11-01-2020
|
#321
|
ابدعتي بحق يا جميلة
لك مميزات الجذب والاسر في كل ما تكتبين
مهما طالت الاحاديث لا يمل منها
دائما فيها التشويق
رائعة بحق استمري
|
|
|
|
|
11-01-2020
|
#322
|
|
|
|
|
|
11-01-2020
|
#323
|
السابع والثلاثون ...
:
:
؛
الجميع في الحفلة مرتبش ومتحمسين اليوم وايد لان اليوم عرس راشد اللي الكل فرحان له ويغني له برى كانوا شغالين عيّالة ( الحربية) ورزف ويواله مع المعرس ومشعل ونواف وفيصل معاهم يرزفون ومستانسين انهم تعلموا اليوالة الاماراتيه ويضحكون على بعض لين ما اتقنوها لف فيصل اتجاه البيت كأن قلبه يقوله ارفع ناظر عيونك فوق ومن دون إحساس فعلاً سواها وشافها متحمسه وهي تشوفهم وكانت لابسه دريس برتقالي وميكبها ناعم وشعرها الأشقر ردد في باله يا بنت جننتيني من دون مكياج وين وانتي حاطه مكياج زايد حلاج اليوم حاول انه يكسر نظره بس ماقدر لين اختفت هي عن الأنظار ودخلت داخل ازفر بضيق وهو يقول ياربي خلاص ماعدت اتحمل لازم اسوي شي قلبي وهو قلبي معاند فيني ما يبي يبعد ويجنب دربها يبي قربها لو يوم قعد بعد ما ضاق هاطره البنت عقلها عند اخوي وانا قلبي عندها والحين بالله شو طاري وشو اسوي ...
:
:
اما عند البنات فكانن مرتبشات رقص واغاني وبسوم كانت كل شوي تروح لعمتها وتقرب لها من الفواله وماخلت شي قاصر عليهم واهل بسمه شلو عمتها شل وكانت هي وايد متضايقه من معاملتهم لها لانها تحس بانها وايد ظلمت بسوم بس رغم هذا ما بينت وخلت نفسها على صلابه والقوة وهي تشوف مزنه كيف تتخطف كانها حورية بين الحريم والبنات لفت ع منال وهي تقول: والله انها تجنن باخذها لنواف شرايج ....
ابتسمت منال وهي تقول: برضاج يا خاله ...
ابتسمت وهي تدق كوع مرة ولدها وقالت: ايه والله من خاطري حتى البنت ما بيها تطير مني .... حتى بسمه كنت اتمناها لفيصل مابيها لمشعل وانتي عارفة بالاسباب عان حي مطينه عيشتها ...
سكتت منال ما تبا تجادل خالتها وقعدوا يطالعون الحفل ومل شوي تيهم بسمه تقولهم قاصركم شي ويقولون لها لا وخلت مالت الحلويات تلف عليهم والمقهويات يلفون عليهم وكل وي تيب لهم هريس وحلوى وتدور بالاكل عايهم والهصتير مع المضيفات وما خلت شي قاصر عليهم لجل خاطر مشعل ...
:
:
:
في جهه ثانيه كانت طالعه بابهى طله واجمل حله وكانت كل شوي تقول لمزنه: انا محد مينني غير اخوج كل شوي يدق لي اونه انا متحمس الليله وايد مصدق عمره...
ضحكت مزنه وهي تشوف ربشة اخوها وفرحته ودها تكون عنده هالوقت وترزف وياه طلعت عنها وهي مروحه صوب الدري شافت بسوم حضنتها وهي تقول: تولهت عليج يا دبه محلوووه وغمزة لها ابتسمت بسوم وهي تقول: انتي والله الاي طالعه قمر ...
لفت عليها وهي تقول: بسوم امانه عايج تعرفين منو اللي خطبني ولالا؟!
بسوم انصدمت وطالعتها وهي ترمش بعيونها وقالت: انخطبتي ...!!!
قالت لها بهمس: اشششش ماعرف ابويه يقول عرب كلموني عنج وقلت لهم هيه موافقه بس منو ماعرف بس مب من الاهل ...
بسووم مصدومه: والله ما عندي خلفيه عن موضوعج وعالعموم الف ميروك يا قلبي ...
ابتسمت مزون وهي تقول: خليني اعرفه بالاول عشان اتقبل المبروك ......
ضحكت بسوم وهي تتخطاها ونزلت من دري وهي تضحك ولفت على الحريم وشافت غدير يايتنها حضنتها وهي تقول: مرحححبا يا حلووووه
حضنتها مزون لحيا: المرحب لا هان. فديتج شحالج ...
ردت عليها وهي تبعد عنها: والله الحمدلله طيبين الله يسلمج انتي شلونج ربج بخير ...
ابتسمت وهي ترد بحيا من غدير : بخير جعلج الخير ربي يسملج...
غدير تكلمها تبا تفيس نبضها: ما شاء الله عليكم كلكم مزيونات واكيد مخطوبات ...
استحت مزون ونزلت راسها تحت وقالت وهي محمرة الوجنتين: حبيبتي من ذوقج عيونج الزينه اللي تشوف كل شي زين ...
ابتسمت غدير وهي تقول: مزون انتي مخطوبة.؟؟!
انحرجت مزون وماعرفت شو تقول بس حمرت اكثر وبان الحييا عليها فقالت غدير: خلاص حبيبتي ماله داعي تردين عليه وابتسمت ..
تخطتها مزون وهي مروحه صوب الدي جي تشوف الترتيب رجعت عند أمها وهي تقول: يمع البنت وايد حيويه ما قدرت اخذ منها جواب ...
منال: اسالي بسمه ....
ام مشاري : لالا انا بسال أمها .... قامت وراحت عند أم راشد وهي تقول: مرحبا يا ام راشد سلونج..
طالعتها وهي تقول: مرحبتين حي الله النسابه ...
استحت ام مشاري وهي تقول: الله يحيج ان شاء الله يزيد نسبنا بكم يارب ...
ابتسمت فاطمه وفهمت تلميحاتها لان احمد مكلم فاطمه ان الام ماتدري فابتسمت وهي تقول: ان شاء الله يارب امرني شو فخاطرج ...
ردت عليها وهي تقول: والله ودي بنتج مزون لولدي نواف...
اتسعت ابتسامتها اكثر وارتاحت انها يترمن الام دايركت وقالت: والله هذي ساعه المباركة ونتشرف بكم...
طارت الام من الفرحه والابتسامه على ويهها وشوب بندوا الأضواء يعلنون عن نزول حمده لما شغلوا الزفه بدا الانوار تتجهه صوب الدري والانظار كلها حول الدري وهي تنزل شوي شوي بفستانها سكري المرصوص على جسمها ومن تحت منفوش باقتها البيضا مدموجه بورد الحوري الأحمر ميكبها الهادي والمايل على ترابي وروج الأحمر اللي عاطنها نظره جميله وطله بهيه لين وصلت اخر الدري وقعدت تمشي لين وصلت عند الكوشة وقفت تتطالعهم وتبتسم ... اما عند رياايل فكان الكلً يبارك لراشد اللي يضحك وهو يرد عليهم ب الله يبارك لكم …
:
مر الوقت سريع وانزف راشد للحب وأخيرا توج حبه بزواج ودخل عليعم الصاله وانظاره متجهه للكوشه وصل عندها وسلم عليخا وباس راسها وهو يقول بهمس شاعري: مبروك يا عمري ...
ردت عليه ببتسامه وهو يقول: الله يبارك لك فديتك ..
ابتسم لها وبدوا تصوير وظرب واغاني ويتتهى شموخ سلمت عليهم وهي تبارك لهم وتحضنهم وقالت لهم : يبارك لمم سعود ويسلم عليكم ..
ردوا عليها: يبارك فيه والله يسلىه ويرده بالسلامه ..
شويات وبدا الرقص والغنى والتنعيش على اصوله شموخ ومزون يرقصن وينعشن وبسوم كانت بس تصور ما تقدر ترقص قدام زوج اختها فكتفت بتصوير ... .....
مرت الساعات بسرعه وشل راشد عروسه وراحوا الفندق ...
....... .................. ..................... .............
بعد ما الكل رجع من العرس تعبان ويبون يريحون بسوم كانت في الحمام تسبح ومشعل كان يفصخ ساعته سمع رن الجرس وفتح الباب شاف باقة ورد حمراء جميله مدموجه بورد اصفر وازرق انيعر بجمال الورد والباقه واستلم الباقة وكان يدور كرت عليها شافه مغروس بين اغصان الورد طالع المرت وانصدم من اللي مكتوب ...
سمع صوت باب الحمام ينفتح خش الكرت في بمطلونه وهو متغصص طلعت وهي تشوف الورد وقالت: واااااااااو ووررررد حياااتي شكرا تعرف ذوقي بالورد ....
انصدم من كلامها يطابق الكلام المكتوب بالكرت تنفسه بدا يتسارع ويزداد لا يكون اللي في باله صح ... جاملها ببتسامه وهي قعدت تنشق الورد وشلت الباقة وهي تحطها على الكمدينو وترتبها تخطاها وهو يقول: بدخل اتسبح ...
ما كانت وياه كان عقلها فالورد مصدومه ان مشعل عرف الالوان القريبه ع قلبها وحبها للورود والوان معينه ابتسمت وهي ترتبهن وتوزعهن وحطتهن في فازة الورود وظهر مشعل وهو يحس بقلبه نات تشتعل منو هذا اللي مطرش الورد وكاتب هالكلام ويتردد في مخه وكانه ريال يبا يواجهه ويقتله بيديه ...لف ويهه عنها وحط ايديه براسه وقف على شرفه وحس بيديها وحس نار تشتعل فييووفه وبعد ايديها وهو يسحب هواء عميق ماوده يسوي هالحركة بس انجبر يبعدها يحس بنار تشتعل به تضايقت من خركته وشافته يحط اصبوعه في راسه وقالت: متضايق حبيبي ...
مايدري ليش سحب نفسه من دون ولا كلمه وطلع شي الوحيد اللي استغربت منه،، دخلت الحمام عسب تأخذ الثيتب وتغسلهم وهي تحط الأغراض في سله انتبهت على بنطلون الجينز مال مشعل معلق على طرف اليدار شلته وحطت ايديها في جيوبه وهي تشوف فيهه شي طلعت منها بطاقه طالعت البطاقه وحطت البنطلون قرت اللي على البطاقه اللي مكتوب فيه وابتسمت وهي تقول يا عمري يا مشعل نسى يحطها مع الورد وقرت المكتوب فيها( يا شبيه الورد يا كل الزين انا ادري ان الورد يشبه جمالك ).
خذت البطاقة بفرحه وحطتها مع الورد وصورتها السناب وكتبت : يا بعدهم شكراً على جمال الكلمات اللي شعرت بها وحسيت انى جزء لا يتجزا منك جعل ربي ما يحرمني منك احبگ ❤️.. وحطتها عام في سناب متجاهله اللي ضايفتنهم ...
:
:
:
احتار الشعر في وصفك ... وانكتب لي بقربك عمر ...
:
:
:
نواف كان ياي من عند امه وابوه والفرحه مب ستيعتنه وتلاقى ويا مشعل اللي واقف في الممر متكي على اليدار مثبت ريل ع اليدار وريل على الأرض ومخلل شعره بيده وباين انه سرحان وتفكيررره عميييق ... صحى على تربيت نواف لكتفه وهو يقول : وين وصلت يا الغالي ...
لف عليه وابتسم بضيق: هلا يا خوي ...
نواف عقد حاجببنه: اضيق وانا اخوك يخسي الضيق تعال نقعد في غرفتنا وقرلي وش بلاك ...
ما مانع وطلع مع اخوه للغرفه ،، دخل وشاف فيصل اللي كان شاق الحلج بفرحه بعد تعليق اللي قراه في سناب جات والفرحة غامره قلبه كانه يقول الكلام هذا لي انا يا روح فيصل ...
اما نواف ومشعل فخلوه بحاله وقعدوا بزوايه بروحهم لان حالة مشعل ما تزداد ابداً ...
نواف تكلم بهدوي وعينه في عين اخوه: شنو فيك..
قصر صوته وهو يقول: بعد ما رجعنا من العرس دق الجرس ولما فاحته شفت مندوب جايب باقه ورد مبيره احمر وابيض وبيبي بلو وعجبتني حيل ولما قريت اللي فيها كانت من واحد لبسمه وقاله الكلام المكتوب ورد وقال : شنو اسوي ماني عارف أحاول مادبين لها بس لمستها لي حراره وماودي اعصب ولا شي وطلعت وهي ما تدري بالكرت ...
ازفر بضيق وحرك عيونه لفيصل وفي خاطره الله يهديك يا فيصل عن حبها وتتتوب انا ماني عارف لين وين بتوصل نفسك وتوصلنا در على اخوه وهو يقول: يا خري انته تدري ببسمه تحبك وتموت فيك وما تشوف غيرك انته بين لها ان الورد من عندك عشان تغايض العذال اللي يبون يخربون عليكم ولا شرايك بكلامي!!
هز راسه وهو يقول: كيف اقنع نفسي الله يهديك نواف انا لو حد يشاركني بحبي لبسوم امحيه من الوجود شلون اجذب عيوني بالله ...
ومسك تلفونه بعصبيه وهو يدخل سناب وشاف الاستوري وهو مصدوم صااار يرمششش اكثر من مررره يبي يتاكد من اللي كاتبتنه لا ومطلعه الكرت بعد رصص تلفون بيده وقام بعصبيه ويلحقه نواف اللي حس الدنيا بتشب ناااار .. اما مشعل فدخل وشاف الأماكن هدوء وشموع واضواء وحركات ومنتفه الورررد ودخل على طول وهو يقولها تعالي هنيه : منوووووو هذا اللي يايب الورد يا بنت تكلمي ...
انصدمت من عصبيته وحمرار عيونه وطالعته برجفة وحاولت تستر نفسها بشال بعد ما سمعت صوت نواف وهو داخل يزقر مشعل ويفوله لا تخرب بيتك بيدك با مشعل وانته ما صار لك الا فتره قليله ...
طالعتهم بحيره وحاولت تعدل حجابها وتسمع كلام نواف اللي قاله بصدمه كانه فيه شي هي ما تعرفه ... ما وعت الا على صوته العالي لمت نفسها بخوف وتكورت وهي تجنب نظرات عيونه الغاضبه وعصبيته اللي اول مرة تشوفها حاول يمد يده بقو عليها بس سبقه نواف وهو يقول: ما هو انت اللي تمد يدك على مره ضعيفه تبيك عون لها وسند ماتبيك فرعون استهدى بالله وتعال نام الليله بالغرفة عندي حاول يتهجم عليها بس ماقدر لان نواف حال بينهم ومسكه بقوه وطلعه برم الغرفة بس سمعت مشعل يقولها: مدامج سويتيها وخاويتيني اكيد مخاويه غيري ...
انصدمت من كلامه وهي تقول كيف تغير بعا سرعه شو اللي صار بكت بحرقة وهي تلم الورد المنثور وتلم شموع وترتبهن ... صحت على صوته اللي دخل الغرفه يشا ثياب نوم وقال: يفضل تردين بيت اهلج اليوم مابي اشوفج وانا راجع الكويت بكرا ... وطلع وخلاها في حيرتها شهقت بين دمرعها وهي تحط اصبوعها على شفايفها شنو اللي صار ومنو غيرك وشنو هالموجه اللي ضربتنا مره وحده شهقت بقو وهي تبكي بعد مالمت كل شي على الأرض ورفعته مكانه شلت ملابسها ودخلت الحمام بدلت وهي تبكي طلعت شنطتها وحطت اغراضها وسكرتها شافت صورته ع الكمدينو شالت صوره ومررت اصبوع ايديها عليها وباستها وهي تشهق نزلت صوره واتصلت لبطي ايي يشلها عشان تروح ... بعد ساعه بالضبط تفاجات ان الكل رد الكويت حتى مشلعها وامانها وراحتها حاول بطي يفهم شو ستلفه بس ما قالت اه غبر قاعده هنيه لانهم بيرجعون عقب كم يوم خطبة مزون ونزلت من سيارة وهي مغتاضه وتبكي قهر وحسره ...
:
:
:
بعد ما رجعوا الكويت كلهم دخل غرفة نومهم وهو يتخيلها بكل زاوية ماودة يصير جيه بس منو هذا اللي يطرش لها �� ورود ...
ابا توقعاتكم ..
مشعل وبسوم شو راح يصير بينهم ؟!
بطي وسماعه خطبه مزون ؟؟؟ شو بيسوي؟؟؟
نواااف شو ممكن يسوي لمشعل ؟؟!
حمده وراشد ؟؟؟؟
اتنمى اشوف تفاعل
|
|
|
|
|
11-02-2020
|
#324
|
اتوقع يصير شي عكسي في كل شي
مدري ليه احسك تفكري تفكير بيحولنا خخخخخخ
|
|
|
|
|
11-02-2020
|
#325
|
زواج كلهم يتزوجوووون مبررووووك
والله ماامل يووم اقرأ لك
|
|
|
|
| | | | |
العرض العادي
