غيم القوآفي يسقي ورود الأحلآم

قل للسما وين النجوم السهيرة
محتاج اسامرها على جمر الأشواق
اشوفها عن مجلسي مستخيره
حطت بياض الغيم من دونها رواق
قولوا لها دمع العنا تستعيره
وتسلفه غيم على الخد دفاق
واليا وقف سيل العيون الغزيرة
خلوا نجوم الشوق تنظر لمشتاق

عذب

اللي يقصر معك لاتسأله ليش
ماعاد في طرد المقفين حاجه

لاصار ربك رازقك لقمة العيش
خل البشر كل ٍ يعيش بمزاجه .!

يانجمة الليل يابعدك وياقربك
ابعد من البعد واقرب لي من انفاسي
اسامرك ضي واحلامي على دربك
واناظرك فوق والقى فالسما ياسي
مدري على النور اكتب سالفة حبك
والا سما البعد ماتستوعب احساسي

عذب

ولكـ منزلٍ في نايف القلب وخيام

وذود الغلا ترعاهـ... ولا شكيتكـ..

لا تسألني عن غلاك ودليله
انا اختلف عن كل عاشق وربّك
لاني احبك اشوفك جميله ماهو
على شانك جميله احبك.

ياليل لوتسمح ابسهرك وحدي
ودي افضفض لك من الراس للراس
ودي اغني لك من الحان وجدي
من هاجس يكتب عن الشوق باحساس
وان كان سال الدمع من فوق خدي
تعال وامسح دمعي وقول لاباس
مغير لك ياليل بيحت سدي
حذارك يدري به غشيم من الناس

بوحي

كني أبعد من نجوم السما وأقرب من ثيابك
يا عساك ويا عساني ويا عسانا
ويا عسى الدنيا تموت
وما يعيش الا ترابك
وأحبك واعشقك واهواك وإلا يفتح الله

كم واحد في عالم الحب مادش
نفسه كريمة بالمشاعر والإحساس
ماباق احساس ومشاعر ولاغش
متعــود صـدق التـعامل مع الناس
ماهوب مثل الي عطاياه مابش
يبخل وفيه من الأحاسيس اكداس
عنده مشاعر مار ماكن عندش
كنه بسوق العاطفة معلن افلاس
المسألة ماهيب درهم ولا قرش
نبض حبيس البوح مابين الأنفاس
وان كان عيا البوح للنبض ينعش
تلقى اكسجينه بين حبر وقرطاس
بوحي

جميل هذا البوح تسلم ياخوي
ويسلم أحساسك وذوقك
بانتظار المزيد من روائعك
كان هنا المسافر

اعشق استفزازي لك ...واعشق جنوني حينما اثيره عليك انت فقط ..