متاهات

كثر غيباته اللي دون لا سبه ولاتبرير
كثر ما برر غيابه علي واعانق طيوفه

انا م حتلت في شوقي ولو ان المشاعر بير
ادور راحة عيوني يوم ان الراحه بشوفه

ترا حرب المشاعر لاطحنت ماحولها تحرير
اثرها بالزمن باقي وكنها حالة الكوفه

عزمت الصبر مير الصبر نوًخ من قساه بعير
وطلبت الحظ مير الحظ ماصافح لي كفوفه

ابالي من ظروفً مدلهمه مالها تصوير
تعرض بي هبوب النود يوم الكبد ملهوفه

اشوف ان الطريق اللي بلا لفه ولا تدوير
بغيت اسلك مساراته وعيب نفسي تطوفه

متاهات الطواري لو ندور بها يتيه الطير
وانا نفسي من ظنون البشر ماهي بمكلوفه

مادام ان الامل روًح قفاه الحب والتقدير
كثر خير الزمان اللي مغرقني بمعروفه