روايه ..سعوديات في بريطانيا..لاتفوتكم..كامله

وبدر يتروش الجوري جلست تفتح دروج المطبخ شافت ابر بدرج المطبخ : وش قصة هذي الابر ... دايم اشوفها .. – شهقت – ليكون مخدرات لا .... جد الحقير حقير ...

دخلت الغرفه بسرعه وبدر توه طالع من الحمام ...

الجوري معصبه : ايش تسمي هذي يامدمن - رمت الابره على وجهه ...- جد الحقير حقير

بدر ناظرها معصب : انتي كيف شفتيهم ..؟

الجوري : ايوه اكيييييييد ماتبغاني اعرف يامدمن يامنحط ابر ابر ياخسيس

بدر طنشها وطلع من الغرفه للمطبخ يصب له مويه

الجوري لفته بقوه من كتفه لجهتها : انا احاكيك هنا

بدر : نعم ..؟

الجوري: انا بعد اللي اكتشفته مستحيل اجلس مع مدمن هنا ابرجع لبيت عمي بالسعوديه ...

بدر صب له كاس مويه و رجع لغرفتهم وهي تلحقه معصبه .....: ليه بترجعي علشان الابره

الجوري لحقته : ليه تبغاني اجلس بعد اللي شفته ..

بدر رفع القزازه الصغيره اللي مع الابر معصب : اقري انسولين انسولين يعني لمرضى السكر .. هذي ابري حقة السكر ...

الجوري ناظرت مبلمه وملامحها اللي كلها عصبيه وشر من دقايق صارت استفهام : انت معك السكر

بدر ابعدها عند ووجهه متضايق : ايوه شكل ثقافتك الانجليزيه خانتك ..

طلع من الغرفه وجلس بالكنبه على الصاله

الجوري وقفت مصدومه (( بدر معه السكر )) حست بضيقه وحزن (( ياحياتي من متى ))من جد زعلت عليه وخافت عليه كان ودها تبكي بس ماتركت لنفسها فرصه ..طلعت من الغرفه ... بدر بس شافها لف وجهه.. الجوري بكل تهور ... راحت وجلست بجنبه بالضبط ..
لف بدر يناظرها مستغرب ... الجوري باسته على خدها بهدوء : سوري والله ماكنت عارفه

بدر تفجرت كل مشاعر الحب اللي بداخله من حركتها هذي ضل يناظرها ...

الجوري حست بمشاعر قويه بقربه قامت بسرعه مخها ترجم لها انه شي غلط تجلس بقربه ...

بدر ابتسم وكمل شغله بالابره

الجوري سكرت على نفسها الباب وبكت لانها اكتشفت انها تحبه مع الاسف حبة بدر ....(( صادقه يالوجين احبه والله احبه ))

بالسياره قبال مستشفى الملك فيصل التخصصي

ياسر : رائد الله يهداك متاكد من اللي تسويه

رائد: والله ودي اقطعه باسناني النذل انت ماشفت وشصار باختي الله يلعنه اذا ماخليته يزحف

ياسر : انا احس انه اليوم ماداوم بالمستشفى

رائد: لا داوم من الصباح وانا واقف هنا

ياسر : خلاص اتركه ماعليك منه هو توه معرس ماصار له اسبوع واكيد داوم كذا مو دوام كامل وم

رائد : هذا هو هو طلع

يااسر : ترك هبالك

رائد: اسكت ... وتلطم خلصنا

تلطموا بشماغهم ...

مشى عادل بالشارع يدندن مبسوط اخيرا وافقوا له على الاجازه .. يعني بسافر مع الريم لشهر العسل واخيرا ...

وهو بنص الشارع ... رائد زاد السرعه وصدم بعادل وهو كله حقد ....

عادل ماقدر يتحرك من مكانه وهو يشوف السياره اللي تصدمه وفجاءه ماحس بشي

ياسر و عادل .. بسرعه مشوا بالسياره قبل لاحد ينتبه فيهم ..

عادل تجمعوا عليه الناس ..


******************************

(( الفصل الاربعين ))









السعوديه – الرياض

مسفر ..: لو سمحت اخوي كم باقي على الطياره

الموظف بعصبيه : يااخي كم مره سالت هذا السوال ... باقي ساعتين ...

مسفر : اوكيه اوكيه اعصاب ...

مشى بالمطار وهو متوتر وايده معرقه كلها ساعات ويشوف لوجين ... يلعن نفسه بداخله كيف تركها كذا .. كيف ..؟حتى ماسمع مبرارتها او ماسمعها معقوله تنتحر علشانه معقوله ماتدري عن زواج علي لها ... وهذا منصور وش مصلحته يقوله يجي ...

وقف قبال كشك يبيع هدايه او تذكرات
شاف تذكار مشغل بنت لابسه فستان ورافعه رجلها وموسيقى رومنسيه مع حركاتها

الهندي : هزاء باشرين ريال بس

مسفر رفع راسه يناظر بالهندي وكانه يساله بتعجب لوجين ...: عطني وحده

الهندي مبسوط : هازر ...

دفع مسفر العشرين واخذ العروسه يناظرها تذكره بلوجين كثير ..

(( الله يحنن قلبك علي يالوجين ...

****************************************
بريطانيا – مانشستر ..

لوجين تدق الباب على منصور ..
منصور غرقان بالنوم .....
فتحت الباب شافت نايم بعمق : اووووه نصو نايم لا ومركز بالنوم بعد قوم

منصور .: z z z ......؟

لوجين : نصوووووووووووووو

منصور فتح عيونه بكسل : لوجين

لوجين : نصووووووو بسرعه بنتاخر على المطار ....

منصور : اي مطار

لوجين قفزت على السرير بجنبه : يييييييييييييييييوه منصور صحباتي اليوم بيجوا نسيت

منصور : اوه راح عن بالي

لوجين : والله احلف – ترفع الغطاء - يله قوم

منصور بعصبيه : اول شي انزلي عن سريري

لوجين : ها ......؟

منصور : انزلي عن السرير انتي ماتستحي تجلسي بسرير فيه شاب غ

لوجين ببراءه : عادي انت ولد عمي ...

منصور : لا مو عادي وومره ثانيه لو سمحتي لاتدخلي غرفة اي واحد مو محرم لك

لوجين: يالله حتى سوالفكم هنا

منصور : تفضلي بره

لوجين عصبت : تراني مو ميته عليك مصدق حالك بزياده انت

طلعت وسكرت الباب بقوه
منصور تمدد على السرير مبتسم : انا اللي بربيك ...يابنت عمي

لوجين نزلت لعند السياره بسرعه تمشي لمطار .. دقت على الجوري ..

********************************************
السعوديه – الرياض

نواره : خلاص انا وعدت البنات بسافر يعني بسافر ...

ام نواره : لا يمه جلسي معنا انا رجعت علشانك

بو نواره : يهون عليك تتركيني مع امك لوحدنا

نواره: ههه لا والله ماتهون تجلس لوحدك معها

ام نواره رجعت بكيت : ليه انا م

نواره: ههههه والله نمزح اقسم بالله .. بس اسمعوا انا قررت ومالي رجعه لهنا ... اصلا انا مانخلقت اعيش بالرياض انا انخلقت لمانشستر ..

ام نواره بحزن : والله يابنتي اني تركت كل س

بو نواره قاطعها : خلاص يا غاده اتركيها على راحتها ودام ان راحتها بقرب صاحباتها تروح

ام نواره بضيقه : الله معاك وسامحيني يانواره بضل طول حياتي اشيل ذنبك برقبتي ..

نواره بضيقه اكثر من اي وقت فات : خلاص يا يمه كل شي انتهى وانا مسافره بدون رجعه ... لاتخافون معي فلوس لوجين ماني بمحتاجه لشي ..

ام نواره تلبس عبايتها : يله بنوصلك للمطار

بو نواره : انا ماقدر مواعد الشباب على الغداء ..

نواره تنهدت مهما تغير الزمن والناس ابوها بييضل كذا ..: اوكيه ممع السلامه يبه

ضمت ابوها من قلب تحبه بكل عيوبه تحبه اثر من اي احد بالدنيا هو اللي بقالها من الدنيا ...

بو نواره: انتبهي على نفسك وسلمي على لوجين

نواره: ان شاء الله يوصل

ام نواره : يله لانتاخر على الطياره ...

**********************************

بريطانيا – لندن

الجوري جالسه لحد هاللحين بغرفتها مقهوره من الاكتشاف الخطير اللي كتشفته ... كرهت نفسها من اكتشافه وقررت تطنش قلبها وتتعامل معه مثل قبل لازم ..
دق جوالها وكان صامت ماحست فيه .. دق تلفون البيت

الجوري بهدوء : هلا

لوجين مقهوره : هلا .. ليه ماتردي على جوالك

الجوري ماسمعته يمكن سايلنك

لوجين بدون نفس : ايوه قلتيلي

الجوري: وش فيك

لوجين : هذا اللي ينقال له ولد عمي بيعلمني كيف اتعامل مع الناس ... على ايش مصدق حاله

الجوري: حبه حبه ليه معصبه كذا

لوجين: قال ايش قال : لاتركبي فوق سرير اي شاب .. انت قولها كويس شاب مو واحد شاب

الجوري: ههههه واضح انك مقهوره ...

لوجين : المهم انتي كيفك ..؟ وكيف العريس بعد امس ..؟

الجوري : آه ........آآآآآآآآآآه ........ من هالمعرس معذبني

بدر رجع من المستشفى بس راح نص ساعه يشوف اخوه ويشيك على اكله .. رجع للبيت ومثل ماهو هدوء : ايوه اكيد ماطلعتي من غرفتك لهاللحين – ابتسم وهو يتذكر شكلها وهي مستحيه حط ايده على خده وين ماباسته – يالبيه قلبك ياعمري انتي ..

مشى لحد الغرفه وقبل لايدق الباب سمعها تقول : آه .......آآآآآآآآآآه من هالمعرس معذبني

وقفت اصابعه قبل لاتدق الباب من المعس من اللي معذبها افكار كثير تدور بباله ...

لوجين : لاااا واخيرا اعترفنا

الجوري: والله مادريت اني مو بس احبه الا اموت فيه

بدر كان بيفتح الباب ويضربها ويلعن خيرها بس مسك اعصابه ومشى لعند التلفون رفعه بهدوء

لوجين بصوتها الناعم الفخم : قلتلك من امس حسيت عيونكم فضاحه يابنت

الجوري : اليوم اليوم بس تاكدت لما حكى لي معه السكر حسيت بضيقه و

لوجين تقاطعها : معه السكر

الجوري: تصوري ياقلبي هو طلع معه السكر وانا الغبيه فكرته يتعاطى شي

لوجين ارتبكت بس جابوا التعاطي : لا اكيد انه السكر المدمنين يوضح عليهم

الجوري: ايوه عارفه ... ولما حكالي حفت مادري ليه خفت عليه مرهه وكان بودي ابكي واضمه

بدر جلس على اقرب كنبه تحكي عنه تحبه هو ..

لوجين : يابختك بدر مزيون وشكله حبيب

الجوري : المشكله خايفه..؟

لوجين : خايفه خايفه من ايش

الجوري: مادري اذا ناظرت بعيونه والا حكيت معه احس بخوف مادري وش سببه بس قربي منه يخوفني .

لوجين : يمكن من اللي حصل قبل كذا بالمطعم

الجوري ارتعش كل جمسها : تكفين لاتذكريني احس ان شعر جسمي وقف .. الله لايعودها من ايام

لوجين تغير الموضوع: صحيح يالعاشقه مانتي بناويه تطلعي معي للمطار نستقبل البنات

الجوري : والله بودي لكن ماتوقع ان بدوي بيرضى وخصوصا بعد اللي صار من ساعات

لوجين : لا تكفين لاتشتغلي لي بدوي كنا برودي وهاللحين بدوي ... البندري طول الايام اللي فاتت ومن احكي معها ماعندها شغله الا رودي هذا وانت هاللحين والله انتحر

الجوري: هههههه يحقلنا ياختي دام حبايبنا مثل كذا ..

بدر سكر التلفون بهدوء مثل مرفعه سمع اللي يبغاه جلس دقايق ييناظر بالنافذه مو مستوعب اللي سمعه لا وتدلعه بعد ((بدوي ياحلوه من فمك ياشيخه )) ابتسم ..وبعد ثواني انفجر بالضحك : هههههههههههههههه

الجوري: بسم الله الرحمن الرحيم وش هالصوت

لوجين: وش فيك

الجوري: ها لاولاشي بس صوت بدر

لوجين: طيب عادي

الجوري: بدر بالمستشفى وتهايالي صوت ضحكته

لوجين: امم من الحب ماقتل

الجوري: انقلعي واسمعي لاتجيبي طاري ل البندري

لوجين: داريه انها بتمصخرك ها هههه

الجوري: الا بتغثني بالنصايح ومغامراتها مع الشاطر حسن الرودي

لووجين: هههه تنفع عايله

بدر يدق الباب : ممكن ادخل

الجوري دق قلبه بسرعه : ياويلي بدر

لوجين: اوكيه اخليك

الجوري بسرعه : باي

سكرت التلفون

بدر : الجوري نمتي

الجوري مشت لعند المرايه تعدل شكلها : لا صاحيه بس دقيقه ...
عدلت شعره وحطت ايدها اليسرى على قلبها واليمنى تهف فيها وجهها لان حرارة جسمها وصلت للمليون (( ياويل قلبي كيف بشوفه هاللحين ))

بدر : اذا خلصتي اطلعي الفطور وصل

الجوري فتحت الباب بسرعه : اصلا جالسه ماسوي شي

بدر اول ماطاحت عينه عليه غصب عنه صار يضحك : هههههههههههه

الجوري شكت بشكلها وجهها صار احمر : وش فيك ..؟

بدر طاير من الفرحه تنهد : سلامتتتتتتتتتتك

الجوري مرتبكه : وين الفطور اللي تحكي عنه

بدر : ضحكت عليك البسي وتعالي ننزل نفطر

الجوري : يكون احسن ...- تحاول تبعد عن جو البيت احسن لانها بعد اللي اكتشفته تخاف على بدر من نفسها منها هي ...-

بدر : بتناظريني كثير يله

الجوري انحرجت كانت تناظر ولاهي داريه .. دخلت تبدل علشان تفطر هذا وقت غداء مو فطور ...

********************************

السعوديه – الرياض

الناس مجتمعه حول عادل ونقلوه لداخل المستشفى على طول وهو بغيبوبه مو حاس بشي ...

الدكاتره عرفوه يشتغل معهم خبروا اهله انه عندهم ..

.............................

ياسر : ليه تهورت ..؟

رائد: والله القهر اللي فيني للحد هاللحين مانطفى ... كان بودي اقتله مو بس كذا

ياسر : انا كيف طاعتك جد اني غبي هذي حركات مرراهقين

رائد: شهرين وانا ماسك نفسي واقول اكيد بيعتذر بيعرف غلطه بيرجع الامل لذوق اكيد انه يتوهم هو وامه خسارت ابوهم من سنين ومش عارف ايش خرابيطهم بس لما سمعت انه تزوج حسيت وش كثر هو نذل

ياسر : اسمع ان حاجز على مصر ولازم تروح معي نبعد كم يوم يمكن مات ..؟

رائد: ياليته يموت ..

ياسر : لا ان شاء الله حنا اللي بنروح فيها ..

رائد: وسفرتك هذي اللي على مصر مايبغالها حجز لي ..

ياسر : لا اسمع حنا بنروح بالعباره ..بالبحر

رائد: اها عبارة السلام اوكيه خلاص توكلنا على الله ... بس هاللحين انا بروح للبيت اتروش علشان الحق على البندري واوصلها للمطار

ياسر : اوكيه وانا بروح للمستشفى اشوف حالته هذا العادل

******************************************

ذوق ترتب ملابسها بالشنط

نديبه الحبشيه : ها يازوق هزي السفره بدون رقعه

ذوق تناظر صوره ابوها اللي على الجدار : ايوه ... بدون رجعه ...

نديبه : ماتحسي انو لازم تخبري ماما وبابا

ذوق: لا انتبهي يا نديبه لاتحكين لاحد

نديبه : بفتقدك يابنتي

ذوق: وانا اكثر يانديبه .. – غرقة عيونها – ماوصيك على بابا قولي له اني احبه اوكيه ..

نديبه : ليه كا هدا ليه ماتحبي ان ابو

ذوق قاطعتها : خلاص نديبه قولي لرائد تراني جهزت

نديبه: استاز رائد خارج

ذوق : طالع وين وليه ..؟ اها اكيد عند البندري ههههه الله يخسهم هههههههههه

******************************************

البندري واقفه بالمستشفى قبل لاتروح للمطار

السستر : البوندري البوندري

البندري : ايوه هنا ...

ودخلت لعند الدكتوره : مرحبا دكتوره ناره

الدكتور ناره : مرحبتين ,... كيفك البندري

البندري : كويسه لكن سني يالمني وطيارتي بعد ساعه

الدكتور ناره : مابتخافي شغلة نص ساعه ربع ساعه ويكون سنك منيح

البندري : اوكيه يكون احسن ...

***********************************************

بريطانيا - لندن

لوجين وصلت للمطار تنتظر صاحيباتها بفارغ الصبر

&

بدر والجوري يمشون بالشارع ساكتين ...

بدر قطع الصمت : وين حابه تفطري

الجوري : عادي اي مكان ..

بدر : وش رايك بستار بوكس

الجوري : اوكيه ... اي مكان عادي ...


بدر قرب من عندها وحط ايده على خصرها بوقاحه عرف انها تحبه وش يبغي بعد : ليه ساكته ...؟

الجوري انصدمت من حركته الجريئه قلبها صار يدق بسرعه : لا عادي

بدر همس باذنها : تفكرين بمين

هنا الجوري جد كان بيوقف قلبها حاولت تبعد عنه : عادي ولا احد

بدر تمسك فيها اكثر : آه ياليتني مكانه اللي تفكري فيه

الجوري خافت وش فيه جرياء اليوم بزياده ليكون سمعها : لاتحلم حتى اني افكر فيك

بدر مسك ابتسامته : شدعوه عارف العين ماتعلى على الحاجب

الجوري قدرت تفلت منه ومشت قبله بمسافه ...


مشت وهي كل تفكيرها مع بدر وقلبها يدق بسرعه ماناظرت الطريق مشت
ماحست الا بصرخة بدر وهو يركض : لااااااااا لجوري


لفت شافت سياره مسرعه وقفت وهي تضغط على اذنها بايدينها كل شي صار لها قبل الحادث ولبنان كله رجع قدام عيونها لكن الاحداث تغيرت والاشخاص تغيروا .... صاحب السياره وقف باخر لحضه وبدر بثواني كان قبالها وهو يصرخ من الخوف : الجوري ... حياتي الجوري حصل لك شي

الجوري نزلت دموعها وقالت بشفايف مرتجفه وايد مرتجفه : بدر

بدر : لاتخافي تعالي معي

الجوري ضمت بدر بقوه وهي خايفه ضمته تبكي ...

بدر فتح لها ايده وقلبه مسح على شعرها يهديها وهو يبعدها عن الطريق : لاتخافي حياتي .. خلاص حصل خير لاتخافي

الجوري كانت متمسكه فيه وتبكي

بدر يمسكها من قلبه : لاتخافي ماحصل شي بسم الله عليك ياعمري حصل خير ....

رجعها لداخل الشقه وهي سانده راسها على صدره تبكي ... فتح الباب ودخلها لداخل وهي ترتجف من الخوف اللي صار كانه الحادث القديم ...

جلسها بدر على اقرب كنبه وجلس بجنبها ضامها خايف تضيع هاللحضات خايف انها تصحى من صدمتها وتبعده عنها

الجوري شهقت بالبكي : بدر ان

بدر همس باذنها : تعالي نامي بحضني ...حرام ينام به غير ك...تعالي حطي همومك ....بوسطه واخذي افراحي ... تعالي خلي انفاسي ....تعانق منك تصويرك تعالي راسك بصدري ....والراحه على الراحه ...تعالي طيوري بالهوى .... تعانق طيورك ...تعالي خلي ايامي
معك بالحب راحه ...ابي وانتي على حضني ... يخونك وصف تعبيرك ...ابي حزن سكن قلبك .. ابدد باقي اشجابه .. تعالي كل هالعالم ابد مابه احد غيرك يستاهل دفى صدري .....وياخذ لحضة افراحه ...

الجوري تمسكت فيه اكثر : بدر انت م

بدر : اوششششش خلاص لاحقه على الحكي ...

الجوري ضمته اكثر واكثر وكانها بتدخل فيه : انا

بدر ابتسم وهو من داخله يرقص ...

البندري مع رائد بالسياره

رائد كان ساكت مو بالعاده وهادي بزياده

البندري: يوووووه ماعندها سالفه وانا خايفه ماقدرت انام

رائد: ..............

البندري: رودي رودي

رائد: ها تحاكيني

البندري : لا احاكي السياره وش فيك ..؟ مانت بمعي

رائد: سوري حياتي وش كنتي تقولي

البندري مسكت ايده اللي عند القير وقالت بحنان : رودي حبيبي وش فيك

رائد تنهد : لا مافيني شي بس اهون عليك تتركيني وتسافري

البندري: والله ماودي بس البنات كلهم ناوين ومن زمان ماشفت الجوري ولوجين

رائد لف وابتسم لها بحنان : الله يرجعك سالمه ..

البندري: آمين ... ويخليك لي ياقلبي.. يله نمر على ذوق علشان الطياره

رائد: اوكيه يله ..

************************************************** ***

الساعه 7 المغرب ..

وصلت طيارة الخطوط الجويه السعوديه لمطار لندن ...

نواره وذوق والبندري نزلوا وهم ساكتين كل وحده بهمها سرت ...

البندري تحس انها تركت قلبها بالسعوديه تعودت على رائد وماتقوى فراقه .. وطول الطياره ماحكت مع نواره لانها مقهوره من حكيها امس
نواره همها بامها وطلال ماقدرت تزعل على امها اكثر ودعت ان الله يثبتها على توبتها ويسعد ابوها بعد الحب اللي ضيعه وضيعهم بسببها ... وماحست بالكلام اللي قالته لبنو اصلا نستها واستغربت منها ليه زعلانه ..

ذوق همها اللي حملته من شهور وايام ثقيله ... وفيصل ببريطانيا وخايفه من شوفته لها ..

بنفس المطار كان مسفر واصل راح للفندق بسرعه علشان يتجهز ويروح لمنصور قبل مايقابل لوجين ...

لوجين صرخت بوسط المطار : نوووووووووووووونو

نواره لفت عليها وبكت : لجونه

ركضوا لبعض والناس تناظرهم

لوجين : وحشتيني وحشتيني وحشتيني ...

نواره : وانتي اكثر ياعمري ...

ذوق ركضت لعندهم : لجووونه قلبي وعمري

لوجين ضمتها وبكت اكثر : حتى بطلاقي قلدتيني

ذوق: هههه وحشتيني ..

لبندري : وانا مالي ضمه

لوجين : انتي شيختهم وحشتوني ياحبيباتي وحشتوني

البندري: والله انتي اكثر

************************************************** ****************

لوجين بالسياره طايره من الفرحه كانت تضحك على اي شي يقولوه صديقاتها .. اما نواره مثل العاده ماشيه على اللي يقول ((اضحك مع الناس ويحسبوني من الهم خالي ...افرح واسعد قلوب الناس وانا من الهم باكي )) والبندري تسلوف لكن كل تفكيرها برائد وش فيه متلخبط لما اخر مره شافته .. وذوق آه من هم ذوق اكثر وحده بالبنات تعرضت للخاينه من الاحباب ... وطعنتين بالقلب تتجرح ... كانت ساكته وماتحكي وتناظر شوارع بريطانيا اللي ذكرتها بحبيبهافيصل تذكرت كل كلمه كل حرف حكوا فيه مع بعض كل همسه ولمسه .. لاخر لحضه كانوا فيها احباب يوم التخرج ..


(( ذوق: فصول وراك اليوم ساهي
فيصل:ههههههه طلع الكلام القصيمي هذا ومابعد ترجعين لسعوديه
ذوق:هههههههه لازم اتدرب قبل
انتبهت باخوها رائد يمشي : باي حبيبي اخوي جاي ...
راحت بسرعه و رجعت لانها نست تعطيه الهديه
طلال:اشوف الهبله ذوق صدقت انك تحبها
فيصل :الا صارت تحبني بعد هههههههههه الهبله على بالها اموت فيها
طلال: اهم شي القرنقش الفلوس قدرت تاخذ منها
فيصل: شوفت عينك كلها كم ساعه وسياره
طلال: يله عقبال الكبيره
ذوق وقفت مصدومه مستحيل اللي تسمعه لا اكيد هي بحلم ...الصدمه شلتها عن الحركه حتى الدموع عيت تنزل ...طاحت الهديه من ايدها لفوا الاثنين
فيصل: ذوق
ذوق مدت ايدها وعطته كف : يانذل ياحقير ( نزلت دموعها)
فيصل مصدوم ماعرف وش يقول وطلال بعد
ذوق: انا اللي صدقتك وخ
ماقدرت تكمل راحت تركض للحمامات ))

هذي كانت اخر ذكرى حلوه بينهم ...

نواره : لا وماشفتي هذا الشرطي كيف ناظر محمد حاقد عليه

لوجين: ههههههه ياليتني معكم ...

البندري : لا احسن لك مو معنا ذلونا

نواره: ههههههه الشرطي مسكين وده يقتلنا

لوجين : هههه اما حكاية الشيعه الله يخصك يا نواره ليه كل هالتعصب

نواره: وش فيك نسيتي بالبحرين اللي ضرب ابوي لما كنا نشتري ذهب لنجلاء بنت

لوجين: اهااااااا تذكرت علشان كذا تعقدتي ...

وقفت السياره عند فله بحي راقي ومحترم كانت طيراز غربي وكبيره

نواره: ونااااااسه بنسكن هنا

البندري : ياما تمنيت مثل كذا

نواره : كانه بيت بوب ساقيت

لوجين : لا هذا اكبر

البندري : شوفوا ناصر يووووه من زمان عنه

نواره: آه يالبيه قلبي هالمزيون هذا ...

فتح ناصر للوجين الباب والباقي فتحوا لانفسهم ...

نواره : هلا والله نصور كيف الحال

ناصر : نصور ههههه تمام

نواره: يوووه الله يخسك حليان بزياده

ناصر : شكل السفر ماثر عليك

نواره: ههه تقريبا ...

ناصر : هههه

لوجين : يله بنات تفضلوا داخل

دخلوا داخل وهم يضحكون على ناصر و نواره ..: ههههههههه

منصور واقف عند الدرج وساند ظهره على الجدار ..: الحمد لله على السلامه

البندري وذوق ونواره فتحوا فمهم من هذا المزيون اللي واقف كل اللي يعرفونهم من الشباب ينباعون بالسوق قدام حلاه

لوجين معصبه : بنات هذا منصور ولد عمه

نواره مثلت انه بيغمه عليها : لحقوني يابنات

البندري: ههه فشلتينا

ذوق : هههههه

لوجين : منصور هذولا صحباتي نواره

نواره مبسوطه : هلا هلا والله

منصور يناظرها مستغرب هذي خفيفه مره بس شكل روحها حلوه ابتسامتها جذابه : اهلين ...

نواره : ياويلي

لوجين : ههههه اثقلي يالهبله

نواره: مشاء الله انت متاكد انك من نفس دم لوجين

لوجين: لااااا وش قصدك

نواره: بسم الله مشاء الله مشاء الله عليك وجه يفلق القمر ..

منصور مستغرب من جرائتها بس تذكر بنت عمه اكيد صديقاتها على شاكلتهم ...: شكرا

لوجين : اسكتي عاد ابعرفه على البقيه .. وهذي ذوق

ذوق : هاي

منصور ناظر فيها بنت واضح عليها ناعمه وخجوله بعكس نواره اللي قبلها هذي حياءها محليها ويجبر اللي قدامها يستحي منها : هاي

لوجين : وهذي البندري .. صاحبة الجوري الروح بالروح ...

منصور : اها الجوري اللي بدر

لوجين : ايوه

البندري : هلا

منصور ناظر فيها حلوه لكن بعيونها لمعه غريبه نظراتها حالمه وجهها مشرق اكثر البنات : مرحبا

نواره رميت شنطتها على الارض : ترااااني ميته من الجوع يه وين غداك ..؟

لوجين : اول ارتاحي بعدين

نواره: اسمعي انا حاجزه غرفة اوك بلا منازع ...

لوجين : بس غرفته مقفله وم

نواره: اقول بلا اعذار ... يااااااااااارا يارا حطي الغداء ...

البندري مشت لغرغفة الضيوف : ابكلم رودي باي

نواره مشيت لعند المطبخ وين ماشرت لها لوجين

كانوا البنات ماخذين راحتهم بالبيت لانه مثل بيتهم وبالذات ان الاقامه ابديه بتكون فيه ..

منصور واقف يناظر .. متفرج ...

ذوق : انا بطلع ارتاح ولا حد يصحيني اوكيه

لوجين : لا وين اجلسي اهذري معي عن عادل و

ذوق: مالي خلق واسمعي انا بروح لمانشستر عند فيصل تجي معي

لوجين : فيصل......؟ليه .....؟

ذوق بضيقه : ابعتذر له ... اذا قمت من النوم حكيت لك كل شي

لوجين :اوكيه

طلعت ذوق بالاصنصيل ومابقى الا منصور ولوجين

منصور : لوجين

لوجين: اذا بتعتذر اسفه ماقبل

منصور : ومن قالك اني باعتذر انا ماغلطت وبعيد لك كلامي مليون مره على العموم من اليوم ورايح انا مالي كلمه عليك لان في احد ثاني بيكون مسول منك

لوجين: احد ثاني من ...؟

منصور ابتسم بخث: مادري بس اوعدك بتعرفيه قبل لارجع لشرقيه

لوجين:: لشرقيه وش عندك

منصور : هناك ببيتي

**********

لوجين : بيتك.............. ليه انت متزوج ...؟

منصور : متزوج من ثلاث سنوات ... – زادت ابتسامته – شيماء

لوجين : عندك بنت ...؟ ومتزوج لكن انت قلتلي انك مو مرتبط

منصور : لا ماقلت كذا انتي سالتيني انت خاطب قلتلك لا مااقلتي انت مرتبط او متزوج

لوجين : طيب وين الخاتم مافي شي بيدك

منصور : لوجين انا سعودي وبالسعوديه يعني اكيد اني ماهتم لهذي السخافات حتى ام شيماء ماتهتم فيهم ..

لوجين: طيب انت ليه ..؟ تاركهم وجالس معي هنا

منصور :هههههههههه صدقتي انا عزابي ومستحيل اتزوج وبعدين في مههمه وامانه برقبتي لازم اخلصها بعد كذا برجع برجع مراح اجلس هنا ...

لوجين بانفعال : وانا ...؟ بتتركني ...؟

منصور ..: نعم ..؟

لوجين : انت ولد عمي وانا ماصدقت طلع لي سند به

قاطعتهم نواره وهي ماسكه سندويتشات تاكل : وش تهذرين مع الوسيم

لوجين ابعدت عيونها المغرقه عنه : ولا شي .. تعالي نونو نجلس بالحديقه نهذر ..

منصور : لحضه لوجين ابغى احكي معك شوي

البندري: يااااااااالله رودي مايرد علي

نواره: احسن تستاهلي اتركي الرجال يرتاح منك شوي

البندري: انتي بليز لاتتدخلي

لوجين : وقت ثاني منصور

منصور : لا هاللحين

نواره : اوكيه لجون انا بطلع انام بس قبل وين غرفة عمو رشودي

لوجين : مادري المفتاح مع ناصر ...

نواره : واو نصوري

البندري: خذيني معك

طلعوا البنات لفوق

&

البندري طول ماهي تمشي مقهوره (( ليه مايرد علي ... انا قلتله بدق ...يالله يارائد وش فيك الله يستر بس ليكون ار لك شي ..

&

نواره : هلا والله بنصور توني بناديك

ناصر ابتسم: خير

نواره : ابسالك وين مفتاح غرفة راشد الكاسر ابنام فيها ههههه

ناصر : نعم ..؟

نواره: ايوه حكيت مع لوجين واسمحت لي انت مالي شغل ..

ناصر : لا اسف

نواره: ليه ..؟ انت وش دخلك بعدين خلني اعيش بالعز ساعه

ناصر ابتسم نواره تدخل القلب بسرعه بعفويتها وبراءتها : اوكيه تعالي معي ...

نواره بحماس : yes

ناصر فتح لها غرفة فخمه لكنها مو غرفة راشد .. المسكينه انبسطت على بالها غرفة راشد


&

منصور : انا مافهمت وش قصدك من اللي

لوجين قاطعته : ياليتك ماجيت يامنصور ولا عرفت ان لي عيال عم .. ليه خليتني انبسط واحس اني لي احد بالدنيا من لحمي ودمي ... ياليتك ماجيت

منصور: اذا حابه ترجعي معي لسعوديه واعرفك على باقي عمامك و

لوجين: لا واللي يرحم والديك لاتلوع كبدي عمامي ... وش بيصير اذا عرفتني على عمامي كل واحد بيدق الصدر انه احق بادرات الفلوس واني بنت ماينفع اتصرف بشي وتاخذوني اعيش بيت واحد منكم اللي تطلع لي وحده من زوجاته ماتطيقه والا بناته اقطع عليهم التطفل واعيش قصة سندريلا العرب ا السعوديه ... لا مشكور تقدر تسافر الله معاك اصلا هذا اللي تعودته اللكل يرحل ... ولا تخاف ابذكرك بالخير ..

منصور سكت يناظرها مايدري ليه حس بتانيب الضمير وقرر انه ينفذ اللي خطط له بحاذافيره ..

لوجين ابتسمت : خلاص نصوي صرنا سمن على عسل الله معاك

منصور هز راسه وطلع من البيت من غير لايحكي ولا كلمه

لوجين مشت لاقرب كنبه وجلست عليها خلاص الم الفراق ماياثر فيها صار عندها بنج منه هي ماحبت منصور ولا عزته حتى هي كانت محتاج لسند وهو كان هذا السند بس هذي كل الحكايه ... الدموع حرمت تقرب عيونها بعد مانزلتها لناس كثير فقدتهم ... صارت قويه اكثر من قبل الدنيا علمتها كيف تعيش لوحدها ...


&

منصور دخل للوبي الفندق المتواضع وعنده فضول يشوف مسفر اللي بنت عمه ملكة الجمال بنظره عافت دنيتها علشانه .. كان اسمراني شوي ملامحه حاده وسيم ... وسامة اهل شبه الجزيره .. : مرحبا انت مسفر

مسفر كان متوتر مره وقف بسرعه : ايوه هلا انت منصور

منصور : ايوه تفضل

جلس منصور بهيبته وحس مسفر بتوتر اثر ماتوقع ان منصور فيه هذي الوسامه وهالهيبه .. حس ان اي كلمه غلط بتنحسب عليه وتحرمه من لوجين لان القرار بيد منصور ...

منصور: تشرب قهوه

مسفر يفرك ايده : لا شكرا

منصور : ندخل بالموضوع على طول

مسفر حس بثقه بنفسه جائته من ابتسامة منصور المتعجرفه اللي ذكرته بابتسامة لوجين اول ماتعرف عليها نفس الملامح جد عيال عم ... اللي يدقق بلوجين فتره وبمنصور يطلع التشابه الفضيع بينهم حس بثقه من حب لوجين له : اوكيه ندخل بالموضوع انا ابخطب منك بنت عمك ... وموافقتها مضمونه بس يبغالها تلينت راس

منصور ماحب يرخص ببنت عمه : اسمع انا اذا فتحت معها موضوعك تعصب وتقول انها ماتبغى تتسمع اسمك مادري ليه ..؟ تتوقع تكابر ..

مسفر : اكيد

منصور : احب اقولك انها بالفتره اللي قبلت تتنازلك كل شي واعترفت لك بكلام كثير كانت تحت تاثيرالمخدرات مثل مانت عارف يعني مادري ردت فعلها هذي ندم والا حب

مسفر حس بشك وان كلام منصور صحيح : يعني ...؟

منصور : يعني انت بتقابلها وردت فعلها بتحدد اذا كانت جد تبغاك والا تبغاني

مسفر : تبغاك ...؟

منصور : ايوه بنت عمي وابغاها واحبها وافكر ارجعها معي لسعوديه

مسفر عصب : ودامك تحبها ليه ناديتني وقلتلي كل هالسواليف وك

منصور : اولا علشان انبهك انها يمكن ماتحبك وتنساها او العكس يمكن تحبك وتضل معها ..وثانيا انا اذا بتزوجها او اقولها اني احبها مابغاها تكون على ذكرى احد ثاني

منصور كان حاب من كلامه هذا يستفز مسفر ويخليه يتمسك بلوجين اكثر ونجح بهذا الشي ...

مسفر : اوكيه بنشوف اذا هي ماتبغاني والا لا

منصور : خلاص بعد بكره تجي للبيت اتوقع تعرفه وتقابلها هناك

مسفر : وليه مو اليوم ...

منصور : اليوم هي مشغوله بصحباتها والا تبغاها توقف على الاطلال وماتعيش حياتها

مسفر ثقته بنفسه اهتزت منصور اوسم واغنى منه حتى له هاله خاصه حوله وين تناظره لوجين بعد ماجست مع منصور ..(( لا وش هالتفكير يا مسفر انت ماتعرف لوجين اذا فكرت كذا ..))

منصور وقف : الوعد بعدبكره اتوقع انك دال البيت

مسفر ماوقف : ايوه ...

منصور مشى وعلى فمه ابتسامة نصر حطم مسفر وتركه مو واثق من نفسه نص اللي يبغاه صار باقي النص الثاني وهذا لوجين اللي بتحدده ياترخص نفسها يا تعلمه قدره ...

************************************************** ***********

البندري ماسكه التلفون على اعصابها وبهدبها الدمع : يالله رد ...

مع الاسف مافي رد ...

دقت على بيت ذوق يمكن حد يريحها : الو

نادبه : الو

البندري: هلا نادبه وين رائد

نادبه : مرحبا انسه ذوق كيفكم وصلتوا

البندري: ايوووووه وين رائد

نادبه : رائد مشي لمصر

البندري: مصر ....؟

نادبه : ايوه حكى لست الكبيره وقال لها انو ماشي يومين لمصر .. وكانت حالتوا مماتسر

البندري بعصبيه : كيف يمشي لمصر من غير لايحكي لي .. ايوه بدء يلعب بذيله

نادبه : لا ياست البوندري هو عايز يسافر مع اصحابوا

البندري : زين اذا شفتي وجهه بعد مايرجع قولي له يحكاني

سكرت بوجه نادبه السماعه معصبه ...: هذا كيف يسافر من غير لايقولي ... والا على باله سافرت خلاص ... يالله يارائد انت كيف تفكر ...

تمددت على السرير تنام .. بس النوم جفاءها ...

دقت لوجين الباب : ممكن ادخل

البندري كانت محتاجه تحكي مع احد : ايوه

لوجين : خير ليه الحلوه من جاءت معصبه وانا اللي توقعت اكثر وحده بتجي مبسوطه

البندري: البركه برودي تص

قاطعتها لوجين وهي تتمدد بجنبها: ممكن احكي مع بصراحه

البندري : ايوه

لوجين: من غير زعل ولا عصبيه ..ولا نرفزه

البندري تتنهد : آف ايوه

لوجين : وعد

البندري : وعد ...

لوجين : مانتي ملاحضه انك متغيره بالفتره الاخيره كل حكيك عن رائد حتى ماتعطي حد فرصه يحكي معك على طول تحكين عن انجزات رودي معك وكيف انه رومنسي وحبوب .. ماعاد جلستي مع البنات طول وقت معه وحتى لو جلستي معهم ماتفكري الا فيه وماتحكي الا عنه ...

البندري وكان حد معطيها كف على وجهها معقوله هي صارت كذا

لوجين: بذمتك متى اخر مره سمعتي لذوق والا لنواره حتى الجوري لما تحكين معها ماتسمعي وش فيها تقولي لها عن اللي فيك وهي تسمعك وماتسمعيها .. وحتى اول ماجينا مانشدتي الجوري والا تروحي لها على طول حكيتي مع رائد

البندري: بس رائد زوجي وان

لوجين: انا ماقولك اتركيه او لاتحبيه وطنشيه والا لاتحكين معه ... لا بالعكس بس اللكل له حق عليك والجوري شهرين ماشفتيها وماشتقتي لها

البندري سكتت تفكر بحكي لوجين معقوله هي صارت سلبيه وماعندها شخصيه وكل شي بحياتها رائد .. معقوله خسرت حياتها الاجتماعيه علشانه .: اها عرفت هاللحين نواره ليه عصبت بالنمجمع وش كان قصدها

لوجين : المهم فكري بكلامي بعدين – بحماس جلست – قولي لي وش صار مع رائد ..

البندري: عادي مسافر .. وش رايك نطب على الجوري

لوجين : نامي هاللحين وبعد ماتصحي نطب عليها ...

البندري : اوكيه تصبحي على خير

*******************************************

ذوق نامت من التعب بعد ماقررت تمر على فيصل خلال هذي الايام

**********************************

نواره اول ماتمددت على السرير الكشخه على قولتها فكرت بصاحب هذا البيت راشد ابو لوجين .. كيف عاش بعيد عن اهله واصحابه هذي الديره وانه يهرب من شي .. يمكن ان سفره هروب مثلها لكن وش نهايته قسوه على بنته وماحد بكاه ..الا قليل .. خافت خافت تكون نهايتها مثله محد يبكيها ...

************************************************** ***

مرت الايام والبنات ببريطانيا .. رجعوا الخمسه الحلوين لوطنهم الروحي لاحلى مكان يهربون فيه من مصايبهم ... يمكن تطول اقامتهم ....فيه .. يمكن يحنوا لاول تراب مشيوا عليه خطواتهم الاولى

نواره : يلللللللله يالبدو بنتاخر على الجوري

البندري : صار لنا يومين وحنا طاقين عندها واذا تاخرنا شوي ...

ذوق : انا جهزت باقي لجون

نوراه : لاحول اذا عليها ماطلعنا الا الفجر

لوجين : وجع ليه الحش خلاص جهزت .. يله

طلعوا البنات لسياره

منصور : ها ياحلوين على وين ...

نواره : واللله مالحلو الا اللي ببالي

منصور : ههههه

لوجين : لبيت الجوري تجي معنا

منصور : لا هذا بدر مو شي

البندري: هههههه وانت صادق

ذوق : ...........................
ذوق مثل ماعرفنا انطوائيه شوي وماتحب تختلظ بالرجال كثير ...

منصور : اوكيه الله معكم

***********************************************

الجوري جالسه مع بدر تشوف التلفزيون وعيونها وقلبها معه ماتدري وش تشوف ...

اما بدر فكل دقيقه يناظرها بطرف عينه علشان ماتنبه له ...

بدر : مانتي بجوعانه

الجوري: لا عادي ..

بدر : وش رايك تساعديني ونعمل كبسه

الجوري: ههه كبسه مره وحده

بدر : ايوه .. يله وش راي

الجوري (( يعني بضل قربك طول الوقت )) : اوكيه يله ...

راحو للمطبخ

بدر : انتي حطي البصل بالخلاط وانا بركب على اللحم

الجوري ابتسمت : انا وبصل هههه

بدر : ايوه يله بلا دلع

الجوري : اوكيه يله ... ههههههه والله لو شافوني البنات لاصير مصخرتهم

بدر : ماعليك اخدمي نفسك بنفسك هذا شعار التفليس

الجوري: ليه ..؟ انت مفلس

بدر : وانا من متى مافلست

الجوري مندمجه بشغله : مشكله اللي مايعرفوا يتصرفوا

بدر عقد حواجبه وهو يمشي لعندها : ها

الجوري: هههههههه

بدر دزها خصره بخصرها : وش قلتي

الجوري : بدر ههه هه بتطيحني بالخلاط

اندق جرس الباب

بدر : اكيد هذي السلطات وصلت

الجوري: هههه ان طلبت لبن بعد هههه

مش بدر لعند الباب : لا تتريقين بعد

فتح الباب البنات واقفين مبتسمين واضح انهم سمعوا وش قال

الجوري: ههه هههه اجل يا حلو كبسه ببريطانيا

بدر اشر لهم اسكتوا وادخلوا : الجوع ياحياتي ومايسوي

الجوري لفت عليه مستغربه قال لها يياحياتي وقبل لاتنطق شافت البنات واقفين يناظرونها

البنات وبدر : هههههههههه

الجوري كانت بالمريله وماسكه البصل تحطه بالخلاط ...: لا ااااا تضحكون

نواره تصورها : والله بمليون ريال

بدر سحب الجوال من نواره : لا هذاك اول هاللحين لا

الجوري: هههه ادخلوا وتفضلوا

لوجين: ياي وش تطبخون ..

ذوق : آه ريحة الكبسه

البندري: يالخاينه تطبخي من وراي

نواره مقهوره سحبت الجوال من بدر : خلاص مسحتها ارتحت

بدر : ايوه ...

الجوري فصخت المريله : تونا مابعد بدينا بالكبسه

لوجين : بليز كملوها ..

الجوري ناظرت بدر وهو يدخل للغرفه يتركهم على راحتهم : من جدكم انتم انا وش عرفني هذا بدر

البندري بعد ماراح بدر : حركات كبست ومش عارفه ايش رومنسيه سعوديه

الجوري: ههههههههه

ذوق : اوعدنا بكبه وورق عنب يارب

لوجين : ليه ناويه على لبناني

نواره : ايوه البنت تفكيرها خربان ...

الجوري سكرت النار على المويه : قبل لاطلع من المطبخ وش تشربون ..؟

نواره: عارفين المطبخ مايحتاج

صبت لهم عصيرات وجلسوا ..

البندري : نواره هزائك بدر كويس

الجوري: هههه بعد حيي يغار

نواره: مالت عليكم انتم الاثنين جد وافق شنن طبقه

الجوري: مسكينه المدرسه اثرت عليها

نواره: اييييييه راحت ايام المدرسه وخرابيطها

الجوري : بنات خمس دقايق وجايه

البندري بخبث : ايوه روحي لعنده

ذوق : مسكين يمكن مايعرف يبدل ملابسه

لوجين: ههههههه

الجوري وجهها احمر : انقلعوا ...

استاذنت من البنات ودخلت غرفتها تبغى تشوف بدر وش يسوي ... فتحت الباب شافت بدر متمدد على بطنه بالسرير فكرته نايم وقفت تتامله وبعدها حطت عليه الغطاء .. صوت تنفسه عالي ..

بدر : صاحباتك طلعوا ...

الجوري قفزت ماتوقعته صاحي : لا موجودين ...

بدر لف عليها وابتسم : وليه تاركتهم

الجوري ارتبكت : كنت ادور على ...جايه لجوالي .. ماشفته

بدر : جوالك ..؟ مادري - بخبث - وش عندك

الجوري بسرعه : انا مافي شي

بدر : اكيد

الجوري: ايوه اكيد يعني وش بيصير عندي ...؟

بدر جلس واسند ظهره على قاعدة السرير يناظرها

الجوري: وشفيك ...؟

بدر :ههههههه سلامتك

بدر وقف قرب منها

لما يقرب منها بدر تنكمش على نفسها : لا بعد ابعد عني ابعد ...

بدر رفع ايده وبعد عنها : اوكيه .. اوكيه .

بدر قرب منها اكثر : ابغى اعرف ليه ماتخلينا

الجوري كانت تحس بمشاعر قويه له ولكن تعكسهم علشان تقاوم : اكرهك اكرهك اكرهك

بدر استفزته الكلمه ومسكها بقوه من ايدها : لاتقوليها بوجهي مره ثانيه

الجوري خافت عيونها بين فيها الخوف .. ناظرته ببراءه ..
خفف على ايدها : سوري استفزتيني .. لا تقولي اكره مره ثانيه كذا

هزت الجوري راسها بخوف : اوكيه

ضمها بدر بقوه : لا تخافي مابغى اشوف هذي النظره بعيونك

الجوري ترتجف بين ايده خايفه وقرفانه تبغى تبعد قالت بضعف انقلب ضدها " بدر

بدر ابعدها شوي : هلا

الجوري : بدر انا ... بدر – تبكي –

بدر لا اسمي لاتقوليه كذا ماقوى عليك ..والله ماقدر على دموعك ..: لاتبكين – مسح دموعها -

و جلسها على الكنب وجلس على الارض عند رجلها : قولي وشفيك

الجوري تحاول تتماسك بس كل جسمها تعبان نفسيتها متحطمه : بدر انا تعبانه

بدر : يابعد كلي انتي وش متعبك وليه تعبانه

الجوري تناظر عيونه : انت انت سبب كل اللي فيني ..

بدر : عارف والله عارف ..

الجوري : رجعلي مثل قبل رجعلي كل شي اخذته مني ..

بدر ناظرها باسف : ياليت

الجوري : ليه رجعهم انت اخذتهم بسرعه رجعهم بنفس السرعه

بدر وقف ووقفها معه : انا راجع اعوضك ...

الجوري : تقدر ترجع لي امومتي تقدر ترجعني مراء مثل باقي الحريم انت قتلتني يابدر قتلتني

بدر : والله بودي بس مو بيدي

سمعوا ضحك البنات بره : ههههه

بدر مسح دموعها: انتي هاللحين روحي لصحبات واذا طلعوا نتفاهم

الجوري ناظرته وهي بايعه الدنيا ومافيه واذا عرف انها تحبه وش بيصير

بدر باسها على جبينها : انا هاللحين طالع تامرين على شي

الجوري : وين ...؟

بدر : بتمشى

الجوري بحياء : طيب ابغى كم شغله للبنات نتسلى فيها لان الش

بدر : اوكيه ماطلبتي ..

طلع بدر بعد ماغلست الجوري وجهها ..

نواره بحقد تناظر بدر وهو يطلع ...

البندري: ههههه نونو اعلنته عدو رسمي

الجوري: من ...؟

نواره: رجلك هذا قاهرني

الجوري: لا كل شي ولا بدوي

لوجين ك قلتلكم كنا بواحد صرنا باثنين هههه

البندري: هههههاي بايخه

الجوري ضحكت معهم وكانت مبسوطه تحس انها مو مستحيه تقول لبدر عن مشاعرها او حتى يدري هو او يحس

بعد دقايق دق بدر الباب

الجوري : ايوووه تفضل

بدر حط الاكياس على الطاوله : ها فاتني شي

نواره: لا

البنات: هههه

بدر طلع علب ايس كريم باسكن روبنز كبيره : يله بنات فيه توفي وشاكلت وق

نواره : ايس كريم باسكن ... كني بديت استلطف ك يارجل اختي

لوجين : لا رضينا عليك

بدر: ههههههههه

عطى كل وحده علبه وهو مسك علبه : كلكم كلوا الا البندري ...

البندري عصبت : ليه

بدر : لانك سمنانه مرره ..

البندري : لا – تناظر نفسها

الجوري: الا والله سمنانه

نواره : خلي عندك شخصيه ماتصيري ورى رجلك ..
الجوري انحرجت : لا والله جد سمنانه

بدر مسك الجوري من كفها لانه اطول منها بكثير : بعد قلبي مرتي معاي دايم

الجوري وجهها صار احمر

البنات بحماس يصفقون ويصارخون

نواره: حركاااات

الجوري: اقول كلي وانت ساكته

بدر اخذ الايس كريم ودخل فيه الغرفه ..
الجوري ودها تلحقه بس البنات ....

ذوق: يالهبله روحي شوفيه يمكن بينام علشان مانزعجه – غمزت لنواره –

نواره: ايوه شوفي اذ بينام نعلي على الصوت ونقلقه

الجوري: اوكيه شوي وبرجع

لوجين: ماصدقت على الله ههههههههه

الجوري: آه الشوق ذباح

البندري : اسالوني انا ...

راحت الجوري لغرفه ....

بدر ياكل وهو يناظر الاب توب

الجوري قلبها يعورها كل هالسكر بياكله والله بيموت ..: وش جالس تسوي

بدر : اشوف فلم .. وبعد دقايق بيمرني كتور نواف نروح له

الجوري سحبت منه الايس كريم : بلا دلع ولاتاكل هذا الايس كريم انت معك السكر ...

بدر ابتسم : عادي بحرقه بالمشي

الجوري: ولو ...

خذت الايس كريم وطلعت بسرعه ....

بدر ابتسم : ياعيوني اللي يخافون علي ...

طفى جهازه وتمدد ونااااااام .. ماحس بالبنات وهبالهم ...كانوا بايعينها رقص واستهبال وسوالف كل وحده تبغى تزيح همومها بهذي اللمه ...

لوجين: عاد الجور جينالك مرتين .. استحي على وجهك وتعالي لنا ...

نواره: ايوه الفله اوسع واحسن

الجوري : اوكيه ....

************************************************** *

اليوم الثاني ..

لوجين صحت من النوم بعد مانادى عليها .. منصور ..
تروشت ونزلت معصبه من الصباح يبغاها لا ومستعجل جد ماعنده سالفه كانت مرتاحه من غير اهل ..

نزلت جلست بالحديقه مثل ماقال لها شافت مجلات على الطاوله ومفتوحه صفحت الكلمات المتقاطعه ...خذتهم وجلست على الارض بين الورود جلست ماسكه القلم تحل مندمجه على مايتنازل الاخ منصور ويجي لها

&

مسفر متوتر حده اليوم بيقابل لوجين بعد دقايق بيكون عندها ..كيف وبعد ماجرحها وتركها وهو ماصدقها وصدق شكوكه .. قلبها كبير وتحبه اكيد بسامحه تفال فيها الخير ....

وقفت السياره قبال البيت ومشى وهو يسارع دقات قلبه اللي بتوقف ...

دخل للبيت وكان منصور قباله

منصور اشر لمكان لوجين : هناك ومايحتاج اذكرك تراها قربت تنساك

مسفر : انا ناقص دخيلك اسكت

منصور حس ان مسفر متوتر مره ابتسم مثل ماتوقع انه يحبها ويستاهلها والا ماكان باع اهله علشانها ..

مشى مسفر وهو عينه على لوجين اللي جالسه بين الورد وهي احلى ورده ..كانت حاطه القلم بفمها ومندمجه بالجريده دق قلبه بسرعه وحس بحرارةجسمه ارتفعت حياته وقلبه قدامه لا وحليانه اكثر من قبل سمنانه وشعرها مقصرته لكتفها ..

لوجين حست بحركه على الاعشاب توقعت انه منصور من غير لاترفع راسها قالت : نصوي لاتحاول زعلت ساعه وانا انتظرك

مسفر كلماتها وقفته او بالاصح صحت من اللقاء الرومنسي اللي كان منتظره

لوجين رفعت راسها من سكوت منصور .. شافت مسفر قبالها كان شكله متغير نفس الجسم نفس الشعر بس العيون غير ... العيون ذبلانه ومهمومه ... دق قلبها بسرعه وحست بمغص قوي ببطنها .. رجلها ماشالتها ضلت تناظره وشكت هو طيفه والا مسفر

مسفر : هاي

لوجين وقفت بصعوبه وهي تناظر بيدها اللي قطعة عرقها على شن ليه جاي وش يبغى خلاص هي بتنساه ليه جاي يعذبها ..

مسفر سكت وهو يناظرها ..

لوجين ارفعت انفها لقدام بحركتها المعهوده اذا كانت معصبه : نعم خير ...

مسفر : كيفك

لوجين تكتف وميلت فمها باستهزاء : مايخصك ... نعم وش تبغى ..؟

مسفر : لوجين انا ماكنت عارف شي انتي ماوضحتي لي .. لوجين – بقلة حيله – اسف ..

لوجين : ايوه شكرا قبلت اعتذار مع السلامه

مسفر : لوجين انا عارف انك زعلانه وم

لوجين عصبت : زعلانه بس هذا اللي قدرك عليه تفكر اني بس زعلانه ... مع الاسف يامسفر انت ماقدرت تفهمني ولا قدرت اني كنت احبك

مسفر : كنتي .. لوجين انا اسف انا عارف اني اخطيت عليك كثير وجرحتك .. والله يال

لوجين قاطعته : اسفه وفر كلامك لنفسك انا كملت حياتي بدونك وماتخيل اني اكون معك .. سوري يامسفر -اشرت على يدينها - انا قطعت كل عرق كان ينبض لك .. سوري انت واحد ماتستاهلني

مسفر :لا يالوجين كل واحد فينا يفكر انه مايستاهل الثاني – ارتفع صوته – انا ضحيت باهلي بنت عمي الريم وب

لوجين : روح لها وش اللي ماسكك

مسفر : خليني اكلم كلامي ...انا تركتها وزعلت عمي وتطلقت العنود من اخوها واخوها الثاني ترك اختي رنا .. وقطعت العوايل بعض

لوجين اول مره تدري مافكرت ان كل هذا صار وماحكى لها واول مره تشوف مسفر معب ويصارخ كذا ...

مسفر يكمل عليها وهو يمشي لعندها : ليه تتوقعين سويت كل هذا ليه ... وهذا بالنسبه لي انتحار مثل انتحارك - فرقع "دق " اصبعه بوجهها – اصحي يالوجين اصحي مو بس انتي المقهوره والمتضرره كلنا كلنا نعاني ونضحي

لوجين الكلام اللي كانت مجهزته لمثل هالموقف ذاب بلسانها القوه اللي كانت فيها من دقايق ضاعت .. كل شي تبخر .. ردت فعل مسفر صحتها وخلتها تحن له بشكل مو طبيعي ناظرت بعيونه وكان تعبان تعبان بالحيل .. تعرف حبيبها اذا متضايق وهو هاللحين بيموت من الضيقه ...

مسفر : اسمعي انتي بنت مدلله وعلى بالك الدنيا كذا ... – ناظرها بتهديد – انا حكيت مع ولد عمك وخطبتك منه وبعد بكره بتروحي معنا لسعوديه نملك – صرخ فيه بقهر – وانتي ساكته سمعتي ...

لوجين مصدومه تناظره

مسفر : ها سمعتي

لوجين ابتسمت بعدها انفجرت بالضحك : هههههههههههههههههههههههههههههههههههههههههههههههههه هه

مسفر لف على منصور : تقدر تسافر

لوجين توها تنتبه بمنصور

منصور : على البركه يابنت عمي حابه تملكي هنا والا بالسعوديه

لوجين :ههههههه

مسفر : هنا ....

لوجين ضمت مسفر بقوه: انت حبيبي وحياتي . مسفر احبببببببببببببببببببببببببببك

منصور: استحي على وجهك ...

مسفر ضمها من قلب : وانا اكثر ياقلبي

لوجين مشت لداخل بسرعه تبشر البنات ... ومنصور ومسفر على بالهم استحت مساكين ماعرفوها لهالحين ...

لوجين: نواره نواره قومي بسرعه

نواره : ها وشفيك

لوجين: ملكت

نواره: ها

لوجين : بملك .. ملكتي بكره

نواره: بتملكي لمين ..؟منصور ...

لوجين: لا مسفر تحت وخطبني من منصور

نواره مفهيه تناظر في لوجين

لوجين : وشفيك بملك على مسفر حياتي وقلبي واخيييييييييرا يا نونو واخيرا

نواره : ههههههه للللللللووووووولللللل انتي سواليفك كثيره وحياتك ملخبطه حتى زواجك مادري ملكتك غير

لوجين طلعت سرعه : ببشر ذوق وبنو

لحقتها نواره فتحوا على ذوق الباب بدفاشه وكانت البندري جالسه معها يحكون عن سفر رائد لمصر بالعباره المستعجل ...

لوجين ونواره : للوووووووووللللللل

ذوق : بسم الله وش فيكم

نواره: مسفر تحت يخطب لوجين من منصور

ذوق والبندري فتحوا فمهم : ها

لوجين : ماعليكم منها ... بكره بملك على مسفر وبعدها بكم يوم نعمل الحفله ..

البندري: كذا بدقايق قررتوا

ذوق : وش هالخرابيط مافهمت شي

نواره : يوووووه على المخ السميك اللي مثل كذا

************************************************** ********

صحت لوجين من النوم وهي نايمه بالصاله لان بدر نام على سريرها امس وماحبت تزعجه ...

دق جوالها اللي بجنبها : الو

تتوقعون من اللي داق ..: هلا هلا والله بالعروس

الجوري ناظرت الشاشه من بيقولها عروس وهي من خمس شهور تقريبا متزوجه كانت (( اماني يتصل بك )) ماني اللي هي دانا

الجوري: اماني ...؟

دانا : ايوه اماني ..

الجوري : وينك ...؟ تو مافتكرتي ...

دانا : سوري ياقلبي ماعرفت رقمك الا من وحده اسمها دانا من كم يوم وقالت لي ان تزوجتي

الجوري : دانا من هذي دانا

دانا : والله مادري بس هي تقول انها تعرف زوجك واخذت منه الرقم

الجوري: تعرف زوجي ..من هذي

دانا : مادري اسمها دانا داود .. المهم ماعلينا انت كيفك ومن اخذتي

الجوري: ههه اخذت –فجاءه ذاكرتها اسعفتها اماني متزوجه من بدر البدر كيف وزوجها بدر البدر حست براسها ثقيل وماهي مستوعبه شي ...

دانا : الو الجوري وينك وين رحتي

الجوري: امونه انت وش قلتيلي اسم زوجك ...

دانا حست ان الجوري توهقت : بدر وش فيك نسيتيه

الجوري غرقه عيونها : بدر البدر صح ..

دانا : ايوه وش فيه من زوجك ..؟

الجوري : شوي واحاكيك اوكيه

دانا : اوكيه لاتنسين ههههه

الجوري مصدومه : وعد ...

سكرت ورمت التلفون على الارض وضمت رجلها لصدرها تبكي ....

بدر نام لحد ماشبع من النوم اريح نومه نامها بحياته هذي .. طلع من الغرفه وهو مستغرب وين نامت الجوري ...
شافها تبكي وهي ضامه رجلها لصدرها .. راح لعندها بسرعه : جور وشفيك

الجوري : ابعد ابعد عني يانذل

بدر : الجوري وش اللي جاءك وم

الجوري دفت ايده وسالته بسرعه : انت تعرف وحده اسمها اماني وحده اسمها دانا داود

بدر تغير وجهه وناظرها : ها ..؟

الجوري عرفت من ملامحه انه يعرفهم : ليه ليه ..؟ ياحقير ...

بدر تذكر دانا وانها كانت تقول ان اسمها ماني للجوري علشان ماتكتشفها بس وش اللي ذكرها فيها هاللحين ..: الجوري فهميني وش صاير ..

الجوري : مو لازم ... اسمع من اليوم وطالع مابغاك تحكي معي اعتبرني مو موجوده فهمت

دخلت لغرفتها وسكرت الباب بقوه ... بدر مو فاهم شي : الجوري افتحي فهميني وش صار

الجوري مافتحت ومن غير رد : ..........................

********************************************

الفصل الواحد والاربعين –




لوجين : انا متحمسه بالمره ابروح تحت بس منصور موجود

نواره : واذا وش دخله فيك ...

لوجين : يوووه ماتعرفينه كلامه كثير وبينشب لنا

البندري: انتي روحي وانا ونواره بنلهيه

نواره مستغربه من البندري حكيت معها غريبه وهي لاخر فتره معصبه : لاااا هاللحين نواره

البندري تبوس نواره بخدها : والله انتي الغاليه انتي نونو سوري اسفه ..

نواره ..؟؟؟؟: على ايش

البندري: كذا على كل شي

نواره : خلاص ابدرس الموضوع يمكن مارضى

البندري: لا احلفي ...

لوجين اتركتهم ونزلت لتحت عند مسفر ومنصور : هاي

مسفر : هاي هلا

منصور : اطلعي يابنت

لوجين: ههه تنكت .. انت اللي اطلع ابغي اجلس مع حبيبي شوي

منصور تنهد تربية بريطانيا : اوكيه اتركم براحتكم باي

مسفر : باي

لوجين بعد ماطلع منصور جلست وحطت رجل على رجل : اسمع انا صحيح قبلت نملك بس قبل كذا في كلام كثير لازم تعرفه

مسفر استرجى بجلسته وناظرها لحد هاللحين ماخذه على خاطرها : تفضلي

لوجين : كل شي توقعته الا انك تتركني وتسافر .. ليه ماسمعتني ..؟

مسفر عدل جلسته : لاني ماكنت متاكد من راري اللي اخذته وحسيتك متغيره وانتي ماصارحتيني عن المخدرات وعلي كن

لوجين : ولو مفروض تكون واثق فيني توقف معي بصراحه انا مستحيل انسى حركتك هذي

مسفر مشى لعندها وجلس بقربها : لاتزوجتيني بتنسيها وبتنسي جدها ...

لوجين ابتسمت تحس ان مافي شي بيفرقهم عن بعض : تذكر فستان اختك العنود ابلبسه بزواجنا

مسفر: لا انتي ماتلبسي حد لابسه قبلك .. انتي مفروض تلبسي

خانه تعبيره وناظر فيها بعيون حزينه : اوعديني نكون مع بعض على طول

لوجين : اوعدك ...

مسفر : تعالي نطلع نرقص ونستهبل ابغى اقضي وقتي كله معك ...

لوجين : اوكيه .. ابشر طال عمرك

مسفر : معك ان شاء الله والله لايفرقنا

لوجين مسكت ايده : مسفر ممكن اطلب منك طلب

مسفر : عيوني وعمري كله فداء لك

لوجين بجديه قالت له وعيونها مغرقه : لاتصدق علي شي الا لما تسمعني .. ابغاك تثق فيني مثل ثقتك بالعنود ورنا

مسفر : مايبغالها وعد اذا شكيت فييك بعد اليوم تاكدي اني مو مسفر

البندري لابسه ومتكخشه : هااااااااي

لفوا عليها الاثنين : هاي

لوجين بعصبيه : انتي ماتستحين طلعتي وانتي ساكته

البندري: خربت الجو صح ... ابروح مع الجور لصالة البولينق تجوا معي

مسفر : لا حنا بنطلع لسينما

البندري : اها ههههه الظلام احسن

لوجين: مسيو ماعليك منها هذي تفكيرها خربان مثل رجلها ..

مسفر : حلوه هذي مسيو

لوجين: شفت ههه عرف ادلع صح

مسفر : كل شي من قلبي يجنن

البندري: هاااايه نحن هنا
مسفر : لاحووول نعم روحي وش اللي موقفك هنا ..

البندري: ههههههه اول مره مسفر يعصب ..

مسفر : انتي تطلعي الواحد من جلده

البندري: باي ياكناري قبل لاتقتلوني

******************************************

السعوديه – الرياض


الريم : الحمدلله على سلامتك ياعادل

عادل : الله يسلمك ...

رنا واقفه مقهوره ماودها تجي بس امها غصبتها تروح ومن ورى ابوهم : الحمدلله على السلامه

عادل : الله يسلمك

عبدالله بضيق : رنا وين العنود ليه ماجاءت معك

رنا بدون نفس : مادري عنها ومايحتاج انت تعرف

ام مسفر : رنا عيب استحي على وجهك

رنا : قبل لانسى ترى مسفر بيملك قريب

الريم : لا على البركه وعقبالك انتي والعنود

رنا : انا لابدري مع اني كنت بملك قريب ب النصيب لكن اتوقع ان العنود يمكن

لف عبدالله بسرعه : كيف يمكن ...؟

ام مسفر : ماعليك منها ياوليدي تخربط

رنا : لا ماخربط وبتشوف

عبدالله وقف : بالاذن

رنا : تفضل وسلم على اخوك نهار بطريقك

عادل : من بياخذ مسفر

رنا : بنت رجال وبطرانه ... لوجين الكاسر

عادل يعرف لوجين عن طريق ذوق والريم عداوه قدايمه : ها ..؟

رنا : ههههه وش فيكم خقيتوا ايوه وريثت راشد الكاسر

الريم : كفوه

رنا : وانتي كفوك هذا

طلعت معصبه بعد مارمت كم كلمه كانو بخاطرها وماجئت الا علشان تقولهم ... شافت بدالله واقف قدام قزاز كبير بالمستشفى كسر خاطرها ولد عمها يمكن هو متعذب اكثر من اختها ... مشكله اللي ماعندهم شخصيه هم الوحيدين اللي يدفعون الثمن .. ممشت ووقفت عنده : عبدالله كان كلامي ثقيل صح

عبدالله مستغرب رنا ماكانت جرياءه كذا كانت تستحي تسلم عليه وهاللحين تسولف معه

رنا تكمل : لازم يعني تتزوج والا تضيع منك علشان تركض وراها .. تكلم مع عمي رجعها لو غصصب عن اللكل شوف ابوي زعل من مسفر كم شهر ورضى عليه هالللحين لا وبيروح يخطب لها بعد كم يوم ... والريم تزوجت عادل ومبسوطه معه وماحد ضايع بهذا كله الا انتم وكل هذا علشان ايش لان عمي بلحضة غض جبرك تتركها .. الدم مايصير مويه وانتم بينكم حب اكبر من خرابيط الاهل ..والله ياعبدالله ان العنود طول هذي الشهور تموت باليوم مليون مره

عبدالله بصوت مبحوح : يعني انا اللي مرتاح

رنا : اسمع القرار بيدك .. وانت اللي تحدد

قرب منهم نهار وهو مبتسم : ها عبود وريما ليه مادخلتوا عند عدول

رنا سكتت معصبه ماقد كرهت احد مثل نهار

عبدالله بخبث : هذي مو الريم هذي رنا بنت عمي عمر

نهار اختفت ابتسامته : رنا ..؟

رنا : لاتنسى عبدالله اللي قلتلك ومع السلامه

مشت بسرعه ملها خلق ثقالة دمه ... نهار ناظرها وهي تروح وهو مقهور من مسفر اللي فرقه عن حبيبته بنت عمه

*******************************
بريطانيا – لندن

ذوق واقفه قبال البلكونه تشوف مسفر ولوجين وهم يطلعوا من البيت وكل واحد مبسوط بالثاني ويضحك ...
تنهدت وهي تحسد لوجين لن حسد محمود تعبت كثير وتستاهل .. والبندري تستاهل اخوها رائد والجوري تستاهل بدر اللي يدور رضائها باي طريقه ...
بقى هي .. هي وفيصل ...
هاللحين فرصتها تروح لمانشستر عند فيصل لكن من وين تجيب الشجاعه وتروح ...

نواره : بخ

ذوق بدون نفس : هلا

نواره: يالله شكل الاخلاق مقفله ..

ذوق : مطلقه بالعشرين وش تبغي منها ترقص ..

نواره: لا تضحك وتقول لدنيا برب وتيت ... ياعمي بيعيها .الدنيا ماشيه ..- تاشر على نفسه – ها قبالك اكبر عانس بالشله وتضحك وترقص

ذوق نزلت دمعتها وهي تناظر نواره : انا غير نواره انتي تقدري تكابري وتضحكي على نفسك او بالاصح تضحكي على اللي حولك وانتي من جوى تنزفي دم وتموتي باليوم مليون مره ... على بالك ان البنات مو حاسين انا فيك شي وانك تكابري ... واضح عليك يانواره مهما حااولتي تخبين

نواره غرقة عيونها لكن ضغطت على اسنانها : انا هربت من اللي معذبني وابغى انسى فلا تزيدينها علي ..

ذوق : قوولي لي افتحي لي قلبك وش اللي مزعلك ... ليه دمعتك على خدك قبل لاتنامي كل يوم ليه ...؟

نواره استغربت كيف عرفت ذوق انها تبكي وليه مصره تعرف همها : مافيني شي .. وترى البندري بيت الجوري اذا حابه تروحي انا بطلع بعد شوي وبلحقها تجهزي

طلعت نواره وتركتها تركتها محتاره بحالت صديقتها

ذوق: والله لاعرف طال العمر والا قصر انا عارفه يعني عارفه ..

نواره تمشي لتحت (( وش تبغيني اقولك ..؟ هذا شي ماينحكي فيه ..خلاص امي تابت وطلال راح ليه افضح نفسي ... وافضح امي .. ياليت مشكلتي مع طلا ل مثل مشكلتك مع فيصل كان تهون ))

************************************************** ***********

البندري تدق الجرس

بدر بدون نفس : مين...؟

البندري (( وع ياشينك مادري كيف حبتك الجوري )) : انا

بدر فتح الباب : هلا

البندري: هاي الجوري فيه

بدر : اكيد يعني وين بتروح

البندري: اعصابك ..

بدر : اسمعي انا هذي صاحبتك تعبت معها كل يوم شكل وشي اتفاهمي معها

البندري: ليه وش صاير

ببدر : مادري اساليها
طلع وسكر الباب

البندري: الجوري .... الجوري

الجوري فتحت الباب وهي تبكي : بنو ...

البندري ضمتها : بسم الله وش بلاك

الجوري : خذيني من هنا بنفجر

البندري: اوكيه اوكيه بدلي وتعالي نتمشى ..

دق تلفون البيت ..

الجوري : ردي مالي خلق

البندري: اوكيه

رفعت السماعه : الو

....: الو مرحبا

البندري: هلا ..

.......: بدر فيه

البندري: ها لا مدري دقيقه ...

...: ممكن تقولي له ابغاه ضروري

البندري : دقيقه ..

راحت لعند الجوري وهي تبدل : وحد يبغى بدر

الجوري: من هذا ..؟ غريبه ...

االبندري: والله مادري

الجوري: قولي له بدر في جهنم الحمراء اللي تاخذه

البندري: لا شكلك مقهوره جد ... خلاص بصرفه ...

الجوري: لا خليني انا اتفاهم معه .. وليه مادق عليه بالجوال داق البيت

البندري: روحي ردي بس الاتصال من السعوديه

الجوري: السعوديه ..ليه وش صاير .. رنده ورناد فيهم شي

ركضت لسماعه : الو

...: الو اختي بدر البدر فيه

الجوري: انا زوجته خير وش صاير

...: لا مافي شي ابغاه هو شخصيا ..

الجوري: ليه ماحكيت معه بالجوال

..: ماعندي الا رقم هذا البيت وابغاه ضروري ..

الجوري: خلاص ابعطيك رقم جواله .. بس في شي

..: لا لاتخافي مافيه شي بس مشكله بسيطه مع واحد من ربعه

الجوري: اوكيه هذا رقمه ..*******

...: مشكوره اختي

سكرت الجوري السماعه : الله يستر وش فيهم وليه يبغو بدر
البندري: احكي معه وقولي له

الجوري بانفعال : لا والله بعد اللي صار سوري

البندري: ليه وش صار

الجوري: آه وش ماصار بحكي لك بعد شوي لاني هاللحين .. لازم اعرف وش صار مع بدر

البندري: ايوه جهنم الحمراء وهاللحين وش صار معه ...

الجوري بضيقه : مع الاسف مايستاهل ...

***********************************

مسفر ماسك بيد لوجين وماشين مع بعض في الملاهي ...(( مدينه الالعاب ))

لوجين : وشرايك اي لعبه نلعب

مسفر : قطار الموت

لوجين تاشر على لعبة سوبر مان المشهوره : لاهذي احلى

مسفر : متاكده مو تبكين تراها تخوف

لوجين : دامك معي مستحيل اخاف

مسفر : يابعد كلي انتي بس انا اخاف عليك خليني على القطار احسن

لوجين: اوكيه يله

************************************************** **************

نواره تدق باب الجوري برواقه : يللللله افتحوا

ذوق : اسكتي فضحتينا ...

نواره: عادي صارت عمارتنا من كثر مانجي ..

البندري: ايوه يلي بتخبط
افتحت الباب : اخيرا جينوا

ذوق : من متى هنا الحلوه

البندري: والله توني ماصار لي نص ساعه

الجوري : هلا بنات

نواره: مالك يابنتي دا لونك مخطوف وشك مش عاقبني

الجوري بدون نفس : ههه مافيش حاقه

ذوق: بدر مو فيه

البندري: لا طلع ..من شوي .. وين لجون

نواره : مع عريس الغفله

البندري بانفعال : صحيح الجووري نسيت لااقولك .. مسفر جاء لهنا وخطب لجون من منصور

الجوري: جد متى وكيف ..؟

نواره ترفع كتوفها : والله ماندري علمنا بعلمك صحينا من النوم الا البنت لجون مخطوبه وتغدينا الا وهي طالعه مع خطيبها

الجوري: من جدكم ..؟

اندق الباب

ذوق : اكيد هذي لوجين مع مسفر ..

نواره : انا بفتح لهم

افتحت الباب وكان بدر وجهه متغير مره

بدر : هلا .. نواره تعالي ابغاك شوي

البنات : ؟؟؟؟؟؟؟؟؟؟؟؟؟

الجوري: نعم ...؟

بدر ناظر بنواره : طلال .. – حط ايده على كتفها - طلال بالمستشفى .. ويطلبك الحل ...

نواره ناظرته مو فاهمه شي

بدر ناظر في عيونها اكثر : طلال احترق ...

البندري: احترق

نواره تناظر ببدر تحاول تهم منه وش يقول تحسها طلاسم طلال احترق كيف وشلون وهو كيف عرف

ذوق: طلال مين ...؟

بدر : طلال حمدان احترق وهو بالمستشفى هاللحين بين الحياء والموت ...

نواره ماشالتها رجلها طاحت على الارض ودموعها بعيونها وعلى خدها وكلمات بدر باذنها ((طلال احترق وهو بالمستشفى بين الحياء والموت ... طلال يطلبك الحل ..))

ركضوا لها البنات : نواره ...

نواره تناظر ببدر : قول انك تمزح .. قول انك تكذب

بدر هز راسه : قبل شوي حكى معي صالح اخوه وقالي انه امس كان بيفتح المويه ونسى فتح المويه الحاره واحترق فيها .. – ناظر الجوري – جهزي اغراضنا بنسافر لسعوديه

نواره وقفت ودفت بدر ودموعها تنزل بسرعه : انت كذاب ليه تكذب طلال انا شايفته مابه شي

البندري: نواره ..؟

ذوق وقفت حاطه ايدها على فمها : نواره ..

نواره لفت على البندري : والله كذاب اقسم بالله يكذب طلال مابه شي ..- تمسك ايد البندري - البندري انتي كنتي معي كان يحاكيني صح

الجوري ضمت نواره وبكت : خلاص نواره لات

نواره تدفها : طلال مافيه شي انا شايفته ..- تناظر بدر – انا حكيت معه ما...

بدر : والله انه بالمستشفى ..وحالته حرجه

نواره : تكفى بدر قول انك تمزح ... بدر اذا طلال صار له شي انا بموت بعده ..

بدر ناظر الجوري مو عارف يتصرف

الجوري : نواره تعالي معي ان شاء الله مافيه الا العافيه .. اكيد بدر يبالغ

نواره: انا لازم اروح له .. انا بسافر لعنده ...

البندري وذوق كانوا واقفين مصدوممين نواره شبه منهاره يعني تحب طلال

بدر : انا حجزت لي وللجوري وبحجزلك معنا ..

نواره كانت منفعله ومنهاره وهي ماسكه بالجوري: انا انا السبب هو قالي خلاص ... انا الغبيه ليه..؟ ... يارب خذ من عمري واعطيه ..

الجوري جلستها واشرت للبندري بكاس مويه
البندري وقفت تناظرهم مبلمه نواره كانها مجنون تصارخ ومنفعله

بدر مشى للمطبخ وهو متضايق صديق عمره يصير له كذا صحيح انهم ماجتمعوا على خير ابدا لكن كانت بينهم ايام حلوه ...
عطى الجوري كاس المويه ..وهو يناظر نواره طلعت تخب طلال اكثر مما يحبها (( لو تدري ياطلال كان وش سويت .. وانت معذب نفسك وتضنها تعتبرك مثل اخوها ..))

الجوري ناظرت بدر : شكرا .. خذي نونو اشربي

نواره : مابغى ابغى اروح لسعوديه ابغى اشوف طلال ... انا متاكده ان مافيه شي و بدر يكذب

بدر تنهد : ياليت

الجوري حاولت تهدي نواره والندري اخيرا جئت ساعدتها وصاروا يصبرونها وهي بحاله زايده اكثر من قبل ..

*********************************************

لوجين ومسفر طلعوا من الملاهي وهم مبسوطين ويضحكون ...

مسفر : جوعاااااااااااااااان

لوجين: ههههه المغرب وجوعان

مسفر : البركه فيك مابقى لعبه مالعبناها ..

لوجين : ياحياتي انت الدنيا رايحه ..

مسفر : على قولتك . ودامها رايحه تعالي ناكل ..

لوجين: اوكيه ..نروح لمطعم قريب

وهم ماشين

لوجين: لحضه

مسفر :وش فيك

لوجين تدور بشنطتها لحد ماطلعت روج ..

مسفر : وش جالسه تسوين

لوجين : خذ انت هذا الروج وانا هذا ونكتب على هذا الجدار من غير لايناظر الثاني وش كاتب ...

مسفر : لا اااا صاحيه هذي فيها سجن

لوجين: حبيبي محد حولك

مسفر يبوسها بخدها بقوه : اموووووووت على جنونك ..

لوجين : ههه

كل واحد مسك روج وصاروا يكتبوا على الجدار من غير لايناظروا بعض

لوجين : خلصت

مسفر : لاتناظري مابعد خلصت

لوجين : شنهو هي كيمياء اخلص ..

مسفر : اوكيه دقيقه بس

لوجين تقاوم ماتلف

مسفر : انتهيت ...

لوجين : يله انت ناظر وانا اناظر ...

مسفر ناظر اللي كاتبته لوجين بالروج الفوشي
(( I LOVE YOU For ever … pleas Don’t for get me ))

ولوجين قريت اللي كتبه مسفر باللون الاحمر ..
(( نسيت الناس والدنيا وجيتك
يكفيني عن العالم حنانك ... ))

لفوا على بعض يناظرون بعض

مسفر ولوجين: هههههه

لوجين تضمه : انت والله اللي تسوى هالعالم كله

مسفر : يابعد كلي وخلاني .. انا انساك انسى نفسي ومانساك ...

********************************************</B>

بدر راح لاخوه المستشفى يخبره عن سفرته ويطمنه انه بيرجع ..قريب ..

بعد ماهديت نواره : : لا حد يخبر لوجين خلوها تكمل ملكتها اتركوها بفرحتها .. انتبهوا لاتخبروها وقولوا لها اني سافرت كذا ابوي تعبان ..

البندري: اوكيه .. وحنا بالاساس كم يوم ولاحقينكم ..

الجوري : ها بنات تامرون على شي جوعانين

ذوق جالسه تناظر بنواره هذا اللي مضايقها اجل طلال : لا مشكوره من له نفس ياكل ...

نواره وقفت : مارجع بدر متى الطياره ..؟

الجوري: والله مادري

البندري واقفه بالمطبخ تدور شي تاكله او تحطه للبنات حست بدوخه بسيطه جلست على اقرب كرسي (( يالله وش هالدوخه من يومين وهي ماسكه معي ..))

الجوري: بنو واللي يعافيك عطيني الجوال من طاوله الاكل

البندري : ان شاء الله

وقفت رجعت داخت اقوى من قبل وجلست

ذوق: بنو وش فيك

البندري: لا مافيني شي بس البنطلون طويل ودست عليه ههه

نواره تبكي بسكوت من غير انفعالات بس تبكي

البندري حطت راسها على الطاوله تحس بالدوخه قويه

الجوري : بنو وش فيك ..؟ يله عطيني الجوال ..

البندري : طيب

وقامت عطتها الجوال وراحت للحمام بسرعه .. دخلت وسكرت الباب

ذوق : وش فيها بنو

الجوري تدق على بدر : مادري ..

نواره : شوفي بدر وينه ..؟

الجوري: هذا انا ادق

البندري جلست بالحمام وهي تحس بدوخه وانا كبدها لايعه ..بكت (( الله يستر لايكون اللي في بالي جد .. والله يذبحني محمد )) دقت على رائد يمكن هذي المره يرد .. لكن جواله مقفل .. (( رد رد مو وقتك رايح تنبسط وانا بهالمصيبه ))


الجوري : هلا بدر

بدر : اهلين

الجوري: وينك ..؟

بدر : بالطريق وتجهزي انتي ونواره بنرجع بطيارة لوجين الخاصه

الجوري شهقت : لايكون حكيت لهم

بدر : لا بس رحت كلمت ناصر وهو قال عادي .. طبعا بايجار

الجوري: ايوه ريحتني انتبه لايحكي ناصر للجون

بدر : اوكيه ابقوله ... يله بس ادق لك تنزلوا مافيه وقت نتاخر نبغى نوصل بدر

الجوري: اوكيه باي

نواره: ها وش قال طلال مات ..

الجوري: لا وش هالحكي فالك ماقبلناه .. يقول هاللحين بيمرنا ونسافر تجهزوا

نواره: كويس

ذوق : حنا بعد بكره او بكره لاحقينكم علشان ملكة لوجين ومسفر

الجوري: اوكيه ... – جلست بجنب ذوق وقالت لها بهمس -غريبه ذوق ماتلاحضي ان بنو تاخرت بالحمام

ذوق : بعد حمام لازم تاخذ راحتها

الجوري : انا مو عاجبتني هذي الايام اخوك مطنشها

ذوق : والله مادري عنه .. وما حكيت مع ماما قالت انه رايح لمصر وماحكى معهم ولا مره

الجوري: مصر غريبه وش عنده ..

ذوق : مادري هو وربعه بهذي عبارة السلام

الجوري: اها ..والله تاخرت بروح اشوفها

راحت الجوري لعند البندري :بنو

البندري بتعب : ايوه

الجوري : بنو وش فيه صوتك

طلعت البندري وهي عرقانه وبالموت تتنفس : ابغى مويه

الجوري: بسم الله وش فيك ..؟

البندري تجلس على الكرسي : مادري احس اني مخنوقه وبموت

الجوري خافت عليها : بنو حياتي وش فيك ..؟

البندري بكت : الجور شكلي حامل

االجوري؛: كيف..؟

البندري ترفع بلوزتها: شوفي بطني كبران واحس بلوعه ودوخه اكيد اني حامل

الجوري ابتسمت : ليه تبكين حلو

البندري : حلو والله لايقتلني محمد وهذا رائد مادري عنه

دق جوال الجوري احترت ترد على بدر والا وش تسوي تبغى تشوف البندري وش فيها


البندري: ردي يمكن بدر عنده اخبار عن طلال

الجوري: الو

بدر: هلا يله انزلوا والمفتاح حكيه عند الرسيبشن

الجوري: ان شاء الله

سكرت من بدر..: ذوق ذوق

ذوق جئتهم : نعم .. – شافت البندري – البندري وش فيك ..؟

الجوري: مافيها شي .. ذو واللي يرحم والديك جهزي لي شنطه بسرعه ولبدر خذتني السواليف وهو تحت .. انا بقول لنواره وبخليها تنزل

البندري مسحت دموعها تذكرت حكي لوجين انتي ماتفكرين الا برائد : انا بساعدها وانتي قولي لنواره

الجوري: لا انتي ارت

البندري: الجوري روحي حرام بدر تحت ينتظرك

الجوري: ان شاء الله اسمعوا ملابس بدر بدرج الصاله انا بجهزها بس غطوني شنطه ..

خذت شنطه وطلعت .. وهم رتبوا شنطه حطوا فيها ملابس كثيره لانهم حسبوا جساب نواره معها ..

ذوق : غريبه ليه بالصاله

البندري: لانه مالمسها لهاللحين

ذوق فتحت عيونها : خمس شهور وماصار شي

البندري : بس مره وحده

ذوق: ياحياتي الجور وانا على بالي انها مبسوطه

البندري: كلن معه شقى الليل

ذوق: وانتي وش همك

البندري : همي ان اخوك مصفوق ومو قد المسئوليه

ذوق : ليه تقولي كذا

البندري : انتي صديقتي قبل لاتكوني حماتي ... انتي بتصيري عمه

ذوق انبسطت : احلفي

البندري رمت الملابس وبكت : والله

ذوق: ليه تبكين

البندري: ياليتني م رضيت له يلمسني ياليتني حطين له حد

ذوق قريت منها : ليه ...؟ انتي زوجته

البندري: زوجته هو وينه علشان يسال عن زوجته ...

دخلت الجوري وشاغت البندري تبكي : لا بنو تكفين ابغي اسافر وانا مرتاحه يكقي المنهاره بره

البندري مسحت دموعها : والله خلاص ماعاد ابكي خذي الشنط وبله انزلي

الجوري : اوكبه – ماودها تطلع – انتبهوا على انغسكم ..

&

بدر دخل لما شافهم تاخروا عليه ..

نواره : يله مشينا

بدر : يله وين الجوري

الجوري طلعت : ليه طلعت فوق ...؟ حنا بننزل

بدر : لا من نص ساعه وانا داق عليك

الجوري مقهوره جد مو وقته : يله بنتاخر اكثر

بدر سحب منها الشنطه : ثقيله عليك ...

الجوري بتنتف شعرها جد واحد متناقض بكل شي ...

البندري: حنا بننظف الشقه وبقفلها

الجوري: اوكيه باي

طلعوا وكانت نواره اول وحده تركب السياره ..الجوري كل هموم لدنيا على راسها البندري من جهه ونواره من جهه والاخ بدر حكاية لوحده

بدر:.......................... ((ساكت يفكر بالجوري وطلال ونواره .. ))

%%%%%%%%%%%%%%%%%%%%%%%%%%%%%%%%%%

مسفر ولوجين رجعوا للبيت واخيرا

منصور : ياسلام تو الناس

لوجين : هه هههه فاتك نص عمرك لعبنا بالملاهي واكلنا ايس كريم و

منصور مسفر يناظرونها مثل البزر المتحمسه ..

لوجين : والدنيا حلوه وماشيه ....

منصور ومسفر: هههههههه

لوجين : وش فيكم

منصور: سلامتك .. ها مستعدين لبكره الملكه

مسفر: اكيد

منصور: بس حبيت اقولكم انها بتكون بالسعوديه لان ابوي مارضى الا لما يجي ابوك يامسفر ويخطب لوجين منه

لوجين حست باحساس حلو وراها رجال : ايوه وانا معه

مسفر : عادي بكره نرجع لسعوديه واخذ ابوي لعند ابوك لانه موافق ومبسوط ..
وهذي الحقيقه بو مسفر تعلم انا مافي يجي بالغصب ووانا العيال لهم اختيارهم ..

لوجين حست انها مستحيه غيرت الموضوع : وين البنات مافي احد هنا ..؟

منصور: الا الظاهر البندري وذوق لكن نائمين ..

لوجين : ونواره

منصور: يقولوا سافرت مع الجوري وبدر لان امها مادري ابوها تعبانين شوي ..

لوجين : اها وش فيه ..؟

منصور: والله مادري ..؟

لوجين : انا بعد بطلع انام

مسفر: الله معاك

لوجين : نام هنا غرفتك موجوده

مسفر: لا مايصلح هاللحين انتي العروس مايصير بنام بالفندق وبكره نسافر من الصباح علشان نملك بدري

منصور: مادري على شنهو مستعجلين لاحقين على الشقى

لوجين : باي ..مسفر انتبه لتلفونك ابدق عليك

مسفر: اوكيه ..
************************************************** *********