روايتي السادسة: العمر لحظة

سلمتي شموووخ على الرد الطيب وسلم اناملج

ننتظرك بشغف يا دجى الليل
طال غيابك
لتكوني بخير..

دجى الليل معجب بهذا

حبيبتي كتوروفه والاه الحين قاعده اكمل البارت ٣٨ وانزله لكم باذن الله دمتي بودً

كتف ثالثه معجب بهذا

تابع البارت الثامن والثلاثون

:
:
اللا يا دار خبري محبوبي انّ من عقبه انا عفت الديار ...
:
:
قعدت غدير تفكر كيف توصل لبسمه اتصلت في حمده واطلبت ممنها رقم مزون دقت لمزون وبعد السلام وتعريف بنفسها دخلت بالموضوع: مزون الله يخليج تروحين الحين عند بسمه وقولي لها غدير تبيج ضروري تحاجينها...
مزون بحيا بعد ما عرفت انها بتكون مرت اخوها ردت: بان شاء الله ...
وراحت للبيت خالها ودورت بسوم ولقتها قاعده عند سهيل قالت لها بعد السلام واخذ الأحوال : ترا غدير متصله فيني تبي تحاجيج ضروري ..
ابتسمت بفرح ورف قلبها: صدقققققققققق....
هزت راسها بهيه وهي تقول: يا بنت الحلال انتى بس لو تفتحين تلفونج بتشوفين كمية المكالمات اللي هابه عليج عطتها تلفونها وهي تقول: خذي راحج معاها وشلت سهيل تلاعبه ...
ابتسمت بسوم ودقت لغدير اللي كانت قاعده مع مشعل في لوبي مال الفندق ردت بسرعه وهي تقول لمشعل: دقت مزون اصبر اشوف شنو عندها ولما ردت قالت: هلا مزززون
بسوووم ببتسامه ودق قلبها طبول قالت برجفه: هلا غدوورر ..
غدور بصدمه طالع مشعل وقالت: هلا بعيون غدور هلا باللي اشتقنا لها ..
خذ السماعه الثانيه بلهفه وهو متوله على صوتها وقرب من غدير زود عشان السماعه الثانية تثبت في اذنه زين وسمع بسوم تقول: يا عين بسووم انتي والله عمري والله المشتاقين شحالج وشحال خالتي ربكم بخير نورتوا الامارات ...
قالت بفرحه: النوور نورج يا بعدي كلنا طيبين وما علينا الا انتى قولي لي شنو االي صار بينج وبين مشعل وخلاكم بهالحاله وزود ..
ازفرت بضيق على طاريه وقالت: مششعل انا بالنسبه له انتهيت ،، انا كنت بيده مثل ورقة الحظ اللي فاز فيها ولما انتهى منها رماها تنهدت بضيق واردفت كلامها الى ان وصل فينا الحال كلن يروح بدربه هذا اللي فهمته منه ..
شهقت غدير وهي توجهه نظرات العصبيه لمشعل اللي كان ندمان وهو يسمع صوتها اللي باين عليه ضيق قامت غدور من مكانها وشلت السماعه الثانيه من مشعل بالقو بعد ما شافت أمها وشمس يايات اللوبي عندهم واتجهت للمصعد وهي تقول: يا عمري واالله انا قالي مشعل عن اللي صار بس ما قالي هالكلام انه حبكم طلع نزوه ..
ابتسمت بالم على كلمتها وهي تقول: يمكن حبه لي نزوه اما انا احبه فوق ما تتصوررين صحيح انه شاك فيني لانى قبل كنت اكلمه وانا مالومه لكن نتيجة شي هذا انه زعزع الثقه اللي بينا وقلت الثقه بسبب شي هذا اللي كنا نسويه لكن في نهابه ي غدور يبقى حبيبي الأولى والأخير وانا عارفه ان باي لحظه بييب ورقة طلاقي ومسحت دمعه تسربت من عينها وهي تحاول تكتم عبرتها وكملت كلامها بأنا مالومه صدق يوم كانوا يقولون ان الوحده اللي تكلم واحد وتزوجه يشك فيها بعدين ،، وما ينجح زواجهم حاولت تكتم شهقتها وهي تقول لا تنسين اني اخذته من زوجته بعد والمثل يقول الحق رجع لاصحابه والله يسعدهم مع بعض واسكتت وهي تطلق لعبرتها العنان وتبكي بصمتتت وهي تذكر حبهم ..
غدير بكت من كلامها وهي تقول؛ لا تقولين جذيييه مشعل يحبج والله ويبيج لكن مادري ليه كل شي ينقلب مره وحده ...
اردفت بصوت متقطع: كله نصيب يا عمري ..
تحنحنت تعدل صوتها وهي تقول: بس مشعل ما جاب لي طاري طلاق ولا قالي انه ناوي يطلقج يا عمري ..
ابتسمت بالم وحزن وهي تقول: ما يحتاج ينطقها يا غدير نطقتها عيونه قبل لسانه ومن ذاك اليوم انا انتهيت ولا تنسين ان خالتي ما كانت راضيه ع زواجنا شي طبيعي تشوفين هاشي يصير لان احد الوالدين مب راضينن وكملت بحسره وندم ليتني من اول ماحبيته قتله دق الباب ولا بدخل وياك من باب شيطان لكن غواني ابليس وضعف النفس واتبعت هوايه وحبي له وهذي نتيجة لكن يشهد عليه الله المعبود ان ما بيني وبين أي رجل ثاني علاقه او اتصال او تواصل يبقى مشعل الأول والأخير في حياتي ...
غدير بشهقه من البكى قالت: لا والله مشعل يحبج ويباج وهو ما اتفق معانا على طلاقج بالعكس هو ولهان عليج ويحبج ويبيج وندمان على اللي صار ...
تقول لي ندمان وأقول لك خابرك على طبعك ما تغيرت وافي وحنان ..
:
:
:
بعد ما نهت المكالمه اللي بينهم ومزون شلت تلفونها شلت تلفونها القديم اللي من أيام المدارس اللي رقمه محد يعرفه الا الاهل بس وهذاك تلفون والرقم مجبوره تنساه عشان تنسى صاحبه انتبهت عالمسج اللي ياها من رقم غريب وكان محتوى المسج( مَرَّتْ سِنينٌ وَمَا أمَّلتَ مُنتَظِركْ
وَلا تَركتَ لَهُ كَي يهتَدِي أثَرَكْ

مَرَّتْ سِنينٌ ولا أشواقَ تُرسِلهَا
لِآسِرٍ كَانَ يومًا في الورَىٰ قَمَركْ

وَأينَ أنتَ ؟ نَسيتَ العَهدَ؟ أم كَتبتْ
يَدُ المشيئة في رِقِّ النَّوىٰ قَدَرَكْ

وَكيفَ أنتَ؟ أنا روحي مُبعثَرَةٌ
بَينَ الخلائقِ تقفُو طَيفَ من ذَكَرَكْ

فَيا أصِيلَ الهَوىٰ إن كُنتَ تَقرَؤني
أرسل مع الشَّوقِ في هذَا المسا خَبَركْ)
:
:
ابتسمت على المسج ما تعرف صاحبه ولا تعرف منو هو بس الأكيد انه حبيب يرسل لحبيبته ويفكر انه رقمها وهي متاكده انه مغلط بالرقم لان هالرقم الوحيد محد يعرفه غيرها هي والاهل بس لا غير ...
انتبهت على وجود مسج ثاني( شدعوه عطينا ويهه يا يبه ) ...
ابتسمت وهي تقول مو اماراتى اكيد كويتي او قطري ابتسمت وخلت التلفون وراحت تشوف سهيل اللي بدى يحتل جزء كبير من حياتها ..
:
:
اما المغرب فكان الكل مرتبش في بيت بورراشد حمده وراشد يووا من دبي عشان يحضرون خطبة مزون وكانوا اهل مشاري بيوون بعد المغرب ع طول ...
بسمه سبحت سهيل ولبسته وهي بتشله وياها وهي عارفه ان لا أمها ولا ابوها افتكروا فيها خصوصا بعد ماردت عليا لفهد وردوا حبايب وراحوا شاليهات كم يوم ولا بيحضرون خطبة مزون قرب المغرب وصلت بسوم وشافتهموكيف مستعدين ومتجهزين بسومه لابسه كندوره مغربية خفيفه وفاتحه شعرها ومرولتنه وملبسه سهيل اخوها كندوره وغتره وطالع اجنبي صدق على بياضه وعيونه الخضر ...
:
:
:
قعدت في صاله ترتب الأغراض وترتب القهوه ويتها فاطمه ساعدتها ولفت عليها وهي تقول: بسمه
لفت عليها وهي تبتسم : امريني
طالعتها بغصه: ماحب اشوف الحزن يخيم ع ويهج انا ممادري شو اللي بينكم بس الأكيد انج عاقل وتعرفين تختارين صح من الغلط ...
ابتسمت لها وهي تقول: لا توصين حريص يا عيوني فهمت عليج ..
ابتيمت لها فاطمه وهي تدعي لها بتيسير الأمور ...
وشوي اذن المغرب وبعد الصلاة يووا العرب في بيت واشد وتجمعوا نزلت حمده متأخر وسلمت.على اختها بحرارة وهي تقول: بسوم ولهت عليكم ..
طبطبت عليها وهي تقول: حبيبتي ونحن زود الله يسعدج ..
انفتح الباب ودخلت ام مشاري ومنال وشمس وغدير واتجههوا يسلمون قربن بسمه وحمده منهم عشان يسلون عليهم ..
بما سلمت بسمه على خالتها باستها على راسها وهي نقول: شلونج يا خاله ..
لاحظت لمعان عيونها وهي تقول: والله اني بخير يا بنت فهد والحمدللهً...
ابتسمت بسمه وسلمت ع شمس اللي قالت لها: هذي اللي يأخذ شي مو له ..
بعدت بسمه عنها وسلمت ع منال وغدير اللي حفوها بكل حب ومخوه وابتسمت لهم وهي تقربهم صوب الكراسي وتجلسهم ،، وبدت تضيف خالتها والجماعه لين ما جاء سهيل وهو يقول لبسمه وهو متعلق فيها: يممممه يمااااااااه ...
لفت بسمه عليه وهي منحرجة من نظراتهم لانهم ماقد شافوا سهيل .. شالته وهي تقعده جنبها وعطته حلاوه تكلمت ام مشاري وهي تقول: ولدج ي بسمه ،؟؟؟ ورافعها حاجبها...
ابتسمت بسوم وهي تقول: اييي ولدي هذا اسمه سهيل ..
انصدم الحميع من ردها محد كان متوقع ردها بس هي تبا تحسم الموضوع بينها وبين مشعل خلاص ما دام ان من اوله جذيه ينعاف تاليه ..
ساسرتها ام مشاري وهي تقول : كنت حاسه انج عوبه لكن الحمدلله ان ريلج كشفج على حقيقتج...
ابتسمت وهي تقول لخالتها: وانتي صاجه يا خاله اسمه طليقي مب ريلي لازم تفرحين اليوم وتخلين فرحتج فرحتين وابتسمت وهي تقوم تشل سهيل تبي تلبسه وتبدله ودخلت الغرفة عند مزننه حضنتها وباركت لها وطلعت عنها وشافت غدير عند دري وهي تقول: ما توقعتج ي بسمه جذي تسوين .. ابتسمت بحزن والم وهي تقول: اخوج ما يستاهلني صار لازم يعيش مع غيري ...
لفت عليها غدور وهي تقول: ليش قاعده اسوين كل هذا عشان نكرهج ويكرهج مشعل ترا بطريقه هذي ما راح تكرهينا فيج راح نحبج ونتعلق بج زوود ..
:
:
:
بكت غصباً عنها وهي تقول : تكفين يا غدور ملاص لا تبكين ..
غدور: شلووون وانتى قاعده ترمين بنفسج في تهلكه يبين انه مو ولدج الولد اجنبي ...
:
:
:
بعدها طلعت بسوم لبرى تغير جو مع سهيل اللي كان يلعب بدرفانه وتشوفه كيف حبته وتعلقت فيه وصار ينام عندها ويناديها بماما وقالت لاهل مشاري انه ولدها بس غدور ما صدقت بسمه لانها عارفه انها لتفارق روحها وقلبها بمجرد ما يقولون له عن الولد ....
:
:انتهت البارت
انتظر توقعاتكم
بسمممه ومشعل وفي خطبه نواف شنو راح يصير

:

إرتواء نبض ,كتف ثالثه ,مجنون قصايد معجبون بهذا

مثيره يابنتي
تفاجأت بالاحداث

بيض الله وجهك هات كمان

دجى الليل معجب بهذا

مشعل ماهووو ببسيط
والله عليه افكااار فن فن فن

دجى الليل معجب بهذا

ايييه هذا من بعض ما عندكم ،، تسلمووون والله انتظروني في البارت التاسع والثلاثون ما قبل الاخيرر

عـــودالليل معجب بهذا

فكر جميل جدا وفيه عنصر المفاجأه
لانتنبأ بما سيحدث
وهذا مازاد من قوة الروايه

دجى الليل معجب بهذا

انا دائماً نصيرة الحب الصحيح ومعاه
انا داعمة لبسمة ولو تقرص مشعل شويا احسن كمان
لأنه اللي مو قد الحب أيا كانت صورته ويسمح للشك يدخل

ما يحب من قلب ..
اللي يحب يثق..




ننتظرك بشغف..

دجى الليل معجب بهذا

عود الليل ما قصرت واخيرا شرفت روايتي المتواضعه الله يبيض وجهك وشكرا ع الاطراء ..
كتوووفه يا قلبي عيل تريي البارت التاسع والثلاثون بيعيبج بامر الله انا متاكده ... كونوا بالقرب احبتي
وشكرررر خاص لعمو نجم اللي حثكم على قراءه روايتي وشكرا لكم كلكم والله وننتظر البقيه وكونوا بالقرب بادن الله سينزل اليوم البارت

كتف ثالثه معجب بهذا