تكفون ياهل البيت لا تزعلونه،،

‏ ‏ تكفون ياهل البيت لا تزعلونه،، توه صغير وزايد الحسن مطغيه،، هذا آخر العنقود لا تغضبونه،، خلوه كل اللي بداله يسويه،، أحبه اليا ثار واعشق جنونه،، ويا حبني له لارضى وقال لبّيه،، تكفون لا يبكي ‏وتدمع عيونه،، والدمعه أصلاً في عيونه تحليه،، ما يشبه الا الليل لحظة سكونه،، وما يشبه الا الفجر ‏لحظة تغلّيه،، اليا مشى خلاّ البشر يتبعونه،، واليا وقف فتنة من الغنج والتيه،، ما احسد ‏سوا اللي عند بيته يجونه،، وايفونه اللي دايمٍ بين اياديه،، أبيه وأدري يا كثر من يبونه،، لكن قسم بالله ماني مخليه،، أشتاق له واشتاق حتى لطعونه،، وأنا على جرحي احثّه وأوصيه،، حتى لو أن الموت دوني ودونه ،، وفاي يجبرني لقبره أخاويه،،