رواية / لآ تعتذر لي حبيبي خلني بجروحي أموت ولآ تنحني لي ..~/تابع البارت السابع

تابع البارت السابع

أحيان تجبرنا اللياليْ .. علىَ شي !
........ ما ودنا به ! بس ( لازم نسوّيه )

أروى اللي من صحت وهي بعالم أخر اليوم بتشوف حاتم وقفت قدام المرايه و صارت تكلم نفسها:يشوفني حلوه؟طيب لو طلع نذل و بيلعب معاي؟لالا مدري صوته مريح كلامه صراحته حلوه ليه مو خايفه منه جد حاسته صادق و طيوب و مو هالمود أحسه شي راقي راقي طالعة ساعتها أوووووف ليه أحس اليوم مو راضي يمشي ليه؟ ليه؟؟؟؟؟يالله متشوقه أقابله طالعت بكتبها مالي خلق مالي خلق لك متى أشوفه متى؟
راشد:يمه يمه
أم راشد:راشد ليه تصارخ هدوء وش فيك؟
راشد بفرح وهو يبوس يدها:فرحان يا أحلى أم خلاص كلها أسبوع أسبوع و أحنا بالشرقيه
أم راشد ظلت تطالعه فتره بعدين أستوعبت:شلون؟
راشد بحنان وهو يجلسها:خلاص كل شي أوكي سغلي راح أنقله المديونات سددتها و شركاتنا هناك بدأت شغلها من شهر بس ما قلت لك حتى أتاكد من كل شي و اللحين صار لازم أرجع و أنتي بترجعي مو مثل ما تبين؟
أم راشد ببكاء:الله يرضى عليك راشد أنا برجع السعوديه و أصير قريبه من ريحة الغالي
راشد بأبتسامه:ليش الدموع غلاي؟كل اللي تبينه يصير بس ما أشوف دموعك طلبتك لا تبكين
أم راشد برضا:الله لا يحرمني منك في أحن من قلبك يا ولدي علي كان أبوك ما راح قدامي بكل شي
راشد بعبط:يمه انا وش ملحي تروحين تشبيهيني بالمرحوم حلو بس أنا أحلى صح؟ و الا لا أكون أنا شين و تحاولين تجمليني
أم راشد:هههههه راشد جوز عن الشيطنه
راشد:سمي
أم راشد:يمه لا صرت بالسعوديه أدور لك شيخة البنات و ازوجك و دي أشوف عيالك عبست من شافت ملامحه ضاقت
راشد:وش جاب الطاري؟
أم راشد:ليه يمه ما تبي تتزوج اللي بعمرك بدل الواحد اثنين
راشد:مو مستعجل على الهم
أم راشد بعتب:الله يهداك يمه بكره من تمسك ولدك و الا بنتك بيدك تعرف غلاة الضنى و أنه يساوي عمرك يتغير عالمك و دنياتك
راشد بدون أهتمام:لوقتها خير بطلع أجيب أوراق لشركه عن أذنك
أم راشد:الله يهديك الله يهديك

يمرني طيفه .. مع العسر ... واللين ..
........... علق خياله \ في عيوني .. مراجيح

دخل غرفته وجلس على طاولة مكتبه و سحب كمبيوتره فتحه بسرعه كلام أمه زاد شوقه لها أول ما فتح جهازه طلعت صورتها وهي حاضنه دب و تضحك بالصوره هذي كان عمرها 13 سنه شعرها واصل لحد كتوفها عيونها الوساع السمار الضحكه الغمازات أبتسم وهو يتذكر
:نعم؟
:قلت أبي أشوفك و أنتي صغيره
:ههههههههههههههه أعرف يطلبون أخر صوره أنا و صغيره شنو؟
:لا لا شفتك و أنتي كبيره أبي أشوفك و أنتي صغيره ريم شكلك ما كنتي شي
:راشد لالا انا من يومي حلوه
:لبى روحك أنا واثق آه بس لو أجيك اللحين كان
:راشد بس بس شوف شوف الصوره خلاص
فتح مسنه هي الوحيده اللي محتفظ فيها بالايميل كان طلبها كذا ومن يومها ماغير شي بالايميل لها هي وبس أشتاق لرسايلها دردشتهم بالساعات
كلامها حزنها من زمان ما أرسلت له شي صح دايم اللي ترسله عتاب وسب بس يطمنه عنها
يا ترى شلونك؟وش بتسوي مع أمك؟و منو هذا اللي يبيك هانت ريمو هانت راجع بس اسبوع أنتظريني طلبتك مشتاق لك أعرف مستحيل تسامحيني بس غصب عني لو أقولك من هنا لبكره مافي عذر بس أحبك يا ليتك تفهمي أني أحبك سامحيني معقوله ما تبيني خلاص ملت مني يالله وش هالتفكير أبي يمر يوم بدون صوتك ذكرياتك يوم واحد بس بدونك يا ريم بس


***

عند وليد بجناحه سهام:يلا وليد تكفى
وليد بملل:سهام خل أنام
سهام:لا لا بتروح معاي بلييييييييز
وليد:ما أتوقع محتاجه شي و بعدين من متى مو أنتي اللي تطلبي أغراضك طلبيه من برا اللحين تبين تنزلين السوق
سهام بدلع وهي تبوز:أول شي مو عشان أشتري لا تخاف مو أنا ما أستاهل أنا بس عشان صحباتي يشوفونك
وليد وهو يضمها:أول شي أنا و مالي حلالك ليه تقولي كذا وبعدين صحباتك وش يبون فيني؟
سهام بدلع:أبي أقهرهم و أخليهم يشوفون أحلى شاب بالدنيا هم دوم يسمعون عنك خل يشوفونك
وليد وهو رافع حواجبه مستغرب:من جدك؟
سهام بجديه:والله
وليد بقهر:صدق سخافه برا خل أنام ع بالي عندك شي
سهام:نام وليد بس راح تجي معاي يعني تجي
طنشها و أعطها ظهره طلعت ورجع لآفكاره لحد اللحين مقهور من نايف كلامه أحرقه حرق حطمه وشلون ألقاهم حقير حقير يا نايف بس أن ما خليتك تجي و تحكي مكانهم ما أكون وليد أبتسم غصب عنه من ذكر فجر كلامها صوتها نظراتها جمالها شي مميز هالبنت صح فقيره بس مو عيب الفقر أنا لازم أسال عنها اللي أعرفه بيتها بس هي قالت أمها ميته؟لا يمكن أنا يتراوى لي أو سمعت غلط حتى من سلامها عليها تدل أنو أمها يمكن أرتبكت من الموقف لان شكلها مو متعوده على كذا يالله يا فجر مدري ليه شاغله بالي كثير؟صح صدفه بس من يشوفك و يصد عنك مين

brb

ياللي تبي نبش القصايد ... والألحان ..
.............. تعال شوف القلب .... تقنع لحالك ..


تقنع لحالك ..

تقنع لحالك ..

تقنع لحالك ..


أروى اللي تطالع بساعتها يالله وش كثر باقي؟أووووف يا طول الوقت حتى ريم ملت مني عضت ع شفايفها و أبتسمت و دقت رقمه اللي طبع في بالها بسرعه طول رده أروى ممكن نايم؟ممكن ما يبي يرد :يمكن كذاب و بوسط تخيلاتها جاء صوت حاتم:ايوا يا ماما هلا
أروى بطيب نيه:أنا أروى مو ماما؟
حاتم:هههههههههههههههههههههههههههههههههههههههههه لووووووووووووووووول يا بت أنتي قطعة سكر و الا ايه؟
أروى تحس الاكسجين خف بجوها مسكت على خدودها الحمراء وغمضت عيونها:ليه تضحك؟
حاتم:امممم أعرف أنك أروى بس كدا أقول لك يا ماما
أروى تحاول تضيع الموضوع:مو مهم المهم أكيد أشوفك اليوم؟
حاتم:أيوا أكيد حاتشوفيني أنا و عدتك و راح أديك صورك
أروى وهي تتنفس براحه:مشكور ريحتني
حاتم:لا يا حبيبتي ريحي نفسك و حطي ببطنك بطيخه صيفي كمان راح أجيك أن شاء الله
أروى لا تقولها منك حلوه حتى لو مزح:أوكي على 7 ان شاء الله
حاتم:تعالي وين رايحه؟
أروى:خير
حاتم:جوعان؟
أروى:و المطلوب؟
حاتم:قولي لي طبخه أنا أعملها و الا ما اتوقع انو راح أجي
أروى:وش كثر المطاعم؟
حاتم:يالله هيا قولي الحمدالله تعبت و انا أكل من مطاعم أشتقت أكل من طبخ البيت قولي عندي بصل رز و أسبغاتي توم ملح ماجي و بقدونس كمان في لحم مفروم وش هدا ايوا ليمون هدي اللي عندي وش أقدر أطبخ منها؟
أروى توهقت:ها؟
حاتم:ايش أطبخ و الله جوعان و كمان مليت من أكل المطاعم
أروى :امممممممم طيب حط الارز مع المكرونه وقطع قبل بصل و ثوم و حط ماجي و ملح و مويا كمان وخليها تطبخ و ايوا كمان افرم اليقدونس عشان تعمل بيه ساندوتش لو جعت بعدين شي سريع
حاتم كان مصدوم :بنت ويش أسمها الطبخه هدي؟ عمري ما سمعت فيها نهائيا ليه ارز و التوم و الاسبغاتي و أفرم البقدونس مع اللحم أعمل بيه ساندوتش أقولك أخر مره تدخلي مطبخ بخيالك طبعا الواقع ترى مافي حاجه أسمها مطبخ
أروى:ههههههههههههههههههههههههههههههههه وبخجل :خلاص قلت لك ما أعرف أنت ما صدقت ويش أعمل لك يالله منك قلت ما أعرف
حاتم:وين يا ابويا حتى أنا ما اعرف بس كدا ما تركب يعني عمرك سمعتي ساندوتش بقدونس؟ مره أسمحيلي دمار أنتي
أروى بقهر:يوووو أجل أطبخ أشوف ايش بيطلع من مسيو حاتم خل أشوف
حاتم اللي مبسوط أنها تكلمه:تشوفي ع الاقل ما أجيب حاجه غريبه متلك
أروى:مو غريبه يعني تصير و الا؟
حاتم:طبعا والا
أروى:هههههههههههههههههههههههههههههههه طيب وش تسوي؟
حاتم:خل أقطع البصل و الطماطم و أعمل أسبغاتي

***كانت ريم تدق عليها طنشت وكلمت حاتم

فجر :خير؟
ريم:أووف أبي أعرف بتجي و الا لا؟
فجر:ما ترد
ريم:أنتظار يلا تعالي نتمشى شوي دخلوا مارينا مول بما أن فجر دوامها بعد المغرب و ريم كالعاده فراااغ
دق على سهام اللي جالسه مبوزه:مساء الخير على الدلع
لفت بسرعه على الجهه الثانيه:مو مكلمتك
وليد:سهومه يلا أنا بنتظرك بس 5 دقائق لو ما نزلتي عشان السوق راح أروح أنا
سهام و هي تنط عليها:جد جد ولودي
وليد :ههههههه أيه جد بس 5 دقائق
سهام:يا بابا ليه خمس سحبت عبايتها و مسكت فيه يلا اللحين نروح
وليد:يلا بس على وين؟
سهام:مارينا
وليد:الدمام؟
سهام:بلييييييييييييييييييز
وليد:أوكي يلا
محمد اللي جالس يسولف مع أمه و يضحك و مطنش نظرات علياء له دق تلفون البيت سحبه و رد:هلا
أم فيصل:بيت محمد ....... صح؟
محمد:أيه أنا محمد في شي؟
أم فيصل :لا أبد أنا أم فيصل مديرة الدار زين لقيتك بنفسك لان علياء جوالها مقفل
محمد:وش فيه؟
أم فيصل:كل خير أنت طلبت يد مدى حمد العامر وهي وافقت أرتسمت أبتسامة رضا على وجه :الله يبشرك بالخير
أم فيصل بجديه:أتمنى ما تنسى أنها يتيمه ماله أحد و صارت أمانتك اللحين لا تظلمها و لا تفكر تستغلها و تستضعفها و
محمد يقاطعها:طبعا مشكوره على الاهتمام و تطمني أنا خاف الله قبل كل شي و مدى بعيوني علياء شهقت و طاح الفنجان من يدها
أحتقرها و رجع كمل كلامه:هي لها بيت لوحدها مهرها راح يجيها بحسابها كامل و لو تبي متاخر حقها كل اللي تبيه يجي لها
أم فيصل برضا :ما تقصر ياليت يكون أفعال مو بس كلام لو سمحت الزواج و الملكه بعد أسبوعين من أمتحاناتها هي تبي كذا
محمد:طيب بس حقي أشوفها
أم فيصل:أكيد راح يكون في تنسيق لكل هذا تطمن الدار موفره لهم كل حقوقهم بفضل الحكومه لا تشيل هم تقدر تتفضل وفي اللي متكلف بهالشي
محمد:مو مشكله يصير خير قفل و هو مبتسم
علياء بشك:وافقت؟
محمد:ايه وافقت يمه بعد أسبوعين بيصير كل شي راح نبدا نتجهز طالع لعلياء و بحده:كل اللي صار من رفض تنسيه و الا راح أكون شخص ثاني ما يرضيك؟
علياء:ايه هذي البدايه أجل لو دخلت هنا وش بتسوي وش بتقول فهمني؟
محمد:لا راح أقول و لا أسوي بس راح أنسى أنها زوجتي و أتذكر أنها أمانه برقبتي و يتيمه راح أخذ ذنبها لو صار شي فهمتي كلامي
سكتت تعرف محمد اذا تكلم بالنبره هذي وش يعني؟مشت لغرفتها وطنشته
باس راس امه:المهم رضاك أنتي
أم محمد:الله يرضى عليك و يخليك لي المهم تكون مبسوط
محمد بفرح :أكيد بس علياء
أم محمد:لا تشيل هم أنت روح شوف صديقك و ساعده
أبتسم لها وطلع لمشاري

brb

ماقلتَ لك !
أني كثييييير أشتقت لكْ ,
وأن الحكي في داخلي يشبه بقايا بحتك !!



كانت تلف بالمول بملل:خلاص ريم تعبت
ريم:وش أسوي أروى خل أدق الساعه 6
دقت أروى :هلا ريم
ريم:لا خليك لبكره
أروى :خلاص أنا دخلت وينكم؟
ريم:نفس المكان المعتاد
أروى:تواني و أجي
ريم:اللحين تجي
فجر:حلو مو ما أخذتي العطور حق شذى
ريم بملل:يالله نسيت راح تذبحني
فجر :عادي أنا راح أجيبها لها و أنتي أنتظري أروى
ريم:شرفت ليدي أروى
أروى وهي تسلم بأستعجال:سوري بس وش أسوي تعرفين غثاهم
ريم:قلت أجيك بس عناد
أروى:يلا جيت شلونك فجر
فجر:بخير شالت أغراضها :يلا أنا بروح أجيب لشذى
ريم:لا جلسي
فجر:لا عادي أنا أصلا أبي كم غرض مو مشكله مشت وتركتهم
أروى:وش فيهم عيونها ويدها ليه مخضرين و محمرين و ش صار؟
ريم بقهر وهي تدفها:مو أعرف قبل حضرتك ليه طول الوقت أنتظار
أروى بأرتباك:لا عادي بس شيخه
ريم وهي تحط رجل على رجل :وحاتم مو؟
أروى:ها لا بس
ريم:هيييه أصحي من اللي تبين تدخلين نفسك فيه و كلميه خل نخلص
أروى بقهر:زين
:هلا يا ماما
أروى بأرتباك تخاف ريم تسمع:أنا وصلت أنت وينك؟
حاتم:أنا أبي أخد لي شغله و أجيك وينك؟
أروى:بتلقاني بجهة الكوفي
حاتم:خلاص ماراح أ تـأخر أن شاء الله
أروى:أوكي
طالعت بريم:شوي وبيجي
ريم :ننتظر ظلت تطالع بأروى اللي سرحانه و بداخلها بتندمين و الله بتندمين


***

وليد:ههههههههه مجنونه
سهام بقهر:شنو تقول زوجها و يطلع أخوها
وليد:زين خلاص قهرتيهم
سهام بدلع:أيه مو معاي زينة الشرقيه كلها
وليد بغرور مصطنع:طبعا
سهام:وليد لا تصدق تعال أبي عطور
وليد:و أنا وش علي روحي لوحدك
سهام:و مين يدفع تعال بس تعال
رشا و مدى اللي كانوا ميتين ضحك و مو قادرين يمسكون أنفسهم مدى اللي تمشي بس بدون توازن صكت بسهام و طيحتها
:وجع تخلف همجيه
مدى و هي تبعد و لسى تضحك:أعصابك و لي يا دلي شو بيك
سهام:مالت عليك و على كلامك كسرتيني
مدى:فدا عيوني كان ودي أشيلك بس قليتي أدبك خليك
سهام بقهر:وليييد تعال لا تضحك
لفت على وليد اللي ميت ضحك و شهقت بقوه كان شكله جنان طالعت برشا اللي واقفه تطالع و مفهيه
مدى برجه:عشان عيون وليد أقومك راحت و سحبتها بعفاشه و قربتها منه
وليد بصوت أعلى:هههههههههههههههههههههههه
مدى:رشا تعالي بتخرب عقيدتي يلا سحبت رشا بس ظلت صورة وليد في بالها وين شفتك؟ملامحك مو غريبه وين شفتك
رشا:واااااااي وش ذا جرح
مدى:يب يب وش ناقصك عطورات بس خل أخذ كم أكسسوار قبل
مدى:أوكي
دخل المحل وهي تتحطم سهام و هي يضحك

أبتسمت غصب وهي تسمع ضحكته غصب عنها تحس أنها من قلب لفت تبي تشوف مين؟نزلت عيونها بسرعه هذا وليد رجعت تقلب بالعطورات و تختار
انتبه لحركة البنت السريعه بس ما أهتم و راح مع سهام اللي تختار و بعدين ترجع تجرب و تتطلب مل و مشى لجهة فجر و جلس يطالع بالعطورات كانت تتنفس عطره حست بقربه منها ما تدري ليش أرتبكت بس حاولت ما تبين رجعت لعطورتها تقلب فيها بدون أهتمام حط يده ع الطاوله وشافت الساعه اللي أختارتها أبتسمت وهي تطالع بيده حس بنظراتها ليده و طنش شكلها مستحليه الساعه سرحت وهي تطالع بيده لف عليها بس كانت منزله وجهها و تطالع و البايع كلمها و مو معاه بداخله وش عندها هالطفله شكلها توها تطلع على الدنيا واضح من طولها و بعدين منو

مكفخها قالها و هو يطالع بيدها الليواضح عليها الضرب

رجع البائع يكلمها وهي عينها لسى على يده

أبتسم على جنب و قرب يده من وجهها غمضت عيونها بسرعه
وليد :أسف بس صار له ساعه يكلمك
رفعت عيونها و طالعت بأرتباك: سوري ورجعت تطالع بالبايع:معليش
البايع:لا عادي بس شو بدك أشيل لك هلا
فجر:امممممممم
وليد مصدوم فجر بس ليه عيونها كذا و يدها بعد وش فيها؟
فجر:حط هذ المجموعه لوحدها وهذي لو حدها
البايع:ودي العطرين ما بدك تأخذيها
فجر :اممممم أشوف كانت ما سكتها بيدها و تطالع و متجاهله نظرات وليد المصدوم

brb

حرآمَ ي دنيآ تهدينيَ جمودِ آحسآسَ
وانا كليَ شعور من آقصآ ضلوعي لِ آخر آنفآسيَ !

تجمدت وهي تسمع ضحك مدى و سوالفها:لووووووووووووووووول أخت وليد هنا لا لا ما أصدق
رشا:مو مهم وينه الحلو هو زوجك و الا أخوك؟
مدى:ههههههههههه ترى أبطل زواج عشان عيونه لفت ببط وعيونها بدات تدمع
كانت على جنب مدى بس لفت و صارت مقابله رشا و تتكلم وتضحك
فجر مدى؟الصوت الضحك العيون؟معقوله
رشا وهي تسحب مدى:يلا و راي شغل أنا بكره بروح مع رجلي امشي مدى
طاحت العطور من يدها وشهقت بقوه وهي تشوف مدى تبعد
البايع:شو هيدا شو عملتي دخيلك هيدي مصيبه ما تعرفي شو عملتي أنتي ما أستوعبت كلامه جت تمشي بس وقفتها يده:على وين تعالي هون شو بدك أتركك
فجر نزلت يده ومشت بس سحبها بقوه:آآآآآه
كان وليد مستغرب ردت فعلها بس من سمعها تتألم سحبه لجهته بسرعه مشت لبرا و ما أهتمت كانت تركض تتدور عليهم
البايع:ابعد عني هيدي مجنونه
وليد رمى الفلوس عليه وطلع
سهام تمشي و تنادي:ولييييد وليد
وليد وقف بس جلس يدور عليها بعيونه:نعم
سهام:وش فيك؟
وليد:و لاشي سمعي راح أدق على السواق يجي يأخذك و متى ما خلصتي طلعي له مشى و تركها
سهام:هو جن أكيد كيفه
وينها وين راحت طل على تحت شافها وهي تطالع باللي حولها بضياع ساعه توقف و ساعه تضرب بكتف أي شخص
أبتسم و نزل بسرعه لناحيتها بس شافها تطلع لبرا مشى وراها :فجر فجر
فجر اللي تبكي مو معقوله هي مدى من سمعت صوتها عرفتها هذي أختي مدى
كانت تمشي بين مواقف السيارت ومو مهتمه لوليد اللي ينادي

***
أروى:كح كح
ريم ببرود لفت للجهه اللي تطالع لها أروى :هذا حاتم
أروى بأرتباك:أيه
ريم:زين قومي له شكله مو عارف وينك؟
أروى بعد فتره مشت لجهته من شافها أبتسم ميزها من عيونه:مساء الخير
حاتم:اهلا و سهلا مساء الخيرات كيفك؟
أروى :تمام
حاتم :تفضلي
طالعت بريم اللي تطالع لهم ورافعه حواجبها أشرت بلا لها و كانها عارفه وش تقصد
أروى:امم لا ما أقدر
حاتم:هدي أختك؟
أروى وهي تبتسم و تطالع بريم:مممم أغلى من أختي ممكن أخذ الاغراض
حاتم:أيوا حقك يا أروى مد لها الكيس و تعمد يلمس يدها شهقت و فكت الكيس
حاتم:ههههههههه ايوا ايوا أعمليها تاني
أروى بخجل:حاتم و سحبت الكيس منه
ريم بتأفف:جد فاضيه رجعت تطالع بجوالها بس ما أمداها الا رفعت راسها على صوت طيحه و ضحك و صراخ
شافت أروى طايحه بالنص حاولت تكتم ضحكتها بس أول ما جت عينها بعين أروى ما قدرت وضحكت
أروى لفت تطالع بحاتم اللي مو قادر يتنفس من الضحك مشت لجهتها ريم وهي تضحك:وش صار
أروى وهي تشيل أغراضها:مدري ما أنتبهت و رجعت تطالع بحاتم:ريم يضحك علي
ريم:هههههههههههههههههه انا مت ضحك
مشت و أرسل لها:سوري ما قدرت أقوم بس الضحك غلبني سلامتك ههههههههههه
أروى رجعت ترد عليه:ايه أستاهل منو قالي أطالع لك ((



brb

ريم تدق على فجر ما ترد:غريبه وين راحت؟
أروى:ترى طولنا يمكن راحت دوامها
ريم:ممكن تعالي خل أخذ أكل حدي جوعانه

آحتاجُ لِـ/ بعضِ مِن مرآسِم الهُدوء,
والمزيِد مِن الجُرعآتِ الصامِته ,
لآأعلمُ مالذِي آصآبنِي ,
فقط ( مُشتته ) , ولم يعُد ينفعُ ( تجميعي ) ,
ومازالتُ تمتمة آلوآقع تؤلمني .!


كانت جالسه بأخر المواقف و ليد بجنبها ما فهم أش فيها بس تبكي:لو سمحتي روقي شوي وش فيك
فجر رجعت تطالع فيه و هي تشهق لو تكلمت بتقول مجنونه و ينها و الله هي مدى أختي
وليد بهمس حنون:فجر قومي معاي
فجر بدأت تستوعب:وين؟
وليد أبتسم أخيرا نطقت:لاي مكان تبين امم لوحدك و الا صديقتك معاك
فجر:ريم ايه معاي
وليد:وينها وش صار عليك؟
فجر بصوت تعبان:مافي شي مافي شي
وليد:طيب وين صديقتك؟
فجر هزت كتفها بدون أهتمام :مدري
وليد وهو يلمس عيونها بخفه :من سوى فيك كذا؟
فجر:حادث بسيط و قفت ووقف معها
وليد:وين؟
فجر لسى تطالع عندها أمل تشوفها:عند ريم
وليد:أوصلك
فجر ببرود و هي تبعد:مشكور مشكور رجعت لداخل بسرعه لعند المحل من شافها البايع تأفف:أبي الاغراض اللي طلبتها و كم حساب العطور اللي أنكسرت
البايع جهزها لها طلبها:هيدي بألف و 200 كلها على بعضها مدت له البطاقه و غيره
البايع:لا الاستاز اللي كان واقف معاك دفع الحساب
فجر:مين؟
البايع:اللي كان جنبك
فجر:وليد؟
البايع:و أنا شو عرفني وليد و الا غيروا
فجر:كم دفع؟
البايع:والله هو رمى الفلوس وطلع وراك يعني الفين ريال رماها علي وطلع
فجر:أها أخذت الكيس و دقت على ريم
ريم:وينك؟
فجر:لا تقولي طلعتي
ريم:لا تعالي السياره برا أنتظرك
فجر:أوكي كانت متلخبطه وليد و مدى وخالها رجعت تطالع بالناس و كأنها تتفحصهم كانت بينهم و يمكن لسى بينهم و ينك؟
بعدين و ليد وش قصته ليه هالحظ دائم يحطه بدربي وين أشوفه و أعطيه فلوسه طلعت عشان ريم تنتظرها
كان واقف في الباركينغ ماراح من وقت مارجعت تدخل شافها طالعه و متجه لسيارة ريم حرك السواق و أشر لسواقه يمشي وراهم
ريم:فجر وين كنتي فكرتك رحتي شغلك
فجر بعد فترة سكوت:شفت مدى
ريم بصدمه:مين؟
فجر :مدى
ريم:متأكده فجر
فجر بقهر وبكاء:ايه أختي وشلون أتوه عنها صوتها كلامها حتى نظراتها بس مالحقتها حتى البنت اللي معها نادتها مدى
ريم ظلت تطالعه وهي تبكي:خلاص فجوره هدي يمكن
فجر:لا يا ريم هي هي مدى بس ما لحقتها مالحقت عليها و الله هي ورجعت تبكي
ريم فضلت تسكت لانها لو كذبتها شي بيجرحها و لو شجعتها حرام تعيشها على وهم ريم تحاول تغير الجو :شوفي بس هالسياره ؟
لفت على الجهه اللي اشرت لها ريم كانت سيارة وليد بس طبعا ما تعرف لان كل السياره مظلله كان ماشي بجنبهم و مو باين الا السواق:وش فيه؟
ريم:مدري من فتره وهو جبنا
فجر ردت تناظر و سندت رأسها على ورى:يأخذ راحته
ريم:من يشوف عيونك شرط يلحقنا
أغتصبت الابتسامه وجارت ريم اللي تحاول تضيع الموضوع:على شنو على هالخضار
وليد اللي كان راحمها و ملزم ع السواق يمشي جنبها كان يطالعها براحه بس مقهور لانه شافها تبكي أستغرب من وقف السواق عند دار الايتام
نزلت فجر معقوله هيا هنا يوو وش فيني و امها و الحي ذاك و البيت وش هالحوسه


brb

ريم من بعد ما نزلت فجر و دخلت ظلت تطالع بالسياره ليه ما تحركت :انت لحظه شوي
نزلت ودقت على قزاز وليد
وليد وليييييه هالبنت وش تبي؟ نزل القزاز ببرود:نعم
ريم وهي ترفع حاجبها:أنت؟
وليد:عفوا تعرفيني؟
ريم:يو ما تدري انك صرت وجه مالوف هالايام كل ما أروح مكان ألقاك
وليد بسخريه:تلقيني ليه من قال اني ـأبيك
ريم بغرور:من قال أنك تقدر توصلني أصلا يا مدري ويش أسمك لا تتعب نفسك لا معاي و لا مع غيري
وليد و هو يبتسم على جنب:أرجع و أعيد و أقولك مو شايفك أصلا و بعدين وش تبين؟
ريم:ليش لاحقني
وليد طنش
ريم:لو أحد شافك وش يقول؟
وليد وهو يطالعها بأحتقار:عفوا زين تحجبي غطي وجهك بعدين تكلمي و قولي لا تلحق
كانت لافه الطرحه بأهمال و نادرا ما تغطي وجهها:مو شغلك و عشان كذا جاي
وليد بملل:مو لك شغل و أبي أخلصه
ريم باستغراب :شغل؟
وليد:أبي أكفل أحد حرام
أعطته ظهرها ما اتوقع يجي منك خير و مشت
وليد اوووف ما بغت و جه كلامه لسواقه:أنزل أسالي على اللي دخلت من شوي
:حاضر طال عمرك
راح سأل وقدر يعرف من بعد ما أعطى الحارس فلوس
وليد:وش قال؟
:تشتغل هنا أسمها فجر حمد و أغلب دوامها ليلي
وليد براحه:أطلع على الخبر يعني تشتغل هنا يا قلبي عليك و الشغل أبتسم على كلامه بس عبس من تذكر ريم مو شي هجوميه ما ألوم عبدالرحمن فيها


***
مدى:هههههههههههههههههههه طيب ليه معصبه جوعانه
رشا:لا مو جوعانه بس قهر خلاص بتزوج تبطل تعاملني كذا لسى عقاب و حرمان
مدى:أقول نامي و راك حوسه من الصبح و بعدين أكلنا برا و لا ول مره ما ألومها على العقاب أجل ناخذ تاكسي و ننزل الدمام ههههههههههههههه
رشا:ههههههههههههه لازم قبل ما أروح ذكرى الا ذاك الحلو
مدى وهي تصفر:بس خليني أنام
مشى ليل مدى و رشا بسوالفه وضحك
أروى:أقولك ما يرد علي
ريم وهي تعدل بيجامتها:طيب ارسلي له مسج أنك تبينه ضروري الا احنا ما أنتبهنا ليه أن الكيس فيه شي
أروى:أنا من خوفي يوم عرفت أن خالد جاء ما أهتميت أهم شي أطلع
ريم:يلا بدال جوالك
أروى:اممممممم مدري أحسه مستخدم مليان صور أغاني مره جنان كل اللي فيه
ريم:هههه عاجبك وودك ترجعينه ما تركب يا ألبي
أروى:لا مو كذا بس أحكي لك
ريم:زين هذي أمي تنادي خل أروح أشوفها
أروى:طيب و لو صار شي قلت لك
قفلت و رجعت تطالع بالاي يفون اللي اهداها حاتم ودها تكلمه بس ما يرد ما تعرف ليه تهرب و الا خلاص ما عاد يبي يرد عليها حست بخوف دقات قلبها تزيد من هالفكره لا لا هو أكيد نايم و الا مشغول و الا طالع مشوار أيه أكيد
نزلت تحت عند أهلها و واضح ان الجو متكهرب سلمت و جلست:وش فيكم؟
علي:شيخه بتتزوج
أروى:و تزعلون أنتم ليه
أبو خالد:لان مفروض يأخذها ولد عمها
أروى:بس ولد خالتها خاطبها و متفقين و بغباء :مين ولد عمها؟
أبو خالد:خالد
خالد:يبه خلاص هي أنخطبت
أبو خالد:تتفركش هالخطبه و اخوي أعرفه ما يرد لي طلب بس البلا من برودك من متى أقولك؟ و كل مره طالع لي بحه
خالد ببرود:خلاص كلم عمي و اذا وافق ما عندي مشكله
أروى بقهر:هييييييه و ش فيكم يمكن ما تبيك تخرب حياتها ليه و مو شرط هالقاعده أنقرضت و ش التفكير و بعدين أنت وين كرامتك؟تاخذها وهي تبي غيرك
خالد بقهر:أنكتمي أخر وحده تتكلم أنتي لا تخليني أربيك من جديد
أروى:عشتم ليش أنهم قالوا لك تتزوج صرت رجال و طلع لك ريش
خالد:الحشيمه مو لك لابوي و لا كان عرفت شغلي معاك
أروى :لا تكفى
أبو خالد:أروى بس ولا كلمه ولا بتشوفين شي ما يسرك أعتذري منه
تأففت و قربت باست راسه و همست:مصره مو رجال وين كرامتك ؟لو بتأخذ بيكون غصب عنها لانها تبي ولد خالتها بس خل تخلفك ينفعك
و مشت عنه كان وجه محمر من العصبيه كلامها جرحه جرحه بقوه جلست كان يحاول يهدي نفسه وما يبين
أبو خالد:ماعليك منها انت تعرف و شلون مربين بناتنا كل اللي تقوله دلع و تخريف بكره بكلم عمك و يصير خير
أغتصب الابتسامه قدام أهله و سكت مسايره لهم


brb

هّذآ أنّآ ، مآقِد صَفى لي بْ دِنيتي غِير الحَسآيفْ !
آبتِسم قدّآم حظّي / وحظّي آعْمَى [ مَآيشُوف ]


ريم بصدمه:من سمح لك؟
أم سامي:أنا أمك
ريم:أي أم من عطاك الحق تتصرفي بحياتي توافقي على الزفت ولد أختك من عطاك الحق أم أمي اللي كانت تقرف مني و تتفشل ليش أني بنت أمي اللي رمتني من يد خدامه لخدامه تربيني و ما تعرف متى أتعب و شلون كبرت أي أم انا اللي كان لي أب و أم ماااااااااااات راح و تركني أنتي مالك شغل لا تتدخلي باي شي يخصني مالك شغل مالك شغل وقف صراخها و كلامها كف من أمها على خدها:سمعي ياريم سعد بتأخذينه ولك يومين تجهزي تعرفي ليه لان بدال الخطبه زواج فهمتي و يلا أنقلعي لبرااااااا
كانت مصدومه وهي تطالع في أمها الشي الوحيد اللي صبرها أن اخوانها مو فيه يعني شذى ما سمعت دخلت غرفتها و قفلت عليها كان ودها تبكي بس ما قدرت تصيح أكثر بس صابها بروووووووووووود جلست عند تسريحتها و لمت نفسها تذكر يوم تسويها يجي أبوها و يحضنها و يسمع لها بس مالها أحد اللحين هو راح و مستحيل يرجع و سامي مع أمه حتى راشد اللي وثقت فيه خانهااااااااا

على الساعه 12 الظهر كانت رشا بنوبة بكاء هي و مدى اليوم زواجها و كانها كانت بحلم و توها تستوعب
رشا:خلاص ما أبي ما أبي
مدى:تحاول تهديها يو خلاص رشونا اللي فيني يكفيني خل نلحق على الكوفيره بعدين كلها أسبوعين بأشوفك مو هذا حلمنا
رشا :خايفه خايفه
مدى و هي تضمها:كلها وساوس تعوذي من أبليس ويلا معاي بليز مسحي دموعك عشاني
سحبت عبايتها و لبستها مشت لغرفة أخوها و فتحت جواله بخفه عشان ما يصحى و سجلت رقم سعد و طلعت طنشت شذى اللي تناديها وهي فرحانه
ما ابي اسمعك فرحانه لانه بيجي اليوم أعرف دخيلك ريحني مو ناقصني

ودِي لُو أصحَىآ يُوم [ فآقده حَنِينِيَ . . ]
وَ مآ عآدْ فِينَي لَ المِدىآ| , ذَرة إحسآسْ
فجر اللي جالسه عند البحر خاب ظنها توقعت تشوفه طول الليل تفكر فيه و في تصرفه ليه دايم تشوفه ليه و مدى وينك اللحين معقوله هنا نتنفس نفس الهواء اشوفك و ما اقدر اكلمك لو شافتني بتذكرني مثل نا اذكرها بتعرفني مثل ما عرفتها و الا لا؟
يا ربي أشتقت لها يا ربي اجمعني بها و ساعدني أبين الحق يا رب ضمت جسمها بتعب لسى مكسره من ضرب خالها مرهقه خايفه ترجع البيت ما تعرف وش ينتظرها ؟الشارع أرحم في نظرها
كان متسند على باب سيارته و مبسوط يشوفها اهم شي صارت عاده فجر بحياته هالايام
لفت و طالعته ما ميزته بالبدايه عشان الشمس بس حاولت تركز قامت بسرعه من تأكدت منه
عدل وقفته وهو يشوفها تقرب منه بصوتها الهادئ:مساء الخير
وليد ارتبك و أستغرب ليه:هلا
فجر كانت واقفه بمسافه عنه:ممكن أخذ من وقتك شوي
وليد:تفضلي
فتحت شنطتها وطلعت الفلوس:تفضل
وليد:ليه؟
فجر:أنت دفعت قيمة العطور اللي أنكسرت هي طبعا أقل من المبلغ بس هالمبلغ اللي تركته بالمحل
وليد أبتسم لها:من قال راح أخذها و الا دفعتها عشان ترجعيها
فجر بخجل وهي تنزل وجهها:مو مجبر و لو سمحت خذها لاني ماراح أرتاح لو ما أخذتها
وليد:بشرط
فجر:شنو؟
وليد:أخذ رقمك
رفعت وجهها وهي مستغربه:مافهمت
وليد:رقم جوالك أي رقم لك و أنتي بعد أعتبرني أخوك لو أحتجتي شي كلميني و أوعدك ماراح أزعجك بس أتطمن عليك
فجر:ليه؟
وليد:و الله مدري اذا قلت لك اني اجي من الخبر عشان أشوفك و انتظر جيتك وش تقولين لا تفهمينه وقاحه بس غصب عني أنجذبت لك
نزلت راسها وهي مصدومه من كلامه
وليد:وش قلتي؟
فجر:بس
وليد:وعدتك
فجر بعد تردد طلعت جوالها ياخذه بس ماراح أرد عليه المهم أبري ذمتي :سيف رقمك
وليد سحبه بسرعه وسجله مد لها الجوال:الاسم عليك طبعا أبتسمت و مدت له الفلوس
وليد: نغمي قبل نغمت عليه و مدت له الفلوس
وليد:مشكوره و تطمني ما راح تندمي على هالشي
فجر:طيب عن أذنك
وليد:من بيوصلك؟
فجر:معاي ليموزين مشكور
وليد:فجر رفعت عيونها له قرب وسحب الغطاء و نزله على عيونها:كل شي فيك يفتن أنتبهي على نفسك و الله من خوفي تجرات
فجر:مشكور مشت وهي تحس براحه فضيعه احساس امان من زمان فقدته بلحظات حست به معه



brb

آمحق وليف .. ومحبه ’
وآلآقول , آبرك ,
حسسبي عليك .. آعشقك وآنت ,
.. تحفر قبري ..

ريم بالكوفي تنتظر سعد
دخل بسرعه و مشى لعندها كانت كالعاده نص الشيله مغطيه وجهها و نصه النظارات
سعد :السلام
ريم:و عليكم السلام تفضل
سعد من بعد ماجلس:ترى من الشرع تغطي وجهك
ريم طنشت ما تبي تناقش:أنا ابيك بموضوع
سعد:تفضلي
ريم:أنت تقدمت لي
سعد:أعرف وخالتي وصلت موافقتك
ريم:بس أنا مو موافقه
سعد:مشكلتك أنا أبيك
ريم:كان على عيني
سعد:ممكن أفهم ليه ترفضين كل ما تقدم لك احد في بالك أحد معين
ريم:سعد ماقدر أخذك ماقدر
سعد:ليه؟
ريم:خل أكون صريحه معاك شذى تحبك و تبيك يمكن تشوفها مراهقه منها بس عني مستحيل أبني سعادتي على تعاسة غيري كيف بأختي
مو مهم تتزوجها بس الموهيم انا ما اجرحها و الا أسبب لها أمل سعد تكفى طلبتك أبعد من نفسك الا شذى ما ابيها تتاذى
سعد بصدمه:بس عشانها
ريم:ايه الا شذى
وقف بهدوء وطلع من دون ولا كلمه
أنصدمت من ردة فعله و ما فهمت ليه سوى كذا طيب وش قرر تنهدت بقوه ياربي و ش سويت أنا؟راح يعاندني أكيد يا الله يعني خلاص راح أنفضح؟
و أخسر أختي و دقت عليه بسرعه اعطها مشغول ر جعت تتصل من جديد لحد ما رد:نعم
ريم:ما قلت لي وش بتسوي؟
سعد بحده:مو شغلك
ريم:و ليه معصب؟
سعد بقهر من برودها:سمعي بعد ربع ساعه راح أدق على البيت و يا ليت تكوني هناك يا مدام و الا بتشوفي شي ما يرضيك و غطي و جهك
ريم بقهر:من حضرتك؟
سعد ببرود:شكلك نسيتي من راح أكون؟
قفلت بسرعه و هي تتنفس بقوه وش معنى كلامه وش معنى ؟ دق جوالها و كانت شذى:هلا
شذى:وينك؟يلا تعالي
ريم:ليه؟
شذى:أمي تدور عليك
ريم بخوف:ليه؟
شذى:سعد داق و يقول جاي و هو خالتي و يبي امي بموضوع



***

قفلت من قبل تسمع كلام شذى :حقير و نذل يا ربي وش هالمصيبه؟
وليد اللي جالس مع أهله و مزاجه عالي نادرا ما يكون بهالحاله قربت أمه منه:الله يسمعنا الاخبار الطيبه
وليد:يارب
ام وليد:بشر لقيتهم
وليد:لا بس
ام وليد:بس وش؟
وليد و هو يعدل جلسته:امم أبي أتزوج
أم وليد بصوت عالي:منو تبي تتزوج؟من متى مو أنت اللي قلت ما راح تتزوج لحد ما تأخذ حق أبوك
مريم:و ش فيك الله يهداك؟تبينه يوقف حياته عشان تخاريف
أم وليد: و منو بنته؟ اللي قدرت تغير افكارك
وليد برواق:مو من عائله معروفه طبقتها تحت متوسطه ابوها متوفي من زمان و هي عايشه مع أمها و تشتغل و
ام وليد:بس جنييييت لا جنيت أنت تعرف أنت مين تروح تجيب لي وحده مدري من وين تدخلها بيتي بتكون جنيت ولدي الوحيد ولد خالد الناصر يروح يتزوج مدري مين تارك كل بنات العوائل و يجي يبي و حده بنت فقر
مريم:أستغفر الله وش هالكلام وين عايشين؟و بعدين المهم أخلاقها مو فلوسها
أم وليد:زوجيها خالد
مريم وهي تضحك بسخريه:لو سعادته وين أجيبها له مو طول السنين أزرع بقلبه الحقد و المرض و اذا تمنى شي أجن عليه و بعدين أنتي من وين؟منو أهلك؟ لا تنسين أن هالحلال كله لعائلة الناصر و أنتي تعرفين من وين جايه؟
أم وليد:تعايرني بفقري
مريم:شفتي شلون؟مار ضيتي على نفسك
أم وليد:بسيطه بسيطه طلعت و هي واصله حدها
وليد طالع بعمته مصدوم أول مره تتكلم مع أحد كذا
مريم و هي تمشي لجناحها:وليد لو تبي البنت و شاريها أنا أخطبها بنفسي لا تسمع لكلام أمك ماراح يعجبها شي صدقني
جلس و هو سرحان كل فرحته طارت قربت منه سهام وهي تتميلح:ولودي
وليد:امممم
سهام:حلوه؟
أبتسم من جديد و هو يطالع في سهام:قمر و أكثر من كذا
سهام وهي تمثل الزعل:أحلى مني؟
وليد:سهام مافي وجه مقارنه لا تحرجيني رجاء
سهام:مالت عليك مافي أحلى مني وش أسمها
وليد بهيام:فجر
سهام:وااااو أسمها رومانس و بعدين من متى تعرفها و هي سعوديه؟ و ينها؟
وليد:بس بس ايه سعوديه و ما أعرفها أعرفها كم صدفه جمعتني بها بس مو قادر أنسى شكلها كلامها صوتها عيونها أتعمد أروح للمكان اللي هي فيه دايم عشان أشوفها
سهام:طيب يمكن مو حب أعجاب
وليد:أخاف عليها دوم أفكر فيها من أشوفها أرتبك و قلبي يدق بسرعه ما أعرف من أنطق أسمها أحس بفرح بشوق لها
سهام وهي تطالع فيه مصدومه:اوما أنت تحب
وليد بنص عين:ليه حرام
سهام:لا بس دوم رسمي و عملي زين أبي أشوفها
وليد أبتسم يصير خير:يلا أنا بطلع أتفقد كم مشروع لي تبين شي
سهام:سلامتك

أَحْيآنْ آحِسّ إنّ الْعُمُرْ جِداً حَزينْ
مِثْلَ الْغَمآ آ آ مْ ,
اللّيْ فِقَدْ روح الْمُطَرْ !!
آلوقتْ يسريْ .!
وْ مآبِقىآ غير . . | الْحَنينْ . .
وْ شْوَيِّة آحْلآمْ وْ مَنآديلْ وْ صُوَرْ !!

brb

فيني ألم ,
مَ مرفِ قلب مطعون
فيني حزن "
مَ مر ب عيون الايتام
فجر وهي تكلم ريم:طيب الى متى بتختفين مصيرك تشوفينه و تعرفين وش صار
ريم:وش أسوي أروى عند بيت خالها و أنتي بشغلك
فجر:واجهي الموقف أرفضي مره ثانيه
ريم:أنا خلاص و صلت البيت و هذي سيارته مافي الا كذا و اذا لا أقرب رحله و أطلع برا المملكه
فجر:توكلي على الله ما أتوقع أنك تضطري لكل هذا انتي طمنيني اول بأول
ريم:أوك مع السلامه أخذت نفس قوي ما تبي تبكي ولا تنهز تبي ترجع لقناع البرود اللي تعودت عليه سنين طويله عشان ما تحتاج لاحد كافي أحتياجها لراشد وين وداها وش بتقول سعد يعرف شي بسيط من سبب رفضها أخاف يحكي يتكلم و يجرح شذى
دخلت كان مع امه و خالته بالصاله من شافها نزل عيونه سلمت و مشت
أم سامي:وين؟
ريم:نعم في شي؟
أم سعد:وين رايحه تعالي
أم سامي:تعالي هذا خطيبك اللحين جلسوا مع بعض و أتفقوا
ثنتين كانوا في صدمه شذى اللي تطالع من أعلى درج وريم اللي جت عيونها بعيون شذى وش تقول؟ وهي تشوف شذى تنهار قدامها
أم سعد:أعتبريها نظره بالرغم أن كل اللي بالشارع ما قصروا رسموا ملامحك
ريم مو قادره تتكلم توقعت تكون قويه بس شذى و دموعها اضعفتها
سعد بثقه:من قال أبي ريم؟
أم سعد:وش تقول؟
سعد:يمه الله يهداك انا أبي شذى مو ريم؟مدري كيف فهمتم أنتي و خالتي بس أبي شذى
ما فرح شذى الخبر كانت لسى مصدومه مشت لغرفتها ببرود و قفلت عليها كانت تفكر في ولا شي كانت عايشه حالة صدمه
لفت ريم بنظرات كلها دموع تتطالع بسعد ممتنه له سعد اعطها فرصه تعيش من دون ما يدري
بعكس نظرات سعد المكسوره ذنبه أنه حبها بس كرامته ما راح تسمح له أكثر من كذا حتى لو حبها هي جرحت كرامته
طلع بهدوء:شوفوا شذى و ش تأمر عليه و كمل طريقه لبرا
كانت تشوفه بنظراتهم الشفقه بس ما أهتمت طلعت لغرفتها فضلت ما تواجه شذى اللحين صح كسر خاطرها سعد تعرف انه يحبها بس خلني صوره حلوه بعيونك لا تقرب مني بتكرهني أكيد فتحت اللاب و مسنها ارسلت على أيميل راشد كل ساعه أكرهك أكثر يالله متى أقرا بخبر وفاتك؟
من شاف أسمها مسجل دخول و مسجها فتح البريد بسرعه بردت لهفته من كلامها ليه يا ريم؟ هالكثر شايله بقلبك علي؟مو تي مره وحده؟
تسند على كرسيه بمكتبه و أخذ نفس لازم أقوي علاقتي بسامي لازم
فجر اللي تأخذ نفس من بعد ما تطمنت أن كلهم ناموا مشت لمكتبها و جلست تحس بأرهاق مو طبيعي مر عليها يومها وليد و طلبه؟ وش يبي وليه متهم؟
جاها مسج فتحته:مساء الخير ممكن اتطمن عليك؟
فجر توي أفكر فيك مسجت له ::الحمدالله بخير مشكور على السؤال
رجع دق فجر خير؟ طنشت بس ظل يدق ردت بعد اتصالاته المتواصله:هلا
وليد:السلام عليكم
فجر:و عليكم السلام
وليد يمه قلبي و الصوت:وشلونك؟
فجر:الحمدالله
وليد:لسى بشغلك؟
فجر:أيه
وليد: كيف نظامك؟
فجر:مافهمت
وليد:أنتي ساكنه بالدار و لا ويش ؟
فجر بعد فتره توها تستوعب:أنت وش عرفك أني أشتغل؟
وليد:ههههههههه لا لا فجوره قلت لك أنتي تهميني
فجر بأرتباك بين عليها من طريقة كلامها:عفوا
وليد:لا تخافي بس اسأل
فجر:لا مو ساكنه بس ساعات دوامي يكون بالليل أو الصباح
وليد و هو يشرب قهوه:أها
رجعت تسكت ما تعرف وشلون تقوله مع السلامه
وليد:وش أسم صديقتك؟
فجر:ريم؟
وليد:أيه هي هذي ليه لسانها طويل؟
سكتت فجر لانها ما فهمت وش يقصد
كان طول المكالمه مبتسم صوتها علقه فيها زياده ارتباكها خجلها كل شي جننه زود
فجر بداخلها خلاص أقفل خلاص
وليد:و متى طالعه من دوامك؟
فجر بشوية عصبيه:ليه تسأل
وليد من دون شعور:يا دلبي أنتي يا نا نا أنا ليه ليه عصب البيبي حقي
فجر قفلت بسرعه و رمت الجوال بجنبها تحس الكلام اللي قاله لها شي كبير
وليد:ههههههههههههههههههههههههههههه تجنن
رجع دق مره ثانيه بس ماردت :هههههههههههههههه لا جد خطيره
أرسلها:سوري بيبي من غير شعور طلعت زعلتي؟
فجر طنشت و ماردت عليه
دق أكثر من مره بس ماردت رجع كمل شغله و هو رايق كل ما تذكر انه سمع صوتها وصار يقدر يوصل لها يرتاح أكثر
فجر ما قدرت تنام طول وقتها تفكر فيه ليه مهتم ليه يسأل ليه متصل

يا أقرب من النبـض
هذا اللي سكن صـدريِ
أمانتي عنـدك
[ أنــــا ]
لا تخلينـي ..
..


عند رشا ومدى بالقاعه
رشا :مدى خايفه
مدى ببرود:شي طبيعي
رشا:ما أبي اشوفه
مدى:مين؟
رشا:اللي أسمه أب
مدى:هههههههههه لازم تجاملين حتى تعدي هالليله
رشا:شلون الحفل
مدى:حلو بس خواتك مو حلويين بعد طوال لسان و زوجة أبوك بس نافخه ريشها كل بنات الدار حضرو بعد نص اللي تزوجوا فوزيه شاها و ريم و كثير جوا و بعد علياء
رشا:اممممممم تعرفي قلت ما أبيه يدخل ع الزفه
مدى:أكشخ تغاري
رشا:هه لا بس مالي حيل أجامل و أتبسم اقولك طالعه عذاب اليوم
مدى وهي تدور :هههههههه جد كانت لابسه فستان بينك قصير مجسم و الظهر كله مفتوح و فاكه شعرها و مزينته بفيونكات صغيره مكياجها كان لبناني و طالعه أحلى
رشا كان فستانها ماسك لنص الفخذ و كات من فوق لونه فضي لابسه تاج هادي و عامله مكياج صارخ اعطى ملامحها جاذبيه
رشا:عندك شك
كانت الحفله رايقه و مدى نجمتها برقصها و شكلها الملفت و اللي زاد اعجاب ام محمد وغيض علياء أنزفت رشا و جلست ساعه و من بعدها طلعت عشان التصوير كانت تتهرب ما تبي تطالع فيه مشاري اللي قدر يرسم ملامحها دخلت مزاجه تغيرت كثيير عليه عكس الصوره اللي رسمها بباله عنها كان يتعمد أحراجها بكلامه لها نظراته ما صدقت تنهي التصوير قرب منها وباسها على خدها بقوه وهمس لها:بخليك تجهزي عشان نروح بسرعه للفندق
سحبت نفسها بسرعه وبعدت أبتسم على جنب و طلع
بعد فتره دخلت مدى و أسيل:يا هوووووووو وش صار
رشا بارتباك:ما أبي أروح
مدى اللي قربت تعدل لبسها و شعرها:بدري هذي أولها كذا أجل بعد دقائق شنو و أشرت على خد رشا
أسيل:هههههههههههه بتني لووول ما أتحمل
رشا بقهر:خلاص اصلا ما أبي أروح مدى بطلت
مدى:هههههههههههههههههههههه وش دعوى لعب السالفه يلا كلها يومين و أشوفك بالمدرسه يا بعد شبدي و ضمتها
رشا بدأت تعلن حالة البكاء
أسيل:لالا و اللي يسلمك بلا دموع كلها يومين و لاتنسين ذاكري لا يشغلك الحب عن الكتب مدت لها عبايتها و ساعدتها تلبس وسلمت عليها
مدى وهي تضمها:أبوك ما دخل؟
رشا:لا
مدى:أحسن و شكل عمتك طيبه
رشا:أن شاء الله
طلعت السياره معه أشر لها:هذاك أبوك
رشا لفت ع الجهه الثانيه و ما أهتمت ركب محمد لانه هو بيوصلهم و عم الهدوء المكان
مسك مشاري يدها و كانت حيل بارده و جلس يدفيها حاولت تسحب يدها بس شد عليها أكثر
رشا ياليل ما أطولك يدي أبيها و بعدين طنشت و لفت بس رجعت تطالع بمحمد كان مبين لها على جنب الا اذا لف يطالع بالجهه الثانيه واضح أنه مملوح بس من يكون؟يمكن ولد خالته ويمكن أعرفه بس نسيت أيه صح أنا مافي وحده من أهل أمي جت لا خالات و لا خوال سرحت ولسى عينها على محمد
مشاري مو مستوعب وش عندها تقز عيني عينك؟
لف وجهها لناحيته و هو رافع حواجبه مستغرب
نزلت عينها على طول و بعدت يده حست بغباء وقتي افهي وش يقول؟ عني اللحين ؟
وصلوا للفندق و نزلوا هنا توها تبدا تستوعب يوم دخلت الجناح اليوم هي هنا بدون مدى أسيل العقوبات الانظمه مشرفات جلست على حافة الكنب و هي تحس ان طول عمرها ما دق قلبها توه يدق اللحين قفل الباب و دخل جلس مقابلها على الطاوله و هو مبتسم رفع و جهها:هدي رشا مو مستاهل الموضوع
رجعت نزلت وجهها بسرعه
كان بيتكلم بس دق الباب بداخله مين أبي أفهم أبتسم لها:عن أذنك
فتح الباب وبصدمه :عمي
أبو رشا:أيه وينها هالبنت
رشا اللي كانت تسمع كلامهم أبوي العزيز شرف و طل علي
دخل بسرعه وو قف قريب منها:هييه أنتي
رشا و هي تبعد لفت من دون ما تناظره:أسمي رشا
ابو رشا:أللي هو اللحين مهرك وصلك
لفت عليه وهي مستغربه سؤاله ويش يبي من زمان ماشفت هالملامح اللي يشوفه يقدر يرسم شخصيته نذاله بخل قسوة قلب:أيه
أبو رشا:هاتيه؟
مشاري:وشلون هاتيه
أبو رشا:لا تكون وافقت أزوجك هذي عشان كذا عشان أطلع كم قرش من وراها
رشا بقوه:و ما راح تطلع وش بتسوي؟
أبو رشا:وش يعني
رشا وهي تعطيه ظهره:يعني لو سمحت أطلع برا و أنسى من أنا زي ما نسيت طول 11 سنه من أكون
أبو رشا و هو يحاول يضربها بس وقف له مشاري:أنا شكلي بربيك من جديد ما عرفت أربي
رشا من قهرها ضحكت:هههههههههههههههههههههههههههههههههههه لا تكفى عاد أنت تعبت و أنت تربي مدري وين أروح من جزاك
أبو رشا: فكني عليها
مشاري:خلاص ياعمي لحد هنا وكفايه و لو سمحت برا
أبو رشا:تطردني؟
مشاري:اذا مافي الا كذا مظطر
أبو رشا:زين أنا أعرف شغلي معاكم طلع و هو يسب و يلعن
رشا ما أبي أبكي من هو أصلا عشان تنزل دموعي عليه
مشاري من بعد ما طلع عمه:رشا لا تحطي بخاطرك
رشا ببرود مصطنع:من قال همني عن أذنك أبي أرتاح و أنام
مشاري:قصدك ننام؟
رشا:لا أنام
مشاري بتفهم و طوالة بال:خذي راحتك تبين أطلب عشاء؟
رشا:أنا مالي نفس
مشاري:طيب خذي راحتك
انتهي البارت

طرح رائع
يعطيك العافيه