بلا رقيب / لعاشقه ديرتها ، كاملة

الحلقه الثالثه والأربعـــون




((1))



سألته بكل قهـــر الموقف :واللحين عرفت من أنا ممكن ترجعني لمكان مأهول اخذ منه تاكسي وارجع لبيتنا ..
قيس :كذا بهالسهوله لاعيوني مو قبل مانتفاهم ..
صرخت بقهر ..هي خايفه والله العظيم خايفه بس غصب عنها تكلم بجرأه وطولت لسان ماتبغى تبين له ضعفها تخاف يكون شيطان ويسوي فيها أي شــــــي: ياأدمي وش نتفاهم عليك وش بينا نتفاهم عليه انت اهبل او تستهبل ..
اخذ نفس عميق من سيجارته : قلت لك موقبل مانتفاهم ...
بصوت مخنوق رجعت تصرخ وهي تحرك يديها بقلة حيله :رجع يقول نتفاهم انت بتجنني ...

لف عنها بأشمئزاز ماهو فاهم نفسه هذي شوشو كيف يصد عنها كذا كيف..؟! .. ماأنت مهتم لها ولالوجودها معك .. ليش كل شـي حولك تحسه غريب عليك حتى مشاعرك صارت غريبه .. وين الشعور الحلو المر اللي تحس فيه اتجاه شوشو وانت بعيد عنهـــــا .. ليه ودك بسرعه تبتعد عنك ماتبغاها هنا ليش صوتها ينرفزك ماهو الصوت اللي كنت تدوره ولانغمة الخوف اللي تعودتها بصوت شوشو ماهي فيه... شوشو اللي من بعيد تصارخ ولقربت حسيت انها تبلع ريقها الف مره قبل ماتطلع منها الكلمـــه اللاذعه اللي تنتظررها على نااار ... وش فيك ياقيس اصحـــى هذي مو بس بنت جيرانكم هذي شوووووووووشوووو اللي تعبت وحفيت وانت تدور عليها تمرض لختفت وتطيب وتروح عنك كل عله لاشفتها ...
تشتاق لشوفتها وبنفس الوقت نفسك تنسفها عن وجه الأرض .. هذي شوشو.. شوشواللي جننتك وانت عاقل ..


مايتكلم ساكت نظراته تخوف ..ابتساماتــه.. غموض الموقف يرعبها حتى لوكان ولد جيرانهم اللي على رغم طولة يده بالظرب ماعمره سمعت عنه شي شين بس وش يضمنها .. الشيطان حي مامات ..بس حنا برمــضان بالشهر تصفط فيه الشياطين ...
يارب مايكون من شياطين الأنس يارب هوو يصلي اكيد انه ماهو شيطان ياررررب ارحمنـــي يارررب والله ماسوي شي خطأ بعد اليوم يارب لوكان اللي اسويه شــي صالح نجني وارحمني ولوكان اللي كنت اسويه خطأ اغفر عني ونجني يااررررررررررب ...

رجع بتكفيره للي معــــــه بالسياره بعد ماسافر بعيد وهو مو داري لأن مطلبه الروحي ماهو هنــــــــــا ...
:متى بترجعني لاتسكت توترني كذا خصلني برجع البيت خواتي اللحين بيجون من المستشفى وش بيقولون اذا مالقوني ...
قيس :ماهو مشكلتي هذي مشكلتك لأنك موناويه تعاونين معي ...
خلاص بدت تفقد اعصابها :وش اللي اتفاهم وماأتفاهم ... بتجنني انت ..
قيس :كلامي واضح اسأله وجاوبي عليها ووصلك لوبغيتي لحد بيتكم ..
بغيض ردت:لاشكراً بس وصلني لأقرب مكان فيه سيارات اجره وانا ادبر نفسي ...
قيس :ليش تشحدين ..
:الأمر ذا شي راجع لي مالك حق تسأل عنه ..
قيس :ليش تشحدين
:اوهووو قلت لك امر خاص فيني مالك شغل فيه ..
قيس :ليش تشحدين ..
:كيفي ماتفهم انت .. عندك سؤال ثاني قوله وفكنا هذا ماله الا هالجواب عندي ..
قيس :طيب بتغاضى على انك ماجاوبتي على السؤال الأول بس السؤال الثاني اذا مالقيت له اجابه بنزلك هنا وروح ...
كلامه زادها رعب على رعبهــــا ماتثق فيه يسويها .. اكيد يسويها مو هذا الوحـــــــــــــش.. :ماتقدر كذاب ماتسويها والله لأعلم عليك العالم كله تعرف انتي ماأأأاااخاااااااااف ...
قيس :وين بتعلمين بتموتين هنا ومحد داري عنك ...
:خلصني وش تبـــــــــــــي ..؟!
قيس :انتي اللي وش تبين ليش تلاحقيني .. ضاقت عليك الأماكن تشحدين قدام البنك اللي اشتغل فيه ..
:ماأبي شي وش ابي يعني بنكد عليك بس ..
قيس :لاااه وبكل قواة عين تقولينها ...
:ايه بنتقم لأختي منك ...
كملت يوم شافته ساكت يفكر او يتذكر اويسمع:ليش تظرب أختي وش تبي منها ..
قيس :مالك شغل فيها انتي غير وهي غيــــــر ....
:لو موبكيفك اصلاً انت متخلف ومايسوي سواياك الا المختل او اللي ماعنده عقل ...
قيس بنرفزه :انطمي محد سألك عن رايك فيني ...
:طيب ليش معصب انت اللي سألتني وش ابي فيك وانا جاوبتك ممكن اللحين ترجعني لأني خلاص مليت من هالمكان واللي فيه ..

بدون مايسمع أكثر حرك السياره خلاص عرف من هي وعرف دوافعها للملاحقتــــــه وانتهى كل شـــي ..
وهي وراه حست بالراحه يوم تحــــركت السياره وخلاص شالت من بالها ترجع لذاك المكان مستحيــــــل تشحد قدام المكان ذاك هي عندها من المشاكل اكثر من انها تزيد عليها مشكله مع الأستاذ قيـــــس الي لهالحضه ماهي مصدقه انه يمشـي وراها عشان يعرف من هي ماتوقعته ابد يهتم بشخصيتها للحين مصدومه بالحركه وماهي عارفه وش دوافعـــه ورى هالسالفه ...
اول ماوقف نزلت ولا أهتمت انه كان موقف قدام الأشاره هي تبغى مكان فيه بشــر وبس اخذت لها تاكسي ثاني وعلى البيت مباشره ولاحتى فكرت تطلب منه يوقفها بعيد مثل دايـــــم لأن ساعتين اللي مروا عليها مع قيس نسوها أي شـي الا انها ترجع للبيت وللأمان اللي تحــــسه بين خواتها ...
اول ماوطت رجلها ارض الحوش استوقفها صــــــوته ..
عساف :وين كنتـــــــي ..
لفت عليه برعب من طلعته المفاجئه لدرجــة ان المفتاح والشنطه كانوا بيطيحون من يدها ...
عساف :أسألك وين كنتي خواتك كلهــــم بالمستشفى وانتي هنا على اساس تبقين مع شدن ونوره تاركتهم وطالعه تهيتين ويــــــن ...
:طلعت اجيب اغراض وماتوقعت هالزحمــه ...
عساف :وليش ماخذتيهم معك انتي مجنونه تتركينهم لحالهم هذي الأمانه اللي مأتمنينك عليها ...
ماكان لها خلق عساف بعد يكفي كل اللي صار لها من طلعت من هالبيت وكانت غلطه كبيره يوم طلعت ليتها بقت مع شدن ونوره :اووووه ترى ماني ناقصتك انت بعد لوكنت ابوي او حتى مسئول عني تعال كلمنــــــي ...
عساف :انا زوج اختك ولد عمك ورجال هالبيت برضالك ولاغصب عنك قسم بالله لوكررتي هالحركه لي تصرف ثاني معك ...
ولف عنها مطلـــــع ..
:مالت بس مسوي شخصيه علي وقدام ضحى فاار..
وماكان ناقصها الا ازعاج شدن اللي قالت اول مادخلت عليها هي ونوره الصاله
شدن :ملاااك ليه تأخرتي قلتـــــي نص ساعه وبترجعين ترى انا مالي خلق اجلس مع البزر الصياحه هذي ماتبي حليب ماتبي أكل بس تصيح ...
ملاك :اووووووف وش فيها ذي بعد ... بعدين انتي يالغبيه يوم ابوك سأل عني ليش ماقلتي بالحمام بأي مكان حماره لازم تقولين اني طالعه ...
شدن :وش اصلح لك تأخرتي وخفت صار لك حاجه ..
ملاك :اصلاً انا الغبيه اللي اعتمد عليك وانقلعي هناك ماراح اعطيك الخمسه اللي وعدتك فيها ..
شدن :خليها لك بابا كل يوم يعطيني عشره مو بس خمس يابنت الفقر ...واللحين بيجيب لي انا ونوره وجبه من هارديز ..
ملاك :لاااه على كيفكم وان ابي بعد ..
شدن تطلع لها لسانها :روحي هناك خلي ابوك يجيب لك وجبـــــه ..
ملاك :لاااه يالحماره انا اوريك يالشدينه ..
شدن :وش بتسوين يعني بابا بينام بالمجلس يعني أي حاجه تسوينه لي بصرخ وهو بيجي ويعطيك بوكس يطير وجهك ماتشوفين انتي عضلات بابا كيف كبيره ..
ملاك :قال عضلات قال هذي شحوم ماهي عضلات حطيه على الـ ام بي سـي شوفي بدا المسلسل ..
شدن :معك يدين اظن ...
ظربتها على راسها واخذت الرموت وحطته على القناه اللي تبغاها متجاهله صياح شــدن اللي واصل للأخــر الحاره ...





((2))





ضحـــى


بعد ماطلعت من عنــدي يسرا المسويه نفسهاجايه تزورني صح خطوه تنحسب لها بس النفاق واضح عليها يعني كانت أفضل لو خبت مشاعرها بالطريقه اكثر ذكاء ..
كان فترة الزياره خلاص خلـصت وخواتي مابقى منهم الا سارا اللي بترافق معي انفتح الباب ودخلت مشاعل اللي مابينت من دخلت المستشفى ..
قربت من تبوسني وهي تقول ..
ميشو :لاا أصدق ماحدث يالهن من أخوات ..
سألتها وأنا عارفه وش بيكون ردها ..
ضحى :ليش وش فيهن ..؟!
ميشو :لم يخبرني بماحدث ..
ضحى :ليه انتي مو عايشه معهن ..
ميشو :اووه ضحى دعيك من هذا العتاب الذي لاطائل منه ..
ولفت على سارا ..
ميشو:لماذا لم تخبريني ..
سارا :وانا جريدة الرياض وانا ماني داريه ..
ميشو :وهل اصبح ابلاغي بمرض شقيقتي خبر صحفي يزعجك نقله ..
سارا :مافضيت لك .. بعدين لو انك حريصه على أخبارنا كان دريتي من مبطي ...
ميشو :بيننا حديث اخــر .. الآن سأخرج فقد انتهى وقت الزياره منذ نصف ساعه ..
وطلــعت بالسرعه هي دايم كذا تجي بسرعه وتروح بسرعه ... لو بعد الساعات اللي قضيتها معها من سنه مايجن اسبوع ..
آآآه من هالألم ياربي متى بيريحني .. اشتقت لشدن ونوره متى بطلع وشوفهــن خايفه عليهن مررره ..
سألت سارا ..
ضحى :نوره وشدن حاطات بالكن عليهن زين ..
سارا :ياكثر ماتوصين خلينا ننام يابنت الحلال ورانا نهار طويل ...
سكت عنها شكلها صدق تعبانه وانا نايمه النهــار كله وماحسيت فيها بس والله قلقانه عليـــهم اوووف ماقدامي الا اني ادق على عساف وسأله عنهم مع انه مالي خلق اسمع صوته..
بعد الدقه الثانيه رد علي ..
ضحى :السلام عليــكم ..
عساف :وعليكم الــسلام .. فيك شــــــييي .
ضحى :لاوش فيني يعنــي انت وينك ..
عساف :بالبيت وين يعني ..
ضحى :بأي بيت..
عساف:قولي من البدايه كذا لاتخافين انا عند خواتك ..
ضحى :طيب وش اخبار نوره وشدن ..
عساف :للحين حياات ..
ضحى :اوووووه عساف ..
عساف :اعصابك لازم تصارخين يعني تعرفيني ثقيل دم هدي انتي ليه العصبيه ..
هههههههههههههههههه ياحليله وهو يسب نفســــه ..اوووووف وش ياحليله ذي صدق علي كلمات مالها داعي ..
كله منه يسوي نفسه طيب لين غصب عني الين لــــه .. بس انا لازم ابقى صلبه ماأليـــن ..
ضحى :خل عنك الخرابيط انا اتكلم معك جد ..
عساف :تبغين اسمعك صراخهن بالحوش ماعندي مانع انشط مني ومنك لعب ووناسه ولاداريات عن الدنيا..
ضحى :حاسدهــن يعني ... خليهن يعشن حياتهن ..
عساف :لاتقلبين علي ماقلت شي انا بس ابي اطمنك عليهن هذي جزاتي يعنــــــــــي ..
كنت بقفل منه خلاص بس هوتكلـــــــم ونغزني قلبي من كلامه ..
عساف:تعالي بسألك ..
اول ماسمــعت سؤاله حسيت بالشــي ماهو طبيعي داخلي خوووف ماهو طبيعي ..
عساف :انتي بينك وبين احد عداوه ..
ضحى :ليش وش صاير..
عساف :مافيه شي بس كذا اسأل
ضحى :عساف هذا مو سؤال عن الحال عشان تقول بس كذا اسأل .. احلفك بالله وش صاير ..
عساف :لاتحلفيني ماراح اجاوبك لأنه مو صايــــر شــي ..فمان الله ..
وقفــــــل ... مثل ماتوقعت صاير شــــي يارب سترك خلاص انا ماني قادره اتحمـــــــل ..
دار التفكير فيني ودار .. وش اللي صار .. ومين اللي بيني وبينه عداوه جلست فكر بالشـي اللي اصلاً ماأدري وش هو .. ارهقني التفكـــــير ونمت وأنا افكر وش اللي حاصل من أحد يكرهنــــــي ويكثر اللي يكرهوني بهالدنيا ....





((3))



منير


مللل طفش وغباء غباء غباء ماشفت بحياتي زيـــــــــه ... أمي ومنيره اغباء ثنتين شفتهن بحياتي .. وضحى الحقيرررره اغبى منــــهن .. اللحين كيف يبغون قيس يتزوج ساارا هو بس يظربها ومايطيقها وهي تخاف منه وتكرهه وتسميه الوحــــش ..مأدري ليش مايفكرون زيي تفكيرهم غبي .. ولامنيره الغبيه الدلخه تقول من سبك حبك وظرب الحبيب مثل اكل الزبيب .. اللحين وش جاب الظرب للأكل ولاالحريم كل شــي يربطنه بالأكل ...
تأففت بصوت عالي عشان يعرفن اني ملااااان وطفشاااااااااان ومقهور من جلستهن اللي تجيب النكــــــد اووووووف يالقهر وعد نوف عند الحقيره ضحى ولايمدينا جالسين نلعب كوره اللحين ...
ام كايد :منير حبيبي وش فيك تونس حاجه يأمي ...
منير :غير الطفش والقهر مافيني حاجه ...
منيره :منير والله يرضا عليك سد فمك ترى ملينا من سالفتك اللي من أمس ...
منير :تبغون تسكتوني لأنكم عارفين لأن اللي اقوله هو الصح .. مجانين قسم بالله مجانين تبغون قيس يتزوج سارا .. زوجوه أي قرده لازم تبلون سارا فيه ..
منيره :منير انثبر عيب عليك اللي تقوله هذا أخوك ...
منير :أخوي واخوي ترى كل اخواني اكرهم الله يأخذهم ..
ام كايد :لأاياوليدي لاتدعي على اخوانك ماهو زين ..
منيره :يمه هذا اللي قدرتي عليه ترى دلعتيه كثيررر لين صار مايحسب لأحد حساب ..
ام كايد :انتي لاتصيرين مثل اخوانتس كل ماقال الضعيف شــي نطيتوا بحلقه ..
هين اوريها منيروه التبنه تبغى تشيش امي علي ان ماسطرت ورعانها ...
منيره :ضعيف هذا ضعيف والله انتي المسكينه يمــــه ...
منير:مالت عليك بس اصلاً قيس كنه داري وش تخططون له من امس ماجاء ..
ام كايد :ياويلي عن وليدي من امس ماجاء لايكون حاصل عليه شــي ..
منير :وش بيصير له يعني الف حادث صار له وطلع منها مثل الجني ...
ونطيت قبل ماتوصلني عصا امــــــي.. طلعت وأنا اسمع منيره تخربط مع امي ان سارا احسن اختيار لوحده بتسكن معهم بنفس البيت هم عارفينها وهي عارفتهم واحسن من مرة جابر اللي شايفه نفسها وبتسكـن لحالها .. هي صادقه منيروه ذيك قرده هي وكشتها اللي تقل فرو شنمبنزي ياكرهي لها .. بس الحمدالله ان جابر تزوجها وماتزوج ملاك مثل ماتبغى أمي القرده هذي هي اللي يستحقها القرد جابروووه ..
اووووووف لو طاري مليون الف دولار احسن لي من طاري هالغبــــــي .. كذا بلقافه رحت اقول له عن خطبة سارا وانهم وافقوا ..
منير :جابرررر تعال ماعرفت اخر خبــــــر ..
جابر :خير وش صاير بعد ..
انت وجه خير كل الشرور تطلع على وجهك ..
منير :وافقت سارا وخلاص بيروحون لأبوها ويملك عليها قــــيس ..
طالعني وكني جالس اكذب عليـــــــه ..
جابر :كذاب ..
منير :قسم بالله العظيـــــم ...
نزل غترته اللي على كتفه ونسفها على كتفه الثاني هذا يعني انه خلاااص معصب لاتقربون منه .. خخخخخ يستاهل والله جابروه بس وش عنده معصب الأستاذ بقريح ان شاءالله يحترق شكلي تأثرت بسـارا وملاك ..
كان ودي اطلع بس وين اروح لحقت جابروووه بشوف وش بيسوي يوم انه داخـــــــل معصب كذا ..
جابر :صدق اللي قوله منيررر...
ام كايد :لاحول ولاقوة الا بالله ..
منيره :وش فيك هاجم علينا مافيه ســلااام خلااص نسيت الأخلاق ..
جابر :أيييه فكونا بس صدق اللي يقوله هـال *** ..
الـ *** هو الحيوان الحقير لو قيس فيه رديت عليه بس اللحين لو بيذبحني محد درى ...
ام كايد :ياولد استح على وجهك ماتعرف تكلم زين ...
جابر :أوههوووو علينا صدق انكم خبطتوا سويررررره ووافقووووا اهلها ..
منيره :ايه خطبناها ووافقوا انت وش عندك ..لايكون بتعترض بعد ..
جابر :ايه بعترض ليه يوم اقولكم اخطبوا لي مشاعل عيتوو وتقولون مايصلحون لنا واللحين قيس تخطبون له منهــــم ..
منير :مشاعل غير وسارا غير ..
جابر :لاااماهو غير بس انتو ماتبون لي الخير بس همكم قيس ترضونه ...
منير :اصلاً من قال ان قيس يبي سـارا ..
جابر :لااه علينا مايبها هذا بس قدامكم ولاهو ميت بس ويتزوجها ..
منيره :ولد بلاقلة حيا ..
جابر :لاتقولين ووولد وش شايفتني قدامك ..
منيره بعصبيه :شايف انسان قليل حيا ماتربى ..
جابر :الشررهه ماهو عليكم الشرهه على اللي يدخل هالبيت مره ثانيه ..
وطلع وهو معصب يزززوول قليل الحيا يرفع صوته على امي ... هذا جابر كذا عصب اجل كيف قيس لو درى وش بيسوي ...

((4))

مشاعل


كان خبر مرض ضحـــى صدمه لم اتوقعها .. ولكن الصدمه الحقيقيه كانت خبر حملها .. يألهي لم اتوقع ذالك ابداً .. ضحى كيف فعلت ذالك كيف غفـــــرت له كيف استسلمــت له لقد اخبرتني انه قبل سفره لم يحدث بينهما أي شــيء والآن لاأصدق ...
كيف بعد كل مافعل به تستلم كجاريه ذليله .. ضحى القويه الشامخــــه لاأصدق انها ضعفت امامه ...
ولكن تبقـى النساء نســاء .. ليس من حقـي انتقـاد ضحــى وانا اكاد اكون اسوء منــها بأفكـاري الغبيــه للمعتوه خلف ..
ولكن لابأس بأفكــاري هي نوعاً ما مقبوله ..
يألهي ..ماهذا .. هل بدأت ابرر لنفــسي تصرفاتي الرعناء ..
يبدو ان اللعب مع روبي لم يكـن مسلي لينسيني هذه الأفكار ازحـت تلك الهره المشاكسه من احضـاني .. واستلقيت على فراشــــي ..
في الأيام الأخيره اصبح التفكير بخلف هاجــس لايكاد يفارقني .. يتعبني ذالك كثيراً لأعلم أي غباء يعتريني وأنا افكر فيه كرجل يعجبني وليس كعدوي الثاني بهذه الحياة ..
يألهي على هذا هو عقـــابي .. لكل مخطأ وظالم عقاب ونهايه يبدو اني اسفرت بالخطأ والظـــــلم ولكن رغماً عنـي لاأستطيع الحياه بالراحـه قبل ان انتقم من والدي والأنتقام ..
هل سيكون نهايتي الوقوع في براثين تصنعاتي ..
يألهي .. اجل .. عرفت ماسيشغلني عن كل هذا ويجعل تفكيري لايكاد يحيد عن مساره نحـو الأنتقام ..
اتصلت عليه واعدت الأتصال الف مره ولكن دائماً يصلني صوت المجيب الآلي بأن الهاتف خارج الخدمه مؤقتاً...
كان لامفر من الأتصال بـ سعاد التي اجابتنــي صارخه باستجداء ..
سوسو :كنت بتصل فيك الحقينــي ميشو انا بورطـه ومالي الا الله ثم انتـــي ...
ورطه جيد هذا ماسيشغلني حقاً ...
ميشو :ياعزيزتي هاتي ماعندك ...ميشو لن تخذلك ابداً ..
سوسو :ميشو ورطه والله ورطـه ماتنقال الاقولي مصيبـــه كارثه أي شـي ...
صمت وانا اسمعها على الطرف الآخر تحادث نفسها أنها لم تمر بمصيبه كهذه من قبــــــــــــل ...
سوسو :أنا بورطـه بمصيبه بموقف ماأنحسد عليه ..
ميشو :ياعزيزتي الن تخبريني ماهذه المصيبــه حتى استطيع الأشفاق عليكي ..
سوسو :والله بتندمين ميشو شعر راسك بيشيب لو سمعتيها ..
سمعتها وابتسامة الفرحه لم تفارق شفتاي وخطـه يستعيذ منها أبليس تتمحـور في رأسـي حتى انتهت المكالمه بصرخة انتصار من قبلي..


((5))


ملاك

دخلت المستشفى على الساعه تسع ونص وانا مشتاقه حيــــــــل لها لاتلوموني توأمي اول مره افارقها كل هالوقت .. وخصوصاً بعد موقفي مع قيس حسيت اني محتاجه لها كثيررر بس ماكانت هنا طبعاً انا مستحيل اخبرها عن اللــي صار ماأبغى اخــوفها علي .. وبماأني خلاص قررت مااشحد في ذاك المكان بس طبعاً مستحيل اتخلى عن مهنتي وعن الناس اللي حاطه املها فيني والصراحه ماني خسرانه شـي وبظل على هالحال لين يثبت لي الوقت ان اللي اسويه خطأ لأنه الا اللحين برايي صحيح ..
بس الخوف ان ضحــى تكشفني ماأبغى يصير موقفي مثل موقف شهــد أمس بعد مافضحتها وعد واليوم رفضت تجي معنا الخوافــــه بس انا ماخليتها لزقت فيها هند هذي ماينوثق فيها اخاف تدشـر من ورانا .. وعاد ذيك الحزه ماينفع ياليت وليــت ...
اول مادخلت الغرفه حضنت سـارا وماأنتبهت على الموجودين كنت احسب بس ضحى وسارا بس فجأه انتبهت عليه ياويلي لايفضحني هذا ويقول لضحى اللي صار امس بس اشوى ساكت ...
سارا :وين الدشير خواتك..
ملاك :كانن معي لين المصعد بعدين مأدري وين راحن ..
سارا :جت معكم مشاعل ..
ملاك :لااا اصلاً اليوم حتى ماافطرت معنا وبتطلعين ولابتبقين لين نهاية الزياره ..
سارا :ليه قالوا لك ملااك النذله لاحبيبتي انا مااستغني عنك ولو استغنيتي ..
طلعت زمزمية القهوه وصبيت لضحـى منها ولسارا .. وكان الشين طلع .. سألت سارا ..
ملاك :قال لضحى شي عني
سارا:لا وش مسويه ياداشره ...
ملاك :انتي وش عندك اليوم مع الدشاره والله ماسويت شــي على فكره بتداومين بكره ..
سارا:انتي اليوم داومتي ..
ملاك :لااا
سارا :أجل انا ماني مداومه المدرسه من دونك ماتسوى ..
ملاك :فكه كلها هالأسبوع وبنرتاح .. مادريتي انا ابله عطوف سأله عنا شخصانين ..
سارا :اوب اوب اوب وانتي وش دراك ..
ملاك :وعد تقوله .. تقول ابله عطوف اليوم سألتني عنكــن بالطوابير شكلها تحسبنا خلاص بنبطل ..
سارا :لاوين نبطل تونا نبي نستهبل ..
ملاك :يعني خلاص غيرتي رايك ماتبغين تنجحين ..
سارا :انا انجح كثيريلي منها اصلا المواد مره صعبــه احس لومكملين دراستنا قبل بتكون اسهل اما اللحين بعد ماشاب ودوه الكتــاب ..
سحبته مع شعرها وصار راسها بحظني ..
ملاك :تعالي خليني اشوف الشيب ..
كانت تحاول تسحب نفسها مني ..
سارا:فكيني يامتوحشه مافيني شــيب ..
حطيت يدي على فمها لأنها كانت تصارخ ...
ملاك :قصري صوتك بتصحين ضــحى ...
قامت وهي ترتب شعرها اللي انحاس من المظارب ..
سارا :ضحى نامت ياحليلها زي البزران بس تحط راسها تنام ولاكأنها توها شاربه قهوه ..
ملاك :هههههههههه قسم بالله انك مضيعه اللحين ضحى مثل البزران ياغبيه هذي من العلاجات اللي تأخذها ..
سارا:المهم انها نايمه وقصري صوتك اللي يوصل حتى للاحلام الوحد ويخربها ...
ملاك :مجربه انتي ووجهك اكيد كنتي تحلمين بتعيس الحظ وصوتي خرب عليك صح ...

((6))



سارا


كلام ملاك رغم انها عادي لكنه اربكني وذكــرني بالحلم الغريب اللي شفته وأنا نايمــــــه .. كان على رغم من غرابة الحلم الا انه كان واضح كأني مصوره هالحلم وجالسه اتفرج علـــــيه ...
كان بالحلــم كثير من خواتي وناس اعرفهم بالمدرسه بس الشـي الغريب وش جاب الوحـش وجواد الحقــير بحلمـي ..
اكثر شخصين كرهتهم بحيــاتي كلها اوووف .. ياربي ماأبي اشوفهم ابداً ولاأفكر فيهم ولاأحلم فيهم اكـــــــرهم ...
قلت لملاك خلينا نطلع لانزعج ضحى لان ملاك ماتعرف تكلم بصوت واطي ابداً اول ماطلعنا كانوا هند وشوق توهم داخلين ومعهم نوف ..
ملاك :يالله وين بنجلس مع هالأزعاج
سارا :اللحين بنلقى لنا مكان امشي انتي بس
ملاك :اوووف مافيني امشي احس رجولي متكسره من الوقفه بالمطبخ ..
سارا :ايه بالمره متكسره ياحبك للمبالغه لوتبغيني احلفك انك من امــس مادخلـت المطبخ حلفت..
ملاك :لاتحلفين قسم بالله اني اليوم دخلته بعد العشاء اشـرب موياا ..
سبحان الله توني بس افكر فيه واللحيــن القاه قدامي اتمنــى ماأشوفه ابد وبخلال عشـر دقايق اشوفه ياربي وش هالحظ حاولت ماأرتبك ماأبغى ملاك تنتبه عليه انا عارفه ان ملاك ماراح تسكــت بتنسى نفسها وتسبب لنا مشاكل حنا بغنى عنها ...

معقوله يشتغل هنا اذكر خالتي قبل مده قالت عنه شــي انه رجع وبس تداركت نفسها وغيرت الموضوع يوم تذكرت اللي صار بينـــا ... انا الصراحه ماألوم خالتي لأنها ولدها ومهما كان هي بتشوفه احسن الناس وتحب تفتخر فيه وبنفس الوقت مأقدر امنع نفسي انـــــي اكرهه .. لأنه جرحني يمكن اللي قاله فيه شي من الحقيقه بس ليه الجرح ليــــــه .. يمكن لأنه هو ماتوقع اللي شافه حب ينتقم بكلامه عني بالطريقه ذيك كل هذا مو مهم خلاص هو كان لعبه تعديت حدودها وطلعت منها خسرانه .. بس تعلمت منها درس عمري ماراح انسـاه ..
ملاك :هذا وش يسوي هنا ..
ياربي لااا هذا اللي ماكنت ابيـــــه ...
شدتني ملاك مع عباتي وبدال ماتروح له شفتها تتجه للسيب الثاني ..بديت اشك انها كانت تقصد جواد لايكون شافت احد نعرفه او شـي بس ليه التخبي ..
سارا :وش فيك اتركي عباتي ...
ملاك:اييه الوحش جاااي ..
هي قالت الوحش من هنا وانا اللي صرت اجرها يارررربي هذا يوم نحسي العالمي ولاأيــــــش ..
الحقير والوحش مره وحـــــده...
سارا :أمشي خلينا ننزل تحت ...
ملاك :لاخلينا نشتري لنا بلعه جوعانه انا ..
سارا :طيب امشي نروح للكافتريا ..
ملاك :يععععع أي مكان بهالمستشفى يلوع الكبد خلينا نطلع لمكان قريب ونرجع على الساعه اثنعش قبل ماتخلص الزياره ..
وفعلاً مشينا على شــور ملاك وطلعنــا وارتحت من ضيقت الخلق .. والمصادفه الأعجب من عجيبـــــــــــه ..




((7))


اصروا امــه اخته انهم يزورون اختها اللي بالمستشــفى كان لازم وضروري يروح معهــــــم بس اللي ماتوقعه هالضيقه اللي صابته اول ماشافها .. الا اللحين ماهو عارف يحدد مشاعر اتجاها .. يحس شعوره قبل يوم كانت مجهوله بالنسبه له احلى بكثيررر من هالشعور الغبي ليزيده نفور منها لدرجــة انه كره بيتهم الملاصق لبيتهـــا .. وكره دريشة غرفته اللي توصل له سوالفها مع توأمها كل صبح كل ليل كل ظهر ...
عطى اخته اغراضها اللي شايلها لها ..
قيس:لاخلصتوا اتصــلوا علـي انا تحـت بشوف واحد من الشباب يشتغل هنا ..
منيره :مشكور قيس ماتقصر الله يحفظك لنا ...
نزل من عندهم وهو حاس ان اخته وامه بفمهن سالفه من شافنهن بيقولونها له بس ميزاجه العاصف ماهو معطيهن فرصــه ..
وهم راجعين بالسياره رجع له نفس الأحساس .. وحس ان امه بتكلــــــم بس ترجع تسكت ...
انتظر لين وصلوا البيت وسألهـــــا بعد ماجلـسوا..
قيس :وش اللي من امس بتقولينه لي يمـه وتغيرين رايك ...
النظرات بين امه ومنيره مافاته بس سوى نفسه ماهو منتبه وكل تركيزه على الجريد اللي بين يديه ..
قالت جملتها بسرعه وهو اخذ دقايق يستوعبها ...
قيس :ايش ومن قالكم اخطبــــــوا ومن قال اني ابي هذذذي يمـــــــــــه ...
ام كايد :انا قايله لك بروح اخطب وانت ساكت مارديت اللحين يوم خطبت والناس وافقوا جاي تقول من قالتس ..
ماهو مصدق طريقة امه بالكلام متى سألته وسكت هو واذا سكت معناها انه رافض الفكره والنقاش فيها .. مو يعني موافق ليه بنت هو يسكت عشانه مستحي يقول ايه او لا .. كان بيصرخ ويهدد ويتوعدهم لو فكروا يفتحون الموضوع معه مــره ثانيه لأنه مستحيل مستحيـل يرضى بهالكــــــلام لكن دخلت منير بوجه الشاحب وهو يقول ان فيه شرطه تنتظره عن الباب نسته كل شــــــي .. والذعر على وجه امه وأخته نساه حتى يلبس شماغه اللي منزله على المركى جنبه ..
وكان الخبر اللي كان ينتظــــــره من سنين ينتظره مو حب لاخـــــوف ...
وخصوصاً مع اختفاءه اخر مره اكــد له هالنهايه ...
قيس بحزن وهو ينزل راسه اللي سرعان مارفعه بعد ماغطى شعره الطويل عيونه :كيف مات ..
:جرعة مخدر زايده ..
قيس :ان لله وانا اليه لاراجعــون .. من متى ووين لقيتوه ..
وليـــته ماسأل يوم جاه الجــواب ..
:في زباله شكل اللي كان معه رموه بالزباله عشان مايتورطون فيه ..
هذي نهايتك ياكايد زباله ... وش بيقول لأمه وش بيقول لأختــه .. وش بيقول لمـنير .. ولف وراه على طول وشافه واقف يبكي .. سمع اللي انقال ماكان يبغاه يسمع كيف نهاية اخوه الكبير اللي المفروض كان له بمثابة أب ..



(((8))


عساف


اول ماطلعوا اهل قيس دخلــت عليها وزي ماتوقعت ماكان فيه عندها احد من خواتها اللي اخذت المستشفى حارتهن الثانيه ومتراته شبر شبر ..
كانت مغتمه وكأن هموم الدنيا كلها على راسها لدرجة اني شكيت انها درت عن سالفــة الصور ...
عساف :وش فيك ..؟!
ناظرتني وكأنها توها تنتبه لوجــودي ..
ضحى :مافيني شـــي ..
سكتت شـوي وتكلمت ماتوقعت ابد اللي بتقوله ..
ضحى :تعرف جيراننا ام كايد قبل فتره خطبت سارا لولدها قيس وأنا وافقت ...
طيب ماأدري وش المطلوب مني هنا بس اذا كانت بتسألني عن قيس ..
عساف :طيب قيس رجال كويس ..
ضحى :بس سارا ماهي موافقه .. وانا ماشاورتها حتى ..
اووف شكل الموضوع كايد وانا ماأحب احشر نفسي بمثل هالمواضيع بس دام هي اللي بدت وشكلها تبغى شوري لأول مره بحياتها لازم اتجاوب معها ..
عساف :طيب وانتي ليه وافقتي بدون ماتأخذين شورها ...
ضحى :لأن قيس رجال طيب على قولتك بس سارا تكرهه لانه كان دايم يظربها وشي ثاني لأن فرص سارا بالذات بالزواج قليله توها طالعه من خطبه فاشله ..
الصراحه مأعجبني تحكم ضحى بحياة خواتها بس صدق هي المسئوله عنهن وكبيرتهن بس ماتوصل لأنها تتخذ قراراتهـن عنهـن ..
عساف :والله ياحياتي هي اختك وانتي اعرف بمصلحتها مني ..
ماردت علي ورجعت لسراحانها ..
عساف :ماقلتي كيفك اليوم ..
طالعتني بنظره صغيره ..
ضحى :يعني احسن ..
عساف :خلاص كلها يومين وبتطلعين .. دبرت لك خدامه بجيبها اول ماتطلعين ..
ضحى :بروح عند خواتي ..
عساف :روحي للمكان اللي يريحك والخدامه معك ..
كنت جاي بقوم لأني تذكر شغله كنت بجيبها ونسيتها ..
بس يدها اللي مسكت يدي خلتني الف عليها بصدمه .. حلو والله وصرتي تمسكين يدي ياضحى ماتبغيني اطلـــــع ..
ضحى :وش كنت اللي تقوله امس ..
سألتها وأنا ارجع اجلس على طرف السرير..
عساف :وش قلت ...
ضحى :من بيني وبينه عداوه ..
عساف :يوووه انتي للحين ذاكره هالسالفه .. انتي محد يمزح معك ..
ضحى :السالفه ماكنت مزحـــه ..
عساف :وكيف حكمتي انها ماهي مزحــه .. ضحى لاتسوين نفسك فاهمه لكــل شـــــي ..
ضحى :انا متأكده انك ماكنت تمزح ..
عساف :وانا متأكد اني كنت امزح ... لاتسوين نفسك فاهمه لكل شــــــــي ..
اووف وش فيني انا بعد شوي ولاظربها كف .. يارب اوووووف طلعت قبل مااتهور واجرحها بكلام يطلع بدون ماأقصده انا من بعد سالفة الصور ماني قادر اتحكم لابكلامي ولاباعصابي المنفلته على اهون الأمور ... الله لايجزاك خير ياخلف انت ووسوستك ..


((9))


وعــد


اول مانزلنا من السياره .. وشفت شكل قيس وهو حاضن منيرعلى باب بيتهم خفت ياربي وش صاير .. يعني قيس يظرب منير يوطى على راسه مو يحضنه اكيد صاير مصيبه .. ياحرام لايكـــــون ماتت ام كايد ...
سألت سارا اللي كانت واقفه معي ...
وعد :وش صاير .. ليش يبكي منير ..
سارا :ياحليله مسوي نفسه طيب ..
وعد :بروح اشوف وش السالفه ..
ويوم شفت نوف راحت لهم رحت اركض وراها لاتفوتني السالفه بس يوم قربنا ماعرفنا نتكلم لين رفع منير راسه لنا اول ماشافنا شهق بقوه وجاء يركض لنا ..
ناظر فينا قيس بنظره وكأنه بيبكي ياحرام وش فيهـــــم .. ودخل بيتهم ..
جانا منير يبكي وبنفس الوقت يحاول يمسح دموعه ..
منير :كايد مااااااااات ..
ياحرام مات كايد بس هو سكران يعني حتى يوم كان حي وجوده مثل عدمــــــه ..
نوف :منير لاتبكي الرجال مايبكي بعدين خلاص هذا يومه ..
سارا :تعال منير ادخل معناااا .. لاتبكي زين هوكان بيموت اليوم اوبعدين .. وكلنا بالأخير بموت ...
ياربي خواتي غبيات ذولي مايعرفن يتصرفن وش بيموت وماأدري ايش .. والله يحزن وهو يبكي ...
جلسنا نسمعه وهو يبكي ماندري وش نسوي كيف نسكته وكل ماقالت سارا اوشوق حاجه بكاء ..جلس عندنا يبكي لين جاء قيس وأخذه كان واقف على الباب وقالنا خلوه يطلع لأجي اطلعه بنفس لأنه جاء كم مره ومنير يبكي مايبغى يرجع لبيتهم بس يوم قلنا له اللي قاله قيس طلع بســرعه ..وسارا قالت ..
سارا :أقشــر طيب طلع على حقيقته ..
جلسنا ننظر في بعض لأن محد منا قال عنه طيب اوشرير..
ماقدرت انام طــول الليل افكر حتى انا بموت واذا مت وش بيصير لــي بكون بالقبر لحالي وانا اخاف من الظلااام ...
ياليتني اسوي اشياء زينه تنور علي قبــري ...ااكره الظلام ماأبغى الظلام ..
سمعت نوف تسألني ..
نوف :أي ظلام ماتشوفين النور اللي مخلينا موقادرين ننام ..
فتحت عيوني وشفت النور مالي الغرفه .. كذا لاجاء النهار مانقدر ننام لأن غرفتنا مافيها ستار والنور يملأ الغرفه ..
وعد :بتداومين اليوم ..
نوف :ايه عندنا اختبار قواعد ..
وعد :ماهو قالوا مافيه اختبارات بالرمضان ..
نوف :يقالك ماتعرفين ابله وعد ..
وعد :وعععع لاتقولين ابله وعد تقهريني الله يأخذها الشينه ذيك اسمها على اسمي ..
نوف :صدق انك حوطيه ليه تسبينها اللحين افطرتي ..
وعد :أستغفرالله استغفرالله .. وترى حتى انتي افطرتي ليه تسبيني ..
نوف :اسكتي ترى بديت اعطش من الكلام معك انتي بتداومين ..
كنا نتكلم وكل وحده بفراشها اصلا توه بدري الساعه توها ثمان ..
وعد :اكيد بداوم اجلس وش اسوي ماأقدر اكل ولاأحوم بالحاره .. على الأقل بالمدرسه بنسوي محاظره بالمصلى ..
نوف :ماقلتي لي بحظر اجل ..
وعد :توقعين منير للحين يصيح ..
نوف :مأدري عنه تلقينه نام اليوم اكيد بيسوون العزاء ..
وعد :أنا بروح ..
نوف :خبله انتي وش يوديك ..
وعد :الخبله انتي يعني ليش بروح اصور بيتهم بروح اعزيهــم..
نوف :بكيفك .. اقولك وش سويتي مع ندووه للحين تحرش فيك ..
وعد :لاا الحيوانه ماتقدر اللحين المعلمات كلهم معي والناس كلها تدري انها منافقه مايحبونها مثل قبل
..
نوف:رجعت تسب لاتقولين حيوانه يابقــرره .. واصلاً هي من البدايه منافقه وكل البنات يدرون بس المعلمات دايم مايصحن الا بالأخير سمعت انها بتغير المدرسه ..
وعد :بقلعتها احسن وعقبال سارووه ام كشـه ..
نوف :انتي لوبيدك ماتبغين احد يبقى بالمدرسه غيـرك ..
طولنا وحنا نسولف لدرجـة اني يوم وصلت المدرسه كنت ميته عــطش ..
الحصه الأولى ماحظرت الدروس لأني كنت مشغوله بالمحاضره اللي بنسويها بالمصلى بعد استراحة الصلاه ..
بعد الحصه الثانيه جتني بنت من فصل نوف تركض .. وقالت لي ..
:الحقى وعد نوف جالسه تهاوش مع بنت من ثاني متوسط عدمت وجه البنت واخت البنت وبنت عمه كفخوا نوف بسرعه ..
رحت اركض وراها ولقيته يتهاوشون بين فصل نوف وفصل ثاني متوسط ب .. كان بينهم سيب صغير فيه دورة مياه وهناك كانت الهوشه ..
اول مره اشوف نوف كذا معصبه كانت تظرب بنتين ظرب ماهو صاحي حتى يوم نتهاوش مع عيال الحاره ماعصبت كذا ...
وعد :نوف خلاص فكيهاااا .. نووووف ترى بيفصلونك فكيها ...
صرخت علي نوف ..
نوف:ماني فكتها لو يقتلوني ماهو يفصلوني بس انا اوريها الحقيرررره والله لأذبحها ...
وتفـلت (بصقت ) عليها بقهر وهي ترفس البنت مع بطنها ..
جت ابله عطوف معصبه ومعها الوكيله والمراقبه وتجمعوا كل الأداره اسحبوا نوف بقوه وانا اركض وراهم ...
ابله عطوف :ياقليلة التربيه ولد قسم بالله ماأنتي بنت حتى برمضان مانتي فاكتنا من شرك .. انا اوريك بفصلك فصل نهائي ماعاد ابي اشوف رقعت وجهك في مدرستي ..
كانت معصبه مررره شابه نار اصلاً شكل البنات بعد ماصفقتهن نوف ينرحم بس مأدري ليش عندي احساس ان الموضوع كايد ...
جلسنا بالأداره اكثر من ساعتين بهواش ابله عطوف اللي تبغى تفهم من نوف السالفه بس نوف رافضه تكلــم وحسيت ان نوف تبغى تبكي حتى يوم جت البنت وسألوها وش السالفه ماتكلــمت وكان خايفه من نوف بقووووه ...
اول مارجعنا للبيت ..
وعد :نوف قولي ليش ظربتي البنت ..
انصدمت يوم جلست نوف تبكـــيييييييييي ..
نوف :الحيوانه الحقيرره اكرررها عساها الموت ....
وكانت تشهق بقوه وهي تبكي ..
نوف:شفتي الحيونه وش تقول بنت خالها الحقيره بالثانويه اللي تدرس فيها ضحى وهي ومجموعة بنات صوروا ضحى يبغون ينتقمون منهااااااااا ...

انتهى الباااارت

الحلقــــــه الرابعــه والأربعـــــــــــــون


((1))

[ .. مغفـــــله .. ]

ضحى


المفروض اليوم اطلع من المستشفى اللي لاعت كبدي منه ..الم ظهري للحين مضايقني ومسبب لي خوف ماأبغى اذوق الألم اللي ذقته ذيك المره .. كان عساف رايح يتكلم مع الدكتور وسارا جالسه عندي ..
سارا :ضحى كلمتي ام كايد ..
يووه هذي وش دراها عن ام كايد لاوتكلم بهالبرود ..
ضحى :وليش اكلمها ..
سارا :من امس وش نقول لك .. ولدها كايد مات ..
ضحى :يوووه نسيت لوصلنا البيت اكلمها ..
سارا :مسكينه ارتفع عليها الضغط اول يوم بالعزاء وطاحت عليهم ...
ضحى :كلنا ماشين بهالطريق ..
سارا :لااا اخاف انا مأحب احد من اللي احبهم يموت افضل اني اموت اول وحده ..
دخل علينا عساف
عساف :خلاص جاهزين ..
كنت جالسه على طرف السرير وماسكه ظهري اللي احسه يتكسر لجلست كذا ...
ضحى :ايه يلا نمشي ..
وجيت اوقف ...
قال هو
عساف :ياءالله نسيت اجيب كرسي لحضه انتظروا بجيب لك كرسي وأجي ...
ضحى:لحضه تعاال
بس كان طلع مصدق نفسه بجلس على كرسي ...
مادريت اني كنت اقولها بصوت عالي الا يوم قالت سارا ..
سارا :وليش لا انتي تعبانه شوفي يدك بس على ظهرك تحسبين الطريق صغير والله لينهد ظهرك قبل ماتوصلين الســياره ..
كلامها خلاني اوافق بدون معارضه اني اجلس على الكرسي يوم وصل فيه عساف اللي علق على كتفه الشنطه الصغيره وبيده ماسك كيسه وبنفس الوقت كان يدف الكرسي ..
اول ماوصلنا البيت واستقبلوني شدن ونوره اللي وحشوني كثيررر حسيت اني فعلاً مرتاحه بعد كل اللي صار من دخلت المستشفى ...
جتني ملاك طالعه من المطبخ معها صينيه عليها اكوب فيمتو ..
ملاك :كلووووووووش كلوووووووش تو مانور البيت ...حوزع الشربات على أهل الحاره ...
هند :تسوينها خبله بس لاتنسين ان ولد جيرانا توه ميت ..
ملاك :ايه صح الله يرحمــه .. وراح سكران الحاره ...
وعد :لازم نتعاقد مع سكران جديد حاره بدون سكران مثل طبخه بدون بهار ..
ضحى :خلااص بنات استغفرالله وش هالكلام ...
وعد :غريبه ضح ضح ماصارختي بس قلتي اسكتوا ...
ضحى :والله لوانتي رايقه انا ماني فاضية لك ..
استغربت سكوت نوف اللي العاده صوتها يلعلع مع وعــد ..
ضحى :نوف وش فيك ...
حسيتهم ارتبكوا وهند جلست تضحك ...
هند :هههههههه مافيها شـي بس محزنه على كايد ...
ضحى :وين شهد ليش مانزلت ماتدري اني بجي ...
سارا :اكيد مالها وجه طنشيها الخبله عشان تعرف خطاها وماتعيدها ...
مادري ليش جاني احساس ان خواتي كلهم كانوا عارفين عن شهد وماخبروني يعني انا المغفله بينهم ...
ماسألتهم لأني عارفه انهم بينكرون بس انا بطريقتي الخاصه بعــرف وساعتها ياويلهم اذا دريت انهم كانو مغطين عليها ومستغفليني كل هالوقت محد منهم بيمر من عقابي ...


((2))

[ ..الأنتقــام الكبيـــر ..]

ميشو


أخبرتني سوسو بمكالمتها انها سمعت مالك يحادث فتاة بالهاتف ويناديها وديان حتى انه لم يهتز حينما رآى سوسو وأكمل محادثتـــه ... سوسو كانت جازمه ان من يخاطبها مالك هي خطيبة شقيقها خلف ..
كانت منهاره وتكاد تفقد عقلها من هول الأمـــر .. طلبت منها ان تدع الأمـر لي .. وفعلاً هذا ماحدث وبعد ثلاثة ايام من تلك المكالمه هاأنا اجلس وبيدي الورقه الرابحـــه .. الفتاة التي كان يخاطبها مالك لم تكن ابداً خطيبة خلف ومن سوء حظه .. وسعادة حظي أن لهما نفس الأسم .. ووديان التي يحادثها مالك لبنانية الجنسيه وهي صديقه عزيزه جداً عليه عرفها منذ مايقارب العامين ..
والآن هل فهمتم ماسيحدث حينما يعلم خلف ان أخاه على علاقه هاتفيه وربما تتعدى ذالك مع خطيبته ..
سيكون الأمر مثل انفجارعنيف يقع في منتصف المنزل يحطم الجميع ويحولهم للأشلاء ..
خلف سريع الثوره فحينما يعلم بذالك سيسعى لتطليق تلك التضاريس ويكيل اصناف العذاب لأخي العزيز مالك .. ربما يعلم بعد ذالك بحقيقة الأمر ولكــن الأهم ان لااايعلم حتى يتحقق مرادي .. وانا على ثقه بإن هذا ماسيحدث خلف لن يحكم ابداً عقله..
ماذا لو وضعت سوسو بالصوره بحيث بعد انكشاف الحقائق تكون هي الملامه .. رائع يبدو اني سأتسلى كثيراً ...
قفزت جالسه بعد ماكنت مستلقيه.. اليوم ستخرج ضحى من المستشفى هل وصلت ..؟!
يجب على ان انزل حالاً والا وقعت في لسان التوأم اللاذع .. وفعلاَ كما توقعت ..
ملاك :عساك ماجيتي ... صح النوم بدري حبيبتي روحي كملي نومتك ...
لم أجبها حتى قبلت ضحى ثم استدرت لها ..
ميشو :اهتمي في شئونك ...
سارا :يقالك اللحين بتكسحين توأمي يالقطوه ..
ميشو :سارا لما لاتبعدي عن طريقي ..
يألهي لاأعلم ماحدث فجأه وجدت نفسي احلق في الهواء ...
ميشو :أنزلاني ياسافلات ...
ملاك :بالمشمش ...وش رايك سارا نعلقها بالمروحه ..
يألهي اشعر بأن ذراعي ستتمزق من جهة الكتف ..
ميشو :اتركيني ياوغده ملاااك سأقتلع رأسك ان لم تنزليني الآن ..
اجابتني سارا وهي تحرك قدماي بعنف ..
سارا :اسكتي لاوالله نرميك على الأرض بقوه ...
ضحى :خلااص بنات صدعتوني نزلوها ...
ملاك :حركي سارا بنطلع فيها للحوش عشان مانصدع بضح ضح حبيبتنا ..
وفعلاً فعلتا ذالك يألهي سأقتلهما ...
ميشو :انزلااني .. كلاااا لاتفعــــــلا ذالك ....
آآآه يال الهـــــــول يالها من سقطة مؤذيه غبيتان اود لو اقتلع رأسيهما ... وقفت على قدماااي وانا ممسكه بظهري ... وصحت بهما ..
ميشو :سااااااااااااافلاااات ..
تافهات اكرهـن ..
صوت وصول الرساله الصادر من جهازي انتشلني من افكاري الشريره للكيفية الأنتقام من التوأم الحقيـــــر ..
كانت رساله من المركز التجميلي يخبرني بأن عملية التجميل التي سأجريها تحدد موعدها بالسادس من شوال ...



((3))


[.. وآندمآآآه ..]


بالمجلس الكبير بعد ماخلى من المعزيين كان جالس ومنزل راسه للأرض شماغه اللي مغطي فيها راسه ولافها من كتف لكتف تشربت دموعه اللي نزلت بعد ماختلى بنفسه .. راح اخــــوه توأمه اللي ماكان توأم جسد بس توأم روح ... قضى اول سنينه وهو وكايد مايتفارقون دايم مع بعض رغم ان كايد يكبره بسنتين .. دخلوا المدرسه مع بعـض .. مع ان كايد كان الأكبر بس هو كان يعتبر نفسه وصي عليه معه بكل خطوه هو يعرف يدبر نفسه بس كايد مايعرف يدبر أموره لازم يعتمــد عليه بكل شـــي .. استمروا على هالحال لين دخلوا المرحله المتوسطه من هناك كان افتراقهم بدا يحس ان كايد عاله عليـــه يحسه يفشله بضعفه كان يبغاه قوي مثله يكره انكسـاره ...
بدأ يبتعد عنه بالتدريج لين صار كايد وحيد وبين ليله وضحاها تعرف على شلة فاسد افسدته معاها ..
وطريق الخطأ اعتبرها القوه اللي ياما تمناها .. كان يشوف نفســه قوي رجال سوى شي قيس نفسه ماقدر يسويه ... وهو أخطأ يوم تخلى عنه وتركه يختار الطريق اللي يبي كل هذا بسبب كبرياء مراهقه غبــي كان تفكيره محدود بس هو تفكير ذيك المرحله .. كان مجروح لأنه أبتعد عنه ومافكر بجرح كايد يوم هو اللي ابتعد عنه .. هو ماكان بحاجه الكايد بس كايد كان بحاجته ومعتمد عليه ... مسح دموعه بسرعه يوم سمــع صوت احد يقترب من المجـــلس ..
منيره :قيس تكفى تعال شوف امي اقنعها تأكل تعبت معها من أمس مادخل فمها الأكل ..
قام بتكاسل ولحقها على غرفة أمـــــه اول ماشاف حالتها نزلت دمعه من عينــه ..
يحس هو اللي قتــل اخـــوه .. هو اللي قتـــــــــله .. ماقدر يجلس اكثر طلع بسرعه على غرفتــــــه ..
هو السبب لو ماتخلى عنه لو ماأبتعد عنه لووو انتشــله من طريق الفساد قبل مايضيـــــع ماكان اليوم يبكي اخوه ويبكـــــــي خاتمتـــه ..


كان جالس يتأمل الليل و عيونه تدور بالظلام وترجع تستقر على النور المتسرب من شباك مطبخهم .. انتبه على خيال انسان جاي من ظلام الحوش الثاني ... ماعرفها لين جلست تحت النور .. تنهد بقوه ويده على الستاره بيقفلها سولت له نفسه يوقف ثواني يتأمل فيها شوشو .. وطرى على باله كايد .. اللي شوشو والركض وراها اشغلوه عنــــــه .. هي السبب من اختفى اخوه مالقى وقت يدوره فيه ليش لأنه يركض ورى شوشو وين راحت وليه اختفت ومن هــــي .. يوم هي اختفت قلب الرياض عليهاااا وماخلى مكان مادورها فيه شهوررر وهو يدور عنها ومامل وأخـــــــوه ولد أمه وابوه يغيب شهر كامل ماسأل عنه ولامره وهو يعرف وين يلقاه بس ماكلف نفسه يلتفت لأخوه أشغلته شحاده حقــيررره تراكض ورى الناس تشحدهم والخافي اعظــــــــــم وحده مثلها تطلـع تشحد وتروح وتجي ماوراها احد يسأل عنها الشحاده من اهون الأشياء اللي ممكن تسويها ...
قفل الستاره بقوه وهو يلعــــن شوشو واهتمامه الغبي فيهاااا ...
تمدد على سريره بأمل انه ينام بس صوتها اللي بدأ بوليد وانتهــــــــــى بكارثه طيرة النوم من عينه ...





((4))


[ .. هل كنت الشيطان ..]

ملاك


بعد ماخلاص حسيت انا سارا نامت تسللت من عندها وأنا متأكده انها ماراح تلحقني لأني قلت لها اني بسوي السحور وبس بجلس اسولف معها لين تنام وبعدين بروح نزلت تحــت ومالقيت احد اليوم كلهم ناموا بدري .. كنت بجلس اكلم بالصاله وافضح نفسي بس اشوى اني تذكرت ضحـى اللي نايم بغرفه تحت بابها يفتح بوسط الصاله وهي تاركه الباب مفتوح عشان مافيه مكيف ..
واصلاً مافيه احد اللحين يشغل المكيف لأن الجو بارررد مرره بس هي تقول حرانه طلعت للحوش ..
وجلست تحت شباك المطبخ على طول عشان النور اللي جاي مع شباك اكره اجلس بمكان كله ظلام ..
دقيت على وليد وأنا خايفه مايرد لأني من زمان مطنشته ..
تقريباً من تعبت ضحى ودخلت المستشفى قفلت الجوال وماعاد فتـحته..
خلاص احس انه لو ماتزوجني وليد بضيع تخليت عن اشياء كثيره عشانـــه
ولو ماتزوجني بكون انا الخســرانه ..
لااااااا هو بعد بيخســر شوق حبيبته الشينــه الله يأخذها موكفايه انها غنيه وعندها اهلها امها وأبوها بعد تزوج الوليد ظلــــــم قمــــــة الظـــــلم .. ليش انا احبــه وهي تزوجتـــه ..
بس لااا هو مستحيــل يتزوجها مافيه انسـان صاحي يدق عليه واحد ويقوله انا كنت على علاقه مع زوجتك ويكمل زواجه فيها اكيـد بيطلقها مثــــــل ماطلق خلف الريم اللي انا تسببت بطلاقهم يوم اتصلت على الجوال اللي طلبت مني ميشو اتصل عليه وغيرت صوتي يومها كان الموضوع عادي عندي صح كنت خايفه بس سويت الشي ذاك عشان ميشو ...
وماتوقعت ابدأ اني بكرر هالشـي بس المره هذي عشــــــاني والندم مقطعنـــــــي ماني قادره افكره كيف سويت كذا كيف اتهمت انسـانه بريئه انها على علاقه بالشخص وانها ***** استغفرالله العظيـــــم ..
كنت غبيه كنت شيطان كنت أي شـي شرير بس ماكنت انا مــلاك ..
بذاك اليوم كنت مره منهاره بعد ماعرفت انه ملك على شوق ..
كنت مره مقهوووووررره مأدري كيف تجرأت وطلبت من سفر جواله واتصلت منه على جوال الوليد اللي كنت سارقته من زمان من جوال ود ..
وخشنت صوتي بنفس الطريقه اللي كلمت فيها خلف ذاك اليوم مادري كيف كنت قادره اتكلم واضحك منه وكأني واحد مستهتر تافه خبيث نذل لعب بوحده بعدين جاي يفضحها قدام زوجها ..
ولعبت الدور صح كنت احس اني ماني أنا يمكن ابليس ساعدني اكيد بيساعدني مو السالفه فيها خراب بيوت .. بعد ماقفلت جلست ساعه اطالع بالجوال ماني مصدقه اني سويت اللي ســــــــويته ..
كان الموضوع سهل مرررره سهل ..
بس بعده صارت المكالمه هذي كابوس يلاحقني بصحوتي ونومي حسيت لأول مره بحياتي شعور الأنسان الخبيث الظالم ماتصورت نفسي أبد بهالموقف انا اظلم احد انا اتسبب لأحد بأذيه انا لو بيدي نزعت الـشر كله من العـــــالم وزرعت فيه الخير ..
انا حتى الناس الأشرار ماأكرهم وأدور لهم الف عذر وعذر لشــرهم هذا انا اللي ماقدرت اكره ابوي على كل اللي سواه فينا والعذاب اللي ذقناه بالحياه من بعـــــده ..
ولاقدرت اكره جابـر اللي كان فارس احلام مراهقتـــــي ماأبغى اتعمق لكم ليه حبيتـــــه صحيح زواجــــه من غيـري جــرحنـي بس ماقدرت اكررهه ..
ويمـكن تجربتي مع جابـر هي اللي خلتني اتهـور واكلم الوليد واسـوي كل اللي سويته لأني اخاف يضيع مني مثل ماضاع جابــر كنت اقول انه معذور لوتزوج غيـري هو وش دراه عني وعن حبــي ...
وتحت هالضغط وفكرة اني احب واتزوج واحد غــني وأرتاح من ايام الفقر اللي رغم انها حلوه مع خواتي بـــــس مره لأني كثير امر بأوقات اتمنى فيها لوكنت غنيـــــــه تجرأت وبديت بأول خطـوه وهي المكالمه بعدها تعمدت اطيح بوليد بكذا موقف وبالأخير كلمته على الجوال بدون حتى مايطلب مني بس هو عادي عنده مارفض ومع الأيام عرفت ان هالشي عنده طبيعي ويكلم الاف البنات مو بس انا ..
وتعمقت علاقتنا وصرت التقي فيه اذا زرنا خالتــي لين كشفتني ود الصراحه هو طلب مني أطلـــــع معه بس انا مستحيل اسوي هالـشي مستحيل ...
ملاك :الوليد ..
الوليد :نعــــــم ..
ملاك :مابغيت ترد ..
الوليد :صباح الخير وينك من اسبوع لايكون تزوجتي انتي بعد ...
ملاك :ليه من غيري تزوج
الوليد :كلكن لاجاء رمضان التزمتن وتزوجتن .. ماتدرن انا حافظين هالكذبات ..
ملاك بنرفزه :ولللييييييييد ..
الوليد :خيــررر
ملاك بدلع:مأشتقت لي ...
الوليد :صوتك لاوالله ماأشتقت له بس شوفتك اكــــيد ..
ملاك :احلم
الوليد :ماودك تشوفين خالتك ..
ملاك :قديمــــــه ..
الوليد :حددت زواجــي بأجازة العيـــــد ...
وش قاعد يقول هذا يكــذب والله العظـــــيم يكذب مستحيـــــل اللي يقوله صدق ...
ملاك :كذاب ..
الوليد :وليش الكذب ..
ملاك :وانا حرام عليك وعدتني تطلقها ..
الوليد :وعدتك وكنت بلعب عليك... تدرين ليه اقول لك هالكلام لأني قررت اروح مكـه بعتمـر وماودي اروح هناك وعندي نيه شينه لك فأحسن شـي قلت اخبرك الحقيقه ..شوق حبيبتي احبها بجـنون مستحيل بطلقها عشان وحده مثلك .. على فكره تعجبني سذاجتك قليل القاها فهالزمــن مع ان اللي بمثل ظروفك ماشيات على حل شعـــــرهن ... ملاك صدقيني هالطريق مايصلح لك خليك على سذاجتك احسن لك ...
وكلااام كثــــــيررر كثـــــــيررر انقال ماوصلها منه الا ذبذبااااااااااااااااااااااات الحروف ...


((5))

[ .. هل هي النهـايه ..]


قفل منها واحساسين بداخله يتصارعن أحساس بالندم انه ضيع من يده صيده سهل قليل ينلقى مثلها .. واحساس بالرضا لأنه اتخذ هالخطــوه الصعبه وتخلى عن شهــوه ونزوه في سبيل أنه يتقرب من ربــــــه .. نوى يعتمر ويطهر قلــــبه يبغى يروح مكه ونيته صافيــه يتمنى يبدأ حياه جديده .. يبغى الله يغفرله ويصلح له حياته بعد الزواج ..
مايبغى حياته الأوليه تأثـر عليه .. خلاص هو بيترك هالطــريق وان شاءالله ..الله بيعينـــــــه ..
رجع لشغله اللي كان يسويه قبل ماتدق .. سبحـان الله يمكن لو مادقت كان سكــت ومافكر يقولها ويمكـن بعد العمره يرجع ويكمل لعبه عليها .. محظوظه يوم اختارت هالوقت عشان تدق فيه بعد ماأنقطعت اسبوع كامل ..
:عمي الوليد خلاص لميت حاجاتك ...
الوليد :ايوه خلاص ان اللحين ماشي خوذي الشنطه هذي نزليها معي ..
ود :ليه حماليه لك ..
الوليد :ود والله ماني ناقص ظرافتك ..
ود :موكأن اغراضك كثيره احس الشباب اغراضهم اقل من كذا كل ذولي شناط ...لايكون حاط عدة الأستشوار وشنطة المكياج ..
الوليد :وانتي حاسدتني حتى على الشناط شوفي فيه فوق دولابي شنطه خوذيها لك ..
ود بقهـر:تتريق علــــــي ..
الوليد لف عليها بعدماكان يرتب بشنطته المفتوحه:بتساعديني ولا أطلعي برى ..
ود :اوووف يأخي ليش انت ماتحبنــــــي ..
الوليد :اطلعي بررررى ..
ود :حرام عليك وش سويت انا كذا ...
الوليد :كذا ميزاجي .. تفضلي اطلعــي برى ...
ود :خلاص بنزل الشنطه بدون كلام...
قدام باب الفيلا الداخلي كان موقف السـياره وفاتح الشنطه يدخل أغراضه وود على راسه تنق ..
الوليد بصرخه وهو يلف على ود اللي واقفه وراه :اللحين انتي وش تبغين ..
ود اللي انخرعت من صرخته : خلااص اسفه مأبغاك تدعيلي ..
الوليد :طيب بدعليك بس فكي عنــــــي ..
جاه صوته من وراه وبنبره خبثه :ماشاءالله تدينا ..
الوليد لف لصوت اللي مسبب له كوابيس :خــــــير ..
نواف :ليه اللي يشوف وجهك يشوف الخيــــر ..
الوليد يطالع بود :ادخلي ..
ود اللي تخاف من عمها نواف:مع السلامه لاتنسى ادعيلي ...
نواف :هذا يدعي لك هههههههههههههههههههههههههههههههههههههههه ..
الوليد بالفتره الأخيـره تأكد ان نواف اجبن من انه يسوي له شـي يخرب علاقته بالــــشوق:وش عندك تضحك ..
نواف:يقولون شر البليه مايضحك وصدقت هاليوم ...
الوليد بدون مايعطي ادنى اهتمامه لكلام نواف ركب سيارته وطيرها قدام عيــــــــون نواف .. اللي ضحك زياده بعد ماأبتعد الوليد مسكــين للحين يفكر ان تهديده له بتخــريب حياته يقصد فيها حياته مع شـــــــوق .. مادرى ان تفكيــره ابعد من كذا بكثــير ...
هو ناوي يقضـــــي على حياته من الناحيـــــه الماليه وهو عارف ان الوليد بدون فلوس مايقدر يعيـــش .. بيخليه يشحد حتــى اللقمه اللي يأكلهـــا ..
وهو حتى شهــاده جامعيه مامعـه .. يعني ماراح يلقى وظيفه محترمــه تلمــه وعنده الطريقه اللي من خلالها بيضمـن ان اخــوه محـمد مايساعده ولا أحد من العائله يساعده وبيكره فيه الصغيـــــر قبل الكبيـــرر ..

رغــم انه اصبح شبه متأكد ان نــواف مايقدر يضـره ولاحتى يخرب عليه حياته مثل ماكان يتوعده لكنه للحين مقابلته تسبب له توتر وضيقـــــــه ... زاد من سرعة الســــــياره وعشان يخفف توتره مثل مايظن شغل المسجــل لين صار صوت الموسيقى يهز السياره من قوته علق السماعه كويس بأذنه ودق رقمها وحده من العشرات الموجوده ارقامهن بجواله بيتسلى فيهـــــا قبل مايخبـرها انه تركها وبيتزوج عشان يريح ضميـره مثل ماهو متصور ...
اخر مكالمــه واخــر اغنيه قبل مايحــــرم بالعمــره ويتـــــوب ..
هوخلاص بيتوب بس بيسمع هالأغنيــه ويكمل هالمكالمـــــــه ..ووسط ضحكه وكلماته الغزليه للأنسانه مأدري وش اقول عنها بالطـــــــــرف الثاني تنفجــر الكفره الأماميه للسياره .. تتقلب السياره مره واثنين وثلاثه السماعه معلقه بأذنه ... والأغاني تصدح داخل السياره ويختلط صراخه مع صراخ الغنــــــــــاء
توه يضحك قبل ثواني بــــس واللحين يصرخ مايبغى يمـــــــــــــوت
وش يلاقي ربه فيه يردد كلمات اغنية واذنه للحين صدى ضحكه ماجنه راسخ فيــــــــها ..
مايبغــى يموووت وهو ماتاب بس بيعتمــــــر ويصلي وبعدين يسلم الروح
..
مايبــــــغى يمووووووت وهو حتى الصوم اليوم ماصـــــــام اشتهى العصـر سيجاره وشربها ..
مايبغى يمـــوت وهو عاصــــــي ربه ..
افنا عمـــــره ليله ونهــاره وهو عاصي ربــه ويوم يموت يبغى حســـــن الخاتمه وتنقبض روحه على عباده ...

اخر نظره لعينه تعلقت بالبطاقه الصغيره اللي متعلقه قدام المرايه ومكتـوب عليها عبارة التوحيد لاإله إلا الله محمد رسول .. هل سينطقها ....!
حاول ..؟!
هل ملك الموت قريب ..!!
في ليله من ليالي رمضان المـــــبارك
في العشــــــر الوسطى عشــــــر المغفــــــــره ..
يمــــــــوت واي مــــــــــوته ستكــــــــــــــون ..
على طـــاعه ..!!
خاتمــــــــه حسنـه ام ماذا ...؟!
هل مات هل ختـــــــــمت اعماله بالحيــاة الدنيا هل هذه هي النهــــــايه ...

((6))


[ .. لن أفقــــدها .. ]


عساف


رغم اعتراضات خلف اني ماروح وماحاولته ثنيي الا اني رحت واشتكيت في قسم الشـرطه على تصوير زوجتي في مؤسسه حكـوميـه واعطيتهم الرقم اللي وصلتني منه رسالة الوسائط اللي فيها صوره ..
خلف خايف من الفضحيــه .. وانا اسأل وش فضيحه اكبر من ان صورها انتشــرت ايه انتشــرت ...
اليوم واصلتني صورتها بلوتوث عند الأشاره ...
لحضتها وسوس لي الشيطان اطلقها وأرتاح .. ايه اطلقها .. وش الذنب اللي ارتكبته عشان اتحمـل هالفضيحـــــه ..
بس للأسف ماني قد هالشـي كيف اطلقها وولدي وشدن وين يروحــــــون .. وكيف ابتعد عنهااا ..
انا حفيت عشان اخليها ترضا عني اللحين اتخلى عنها من اول اختــبار ..
وخلف هذا صاير مثل الشيطان بس يوز بأذني يبغى ينكد علي حياتي مثل ماهو منكد على نفســــــه ...
الصراحه احسه انسان مريـــــض ...
اوووف ماصدقت اوصل البيت من هالزحمه اللحين كيف بدخل لضحى وهي بين النمل خواتها ...
دقيت عليها بس ماردت .. ياحياتي شكلها نايمه ..
فتحت الباب بمفتاحـي الخاص او بالأحرى هو مفتاح ضحــى ..
فكرت الساعه 11 ونص الصبح من بيكـون صاحـي وبرمضان بعد ..
جربت افتح الباب الداخلي اللي لو مانفتح معي كنت بروح للمجـــلس .. بس انفتح دخلت وأنا ماشي للغرفه اللي قالت لي ضحـى انها بتنام فيـــــها شفت وحده من خواتها نايمه على الكنب ..وعمى ان شاءالله وش مجلسها هنا رجعت طلعت وطقيت على باب الصاله بقوه عشان تصحــــــى ...
:خيرررر وش فيه ..
عساف :انقلعي بدخل لضحـــى ..
:عمى ان شاءالله بيتنا وينافخ بعد .. انتظر لين اطلع فوووق وادخل مالت بس على وجهك الشـــين ...
الشرهه مو عليها على اللي رباهاااا الحيوانه انا وجهي شين والله اني مزيون ...
سمعت صوت ركضها على الدرج ثم :ادخللللللل ..
دخلت ومباشره على غرفة ضحــــى .. انصدمت يوم شفتها نايمه على فراش على الأرض .. الغبيات ذولي مايدرن انها تعبانه وظهرها متعبها مايعرفن ينزلن لها سرير من فووووق .. هذي اختهن اللي ضحت بعمرها ومالها عشانهن مايعرفن يردن لها المعروف .. صدق قليلات تربايه ..
ضحى :وش عندك واقف ادخــــــل ...
عساف :اللحين خواتك اللي مافيهن خير ليش ماحطن لك سرير تنامين عليه مايعرفن ان نومة الأرض تتعبك..
ضحى :من قال ان نومة الأرض تتعبني انا طول عمري انام على الأرض والفراش هذا مريح مرره ...
عساف :يعني لازم تدافعين عنهن ...
ضحى:وانت لازم تهجم عليهن ...
عساف :لأنك تقهريني بسببهن انحرم منك كثير ..
مأدري كيف طلعت مني هالكلــمه اللحيـن بتفتح لي مشـاريع .. وتذكرني ببلاوي اللي سويتها ..
صدمتني يوم أخذت الموضوع بروح رياضيه ..
ضحـى :اووه يالبيبي اجل تنحرم من الماما ..
قلت لها مسوي انكت ..
عساف:حرام تسخرين من أخيك المســلم وانتي صايمـه ..
ضحى :اولاً ماأنت اخوي زوجي ثانياً ماني صايمـه .
ياحلوه زوجي من فمها تحسسني ان اعني لها شـــــــــي .. وصحيح هي ماتقدر تصوم عشان العلاج ولأن الصوم يتعبها ومانعينها منه ..
عساف :افطرتي ..
ضحى :لااصلاً توني صاحيه على وجهك ..
عساف :على وجهي الشين قوليها ..
ضحكــــت وقالت ..
ضحى :انا ماقلت شــي ..
أحس فيها شـي متغير رغم التعب والمرض والأرهاق احسها وجها فيه شــي الأبتسامــــــــــه ..
ايوه هي الأبتسامــه .. بس الأبتسامه الصافيه .. مو ابتسامتها المكشره حقت التطنز ...
عساف :اسوي لك فطـــــــور ..
ضحى :لاتكفي فكني من طبخك اللي مره ملحه زايد مره بدل الملح سكر ...
عساف :ترى مره وحده اللي طبخت فيها وسويتيها مرات .. واصلاً كنت مرتبك مايعجبك طبخي ...
ضحى :هههههههههههههههههههههههههههههههههههههههه ..
عساف :الله يخليلي هالضحكه وراعية الضحكه يارب...
مدت يدي بلمس الحفره اللي تسببها ضحكه تحت ذقنها بس دفت يدي ..
ضحى :مو بتسوي فطـور ..
عساف :طيب بس بلمسها وأروح ..
ضحى :روووووح انت صايم مايصير كل شي تبغاه تسويه ..
عساف :اصلاً محروم صايم ولامفطـــر ..
دخلت المطــبخ ولقيت البطله شدن حاطه لها كرسي واقفه عليه وواقفه قدام الفرن وحاطه لها تاوه تقلي فيها بيض ... ونوره مطلعه القدور من دولابها وداخله فيه تلعب ...
صرخت عليها من القهر بتحرق نفسها بلقافتها ...
عساف :وش تسوين ..
غمضت عيوني برعب يوم شفت رجلها تزل من حافة الكرسي بعد ماأفزعها صوتي وتفقد توازنها وتطيح على وجهها بالتاوه وتطيح على الأرض وتاوه على راسها ...
ثانيه ثنتين ثلاث .. وكنت عندها طايح على رجولي وانا اصرخ مفزوع ..
عساف :شدددددددددددددددددددددددددددددددددددددددن ...



((7))

[ .. أغلى النســـــاء ..]


خلف



ماأدري وش مطريها على بالي هاليوم اووووف منها ... لو هالعساف يطيعني ويطلق اختها ونرتاح من سيــرتهن ..
كل ماكلمته بهالموضوع طاح لي بتبغى تخرب حياتي مثل ماحياتك خربانه وانت غيران مني ومن خرابيط الحريم هذي ..
بس الشرهه علي انا اللي حاشمه وعاده رجال ..
ولا انا وش فيها حياتي ماأحسن منـــها رجال عزوبي ومرتاح واذا طرى في بالي اتزوج مأحط في بالي .. البنات ملي البيوت وهذا أنا بعرس بعد العيد ..
بس هو اللي خرب من بعد ماراح مصـــر وطايحلي بخرابيط الحب ..
انا اذا اعجبتني وحده تزوجتها .. واذا شافت نفسها علي بيت اهلها يحتريها والمره بدالها الف بس عزة نفسي وحده ..
خلف :اللحين انتي ليه ماتروحين بيتكم ترقدين وتفكيني ..
بتقولك ياخلف .. لاأريد ابغى اجلس على قلبك ..
خلف :استغفر الله العظيـم والله اللي انجنيت ياخلفان وتوك ماتهنيت بشبابك ...
متزوج عشر مرات وتوك ماتهنيــــت .. لاماتهنيت .. وقمت اناظر نفسي بالمرايه ..
خلف :وش اللي ماهو عاجبتس فيني يامشااعل .. عشان ترفضيني .. زين ورجوله وجيبي مليان ..
لايكون شايفه لها شوفتـــــن ثانيه .. تسويها ماشيه على حل شعرها يمكنها من راعية الخرابيط ...
اييييييه وش فيني انا اثور نفسي تلتعن بحريقه ان شاءالله ماعلي منها انا بتزوج وديان اللي تسوها وتسوى طوايفها بنت رجال طيب وراعي تجاره ..
ماهي بنت الفقر المشرده .. هي وبستها اللي تنقلها معها كنها ورعن لها ..
والله لتزوجها وأكسر خشمها وجيبها خدامه عند عمتها وديان ..
ايييه ياخلف احلم يقولون الأحلام ببلاش لوأنك قادر تزوجها ماكان هذا حالك ..
تهووس فيها ليل ونهار ..
ايييه الحماره والله ان لها غلا بقلبي ماهو لغيرها من الحــــريم ..
بس هي الحماره اللي مأدري وش شايفه علي ماتبي تزوجني ..
وانا زي الخبل مسوي فيه راعي كرامه ياليتني وافقت يوم قال لي عمي مبارك يملك لي عليها بدون شورها عند مطوع يعرفه ...
بس لاا ماني رجال لو تزوجتها غصب عنها ..
انا بتزوجها ومن ورى خشمها بس برضاها ..
طلعت من غرفتي بعد ماعفت النوم .. باقي على الفطور ساعتين ماعندي شي اسويه فيه لو مارقدت ..
نزلت تحت ولقيت امـي جالسه تخربط مع رئيسة الخدامات ...
خلف :يمه تعالي هنا ابيك ..
جلست بالصاله الجانبيه حقت التلفزيون وجت امي وجلست وهي تنافخ ..
خلف :كل مادخلت البيت وانتي تهذرين معها ..
أم خلف :لازم ارشدها تبغاني اسكت عليها تحوس لي الدنيا ..
خلف :انتي اللي مكبره راسها لو مخليتها مثل خوياتها ..
ام خلف :خلف انت وش فهمك بهالأمور ومن متى تهمك امور البيت ..
خلف :ايييه يايمه العزوبيه خلتني اهتم بأمور الطبــخ بعد ..
قالت وكنها عارفه المستخبى ..
ام خلف :العزوبيه ياخلفااان ولاكاني ادري عن المدرسه اللي اخذها مســـــــيار ..
اهبووو ماينتخبى عليها شـــــي هذي ..
خلف :يمه لاتهرجين قدام احد عن هالسالفه ..
ام خلف :والله اللي جاب لي علومك يوصلها لغيـــري ..
خلف :اووف منكم حريم مايندس عنكن شـــــــي ..
ام خلف :لامايندس عنا شـي .. انت ماخليت بيت بالرياض الا وتزوجت منه ..
خلف :الحمدالله بالحلااال وشرع رب العالمين ماتعديت حدوده ..
ام خلف :بس هذا خباااال ..
خلف :وش اسوي للحين مالقيت اللي تفهمنــي ..
ام خلف :اقول اعقل وخل سوالف الشباب الطايش عنك .. ماأنت صغيـر .. يايمه ابغى اشوف عيالك ..
خلف :اذا لقيت اللي تفهمني ماني جايب عيال من حيا الله وحده بكره ترميهم علي وتروح تزوج ويضيعون عيالي من بعدي ...
ام خلف :انت مسوس ترى ماهو كل الحريم مثل حريم عمك مبـارك ..
سحبت يد امي وحبيتها ..
ماتخلت عنا بعد ماتوفى ابوي ومارمتنا تمسكت فينا وتزوجت الرجال اللي حافظ لها على ورثنا ومالعب فيه ...
خلف :والله يايمه كل هالحريم مايسوون ربع اظفرتس .. الله يخليتس لي ...

انتهى الباااارت

الحلقه الخامسـه والأربعـــون

((1))


ضحـى


بعد ماطلـع من عنـدي عسـاف سحبت شنطتي وطلـعت منها جـوالي تذكـرت رساله اللي وصلتني أمس من المديره بس ماكان لي خلق أقراها .. اكيد تسأل عن
الغياب وفاتحه محاضره طويله عريضه عن اهمالي وتسيبي ..
ايش ....؟؟!!!
كانت الحروف تمر قدام عيوني بسرعه ماني مستوعبه اللي فيها ..؟؟!!..
وش اللي تواسيني ومشكلتي كنها مشكلتهاااااا
لاااااا أنا اتصــورررررررررررررررررت ...
مستحيل هذا الكلام موصحيح .. انااااااااا ..
كيف .. وشلون وعســاف ........ عساف يدري ..
اكيد هذا تخريف من عنـدهاااا ...ليه تواسيني وليه تصورت .. وليه تعتبرني وحده من بناتهااا ..
وليه وألف ليه براسي .. بس صرخة عساااااف .. طيرت كل اللي باقيلي من عقل .. وش فيه ليه يصرخ ..
حاولت اقوم والتمزق اللي احسه بظهري حاول يعيقني بس الصدمه ماخلت فيني فكرر ... دخلت المطبخ وأنا اتسند على الجدار .. شفته ماسك شدن ويهــزهااا ..
ليه يهاوشها وش ســـــــوت هي ..
عساف :قسم بالله لو شفتك داخله المطبخ مره ثانيه لأسويك بالفرن ..
شدن :لتصرخ انتي اللي خوفتني وخليتني اطيح ...
كان يسحبهاااا مع طرف القميص اللي لابسته بيطلعها من المطبـخ ..
ضحى :وش فيه ..
مأدري كنت اسأله عن شدن أو عــن الرساله او عن ميـــن ...
كان يصرخ يتكلم يحرك يديه قدام وجهـي بس ماني مستوعبه شـي وأخر شـي فهمته صوت باب المدخل ينقفل وراه ..
وشدن تقول لي .. انه هو اللي خوفها وهي مالهااا ذنب ...
صرخه هي اللي طلعت منـــــــــــــي ..
او أعتراض ...
جمدت شدن وصيحــــــت نوره ولمت كل البيت علي ..
ضحــى :مستحـــــــــــــــــــــــــيـــــــــــــــــــ ـل ...
كنت اهز راسي بلااا انفي هالـشي اناااا ...
في احد بينك وبينه عداوه
في احد بينك وبينه عداوه
في احد بينك وبينه عداوه
في احد بينك وبينه عداوه ..
,,, وزوجك اشتكـى والمـدرسه بتسوي تحقيق لين توصل للفاعـله ... وو.. وو.. وو
كلام مايعنـيهااا .. هي تصورت وعســـــــاف يدري كل هالوقت يدري وماخبرها يعاملـها مثل الغبيــــــــــــه ..
ليش سكتت يوم سألها مابقت تسأله .. ماكانت تدري .. ماتصورت بعد سؤاله كل هالمصـيبه ..
يعني صورها انتشرت الناس تشوفها
هي اللي ماتخلي احد يشوف طرف اظفرها كل الناس اللي يسوى واللي مايسوى تشوفها وتكلـــم عنهااااااا ..
وليش وعشان ايش ...
حقيرررررر اللي سواهاااا حقيــررررررر
بتخنقه بيديها عمرها ماراح تسامحــــــــه
بتقتله ايه بتقتله وبتقتل أي احد يتكلــم عنهااا
هي حافظة على نفسها خافت ربها وطاعته .. وماخانت عهد ..
وانسانه شرذمه حثاله ماتخاف ربها فظحت سترهااااااا .. الله لايوفقها ولايسمحها ربي حسيبها يوم القيامه ...
ماكانت تدري انها تهز راسهاااا .. لين وصلتها صرخت عدم صبر من سارا ..


((2))

سارا


روعتني الصرخه كانت من ضحى اعرف صوتها .. انهبلت نطيت من فراشي مفزوعه قلبي احسه تحرك من مكانه من الروعه .. مأدري كيف كنت امشي ووصلت تحت .. ضحى مريضه ليش تصرخ أكيد صار لها شـي .. تصورتها يوم طاحت علينا وهي تلوى على سجادتها تصورت معاناتها تكرر مره ثانيه ..
كل شي كل شي فكرت فيه الا أني القاها واقفه كذا صح كانت وقفتها منحنيه ويد متسندها فيه على الجدار قدام المطبخ ويد على ظهرها بس بعد ماكانت احسها تألم
كانت تفكرررر وسرررحانه بعالم ثاني .. وانا كنت ارجف من روعة صرختها ناديتها هزيتها ماردت علي الا بعد ماصرخت
سارا :ضــــحى وش فيــك ...
ناظرت فيني ووجها ماكان طبيعي .. شفايفها كانت ترتجف كأنها بتبكي .. وبكت ..دموعها تنزل.. ضحى تبكي..وصوتها مخنوق ومرتجف وفيه قهررر ..
ضحى :ليش انا وش سويت ... اناااا حافظت على نفسي .. ماسمحت لأحد يغلط علي ولايفكر فيني غلط ....
ليش يسووون فينـي كذا .. ليش يبغون يذبحوني .. انا وش سويت لهـــم ... بحياتي كلها ماغلطت على أحد ...
وش سويت عشان استحق هذا ليش الناس دايم تبغى تحطمــني .. ليش الكل ماسك له سكين ويطعن فيني
.. ابوي .. امي .. زوجي .. خواتي .. الناس اللي برى ...
ليش كل اللي حـولي ..يبغون يقضون علـــــــــــــــي ...
ايه انا ضحـــى .. ايه انا عنيده وظالمـه وحقيرررره واحب احطمكــــــــم ..
بس أنا انسان .. اشعر بظلم مثلكــم .. اانطعن وأتألم وانحرق من تصــرفاتكـــم ..
أنا ماأكــــــرهكم ليه تكـرهونـي .. انا مثلكــم بشــر.. مثلكم .. انا مثلكــم ...
لااتكفين ضحى لاتبكـي ليش تقولين كذا .. انا ماأبغاك تبكـــــين .. كنت بتكلم بقولها لاتسـوي كذا بحلف على المصحف
اني احبها ومستحيـل اذيها .. ورب السماء كنت بسوي كذا .. بس فجأه دخلت هند مأدري من وين وهي تقول ...
هند :الحقوا شهــــد هربـــــــــــــت ....
شفت ضحى تشهق بأنفجاع وترفع راسها للسماء ..قسم كنت اشوفها تتشهــد والله تتشهــــــــــد ...
وطاحت على الأرض ...
كذا مثل أي حاجه جامـده ترمينها على الأرض وتطـيح ...
مسكتها أنا ونوف اللي كانت تبكـي وتقـول اكـرهكم ليه ذبحــــــتم أمـي ....

((3))


ميشو


بسرعه مضت الأيام .. خرجت من المركز الطبي منتشيه بعد العمليه التجميليه لقد بدوت رائعه .. ليس كثيراً ..
وليس أفضل من قبل .. ولكن يبدو شكـلي جيداً ..ولن تتعرف علي والدة فهـدي ولاحتى اخواته وقريباته وسوسو منهن
ولكنها بالتأكيد تعرفني لأني اخبرتها ولكن من غير ذالك ماكانت لتعرفني ...
شعري .. اشعر بالألم من اجله فقد قصصت الكثير منه حتى اصبح قصير جداً يلامس اكتافي وصبغته بلون أخر جميل .. بدوت فيه شقراء فاتنه .. وارتديت عدسات ملونه جديده فأصبح لون عيناي بني فقط لا غيــر ..
لم أعرف نفسي حينما وقفت أمام المراءه ...ريدا كادت تجن حينما رأتني
لن انسى كيف انفتحت عيناها بذهول ماحييت ...
اممم لم ابت ليلتي من فرط السعاده والقليل من الحيره وتردد كيف سأبدا باغواء فهــدي ...
امممممم تبدون محتارين رغم اني رددت الخطه على مسامعكم الااف المــرات .. ماذا سأفعــل .. انا اكره والدي .. احقد عليه .. منذ كنت طفله صغيره.. بدأ هذا الكره .. والغيـره ..
كنت اسمع والدي وهو يخبر جدتي كيف سيتزوج باشا ارملت ابن عمه ووالدة خلف ..
لكي يحميها ويحمي ابناء ابن عمه من الضياع ..فهـو لايرضا ان يحدث لهم ذلك .. ولكن ماذا عن نحن ابناءه لماذا
يرغب بالتخلـي عناااا ..
لقدأخبر جدتي انه سينتقل للعيش بالمنطقه الـشرقيه ليسكن هناك حيث أموال وتجارة ابن عمه ..
بالأضافه لأرملته وابناءه ...
سيبتعد عنا من أجلهم هذا مافهمه عقلي الصغير يومها .. رغم انا والدي كان بعيد جداً عنا ولم اشعر بأبوته ابداً ولكنه
كان يعيش معنا في نفس المنزل ..
ننام كل مساء تحت سقف واحد .. رغم تعدد زوجاته والضياع الذي كنت اشعر به
كلما دخلت منزلنا امراءه جديده بصفتها زوجة أبي وخالتي ولكن كنت اشعر بالأمان ايضاً فهناك والدي جدتي وأخواتي من حولي
.. كان دائماً مايردد والدي انه يريد ابن ذكـر ..
ولكن ذالك الموضوع لم يكن يأرقني كثيراً فوالدي سيبقى يتزوج
حتى ينجب ابنه الذكر ولكنه معناا لن يبتعـــــد .. حتى ذلك اليوم الذي أخبر فيه جدتي بأنه سيبتعد من أجل والدة خلف ...
كرهتها .. وكرهة والدي .. وكرهة خلف وشقيقته ..
أجل كرهتهم كره صغيــر كبر مع الأيام .. والدي أصبح لايزورنا أبداً فقط زياره واحده بعد بضع شهـور ..
حتى بدأ يختفي كلياً من حياتنا وبعد سقوط جدتي ماقبل الأخيــــر ..
بعدها لم يزرنااااااا ابداً .. حتى عاد بالفتـره الأخيـــره ..
كل تلك السنوات زرعت في قلبي حقد دفين ونيــران متقده .. لن تطفئه مياه الأرض كلهااا ...
أمقت والدي واتمنى ان يعــود ليطلب الصفح مني ومن أخواتي .. شعور رافقني سنوات عمري ..
وحلم اغفو كل ليله على أمل ان يتحقق نهار الغد .. حتى بات هذا الحلم ..
مستحيل لن يتحقق .. فشحنت كل مافي قلبي من كره وحقد ورغبه بتحقيق حلمـي .. وقررت الأنتقـام ..
رسمت الخطط تلو الخطط ..وقبلها بنيت الحلم كيف سيأتيني ذليلاً يطلب صفحي ...
كانت خطط بعضها عشوائي والأخر محبوك يحقق غايته بطريقه جميله ..
وبعد تلك المحاولات .. ومع سنوات من مصاحبة سوسو .. التي رسمت الخطط للأطاحه بها وكسبها صديقه لي .. ماأن علمت أنها تدرس بنفس جامعتي بعد انتقالهم للرياض وبالفعل حققت غايتي وكسبت صحبتهااا ..
صاحبتها من أجل اتعرف على عائلة والدي التي سأنتقهم منه من خلالهــــا ..
وبعد العديد من الخطط والنجاح والفشل توصلت لخطتــي ولكن بعد ان اضعت بعض اوراقـــــي ..
اوراقي التي اضعتها لعبتي الأولى مع خلف .. حينما اسميته فهدي .. فلولا معرفته لي ..
لمافعلت كل هذا وغيرت من شكلي ..
ولكن كان درس لي حتى لأعبث بلا هدف واضح ..
واللآن لماذا عملية التجميل وتغيير للأســـــــم ..
شكل ميشو واسمها لم يعد ينفعان .. فيجب ان اصبح صوره جديده وابنه جديده للمبارك الذي مع كثرة بناته لن يعـلم انه ليس هناك مشاعل وريما وانهما شخصيه واحـــده ...
سأتزوج خلف ومن خلاله انتقم من مبارك سأجعل خلف يعقـه .. يأذيه .. يكرهه يأخذه من أمواله ويرمـيه في دار للعجـزه ..وكذالك يفعل بوالدتــــه ...
أنا واثقه من دهائي وخبثي ومـكري .. وأعلم اني بأذن الله سأفعل ذلك ..
ولكن كان هناك عائق أمامي .. سهل وصعب ..
كيف سيعرفني خلف حتى يطلب الزواج مني ...
تبرعت سوسو التي ظنت اني مغرمه متيمه بشقيقها وأفعل كل ذلك
لأصل إليـــه لأنه لن يتزوجني بعد ان رفضته حسب تفكيـرها ..
اشفق عليها لأنها لاتعلــم ان خلف سيزحف على ركبتيه ليترجاني لوطلبت منه ذالك شرطاً لقبولي الزواج به ... أخبرتني انها تستطيع ان تقنعه بزواج من ريما شقيقة مشاعل
لكـي يكسر غرور مشاعل فقط يتزوجها لمده قصيره ثم يطلقهــا .. ويستطيع بعد ذلك الزواج من مشاعل لو أراد ....
واضافت ايضاً ان اقناع خلف بالزواج اسهـل من أقناع طفل بشرب حليب بنكهته المفضله ...
لما اغير شكلي .. خلف لايعرفني اعلم لم يراني من قبل متأكده من ذالك .. ولكن والدته وقريباته يعرفنني وكذالك مالك القذر .... لما اغير اسمــــي .. حتى بعدما احقق انتقامي انتهي من الوجـود .. سأنهي شخصية ريما وأعود مشـاعل
سأعود لشكلي القديم وأسمـي القديم ولن يجد خلف ريما أبداً ليقتص منهاااا ...

اخبرتني سوسو قبل دخـولي المركز الطبــي بيوم واحد فقط بأن خلف على وشك الأقتناع بفكرة الزواج من ريمــا ..
وايضاً اخبرتني بامـر أغضبني كثيراً وافقدني بهجة الأنتصار التي شعـرت بها .. لقد أخبرها انه ربما يتزوج ريما
مسـيار .. لأنه لايستطـيع ان يتزوجها بعد عودته من شهـر العسل مباشر مع ودياااان ...
أجل تزوجها لاتجـبروني على الحديث أكثـر وحضرت ذالك الزفاف بقهـر لامثيل له ولكني سعدت كثيراً ورقصت ايضاً
أجل اعلم اني متناقضه ولكن وجود كراميل وريدا في تلك الليله معي انعش روحي واشعرني بسعاده فلم أكن
أشعـر بأني وحيده منبوذه كعادتي حينما احضر المناسبات التي تدعوني إليها سعاد ...
وكنت محط انظار الكثـيرين وشعرت ببهجه شديده حينما تعمدتا ريدا وكراميل طلب اغنيه خاصه لأرقص عليهــااا ..
وكانت كلماتها رائعه توحـي بعبارات هجر وأنتقام وخذلاااان رجل مااا لفتاة .. ومن سيكون هذا الرجل ..سوى فارس الحفل الأول وعـريسه ..

لم أعد أدخل منزلنا سوى لنوم فكثيـر من المشاكل التي يمـر بها ترهق تفكـيري وأنا احتاج كل تركـيزي .. لأحقق انتقامـي
فأصبحت لأشــارك ابداً بتلك المناوشات التي تحدث داخـله وابتعدت اكثـر عن مشاكل أخواتي ...

×××

صحوت على رنين هاتفـي المـزعج .. لم أرغب بالرد ولكـني تذكـرت ماخططنا له أنا ووسوسو يوم أمس فرفعت الهاتف بسرعه ولكن الخـط كان قد انقطــع ..
..لقد اقنعتها بعـد جـدل طـويل ان تعـرض على خلف التسجيلااات التي قمت بها بمساعدة سوسو التي دست جهاز التسجـيل
في هاتف غرفة مالك .. والتي لشدة غبائهـا لم تكن تعلم لمـاذا مالك يتصـل من هاتف غرفته وليس من هاتفه الجـوال ..
بالتأكيد لأنه يحادث فتاة من الخـارج وليس من نفس دولته .. ولكن هذا ابداً لن يستوعبه عقل سوسو الأخـرق ...
أجل ستعرض على خلف محادثات مالك مع عشيقته وديان .. ولن يكن لدى خلف القليل من الوقت ليكفـر فيه
ان تلك الفتاة ليست زوجتـه .. فهو سيشتاط غاضباً ..
وينفعل ويصرخ ويكسـر عنق اخيه وربما عنق زوجته ايضاً وبعدها
ربما سيفكـر قليلاً ولن يجديه التفكـير لأنه لايوجد اثبات لبراءة مالك حتى يتحدث وخلف لن يعطيه ابداً الفرصه ليتحــدث ...
وكذالك زوجته لن يكون امامها فرصه لتثبت برائتها فخلف بنظـره جميع النساء خائنات .. الم يكن
الفضل لي بترسيخ ذالك المفهـوم في رأسه من خلالي ومن خلال الريم حبيبته الأولى ...
وحتى لو انكشفت الخيوط سيقع اللوم على رأس سعاد .. التي لن تفضح ابداً سرنا الصغـير فهي تعلم
انه ربما يشفع لها ولكن انا لن يشفع لي ابداً ... وقلبها الطيب سيجعلها تضحي بروحها من أجلي ..
ألست أنا شقيقتها التي لم تنجب والدتها كم اصبحت تكررعلي بالفتـره الأخيـره ..
أجبت بسرعه قبل ان ينقـطع الخط للمـره الثانيــه ...
وصلني صوتها وكأنه يحتضــر ..
سوسو :خنقني كان بيذبحنــــي ..
كلا يألهي هل فشل مخططي للمره الثانيــــــــــــــه ..
لأعلم كيف خرجت مني الكلمات فقدت تصورت خلف امامي وهو غاضب سيكسر عنقي ..ياألهي ..
ميشو :سوسو أين انتي ماذا حدث ...
ثواني فقط ابتلعت فيها ريقها ثم انهدر الحديث من لسانها كالسيــــل المنهمـــر ..
سوسو :ميشو بموووت .. ياويلي بيذبح ماااالك ..كسر المسجـله وخنقني اااانااا هربت كان بيلحقني زي المجنون والله اناسويت كذا لأنه اخوي
مالك خانه وش اسوي اسكت عنه .. بس خلف اخوي ومالك ماهو اخوي ... ميشو حنا تهورنا ليش سوينا كذا لوقلناها بطريقه ثانيه احسن
ياويلي امي لودرت بتقتلني ترجيته مايعلمها قبل ماأقول له بس هي سمـعت صراخه وشافته وهو يخنقني يعني بتعرف اني انا اللي فضحت مالك هي تحبـه والله ماتسامحني ميشو ساعديني وش اسوي ....
يألهي كم اشعر بالأرتياح ..كدت اجن حينما فكرت ان خلف كشف خطتنااااااااا ...
كنت سأتحدث ولكن صوت الطلق الناري اللذي وصلني عبر الجوال الجم لساني ..
ميشو :سوسو ماذا هنـــــاك ..؟!!
صرخت سوسو بهستريا :قتله اكيد ... قتلــــــه ...

((4))


خلف


كل شـي بعيوني تساوى .. اخوي يغدر فـــي .. زوجتي تخــوني .. ماكنت اشوف شـي ولا اسمع شــي .. ناس تمسك فيني
ناس تصارخ تبغى توقفني عن اللي أسويه ... يبغوني أهدأ اسمعهم ..اعلمهم وش اللي فينــــــي ..اصلاً ماهمني شـي بهالدنيــا ..ومحد موقفنـــــــي
السلاح بيدي وهي قدامـــــي ... والله لو يوقف بيني وبينها ابليس مافكيتها ذابحهـا .. ذابحها ...
صوبت السلاح عليها ..
خلف :تخونيني يالـ **** مع أخوي قليل المروه ..
ماكنت اصارخ ولاا اصايح مثل عادتي يمكن تعودت على الخيانه ويمكن ذبحي لهم مريحني قبل ماأبدأ فيه ..
حطيت الرصاصه بقلبهاااا ..
زفيت اللي كانوا بطريقي ونزلت ركض للملحق اللي يرقد فيــــــــه ...
كنت احس بالناس اللي تسحبني بس مأأدري من هــــــم ولاهمـوني امي ..جدتي .. بنت ابليس .. بوصله وبذبحـــه ومحد فاكه منـــــــي ..اليوم بدفنه بقبـــــــره ..
دخلت عليه بالمجـلس ..وهو قايم مايدري وش السالفه ..
خلف :تخوني تخون أخوك ياقليل المروه ضاقن عليك الحــــــــريم ... مابقى الا مــرتي ...
كنت رافع السلاح بذبحــــه .. حاطها بقـــــــلبه ... بس صراخ عمـــي مبارررك اللي مأدري من وين طلع عماااني
جاء ووقف بيني وبين وولده ....
مبارك :خلف تكفى ياولدي نزل السلاااح هذا أخوك وش اللي قاعد تقوله عنه ماهو مسوي اللي تقول هذا كلام عذال بيفرق بينكم ... مااالك اخوووك مايخووونك لو ايش ... ياولدي عشاني أنا ابوك اللي ربيتك تكفى لاتخلي الشيطان يعمي
عينك لاتذبح ووولدي ...
تكفي خلف لاتحرمني منه ومنــك ..تعوذ من شيطان وأنا ابوك ...
كان يتوسلني يترجاني ... ودموووعـــــه نززلت ....
بس أنا ماسمع كلامه ولاأبي اسمعه .. اكيد ولده بيدافع عنه بس أنا مايريح قلبي الا ذبح الخاين ...
نار شابه وسط قلــبي .. والشياطين تناقز قدام عينـــــــــي ...
حلفت محــد يفكــه منـــــــي .. وبذبحه يعنـــي بذبحـــه ..
خلف :عمييي وخررر عنه انا ذابحه ذابحـــــــه .. وذابح نفسي ورااااه .. بس وخررررر ..
صرخت امـي وبدون قصد لفيت عليها هجم علي مالك بيأخذ الــــــسلاااح بس أصبعـــي كان على الزنااااد وثـــارررر ...
دممممممم لاااا
يموووت لااا
لااتمــــــــــــــوووت أخر كلمـــــــــــــه استوعبها قبل مايغيب فالظلااااااااااااام ...


((5))


ماهو مصدق وجـوده مع هالأنسـان ... ولا مصدق انه جالس بمجلس هالرجال وحاط يده فيده يعقد قرانـه على بنته ومـاهي أي بنت ..
ماحس الا على اخر كلام الشيخ ونظـرات الرجال له .. بصوت حس انه طلع من اعماق روحه:قبـــلت ..

من مات أخوه ماكمــل شهـر وهوفاضي يتزوج ..هذي نظرت الكـل له وكلمه بيقولهـا كثيـرين ..
بس هو ماهمـه الناس كل همـــه أمـــه
.. من قالت له منيـره ان فيه شـي واحد
يقدر يسويه ممكن يطلع أمه من اللي هي فيه .. ماصدق خبـر .. كان ينتظر بس وش هالـشي عشان ينفذه ولو كان قايله
لـه ترمي نفسك بالنار عشان أمه ماقال لاااا .. وش تجي صحـة أمه عند زواج ..
يتزوج دام بأستطاعتـه .. كان عارف أن ابوها مستحيـل يقول لااا ..
بس ماتوقع هالمـوافقه منها ومن أختــــــهاا .. كيف ..؟! ..
الشيخ اخذ موافقتهـا سمعها تقول موافقـــه .. معقــوله .. يمكن وحده من خـواتها ردت عنــهاا ..
ويمكن هي ترضى فيه .. أكيد انجن عشان يفكــر كذا .. بس لو وحده من خـواتها يعني تلااعب .. لاماهي معقوله الطريقه اللي يفكــر فيهــا ..
متى يطلع من هنا ويروح يبشــر أمـه ..
معقوله بترضى عليه بترد عليه لو كلمــها .. ولابتكرر كلمتها اللي صار بالفتره الأخيره ماعلى لسانها الاهي قلت لك لاتخلي أخوك .. تذبحه هالكــلمه ..قاسيه على قلبـه المعـذب ..
هو موقادر يعيش من عذاب ضميــره وكلام أمه يذبح روحــــه ..
يعني لو فكر ان هذي بتكون نهاية اخوه كان تخلى عنه ...لااااا هو الغلطـان من البدايه ليش ماوقف له يوم سلك ذاك
الطـريق .. ليه مامسك بيده ورجع للطريق الصحيح .. بس هو وقف يتفرج على أخوه وهويضيع
يوم ورى يوم وسنـه ورى سنـه .. لين صاار رجوعه مافيه أمل منه ..
حس بمنير اللي جالس جنبه يهز يده ..
انحني عليه
قيس :نعم ..
منير :خلنا نرجع البيت .. امي لحالها هناك ..
أول مافكر ان امـه وحيده بالبيت قام بسرعه وماعبر نظرات الرياجيل المستغربه وهو يستأذن قبل العشاء حتـــى ..
وهو يمشون المسافه الصغيره بين بيت جيرانهم وبيتهم ..
منير :ومتى الزواج ..
قيس :متى ماقالت أمــي ..
منير :وسارا ..
لف عليه بطفش وهو يفتح باب البيت ..
قيس :وش فيهـاا ..
منير :بتعيش معنااا ..
قيس :لامع الجيران ..
رد عليه منير بتريقه ..
منير:اكيد مع الجيران لأنهم أهلها ..
ماعبر منير وراح مباشره لغرفة أمه ..
دخل عليها لقاها على فراشهـاا منسدحه وتسبح بصوت عالي ..
قيس :يممه ..
وجاء جلس قدامهــا ..قالها وهو يبوس يدهـا ..
قيس :يمه ملكت على ساره ..
ناظرت امها ودمعه بعينهـــا ..
ام كايد :اخوك كان يبغى اختهـــا ..
قيس :يمه جابر خلاص تزوج ..
ام كايد :مهو جابر .. كايد ..
قام بسرعه من قدامــها .. خلاااص مايبغى يسمع اكثـر كفايه عليه ضغوط اليـــوم ..
صادف منير اللي داخل ومعه صينيه عليها أكل لأمه ..
قيس وهو يحط سيجاره بفمه :أجلس عندها .. لاتخليها لين ترجع منيــــر ..
.. اول ماحـرك سيارته تذكر شـي فتح الدرج اللي قدام .. شنطـتها .. شنطة شوشو نستها بالتاكسـي يوم خطفهااا ..
ههههههههه يحبها ويتزوج اختهــا ياهي دنـــيا ..


((6))

وعـــد


حالة بيتنا ضياع تعرفــوا وش معنا ضياع ... آآآه انحسدنااا ... كنا نحب بعض قلوبنا على بعض .. واللحين مانجلس بمكان واحد .. بس انا مقابله نوف ونوف مقابلتني ..
شوق طول عمرها مشغوله بمطبخها .. وهنــد البارده تتابع مسلسلات وترقد .. وتبكي اذا مالقت شمبو تغسل فيه شعرها اللي أحس انها تحبه اكثر منااا ....
أشياء كثيره تغيـرت بحياتنا .. ماتوقعونها .. تصورون ان ضحى صارت ماتجينا الا بالأسبوعين مـرره ...
وسارا وملاك مايجلسن معهــا أبد .. بعد ماجبرت سارا تــزوج قيــس كلنا كرهناها وحقدنا عليهااا يعني مو كره كره .. لا بس أنا اخذت منها موقف .. للحين اتذكرها يوم تصرخ على سارا اللي مصدومه من طلبها وتضحك تحسبها تمزح معها
كانت تقولها اذا مارحتي وقلتي للشيخ انك موافقه تتزوجين قيس ماني اختك ولاتعرفينها .. انا كنت بنجن يوم اسمعها تقول لسارا كذا كيف هي ..
اصلاً ليش تطلب منها توافق انجنت هي بعدين ليش قيس يخطب سـارا غبي هو وش يـبي منهااا .. مو يكرها ويظربها ووده يقتلهاااا .. طيب ليش .. وللحين بعد ماملكوا من ثلاث شهور ماني عارفه ليـش تزوجهااا ...
والشي هذا بيجنني .. واللي يقهر اكثر منيررر ماعاد يجينا حتى لما اشوفه صدفه طالع من بيتهم وأناديه مايرد علي ينزل راسه ويكمل طريقه وكأنه مايشوفني .. ونوف بعد ماسوى معنا كذا ماعاد تكلم عنه وتهاوشني اذا تكلمت عنه قدامها ...
بس أنا ماأعرف اسوي مثلها .. انا ابغى نرجع مع بعض مثل قبل ليش الناس كلها تغيرت كذا .. ولا المجنونه ميشـــــو بس تمشي وتردد غيرت من شكلي لأنتقم منه ولكنه مااااات
لما يراني حتى ليعرفني او لااا .. لم اذيقه المرررر كما تمنيت .. لم يتوسلني حتى اصفح عنه كما خططت .. شفتوا كيف من كثر ماتردده حفظته ..واذا مالقت احد يسمعها
مسكت روبي وجلست تخربط عليهاااا .. الحمدالله انها ماهي ولد وتطلع فالشارع ولافضحتناااا ..
والعله اللي ماتنسمي شهدووه راحت مع أمي ايه راحت معهــاااااااااا دقت عليها وقالت انها تبغى تسكن معها وذيك ماصدقت خبررررر اوووف منها قلعه تقلعها هي سبب كل البلاوي اول ماطلعت ضحى من المستشفى هربت هي لأمي من دون حتى ماتقول لنا وبسببها كانت ضحى
بتمــوت للحين اتذكر ذاك اليوم .. كنت اكررره الوقت ذاك اللي كنا فيه غريبين مو حنااا .. مصدومين خايفين ..
تعرفون بيت الأشباح .. كان بيتنا كذا ..تصوروا ذاك اليوم جاء الليل وماشغلنا الأنوار من الرعب اللي كنا عايشينه بعد ماطاحت ضحــى لأن شهد الحقـيره هربت .. كنا فقدنا للأمل نعرف وين شهـــد
بس بالأخير تنازلت اللي ماتنسمى امي وأتصـلت وقالت ان شهد عندها وأن شهد هي اللي اتصلت عليها وقالت لها تجي تأخذها ..
كلنا حسبناها هربت مع واحد من اللي تكلمهم زي بالمسلسلات .. بس الحمدالله انها كانت عند امي ومانزلت راسنا بسواياها ...
سمعت الخبله نوف تكلم بس مافهمت كلامها ..
وعد :ووش ..؟!
نوف :اووف حتى انتي صرتي تسرحين ..
وعد :وش فيك يالخبله ..؟!
نوف :مافي شـي بس مليت من هالحكره مانقدر نطلع ولاندخل مثل قبل وضحى ماتجي تطلعنا ..
وعد :عااادي المفروض تعودي خليك مثل خواتك الضبان متأقلمات ومايطلعن من غرفتهن ..
نوف :تصدقين يقهرررني اكررهن ..
وعد :حمااره حرام عليك ليش تقولين عنهن كذا
نوف :ليش يعاملن ضحى كذا .. ضحى مثل أمهن المفروض مهما سوت مايضايقنها .. هن سبب ابتعادها عنا .. بكره تصير ماتجينا ابد ..
وعد :اللحين بكره عيد
نوف :يقولون
وعد :احس ماني فرحانه قبل ليلة العيد ماأرقد من الفرحه احس اني مهمومه ..
كنت بقول اول مره يمر عيد ومأشوف منير بس خفت تهاوشني لاصح حتى بعيد الفطر ماشفت منير بس بذيك الأيام كنت مصدومه بالظروف اللي حنا فيها ومافكرت بمنير ..
نوف :أي تصدقين ودي اطلع والعب بالطرطعان بالشارع ..
وعد :تونا جايين من الحوش ولاعبين ..
نوف :تقارنين الشارع بالحوش .. امانه ماتنقهرين يوم تسمعين صوات الصراخ والهيصه اللي جاي من برى وأنا وانتي مقابلات بعض ...
قلت شي كنت متردده أقوله عشان ماتضحك مني نوف .. بس بقوله وأمري لله ..
وعد :نوف انا ماأبغى اطلع برى اخاف يصوروني مثل ضحى ...
حسيت وجه نوف تغيير وماضحكت مثل ماتوقعت ..
نوف :اووف اسكتي ماأحب هالسالفه ..
وعد :انا اقولك عشان موكل مره تكررين على راسي نفس الكلام ..ونسيت وش اتفقنا عليه موقلنا
بنصير محترمات ونصلي الصلاه بوقتها ونتغطى زين مو لثام مثل ملاك وسارا ... ونلبس قفازات .. وشربات رجلين .
نوف :ايه لاتجلسين تكررين على راسي هالسالفه كأنك تمنين على أحد ..
وعد :انتي خبله ما ئمن .. بس بذكرك ..
نوف :طيب طيب اذكر ..
وعد :عشان نصير مثل ضحـــــــى .. وتفخر فينا ..
نوف :عارفه ترى انا اللي قايله لك هالكلام ..
طالعتها بنظره اعرفها تمــوت من القهر لاسويتهااا ..وقلت الجمله اللي اشوف لقلتها بعيونها رمز الخطــر ..
وعد :صدق انك بزر ..

((7))

ملاك


طلعت من غرفتنا وانا قرفانه من الملل اللي احس فيه .. وصلت الصاله سمعت وعد ونوف يسولفن فيها ماكان لي خلقهن بيجلس يرجني بكره عيد وبكره عيــد .. بس طفش سارا دخلت تسبح وانا بقيت لحالي .. اروح اجلس مع الخبلات احسن لي
...
نوف :قسم بالله لو سمعتك تقولين الكلمه هذي ..
قاطعتها وعد ..
وعد :أذبحك عارفه ..خخخخ فرصه اذبحيني بكره خروف العيــد ..
نوف :ايه صح ضحى تقول بيذبحون اضحيه وووناسه ..
قلت وأنا اجلس وأخذ الريموت من يدها ..
ملاك :أيه صاروا بيذبحــون .. باعتنا واشتـرته ..
نوف :اووووووووف ..
وعد :انتي لو سمحتي مية مره قلنا لك لاتكلمـين عن ضحى كذا .. ولانوف بتذبحك واتسوي منك خروف العيـد ...
ياسخفها هالبزر ..وععع انا مأدري كيف طول عمـري كنت متحمـلتهااا ...
ملاك :اقول ابلعي النعمه واسكتي ..احسن لك ..
نوف :يعني وش بتسوين لها اذا ماسكتت ...
اوووف انا اصلاً مجنونه اللي اجلس عندهن قمت بعد مارميت عليهن كم كلمه رفعت فيها ضغطهن ورجعت غرفتنا واشوى
كانت سارا طالعه من الحمــام وتجفف شعرها بالمنشفه ..سألتني اول مادخلت ..
سارا :وش فيه صوتك طالع بعد ..
ملااك:الحقيرات ذولي ارفعن ضغطي ..
كرهت النظره اللي بعيونها خير ان شاءالله تعاتبني تقهرني بارده وبزياده هاليومين زايد الأدب عليها والأخلاق ..
سارا :ليه تقولي عنهن حقيرات .. حرام عليك ..
ملاك :سارا ماأبغى اتهاوش معك عشان ناس ماتسوى ..
سارا بتبكي :ملاك والله اللي فيني كافيني وانتي بكلامك ذا تعذبيني .. حرام عليك نوف ووعد صاروا حقيرات وناس
ماتسوى ذولي خواتنا صغار بحاجه لنااا .. كفايه اللي ضاع علينا .. بنضيعهم بعد ...
ملاك :سارا افهمي ذولي كانن خواتنا بس هم ...
قاطعتني بصوت قوي ..
سارا :هم ايش ملااك وش اللي تغير مو عشان واحد ...
ملاك :كمليها حقير ليش سكتي .. غلطتي اني خبرتك بسري .. ايه عشان واحد حقير .. الواحد الحقـير .. هذا عطاني درس بالحياه ..بحياتي كله ماراح انساه ...
سارا :بس انسي خلاااص .. والله مايسوى تخربين علاقتك بخواتك عشانه ..
عطيتها ظهري عشان ماأحن عليها وأسكت لشفت ملامح وجهها الضعيفــــــــه ..
ملاك :خواتي .. هن اللي باعنـــي وباعنك ..نسيتي وش سوت فيك ضحى .. هي اللي بدت تهددك بأخوتها وكأنك محتاجه
لهااا .. تمن عليك باللي سوته لك طول حياتهااا ..
جت ووقفت قدامي صديت بوجهي عنها..
سارا:سووت لي أنا مو لك وضحى أنا عاذرتها صح اخذت منها موقف يومها والى اللآن وماني مستوعبه انها سوت فيني
كذا ... بس بعد اللي مرت فيه ماهو بهين وكل اللي مريت فيه وممكن امر فيه مايجي ربع اللي هي شافته...
صرخت فيها احسها ماهي مستوعبه حجم الكارثه والمصيبه اللي هي فيـــــهااا ...
ملاااك :انتي غبيه ولاتستغبين ... مافيه شي اهو من مصيبتك تعرفين وش معنى تزوجتي قيس ...
بكره يجي يقول بنسوي عرس ولا يقول بيأخذك بدون عرس بعد .. كيف بتحملين تجلسين معه بمكان واحد وينتقفل عليكم باب واحـــد .. انتي والوحــش بس ..
رمت علي نظره خاويه ..
سارا :على الأقل هوني علي .. انا عارفه الحقيقه ماني مغفله ولابزر ضعيفه ماني فاهمه وش اللي يدور حولي ..
وبعدين يعني وش بيصير .. اقسى معاناتي اني بعيش معه بمكان واحد .. وش اخطر شي ممكن يصير يقتلني عادي امووت .. تنتهي حياتي .. مافيه شي يروع لهدرجــــه ...
ملاك :سارا لاتقولين كذا بعيد الشر عنك ...
نفخت علي وهي تنام على فراشها ..
سارا :ماتسمعين نفسك .. خلااص تزوجت الوحش اذبح نفسي عشان ترتاحين كل يوم تعيدين لي بنفس الأسطوانه
كأني انا اللي جالسه ابكي عندكم اقول بتزوجه ...
مأدري وش اللي يضحك بجملتها وخلاني اضحك ... هههههههههههههههههه هههههه ههه .. من زمان ماضحكت
جلست اضحك واضحك واضحك ... لين حسيت الدنيا كلها سمعت ضحكتي ...
بعد ماسكت جلست فتره مبتسمه لفيت على سارا بقولها شــي لقيت بسابع طعش نومـه ..
سحبت اللحاف وغطيتهااا كانت توها متحممه وشعرها مبلول يمكن تمرض عاد بكـره عيد مو كأني مصدقه عمري عيد وعيد ...
أي بس مأدري بدية اتفأل احس انه بكره بيكون غير عن الشهـرين اللي راحـو ..
وععع ياهم صدق كانوا قـرف .. معاناه بقلب ..
احس اللي جالس يصير معنا ماينتصدق ..
ضحى تنصـوروتبتعد عنا .. ميشو تنهبل .. وسارا تزوج قيس .. وشهد تهرب من البيت
كل شـي تغير ومابقى مثل قبــــــل ...
كنا وين وصرنا وين سبحانه مغير الأحوال من حال لحــال ..
حتى سارا صارت غير وانا غيررر ...
قبل نضحك ونفرفش وبس نكت كنا سعيدين بالنا خالي ...
ماحنا حاسبين لدينا حسـاب ...
مرتاحين وعايشين حياتنا وأكبر مصيبه ممكن تصـير لناااا وحده منا تزعل من الثانيه ..
يعني لعب بزران ...



((8))


ضحى



قفلت الكتاب اللي كنت اقرأ فيه وحاولت اعتدل بجلستي بس آآآآه .. ظهري كان بينكسر .. كان فيه مخده على الأرض حاولت انحني بأخذها بس ماقدرت اوووف من هالبطـن حشى لو حامل بثلاثه .. استغفرالله العظيم .. ريحت على المخده اللي وراي .. وأنا الهث كأني قاطعه ميل ركض ..
اخخخ احس وزني زاد من جلست البيت .. قبل اوقف نص اليوم على رجلي مابين الشرح بالمدرسه وتقضيت اشغال البيـت وماحسيت بكل هالتـعب ..
والسهـر ماكنت اعرفه انام قبل ماتجي الساعه تسـع واصحـي مع الفجـر .. واللحين ماأنام الا الفجــر .. وماصحي الا نص العـصر ..
عمري مافكـرت اني بكـون كذا ..
حسيت بحاجه تسحـب طرف روبي .. نزلت راسي لتحت لقيت نوره تطالعيني بعـيون ناعســه ..
بصعـوبه شلتها وجلستها على رجلي وأنا اسألها...
ضحى :وش مصحيك ..
نوره :تووها ..اليد ثندوتشه ..
ضحى :تووهاا .. طيب قولي ماما ..
فتحت عيونها الخضراء بقوه ثم صغرتهاا .. يمه ينخاف منهاا ..
ضحى :قولي ماما ولامافيه ثندوتشه ..
:غصب تكونين أمهـا ..
اوووف هذا من وين طلـع ..
ضحى :ايه غصب هي التربيه ببلاش .. ماطلبت غير تقول ماما .. ولاتظرب ..
عساف :انا اللحين ظربتك كل اللي سويته لمست طرف خشمك .. صار ظرب.. والا أنتي من اللي ماينلمسـون ..
ضحى :ايه منهــم .. وش تبي مارقدت ..
عساف :انتي ليش مشغله اسلحتك الهجوميه ليل نهــار ..
حاولت اقوم واشيل نوره معي ..
عساف :ههييي انتي يالخبله نزلي البطه هذي ..
وسحبها مني ..
عساف :مجنونه انتي ..قالوا لك لاتشيلين حاجه ثقيله .. مهبوله انتي موكافيه انك ظاربه بتعليمات الراحه والغذاء بالجدار ..
ضحى :وش باقي كلمة سبه ماقلتهــا ..
ورحت امشـي عنه بسوي لنوره الثندوتشـه ..
عساف :خير على وين .. ماأجلس اقول كلمتين على بعض معك الا قمتي ..
رديت وأنا ادخل المطبخ ..
ضحى :الله أكبر مالقيت وقت تقول فيه كلمتين على بعض مأدري من اللي مسبب لي صداع من كثر قرقه ..
عساف :تعالي اكلمك انا .. وش بتسوين بالمطبخ ..
ضحى :عساف لازم يعني بسوي شـي يمكن بشرب موياا ..
نزل نوره اللي شايله على طاوله وجـلس ..
عساف :لاا أنا اعرفك لكنتي بتسوين مخالفه حواجبك توصل نص جبهتك متجهزه لـ...
صرخت نوره بنص مقاطعه كلامه ..
نوره :توهاااا ثندوتشه ..
عساف :تووها .. ثوي ثدوتشه ..لاتأكلنا المفجوعه هذي .. معلمتها شدين الصراخ ..
سويت لنوره السندويتش يوم جيت اعطيها السندويتش .. خطفها المتوحش ..
ضحى :هييي هاتها حقت نوررره ..
رد وهو يأكلهااا ..
عساف :ياسلام تسوين لنوره وأنا لااا ..
ضحى :أنت متى قلت تبغى ..
عساف :مو لازم اقووول امم حلو الجاام اللي وسطهاا باي نكهه ..
لفيت عنه بعصبيه وجلست اسوي وحده ثانيه بسرعه ..اوووف والله بس سويت سندوتش واحس روحي بتطـلع ..اووف
ماصدقت أخلص بسرعه مافكيت السندويتش الا بيد نوره ..
عساف :كل هذا حرص اصلاً ماهي حلوه مأعجبتني .. اللي تسوي كاتي أحلى وأطعم وألذ ..
ضحى :والله محد اجبرك تأكلهاا كان انتظرت لين تصحـى كاتي .. وتسوي لك سندوتشه بيدينها الحلوه ..
عساف :طيب سوي نفسي زعلتي جاملينـي .. حسسيني انك تغارين ..
ضحى :والله الواحد يغار من ناس تسوى مو مـن كاتي
قال مسوي نفسه مستقيم ..
عساف :استغفري ربك وش فيها كاتي ادميه مثلها مثلك ..
قلت بتعـب ..
ضحى :بروح اجلس بالصاله ..
اووف جلست بنفس مكاني اللي قبل وحطيت مخده زياده ورى ظهري ..
جاني وهو شايل نوره اللي تأكل سندوتشها ..
عساف :من صدقك تعبانه لاايكون بتولدين ..بتخربين علينا العيد انتي ...
ضحى :تصدق انك ثقيل دم ..
عساف :والبركه بحضـرتك خليتني غصب ثقيل دم من كثر ماتكررينها فوق راسي ..
قلت اصرفه ..
ضحى :رح ارقد بس وراك مشاغل كثيره بكــره ..
عساف :ايه وراي خروف اذبحه .. الله يعين اول مره اسويها.. كني بصير عساف ..
وناظر بنظرة يقالي بريئ ..
ضحى :عاد خساره ماطلعت على ولد أخوك السفاح .. يذبح بشـر ماهو بهايم ...
انا قلت الكلمه من هنااا وارتجف جسمه من هنااا .. وبصوت عالي قريب لصراخ قال ..
عساف :ميت مره قلت لاعااااد تجيبين طاري هالسالفه ..
ضحى :ليه مو كن اللي مات أبوووووي ..
عساف :الله يرحمـه .. وللمره الأخيره اقولك ماعاد ابي هالموضوع ينذكر ببيتي ..
وقام بسرعه للغرفه .. خير ان شاءالله يقاله زعل اللحين ..
مو كأن اللي قلته هو الحق .. ولا اللعين ولد اخوه يذبح أبوي
وتنتهي السالفه لو ماأهل زوجته رفضوا يتنازلون عن حقهم يمديه اللحين عايش مبسوط
بدنيته ولاكأن اللي قتله أنسـان .. يتمه وراه فوق العشر بنااات..
لاتسع حنا بس تســع .. والعاشره هي اللي أختارت أمها علينـــــا ..
حتى دية أبوي وورثه ماراح ينولنا منها شـي .. بس انا اوريه اخونا العزيز اللي مأدري من وين طلع
بيني وبينه المحـاكم ...




..نهاية الباااارت

الحلقه السادسه والأربعــون

[1]

(..ياصباح العيـد ..)


سارا


اول ماأذن الفجر قمت من فراشــــي كنت صاحيه من زمااان بسبب كابووس من ضمن الكوابيس اللي تعودت عليها بالفتره الأخيـره ..
كنت احاول ماأفكر بهالموضوع عشان ماتجاني الكوابيس لانمت بس ماأقدر غصب عني افكاري تجرني لهالموضوع ..
بداخلي شي يضحك .. والله يضحك على سخافة الموضوع ..كيف ودي افهم كيف تزوجني قيس ..هو اهبل غبـي متخلللف .. وش يبغى فينــــــي ..
أكيد تزوجني عشان يطقني اكثر واكثر ومايمنعه شــي أنا متأكده من هالشي .. بس هين أنا اوريه حتى انا بأنتقم منه وبظربه ويمكن انفذ فكرة ملاااك
وسممه ويمــوت ولااا اذبحه وهو نايم وحده من هالأفكاار لازم انفــــذهااا .. بتخلص منه ومـــن الكاابووس اللي يلاحقني من يوم كنت صغيره ..
بصير شجاعه واقتل الووحـــــش ..
مجنونه انا مجنوووونه وغبيه كل هذي احلاااااام وأمنيـات ماني قاادره انفذهـــــــاااا .. لسان وتفكيرر غبي هذا أنااا ..
كنت دخلت المطـبخ وسويت قهــوه .. بعدين رجعت توضيت وصليت وصحـيت ملااك تصـلي ..
دقيت على غرفة وعد ونوف وغرفة شهد وشـــوق ومشاعل خفت اقرب من غرفتها برسل لها ملاك لنزلت الصراحه مافيني اشوفهــا ويتنكد يومي من بدايتـه ..
طلعت بالقهوه للحـوش وحطيتها على السجاده وبديت اتقهوى كان فيه نور خفيف والجوو روعه ..
شوي وجتني وعد وهي تقول ..
وعد :غررريبه سارا افندي نازله وبالحــــوش ...
سارا :ههه غريبه وعد افندي صاحيه بدري ومو يوم دراسه ..
وعد :اصلاً انا ماأصحي بدري الا الأيام اللي مافيها دراسه .. ايه على طاري الدراسه مادريتي وش سويت ذاك اليوم تهاوشت مع ابله سمررر لأن معها جوال كاميــرا .. وابله عطوف تقول عادي هي معلمه قلت لاحبيبي وش يضمن لي انها ماتصورنا يعني معلمه ملك ماشاءالله ماتخطأ وهوشه طويله عريضه
قلت لها وانا عارفه الجواب ..
سارا :وبالنهايه سمعوا كلامك ..
وعد :طبعاً لااا طردتني ابله عطوف من الأداره وقالت بتكتبني تعهد اذا رجعت تكلمت بهالموضوع ويمكن تفصلني اسبوع ..
واستمرت سوالف المدرسه وبدوا خواتي يجتمعون بالتدريج لين ماصار فيه احد بالبيت موجالس معنا غيــــر مشاعل ...
وقضينا هالصباح من احلى الصباحات ورحنااا وصلينااااا العيـــد ...


[2]


(..لم يكن ذنبي ..)

ميشو


كنت ابكـي بألم من القيود المؤلمه اللي تحيط بمعصمي وخوف من المصيـر المجهــول .. رايته يتجه للدولاب حيث يحتفظ بسلاااحه بالتأكيد سيحضره ليقضي علي كما فعل مع مبـارك .. حاولت التخلص من قيودي بيأس وحينما كان الفشل نصيبي
بدأت بالبكــاء والصراخ .. حتى استيقضت ووجدت نفسي بفراشي بالمنزل ..
بعيد جداً عن خلف .. كلا ليس ببعيد انا ارى يده كل ليله وهي تطبق على عنقي وعيناه تتوعداني بالويل ...
ميشو :اووه كلااا .. خلف اغرب عن وجهي اكرررهك اكرررهك .. بعد عدة دقائق اخذت احدق بوجهي الغريب عنـي في مراءة الحمام ..
هذا هو الوجه السيء الذي تسبب لي بالمتاعب .. ليتني لم اسعى إليه ولم اسرف أموالي للحصول عليه ..
هذا ماجناه علي انتقامي ... تأوهت بألم وانا استفرغ مابجوفي لاتعلمون ماتسبب لي كلمة انتقام من سقــــــم ..
سعيت لأنتقم منه اقسم اني فعلت ذالك ولكني لم أرغب بمـوته ..لاااااا لم أريد ذالك فقط اردت الأنتقام ..
اوووه كلا يألهي كفى ياأنتقام ابتعد عني انت تؤلمني .. احشائي تتمزق لم يعد بها ماأخرجه ..
أنا لاذنب لي خلف من قتله ماذنبي اناااا هو ناكر الجميل الذي قتل والده الذي ربااه ..
أجل هذا ماحدث انا لاشأن لــي ...
هو المسئول هو الأحمق الذي ارتكب الجريمه ...
انا فقط اوقعت بينه وبين مالك لماأريد منه ان يقتل .. اردت فقط ان يتشاجرا ولابأس من الظرب الشديد المبرح ..
ولكن لا للموت ..
أنا لاأحتمل ان اتسبب بمقتل احد ..
وماذا لوكان هذا الشخص والدي ..
يألهي اغفرلي سوء صنيعي ..
لم اكن اقصـــــد ..
حينما وصلني خبر موته كدت افقد عقلـــــي ... كيف مات.. انا لم انتقم منـــــه بعد لم احقق انجازي واتفوق عليه بعد ان يأتي ذليلاَ ليطلب مني ومن أخواتي الغفـــــــــــران ..
لم اضع الخطط تلو الخطط حتى يمـوت وينتهي انتقامي بهذه طريقه شنيـعه ..
لقـــــد خســــــرت .. خســــــرت أنتقـامي ووالدي ..
بدت أخشـى الحيـاه وأخشـــى ماتحمله لي الأيام ..
سيعلـم خلف ماحدث وسيأتي ليدق عنقـي وهذا ماأنا باأنتظاره ..


[3]

( .. أحاسيس أنثـى ..)

ضحى


نزلت الدرج بحرص بعد مارفض مسيو عساف يعطيني نوره اللي جالسه تفرج عليه وهو يذبح الأضحيــه مع شدن ..
عساف :خلاص بجيبها لاتنزلين ..
ضحى :مشكورمابي اتعبك ووخر ايدينك القذره عن اختي ..
عساف :انا يديني قذره اجل شوفي وش بسوي ..
وقبل مايعطيني أي فرصه للتصرف كان واقف قدامي ويحرك اصبعه اللي ملطخ بالدم على خدي ..
ضحى :ياحيوااان ..
رفعت يدي لخدي وانا ماني مصدقه ..
قالي بتهديد ..
عساف :هاه وشو ماسمعتك ..
ضحى :ولاشـي الله يأخذك ..
تراجعت بعد مامسكت يد نوره وطلعتها معي للداخل البيت .. حسبي الله عليه القذر موكافي مقرفنا بالذبح هنا مأدري
وش هالتفكير الهمجي اللي عنده ..
لااهو بس يبغى ينكد علي لأنه يوم قال فيه ناس يذبحون ضحيتهم في بيتهم تمصخرت عليه ..
بعد ماغسلت وجهي جيت اجلس بكرسيي ..آآخخ وش ذا ظهري بينكسر حسبي الله عليك ياعسااف ..
هزيت رجلي بقهـر ولااا يقول بيروح للزفت اللي ذبح ابوي وانا حتى خواتي ماشفتهن ..
عساه يعفن بسجنـه ان شاءالله ...
اخخ من توتر ظربة يدي بطرف الكرسي وانكسر اظفري ..
أي ياعساك للعلـه ياعساف ..
هذا اظفري اللي مضبطته ومتعبه نفســي عليه ..
وش هالسخافه اللي اعيش فيهااا ولاانا ضحى صرت افكر بهالأمور التافه مناكير ومكياج ..
وخرابيط الحريم اللي ماوراهـن سالفه ..
وش فيني ماكنت كذا كله من جلست البيت اللي خنقتني ..
لااا لتغيرين الحقائق ياضحى صح جلست البيت لها دورها بس بعد عساف له دوره ..
أي الحقـير يقهـرني يوم يجلس يمدح بالحريم اللي يطلعن بالتلفزيون
وانا زي التافهات انقهـر واجلس اكشخ يقالي ابوريه اني احسن منهـن ..
استغفرالله تفكيري صاير اتفه من التافه ...
اكيد هذا من تأثير الحمل والصدمات اللي مريت فيها خلت عقلي خفيف شـوي ..
دق التلفون وهو بعيد عني مافيني اقوم اجيبه تركته يدق لين فصـل .. ورجع يدق على دخلت
عسـاف اللي وقف يرد عليه ..
عساف :هلااا .. ايه لحضه ..
وجاب لي السماعه وحطها على رجولي ..
عساف :قولي لأختك تخفض من نبرة صوتها شـوي بغت تفقع طبلة اذنـي ..
سحبت السماعه منه بقـوه بدون مارد عليه ..
ضحى :نعم هلا وعليكم الـسلااام ..
كنت احسبه راح بس الحقـير كان جالس على تكايت الكرسي وماسك شعري بيدينه القذره ...
صرخت عليه..
ضحى :ياحقــيره ..
ابتسم بلؤم وهو يقول ..
عساف :ههه هذا بدال الجل اللي تحطينه على شعرك هذا احلى منه مافيه ..
كنت راصه يدي على السماعه بقوه الله لايفضحنا وش هالرجااال قذر ومتخلف وغبي وحيـوان... حسيت ودي انتف شعري من القهر الله يأخذه المقـرررف ..
رجعت السماعه على أذني وانا طالعه بحقد
ضحى :ايوه وعد وش تقولين .. طيب لاتصارخين ماسمعتك زين سلك السماعه خربااان ..
قال الزفت اللي جلس على تكيات الكرسي ومايل بيده على ظهر الكرسي ..
عساف :افااا والله وراحت هيبتك ياأبله ضحى حتى الفاره وعد صارت تصارخ عليك ..
رديت بحده على وعد ..
ضحى :طيب وعد انا جايتكم بعد شـوي وقولي كل اللي تبيـن ...
وقفلت السماعه بقوه ...
شفته يلف رايح للغرفه ..
ضحى :وبعدين يعني من سخافتك ...
عساف:سخيف بعد طيب شوفي من بيوديك لخواتك ...
ضحى :لاتصير لئيم ترى قسم بالله لروح مع ليموزين ..
عساف :عشان احش رجولك ..
قهرني تهديده ..
ضحى :والله لروح ولاهميتني ...
دخل الغرفه بدون مايـرد علي انقهرت ولحقته وانا اجر نفسـي جرر ..
ضحى :ليش تطنشني ..
دخل راسه مع فتحة الثوب وهو يرد علي..
عساف :تصدقين كنت احسبك غير طلعتي مثل باقي الحريم حنه وازعاج ..
هو صادق انا تغيرت وصرت غبيه وتافهه بس المفروض مايبان علي اني متأثره بكلامه
ضحى :هذا انا ماتغيـرت بس شكلك انت اللي مليت وتبغى تخلص مني ..
قولها عادي ترى ماهي بعيده عنك ..
عساف :اووووف انتي حتى بالعيد تنكدين على الواحد عشيته ...
ضحى :ايه انا نكديه محد جبرك علــــي .. طلقني وفكني ..
عساف :انت انهبلتي او وش سالفتك شكل دروس الرياضيات كانت نافعتك من تركتي المدرسه وانتي صايره
اهبل من شدن الطفله ...
شوفوا الحيـواان ياقارني بالشدن ..
ضحى :لاتجلس تخربط على راسـي قلت لك وصلني بيت خواتي ..
صرخ على بقــوه اكذب لو قلت ماخوفتني ..
عساف :بسسسسسسسس .. قلت لك قبل العصـر مافيه بيت خواتك ...
ضحى :اسمع ترى والله لروح لبيتهم مشـــي ..
طالعني ببلاهه وهو فاتح فمه ثم سحبني مع كتوفي لين لصق راسه براسـي ..
عساف:انتي مجنونه رسمــــي ..
وزفني عنه بس مو بذيك القوه اللي تخل بتوازني ..
وطلع بسرعه وهو يأخذ مفاتيحه لحقته على صوت المفتاح في باب البيت الداخلي قفل الباب علي ..
قسم بالله بستخف من هالرجال هذا عديم احسـاس ...
حتى خواتي بالعيد مايبغاني اروح لهم وهو رايح يزور المـجرم ولد اخـوه حسبي الله عليهم اثنينهم ..
سحبت الجـوال واتصلت على خـواتي اقولهم اني موجايه قبل العصـــــــر ..

[4]

(..ملاكـي ..)

عساف


ركبت السياره بأبتسامة المنتصـر واللحين وريني كيف بتطلعين يامدام ضحى .. من يوم جلست بالبيت بعد سالفة التصوير وهي متغيـره حسبي الله على اللي كان السبب ..
الأدميه استخفت من يوم درت ان وحده من زميلاتها المعلمات مشتركه مع الطالبات بالنشره الصوره ..
وهي اللي اخذت رقمي من جوال ضحـى عشان ترسل لي الصوره وتفضحها ..
والله الحياه هنا ماهي مثل قبل كل شـي تغيـر.. وبالذات حياة بنات مبارك المنحـوسه
وتنحس كل احد يقـرب منها ..
ولاخلف يذبح مـبارك اللي كان له أكثـر من أبووو ..
صح هن مالهـــــن علاقه مباشره بس احس ان خلف تغيـر من عرف العلـه مشــــاعل .
غيرت رايي ماني رايح لخلف تلقون ميزاحه اللحين وين وانا خلقه متعكر مزاجي ..
قلت اروح ليسرا اكيد الأهل متجمعين ببيتها يمكن القى صحبه تفتح النفـــس ..
بس وووين الصحبه اللي تفتح النفس بالسجـــن .. حسبي الله على اهل هالوديااان مأدري الرعيااان .. اللحين يرفضون يتنازلون عن حقهم وبنتهم كل اللي صابها رصاصه بسيطه بيدهاااا وهذي هي ماجلست بالمستشفى حتى يوم ومسوين لي فيهااا انهم راعيين حــــــــق .. ومالك ابوه هو اللي مات وهو كان بينقتل ومتنازل عن حقه وحق ابـــوه والله أنه رجــــال ...
نزلت فبيت يسرى وكان الرجال ملي المجلس ماشاءالله طلعت من عندهم ودقييت على يسرا قلت لها احتريها ببيت شعر بسلم عليهـــا ... دخلت واول كلمه قالتها
يسرا:هااووو بس انت ومدام ضحى وينهااا ماتنازل تجي او وش سالفتها لاتقول مريضه ومأدري ايش مافيها الا العافيه اقوى مني ومنك ... وبنتك ام شبر ونص ولسانها شبرين وينها بعد ...
قلت لها بكل صراحه ..
عساف :مايبغون يجون واذا كان بنتي لسانها طوله شبر ونص فهي طالعه عليك ...
يسرا: ياحظها لو طلعت المهم كل سنه وانت طيب مع انك توك تذكر تمرني...
عساف :والله اذا ماني ناسـي ان بعد اخوك وعند بيت وعمرك مامريتيني فيه ..
يسرا :بسم الله عليك وش فيك صاير ماتحمل الكلمه كذا اعدوك ضحى وبنت عمتها ...
رفعت عيوني للسقف وانا اقول ..
عساف :لأله الا الله .. اللحين انتي وش فيك على بنت الناااس ...
يسرا:اللي فيني قهري على اخوي .. اللي ساحرته .. ودي اعرف وش مسويه لك ومخليك كذا زي الخاتم بأصبعها ولاتحمل كلمه عليها .. نعنبوك صورها منتشره بكل جوال وكلمه عليها ماقلتهااااااااا ..
عساف:ايه هذي اللي انتي تبينه بس احلمي اسوي اللي فيك بالك ...
يسرا :ايه لأنك ماأنت برجال ..
قمت وانا اقولها ..
عساف:شكراً ياأختي العزيزه على الغثاء اللي غثيتيني فيه بيوم العيد ...
مسكتني مع طرف ثوبي ..
يسرا:والي يثبت لك انها ماتستاهل ثقتك فيهــــا ودفاعك عنهـــــا ويوريك دلايل مشيها البطال بغيابك ...
ماشعرت بيدي اللي راتفعت وهوت على وجهاااا لين شفت الدهشه بعيونها زفيتها عن طريقي وطلعت وانا ندمان على الساعه اللي فكرت فيها اني امرهااا والله ان مقابل خلف افضل الف مررره من شوفتهاااااااا ...
تبغاني اصدق بضحــــى ممكن اسمع على أي احد واصدق الا ضحى .. ضحى بعين مثل الملاااك مستحيل تخطأ ..


[5]

(.. بأنتظـارك ..)



قبل كانت فرحتها بالعيد لاتضـاهى موبهاليوم بتشوف حبيبها واصابعها بتصافح اصابعه..
كان اجمل الكلمـات اللي بتسمعها بهاليوم صوته بالسلااام واحلى التهاني اسمهـا باللسانــه ..
كانت تتعب باقي اليوم ونفسيتهـا تسوء .. متى بيجي عيد ثاني وبتتاح لها الفرصه انها تكلمه بدون قيــود ..
واكثر مايألمها نفسها اللي تتلهف على انسان ولاهـوداري عنهـا ..
بس سبحان مقلب القـلوب ومغير الأحـوال .. واللي قلب الوليد اللامبالي لعاشق ولهان ..
وصار يمكن هو يتلهف اكثـر منها على هاليـــوم ..
وينه اليــــــــووووم وووين لهفـته ارقدتهااا الغيبوبه اللي دخل فيها بعد الحادث
لاعاد فيه عيد ولالهـفه ولا دلااال ودلع ..
لفت الطرحه على راسها وسحبت شنطتها وطلـعت من زنزانتها اللي كانت تسمـى جنتهـا ..
اول ماشافت الصاله خاليه من امها اسرعت لبرى اكيد امها بتمنعها من روحة المستشفى بس مستحيل
تترك الوليد بهالـيوم لازم تروح له وتشكي له كيف حالها من بعده
كلهم يبغون يفرقونها عنه بس هي مستحيل تطيعهم لو وش مافعـلوا ..
لورقد الوليد بعيد الشـر عنه الف سنه بغيـبوبته ماتخلـت عنـه ..

[6]



وعــد



رميت السماعه بقهر يوم اتصلت ضحى تقول ماهي جايه قبل العصـر وجلست ابكي وش هالحاله هذا موعيد هذا كائبه
قهــرر مللل طفش ..
بحياتي مارقدت بسبب الطفـش ولأول مره اسويها دايم لطفشت اطلع بالشارع وافر بالحاره او اروح لمنيـر واطق على بيتهم اذا مالقيته عند الباب بس اللحيـن خلاااص ماعاد فيـــه فرفره بالحــاره مع هالأفكار نمت وانا ماني حاسه بنفســـــي ..
صحيت على صراخ شدن ونوره على راسي ..
رفعت اللحاف عن راسي وشفتهن جالسات يلعبن بأغراضي اللي اشرتيتهن للعيــد صرخت عليهن ..
وعد :ياحماااررات اتركن اغراضي ..
اول ماسمعت شدن صوتي خبت شي بجيبها وهرب رميت اللحاف ولحقتها وبغيت اتعثر واطيح بنوره اللي تلحقها وماهي فاهمه وش السالفه .. فتحت الباب الخارجي وطلعت وانا بنص الطريق دق التلفون ورجعت اركض له وقبل ماتوصل له
يد شدينه رفعته ورفستها برجلي عشان ماتسحبه من يدي .. وبأقوى صوت تحمله حبالي الصوتيه رديت ..
وعد :الوووووووووووووووووووووووووووووو
ماسمعت شي على الطرف الثاني غير هدوء وكأنه واحد بغرفه نايم ومشغل المكيف ..
رجعت اصرخ مره ثانيه ..
وعد :الووو ..
يوم ماسمعت رد قلت خلاااص بقفل السماعه بس سمعت صوت كأنه بسه مخنوقه يقول ..
:الوو لو سمحتي مشاعل مبارك موجوده ..
وعد :مين مشاعل مبارررك لااغلطانه ياأختاااه..
وفجأه يوم قلت ياأختاه تذكرت ميشو كتاب القواعد صح هي اسمها مشاعل وابوي مبارك يعني هي المطلوبه ..
رجعت اصرخ بسرعه قبل ماتقفل المررره ..
وعد:لاالحضه ايه موجوده مشاعل ..
ويوم تأكدت انها ماصكت سألتها ..
وعد :من انتي ..؟!
ردت علي :ممكن أكلمها ..
وماقالت من هي ..لاوالله تحسب نفسها ماأتصله على فندق جالسه تطلب بدون ماتقول من هي ..
وعد :شوفي انا مأقدر اناديها من غرفتها بدون ماعرف من انتي فرضاً كنت
انتي وحده نصابه ولاساحره ولاديااانه وش دراني عنك مو أي احد
يتصل علينا بيكون محل ثقه فالأفضــــل انك تعطيني اسمك عشان لوصار شـي لاسمح الله نبلغ عنك الشرطه ..
ويفضل اسمعك السداسي او الخماسي عشان اذا متي انتي نطلب واحد من جدانك ..
سمعت هدوؤ طويل بعد ماخلصت كلامي ..
ثم رجع صوت الحرمه اللي كأن احد رابط على رقبتها شي وخانقها ..
:الله يخليك ناديها لي والله مأقدر انتظر اكثر من كذا ..
كنت اسمع بشي طيب اتوقع يسمى السلام او السلم او حمامه حسيته يطير داخلي ..
فقلت لهااا
وعد :انتظري بروح اناديها لاتطيرين قصدي لاتقفلين
رميت السماعه وطلعت اركض فوووق وشدن الزفته تلحقني ..
لفيت عليها بعصبيه ..
وعد :خير وش تبين ..
شدن :وين رايحه من اللي كلمت
زفيتها بنرفزه ..
وعد :وانتي وش دخل ابوك ان شاءالله باريس هيلتون متصله
شدن :والله لو ماقلتي لي من كلمت لروح وارفع السماعه واقول من انتي
وافضحكم يقولون عنكم بيت صللب ..
وعد :وانتي ايش اكبر صلبيه بالرياض انقلعي يالله عن وجهي ..
طقيت على باب غرفة المهبوله ميشووو تصدقون غبيه صارت تقفل باب غرفتها مأدري من وين طلعت المفتاح اصلاً بالبيت مافيه غرفه لها مفتاح من طلعت على الدنيا .. مصدقه نفسها خايفه احد يغتالها والله لو انها واحد من المجاهدين ..
وعد :أفتحييي ميشووو فيه وحده تبغاك على التلفووون شكلها تبيك ضررررررررورري جوودن ..
وعد :قسم لو مافتحتي لروح اصك السماعه بوجهااا
وماردت اوووف انا وتهديدي اللي مثل وجهي يبغى لي تهديد اقوى ..
وعد:قسم لو مافتحتي لروووح اكتب على باب بيتنا هنا مقر ميشو المهبوله
ولافتحت الباب وجلست اطق واطق واطق وكل مررره اقول تهديد لين بالأخير انفتح الباب بشويش زي افلام الرعب
وكذا حسيت الدنيا ظلام مع انا بعز النهار وطلعت روبي يعني صدق رعب قسم صدقت انها اللي فتحت الباب
شوي بس وطلع راس ميشو وكشتها الطايره ..
ميشو :ماذا هناك هل اتصـــــل ..؟1
جلست اتمقل بملامحها الجديده شفايفها اللي صايره مثل شفايف شيماء علي وخدودها اللي غطت على خدود نانسي ..
وعد :لا ماأتصل عزرائيل بس عزرائيله اتصـــــــلت ..
هزيت راسيي استغفرالله ياربي مايصلح امزح بهالأسماء وهالأمور كم مره حذرتنا ابلة الدين من هالشــــي ..
وعد :قصدي وحده تبيك على التلفون ..
كذا حسيتها ترتجف والله شفتها ترتج مثل الجلي .. ومرت من بيني وبين شدن ونزلت تحت وحنا نمشي وراها
بهدؤ ضابطين الدور كأن بفيلم اول ماوصلت الصاله وشافت التلفون ناظرت فيني بخوف لدرجة اني شكيت انها صدقت سالفة عزرائيل ...
وسألتني وهي تأشر على السماعه واصبعها يرتج..
ميشو :هل هووو ..؟!
نطت الملقوفه شدن ومسكت السماعه اللي طايحه على الأرض ..
شدن :خوذي ميشو لاتخافين كلمي صديقتكي ..
وعد:وانتي وش دراك انها صديقتها ..
شدن :اكيدصديقتها اجل من بتكون.. لتخوفينها انتي .. خوذي ميشووولاتخافين ..
شوفوا البزر بنت اللذينا سوت اللي ماقدرت عليه وخلتها تكلم اول ماحطت السماعه على اذنها كتمت نفسي بسمع أي حرف بتقوله ...
ميشو :مررحب ..آ
ثواني بس وابعدت السماعه عن اذنها وهي تقفل عيونها بعدين رجعت السماعه وصوت اللي كانت تكلمني بهدؤ واصلني من قوة صراخها ..
كانت تقول لمشاعل شي ومشاعل بس تقول لااا وتصرخ عليها وتكررر لااا لين بالأخير قفلت السماعه منهااا كنت وراها ويوم لفت ناظرتني قسم بالله ان الشي الشرير اللي كان بعيونها ررررجع ..
قبل كان فيه شي تغير غير التغير اللي بوجهها شي بعيونها الزرق كان يلمع كنت اخاف منه وبعد ماسوت عملية التجميل
اختفي واللحين رجع شكل العمليه انتهت صلاحيتها اكيد بعد شوي بتنفش شفايفها وخدودها ..
طلعت الحقها بشوف وش تسـوي بس كانت سابقتني دخلت وقفلت عليها الغرفه ..
وعد :حمااره ..
شدن :واللحين وش بنسوي ..
وعد :بايش نسـوي .. انتي وش عند تلاحقيني بكل مكان احد قايلك انك ظلي ..
شدن :سخيفه ودووبه وماراح تروحين معنا الملاهـي ..
وعد :مالت بس ومن قال اني ابغى اروح معك مكان ..
صرخت عليها ورحت غرفتنا اصلي لأني صحيت بدون ماأصلي وكان الوقت عصر صليت الظهر والعصـر ..
وحسيت بألم وتأنيب ضمير لأني ماصليت صلاتي بوقتهـا ..
مأدري كيف البنات يقولون انهم يجمعون كل صلواتهم ويصلونها لاصحـوا ماتعورهم قلوبهم ..
واذا قلت لهم انتم عديمات احساس قالوا لااا ..
وكل وحده تقول كيف انها حساسه لأنها تنهبل وقلبها يتقطـع اذا اللي تحبها غابت او زعلت عليهااااا بايخـاااااات ..
نزلت تحت للحوش اللي كانوا متجمعين فيه خواتي طبعاً بأستثناء الزعلانات .. كانت ضح ضح متسنده على مخدات وممدده رجولهـــا .. كنت مقهوره وابغى اطنشها بعدين قلت لاعيب يابنت هذي اختك الكبيره ابوك وأمك مره وحدده بعدين هي اللي بتوديك بعد شـوي للملاهي .. ورحت سلمت عليها وانا موضح اني زعلااانه ..
كنت بروح اجلس بعد ماسلمت عليها بس هي سحبتني وجلستني جنبها وهي تضم كتوفي لها ياحبيلها ضح ضح حسيتها صايررره طيبه مررره ..
ضحى :هاه وعوده للحين زعلااانه ..
وعد :وليش ازعل مو أول مره توعدوني بشي وماتنفذونه لـي ..
زفرت بقوه وهي تسألني وش تبغيـن .. ياربي هذي كيف عرفت وش افكـر فيه ...



[7]

(..في صف الوحش ..)

منير


كان الطلب اللي طلبه مني صعب بس انا قلت اني قدها والرجال عند كلمـته ... وقفت على اصابع رجولي ومديت يدي بقوه لين وصلت الجرس اللي مأدري وش فيه اليوم كنه ارتفع عن مكـانه .. كانت اصابعي ترتجف شجعت نفسي وقلت وش فيك يامنير لاتخاف وعد ونوف ماهن هنا ولاحتـى اشواق ..
ضغطت على الجرس بقوه بعد دقتين سمعت صوتها يوصلني من ورى الباب من أناااا ... بغيت اطير من الفرحه ابغى بسرعه انتهي من هالموضوع .. قلت بسرعه
منير:انا منير ..
فتحت الباب بسرعه .. بس انا ترددت ادخل ياربي وش اللي بسويه انااا هذي ســــــارا كيف اصير معه ضدها نسيت
اللي كان يسويه فيها .. بس لااا اللي بسويه مو خطأ بعدين هو أخـــــوي ..
ياربي يوم نادتني من جديد حسيت نفسي نذل .. دخلت بسرعه وانا اسألها ..
منير :وين البنات وين ضحـــــــى ..
سارا :وش عندك لاسلاااام لاكلام مباشره سؤال وش تبي بضحى اخبرك بوعد ونوف ويخب ..
منير :امي تبيها بسرعه ماعندها احد وهي تعبانه من رجعت منيره لرجلها وانا عندهاااا بس لحالي وهي اللحين تقول تبي وحده منكن ..
كنت مرتبك واقطع بكلااامي .. ياررربي خطأ خطأ اللي اسويه خطأ ياويلي من ربي ..
سارا :احلف منيره رجعت لرجلها غريبه وش الطاري ..
منير :يووه من اسألتك اقولك امي تبي احد منكم ضروري وانتي فاضيه تسألين .. وين ضحـــى ..؟..امي تاركها لحالها بالبيت جابر وقيس مسافرين وفاديوووه هايت له اسبوع مارجع ..
سارا :مافيه احد كلهم طالعين بس انا وملاك وميشــــــو ..
يوووه اللحين وش الدبره ميشو وش تسوي هنا .. هو قال يبغاها تكون لحالها يعني مافرقت بيتنا او بيتهم ..
منير :طيب تعالي معي لأمي ..
سارا :هاه وانا وش دخلني ..
منير :حلوه وش دخلك مو انتي من بنات جيراننا وهي طلبت وحده منكــــن ..
سارا :طيب لحضه بصحي ملاك تجـــي معي ..
سحبت من يدها وأنا اقول ..
منير :يطوووووول بالك اقول امي تعبانه تقولين بتصحين شيطان تكفين بسرعه ..
سارا :طيب لحضه خلني البس عباتي بتسحبني لشارع كذا ..
ودخلت تركض بسرعه ..ياااه ياهي ضعيفه يانكذب عليها بسهوله .. يارب سامحني يااارررب ...
طلعت اركض بسرعه قبل ماترجع وتلقاني ماأقدر اواجها شفت باب بيتنا مفتوح دفيته بقوه لين صار مشرع ورحت اركض قبل ماتشــــوفني وكنت ابغى ابعد عن المكـان ...

[8]

(.. ربما كانت نهايه ..)

سارا


كنت جالسه على تلفزيون ملااانه بعد مانامت ملاك اللي تقول البارح مانامت زيـن.. يوم سمعت صوت الجرس انهبلت من بيدق علينا الله يستر يعني ضحى وطالعه مع البنات وميشو نايمه فووق ومنير قاطعنا من زمان من بيجي يعني ..
رحت للباب وانا اقدم خطوه وارجع خطوه واللي خوفني انه مادق الا دقه طويله بعده وقف فتره ورجع دق دقه ثانيه طويله على نهايتها كنت واقفه عند الباب سألت بخوف ميـــــن .. يوم سمعت صوت منير ارتاح قلبي ومن الفرحه انه طلع
هو مو أحد ثاني فتحت الباب بسرعه ونسيت انه قاطعنا من زمـان .. اول ماقالي عن امه كسر خاطري مسكين تاركينه لحاله مع العجوز المريضه واخوانه اللي مافيهم خير مسافرين وتاركينهم ..
اخذت عباتي بسرعه وطلعت له بس كان طالع يحوول شكل امه مره حالتها كايده طلعت ومن الربكه نسيت وقفلت باب بيتنا وراي ..وانا ادخل مع بابهم واقفل وراي تذكرت اني مااخذت شنطتي اللي فيها مفتاحي والله اللي رحت فيها اذا صحت ملاك ومالقتني بتنهبل بس بشوف وش تبغى فيني ام كايد وارجع بسرعه يمكن قبل ماتقول حتى كنت وصلت الصاله وبديت انادي على منير بصوت منخفض خوفني منظر البيت الهادي المظلم مافيه نور الا شمس العصر اللي بدت تبرد .. خفت ارفع صوتي اكثر وماهي حلوه ادخل غرف الناس افتش عن ام كايد ..
ياربي من هالمنير ماقدر ينتظر ثواني لين اخذ عباتي واجي معي .. سمعت صوت مشي لفيت بسرعه لأن الصوت جاي من المطبخ اللي وراي كنت فاتحه فمي بسأل منير ....... بس تجمدت الحروف على لساني وطاااااار عقلي من اللي شفته
مستحيل احلم انا صح منير قاله انه مسااااااااااااافر وش يسوي هنااااااااااااااااااااااااا .. لااا لااااا لااااااااااااااااااااااااااااااااااااااااااااااااا ااااااااااااااااااااااا ....

[9]


ضحى


نفخت بقوه وهو يضحك ويناظر باللي ورانا عساه لسد العيون إن شاءالله .. الداشر ..
ضحى :استغفرالله العظيم ..
جلس يحرك الكوب اللي قدامه وهو يتطنز علي ويقول ..
عساف:حلو الأستغفار كثري منه ينفع للي مثل حالتك ..
ضحى :ليه وش فيها حالتي شايفني مجنونه او على باب الله ..
عساف :كلنا على باب الله بس انتي حالتك مستعصيه ..
وارتفعت اصوات اللي ورانا بضحكه مايعه .. قهرتني خلاص ماأقدر اجلس كذا مأدري ليش تحسسني اشكالهن بالبنات قليلات الأدب اللي بالمدرسه ودي اقوم وسكتهن ووقفهن عن حدهن بس للأسف هنا مالي سلطه على أحد ...
قمت امش وماحسيت الا باليد اللي تمسكني ..
عساف:ضحى روحي فيك شـي ليش قمتي ..
ضحى :يعني بالله عليك ليش قمت عاجبتك المصخره انتي ..
عساف :يعني مافيك شـي ..
ضحى :وش فيني يعني لاتخاف ماراح اولد هنا وافشلك ..
وكنت وصلت الطاوله اللي جالسات فيها هند واشواق ونوف وجلست معهن وهو واقف لللحين مكانه ..
ضحى :للحين واقف انتبه لرجولك تكسر روح لطاولتك القديمه اجلس مع المصخره اللي هناك ولا أقولك اسحب كرسي واجلس معهن ترى ماراح يقولن لاااا..
ضحكن البنات وهو راح بدون مايتكلم احسن عم المجرم يستاهل اكثر من كذا .. قلت لنوف بنرفزه ..
ضحى :وانتي وش مجلسك هنا ورى ماتروحين تلعبين ..
نوف :قلت لكم اذا ماجو معنا سارا وملاك ماراح العب ..
هند :قسم انك خبله يعني حنا سجناهن هناك ولاهن اللي مو معطيات احد وجه ومايبن يحتكن فينا ابد ...
نوف :انتي مالك شغل انا اكلم ضحى ..
جت هند بترد بس قاطعتها ..
ضحى :خلاص انتي وياها راسي منتخف ماني ناقصتكن ..
دق جوالي وكانت زميلتي مها اللي كنا ساكنين مع بعض بالقريه فيها الخير هي الوحيده من زميلاتي اللي دايم على اتصال معي وماعمرها قطعتني.. عزمتني حاولت اتملص منها بس هي مصره وتقول ان ماجيت امها بتزعل علي تذكرت ام ناصر المره الطيبه اللي تعدني حسبت بنتهااا ماقدرت ارفض قلت لهااا إن شاءالله بجيهم بكـره ...


[10]

( ..هل ستعود ..)

ملاك

صحيت من النوم مفزوعه حلمت حلم شين بالوليد استغفرالله العظيم هالأنسان ماهو راضي يطلع من راســي .. يارب يارب انسااااه خلاص كرهته من كثير مايعذبني بالأحــــلام ...
انا اخطأت وهذ ثمن خطأي استغفرالله العظيم .. نزلت تحت ادور سارا بقولها عن حلمي حرام هذا جزاي اني نمت وتركتها لحالها ... ياربي وين راحت هالزفته .. جلست ادور بكل مكان ولاني لاقيتها ... والله لو انها ابره لقيتها على هالتدوير كيف عاد البقره سارا ... ياويلي لايكون خطفتها الجنون ... او ميشو المجنونه ذبحتهــــا.. يمكن بالسطوح .. صح اكيد بالسطوح هي تجيها طفات اللهم لاشماته تلقونها اللحين جالسه تطل على الجيران او تكنس السطوح او تطبل وترقص خبله لاتشرهون عليهااا ...بغيت ابكي يوم شفت باب السطوح مقفل من داخل يعني اكيد ماهي فيه .. ياويلي اختي وين راحت ... جلست انادي ونادي وانادي ولاااا احد يررررد ..
ملاك :ساااااااااراااااااا ... سااااااااااررررراااا....سارررررررراااا .. الله يخليك اطلـعي .. والله تخرعت وينك .. سارررااا تكفين لو تسمعيني اطلعــــي ...
لايكون طلعت ... لايكووووووون لاياربي لاااااااااا أي شي تكون راحت له الا هالشـي يارب لاااااااااااا ...
جلست على هالحاله ساعه كامله او يمكن اكثر وانا جالسه ادعي ان سارا ترجع الصاله اللي كنت جالسه فيها ظلمت ومافتحت الأنوار كنت مرعوبه ماأبغى الوقت يمر وسااااارررااا مارجعت .. جلست ابكي واضحك واظرب نفسي واشد شعـــررري من القهر اختى مختفيه وانا جالسه هنا ماني قادره اسوي شـــي .. خلاص بنجن بنهبلللللللل ...
ابغى اختــــــــــــتييييي..
ماقدرت اصبر اكثر اخذت التلفون ودقيت على ضحـــــــى ... بسرررعه ردي تكفين ضحى رررردي بسـررررعه ...
ماول مانفتح الخط ...
ملاك:الحقيني ضحى سارررررررااا اختفت ماني لاقيتهـــا .. الله يخليك تعالي بسرعه بنجن والله بنجـــــن ...


[11]

ميشو

( .. الهروب ..)

لأعلم مالذي تريده هذه المجنونه سوسو .. هل جنت تريدني ان اذهب بقدامي لمسرح الجريمـــــه .. مازلت امتلك عقلي ولله الحمد .. ولكن مالأمر الخطير الذي تريد اخباري به ولاتستطيع ان تخبرني عنه بالهاتف ... كان اتصالها على الهاتف مرعب لي فأنا قد قطعت جميع سبل الاتصال بـــي .. ولكن نسيت امر هاتف المنزل ...
سوسو تهددني ان لم احضـر انها ستفضح كل الأمر لمالك ووالدتهااا ولكني لن اعطيهااا الفرصه لذلك سأذهب ولكن سأحتاط لأمري وبعد ذالك لقد اتخذت قراري سأبتعد عن هنــــــاااا .. سأهرررب ولكن بطريقه ذكيـــــه ..
بحثت بجنون عن هاتفي المغلق حتى وجدته بين مذكرات الدراسه فتحته بسرعه وبحثت عن الرقم..
ميشو :مااذا كان اسمها ابرار .. جود ... مهااا .. او صباح ...
ارجوك لاتخذلتي .. يألهي ماذا كان اسمهـــــا ... بتول اجل بتول ... بحثت عن رقمها بسرعه فوجــــدته ... لم اتواني عن الأتصال بهــــا ..
ميشو :مرحبا بتول انا مشاعل ..اجل مشاعل مبــــارك ... انا بصحه جيده شكراً لك... بتول لقد حدثتيني فيما مضى عن شقيقك ... اجل طبيب حسناً لابأس ...
كتمت انفاسي بعمق وانا أسألها ..
ميشو :هل مازال العرض جــاري ..؟!.. اووووه شكراً لكِ ياعزيزتي ... آآه بالتأكيد انا كذالك ...
واصبحت كلماتها مبهمه بالنسبه لي هل حقاً سأفعل ذالك سأتزوج شقيقها الطبيب لأهرب من هنــــا .. اين قالت يعمل في بريطانيا لااا بأس .. بالتأكيد بريطانيا ستكون افضل بكثير من العيش بخوف تحت سطوة المتعجرف خلللف ..
احتضنت صغيرتي روبي وسألتهاااا ...
ميشو :هل ستكون الحياه في بريطانيا مسليه كما هي هنااا ...


[12]


( .. حماقات ..)



انحنى على ركبه قدامها وهو بداخله يسب ويلعـــن بغباء منير هو ماقاله كذا غبي غبي غبي ... لااا ماهو منير الغبي
هو الغبـــــــــي اللي طلب منه هالـشي اللحين هو يقوله ناد ملاااك ويبغاه يفهم ان المقــصود ملااك نفسها اكيد منير فهم انه يبغاه يفتح له المجال بسـارا .. حط يده على راسه وش يسوي فيها اللحين هذي من اول ماشافته اغمى عليهااا ..
لاوالله اللي تزوجـــو ..
هز يدهاا بخفه :سارا سارراااا اصحى سااااااررااا...
ياربي هذي وش بيصحيهاااااا ..راح المطبخ واخذله كوب موياااااااااااااا ... وصبه عليهااااا ولااااااااارد ... يارب ماتكون ماتتت معقوله بتموت عشان بس شافته لااااااااا مستحيـل والله لو كان قلبها ماضعف منه وهو دراكولامايموتها هالـــــشي .. كان يدور على نفسه بعجز مايدري وش يســــــوي بنفسه وهو يدعي على غباء منيـــر اللي حطه بهالورطه .. نزل يهزهااا ..
قيس:سارا اصحيي تكفين اصحي.. اصحي الله ياخذك لاتفضحيني اصحي سارررررررررا .. ...
يستاهل والله انه يستاهللل .. كل اللي يجيه هذا ذنبه ...
قال بيشوف شوشو أي شوشو أي زفــــت .. ذولي ملعونااات ماهن بناااات كل وحده لاصقتن بحياته من جهه ومنكدات عليه تنكيد ..
كب على راسها كل شـي وهزها هز وصفقها بس عشان تصحــــي ولاااا احد راد عليه .....
فكريسحبها ويرميها بأي مكان بس ماتبقى هناااا ... بس لااا مستحيل يسويها... هو اللي جابها هنا وهو اللي يستاهل كل شـي يجيه ...
ارتعب يوم سمع صوت الجــــــرس ...
لااااااااااا من .. من جاي بهالوقت .. سحبها بسرعه ودخلها اقرب غرفه غرفة امه اللي خاليه منها لأنه مسافره لأختها بقريه قريبه من الرياض مع جابر .....
عدل ثوبه وفك اكمامه المصفــــــوطـه .. وركض يفتح الباب .. بس ليته مافتح الباب اول ماشاف من عليه عرف انه انكشـــف .. صوت البصقه اللي جت على وجهه والكيس اللي انرمـــى عليه وصوتها الحاد وهي تخبره ان هذي ملاابس اختها وماعاد تبغى تشوفها في بيتهــــم ...
ونظرات عساف المحتقره له ..... احرقته وعلمته أي مصيبه طاح فيهاااااااا ..
انصك الباب وراهم كان بيلحقهم ويقولهم انهم افهـــموا الموضوع خطأ خطأ خطأ ...
بس وش يقول ولا وش خلااااااااص كل شـي انتهـــى ... وطاح الفاس بالراس ...
يافضيحتك ياقيس ويامصيبتك ...

[13]

( .. ذهبت للأبد..)

ملاك


ماني مصدقه مجنونه ضحى هذي مجنونه صح .. مسكتهااا مع طرف عباتهااا
ملاك :انتي متخلفه متخلفه ماااهووو من حقك تطردين سااااااارررااا هذا بيتهااااااااا بعدين انتي من صدقك تفكرين فيهااا كذا ... اصلاً ساار تخاف من قيس تخاااف منه كيف بتروح له برجــــولهاااااا ...
ضحى :لاترفعين صوتك علي ياززززززفت واختك الحيوانه قليل بحقها اني اطردها من البيت لأن لو جبتها هنا لشي واحد بس اني اذبحها وادفن عاااررررهاااا ... ومن قال انه اول مررره تروح له يمكن الف مررره وانا ياغافلين لكم الله ...
بتجنني المجنونه هذي كيف .. كيف سااارا تروح القيس غبيه هذي قسم غبيــــــــه ..
ملاك :اصلاً ماعمرها طلعت من البيت الا معيييييييي ..
ضحى:انطمي عني ماني ناقصتك انااااااا .. واذا مو عاجبك كلامي انقلعي عند خالتك او بأي مكااان ومو بعيده عنك تكونين مثلهاااا .. انا مو ناقصتك تخربين خواااتي ..
ملااك :انا ياضحى انقلع وخايفه على خواتك مني بس بعدك هذا بيت ابوي وجدتي قبل مايكون بيتك .. وعلى العموم شكراً على شكك فيني والله يسامحك ياأختي الكبيـــره بس انا مستحيل اسامحك على اللي سويتيه فيني وبساااررااا ويوم تكتشفين بيوم انك ظلمتيها لاتندمين لأنك بصرفك هذا مو ذبحتيها هي بس ذبحتيني انا بعد ....
طلعت لغرفتي وانا اردد بداخلي والله مانساها لك ياضحى دموعي ماوقفت من يوم صحيت ومالقيت سارااا ... كنت متصوره أي نهايه لها ليوم الا هذي النهــــايه ... سارا مع قيس مجانين صح مجانين من بيصدق كلامهم .. حسبي الله عليك يامنير الملعـ ** ليه قلت لهم ليــــــــــه ...
خلاص سارا ماراح تجي .. ياويلي عليك ياسار وش سوى فيك الحقير حسبي الله عليه ... ياربي وش بتسوي اللحين كيف بتعيش معه وكيف بتنحرم منااا انا مأقدر مأقدر اعيش كذا وسارا بعيده عني ولاقااادره اعرف وش صار فيهـــــا ...
ماأقدر اجلس كذا من غير سارا مااقدر يالناس كيف بكمل حياتي من غيرها كيف ...

[14]

(.. الخائن ..)

منير


جالس امشي مأدري وش اسوي ماني قادر ارجع للبيت اكيد بيذبحني قيس بس والله ماقدرت اسكت ارتبكت يوم سألني عساف اذا شفت سارا طلعت من بيتهم ماتوقعت انها للحين مارجعت ساعتين كامـلاااات او تقريباً ثلاث ساااعااااات .. كله من الغبي قيس المتخلف هو اللي ورطني ومأدري كيف طلعت مني الكلمه وقلت انهاا ببيتنااا ..
خفت اصلاً هو كشفتي لأني ارتبكت ووضح علي اني مسويه شـي..
بيدرون باللي سويته لااايارررب مايدرون ... بيكروهني اكيد بيكرهوني وبيقولون عني خائن لأني ساعدت اخوي ضدهم ..وعد ونوف ماراح يسامحوني ابد وسااررا .. سارراا هي اللي ورطتهــــا .. انااا استاهل اني اضيع اموووت لأني خاين ليش سويت كذا يارب سامحني انا كنت بس ابغى اساعد قيس ..وخفت منه .. قيس يخوف اكيد بيظربني ويكسر راسي لو ماسويت اللي طلبه مني بس وش استفدت اللحيـن خربت علاقتي بصديقاتي ... وفضحت قيس اكيد ماراح يسامحني وبس يشوفني بيذبحنــــي ..
.. ماني بجالس هنا بروح لبيت منيره قبل مايمسكني قيس ... ركبت تاكسـي ورحت لمنيــرره اول مادخلت عندهااا اخذت التلفون بدق على بيت خالتي واكلم امي بقولهااا ترجع بسرعه لأني خاااايف من قيس .. بس مأدري اقول لها اللي صار اولااا..

انتهى الباااارت

الحلقه السابعه والأربعـــون
سارا


آآي راسي اوف وش هالألم ... حلمت اني مربوطه بالسياره وانسحبت بالشارع وآآآه اتألم واصرخ بس محد انقذني .. آآي ياراسي اخخ وش فيها عيوني كل شي رمااادي ماشوف زين فتحتها بقوه وانا افركهااا ... صرخت وانا اشوف العيون اللي قدامي ...
سارا :لااااااااااااااااااااااااااآآآآآآآ
نفضت راسي بقوه ابغى ابعد اللي اشوفه مع ان هالحركه تألمني بقوه احس بكهرباء داخل راســي وانا اسويهـــا .. ياربي وش هالحلم المرعب عجزت اصحي منه ابكي واصيح واصارخ بس ماني قداره اصحى .. والله اسمع صراخي انا ماأحلم هذي حقيقه ... بس هذا وش جابه ...
قيس :خلااص بس صدعتي راسي بصراخك .. قووومي يالله بنطلع من هنااا ...
مو حلم موحلم .. الألم بالراسي مثل الشلل.. الواقع كابوس والخوف عقد اللساني الا من كلمه كنت اصرخ فيهاا بدون احساس
سارا :ملاااااااااااااااااااك .. ملااااااااآآآآآك ..
**
سحبها مع يدها لين وقفت على رجولها ورمى عليها غطوتها ..:تغطي يالله بسرعه بس اول مافكها كانت بتهـــوي على الأرض :لاحوووول ولاقوة الا بالله يارب ارحمني ..
سحبها لين وصلها باب الحوش مره بالمداره ومره بالغصب كانت الساعه ثتنين بأخر الليل .. كان مختار هالوقت عشان يخلي الشارع فيه طوال النهار ماقدر يطلع لأي مكان .. الموقف اللي لقى نفسه فيه موقف بشع ماتصوره بحيـاته ..
والمشكله لو صحيح كان ماهمه بس انه ينظلم قهـــــر .. كيف بيواجهه امه وابوه واخوانه لو عرفوا بالمـوضوع ...
ركبها السياره اللي كان موقفها قدام الباب مباشر وكان حاط شنطته وشنطتها اللي رمتها عليه أختـها ...
طعم الخيانه مقرررف ... هو خانهم خان جيــــرانه هذا اللي صار وهذا اللي بيتكلم عنه الكــل .. كثير بيقولون عنه كان ناوي يلعب بالبنت بعدين بيطـلقها وبيقولون لو صدق ناوي يكمل الزواج كلم اهلها ماراح يتلاعب من وراهم ..
الكل فاهم الموضوع خطأ ....هو لايبغى يلعب فيهااا ولايبغاها من اصله .. كل اللي صار خطأ وكل اللي فهموه خطأ ..
ليت الموضوع ماينتشر ويبقى بينهــم ليت ..
اخخ لو ولو ولو كلها تدور براسه بس اللحين ماتنفع وقف عند كوفي على جنب الشارع واخذ له كوب قهوه .. كان بيبتعد عن بيت اهله بس .. لكن اللحين لقى نفسه على طريق الشرقيه ..معارفه بالرياض كثير ويخاف احد منهـم يشوفـــــه .. بكره بيكلم عساف ويتفاهم معه .. ايه يتفاهم معه هو ماأخطأ والمفروض لو بيطلع كلام بيكون انه اخذها بدون عـرس عشان الظروف اللي صايره بالعايلتين من حالات وفاه مـو أي شـي ثاني ..





نوف


صدعت راسي وعد ماهي نايمه ولاراضيه تخليني انام..
وعد :ماني مقتنعه احس السالفه سخيفه كيف يعني تطردهااا عشان راحت عند قيس يعني عادي هو زوجهاشوفي بالمسلسلات تطلع معه وهو خطيبهااا ..
نوف :خلااص بس ازعجتيني انا قلت لك اللي اعرف موفاهمه روحي اسألي ضحى تسأليني انا ليش ..
وعد :اسأل ضحى عشان تنسفنــــي ..بعدين كيف اسألها والعله عسافوووه عندها ..
نوف:ياربي ابي انام ماتفهمين انتي ..
وعد :تنامين وسارا ماهي فالبيت عديمة احساس انتي ...
نوف :يعني وش اسوي ابكي مثل ملاك ولااسهر انتظرها مثلك ولاشي من الشيئين بيرجعها بعدين ضحى قالت انسوها خلاص انسوهااا..
وعد :انتي مجنونه ساحرتك ضحى كيف ننساها غبيه تصوري قالت لك انسي وعد بتنسيني ..
اووووف مشلكة اللي يسولف مع بزران ..
نوف :ايه بنسااك ليه مانساك ..
طالعتني وعيونها مفتوحات على الأخير ..
وعد:يعني بس تقولين نسيت وعد تنسيني ...
نوف :ايه اجل كيف ...
وعد :نسيت سارا .. اووووووووووه مانسيتها شوفيني اشوف شكلها قدامي وتذكر اليوم الصبح انا وياها كنا نسولف ..
وفجأه قطعت كلامها وجلست تبكي ...يارررربي غطيت راسي قوه عشان مااسمعها وحطيت المخده فوق راسي وجلست ابكي .. اكذب مانسيت سارا ولاراح انسااااها مثل جدتي وابوي وشهد مانسيتهم ابداً .. كل يوم اتذكرهم كل يوم قلبي يعورني واشتاق لهم بس اسوي نفسي ناسيتهم واهز راسي وافكر بشي ثاني ... عشان انساهم ... بس سارا غيرررر .. سارا راحت عند الوحش اللي بيظربها ويعذبها ويمكن يقتلها ااا.. سارا انا احبهااا مااقدر انسااااهاااا ... بكل شي بشوفها وكل يوم بتذكــرهاااا .. وبكرره ضحى بسببهااا ...


***
اتصل على منيره وتأكد منها ان منـير عندها ماحس بصوتها انها عارفه شـي بس خـبرها انه مسافر الشرقيه وبس ...
كان موقف عند اشاره اول مادخل الدمام يوم سمع صراخهااااا ....
قيس :اللهم طولك ياروح .. وش فيك انتي استخفيتي ...
كانت تصرخ وهي كاتمه فمها بيديها الثنتين ... كان صوتها مخنــــوق ويرووع ...


سارا


صحيت ولقيت نفسي بالسياره مع الوحش ماني فاهم وش اللي قاعد يصير معي كنت دخلت بيتهم وبعدين صحيت احسب نفسي احلم بس طلع صدق .. واللحين وش اسوي هنااااااااا ... خطفني الووووحش ... خطفننيييييييي ...
سارا:ملااااااااااااااااااااااااااااااااااااك ...
صرخ بصوت قوووي ..
قيس :بس خلاااص فضحتينا وبعدين معك مافيه ملااااااك ولاشيطان انثبري ...
لصقت بالباب وهزيته حاولت افتحه بس ماقدرت ياربي انا وش اسوي هناااا مع هذا... يارب احلم يارررررب ...
جلست اصرخ عليه بيتنا برجع لبيتنـــــا لاااااااا ماابغى ابتعد كانت السيارة تبتعد وتبتعد وانا اشوف الشوارع حولي غريبه بعيده عن بيتنااااااااااا ..
سارا :افتح الباب ياحيووووووان افتح رجعني بيتناااااااااااااااااا ... بيتناااااااا رجعني بيتناااا .. ماابغى هناااا ابغى بيتنـــــــااااااااااااااا ابغى ملاااااااااك ..

***
كانت تصرفاتها تجذب الأنتباه بتفضحه ...
صرخ عليها لين انبح صوته بس هي ماتسمع تصارخ وكانها مو بوعيهـــــــا .. بالأخير سحب من راسهااا لين نزله تحت بقوه بحيث انكتم صوتها ارتد راسها على ورى وطاح على كتفهــا وكأنها خلاص ماتت .. كمل طريقه يبحث عن سكن مناسب لين استدل على شقق مفروشه تفي بالغرض ..
قيس قال بغضب للي طايحه جنبه بكرسيها وكأنها ودعت الحياه:يالله انززززززلي ..
يوم ماشاف منها ردت فعل :شوفي عاااد والله ان مانزلتي اللحين لأخنقك لين تودعين الحياه وارميك بقرب زباله ..
ترى اللي جاني منك للحين كافينـــــــي ..
***
بعد خنقته لها اللي بغت تطلع روحها تجمد الدم فعروقها تحس تشعر وتسمع بس حاسة الحركه عندها انشلت
... تسمع تهديده بلامبالاه تحس مشاعرها تجمدت من كثر الصدمات اللي تلقتها اليوم ..
وش يعني يرميها بالزباله بعد الخطف والتسحب والطق والترويع اللي جاااها ..
انفتح الباب اللي جنبهــا مسكها مع يدها وسحبها على برى .. كانت عباتها مفتــــوحه والقميص القصير اللي طالعه فيه من بيتهــم يوم ناداها منير مطلع سيقانها ..
قيس بنرفزه :زري عبااااتك ..
لااسمع لاارى لاأتكلم كان شعار سارا .. رجعها على ورى لين تكت على السياره وبحركه سريعه سكر ازرار عباتها الأثنين اللي بالوسط سحبها بيد وباليد الثانيه شايل شنطتها وشنطته على كتفه ..
اول مادخلوا الشقه ترك يدها بدون اهتمــــام .. وتوجه للغرفه الأولى بين الغرفتين رمى نفسها على السرير وماعاد شعــــر باللي حوله ...

**
تسندت على الجدار وسحبت جسمها لين طاحت على الأرض للحين اطرافها متشنجه ماتحس فيها وراسها يدور ويدور ماهي قادره تجمع افكـارها وش اللي صار وليـــــش قيس اخذهااا معه وين موديها وهم ويــــن ..؟!!
ماهي فاهمه شـي او ماتبغى تفهم بس تبغى ترجــــع لبيتهم ...
بيتهم اهتزجسمها من الكلمــه وتذكرت خنقته لها بأخر مره فقدت فيها اعصابها وجلست تصارخ بدون شعور وتطلب منه يرجعها بيتهــــــم ..
خلاص هي اللحين مع قيس وعنــــده ... هذا اللقاء اللي كانت مستبعدته سرعان مالقت نفسها فيه بدون تخطيط وبدون مقدمااات ..
خواتها يدرون اولا اكيد مايدرون وش بيدريهم هــــــم وش بيسوون لودروا .. اكيد بيجون يأخذونها من هـي صح هي لازم تتصل عليهم اكيد ضحـــــى ماراح تخليها مستحيــل تخليهاااا ..
ملاك بتسوي اللي ماينتسوى عشان تنقذها لأن هذا اللي هي بتسويه لوكانت ملاك مكانها ..
بس كيف بتتصل فيهم .. وهنا مافيه تلفون .. للأكيد هنا فيه تلفون .. لحضه وش هالمكان ..
فندق .. شقه ..طيب ليه جابه هنااا.. ماهي قادره تفهم شــــــي ... انسان متخلف وحش غبي مسخ حقـيرر ..


ميشو

تسللت بخفه الا الغرفة التي أخبرتني سوسو بأنها ستنتظرني فيها .. اتكأت على الجدار التمس السند وناديت بصوت ضعيف ..
ميشو :سوسو أي انتي ..؟!
اتاني صوتهاااا غاضباً ..
سوسو :واخيراً شرفتي موعدنا كان قبل ساعتين ياحلوووه ..
ميشو :كان لدي ظروف لم استطع المجيء مبكراً
اجل ظروف .. ظروف بشعه جداً وصعبه .. ولايوجد ماهو ابشع من الوقوف متفرجه وانا ارى ضحى تبطش بأخواتي دون رحمــــــه .. والوحش يلتهم صغيرتي سارا بكل بشاعه .. لاأعلم ماذا حدث ولكنى متأكده ان سارا لم تذهب إليه بقدميها كما ترى ضحـــــــى ..
سوسو :أكلمك انا ردي علــــــــي ..
ميشو :ماذا تريدين كفاكي صراخاً وكاني سأخافك ..
سوسو :غصباً عليك بتخافين منييي .. اسمعي ياحثاله ..
صرخت بغضب...
ميشو :توقفي عن مناداتي بهذه الألفاظ المنحطه لأن في جعبتي الكثير من الألفاظ المشابهه التي تناسبك ...
سوسو :ايش ولاهذا اللي ناقص تعايرني يالمتشرده ... يالحقيررررره ذبحتي ابوك وورطتي اخوي ..
قهقهت بنشوه ..
ميشو :قتلته كفاكي تهريج فأنا لأقتل ذبابه ... وليس ذنبي ان شقيقك الأهوج لايستطيـع التحكم بأعصابه ويظن ان القتل لعبه سهـــــله ..
سوسو :أنتي حقيررره وااااطيه كله منك انتي السبب انتي .. كنتي عارفه صح انتي تعرفين خلف زيــن صح حتى اكثر مني اناااا .. انا مغفله كنت اسمع كلاااامك وانتي واطيـــه ..
ميشو :اووووه توقفي عن قذف هذه العبارات المقرفه .. لم اجبرك على فعل شـيء ولم اضغط على زناد سلاح شقيقك .. لاترمي علي الأتهامات جزافاً ...
سوسو :بس انتي اللي قلتيلي اودي له التسجيل انتي .. انا كنت خايفه بس انتي اللي شجعتيني .. انتي اللي قلتي ان مالك يكلم ودياااااااااان .. انكررري قولي لااااا يمكن انا مجنونه واجيب كلام من راســــــي ..
ميشو :هه لم اجن بعد اعلم اني فعلت ذالك ولكن من اجلك انتي من طلـب مني ذالك ... هل سعيت إليك انا ام انتي من جأتي الي صاغره تبكين طالبه معـونتي لتنقذي حياة شقيقك من تلاعب الأخـر ..
سوسو :وأنتي قدمتي خدماتك ليه عشااان نيتك شينه تكرهينا وتبغين تخربين بيتنا ان الغبيه اللي ماكنت منتبهه من البدايه لمقاصدك ..
يألهي لأعلم كيف تتحدث بهذه الطريقه هذه ليست سوسو .. لقد تغير فيها أمر مـا ..
سوسو :لاتناظرين كذا تحسبين ماراح يجي يوم واكشفك فيه ..
ميشو :حمقاء .. انا لم افعل يوماً شـي ضد ارادتك كنت ارغب بمساعدتك ولكنك طفيليه ناكرة جميــــــل .. نسيتي كل ماصنعته من اجلك ومن اجل خلل بأمر واحد اصبحت انا المخطئه ..
سوسو :ههه أيه اضحكي علي بهالكلمتيــــن .. قديمه ياميشو افنـدي ..بس هين والله لأوريك اذا مادفعتك ثمن اللي سويتيه في مأكون سوسو ...
لم آبه لتهديداتها فأن في أمان مع خطة هروبي الجديده ..
ميشو :توقفي عن ذالك مالذي تريدينه مني الآن بالتأكيد لم تطلبي من المجـــيء لتخبريني عن استنتاجاتك العبقريه لماكان عليه الحال ...



***
كان يومه بغاية الكائبه طلع ودار بشوارع الرياض شارع شارع ...يدورعلى فرحه ضيعــها ... من له يفرح بالعيد معه ابوه
وراح ... واهله ولا اللي كان يسميهم اهله باعـووه عشان ولدهــــم .. اكيد ولدهم .. امه اللي كان يظن انه عندها بالدنيااا
هددته لوماتنازل عن حق موت أبوه بتطرده وماله حق لا بمال ولابأهل ..كل الأموال اموالها وكل الأهل اهـلهااا وهو مقطـوع من شجـــررره .. تنازل مايقدر يعيش من غير عائلته ومايقدر يعيش من غير امـوالهــم ..
بس كان مثل الهم على قلبهم خايفين منه متـوجسين حتى الكلام مايوجهونه له عايش معهم وماهـو عايش ..
كان راجع للبيــت بعد ماأرهـقه يومـه الشقـي .. مر من جنب غرفه بالملاحق الخارجيه التابع للمجالس اللي ينام فيهااا كانت منــــــوره وطالع منها صـوت غاضب حاد يعرف صاحبه زيــن .. جلس يسمـع اللي ينقال داخــــل والذهـول افقده حاسة النطق ..
هي هـــــــــي السبب ذبحـــــــت ابـــوه وفرقتــــه عن أهلــــــــه هي الســـــــــــبب
..
***


ضحى


كان المطر يصب بقـــوه علي وانا تحته كنت متكتفه وتاركه دموعي تنزل بدون قيــود ويغسلها المطر وتنزل ويغسـلهااا ...
الليل كله وانا كاتمه دموعي ... ماسمحت لها تنزل تفضحــني .. تفضح ضعفـــي ... وانكسـاري...
ضحكت وبكيـــت وتألمـت خلال هالساعات اللي قضيتها تحــت المطــر ..
ضحكت من سوء حظي حتى سارا .. سارا طعنتني ووهي اللي بكتنـي مرات ومرات كانت اول وحده توقف معي بمصابي وتكرر على مسمعي انهاااا تحبنــــــــي .. تحبنـي وتخـونني ...
ليش ياسارا ليش ياأخـتي ليش يابنتـــي ..
حتى انتي ماأمنت شــــــرك ..
طلعتي مثلهــم تحرين غفلاتــي ..
حسيت بيدينه على كتوفي ..
عساف:بلا جنااان ادخلـي داخل ...
اكرهه .. اكـره تدخله فشئوني اكـــــــره وجوده فحيــاتي .. اكره محاولاته الغبيه لأستعـادتي ...
ضحى :لوسمحت اللي فيني كافينـي .. اتركني بحاالي ..
عساف :لاتصرفين تصرفااات اطفال بالله عليك اللحين وش الفايده من تصرفك هذا ..
لفيت عليه بقوه وانا ابتعد عنه ..
ضحى :انتي اللحين وش تبغى مني يأبن الناس اتركني بحااالي ان شاءالله امررض اموووت مالك شغل فيني ..
عساف:الا لي شغل فيك انتي زوجتي وام ولدي .. وبعدين ترى اللي صار مايسوي كل اللي تسوينه بعمرررك ..
ضحى :مايسوى اكيد ماراح يسوى بنظرك... حرقة قلبي ماتســـوى اللي اسويه ليش لأني انا اللي انغدر فيني وخانوني اهلي والقريبين مني وطعنوني بتصرفاتهم مره بعد مــــــــره مو انت.. وش يسوى عندك انه ينذبح قلبي الف مره ولامره وحده ..
وش يسـوى عندك لو كل اللي حولي يرمون محبتي لهم واهتمامي بوجهي ويقولون حياتناااا لاتدخلين فيهـــــا .. اصلاً وش يسوى عندك لو اموت كمد وقهــــــــــــر ..
عساف:هدي اعصابك ولاتضمين الكل بكلامك اختك اللي خانتك انا وش دخلني تلومينـــــي ..وتفتحين بالقديم ..
ضحى :لاااا لتفكر انه بس سارا اللي مقصوده بكلامي حرقة قلبي كلكم شاركتوا فيها انت وابوي وجدتي وامي ..كلكم حرقتوني مره بعد مررره لين صار قلبي رمااااااد مايشعر مايحس ..
عسا:لاتقولين كذا لاتقهريني وانا مابيدي شـي اسويه لك ... انتي تدرين اني اللحين ماأبغي الا رضاك وسعادتك .. صدقيني كل شـي ياأذيك يأذيني اناااا .. لاتلوميني باللي كنت اسويه قبل ماأحبك ..
ضحى :تحبني .. وش دخل الحب بموضوعناا واجباتك كزوج ماتلزم انك تحبني عشان تأديهااا... انت اول من كسر قلبي وحطمني بتجاهلك لي ورمي وراك كأني أي شي تافه نستخدمه مره وحده ونرميه وراانااا ...
مسكني مع ايديني حاول يقربني بس انا ماعطيته فرصه صرررخت عليه ..
ضحى :اوووووووه ماتفهم اتركني بحااالي كفايه خلاص مليت منك ليه ماتبغى تفهم اني اكررررررهك مأطيقك مابيك بحياتي وكل هاللي تسويه بدون فايده انت ولاشــــي بالنسبه لي ... انت شي تافهه حقير غبي منكد علي حيااااتي .. ماأبيك ماتفهم حل عنــــي ... اكررررهك لوايش ماصار بحياتك ماراح تعنيلي شــــــــي ..
طاحت يديني بعد ماتركهااا وارتجفت وانا اشــوفه يتراجع لين وصل باب الشارع لف بسرعه وطلع منه بدون مايناظرني ...
خلاااص رااح .. ارتحت منه ...


ملاك



لميت اطرف عباتي بيد ترتجفابغاها تدفني كنت واقفه تحت المطر بأول الفجر بأنتظار المؤذن يقيم للصلاه عشان اطلع انقذ اختي من الوحش ... ماصدقت يوم سمعته اقام بديت ابكي وامسح دموعي باصابعي المثلجه وانا امني نفسي بشوفة سارا بعد دقايق ..
كنت مرهفه السمع انتظره يطلع بس ماطلع صبر خمس دقايق ماسمعت أي صوت باب طلعت وانا حاطه في بالي فيه ولاماهوفيه اختي برجعها يعني برجعها .... علقت على جرس الباب واطرافي البارده ماساعدتني ...
... ابغااااه يفتح لااازم يفتح ولابكسر الباب عليه .. سارونتي .. اختي .. ماراح اتركهااا لللوحش لو اخذهااا ونعيش بشارع لحالناااا بس ماأتركها له يعيش بحياه مجهـوله واكيد العذاب نصيبها ...
ماأهمتيت ان الوقت فجر والناس بتطلع من المسجد وتشوفيني ... وينها ساراا ليه ماتفتح لي الباب أكيد مقيدها او ساجنها مقفل عليها بغرفه .. او يمكن ذبحهااا لاااااااااامستحيل قيس يسوي أي شـي بس مايقتل ....
لو بيقتل قتلي انا بعد مااكتشف اني الشحاده ...
استمريت اطق مرات على الجرس ومرات على الباب لين انكسرت يدي وماأحد فتح ... ماحست الا بيد تسحبني على وررررررى ..
:وش تسوين .. من انتي ..؟!
صرخت بقوه وقهــــــــــــــر للأنسان اللي شفته ..
ملاك:قل لأخووك الحقير يطلع اختــــــي ..فاهم ابغى اختـــــي ... طلعوا لي اختي ...
وصرخت على ام كايد اللي تحاول بتعب تنزل من السياره ...
ملاك :قولي لولدك الحيوان الحقير المنحط يطلع اختي ولااا والله لأذبحه واحــــرق فيــه ...
***

سارا


خلاااص بموووت مأدري وش اسوي ماني لاقيه تلفون اكلم منه خواتي يجون يأخذوني واصلاً لو كلمتهم انا مأدري في المكان اللي انا فيه عشان اقولهم يجون يأخذوني منه .. بس انا ابغى اسمعهم اصواتهم بقولهم ايش اللي فيني .. اكيد خايفين علي رجعت ادور ... لين فجأه تذكرت جواله ... جوااال الوحش ... بس لااااااااااا مستحيل مأقدر كيف اخذه ...
مجنونه انا مجنونه كيف اقرب منه واخذ جواله ... والله لو انهبلت .... لااا انا انهبلت وخلصت ولااا انا اللحين معه في مكان واحد وماسكه اعصابي ..... ايه لازم امسك اعصابي هالشي كان بيصير اللحين او بعدين دامني تزوجته والمفروض اكون اقوى من كذا وماأخاف منه هو الوحش ... وانا لاااازم اكون وحشه اقوى منه ماراح اخاف منه هو انسان مثلي مثــله ...
لازم اهدي اعصابي وماأنهبل صح لو أي احد ثاني مكاني فقد عقله بس اناااا بكون قويه ...
اللحين بروح اخذ جواله وبتصل على خواتي ... وبطمنهم علي هم ماراح يقدرون يجون ينقذوني بس أنا بنقذ نفسـي بنفسـي ...
اخذت نفس عميق وقريت المعوذات الف مرره قبل ماأفتح البااب كان أي تصرف خطأ بيكشفني لأن الهدؤ بالشقه غير طبيعي لأنا بشتاء لامكيفات ولاشـــــي .. وقفت عن باب الغرفه متجمده وانا اشوفه نايم على السرير خايفه حيييل مووووت رجولي احسها رخوه موقادره تشيلني وبدون احساس مني تحركت الخطوه الأولى نحو السرير وين الجوال ....!
من شدة رعبي حسيت اني نطقت باللي افكر فيه ... مسكت اعصابي وماصرخت مثل ماكنت مخططه ..
ماتحرك ماحس فيني على نفس نومته على بطنه ماتحرك منه ولاجزء .. طاحت عيني صدفه على الجوال اللي بالشحن بعدماكنت خلاص مقرره اطلع ... اسرعت للشاحن سحبت الجوال منه وفصلته .. بس فكرت اطلع اهتز الجوال بيدي واطلق صوت قوي وجابر يتصل بك يتردد على الشاشه .... كانت حركتي سريعه وغبيه ....
كتمت صوتي ولانفس بعد ماكتمت صوت الجوال وحطيته على الصامت كنت مخبيته تحت ملابسي وهو يهز بأستمرار بس ماني قادره اتحرك المكان تحت السرير ضيق .... ايه تخبيت تحت السرير لاتستغربون ... سمعت صوته يطلع من الغرفه شوي وجلس ينادي علي ... واصوات ابواب تنفتح وتنصفق حتى باب الشقه شكله فتحه يدورني برى ... مرت دقايق وبعدها دقايق لين حسيت بضوء خفيف على وجهي .. فتحت عيوني اللي كنت مغمضتها لأني اخاف افتح عيوني بالظلام وطاحت بعيونه كان رافع طرف المفـرش ومنحني على ركبته يطالع فينــــــــي .. جلس دقيقه على هالحركه وبعدهااا مد يده لي ..
***
صحى على صوت جوال اللي كان على اعلى مستوى بالنغمه المزعجه اللي حطـها له منير ظهر العيـد كان ك شوي يتعبث بجواله ويغير نغمتـــه لين ثبت على هذي ... مديت يدي ادور الجوال حولي بس مالقيته تذكرت اني حاطه بالشاحن اول مارفعت راسي للمكان اللي شبكت فيه الشاحن شفته طايح على الأرض والجوال ماهو فيه.. قمت بسرعه ادوره مالقيته ... تذكرت العله اللي معي لايكون اخذته لحضه انا كيف تركت المفتاح بالباب لايكون هربت هذي قويه متعوده على الهياته الخبله يمكنها ماتدري انا طلعنا من الرياض تحسب انها بمكان قريب من بيتها بس تركب التاكسي وتدله العنوان .... طلعت بسرعه دورت عليها مالقيتها بالصاله ... فتحت الباب دورتها برى ماهي فيه ...رجعت ادورها بالشقه مالها أي اثر ... بعد ماقلبت الدنيا كلهااا رجعت للغرفه بأمل بسيط وطاحت عيني على طرف عباتهااا طالع من تحت السرير ... جمدت مكاني ماني مصدق معقوله ... تقربت من السرير بحرص اني ماطلع صوت وركعت جنبه ... سمعت صوت تنفسها السريع وتأكد انها هنااا .. رفعت طرف المفرش وشفتها مغمضه عيونها بقوه ويديها شابكتها على بطنها بقوه وكانها تترجى شـي ... شوي وفتحت عيونهااا .. هذي هي سارا اللي اعرفها بشفايفها المزمومه وعلى استعداد تام باي لحضه انها تهتز معلنه نوبة بكـاء ... وعيونها الي بحياتي ماشفت مثلهاااا بذعرها وخوفهاااا ... مديت يدي لهااا وسحبتها من تحت السرير ..
قيس :وش تسوين هنااا ..؟!
ومثل ماتوقعت ارتجفت شفايفها وطاحت دموعها ... من يومها صياحه يوم كانت صغيره لوقلت لها عينك براسك صاحت ...
قيس :طيب وين جوالي ..
سألتها وانا امسك يديها الثنتين ...
ارتجفت اكثربدون ماتنطق ... وهي تهز راسها بلاااا .. اللهم طولك ياروح ...
لفيت اناظر وين ماكانت تحت السرير بس المكان فاضي مافيه الجوال ..
ناظرتها بقوه ..
قيس :وين الجــوال ....؟!
***
نزلت من فوق على صوت زغاريط الطباخه المصـريه ... من بعد ماواجهتها امس مع ميشـو ماجاها نوم نزلت بتشوف امها اللي من مات عمها ودخل خلف السجن وهي مو على بعضها بس تكابــــــر ...وقفت عن المشـي وش هالمنظر اللي تشوفه قدامها امها حاظنه مالك وتبكــــي ... خلللف وش صار حكموا عليه .. بس لااا امها كانت تضحك فرحانه .. وش السالفه ...
سعاد :يمه وش فيه ..؟!
ام خلف :فيه الخير والرضا والسعاده ...
سعـاد :الله الله وش صاير ...
ام خلف وهي ترجع تحضن مالك :مالك حبيبي اقنع اهل وديان انهم يتنازلون عن حق بنتهم .. مارضا على أخوه ... يخيس بالسجـن وهو جالس مرتاح هنـــــــا ..
سعاد سألته وأنا اتذكر تهديد ميشو انها هي وخواتها ماراح يرضون ان خلف يطلع منهااا حتى لو يرفعون قضايا الدنياا :صدق مالك بتنازل عشـان خلف ...
مالك :ايه خلاص شبه وافقوا باقي ضغط بسيط وتنحل القضيه ..
سعاد قالت بتردد :لكن بنات عمي مبارك ماهن راضيات ...
ام خلف بنرفزه :وهن وش دخلـهن اصلاً ابوهن متبري منهن مالهـــن حق ...
مالك :ابوي ماله عيال غيـري وانا تنازلت ... ويكفي تنازل واحد بس عشاان مايحكمـون على خلف بالقصاص ...
ارتجفت سعاد من هالكلمه قصاص لو صار لأخوها شـي هي اللي بتكون السبب ... هي اللي جرته لهالبـلوه .. والسبب مشاعل الحيـــــــه ... بس هي ماراها تتركها بحالها لازم ترد لها الديــــــن ...
بتعلم المتشرده بنت الفقـر كيف تلعب مع الأكابر ...
مالك كان يفكر كيف امه رضت عنه من تنازل عن حق ابوه وقبل جتها فتره حتى السلام ماترد عليــــه .. ولاكأن ابوه مقتـول برصاصة ولدها ... وبالأخير هددت بالفلوس هو يدري ان ابوه مايملك شـي من كل هالعز وهذي فلوس ابو خلف . بس ماتوقعها من أمه كان يحسبها تحبــه لشخصه بس وش يجي جنب ولدهاااا ...
هي اللحين تظن انه مـوافق عشـان الفلوس مادرت عن اللي يفكـر فيه وابتسم بخبث ....

***


سارا


جلست ابكي و ابكي بعد ماطلع من الغرفه احس حنجرتي انجرحت من كثر مابكيت هذا غير صراخي بالسياره اللي افقدني صوتي ... كان يسألني عن جواله وانا ابكي لأن الجوال كان يهتز تحت ملابسي كنت مثبته على خصري وهو يهز والله وانا ابكي احس بضحك لأنه يدغدغني ... شهقت بقوه وانا مرتاحه لأنه طلع من عندي بدون احساس افترشت الأرض البارده وتغطيت بعباتي ورحت بالنوووومه طويله صحيت منهااا على كابــــــــووس كان ابطاله قيس والجوال ...
تعوذت من الشيطان وتذكرت الجوال لازم اكلم خواتي بس كيف اخاف يدخل ويشوفني الساعه كم اللحين ...
سحبت رجولي اللي صايره ثقيله وكانها مليانه كدمات ... طليت بالصاله مالقيته رجعت بسرعه ودخلت الحمام اللي بالغرفه ... دقيت على رقم ضحى اللي حافظته اكثر من اسمــــــــي .. بس ماتررد تقطعت وانا ادق ماردت علي خفت يكشفني ... وانا مادقيت على خواتي اتصلت بسرعه على البيت دق لين انقطع محد رد حاولت مره ثانيه وثالثه ومحد يرد ...
كنت برمي الجوال على ارضية الحمام من قهري بس لا لو رميته كيف بتصل على خواتي اللي مايردون .... هذا يناديني ولاانا اهلوس ... لاهذا صوته ياربي ...... خايفه حييييل رجعت خبيت الجوال ... لاتنسين ياسارا كوني قويه وضحي له انك مو خايفه لاتبكين وتذكري اسى شي ممكن يسويه يذبحك ويقطعك ويرمي لحمك لكلاب الشوارع بس لاتنيسين لوذبحك بتكونين مظلومه ازهقت روحك بدون ذنب .. لاتخافين لاتخافين ... اذا هو وحش انتي وحشه ... لو بتنامين هنا بالحمام سنين بالأخير بتواجهينه .. انتي وهو بمركب واحد ولازم توصلين لبر الامان بيتك فيه او بدونه ....
طلعت من الحمام بعد ماشجعت نفـسي بهالكلام ..
اول مافتحت الباب وشفته نسيت كل اللي قلته وماقدرت ابعد عيوني عن عيونه الحمراء ...
قيس :انتي هبلا فيه احد يدخل الحمام بعبايته...
بتكلم وين صوتي بصرخ واقول انا حررره .. اعتبريه وعد نوف شدن أي احد تافه ماتخافين منه بس لاتشوفينه انا هو بس مأقدر .. ارتجفت وعيوني ماتحملت تشوفه بدون ماتنزل دموعهااا ...
شفته يصد عني وهو يحط يده على راسه ... وهو يقول استغفرالله العظيم بصوت عالي ..
ثم لف على وسحبني مع يدي بقوه لبرى الحمااام وصلني نص الغرفه ثم هزني ...
قيس :ليه تصيحين اللحين ظربتك انا كلمتك هشتك رفعت صوتي عليك ....
وانا ماعندي رد الا جلست اصيح بصوت عالي ياربي كأني بزر حطيت يدي الثنتين على فمي بمنع صوتي بس ماقدرت ياررربي ...
قيس :ياررب الكون ... انا وش اسوي لك والله ماتكلمت ... خلااااااااص بس بقولك شي واحد اسمعيني ... اللي صارا صار وحنا اللحين صرنا مع بعض برضانا او بدونــه وبنستمر على هالحال لازم نفهم بعض مو حاله كل ماشفتيني صحتي ....
كان يقول كلااام كثير وانا ماسمعه كنت ابكي لأني مقهوره من نفسي ليش ابكي ...
قيس :لااا انتي موصاحيه ابد .. ابكي لين بكره واذا شبعتي بكاااء اكلي من الأكل اللي بالثلاجه مو تموتين علي .....
وطلع وهو معصب وسمعت صوت باب الشقه يتقفل بالمفتاح ... ياررررررررررربي ...
مسحت دموعي لما مليت من البكاء وقلت بروح اكل لأني جوعانه مره واحس راسي دايخ ماني قادره افكــــر ..
رحت للثلاجه واخذت منها عصير كان بارد مرره حسيته يحرق حنجرتي اللي تألمني خلقه ..
اخذت معه فطيـره وجلست اكلهم بسرعه ... برجع احاول اكلم خواتي ...
خايه يرجع ويطلب من الجوال بس لااامستحيل حتى لو يذبحني ماراح اعطيه الجوال هذا املي الوحيد وصلتي الوحيده بخواتي بدونه بمـووت ..

***
طلع من الشقه هو محتار وش يسوي جواله مايدري وينه وهو بدونه يضيع .. ركب سيارته وتذكر جواله الثاني اللي فيه بطاقة سوا ومن زمان مقفله طلعه من درج السياره وفتح ماكان فيه رصيد مر على اقرب دكان واخذ منه شحن لجواله ..
اتصل على جابر بيشوف اخبار امـه وهو يحمد ربه انها بقرية اختها وماتدري عن اللي قاعد يصيـــــــر ... مع ثاني رد جابر وهو يقــــول :مرحبا بالهربااان ......
حط يده على راسه ورد :وعليكم السلام وش اخباركم ..؟!
كمل جابر ملاغته :فضحتنا يالخبل كان قلت لنا انك مستعجل على الزواج وماكنا بنقول لك لاااا حتى ابوي زعلان منك ...
لاا ابوه بعد هذا اللي ماحسب حسابه ابوه موعند ابله وش رجعه الرياض بهالوقت :جابر بدون خبال امي وش قالت عطينيها بكلمهااا ..
جابر :امك ماعندها مانع الزم ماعليها انك تزوجت سارا حبيبة القلب والباقي ماهو هامهااا ..
قيس :احد غيركم درى ..
جابر:اعوذ بالله بتفضحنااا أنـت المهم ترى امي كلمة اختها المصون وحذرتها تقـول لأحد شـي عن اللي صار ...
قيس :زين هذا اللي كنت بسويه ...
جابر :ايه فضحنا وقل هذا اللي كنت بسويه ..
قيس بعصبيه :وش تبغى انت ..
جابر:عاجبتني حركتك يأخي خطيرره .. وينك اللحيـن ..
قيس :بجهنم سلم على امي وانقلع عن وجهـــي .. وقفل الخط بوجهه ..
اللحين من بقى ماعرف اذا حتى ابوه اللي مايدري عن الدنيا عرف ..
بس زين انهم دروى .. وتصرف امه ريحه عشان مايتصل على عساف مثل ماكان مخطط لأنه ماله وجــه منه ...
اللحين وش يسوي اذا رجع للشقه طاح بصياحه وهو دايخ مايبي الا فراشه ..
مايدري يلومها لأنها صياحه ومنفجعه من الطريقه اللي لقت فيها نفسها معه او يلوم نفـسه اللي تصرف بلحضة تهور بدون عقـل ..لازم يطاوع جنونه بشوفة شوشو يوم العيـد ... يآآآآه يوم العيد كأنه قبل شـهر مو أمـس على كثر الأحداث اللي مرت عليه ... صدق عيد على المسكينـه ... مسكينه ايه مسكيـنه ليش يحط خيبته عليها هو الغلطان هو سبب كل حاجه هي مالها اي ذنب الا انها جت بالوقت الغلط ... معقــــوله الطريقه اللي يفكر فيهااا سارا دايم هي سبب خيباته وش اللي تغيـر اللحيـــن ..
نسى انها سبب تفريقه عن شـوشو حبيبتــــه اللي حبهااا بجنون القلب والعقــل ..
لا هي موالسبب هي الضحيه اللي دايم تجي بالمكان الخطأ وبالوقت الخطأ ...

***


وعد


طلعت بالشارع بدون عبايه ايه طلعت بدونهــــــا .. ماتستاهل ضحى اللي اسويه عشانه ... حقيررره ماتستاهل شـي تطرد سارا وتصارخ على ملاااك وتبكيـهاااا ...
مليت من تحكمها وتسلطهااا صارت مثل ابليس اللعيــن ...
هذا عيد هذا حزن عزاء كرهت العيد ... وكرهت بيتنااااا وكل شـي كرهته يارب تصدمني سياره واموت وأرتاااااح من هالحيـــاه .. الممله .. الكئيبه ...
الناس عندهم اهل يفرحون معهم بالعيد وانا ماعندي احد خواتي اللي كنت احسبهم اهلي طلعو يكرهون بعـض ... وكل وحده منهم تبغى تكون اقـوى من الثانيه ...
حتى نوف تهاوشت معي لأني سبيت ضحــــــى .. انا من بقى لي طول عمري وحيده ...
ماعندي الا خواتي اللي مايحبون بعض وكل تبغى البيت لها وتحكم فيه ...
ليت ابوي مامات ... كنت يمكن اروح عنده بس لا أبوي اصلاً مايبغانا احسن انه مات ..
استغفر الله مايصلح اقول كذا بس انا من قهررري اتكلم واسب والعن ...
انا ماابغى اكسب ذنوب .. بس غصب عني ماعندي احد يساعدني اني ماأسوي هالأشياء ..
كلهم عندهم مشاكل اهم منــــــي ...
كنت امشي واناظر بالناس والسيارات اللي تمر من جنبي فجأه وقفت سياره فيها عيال كثيــــــر ... واحد منهم فتح الباب وقال ..
:تعالي اركبي ياحــلللوه ...
لفيت عليه وانا فرحانه اني بنزل قهري فيه ...
وعد :انقلع يامتخلف عساك للحصبه والسرطان ونزل المعــويه والملاريا ...
:احلى تعرفين بالأمراض شكلك مشروع طبيبه ... تعالي اركبي طببي قلبي الوجعااان ..
وعد :مالت عليك يالداشر انقلع ولاقسم لأصكك بذا الحصاه تكسر صف اسنانك الأمامي كله ...
:طيب مقبوله منك تفداك اسناني اللي فوق واللي تحت ...
انا غبيه ليش واقفه طنشته ورحت امشي وهم يلحقوني بالسياره ..
قال اللي تو :وين رايحه اركبي نوصلك ...
قال اللي بجنبه وهو يناظرني كلام قذر وصخ الله يلعنه قهرني وجلست ابكي من القهر لأني مأعرف ارد عليهم الملاعيين ..
رحت اركض على الرصيف بعيد عنهم عشااان مايقدرون يلحقوني واشوى اختفوا ...
بعد هالموقف قررت ارجع للبيت غبيه انا يوم ادور لحالي بعيد عن حارتنااا ومنير ماهو معـــي ...
بس قبل بمر هالدكان فيه حلويات تجنن احلى من اللي بدكاننا ..
كان معي فلوس كثير حقت العيديه اللي عطوني حريم حارتنا باالجامع واللي عطتني ضحى وحتى عسافوه الغبي عطاني اكثر واحد هو .. مالت عليه صاير يشفق علينا بعد مامات ابوي ... دخلت الدكان وجلست اخذ من كل الحلويات حسيت اني مبسوطه ابغى اشتري كل شـي دايم احب اقتصد بس اللحين لابشتري بكل الفلوس لأنها فرحتني ...
رجعت للبيت مبسوطه اول مادخلت بالحوش لقيت نوره تلعب لحالها بالطين مو لابس الا ملابسه خفيفه مثل ملابسي بس انا كبيره وهي نونو .. احس اني ارتجفت يوم شفت شكلها كيف متبلله وتلعب بالطين وتسولف مع نفسهااا ..
اليوم برد مو امس كان مره حاررر لدرجة انا جلسنا الصبح بالحوش وكان الجوو حلوو ..
اول ماشافتني رمت اللي بيدها وجت تركض لي ...
نوره :دوده ..
الحماره تسميني دوده يقالها بتدلعني ...
وعد :اسمي وعد ..
حطت اصبعها اللي فيه طين بفمهااا ...
وعد :لاايععع اووفااا طلعيه ...
طلعت اصبعها وسألتها بعصبيه ..
وعد :ليه طالعه بالبرد بدون جاكيتك وين جزمتك وشرابك ...
نوره :انا احبك ...
طالعتها بصدمه وهي تضمني المجنونه تحبنــــــي .. انا شوفها دايم بس تلحقني بس ماتوقعتها تحبني يقلع شكلها من اللحين تعرف حركات الحب بس لحضه موكنها تحبني عشان الحلويات اللي معي شلتها ودخلتها داخل ووااوو يادفا البيت ...
الدبه شدن منسدحه تحت التلفزيون واول ماشافت الكيس اللي معي نطت تبغى منه ...
وعد :لحضه اوقفوا .. فالبدايه لازم توافقون على شروطي قبل ماأعطيكم ..
شدن :لاتصيرين انانيه ..
وعد :بتوافقين على شروطي ولامافيه روحي جيبلي من المطبخ مويااا .. وانتي روحي البس جيكيتك ..
شدن :لأااا ليش ترسليني اجيب لك حاجه وهي بس تلبس جيكيتها ..
وعد :هي صغيره مو مثلك .. يالله روحي جيبي ولامومعطيتك شـي ..
رحت شدن للمطبخ وونوره لبست جاكيتها وجت جلست بحظني .. احبها مسكينه صغيره ومحد مهتم فيها تكسر خاااطري ..
شلتها وغسلت ايديها ووجها ورجولها عن الطيـن .. صايره حمراء من البيت .. مسكينه محد مهتم فيهااا تصوروا من امس ضحى ماسألت عنها ولاشافتهـــا .. انا خلاص قررت بهتم فيهاا وبخليها مثل بنتــــــي ..
بربيها زين ماراح اخليها تحس بالوحده مثلي ولا بخليها تطلع للشارع بدون عبايه من قهـرهااا ...
انبسطت لأن صار عندي شـي اعيش عشانه اربي نوره ...

انتهى البااارت

الحلقه الثامنه والأربعـون

سارا ..


تجمدت من البرد بقميصي القصير هذا ... ببيتنا الدافي كان عادي البسه بس هنا مايصلح ابداً .. الأرض سيراميك وبارده مره مافيه أي تدفيـــه ... دورت شنطتي وبالأخير لقيتها بالغرفه الثانيه مو اللي كان فيها نايم الوحـش .. فتحت لقيت ملابسـي ياربي مين اللي رتبها وحطها لي يعني خواتي كانوا داريــــن .. انا شفت الشنطه وهو يشيلها وعرفتها هذي شنطة ضحى اللي كانت تأخذها لما كانت بالقريه ...
خواتي يعرفون ولا مارتبوا لي الشنطه لااا ماأصدق ان خواتي تخلوا عني اكيد هو قال لهم انها زوجتي وخلاص بأخذها ولاخواتي مستحيل يتخلون عني ... ملاك اكيد بتجنن بعدي وانا بعد بنجــــن من غيرهاا .. بس ليش كل هذا ...
ليش اخذني بهالطريقه اللي تقهـــر لأنه متوحش غبي مو غريبه عليه هالحركـات ...
سحبت بنطلوني الجينز اللي مقطوع تحت الركبه من كثر الأستعمال ... ومعه التي شيرت الأورنج بالأصفر اللي عند ملاك مثـله ...
ضميت التي شيرت بحب لصدري .. بس آآه وش ذا .. هذا تي شـيرت ملاك مو حقــــــــي ..ضمته اكثر واكثر وقطعته من البووس هذا اللي بقى لي من توأمــــــي الله لايحرمني منهــــا ..
غيرت ملابسي ... ولبست فوق تي شيرتي جاكيت جينز ...
كنت مره بردانه ... الوقت المغرب تقريباً ياربي بموت من الرعب اخاف اجلس بمكان لحالي وخصوصاً بمثل هالوقت والمكاااان يووحش واصلاً ماعمري جربت اجلس لحالي دايــــــم ملاك معي بكل مكااان .. واللحين اذا ماجلست لحالي بيكون الوحش معايه ...
سحبت البطانيه لأني بديت ارتجف كنت جالسه على الأرض ومتركيه على السرير تلحفت فيها وجلست محتاره مأدري وش اسوي خايفه وطفشانه وفيني الصيحـــه ..
شوي شوي بديت اغفي وفجأه سمعت صرخه صحيت ولقيت قيس جالس يخنق ملاك اختي ....
صرخت فكهاااا اتركهاااااا اختييي ملاااااك اتركهااا بس هو ماهمه كان جالس يخنق فيها ويخنق وانااا ابكي ...
خلاااص بس اتركهاااا يامتخلف اترك اختــي ...
***
دخل الشقه على صراخها اللي يسمعه يجزم انها جالسه تخانق مع احد وصراخها هذا صدقي ... مو مثل ماكان حلم ..دخل عليها الغرفه لقاها متكومه تحت البطانيه وجالسه وتصرخ بالكلاااام اللي دخل عليه ... من هذا اللي تحلم فيه وتبغاه يترك اختهااااا كان كلامهاعجيب مرررره ...
هزها لين فتحت عيونها وسط صراخها :انهبلتي انتي .. اعقلي ولاترى شهار يرحب بأشكالك ....
رمى بطانيتها عليها وطلع من الغرفه ....
شغل التلفزيون وولع له سيجاره .. يسوي اللي قالته امـه يعني .... حفله بعد رجعتهم بتكون غطى مثل ماقالت عن أي كلام ممكن يطلع عليهم ...
ههههه ضحك على كلمة امه يعني وش بيطلع عليهم قيس ماقدر يصـبر عن ليلى آآآه هههه بس آآآه ... لوتدرين يمه وش الحقـيقه آآآه بس لو تدرين كان تفلتي بوجهه ولدك وطردتيه من حيــــاتك كلهــــا ... ولدك المجنون عاشق الشحاده ...
آآآه يمه الله سويته انجس من ان بتفكيـرك الطاهر تفهميــــــــنه ...
اللي سويته واللي جالس اسويه واللي مصــــــر عليه مايسويه رجالل عاااقل بس اظل حقيـر خبيث ومرادي اخبـــــث ...
ولا من هو اللي متزوج وحده ويفكر بأختهــا وتوأمهااا بعد غير رجااال معدوم الرجـــوله ...


***ميشو


من الحماقه مايحدث ...
هل تعلمون أن هروبي متوقف على موافقة ذالك الجرذ مالك ... أجل هذا مايحدث ....فهو الوصـي عليناااا ...
وهكذا تسخر مني الحـياه ..
قيدي وسجني .. نجاتي وحريتـــي ... بيد مالك شقـيقي الذي يراني أسفل من عاهـــره .. هل تتوقعون ان يسهل امر زواجي من شخص اخـــر ...
أم سيكون متعاطف مع شخص من جنسه ... وسيرى أنه من الظلم ان يربط مصير ذالك الشخص مع عاهــرة مثـلي..
هل سينقذه منــــــــي ...
يألهي يال سوداوية افكاري ... مالك بالتأكيد لاشأن له بالشخص الأخر .....
لأعلم ماذا اصابني لاأستطيع التفكـــير ..... ربما بسبب مصيري المتعلق بهذا الزواج اصبحت أرى انه لن يتم بسهـــوله وستقف جميع الظروف بوجهي حتى لايتحقق هروبـــــــي ..
ميشو :يال غبائي ..
وعد :الحمدالله والشكر حتى مع نفسها تكلم فصحــى ...
اوووه ماذا تريد هذه الطفيليه ...
ميشو :ابتعدي عن سمائي فبتواجدك قريب تسببي لي الكثير من الكوارث ...
وعد :كوارث تسمعين بالحرب انتي كثير وش دخل كوارث وسماك بسالفتنا قسم بالله ان فيوزاتك ظاربه .... بس غريبه للحين مانفشت شفايفك وخدودك ...
ميشو:وماشأنك بشفايفي وخدودي ...
وعد :وععععع مو حلوين صايره مثل شيماء علي ..
ميشو :ومن هذه معلمة التاريخ ...
وعد :لو انتي الصادقه معلمة الملاغـه والمصاخه .. الا صدق ميشو بسألك سؤال بس بليز لاتعصبين ولاليش اصلاً انتي ماتعرفين تعصبين صح ...
ميشو :هل ستقولين مالديك ام اصمتي ..
وعد :وانتي ليش معصبه ترى للحين ماقلت شـي اوووف طلعت تعصب هي ووجهها بعد .. بسألك اللحين تلفون وش اسوي فيــــه ..
ميشو :هاتف ماذا ..
وعد:هاتفنا شايفه عندنا الف هاتف .... يعععع مو لايقه عليه هاتف احس اني بافلام كرتون المهم .. الدوبية شدن قطعته وش اسوي اذا دق علينا احد ولااحدات مثل صديقتك ام صوت مرعب ...
ميشو :لاتفعلي شي فقط ضعيه امامك وحدقي به ربمـا يُصلح نفسه بنفسـه ...
صرخت تلك الخرقاء بطريقه مزعجه ... وهي تحدق بي بغضب ..
وعد :شوفي انا هبلا بس ماني مجنونه والله هذا اللي ناقصه تضحكين علي سارا وملاااك .....
وفجأه هزت راسها وقد تحولت ملامحهاا للبؤس...
وعد :لااعاادي خليني اصير مجنونه وين سارا وملاك عشان يضحكون علي ...
ياءلهي مااقسى هذه الحياااه التي جعلت من طفله كوعد بمنتهى البؤس ....






سارا

اندسيت تحت البطانيه انا ترتجف وش يبغى الوحش من ملاك... وش هالحلم ... موكفايه أنا ليش ملاااااك بالحلم ...اكيد هذا الم ملااااك.. هو يوم فرقنا عن بعض ذبح ملاااك وألمهااا ..
آآآه ياملاااااك اشتقت لك حيييييييييييل ياليتك عندي ماكان حسيت بهالخوف من الووووحشششش ..
ياربي ليش يصـيرلي كذا متى بينتهي هالكابوس ملييييت ملييييييييت منه ... يارب ارحمني وش الحياه اللي كلها خوف ورعب ودي انام ليله متهنيـــــه ... طول عمري بشقاء وخوف ورعب وقلة امــــاااااااان ....
ملليييت الخوف ملييت الوحش ابغى احس بأمان ابغى خواااتي ابغــــــــى ملااااااااك ....اللي معهااا مأحس بالخوف .. ليه اناااا هنا لوحــدي ... لي هالحـياه ... ليه ياربي .. ياررررب ارحمني يارب ارحمني يارب ارحمني مللليت العذاب ....
يارب لو بتبقى حياتي كذا عذاب بعذاب يارررب موتي ارحــــــــــم ..



ملاك

كنت ادور بالصاله مثل المجنونه ماني قادره استحملللل كيييف هم عايشين حياتهم وناسين سااارراا .. سارراا تتعذب مع الوحش وهم يضحكــون هنااا ولاكأن لهم اخت اسم ســـــــارا ...
ياليتني مت قبل ماأشوف خواتي كذا يوم نسوا شهــد قلت لأنها حيوانه تستاهل بس سارا كيف ينسونها وهي اللي كانت تحبهم وتخاف عليهم اكثر من نفسهاااا ..
سارا ضحكة هالبيت وبهجته كيف ينسونهااا كيييييف ..
وعد :اهجدي اقضبي ارضك خليني اعرف اصلح هالتلفــــــون ...
ناظرتها بأحتقار وكملت مشيي كنت بموت ماني قاااادره خلااااص انتهى صبري ماني قاااادره اجلس لحضه بدون سااارا ..
صرخت بقهــــــــري ..
ملااك :ابي ساااااااااااار جيبوا لللييي سااااااااارااا ..الله يأخذكم ان شاءالله انقلعــــــوا وهاتوا لي سااااااااارااا ...
هند :ملااك وش نسوي من وين نجيبهــا ان رحت لهم العصر يقولون سافروا وش نسوي انتظري لين ترجع وهي بنفسها بتجينااا ...
ملاك :انتظر الين متى انتوا ماتفهــــــــمون سارااا مع الوحش وتبغوني اصبـــــــــر .حسبي الله عليكم حسبــــي الله عليكم ..
طلعت لغرفتنا انا وسارا وانا ادعي عليهـــــــــــــــــم ... قفلت الباب ورميت نفسي على فراش ساااارا اضمـــه واشم فيه ريحة صاحبته ...وانا ابكي قهر وضيم من اللي قاعد يصير لناااا ..

ضحى


طلعت من غرفتي بعد ماتمالكت نفسي بعد صدمة سارا وانسحاب عســـــاف ... خلااص اللي راحـوا راحـوا .. واللحين ببدأ حياة جديده ...
جلست بأقرب مقعد واجهني بالصاله واناااا منتبه على كلام خواتي اللي تحول لصمـت من دخــــــــــلت ...
ضحى :شوق سويلي عصير ليمـــــــون ...
وسالت وعد اللي حاطه التلفون بحضنها وتعبث فيه ..
ضحى :وش تسوين انتي ..
صدت عني وكأنها ماراح ترد ثم جاااوبت وحمدت ربي لأني ماكنت بتحمــــــل لو خواتي رجعوا يجافوني كفايه علي ملاااك ..
وعد :خربااان قطعته الحيوانه شدن ...
ضحى :بدون الفاظ شوارع وهاتي اشوف وش فيه ..
رمته على الأرض وهي تقول ..
وعد :ماراح يصلح لازم نجيب واحــــد جديد صح ميشو ..
ياسلااام من متى صارت وعد وميشو على وفاق ..
ميشو :هذا ماأراه ..
شدن :اصلاً انا من البدايه قلت بقول لبابا ويجيب لنا تلفون جديد صح ماما ..
ضحى :لاااموو صح وخلااص انسي ابوك لأنه خلااص طلع من حياتنا
فتحت شدن عيونهااا على الأخيـــــر وهي تسأل ..
شدن :كيف طلع من حياتنا ماااات ...
ضحى :الله لاااااايقوله .....
قلتها بحده طلعت عني غصب ... انا مأتمنى موت عساف مهمااا كان ومهما سوى فيني مأتصور حياتي من دونه ... حتى لو رفضته وطردته من حياااتي يبقى موجود وممكن يرجع لحياتي بأي وقت بأذني او بدونه ...
بس مايختفى كليـاً من عالم الأحيــــاء ..
للحين أبغاك ياعساف حــــي بس خوفي ومصدر قلقي اني احتاجك بيوم وماألقاك واتمناااك ساعتهــــــا مييت ....

عسـاف


تحملت الجفـــا وتجرعت الظلم والأجحاااف وأنا صااابر .. طردتني كثير ومااا نسحبت .. بس بأخر مره ماتحملت شفت الكره بعيـــــونها كان كلااامها سكاكين تقطع بقلـــــبيي .. مأدري وش تحسبني هالأنسـانه ...
معقوله لهدرجه ماأعني لهااا ولاشـــي .. كل اللي سويته ماغيـر فيهــا شـي ...
ماحست بحبي لها مع كل اللي بذلته عشــــانهاااا ..
نست سواياااي يوم لقيت صورهااا بكل مكــان واللي مايسويها رجال ثاني ...
نست الأيام اللي قضيتها سهران عليــــها وهي مريضه .. لو غيري رماها ببيت اهلها وولاسأل فيهـــــا ..
ناكرة الجميــــــــل .. قلبها مثل الصخــر كنت عارف انها مستحيل تسامحني بس كنت انتظر تصير معجزه وتلين قلبهـــا ...بس القاسي يبقى قاســــــي ... اذا موت ابوهااا ماحنن قلبها ومانزلت عليه دمعه ... انسانه مثل هذي مستحيل تذكرني او تذكرشي سويته عشااانهااا الجفااا وانعدام الحنان والحب اللي ماذاقته بحيااااتها قســـــى قلبهااا لين صار مثل الصخـر ...
كنت اظن اني بحبي لها بغيــرهااا بس فشـــــلت اويمكن اني مابذلت اللي يحنن قلبهــــاااا ...
غلطان اللي قال المـره ماتقاااوم الحب والحنــــــــااان .. لأني شفــت مررره حديديه قاومت كل شـي بذلته عشانها ورمتـــه بوجــهييي ...
انسـانه حاطه كرامتهااا فووق كل شــــي وكبريائهاااا دمرهااا ودمــــــــــرني ....
تذكرت اخر كلماااتهااااا بس بموتهااا ماأسويهااااااا ماراح اتركها لو وش ابتعد ايه بس اتركهاااا .. لااابغيب لين تعررف قيمـتي وبعدهااا برجع لهااااا وبنشوف اذا بتقدر تعيـش من غير حبـي ...
انا عارف ان فيه امور كثيره مرت عليهااا ماكنت بتقدر تعداها لو ماكنت جنبهاااااا وتكاابر يوم تقول انهاااااقويه من غيررري . مصيرها تعرف قيمتي وتعرف اهميتي بحياتهـااا ..



سارا


تدرون قمة الجنووون انك تضحك بوقت ودك تبكـــــي فيه ...
اناااا كذا اضحك وخاطري ابكــــــي من اللي قاعد يصـير فيني ..
وحالي المجنـــون اللي لوتدوروا الدنيا كلهــا مابتلاقوا انسان حاله مثل حالـــــي ..
بدون اسـباااب انا حياتي مجنونه.. اعيش مع عدوي ههههههههههه هو عدوي وهو صديقي ...
اكيد بيكون صديقـــي وسط كل هالناااس اللي ماأعرفهم تصدقون اني اللحين متمسكـــه بذراع قيس تضحكون صح مانتم مصدقين بس صدقواااا صدقوااا لأن الجنون بحياتي توه يبدأ ...
كنت نايمه صحيت وهي يجمع الملااابس ويرميها بالشنطه زي المجنووون كنت خااايفه موووت من وجــــــوده ...
لف علي وطالعني وكأنه هو خايف بعد بس اكيد ماهو خايف مني ...
قيس :امــــــي تعباااانه بنرجع للرياض ......
وشال الشنطه اللي معي ومد يده لي وهو يقول ..
قيس :يالله بسرعه البسي عباااتك بنروووح .......
والله مأدري وش سويت مالقيت نفسي الااا بسيارة أجـــره .. سألت نفسي ألف مره وين سيارته بس ماتجرأت اسأله اصلاً كنت لاصقه عند باب وهو عند الباب الثاني .. طول الطريق وهو يتصل يكلم أخوانه ويصرخ عليهم .....
كنت ارتجف خايفه حتى اتنفس وفجأه صرخ علي وأنا ماني متوقعه انه منتبه علي حتى ......
قيس :ليش تتراجفين من ايش خايفه انتي انااا ماأكل .... وش هالخوف مني احد قايل لك انيي مو بشـــــــري ...
كااان يصارخ علي ولامهتم انا بالشاارع ..... ماني مصدقه نفسي اني ماني خايفه لدرجة اني افكر بهالأمور التافه بوجود الوحش وانا بوجوده كنت انسى حتى اتنفـــــــس ...
شووي ووصلنا الشي اللي ماتوقعته... المطـــــــار ..... بنسافر بالطيااره ليش مافكرت حتى اسأل..؟!... بركب الطـياره ماني مصدقه نفسي ولاحتى ملاااك ووعد وباقي خواتي راح يصدقون اني ركبت طيـــاره..
اول مااانزلنا من التاكسي مسكني بقوه مع يدي وشبك ذراعه بذراعـــــي ودخلنااا بسرعه ربع ساااعه وكنا محلقين بالسمـاء ماخفت ماأرتبكت ولابطني اوجعني بالعكس كنت برقص من الفرحه وانا حس نفسي طايره بس ماسكه نفسي لأضحك ويسمعني الوحش .... ويمكن يذبحني لأني ماراعيت شعوره امه مريضه وانا مبسوطه ......
كان مرجعه راسه على ورى ومغطي وجهه بالشماغ كنت احسبه نايم واخذه راحتي باللعب واتعبث بكل شــي ...
ماحسيت الا بيد تمسكني كنت بصرخ بس صوته اللي وصلني هداني .. تسمعون وش اقول صوته هداني .. يعني فيه شي ممكن يرعبني اكثر منه ..
قيس :مثل البزران كل شي تجربينه لاتعبثين هذي طياره مو باص المدرسه......
مسكت لساني ولاكنت برد عليه رد قوي الحمدالله اني مسكت نفسي ولاا يمكن يقص لساااني بس طالعته بنقمه ولاخفت منه وش بيسوي يعني مايقدر يذبحني بالطياره الدوله مافيهااا قانون ...
قيس :انتي ليش فاتشه وجهك ..
حطيت يدي على وجهي وأنا اتذكر اني فكيت اللثام عشااان اخذ راحتي ..
قيس :غبيه انتي تحسبين نفسك بالطياره لحالك ماتشوفين المسافريين الباقي والمضيفين وش التخلف اللي فيك .. غطي وجهك يالله ..
الصراحه خفت منه بس كيف ماني متغطيه انا ماصدقت افتكتيت من ضحى وملااك اللي واقفات لي على الوحده تغطي وتغطي ...
قيس :صمخا انتي ماتسمعين اقولك غطي وجهك ...
مااابغى اتغطى اوووف لعنه لازم اطيعه ولايذبحني ياربي وش هالحياه اللي كل شي لازم تنفذه ولاتخاااف تمووت ...
غطيت وجهي وانا ادعي عليه ان شااءالله تطيح الطيااره ويمـــــووت .. متخللللللف ...

***
غمض عيونه بتعـــب مرض أمه صدمه ودخولها المستشفى بحاله طارئه عجز يستوعبه كانت حالتها مستقره لدرجة انها تحملت السفـر لمنطقه ثانيه وماعليها شر وش اللي صابهااا اكيد واحد من خوانه الحيوانات رفع لها ضغطها بتصرفاتهم المتخلفه .......
ماكان بينام لأن اصلاً المسافه ماهي طويله بس غصب غفت عينــــــه .. صحى على حاجه تهزه وصوتهااا صوت شوشو يناااديه ...... :قيـــــس قيـــس ..
فتح عيونه بقوه وبصوت عالي :شوووشوو ..
شاف الذعر بعيونهااا يوم نطق كلمته ... وشوي شوي استوعب الوضع هذي ساارا مو شوشو هي توأمهااا وعشان كذا لهااا نفس الصوت ونفس اليد الفاتنه .... ولهاا طول شوشو وعرضهااا وشكلهاا باللثام كله نفسه بس هنااا بدون نظاره وشوشو بنظااره .....
قيس وكأنه يأكد زلة لسانه بالكلاام والحروف اللي نقص :وشو ..
ساار بتلعثم :وصلنااا .....
غمض عيونه يستوعب الوضع ثم فتحهااا وصلوا ...الرياض ...امه والمستشفى ..
من المطـــار طار للمستشفى ولاحتى فكر ينزل سارا بأي مكااان وكااان شبه نااسيها بس صوت انفاسها المقطوعه من الركض وهي تحاول تجاااريه بمشيته السريعه ويدها اللي تنفلت من يده وكأنهااا منهكه ويرجع يقبض عليها من جديد تذكره دايم بوجودهـــــا ...
كان يركض للمكان اللي خبروه اخوانه انهم فيه ...
قيس اول ماشاف اخوانه ترك يدها وراح يركض لهم استقبله جابر :وينهــــــا .
جابر :دخلوهااا العناايه يقولون حالتها حرجه المره هذي لاازم يسوون لها عمليه ...
قيس :عملية ايش قلبها ؟؟
جابر :ايه خلااص لازم تسوي العمليه على الكثـير بكره ...
يارب سترك لهدرجه حالتها صعبــــــــه ...
قيس:ليه وش صاار عشان تدهور حالتهاا كذا من اللي متعبها منكم يامـلا ***
جابر:والله محد كدرها كانت وش زينها وفجأه طاحت علينـــا..
قيس :والله انكم ملاااعييييي* اكيد احد منكم منكد عليها اعرفكم حيوانات مأحد يتكل عليكم ...
فادي :قسم انا ماقلنا لهااا شـــي يمكن درت عن اسمااعيل ..
جابر:سالفة اسماعيل شاكه فيها من مبطي وماهي راميتها هالرميه هذا قدر ...
قيس :ايه العبوا علي وين أبوووي ..
طالع جابر وفادي ببعض وكانهم محتارين بشي .. بس هو مايتحمل للعب بالأعصاب هذا ..
قيس :وش فيه ابوي لايكون احرقتوا دمه هو الثااني ...
فادي :مافيه شي انت بس مشتهي تصارخ علينا ابوك جاء هنا وسمعنا كلام زي السم وراح يرقد بالبيت ....
وتكلم منير اللي كانت عيونه حمراء مثل الجمر من كثر الصياح :يقوول انتم اللي ذبحتوا امكم لاتجلسون تبكون عليها مافيها رجاء خلاص انتهــــــت حتى المستشفيات ملت منها ومنكم ....
وانفجر يبكي :قيس خلني ادخل اشووووف امي كلهم دخلوا وماخلوني اشـــــــوفهاااا ...

عساف


كل مابغيت ابعدها عن تفكيري طلع شي يذكرني فيها حتى بدوامـــي .. تو اتصل فيني واحد يبغى يخطــب أختهاااا ... ومـو أي أخت .. قطوة خلف ... خلف معقوله يكون يفكر فيها للحين مع كل اللي صـــار فيـــه ...
ماأعتقد اكيد نسـاهااا مأدري اذا كنت غلطت يوم حـولته لمالك بس انا اشوفه التصـرف سليم ...
التصرف السليم ولا ماهي هاينه عليك مع كل هالبعــد تبغى تساعدهاااا ..
وياليته يبين فعينـها .. ياترى هي بتشوف هالشي مساعدة او تدخل بشئونها مع خواتها ..
حتى هالكلمـة منها وحشتنــــــــــي ... كل شي فيها وحشني .. حتى هوشاتي معهــا ...
بس هالمرة مستحيل اسعــــــى لها
هي بنفـسها اللي لازم تجينــــــي ...


***
نام حتى صلاة الظهــر وبعد ماصلى قلب الشقه يدورهااا ماهو لاقيهــا والشكوك بدت تلعب بمخه .. بدأ يشك انها طلعت من الشقه بس كيف وهو ماترك المفتاح بالباب ابداً الا يوم نزل يجيب الأغراض .. وبعدها رجع مالقاها قال يمكن منخشه بأي مكااان بس اللحين وينــــــها اختفت عن وجه الأرض مره وحده..تذكر مخبأها بالشرقيه تحت السرير قال يمكن سوت نفس الحركه هنا بس لو متخبيه تحت السرير ليه ماطلعت بعد مانام ... نزل على رجوله يشوف تحت السرير وفعلاً لقاها هنا اول مارفع طرف المفرش شافها تحت السرير نايمــه ..
سحبها مع يدها بقسوة وهو يفكر أي عقـاب يأدبها عن تصرفااات الأطفال اللي تسويها .. اول ماتبين وجهها .. انصدم بالحاله اللي كان عليهااا كان مليان مويااا عرق او دمــــوع وهي فاتحه عيونها المزغلله وتطالعه وكأن روحها بتطلع .. حرارة يدها بيده اكدت له اللي يفكر فيه ... سارا محمومه ... رفع يده لجبينهااا اللي كان قطعة جمر من حرارته .. تنهد بضيق ورفعها على السرير .. غطاها بكل الأغطيه اللي عنده لأن بدت ترجف ..
وش بيسوي اللحيـــــــــن ..؟!


ملاك


ماني مصدقه سارا بنفسهـــــــا كلمتني وتطمنــــت عليهااا صحيح اني ماقدرت اكلمهااا زين من الصـياح بس الحمدلله اني تطمنت انها للحيـــــن عايشـــه ... وان شاءالله قريب بشوفهااا مثل ماقالت بأخر جمله قالتها قبل ماتقفــــــل ...
بشوفهااا بشوف سارا ماني مصدقه الحمدلله وشكر لك يااارب استجبت دعائي ..
نوف :بشويش على السماعه جديده هذي لاتكسرينــــــهااا..
كنت حاضنه السماعه بقــــــــوه ومارضيت افكها حتى بعد ماقفلت ســارا احس للحين اسمع صدى صوتهااا منهااا ..
نزلت السماعه وعطيتهااا والجالسين نظره وطلعت للغرفتي انا وسااارااا ... يحسبون بسامحهم عشااان سمعت صوت ساااررا ماراح اسامحهم حتى لورجعوا لي سااارا اللي سووه فيني وبسارا وانحيازهم مع ضحى ضدي مستحيل انساه ...


ميشو

كانت عيناي تبحث عن أي شيء بالغرفة باستثناء عيناي ضحــــــى التي تحمل تساألت لاأستطيع الأجابة عليهـــــا ...
ضحى :وليش كل هذا ميشو ..
ميشو :بدون تسائلت لن استطيع الأجابه عليهااا
ضحى :بتبعدين عنا بكل هالسهـوله ..
ميشو :لن يأذيكم ذالك ابداً صدقيني ستكون حياتكم أفضل من غيــــــــري ..
صرخت بجزع
ضحى :افضللللل من ايييش بنتفرق عن بعض وتقولين افضل ..
ميشو :أجل افضل لي ولكم ..
ضحى :ميشو كلامك كله على بعضه وتصرفاتك ابد ماهي عاجبتني بالفترة الأخيــــــره .. صاير تفكيرك اغبى من تفكير
وعد ...
ميشو :أنا سعيدة اني مازلت افكر حتى لو بمقدار تفكير وعد ..
وقفت بحملها الثقيل لتختباء خلف الستارة
ضحى :بكيفك ..سوي اللي تبغين بس ماهو ترجعين لي تبكين اذا مانجح اختيارك ...
قلت لها بصدق وثقة بماخططت له ..
ميشو :لن أعـــــود إليكِ ابكي صدقيني ..
ضحى :يعني نقول موافقـــــــــة ..
هزيت رأسي بقوة لأمحي الشك من داخلي بالتأكيد انا راضيه وسعيـــــدة لأني سأبتعد من طريق الأثم ... سأسعى لحياة جديدة بعيــدين عن الجميع ... حتى زوجي الجديد الذي أءسف له كثيــــراً ...
ضحى :دامك موافقة اجل جهزي نفسك العريس يبغى يشـــــــوفك ...



رجع بعد العشاء بعد ماقضى وقته كله بالمستشــفى يركض هنا وهنااااك كله يهون فسبيل شفاء امه ... بس الله يقومها بسلااامه .. اللي مخوفه ان صحتهااا ماتستحمل عملية قلب وخصوصاً بالوقت الراهــن ..
ماهو فاهم شـي مره يقولون لازم عملية بأسرع وقت ومره يقولون حالتها الصحيه ماتسمح بالمخااااطرة بالعمـــلية ..
ومن هالكلام اللي يشعرك ان عنده نقص بالأهتمـام بحياة الناس ...
اول مادخل مع باب الشقه وشاف الظلام اللي لافها تذكر سارا اللي تركها وهي محمــومة ..
تنهد :وش صار لها هذي بعــــــــد ..
دخل الغرفه وفتح الأنوار اللي كانت على تطفيته لهااااا ...
راح لسرير وكاااان على نومتهاااا بس العرق مغرقـــهاااا وتنفسها صعب مره وجسمها كأنه ينتفــــــض .. ارتبك مايدري وش يســـوي شكل حالتها ساءت ...
بيدق على منيرة تشـــــور عليه ...
دق عليها وبعد سوالف عن امه وحالتها قالها عن ســارا وقالت له يوديهااا المستشـفى .... ماأعجبه شور قال يروج يجب لها علاج من الصيدليـــــه .. واكيد بتحسن حالتها هو دايم يسوي كذا وبساعات يقوم وكله عافية ..
قال لصيدلي عن حالتها لأن خاف يأخذ لها الأدويه اللي دايم يستخدمها وماتنفعـهاااا .. وعطاه مجموعة علاجااات ..
رجع للبيت وتوهق كـيف بيعطيها العلاج وهي نايمــه حاول يصحيهــا بس ماصحــت كان تفتح عيونهااا الحمـراء وتناظر فيه وترجع تنام ... جلس ساعه كامله يحاول يصحيهــــا بس ماردت عليــه .. انهــبل الحرارة القويه خطيـره وهي حرارتهااا ولافــرن .. خاف يصير لهااا شــي وتصير بذمتـــه .. لفهااا بلحااف السرير وشالها للمستشــــفى ..

من الساعه عشـر لين الفجر وهو بالمستشفى ... نومها اربع ساااعااات وطلعوهاااا .. كان يحس انها للحيـن ماتحسنت اخر نص ساعه قبل مايطلعونها راح للبيت وجاب عبااااتهاااا ..
كان تمشي وهي دايخه ولاحاسه بالدنيا من الحراره واول ماوصـلوا للشقه كانت نايمـــة .. حط يده على جبينها كأن حرارتها خفت شوي ..
صحاااهااا وطلعها فوق كانت شوي تمسكه وشوي تمسك الجدار ..


وعــد

اليوم اول يوم بالدراسه بعد اجازة العيد ماعطلنا غير سبعة ايام وجرونا للمدرسه يوووووووععععععع غصبت نفسي غصيبه وطبعاً بمساعدة صراخ ضح ضح صحيت غصب عني ... كنت اكل من الفطور وعيوني مقفله مو قادره اصحى ابغى انااام ...
ضحى :ووعد صح صحي خلاااص مافيه مجال تنامين ..
رفعت راسي اشوفهاا بقهر هي مبسوطة عندها اجازة وحنا نكرررف مداومين من اول يوم وكأن دوافــــــير ..
اووومااا دوافير تصور اني الطالبه المثاليه الشاطره المؤدبه ولللللل يازين الأحلااام ..
وعد :اصلاً اليوم حفل معايده داومنا اوغبنااا ماراح نأخذ دروس ..
هند :اووووف وعد قسم قلبتي راسي اسكتي صجيتينا خلي الواحد يقدر يبلع له لقمـــه براحه ..
هع تحسبون برد عليها لاهذي سهجه احســــــن من الرد عليها مالت عليها البارده ..
اووف بجلس اخطط وش اسوي بلاوي اليوم بالمدرسه ..
دامني مداومه غصب بفلهــــا ..
وعد :نوف يالله نطلع ...
شوق :بدري تو الناس الباص موجاي اللحين ..
نوف :الابيجي هو اخر اسبوع صار يجينا حنا اول شـــــي نسيتوا ..
سكتنا يوم شفنا ملااك نازله من فوق وهي لابسه عباتها ومعها شنطــــتها وطلعت بدون ماتكلمنـــــا .. غريبه توقعتها تتركك الدراسه بعد سارا وخصوصاً انها صارت ماتطيــع ضحى ابد ولاتهمـها طيب ليش تنفذ اوامـــرهااا ..
ضحى :حسبنا الله ونعم الوكيل
انا خفت يوم قالت ضحى كثير ماأحب هالمشاكل ولاهـالدعوات لبست عباتي واخذت شنطتي وطلعت بسرعه شوي وصرنا كلنا بالباص اللي فعلاً مرنا حنا اول شـــــــي ..
بالباص كنت جالسه مع نوف اللي جالسه تقشر فصفص ..
وعد :عطيني
نوف :ضفي وجهك
وعد :قسم بالله انك نذله يمل الغصــــه ..
مدت علي الكيس وهي تقــول
نوف :اللي يمغصك يالدوبااا وش تبغين هذا حقي انتي خلصتي حقك ..
سحبت الكيس منها وأنا اسألها ..
وعد :وش نايه تسوين اليوم عندك مخططات شـــــــي
نوف :لااا اوووف مالي خلق شـي واخاف يصير عندنا اختبار وانا ماذاكرته ..
يمه منها دافوره كل همها الدراسه والأختبارات وانا جالسه افكـــــر بالفطـور لأني نسيت مصروفي وخواتي النذلات مستحيل يسلفني شكلي بسـرق ..


ملاك

ادري اللي فكر فيه غبـي بس هذا كل اللي اقدر عليه ... اتمنى اشوف سارا بالمـدرسه ادري غباء منــي هالتفكـــــير بس هذا كل اللي املـكه الأمل الغبـــي ... ميزاجي اليوم غير ان الأياااام اللي فاتت يمكن املي بشوفة سارا .. او اني خلاص تعودت على بعد سارا ويمكن هي بعد تعــــودت .. ياءالله ودي اشوفها بتطمن هي كيف عايشه مع الوحش .. ياربي كل مافكرت بهالنقطه احس بدمي يفــــــــور قهر على سـارا .. ياربي ليتها ابتعدت عني بس وهي متزوجه انسااان غيـــــــر هذا ...
اخترق صوت هوشة وعد ونوف تفكيري ياربي من هالعثيثات بالبيت بالباص بالمدرسه بالشارع بكل مكان يتهاوشن .....
آآآه هوشاتهن تذكرني بهوشاتي انا وسارا اذا زعلنا من بعض وعطينااا بعض ظهورنا وجلسنا نسب بعض بطريقه غير مباشره صدق ذكـــــــريات ...



وعد

دخلت المدرسة وحسيت ان لي شهور مادخلتها كانت خايفة ههههههه صدق اني بزرة .. كانت اسولف والدبا نوف ماترد علي واول مادخلنا مع الباب الداخلي شفتها بالدور الثاني تطل مع الدربزين ... يامامي هذي وش جابها من اول يمة مداومه صدق جنيه دافورة لو اني منها استغل ان اهلي جنون طيبين مو مثل بابا ضحى واغيب ... لفيت على نوف بقولها ان هذي هي البنت الجنية اللي كنت دايم اسألهم عنها كانت بعيده عني رجعت اناظر بالجنيه اخاف تختفي وفعلاً اختفت ياررررررربي ..قسم اني قايله عنها جنية بس محد صدقنــــي .. ولاليش بس أنا اللي اشوفها وخواتي مايعرفنها ولاعمرهن شافنها مع ان شكلها مميز .. شعرها اشقر وطويل وعيونها خضــــراء ولا وحده بالمدرسه بالموصفات هذي غيرها بعدين يكفـــــي جاكيتها الأحمر اللي على مدار السنه تلبسه صيف شتـاء ربيع خريف ... ومريولها المخالف كيف تكون انسانه وماتمسكها عليه ابله عطوف اكيد انها جنية عشان قدرت تهرب منها ...
:غريبه وعد مداومه اليوم وين اللي تقول اسبوع بعد العيد ماهي مداومه ...
العنز هذي وش تبــــــــــي ..
وعد :ايه مداومه خفت اليوم لو ماداومت المدرسه ماتفتحت ابوابها وانا وحدة نذله قلت ليـــه البناااات مايدرسون لازم اداوم عشان يفتحون المدرسه وتداومون غصب طيب ...
:قسم انك سخيفه ..
وعد :بس مو اسخف منك يالعنز .. انقلعي عن وجهي .. صدق اشكال غريبه تطلع للواحد على هالصبح ...
ورحت امشي من عندها وانا اقول بصوت عالي
:يافاتح ياكريم يارزاق ياعااااااليم ...
ثم قلبت الموجــــه وجلست اغني ..
قااني الخاين والأناني عايز يرقع لي تانـــــي
ئل يعني يعني ولاعمرة خدعني
ولاسبني زمان وخدعني ..
استغفرالله العظيم .. ماتصلح الأغاني على الصبح .. صدق اني منتهية الأغاني حرام صبح واي وقت بس انااا عبيطه ..
واستاهل لو تطلع لي الجنيــة .. جالسه اغني وانا ماقريت وردي ...
كله من ام كشة العنز لو ماطلعت بوجهي على هالصبح ماكان تنكدت وجلست أغنـي ..

انتهى البااارت

..الحلقة التاسعــه والأربعين ..








((1))

[ .. شقاوه أم سذاجـــه ..]

وعد


وربي هالاستاذه رهيببببببببببه هههههههههههههه .. يالناس اموت على الدلوخ (جمع دلخ وهو الأنسان الغبي هع )اللي كذا ..
الأبله :سامعينــي يابنـااات .. المفروض هالشي مايحطم ثقتكم بأنفسكم الفقر مو عيب والغنى غنى النفس
وعد :ايه صحيح ياستاذه غنى النفس مره مهم يعني وش الفايده انك تسمع واحد ثاني يغني الافضل انك تغني بنفسك عشان يطلع صوتك حلو وبكرة تصير فنان مشهـــــووور وتكسب كثير ...حتى اسمعي كيف صوتي حلووو

هههههههههههه يعجبني ضحك البنااات وراي احس اني ممثل وهذا صوت ضحك الجمهور المسجل كككككككك ؟...
الأبله :انتي تستهبـلي
وعد :لاااا افا عليك أبله وهو يصح كذا انا بس اخفف دمــــــي ..
قامت الهبلا وفتحت لي الباب واشرت بيدهاااا وهي تقول :تفضلي اطلعي برى اللي مايحتــــرم مجلس العلم اللي هو جالس فيه ماله مكــــــان بيناااا ...
وكلووووووووووش مابغيت انطرد هاليوم ... وعلوووه نرجع مثل ماكنــــااا .. وكل معلمه من حصتها تطردنااااا ...
هع اشتقت للفرره بالاسياب وسط الحصص والبناااات يطالعوني بحسره من داخل الفصــــــــول ... مطيت ايدي على اخر شــي وصرخت بحماااس :عوووووودنا للشغب ..
اووووووووووف بس تذكرت ان عندنا اجتماع بالاستراحه لجمعية النشاط اللي انا رئيسته يعني يافرحه ماتمت .. بس هين هع بقلبه هبااااااال بجنن ابله حصه بطلع براسها نخل وشجر وتين وعنب وكل شـــــي ...
اللحين ضروري اروح اقول للأبله عواطف اني انطردت من الحصه مايصحش ماقولهااا بعدين وش اصير طالبه مشاغبه خارجه عن النظام ومنحرفه عنه لااا مايصحش ابداً انا بس طالبه مشاغبه ولكن لاأخرج عن النظااام ينصردينك ياميشو تعلمت منك كلمااات هع تخرب بيت المدرسه هع ..


((2))



[.. بيت سجاني ..]


سارا


صحيت من النوم وظليت بفراشي ماني قادرة افتح عيوني احس بضعف قووي وان الارض ماهي ثابته حوليني ..... جلست فترة بفراشي على امل ان الدوخه تهدأ بس ماتغير شــــي .. سحبت نفسي من الفراش .. ولفت فيني الأرض صرت مأدري انا واقفه على رجولي او على راسي ..شوي شوي وبديت احس بالرجولي تثبت بس الدوخه لازالت ...طلعت من الغرفة وأنا امسك بالجدار عشان مأطيح ... ابغى اكل شي عشاان تروح الدوخه لأني مأحس بحرارة واكيد سبب الدوخه لأني ماأكل مأدري اخر مرة اكلت فيها متى ...
اول مادخلت المطبخ وانا رايحة الثلاجة وصلني صوت قيس
قيس :اوووه.. انتي .. والله نسيتك ..تعالي تغدي ..
لفيت على مصدر الصوت لقيته جالس على طاولة المطبخ ومعه منير وجالسين يأكلون ..
قيس :سارا تسمعيني ..تعالي تغدي .. واشر على الكرسي ...
كانت الارض رجعت تدور فيني من سمعــت صوته وخلاص بديت احس اني انهار على الارض غمضت عيوني وتشبثت بالجدار .. مأدري كم مر يوم فتحت مره ثانيه ولقيت الارض رجعت ثابته تحت رجولي وقيس ومنير يناظروني بكل تركيز يملكونه كنت قبل مأحس انه بيغمى علي اشوف فمه يتحرك بس مأدري وش يقول بس اللحين سمعته يسألني اذا كنت كويسه..؟!
خطيت برجولي اللي ماهي ثابته للطاولة اللي مأدري من متى وهي بالمطبخ
وجلست على اقرب كرسي وصلتني رجولي له سحبت ملعقة كانت جنب الصحن اعتقد انه كانت لمنير اللي ماأستعملها وبديت أكل ..
كان قيس يكلمني بس ماكان عندي طاقه اني ارد عليه احس ماني قادرة احرك لساني .. كانت خافضه راسي لأنه كل مارفعته احس بدوخه ... اجفلت يوم شفت يده تتحرك قدام عيوني واستقرت على جبيني ...
ورجع يتكلم ياربي ليه مايفهم هالأنسان ان كلامه يسبب لي وجع براسي وانا ماني قادرة اركز وش يقول ..
هزيت راسي بـ لااا ابغاااه يسكت .. وفعلاً سكت ....
مأدري كم مر علي وأنا اكل بس حسيت اني احسن وان روحي ردت لي ... وتزامن هالشي مع كلام منير ..
منير :سارا وش فيك ...؟!
سارا :تعبانه حمى ذبحتني ..
منير :اشوى احسب قيس هو اللي ظربك ...
سارا :لاماظربنـــي ..اخخخ راسـي .. كيف أمك
منير :بكرة بيسوون لها عملية .. وهمس :سارا اخاف يحصل شي لأمي وأخواني يرموني بالشارع ..
ضحكت بالتعب :ياكرهي لك لبديت بكلام المسلسلات تذكرني بوعد .. بعدين لو رموك بالشارع لاتخاف بيتنا مفتوح لك ..
منير :أي بيت هذا او ذاك
طالعته بالصدمه هذا متى كان بيت لي هذا سجن ... معقوله خواتي يفكرن مثله ان هذا خلاص صار بيتي .. مايدرون اني اموت كل ثانيه ألف مره عشان اطلع من هنااااا .. لا اكيد هذا تفكير منير بس جايبه من راسه خواتي مايفكرن كذا بعدين منير من زمان منقطع عن خواتي واكيد ماسمع هالكلام منهن ...
بس حتى لو كان منقطع عنهن اكيد لوعطيته شي يوصلهن لهن ماراح يرفض .. قمت من كرسيي بسرعه وانا ناسيه تعبي بس وقفت حسيت الدنيا تدور فيني كنت اقول :لاااتروح بعطيك حاجه لملاك ...
مسكت بالطاوله لين ثبتت الارض وطلعت بالسرعه من المطبخ للغرفه ... قلم ابغى قلم ... كان ادور بعيوني بس ماني لاقيه شي لين طاحت عيني على ثوب قيس اللي توه فاصخه اكيد فيه قلم ... بس ياخساره من كان فيه غير ريحة دخانه لاقلم ولاحاجه وانا افكر ومقهوره طاحت عيني على شنطة اوراقه اللي منزلها على التسريحه سحبتها بسرعه وكانت مفتوحه لقيت فيهااا قلم ... واللحين كيف الاوراق مافيه الا اني اخذ من اوراقه هذي .. صح كان مكتوب عليهاااا بس عادي الجهه الثانيه فاضيه ينكتب فيهااا اخذت ثلاث اوراق وقفلت الشنطة حسيت قيس يدخل الغرفه بسرعه دخلت الاوراق تحت بلوزتي قبل مالف عليه .. كان يجفف وجهه بمنشفه ويطالعني ...
سالت بخوف :وش فيه ..؟!



((3))


[ .. مجرم بمرتبة وحـش ..]



قيـس


اووف وبعدين مع صوتهااا هذا ياربي وده يمسك لاصق ويحطه على فمهااا عشان ماتكلــــــــم ... صوتها يسبب له جنون العالم كله لانه يذكره بـ شوشو وايام شوشو والوله على شوشو ...
يعني حرام لو كان متزوج شوشو بدالهــــــــــــا ... لحضه هو يبغى يتزوج شوشو .. عادي عنده يتزوج شحاذه ...
والله وش هالتطور بالتفكير يا قيس ولااا الشـوق يخليك تنازل عن مبادئك .... اوووه مباديئ ايش وتبن ايش على قولة جابر ماهو كله محصل بعض والزمن وتقلباته مايخلي للواحد حتى مبدأ يمشي عليـــــــه .. يخليه يتنازل كثيرررر ويتساااهل اكثر عشااان يقدر يعيش ....
بس هو يقدر يعيش من غير شوشو والتفكير بـ شوشو .... لااا مايتوقع هو بفترة من الفترات كان اقرب لجنون لأنه فقد اثــرها وحاله اللحين مو احــــــسن لأنهااا صارت صعبة المنـال ....
سارا :انت خلاااص وخر بطلع ...كانت اعصابه من تفكيره بـ شوشو مشدوده تبغى ضغطه بسيطه عشان تنفجـــر ..
وكلام سارا كان الدافع للأنفجارهاااا ... سحبها مع شعرها ولصقهاااا على الجدار اللي وراها:ايش ماسمعتك انا وش اسوي ..
كان وجههااا أحمــر مختنق ودموعهااا مغطيه وجهـهاااا .. وشفايفها ترتجف ماهي قادره تكلم :آآآآآآه ه ه ه ه ..
منظر ضعفها صحاااه وكان خلاااص بيتركهااا بس الاوراق اللي كانت مخبيتهااا وطاحت منهااا لفتت انتبااهه .. سألها وهو يأشر على الاوراق اللي عارف وش هي بس مصدوم وش تسوي معهااا.. وبرودة مرعبه سألها :هذي ايش ...
سار تلعثمت وكحت وغصبت الكلااام لين طلعته :بكتب فيهاااا ...
وجاه السبب اللي يظربهاااا عشانه مع انه قبل ماكان يحتاج سبب عشان يظربها عليه ..........


تجاهل صوت بكاااها وطلع لصاله ... عشان تستقبله نظرات منيــــــــر اللي موجهه له بالأتهــام .. أخذ الرمــوت من يده وجلس يقلب بالقنوات ... بس ماقدر يسكت اكثر حس انه لازم يتكلم :خير وش فيك تطااالع كذا ..
منير :يعني انت بس تزوجتهااا عشان تظربهاا على كيفك ..؟!
قيس بصرخه :انااا ماتزوجتها بكيفي بس عشان امي ... بعدين انا ماني ظالم هي اللي زي البزران حتى اوراق شغلي تعبــــث فيهــم ... جهز نفسك بعد الصلاه بنطلع لأمـي وبعدهااا ارجعك البيت ومايحتاج اقولك اهتم بدراستك ...



((4))


[.. أبكي لأتصبر ..]



سارا




ابكي غصب عني كل ماقلت تعودت ارجع اضعف وابكي آآآه حيوان حتى بمرضي مارحمنـــي الله يأخذه ان شاءالله .. اخخخخخ ياراسـي .. احسه قطع شعري من جذوره يوجعنـــــــي موووت ...
ياربي ملييت مليت مليت مليت .... بموت من الملل .. ماني قادره اتحمل هالحيـــــاه .. ابغى خواتــــي .. خلاص ماني قادره اتحمل اكــــثر بمــــوووت من وجودي معـــه ..آآآآآآه ياربي ...
اكرررررررهه ..اكررررررهه .. اكره صوته اكره نظراته اكـررره كل شي فيه ...اكرهه اضعاف اضعاف قبــــــــــل .. عساه لشلل والفشل الكلوي وسكته القلبيه عسآه لكل الأمـــــراض ...
نمت مأدري كم بقيت نايمـــــه لما صحيت تذكرت احلاامي بملاااك كنا سعيدات مره بالحلم وطول الوقت جالسات نستعبط على وعد لين بكيناااها ..ياربي حتى بالاحلام حنا شريــرات .. بمووووووت من شوووقي لخواتي ماني قادره اتحمل كل هالبعد عنهــن ياربي ابغاهم بأي طريقة ودي اغمض عيني وافتحها والقاني وسط خواتي يااااارررب تحقق مناااي ياارررب ...


((5))



[.. أين الخطأ ..]


ضحى



حطيت يدي على راسي اللي بينفجر من اصوات هالخـــــــوات ..
ضحى :خلاص بنااات ارحمن بلاعيمكـن تقطعت من كثر ماتصارخن ..
وعد :وععععىىىى ضحى انتي تخافين على بلاعيمنا وماتخافين علينااا ... والله انا احبك ..
ضحى :وأنا احبك .. بس ارحميني من صوتك ..
وعد :عشان هالكلمه الحلــوه هاه..
وحطت يديها الثنتين على فمهااا .. صدق اهل العقول براحه ..
عاد جت شدن تطلب مني اقولها اني احبها عشان تسوي مثل وعـــد وبكت لين قلت لهااا واكيد نوره حبيبة قلبي جلست جنبهن وسوت نفس الحركه ياحياتي والله انها ضايعه بالدنــــيااا ...
ضحى :نونه حبيبتي تعالي بحضني لايخبركن هالمجرمااات
شدن بصرخه :اناااااا مو مجرمه انا ماسرق ماقتل مو مجرررمه انااا
ضحى :أي واحد يصارخ على مامته مجرم
شدن :انا اسفه بس لاتقولي مجرمه ولوكنت مجرمه اختك هي اللي خربتني
وعد :صادقه شدن لو كانت مجرمه مشاعل هي اللي خربتهااا
ضحى :لا يالفارغه مشاعل هي اللي خربتهااا تصدقين ياوعد احيان اشك انك اختنااا
وعد :عارفه لاني احلى منكم
ضحى :لا حبيبتي لان فهمك بطيء وهذا مو من صفات بنات مبارك
وعد :بسم الله علينا وملاك وسارا وش هم اغبى ثنتين بالكون تدرين مره بالرمضان اجتمعنا على صراخ الابله عليهم مو بس حنا كل المدرسه شو ويجون الثانوي بعـــــــد ..
ضحى :ايوه وش كان عندهم
وعد تضحك :ههههههههههه جننوا الابله هي تقول امشوا قدامي وهم يقلون لااا مايصير انتي امش ورااانااا
غصب عني ضحكــــــــت هههههههههه بجد عندي خوات .. او بالاحرى كان عندي خوات مهابيللل .. آآه الله يذكرك بالخيـــــــر ياسارا ... اشتقت لها مـــــووت .. ماني قادره اتحمل اني ماشوفها كل هالمده قلبي معورني عليهااا وش مسويه بحياااتها مع قيس .. ياربي هي كانت تخاف منه وش اللي صار بعدين ماني قادره افهم ...
اللحين كيف اوضاعها كيف دبرت امورها .. معقوله قاســـي عليهااا .. طيب ليه ماجت كل هالوقت
يعني حتى لو زعلنا عليــهاااا اكيد بنساااامحها لهدرجة نستنى بس لاا سارا مستحيــــــل اكيد هو اللي مانعهـــــاااا ... كنت عارفه والله كنت عارفه انه ماراح يعاملهااا زين .. كل هالأفكــــــــار تكونت بالراسي مره وحده وكاني كنت مقفله عليها بجزء من دماغي وماني راضيه اطلعه لجزء الاستيعـــــاب .. ماحسيت بنفسي الا وانا ساحبه جوالي وادق على رقــــــم قيس ... تفجر بداخلي شي من الحميه اللي كان ومازال معي اتجاااه خواتي مارضى عليهن ابد ان ازعل عليهن واغضب واقسى عليهن بس غيري ماله الحق ابداً ...
اول مانفتح الخط قلت له ..
ضحى :اليوم اشوف ســـــــارا عندي سااامع ......


((6))



[.. لو اكتملت فرحة ..]


وعد



مو معقوله ساااااارااا سارااا بتجينا اليوم جلست اصرخ وارقص ماني مصدقه ياسلااااااااااااااااااااام
...
طلعت اركض لملاااك وجلست اظرب على الباااب وانا اصراخ انا سارا بتجي بس ماصحت شكلها كانت نايمه طنشتها ورحت اخبر اشواق وهنـــــد ونوف ...
نوف :معقوله ماني مصدقه كيف ضحى رضت عليهاااا
قلت بصرخه
وعد :مانتي مصدقه سمعتوها بنااات اعترفت انها بنت اعتتتتتتتررررفت قالت ماني مصدقه ... اكتبوها بكتب التاريخ اعتــــــــراف نوف بأنوثتهااا المنسيـــه ..
هند :اللحين سارا متى بتجي ..؟
ياثقالة الدم يالنااس المفروض هذي اللي تشكك ضحى بأخوتها لنااا ومو انا ..
وعد :انتي رجاءً اسكتي ياختي يجيني غثيان لاتكلمتي كلامها يالناس من وين يطلع من فمها ولا مع خشمها على هالثقاله
شوق :اووووووف بس انتي وياااها لاتبدن
نوف :هذي لازم تهاوش تحسب نفسها بالمدرسه حنا بالبيت يعني لازم يكون هناك نوع من الود بين العائله الواحده
وعد :قلتيها العائله مو حنااا كأن بملجأ مو ببيت ... الا صدق بنااات لانكون بملجأ وكل هذا حلم انا خوات والخرابيط هذي
هند :بنااات تكفون لاتمسكوني بسطرهااا...
وعد :هاه اشهدوا هي اللي بدت ...
هجمت عليها وسحبتها مع شعرها .. ابو الفله اصلاً انا من زمااان خاطري انتف لها شعرها اللي شايفه نفسها فيه .... كأنا صلعان عندها ..




((7))


[.. وأنقذها المكـان..]



مايدري من عاده نفسها يوم تتصل عليه تتأمر بس الله رحمها لانه بالمستشفى ولاكان عرف كيف يعلمها قدرهاااااا ... هذا لأنه حاشمهاااا تتطاول عليـــــــــه .. قال ايش جيب اختي اليوم عندي ... بس بنشوف من بيجيب لك اخــــتك لا اليوم ولاغير اليوم ...
اول مادخل على البااب نادى على سارا اللي ماردت عليه رجع يناديها بنرفزه :يااازفته ..
رد عليه صوت غريب :نعم
لف عليه ولقاها واقفه :وينك ساعه أنااادي ومد الاكياس اللي بيده عليهااا .. بمأنك اليوم مافيه اطول من لسانك يعني مافيك الا العاافيه سوي عشـــــاء ..
سحبت الكيسه من بعيد وتراجعت بسرعه للمطبخ فكه من وجهها اللي يسد النفـــــــس وفكه اكثر من صوتهااا اللي ينرفز ويضيق الخللق ..
فسخ شماااغه ورماااهاا على الكنبه جنبه ... حط التلفزيون على العربيه وجلس يتاابع ..

&

مايدري وش اللي صار غفى او سرح بأفكـــــاره ... ماصحى الا بشوشو واقفه فوق راســــه تكلمه مو مستوعب كلامهااا كان تركيزه على صوتها اللي متغيــــــــــــــرر ..
قيس :اوووووووف وخري عن وجهي وش تبغين انتي الله ينكد عليك
سارا بحمق مع ان رجولها ترجف خوف منـــــه :تتنكد حياتك انتا ان شاءالله ..
قيس ارتفع عنده ضغط الضغط ولا المخلوق السخيف هذا اللي له صوت مزعج مثل الببغاء يردد الحكي يغلط عليه :انتي قسم بالله ان مانقلعتي من وجهي لارتكب فيك جريمه اليوم ...
سارا وهي رايحه للمطبخ وماتوقعت يسمعها وتقلد صوته ومع صوتها المطبوع بسبب التهاب حلقها طالع الصوت تحفه :ارتكب فيك جريمه اليوم ..
شوي بس واستوعب أنها تقلده ... توعدها بداخله بيوريهــا نجوم القايله بس مو اللحين بعد العشــاء ..


((8))

[ .. الحرب الباردة ..]


سارا


اححح ياحنجرتي حسبي الله على اللي كان السبب الحقير من كثر مابكاني اوجعتني حنجرتي عساها فيه ولافــي ..اوووف عساها مايتهنى بهالعشاء عساه تجي نزله معويه او يختنق فيه ويموت اكررررررررهه ..

حطيت لها العشاء بالصحن أي كلام وحطيته على الطاوله ,, كان ودي لوعندي سم احطه لـه بالأكــل او أي شــــــي يقتله ان شاءالله يعدموني بعد ماأقتله مايهمني .. اهم شي انتقم منه.. ووسط هالفكره تذكرت موقف ..
اووما لو اسويه والله ليقطع لسانه قبل مايفكر مره ثانيه يأمــرني اصلاً لو نفذت أنتقامي ماراح يكون فيه مره ثانيه .. بس .. مو اللحين مأقدر .. ايه مأقدر مو لأني خايف منه لااا لأن مو وقته أصـلاً ويمكن لو أكتشف اللي بسويه له يقتلنـــــــي ...

قلت له عن العشاء
ورحت اناااام ... شوي بس غفيت وصحيت على شي يحرك السرير ... قمت صرخت بأقوى صوتي اول شي طرى في بالي أن حرايمه سرقوا الشقته وسرقو السرير وأنا فيه .... بعد شو استوعبت ان السرير تحرك لأن الوحش جلس فيه ...
سارا :متخلف خوفتني
طالعتي بنظرة حسيتها أحتقار لأن الأنوار طافيه ..
قيس :انطمي وأخمدي مو ناقص أنك ..
سارا :مو منطمه ولاخامده ليش نايم هناااا
قيس :شايفه فيه مكان ثاني أنام فيه .. أنطمي ترى والله لو سمعت لك حس ليصير عقابك الليله مو مثل أي عقاب ...
مادري ليش لما قال عقاب تذكرت اللي كان يسويه فيني قبل مأمرض ...ارتجفت ... بس لما مأشوفه تجين سعاده موطبيعيه
سارا :ماتخوفني عقاباااتك وكلك على بعضك ماتخوفني ..
قيس :ورب الكون ماني ناقصك انااا ترى والله لوأذبحك اللحين مأحد داري فيك ..
سارا :اذبحني اصلاً اللحين او بكره انتي بتقتلني اناااا عارفه هالشي ياااووووووحش ..
كذا مأدري كيف تجرأت وقلت هالكلاااام بس قلته ومأدري كيف طلع مني
توقعته يرد يتكلم بس ولااا شــــي ... شوي بس وماعاد اتذكر شي خلاص نمت ....






((9))



[ .. أحـلام ..]


ضحــى


مررره استغربت اتصاله لدرجة ماقدرت ارد علـــــيه ... ياءالله وش ذكره فيني هذا وبهالــوقت .. لايكون صاير عليه شـي بس .. طيب لو صاير له شي بيتصـل علي أنا .. مأدري وش هالقلق اللي صابني .. اوووووووو ياعساف بقربك قلق وبعدك قلــــق .. لااا والشيخ بعد يتصل بس مره ويقفل ليكون يحسب ميته عليه بركض اتصل عليـــــــه .. ياربي ... عساااف بلاثقالة دم ارجع دق ... دقيقه دقيقتين خمس دقايق ونص ساعه ساعتين وطلع الفجـــــــر وهو مارجع يتصـــــل ياارربي بجد بيجنني هالأنسااان يعني متصل اخر الليل ومايرجع يتصل ليـــــــه ...

سحبت نفـسي من الفراش عشان أصــــلي .. ياءالله جسمــي صاير ثقيل مــرره وحركتــي اثقل.. هالجنيه اللي داخل بطنــي ماتوقف حركة طالعه على خالاتهــا .. استغفرالله ياربي بسم الله عليها من الجن .. بس والله حاسه انها بتطلع عفـريب لأن هذا جين سائد بعائلة مــــــباررك .. مع تسليمتـي دق الجـوال وكان بعيد عني على بال ماقمت ووصلته كان منقطع وللمره الثانـيه هالمره انعصر قلبـــــــي ياربي وش هالحظ مالحقت اقول هالكلاام الا الجوال يهتز بين يدي ..
ضحــى :آلوو
عساف :مرحـباا ..
ضحى :هلاآآ
عساف :فيك شــــــــي ..
لااه والله شكلك اللي فيك شي
ضحى :لايعني وش بيكون فيني
عساف :تحلمت فيك ..
ضحى :...........
عساف :وووقمت اتصل عليك بس انتبهت على الوقت قطعت الاتصال ..
ضحى :ايه صحيت عليه ..
عساف :آسف ماكن قصدي ازعجك
ضحى :...............
عساف :طيب نامي انتي مع السلامــــــــــه ...
قال مع السلامه ليه ماقفــــل ...
ضحى :.........
عساف :ضحى
ضحى :نعم
عساف :اقدر اجي اللحين
يجــــي فيـن ...
عساف :ماراح اقدر انام لين اتطمـــــــن عليك
ضحى :طيب انا قلت لك اني زينه اصلاً لو حصل لي حاجه مالي غيــــــــــرك ...




((10))


[ .. هل هو الحب ..]


عساف

يآآه ماني مصدق ضحى تقولي مالي غيـــرررك ...تحووول كبيـــــــــــرر ..كبيررر مره ...شكل ثقلي عليها جاب نتيجــــــه .. لو اني ماقلت بشوفهااا ... لاا احسن اني قلت بجي وماأروح اشوف لو تأخرت عليها تتصل تقلق علي تهتم لأمــــــــري ..

لااا وش هالتفكـــــير ليه اضيع هالفرصه من يدي ...
سحبت شماغي اللي كنت منزله جنبي قبل مأتصـل عليـها وطلـــــعت ..

كنت ادق على الباب مادقيت الجرس مأبغى احد يصحــــى من خواتها ويخــرب علي ...
كنت اشوف ظلالها من تحت البيت بس ليه ماتفتح الباب .. بعد ماوقفت على الباب اربع دقايق بتوقيت ساعة يدي .. فتحت الباب .. شفته ظلها لما تحرك ووقف قدام الباب يفتحه ...
جلست ثواني أتأملها قبل مأسحبها لحظنــــــي ... اشتقت لهااا بجنووون .. بس مأقدر اوضح لها ربع جنوني فيهالأنها ماتساااعدنــــــــي ...
عساف :أخبارك ..
ضحى :طيبه يوم وتعبااانه أيااام ..
عساف :سلااامتك هانت أن شاءالله .. خواتك كيفهم ..؟!
ضحى :طيبين ..
سحبتها لما شفتها رايحه للبيت ..
عساف :تعالي وين رايحه ..
ضحى :داخل ليش مستعجل ماتبغى تدخل
عساف :لااا وقتي كله لك بس خلينا نجلس بالمجلس ...
ضحى :اوكي على راحتك ...
اول ماجلسنا سألتني السؤال اللي كنت اتمنى مايجي طاريه مع اني متأكده انه بيجي بأكثر من صيغه بس هي جابته بطريقته الصريحه ....
ضحى :ايش الحلم اللي شفته ..
قلت وأنا ارجع بذاكرتي لورى ..
عساف :حلم شفته قبل سنــه ...ووقتها بعد اتصلت عليك .. لتسأليني وشو مو واضح لصحيت منه أنساه واصلاً ماأبغى اقوله بس كل اللي اذكره أنك فيــــــــــه.. اول مره جاني كنت بـ مصر ناسيك وقليل تطرين علي اونادر وفجأه حلمت فيك قمت بشعورغريب مبهـــور وش جابك اللحين على بالي بعد السنين .. ماقدرت ابعدك عن تفكيــري وسيطر علي الموضوع لدرجة اني اتصلت على خلف وخليته يقلب الدنيا ويجيب لي رقمك .. واتصلت عليك بس مارديتي واتصلت ومارديتي .. وصارت عاده عندي اتصل وانا عارف انك ماراح تردين .....
ضحى :ايوه اذكر جتني فتره يتصل علي رقم من الخارج ... ماتوقعته انت .
عساف :لااا
ضحى :وبعدين
عساف :صرت افكر طول الوقت فيك بعد الحلم ..
ضحى :ومتى قررت تجي
عساف :يوم مات ابوي الله يرحمه ... متى بتولدين
ضحى :مادري يمكن الشهر الجاااي
عساف :كيف ماتدرين انتي ماتروحين لمواعيدك مع الطبيبه
ضحى وعلى وجهها ابتسامه:الاا بس اللحين نسيت
عساف مسكت ذقنهااا وأناميت على أبتسامتها:وش عندك اليوم أنتي وهالأبتسامه .. تدوخيني فيهــا .. حرام عليك ..
ضحى بضحكه :ليش حرام كل هذي غيره لأني مبسوطه ..
عساف :ووش اللي باسطك أن شاءالله
قامت بحركتها البطيئه وراحت تمشي :يمكن لأن فيه شخص احسه ميت فيني عشان كذا مبسوطه ..
... يعني توها تدري أني ميت فيهــــــا ...
عساف :يعني توك تدرين ان فيه شخص يموت فيك ويحبك ويعدك روحــه .. وش هالذكاء اللي نزل عليك ..
ضحى: امممم يمكن قبل كنت شاااكه واللحين تاكدت
عساف :ايه ووش اللي اكد لك
ضحى :اشياء كثيــره ..
عساف :ايه ووش هالأشياء
ضحى :وش عندك ياشدن هانم ...
عساف بضحكه :لاااوالله غريبه انتي اليوم ... ضحى لايكون بتولدين وهذي طقوس ماقبل الولاااده
ضحى :لاااحبيبي تو الناس بدري على الولاااده ..
عساف :اهااا فهمت يقولون فيه حريم يجيهم أكتئاب بعد الولاااده عاااد أنتي مو مثل أي من الحريم وجاك هالأكتئاب قبل الولاده ومو أكتئاب لاعكس فرفشه وهــبال ..
ضحى بنظرة احتقار :حلوه هبال شايفني امشي واقطع بملااابسي
عساف :أييييه هذي النظره اللي أموت علـــــيهااااا ...
ضحى بعصبيه:اللحين أنتي ليش جااي
عساف بدهشه وقهر :ترى ماجيت ميت عليك اصلاً يوم قلت بجي ليه ماقلتي لااا
ضحى بأبتسامه غريبه :كنت ابغى اشوفك واللحين مليت منك تفضل من غير مطرود وترى للحين مانسيت اخر موقف كان بيننا اخر مره كنت هنااا
عساف بقهر :ضححححى
ضحى :عيونهااا
عساف بقهر :انطمـــــــــــي ..
انا قلت الكلمه من هنا وهي ماتت ضحك على من هنااا لاالبنت صدق مووو صاحيه .....
ضحى :طيب لاتعصب ..
عساف :لاااه من متى هالحنااان ماتبغيني اعصاب
ضحى :مو عشانك عشان البيبي مايتروع
عساف :ضحى صدق أنتي متغيـــره او أنا احلم
ضحى :انا ماتغيرت بس يمكن شفت أنك تستحق شي أفضل من اللي كان قبل
عساف :لاااا ماني مصدق وش هالحنـــيه ..
ضحى :عساااف

يتبــــع.....

عساف :عيوني لك
ضحى :الله يسلمهااا لصاحبهااا
عساف برجاء:ضحى ليكون تحبيني
انا قلت الكلمــه من هنااا والبنت ملامحها انخطفت من هنااا
عساف حطيت ايدي على ظهرهااا :ضحى وش فيك
كانت منزله وجهها وايدهااا على ظهرهااا وايد على بطنهـــــــــا ..
عساف :ضحى ردي علي وش فيك ..
ضحى :اخخخ يألمنــــــي
صرخت فيها بغضب ..
عساف :اكيد بيألمك .. وش هالجلسه ريح ظهرك ليش شاااادته ...
ضحى :اووووه مو ناقصتك لاتصرخ ..
عساف :اسف والله اسف من خوفي عليك بس ريح نفسك ...
وخرت يدي عن يدها
ضحى :طيب انااا كويسه ابعد عني ...
ضميتهااا بخفه عشان ماألمهااا
عساف :اسف روووحي والله أسف ماقصدت أزعجك ...
ضحى :خلااص عساف فهمت قوم بدخل أنام بغرفتي ..
شديت عليها اقوى ..
عساف :لاا ماراح أخليك ارتااحي هنا على كيفك بس خليني معك ..


((11))


[..ثرثره طفـوليه..]


وعد


صحيت بنشاط ماهو صااحي اووووووووف يازين الهياته هالوقت الله يأخذ المدرسه ويطيرها لباريس أحسهم هناك يحبون الدراسه أكثــر منااا .. بس حرام يمكن فيه بنت خبله مثلي ماتحب المدرسه وهي ماتدرس وتطير مدرستنا هنااااك وغصب تصير تروح المدرسه لأن فتحت بحيهم مدرسه جديده اللي هي مدرستنا القديمه ...اومااا ونااسه لو تأخذ البنت الخبله الباريسيه طاولتي وكرسيي وتقرأ خرابيطي بس لحضه هي باريسيه كيف بتعرف لهرجي اللي بالعاميه لو مخليه ميشو تكتبه لي عشان البنت تفهــم لها كم كلمه ... لا وزياده حتى لو تعرف تقرأ عامي خطي اللي يجيب المرض كيف بتعرف تقراه ... مسكينه الله يعين أهلها كانت طيبه ....
يووووووه وين الجبنه .. مالت عليك من ثلاجه تبلعين الجبن انتي ... يعني ليه كل شي بمكااانه بس الجبنه اللي دايم تنقص ... ركلتها برجلي على درجهااا ..
وعد :الله يأخذك يالكسره متى تموتين ونشتري وحده جديده ماتبلع الأكل مثلك ...
انتي ووجهك طالعه على الجبن تبلعين فيه جربي مره ذوقي الطماط ترى طعمه حلووو .. ماعمرك ذقتي كتشب انتي ...
انفتح الدرج اللي فوق حق الفريز ... يب المهبوله ترد بس وش قصد ايه او لااا اكيد تقولي لاااا لو ايه طاح الدرج ماأنفتح بس هو انفتح على جنب يعني كأنها تهز راسها بـ لاا ..
وعد :ياغبيه فيه احد مايعرف طعم الكتشب .. مثل طعم الشبس اللي بنكهة الكتشب ...
شفت نورا جايه من برى ورايحه للصاله
الهايته من هالصغر تعرف تطلع تدوج برى ...
صرخت فيها ا
وعد :نورررا يالهايته وين كنتي ...
لفت علي وناظرت فيني ولاكأنها تشوفني شي راحت وخلتني الحيوانه شدن معلمتهااا هالحركاااات
وعد: نوير يالحقيـرررررررره تعالي انا مثل أمك ...
شدن :انتي مو سوريه عشان تصيرين أمهـــا...
وعد :غبيه انتي من قالك اني عشان اصير مثل امها لازم اصير سوريه حنا نقول مثل مو زي ...
شدن :لاتصرخين علي وتقولين غبيه انا مو ثلاجتك ...
وعد :لاتقولين ثلاجتي الشينه هذي مو ثلاجتي .. ثلاجتي حلوه وتهبللللللللللللللللللللللللللللللل..
شدن :الشينه انتي ولاتصرخين مالي خلق اروح المدرسه وراسي منفتخ من صراخك ...
ياربي من هالخبله مجنونة الدراسه ..
وعد :ياليت بس لو يصير تصيرين أنا وأرتاااح أنا من الدراسه ...
شدن بتجاهل :اللحين شوق ليش ماصحت من بيسوي لنا الفطور ..
وعد :مأدري يمكن نوف تقوم وتسوي لناااا
شدن :غبيه انتي نوف ماتعرف تسويي
وعد :مو مشكلتي تدبر نفسها
شدن :طيب ياغبيه ليه ماتصحين شوق عشان تسوي لنا الفطور بدال ماننتظر نوف اللي غبيه مثلك
ودي اذبحهااا الغبيه هذي بس أخاف من عسافووه يذبحنـــي .. اووف ليه ابوها عساف لوكان ابوها مـبارك مو أحسن .. كنت أذبحها على كيفي ..
وعد :انتي مالك راس تصحينها فيه
شدن :وش دخل راس الناس العاقله تقول انتي لك لسان او ايد تصحينها فيها مو راس
وعد :ياغبيه انا اقصد يعني عندك مخ تفكرين فيها بعدين يابزر أنتي الرأس هو اللي يتحكم بكل شي فيه المخ اللي يحرك كل شي حتى لسانك الطويل هذا
شدن :لساني موطويل لسانك أطول تذكرين لما قسنا الستنا كان لسانك هو اللي أطول
وعد :كالعاده غبيه وبزره .. اكيد اطول لأني اكبر .. وكل ماكبر الأنسااان يكبر كل شي فيه ...
شدن :لو اللسان يكبر انتي لسااانك بيصير طوله مترين...
وعد اووووووف سوالفك تسد النفس
شدن :تدرين خلينا نروح نشوف الرسوم قبل مانروح المدرسه ...
وعد :روحي لوحدك انا بنتظر هنا حتى ينزل احد يسوي فطور
قالت لي غبيه ورديت عليها غبيتين وطلعت هي وجلست انا لوحدي .. وحطيت راسي على الطاوله بنااام ... بس دخول ضحى صحااااني
وعد :صباح الخير
ضحى :صباح النور .. وش عندكم هواش على الصبح ..
وعد :الغبيه بنت عسافوووه لسااانها طويل
ضحى :طيب يابنت مبارك وين اختك ..
وعد :أي اخت كل البيت خواتي
ضحى :نوري
وعد :الغبيه الثااانيه مأدري راحت لصاله..
ضحى :طيب روحي شوفيهااا ..
دايم يحبون يتأمرون علي وينكدون علي صباحي وليلي ونهاااري وكل وووووقت .. اوووف من هالبيت متى أتزوج وأرتااااح ... لااا وش قلت أنا اتزوج .. معقوله أنا اتزوج يااخرااابي وش هالتفكــــير .. كبرت وصرت افكر كذا ... ركضت قدام المرايه وفتحت فمي على الأخير أشوف يمكـــــن طلع لي ضرس العقــــــل ...



((12))

[.. ألم هنا وألم هناك ..]


سارا

صحيت على العصـــــر استغفرالله ياربي ماصليت الفجــر ولا الظهــــر ... لو عند خواتي مستحيل تفوتني الصلوات ملااك مستحيل تخلينـــي .. توصل فيها تسكب علي سطل ثلج ولاتخليني نايمه عن الــصلاااة
ياربي قد ايش اشتقت لهم ... اعوذبالله من الشيطان احسن اروح اصلي قبل أنســي بعد ...
صليت وغيرت ملاابسي وسويت لي حاجه أكلهــا ... وفقدت الوحش غريبه ماصحاااني وازعجني ولااااجاء هالوقت ... اممم اروح اغسل ملاابسي لأن خلااص كل ملابسي غيرتها ماعندي لبس جديد الله عاد من كثر ملابســـي ... ياليتني عند خواتي كان شوق غسلت ملابســـي ... ياليت وياليت بس ماينفع هالكــلااام ...
جففت ملابسي وكويتهااا .. ومليت وش اسوي اللحيــــن ... اشوف التلفزيون ... ياءالله صدق التلفزيون ملل بدون ملاااك ووعد ونوف اللي يخلونك تنتبهين على أشياء مو منتبهه لهــا ... وحتى المسلسلات اللي تبكي يقلبونهااا تريقه ...
ان شاءالله اشوفهم قريب يارب انا عندي أحســــاس بقابل خواتي قريب .. يارب يتحقق أملـــــــــي ...
جاء المغرب والعــــــشاء وجاء نص الليل والوحش ماجاء غريبه أمس جاي قبل المغــرب ..وش دخلني فيه اروح انام احسن ...
نمت وصحيت قبل الفجــــر بدون أحساس مني لكنت قلقانه كل شوي اصحى ....
ياربي وين راح الغـــبي ... ليكون مات وتركني مسجونه هنا ومحد يدري عنــــــــي ... اووووف منه .. وقته يختفــي كذا ... يارب يجي لأني بديت أخاف .. ياحسرتي عليك ياسويره صرتي تدورين الأمان عند الوحـــــش ... قيس ياللعيــن تعااال هذا وقتك ... بديت اتصور اشياء غريبه وأن فيه اشياء تتحرك بالغرفه جريت على النور وفتحته وجلست كذا جالسه بسريري ومتغطيه باللحاف أكتافي وظهري وفاتحه الأنوار .. لين مأدري ايش حصل ونمــــــــت ....

&


الدنيااا كلهااا سودت بعينــه يوم طلع الدكتور وقال أن أمه دخلــت بغيــبوبه ....
صرخ صرخه من أعماااق اعماااقه :لاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااا ......
أخوانه اللي حوله الصدمه جمدتهم وصرخته أرعبــــتهم .... منيررر الصرخه صدمته توقع أن أمه مااتت وتهااوى على الأرض فاقد للوعـــــــــــي ...

جابر :قيس تكفــى لاتســوي كذا ... منير أنهــبل علينااا ...
حط يده على راسه بأول تماسك له بعد الصدمه الأولى.. وبصوت انبح بعد صرخته :منير وينــــــه ...
فادي بشرود :بعد صرختك اغمى عليه وأخذوه يصحونه داخــل .. أمي وش بيصير عليهـــــــا ..
جابر :ان شاءالله كل خيـــــر .. بكلم أبوي ومنيره وقول لهم اللي صــــــار ...
كلم نفسه :خير كل خير أي خيــــر ياااجابر أي خيــــــــر .. وأمي ..آآآه يأمـــــــي ... لا وسفايف حياتي بعدك يمــــــه ... ليت روحي تصعد قبل رووووحك يمه ليتهااا...
سحب نفسه للمكتب الدكتور اللي توجه له بعد مارمى عليهم ابشع خبر كانوا ينتظرونه ..مسكه فااادي :لحضه قيس وين رايح .. اجيب لك مويااا شكلك تعبااان ...
قيس :ماني تعبااان وخر عني ماني محتاج شفقتك ....
يوم طووويل طـــــوويل مره عليــه بين كل ولحضه والثانيه خايف من أي احد جاي يمشـــي له وهو بكراسي الأنتظار يحس أي احد جايه بيخـــــبره عن أجل أمه ...


((13))



[ .. كوابيس الواقع ابشع ..]


ملااك


حتى النوم ماعاد يفيد كله أحلااام عن سارا وكـــــوابيس عن شخص ثاني ... والروحه للمدرسه ماجابت نتايجها ماجاابت ســــــارا ...
بعصر واحد من الأيام اللي نسيت عدهااا من الأكتئاب اللي عايشته دقت علي وعد وصرخت لين فتحت لهاا البااب اللي خفت يتكسر تحت يدهاااا ... وافقد الجاجزاللي حطيته بين وبينهم ...
وعد :وأخيراً توقعت تفتح لي أبواب الجنه وانتي مافتحتي ...
طبعاً مالقت مني أي رد لأني احس بين وبينهاا فراغ كبير يضيع فيه الصـــــوت ...
وعد :طيب ياسيده صااامته غطيتي على ميشــــو الغامضه .. عفواً القطـــــوه .. الا صدق ماشفتـــــــي بلوزة ميشو الجديده اللي مرسوم على غراب وحمامه وكل شـــــــــي ...
وعد :المهم فيه وحده اتصلت ألف مــــــره وتبغاك أنتي أو سارا
اول ماقالت وحده اتصلت مأهتميــــــــت كثير بس بعد ماقالت سارا تحرك رجولي غصب عني ونزلتني تحت ... يمكن عقلي فهم الكلمه خطأ ووسارا هي اللي اتصــــــلت .... ادري مستحيل بس يمـــــكن .. لا ليش مستحيل والله لو أنها بقبــــرهاااا ...
رفعت السمااااعه .
ملاك :الووو
الطرف الثاني :ملااااك أنا ود ... ملاك وينك وووين سارا ...ماكلمتونااا مازورتنااا انا محتاجه لكم ... ملااك عمي الوليد بيمـــــوت ...
تبلد فقط تبلد كل مأشعــــــــربه ..
ود :وعمــي تصوري بيطلق شوق منــــــه .. وهي بتقتل نفســـــهااا ... ملاااك أرجوك تعاااالي انا بموووت من الوحده ... مأحس احد عندي ... الكل بعيد .. اشتقت لعمي الوليد اشتقت لسخريته لتطنزه ... لكل شـــــي .. وشهقت شهقه قويه توقعت روحها طلعت معهــا : كان بيتزوج بعد شهــــر بس وصاار له حاااادث قتله وهو توه صغير تصوري بالمستشفى مايتحرك مايتكلم ولاحتى قادر يفتح عيــــــــوني ... عمي ضااااع انتهى ...
ملاك :ود حتى أنا مو أحسن منك ... سارا تزوجت وتركتني وأنا بعدها شبه ميــــــــته ...
ود بعدم تصديق :سارا تزوجــــت ..بـــس ..
وانقطع كل شــي غير صوت الطوط طوط طوط .... ليش ياود ناقصتك انا تنهين المكالمه بهالــــطريقه ...
الوليـــد هذي هي النهـــــايه ابد ماتوقعتهـــــا .. ههههههههه .. وألف ضحكه ساخره مثلهااا ياحبيبي السابق ...
أجل كنت تلعـــــب عـــلي ... حتى أنا كنت العب عليك وفراغي العاطفي لعب في وفيك .... آآآههه يالوليد ...
والله مو ناقصتك وش اللي سويته بنفسك ... ياربي رحمـــــتك .... احزن عليك ولاأحزن على نفــــــسي ...
ليه ماتزوجت ليه ...والله كان اريح لك ولـــــي ...
كنت اشعر بحزن فضيع على الوليد وعلى نفســي وعلى سارا حاسه روحي بتطلع ... وقلبي يحترق بداخلي ..
قمت من مكاني وركضت بسرعه على غرفتهـــــــــا ...
ملاك :ميشو طلعيني منهاا ابغى اطلع ولا بنجـــــن عليكم ....



((14))


[..هل لي الحق بالأختيــار ..]


ميشو


دخول ملااك المفاجيء علي وأنا بأفكاري تلك سبب لي صدمه ... شعرت بأني عااريه أمامها فكرياً ... لأني اتصور أنا افكاري تسبح حولي في جو الغرفة حتى ارتبهااا واسلسلها وتعود لدماغي للتترسب كلاً بمكانها المناسب ...
سألتها لأني لم استوعب ماقالته وأنا بحالتي تلك ..
ميشو :أعيدي حديثك لأني لم أفقه منه شيء ...
ملااك :اقولك طلعيني من البيت اوبنجن ...
وافقتها رأيها لأني اشعر ايضاً بالحاجه للخـــــــــروج ..
ميشو :موافقهً ولكن إلى أين ...
ملاك :أي مكــــان بس اطلع من هناااا ...
ميشو :أذاً هيا بنااا ارتدي عبائتك واسبقيني للأسفل وسألحق بك ....
بعد ان جهزت أموري ونزلت حيث ملاااك فاجئتني ضحى بأنها تريدني بحديث قصـــــير ...
بادرتني حينما اختفينا داخل احد الغرف ..
ضحى :عريس الغفله يبغى يشوفك
صرخت بأستهجان
ميشو :يراني وهل أنا سلعه للبيـــــع ..
ضحى : بسم الله عليك ترى قايله لك من قبل وأنتي راضيه
ميشو :لا أذكر ابداً أنه دار بيننا مثل هذا الحديث..
ضحى :الا قلته بس أنتي الله يخلف عليك عقلك ماهو معك .. وأنا قايله لك هالعريس مايناسبك ...
ميشو :وهل رأيتيه .. واستدركت: ومالذي يجعله غيـرمناسب...؟
ضحى :أمور كثــــيره وأولها موافقتك المفاجئه عليه واللي من غيــر تردد لو ماكان مطــوع كان بديت أشك أن لك علاقه فيـــــــه ...
ميشو :أي حديث ستقولينه لن يغير من رأيي فأنا مقتنعه اتم اقتنــــــــاع ...
ضحى :قلت لك الرجال مطوع وأنتي بطريق والأحتشام بطريق مايناسبك وبيكون بينكم خلافات كثيره ...
كانت تذكر لي أمور اعرف جيداً أنها غير مقتنعه فيها فقط لتقنعنــي بأن هذا الرجل لايناسبنـــي .. وكنت أرد عليها بردود لاأقصدها ابداً فقط لأقفل هذا المـــوضوع ...
ميشو :جيد أنا اريد ان اقوي من ديني وسيكون لي خير عون على ذالك ..
ضحى :ميشووووو لاتهبلين فيني انتي من كل عقلك تزوجين مطوع بتشبين بينك وبين حريقه
ميشو:اوووووووه يألهي هل انتي حقاً أخت تريد مصلحة أختها
ضحى :أي مصلحه تدورينها بهالزواجه بعدين انتي وش مستعجله على رزقك انتظري شوي يمكــــن يجيك اللي أفضل منه
ميشو :ومن برأيك الأفضل ... ايكون لديك عريس لي
ضحى بتردد:خلف مثلاً ..
صحت بهااا وكأن مجرد كلمتها تلك حكم نهائي بزواجي منه
ميشو :هل فقدتي عقلك أنا اتزوج ذالك المعتوه الذي قتل والدي .....
ضحى :ماقتله جته سكته قلبيه
ميشو :وهل تصدقين تلك الخرافااات ... لقد قتله أنا واثقه من ذالك ....
ضحى :طيب افحمتيني معك بكيفك .. موافقه يشوفك ..
مستحيلل لن اتنازل عن مبادئي انا لست سلعه ...
ميشو :ولكني لست موافقه ..
ضحى :بكيفك يكون احسن لأني مو راضيه على هالزواجه
ميشو :ولكنك راضيه أن أتزوج ذالك السفاح
ضحى بسخريه:خلي السفاح يفكر فيك بعدين وافقي او ارفضي ..
ميشو :سأقابله
ضحى :من خلف
ميشو :خلف ماااذا توقفي عن هذيااانك سأقابل العريس
ضحى :وين بتقابلينه ان شاءالله حبيبتي هذي اسمها شوفة وبتشوفين وسط بيتنااا هنا مو بمكااان ثاني... واليوم بعد صلاة المغـــــرب ..
ميشو :مهما كان جميع العبارات تعني نفس المفهـــــوم .. انا ذاهبه وداعاً ...
ضحى :لاتأخرين بعد صلاة المغرب ..

&


ضحى


ياربي من هالبنت بتذبحنـــي مأدري من هالعريس اللي أشغلتنا فيه ... توقعت لو قلت لها انه يبغى يشوفهااا بترفض بس الغبيه وافقت ... هذا وأنا واعده عســـــاف اني اقنعها ترفض ... انا غبيه كيف اوعده بعدين يمكن هالعريس خير لهااا ... من زين خلفوووه المزواااج .. بس مأدري احس صدق لايقيين لبعـــــض ... الله يعيني عليك يامشاااعل ...
أرسلت للي محسوب علينا أخــــــو أنها موافقه وكنت مأجله هالخبر على أمل أنها تغير رايها بس يوم بعد يوم تثبت لي مشاعل أن هالعريس راضيه فيـــه وبقوه ..
والغبيه طلعت وهو ماباقي الا ساعه ونص عن صلاة المغرب ...
ضحى :شهد اوووه هند ...
ياربي وش جاب اسم العله هذي على لساني ...
هند :نعم ..
ضحى :روحي نظفي المجلس ورتبيه ...
هند بتأفف :ليه من بيجـــــــي ..
ضحى :عريس ...
هند بلهفه :لمين
ضحى بتريقه :لك ...
هند بقهر :تتريقين صدق لمين ...
ضحى :لمين يعني لمشاعل
هند :المتشرده يجي لها عريس كيف مايصير أعمى هذا ...
وركضت قبل مأقول لها شــي ..
وش فيهن خواتي صايرات يحسدن بعض اعوذ بالله ...
مشاعل مايجي لها عريس ألف عريس بس مو هذا مأدري ليه ياربي ماني مرتاااحه له ...
حتى لما سألت عنه وقالوا انه مطوع انبسطت مو لمشاعل الا عليها .. صدق مطوع شي زين بس توقعت مشاعل ترفضه لأن تفكيرها غريب بس للأسف وافقت مارفضته مأدري وش اللي معلقها فيه معقوله كل هذا شوق لسفر للخارج ... مأدري ماتوقع تفكير مشاعل لهدرجــــه سطحــــــي ...


((15))


[..نحرت مبادئــي ..]


ميشـــو


ظربت بكافة معتقداتي عرض الحائط .. ورضيت بالشوفه كما أسمتها لــي ضحـــي .. أي الجلـوس امام الرجل الخاطـب لــــي .. ليتأملني ويدرسني دراسه شامله ليقرر هل أنا مناسبه لأكون زوجــة خانعه لـــــه ...
فعلت فقط ذالك هــــــرباً من خلف الذي لن يرضيه ســوى انهى حياتـــــــــــــي ...
بــــت يائسه لأملك سوى هذا الحــــــل الزواج للهـــــــرب ... بالتأكيد خلــف لن يستطــيع ان يقتص مني ابداً بعد أن أصبح زوجـــــه لرجل آخــــر ...
أجــل انا لم أخطأ حينما اخترت هذا الخيار ابدن لم أخطـــأ .. هذا الزواج ليس سيئاً ابداً ... سأصبح بحمــى رجــل
... ليحــــرم على الأخــر حتى التفكـير بايذائـــــــــي ...
مهما بررت لنفــــــــسي لن اســــامح ابداً من تسبب بكــــــــل هذا ...
.. تباً لك من والد .. دمرت حياتي بحياتك ومازلت تدمرها حتى بعد مماتك .. تباً لكم جميعاً من رجاال ..
ولك خاصه يامن تقبع خلف قضبان السجن من تحت يداي ...
عدت لأرض الواقع أي ارض هذا المجــــــــلس ... لأجد نفـــسي كضيف ثقيل هذا المكان ...
سحبت نفسي ساخطه بدون أذن ..... هل حقاً سأتزوج ذالك الرجل ... الذي لم يرفع عينه إلي ولامره واحده ... هل طلب حقاً رؤيتي ام أنا من اقتحمت عليه المجلس عارضه نفــــسي عليه ...


((16))


[..دور الأخ ..]


مالك




طول الجلسه وأنا ماني مرتاااح ماتعودت أكون أخــــــو ... لا وأخو لوحده مثل هذي الله المعين بس ...
اول ماطلعت وسألت الرجال عن رأيه كتقليد بـــــــس ...ماتوقعت ابد أي رد غير الرضى ...
بس التردد اللي وضح عليه صدمني معقــــــــوله بيقول أنها ماعجبته ... وفعلاً قالها بس بطريقة اكثر تنمق وأحتــــــــرام ...
غصب عني سويت نفسي متضايق وماني راضي اسمع منه وسمعته كم كلمه والضحكه خلفهم متخبيه ...
الحمدلله لك يارب أمـــــوري مره متيســـــــــــره .. ورفضك ياميشــــو رفضك وين اللي نافخه ريشها ومحد قدهااا ... وكأنها ملكه وتنازلت تجلس مع باقي الشعب ...
آآآه بس ودي اشوف وجهك لما يوصلك الخـــبر ... لكن للأسف مضطر ءأجل هالرغبه اللحين ..
لين انفذ كل بالراسي
رفعت جوالي بأبتسامه خبيثه ماني قادر اكبتها ودقيت رقم أختي الكبيـــــره .. ضح ضح على قولت البزره عهد مادري وعد ...
اول شي وصلني تأففها غريبه خوات ذولي عليهن نفسيات شينه الوحده مو طايق نفسها حتى كيف عايشات ذولي ...



((17))



[.. دور الأم ..]



ضحى


اول ماشفتها بعد ماطلعت من عنده سألتها ولكن ماردت علي الا بنظرة قهر طيب وش اللي جابرك يأخـــــتي ...
دق مالك اخوي اللي أحسه بجد خطأ مأدري كيف فعلاً هو أخوي ... رديت عليه وقال أن الرجال موافق وبكره الملكه وبيسافرون ... سألته اذا هو صاحي ... قال ان هذا اللي عنده واذا هم رافضين يقولون وهو احب ماعليه يوصله للرجال هالكـــــلام ... قفلت منه وأرسلت وعد تقول لمشاعل هالكلااام لأني مالي خلق أي نقاش معهااا ...
رجعت تقول أنها موافقه بس ...
وعد :انا مو موافقه .... اختك هذي انجنت اول مره اسمع وحده تزوج كذا .. مايكفي سارا .. أنا اعترض ..
نوف :وأنا اعترض ولاخلاص جاء لكم أخو جديد وماعاد تحسبون لي حساااب
وعد :مصدق انت ان ذاك اخو ... ذاك المفروض يكون اخت وانت تكون أخو ...
ضحى :اوووف بنات والله مو ناقصتكم خلااااص ريحونااا من هرجكم اللي يعور الراس
...
وعد :طيب خلاص اوووف منكم ان شاءالله كلكم تزوجون مالي شغل فيكم بس لو تموتون ماراح اشتاق لكم مثل سارا ...لأنها هي الوحيده اللي كانت ماتبغى تزوج... بس انتن يالشينااات ميتات على الزواج ...
سارا وسارا وسارا كفايه عوار قلب ذولي ليش مصرين يعورن قلبي ويذكروني بخطأي اللي ارتكبته بحق سارا
ليه تعجلت وظلمك ياسارا ليه مكتوب دايم عليك الظلم والقهــــــــــر ...
ابعد ت موضوع سـارا من راســـــــي ... اللحين هالخبله كيف بتروح مع زوجهــا بكره بدون تجهيــز بدون شــــــي ..
ياربي والله مافيني اروح ولاأجـــي ...
ضحى :وعد ...
نطت وعد بسرعه ..
وعد :ايوه لو تكلمت سكتيني ولابغيتي شي على طول ناديتيني ...
طنشتها مالي خلق نشفان ريق ..
ضحى :شدون نادي مشاعل ...
شدن :ليش تقولين لها مشاعل عشانها بتزوج ...
ضحى :موناقصتك انتي بعد روحي ناديهاااا ...
شدن :أوكي ياحلى ماما ...
وعد :تكفين يالبنت الباررره لاتابعين طيور الجنه ترى مخربه أخلااقك ..
ضحى :وعد اتركي شدون عنك ....
وعد :اوكي بس تنازلي لي عن نورا أربيها بأخلاقي الحميده ..
قمت عن سوالف وعد اللي تقفل المخ من كثرهااااا .. ودخلت الغرفه انتظر مشاااعل عشان اشوف وش يمديني أجهز لها وبكره بس زواجهـــا ....
يكفي سارا طلعت من هالبيت بملابس ماتشــرف ...
دخلت مشاعل علي وهي تكلم ..
مشاعل :حسناً ماذا لديك أيضاً
ضحى :ليه انا قلت شي مو انتي جالسه تقررين واحنا ماغير نهز الراس وراك ..
مشاعل :ماذا هل تريدين ايضاً أن تأخذي عن قرارتي المصيريه ...
ضحى :ابغى اساعدك تختارين ابس انتي ماسمحتيلي
مشاااعل :لأني لست بحاجه لمساعدة واعتدت أخذ قراراتي بنفسي ... والآن أخبريني ماذا لديك ...
تنهدت بالتعب وأن اقول وعد على مين طالعه ...
ضحى :كيف بكره بتروحين مع زوجك وأنتي كذا لتجهزتي ولاتضبطتي ...
مشاعل :أنا هكذا جاهزه لأريد أي تجهيز ..
ضحى :بس كذا مايصير وش يقولون الناس عناااا ...
مشاعل :اووووه بربك ضحى توقفي عن التفكير بالناس والأخرين الا تهتمين بنا ابداً تفكرين بالناس أكثر من تفكيرك بنااااا ...
طالعتهااا مصدوووومه هذي تكلم عني أناااا ..
مشاعل :من أجل الناس القيتي بسارا بين أنياب الحوش دون أي اكتراث لأمرهاااا ...
قلت بتجاهل لأفكاري بالفتره الأخيره عن ظلمي لسارا ...
ضحى :سارا هي اللي أختارت هالطريق ورجاءً حنا اللحين فيك ...
ردت علي وهي توقف
مشاعل :وأنا اخبرتك بأني قادرة على ادارة حياااتي ولست بحاجه لأي مساعده من أيً كان...




((18))


[ .. البنزين & النـار ..]


مالك



اليوم بزواج البنزين والناار .. بكل سهــوله اقنعت خلف اللي كاان بحاله مايعلم فيها الارب العالمين وكله من تحت راسهــــاااا
... بس انا اللي بدمــرهاااا ... هو اللي قتل بس هي اللي قررت كان مثل الأداة السهله بيدهاااا ... هي اللي تحدتني وكان بتنتقم مني بس كل شــــي رجع عليهم هــــــــم ..
خلهم بس يتزوجون حسب خطتـــــي ويشوفون بعدين وش يصيــــر ... بتشــوفون مالك لو خطط وش يقــدر يســــويي ..
توقعها المتيمه العاشقه اللي رضت فيه وهو بالسجـــن ...ههههههه صحت بعد فوات الأوان وأكتشفت انها تحبه ماتوقعت ساذج لهدرجه ياخلف ... ولا أنا الأخ الوفي اللي رضى يضحي بأخته عشان اللي ينقال له أخوه من الرضاعه ... وبعد طلعت غبي ياخلف ... بس مالومك جلست السجن طيرت عقلك ياحمش ...
بعد ماجهزت كل شــــي الوكيل عن العريس والشيخ اللي بيملك لنا وانا الولي ... طلعت كرت العائله اللي فجأه طار منه أسمها كان مجدد قريب ومشيوله منه صورة أبوي بحكم أنه توفى ... بس وين مشاعل ......
كنت بنجن كل عقل فينـــــي طار ...دقيت رقمهااا اللي حافظه اكثر من اسمي ...
ميشو :ماذا ...
مالك :ماذا اللي تشيل راسك الغبي وين اسمك يامتخلفه ولاأهلك مو معترفين فيك ....



((19))


[ .. لأول مره مخدوعـــه ..]



ميشو


كصاعقه نزل سؤاله على رأسي ... أسمي أجل اسمي الذي غيــــرته من اجل ان اخدع خلف ...ابتلعت ريقي
ميشو :لقد قمت بتبديل اسمي ...
مالك :من زينك انتي ووجهك تغيرينه ووش اسمك الجديد ياهانم
أجبته بعد تررد لأعلم لماذا اتردد كل شي انتهى واسم بلاهويه لم يعد يجدي ...لقد دمر كل شي بغبائه ...
ميشو: ريمــــــا...
مالك :طيب ياشاطرة أنزلي عشان توقعـــين على العقـــد وبسرعه ..
سألته بتردد
ميشو:هل ذالك ضروري ...
ولكن لماأسمع جوابه فقد قام بأقفال الخط ...
يألهــي يسيطر علي الأرتباك هل حقاً سأغاد مع ذالك الرجل بعد قليل ..
راقبت حقيبتي التي اعديتهااا من ملابس القليلة التي تبدو بحاله جيده من ملابس الجااامعه ..وعدة قطع جيده وصلتني كهدايا من صديقااتي في فترة أختلاطي بهن ...
نزلت بسرعه خوفاً من أن أكون قد تأخرت على مالك ...لم اعد اشعر اتجاهه بكثير من الحقد فقد انتقمت منه جيداً وأصبحنا متساويين بعيداً عن الأحقاد ...
وجدته ينتظرنه أمام باب المنزل الداخلي... قمت بتوقيع داخل الدفتر الذي كان يغطيه بيديه ولم اكد أرى سوى مكان توقيعـــــي ...
مالك بسخريه :ألف مبررروووك ياعررووسه ...
شعرت بالسخريه في كلامه ولكن لم أهتم كثيراً فهو يبدو دوماً بهد المزاج الساخر لاجديد ...
أخبرني أن انتظر مكالمه منه حينما يكون العريس مستعداً للمغادره ...




((20))


[ .. تخطيط الشيطان ..]



مالك



ريما وخلف لاااكثير لايقين لبعضــــهم ...
بعد ماطلع الشيخ ... كنت متحمس اطير اخبر أمي بس مسكت نفسي شوي حبه حبــــه يامالك لتدمــر كل شــي بسرعتك ...
رغم أني انا اللي سعيت بهالعرس لكـــن والله ماأنت هيين ياخــلوف زواج حتى وأنت داخل السجن .. هالرجال مأدري وش يصيبه لقلنا تزوج ينهبل وينسى كل علـــــــومـه .. مأدري وين الضمير اللي كان يعذبه مات من سمع طاري العرس ...
... لا وهالمره العروس مشاعل العشيقه السابقــــه ... أنا مأدري كيف كنت أفكر فيهــا والله هالبنت تجيب تقزز ياليت سعاد أختي مو هذي على الأقل سعاد رغم كل عيوبها عندها قلب مو عديمة الأحساس ذي كتلة الجليد ..... بس هيين يامشاااعل ياوجه النحس والله لرد لك كل اللي سويتيه فـــيني ...
رفعت الجوال بعد مادقيت رقــــم أمي .. وبالصوت كله فرحـــه للي بالراسي ..
مالك :وش أبشرك يمــــــه ولدك تزوج ....شفتي عاااد قايل لك ولدك هذا حتى قضبان السجن ماترده ألف مبررررووووك يالغاليه وعقبال مانحتفل بخرجته من السجن ...
بعد ماخلصت من نشر الخبـــر بقى نخبـــر العروس من عريسهـــــــا ..هههههههههههههههههههههههههههههههههههههههههههه ...
لاااا لحضه لين يطلعون الرجال بعد مانعشيـــهم أخاف هالخبله لدرت تفضحنا بين الناااس ...
رجعت لرجال وقلطتهم على العشــــاء ...


((21))



[ .. في ليلة الفرح غاب الفرح .. ]



وعد







قلت لخواتي اللي متجمعات بالصاله وساكتات ..
وعد :اللحين انتن مصدقااات ان هذا زواج ههههههههههههههههه صدق مصخره على قولت أخوانن الكويتين ..
نوف :خخخخخخخخخخخ تصوري أنا بقاعه وفيه طق ورقص وردح غمضي عيونك وتخيلي وعيش جوووو
لا وسامري وحركاااات ....
غمضت عيوني بتصور مثل ماقالت لي نوف بس ماتصورت أي شي كان فيه بس لون أسود واشياء ذهبيه كأنها خطوط لارقص ولاقاعه ولاحتى ناس ...
صرخت بغيض
وعد :اووووووووووف حتى هذي مو ضابطه معي ماني قادره اتخيل وش هالفقر اللي أنا عايشه فيه ...
هند :توك تدرين أنك عايشه بفقر الحمدلله على السلامه ..
وعد :الله يسلمك وعقبالك بس أنا متأكده ان عشوقه بتخم القصه وأنتي ماوصلتي ...
وسكت قبل ماتصرخ ضحى فينا لأن وجهها تغير وخدودها انشدت لفوق وعيونها السرحانه تحركت من مكااانهااا ..
بس اشوى رجعت تسرح وماصرخت علينااا ..
وفجأه انفتح الباب علينااا ودخل الدلخ مالك .ههههههههههههههههههههههههه الله يقرفه بدخلته ذكرني بمنير هو الوحيد اللي كان يدخل علينااا كذا .. واللحين صار هالشين مكانه الله يقرفه ...
وعد :اووووووووووووف جاء وش تبي أنت ..
مالك :اوووف بعينك ... تعالوا خذوا عشاااكم ...بسرررعه يااالله ...
وعد :من قال أنا نبغى منك شي ..
مالك :انتي يافرخ أبليس أنطمي ..
وعد :يعني تعترف أن أبوك أبليس ..
مالك :هييي أنتي أنطمي اعوذ بالله من هالتربيه ..
وطلع وهو معصب .. والله بديت اشك ان أبوي ربااااه .ههههههههههههه مبارك على أخر الزمن يربي ...
هو طلع من هنااا ..
وضحى صقعتني على راسي من هنا وطردتني ... قالت ايش ليه تكلمين مع أخوك كذا .ياربي تقهرين ضحى لسوت فيهااا أخوك وماأخوك وهي اصلاً مو مقتنعه بكلااامها بس مسويه بتربيناااا ...
طلعت اوقف عند باب الشارع ....
اشوى ماكان فيه رجال بس ولد أبليس هع هو قال كذا مو أنا... وعسافووووه ...
بس تصدقون اكتشفت ان عساف ومالك مايطيقون بعض ... ولاتقلون كيف ترى أنا ذكيه بس ماأقول ....
جوعانه بس ماراح أكل من اللي جابه ولد أبليــــس ... بس لو ماأكلت شدن ونوف ماراح يتركون لي حاجه ولاالمفجوعه هند أكيد بتقضي عليه ... ايه خليهم يشبعون فيه اللي ماعندهم كرامــــه ... وش دخل الكرامه
اللحين هذا عشاء زواج أختي لازم أكل منه ولابتزعل مني ... مصدقه نفسي تزعل مني هي ولاتدري عن العشاء ولاغيـــــــره ...
اصلاً مالي نفس أكل .. مشاعل بتروح مثل ماراحو سارا وشهـــــد ... خايفه بلأخير ابقى انا ونوف لوحدنااا .. وبعد يمكن نوف تـــــروح وأبقى انا لحالي ....





((22))


[..سأحتفل بأحزانكــم ..]


مالك









كنت انتظر عساف يطلع عشااان أكلم الحلوه وأخبرها بالخبر اللي بيزلزلهــــا بس الرجال ماهو راضــي يتحرك ...
اصلاً ماكان راضي عن اللي سويته ... بس كنت ماسك عليه انه ماييغى يساعد خلف .. وأن الزواج هذا افضل لمشاااعل وفهمته وحلفت له أن الرجال بنفسه رفـــض مشاعل ... يعني نقول للبنت أن الرجال رفضـهااا أو نزوجهاا خلف لو بالخداع أحـــــــسن ... وطبعاً بالأخير كان لازم يقتنع بكـــلامي ولاماتضبط القصه أنتم وش رايكم ...
أصـلاً هو كان كل خـوفه أن ضحــى تزعل منــه .. وماكان بيجـــي بس كان لااازم يكـــــون وكيـل العريس ... ولابدونه ماكان بيكــون عرس ....
وأخيراً قاام ...
عساف:بروح داخل شف لي طريق ..
مالك :داخل وين
عساف :بشوف مرتي تعباانه من الحمل بشوف اللحين كيفهااا وترى من قبل ماتعرف خواتك وتشوفنه وأنا ادخل والكل يعرف هالشـــــــي ...
مالك :طيب لاتفتح لي محاضره ... لحضه اشوف لك طريق
عساف :اجلس مكان بس الف مره دخلت وهن متعودات على هالشي أنادي ويبتعدون عن الطريق ....
قلت له بتصريفه وانا مستعجب من كلامه توه يقول شف لي طريق واللحين يقول مايحتااااج ..
مالك :طيب خذ راحتك ...
ورفعت الجواال خلااص لازم أقول لهــــــا .. مع أن خاطري اطلع واقفل جوالي واروح أنام وهي خلهااا تحترق بمكااانهااا بس لاا مأبغى أحد يبشرها هالبشاره غيـــــــــــري ...



((23))




[ .. الفاجعــه ..]



مشاعــــــــل ..




أخذت حمــام طـويل وبعد أن خرجت منه وقفت أمام المراءه لأعلم ماذا سأفعل ليس لدي أدني استعداد لتزيين ...
لم أكن أحب هذه الصفه فيني ولكني كنت مرغمـة على الضغط على نفســـي والتزيين بالجامعه او ببعض المناسبات اللتي كنت أذهب إليها مع كريمة وسوسو ... كنت أفعل ذالك فقط لألفت الأنظــــار ... حينما كنت بالمدرسه كان لفت الأنظـــار يزعجنــي ولكني تأقلمت معه وأصبح أمر اعتيادي ... بعد ذالك حينما ألتحقت بالجااامعه في ذالك المجتمع الكبير لم أجد لفت الأنظار الذي أكرهه ولكني تعـــودته .. فبدأ افعل المستحيــل حتى أعود محط الأنظار كما كنت بمدرستي الصغيــــــره ... لم يكن لون عيناي الجميل ولاحتى لساني الذي ينطق بالفصحى كافياً فبدأت بأرتداء ملابسي بطريقة غريبه ... وحتى الملابس التي تبدو عاديه أجعلها غريبه بغرابة أغلاقها كأن أجعل الأزرار بأماكن بعضها فيبدو شكل القميص ملفتاً برثاثته ... ولن أنسـى ذالك الوشم الذي وضعته أسفـل كتفي بكل تهــــــور .. وأبقيته كي أتذكـر دوماً ان لاا أضحــي بشيء منـي حتى لو من أجلــي ...
ابعدت المنشفه عن شعري المبلل وبدات بتحريكه وأنا كل حسرة على تضحيتـــي فيـه وهذا درس أيضاً ...
ولكن شعــري سيعاود النمو وكذلك ذلك الوشم بعملية ليزر بأمكاني أزالته ... ولكــــن هناااك أمور بالحياة لايمكـــن أعادة أصلاحهااا ... لن أفكر بذالك الأمــر لن أفكـــر فيه ابداً يجب أن أبعد عن فكري والآن بذات ليس الوقت المناسب للهستريا التي ستصيبني لمجرد التفكــــير فيه ... أنا لاأقتــــــــل .. أنا لأتسبب بموت أحد ....

أخرجني رنين هاتفـي المحمول من أفكـــــاري ... يالهي أنه مالك .. هل سيخبرني أن علي المغادرة مع ....... وأنا لم اتجهز بعد ...
بعد ان ضغطت على زر الأجابه وقبل أن اتحدث وصلني صوته ...
مالك :برسل لك مفاجئه حلوه الوسائط تشتغل عندك ...
لم أفهم القصد من حديثه ولكني أجبته بنعـــــــم ... ليغلق الخط وبعد قليل تصلني رساله منه ..
اممم ماهذا الصوره غير واضحه .. قمت بتكبيرهااا هذا عقد الزواج ... لما يرسل صورته لي .. بماذا يفكر هذ الأحمق .....
وانتفض كامل جسدي ... ماهذا مالذي يفعله أسمـــــــه هناااا .. كلااااااا ياربي لااااااااااااااااااااااااااااا ....
خلف خلللف أصبح زوجـــــــــــــــــــــي .... يارب الأقدار ...رحمااااااااااااك ...

انتهى البااارت

الحلقة الخمـــــسين ..


((1))




[ ..أنتظار ..]





سارا




لاا أنا بستخف وين راح هذا اللحين له يومين مختفي يارب تستر ماني داريه وش اسوي بنفسي حتى الجوال اللي كنت معتمده عليه خلص شحنه وماني لاقه شاحن ودي اطلع اسوي شي بس مرعــــوبه احس لو طلعت بضيع بيصير لي أي شــــي احسن شي ابقى بالشقه لين قيس يرجع ... يارب يرجع يارب ...



((2))


[ .. أنفجـار ..]



ميشو




لم أشعر بنفـــسي الا وأن انزل الدرج لأعلم حتــــــى إلى اين ذاهبـــــه ولكــــن برأســــي أمر واحد فقــــــط سأقتله ... أجل أنا من سيقتـــــــله ...
كنت اردد كلااام لأعلــــــم ماهو ولكنه بالتأكيد كل مأملك من مفردات بذيئه ....
خرجت الا المجلس حيث يجــــــلس الحقييييير الواطـــي المتخلف ...
ضحك حينمارأنـــي بسخـــريه وهو يقول :وش رايك بالمفاجئه ياريمــــــــــاا ..
ميشـــو :سأقتللللللك ايه السافل واعلق عنقك على باب المنزل لتكون عبــــــــــــــرة ...
لم اتم حديثي لأني فقدت سيطرتي على اعصابي وبدأت اقذفه بكل شي يقع تحت يدي وحينما لم أجد مأقذفه فيه... القيت بنفـسي عليه .. وبدأت بظربه وهو لم يكن له رد فعل سوى الضحك الذي يثير جنوني ...



&

مالك



قهرها يضحكنـــي يطيرني فوق السمــــــــاء وأخيراً بديت اشوف اول بوادر انتصـــاري ...
كانت تظربني وأنا اضحك بس بعد مامصختهااا كتفت يديها على ظهــــــــرها ... وهي تصرخ وتسب بس كل هذا ماهمنـــــــي ...
ميشو : ياقذر دعنـــي .. صدقني لن أدعك تنجو بفعلتــك .. اتركني والا اقتلعت عينيك ...
ضحكت من قلب وانا ارد عليها ..
مالك :قبل شوي كنت بتقتليني ...
وكملت ضحكتي .. بس بعد مارفستنـــي ****** مع رجـــــلي ... ضغطت يديها اللي مكتفها بقوه لين صرخـــــــت ..
مالك :شوفي ياحيوانه مو مالك اللي تقللين ادبك عليه وتظربينه .. ولاتزعلين كثير على زواجك من خلف لأنك ماشفتي شـــــي هذا اول شــي بس ...... باقي لو درى خلف باللي سويتيه ... تدرين اهون شي ممكن يسويه فيك انه يذبحـــــــك ...
صرخت بعد ماسمعت كلامي .
ميشو :انا لم افعل شيء عن ماذا تتحدث..؟
مالك :عن ماذا اتحدث ياحـــلوووه ... عن ايش ولاايش المشكله ياحلوه انك مو مسويه مصيبه وحده الا مصايب ...
واللحين يا شاطره ممكن تقولين وش كل هالحقد على خـــــــــــلف ...
كنت أحسب انا المقصود من كل هالبلاوي بس طلعــــــــتي تقصدين خلف ...
سؤالـــــــي ليــــــــــــــه ...
ظربتني مع رجلي وهي تصرخ .
ميشو :لاشأن لك هل تفهـــــــــم ... انا لم افعل شــيء انت تهذي بأمور تافهه ... خلف يعشـقني وأنا لا أحبه هذا فقط الأمــــــــر ..
مالك :لااا ياحلوه بغيت اصدقك بس المشكله اني عارف كل شــــي يامشاعل كل شـــــــي ...
ميشو :كاذب انت كاذب لم تفهم شي ولاتعرف عن ماذا تتحدث ....
نوف :هيييييي انت خلاص فك أختي ياحيـــــــوووان ...
رميتها على الأرض وطلعت وخليتهـــــــم ... هيين يامشاعل بتشوفين والله لتشـــــوفين ...




((3))


[ .. أنكسـار ..]


ضحى





بعد مانزلت مشاعل من فوق مثل المجنونه كلنا لحقناهااا ماندري وش سالفتهاااا ... اجل بدال ماتنزل لناااا عروس نازله مثل المجانين ... شفتها تدخل المجلس وتهاوش مع مالك وانا ماني فاهمه شـــــي ...
بس شفت عساف يدخل من برى وهو يناظرني مثل اللي مســــــوي جريمـــــه وخايف تنكشف ...
ياربي وش اللي جالس يصير ...
كان التعب هاد جسمــي وماني قادره اسند طــولي .. شكله لاحظ وضعي ومسكنـــــــي يبغاني ادخل
عساف :تعالي أجلس وش موقفك هنااا
ضحى :عساف تكفى قلي وش اللي صاير ..
عساف :ضحى والله مأدري وش تقصدين تعالي بس أدخلي داخل ..
نفضت يده عني .. وقلت بقهــــــر ..
ضحى :أتركنــــــي وتنهدت بألم :ياربي متى برتاح أنا بس ..
شوي وطلع مالك من المجلس ونوف وراه تسب بالكلام مأدري وش تقول ..
بس مر من جنبي مالك قال ..
مالك :المفروض تحمدون ربكم أن خلف فكر يأخذ وحده منكن بس منتو وجه خير...
وطلع .. كلمته استنزف الباقي من قوتي حسيت اني بطيح على الأرض ... بس عسا ف مسكني
سألته وأنا ماني قادره اتحمل اللآم اللي تراكمت علي
ضحى :وش يقصد ...
عساف :خلف تزوج مشاعل ....



((4))


[ ..آسف لأني خذلتك سيدتي ..]



عساف


كنت انطق الكــــلام وأنا اشوف نهاية الصفا اللي انولد اليوم بينا ..وهي تناظرني وكأن كل ألم العالم فيهــــــــا .. وكل خيبات الدنيا تراكمت عليهااا ... ليش ياربي يصيـــــر معي كذا .... ماقصدت أخونك والله ياحياتي ماقصدت ... بس خلف صاحبـــــــي ... كنت بين ناريين .. وهذي وحده منهم تحرقنـــــــــــي ...
ألف كلمة أعتذار ماراح تكفيهـــــــااااا .. هذي ضحـــــــى وياويلي من هالضحــــــى ...
ابعدت يديني عنها وراحت تسحب رجولهااا للبيت ...
وأنا بداخلي اتحسب والعن بمالك اللي ورطنــــــي هالورطــه الله ليربحك ياولد مبارك عساك لقرادة الحظ مثل ماقردتنـــــــــي ...
وبعدين مع هالحظ النحس انا وش دخلني بخلف ومالك وش اللي بلاني بكل هالموضوع .......




((5))



[ ..لا أريد ان أفقـدكـ ..]




ضحى


الألم اللي أحسه اسفل بطنـــــي افقدني أي مشاعر استياء كان ممكن أحس فيـــــها ...
ماني قادره اغضب على عساف ... ولا أشفق على مشاعل وانعــــــي حظهـــااا ..
كنت متألمه حد اللا سيطره مو قادرة اتماسك .. وغير الألم فكره وحده مسيطره علي بولد قبل شهــري وبالشهر الثامن ...
وأنا عارفه جداً وش معنـــــي الولادة بالثامـــن ... حريم عايلتنا اللي تولد بالثامن دايم تفقد جنينهـــا .....
بس شخص واحد ولدته أمه بالثامن ومامات وسط عايلتنا ... ولد جدتي .. ابوي ... مبــــــــارك
... كنت أتألم من هاللحضه لفقدانه ...
طفلي اللي تعبــت فيه اقسى تعب وشفت المــوت وأنا حاملتـــه بفقده ...
بس ألمي الجسمــــي سيطر علي ونساني ألم الخساره ...
صرخت باللي حولي :بوووووولد ..



[ .. سأنقذكـ ..]


وعد


كانت ضحى تصرخ بولد وكل خواتي واقفات مايدرن وش يسوووون ... بس أنا كنت اعرف وش المطلوب مني
ركضت برى للحوش وماكان احد فيه اول مافتحت الباب ... كانت سيارة عسااف تتحرك لحقته وأنا اصرخ وابكي ... وووووووووقف الله يخليك ووقف بس ماكان يسمعني ركضت وراه لين طحت على ركبي وأنا ابكي تكفــــــى وقـــــف ...
آآآه ياربي وش اسوي ... كنت اسمع صراخ ضحى وهي تتألم بأذنـــي رجعت للبيت اركض مثل المجنونه مأدري وش اسوي ...
ايه تاكسي ... اخذ تاكسي بروح أجيب بس المسافه طويله طويله مررررررره ... فجأة شفت سيارة وجلست اقفز قدامـــهاااا بوقفها لازم يوقف لااازم .. ولا ضحى بتموت ...



[ .. دئماً المنقذ ..]


بصعوبه قدر يسيطر على السيــــارة ولاكانت بتدعس المجنونه .... نزل معصب عليها بيذبحـــها من غبائها وش طلعها بوجهه بهــــاليوم ...
بس بكائها المفجـــع وقفه عن اللي كان بيسويه .. كانت تطلب منه يجي يأخذ اختهااا للمستشفى قبل لاااااتمـــووت ..
تكلمه وتسحبــــــه معهااا للبيت ... بيسكتهااا بيقولهاااا طيب بيركب سيارته بس ماهي معطيته فرصته ببكائهاااا وكلامها اللي مو راضي يوقف ...
صرخ عليها :طيب خلاااص بجي بس بجيب السيارة ... طلعوا أختكم بسرعــــــه ...
وركب سيارته وحركهاا قدام بيتهــــــم .. يومه طويل طويل جداً ماهو ناقص يكمله بالمستشفـــى اللي ماطلع اليوم منه .. بيوصلهم عند البوابه ويتركــــهم زين منه انه فكر يساعــدهم..
بعد انتظار عشر دقايق اطلعن اربع حريم سود ووعــــد اللي ركبت قدام وطلبت منه يحرك بسرعه وخواتها للحين ماركبن ... بعد ماركبن ضحى بصعــوبه ركبن بس ثنتين ووحده رجـــعت للبيت ...
فهـــم أخيراً وش سالفة شكــل ضحى بتولد ...هو يعرف أنها حامل بس كيف عرف ماهو متذكــــــر ...
حرك السيارة بسرعه وماحس بنفسه الا يوقفها قدام المستشفى ... رجع راسه على ورى منهـــــك يوميــــن مااانااام قمة الأرهااااق اللي يمـــر فيه .. اول مانزلوا كل اللي بالسياره حرك وللشقـــته حتى بيتهم اللي كان رايح له عشان يشوف أبوه مارجع لــه لأنه خلاااص مو قادر يستحمــل أكثــر الأرهاااق اللي يحس فيـــــه ... بس يبغى فراشه بيريح راســــه من كل الهم والتفكـــير ...
كان يصعد الدرج بتعب ويحس الأرض طرية تحت رجوله والمسافه طـــويلة .. حاول يطلع بالمصعد بس كان خربان هو حاله كذا من سكنو هالعماره مصعدها يوم شغال وعشره خرباااان ...
جلس قدام الباب دقايق على بال مأستوعب انه عشان يدخل محتاااج مفتااااح .. وعلى مابال طلع المفتــاح وفتح باب الشقــــه كان خلااص استنزف كل قواه ... كان جسمه مخدر ورجوله يصعب عليـهــا المشــي دخل وقفله الباب بقوه وتكـــــىء عليــــــه ... شافها واقف تناظر فيه بصدمــه وشكلها كأنه طالعه من قبــــر ...
بس عقله كان خلااص مقفل الأمور اللي يستوعبها أمرين بس تعبــان ويبغـــــى يناااام ...
سحب رجـــوله لين وصل الغرفه ورمــى نفسه على الســـرير ومايحتاااج يفكر أنه راح بأخر نومـــــه ...







[ .. وكانت المفاجئه ..]



سارا




ياويلي شفتــه بعيونــي والله بعيــوني شفته يترنح سكــران ... ياويلــــي هذا من تريقتــي على كايد طلع زوجي هو السكــــيررر .. زوووجي مالت بس على حظــي الغبــي وش فرقة لو كان سكير يعني مو كفايه أنه الوحـــــش ...
حسبي الله عليه اللحين لي يومين طايح قلبـــي مأدري وينه واخر شــي يرجع سكــــران الحمدلله أني ماتعبت نفسي بالتفكيـــر فيه لأنه مايستاهل ...
سحبت عشاي اللي كنت توي منزلتـــه وعدلت جلستي عشان أقدر اشوف التلفزيون وأكل بنفــــس الوقــــت ...
اللحين فيه فلـــــــم فله رعببب ياااي لو ملاااك والبنات معي كان الفلم جنااااان ..
بدأ الفلـــــم وكنت متحمــــسه حدي لما انتصف الفيلم وانتصفت الأثاره ... جاء موقف خلاني اصرخ من أعماق أعماق قلبــــي ... حسيت قلبي طلع من مكان ... كنت موووت خايفه اصلاً اناااا خواااااافه ودايم استمتع بأفلام رعب لأني خواتي معي بس أنا للحين لحااالي ... ماقدرت أكمله قفلت التلفزيون وركضت للغرفة اللي فيها الوحش فرشت لي فراش على الأرض ونمــــــت اهم شي أحس معي شخص بنفس الغرفه لوكان هالشخص بحد ذاته وحـــش ... بس وحش تشوفه ولااا عشره مستخبين لك ...
أول مأذن الفجــر كنت صاحيه بسرعه شبعت نوم لأني كنت طول اليوم نايمه اصلاً ماعندي شي أسويه غيــر
أنام ....
لما اذن الفجـــر بعدين أقام ... كنت أفكر اصحـــي قيس أو لاا ... بس لا مالي شغـــل فيه ...أخاف منه ... مع أنه حرام مأصحيه .... بس اقنعت نفسي باللي اسويه وغطيت راسي ونمــت بس والله تعذيب الضمير ماخلاني أنام كلش ولا العبادة .. ماقدرت أنام لين حسيت فيه يصحى ويطلع للحمـــام .. أرتاح قلبي ورجعت أنام ...





[ ..سيبقى الهم رفيقي .. ]

ميشو




الوضع متأزم جداً ... وولادة ضحـى متعســــره ... يالها من ليلة طــويله صعبـه مليئة بالخــوف المـــــرعب ...
سؤال وعد الذي لم تنفك طول الليل تردده يصيبنــــــي بالرعب ماذا لو لم تنجــو ضحـــــى ..؟
ماذا سيحـل بنا من بعدهــــــاااا ...
يألهي أرجـــوك نجهااا .. هي بأمس الحاجه إليك ... يارب سااااعدهـــا ...
يألهي لأريد ان افقد ضحــــــى ..
بعد أنتظار طويل خرجت إلينا الطبيبه تخبرنااا أنهم سيقومون بتوليدها قيصرياً ...
شعـرت بخوف شديد أنا لأفهم بهذه الأمـــور وليس لدي خبرة سابقه ولم أجرب ان يمر شخص قريب
لي بهذا الوضع ....
ولكن تاريخ ضحى مع هذا الحمل أخبرني أن الأمور لاتجري كما هو مطلـــــوب ... وهذة العملية لم تجرى لهاااا الا لأن حالتها سيئة ...
طلبت من وعد التي جعلت كتفي لها وسادة أن تبعد راسهااا عن كتفي او لتتحمل ماسيحل برأسهاااا ...
ابتعدت بسرعه والفزع يسيطر عليــها ...
وعد :وش صار ..
يألهي ماأقساني لم أكن اعلم أنها نائمـــه ...
هذا ليس وقت الحنان على وعد يجب أن اجري هذا الأتصال بسرعه ... ابتعدت قليلاً عن شوق ووعد لأعلم لماذا لأريدهن ان يعلمن اني ساستنجد بـ عساف من ماذا أخاف وخاصـــه أمام شوق المسالمه ووعــد التي لم تعرف بعد الدنيـــااا ...
ربما هو هروب من نفســــــي ومن ضحــى الذي اراها تراقبنــي بعيني شوق ووعـــد ...
أخرجت هاتف ضحى من شنطتي بحثت بسرعه عن رقم عساف ولكني لم أجد اي رقم بأسمه ...
يألهي هل تحفظه ضحى بلقب ماااا ...
وماذا لو كان محفوظ على هيئة رقم فقط ... وماذا لو كان محفوظ بأسم والد شدن ...
بحثت بسرعه وكما توقعت وجدته محفوظ بأسم ابوشدن ...
اتصلت بسرعه فيه ورد بنفس السرعه رغم تأخـــر الوقت... قلت له ماعنـــــدي ... ولم انتظر الرد منــــه ...




[ .. لكـِ دعواتي ..]


ملاك




من طلعت ضحــى للمستشفى وأنا ماوقفت دعاء لهااا ... ياربي تســــــتر ... طلع الصبح وللحين ماجانا خبر عنهااا .. والله بتجنني نوف وصياحــــهاااا.. شدن ونوره ماسوو مثلهــــا .. وتتهمنــي أني مو مهتمه للضحــــــى .. بس ماراح أرد عليها لأنها بزر وزعــلانه على ضحــى .. لوقايله هالكلام وقت ثاني كان حاسبتها ...
ياءالله حنا بأيش وانا جالسه افكر بأيـــش ...
يارب سهل على ضحى ولادتها يااارب ..



[ .. هل حان الفراق ..]


عساف




كنت طــول الليل عيني على شاشة جــوالي أبغى اتصل عليهــا ومتردد لأني عارف أنها ماراح ترد علي
بس مأدري المره هذي بالذات ماكاااان ودي اتصل وأنصدم بعدم ردهااا اللي واثق منـــــه ..
لين فجأه مثل الحلــــــم مر اسمها على الشاشــــــه ...
كانت اصابعي تتسابق للضغط زر الرد .... ولساني قال الووو قبل ماينفتح الخط ....
بس صوت ثاني هو اللي وصلنـــــــــي ... بس غصب عنــي نطقت أسمها ...
عساف :ضحى ...
ميشــو :كلااا ... ضحى بغرفة العمليات ولادتها متعــــــسره ... أرجوك لاتخذلهــا تعااال هي بأمس الحاجه إليك ..
كذا بكل سهــــــوله بغرفة العمليات حتى ماقالت وش فيهــا ... طلعت أركض وانا ماني حاس بنفسي وصلت سيارتي وبعدها تذكرت اني طالع بدون مفاتيح سيارتي ولاحتى جوال وقفلت على نفسي باب الشارع ..... يارررربي ... قربت السيارة من السورة وتسلقته ونطيب بالحوش ... وباب البيت الداخلي مفتوح دخلت بسرعه لبست ثوبي واخذت المفاتيح والجوال .... ورجعت ركض للسيارة ....
اول ماحركت السيارة وانتظم تنفسي اللي احسه ينافس دقات قلبي بقوته ......... بديت افكر ... معقــول بفقدهـــا ...يوم اتذكر أخر موقف لي معهاااا اليوم يعصـر الألم قلبــــي ....
ياربي وش اللي سويته فيهــاااا .. مو كفايه عذبتهاااا معـــــي من سنين رجعت اللحين واسقيتها من نفس الكأس ....
يارب احفظها لــــــي ....


[ .. متى توقف الوقت ..]


ميشو



يألهي مأطول الدقائق ... مابالها ساعتي هل توقفت ام عيناي باتت لاتفرق بين الدقائق ...
لم أعد احتمل التفكير بذكرياااتي مع ضحى لما مخي يستعيدها من سمح له لاحاجه لي بأستعادت الذكريات ضحى مازالت موجوده ومواقفنا معاً لن تنتهــــي ... أرجوك ايها المجنون تــوقف لما تكفن ضحـــى قبل موتهـــــااا ...
وعد ياصغيرتي عودي لنوم لما تصحين مفزوعه لتعاودي البكااء ....
أحتضنت وعد التي صحت مفزوعه من ثواني كمااا كررت هذه الفعله طوال الليل .... تنام قليلاً ثم تصحى فزعه وتبكــي ... ونتناوب انا وشوق على تهدأتهاااا ....
لأعلم لما احضرنااها معنــا فوجودهاااا كان مصدر أزعاج لنا فقط .... لو كانت بالمنزل لنامت مرتاحة البال وجودهااا بقرب الحدث يوترها أكثــر .. وللأسف معــــرفتهاااا بتفاصيل مايحدث مع ضحى لاتساعدهااا كثيــراً ...
خرجت إلينا طبيبه تحمل لنا خبـر السـيء ضحى باتت محتاااجه للدم فقد فقدت الكثـير منه ..... لديهم الدم المناسب لفصيلتها ولكنهااا فقط تخبـــرنااا بتفاصيل مايحدث مع ضحـــى ...
يألهي لمااا باتت الأمور معقـــده ... لم أعد واثقه من نجاة ضحــى وطفلهــــــااا ...
بت أفكر ربما نفقدهمااا ....
ماذا سيحدث عندهااا ... لأستطيع التفكير بحياة لن تكون ضحى فيهـــــااا ...
أنتهت العمليـــــــة ... ولكن ضحى لما تنتهي معاناتها مازالت بخطـــر والطفل كذالك ....
منظر عسااف الحزين يؤلمنـــي ... فهو يتصرف بدون شعور تاره يجلس مفترشاً الأرض بكل أسى غير مباالي بمنظره ... وتاره يتمتم بأسم ضحى ... والماضــي .. وعبارات أخرى لايصلني بعضها .. ومايصلني منهااا غيـر مفهـــــــوم ...
هل تعلم ضحـــى بمقدار عشقه لهاااااا .... ماذا لو رأته على هذا المظهـــررر .... أنا لأصدق فكيف هـــي ..؟َ!
هي بالذات اللي تذوقت منه ألوان الخذلان ....
ولكنه قد تغيــر بالتأكيد لاحظت ضحى ذالك ...
ماذا لو كان تغيره وليد اللحظه يألهــــــي أرجو ان لايكون بعد فوات الأوان .....
أريد ان تعيش ضحى بسعاااده ..... لأتصور أنها قد تفارق الدنياااا وهي لم تذق منها سوء الألم والتعاسه والظلم ....
أشعر بالأختناق لم أعد قادره على التنفس وكأن جدران المستشفى تطبق علي ... ابتعدت بسيري بعيداً عن شوق اللي تحتضن وعد وغارقه بدومــوعهااا ... وعساف الذي يفترش الأرض ويرثي حبه ...
... ولكني لم ابتعد كثيراً لأن ملاك ونوف فاجئتاني امام المصعد ...



[ ..عدت لأكـون ..]

ملاك




مأدري كيف نمت صحيت والنور طالع ... ياررربي أكيد البنااات أتصلوا وانا نايمه ....
ناديت على هند بس شكلهااا للحين نايمه ماصحت ...
ياربي لازم اسوي شــي كيف بعرف اللحين وش صار على ضحــــــي ...
ياربي بنجن قسم بنجن ....
طلعت لغرفة هند وصحيتها غصب ..
هند :ااوووف انتي وش تبغين خليني نايمه
ملااك :انتي وش البرود اللي فيك ضحى لهااا ساعااات طالعه للمستشفى وللحين البنات ماطمنوناا يعني يمكن صاير فيها شي وانتي راقده بكل برود ..
هند :يعني وش تبغين أسوي اذبح نفســي ... خلاص لاصار شي بيدقون .. بعدين هم اللي مادقوا يعني الغلط عليهم انا بس نمت لأني مافيه بيدي شـي اسويه ..
صرخت عليهااا اولله خاطري اذبحها الثلجه هذي ..
ملااك :أسمعي انا بأخذ نوف وبنأخذ تاكسي وبنروح للمستشفى لأني مو قادره اصبر وانتي ياويلك لو نمتي خليك صاحيه عند شدن ونورا
هند :لاااه كلكم تروحون وان أجلس مع البزران ....
ملاك :هيي انتي حنا مو رايحين كشته بنروح المستشفى نتطمن على أختك يازلابه ...
هند:طيب ياحبكم لتهزيأي
ياربي يالناس والله رايقه ...
نزلت لتحت بعد مأخذت عبايتي ومريت على غرفة وعد ونوف مالقيت نوف وين راحت الغبيــــــــه ...
دورتها تحت مالقيتها طلعت للحوش لقيتها جالسه على الدرج وتحذف حصى ...
ملاااك :قومي يالله بنروح المستشفى ...
نوف :من بيوديناااا
ملاااك :تاكسي من يعني
نوف :لا الصبح اخاف خلينا ندق على سفر
ملاك :اللحين امس عاله كبدي مانمتي .. واللحين خايفه تروحيـــــن ...
نوف :والله ابغى اروح بس وش بنستفيد لو انخطفنا او صار لنــا شـي ... خلينا بالبيت وهم اكيد بيتصلون يخبروناااا..
ياحب هالبنت للحركات الأفلام والمسـلسلات ... لبست عبايتي وقلت لها ..
ملااك :اسمعي انا بروح بتجين تعالي او احسن انثبري بالبيت ....
نوف :لاا تبغيني اخليك تروحين لحالك لاحبيبتي رجلي على رجلك
اخاف تنخطفين وكلي شي يطيح على راسي ... بس انتظري اجيب عباتي وأجي ......
ماصدقت لما وقف التاكسي قدام المستشفى كنااا انا ونوف نتسابق على النزول ....
سألنا الريسبشن وعلمونا أنها بالعنايه الفائقه ...
نوف :ليش حاطينها هناك وش فيها ... ملاك ضحى ماراح تموت صح ...
أنا ابغى اعرف جواب هالسؤال أكثر منك يانوف .....
ملاك :مأدري اللحين نــــشوف مشاعل وشوق ويقولون لنا وش صـــــار ...
طلعنا من المصعد ... وجهنااا بوجـــــه مشاااعل ...
ملاك :مشاعل ضحى وش فيهااا ليه بالعناية ..
مشاعل :لقد أجرت عملية ستكون بخيــر .. لماذا اتيتم ..؟!
نوف :بنشوف ضحى انتي ماعلمتوناااا بالشي ولاكان فيه احد بالبيت جالسه على أعصـــابه ...
مشاعل :حسناً .. سأنتظركم بالأسفل يجب ان نعود جميعاً الى المنزل أحضروا وعد وشوق ...
ملاك :انا ماظربت مشوار عشان أرجع للبيت لازم اشوف ضحـى واجلس عندها
مشاعل :لن تستطيعي ياعزيزتي غير مسموح بذالك ...
طنشت مشاعل ورحت للمكان اللي جالسين فيـــه شوق ووعد ...
ملاك :وين ضحى ...
شوق :موهنا نقولها للعناية ... ماتقدرين تدخلين ...
وعد :انا برجع للبيت تعبـــــت ...
ملاك :طيب ارجعوا بكيفكم انا بجلس هنا انتظر أي شـي عن ضحى ....
نوف :وأنا بجلس معك ...
شوق :طيب خبرونا لو صار شـــي ...
مأدري حسيت من هدوئهم براحة بس لحظه ماقالوا شي وش جابت ضحى ولد او بنت ... ليكون الجنين صار له شـي ...

يتبــــع...

[ .. لتفرحي قليلاً .. ]


سارا




اوووف وش فيه هالأنسان ليه مايصحــــي مايحـــس ياربي مافيني على تعذيب الضمير اصحى عساك المــوت ...
الله يقلعك اصحى ...
كنت جالسه على طرف الســرير اللي قيس معطيه ظهــــره وكل شـوي أطل على وجهه اشوف صحى او لااا ..
ياربي بيطلع وقت الصلاة وهو ماصحــــى مايكفي صلاة الظهر ماصلاااهاااا ...
ياويلي من ربي ياويلـــي انا عنده وماصحيته .. الظهر كنت نايمه بس اللحيـــــن وش عذري ...
هوووو قيسوووه السكـــــرااان قوم صــل .. استغفرالله أكيد من البلاوي اللي شاربهـــــا ماهو قادر يصحى .. حسبي الله عليـــــــه الوحش السكيـــر ...
ووسط عصبيتي نسيت نفســـــي .. هزيت كتفه بقوه وأنا اصرخ ...
سارا :قيسوووووه قووووووووم صـــــــــــلي ...
ياويلي وش ســـــويت اكيد بيصحى اللحين ويذبحنـــي .. المفروض اهرب منه بس انا مأدري وش اللي حصل معي وماقدرت اتحرك من مكاااني ... هو بعد صرختي واضح انه صحى بس مافااق جلس على السرير يد ساند فيها نفسه على السرير واليد الثانيه مغطي فيها عيـــــونه ...
صرخ في :قفلي الستـــــاره ياحماااره ...
نطيت من محلي وقفلت الستــاره اللي كنت فاتحتهااا وأنا اصحــي فيــــه ....
نادانــــي :تعااالي هنااا ..
انهبلت ياربي وش بيســــوي فينــي ليكون لحد اللحين سكـــــــرآن ...
وبنظرة وحده قدرت المسافه بيني وبينه وبيني وبين الباب ... ولقيت أن فيــــه أمل أهـــرب ... وبدون تفكيركنت اركض برى الغرفه ....
ياربي وش هالأنسان بيظربني بس عشان صحيته يصلي متخلف سكير متوحــــــــش ....
انشغلت بالمطبخ ونسيت الوحش واللي قاله لي ماحسيــــــت الا داخلــــي علي ...
لبس ثوب والشماغ على كتفــه والعقال بيده يلعب فيه ...
قيس :سويلي قهــوه وتعااالي ...
سويت القهوه وأنا اهــوجس وش اللي صــار أسأله وين كان مختفـــي أو اسكت أحسن لــــي ... أكيد مختفي يشرب ويسكــــر ولو سألته ماراح يجاوبني بالصدق ..
بعد ماخلصت القهــوه أخذتها له ... صرخ فينـــــي ...
قيس :وين التمررر ...
سارا :لاااتصرخ علي خلص وأنت اللي أكلته مو أنا لأني مأكله ولاأحبه ...
قيس :طيب انثبري واسمعيني ...
يالناس لشفته صاحي اتندم ليه ماستغليت الفرصه وهو نايم وقتلته وقطعته حتت ورميت كل حته بزباله الله يكرمكم ...
ياليت قلبي قـوي وأقدر اسويهــــــاااا ... واريح العالم من شـــــره ... بس العالم وش دخلهم اصلاً ماأحد متأذي منه غيري ... ومافيه احد كثري بيفرح بموته للأسف ...
قيس :تسمعـــــين وش أقولك ...
سارا :لاااا
قيس :لأنك صمخاااا وأنا الغلط اللي جالس أكلمـك ... قومي ألبسي عباتك وافهمك بالسياره ...
وصرخ بقوه :تحررررررركي ...
ياربي وأخيراً بطلع ماني مصدقه بس لحضه وين بيوديني هذا ..؟!
يعني وين بيودني أكثر خطر بالعالم أني أكون معه وهذا أنا معه ...
يعني لو يرمينــي بصحراء مظلمه أخر الليل ماراح يكون مخيف مثل وجودي معه ...
لبست عباتي وأخذتي شنطتي اللي فيهــــــا الجوال اللي سرقته منه واللي فاضي مافيه شحن بس قلت يمكن احتاجه ...
ركبنا السيارة وطــول الطريق جالسه اقراء الأذكار وكل الأدعيه اللي تطري على بالي ... خااايفه مـــــووت
وين مـوديني هذي يمكن بيرميني بدار للعجــــزه او مستشفى مجانين أو السجن أو أي مكااااان ...
افكار ومخاوف طفوليه بس والله كنت افكر فيهــا بكل جديه ...
لدرجة اني غمضت عيوني مأبغى أشوف مخاوف تتحقق قدامي عيوني اول ماوقفت سـياره حسيت قلبي ووقف عن الدق ...
سمعت يطلب مني أنزل بس والله لو يموووت مانزلته صرخت
سارا :ماأبغى أنزل ...أنزل أنت ...
قيس :لو ابغى انزل لحالي مأخذتك معي أنزلي بدون زيادة لغي ...
من صرخته نزلت حتى بدون مأفتح عيوني بعدين تذكــــرت وفتحت عيـــــوني ...
مووول .. وش نسوي عنده ...؟!
بس الأخ ماعطاني فرصه سحبنــي معه للمــــــول ...
الف علامة استفهـــــام على راســي ليش جايبني هناااا ... هنا مو مكاني ليكون بيضيعني هنا ويروح يخليني يحسبني دجاجه ماأعرف أروح لخـــــواتي ... مسكين ماعرف سارا زيــن نفخة روحي ومشيت بكل ثقـــه ... كان سابقني بالمشـــي يبغاني أمشي وراه بكل ذل بس هين أوريك حنا بمكان عام يعني مايقدر يسوي لي شــي ...
ساويت مشيتي مع مشيته وجلست أتفرج ... بعد مامشينا شي ربع ساعه وأنا ماني عارفه وش المطلوب مني ... بس أجاري مشيته واذا مشى مشيت ولو وقف وقفت معــــه ... وشكله محتاار بس تصدقـــون شكله يضحك ...
بس لو اعرف وش سالفته عشان اضحك زياااده ...هههههههههههه ..
وطبيعي مافكرت اسأله وطبيعي أكثرهو مافكر يقولــــي ...
فجأه لف علــي وكأن عنده موضوع مهم ويبغى يشغلني عنـــه عشان كذا قال ...
قيس :أدخلي هنا وأشتري اللي تبغيـــن ...
ناظرت فيه ببلااهه ... واشرت بأصبعــــــي على المحل وقلت
سارا:هذا ...
هز راسه بقوه بأيه وهو يحط ايديه بجيوبه ....
قيس :هنا او أي محل ...
طالعته بعدم تصديق ... وطالعت بالمحـــــل وقبل مايغير رايه مشيت للمحـــل بسرعه دخلت وفينــي ضحكــــه ...
والله يوم سعدك ياسارا ... أجل أدخلي المحل واشتري اللي تبغـــين ماأتوقع بيكون بالمحل شي ماأبغــاه ...
مسكت ضحكه شريره قبل ماتطلع منــــــي ...
واول ماطاحت عيني على الملابــــس بديت أنسـى كل شـــــــي ...
غير كلمته اشتري اللي تبغــــــين ...

ويمكن هي بعد نسيتها
بس تبغــون اللحق لقيت اشياء كثيره ماأعجبتني ومابغيتهــا يعني مو مثل ماتوقعت ان كل اللي بالمحل بكون ابغاه ....
بس كل اللي بغيته أخذته ...
لفيت لقيته وراي وماسك سلتي اللي جمعت فيـــــه ملابســــي ....
ادري بداخله يقـــــول مفجـــوعه بنت فقـــــــر وماشافت خيــر أو أي شــي ثاني بس مــــو مهم ....
والله وطحت بيدي ياقيـــــسوه ... تصدقون كنت خايفه يرميهم بوجهـــي أو يهزأني ويقول صدقتي نفسك يابنت الفقــــــر .. بس ماعلق ولاقال أي كلمـــــه طلعنا من المحــل .. شكل الأخ يحسبنا خلصنا لاحبيبي تونا ببداية السهـــره ...هع هع ...
تقدمت عليه بالمشيه ودخلت أول محل كان بوجهـــــــي ... بس هالمـره تشريت بميزاج وجلست اتفنن وأطلب ألوان من الموديلات اللي تعجبني مأخذ اللي قدامــــي وبس ...
المحل اللي بعده كان للجزمـــات ... عاد تعرفوني متعوده على السبورت والواطي ... وتقريباً أو شبه .. كل السبورت والواطي اللي عندهم كله أعجبنـــــي بس خفت يفشلني هالمـره ... قلت بأخذ أغلب اللي أعجبونــــي..
لماخلصت فكــــرت أخذ صنادل كعب ...اممم اذكر لما رحناااا مع ضحى لبيت يسرا الشينه لبست كعب وطلعني حلوه اصلاً كلي على بعضي حلــوه بس ذيك المـره يعني كنت غيــر ..
أخذت كم واحد اعجبنــــــي ...
لفيت عليه كان سرحــــان هزيت مع يده لين انتبهنـي اخاف أكلمه يصارخ علـي وأتفشـــــــل ...
وبكل ثقه قلت له ...
سارا :خلصت يالله حاسب .....


[ ..بماذا تفكر ..]



تكونت عنده الفكره بطــريقه طفـــوليه .... هو ناوي يوديهـــااا لأهلهااا وخصوصاً أن أختها مريضه ولازم تشـوفهااااا ... مايبغى يحرمها من أهلهااا ... لأنه يخاف ينحــرم من أمه .... بعد موت كايد صار فقد الأحباب كابوس يخاف منــــــه ... وقبل يوديهاااا لأهلها فكر يأخذها تتســـــــوق .... ولسبب غبـي جداً .... عشان يوصل عن طريقها لشوشو كيف لوأنهااا مكــــان سارا كيف بتكون مبسـوطـــه ....
لكن بنت الفقــــــر ماصدقت تحسبه جااايبهــا عشان سواد عيـــونهاااا وشالت كل اللي بالســـوق .... فالبدايه حس أنها فعلاً تشتري أشياء تحتاجها ... بعدين حس أنها تشتري لمجرد أنها كانت محرومه .... بعدين فهمهـــا صح
قصدهاااا تخســـــره .... خصوصاً بأخر محل ... وابتسامة الخبث اللي مافته ولاقدرت لثمتها الشفافه تخبيهـــا وعيونها طبعاً قمة البراءه ومليانه خـــوف هذي دكتوراة بتمثيل ......
طلع من المحل وهو محمل بالأكياس وهي وراه بكيس بكل يد .....
كان مقهــور منها ومفـــوررر ... ماكان ناقصه الشخص اللي اصتدم فيــــــه ...
قيس :وعمى أن شاءالله .... رفع عينه لشخص اللي قدامه وللي للأسف ماكان حتى يناظر بنتايج بلاهته ....
زفه بكل قوته على صدره وبقهـــر لأنه فهم ليش صدم فيه بدون مايشوفه لأن كل تركيزه كان على سارا وعيون سارا ووجــه سارا :وش تناظر فيه هاااه ...
الرجال ببلاهه وهو يناظر بقيس وأكياس قيس اللي تحت رجوله :هلاا ... آسف ياأخوي ... ونزل يشيل له الأكياس ...
رجع قيس يزفه مع كتوفه :أنقلع بس من وجهـــــي ...
ونزل شال أكياسه ومشــى وهو مقــــهور ... ماصدق يركبون الســــيارة ...
قيس :ليش فاتحه وجهك يامتخلفه ...
سارا :مافتحته مغطيته ...

قيس :لا والله مغطيته وعيونك اللي طالعه هذي وش هــــي ..
سارا بغباء :عيون وش هي بعـــــــد ...
قيس بقهر :تستهبلين أنتي ...لافه طرف الطرحه على نص وجهك وتقولين مغطي وجهي
سارا :انا دايم اسوي كذا حتى ضحى ماقالت لي شـــــي بعدين زين اني ماكشفت وجهي كله لأني ماأحب أحط على وجهي شـــــي وأنا حره ....
قيس :لاااا مانتي حـــــره ... حره هذي قبــــــــل يوم اللي مسئوله عنك حرمه مثلك ... بس دامك معي تمشين وتطلعين معي والكل يعرف أنك مــــرتي ماتطلعين الا متغطيه من راسك لرجــــولك وبصرخه :ساااااامعه ...
واتمنى تعاندين عشــــان تشوفين مــوتك علي يدي .......
والله الفكــــره ماهي سيئه لو تمـــــوت بسهوله يتزوج أخت أرملته ..... كان زين والله يقدر يذبحهــــــااا ...
وتسهل كل أمــــوره ...



[ .. أنا هنا ياأناني .. ]


سارا




مالت على وجهه الغبــــــي خرب علي فرحتي بالتسوق العالمي اللي سويته ... بس ماخربت مره ... لأن هذي من أهون الخناقات اللي صـارت بيننا ... وبعدين أنا كلمتين من واحد خايس مثله ماتخرب علي ميزاجــــــي ..
لفيت اطالع من الدريشه وأنا مبسوطه خخخخ وأخيراً شفت الشااارع .... اوما يوم طلعت كنت متوقعه يرميني بدار العجزه او مستشفى المجانين الله يرجني طلعت موسوسه بقــوه ....
حرام حرمت نفسي التفرج على الشوارع صدق أني هبلااا يبغالي اعوض اللحين لأني اكيد برجع انسجن بالشقــــه ...
وقف قدام الدكان ونزل ... اول مانزل حاولت افتح الدرج اللي قدامي بس مافتح ... تصدقون من ركبت السياره ودي أفتحه بس خايفــــه منه ... واللحين يوم نزل الدرج مأنفتح مالت عليه ... دقايق وركب... رمى علي كيسه فيها علبتين مويا وحلاوة مصاص يستهبل هذا .... وهو حاط سيجاره بفمه ومعاااه بكت سجاير ....
قال بعد ماولع سيجارته وحرك السياره ...
قيس :افتحيلي المويااا ...
سارا:معك يد ...
قيس بقهــر :ياحيوانه افتحيه لأفتح راسك بهذا واشر بجواله اللي بيده ....
فتح له المويا وأنا ادعي انه سم على قلبـــــه ... وجعله للعطش الدايم ...
سمعته يكلم أخوه جابر ويسأله عن أمه ... صح وش صار على عمليتهاااااا ... ياربي أنا كيف نسيت ... اووووووف ياربي كيف بعرف ... اللحين هذا لو سألته ماضمن انه بيجاوبني يمكن يتريق علي او يسفهني او حتي ممكن يظربني ....
طول بالمكالمه حشى ماخلى أحد من أهله الا وسأل عنـــــــه حتى عيال منيره يسأل عنهم واحد واحد كل هذا أهتمــام ماشاءالله وأنا حارمني من خواتي الملـع ** ... ان شاءالله تنحرم من شوفة أهلك يالحقـــــير ...وكعادتي لحسيت بالقهــر وبكل تهور رفعت الكيسه اللي فيها علبة المويااا الثانيه وظربته فيها على بطنـــــــــــه بكل غباء ..مأدري كيف نسيت انه هو اللي يسوق وأنا بالسياره وبسبب تهوري كان ممكن يصير حادث واموت انا وياااه ....

&

قيس

كان يكلم جابر وبذيك اللحضه جالس يشرح له حالة منير اللي من سمع عن غيبوبة أمه وبعد ماصحى من الأغماءة اللي صابته صار مايتكـــــلم ....
وكان تركيزه متشتت بينه وبين الطـــريق ... الظربه اللي جته على بطنه مهما كان مصدرها كانت بتسبب كارثه ... لأنه تحت وقع المفاجئه والألم القوي كان بيفقد السيطره على السياره لولا لطف الله ....
بعد ماسيطر على السيارة لف على الشخص اللي معه بالسيارة وللي للأسف كان السبب بكل هالمصيبــــــه ...
قيس :غبيه انتي غبيـــــــــــه .. كنتي بتسببين بحادث لناااا والله العاالم كم سياره بعد كانت بتررروح بسبب غبائك ... انتي مجنونه ولاوش مشكلتك يابنت النااااااااااااااااس ....
حسبي الله عليك بتجننيني معـــــــك ...
ماوقف تلعـين وسب .. لين وصل الشقه ... نزلهااا وعطاها مفتاح لشقه عشان تطلع لأنه لو طلع معهااا اكيد بيذبحهـــااا ...
رد على جابر اللي من قطع المكالمه معه وهو ماوقف دق ...
قيس بعصبيه :خيررر وش عندك انت بعد
جابر :انت اللي وش فيك ليه صرخت ... وش صار لايكون مسوي حاااادث
قيس :لاااسويت حادث ولاشـي بس طس عنـــــــــــــــي ... اللحين أنا جاايك لاتحرك من المستشفى لين أوصلك ...



[ .. وانتقم الوحـــــش ..]



سارا



ماصدقت قدرت اوصل للشقه وأنا حامله كل الأكياس بدون مااطيح شــي ... طيحتهم على السرير ورميت نفسـي فووووووقهم .. وصرخت بمرح
سارا:هياااااااااااا ...
اللي سويته اليوم أنجااااز لــــي من عرفت الوحش .... وييي والله تصرف مجنون بس برد حرتي ..
ههههههه ولا شكله وهو يصارخ علي ومنفعـــل أكبر شفى لغليلي .. صح كنت اتنافض من الرعب ... بس مبسوطه .. مبسوطه موت لأني قدرت أطلعه من طوره و خليته يفقد اعصـابه .....
شكل تصرفاتي المجنونه بتكون افضل سلاح استخدمه ضد الوحش ...
امممممم واللحين بدأ وقت تجريب اللي شريته ... هياا قفزت واقف وسحبت أول كيس تحت يدي وفتحته ....
سارا :هههههههههههههههههههههههههههههه ... ياربي وش هذا ... صدق مجنونه هذا كيف يلبس الحين .... ماله يدين هههههههههههههههه ..
يالله يابنت بلا قراوه فكري شوي وبتعرفين كيف تلبسينه هع ...
رميته بالهوا ورجعته مسكته ... بس بجد مالي داعي مشتريته اكيد هذا من المحلات الأخيره اللي كنت اقش منها بس عشان اخسر قيسووه .. طلعت بنطلون تحفه فوشــي ... بس ياربي وش ركبت عليه هذا مو فاكره ... رميته بعدم اهتمام وشفت شي ثانــــي .. وهكذا قضيت العصر كله وانا انبش بأغراضي شي ألبسه وش ارميه بالدولاب بدون تجريب ... فلللله وفلة الفللله ماعندي ملاك تقول رتبي الدولاااب .. لاتخلين ملابسك طايحه على الأرض ...
كذا الحريه والا فلااا ...
حسيت أني جوعااانه بعد كل هالفرفره بالسوق ...
رحت المطبخ مأدري وش أسوي بس تعبااانه مره مافينــي أطبخ .. اللي يسمعني يقول طباااخه .. سويت سلطه وحطية عليها جبنه وحشيتهااا بالساندويشتااات اموووت فيهااا كذا ... ملااك ماتحبها تقول تخبيص بس دايم تأكل معي ...
جلست بالصاله وجلست اشوف ام بي سي اكشن اصلن مأشوف غيرها وتو بس مأحب القنوات الباقيه ....
وجلست على التلفزيون لين بعد صلاة العشااء ...
بعدهااا قمت تعبااانه خلاص بنااام ... بس قبل مأنام لازم اخذ دش .. لأني احس بقرف من يومــي الطويل ...
اخذت شور سريع وانتبهت اني ماجبت ملابســـي معي للحمام .. من النعاااس والله ماني حاسه بالدنيااا .. لفيت علي المنشفه ..وطلعت للغرفه أخذ ملابـسي ...
كنت مره نعسانه وماني حاسه بالدنيا جلست على الأرض عشان اخذ من الدرج ملابس .... لفيت على تقفيلة باب قويه ومو أي باب ... باب الغرفه ... لفيت بسرعه .. توني انتبه .. كيف طلعت من الحمام كذا ...
كيف نسيت وجود قيـــــــس ..
تجمدت مكاني مأدري وش اسوي ودي اقوم بسرعه اركض على الحماااام ..
شفته جاااي لمــي والشــــــر بعينه ... صح كيف نسيت اللي سويته اليــــوم بالسياره .... شكله مانســــــــى ...
بس تكفى مو اللحين لين البس ملابسـي واظربني على كيفـــــــــــــك .......
كان يقرب مني ويقرب ويقرب .... لين صار فوقــي مباشره وأنا تحت رجــــــوله ....
كانت نظراته مــرعبــه ..غمضت عيــوني وأنا اصرخ ...
سارا :لااا الله يخليك لااااااا ...


[ ..أضعت حلمـي ..]


قيس



ركب سيارته بعد ماصلى الفجــــر ... سند راسه على الدريكســـون ....
وش اللي سواه قمـــــة الغبــاء ... كيف أخطأ هالخطأ الكبيـــــر ... بهالتصرف ربط نفسه بسارا الى فتـــره أكبــر .. ويمكــن للأبد ...
ليش انهى حلمـــه بيده .... كان عنده أمـل ... أنه يطلق ســارا ...... وينتظر لين تتزوج ... ويتزوج مـــــــلاااك ...
صح فيه عواقب كثيـــره منها أمـــه ... وأختها ضحــــى ... واشياء كثيره بس هـــو يحس انه مرتاااح للفكــــــره ..
لكن اللحيــن وبعد اللي صار بينهــم ... كيف يطلقها عشان يتزوج أختهـــاااا .... كان متأمل أنه لو طلقــها بدون مايحصـل بينهم أي شـــي .... سـارا بتوقف معــه لو طلـب منهـــااا يطلقهااا بشرط أنها تقنع مــلاك تتزوجــــه ... كان مخطط مايظلم سـارا ... ولو تبغى تتزوج هو يبحث لهااا بنفسه عن زوج مناسب ...
هو خطط هو رســـــــــم ... هو فكـــر بكل شـيء .... وهو بنفسه هدم كل شــــــــــــــيء ....
فتح الدرج اللي داخلــه الشنطه وغمر وجهه فيهـــــااا ... يحس انه يشم فيه رئحه خياليه .... ويربطهااا بشـــــــوشو .....
خلاص أنهى حلمــه اللي بدأ من سنتين بلحــضات غبيه فقد فيهــا عقــله ....
مرت أيامه مع شوشو مثــل الحــلم قدامه عيـــونه .... لمااا كان دايم يشوفهااا من شباك مكتبـــه ... وهي تجري ورى هذا وهذا تشحد .... يتذكر دعاويهااا الأستفزازيه اللي تطلق عليه وعلـــى اللي مايعطونها فلـــووس ....
يتذكر الأياااام اللي كانت فيها محل اشمئزازه ... كان يكره النوعيه اللي هي منهـم ...
يكره طريقتها بالترجي والركض ورى النااااس عشان تكسب من وراهم كم ريااال ...
ويتذكر كيف بدأ يحبهــــــــا .... كيف بدأ يفقدها لمااا تغيب .... كيف كان يتعمد يتهاوش معهااا ... رغم انه قبل كان يتقرف بس من يسمع صـــوتهااا ... وهي اللي كانت تحتك فيه وهو يشمئز منهااا ومايرد عليهااااااا ..
وبعد ماصارت محل أهتمامه صار هو اللي يتعمد يسوي أي شـي عشان تجي تكلمـــــــــــــه ....
...
ضغط على راسه بين يديه يمكن بهالطريقه يقدر يوقف تدفق الأفكاار داخل راســـــــــه ...
حرك السياره بيروح أي مكـــــــان بس يهــرب من هنـــــــاآ ...




[ .. فلسفة الصغار ..]



وعد


بعد العصر رجعنــا مره ثانيه للمستشـفى .. واللحين انا ونوف واقفات نشوف الأطفااال اللي بالحضانه واللي منهم ولد ضحـــــى ....
نوف :مأدري ماتحسين شكله مو حلووو ..
وعد :حرام عليك لاتقولين كذا هو صغير
نوف :اصلاً انا حاسه ماراح يعيش ..
وعد :كلنا حاسين انه ماراح يعيش بس مانقول مثلك ..
نوف :عادي وش فيها لو قلت توه جاء اليوم امداكم تعلقتو فيه ..
وعد :اول ولد بعائلتنا ويمووت حرام والله
نوف :ههههههههههههه عشان كذا انا اقولك ماراح يعيش مايصلح يكون بينا ولد ..
وعد :قص السان ان شاءالله انا عندي احساس انه بيعيش ..
نوف :مسرع ماغيرتي رايك توك تقولين كلنا عندنا احساس انه بيموت ...
وعد :طيب انا عندي احساسين انه بيعيش وانه بيموت ...
نوف بضحكه عربجيه :بجد انتي خبله ....
وعد :مليت ضحى متى بتصحـــى .. يعني ليش جينا وحنا ماراح نقدر ندخــل لها
نوف :مأدري عنهم مستشفى الفلس ...
وعد :وش دخل المستشفى .. الدكتوره الغبيه ام شعر برتقالي هي اللي مانعه الزياره عنهــا .. ماتشوفينها كيف خزتنا وقالت مافيه زياره
نوف :تدرين وش افكر فيه ..
وعد :لااا وش درانــي .. انتي تفكرين داخل عقلك مو عقلي ..
ظربتني نوف على راسي وهي تقول
نوف :غبيه ... هذي مقدمه عشان اقولك السالفه اللي عندي
قلت بأستغراب
وعد :ليه انتي عندك سالفــــــــــه ...
نوف :اجل وش كنت بقولك من الصبح ...
وعد :انتي بتقولين لي السالفه اللي الصبح او اللي اللحين
نوف بصرخه :غبيييييييييه ...
فجأه نوف صرخت علي وراحت تمشــي وتركتنــــــــي ...
وعد ناديتها بصوت عالي وأنا ناسيه نفســي :نوووووووف ..
بعدين تداركت نفسي ورحت اركض ألحـقهااااا ...
وعد :نوووف تعالي وين رايحه
نوف :بروح لخواتك يعني وين بروح ...
وعد :طيب وش نبغى فيهم نرجع لهم خلينا نفررفر بالمستشفى ....
نوف :ياحبيبتي بتفرفرين انا قلت لهم بنشوف البيبي وبنجــي اللحين أكيد بنرجع للبيت لأن جلستنا مالها فايده ...
وعد :مين قال مافيها فايده ... شوفينا مبسوطين وجايين نتمشـى ...
نوف :غبيه انا اقصد الغرض الأساسي من جيتنا للمستشفى اللي هو زيارة ضحــى .. واللي اللحين مانقدر نشوفهاااا .. عشان كذا نرجع للبيتنا افضل ...
مسكت مع يدهاااا بس مارضت توقف ..
وعد:بليييز اسمعيني لو رجعنا للبيت بس بجلس تهاوش مع شدن .. وحنه ورنه ..خلينا هنا احسن .. اقنعي البنااات نجلس أكثــــــر .. قولي لملاك هي تسمع منك ..
نوف :من متى ملاك تسمع مني أو منك
وعد :ياغبيه ملاااك اللحين تقرب منك عشان سارا راحت عنهــا .. ماتشوفينها اليوم الصبح اخذتك معها لما كانت بتجينا المستشفى .... وحتى على الغداء جلست جنبك
نوف :كل هذا يعني صارت تقرب مني ياغبيه هذي اشياء طبيعيه ... مو معناها ان ملاااك تقرب منك
وعد :لا أنك ماتعرفين تفكرين لو فكرتي شوي بتعرفين ان ملاك تحس بالوحده وبتصير تقرب منك وتصير صديقتك
نوف :وش معنى انااا ليش ماتقرب منك انتي
وعد :لأنك اقرب لها بالسن
نوف :لااا والله اللحين نسيتي شوق وهند هم اللي اقرب لها مو أنا
وعد :بس شوق وهند مو صديقاااات .. ملاك أختارتك لأنك صديقتي وقريبه منـــي وتحسب تقدر تأخذك مني وتصيرين صديقتـهاااا ..
نوف :بليييز وعد اتركي سوالف الرسوم عنــك أنتي كبرتي على التفكير بالطريقه هذي .... مو كل شي تشوفينه بالتلفزيون تجين تطبقينه علي ...
وعد :شفتي هذي بداية أعراض انك بتتركينـــي تشوفينـــي بزره واصغر منك وتفكيري غير تفكيرك مع ان الفرق بينا سنتين ...
نوف :وعد والله لو ماسكتــي لأخذك وارميك بمستشفى الأمراض النفسيه ...
وعد :مصدقه نفسك انتي ماعندي أهل عشان ترميني بمستشفى المجانين ...
نوف :فعلاً انتي ماعندك أهل ... ويالله اخرسي تعبتي احبالي الصوتيه باسألتك الغبيه ...
وعد :تكفيـن يافاتن حمامه ..
نوف :وش دخل فاتن حمامه بالسالفه .. ومن هي فاتن حمامه ...
وعد:مأدري بس مره سمعت ضحـــى تقولها لملاك وقلدتها فيها شـــــــي ...




[ .. لايكفيني الصبر ..]



سـارا



اللي حــصل معي أبشع شــــــي توقعتـــه يحصل معــاااي ...
ان ماكنــــــت متقبلته ... ولاهو متقبلنـــي ... ليش تصرف معــي بهالطريقه الحــيوانـيه ....
ان ماني زوجتــه صدق عشااان يصير بينااا كذا ....
هذي فتره و بعدهــا برجع لحياااتي الحقيقيــــــه ... مأبغى ارتبط بحيـاة جديده .. وخصوصاً معـــه ...
ليه يربطني فيه ... كل اللي مريت فيه قبل من طلعت من بيتنا يوم العيـــــد الا يوم أمـــس ... احسه مغامره
سيئه صـــح كنت اتصبر بس لأني واثقه اني بنتهــي منهـــــــااا ...
بس ماتوقعت ان الأمور تتطور معـــي كذا ...
انا مأبغاااه .. وماني مستعده ابد لفكرة الزواج ...
للحين ابغى حياااتي الماضيه ابغى اعيش بين خواتي مابغى اتزوج وتنقطع علاقتي فيهــــم وارتبط بشخص ثانـــــي ...
وماعندي اسعتداد اتقبل هالحيـاه ..
كنت مابغى اتزوج وانفصل عن خـواتي ... ورضيت تحـــت ظروف معينه على امل يكون زواج مؤقت وكلن ببيته لين تقتنع ضحى اني مأبغى اتزوج ....
بس هو بحقـارته سرع الأمور بطريقه ماني فاهمتهاا واللحيـــن رجــــــع بطريقة جديده يربطني فيـــــــه ...
بس أنااا مستحيـل استمــر بهالحـياه معــــــــــــه ... أنا لازم اواجهـهه وافهمـه ان حياتي معه مستحيــله ..



[ .. أكرهـك .. هل تعلـــم ..]


قيس


بعد الظهــر رجع للشقــه .. كان تعـبان قضى ساعات طويله بالمستشفــى .. بين منيــر اللي للحين رافض يتكلــم ...
وأمـه اللي تطمـن عليهــااا من كلاام الدكتــور بأذن الله فيه مؤشـرات انها بتصحـي ... ومع كل هذا مانســى يفكــر بمصيبته ... وشبه اتخذ قراره بسرعه مثل ماكاااانت قراراته بالفتره الأخيــــره ....
فكــر يخلي الأمــور مثل ماهــــي .. ماراح يغيــر شــي ... مايدري الوقت وش مخبـي له ... يمكن كل أمـوره تنحــل بدون تدخل منــه .. ويمكــن مع الأياااام يقدر يتعايش مع حيـاته الجديده ...

سارا :لو سمحت ابغى اتكلم معك ...
طالعهااا بنظره عدم استلطاف :وانا مابغى اسمع صوتك ....
مايدري ليش رد عليها كذا .. مع انه مافيه سبب يمنعه من سماعهااا ...
سارا :قيس لووو سمحت ترى اناااا مليت من تطنيشك لي ..... شووووف انا اخاااف منك صح .. وانت تعرف هالـشي ....
ومشـــى وراح ماسمــــع باقي كلاامهاااا
دخل الغرفه وهي وراه ....
لف عليهـــا بقوه :اطلعي بررررى
سارا :ماااني طالعه لازم تسمعنـــي ... شووف انا ماني مجنونه ولامختله ولاحتى غبيه عشان تعاملني كذا ....
سحبهااا مع يدها عشان يوخـرها عن طريقه بيطلع للحمام ... بس هي مثبته يديها بقوه على فتحة الباااب ... وقالت وهي تتالم من سحبه لهاااا :انا افهم مثلك ... انا انسـانه عندهااا عقــــــــــــــللل ...
لازم تسمعني فاااااهم ......
قيس :سارا وخــــــري عن وجهي احسن لك ... لاتخلينــي انزل سخطــي فيك ....
سارا :اكثر من اللي سويت وش بتســــــوي .... قيس انت وش بقى ماسويته فينـــــيي ...لو انا يهودي ماسويت فينـــــــــي كل هذا .... من اناااا طفله مارحمتنـــــــي .... وش بقى ماسويته ....تبغى تذبحنــي اذبحنــي على الأقل ارحــم من العيشـــــــــــه معك ...
دفها عن طــريقــه وطلع للحمــام ...
اول ماطلع للقاهــا للحيــن واقفــــــه ...
سارا :شوفي لو بتذبحنــي بقولك اللي عندي وبتسمعنـي غصب عنك ...
مشى للغرفه بدون مايلقيها بال ولاكأنها موجــوده ... بس شكل هالتـصرف بعد ماراح يردعها عن اللي بتسويه ....
دخلت وراه للغرفـه ...
سارا :تسمع اللي بقوله لك .. انا اكررررهك ... مومن اليوم ولاأمس ولامن شهر او اسبوعيـــن ... طول عمرري اكرهك من عرفت نفســـــــــــي أكــررهك ... انت الوحش والكااابوس اللي بحـياتــــــــي ...
تسمع انت كابوس بحيــاتي .... انت ماعندك احساااس وعااارفه انه ماراح يهمـــك ... بس لازم تفهم هالشي انت مو انسـان.... انت حقير اقرررب تكون للحيوان من كونك انسااان ...
انا طول عمررري ادعي عليك تمــــــوت وبظل ادعي حتى اموت اناااا او انت تموت قبــلي ... بس لو مت انت قبلي بستمر ادعي أنك تعذب بقــــــبرك .... وتعذب بجهنــم ...
وعمري ماراح اساااامحك ....ساااامع ماراح اسااااامحـــــــــك ...
لو عندك ذرة احساس بعد هالكلااام ماتووووقف بمكااانك تناظرني ولاكأني أقول شــــــي ...
كانت تصارخ بكلاامها بطريقة هستـــريه .. وهو عارف وش نهاية هالشــي .. وفعلاً ثواني وتوسدت الأرض وهي تصرخ بضعف :سااامع أنا اكرهك ....
كانت تبكــي وشبه فاقده للوعـــي سحبها مع كتوفهااا لين وقفــت شالهااا... وشبه رماها على السرير ...
وجلس على الأرض وراسه بيــــــن يديه ....
ليش يوم قرر يتقبل الأمـــــــور كماهــي يصير معــه كذا ....

&

رنين جـواله صحااااه من نومــه ... كان نايم على الأرض ومســـــند راسه على السـرير ....
كان واحد من زملائه بالعمـل ... قفل جـواله ...
رفع راسه يشوف اللي بالسـرير لقاها صاحيه وتنـاظره ...
قيس :تروحين عند خـواتك ...
سارا بدون ماترد زادت دموعها صدت عنه للجهـه الثانيـه ...
قيس :اكيد تبغين تروحـين ..
سكت ثواني ويوم مالقى رد .... كمل :بروح اصـلي العصر ارجع ألقاك جاهــــــزه ...
وطلع رغم أنه باقــــي ساعه على صلاة العصـر ...

&
بعد ساعه ونـــــص
&
كان يتأفف من الملل جالس على مقدمة سيارته ... لهم ربع ساعه يدقون على الجـرس ومحد فتــح ... والعنيده ماهي مقتنعه ان البيت مافيـه أحد
... ويكلمها وتسفهه ماتبغى تتحــرك من قدام البيت ... ويدها مانزلت من على الجرس اللي واثق انه احترق تحت يدهـــاااا ...
قام من جلسته وراح لمهااا .. حط يده على كتفها ولفها عليه ..
قيس :سارا اسمعــي خلينا ندخل بالبيت عن الشمس اللي شوتناااا .. ماحنا متحركين من البيت بس بندخــل فيه ... ولجوا اهلك تروحين لهم ...
تأففت منه ورجعت تدق الجـرس ولاكأنه يكلمهااا ..
قيس :لاحوول الله ... يابنت الناس تعالي ادخلي لاتحرقك الشمـس .. ترى والله عذبتني معك ....
لما انقطع رجاه منها .. دخل بيتهم وترك الباب مفتوح لهــااا ... توقع البيت فاضـي بس سمع صوت جابر يتكلم مع احد بالمجلس ...
دخل ولقاه مع منيــــــر :منيررررر الحمدلله على السلامه .. جابر ماقلت انه بيطلع اليـــــوم ..
جابر :هو قال بيطلع ...
قيس :يعني تكلـــــم ...
جابر :ايه مابغى ...
قيس :وشلونك اللحيـــن ...
منيـر : عادي ... بس ماني رايح مع أبوي لبعارينه ...
قيس لف على جابر بأستغراب :وش السالفه ..؟!
جابر بضحكه :هذا اللي خلاه ينطق ... ابوي قاله بأخذك للبعاارين وتكــلم يقول ماني رايح بجلس عند امي
منير شوي ويبكي :ابوي بيأخذني ... يقول امك ماهي داريه عنك .. واخوانك بيخلونك بالبيت ويروحون وانت بتهيت ...
جابر :ابوي صادق هنا تجلس عند من ..
منير :أنااا مو بزر لازم احد يجلس معي .. بعدين ابوي المفروض يجلس بالبيت مو يروح لبعارينه وبيأخذني معه ...
قيس :خلاااص تجي عندي ..
منير :لا بروح عند منيره ..
جابر :زوج منيره مايبغااااك..
منير:من قاله ..؟!
جابر :انا اقوله رح مع ابوي او قيس منيره مالك جلسه عندهااااا ...
تذكر سارا وقال لمنير :اطلع شف سارا عند بيت اهلها شووف اذا مادخلت ..قلها تجــي ....
اول ماسمع كلمتــه منيــر طااار من المجـــــلس ..
قيس :اللحين صدق حالته زينه اوكيف ...؟
جابر :ترى من قبل يقدر يتكلم بس هويعــاند الحـي*** ..مأدري من وين متعلم هالحـركااات ... حتى ابوي اول ماقال كلمته نط ورد عليه مع أنه من الصبح نكلمه مايرد .... وواضح انه نسى نفسه وتكلم .. ولاكان طولنااا وحنا نحسبه مـريض ....
قيس :طيب ليش سوى كذا ... يعني هو لأنصدم من اللي صار لأمي ولا شـي ..
جابر : يبغاناا نشفق عليه ... عشان متوقع انه بنهمـله لو صار لأمي شي بعيد الشر .. ماتسمع دايم يقـول لو حصل لكم حطيتوني بملجأ ....
مايدري ليش طرى عليه ان منير متأثر بسارا وخــواتهــااااا ...
وتأثير كبيــــــــــررر ...
وهذي غلطتهم سمحوا له يقضي أوقات طـويله معهـــن ...

انتهى البااارت