تفاصيل الالبوم الجديد للفنان خالد عبدالرحمن " هنا يطرح كل مايختص بالألبوم الجديد "

السلام عليكم ورحمة الله وبركاته تفاصيل الالبوم القادمpic.twitter.com/m4c9W8Bk ويحتوي الالبوم على 17عمل



منققول من تويتر ابو نايف

أطل قبل قليل ملك الفن بصفحته بتويتر
وطرح الأعمال القادمه وملحنيها وشعرآئها

10 أعمال من كلمات وألحان ملك الفن { خالد عبدالرحمن }

إن شاء الله يكون الألبوم مرضياً لجميع الجمهور الخالدي

((اتخيلك)) للأمير الشاعر محمد بن عبدالعزيز , من ألحان خالد سليمان أو عبدالعزيز المعنى :

اتخيلك كيف كنت بيوم لقيانا.........يوم الاماني من اللهفة تنادينا
لوبيخل الحب ماتبخل عطايانا.......لوغابت الشمس تتبسم ليالينا
اتذكرك وادري انك عطر ذكرانا......تسال عن احلامنا واخر امانينا
كان الهوى دربنا والشوق مسرانا....كان الوفاء عهدنا واصدق خطاوينا
من علم الوقت يكتبنا ويقرانا.....حتى الليالي تسولف عن اسامينا
ابوعدك لوقست بالحيل دنيانا.....ماتبعدك والغرام اكبر معانينا
كن الغلا بيننا مخلوق ويانا.....مثل الملامح تحسه باقيٍ فينا
لوللسحايب نصيب ضمن هدايانا....هلت غيوم الوله من عشق اراضينا
بطمنك لوفصول الحب تنسانا....ماتجرحك والوفاء يجمع ايادينا


(( طري العود )) للأمير الشاعر خالد بن سعود الكبير , ألحان : سمير مبروك :
لولاي أسلي خاطري بالكتابه..
وافيّض الضيقات معها وأغني.

لموت من كثر الأسى والكآبه..
واون لين الدار مثلي توني.

واعلم السالين نوح الصبابه..
حتى خلي البال مثلي يحني.

كله لجل غرو ٍ نهبني نهابه..
طفل ٍ أسرني بالجمال وفتني.

هذا وأنا يا أهل الهوى ليث غابه..
رمشه رماني في الصميم ومكني.

غض ٍ طري العود باول شبابه..
رابي وعايش في النعيم متهني.

زينه عطاه الحب ويا المهابه..
وأعطاه قلبي والعقل غصب عني.

الله يجيبه سالم ٍ من غيابه..
أفرح بشوفه واهتني وارجهني.

(( يا ساري الليل )) للشاعر محمد الجعيدي , ألحان خالد عبدالرحمن :
يا ساري الليل والهومه هي الهومه
أنا أحسب إني قضيت وتبت من غيي
حتى رماني رهيف القد بسهومه
رميه ، وأنا وقتها ماني / بـ متهيي

(( مدام ان الزمن قاسي )) كلمات وألحان الشاعر صالح ال مانعه :
مادام ان الزمن قاسي ومدات الليالي شحاح = ترا ما للفقير الا يمد إيده لخلاّقه

وانا من فضل ربي عشت في وقت العنا مرتاح = والى جار الزمن ماقمت احاتي نوض برّاقه

لو ّانْ قفل الزمن ماله مع بعض العرب مفتاح = فلا ظني بتلقى واحدٍ طعم العسل ذاقه

ولكن خِلْقت الدنيا كذا والرابح المنزاح = عن هموم الزمان اللي صدوفه تخلف الفاقه

ومدام اني على احسن مايرام وخاطري منساح = فموضوع الزمن مافيه داعي نكشف اوراقه

ابدل عن صواديف الزمان اللي حياه رياح = وادلّه نفسي بشيٍ عليه النفس سبّاقه

رعاك الله ياللي طال صبري لين سدي باح = وقلبي في يدك بابه ومفتاحه ومغلاقه

اسوج الرجل واقدامي على درب الغلى سرّاح = وقلبي في غلا حضرة جنابك ماحدٍ عاقه

عطيتك من بعض روحي على خبر القلوب صحاح = وبدّيتك على نفسي بشيٍ يصعب انفاقه

وفي كسرة عصى تزعل : وتحرق شجرة التفاح = وتكويني على الضلع القصير وتنضج احراقه

الين اصبحت من بين العذارى تنعرف بوشاح = تليق بسمعةٍ فيها بنات العصر توّاقه

لو انك تكتشف حزنٍ تكامل فـ الضمير وساح = دريت ان لك مكانٍ في ضميري تنزف اشواقه

ترى ماللزّعل داعي تغانم فرصتك ياصاح = تغانم فرصتك قبل الزمن يقفي بمعلاقه

تعال:وعالج جروح الحزين وكل شيٍ راح = تعال: وجدد آمالك ترى الأيام سرّاقه

سرقت القلب واثرك معتبرها سرقة المزاح = حدٍ شافه ضحك وان ماحدٍ شافه رقع ساقه

(( جيتني )) كلمات وألحان خالد عبدالرحمن :

جيتني وانا ناسي هواك
وما أعتقد ان به فرصه معاك
ثاني ردك لي الزمن
عاني وبرخيص الثمن
مقبلك وأنت لهواي بايع
وبحرمك أذا وصلي يحلالك
جيتني ولهان أو ضايع
سبحان من بدّل لك أحوالك
لاتحسبني لحسنك بلتفت
وقتي أثمن من نظره إليك
شفت منك كل ألوان الغدر
اذا هو طبعك فلا أشره عليك

(( لو يبحر الشوق )) كلمات وألحان خالد عبدالرحمن :

لويبحر الشوق في عيونك غرق
يكفي نظر يكفي ملاطف هالعيون

حدك ترى ومض النظر مني سرق
غزلات من قلبي ما خذتها عيون

يلومني من يعشق رسوم الورق
لاحي معها لوتحرك له شجون

الله في وضع الحسن جاد وفرق
مابين عين ورمشك والكحله بدون

ماكل عين تصيب قلب بالحرق
بعض المطارف في مناظرها تهون

ياسيدي الهاج في نفسي طرق
نفسي خضعت والعسر فيها من ليون



(( تشبهت بالقمر )) كلمات وألحان خالد عبدالرحمن :

تشبهت بالقمر من غير ماتغتر
حازها من صورته يوم اكتمل بدره
ابتسمت احكي لها ليت النظر يقدر
يكتفي من مشاهدك واقدر على امره
القمر في طلعتك وانتي البدر الا صفر
لي تمثلتي معي ما للقمر نظره
ونسيني يابعد كل العمر واكثر
في غيا بك كم انا عايش على حسره



(( خط القلم )) كلمات وألحان خالد عبدالرحمن :

خط القلم خط القلم أرتجف ---- يوم قرارك سمعته
والدم بيدي نشف ---- كفٍ بكف فركته
مخلص وذا حظي ---- وين الوعد والعهود
مانتي معي ضدي ---- وتالي هذه الردود
قالت لي دور على ---- عن من ينسيك حبي
واترك هوايا ترى ---- تشقي إذا سرت دربي
يا حر هالكلمه ---- وتحدثيني ببرود
قلبك ويا ظلمه ---- اصبح علي حقود
قلت البشر مو سوى ---- أنت حكيمي وطبي
لو هم سقوني الدوى ---- يضرني ما نفع بي
ابحث عن النسمه ---- والقلب فيني ودود
حرمتيني البسمه ---- ولا لحياتك أعود



(( يمر الوقت )) كلمات وألحان خالد عبدالرحمن :

يمر الوقت .. واللحظات مسروقة
وانا وانتي سرقنا الوقت والتفكير
سهرنا الليل .. وبان الصبح بشروقه
بكينا حب إلى من خاننا التعبير
تنفستك عشق يابنت مرموقة
بنت اسياد , ماتنقاد .. للتدبير
نبضك القلب .. لأنك فيه ياعروقه
جريتي دم .. وانا مهتم .. لاتغيير
سكنتي الطرف ولاحدّرك من موقه
وصرتي شعور مايقبل بك التنظير
انا ادري الحب ماخذناه من سوقه
ولابعنا مشاعرنا رضا للغير ..
صحيح إنك بعين الخلق مخلوقة
ولكنك بعيني فقتي التقدير
ترى الآمال بالأيام .. ملحوقة
بإذن الله ..ندركها وحنا بخير


(( أسألُ نفسي )) كلمات وألحان خالد عبدالرحمن :

اسأل نفسي دائماً ... ليش يشغلني مصيرك
حتى بفكري هائماً ... ياترى وشهو أخيرك
لاني حبيبك او قريب ... حتى تكوني اهتمامي
وانا معك مثل الغريب ... ماهمك بحالي وهيامي

الصمت في نفسي جليل ... والقول ماحرك لساني
والدرب في وصلك طويل ... ياليت أملي لك خذاني
في عينك الشي العجيب ... يحل من عزمي لثامي
حتى اذا زولك يغيب ... كنك على الذكرى أمامي

الوقت في طيه حدث ... بخير بشراه او بغيره
والعمر في الدنيا ورث ... للغيض مايصاد طيره
واللي به احساسي يصيب ... تكفيه عيني عن كلامي
يدري انه لقلبي حبيب ... وأعامله بصادق غرامي

طرح رااائع

وربي مايحرمنا من تواجدك وجديدك الراقي