رواية/ وعندما رأت عيناي عيناك أدركتُ حينها أنك ستشقيني/ البارت العاشر

بِسـم اللّٰه الرحمٰن الرحِيـم
لا حولا ولا قوةَ إلا باللَّهِ العليِّ العظِيـم ..




^^ الجُـزء العـ(10)ـاآشر^^




ماني من اللي يقبلـون الاهانـه*** دون الكرامه ماعليه من الغيـر
ان كانها جتنـي كـلام ولعانـه*** والله لسعرها على الغير تسعيـر
وان كانها وجهاً لوجـه وبيانـه*** رديتهـا رد البـدو للمضاهيـر
كلٍ على ماقيل يعـرف مكانـه*** وانا ولد شيـخً يقـود الطوابيـر
وجدي وابوجدي زعيم بزمانـه***انشد وتلقى مع هل العلم تقريـر
ولانيب من يظلم وساع البطانـه***اللي لهم عند الاجاويـد تقديـر
ارفع مكان اهل الكرم والامانـه***اهل السلوم الوافيـات المناعيـر
الرجل له مبداء وعلـم وكيانـه***ولايقبل الزله من الغير تحقيـر
ان كان غيري يرتجـي برتقانـه***فانا رجاي اللي عليـه التدابيـر
ماني من اللي يسقط الحق شانـه***لانه ردي في منزلة نافخ الكيـر
راع النساء ياليـل دانـا لدانـه***الساقط اللي يرتجـي للغناديـر

ضياء: ما اتوقع انه يكون وراها،
سلطان برفعه حاجب: وليش الثقه
ضياء بادله النظره وهو يستند ع طاوله الاجتماعات: كنت اول واحد راح ادري ولك العلم
راكان تنهد وهو يناظرهم: انا ما استبعده، اكيييد هو ورا هالسالفه كلها، لازم نوقفه عند حده دامه واحد
سلطان بعصبيه: وقسم بالله ان كااان هو ل اراويه النجوم في عز الظهر
راكان ببرود: خلي عنك العصبيه المشاكل ما تنحل بالهرجه ..روق
سلطان برفعه حاجب:وجود مبرر للقتل ما يعفيك من عقوبه القصاص
ضياء بعصبيه: يعني بتضغطه ببنته اللي لاعب عليهاا
سلطان بحده: ببنته ولا بمرته اللي يهمني الحين القضيه
ضياء بقوه: كم مره قلت لك بنته غير عنه
سلطان صمت وهو لا يريد ان يرد ويثير غضبه اكثر
مؤيد ذو معرفه بهم من قبل والده صديق عائله ابراهيم قديما، والذي بدأ العمل معهم منذ فتره واصبح شريكهم في تحليل جزء من القضيه: الله يطول لنا بأعماركم، هالشغل أراى وتوافق
ضياء ناظر فيه وهو طالع بعصبيه متناسي مكانه سلطان والمكان الذي فيه :لا تعلق كل إساءه على مشجب الغيره
سلطان تنهد بتعب من تفكير ضياء الخاطئ وهو يغمض عينه ويعض شفته السفليه بقهر




،



اعادت قراءه الاسم اكثر من مره بعينين جاحصتين ، مصعوقه مما تراه، اهي تحلم .. ام حقا نصف دينها مجرد خدعه،؟! وضعت يدها على بطنها بضيق ويدها الاخرى وضعتها بتعبٍ فوق طاولةِ المكتب، تنهمر دموعها بغزاره، حاولت الوقوف ولكن قدماها غير قادره، طاحت على ركبتيها وصوت انينها يزداد، لملمت نفسها على الجدار وتضمها،

من اقسى المشاعر التي يتعرض لها الانسان هو الرخص والقهر والمزله ، تطاير الكلمات التي كانت تتراكم تحت اجسادنا عندما نعجز عن الدفاع عن انفسنا من بطش الحياة الذي يشتد عوده علينا شيئاً فشيئاا، صراخ قلوبنا عندما لا نقوى على شي، عندما يصبح كل شي حولنا ذا قوه وشده، ونحن لا حول لنا ولا قوه .. صراخها على والدها وهي تصّر وتأبى هذا الزواج السبب انها "خااايفه"؟! استصغر هذه الكلمه امام هذا الكم من الزل والقهر،
انا المذنبه،، عندما عاهدت نفسي ان اقف جامده حول تلك الجدران التي لا تقني برداً ولا تدفع عني هوى .. كان يجب عليّ ان ابتر قلبي لأمنعك من الانتشار بي، .ولكني راهنت علي قدرتي في احتوائك فِيّه .. لم استطع فقلبي لا يقوى امام الامواج الهادئه، امام كلماتك المبهمه، وامام تفاصيلكَ عندما تكون هادئا ولكن..
هاآ هي النتيجه
ليه يا طلال ام انت سلطان، . حياتي مجرد خدعه او بالاحرى لُعبه، صرت كرت عندك لما تخلص صلاحيته ترميه "بلعت الغصات المتراكمه في حنجرتها بقوه " وكل ما حاولت ابتسم للحياه تهويني في الخيبات

وقفت وهي تلمم شتاتهاا، طلعت من المكتب بثقل، كادت ان تسقط ولكن يدى " ماريه " كانت اسرع، جلستها على حافه السُلم
ماريه بخوف: انسه ملاك، وش صار فيك
ناظرت فيها بوجه باهت وعينان غارقتا بالدموع، وبصوت ضعيف:وديني الغرفه
ماريا وهي تساعدها ع الوقوف .. كانت خائفه عليها جدا، فحالها ليس على ما يرام، وش حصل لها، قبل شوي كانت في اتم الصحه،، يا ترى ،!!!!! لا لا ما اتوقع، مستحيل
ادخلتها الغرفه ملاك بصوت مرهق: ماريا .. ابقى اتوضأ
ماريا: ولكنك متعبه يا انسه
عضت شفتها السفليه بتعب: ارجووكي
ماريا تنهدت بقله حيله: حسنا
اخذتهاا الي الحمام، توضأت، فرشت لها سجادتها، ساعدتها في لبس جلباب الصلاه ..
ماريا باهتمام "وبلغه انجليزيه "انستي هل احضر لك بعض الطعام
ملاك بنظره: تدري حنا برمضان يعني صايمه
ماريا بخوف: ولكنك متعبه وانا اخاف عليك
ملاك: لا بأس ماريا فأنا بخير
ابتسمت لها على مجاراتها باللغه الانجليزيه، ثم اردفت: الم تقولي لي ذات يوم "ان الله لا يأمرنا بالهلاك "
ابتسمت ابتسامه صفراء، علمت من خلالها ان كلماتها لم تذهب سُدى، وبخفوت: ليس هناك ما يدعو للضروره، قسط من الراحه وسأتحسن بإذن الله
ماريا بأمل: رب السماء يرعاك .." وخرجت "
بعد ما فرغت من صلاتهاا، وضعت كفوفهاا على صدرها وهي تحضنهم بقوه، غمضت عيونها وبخشوع تنهدت "اعِدّ إلىّ قلبي القديم يااا اللّٰه،، اعدني بنقاآئي كماا خلقتنِي ، لا تحزنني المواقف ولا الخذلاان، أعدني بقلبٍ مطمئن بوجةٍ لا تسوءه الكلمـات، ولا تربكه الموااقف "
فرغت من دعائهاا .. وبقرف توجهت الى الحمام لتفرغ كل ما في معدتهاا، غسلت فمها ووجهها الذابل،، وضعت يدهاا على فمها كي لا تصرخ ودموعها تنزل وتستقر على كفهاا،،
مسكت مقبض الباب رجولها ما عادت تشيلهاا، جلست وهي تنزلق بكت بقهر وبصوت مختنق: الله ياخذك، الله ينتقم لي منك يا سلطان، ما كفاك اللي سويته تخدعني انا، وكيف هان عليك ابوي تطعنه بظهره وتمسكه من يده اللي توجعه، كيف هان عليك تصطاد بنته بعد ما عطاك الامان .. يااارب طلعه من حياتي ما ابغاااه خلاص كااافي اللي شفته ليي متى؟!




،




بصوت مبحوح من كِثر البِكي: اشتقت لكم يمه، اشتقت لكم حيل
صوفيا وهي تمسح دموعها: وحنا بعد اشتقنا لك ..
مسحت دموعها: شلونه راكان؟ يتصل فيك يمه وش حاله طمنيني عليه
صوفيا: راكان طيب يا روح امك لا تعذبين حالك و تضايقني
بصوت مخنوق: ادري انه مجافيني بس قدر ربي اقوى
صوفيا: كل شي وله وقته، هانت وان شاءالله عن قريب نلتم
:ان شاءالله
صوفيا ناظرت زمرد اللي اقتربت منها: شلونه عبدالله يا بنتي طمنيني عنه؟
:بخير وعافيه، يلا يمه اتصل فيك بعدين
صوفيا بإبتسامه: ان شاء الله سلميلي عليه ..
حطت جوالها وهي تتفادى نظرات زمرد
زمرد: شلونها
صوفيا: طيبه وتسأل عليك
زمرد بتنهيده: عليها العافيه



،




حنان بحنيه: اتزوج يا يمه عسى ولعلّ بالك يهدى ويرتاح
ضياء: ما راح ارتاح ولا يهدا لي بال الا اخلص من هالقضيه، اجليها
حنان بتنهيده: اسمع مني يمه لي متى وانت تأجل، والعمر يمشي، ومنى عيني اشوفك معرس واشوف عيالك حولي .. ابغى اطمن عليكم يمه
ضياء بعد تفكير وصمت دامت لعدة دقايق، ناظر لها:ربي يبارك لنا في عمرك يمه وتفضلي دايم حوالينا بصحتك وعافيتك يارب، اجل دوريلي على وحده زينه
حنان بفرحه مخفيه: وليش ندور وبناتنا ماشاءالله عليهم كل وحده تقول للقمر انزل اجلس مكانك.
ضياء: كلهم بره ما ابغاهم
حنان: ليليا موجوده
ضياء: بنت خالتي ريهام
حنان: إيه، إش فيها البنت؟ اسم الله حولها وحواليها
ضياء: لا تكوني داعيه علي يمه وش ابغى فيها، وانا ناقص
حنان فهمت عليه وبضحكه: بكره بس تتزوج تعقل، وبعدين ما راح تلقى احسن منها في الديره كلها
ضياء: بس يمه ..
حنان: ولا بس ولا شي انت توكل على الله وانا اشوف راي البنت وان شاءالله توافق
ضياء ناظر امه وفي قلبه تنهد "ان شاءالله ما توافق "




،



عطاه ظهره: بعِد طلاال وكل هالمشاكل بتنحل
فارس وهو يغمض عيونه: طلال للمره الالف ما راح افصله عني، كل شي الا طلال
ابراهيم ناظر فيه بتضيق: الثقه الزايده تطيح الطيار
فارس وهو يفتح باب المكتب في رجوعه للبيت: لا طيار ولا معمار.طلال ما راح ابعده مني ولو السماء انتطبقت مع الارض، هالفكره شيلها من راسك" طلع "
تنهد وهو يجلس بحيره: والله لو تدري من طلال ووش قاعد يسوي وراك ما كنت قلت هالكلام





،




اعلن هذا اليوم الجميل في بدايته والسيئة في نهايته بالانتهاءه

لم يتبقى لأذان المغرب سوى ساعه ..





اختنقت من التفكير .. عزمت على النسيان في هذه اللحظه، مُذ ان اشرقت شمس رمضاان لم تتهنى به وتروي عطشها ببعض الاياات ..
حملت مصحفها وبدأت تقرأ وترتل بخشوووع وصوت رباني، وهي تتدبر ايات القرأن الكريم ..
إلى ان وصلت "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ
(155)الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)"
ـ البقره ـ
سالت دموعها بغزاره وهي تستشعر الايه الكريمه ووعد الله على الصابرين، رغم المواقف الصعبه في حياتها هناك ايات سكينه تتلى في قلبها، وظني فيك يا ربِ جميل، في كل مره كنت اقع فيهاا، اقع وكأن نهايتها مروعه، وكأننا لا نملك ربٌ رحيم، يجازي عبده بما يريد ويبتغي، لك الحمدُ يا الله على التوبه والايمان ـ لك الحمد على هذا الدين ولك الحمدلله حتى المنتهى على الصبر الجميل ، ..
بصبر لين ربي يرزقني مفتاح الفرج، بس ابوي لازم يدري عنه؟ بس شلووون؟؟ وهو محطم جوالي،، حسبي الله عليك ..

دخل البيت بتعب وهو يرمي مفاتيح سيارته عالطاوله، ناظر ماريا من شباك المطبخ، ابتسمت له عندما رأته ..
:هلا ماريا كيف حالك
ماريا: نشكر الرب
سلطان بإستغراب: وين ملاك
تنهدت بحزن: حالها من الصباح ما عاجبني
رفع حاجبه: ايش فيها
ماريا: والله ما ادري عيت تقولي، فجأه رحت المكتـ..
سلطان بمقاطعه: طيب انا بشوفها، جهزو الافطار

طلع الغرفه ما لقاها .. هَم بالخروج ..لمح إسكتش رسم ، رفعه وهو يناظر اللي فيه بتمعن "كانت رسمه لعينين حادة بحواجب معقوده "ماشاءالله، العيله موهوبه!من هذا اللي ترسمه؟..وطعها على الطاوله وهو يردد اني صائم ،، نزل لماريا وسألها: لا ما طلعت اليوم من البيت، تكون بغرفه ثانيه
طلع للمره الثانيه وصار يدور عليها بالغرف ..
الى ان وصل اخر غرفه من الزاويه وهو على اخر عصبيته ، وقف قُرب الباب وهو يسمع صوتها الروحاني وتلاوتها العذبه لكلمات الله ..وكأنها تملك مزمار من مزامير سيدنا داؤود عليه السلام،كانت تقرأ بصوره متفرقه من كتاب اللّٰه، خرقت مسامعه تلك الايه التي تبث السكينه في قلب المؤمن " ( هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ) الفتح/4ـ أثلجت قلبه بهدوء، وكأنها بهذه الايه وذلك الصوت العذب ألقت الطُمأنينه التي يلقيها الله في قلوب عباده، تثبت القلب وتنزل السكون والوقار، ولا تؤثر فيه المحن، بل يزداد ايمانا، اقلعت عنه ذلك الحال.. اغمض عيناه بتنهيده وهو يضع يده على مقبض الباب، وكأنها تعرف دوائي، لا قدره لي امام كلمات الله يا ملاك، وكأنكِ تقرأين أيات تهديني عندما تشعرين ما الذي سيحدث بك بعد اعمالك .. عندما تنشلني من حال لا اعلم ماذا احصد بعده من شرّ .. اللهم لولاك ما اهتدينا ولا صدقنا ولا صلينا، فأنزل السكينه في قلوبنا وثبت اقدامناا

فتح الباب بهدوء وهو يدخل،,,
انتفضت وهي تشوفه داخل، حطت المصحف وعدلت شيلتهاا
سلطان بهدوء: تقبل الله
ملاك نزلت عيونها وبصوت مبحوح: منا ومنك صالح الاعمال
سلطان: جالسه هنا وانا ادور عليك
اكتفت بالصمت ..
قرب وهو يجلس على السرير، ابتعدت شوي، حس على حركتها بس ما حط شي في باله: سألت ماريا عنك قالت عنك تعبانه
اختنقت من صوته وكأن انفاسه ضيقت عليها الغرفه
سلطان بهدوء: تعبانه؟؟؟
ملاك بألم وصوت هزيل: اشتقت لأبوي وامي
بخبث: اتصلي عليهم
ملاك بتسرع: لا ابغا اروح لهم
تنهد حتى لا يثور : متى طيب
ناظرت فيه بإستغراب، ما توقعت يستجيب لها، قوت نفسها: اليوم
سلطان: لا بكره
ملاك: لأ ابغـ..
غمض عيونه وبهدوء: ملاك لا تخليني اعصب عليك حنا برمضان وصايمين قلت لك باكر والحين انزلي الافطار
ملاك وعيونها امتلئت بالدموع وبغصه: الحمدلله اللي عرفت حنا برمضان وصايمين مهو حرام عليك تمنعني من اهلي طول هالفتره، ..
ابتعد عنها حتى لا يرتكب جريمه: انزلي الافطار
اختنقت من طريقتة، يوبخني ولا يستفزني ببروده ..


ناظر لها بتضيق وهي نازله، مستغرب من لبسها " جلابيه وشيله،!! وش لازمتهاا،، وبهالجو "، اليوم صايره غريبه؟!! ..
إلى متى ستُربكني "عيناك "؟
سلطان: قربي
ويرتجف رمشي وشفاهي من حده صوتِك،، متى يرفع الستار ويظهر ما في الخفاء..

اقتربت ماريا بهروله وهي تحمل هاتف المنزل بيدها، ناظرت ملاك بتوتر، ارجعت نظرها إلى سلطان ..
لم تغب تفاصيلها عند ملاك، اصبحت تنتبه إلي ابسط الحركاات، او بالاحرى من اليوم ستضع كااامل ذهنها على ما يدور حولها ..
ماريا بصوتها المتوتر: سـ.. طلاال ..
ناظر فيها بقوه من ذلة لسانهاا ،!

ياا شقائي من فداحة كذبتك وعواقبها التي سأجني ثمارها شقاء ، اي اسمٍ هو لك؟ لا يهم كلاهما يبعثراني رغم صلاتي وسُكني وسكينتي
سلطان برصه: خير
ماريا: في احد في الجوال يبغاك
سلطان وهو يتناول كأس الماء والتمر: مَن؟
ماريا: مااا .. ادري
سلطان:قولي له مشغول
ماريا بتسرع: يقول يبغاك ضروري
سلطان بعدم استيعاب وهو يمضق التمر بهدوء: طيب ما قال اسمه
ماريا تتنفس بصعوبه: إلا قال، اسمه سعود
تردد الاسم في اذنيهااا "سعووووود " لا بُد انه والده، يا مرارة الوجع التي تنفك بي
فز سلطان وهو يمسك الجوال منها ويبتعد عن مسامع ملاك
تحدث إليه بلهفه وشووق
سعود بجمود: سمعت انك بالرياض
سلطان اغمض عيناه: إيه
سعود: وش بغيت منهاا؟
سلطان بنفس وضعيته ذلك الجبل الذي لا يهتز رغم براكينه المتفجره: لحتى ارجع اللي راح يابوي
سعود: وليش ما علمتني
سلطان: ما حبيت اشغلك وانت بالغربه
سعود: والحين
سلطان: مباشر فيه، وصرت عونه وللأن الامور تسر ولله الحمد ..
سعود: ربي يوفقك يا سلطان، بس ما احزرك من فارس اذا كشفك بتروح فيها تراه داهيه يمشي عالمااي
سلطان: ادري عنه زين، بس ما يقدر علي ..بعد صمت ـ يبه ابغاك تكون راضي علي،
سعود: ربي يرضى لي فيك طول ما انا راضي عنك
سلطان عصر عيونه باصابعه وبتنهيده: انا تزوجت بنته، بس والله كنت مجبور
سعود بإبتسامه رضا: سو اللي تشوفه صح يابوك، هذا شغلك وانت المسؤول عنه، بسس لا يكون بنته نفس الطينه
سلطان بتقرف: ما استبعد انها تكون مثله، مير اني اخلص من القضيه بعطيها ورقتها
سعود بحكمه: سلطان يا ولدي تريس ولا تأخذ كل الامور من نفس الاتجاه، ابغض الاعمال عند الله الطلاق، ويمكن مع الايام بنته تتصلح وتكون كسبت فيها حسنه

ختم حديثه معه بسرعه، لانه يعلم ان هذا الوقت، هو وقت الافطار بالسعوديه ..
رجع وهو يفكر في امر ملاك وكيف سينهي هذه العلاقه، كل ما فكر في الطلاق، يطلع له عايق ويلخبط له حياته ..
كانت تتفادى نظراته،، بحق الله كيف اتجاوزُك؟ وانت قدرٌ لا مفر منه ولا هروب .. من الملام على كل هذه المصائب؟ الواقع؟ واي واقع هذا .. اشبه بالخيال والقصص الخرفايه! القدر؟! لا حجه لي عليه فالله يصرف حيث يشاء ورغم الفجيعه قلبي يقلي "وراه حكمه " ..والأن اعظم مصيبه اواجهها " عينــاك " سببهاا، والحل هو الخلاص، يا رجلا احاطني هواه رغم ذلة واهاناته، ومع كل ما بدر آمنتُك نفسي، وانت تسحبها الي حافه الانهيار يا اتزاني بكلماتك ..

عند سلطان كان يفكر "انا بهالطريقه ما راح اقدر اتابع، لازم ينتهي هالشي، عاجلا ام اجلا راح انكشف، بنت ابوها هذي ولازم اخذ حذري منها، مير اني ما كسبت منها شي "تنحنح وهو يردف ببرود، دون ان ينظر إليها: تجهزي، بعد صلاة التروايح بوديك عند امك
ناظرت فيه بإستغراب
لاحظ لها، وبرفعه حاجب: مو هذا اللي تبغيه،خلاص
ابتسمت بسخريه: ما ادري وش السبب اللي يخليك تستعبدني بهالطريقه؟
ناظر فيها بتعقيده حاجبيه المعتاده وببرود مماثل لها: ما اعتقد انه في اسباب
ملاك بغضب: بس انا اعتقد ومتأكده بعد
سلطان رفع سبابته وبقوه: صوتك لا يعلى، لا اقص لسانك "وقف وهو يهم بالخروج من صاله الطعام
تكتفت والدمعه تقترب من النزول، عرفتُ فيما بعد ان الاخلاص الذي تتشدًق به في كل حين، هو ان تخون بحذر! تنهمرُ في الإساءه، وأمعِن في الانصات .. يتسع الثقبُ في قلبي، ويتسرب حُبك ،! هو الأن يسيل كعصاره حارقه، يبلل قمِيصي، ويقطر على اصابع قدمِي! كنت اعول عليك ان تحميني من أشياء كثيره، وعجزت ان تحمِيني حتى من نفسك .. لم استحق ابدا ان تهاجمني بهذه الطريقه، انا اضعف مما تتوقع ..





،


مُنتـصف الليل ..

ما كان لازم ترجع .. اصمد يا بوك ،، ركوني يابوك لا تفهم غلط .. .. لا تغلط يابوك لا تغلط،،حبيب امك ما تركت برضاي،، قرب انا بحاجتك يا ضي عيون امك ،، انتظرك لا تتراجع .. عيوني هي طريقك، واصل فيه انت تقدر ماهي مستحيله
فزع من نومه وهو يمسك رأسه المتعرق بتعب: يكفيييييييي يكفيييييييي خلاااااص والله تعبت!، تعبت ..منت راضي عني يابوي
الصوت يتردد ويخترق اذناه "عيوني هي طريقك واصل فيه "..
تغوقرت عيناه بالدموع وهي تأبى بالنزول لتريحه من هذا الارق، وبصوت هزيييل، مبحوح: من إنت؟ ووش تبين فيني ..تكفين ابعدي عني خلاااص
يراهم امامه ..حتى تلك الفتاة صاحبت العيون الزرقاء.. يعلم انه فقد اعصابه وهو يتخيلهم ويسمع كلماتهم ـ



،





ارتمت في حضنها، وهي تجهل سبب زيارتها للمره الثانيه،، ايضا طلال مو معها .. تشبثت فيها وهي تبكي بحرقه قلب .. سلب منها كل ما تبقى الكرامه، عزه النفس القوه، حتى الامان، اصبحت تخاف كل ماهو أتي بسبب جهلها ومن المفاجأت والحقائق التي تصعق بها وتجرفها الي الهاويه، الي حياة اكثر سواداً وجحيماً من ذي قبل ... تركتها على راحتها لحتى تفرغ كل الحزن اللي يسكنها، بس اللي خايفه منه،، ان طلال ما يكون عنده علم بجيتها مثل اللي قبله،، اكتفت بإحتضانها بقوه دون أسئله ..
بعد عده دقايق مرت طويله على ليندا وقصيره عند ملاك: ملاك حبيبتي
ملاك بصوت مخنوق وهي تلف ذراعيها نحو عنق والدتها: نعـ .. ـم.. يمـ ـه
ليندا وهي تمسح على شعرها بحنان: طلال يدري انك عندي
رفعت رأسها وبملامح باهته وهي تبتسم بسخريه: مير انه جابني
ليندا بتعقيده، حطت كفوفها على خد ملاك: يمه شفيك، صاير شي؟!
ملاك وكأنها لا تبالي بحزنها بنفس ابتسامتها المكسوره: يمه ابوي قطني بالحرام، باع بنته بالخريص لواحد ما يخاف ربه طول عمره يرفض اللي يجوني ومجرد ما ظهر اللي اسمه طلال ولا سلطان هاذا عطاه حتى بدون لا ياخذ رأي حتى"كانت دموعها تسيل بغزاره ليفتك قلب والدتها من الوجع "
ليندا بعدم فهم: من سلطان؟
ملاك والعبره تخنقها: هذا طلال يمه اللي كذب علينا كلنا اللي خدني وطعن ابوي بظهره اسمه سلطااان!! سلطاااان بن سعود الجبلي
ليندا بهلع وصوت واطي: بن سعود الجبلي
ملاك بعدم استيعاب وهي تبكي : ايه بن سعود الجبلي، الحمدلله انه ما قرب مني يمه..الحمدلله اللي ما سلب مني شرفي اغلى ما املكه .. طلع الرجال له نخوه ولو قليله يخاف ربه فيه ..
شدتها ليندا لحضنها وهي تربت على ظهرها وتقرأ عليها مما تحفظ من كتاب اللّٰه .. بعد ما هدت بقلبها " ما راح يجي الخوف منه يا ملاك، مافيه خوف منه،، سامحيني لاني كنت ادري وما خبرتك بس هالشي ما كان راح يكون لصالحك ولا صالحه .. بس ما توقعت منه يملك عليك بأسم مهو موجود "




،




اغلقت صفحته على توتير التي من خلالها تتابع كل اخباره وكأنه شخص تعرفه جيداً .. تنهدت بهدوء وهي تغمض عيناها، اسندت ظهرها على حافه السرير، اقبلي بالواقع يا وتين، ارضي بِه ، منطقيا هذا لن يحدث، وما دمت اتخيله لن يحدث ابداً .. هناك فرق شاااسع ما بين الحقيقه والخيال ..
فتحت الباب ببطء وهي تخرج رأسها بشقاوه: وتوووني
فتحت عيناها بترقب وهي تنظر اليها ..
لين وهي تميل فمها: ماما تبيك تحت
وتين: طيب..
راحت لها، خبرتها حنان عن خطبة ضياء من ليليا ..
وتين بإستغراب وكأنها مو موافقه: ومتى اتصلتي فيهم
حنان بإبتسامه: الحين
وتين بهدوء احتراما لوالدتها:" لِي لِي " عطتك رايها
حنان: للحين لا، عاد تدرين ببنت خالتك
وتين: هذا زواج يمه مو اي شي ثاني
حنان: لو حطت عقلها براسها كان اليوم ام لطفلين، وبعدين ضياء ماشاءالله عليه ما ينرد، انت بس ادعي ان شاءالله تخلي قوة راسها وتوافق
وتين رددت في قلبها، وهي تناظر الفراغ "ضياء ما ينرد؟! وش الحسنه اللي فيه لحتى ما ينرد،، استغفرالله،ربي يقدم اللي فيه الخير "
بتضيع: يمه وش رايك بكرا نروح نفطر عند خالتي ليندا والله اشتقت لها من زمان عنها
حنان: اي والله مقصرين معها مره، الا خبريني وش اخبار ملاك
وتين ناظرت اظافرها وبحزن: يا قلبي عليها، قبل اسبوع كنت اتكلم معاها اعتقد ما كانت تدري ان طلال يسمعها وهي تشكي لي منه،إجا وحطم الجوال كانت تصرخ، حتى رقم البيت ما ادري عنه"مسحت دمعتها اللي طاحت ع خدها "قطعت قلبي ربي يقطع قلبـ..
بمقاطعه وهي تمسح على شعرها: ادعي له ربي يهديه احسن من دعوه ثانيه ما يصير،، هاذي القسمه ربي يجعل اخره خير
وتين: آاآميــــن ياارب



،



"عندمـاا نجهل الماضي ولا نعلم ما كان فيه ،، تكون الحياة اشبه بعقده تحت سماء داكنه "

ماما ليش بابا ما يجي؟
زمرد التي تخاف اكثر من أسئله ريان التي تكثر مع ازدياد عمره: يا حبيبي كم مره قلت لك انه مشغول وما يقدر
ريان بضيق: بس ماما ما اذكر اني شفته ابد، وش ذا الشغل اللي يخليه يبتعد عن اولاده
اكتفت بالصمت بتنهيده، وهي عاجزه
ريان: طيب ماما وش رايك حنا نسافر له
انصعقت من كلامه وهي توسع عيونها للاخر وبلعثمه: شلوون يمه ما يصير
ريان بعصيبه: وش اللي ما يصير يمه،، والله قلبي يقولي انك انت وسلطان خابين علي شئ وكايد بعد

خرج من المنزل وهو بكامل غضبة على ما يدور حوله وعلى ماضي والده الذي يجهله .. اخرج جواله عندما سمع صوت الرساله فتحها كانت من صديقه الذي يسكن بالشارع المقابل ـ باللغه الالمانيـه ـ "هاهو يخرج الأن من المنزل، أسرع لتلحق به "
رفع قبعة جاكيته، ادخل يداه في جيوب بنطاله الواسع .. واصبح يسير بسرعه، تخطى ذلك الشارع الضيق، الممتلئ بالسكارى .. كان يتلفت يميناً ويساراً، خوفاً من ان يراه احد معارف سلطان او العائله ..
تخبى خلف العامود بجانب الطريق وهو يراه من على بعد عُدة امتار، يهم بالخروج ومعه المرافق يحمل اكياساً بكلتا يديه .."كان يتحدث مع نفسه باللغه الالمانيه " لا أطمئن إلي هذا الرجل مهما يكون ،! لا بد انه يعمل عملاً خفيه، انا واثق انني سأحصل على ما اريد وما اجهله .. يجب علي اللحاق به





^^



نهـاآيه الجُـزء..

في ودائع اللّٰه إلى حين الملتقى ..

وكل عاااام وانتم بخيــر

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

مجهووود جميل ورااقي

ما أجملك وما أجمل ماشاااهدنا

سعدت بمصااافحتك هوووووون

يعطيك العااافيه

شاكره لك

حضوركي شرف لي
نورتي عزيزتي
ارتواء نبض

حضوركي شرف لي
نورتي عزيزتي
الغند

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

حضورك شرف لي
نورت أخي الكريم
مجنون قصايد

يُعَطِّيگ الْعَافِيَةُ لِرَوْعَةِ الطَّرْحِ،،
تَعَطَّرَتْ زَوَايَا الْمُنْتَدَى بگ
تَقْديرُ يليق بگ وُدِيَ وَعَبِقُ وردَيْ

رووووعه
الله يعطيك العاافيه على
اختياارك الذوووق للموضووووع

حضوركي شرف لي
نورتي عزيزتي
ملاك