 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
07-31-2019
|
||||||||||||||||||||||||||||||
|
||||||||||||||||||||||||||||||
رواية قلوب غلفها الحرمان 10
ريم: مدام قالت بابا ... يعني شوي وتقول مــامــــــا
أم جاسم: أي لاحقه ... بتقول خالي وعمي ... والخ علي وقف: يالله .. أنا أستأذن أبو جاسم: الله معاك ... (سلم علي على الكل وطلع).. ريم ريم وهي توجه نظراتها لابوها: هلا يـــــــبـــــــــــه أبو جاسم: ها بتروحي مع بيت أعيالك الشاليه وإلا ؟؟؟؟؟؟؟؟؟؟ ريم بإحراج خفيف: لا ..بروح .. أبو جاسم: زين تسوي ... عشان تتعرفوا على بعض أكثر ... متى الرحله ؟؟؟ أم جاسم: بعد 3 أيام ... تعرف يبوا يجلسوا الأربعاء والخميس والجمعه وبعدين يرجعوا أبو جاسم وقف: الله يوفقك ... يالله تصبحوا على خير بعد كذا الكل راح غرفته ينام وهديل وأمها ظلوا بغرفة هديل وأم جاسم ترتب أغراض ناصر وهديل: يمه خليني أساعدك أم جاسم: أنتي نامي ... يكفي عليك نصير مو مخليك تنامي هديل: بس ... أم جاسم مقاطعه: نامي لك دقيقه عشان لما يقعد يصيح تحسي فيه هديل بإستسلام: خلاص شورك وهداية الله ... (وانبطحت ونامت وأمها خلصت ونامت) ************************************************* بعد 3 أيــــــــــــــــــــــام راحت ريم الشاليه مع بيت عيالها واللي مر عليها مازن .... (بنتكلم شوي عنه) مازن شاب خلوق عمره 26 سنه يعني أكبر من ريم بـ 7 سنوات.. جسمه رياضي وشخصيته قويه ..وهو الولد الوحيد عند أمه وأبوه وبين 3 خوات لمى عمرها 23 سنه متزوجه وعندها حيدر ولمياء عمرها 20 سنه مخطوبه على ولد خالتها وأسمه عبد العزيز وهو نفس عمر مازن وصديقه روح بالروح ولجين عمرها 17 سنه في ثاني ثانوي علمي مازن من النوع الجدي في أغلب الأوقات بس تجيه حالات خفة دم عنده ويحب خواته ولا سيما لجين إلا كل هواش معها 24 ساعه إلا إذا كان في المستشفى ( نسيت أقول لكم هو طبيب يعني دكتور قد الدنيا) مازن: لجنووووووووووووه يا كشششششششششششه ... تعالي خذي الكيس لجين وهي تتأكد من تسريحتها اللي مسويه شعرها بالجل وكله ملموم على بعضه وجامعته بشريطه على راسها ومخليته مفلول والشريطه مثل الطوق صايره ...: حرررررررررقه (تعله) مازن: الحمد لله والشكر .. ترى شعرك صاير فلافـــــــــــــل ..حتى شعري انعم منه لجين انعلت منه: مزنوووووووووووووه.. والنهايه معاك ؟؟؟؟؟؟ مازن بعد ...قوم واسحب خصله من شعرها وهي: آآآآآآآآآآآآآآآآآآآآآآآآآآآآي ... يا حماااااااااااااار مازن سوى حاله معصب: أنا حمار ...؟؟؟؟؟... (سحبها من يدها وعواها) لجين شوي وتصيح: يبه ... يباااااااااااه أبو مازن وصل: مازن وش تسوي؟؟ ... أترك أختك مازن بإصرار: أول من الحمار ؟؟ لجين بلعانه: يباه ... يقولني شيء ما قلته ... شفت يكذب عليييييييييييييييييييك.. يبه مازن فتح عينه على أوسعهم ولمياء واللي شاهده الموقف مع ريم ماتوا ضحك أبو مازن فك يد مازن من شعر لجين وحضنها: ولا تعقل.. بزر أنت بزر ؟؟ مازن برطــــم وريم ما تحملت وفطست ضحك ..ومازن لف لها : بدل ما تدافعي تضحكي ؟؟ أم مازن: بعد أنت مو مقصر ... إلا هالأسبوع عندك مناوبه وإلا ...؟؟؟ مازن يجلس: لا ... بس الأسبوع الجاي يوميييييييييييييين ... (واجه ريم) لمى وصلت: سلام الكل: وعليكم السلام بعد السلام انظمت لهم شوي إلا دخل حيدر يتخطى وهو لابس صندل يطلع منه صوت (يحبه) لجين: حوبـــــــــه ... قلببببببببببببببببببي ..(راحت حملته) لمى: والنهايه معاك ..اسمه حييييييييييييييييييدر.. وشو حوبه ذي ؟؟؟ لجين بدلع : اسم الدلع يا ماما ..انتي وش عرفك بس لمى: الله الغني عنك وعن هالأسم لجين تطالع ريم تلاعب حيدر: هـــــــــــي ... ترى أنا اللي ماسكته ريم انحرجت واعتدلت وأما لجين ما حست إلا بصفعه في راسها بعلبه المناديل: آآآآآآآآآآآآآآآآآآآآآآآآي ..(لفت ) مازنوه يا حمااااااااااااااااااااااااار ... (انتبهت لنظرات أبوها) : سمعته يبه ... يقول لي حماره الكل ما قدر ومات ضحك عليها ومازن: أن كلمتي مرتي كذا أو غلطتي عليها يا ويلك ... فاهمه؟؟ لجين تحك مكان الضربه: نحيييييييييييييييييييييس أبو مازن بنظرات تهديد: لجيـــــــــــــــــن لجين: والله العظيم مسواه مازن مات ضحك ..وهي انقهرت وقومي عطي لمى ولدها وعليه بدت تضربه مازن ميت ضحك عليها وهي تضرب وهي ضربته بكل قوتها وهو زاد إلا مات من الضحك لمياء تطالع أخوها: بدل ما يصيح أو يداافع عن نفسه .... والله هالأخو نكتتتتتتتتتتتتتتته من دخل طب وهو استخف ريم والبقيه ضحكوا وأما مازن عوى يد لجين بسرعه وبحركه خفيفه: على إيش تضحكوا ؟؟...ضحكوني معكم لجين بألم: آآآآآآآي ,,,, مزنوووووووووووووووووه يعــــــــــــــــور مازن وكأنه ما سمع: إيــــــــــــــــــش ؟؟ لجين تعيد بحسن نيه: يعوووووووور مازن دزاها عنه وهي عناد فيه غيرت تجاهها وعلى ريم وثنتينهم طاحوا .... لجين وريم:آآآآآآآآآآآآآآآآآآآآآآآآآى مازن بسرعه وقام وسحب لجين من على ريم وطالع مرته: صابك شيء .....؟؟؟ ريم تحك راسها: لا ,,, أبـــــــــــد لمى ضحكت ولمياء:كل هذا وما فيك شيء ... مازن رمى لجين وجلس جنب ريم: وريني ... ريم انحرجت:لا ما يحتاج ,,,, ما في شيء مازن على طول فك غطايتها وطالع الضربه وحط يده على شعرها: هنا الالم ...؟؟؟ ريم: لاااااااااااا (منحرجه من نظرات الكل) مازن: هنا؟؟؟...(شد أكثر) ريم توها بتقول لا: آآآآآآآآآآآآآآآآآآآي مازن ابتسم في وجهها: ما فيك شيء ريم بهدوء وخجل: ما عليه .. ما صار شيء لجين: أي أحمدي ريك مفتكر فيك ,,,, والله أنا قبل أسبوع طايحه وصبعي الصغير برجلي انشــــــــــــق ,,,, تعال عالجه ,,, انقلعي.. (تقلد صوت أخوها) ..وأنا أتمسكن وجالسه أصيح وهو لو تموتي ما عالجتك ,,, أخو أخررررررررررررررطي الكل: ههههههههههههههههههه ريم وهي تدمع من الضحك: أي صبـــــــــــع ؟؟؟ لجين وكأنها لقت من تتكلم معاه مدت رجلها على حضن مرت أخوها: طالعي طالعي ريم وهي بس تطالع وكاسره خاطرها حماتها:يا حــــــــــــرااااااااااااااام .. لجين بحركه سريعه رفعت رجلها...وريم انزهقت وذيك ميته ضحك ..ولما حست أن مازن من بعيد يطالعها بسرعه لعند أبوها: يبه بيطقني أبو مازن: عساه ما يخليك .. لجين شهقت: حرام عليك يبه ... أنا بنتك آخر العنقوووووووووووود ... كيف حياتكم بدوني ...؟؟ مازن: يوه فكككككككككككككككككككه .. أول واحد بيتقدم بنقول له خذها هديه... حتى ولا بدفع ولا قرررررررررررررش .. اففففففففففففففففف هـــــــــــم وانزااااااااااااااااااااااح .. لجين برطمت: هم بعينك ...... أصلا أتحداااااااااااااااااااك إذا ذاك الوقت ما قلت والله ما أقدر أستغنى عنها هذي نجمة البيت ووردة البيت وروح البيت وضحكة البيت و .. لمياء: الله الله على الدلع ..... أقول كل هذا مو صحيح أم مازن:إلا روح البيت صدقتي فيها لجين تحر أختها: أحم .. احم .. لا تقارني نفسك بيني .. لمياء: المادح نفسه لمى بفرح: يبي له رفسسسسسسسسسسسه لجين بقهر: رفسه أرفسك إياها وأطيرك أنت وولدك الدبببببببببه لمى عصبت: لجنووه ووجع ,,, لا خيرك ولا كفاية شرك ؟؟ لجين: أي ,,, أحسن تستاهلي أبو مازن سحب أذن لجين: لجو ,,,, والنهايه ؟؟,,, أعتذري من أخنك الكبيره ,,, لجين بألم: مانا ,,,, (زاد أبوها في الشد) يووووه آسفه ... (تركها) عاد لجين الحساسه جات لها الغبنه ..وظلت صاخه ومازن حس لها وسكت وبعد أقل من دقيقه قامت وطلعت من عندهم ريم توها بتقوم إلا يد ساحبتها:ويــــــــن؟؟ ريم: بروح للجين مازن: ما عليك منها جلسي ريم بخفيف ببراءه:أبي أروح مازن ابتسم على براءتها وبخفيف يحاول يقلدها/ روحي لها ,, بس لا تطولي ريم بسرعه قامت وطلعت وراحتللجين الجالسه قريب البحر ريم بهدوء: ممكن؟؟ لجين وهي تمسح دمعتها: .................................................. ........ ريم تجلس: شفيه الحلو زعلان ؟؟ لجين وهي زعلانــــه: ما شيء ريم لفت وجه لجين: الله الله كل هالدموووووووووع ,,,, من اللي طق القمر ؟؟,,,, قولي لي وأنا أطقه لجين بنظرات خبث: متأكده ؟؟؟ ريم:أي ,, لجين أشرت ورى ريم وريم أول مالفت لقت وجه مازن ملازق لها وبلا شعور منها صرخت وهي تلزق في لجين لجين ماتت ضحك ومازن جلس قدامهم :شفيك لهذي الدرجه أخوف ؟؟ ريم أنحرجت منه: لا بس ,,, أنت كنت داخل ,,,,, وكيف جيت هنا؟؟ مازن ابتسم: برجولي ,,, والله طلعتي طلعت معاك ,,, تعرفي الشاليهات كلها شباب ما أضمن ريم سكتت ولجين: أي لما طلعت أنا ما قال فيه شباب وبيخاف علي بس لما مرته قال فيه ويخاف عليها مازن جلس جنب لجين من الجهه الثانيه وبحنان الأخوه: الحين أنتي زعلانه ؟؟ لجين وهي تعرف أخوها وش بيسوي: أي ,,, مازن بخبث : متأكده لجين بإصرار: أي مازن قام وبحركه سريعه حملها ودار بيها.. وهي تضحك من ضحكها طلع الكل من الشاليه.. وأما ريم ظلت بس تطالع وتضحك على شكل حماتها اللي خايفه يطيحها أخوها ومتمسكه برقبته عدل ..لين لما هدت قبضتها إلا مازن تركها وطاحت وتعورت: يا حمااااااااااااااااااااار مازن مات من الضحك وريم معاه شوي لفت تشوف البحر وسرحت فيه تفكر بحياتها مستقبلا كيف بتصيير مع حمياتها هل بتستمر علاقتهم حلوه وإلا مازن بيظل نفس ما هو وإلا بيتغير ,,, اتفقوا على الخطه وحسبت بدون صوت/ 1,,,,,,,, 2,,,,,,,, 3 ,,,,,,,,, ما قالت آخر الرقم إلا مازن وبحركه سريعه حملها.. وهي انصرعت بجد لأنه قطع سرحانها وهي تطالع البحر ولا بعد محموله على طول بلا شعور منها شدت على بلوزته وحطت راسها على صدره من الخوف خايفه وهو يدورها و يدور ويدور وهي مغمضه عينها من الخوف ودمعتها على الباب حتى ما حست بغطايتها لما انفكت وبدأ شعرها البني اللي لنص الظهر يبين ,,, شوي وقف وهي حست وبعد مده فتحت عينها وأول ما شافته يطالع فيها توها بتدزه عشان بتنزل إلا هو بدأ يدورها بالعكس وهي هذي المره على طول يدها على رقبته ووجها على صدره وبخفيف: وقف ,,, مازن يضحك على شكلها: ما بتطيحي ,, فتحي عينك ,, ريم بإحراج: حرام عليك ,, بموووت مازن على طول وقف وهو يضحك ونزلها على الأرض مثل جلستها الأوليه وهو جنبها:خفتي ,,, ؟؟؟ ريم ظلت تطالع بعينه ما حست إلا بيده تمسح دمعتها اللي نزلت لا شعوري قطع عليهم: ايووووووووه يالرومانســــــــــــيه ,,,, نصفي الجو يعني ؟؟ ريم صبغ وجهها أحمر كله حتى حست بالحر من الفشله أما مازن: خيــــــــر ,,,, ترى موقعك غلللللللللللللللللللط لجين جات قدام وجههم بكيمرتها الفيديوا: ريــــــــم ,,, طالعي الكاميرا ,,, ريم شهقت: ليكون صورتي ؟؟؟ لجين ابتسمت بخبث:أكيييييييييييييييييييييييييييد ريم لفت لمازن:مازن... (بدلع عفوي) مازن قرب وجهه لوجها: عيونه ريم نزلت راسها وأما لجين: قرب أكثر ,,, حبببببببببها ريم بسرعه دزت مازن وتوها بتقوم مسكها يضحك: شفيك ؟؟؟؟؟؟,,, تعالي جلسي ,,, ريم بإحراج:بدخل لمياء مقاطعه: يا خوووووونه ,,, مازن تخوني من وراي؟؟ مازن ببراءه: على إيش ,,, ؟؟؟ لمياء تخصرت: وش معنى تحمل لجين وريموه وأنا لا ,,,؟؟؟ مازن: انت عند ريلك ,,, وايد عليك لمياء بسرعه نقزت على ظهره: بس ظهر الأخو غيييييييييييييير ,,, (تهزه) قوم قوم ,,, قوم مازن: لحوووووووووول ,,, انت وين زوجك عنك ؟؟,,,, الله يعينه عليك لجين: أما تجي لك ليلة الدخله ..مازن ,,, أحملننننننننننننننني مازن يوقف وهي شاده عليه: كان أقطها من فوق لتحت الفندق... وأدوس عليها والله هذا اللي ناقص عندها زوج وقاعده لنا أحملني وهزني لمياء: لا ..شي قالوا لك مرضعه؟؟؟ ريم ولجين ضحكوا ومازن معاهم بعدها لف بيها لفه ونزلها لمياء بقهر: إش معنى درت بيهم وأنا بس لفه ,,, ما أقبل لمى: والله العظيم حاله ,,,, ترى كلكم كبـــــــــااار لمياء: شمعنى حمل لجين وريموووه ..ودار بيهم وأنا لفه بس ؟؟ لمى: يا بنت الناس ريم مرته يعني حلاله ...وأما لجين لقافه وقــــــطـــــــــة وجه منزول عليهم ريم تبخرت ومازن يشد على يدها: أقول لجين صورتي ؟؟؟ لجين نغزه:كل شيء ,,, كأن فلم هندي قليــــــل أددددددددددددب ريم شهقت.. ولمى ولمياء ماتوا ضحك ... بعد كذا ريم دزت مازن من الإحراج وقالت تدخللل لعمها وعمتها ...وهو وراها لف لخواته أشر لهم هينه ومشى وراها وهم ميتين ضحك أبو مازن وهو يشرب الشاي: في غرف وايد مازن مو مستوعب: ؟؟؟؟؟؟ ريم من الإحراج طاحت دموعها وهي تروح غرفتها هي مع لجين.. وقفلت الباب عليها ولا تغدت من الفشله لين جات لها عمتها وتكلمت معها شوي بعدين طلعت لهم عادي ,,,,, وظلت طول الوقت تحس بنظرات مازن لها ولما يحط رجله على رجلها عشان تنتبه بس أبد ,,, عاد بالغلط حط رجله على لجين وهي: آآآآآآآآآآآآآي مازن فشل وهي عطته نظره وبحدده: صوب المكان المناسب ريم والكل مات ضحك اما ام مازن عطته نظره: مازن ,,, أكـــــــل مازن يتوعد لجين: يصير خير ****************************** في الليل كانوا الشباب موجودين يعني حسن زوج لمى وعبد العزيز فجلسوا مع مازن وأبوه لين الفجر بعدها رجعوا لمى مع زوجها وعبد العزيز رجع أيضا والباقي ضلوا *********************** اليوم اللي بعده في الليل لجين: وش قلتي ؟؟ ريم: ما أدري ,,,, فشله أقول له لجين: والله هذا زوجك يعني عادي ريم: بس لجين سحبت ريم من يدها:تعالي بس راحوا لمازن اللي يطالع فلم ومندمج فيه وكان رعـــــــب ,,,, ذيك اللحظه جابوا لقطه لجين واللي انتبهت أن أخوها إيزي عنده: احم احم (جلست جنبه) الله حليو ,,,, (عاجبتها اللقطه) مازن ما انتبه لها لف وطالعها وبعدها لف للتليفزيون بس نفس اللحظه لف وشاف لجين وطفى التلفزيون: خيييييييييييير لجين: يوووه مازن شغله ,,,, بس شوي مازن فتح عينه على أوسعهم: إيش ؟؟؟ لجين تأشر:ريموووه تعالي ,,, أخوي يطالع أشياااااااااااااااااااااااااااااااء ,, (لفت لأخوها).. هذا وعندك حصصانه ..ومعرس تطالع قلالة أدددددددددددددب هذا لو مراهق شسويت ... ؟؟ مازن: هذا فلم رعب لجين بعين وعين: رعب وإلا رومانس .... أعترف ؟ مازن إعتدل : خير ... تبي شيء خلصي مو فاضي لك لجين لفت لريم: تعالي ريم ... خلنا نطالع الفلم جميع مازن طالع ريم: تعالي جلسي لجين: أي وخلنا نطالع الفلم ... أرفع الصوت ..(رفع الصوت حده فصار ما تنسمع أي حركه غير اللي في التلفزيون) ريم جلست جنب مازن مكان ما أشر وشغل التلفزيون وهو عن مصاصي الدماء ريم كل ما جابوا لقطه تخوف حطت يدها على وجهها ..ومازن يضحك عليها بخفيف ..وأما لجين منسدحه قدامهم يعني ما تشوفهم .. بعد ما خلص الفلم على طول ريم قامت وطلعت ولجين طالعت مازن: شسويت بالبنت ؟؟؟ مازن اعتدل: ذبحتها لجين: المهم ... أنا بروح أسهر معها ... ويصير خير بكره إن صار فيها شيء مازن ابتسم: ما أدري وش بيصير فيها ********************************** في بيت أبو محمد ندى جالسه مع أسيل اللي رجعت من أسبوعين وسوالف وهدره قطع عليهم محمد: وش تتكلموا فيه ؟؟ أسيل: مواضيع بنااااااااااااااااااااات محمد طالع ندى: بنات؟؟؟... (طالع أسيل) بس أنتوا الحين نسوااااان أسيل بعناد: لا بنات ... ليه شايف عندنا بزران ورانا تقول نسوان ؟؟ محمد: بكره بيصير عندكم أسيل: تكلم عن نفسك مع نديوه ... أما أنا لا محمد: ما تدري يمكن أنتي قبلنا ندى من قلب: إن شاء الله أسيل دزتها: فالك ما قبلناه .... تدعي علي ها ... لكن هينه محمد وقف وطالع ندى: بروح أرتاح .. (ولما ماشاف منها حركه صعد) أسيل دزت ندى: روحي معاه ... أخاف ما يدل الطريق ... (نغزه) ندى انحرجت وسكتت وأما أسيل دق عليها عبد الله وسلمت عليهم وطلعت أم محمد: وين محمد ؟؟ ندى: صعد ينام أم محمد: وأنتي ما بتنامي ندى: إلا بس بنظف الصاله وبنام.. (عناد تتغلى) أم محمد: خليها الشغاله بتنظفها ندى: بس الشغاله الحين نايمه ... ما عليك عمه روحي أرتاحي بنظفها وأروح أنام أم محمد: قواك الله ... (صعدت غرفتها ترتاح) بدت ندى ترتب خلصت صعدت غرفتها ولقتها عفسه تنهدت حشى مثل اليهااال بسرعه يعفسها ... بدت ترتب الغرفه محمد بداخل قلبه تستاهل أنا أقول بروح أرتاح تجطل فيني وتظل مع أسلوه ... خلها تستاهل اللي يجيها خلصت ندى ترتيب راحت بدلت وانبطحت محمد وهو يرص على اسنانه من القهر: المره الثانيه إذا قلت بروح أرتاح على طول تجي معاي ندى لفت وجهها له: أنت مو نايم ؟؟ محمد طالع فيها بعد ما رفع الغطى: لا ..(قلب وجهه يعني زعلان) ندى حست بيه: محمد محمد حاقر: ............................................ ندى: حرام عليك هذي أختك محمد: وأنا زوجك ندى: طيب الحين أنا بنام ممكن؟؟ محمد: ....................................... ندى بتراضيه: يوه ... محمد ... شفيك؟؟ محمد طالع فيها: آخر مره والمره الثانيه ما في سماح على طول بفشل ندى تنهدت: أمري لله ... آخر مره ****************************** في بيت أبو جاسم جالسه أم جاسم مع زوجها يتكلموا عن عرس الريم اللي بعد 5 شهور أبو جاسم: وما جهزتوا حالكم ؟؟ أم جاسم: هي عاد فاضيه ... كل ما نقول لها ... مشغوله ... وعلي مذاكره والجامعه أبو جاسم: جهزوا حالكم .. مو حزة الحزه ما يمدي وتصير العفيسه وتزعل ريم أم جاسم واشتاقت لريم: ما أدري وش أخبارها ؟؟ الجده: ليه ما اتصلت لك ؟؟ أم جاسم: اليوم لا بس أمس وأول أمس اتصلت الجده: وإيش أخبارهم ؟؟ أم جاسم: كلهم الحمد لله زينين دخل جاسم وهو حامل نـــــور: قولي بابا الكل مات ضحك من ذاك اليوم إلى الآن وهو قولي بابا وقولي بابا أبو جاسم: جيب بس نــــــــور قلبي جاسم ضحك وعطاه إياه وأمه: جاسم يمه .. وش فيك؟؟؟ جاسم باابتسامه: مو مصدق صرت أبو .. الجده: يخلف الله عليك دخلت ملاك بالموز عشان بتأكل نور: عمتي ما اتصلت ريم ؟؟ أم جاسم: إلا اتصلت امس.. وتسلم عليكم ملاك وهي تلبس بنتها المريله عشان ما توصخ ملابسها: ومتى بترجع ؟؟ أم جاسم: تقول يمكن اليوم أو بكره جاسم: إلا صحيح .. يبه أنا بسافر ماليزيا شهر أبو جاسم: ليه شغل وإلا سياحه؟؟ جاسم: لا والله سياحه الجده: أي والله خذ ملاك ونور سفرهم تمشى بيهم .... كل جلسه بهالبيت ... والله يرحمك يا بو سلمان..(ذكرت حالها).. كان كل سنه نسافر مكان نقعد أقل شيء أسبوع ونرجع أهم شيء نسافر أبو جاسم: ومتى السفر ؟؟ جاسم: ما أدري يمكن بعد أسبوعين ملاك: أنا أقول لجاسم خلنا نروح مكان ثاني ... مثلا البحرين ... وهو مو راضي جاسم: بالله عليك الحين البحرين سفره؟؟ ... كلها خطوه وأحنا بنفس اليوم راجعين أم جاسم: وجاسم صادق روحوا مكان ثاني شوفوا العالم والناس ... خلوا نور تستانس نور تهز روحها في حضن جدها وهي تشوف أمها وهي تقشر الموز: به ... بــه .. بــــــــه جاسم صرخ بفرحه: يا ولــــــــــــــــــد ... سمعتوا قالت بابا ... (حبها بدفاشه وهي صاحت) ملاك ضحكت: يا ربي جاسم بتستجن ... يوووه ... شفيك على البنت عورتها؟؟ أبو جاسم: هالولد مربوش من صغره ... ما احد تعبنا غيره ملاك: أي مبين من تصرفاته جاسم عطاها نظره: ليه وش شايفه فيني ؟؟؟ ملاك ترقعها: لا ... ولا شيء جاسم: فكرت بعد .... (لف لنور) حبيبي نواري عمرررررررررررري نور ضحكت على أبوها وبعدها مدت يدها عشان يحملها وهو حملها: شفتوا حتى نور مستانسه علي الجده: لو حاصل لها أبو ثاني غيرتك جاسم طالع جدته: الأبو ما منه إثنيييييييييييييييين أم جاسم: إلا في ... الجد هو أبو ثاني وإلا وش رايكم ؟؟؟ الكل: إلا كلامك كله حق دخل سالم: عمي بروح النادي ... طيب (مستعجل) أبو جاسم: انتبه لنفسك سالم: أوكي .... (توه يطلع) ملاك: سالم لا تتأخر ... سالم: أوكي ... (توه بيطلع) باي نور بعد نور بدت تصيح تبي تروح معاه وما رضت تاكل وكل هذا عشان الطلعه الجد: مسكينه البنت طفشت ... جاسم خذ مرتك ونور وطلعوا ... رفهوا عنها جاسم: طيب ... (يسكتها) خلاص بنروح ألعاااااااااااب ... (لف لملاك) وين سجاد؟؟ ملاك تمسح ملابس نور: أكيد في غرفته يذاكر أبو جاسم: قولوا له يروح ويلعب مع نور جاسم: بسرعه عشان يمدينا نلعبهم ملاك: طيب ... هاتها ... (حملت بنتها) خلاص نور بنطلع .... نروح النينا جهزوا ملاك وجاسم وخذوا سجاد مع نور في السيارة نور جالسه بحضن أمها تهزز روحها وكل شوي تبي تقوم تطالع خالها وتقول له: تااااااااا .... به سجاد يلاعبها: عمرررررررري ... خاللللللللللللي نور: لي ... لي ... ملاك ضحكت: تعلمت بعد خالي ... وآخر شيء ماما ... جاسم ضحك: غيرانه ؟؟؟ ملاك طالعته بطرف عينها وما ردت عليه سجاد: ملاك عطيني نور ألعبها ملاك عطته نور وهو بدأ يلعب معها وهي تضحك عليه وهو يكلمها وهي كأنها تفهمه سجاد: وش تسوي نور ... وش تسوي ؟؟؟ نور من الفرحه لعابها يسيل وهي مستانسه تعودت على خالها سجاد: ملاك لبستها مره حليوه ... صايره تجنن ... صورتوها ؟؟؟ جاسم: بنروح أستيديوا نصورها ونطلع من جديد ملاك ضحكت على فرحته بس هو بالفعل وقف عند استيديوا صور وطلع الصورة فوريه وراحوا الألعب جاسم يأشر لملاك اللي حامله نور: حطيها على الحصان ومسكيها على ما أصور ملا: طيب وين سجاد ؟؟؟ جاسم: راح يلعب وبعدين بيجي ملاك: لا يضيع جاسم: لا تخافي ما بيضيع نور أول ما انحطت على اللعبه بدت تصيح بس ملاك مسكتها من يدها: لا تخافي ماما معاك ... (تأشر على الكميرة الفيديوا اللي ماسكها جاسم) طالعي بابا نور طالعت أبوها ولأنها تعودت على الكاميرا من كثر ما جاسم رايح جاي تصوير فيها فصارت تحبها فأول ما شافت الكاميرا ابتسمت ومدت يدها تبي الكميرا ونست إنها في اللعبه لو ما أن اللعبه تدور وملاك ما سكتها كان طاحت على وجهها وصل سجاد: ملاك عطيني نور بدخل معها السيارات ملاك بخوف على بنتها: لا ... لا ... أخاف تطيح جاسم: لا تخافي أنا بركب معها وبركبها معاي(حمل نور) ملاك أنتي صوري بدت اللعبه وجاسم حاط نور على حضنه وسجاد كل شوي يجي يسوي باي لنور وذيك تستجن عليه وتشوف أبوها يحرك مقود السيارة وهي تضربه من الفرحه والوناسه وملاك تصور بالفيديو ***************************************** في آخر يوم بالشاليه كان الكل جالس عند البحر وأبو مازن ومازن يسبحواو ... أبو مازن يسبح حيدر ولد لمى اللي جاوا لهم يقضوا العصريه لأن عادة يوم الجمعه تجي بيت أهلها فراحت لهم الشاليه وبدأ أبوها يسبح حيدر ... وزوجها حسن يبدل لبسه عشان بيسبح مع مازن وعبد العزيز اللي جاء قبلهم وعلى طول في المسبح وصاير الجو عندهم ولا أروع وخصوصا عبد العزيز صديق مازن روح بالروح عشان كذا خطب أخت صديقه لأنه ما يقدر يفارق مازن مازن وهو مسوي نفسه يغرق: حرام عليك ... خلنا نرجع على الأقل أموت قدام عينهم ولا من وراهم عبد العزيز بخبث: ما تلعب إلا على نفسك .... لو إيش ما .. ما كمل إلا مازن يسحبه وثنينهم غرقوا مع بعض أم مازن وهي تشوف بس حركتهم لأنهم بعيد مره ... : طالع ... غرقوا ... يا بو مازن يا بو مازن الحق على الولد أبو مازن: يا أم مازن هدي بالك كلها يلعبوا أم مازن ما تطمن قلبها وقربت من ماي البحر: مازن ... ماااااااااااااازن ... (شوي وتبكي عليه) لجين: عساه ما يرجع ..طايح الحظ ... (حصلت زقره من أمها) أم لجين: جب ... أنتي ما تستحي تدعي على أخوك ... لا وقدامي بعد لجين بتحلطم: أي .. لو أنا كان قالت فككككه ... (ومشت عن أمها) ريم وصلت عند عمتها: عمه تعالي إرتاحي أم مازن: يوه ... مازن صار له مده ما طلع ... شوفي عبد العزيز طلع وهو لا ريم طالعت ونقز قلبها وظلت بس تطالع كان تلمحه .. ************************************** ياترى وش صار بمازن؟؟؟..معقوله مااااااااااااااااااات؟؟؟ واذا مات وش موقف ريييييييييييييم؟؟؟ 
 
|
|
07-31-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
&&&&&&&&&&&&&&&&&&&&&
شوي ما حست إلا: بووووووووووووووووووووو ريم من الصرعه نشف دمها ..وبعد مده لفت ..لقت عمتها: وعمى إن شاء الله ... ما تستحي إنـــــــــت؟؟؟ ... وينك فيه خيفتنا عليك ؟؟؟؟ مازن بمرح طالع ريم: كلكم وإلا بعضكم؟؟؟.... (غمز لريم) أم مازن وشافت حركته ودزته: بعد زين ... (وراحت ترتاح في المجلس بعد القلق اللي سبباه لها ) مازن قرب من ريم وبإستغراب: شفيها الوالده؟؟ ... صايره عووووود كبريـــــــــت ريم بعد ما رجعت لحالتها الطبيعيه : لا بس كانت خايفه عليك مازن بهمس: بس هي ... ؟؟ ريم انحرجت: تباعد بعبر مازن يسوي نفسه ما سمع: هاه؟؟ من وراه: وهوااااااااااااااه ... تقول لك باعد مازن بسرعه لف منصرع: ها يبه أبو مازن: ما سمعت هي شقالت لك ؟؟؟ مازن باعد: إلا كنت بباعد بس إنت الله يهديك.... (مشت ريم وأبوه كمل عليه) ************************************** في غرفة ريم ولجين لجين تجهز لبستها بتروح البركه الخاصه بالجناح حق شاليههم بتسبح: ريم ما بتروحي تسبحي ؟؟ ريم تطالع حماتها وهي تعفس في أغراضها: لااااا .. أنا ما أعرف أسبح لجين تركت اللي بيدها منصدمممممممه: حلفي ؟؟ ريم بخجل: والله لجين: طيب يالبصوه (عصقوله) قومي بعلمك ريم بسرعه: لا ما أبي لجين طالعتها بنص عين:ما تثقي بقدراتي يعني ...؟؟ قاطعتها لمياء: الله والقدرات ... وين رايحه ؟؟؟ لجين تسحب شنطتها الورديه الكبيره المليانه أغراض : للمسبح لمياء بحماس: الله أنتظري بروح معاك لجين: من الحين أنا أعرف أسبح بس إنقاذ سوري لمياء بسرعه: حباك كوري ريم: هههههههههههههه لجين لفت لريم: ما تضحك ... والحين خلصينا بتقومي وإلا ... ؟؟؟ ريم: خلاص بقوم ... (راحت تجهز أغراضها) ******************************** في البركه بدت لجين أول وحده تسبح لأنها سباحه ماهره ما يحتاج أحد يعلمها ولمياء مثلها بس عيبهم ما يعرفوا ينقذوا ريم: يووووه ... لجين لا تطشري ماي لجين بقهر: أحسن باخذ حقي من مازنوه بيك لمياء بتحريض: عليك بيها ريم بنعومــــــه تقهرهم بيها: يا متوحشييييييييييييين ... حرام عليكم أنا مر ... (دخل ماي بخشمها واختنقت) أم مازن: لجنوه ووجع ... والله لو يدري عنك مازن لتروحي فيها لجين: لا مدام هو مو موجود أبركها من ساعه ناخذ حقنا وقفوا ثنتينهم عنها لأن شدتهم السالفه سمعوها عند أمهم إن شاب توفى وهو بأمريكا بحادث وهو رايح بعثه تأثروا بهذا الخبر مره وصاروا يسألوا عن حالة أهله أمه وأبوه وأخوانه ويعني كذا ... في عمق تفكيرها ما حست بعمرها إنها وصلت قسم الماي الغزيره بس للأسف ما انتبهت إلا طاح الفاس بالراس كان المعبر بين الغزيره والعادي كان مائل فبسرعه زلقت للغزيره ... وصارت تحاول تصارخ بس مو قادره كل شوي تطيح في الماي حاولت تصرخ تنبه أحد بس أبد واللي زاد عليها إنهم طلعوا للمطبخ ياكلوا شيء ... بعد ارتخت أعصابها وبدت في الخمول وحاولت قد ما تقدر توصل للقسم العادي بس كل ما حاولت يدفعها التيار اكثر للعممممممممق في العزيره لين وصلت في النص وهذا أعمق من اللي قبل ..حست كأن أحد يسحبها للأسفل صرخت: لجـ ... (طاحت في الماي) : يمه وين غرشة المويه ؟؟؟؟ أم مازن: في الثلاجه اللي برى المطبخ مازن: طيب.. (وراح) كان في المطبخ نافذه تطله على البركه شرب ماي ..وهو يشرب طالع البركه شاف يد ...وبعدين نزلت وما عاد طلعت ...وبسرعه طشر الماي اللي في فمه بلا شعوووووووووور أم مازن بقرف: مااااااااااااااااااااااااااااازن ...ووجــــــــــع مازن بسرعه ترك غرشة الماي اللي طاحت وانكب اللي فيها... بس لما انتبهت هو وين رايح راحت وراه.. لقته بسرعه طاب في بركه في الغزيره أم مازن: مازن ...(شهقت)... ريـــــــــــــــــــــــــم مازن على طول غطس وشاف ريم كانت تنزل تحت وخصوصا جسمها الضعيف (العصاه) مو مساعدها ترتفع... وهو بمهارته في السباحه على طول سحبها من خصرها بيده الثنتين حتى صار صدرها ملاصق صدره .. لين طلع بيها للسطح وهي مو حاسه بيه نهائـــــــــــي لجين بفزع وهي تأشـــــــر: يمه طلع طلع أ م مازن وصلت ومعاها زوجها: وينهم ؟؟ مازن وهو ماسك ريم وشاد عليها واليد الثانيه يمسح الماي ويباعد خصلات شعرها اللي نزلت وراسها كان على صدر مازن اللي لابس ثياب السباحه : ريم ؟؟ أبو مازن: تعال جيبها هنا مازن راح للجزء العادي للمويه بيها وأخواته اللي كانوا في البركه مسكوا ريم لمياء بخوف: ريم ..... ريم مازن وقف: تباعدوا ... تباعدوا (بدأ يضرب وجهها) ريم لجين شهقت من كثر البكاء: مازن تنفس اصطناعي لحـــــــــق مازن وكأنه تذكر بعد البهدله وبدأ يسوي لها تنفس اصطناعي وهو حاضنها لأن الماي كان يحركهم في أول محاوله إلا ريم بدت تكح تطلع الماي اللي بلعته ومازن ماسكها ولما خلصت حست إنها مختنقه وفي ماي بس مو قادره تطلعه حطت يدها على رقبتها بهذي الحركه مازن حس بيها ورد من جديد سوى لها تنفس اصطناعي ما تركها إلا الكل الماي طلع باعد خصلات شعرها اللي على وجهها وبحنان: ريم إنتي بخير ؟؟ ريم واللي على طول حطت يدينها حول رقبته بخوف: يمــــــه .... طلعني ... بغرق مازن بهدوء وهمس لها: لا تخافي .... ما بتموتي وأنا حي ... لجين: أحم احم ... ترى نحن هنا ...؟؟ (أشرت عليهم كلهم) ريم لفت بهدوء وشافت نظرات الكل انحرجت... وبسرعه دزت مازن وبدت تمشي وماحست بعمرها مره ثانيه في الغزيره ومازن بسرعه سحبها: لا تغرقي ريم بعد ظلت بس متعلقه فيه وهو صار مثل اللي حاملها لمياء وهي تجي لهم: ريموووووووه ... ما تعرفي تسبحي ليه تروحي عند الغزيره ؟؟ ريم ببراءه: والله العظيم ما حسيت بعمري إلا وأنا طايحه ... حتى كنت بنادي لجين بس ما سمعت ... مازن حط صبعه على فمها: خلاص انتهى الموضوع ... (ابتسم) الحمد لله على السلامه.. (حبها في خدها بنعومه) ذيك الحزه دوروا ريم أبو مازن هز راسه وطلع مبتسم ومرته معاه وأما لجين ولمياء: واااااااااااااااااااااااااااااااااو الله على الرومانسيـــــــــــــه مازن واللي حس بريم: أقول قلبوا وجهكم ما أحد بيعلم مرتي السباحه إلا أنا ... لجين: طالع الخاين ... الحين أنا من أنا صغيره علمني علمني صافطني وآخر شيء .. هينه برويك لمياء نغزه: أقول لجين ... خلنا نقوم ونصفي الجو لبعض الناس مازن بخبث لخواته : يكون أحسن لجين بعناد: أحلاااااااااااااااااامك ... (سحبت ريم من يدها) تعالي بس نكمل لعب ... مازن سحب ريم لصدره: ما حزرتي ... بعلم مرتي السباحه لمياء: ليكون بتسبح معنا ... لجين بفرح: وااااااااااااااو حماس مازن: مو عشانكم عشان مرتي لجين: أهم شيء تسبح معنا بدأ مازن يعلم ريم السباحه ريم: ما أعرف مازن: سوي بيدك كذا ... (سوى لها الحركه) ريم بإحراج من نظرات لمياء ولجين: ما أعرف مازن انقهر وعلى طول سحبها ورماها في الغزير وهي بدت تصرخ وهو: سوي الحركه اللي قلت عليها (متخصر) ريم سوت الحركه وبسرعه وصلت لمازن مسكته عدل: غرقتني ...؟؟ مازن: عشان تتعلمي (ضحك عليها) ريم ضربته على صدره: نحيــــــــــــس .... شوف خليتهم يتضحكوا علي ... مازن بعين وعين: أنا نحيس ؟؟؟ ريم: أي مازن: متاكده ؟؟ ريم خافت: لا ... خلاص بمشي مازن: وين ...؟؟؟ ريم: بروح داخل تعبت مازن ضحك: تعبتي وإلا منحرجه ... ترى عادي أنا زوجك (شد على الكلمه) ريم وكأنها تذكرت: مازن (بخفيف) سويت لي تنفس اصطناعي قدام أهلك أمك وأبوك ... ؟؟ مازن ببراءه: أكيــــــــــــــــد ريم قلب وجهها ألوان: عيب عليك تسوي كذا ... مازن فهم لها وشدها أكثر لصدره: ما تحملت أشوفك تموتي وأنا ما أسوي شيء ... من وراهم: يولد بعد عن البنت خلها تتنفس شوي مازن لف للجين وهو شاد على ريم اللي تتباعد: والله مرتي وحر فيها لجين تحرق أعصابه وتفشل ريم: ما اكتفيت وأنت تقبلها قدامنا ناوي تكمل تورينا ويـــــــــش؟؟؟ (سبحت في الغزير) لمياء سمعت وضحكت وريم بحركه لا شعوريه حطت راسها على صدر مازن: تكفى .... فكني بموووووووت إحراج مازن: ما عليك منها هالخبله هذي ... أنا أرويها ... أنتظري ... (وسبح لها) وبدأ مازن يلعب مع لجين هواش وطبعا هو اللي فايز لأنه سباح بكل معنى الكلمه قطع عليها: ترى لا تخجلي اللي صار لك أهون من اللي صار لي ريم لفت للمياء: إيش اللي صار لك ؟؟ لمياء بخفيف: عاد لا تقولي لأحد ما في غيري وغيرك لأن ما حبيت أحد يعرف ... ريم: لا تخافي لمياء بإحراج شديد: كنت مره رايحه مع أهل عبد العزيز المزرعه وأنا أحب أسبح فظليت أسبح لساعه متأخره الكل زهق أنا ظليت لأن تسبحت متأخره يمكن الساعه 10 ...والساعه 11 فضى المكان في النهايه رحنا لقسم الأطفال إلا طلع عبد العزيز (قلب لونها أحمر) ريم بحماس: كملي شصار ؟؟؟ لمياء بإحراج: خلاص وايد عليك تعرفي ريم شهقت: لا تقولي لمياء: لا وبعد اللي أكثر ... دخلت عمتي علينا وعلى طول غطس وأنا جلست عليه عشان ما يبين (ضحكت ) مسكين أختنق ريم ضحكت بإحراج: وبعدين ؟؟؟ لمياء: بس سألتني متى بقوم قلت لها الحين ... وطلعت وبعدها على طول طلعت وطلع عبد العزيز وتوني بعبرر له بس ما خلاني ريم ولما حست إن لمياء مو قادره من الموقف اللي صار لها: المهم متى رحتي نمتي على هالسالفه ؟؟ لمياء: ما رضى يخليني أطلع إلا الساعه 12 ونص ريم: بااااااااااااااال ... يا خوفي صارت أشياء مو شيء واحد لمياء بإحراج ضربتها: نحيسه مازن أشر: لمياء تعالي ... وريم بعد لمياء: مو كأن ريم ما تعرف تسبح مازن وكأنه تذكر ترك لجين وسبح لين وصل لريم ولف وعطاها ظهره: يالله مسكيني ريم: بس لمياء بدت تسبح: يالله بسرعه مازن: يالله ريم حطت يدها على كتفه وصار هو يسبح وهي فوق لين وصلوا للغزيره وهدره ولعب وإحراج وغيره وغيره لين أم مازن: يالله قوموا بنمشي لجين من الحماس: يمه خلنا نقعد بعد يوم أم مازن: قومي بكره مدرسه لجين بعناد: مب رايحه أم مازن: ريم عندها جامعه ريم بسرعه: مب رايحه الكل: ههههههههههههه مازن بحركه لا شعوريه عض خدها وهي من الألم لفت له: آآآآآآآآآآآآآآآآآآآآي مازن: ليه تطاوعي حماتك الخبله ؟؟؟ ما حس بعمره إلا بضربه على راسه بعد لجين هربت وهو وراها وأما ريم متسنده وهي ماسكه جدار البركه ...ولمياء واقفه جنبها ويشوفوا كيف مازن يسحب لجين من كشتها وهي تضربه وهو يغرقها والحاله حاله في النهايه ما حست بعمرها إلا أحد ساحبها : آآآآآآآآآ ه لجين طلعت من الماي: يستاهل الحمااااااااااااااااار لمياء وهي تسحب ريم بتطلعها: هبله أنتي ؟؟ مازن وهو ماسك الريم: لجنووووووووووووووه ... ووجع دخل أبو مازن: والنهايه ؟؟ ما قال كذا إلا الكل قام إلا مازن وريم أبو مازن: ليه ما قمتوا ؟؟؟ مازن وهو يسحب يد ريم عشان تنتظر: والله يبه ما في إلا حمامين رواحوا خذوهم كيف نقوم ؟؟ أبو مازن وكأنه تذكر: أي صح ... انتبه لبنت الناس مو تغرق ... (نغزه وطلع) ريم بإحراج: مازن .... يكفي إحراجات مازن ضحك: يا حلو اللي يستحون ريم بخجل واضح: والله اليوم حطيتني بمواقف ... تفشل بجد ... وين أودي وجهي من عمتي وعمي ؟؟؟ مازن ضحك: ريلاااااااااااااكس ... وبعدين أمي ولا أبوي ريم تخصرت: لا مو كأن أبوك كان موجود ؟؟ مازن: لا بس لحق على التنفس الإصطناعي يعني عادي ما فيها شيء ريم: المهم ... عيب عليك تسوي كذا ...قدامهم (قلبت وجهها) مازن ابتسم: ولا يهمك كم رومـــــــــه عندنا : أقول أتركوا الغزل وقوموا صارت الساعه 11 ونص ما شبعتوا من بعض ؟؟ مازن طالع أخته لمى: لااااااا ... ولا بنشبع لمى اللي انحرجت: وقسم بالله أنا انحرجت ... حرام عليك من دخلت الطب صرت أبد كله إيزي عندك ... (طلعت عنهم) ريم بعفويه: أي والله صادقه مازن لف لها: ايش ... ؟؟؟ ريم بعناد: مثل ما سمعت مازن لزق فيها: والله لوريك يوم العرس بتشوفي ريم ما تحملت وبسرعه قامت وهو قام وراها ... وفي النهايه طلع مازن مع ريم يوصلها بسيارته ولمياء مع خطيبها ولجين مع أمها وأبوها ولمى مع زوجها وكلهم رجعوا البيت...وبكذا انتهت الرحله ********************************************** بسيارة مازن ريم: مازن مازن بدون شعور: عيونــــــــه ريم واللي خلاص بدت تتعود جرأته: وش رايك نأجل العرس ؟؟ مازن أخذ بريك قوي وبعدين مسك حاله وبدأ يكمل بشكل طبيعي ولف لها: ليـــــــــه ؟؟؟ ريم بإحراج وعناد: بس كذا مازن: متى تبي يعني ؟؟ ريم: بعد سنتييييييييييييييييييين مازن شهقت بقوه: إيـــــــــــش ... سنتين ؟؟؟ ريم تبرر: أي ... بعدين ليه نستعجل الحين كذا كذا بتصبر 6 شهور أصبر سنتين عادي الأيام تمر بسرعه مازن حقرها: .................................................. .. ريم: مازن على الأقل سنتين بس مازن لف لها: قابل بس بشرط .. ريم بسرعه: إيش ؟؟ مازن حب يغيضها: تجي بيتنا ريم بسرعه: أوكي مو مشكله مازن ضحك: لا مو هذا المطلوب ... المطلوب تنامي بغرفتي أسبوع كامل معاي ... (مزحه) ريم شهقت وصخت وهو: ها وش قلتي؟؟؟ ريم: مرفوووووووووووووووض مازن: خلاص ... أن ما قبلتي بكيفك ... كل الحالتين من مصلحتي ريم برجى: حرام عليك ... أحد يسوي كذا بخطيبته ؟؟ مازن بحده: مرتي ريم سكتت شوي وبعدها: طيب بنام بيت أهلك بس مع.... مازن بحده: معاي في الغرفه ريم: مستحييييييييييييييييييييييييل ... مجنون أنت ؟؟؟ مازن: أي مجنون ... أنا بالموت أصبر نفسي قدام أهلي.. مو بعد سنتين أحلاااااااااااااامك ريم انحرجت وبخفيف: بس أنا مو مانعتك مازن: بس أيضا مو ماخذ راحتي ... وبعدين أنا دكتور مو بكل وقت فاضي وعلى كيف كيفي .. آسف ريم إطلبي طلب ثاني بسرعه أنفذه بس هذا لا .. يم بعد مده: طيب عندي طلب ثاني مازن: إيش ..... أطلبي أمري ؟؟؟ ريم نغزه: ما تدخل علي يوم الزفه مازن على طول وقف جنب الشارع: إيش ...؟؟؟ ريم: أي ... يعني مو أنت تبي العرس بنفس وقته أوكي ... بس لا تدخل علي ... مازن مثل المسبه: كيف يعني؟؟؟ ريم: يعني نسوي عرس وأرروح بيت أهلي مازن عطاها نظره لأن بجد عصب عليها ..بس ساكت... وبدأ يمشي زاد وبسرعه وصلها وأول مانزلت: بتنزل تسلم على أمي وأبوي ؟؟ مازن بحده بدون ما يناظر فيها: سلمي عليهم ريم استغربت: طيب تصبح على خير ... (سكرت الباب) مازن: وأنتي من أهله ... (مشى) ريم هزت راسها اعتراض: وأنا وش سويت له ؟؟؟ أول ما دخلت سلمت على الكل وبعدها جلست شوي وقامت ترتاح ... ******************************************* بعد أسبوعين كانت ريم بغرفتها وهي تحوس بجوالها ذكرت مازن اللي من يوم المزرعه ...وما كلمها أكيد زعلان بس وش تسوي كانت تمزح معه حاولت وحاولت وهو حاقرها وصار كله في الشغل ضاغط على نفسه عشان ما يرجع ويفكر فيها مع إنها رسلت له رسايل إعتذار وحب بس ما رد عليها ولا بمسج وهي زهقت حتى كلمت لجين قالت لها في المستشفى عنده مناوبه هالأيام وقالت لها إنه صاير ما ياكل ولا يشرب (تلفيييييييييييييييع عشان تخوف ريم على مازن) ريم وهي بالها مو في الكتاب اللي معها: أففففففففف (سحبت جوالها ودقت وهي عندها أمل كبير يرد عليها بس تحطم الأمل لما رد) مازن بحزم: الــــــو ريم بسرعه: مازن وينك أنت فيه ؟؟؟... أسبوعين وأنا أحاول أكلمك شفيك ما تحس ؟؟؟ مازن وكأنه ما سمع لها: عن إذنك عندي شغل ... سلام (سكر) ريم بجد أحبطت وجات لها الغبنه بتصيح بس مسكت حالها لما دخلت عليها أمها أم جاسم: ريم وش فيك ؟؟ ريم: ولا شيء ... أم جاسم جلست جنب بنتها: الا من النسوان اللي بيجوا لعمتك وعازمتنا نروح لهم ؟؟ ريم بإستغراب: أي نسوان ؟؟ أم جاسم: يوووه ... ليكون مازن ما قال لك ؟؟ ريم: لا ما قال أم جاسم: غريبـــــه ... أمه قالت أنها قالت له يقول لك عشان تروحي من بدري تساعديهم ريم ترقع له: أكيد من شغله وإلا هو ما ينسى أم جاسم وقفت: على قولتك شغله ...المهم بكره العزيمه الساعه 4 العصر (لفت لبنتها) بتروحي ؟؟؟ ريم كانت بتقول لا عشان أن مازن ما قال لها بس: أكيــــــد ... عمتي ما عندها إلا لمياء تساعدها وأما لمى ببيتها ومشغوله مع ولدها ولجين دوبها على الموضه والكمبيوترات .... أم جاسم وفرحت على كلام بنتها: زين تسوين ... جهزي من وقت عشان تروحي لهم الليله ريم بصدمه: الليله ؟؟ أم جاسم: أي ... الشغل بيصير الليله لأن بكره بيجون على الغدى والعشى ....روحي الليله تساعدوا ونامي مع حماتك ريم بحيره: بس ............ أم جاسم: مازن عنده مناوبه ... اللي قايله أمــــــــه..... فقلت لها بخليك تروحي عندهم ريم: طيب (قامت تجهز) ************************* في الصاله ملاك: بس مو عدله تروح تنام هناك أم جاسم: بعد مو عدله عمتها هي اللي قايله جايين لهم ...وتبغي ريم تجي ملاك وهي تأكل نور اللي تعفس: من هم الناس اللي جايين لهم ؟؟؟ أم جاسم: تقول قرايبهم بس في منطقه بعيده شوي نور: مه ... مــــــــه ملاك بإبتسامه: ماما ... نور والسريلاك معفسه وجهها: مه ... مه ملاك ابتسمت: الوصخه تنادي ... اممممم (تأشر لها تفتح فمها) أم جاسم: انتوا متى بتسافروا ؟؟؟ ملاك: يمكن بعد أسبوع الجده وهي تدخل بالعكاز وهي تعري: وين سجاد ؟ ملاك: طالع مع سالم الجده: زين أخذاه ... بعد كل مره بيسوي لنا سالفه دخلت ريم: يمه من بيوصلني ؟؟ أم جاسم لفت لملاك: وين جاسم ؟؟ ملاك: ما أعرف ... قال بيجي المغرب وللحين أم جاسم تطالع الساعه اللي على الجدار: يو ... الساعه 8 ونص ... الله يستر دخل عليهم: سلاااام الكل: وعليكم السلام أم جاسم: جيت والله جابك جاسم يجلس بعد ما حمل نور: خيــــــــر ... (لف لأمه) وش السالفه؟؟؟؟؟ أم جاسم: لا بس عشان توصل ريم بيت أهل زوجها جاسم: هذا الوقت ... مو كأن متأخر بالنسبه للروحه ؟؟ أم جاسم: بتروح تنام هناك ... لا تخاف ( مقاطعه ولدها) أبوها يدري جاسم طالع ريم: وليه بتروحي ؟؟ أم جاسم بدفاع: عمتها تبيها لأن بكره بيجوا لهم ناس على الغداء جاسم: خلاص بكره نوديها أم جاسم: بس عمتها تحتاج مساعده جاسم: وليه حمياتها وينهم ... آسف يمه.... بس مو داخل مزاجي نومتها هناك الجده: أهم شيء داخله مزاج أمها وأبوها ... المهم قوم وصلها جاسم طالع جدته وبعدها وقف: مسكي ملاك (عطاها نور) توه بيطلع حست بيه نور بدت صياح وهي تأشر على أبوها تبي تروح معاه الجده: لحوووووووووووول ....وهذي من اللي علمها عالنشبه؟؟ جاسم اللي ما يقدر يشوف بنته كذا: عمررررررررررررري ... (مد يده) هاتيها ملاك تمسح وجه نور بمنديل مبلل ماي: ها.. لحظه ... نور يمه خلاص أنظف وتروحي مع بابا نور ما سكتت إلا لما أبوها طلع بيها ابتسمت ذيك الإبتسامه علامة الإنتصار وركبوا ريم جنب جاسم وحاطه نور بحضنها نور شافت أشرطه بدت تحوس وكل شوي ريم تسحب من عندها شريط قبل ما تحطه بمكانها المفضل إلا هو الفـــــــــــــم وصلوا نزلت ريم بعد ما عطت جاسم نور اللي حطتها بحضنه: خلاص نوري ... عقلي عاد (مشى) دخلت البيت ولقت بوجهها لجين ولمياء: وحشتينا ... (تحاضنوا) ريم: وأنتوا بعد وحشتوني أم مازن: احم احم ... يالله تباعدوا خلني أسلم عليها ونبتدي شغل بعد السلام لجين: أقول جايبه لك ملابس وإلا ؟؟؟ ريم ابتسمت: أي ... لا تخافي ... إلا وين عمي ؟؟ أم مازن: راح يرتاح ... تعرفي السكر عنده مره مرتفع ومره نازل ريم: الله يشفيه ... (لفت للجين) أبغي أبدل لجين سحبتها: مامـــــي بروح مع ريم تبدل وبنرجع (طلعوا)
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
