الله يحييك معنآ هـنـا


 
العودة   منتديات قصايد ليل > ..✿【 قصــــــايـــد ليـــــــل 】✿.. > …»●[دواويــن الشعــراء والشاعرات المقرؤهـ المسموعهــ]●«…
 

…»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. }

إنشاء موضوع جديد  إضافة رد
 
أدوات الموضوع انواع عرض الموضوع
#1  
قديم 12-18-2008
Saudi Arabia     Male
SMS ~
سلام ... !
لوني المفضل Black
 عضويتي » 52
 جيت فيذا » Nov 2008
 آخر حضور » 08-25-2017 (08:10 AM)
آبدآعاتي » 6,210
الاعجابات المتلقاة » 1
الاعجابات المُرسلة » 0
 حاليآ في »
دولتي الحبيبه » دولتي الحبيبه
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » نادر الوجود is an unknown quantity at this point
مشروبك
قناتك
اشجع
مَزآجِي  »
بيانات اضافيه [ + ]
افتراضي الديوان المكتوب للشاعر / تركي الميزاني المطيري " المقروءهـ" المكتوبه



السلام عليكم ورحمة الله وبركاته

احببت من خلال هذا الموضوع ان انقل لكم بعض القصائد اللتي جمعتها

للشاعر / تركي الميزاني المطيري


ياحرفي

ياحرفـي الـلـي ضــاع مابـيـن الدفـاتـر والـرفـوف
الـلـي رسمـتـه مــن تنهـاتـي ومــن حـبـر قـلـمـي

ضحيت لاجله في حروف وقمت لاجله في حروف
وصبـرت لـو النـار مـن فوقـي ومـن تحـت iiقدمـي


ياصاحبـي ياللـي علـى شانـك تحـديـت iiالـظـروف
اسمـع كلامـي زيـن وافهـم وش اقولـه مـن iiفـمـي


ماهوب انا اللـي تتركـه بيـن الخناجـر iiوالسيـوف
وتمـص دمـه بـيـن خـلـق الله يامـصـاص iiالـدمـي


انا بـدوي(ن) ماسكـن فالوقـت مسكـان iiالضعـوف
اتـبـع هــوى بـالـي واسـيّـر عـنـد ذودي iiوغنـمـي


صمتي يدل اني وفـي ومسـوي(ن) فيـك iiمعـروف
وصبـري يـدل انـي مـن زحـول الصناديـد iiانتـمـي
ياقـوم ياللـي تذبحـون الحيـل قــدر(ن) للضـيـوف
وش رايكم ف اللي يعشينـي مـن وصـال iiلحمـي؟


وقفت له يوم اجلسو واجلستلـه نـاس(ن) وقـوف
غير الذخيـره والفشـق فـي محزمـه مـن iiمحزمـي



جرح المفارق
على الهون ياجرح المفارق وضيق البال
على الهـون ياهـم(ن) سطـا بـي iiوقدرتـه

على شـان مـن ذوقنـي الحـزن iiوالغربـال
وفجيت له بـاب(ن) عـن النـاس iiسكرتـه

حفـظـتـه ودلـلـتـه وغـنـيـت لـــه iiمـــوال
وتـخـيــرت قــربــه لـيـتـنـي ماتـخـيـرتـه




لي صاحب قدره على الراس والعين
لي صاحب قدره على الراس والعين
اللـي عسـا المـولـى يـطـول iiحيـاتـه

حـرن كريـم ومـن رجـالـن iiكريمـيـن
قـلـيـل فـالـعـالـم يــســوي iiســواتــه

بالطيب والنوماس والمذهـب iiالزيـن
والـعـرف والتقـديـر هــذي iiصـفـاتـه

شاهـر ليـا عـدو زحــول السلاطـيـن
اســـم يـسـجــل فـالـوفــا iiذكـريـاتــه

في مجلسـه تلقـا هـل العلـم iiوالديـن
اهــل الشريـعـه والـنـقـا والسـمـاتـه

ياناشـد عنـي مـروح عـلـى iiويــن??
الــدرب واضــح مانـضـيـع iiجـهـاتـه

منصاي من شوفه يسـاوي iiالملايـن
شيـخ حـفـظ ديـنـه وصـلـى iiصـلاتـه

ابـن جــزا شـاهـر زبــون iiالمخلـيـن
لا طيـب مـن قبـلـه ولا طـيـب iiفـاتـه

اقبـل سلامـن مرسلـه تركـي iiالفـيـن
ببيـات مــن شـعـره ومــن مفـرداتـه




السلسال
لي الهون ياجرح المفارق وضيق iiالبـال
علي الهون ياهـم سطابـي وقدرتـه !

اعزك لوانـك جـرح ومجاهـدك iiقتـال
وروضت جسمي لاجل سقمك iiصبرتـه!

لاجل من ملك قبي من الجال لين iiالجـال
وفجيت له باب عـن النـاس سكرتـه !

وحطيت له عن شمس قيظ الغرام iiاظلال
وشيدت لـه بيـت بقلبـي وعمرتـه ii!

عشقتـه ودللتـه وجريـت لـه iiمـوال
وتخيرت قربـه ليتنـي مـا تخيرتـه ii!

رعي ريف قلبي لين صار الحشا iiمدهال
وعن مدهله جنبـت غيـره وذيرتـه ii!

سقيته من عـدود الغـلا والغـرام iiزلال
بعد ماجذب مـن دم قلبـي وصدرتـه ii!

اداري عليه من الزعل وازعـل العـذال
وخطاه ان كبر في عين غيري تصاغرته!

ترافقت انا وياه مـن يـوم كنـا اطفـال
تكون غـلاه بوسـط قلبـي وكبرتـه ii!

قبـل مايغطـي ليلـه المنتثـر بالشـال
سرقت الكرى من نون عينيه iiوسهرتـه!

نقش كل حرف من حروفي على السلسال
تباهى بها واغـاظ نـاس مجاكرتـه ii!

وكتبت القصايد في عيونه علي iiاليامـال
وليا مرنـي صـوت النواخـذ iiتذكرتـه

تكاثر علـي الله يجازيـه كيـف iiالحـال
وانا يوم اسوق العمر له ما تكاثرتـه ii!

وبعد كل هالتقديـر والحـب iiوالاجـلال
تغيـر وهقواتـه علـيـه iiمغيـرتـه!

لبسته ثياب الغطرسه ليـن جـا iiيختـال
وكبر في عيونه يوم الاوهام غررتـه ii!

واذاالسالفه ضحك ومهازل ولعب iiاطفـال
خبطت الغصن لين ابرق الريش طيرته ii!

خلصنا وقفلنـا الصناديـق بـا لاقفـال
ومن جور حكمه كامل القلب حررتـه ii!





دروس وعبر ...!!
الحياة افراح واحـزان ودروس iiوعبـر
والتجـارب صفحـة ايامنـا iiوكتابهـا

مهما زاد الشخص في المال والعز وكبر
وأهدته شهوات نفسـه جديـد iiثيابهـا

وبرقت له زيف الايام وأغرتـه iiوعبـر
المصير أرضه يلحـف عليـه ترابهـا

والمصايب حملها سـم ودواه iiالصبـر
ورحمة الله دون خلقه ماسكـر بابهـا

وعن حياة الآدمي شيمته تبعـد iiشبـر
وإن فقد من شيمته شي نفسه iiعابهـا

وانقبر في العيب لو ماتوفـى iiوانقبـر
والحياة اللي بهـا نقـص iiمانرضابهـا




ياصاحبي
ياصاحبي واللي خلق نعمة iiالسمع
إنك هنا بيـن المعاليـق iiثابـت

ماجيتلك صدفة ولاجيتلـي iiرمـع
وإن غبت عني فرحتي معك غابت

غيري عبث فالحب بسياسة iiالقمع
لكـن لا ودت ولا يـوم iiجابـت

إلا محبك من عشق يحسن iiالجمع
ماشاب حبه لوقوى فيـه شابـت

والدمع هذا اللي تشوفه مهو iiدمع
اشعلت عيني لاجل اشوفك iiوذابت

واللي نزل منها على خدي iiالشمع
ارقد مدام الشوق فالقلـب iiنابـت




سيره بطل
يافالق الصبـح يامولـج نهـارك iiبليـل
ياجامع الناس في يوم البعث و iiالنشـور

عليك كل إتكالـي وأنـت نعـم iiالوكيـل
يا عالم بالمصيـر و ماتكـن iiالصـدور

يالله يالله تهديـنـي ســواء iiالسبـيـل
و تعصم لساني عن الزله وعن كل iiزور

الشعر موقف وحده مثـل حـد الصقيـل
لو كان كتله من احساس البشر iiوالشعور

ياما رقابـي ورقيتـه بـراس iiالطويـل
وياما سبح بي بحور وغصت به في بحور

وانا ليا حـان ميقافـي قبسـت iiالفتيـل
و اوقدت من نار فكري للمسافـات نـور

واليوم لاهنت ياشعـري مايخـدم iiبخيـل
مادام سلحتـك الافكـار مانـت iiمعـذور

قدمك من العز مايروي ظمـا كـل جيـل
سوالفه تزرع الامجـاد فـي كـل iiبـور

وقدمك لميع الهنـادي والقنـا والصقيـل
وقدمك من المجد ماترويه كل iiالعصـور

مسافتـه عـز ماتنقـاس كيلـو iiوميـل
بركانهـا ماخمـد وامجادهـا iiماتـبـور

ياموكب الشعر وقف واستمع لـي iiقليـل
حتى اني اعطيك للتاريخ رخصـة عبـور

سيـرة بطـل ماتغيبهـا حكايـة iiرحيـل
تبقى بوجه الزمن كالنحت فوق الصخـور

ماكانت ارض الجزيرة قبـل ذاك الاصيـل
إلاتفكـك عقيـدة وانـحـدار iiودبــور

نهارها كـم قتيـل وليلهـا كـم iiقتيـل
جنايـزٍ مالهافـوق البسيطـة iiقـبـور

قويهم سلطتـه تسلـب حقـوق الذليـل
وشيطانهم ساد والظلم انتشـر iiوالفجـور

وكلٍ لخصمه من اصناف العـداوة iiيكيـل
وصدورهم من جهلهم فالمعاصي iiتفـور

مال الاْمن شجـرةٍ فيهـا مقـر iiومقيـل
ولابينهم للمودة فـي الجزيـرة iiجسـور

هذا قبل هيـت تخطيهـا عيـون iiالدليـل
وهذاقبل سطوة القرم العـزوم iiالصبـور

النادر اللي على العارض يهيـم iiويخيـل
من يوم عمره عشر شوره غلب كل iiشور

من قو باسه صنع ممكن من iiالمستحيـل
ومن طيب راسه يحل معقـدات iiالامـور

زهابه الصدق والاخلاص حمل iiالصميـل
وسلاحه الدين والتقوى سـلاح iiالغيـور

جمَع شتات القبايل ليـن صـارو فصيـل
واخوان عقب التناحر والجفـا iiوالشـرور

وحكم بشرع الكتاب اللي ماغيـره iiبديـل
وعم الفرح فالبلاد وساد كـل iiالسـرور

لامـال ميـزان غيـره مايحيـد ويميـل
في سطوته ينكسر راس الجهل iiوالغـرور

شخصيته مالها فـي كـل جيلـه iiمثيـل
تجف الاقلام وبمدحـه تضيـق السطـور

والله ليبطن ماجابـن ناقضـات iiالجديـل
مثله ولااقول في كل النشامـى iiقصـور

ويالله يامستجيـب للـدعـاء ياجلـيـل
من عبدك اللي لك مطيع وذليل وشكـور

ترسل على قبر ابو تركي صدوق iiالمخيل
وسمٍ يساقيه من غر السحـاب iiالبكـور

وتهـل فوقـه بسيـل مايلاديـه iiسيـل
وترحم عظامه وتغفـر زلتـه iiياغفـور

وتجمع به المصطفى في جنتك iiوالخليـل
وتحفظ عياله مواكير الحـرار iiالصقـور

وإنك تجمـل وتهدينـي سـواء iiالسبيـل
وتعصم لساني عن الزله وعن كـل iiزورٍِِ




ماني مجازيك
ماني مجازيك في صدك iiوهجرانـك
ودعتـك الله وتلقـى واحـدٍ ثانـي

أتعبت الأعيان والأقدام من iiشانـك
وانته ولاشئ سويته علـى iiشانـي

فزيت لك يوم قلت اسمك iiوعنوانك
لوكان ماتنتمي لسمـي iiوعنوانـي

ماجيت ادورك و لا أطـق iiبيبانـك
والا أترجاك مثل أفـلان iiوافلانـي

أنت الذي جيت لي وأعلنت بلسانـك
انك على شوفتي جايع iiوعطشانـي

صدقت هجرك ومنطوقك من السانك
وأقبلت لك مندفع من كل iiوجدانـي

ما كنت أفكر يجي في يوم iiنسيانـك
وأنساك وانته معاهدني ماتنسانـي

الابعد ما قريـت الكـذب iiفاعيانـك
حاولت اوادعك وانسى كل iiماكانـي

خلاص مانـي بمتعنـي iiعلشانـك
ودعتـك الله وتلقـى واحـد ثانـي




الخلطه السريه
ياعذابـي منـك ياموتـي وياحرمـانـي
زابنـك بالله تخفـف عنـي اللـي iiفيـه

من عذابي وشهور اللى باقـي ماجانـي
في عيوني من عذابـك صايـر iiماريـه

وانت تعـرف كـل ماتحتاجنـي iiتلقانـي
يشهـد الله عنـك ماتقـدر تشـح يديـه

بـس تكفـي لاتعذبـنـي ولاتنسـانـي
ضمني يانور عيني فـي حشـاك شويـه

كـل ماشفتـك تدخلنـي بعالـم iiثـانـي
عين تنظر لك بشـر و الثانيـه iiحوريـه

فيك شيطان الهـوى ياسيـدي وصانـي
بالغـلا والولـف والتقديـر iiوالخنـيـه

والقصيده اليا بغيتـه فيـك iiمايعصانـي
يتباشر في وصـوف عيونـك iiالسحريـه

ياوجودي لـو أشوفـك يابعـد iiخلانـي
يشهد الله لحذف الغتـره مـع iiالطاقيـه

كيف أنا المجني عليه وكيف صرت الجاني
لعنبوا حظك ضبطـت الخلطـه iiالسريـه

لين من حبك ومن طيشك نسيت iiاخوانـي
صرت أجـي واروح لاهـاذي iiولاهذيـه

والهوى هو حاكم شعوري وهو iiسلطاني
لاحصل لـي منـه لارحمـه ولاماويـه

أشهد أنـه راح فيهـا تركـي iiالميزانـي
ومن يكذبني يعـرف الخلطـه iiالسريـه




البارحة
البارحة يـوم كـل نايـم يـا iiنايـف
أخـوك ماهـوب لانايـم ولا iiواعـي

يحوف قلبه من همومه ميـة iiحايـف
من غير هم قديـم بيـن iiالأضلاعـي

هم يزعزع جبـال طويـق iiوالطايـف
مخفيه له مدة مـع باقـي iiأوجاعـي

لاشك ماني بمن غدر الزمـن خايـف
أعرف دخولي بعد ما عرف مطلاعـي

لكن الأيـام منهـا خاطـري iiعايـف
لو أنهـا تجربـة عمـر iiوتمتاعـي

يلوفني عن مقاصـد خاطـري لايـف
وأمشي مع الدرب وعيوني iiلمرجاعي

ولاعاد تنشد عيوني ويش أنا شايـف
مافي عيوني يسولف لك عن أوضاعي




بداية خاطري
على الله يابداية خاطـري يـا عاصمـة iiدنيـاي
على الله يالحـروف التايههفـي نظـرة التايـه

على الله يالطريق اللي معاريفك تعـب iiرجـلاي
على الله يا مسافر فـي طريـق مالـه iiنهايـه

الا يالليل لا تسري ولا تشـره علـى iiمسـراي
دخيلك لا تقـدم شرهتـك مـن دون iiمسرايـه

على شان الحبيب اللي يسابق نظرتـي وخطـاي
على نفس الطريق اللي من اجله تعبـت خطايـه

ترجيتك تساعدني وانـا منـدم علـى iiرجـواي
اذا شفتـك تـوادع ضيقتـي وتعانـق iiرضايـه

وانا اخترتك رفيق الدرب في صمت السنين الجاي
ولا اخترتك لين اصبحـت لـي اعـز iiاخويايـه

وانا ماعشت وقتي يا زمانـي بيـن راي iiوراي
انا عشته على عـز ورضيـت بحكـم iiمولايـه

ولااطرد من سراب الوقت مايخفي علـي iiمنـاي
اعيش الواقع الحاضـر لعيـن ايامـي iiالجايـه

مدام ان البحر ملك وهمسـات النسيـم اسـراي
عليـه مـن حزامـي ماتفـك ايدينـي iiالرايـه

كذا ولا كذا خاتـم مـلاك الفكـر فـي iiيمنـاي
يطيب بقربها قلـب الصديـق وتجـرح iiعدايـه

وانا فاللـي ورثتـه ورث لا بايـع iiولاشـراي
ومثلي فالوصايه مايبـي لـه هـرج iiووصايـه




رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الديوان المكتوب للشاعر / سلطان الهاجري "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 2 08-24-2011 01:04 PM
الديوان المكتوب للشاعر / محمد بن فطيس المري "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 23 07-03-2011 11:22 PM
الديوان المكتوب للشاعر / خلف المشعان العنزي "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 7 06-24-2011 10:03 PM
الديوان المكتوب للشاعر / ضيدان بن قضعان "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 0 12-18-2008 01:45 AM
الديوان المكتوب للشاعر / بندر بن سرور "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 0 12-18-2008 01:33 AM

Loading...


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية