بلا رقيب / لعاشقه ديرتها ، كاملة

الحلقـــــــــه الحاديــه عشـــــــر

((1))

(..أعصــار تسونامـــــي ..)
وعــــــــد

مثل أعصار توسنامــي دخلت علينــــا أول مكشفت نقابها وشفت وجهـــــا عرفت أني هالكه اليوم لامحـــاله
يارب والله اني شهيـــــــده لو مت اليوم في سبيــــل نصرة المظلوميـــــن أزهقت روحـــي ... الكـــــل صد صوبي بعــد مأنتبهوا على نظراتها لـــــي ..
ضحـــــى :أنتي وش مســـــــويه بالمــدرسه ...
بكل براءه رديت انا ..
وعـــد :وش سويت ...؟! .. مأذكر سويت شـــــــي ...
ضحـــــى وهي تلوح بالدفتر اللي معها :مفصوله أسبوعيـــــن وتقولي ماسويت شــــــي ....
سويت نفسي واثقه من نفـسي ..
وعــــد :ايه أنا ماسويت هم اللي سوو وفصلونـــــي ..
ضحــــــى :وعــد برضاي عليك ردي بأحترام ترى كل اللي باقي من صبري حبتين ...
وعـــد :ياااااااربي ... أنتي بس تحاملين علي أنا وش مسويه من الصبح وأنتي حاطتني بالراسك هم يفصلوني ويحرموني من الأمتحانات وأنتي بدال ماتوقفين بصفي جالسه تعاتبيني ...
ضحـــــى :لاااااااااااااااااا أنا ماعاد أتحمـــل وعـــد ياحيوانـــه لما أسألك جاوبيني بجديه...
ياربـــــي ضحــى اليوم ماهي ناويه على الخير أبد شكــلها معصبه من شي ثاني وجايه تحط حرتها فيني ..
أخخخخخ بطني معورنــي الله لايوقفكم مكاني قدام ضحــــى وهي ثايـــــــره ...
وعـــــــد :يعني أنا جالسه أهزر مــو أكلمك بجديه ..
ماكلمــت كلامتـــــــي الا وهي هاجمــه علي وطاحــت فيني ظرب بالشنطتها وأنا أحاول أحمـــــي نفسي بيدي بس مـــــــــو قادره خلاص رحـــــت وطــي ..
بعــــدها بالساعــــــــــه ...
اخخخخ يالناس بمــــوت أحس ظلوعي مكســـــره وراسي دايـــر ياربي أنا وش سويت بالدنيتــــــي عشان ابتلي بأخت مثل هذي ماتعــرف تعامل بالطمقراديـــه ..
>> طمقــــــراديه ياوعــد مأقول الا على الدنيــــــا الســلام ...عز الله فلحتــــــي ...
وعــــــد :نووواف ...
نواف :ماله داعــي تصارخيــن شوفينـــــي واقف فوقك ...
ونعم الأخـــــوان أخواني أختي تطقني وأخــوي يصرخ علـــــــي الله يرحمـــك يايمــــــــــه ..>>> البنت خرفت نست أن أمها حيــــــــه ...
وعـــــد :معك ورقه وقلم ...
نواف :لامامعــــــي بس تبغيــن أجيبلك لكن قبل بسألك سؤال وش هالفلاحـــــه اللي نزلت عليك لاوأنتي مفصوله بعــــــــد ...
شوفوا الغبــــــــاء من قال أبيها عشان شــــي يخص الدراســــــه ..
وعــــــد :ابيها عشــــــــان أكتب وصيتــــــي ...
نواف :خيبه وعـــــد بتنتحرين ...
أنتحــــــر يؤ هذا بيدخلنـــــا بالسياسه بعــدين أنا مأنتـحر أنا أنحــــــر ... بس اذا بقيت مــده أطول على حالتي هذي يمكـــــن أخرج عن مبادأي وأغيـــــــر معتقاداتي ..
وعــــــد :جوعانه ...الرحمـــــه ماني قادره أتحمل ...
نواف :وش اسوي لك ..
وعــد :جيب لي شي أسد به جوعي ...
قلتها بالطريقه تخلي الواحد غصب يرحمنــــــي بس هذا قلبه صخــــــر ..
نواف :غبيـــه تبغين أجيب لك عشان أعاقب معك لاحبيبتـــــي يكفي شخص بهالبيت يكــون جوعان نصيراثنيـــــن ليش ...
انانـــــي وطول عمره حيبقى أناني وين مبــدأ الأثاره والتضحيـــه في سبيل أعظم وأسمــى رابط يجمعنا .. رابط الأخــوه ...

×××××××××××××××××

((2))
(..دع الحذروتولــــــى القياده ..)
ميشــــــو
حاولت العـــوده لنوم بعد ان صحوت فالبدايه على صوت صراخ المزعجــــــه وعد ولكن لم أستطـــع ..
فكلما أغلقت عينــي بدى لي صوتها كطنين النحلــه يقلق نـــــومي .. يأست من العـــوده للنـــوم فنهضت من فراشي وبدأت أستعــــــد للخروج مع ســوسو فقد أتفقنا أني نلتقـــــي في السابعه والآن الخامســـــه بقي الكثير على موعـــــدنا ولكن سأحاول أن أفعل الكثير في الساعات المتبقيـــــــه ..
أنتبهت على أهتزاز جهازي المحمــول يبدو أنها مكالمــــه ولكن من سيتصل علي في هذا الوقت فالجميــــــع يعلم أني في هذه الساعه من النهار اغط في نوم عميق ..
لم أفكر كثير اً وتناولت محـمــــولي .......
ميشــــــو :مرحبا بالمــــــزعجــه ...
سوسو :مراحــــب حبـــــي كيفك يابعـــدي ..
اهلاً بالنفـــــاق ...
ميشــــــو :بخيــــــــر .. أخبريني ماذا ورأك ...
بعــــــد ضحكـــة دلال تعودتهـــــا أجابتني عن مبتغاها بحماس مخيــــــف....
سوسو :ميشوو يحبـــــــي ورانا اليوم مغامــــــــررره فرط شكـــــــــل ...
ميشــو:دقات قلبي وصلت المليون فالثانيــــــه الواحــده بدون تحفيزات أسردي الموضوع ...
صدقونـــــــــي تحضر لكارثه .....
سوسو :أنتي اللحيـــــن جاهزه ...
ميشو :تقريباً لماذا .....؟!
سوسو :أجل أنتظــــــري كرميل بتجيك ....
تأتينـــــــــي أين ....؟! لما أسألكم ومأدراكـــــــــــم ...؟!
ميشــــــــــوصحت بها:تأتـــــي اين .....؟!
سوسو :بليز ميشو لاتعقدينها بتجيك للبيت وماله داعــــــي هاللف والدوران ترى هي تعرف البير وغطـــاه ...
ميشـــــو :هكــذا بدون أخذ مشورتــــي ..
سوسو :ميشو بليز والله الموضوع يستحق هالتضحيــــــه ياالله انزلي لها أكيــد اللحيــن هي على وصول ...
ميشو :حسناً .. الوداع ..
يألهي لأستطيـــع أن أصدق أن هذه الحمقــــــاء أعطت عنواني لشخص غريــــــب ومــن كرميل ياللكــــارثه ...
ارتديت عباءتــــــي وحملت حقيبتـــــي وأسرعت بالخروج أخشـــــي أن تفكر تلك المعتــــوهه بالدخــــــول الى المنزل ... لأعلـــــــــم كيف حدث ذالك ولكنـــــــه حدث .....

عســــــاف

القطـــــــوه ......؟!! ... ماني مصــدق أنا كيف نسيتها عيون زرق !!! .... حسيت قلبـــــي طلع يوم صدمــــت فيها لاتفكـــرون غلط من الخرعـــه مو من شـــي ثاني يحليلك ياقطـــــوتنا وينك ياصقر تجــــــي وتشوف قطوة الشــارع كيف كبـــــــرت ...
حسبي الله على شيطانك يالقطــوه نسيتينـــــي ليش كنت داخــــــل رحت للمجلس اللي كانوا العمــــــال يشتغلون فيـــــه وأخذت الغرض الجاي أخذه منــــــه وطلعت .. ايه على فكره لاتنسون تسألون ضحــى عن الهوشه اللي صارت بينـــــا بالسبب الشغل فالمجلـــــس ... وأذا ماخبرتكم قولوا لي عشـــــــان أخبركم ...؟!
طلعت بالسيارتي علـــــــــى بيت مبـــــــارك المكـــــان اللي أتفقت التقي فيــــــه مع خلف ..


ميشــــو

اتوقــــــع الآن عرفتم مالذي حــــــدث لقد أصطدمــت بذلك المعتــــوه عســـاف .. يألهي على نظراته وكأنه لم يرى من قبــــــــل فتاة بعيـــــون زرقاء...
ولكـــــــن دعوني أخبركـــــم بمالاتعرفوه جنون ماتطلبـــــه مني هو الجنــون بعينــــــه ..
كراميـــــل :حبيبتي ميشو يالله قولي وش قررتـــي ..
كما أنا محظــوظه منذ متــــــى اصبحت حبيبتها أتوقع من اللحضه التي طلبت فيها مني أن أخلع عنـــــــي السواد واتولى القياده ....
ميشـــــو :كراميــــل عزيزتي يوجد لديك الكثير من الذين يوافقـــــون على تأديت هذه الخدمــــه لك لما أنا بالذات ...
كرامــيل :لأنـــــي أحبك يالله ياعمــــري ترى المسأله ماتستحق كل هالتفكيــــر بعـــــــدين ليش هالتردد أنتي معــــي وتدرين مستحيل أحـــــد يضرك وأنتي مع كرامـيل ...
أعلم ياصاحبـــــــة الحصـانه ولكــــــــن .... حقاً لمــاتردد ...؟!
ميشــــــو :حسناً لابأس ..ولكـــــــن لاتنسي سيكـــــون المقابل غالــــي ...
كرامــــيل :الغالـــــــي مايغلى عليك يالغالـــــــي ... لاتنسين حبي بنمـــــــر على سوسو قبل ......

×××××××××××××××××

((3))

(..مطارده مع المجــــهول ..)
عســــاف

اوووووووف وين راح هذا اللحيــــــن من الصبح راجني وبالأخيــــر هو اللي يتأخر ..
رجعت أتصل عليه للمـــــره الملــــــيون ...
خلف :جيتك خلاص قفل ...
بكل برود يقولهـــــا ..
عساف :وش فيك أنــــت متى بتصير رجال وتحرص على مــواعيــــدك ..
خلف :اوب زعل العـــــــم أسف يأبوك أمسكتني الوالده شوي ... بعــــدين مو من عادتك تحمق بالسرعــــه لاتكــون متهاوش مع بنت مبارك وجاي تحط حرتك فينــــي ..
جابها على الجرح الله يسامحك ياخــــــلف حاطني تريقــه لك ...
عســاف :خل عنك الهذره وتعال نركب السياره لانتأخر عن مــوعدنا أكثر ...
وفتحت باب سيارتـــــــي وخلف لف يركب مع الباب الثانــــــــي ...
وقطـــــــع كلام خلف اللي كان بيقولـــه ...
السياره السوداء اللي دخلت للبيت بالســـــرعه خرافيه ولفت على الدوار بجنـــــــــــون وقفت قدام المدخل مباشـــــره ... وعلقت علــــى بوري السياره ...
صديت على خلف وأنا كلي دهشــــــه من اللي قاعــد يصير ....
عســاف :وش السالفه ...
بس خلف مارد علي لأن عيـــونه كانت متعلقه بالسياره وباللي ركبتهــــــا ...
قلت له وأنا خلاص صبري نفذ ..
عســـــاف :خلف ......
خلف بقهـــــر :الحقيررررره ....
وجاء جهتـــــي وركب محلي وأنا واقف اطالعه بغباء لأني ماني عارف وش قاعــــد يسوي ....لين صرخ علي..
خلف :وش تحتــــــري ماتركب بنلحق السياره ....
مأدري كيف تحركت وركبت السياره اللي كان خلف محـــركها كانت رجل برى والثانيـــه داخل وبقدرة قادر قدرت اعدل جلستــــي وأقفل الباب .....
ويوم تمالكــــــت نفسي ... سألته وأنا ودي أزنطــــــه ...
عســــاف :خبل أنت بغيت تذبحنـــــي بس عشان تلحق السياره ....
خلف دق اللطمـــــــــــه وشكــل الاخـــــلاق معــه خاربه ...
خلف :شفت الحقيره كيف ركبت السياره عينــــــي عينك ...
عســــاف :أي حقيره أنت عن ايش جالس تكلم ..
خلف وهو يتلفت حــوله يدور السياره اللي خفت نكـــون فقدناها :من غيرها السافله سعـــــــاد هي من تطلقت وماهي بماشيـــــه عدل صايره تماشي اللي سوى واللي مايســــــوى واللحين راكبــــه لي سياره مشبوهــــــه ...
وش فيه المتخلف ذا صاير يقط خيط وخيط فيه أحد يتكلم كذا عن اخته بعديــن ليش يقول عن السياره مشبوهه بس عشـــــان مخفــــــي ...
ماحبيت أعلق على كلامــــــــه لأنه كان مررره مولع والزياده الزحمــه اللي دخلت فيها السياره اللي نطاردها
خلت فيه مساحه واسعـــــه بينا وخلف خايف نفقدها بس السياره مررره مميزه ... وكل اللي عنــــــد الأشاره عينــــــه عليها ياخـــوفي يسوون لها مــــوكب اللحيــــن ... ونضيع بالدوشــــه ...
خلف :توقع من اللي يسوق مستحيـــــــل يكون سواق ...
لااامستحيــــــل اللحيــن فهمـــت خلف وش قصده من اللي كان يقول معقـــــوله سعاد راكبـــــه مع واحد الصراحه معه حق السياره هذي مايركبهــــــا الا الشباب والشباب الصايع بعــــــد ... لاشكــلها الليله ماهي معديــــــه على خير ...
ماصدق خلف فتحـــــت الأشاره وبدت السيارات تنطلق صار يدخل بالطريقه متهوره بين السيارات عشـــــان يقلص المســـافه بينا وبين السياره السوداء ... والسياره زادت من سرعتهـــــا وصارت اكثر تهــــــور من خلف وكأن السواق أنتبه على ملاحقتنـــــا له ......
قلت له وأنا ماسك الكـــرسي بيدي الثنتين لانـــــي أن فكيتــــــه بالطير قدام .......
عســـــاف :خلف يامجنون هد السرعه لاتجني علينا وعليهـــــم ...
بس خلف مطنشـــني وبدأ يحد السياره ....
عساف :خلف تكفــــــى اترك السياره بحالها لايكــــون السواق غشيم ترى أختك فيهــــــا ...
خلف :سواق غشيم هاه محد قاله يسوق وأختي محد قال لها تركـــــــب معــه ....
قلت أهديه وأطلع هالفكـــره اللي أنزرعت بالراسه بداها بالشك واللحيــن أكــدها ...
عساف :وأنت اللحيـــــن تكذب الكذبه وتصدقها من قالك أن اللي معهــــــم ماهو بالسواق أنت شفته .. أكيد هذي وحـــده من خوياتها وسواقهــــا ويوم شافوا السياره اللي تلاحقهـــم السواق خاف بعديــن اللحيــن السواقين أخذوا خبــــره بهالأمــــــور ...
خلف :ايه سواق كثري لي منهـــــا ... اللحيـــــن بالتشوف وش بســــــوي أنا لعبت معه كثير واللحيـــــــن جاء وقت الجد ..
ياليتك مابديت الجــــــد ياخلف لأنك أهلكتهم ... كان الوضع مجنـــــــون كلاً يزيد من عنـــــده لين صار الموقف ماينسكـــت عليه وكذا دوريه صارت ورانا غير العالم اللي تلاحقنا بالسياراتها بالتشـــــوف وش السالفه ... والصراحــــه بديت أقتنع برأي خلف أن اللي داخل السياره مـــو سواق أجنبـــــي ولاوش هالأصرار العجيب على الهــــــرب خصوصاً أن الدعــــوى فيها مــرور والشرطـــه ليش مايوقف ...
واللي زاد الطيــــن بله مع زيادة الضغظ بسبب
الأمــــه اللي وراه صار صاحبنــــا يدخل بين السيارات بشكل عشــــــوائي وخطيـــــر لين حلت الكارثه اللي كنت أحذر عســــاف منها طول الوقت ...
مع قطعــــــه لأشاره جديده كانت فيــــــه سياره ماشيه بحال سبيلهـــــا وصار اصطدام قوي بينهم والله ستــــر ماخشينا حنـــــا معهم علـــــى أخرلحظــــــه وقفنا وكان الفاصل بينا شعــــره وحـــــــد بس....
قعدت اصرخ والخــــــــرعه مطيــــره عقلـــــــي ...
عساف :الله يلعنــ ......... اللحيــــــن عجبك اللي صار جنيت علـــــــى ناس أبرياء والله أن صار شــــــي فيهم ماراح يتحملـــــها غيرك الله يأخذ روحك .....
وجلست أدعــــــي وأتحسب عليـــــــه ...
خلف :بس ترى ذبحتنـــــي أفتح عيــــونك وطالع قدامك مأحد صابه شــــي .. وشوف أبن اللذينا مو راضــــــي ينزل من السياره ...
والله معـــــه حق الشرطــه محاصره السياره وقاعـــدي يطلبون منه ينزل بس هـــــو مايرد ...
عســـاف :طيب ورى مايفتحــون السياره ويشوفون اللي فيها يمكـــــن ماتوا ...
خلف :لاويــــــن ماهـــــو مقربين منها وش دراهـــم من اللي فيهــــا يمكن ملغمــه السياره بعــــد ... بس لحظـــه تشوف اللي انا أشوفه ...
ايه اشوف وليه مأشوف العالم اللي دخلـــــت بالسالفه فجــأه يوم شافتهم الشرطـــه أبعــدت وحاصروا المكـــــان وماصرنا نشــوف شـــــي نزلوا اللي بالسيـــاره وهم مسوين حــــــوله حائط بشــري ... ومثل ماجـــو فجأه أختفـــــوا فجأه والكـــــل واقف وفاتح فمــــــه ويضرب كف بكـــــف.......
خلف :خل ننسحــــب قبل مايمسكـــــونا ...
عســاف وين نبعــــد وهالأمــــه اللي ورانا بعديـــــن وين بتروح يمـــدي الدوريات أخذه رقم لوحــة سيارتك من بداية المطــارده لاتســــوي شي يحطنا موقع تهمــــــه ...

ميشــــــو

مازلت أرتجف لم اصدق المـــوقف اللذي كنت به جميــــع تلك الأمــــه خلفي وانا لم يكـــــن بأستطاعتــي سوى الفرار ولكــــــن الى أين ...
سوسو :ميشو حبيبتـــــي أمسكــي أشربي العصيـــــر ذا عشـــان يهدي أعصــــابك ...
سألتها وأن أتناول الكأس منها ..
ميشو:هل حقاً نجــــــونا ...
سوسو بالتنهيده :الحمـــدالله كنا بنــــــروح جزء من حديد السياره لو مالله ستــــــر ..
صرخت بها ماهـــــذا البرود ...
ميشــــــو :ببركاتك عزيزتــــــــي ...
كراميـــــل :ميشو لاتحطيـــن اللوم على سوسو .. أنتي كنتي عارفه ان شــي من هذا بيصيـــــر صح المــوضوع كبر شــــوي وكله بسبايب السياره اللي كانت تلاحقنا اخخخ بس لو أعرف من صاحبها والله لوديـــــه ورى الشمــس ... بس الباقي كله متوقعيـــن غير الحادث اللي ماكان على البال والرجالنــا ماقصروا قامــوا بالواجــــــب ...
ميشـــــو :وهل أنتهى المــوضوع بخروجنا من تلك السياره اللعينـــــه ..
كرامــيل :ايه أنتهى حبيبتـــــي ولامتوقعه احـــد يقدر يحاسبنـــــــي ...
كلا عزيزتــــــي من سيحاسبك فأنتـــــــي هنا في بلاحسيــبـ ...
ميشو :والسياره التــــي اصطدمنا بهـــا ...
سوسو :عن الأسئله الغبيــه ماتشوفين اللي فيها كيف طلــــع بدون اصابات ...
كلا لاتتحــدثي عن الاصابات وتحسست الجرح الذي في جبينـــــي وهو كل ماخرجــت به من هذه المغامــــره بالأضافـــــه للمبلغ الكبيــــر الذي سيحط الليله في رصيدي في البنك ...
كراميـــــل :كلي شوق للمـــــره الجايـــه اللي بنكرر فيها المغامــــــره ...
حسناً عزيزتي أحلمـــــي ولكــن بعيــــداًعنــي ...
سوسو :وأنتي وش رأيك ميشــــــو ..؟!
عن ماذا تتحـــــدث هذه الجميلـــه ..
ميشو :رأيي بمـــــاذا جميلتـــــي ...؟!
سوسو :ميشو ياكرهي لك لاتحكيتـــــي كذا انتي فاهمه وش قصدي ..
كراميــــــل :اتركيها بعـــدين هي اللي بتجي بنفسهــا وتطلب مني هالشي هذا مثل الأدمان حبيبتـــــــي ...
حسناً بدأنا بالمحضـــــور ... قفزت واقفه ...
ميشو :استميحكم العذر سأغادر ...
سوسو بأعتراض :لااااااوين تو الناس توها مابدت سهــرتنا...
وهل تظننــــي فارغــــه لهذه الدرجــه لأكمــل سهرتي معهــــا ...
ميشو :سأذهب لأكمـــــل دراستي لم أنهي المنهج ليلة أمــــس ...
سوسو :يابكــاشه يمديك مخلصته وراجعه عليه ثلاث مرات ...
ميشو :الحق لم أنهيــــــه الى الآن توقفي عن أدعاء أن بأستطاعتك معرفة كل شيء ... والآن الى اللقاء ...
أجل الــــــى اللقاء توقفــــــوا أين ستذهبــــــون لقد بقــي الكثيــــــــر في حلقــــتنا الليلــــــه كنت أقصد سوسو وكـــــراميل فقط ...
والآن تعالوا معـــــي لنذهــب الى المنزل وهناك سأبدا بالمذاكــــره حيث ستبدأ متعتي ومللكـــــــم ..
فأنصحكم بأشتــــــرء أدمغتـــــكم والذهاب للتسليـــــه ولكــن أين ستجــــدونها بالتأكيـــــد مع الثنائي المرح (×o_ ) حظ موفق أتمناه لكــــــم في صحبتهــــــــن ...


××××××××××××××××××

((4))

(..جامعة الدول العــــــربيه ..)

سارا

الصراحه مأنصحكم تجون بيتنا الليله كلش لأن الأوضاع متأزمــــه والجــو يخيم عليـــــه الحزن ... اخخ والله أصلح مقدمة أخبــار فالعربيـــــه ..
سارا :مـــــلاك انتي وش رأيك ....؟!
ملاك :رأيي بأيش ..؟!
سارا :مو توأمــــي والمفروض تعرفين وش أفكــر فيه ...
ملاك :حبيبتي وش فيك نسيتي ذيك أنتي اللي تقرين أفكاري مو العطــــــس ...
سارا :العطــــــس ولا العكــــس ..
ملاك :لا العطــــس ...
سارا :خلينا من العطس ونرجع لمحــور حديثنا كنت أقول أني أصلح مقدمــــــة أخبار فالعربيــــــه ....
تكفون أقروا الجملـــــه اللي قلتها مرتيـــن فيها شـــي يطلع من الأســـــلام لأن ملاك شكلها بتذبحنـــــي ...
ملاك :غبيــــــه انتي تروحين للعربيه ليه والجزيره مــوجوده ...
الحمــدالله بس هذي نقطــــة الأختلاف بينا موشــــي ثاني ...انتظروا شوي بقنعها أن العربيــــــه أفضل لــي ...
سارا :لا خلينــــي فالعربيه أحسن يابنت الحـــلال حتى أسمهــا يدل على روح الاخـــــوه والتلاحم بين الدول العربيــــــه ...
ملاك :تبين الصراحه تفكيـــرك موشي ...
يؤ سبتنـــــي طيب ليه ماكنا حلــــــوين وكلاً يبدي رأيـــــه ...
سارا :ياتوأمــــي الجميل الرائع ماتغلطش عليـــــه أحسن مأدفنك في محلك ...
ملاك :طيب بدون ماتسأليني ليه حجاوب وحتغاضى عن تهــديدك الصهيــوني بالاعتــــداء علي ... لأن ياعزيزتي العرب كلش مو مترابطيــــن ولابينهم أي تلاحم ولا تأخـــــي وضربك المثل فأخـــــوتهم مثل أحترام عبــد الرحمـن بن مساعـــد للحرامــــــي ...
اآهااااااا كنـــــي بديت أفهم اللحيـــــن أنا لصرت مذيعــــه فالعربيه بتنفض الأشتباكات بين حمـــــاس وفتح بفلسطيـــــن وبتهدأ الأوضاع بلبنـــــان
والجيش اللبناني بيتركــــــون فتح الاســلام بحالهم (الاســـــم صح ههه)
... وبيعقلون العراقيين بيصيرون دوله وحــده وقلوبهم على بعــــــض ..بس قبل بوش تنتهي مدة عقده وماراح يجددون معــــــــه.. ويمكن ينتخبـــــون رئيسه لجامعة الدول العربيــــــه ...بتساعـــــودني فالأنتخــــابات مـــــــو...؟؟!

ملاك :ياهووووووه اللي مأخذ عقلك يتهنـــــى به ..
قلت بحركه مسرحيه وأيدي على قلبي ..
سارا :آآآآآآه ومن غيره اللي ماخذ القلب والعقــــــــل ...
مــلاك :مين عمــرو مــــــوسى ..
سارا :لا جابـــــــــــرر ..؟!
مـــــلاك :جابـــــر الكاســــــر ...
سارا :لاجابــــــر مجاهـــــد ...
لاتطالعـــوني كذا ايه جابر اللي مأخذ قلبي أحبــه وهو ولا سأل فيني ولا بيتزوج بعـــد آآآه ياقلبي كم بيتحمل أكثر ... مسحت على راسي ملاك بيدها ..
ملاك :خلاص حبيبتي لاتزعلين نفسك عشــان واحد مايسوى والله هو الخسران يحمــد ربه باليوم مليون مره أنك فكرتي فيه ...
سارا :طيب أنا أيش ناقصيني عن اللي بيتزوجها ...
ملاك :ياحبيبتي موناقصك شـــي وأنتي لاتقارنين نفسك فيها بهالطريقه ترفيعن من قدرها ...
هذي وش قاعــده تهبب لاتكون عرفت من بيأخذ ... سألتها قبل مايضرب فالراسي فيوز من التشويق ..
سارا :عرفتــــــي من بيأخذ ..
ملاك :لا بس أتوقع ...
الصراحه أدهشتني شكلها تعرف بالتوقعــات ...
مــلاك :ايه تبغيـــــن أتوقع لك شكلها..
هزيت راسي بحمـــــــــاس نعــــــم ..
مـــــلاك :بيأخذ وحده عورى حولا طويله قصيره بيضاء سودء برونزيه قمحيــــــه غبيــه اللسانها طويل وضعيفة شخصيـــه تسمع لمحــمد عبده وهيفاء وهبــــي تحب وئل كفوري وتحلم تزوج واحد مثل راغب عــلامـــه وأتصور نفسها نانسي عجرم وحلم عمــــــرها تسوي عملية تجميل وتصير نسخه طبق الأصل لشاكيــــرا ...ومره تحلمــت ياســـر القحطــــاني يخطبها ...
قلت وماني مصدقـــــــه ..
سارا :كل هذا عرفتـــــيه عنها بالتوقع ماشاءالله عليك عينـــي عليك بارده...
تبون الصراحه ثلاث من توقعاتها ماصدقتهــــــا الأول انهــا تحلمت ان ياسر يخطبهـــــا لأني حاسه أن البنت تحلمــت ان سامي الجابر هو اللي خطبهــــــا بس الرجال متزوج عادي يأخذها ثانيـــه ... والثانيـــه أنها تحب وائل كفـــــوري البنت من اللي أعرفه عنــها حسيت أنها تميل لماجد المهنــدس أكثر من وائل كفوري ...
والثالثه أن جابر يخطبهـــــــــا ...
يعني مافيش خطــوبه من الأصل ...
بووووووووووووووووووووووووووووووووووووووووووووووووو وووووووووووووووووووووووووووووووووووووووووووو...
قفزت أنا وملاك من الخرعه وصقعنا فبعض ورجعنا نطيح علـــــى الأرض ...
وعـــد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههه ...
سارا :وجع ياحماره وش يضحك ...
وعـــد وهي باقي تضحك :أشكالكم نكتــــه تكفون بنعيــدها ..
ملاك :سخيفه بعدين وش طلعك من المعتقل ...
سارا :المعتقــل حلــــــوه كثري منها توأمي العزيز ...
ملاك من عيــــــوني ...
قالت لنا وعــد وهي توجع من ظهرها ..
وعـــــد :اخخخ لاتذكــروني كنت حمــوت من الضيق اللي أنا فيه ماصدقت ضحــى تنام عشــان أطلع ...
قلت أخرعها ..
سارا :يالخبله كيف طلعتي مــن غرفتها أنتي حسبالك ضحى ماتشوفك يوم طلعتي لاحبيبتي هذي تنام وهي مفتحــــــه عيونها ...
وعــــد وملاك بأندهاش:أحلفـــــــــي ...
سارا :بأيش أحلف لكــــــم عشان تصدقــــون ...
وعـــــد :حلوه بأيش تحلفين لنا حنا مانحلف الا بالله ولاعنــــــدك شي ثاني تحلفين فيــــــه ...
لا أستغفرالله العظيم زلة اللسان غير مقصوده ..
سارا :استغفر الله العظيـــــم ..
وبالسرعه بديت أفكر كيف أغير الموضوع قبل مايصرون احلف وأنا زي مأنتم عارفيـــــن كذابــــــه...
سارا :أجل صرتي عاطلـــه مثلنا ...
شفت بريق الفرح بعيــونها بس تحول لعبـــوس ...
وعـــد :اسبوعيــن بس .....
قالت ملاك تواسيها ..
ملاك :احمــدي ربك غيرك ماهو معطل كلش ...
بس وعــد ردتها عليها ياعزتالك ياتوأمــــي ...
وعــــد :وغيري معطل طول العمـــــر ...
قلت بالسرعه خفت من عينها ...
سارا :مالنا سنتين مأدري سنه مأدري ثلاث سنوات ..
شفت وعـــد تقوم لاعــلى وين لاتكــون مفكره ترجع تنام هالحزه تو الناس ...
ملاك :على وين ..يانور العيـــــــن ..؟!
وعـــــد :بروح للمطبــخ أكل حاجــه تسد قوعي ..
ميشو:مرحبــــــــــا ...
يمــــــه هذي من وين طلعت لنا ميــــو وو ..
ملاك :ياحيا الله أحلـــــــــــــى متشرده ميووو بالشرق الأوسط كلــــه ...
زدت عليهـــــا ..
سارا :وأمريكا الجنوبيـــــــه وجزر القمـــــر ...
مو أحنا نرحـــب وعــد لازم العكـــــــس ...
وعـــد :لامرحبا ولامسهـــــــلا من وين جايه هالحزه يالهايته مره ثانيــه اذا كنتــي بتطولين بالسهره خذينــــــي معك ..
بس ميشــــــو تجاهلتنا كلنا وركزت على وعـــد ذولي توم وجيري مايتواطنون ..
ميشــــو :أنتي مالذي تفعلينه هنا في هذه الساعه المتأخـــــره ..
وعـــد اجلست تغنــــي وتهز خصرها ..
وعــد :ارقص ...
مــلاك :ياســـــــلام أحلى عاشوا عاشت وعــــد أقوى عافيـــــه ..
وأنا جلست أطبل .....
ميشو:صدق من قال الجنون فنـــــون ..باذنكــــــم جماعة ام مصبــــــاح ...
سارا : وشلـــون مأدري كيف روحين في روح ... مع الســــــلامه توتو ...
ملاك :وماكنت اصدق بأندماجــــــك يالأرواح ..
ونسينا انفسنا بالطق والرقص والهبـــــــــال ... لين ..
ضحـــــــى :وش هالجنون على أخر الليل حسبي الله على أبليسكــم أنتوا أبد ماتهجدون ...
كلاً وقف على حركته ويوم رفعت عيوني لضحــــــــى أنصدمت يوم شفت مو بس ضحـــــى لاكل البيت أبتدأ من شـــــدن لين أكبر فرد فهالبيت بابا ضحــــــى ...
وميشو وراهم وتطالعنا بشمـــــــاته ...والله كنــــــا طيبين ومانستحق هالنهايه يالله ..
مـــــــــع الســلامـــــــه ...
مع الســـــــلامه سارونا ...

الحلقه الثانيه عشـــر

((1))

<< ..عمـــــلاق.. >>


ضحــى

شفته عمــلاق ضخم أكثر من
الواقع وأنا وخواتي ملتفين حوله بلبس الخدم وهو كان يتأمر علينا ومن طاعتنا له عرفت أنه يقدر يقص روسنــا لوعصيناه ...
كان جالس وفجأه وقف وبدى يطردنا برى البيت بيتنــا حاولت أوقف بوجهه بس ماقدرت رمانا بالشارع وألتمت علينا كلاب الشوراع كانوا خواتي يصرخون بالرعب وأنا أحاول أحميهم فاتحه يديني وضامتهم لي وهم متجمعين فحظنــــــي ... والكــلاب تنهش فيني من كل جهه لين خارت قواي وسقطت ....... صحيت بعــدها وأنا أرجع أضم خواتي بس تبين لي أني موقاعــده اضم خواتي لأن اللي بين يدي كان الهوى ..... نطيت من فراشي بفزع تعوذت من الشيطان وأنا لين اللحيــن أرتجف والعرق كان يتصبب منــي مأدري من الكابوس اللي شفته ولامن الحر اللي لقيت نفسي فيـــــه وكاني نايمه بفرن .... لأله الا الله رددتها مع المؤذن بس لحضه من متى حطــو مؤذنات حريم ... طلعت من غرفتي وشفت خــواتي اللي مسطلات من النوم وقفات على أول الدرج وكل وحــده ماسكه الثانيه لاتطيح وعيونهم على العرض اللي قاعد يصير تحــــت مريت من بينهم ونزلت تحتهم بالدرجــه ...
ملاك :ولاله الا الله ... كلوووووووووووووش ...
هذا المؤذن حسبي الله عليك يأبليس ...
ضحــى :وش هالجنون على أخر الليل حسبي الله على أبليسكم أنتوا أبد ماتهجدون ...
كلاً وقف على حركتــه وكأنا نتابع عرض مســرحي ...
الغضب اللي لقيته مسيطر علي بعــد ماصحيت من الكابوس ... حطيته كله فيهم .. طردتهم برى وقفلت الباب عنهم أحسن خل يباتون الباقي من الليل بالحـــــــوش ... والتفت على الباقين
ضحــى :وأنتو وش جالسين تنتظرون أطلعوا كملوا نومكم...
نوف :بعد ايش خلاص طار النوم ...
هنــد :من زين الجو اللي كنا نايميــن فيه ...
شهد اللي جلست على الدرج من القهر :قولوا لي أحد غيرنا بالسعـــوديه ينام بدون مكيف ...
ناقصه أحباط أنا اصلاً وش بيدي أسويه .. كل اللي أقدر عليه سويتيه عشان مايحسون أنهم أقل من الناس بس للحيــن هالنقص موجـــود وبيظل موجـود لأن اليد الوحـده ماتصفق لازم كلهم يتعاونـــون معي عشــان نقدر نعيش ....
ضحـــى :عفيه على الشاطرين ليه سكتوا كملــوا تكلمــوا عن حالتكم المزريه وظلم أبوكم لكـــم ولاتنســون الأمهات وقولوا نبذه عن حياة الشقى اللي عشناها فصحة جدتي ...
شفت كلام أعتراض كثير بعيونهم مأنطقته شفاهم بس كان مــوجــود...
ضحــى :ادري أن عيشتنا موعيشه وفيه غيرنا كثير أحسن منا بس لاتنسون أن فيه اللي حالتهم أردى من حالتنا ...
شهد بالضحكــه :اردى منا فين ذولا دلينا على بيتهم ..
هنــد :أنا آسفه ضحــى بس ماني قادره أصدقك أن فيه اللي أردى من حالنا ...
مأهتميت لكــلامهم الساخر اللي يحرقون فيه قلوب بعض بس ...
ضحــى :الا فيه ياشهد فيه ياهنــد اللي يمــوت من الجــوع مو يجــوع بس لايمـــوت موت حقيقي مأقصد فيها أي تشبيه بلاغي ... واللحين أنصحكم أبتعــدوا عن الأفكار الكئيبه وأطلعوا نامـــــوا ...
نوف :أنا موقادرانام بطلع فالحوش مع البنات ...
وطلعت ...
ضحــى :وانتوا ..؟!
هنـد :أنا مونايمه بعد بالشوف التلفزيون ...
شهـد :وأنا بعـــد ...
تركتهم على راحتهم ورحت لشدن ..
ضحى :يالله حبيبتي نروح نام ..
شدن :مأبي بطلع مع وعــد ونواف وسارا وملاك ...
ضحــى :طيب روحي لهم ... بس برى ظلام ماتخافين ...
شدن :لامأخاف .... وطلعت تركض ...
حتى انتي ياشدن لنا الله ...
عارفه أن مافيني نوم وقفت أطل مع الدريشه على الشارع اللي كان هادي لدرجـــة الملل ...
وجلست أسترجع أحداث يومــي الطــويل نقاش حاد مع المديره أنتهى بهــوشه كلاميــه وخصم عشرين بالميه من الراتب وبترفع فيني تقرير للتوجيــه مأقول الاحسبي الله على الظالم ... طلعت بعد هالمصيبه عشــان القى المصيبه الثانيه فصل وعــد .. وبعــــد كل هالمصايب أرجع للبيت عشـــان القى الكلـــ عساف بادي يبني له مستعمره فبيتنــا لاوبدون ترخيص بعــــد انا ناقصه مشاكل من البلديه بعــــــد ...
دخلت عليه بالمجلس وهو واقف مع العمال ...
ضحـــى :انت وش قاعــد تسوي هنا بأذن مين جالس تشتغل ....
عساف :أنتي اللي كيف تدخلين هنا والمكــان كله عمال ....
ضحـــى :خذ عمالك وأطلع برى ...
ماحسيت نفسي الامجروره ومحشــوره فمكان ضيق بين المجلس والبيت ...
عساف والشرار يتطاير من عيونه :أنتي كيف تتكلميــن معي بهالطريقه ..
نفضت يدي من يده ..
ضحــى :أكلمك بالطريقه اللي تعجبني يأخي ماتفهم مانبيك فبيتنا مأحد فهالبيت يطيقك الكــل يبيك تطلع منه ...
عساف :أناجالس بكيفي وماني جاي بشاوركم لو بغيت أسوي شي فهالبيت فاهمه ولاتبغيني أفهمك بالطريقتي ...
قلت وأنا منقهره منه والله لو أني رجال محط عينه فعيني الرخمـــــه ...
ضحــى :اصلاً انت لورجال ماجلست عنــدنا وبيوت أخوانك وش كثرها .. بس اللي مثلك ماينشره عليه وعزى الله اللي رباك ماعرف يربي....
طلعت من عنـــده وأنا أسمع صوت ضرب أيده على الجدار لو بقيت لحضه كان يمـديني فعداد المــوتى بس الله ستر ...

×××××××××××××

((2))

<< ..نهاية كل فرحه مؤساه ..>>

وعـــــد


واووووو وينكوا لايفوتكم الجو فلــــــــه ... بعد ماطردتنا ضح ضح من البيت جلسنا فالحـــوش اللي جهة بيت جيرانا اللي أمهم أم كايد وعيالها كايد وقيس وجابر ومرمر و........ الخ .. لاتقولون ماعرفتوهم بعد كل هالشرح ...
نواف :والله الجلسه مالها داعي من غير منير ...
سارا :معك حق ....
ملاك :وش رايكم نعزمه ....
ترى هالفكره أنا أول من فكر فيها بس ياخساره لونطقت لحضتها حفظت حقوق السبق صدق المثل اللي قال من سبق لبق ..
سارا :بس كيف ....
لاعاد المره ذي محد راح يسبقني ...
وعد :أنا عنـدي الحل وأنا أم الحلول ...
ملاك:لاتكفين مانبغى واحد من حلولك الغبيـــــــه ...
بل بل وش فيها ذي علي ...
وعــد :على كيفك تحكمين أن حلولي غبيــــه ...
سارا :حلولك قمــــة الغباء ...
لا عاد التوأم شكلهم متفقين علي ...
وعــد :خير أن شاءالله وش ماسكين علي ...
ملاك :نسيتي يوم رحتي تطقين الجرس وطلع عليك قيس .....
بل وهذي وش دراها ماكانت معنا ...
وعــد :وانتي وش دراك ماكنتي معنا ...
ملاك :مو لازم أصير معكم عشان أعرف وش صار ...
وعد :أجل كيف دريتم ...
سارا:قريناه بالحلقه العاشره ...
وعـد :ويييه ومسويات فيها فاهمات أنقعلن بس ... وحلي هذا أذكى من الذكاء نفسه ...
وأشرت على وحــده من الشبابيك ...
وعــد :تدرون وش ذا .....؟!
سارا :جدار ...
وعــد :حماره أنتي مأقصد الجدار أقصد اللي وسطه ..
ملاك :بلك وجبس ...
لااا هو مايقاد وش هالغباء ...... ..
وعـــد :مأقصد اللي فيه أقصد اللي عليه ..
نواف :ندري قصدك الشباك وش فيه ...
اخيراً طلع فيه أحد منهم فاهم ...
وعـــد :هذا شباك غرفة منير ...
جلسوا مبلمين ثواني ثم صرخوا التوأم ...
سارا وملاك :نطب عليه ......
لا لا قمة الغباء هذي مشكلة اللي مامعهم غير شهادة متوسطــــه لا أنا خلاص قررت أكمل دراستي عشان مايصير مصيري مثلهم .......
نواف :نحذف على دريشته لين ينزل ....
سارا بتردد :لااا أنا خايفه ...
اووووف بدينا بحركات البزرنه ...
وعد :ليش خايفه قولي وش فيه يخوف ...
سارا :تصوروا قيــ ...س صحى علينا والله يذبحنا ...
وعـــد :أنتي غبيه قيس بالجهه الثانيه من البيت والمكيف مشغل على راسه كيف بيسمعنا ...
ملاك :ايه وعد معها حق يالله نجمع حصى حلو عشان نرجم فيه أبليس قصدي دريشة منير ...
وبدينا نجمع حصى بمزدلفه ماتجمعون كثره وبدينا نرجم الدريشه على قولة ملاك وأغلب حصانا يطيح قبل مايوصل الدريشه وأكثر واحد حصاه يوصل نواف رماي من الدرجـــه الأولى ..... وفجأه صار اللي حذرتنا منه سارا طلع علينا قيس من الدريشه المرجــومــه وكان لابس سراول السنـــه وفانيلته
ومعه مسدس ....
اول ماشفنا ه وقف الحصى وتجمــدنا بأماكنا بس بالسرعه أستوعبنا الوضع وطرنا داخل وسارا ماقدرت التحرك بس ملاك كانت تجرها معها ولا لو عليها تلقونها صامده بمحلها حتى المـــــوت .. بس وربــــــي أن المسدس كان مصوب على سارا لدرجه الأعمـــى يميزها ...
طررخ طرررخ طررخ طحنا على بعض اول مادخلنا البيت ... هنــد :وش فيكم يالمرجج ...
سارا اللي أول من وقف :كان بيذبحنا ...... ورجعت تطيح علينا شكــله أغمى عليها ..
ملاك :سااررررررررررا ...
تجمعنا كلنا عليها وحاولنا نصحيها ...
ملاك بالصياح والنياح وهي تضرب خدودها :ياويلي عليك يأختي ذبحك اللي مايخاف ربه ...
وعد :هييي أنتي يالمجنونه لاترجينا مثل ذيك المره البنت من الخلعه أغمى عليها ...
بس ملاك راسها وألف سيف أن سارا ماتت حسبي الله عليها بتذبح البنت غصب ... ماحسينا الا بماء مثلج ينكب علينا كلنا لأن كلنا ملتفين على سارا ...
وعد :ووووااو بارد ... حسبي الله عليك شهوده ماتشوفين غرقتينا ...
شهد اللي ماسكه سطل المويا الفاضي بيدها :وش أسوي لكم ماتركتوا لي طريق أدخل معه عشان أكب عليها ...
هند :وبترشين عليها المويا المثلج هذا البنت حتى لوكانت حيه بتموت ....
شهــد :اووووف هذا ذنبي اللي بساعدها ...
وعد :وين تساعدينها شوفيها للحيــن مغمى عليها ...
ملاك :أختي ماتت وأنتم جالسين تهاوشون ياحسرتي عليك ياسارا رحتي وأنتي فأول شبابك حسبي الله على الظالم ....

×××××××××××××

((3))

<< ..اتصال من امريكـــــــا ..>>

مـــــــلاك


انا ذابحته الليله ذابحته دم أختي مايروح مـــويا ...
قفزت من محلي وركضت للمطبخ وسحبت الساطـــــور ...
أول ماشافنه خواتي صارخن ...
وعـــد :وش بالتسوين يالمجنونه ....
ملاك :بقتله بأخذ ثأر أختــــــي ....
فجأه هجمـــن علي خواتي وأخذن الساطـــور مني ....
شهــد :حشى بالصعيـــد عشان تأخذين الثأر ....
كنت أتقاتل معها على الساطـــــور يوم سمعت صوت رد الروح فينـــــي ...
سارا :ملاااك ...
أسرعت وطحت عنــد رجولها ...
ملاك :سارا ياعمري أنتي لسى عايشه ...
سارا :ملااك كان بيذبحني قلت لكم والله قيس بيذبحنا ...
وجلست تبـــــكي بالطريقه تخلي حتى اللي ماعنده قلب يشفق عليها ... كثر حبي لسارا كرهي لقيس ليش يسوي فيها كذا حرام عليه والله حرام أكره اللحظه هذي اللي تكون فيها سارا تألم وأكثر ألمها خوف .. تكــون بعيده عن روحها المــــــرحه وحبها للحيـاه تصير فحالة يأس كبيره وتطلع منها مثل هالكلمات اللي أسمعها اللحيــــن ...
سارا :يارب أمووت وأرتاح أنا المفروض مأعيش ياليتني أموت ياليت ...
لاسارا أرجــوك كفايه والله اللي فيني يكفيني مو ناقصه أسمع دعائك على نفسك .... يارب هو اللي يمــوت ونرتاح منه ...
سارا :ابي أنام ..
فرحت ماصدقت سندتها عشان تقوم وأنا أقول ...
ملاك :يالله حبيبتي نروح ننام فوق ....
حسيت برجفتها الواضحه بين يدي ...
سارا :بس أخاف يجينا ...
مــلاك :لاحبيبتي ماراح يجينا شوفي كل البنات فيه مستحيل نخليه يلمسك ....
طلعتها فوق وحاولت أنام بس ماقدرت لأن سارا كل شوي تفز من مكانها تدور الوحــــش ...
الله يعينك على مأبتلاك يالتوأمي الصراحه مأتصور نفسي محلها مسكينه أختي ماسوت بحياتها شــي عشـان تستق عليه هالعقـــاب الجائر بحقها منك ياقيس المتوحش .....
مأدري كم الساعه بس حسيت أن الصبح طلع وسارا حركتها وقفت يعني نامت قمت من مكاني ونزلت تحت لأن النوم مجافيني قلت يمكــن القى وحده من خواتي أقرق معها قبل مايروحـون المدرسه بس للأسف البيت كان خالي للحضــه فيه صوت جاي من المطبخ ... على اخر ثانيه تراجعت قبل مأدخل بكل أندفاع عقب مالمحت اللي فيه اخخ يالقهـرهذا وش يسوي هنا الوقح أكيد عرفتم من أقصد وفيه غيره يستحق هاللقب ماصار زوج عمــه ذلنا على هالقرابه ومــن قربه عاد ياخال أمي حك ظهري ... أنا اللي قاهرني الغبيات ذولا ورى مايقفلن الباب عقب مايطلعن بس من تعلم .... حسيته جاي بيطلع وقفت مكــاني ولصقت بالجدار مر من جنبي ولا ألتفت أخخخ شكله شافني وأنا الغبيه لازم اوقف مكاني وأفكر واللي زاد ثقتي انه شافني وهو جاي يقفل الباب مالف لأخذه وراه وهو ملقيني ظهره ...
طيب درينا أنك شفتني ولاحتحرك فالراسي شعـــره ...
مأدري وش اللي خلاني واقفه محلي لمين طاحت علي وعـــد متلبسه ...
وعـد :ملاك وش تسوين واقفه هنا ...
بدينا بالتحقيق ... هالوعد عليها فضول ماهو على احد ...
ملاك :شفتي عســاف ...
وعــد :لاوينه ...
ملاك :كان فالمطبخ ...
وعــد :طيب ...
ياربي شكلها مافهمت ...
ملاك :هو كان فالمطبخ وأنا كنت واقفه هنا وجاء مر وطلع ...
وعــد بالصدمه:وشافك..
ملاك :أكيد شافني بس هو كمل دربه ولا ألتفت ...
وعــد :أكيد بيكمل دربه من زينك عشان يجلس يتمنظر فيك ...
اخخ يعني ماني حلـــوه من حلوها عاد هي ...
ملاك :ورى ماكملتي نومك والله لوالموضوع فيه روحه للمدرسه ماصحيتي هالحزه ...
وعــد :افكورس يبيلها ذكاء يعني .. ياالله أنابروح أخذ لي لفه بالحاره تبين شــــي ...
خيبه ماعنــدها وقت بتبداها هياته ...
ملاك :لاسلامتك الله معك ...
وعــد :وش رايك تنكرين بلبس نواف وتجين معي ...
بتخربني معها صدق جليس سوء ...
ملاك :لاشكــراً وش قالوا لك أنخبلت على اخر عمري ...
شكلها ماعجبها كلامــي حطت كابها على راسهــا وطلعت ... والله شكلها تحفه لابسه جينز أزرق لونه رايح من عرفتها وهي تلبسه ورافعه أطرافه من تحت لنص ساقها وطلعت وهي حافيه صدق هيلق ......
انا شكلــي بحنط فهالمكــان كأن ماوراي شغله الا أوقف هنا ... لازم اخذ جولتي الصباحيه اطل على جدتي وأديها علاجها والفطـور بعدها أطئس على سارا ومن ثما يبدأ شغلي الخاص ...
أخذت جولتي الصباحيه وخلصت وأنا جايه بطلع سمعت صوت التلفون كنت بطنشه بس شي داخلي قال ردي ...
مـلاك :الووووووووووووووووووو ......
الطرف الثاني :وجع ماله داعي كل هالصراخ أسمعك ...
قلت بأندهاش وأنا ماني مصدقه الصوت اللي وصلني .....
ملاك :الحج متولي من أمريكــــــاااا ....
:أزيك يابنتي عامله ايه وأزي خواتك ووالدتك طمنيني عليها وجدتك عامله أيه .......
مـــلاك :كلهم كويسين أزيك أنت ياحج وأزيهم حسن وحسنين اولادك...
:الحمدالله بنشكــــر ربنا .... فينها البنت وعد ...
ملاك :وعد مش موجــوده عاوز منها حاقه ضروري يعنـــي ...
:آآآآه هي عنــدي وبتقول .......
قاطعته ..
ملاك :وعد وجع خلاااص تعالي بعدين من وين جالسه تكلميــــن ...
وعد :من الدكان .. أقول مــلاك نازل بيبسي جديد بنكهة الفراوله تبغين أجيب لك واحــــد ...
ملاك :لاوجع لاتجيبين أنا مقاطعه المنتجات الأمريكـــيه ..
وعد :ايه صح نسيت ... طيب وش تبغين اجيب لك هديه معــي من أمريكا ...
ملاك :رجعتك بالســـلامه ياحج هي أكبر هديه لنــــا ... وأذا مصر تجيب لي هديـــه جيب البيت الأبيض بس غلفه بتغليفه خضـــــراء ......
وقبل مأسمــع ردها قفلت بوجهي اخخخخخ أكيد متولي مأدري صالح لووول نسيت أسمه العامل اللي فالدكان سحب منها التلفون ....... بنت الحــلال تكلم من مال أبوها فالتها ...

×××××××××××××

((4))

<< ..ضحى في ورطـــــــه .. >>

ضحـــــى


تنحنحت ورجعت أعيد الدرجات مره ثانيــه تحت اصرار البنات لأن الأغلبيه ماسمعوها ......
ضحـــى :بقول مجموعة أسمــاء وبعدها بقول الدرجه لأنه ماشاءالله عليكم درجاتكم مره متشابهه منال ومنى و ..و..و...و..و..و..و... صفـــــــر ,, صفيه وهديل ولمياء ثلاثة أرباع ,, جيهان نصف ,, و..و...و... و... درجـــــه واحده فقط لاغيـــــر ,, ريم و..و..و..و..و.. خمس درجـــــات ,, سلوى و..و..و..و.. ثلاث درجات ,,ورحاب وهي أعلى درجــــه سته ونصف ..... وسلامتكـــــم ...
ماخلصت كلامي الا بدأ الأحتجاج من كل جهه وأنا مثل الأطرش فالزفه مأدري وش يقولون .......
ضحـــــى :بسسسسس خلاص أسكتوا عشان اقدر أسمعكم وحــده بس تكلم ....
وداد :أبله باقي أسمــــاء كثيره ماعديتيها ...
ضحــى :حبيبتي اللي ماعديت أسمها بس اللي مادخلت الأمتحان ......
ورجع الصراخ وزعيق من جديد ......
ضحــــى :بس والا والله كلكم تأخذون صفر عنــدي .....
وداد :أبله والله انا داخله الأمتحان ....
ضحــى :أجل أكيـــد خطك مثل وجهك فماصححت ورقتك .... يالله عاد نرجع لدرسنا مأبي كلمــة أعتراض وحــده زياده .....
وعلى هالمنــوال مريومــي لين جانــــي اتصال من عســاف ومثل كل مره كان مصيــره التطنيش بس المــره ذي كان مصــــر بشكــل غير طبيعــي ... وبمأني كنت بغرفة المعلمــات وماعنــدي حصــه فكان الجــوال على العام وعشــان أتخلص من نظرات المعلمات الفضوليه لتطنيشي المستمــر لهالمكالمات رديت ....
ضحــى :آآلووو ...
عسـاف :مابغيتــي تردين ...
ضحــى :طيب ...
عســاف :وش اللي طيب أنا قلت شــــي ... واضح انك موفاضيه لي أسمعيني بجــــي أخذك من المــدرسه زين ....
خير وش يقول حضرته .... ترى انا صايره مأسمــع زين هاليوميـــن ...
ضحــى :ماسمعت وش تقولون .....
عساف :الا سمعتـــي أقول بمــر اخذك لاخلص دوامك الساعه كم تخلصين .....
طلعت من الغرفه خفت أفقد أعصابي والمكان ماهو مناسب ....
ضحــى :عساف انت جنيت وش تبـــــي تجي تأخذني ...
عساف :ابغــى أتفاهم معك وبالبيت لاجيت أتكلم معك كلمــه مألحق أكملها الا تبــدين خواتي وخواتــي قلت أجي اخذك نطلع للمطعم نتغداء ونتفاهـــــم ....
ياربي هذا من وين طلع لي وش نتفاهم عليـه شكلي بنفضح بين الناس على يــــده ...
قلت بالرجاء يمكـــن يرحمنــي من بلاويه ...
ضحــى :عساف واللي خليك شل هالمــوضوع من راسك طلعه معك ماني بطالعه ...
بس من قال يرحمنـــي هذا ذيب لاهميته ولاهمه رجاءي .......
عساف :ماتبغين خواتك يدرون أطلعي معـــي ولاترى ماتلوميــن الانفسك على اللي بيصير تحذير وحذرتك ......
خسيس نذل حقيــــر صك كل الأبواب بوجهـــي مسكني مع الايد اللي توجعنـــي ...
عساف :وش افهم من سكوتك يعني موافقه .....
ضحــى :وعنــدي خيار ثاني يعنـــي ....
ضحك وقال ....
عساف :للأسف لااا.. تعرفين السياره اللي معــي صح وانا ثنتيــن الاربع عنــد الباب ......
وقفل وأنا تقفلت بوجهــي كل الأبواب .. ياربي ليش يصير معــي كذا وش يبي من هالأنســان مليون مره قلت له اللي بينــا مستحيل يتصلح خلاص هو اختار طريقه من سبع السنين وأنا أخترت طريقي ليش راجــع اللحيــن ينبش بالماضــي ويبغى كل شــي يمشــي على ميزاجــه يعني هو ينسحب بالوقت اللي يحــب ويرجــع بالوقت اللي يحــب وأنا المطلــوب منــي ابقى كما أنا كل شــي يتغير من حولي وأنا ثابته مجمــده حياتي أحتريـــه يرجع ..... بس لاياعسـاف أنا تغيرت وحياتي تغيرت وأنت مالك مكــان بهالحيــاه وبالتشــوف كيف ببعـــــدك عنها ...... كنت مثل اللي جالسه على نار احتري بس نهاية الدوام وعيني معلقه بعقرب الساعـــــه ...
ومع كل هذا يوم جيت اطلع تأخرت عشــــر دقايق ماكنت متعمــده لأن المــديره اطلبتني فجأه وحاولت اتخلص منها بالســرعه ..... لأول مره أحس بالخــوف وصدقت أن فيه شــي بالداخلي أسمــه قلب لأني حسيت بدقاتــــــه ..... عنــد البوابه كان زحمة سيارات وزحمـــــة بنات وأخينا بالله كان موقف قريب مـــره وتعرفون حركات البنات بعضهن أوقح من الشباب عيونهن مفتــوحه على الأخــر على الرجـــال ...
وعليهــن حركات ترفع الضغط الصراحــه مألوم الشباب اللي يتجمعون على المــدراس اذا كانوا شايفيــن منهن مثل هالتصـــرفات...
ركبت بالســرعه وقفلت الباب وطبعاً ركبت قدام مع أنه خاطري اركــب ورى بس صدق مغفله لوسويتها وفتحت عيــون الناس علــــي مع أني ماني سالمــه اخاف وحــده من المعلمـات ولا البنات تعرفنـــــي ... قلت له بقهر بعــد ماحرك ..
ضحــى :غبي أنت فاتح الدريشــــه ليش ...
فسخ نظارتــه وطالعنـــي ..
عساف :عشــان تلقينها حجه وتقولين ماعرفتينـــــي ...
ضحــى :ماكنت بقـــول على الأقل مثل مأحترمت وعــدي لك خل عنــدك شويت احســاس وراع ظروفي يعني لوشايفتك وحــده من خواتي وش بسوي لحظتها ....
عساف :مابتسوين شــي بتقولين لهن الحقيقه .. وبتريحــن نفسك وتريحين معــك ....
يالناس خاطري اذبح هالبارد مأصدق أني كنت بهالسلبيه اللي تخليني أوافق على أنســان مثل هــذا الله يشفيك ياجدتي ماسويتي فينــــي خير يوم أجبرتينــي على هالزواج ......
عساف :أنزلي وصلنــــا ......
نزلت مانــــي معه وأنا مقهــوره من نفســي وكأني جالسه أسوي جريمــــــه بس اللي أسويه خطأ وأكبــر خطأ بس قولوا وش أقـــــدر اسوي غيــري كذا ....
دخلنا قســــــم العوائل ...
سألنــي وحنا نجلس :وش رايك نشــرب شــــي قبل الغداء ...
ضربت يديني اللي كانت ترتجف من التوتر ببعــض ..
ضحـــى :مأبــــي شي خلصيني قول اللي عنــدك وطلعني من هالمكـــــان ....
عساف :هدي وش فيك معصبــــــه لاتصعبين المــوضع على نفسك وعلـــــي ...
وحاول يمســـــك يدي بس انا ماسمحت له .... وحركته هذي زادتني توتر... قلت له وأنا أرتجف من الغيض ....
ضحــى :حاول تكرر الحركــة هذي معــــي ثاني ....
ضحــك وحرك يده بوجهـــــي بأستخفاف ...
عســاف :يعني وش بتســـوين ..... بتكســرينها لــي يابنت أبوك .....
شفت ناس وقحـــه قليلة ذووق ناكــرة جميــل بس مثله ماشفت ياعــايرني بأبوي يعنـــــــــي بس أنا أوريك ياولد محــــــمد ....
ضحــــى :بنت أبوي وأفتخـــــــرورغم كل الظروف اللي أبعــــدته عنا بيظل أبونا وعلى روسنـــــا من فوق ولودارت الدواير بيبقــى أبونا الباقي علـى الرجــــال يتعوزى فيهم أبوهم ويوم طاح مالقى منهم احد يسنـــده ....
ضربه من يـــــده على الطــاوله هزتني من الأعماق بس طرفي مارتـــــد وماهـــو انت ياعســاف اللي بيخــوفني .......
كان يطالعنـــي بالنظره قاسيه محــرقه وانا عينـــي ماحولتها عن عينـــــــه وأخرتها ياعســـاف والله لو نجلس اليوم كله على الحــركه ماراح أكـــون أنا المهــزومـــــه ........ تغيرت ملامح وجــهه وبعــد الغضب اللي كان كاسي ملامحــه تحــولت للبرود ثم أبتســــم وكأنه مغصــوب ......
عساف :ونعـــــم بنت مبـــــارك .... ماجبتك هنا عشـــان نتهاوش وش رايك نتغــدى بعــدين نتكلم ....
طنشــته خل يسوي اللي يبــــــي وأشــوف أخرتها معه ....

×××××××××××××