم ناوي اعذبك بجلس اهذر حتى الفجر

حاولت تدفه وواضح عليها الوهن ..

سارا:روح زين ..

ونزلت راسها بتنام بنص الســــرير ...

ضحك على حركتهاا

مصدقه نفسه بالنومه هذي رجولها عالأرض وراسها بوسط السرير

مايجي الصباح الا وهي معــــوقه ...

عدلها نومتهااا ..

وهو مقهور من نفسه ليش ماقال لها الموضوع قبل لاتنااام

اللحيـــن ماراح يجيه النوم من التفكـير ...


ضحى

من طلعت الشمس واناا صاحيه مانمت كثير من التفكيــــــر

يمكن اقل من ساعه بس كفاني احس بنشـاط كبيـــــر

لأني أخيراً عرفت وين بحط رجولي...

الراحه هذي ماحسيت فيها حتى يوم قالي انه مو مريـض ..

راحتي اليوم غيـر

تحسسني بقـوتي ... بكلمتي اللي ماتنثني

بحياتي اللي أنا امشيها بكيفـــــــــي ...

وماعاد شي بالدنيا يهمنـــي .. بطلقه وبتزوج اللي يجوزلي ..

ولا ولد ولابنت بيوقفون بوجهي اذا يبغى عيالهم يأخذهم

اذا هو يبغى يحرمهم من التربيه الصح انا ماراح امنعه

يسوي اللي يبغى اصلاً هالعائله ماتوقع يطلع منها

انسان صالح مرتـــاح ...

تصادفت مع وعد اللي مشغله تلفزيون وتابع فيلم ...

ضحى :خير على الصباح تلفزيون

وعد :اصلاً مانمت

ضحى :وليش ان شاءالله

وعد :بس كذا ميزاجي هذا نظامي الجديد وانا حره فيه مره اعجبنـــي بعد شوي بروح انام وبصحى بعد العشاء لاتزعجوني ...

ضحى :حاضر عمتي وعد ..

هذا راسك كبير من اللحين اجل لو تزوجتي وش بيصير

كيف بتقبل الموضوع وعد مادري اتوقع انها تقبله بسعة صدر ...

ليش مافاتحهاا ..

صوت حمودي طلعني من غفلتي

مجنونه انااا ياقسوتي وش كنت بسوي

معقوله .. كيف فكر ان وعد بتكون قويه هذا نسمة هوء تجرحها

مو السكين اللي تزرعها بقلبـــــهاا ...

جتني الشغاله بحمودي ..تطفشني لأنها متعلقه بس تسمع صوته تركضله حتى لو هي بأخر البيت سحبته منها وانا مقهوره ..

هذي اول شي برميه بوجه عســـــاف مع هداياه الغبيـه ...

اخذت حمودي وطلعت للغرفه بشوف شدن كانت صاحيه وفيها نوم

اول ماشافت حمودي بين يدي جت تركض

وهي تقفز

شدن :نزليه بشوفه ..

ضحى :تعالي بنزل بالصاله واجلسي عنده حتى اسويلكم الفطور ..

وعد :انااا ابغى توست محمص وعصير برتقال طازج ..

سألتها بمصخره

ضحى :والله

وعد:ايوه عشان احافظ على رشاقتي ..

ضحى :ومن بيسويلك ان شاءالله

وعد:انتي او قولي للغبيه الخدامه أي احد اهم شي احد يسويلي

ضحى :طيب ياللي بتحافظين على رشاقتك

ليش ماتنامين بطريقة صح ولا ماراح ينفع أي نظام غذائي..

قطع كلامي صوت الجرس ...

وعد بغباء:انتي تنتظرين احد ..

صديت عنها اضحك بجد البنت متلبسه الدور..

وعد:بروح اشوف من عند البــــاب..

ضحى :لاتفتحين الباب مباشره اسألي قبل ..؟!

وعد :اول مره افتح باب انا .!!!

مادري ليش مارتاح قلبي ورحت معها..

كنت افكر ان عساف فقد الأوراق وعرف انها معي

واني عرفت ...عشان كذا جاي بهالوقت

بس يوم سألت وعد مين

وجانا صوت خلف يقول افتحي ...

بسرعه طرى على بالي سالفة زواج وعد

سحبتها تدخل داخل ولبست عبايتي وطلعت فتحت الباب دخل بس ماقفل الباب ...

خلف :وين مشاعل .؟؟؟!!

تبلدت دقايق افهم وش اللي يقوله ..

مشاعل كل الروعه وجاي يسأل عن مشاعل ...

سألته بنرفزه

ضحى :انت تتكلم جد جاي هالوقت تسأل عن مشاعل ..

نفخ علـي

خلف:خلصيني وينهااا ..

ضحى :مادري عنها اللحين اشوفها لك بس رجاء مره ثانيه اختار الوقت المناسب لزياراتك..

بجد حسيتني بنفجر كل هالخوف واخرتها جاي يسأل عن مشاعل

...

وعد :وش يبغى..؟!

ضحى :مشاعل روحي ناديها..

وعد:مشاعل طلعت امس ومارجعت..

ضحى :يمكن رجعت روحي شوفي..

وعد:اووف انا طول الليل هنا لو نمله دخلت بشوفها محد جاء ..

خلاص نامت برى يعني اول مره ...

ضحى :طيب اطلعيه قوليله هالكلام ...

وعد :ياربي رجعتيني تحكمين في يعني اووف منك ...

ياربي من هالبنت قسم ترفع الضغط ...


وعد

كنت سهرانه طول الليل واللحين خلاص بديت ادووخ

ومو ناقصه ضحى ومشاعل اووووووووف منهم بس

طلعت للغبي خلف ..

وعد:مشاعل مو فيه امس طلعت ومارجعت..

جيت بدخل..

بس سحبني مع يدي..

خلف:كيف طلعت ومارجعت ..يعني وينها..

ياربي والله مو ناقصته اووووووووف..

وعد:هي دايم تنام عند صديقاتها انا وش دراني وين..

حسيته كذا وده يذبحني انا وش دخلني طيب قلت عشان اقهره

وعد:هي حره تروح للمكان اللي تبغى وان شاءالله تغيب شهر

حنا نعيش بحريه وديمقراطيه ..

قاطعين بصوت عالي ..

خلف:وين صديقاتها ذولي وش تعرفين عنهن..

جلست اضحك

وعد:هههههههههههههههههههههههههههههههههههه

بس يوم صرخ علي سكت..

خلف:خلصيني وش تعرفين..

وعد:وش اعرف ماعرف شي ..؟!

طلع معصب وقف الباب بقوه ...

يارب يصدم ويموت غبي ..

رجعت وانا دايخه بسرعه طلعت فوق لغرفتي الجديده ونمت ...


خلف

بس القاها ماراح يفكها مني الا الموت

هذي حركه تسويها فيني ...غطلتي اني وثقت فيهاا ..

الفاجره هذي ...

رجعت اتصل عليها للمره الألف ماترد ..اخ بس لو تطيح بيدي ..

ركبت سيارتي وحركتهااا

ناظرة بمراية السيارة وبشعري اللي طالع من تحت الشماغ ..

آآه ياخلف ياخسارة هالشيبات تلعب فيهن مشرده مثل هذي ...

اللحين وين اروح وين بلقاهااا ..

بعد كل هالسهر عشان ادبهااا اول ماتطلع الشمس القاها مختفيه ..

وش السواة ياخلف ...

منجبر اصبر لين القاهاا وساعتها بعرف شلون

اربيهااا ..


سارا

ياحلو الصباح وخصوصاً اذا فتحت الشباك ولقيت ملاك بالمطبخ تغسل المواعين وتسولف معي بالأشارات وكل الأغبياء اللي عندها

مو منتبهين ...

بس وربي شي شكل ضحى وهي تناظر ملاك كل دقيقه تحسبها انهبلــــت ...

لفيت بسرعه وقفلت الستاره يوم دخل قيس ..

قيس :يالله بسرعه ماتجهزتي انتي ...؟!

سارا:اتجهز ليش ..

قيس :اوووف بسرعه ماتسمعينا تحت قلنا بنطلع للبر يالله خلصيني

جهزي نفسك بسرعه ...

سارا:برر حررر وعععع...

لف علي بصرخه

قيس:بسررررررعه ..

اووف ياربي وش بر الحمدلله وشكر ...

وقفت قدام الدولاب وش يلبسون بالبر

بحياتي ماطلعت بر .. يلبسون عبايه هناك او مو لازم ..

اوووف اخذت لبس عادي البسه بالبيت ....

ووش بعد جزمه ..

لبست صندل بدون كعب ولبست عبايتي ..وشنطه حطيت فيها مرطب ومناديل وعطر ومويا.. يمكن اضيع عنهم يكون معاي مويااا ..

مو يصير بالأفلام كذا ...

نزلت بسرعه اخاف قيس يعصب علي قدامهم والله ابكي ...

لقيتهم كلهم بالحوش متجهزين واغراضهم كثيره ...

ركبت بالسياره مع قيس ومنيـر ووحده من خالاتهم

عمتي جلست معها اختها الثانيه لأنها هي بعد مريضه

هذا اللي فهمتهم من سواليفهم ياربي ياذا الحرمه مأحبهــــا ..

احسها دايم تناظري بنظرة اني انسانه مو زينه ..

انا مو مغفله اعرف الأنسان اذا كانت الفكره براسه عن شخص ثاني ...

منير كان جالس معي ورى .. ماتوقعتها من قيس

اللحين يقول لاتجلسين معه ويخليه يجلس جنبي

والله قمة التناقض هالأنسان ... الساعه ثمانيه احس فيني دوار نفسي انااام وفعلاً نمت ...

صحيت على شمس قويه والسياره تمشي وسط صحراء

ببكي شكلي خلاص ماعاد شايفه الحضاره

بضيع وسط هالصحراء ويمكن يلقوني بدوان واعيش معهم

بالبر واصير البس برقع واحلب غنماات ....

جتني ظربه على كتفي من منيــــــــر

منير:سارا ااا شوفي ذيك بعارينا ..

ناظرت وين يأشرانذهلت

سارا:وااااااااااااو كلهم بيضات ...

انا قلت الكلمه من هناااا والسيارة ارتجت ضحك من هنااا..

ناظرت بمنير كان مفهي مثلي مايدري وش السالفه ....

شكله يكذب علي قلت بقهر

سارا:الكذب حرام

منير:والله هذولي حقاتناااا..

قيس :سارا وش اسمها كلهم ايش ...؟!

مافهمت وش يقصد

سارا:مادري ...

قيس:وش لونهم

سارا:ابيض ...

قالت خالته

خالة قيس :ماسمها كلهن بيضات يالخكريه اسمها عفر ...

سارا:اوووف ماقلت اسمهم قلت لونهــم ياربي يعني حرام الواحد مايعرف معــلومه ...

بس قهرني قيسوووه جلس يتريق علي

مبسوط مره يعني طايح تريقه فيني مو ناقص يعني يشوفني غبيه بعد اللحين صار يشوفني ماعرف اسم الأبل حقاتهم ...؟!!!

انقهرت حتى ولدهم منير ماعرفها ليش مامصخروه بس انا عشاني مو بنتهم بجد كرهتهم وحقدت عليهم ...

وقفوا عند باقي السيارات اللي كانت موقفه بمكاان كله شجر غريب احسه ماعمره سقوه موياااا مره عطشان وجاف ...

كان سيارات بجهه وسيارات ثانيه بجهه شوي بعيدها عنها

يعني مكان للحريم والثاني للرجال...

وقفونا عند مكان الحريم

مانزلت انتظرت خالته تنزل وجاء هو ومنير ينزلون بس

شافني جالسه رجع يطل علي

قيس:انزلي

صديت ماناظرت فيه

سارا:رجعني اللحين للبيت ..

حسيته انقهر ونفسه يظربني بس مو قادر

قيس:والله ياشيخه ..!!

سارا:ماسمي شيخه واللحين بترجعني جايبني هنا عشان يضحكون علي اصلاً ماهموني خل يضحكون بس اكره اجلس معهم ..

رجع وقفل الباب بقوه ..

قيس :اللحين بتلمين لسانك بفمك وتنطميـــن...

تقدمت بجلستي

سارا:لا مو ساكته انااا

بس قاطعني

قيس :انطمي سامعه واذا تبغين يضحكون عليك طولي لسانك زياده عشان اربيك قدامهم ...

سارا:حقير اكرررهك والله اكررررهك ...

جلس يتلفت يشوف احد انتبه احسن يستاهل خليهم يشوفون

متعود يقهرني دايم وسيارته مظلله اللحين الجيب هذا مو مظلل

خلهم كلهم يشوفونه وهو يهزأني ...

قيس:سارا انزلي

جلست ابكي قهرني قسم مقهـــوره منهم

كلهم ناس ماعرفهم واحس يكرهوني ماقدر اجلس عندهم ماقدر ....

سارا:قلتلك ماراح انزل روح عني اووف ..

توقعته بيجلس ويغصبني انزل بس نزل بدون كلام وراح يمشي لم الرجال ووقف شوي لف علي بعدين كمل طريقه ..

جلست ابكي شوي بعدين قررت انزل بكون قويه بتصور ملاك معي وبقوي نفسي بتنقهر لو قلت لها اني خفت وجلست بسياره ...

حنا بنات مبارك مانخاف من احد وخصوصاً اذا كان هالأحد ناس

عاديه وشايفه نفسها علينــا ...

يوم جلست معهم ويسولفون وزي كذا

حسيت اني ظلمتهـــم ...

بس بعدين بناتهم مادري مره شايفين انفسهم

وحتى زوجة جابر اللي كنت اقول عنها بزر

احسها صارت لعينه اليوم يمكن لأنها صارت مع بنات ثانيات مادري

بس ماهموني اوف منهم ...

تكيت على شجره اللي وراي

وحطيت سماعة بأذني وجلست اسمع اناشيد

كنت طلبت من قيس يحملي اغاني بس لعب علي وحمل اناشيد مالت عليه بس ..

المره الثانيه انا باخذ كمبيوتره واحملي اغاني ...

انتهى البااارت