اليوم الثاني
راكان اتصل على جميلة
راكان : الووو خالتي ,, شلونك ؟
جميلة : انا بخير مدام سمعت صوتك ,, بشرني عنك
راكان : ابشرررك بكل خير ... ماجد مات امس محترررق بحادث قوي الله لا يوريك
جميلة انصدمت : محتررق ؟؟
راكان : ايه .. الله يمهل ولا يهمل
الحين يمديك ترجعين لزوجك بدون محد يضايقك
جميلة : يعطيك العافية يا ولدي ,, يللا مع السلامة
راكان : الله معاك
............
ركبت جميلة سيارتها وقالت للسواق يوديها بيت عبدالعزيز الراسي
نزلت من السيارة وفتح لها الحارس الباب
دخلت لين باب البيت وفتحت لها الخدامة
دخلت البيت وتوسطت الصالة ,, من زمان ما شفت هالمكان
الجوري كانت تركض نازلة من الدرج وشافت جميلة
وقفت وهي منصدمة
جوري : عفوا ؟؟ مين انتي ؟
جميلة بهدوء : انا خالتك
جوري باستهزاء : عفوووا ؟؟ قال خالتي قال ... اقول يللا توكلي مع الباب
نزلت جوانا وشافت امها
وخرت الجوري ونزلت تركض لامها
جوانا : يمة ؟؟ وش تسوين هنا ؟
جميلة : خلاص يا جوانا ... مات ماجد ,, اقدر ارجع اعيش معك مرة ثانية وفي بيت واحد
ضمتها جوانا بقووووة
والجوري فوق راسها الف علامة استفهام
طلال كان نازل من الدرج وشاف جوانا وجنبها حرمة
طلال : احم
رفعت جميلة راسها وشافت طلال .. هالولد ما راح تنساه ابدا يا كثر مواقفه معاها
جميلة : كبرت يا طلال
ميّل طلال راسه باستغراب : عفوا ؟
جميلة : انا جميلة يا طلال ,, نسيتني ؟
نزل طلال بسرعة مجنووونة : ميييييين ؟؟
جميلة : هههههههه وش فيك ؟
طلال : مستحيل ,, انتي اختفيتي فجأة وتطلعين فجأة كذا
جميلة : كانت لي اسبابي ياطلال ... الحين وشو ؟ بظل واقفة
جوانا : تفضلي يمة
نزلت الجوري معصبة : جوانا ؟؟ وش يمة هذي ؟
جوانا : هذي امي يالجوري
جوري : من جدك انتي ؟؟ امي متوفية
جوانا : امك انتي ماتت بس هذي امي انا
نزلت خزامى مستغربة عالازعاج اللي صاير وسمعت الجوري وجوانا
خزامى : جوانا ؟؟ وش قاعدة تقولين ؟
طلال : انا بعدين افهمكم ,, خلاص
بعد ساعتين وهم جالسين يسولفون مع جميلة وصل ابو طلال
دخل من الباب ووصل للتجمع اللي صاير بالصالة
ابو طلال : وش عندكم مجتمعين وما تعلمون احد ؟؟
وخروا العيال وشافها قدامه ,,, جميلة
جميلة اللي ما قدر ينساها ,, اللي صار بخزامى كان بسبب جميلة اللي كان ماجد يبيها
جميلة حبيبته وزوجته ... اللي تخلت عنه واختفت فجأة ,, حطمته وقهرته كثييييير
وشلون تطلع كذا بوسط بيته
جميلة وقفت : شلونك يا عبدالعزيز ؟
عبدالعزيز بضيق : كنت بخير قبل شوفتك
جوانا انصدممممت وجميلة بعد وطلال ... بس جميلة ما كانت متوقعة انه يتقبلها اساسا بعد اللي صار
جوانا : يبة ليش كذا ؟
عبدالعزيز بعصبية : اطلعوا كلكم مابي اشوف ولا احد هنا ,, وانتي ارجعي من المكان اللي جيتي منه
واعطاها ظهره بيمشي
جميلة : ما توقعت ردة فعلك كذا
عبدالعزيز : وش تبيني اقووول ؟؟؟ ... كيفك وش اخبارك وحشتيني ؟؟؟
جميلة : كانت لي اسبابي يومي اختفيت
عبدالعزيز : وش هي هالاسباب ؟؟؟ وش هي ؟؟
اللي خلتك تبعدين عن بنتك وعني ؟ وما توضحين لي اياها حتى
جميلة : كان لازم اختفي عنك وعنها ... لمصلحتكم انكم ما تدرون وين انا عشان لا يوصلكم ماجد
كان ناوي يقهرك فيني وفي بنتك ,,, كان ناوي يقتلني ويقتلك سوا وفي مكان واحد عشان يقهرك ويعذبك
ماجد انسان مريض ... يسوي اي شي ,, اي شي
عبدالعزيز : طيب ؟؟
جميلة : ماجد مات امس وعشان كذا رجعت
انصصصدم ابو طلال بهالخبر مثل البقية : وشووووو ؟؟
جميلة : ايه .. مات امس محترق يا عبدالعزيز
يوم سمعت الخبر رجعت على طول لك ,,, انت ما تدري عن شي وعلى طووول فكرت باشياء سيئة
واني تخليت عنكم انت وجوانا
جوانا : يبة .. طلال ,, انا لما كنت اطلع كنت اروح لامي واجلس عندها
طلال : نعم ؟؟
جوانا : ايه .. كنت اروح لها ,, واللي وصل امي لي كان راكان الصقر وسالفة الجمعية الخيرية صارت عشان لا تشك فيني
واخته تولين كانت تساعدنا بعد
جلس ابو طلال وجلسوا كلهم معاه وبدى كل واحد فيهم يتكلم مع الثاني
.....................
|
|
|
|
07-01-2011
|
#62
|
بعد 4 شهور
الليلة زواج توليب وطلال
توليب بفستانها الابيض ومكياجها الناعم كانت بمعنى الكلمة خقق >> مصطلحاتي حلوة هههههههههه
تولين وجوانا وخزامى والجوري كانوا مبسوطات عالاخر
ويرقصون ويهيصون وفالين ام امها
في هالاربع اشهر صارت بلاوي هع :
جوري ملكت على يوسف وماشيين تمام الى الان
خالد سافر يكمل دراسات عليا خارج المملكة ومعاه دانا اللي تدرس طب
فيصل تصالح مع خالد وصار يدرس معاه بنفس الجامعة وخطب دانا ونسى كل اللي صار له
راكان تقدم لجوانا وخطبها ووفقوا عليه
سعود رجع لأمه وخواته واعتذر لهم وقال لهم كل اللي صار له وتقبلوه وبدى يأسس نفسه شوي شوي ورجع يشتغل
بس هالمرة شغل شريف
ريان الرائد وزياد وناصر عقوبتهم اعدام لانهم اشتغلوا بالمخدرات وتوزيعها وما تابوا عكس سعود اللي تغير بشهادة من حوله
طلال طبعا فرحته بتوليب ما تنوصف الرجال مخقق بقوووة وتوليب مو احسن منه بالحال هي بعد كبريائها وغرورها اختفى
اول شي بسبب اختها تولين اللي سوت المستحيل عشان تغير اختها وراكان بعد ,, وبعدهم يجي طلال المغرور الثاني اللي ترك غروره
بس عناده ما زال مستمر بس مو لتوليب اللي راسها يابس مثله
..............................
فرحة توليب وطلال اكتملت وانتهت الليلة اللي هي اروع لياليهم
انزفت فيها توليب على قصيدة روووعة وكله مدح عشان يرضي كبريائها طبعا >> حاقدة عليها انا خخخخ
انتهت الزفة ورقصوا البنات مع توليب وغيروا جوها وهبلوا فيها شوي
وبدوا يستهبلون ويرمون الورد وحركات زي كذا
طلعت توليب وراحت مع طلال >> عاد لا تفلووونها خلاص نخلي العرسان ونروح لاحد ثاني هع
في بيت الراسي
خزامى وجوانا والجوري بالبيجامات جالسين سوا
خزامى : هههههههههههههههههههه يا حلووها كانت خايفة
جوري : والله بجد تنرحم ,, وما تنلام مين هالقوية الوجه اللي ما تخاف
جوانا بنغزة : عقبالك قلبي
جوري : وجع جوانا يالكلببببة
جوانا وخزامى : هههههههههههههه
انفتح باب الغرفة بعصبية
جميلة : الساعة الحين 6 الصبح وانتوا تضحكون بصوت عالي ومسوين دووووشة نبغى ننام اذا سمحتوا يعني
جوانا بمزح : بتعدي في حته انا قلبي بيتكسر مية حتة ومر في مكاني ان شاء الله بستة الصبح بفكر فيك
دخلت جميلة الغرفة ومسكت المخدة وضربت وجه جوانا فيه والبنات ماتوا ضحك
ومسكتها من اذنها هي والجوري وسحبتهم برة غرفة خزوم وصكت الباب برجلها وخزوم ميتة من الضحك
رمت كل وحدة فيهم بغرفتها وراحت تنام
.................................
عند فواز وراكان بالشركة
راكان : امس سألت عنها وربي مسكينة مقطعة قلبي
فواز : تغيرت بعد وفاة ابوها
راكان : ما تنلام المنظر مرعب ياخي
فواز : تصدق راكان ,,, ودي اتقدم لها
راكان وقف مو مصدق : من جدك ؟
فواز : يب
راكان : وش مستني ؟
فواز : ولا شي .. بس اخاف ترفضني هالعبيطة
راكان : هههههههههههههه وش جابها على بالك ؟
فواز : ابد .. كاسرة خاطري من ذاك اليوم بس قلت خليها تهدى شوي وتنسى الموضوع
بعدين اتقدم لها
راكان : طيب بتطلبها من مين ؟
فواز : من ولد عمها ... ابوها مات وامها ماتت مالها احد ثاني
راكان : طيب ,, الله يكتب اللي فيه الخير
.......................
بعد اسبوعين من زواج توليب وطلال
كان طلال يكلم بجواله بالصالة
جات توليب بشويش من وراه تبي تفجعه وسمعته وهو يتكلم
طلال : لالالا انا بعلمها .. ياخي اخاف تنهار اذا علمتها
ترى مو سهل تفقد احد عزيز عليك
وبعدين ابوها مو اي احد ... لا حول ولا قوة الا بالله متى الدفن يا راكان ؟
هنا انهارت توليب .. جلست عالارض بدون ولا كلمة
التفت طلال وهو يتكلم وشافها
طلال : راكان .. راكان اكلمك بعد شوي
يللا مع السلامة
صك الجوال ونزل لمستواها
طلال حط ايده على كتفها : توليب حبيبتي هذا قضاء وقدر ,, ادري انك تحبين ابوك
لكن هذا يومه
صاحت توليب بصمت .. ضمها طلال لصدره وهو يهديها
بعد كم يوم .... سعود تقدم لخزامى
الشي اللي صدمهم كلهم
وقف ابو طلال بعصبية : اطلع برررررة
سعود : طلبتك يا عمي ,, انا تغيرت ورجعت لها لاني حبيتها ماجد هو اللي غصبني اسوي كل شي
ابو طلال يتجاهل : قلت لك انقلع بررررة
راكان توه داخل وسمع كلام سعود
راكان : عمي ابو طلال لا تقلعه ,,, انا ادري باللي صار كله
لكن لا تطرده سعود رجّال .. هو ساعدنا يوم نحاول نمسك ماجد
تغير كثير وصار احسن .. وهو الحين يعدل غلطته ,, وش رايك تسأل خزامى عن اللي هي تشوفه
واذا رفضته هي خلاص
ابو طلال يعرف ان راكان مستحيل يكذب عليه وهو ساعدهم كثير وهو اللي اهتم بجميلة وساعدها مثل ما ساعدته
ابو طلال : طيب .. بسأل خزامى
دخل ابو طلال البيت وسأل خزامى عن رأيها وهي بعد اللي سمعته عنه انه تغير وكذا وافقت عليه
.............................
|
|
|
|
|
07-01-2011
|
#63
|
بعد سنتين .....
توليب وطلال عندهم ولد اسمه عبدالعزيز
جوانا حامل وهي وراكان عايشين بالعسل
خزوم وسعود رجعت ثقتهم ببعض اكثر من قبل وعندهم ولد وبنت توأم
الولد اسمه خالد والبنت جمانة
الجوري ويوسف بفرنسا ... يشتغل يوسف هناك بوحدة من المستشفيات
والجوري تدرس طب مثل يوسف عشان تصير مثله ومعه
جميلة وابو طلال رجعوا احلى ايامهم سوا
تالا وفواز تزوجوا واستمروا بعنادهم لبعض يحبون بعض موووت ويعشقون يهبلون ببعض
لازم مشاكل ودايم يتناقرون مع بعض
واظن الكل مبسوط ما عدا بعض الاشياء والهموم العادية او مثل ما يقولون بهارات الحياة الطبيعية
انتهت روايتي على خير ... الحمدلله شي اكيد
والف شكر لكل اللي دعموني وساعدوني ,,, بكلمة حلوة ولا بانتقاد مفيد
اكيد عندي اخطاء بالاخير انا بشر ومافي انسان ما يخطي بس احلى شي لما ينتقدوك ناس يحبونك وتحبهم
ويتمنولك الخير وانت تعدل اخطائك
عشت بهالرواية كثير اشياء حلوة وبنفس الوقت كنت اسهر بعض الاحيان افكر وش بيصير على فلان
ولا وانا بالصف والابلة تشرح اتذكر وش صار بالشخصيات واحيانا اموت من الضحك مع نفسي طبعا واتوهق كثير مع الابلات
بالنسبة لي اقرب الشخصيات لقلبي كان سعود الرائد على قد ما كنت اكرهه بالبداية حبيته بجنون
كان ادشر ما خلق ربي وبعدين تاب وتعدل يعجبني الانسان اللي يرجع يعدل اخطائه حتى لو كان اكبر خطأ بالدنيا
بعده تجي جوانا وتالا .. اغلب اللي قرأوا الرواية قالوا ان عناد جوانا وشخصيتها تقريبا مثل شخصيتي انا
شخصيتها حلوة وقوية لكنها مو مثلي بالضبط ,,, تأثيرات الحياة لها دور بشخصية الانسان
لاحظنا ان شخصية جوانا صارت قوية مرة بعد ما تركها ياسر ومن اسلوب ام طلال معها وعناد طلال لها
عكس اختها خزوم اللي ضعفت كثير بعد اللي صار لها من سعود وخوفها الكبير من طلال
جوري ودلعها الماصخ انا ما احب الدلع الكثير ,, لكن يعجبني فيها مزحها ولعبها
فيصل هالانسان اموت في اسلوبه .. يحب التفاهم واطيب من طلال
طلال مغرور وعنيد بزيادة ويقهرني
تالا هالبنت تعجبني شخصيتها القادحة اللي ما عندها وقت كل اللي فيها تقوله بوقته
عربجتها ومزحها وعصبيتها عشت معها احلى افكاري
ماجد الخسيس هالرجال الحرق فيه شوية هع اكرهه كره العمى واكثر من كرهكم له
ريان الزفت وشلته البايخة سويت فيهم خير بالاعدام
توليب وتولين حبيت اسلوبهم مع بعض وكيف تكيفوا مع بعض بشكل حلو
واصرار تولين على تغيير اختها ونجاحها بالموضوع
راكان شخصيته طبعا ما يحتاج بس من جد شخصيته خيالية كنت اكره فيه حقده على ابوه بس
لكن الباقي حلو .... فواز المهستر هالولد هذا يقهرني انا ما احبه
لكن اجتماعه مع تالا ومواقفهم دايم تضحكني
خالد ..هالولد رحمته كثير لكن كنت احب سعود اكثر منه
وشفت ان الافضل لخزامى ترجع مع سعود لان هالشي بيعدل سعود ويطلعها من اللي هي فيه
غير ان خالد وخزوم ما ينفعون مع بعض شفت الافضل له انه ينكررررش مع اقرب مخرج
>> في كثير ناويين يذبحوني الحين انا ادري لكن معليش
فهد هذا شخصيته ملحوسة شوي وحلوة كان ملح الرواية
محمد تزوج بنت عمه وعاش بسلام هالمهووووي هذا
الحين اتوقع اني انتهيت ... تحياتي لكم ولكل اللي اعجبتهم الرواية
|
|
|
|
| | |
العرض العادي
