 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
12-20-2018
|
||||||||||||||||||||||||||||||||
|
||||||||||||||||||||||||||||||||
أحبك وهذا من حزن حظي/ 8
الجزء الثامن
كانوا الاثنين جالسين عالارض فالحديقه ، فارس حاضن العنود وهي دافنه وجها بصدره فارس : العنود ماردت عليه ودفنت وجها اكثر بصدره وهو شد عليها اكثر بحضنه وبعد فتره وهم على هالوضع رفعت العنود راسها بعد ماغرقت قميص فارس بدموعها ، وقفت العنود رتبت نفسها ونظفت ملابسها من العشب وجت بتمشي لكن مسك فارس يدها بيوقفها لكن دزت يده بقوة عن يدها العنود : لا تلمسني ابد انت انسان مريض واحب اوضح لك كوني درست بالخارج مايعني ابد اني بنت سيئه عشت بإنفتاح لليوم هذا لكن ولا مره فكرت اخون ثقة اهلي لا بامريكا ولا هنا من هاللحظه ولحد ليلة العرس ماابغى تتصل فيني او حتى ترسل لي مسج لفت عنه ومشت لداخل اما فارس ظل واقف بمكانه مصدوم من العنود اول مره يشوف وجها الجاد ونظراتها الحاده وكلامها الموزون بدون مصطلحاتها الطفوليه وحركاتها الغبيه كأنها تحولت انسانه ثانيه بيت عائلة ابو فارس (راشد) كانت شيخه طايره من الفرحه لانها متأكده ان بكره راح ينتشر خبر انفصال فارس عن العنود قطع خيالاتها اتصال ريم شيخه بنت راشد : هلا ريوم ؟ ريم وهي معصبه : الله يأخذك ويأخذني لما سمعت كلامك شيخه انصدمت : بسم الله وش فيك ؟؟ ريم : ظلمتي البنت وخليتيني اظلمها معك شيخه : ظلمت من ؟! ريم بصراخ : العنووود شيخه : ماظلمتها انتي بنفسك شفتي ريم : هذا اخوها بالرضاعه هي راضعه من خالتها لان امها تعبت لما جابتها فارس زعلان مني مايبغى يسمع صوتي حتى تدمر عالم شيخه بنت راشد للمره الثانيه كانت تتمنى تكون العنود فعلاً بنت سيئه ويبعد عنها فارس لكن الواضح انها هي اللي صارت بنت سيئه بيت عائله ابو العنود (علي) صحت اماني ولقت العنود نايمه جنبها تسحبت بشويش وراحت للحمام تتروش وبذيك اللحظه دخلت ام العنود للغرفه وماشافت اماني على السرير عرفت انها فالحمام ام العنود : عنوده قومي يا ماما الفطور جاهز العنود بصوت كله نوم : ماما شوي بس تعبانه ام العنود تجلس جنبها : يالله ياكسوله شوفي اماني ماشاءالله عليها حطت راسها على صدر امها وضمتها : خليني كذا شوي ماما ام العنود وهي تلعب بشعر بنتها : احد مضايقك ؟ خافت العنود من احساس امها : لا ماما ام العنود بشك : ليش احسك مو على بعضك من فتره العنود وهي تخفي حزنها : لا ماما انا طبيعيه ، يالله بروح اتروش امون طلعت(دخلت الحمام بسرعه قبل تكشفها امها) بيت عائله ابو فارس (عبدالرحمن) شيخه : ها بنات شرايكم ؟ ريم : انا مؤيده مريم : طيب العنود بتوافق ؟ شيخه : العنود خلوها علي(اخذت جوالها واتصلت عليها) العنود : هلا شيوخ شيخه : اهلين ياعروسه كيفك ؟ العنود تضايقت من كلمة عروسه : الحمدلله زينه شيخه : عنوده حبيبتي انا داقه عليك اعزمك العنود : على شنو ؟؟ شيخه : الليله بسوي حفله صغيره بينا يابنات بما ان بكره عرسك فحابين نسوي لك حفله توديع عزوبيه العنود : لا ياقلبي مايحتاج انا .... قاطعتها شيخه : مافيه اعذار انا جهزت كل شيء لازم تجين طيب العنود بإستسلام : ok عند الشباب فارس بن راشد : ياعيال فروس وينه صار له 3 ايام مابين راشد : حنا معه فالبيت مااشوفه الا دقائق فارس بن راشد : شكله يحاول يستغل اخر لحظات العزوبيه عزام : بتصل عليه اشوف وينه(اتصل عليه) : فريس يالكلب وينك غاط ؟ فارس : خلاص انا معرس مااكلم عزاب عزام ضحك : يالخاين تكبرت علينا ضحك فارس : انت وين ؟؟ عزام : فالإستراحه مع الشباب فارس : حلوو اجل فالليل بجيكم(قفل عزام منه وبلغهم انه بيجيهم) فالليل رتبت العنود شكلها وتكشخت ولبست عبايتها وشيلتها وراحت بيت عمها عبدالرحمن ، راحت من الباب الخلفي عشان ماتقابل فارس لكن بهذيك اللحظه فارس كان طالع من المخزن ومعه اغراض شافها وهي ماكانت منتبهه له تعدل شعرها وتفصخ عبايتها ، جذبه شكلها حيييل وماقدر يمنع نفسه مسك يدها وسحبها معه داخل المخزن وسكر الباب العنود : فارس وش ... (خرسها فارس ببوسه وانتقل بعدها لخدها ثم رقبتها وهي متخدره ومو قادره توقفه) يهمس وهو يبوس رقبتها : لين الحين زعلانه ؟ العنود : ايه ، ابعد عني (تحاول تبعده عنها) فارس يضمها اقوى لصدره ويدفن وجهه بشعرها : لا تحاولين العنود ذابت من حضنه وماقدرت تتكلم ، بعدها شوي عن حضنه وقرب لشفايفها بيبوسها لكن صدت عنه فارس : ليش ؟ العنود : سبق وقلت لك انا اكره قربك ابتسم على جنب وقرب منها وهي تبعد لحد ما لزق ظهرها بالجدار ولزق هو فيها العنود بإرتباك : ف..فارس ابعد(حطت يدينها على صدره تبعده لكن ماقدرت) فارس ابتسم على توترها : هالوضع مايذكرك بشيء العنود تذكرت اللي صار بينهم بالشاليه : ل..لا ما.. مااذكر شيء قرب وجهه لوجها وهمس : متأكده ؟! العنود لاشعورياً غمضت عيونها بقوه ، ابتسم وسحبها له وباس شفايفها رفعت يدينها اللي كانت على صدره وحاوطت رقبته وهو حاوطها بذراعيه وقربها له اكثر عند البنات اماني : وينها عنوده تأخرت ؟ شيخه بنت عبدالرحمن : ما ادري عنها يمكن تتكشخ ؟ ريم : هذي العنود يومها بسنه مريم : شيوخ اتصلي عليها شوفي وينها (اخذت جوالها واتصلت) بعدت عنه لما سمعت صوت جوالها وردت بصوت باين عليه الارتباك العنود : هلا شيخه ماعرفتها : العنود ؟؟ العنود : هلا شيوخ شيخه : وش فيه صوتك متغير ؟!! تنحنحت العنود تعدل صوتها : لا مافيه شيء شيخه : طيب وينك البنات كلهم هنا ؟ العنود : دقائق واكون عندكم ان شاءالله اخذت شنطتها وعبايتها ومشت بسرعه تاركته وراها بالمخزن واتجهت لحمام الخدامات الأقرب لها وعدلت مكياجها اللي دمره فارس وقبل تدخل على البنات حطت يدها على قلبها تحاول تهدي من نبضاته ، اما فارس كان مسند ظهره على جدار المخزن ويده على قلبه ويكلم نفسه : وش هالإحساس معقول احبها ، لا لا مستحيل اني احبها هذا اعجاب بس بجمالها العنود مو البنت اللي اقدر اثق فيها دلوعه وتفكيرها مختلف عني ماتصلح حتى تكون ام (ضرب راسه) : عيب يافارس هذي بنت عمك مهما كان طلع وهو يردد مااحبها مااحبها اجتمعوا البنات واستانسوا مع بعض لكن العنود لاحظت نظرات شيخه بنت راشد لها وكأنها بتاكلها بس ما استغربت هالشيء ، دائماً العنود محط الانظار بهالعائله ولما صارت الساعه 11 استأذنت العنود من البنات بحجة انها محتاجه تأخذ قسط من الراحه لان بكره عندها شغل كثير عائله ابو فارس (راشد) الجد فارس : بتمشون من الحين والعرس فالليل !!! ديمه : ايه ياجدي احنا ندخل الصالون الساعه 10الصبح ومانطلع الا فالليل بدر : اجل العروس متى تطلع ؟؟ ام فارس : العروس آخر وحده تطلع وبعدين انت وش لك بأمور الحريم ؟ محمد : بتروحون كلكم مع بعض والا بنات عمي بروحهم ؟ ديمه : لا كلنا سوا العنود بتروح مع بنات خالتها ابو فارس : لا تنسون تحصنون نفسكم قبل تدخلون القاعه قاعة الافراح البنات متجمعات عند الباب ويرحبون بالضيوف واماني داخل بالغرفه مع العنود تخفف من توترها وتهديها اماني : عنوده انتي طالعه قممممر ماشاءالله العنود وصوتها يرجف : مشكوره امون اماني تمسك يد العنود : لا تتوترين انا هنا جنبك ودايم بظل جنبك والخيره دائماً فيما اختاره الله فارس نصيبك مانقدر نعترض العنود وعيونها بدت تلمع بالدموع : ليتنا بقينا بامريكا اماني : نوديتي حبيبتي لا تبكين تبين تطلعين بالصور زومبي فتحت شيخه الباب عليهم : عنوده حبيبتي يالله الحين زفتك شغلوا الزفه دخلت العنود وراها امها وام فارس وخالتها والبنات جلست عالكوشه والبنات حوالينها وبعد دقائق بلغوا الكل ان المعرس بيدخل اخذوا البنات شيالهم ونزلوا عن المنصه دخل فارس وسلمت عليه اخته شيخه : مبروك فروس منك المال ومنها العيال ريم سلمت عليه بعد : ما اصدق انا اخت المعرس ضحك فارس عليهم وصعد للمنصه وباس جبين العنود وجات امه وسلمت عليه ، جلس جنبها فارس : مبروك عليك انا يالدلوعه ردت بإستهزاء وهي تناظر الناس : يا بختي اخذوا صور وباركوا لهم وبعدها جاء وقت روحتهم للفندق وقفوا الإثنين ومسك فارس يد العنود ونزل معها واتجهوا للفندق والباقي كملوا رقص وتصوير وضحك عند الشباب خالد : ما شاءالله عليه فريس طالع رزه بدر : الله يهنيه ، إلا زياد ماتدري متى سفرت اخوك ؟ زياد : يقول بكره العصر طيارته ماجد : بهالسرعه عاد خل يجلس اسبوع عالاقل زياد : مدري عنه يقول شغل ضروري ولازم يلتزم بالوقت بعيد عن هالأجواء جداً جداً عبدالله : ما احب المزح البايخ نور : والله ماعم امزح العنود الليله عرسا عبدالله وبداخله براكين : من تزوجت ؟؟ نور : اسمعت انو ابن عما بس مابعرف اسمو ، خلص اتركا بحالا هي هلا بنت مجوزه عبدالله : مراح اتركها لو على موتي ، اعرفي لي وين راح تسافر مع زوجها نور : انا مادخلني اصطفل بحالك عبدالله : نور انتي عارفه اي سلطه املك وايش ممكن اسوي فيك (خافت منه وانصاعت لأوامره) وصلوا العرسان ودخلوا جناحهم ، اليوم راح تتغير حياه العنود كل شيء تعودت عليه راح يتغير لبسها غرفتها الوجوه اللي تصبح عليها ، وقفت بالصاله تتأمل المكان جاء فارس من وراها وحاوط خصرها فارس : نورتي المكان يالدلوعه كيف راح يكون دخول عبدالله لرواية ؟ وهل العنود راح تغرم بفارس ؟ وكيف راح تكون سفرتهم لسنغافوره ؟ 
 
|
|
12-21-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
سلمت يمناك
طرح جميل جدا
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
