 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
12-09-2020
|
||||||||||||||||||||||||||||||
|
||||||||||||||||||||||||||||||
رواية الملك لله صحيح لكن انتى من بين خلق الله ملكي البارت الرابع والعشرون
البارت الرابع والعشرون ...
ياصاحبي أنت السند حزة الضيق وأنت الذي يغني عن الناس ظله حضنتها مهره وهي تهديها وقالت: بس فتووون فديتج بس ترحمي عليها ... وشوي يت حرمه كبيره وقالت لها: فتون فديتج لا تصيحين الاسعاف يت ويايبه امج واخواتج لا تصيحينننن يا فتووون تراها تحسسسس لا تعذبينها ... انهارت فتووون وهي تسمع عمتها تقول هالرمسه يت ام سعيد وحضنتها وتهديها وعليا ما استحملت منظرها كيف يقطع القلب وتمت تصيح ... وشوي ونزلوها من الاسعاف وبددت المغسله تتنترس حريم لدرجة حد منهن واقف عالباب والرياييل برى ... خالد كان يالس ع دجة مالت المغسلة عند دري مال الباب منهار ومتلثم ويصيييح يت خالته ومسكته وحضنتتته وهي تقول : ادعي لها برحمه يا خالد وتصبر وقوو قلبك عشان اخواتك ... تنهد وهو يصيحححح وحط ايده على ويهااا مايبا يضعف ويطلع صوووت شهقتتته كتمها وشد ع حضن خالته ... قعد ع الدجه ودخلت خالته وقالت: منو دخل يغسلها وحده من الحريم: بناتها وحرمه عبيد ولدها دخلن يغسلنها ... عليا قلبها يأكلها ع خالد تبا تحضنه شافت حرمة عمه تصب جاهي وسايره صوب الباب راحت وراها ووقفت قرب الباب وتغشت تبا تشوفففه تبا تملي عيونها فيييه انصدمممت يوم شافته كيييف ضعف وييهه سمعت عمته تقوله : شرب جاي خالد لا طيح علينا فديتك خالد صد صوب عمته وعليا لمحت طرررف ويهه وسمعته يقول: مابا عمتي ما اشتهي شي.. عمته: دخيلك عشاننني فديت روحك خالدبطل لثمته وطلع مدواخه بيدوخ بس سمع اريام اخته تقول: خالد لا دوخ ع ريييج وانته مب ماكل شي اشرب جاي يسد انك طايح كم مره في دختر اليوم وامس دخيلك خالد لف عليها وقال: مابا والله مابا ماقدر ابلع اريام: وغلاااات عليييا اللي معذب قلبك عشانهااا تشرررب من دون شعور لتفتت له وشافته يمسككك الكوب ويشرب.. بكتتت من خاطرها ما بتلقى حب صادق نفس خالد سمعت عمته تقول: هي عليااا خاطرها كبير وقدر غالي وعالي عندك وانا لا.... خالد يفر الكوب بعد ما خلصه وقال: محد يوصل مكانها هي القلب ونبضه... مسحت ع ظهره اريام وهي تقول: صدقني هي ما بتلقى واحد نفسك يحبها ... ابتسم بحزن وقال: مب وقت هالكلام الحين لا تزيدين مواجعيه دخيلج .. دخلت اريام داخل هي وعمتها وعليا حفظت ملامح اريام حفظ عشان يوم تروح العزا ...بعد ما غسلوها طلعت بنتها ساره وقالت: حرمات اللي بيودع امايه يودعها عشان يدخلون خواني ... دخلن الحريم وسلمن عليها واستسمحن منها وعقب دخلت عليا وباستها ع راسها ونزلت دمعه منها وبعدت عنها وعقب طلعن الحريم كلهن ودخلوا الشباب عبيد وحامد وصالح وخالد اخر واحد كان متلثم دخلوا داخل الغرفه عشان يوادعووون امهم ... عليا كان في خاطرها تسييير وتحضنه وتقول له انا لك وببقى لك شافت الباب تسكر عقب مادخلوا الشباب ...وتنهدت بالم وتبكككي بحرررقه عقب خمس دقايق وانفج الباب وطلع عبيد وشوووي سمعوا صريخ فتوون واريامممم وهن يقولن خالددددددد رد عبيد بسررعه وتحركت عليا لا شعوريا باتجاه الباب وشافته طايح على الارض واخوانه يحاولون يشلونه ما تحملت تشوفه تبا تروووح مب قادره تسييير ريولها ولا قادرة تتحرك عطوووه عطررر لين ما استفاق واستعاد وعيه وقال: دخيلكككم يبوها لي والله اباااها تعبببببتتت من حياتي بدونها اباها .... اريام تعودت عليه من كثر ما يهاذي بعليا وقالت: بتي خالد والله انا بيبها لك بدوورها دوووره عقب انتبه ع عمره وقال: استغفر الله انا وين هم امي وهم عليا والله تعبت قومه عبيد وصالح وحامد شلوه وسار عند راس امه وباسسسها وهو يقول: رحتتتي ومافرحتي فيني رحتي ولا شفتي عيالي اه اه اه يا مر فراقج ويا شين البيت دونج ....مسكوووه خوانه بعدت عن الباب وهي تصيييح وراسها عورررها من كثر صياح اول مره تشوف خالد بها الحالة تعبت وتعب قلبها ..... وعقب شلوها وطلعوها وركبوها الاسعاف مره ثانيه بيودونها المقبره وراحت ام سعيد ومسكت اريام وفتون وقالت لهن يركبن عندهن لان ماعندهن حد يوديهن وعقب حلف ركبن وياها ... في سيارة كان الهدوء سيد الموقف بس شهقات عليا وفتون واريام كانت متصبرة شوي ام سعيد تكلم اريام وقالت لها : فدييييته خالد عنبو غدا هزيل ماحيده جيه قبل ما شاء الله كان متعافي اريام تنهدت وبغصه قالت: هي يا خالتيه من فقد حبه فقد عافيته وياها ع خطر مايستوي مينون .. تنهدت ام سعيد وهمست لعليا وهي تقول: غصبن عنج بتردين له مب برضاج ... سكتت عليا لانها في هالوقت ما تفكر الا بخالد ام سعيد قالت: الغالية دلي دريول بيتكم ... دلت اريام الدريول البيت وصلوا ونزلوا كلهم يلسوا في صالة افتحوا الميالس وافتحوا صالات الهنتين الكبار حق الحريم ويلست ام سعيد في صالة وعليا عدالها تصيح امها تعطيها كوع وقالت: شفتتتتيه كيف تعبااااان شفتتتتتتيه كيف ريال غدى خافي الله واتقي الله فيه وراجعي نفسج وحساباتج يا المدينه يالي تعرفين الدين وتخافين الله .. هزت راسها بالايجاب وهي كل ما تذكر خالد تصييييح وشافت فتون كيف منهارة وحرمت عبيد تواسيها وخطف الوقت واستوت الساعة ٢ ظهر وحطوا الغدا عشان يتغدون الحرمات.. ام سعيد تكلم أريام:بنتي فديتج شو اسمج انتي اريام تبتسم وقالت: اريام ام سعيد تبتسم وقالت: ونعم فديتج ... اريام: ينعم بحالج الغالية ...الا صدق يا خالتية انا ما عرفتج انتى منو ... ام سعيد: انا فديتج ام سعيد ربيع عبيد اخوج اريام بصدمه: انتتتي ام عليا ام سعيد تبتسم وقالت بهدوء تام: هيه فديتج حضنتها اريام وهي تقول: فددديتج يا الغالية الله يابج دخيلج يبي عليا وانتى شفتي حالته .. ام سعيد تربت ع كتفها وقالت وهى تاشر ع الكرسي اللي عدالها: هذيج عليا اريام مب مصدقه معقولة عليا حاضره وياهن المغسله ولا شافتها ولا تعرفها قالت لام سعيد: دخيلج يا خالتية اقنعيها ترد لخوية .. هزت راسها بالايجاب وقالت: ان شاء الله ... سارت اريام عند عليا اللى كانت مشغولة بصايح وتمسح دموعها بالكلينكس وقالت: عليا عليا رفعت عيونها لها وعيونها مستويات حمر من صايح وقالت بصوت مخنوق: هلا حضنتها اريام وصاحت وصاحت عليا وياها لانها تذكرة شكل خالد كيييف تعبااان حاوطتها عليا بيدها وهي تصيح من الخاطر وتشاهققق والكل كان مصدوم منو هاي اللي عند اريام وحاضنتنها كانها تعرفها من زمان ... اريام وهي بعدها في حضن عليا وقالت بشهقه: شفتي كل شي في المغسلة صح يعني ما يحتاي اقولج عن حاله صح ... بعدت عليا وهى تمسح خشمها وعيونها الحمر وقالت: هيييه اريام: دخيلج لا تخلينهه... عليا تنهدت وهزت راسها بالايجاب وقالت اريام: قومي نتغدا يلا عليا تمسح عيونها وخشمها وقالت: مابا والله ما شتهي بس بطلبج طلب اريام تمسح دموعها وقالت: امري عليا: يووا من المقبرة اريام: هي من شوي يووا ... عليا : ابا اشوووف خالد اريام: ان شاء الله اكيد ما يبالها كلام اصلا كنت بخليج تشوفينه بس بقولج شي عليا: امري أريام: دامكم ع بر وبعده ما صارت جسلة المحكمة لطلاق ردوا لبعض والوقت هذا خالد محتاجنج اكثررر عن قبل واورردي خالد من اسبوع مارقد زين وبالذات هاليومين عاد كان مواصل وما رقد زين واكيد بيدخل ساعه ٣ الظهر يريح انتى تريييه فالحجرة ... عليا: خلاص انا برد له لان قلبي ما ملكه الا هو وبكلم خوانى انى برد له بس انا الحين بروح البيت ارتاح وعقب بي العصر ساعه ٥ . اريام: لا والله ما تروحين قعدي دخيلج واسسسيه ... عليا : ادرري والله بس خليه ع الاقل يرقد لو ساعتين ولا تقولين له شي لين الفليل يلقانى في حجرته ابتسمت أريام وحضنتها وقالت ببتسامه: من عيوني... طلعوا عليوه وامها وراحن البيت وعليا رقدت والساعه ٤ ونص قامت وتسبحت وجهزت وشلت شنطتها وخبرت اخوانها انها بترد له وتمنوا لها حياه سعيده ... في بيت قوم بوعبيد كانن توهن الحرمات باديات ايين وعليا وامها وصلوا ونزلوا ولقوا صالة شبه فاضيه الا من حرمات جيرانهم قاعدين نزل خالد وصالح وعبيد وعليا تغشت عننهم والحرمات عزوهم ام سعيد تقربت منهم وقالت وهي طالع فيهم: خالد شحالك ابوية .. خالد سمع صوتها وسار وحضنها بقووو وحب راسها طاحت دمعة ام سعيد وقالت: فديت روحك عظم الله اجركم وليدي طاحت دمعته وهو حاضنننها بقووو ودافن راسه بين رقبتها وكتوففها... همست له : تصبر يا عين امك تصبر يا الغالي فديتك عساني ما انحرم منك .. بعد عنها ومسح دمعته وطلع ويا اخوانه عرفوا انها ام حرمته ...وشوي بدن الحرمات ايوون وانترس البيت من الحريم وقت المغرب اريام ترمس فتون وتقولها: شفيييج رابعه ميلس رياييل شو مستوي فتون تصيح: خالد طاح ع اخواني في الخيمه ويابوه الميلسسس اريام بخوف نششت وهي تقول بيعذبني هالولد وبيعذب قلبي وياه سارت الميلس وشافت اخوانها صالح وعبيد.. عبيد بتعب : شخبارك الحين اشر بيده بمعنى انه زين .. عليا كانت متحرقصه وتريت اريام تي وشافت اريام يايه صوبها ورقتها الدري وهي تقول: خالد مايروم يصبر لين اذان العشا انا بوديج قسم خالد ** القسم عباره عن حجره وصالة صغيره حق قعدتهم** وشنطج نزلناها في حجرة خالد دخلي وتسبحي لان خالد بنيبه فوق واسسسيه وكلميه هو محتاجج هزت عليا راسها بالايجاب وقالت: ان شاء الله... وصلوا قسم خالد ودخلن ولفت ع عليا وقالت: انتبهي ع اخويه... اما تحت خالد ما كان يتوقع انه عليا بتي لان ما بقى شي ع جلسة الطلاق ولاحط في باله واحد بالمية انها بتتتي عزا امه يت اريام وقالت: يلا تتعال بوديك حجرتك تريح لان باجر وراك وقفه من صبح.. ابتسم بضيق وقام تسند ع اخته لين وصل قسمه دخل القسم وقال: خليني شوي في صالة بعدين بروح الغرفة ..هزت راسها بالايجاب وقالت: ما تبا تاكل خالد بضيق: لا ما اشتهي ... طلع مدواخه ويلسسس يدوخ مدواخ وعقب عشر دقايق سمع صوت في غرفته قام وسار صوب الغرفه تساند ع الباب بتعب يبا يعرف منو هنيه ما شاف حد اتجه صوب الشبرية وحس بحضن دافيء ولمسس ناعم وعطططر يعرف راعيته يتحسب أنه يتوهم لفته عليا صوبها وحضنته وهي تصيييح ما كان مصدق شعور صدمه ماثر فيه بس يطالع بعيونه عليا حضنته بحب وقالت: فددديييت روحك يا قلب عليا خالد حضنها وهو مب مصدق وقال: انتى علم ولا حلم!! عليا تشد ع حضنه وقالت: علم يا روح عليا علم خالد بكي في حضنها نفس بكى طفل في المهد وعليا تمسح ع راسه وهي تقول: انا اسفه والله انا ما استاهلك ذليتك وايد خالد بس يشاهق ويصيح وكملت عليا وهي تقول: عل اللى فيك فيني ولا تذرف دمعه منك ... شد خالد حضنه عليها وهي تمسح ع راسه وتقريبا خذا له نص ساعه بس يصيح ويستوعب الحقيقة اللي قدامه .... لين ماغفت عينه في حضنها سدحته ع شبريه وقعدت عداله تمسح راسه وقالت بحب : فديتتت عينك...وتمت تمسح ع راسه.... بعد ما مر الليل طويل بهدوء سمعت دق ع الباب لبست شيلتها وسارت تفتح الباب شافت اريام وفتون دخلتهن داخل واريام قالت: اخبار خالد عليا تسكر الباب وتمشي وراهن: والله رقد فديته يلسن ع الكرسي كلهن وقالت اريام : شو سوا يوم شافج عليا بخجل : يقول انتى حلم ولا علم ... اريام: يا فرحة قلبه بشوفتج عليا: هي والله فدييييت قلبه وروحه فتون طالعها وقالت بحزن: انتى اللي كانت امايه رافضتنج هزت عليا راسها بالايجاب وقالت اريام: فتون شفيج قمتى تخورينها عليا تبتسم بخفيف وقالت بهدوء تام : لا عادي فديتها برايها عني فداج ما قالت شي غلط فتون تبتسم بالم: انا اسفه والله مب قصدي ... عليا : عادي فديتج اريام : بس صدقيني امى فالفترة للاخيرة كانت تحس بذنب يوم شافت خالد كيف تعباااان محد كان متوقع ردة فعله جيه اذا طلبتي طلاق وانتى تعرفين ان ملج عليج فالمحكمة ولا سوووا لج حفله ولا شي عشان جي ما عرفناج . تنهدت بتعب و قالت: والله انا نفسي ما حبيت اثقل على خالد قلت برايه متى مابغى بيسوي لي ... أريام: تصدقين ان امي كانت تباه يخطب من بنات خالتية ورفض رفض تام وقال لامى حتى لو بطلق ماباخذ حد عقبها وكانت اماية بترمس خالتية تخطب له بس هو سار وفركش كل شي وخرب سالفه ع امايه وتمت امايه محتشرره وياه في بيت خالتية بس خالد لا اذن تسمع ولا قلب يلبي ولا عقل يستوعب بس شوفي سبحان الله نصيبج وياه... ابتسمت بهدوء وقالت: الحمدلله اريام تشوف الساعه: وييي ساعه ٥ ونحن مارقدنا ورانا نشه صبح علويه فديتج لنا قعده وياج ... هزت راسها بالايجاب وراحن عنها البنات... دخلت الغرفة وشافت برودتها وانسدحت ع الشبرية وتذكرت الصلاه وقامت وصلت وخلصت صلاه انتبهت انه خالد يتحرك انسدحت ع شبرية بعد مالفت سيادة وشافت خالد كيف راقد قربت منه وبهمس: خالد خالد يطرحها ع صدره ويحضنها وقال: واعي بس مغمض عيوني .. عليا تشد ع حضنه وقالت: فديت روحك صلاه حبيبي خالد : ماصدق انج ييتي ورديتي لي اتحسبتج مابتيتين عليا بحب: خيرتي وياك ودام الله خيرني انا مرتاحه ... حبي وراك وقفه بعد خالد : ما بنزل الفير بنزل عساعه الثمان يكون توه العرب بادييين ييون عليا : فديت روحك والله غمضتنييي البارحه في المغسلة ... خالد بصدمه: انتتتي ييتي .... عليا: هي فديتك خالد يدفن راسه في حضنها: كممم يوم عذبتيني وقفتيني في الحر .... عليا حطت ايده ع شفايفة وقالت: لا تكمل حبيبي والله في حالة صدمه كنت الله اعلم فيها . خالد: انا اباج لو مايد وانا سوينا شي هذا بزله وغلطه من بليس اللي ما مات بس في نهاية انا شارنج وابا قربج عليا حضنته وقالت له: قوم صل عشان ترد تنام في حضني .. راح توضى وصلى ورد انسدح ع شبرية قربت عليا منه وحضنته وحطت راسه ع صدرها وويلست تلعب بشعره خالد بتعب: فيني نوم عليا تهمز ظهره وريوله وجسمه كامل وخلته يسترخي وقالت له : اذا تعبان وايد ارقد خالد: لا بس رقدت وما وعيت اصلا الا يوم يتي ترقدين انتبهت انه في حد عدالى ونشيت اتحسبج حلم ولا اهاذي ... باست خده ببطء وبهمس قالت: احبك مسك ايدها وباس اطراف صبوعها وقال: وانا امووووت فيييج... مر الوقت سريع وصلت ساعه ٩ ونزلوا كلهم تحت عند العزا واستقبلن الحريم وتعرفت عليا ع عماته وخالاته وبنات خالته.... 
 
|
|
12-09-2020
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
قلائد أمتنان لهذة
الذائقة العذبة في الانتقاء لروحك الجوري
|
|
 
|
