بسمه من شفاتك تموتني وتحييني

الحلقه الرابعه عشر ..


حسيت بـ رعشه في جسدي كلّه لأأأأأأأأ يا رب لأأأأأأأأأأ ..
ما بغيت أصد وراي ولو صديت يا رب لأأأأ ... يارب أنا مب هو ...............

صديت ........... لا اراديا دموعي هلت حسيتها قاعده تحرق خدودي من حرارتها ...
رحت بأسرع ما أقدر صوب الشارع ...............

قلت : لأأأأأأأأأأأأأ عااااااااااااااااااااااادل لأأأأأأأأأأ ...
ورميت روحي عليه وتميت أصيح بحراره مدري ما أحس بـ روحي أحس الدم توقف بعروقي واحساسي انعدم ...

ما حسيت باللي حولي الا وهم يسحبوني من عليه ... وأنا كلّي دم ...
قلت وأنا اضرب اللي ماسكني : ودروني ما أباكم أبا عادل ... عااااااااااااااادل ..

حسيت بايد اللي ماسكني ترص علي أكثر عسب ما أفلت منها ,.
عليت صوتي وأنا أقول : عااادل لا تروح .. يا ريتني أنا مت يا ريت هالسياره دعمتني أنا ,,
عاااااااااادل تم ...

شفت الدم .. هذا أكثر منظر أخاااف منّه وأتروع منّه ...
ولحظات ما حسيت باللي حولي ... ما حسيت بأحد ... حسيت روحي فارقت هالدنيا ...

.....................

عادل دخيلك لا تتركني .. أمي وأبوي وأنت .. من بقالي ,,,, وباجر عمور ... من بقالي غيركم .. دخيلكم انت وعمور مابقالي أحد في هالدنيا غيركم ... آآآآه يارب متى تنتهي أحزاني متى ,,, الى متى بعيش بـ عذاب ... الا عادل يارب لأأأأ .. يارب مايستوي به شي ..

..............................

قمت وأنا حاسه بضلوعي متكسره .. ومب قادره أتذكر شي ... حسيت روحي مصدعه وراسي بينفجر من العوار ...

تذكرت لــ لحظه .. الموقف لحظه بـ لحظه ,,, تذكرت الدم كيف يسبّح عادل ... تذكرت صوت السياره كيف كان عالي وصوت الفرامل وكيف كانت الجوهره تصرخ بأعلى صوتها .. تذكرت وهم يسحبوني عن عااااادل ..... حسيت روحي بموت خلاااص ما قمت أستحمل ..

مره ... قلنا هي .. مرتين .. كنت بموت معاك يابوي .. بس الله سهّل علي وقدرت أعديها .. لكن هالمره خلاص بتخبل خلاااااااااااااص .. يارب عادل ما استوا به شي ..

رفعت راسي وفتحت عيوني .... وتميت أقول : وين عااادل .. عااادل وينه ... ؟؟؟
ما حسيت الا وايد تمسح على راسي .. : الحمدلله ع السلامه نوره ..

قلت وأنا أصيح : وين عادل ..؟
عمي : عادل بخير حبيبتي .. انتي ارتاحي الحين ,,

قلت : لأأأأ انتو تجذبون عادل وين .. استوابه شي ...
عمي : لأأأأ بخير ما استوا به شي الحمدلله .. بس انتي ارتاحي ..
قلت : والله لو مستوي به شي بمّوت روحي ..

عمي : نواري حبيبتي اهدي ما استوا به شي انتي ارتاحي ,,,
حاولت أنزل من ع السرير .. وقلت : أبااا أروح أشوفه .. ما أصدقكم أنا ,,,
حاولت أتقدم من الباب حسيت بـ دوخه ...

حسيت عمي مسكني وتم يردني للسرير ..
بس أنا سحبت ايده من علي ... وابعدته عني بقوه ...
قلت وأنا أصيييح : مابا أبا عادل ابا أسير عند عادل ...

عمي : انزين عقب شوي بوديج ..
قلت وأنا أصارخ : مابا مابا ... أبا أسير اشوف عااادل محد يقدر يودني ..
عمي يحاول يهديني ..: اوكي الحين بوديج .
.
بس أنا هيهات أسكت ... وين أسكت ... قلت : ماباااا أباااااااااااااا عااااااااااادل وين عادل ..؟
ما حسيت الا بأيادي تشدني وتقبضني وتردني لـ مكاني ...

قلت وأنا ارافس بكل قواي : قومو عني ما أحبكم أنا قووووووومووووووو ...؟
بس ما حسيت الا ونمال تمشي بـ الوريد ... حسيت كل شي حولي قاعد يبيض ...

ورقدت وأنا مرتاااااااااااااحه ....
جسدي ارتاح لكن وين بالي بيرتاح ما أعتقد بالي بيرتاح ومستحيل انه يرتاح ... الا يوم أشوف عادل ... دخيلك لا تعذبني ياخوي ... دخيلك من بعدك أنا ليلي هم وغم وكروب ..

قلت بودع الهموم بس ويييييييين شكلي كل ما أقول هـ الجمله النحس بيلزمني وين ما اروح ...قلتها وكل ما أقولها تزداد همومي بدال ما أودعها ..

..............................

حسيت بصوت صوب أذني ...

...........: نواري نواري حبيبي ...
فتحت عيوني بكسل ... شفت يميني ما شفت شي .. لفيت يساري ... اهني الطامه الكبرى تفاجئت ....... هذا انت ما أصدق ...

قلت : عدووووووووووول حبيبي ..
حاولت أقوم من مكاني ونرلت وقفت ... حسيت بدوخه .. خلاااااص بطيح ..
بس ايد مسكتني وردتني ع السرير ...

طالعت عادل .. وقلت : حبيبي هذا انت ...
قعد يدامي ع السرير .. تقدمت منه وتميت حاضنتنه بأقوى ما عندي وأقول في خاطري يا رب ما نفترق يارب ..

عادل يبعدني عنّه : نوار خنقتيني ..
طالعته يودت ويهه وابتسمت : عدول .. انت بخييييييرررر ..؟؟؟
عادل : هي أنا زين خلاص .. عمي يقول صرت ريال ..

طالعته وبسته وقلت : فديت الرياييل أنا .. والله انك ريال ..
عادل : نواري انتي ليش نمتي في المستشفى ..؟؟

طالعته وحضنته مرة ثانيه .. بأقوى ما عندي ..
عادل : نوّار عورتي ريلي ..
طالعت ريله مجبسه وقلت : فديتك أنا .. تعورك ..؟
عادل : هي شويه ..

قلت له : حبيبي انته يار ريته فيني ولا فيك ,,
عادل : شو يعني ..؟
قلت له : هب لازم تعرف ...

طالعت صوب يوسف ... ابتسمت له ...
يوسف : هااا وأخيرا .. خلاص تطمنتي ..
هزيت راسي بمعنى هي .. : وين عمي ..؟

يوسف : فلعتيه ضرب أمسااات ..
طالعته وأنا مستحيه : غصب عني .. يعني عدول داعمتنه سياره وما أسوي جذا ..
يوسف : صار خير .. أبويه ألحين بيي ..

قلت له : اليوم شووو ..؟؟
يوسف : الأربعا ..
طالعت صوب عادل متخرعه ... : أنا من قبل أمس راقده ..

يوسف : هي .. عدول كان في العنايه .. وانتي ماشالله كلما تنشين تفلعين فاللي يمبج ..
،’, استحيت .. بالفعل انا يوم ما أكون في وعيي أضرب كل اللي يمبي .. وأفلعهم ضرب .. احساسي ينعدم في هاللحظات ,,,

يوسف شال عادل .. لأنه ريله متعوره ..
قلت له : مستوي به شي أكثر ..

يوسف : لا الحمدلله بخير .. بس ريله تكسرت ..
يوسف : يلا نحن بنروح ..
طالعت عادل ويودته : لأأأ خلّه عندي ...

يوسف : الريال توه مسوي حادث ,, ومرقد اهني فالمستشفى في قسم الأطفال ..
طالعت عادل : يعني مرقد اهني في المستشفى .. خلاااص يارب ما أطلع الا يوم يطلعونه ..

يوسف طالع صوب الدريشه وما رد علي جنه ما عيبه دعائي وقال ..
يوسف : يلا عاااد نحن بنروح حجرة عادل ..

طلع يوسف وهو شايل معاااه عادل ... حسيت روحي مستانسه مدري ليييش ..؟؟
وأخيرا الحمدلله عادل ما استوا به شي .. بعده ما تركني ,,,

بس شو دراني اذا ما يكذبون علي .. متعودين يخبون علي أشيا كأني ياهل أو أحد غريب ..
حسيت بروحي منهد حيلي خلااص ... غمضت عيوني ورجعت راسي على ورا ...
رجعت بالذاكره لــ ورا ورااااا ...

تذكرت مره من قبل ثلاث سنين ...
أبوي كان راد من الدوام تعباااان وايد .. يوسف كان معاااه ..
اثنينهم يو بيتنا ..

دخلت مكتب باباتيه بالغلط ,,,, بدون ما أدق الباب ,,
شفته هو ويوسف مع بعض ,,

كان مبين على أبوي يشكي لـ يوسف عن شي .. مدري شو هو ...
اللي أعرفه أبوي الله يرحمه مو من النوع اللي يشتكي للناس ,,, بس يوسف عنده غييير ..
وأكيد الواحد يوم تتراكم عليه الهموم يدور على أحد يشكي له ..

بس فيه جمله وقفتني بـ مكاني وقتها ,,,
يوم يوسف قال : عمي الله يهداك أنا قلت لك خل عنك هالسوالف واشتر الجهاز عسب تقدر تقيسه .. يوم يرتفع عندك ...

أبويه : وين أنا هب متفيج ... يالله يالله أحصل فرصه أرد البيت ..
يوسف : بس انت أهم عن كل هـ الأشغال ..

أبويه : يصير خير .. ها سرت عند بو سلطان
يوسف : هي .. مصرين الا يعرفون منوو ..؟؟
أبويه : وانت قلت لهم منووو ...؟؟

يوسف : قلت لهم محد فينا يعرف .. وينها الحين .. ؟؟؟
أبويه : زين سويت ...

واهني ياه عدول وسحبته وردينا الحجره مره ثانيه ...

.. يوسف كان يقصد بـ كلامه .. يوم قال (عمي الله يهداك أنا قلت لك خل عنك هالسوالف واشتر الجهاز عسب تقدر تقيسه .. يوم يرتفع عندك ... ) السكر عند أبوي .. يعني كان يعرف عن مرض أبوي .. قبل ثلاث سنوات .. جايز أكثر بعد .. جذبو علي كلهم كانو يدرون .. مو بعيده أنا يكون فيني شي .. وما بيقولون لي .. ..

بس متى دريت عن مرضك يابوي متى .. ؟؟ بعد مافات الوقت ...
بس يوم قال بوسلطان توني فهمت منووه بو سلطان ,, هذا خالي .. يعني أبوي كان يزور خوالي وكانو متواصلين .. بس شو سالفة هاذي اللي باسمها ورثنا .. .. وشو يخصها فينا ..

حلوه هاااي الواحد يعرف بـ معني الكلام اللي ينقال قبل ثلاث سنوات عقب فتره طويـــــــــــله .. بس شو فايدة معرفته عقب فوات الآوان .. بس هذي قسوة الحياه وهذا طبع الزمن ,, دومه قاسي ,,, أبد ما يراعي مشاعرنا نحن البشر ,,,

يمكن العكس هو الصح يمكن نحن البشر ,,, ما قدّرنا أفضاله معانا وشفنا وحسبنا مساؤوه لنا قبل ما نحسب حسناته ..
جايز كل شي بـ هالزمن ,,جايز .. لي متى بنتم نذوق المراره لي متى ..؟؟

مافي أحد في هـ الدنيا عاادل ويقدرنا .. حتى التراب اللي ندوسه .. بنندفن تحته ..
قطع علي خيالي وذكراي اللي رجعتني لورا .. صوت باب الحجره ,,,

..............: هلا والله هلا
ابتسمت : أهلين ..
الجوهره : الحمدلله ع السلامه ..
قلت لها : الله يسلمج ..

الجوهره : ها اشحالج الحينه انشالله أحسن ..
قلت لها : الحمدلله على كل حال ,, وين البنات وعمو ..؟

الجوهره : صوب عدول ..
قلت : شكلي بديت أغار عن عدول تدرين ..

الجوهره : ههههه
قلت لها : جوجو تعالي اقعدي عندي,,
الجوهره تقدمت مني .. ويت قعدت على طرف السرير .. : حرمة أخوي تامر أمر ..

قلت لها : هههه مالت عليج جوجو ..
الجوهره : أفا أفا .. خلاص بروح عند عدول وايد أحسن لي ..

قلت لها : لأأأأ أميه تمي عندي لا تسيرين ..
الجوهره : هههه أتمصخر انزين ,,
قلت لها : جوجو خبريني شو صار هاااك اليوم دوم يوم ترقدوني ما أعرف شاللي يصير ,,

الجوهره : هههه أوكي .. الله يسلمج يوسف قال بعرس منج وطحتي ويبناج
قلت : جوجو عن التفاهه ارمسي ,,

الجوهره :ههه أوكي خلاص .. الله يسلمج يوم عدول راح صوب الكره أنا سنترت وعقب انتي سنترت وثواني الا وركضتني صوبه وتعلقتي به سحبوج وسحبوج وانتي لاصقه ما تبين تقومين ..

قلت لها : منووه اللي كان يسحبني ..
الجوهره : حمد ,,
قلت لها : هااااه حمد ,,..؟؟
الجوهره : هي ترا يوم الواحد ينفلع لازم أحد يعرف يوده لا سمح الله متكسر به شي .. انتي بتزيدين عليه ,,
قلت لها : هي صح ..

الجوهره : عقب يوم بدا الدم ينزل من خشم وحلج عدول .. انتي طحتي ,,
قلت لها : هي أحيد لين اهني وبس ما أذكر شي ثاني ..

الجوهره : عقب يابوج تميتي مرقده وعدول في العنايه المركزه ,,
قلت لها : فديته ما يستاهل ,,

الجوهره : انزييين وعقب بابا قال هاليوم الفير نشيتي وتميتي ترافسين وكسرتي الدنيا هههه عقب عطوج مخدر ورقدوج .. وما نشيتي الا اليووم الصبح ...
طالعتها : خيبه يوم كامل كنت راقده ,,

الجوهره : تراج يوم بتنشين وما تشوفين عدول أخاف تذبحين لج حد هههه
طالعتها : هههه حرام عليج عاد مولـ هالدرجه
الجوهره : يلا الحمدلله يت على جي ..

قطع علينا حديثنا صوت .. جواهر وميثاني من آخر الممر يتضاربن ويستهبلن هههه
يو عندي وسلمو علي ..

الجوهره : بلاكن تباغمن .. صوتكن من آخر الممر واصل
ميثا : شي خاااص وايــــــــد
الجوهره : شي خاص ويباغمن .. عاد لو شي عاام شو بيسوون هههه

ضحكنا على سوالف ميثاني وجوجو ..
جواهر : نورو لو أدري طيحات المستشفى تخلي الواحد ينخطب جان أطيح يوميا هههه
قلت لها : هههه بعيد الشر عنج ... مالت عليج ويا تفكيرج هذا ...

ميثاني : لا صدق يوم بنطيح يمكن يسور وفهود بيخطبونا صح جوجو ..
جواهر راحت صوب الحمام وقالت : أنا رايحه أشرب كلووور ...
الجوهره راحت سحبت جواهر : شوووه خبله انتي ..

الجوهره : هههه أتمصخر انزين عاد مو لهالدرجه غبيه هههه

ضحكت على سوالف ميثاني وجواهر ... بس هم قالو يوم اطيح في المستشفى عسب جذا انخطبت .. يعني يوسف خطبني لأني مريضه .. لأني أتعب وايد يعني شفقه .. أو انه سمع كلام عمي ,,,

يوسف لا تحطم أمالي بك دخيلك لا تحطمني أنا عايشه على أمل ارتباطي بك لولا هالأمل جان من زمان أنا ضايعه وتايهه بهـ العالم ..
حسيت الوقت بسرعه راح والبنات معاي ويمبي ...

......................................
>>>>>>>>>>>>>>>>>>>>>>>

قمت الصبح .. تسبحت ونزلت أتريق ,,, شفت مرت عمي وعمي ..
قلت : السلام عليكم ..
مرت عمي وعمي : وعليكم السلام

عمي : تعالي بنتي تريقي ..
رحت صوبهم .. وقعدت أتريق ,,

قلت : عمي .. عدول كمل أسبوع اليوم موعده عسب يغيرون الجبس ..
عمي : هي متذكر بنتي بوديه الساعه 11 الضحى ,,
قلت له : بييي وياك ..

عمي : ما يحتاي بنتي تمي انتي ترا عرس عليا والجوهره عقب أسبوعين ريحي ترا وراكن طلعات ,, وتتزهبن عسب العرس
قلت له : ما بحضر عمي ,,

عمي : شو ما تحضرين بعد .. ما يصير بيزعلن بنات عمتج وعمج ,,
قلت له : عمي أبوي من فتره متوفي وأخوي متعور شقايل تباني أروح ,,

عمي : نوره خلي ايمانج بربج قوي .. أبوج بيكمل بعد كم يوم ست شهور وبيدش السبع ,, وأخوج خلااص مافيه الا العافيه كم من أسبوع بيرد شرات أول وأحسن ..
طالعته : بس عمي ,,,,
قاطعني عمي : ماشي .. نوره أنا كلمتي وحده ,,
طالعته : انزين خلااص

عمي ابتسم : هي أباها جذا بنت أخوي تسمع الرمسه من أول كلمه ,,
طالعته ابتسمت ,,

شفت يوسف لابس وياي عسب يتريق شكله بيروح الدوام ..
جان أنش وأقول : بسير بغير حق عدول ..
عمي : اسرعي بنيتي عسب أوديه قبل الزحمه ,,
قلت : انشالله ,,,

رحت فوق صوب الجوهره .. قاعده تقرا مجله أما جواهر قاعده عاللاب .. رحت صوب عدول ساعدته يوم يغير ...

قلت : عدولي لا تطفر بـ عمي زين ,,
عادل : هي أنا ريال ما بطفر به ,,
قلت له : شاااطر فديتك أنااا ,,,

لبسته .. طالعته سوا لي باي .. ابتسمت له وياسر ياه وشلّه نزله تحت صوب عمي ,,
طلعت من الحجره للصاله اللي فوق .. بعدهن جواهر والجوهره على نفس الحال ..

رحت صوب اللاب وحدرت أنا بعد .. جواهر والجوهره هب أحسن عني خخخخ ..
قعدت أطالع الجامعات وشو فيها .. ويوم بدش أي تخصص شو بيستوي ,, وكيف بتعلم ,,

حسيت الوقت راااح بسرعه ... حسيت روحي مرتاحه باليا ونفسيا وكل شي فيني مرتاح ..
طالعت صوب الجوهره وقلت : هااا جوجو نقول مبروك مقدما ..

الجوهره ابتسمت مستحيه : هههه قولي ,,
طالعتها وقلت : بس مو جنج صغيره 18 وايد صغيره ,,

الجوهره : هاي سنة الحياه
طالعتها وقلت : هذا رايج .. بس أنا لأأأأ
الجوهره : بنشوف انتي شو تسوين ..

قلت : نشوف ..
جواهر : ترا باجر بنروح عسب الفساتين ..
قلت لها : ميثاني وعلايه بييون ويانا ولا ..

جواهر : هي ترا علايه بتودينا ,,
الجوهره : بس انا بستأذن من حمد بشوف ..

قلت : هااااي أمس مالجه وكل شوي حمد وحمد االله يعينا هههه ذالتنا الأخت
الجوهره : لازم هاي الحياه
جواهر : بلاها هاي كل شوي حياه وحياه .. تراج قرفتينا من الحياه ههههه

الجوهره : يلا عاد لازم نتجهز بسرعه هب باقي شي ,,
قلت لها : صدقج ,, الحين بشوف في النت أي أتيليه بنفصل ,,

جواهر : بس ما بيوحالنا نفصل ,,
قلت : صدقج ,, اسبوعين شويه ,,
جواهر : اعرف دار حق الأزياء عندهم سوالف حلوه ,,

قلت : أوكي عاد نمر ونشوف شاللي يناسبنا ,,
الجوهره : أوكي خلاااص بشوف حمد شو يقول ونطلع باجر الصبح ,,

قلت : وزهبتج لازم يوميا تروحين وتاخذين شوي شوي ع الأقل هـالسبوع ..
الجوهره : هي لازم ,, يلا يصير خير باجر ,,
قلت : جوجو وايد بفتقدج تدرين ..

الجوهره : وأنا بعد ..
الجوهره يت صوبي وحضنتني ودمعت : نورو أحبج والله
قلت لها : وأنا أكثر .. والله مدري شو بيستوي بي من بعدج

الجوهره طالعت جواهر : وانتي جواهر ما بتشتاقين لي ..
جواهر أشرت بيدها هب مهتمه ...: عادي عادي أصلا أنا أبا الفكه منج هههه
ضحكنا أنا والجوهره على جواهر طول عمرها هالبنيه بتم جذا عمرها ما بتعقل

قمت ورحت قعدت في الحجره روحي ,, واللاب معاي لأني ما أحب أحد يعرف عن اللي أسويه أحب كل شي يكون لي أنا روحي ,,,
مابي أحد يدري عن حياتي الحين .. حتى أقرب الناس لي .. هه لو تم فيه أحد قريب لـ قلبي ..

ما بي أحد يدري أباهم يتفجئون يوم بيدرون ... أباها تكون أكبر مفاجأة ,, أنا نوره هب أي كلام ,,, خل كلهم يعرفون منو نوره وشو تقدر تسوي ,,

،،،

مرت الساعات والأيام و هالأسبوعين مرّو من بعد تعب وعنا ودوارة الأسواق وتجهيزات الصالون ,,, و و و و و هذي الأعراس ... متعبه وشاقه للجميع ,,

حسيت روحي مستانسه من خاااطر للجوهره .. تمنيت لها الخير .. وبتم اتمناه لها طول عمري .. هذي تؤام روحي هب أي أحد ..
ياه يوم العرس ..

قمت الصبح على صوت منبه الجوهره ع الساعه تسع ...
شفت الشمس توها جنها طالعه .. رحت صوب الحمام تسبحت طلعت لبست جلابيه حرير خفيفه ,,
والجوهره بعد لبست ,, حطينا أغراضنا في أجياس ,, وجنط ,,
رحت صوب حجرة جواهر ,, قومتها من الرقاد ,,

نشّت .. وعقب نزلنا نتريق ,, عقب الريوق .. عليا مرتنا ورحنا القاعه من الصبح ,,
نزلنا القاعه ,, دشينا أول شي صديت صوب .. طريقة التصميم والكوشه روعه خباااال ..
طالع شكل القاعه عجيب وحلو .. يستاهلن جوهره وعلايه ..

طالعت صوب الجوهره وعليا .. بس الظاهر اليوم هم هب معانا .. هم في عالم ثاني ,, أكيد يفكرون في الحياه اليديده و كيف بيعيشونها بيودعون حياتهم الجديمه وأحلى أيامهم بس انشالله الحياه اليايه تكون أحلى وأحلى ,, أكيد التأقلم مع الحياه اليديده صعب .. صعب وايــــــــــد معني ما جربته مثل طريقتهم .. جربته بشكل عنيف وايد .. هه أنا شرات البدو الرحاله كل فتره حياه مدري متى بستقر .. أو بالأحرى بيوقف عذابي ...!!!

اليوم عرس ولازم أنسى الأحزان شوي .. وأفرح اليوم يوم واحد وما بينعاد .. جوجو وعلايه مره وحده بيفرحون هالفرحه لازم أكون طبيعيه ..

أول شي بدينا بالاستشوار وعقب الميكب ... لما شفت روحي بس بـ كريم الأساس تخرعت هههه بس عقب تمت الحرمه تحط الباجي ,,, عقب سوينا التسريحه ..

صح عددنا ماكان وايد .. بس أنا وجواهر وميثاني ,, أما علايه والجوهره بتحط لهم وحده بس تحط ميكب عرايس .. ولكن تأخرنا وااااااايــــــــد جهزنا ع الساعه ست المغرب ,,
خلصت الكوافيره مني ,,

رحت طالعت شكلي في المرايه .,,
لأأأأأأ هـــــــــــــذي مو أنا ,, هذي وحده ثانيه ,,,
رحت صوب الكوافيره مره ثانيه وقلت : شـــــــو هذا ..؟ وايد دفش م ابا جذا خففي لي اياه .. مال كبار هالميكب ,,

الحرمه : طيب انتي كبيره ,, لك بيعأد مو صح صبايا ,,؟
جواهر رفعت راسها من ع الكرسي اللي تحط عليه الميكب ,, : الله نوروووو طالع خبااااال عليج والله روعه ,.,

ميثاني داشه وماسكه فستانها وتقول : حد يبند لي هالسحاب وع ع ع شكلي متنت هع ,,
طالعتها عسب اروح صوبها واسكر لها السحاب ,,

ميثا تأشر بيدها ومستغربه : بعيد بعيد ,,, تعاااااااااالي غربلاتج شو هالحلا .. وين مخبتنه ..
قلت لها : صدق متفيجه ,,,
رحت صوبها عسب اسكر زرارها ,, : هب عايبني مكبرني وايد ,,

جواهر تفتح عين : أحلى انزين ..
الكوافيره : يا بنتي لك اعدي مكان واحد .. هيك بدو يخترب مكياجك ,,
جواهر : فهموها انزين انه حلو ..

شليت كلينكس ورحت صوب المرايه بديت اخفف
ما حسيت الا بميثوه تمطني وتقول : يالغبيه خلي يسوف يجوفج جذا يمكن يستعيل فالعرس ..
قلت لها بعدم اهتمام : برايه ما يهمني ,,

جواهر : أقول ميثوه وديها الحجره اللي قاعدين فيها جوهره وعلايه ونشوف شو يقولون ..
ميثا مسكت ايدي : يلا تعالي

سرنا صوب الحجره .. المسافه مو بعيده بس ممر صغير فرة حصا على قولتهم ,,
دشينا شفت الجوهره وعلايه قاعدات والحريم يشتغلن اللي ميكب واللي تسريحه ,,

علايه : نوااااااااري ميثووووووه غربلاتكن شو هااا ..؟
ميثا : صدق حلو ,,
علايه : وااااااااااايد .. ميثوه دوم تحطين بس مال نورو طالع غييير

قلت لها : هي انتو اخرطو علي ,,,
الجوهره رفعت راسها تطالع : نورو والله حلو ..
أوني اقتنعت : أوكي خلاااص ,,

قلت : ميثاني تعالي ساعديني البس الفستان عن التسريحه تخترب ,,

رحت الحجره ولبست الفستان ,, عقب رحت صوب الحمام ,, خذيت معاي كلينكس ,,
مسحت من القلوز شوي ..وتوني أحاول أخفف الشادو ..

ميثا : أيـــــــــــــه انتي ما تتوبين ,,
طالعتها بتأفف .. : والله هب عايبني ,,

ميثا : والله العظيم حلو ،، بشو أحلف لج يا ماما عسب تتأكدين ,,
قلت لها : أوكي خلاااااص مشينا ,,
ميثا : جدامي يلا جدامي ,,

قلت لها : جيييه موصينج عليه عسب تتأمرين
ميثا : هي يوسف قال لازم تديرين بالج ع نورو ولا بذبحج
قلت لها : اعوذ بالله امحق خرط سمعته في الدنيا ,,

رحنا صوب جواهر .. شفناها تستعرض يدام المرايه العوده ,,
ميثا : تخبلت البنيه ,,,
جواهر : اذا فهدوني شافني بيتخبل وبيخطبني اليوم

ميثا : بسوي لج واسطه بس بشرط ...
جواهر : أسوي لج واسطه صح ههههههه
قلت : الحمدلله والشكر ,,

جواهر تطالع ساعتها ,,: يلا ننزل الساعه سبع ,,
ميثا : قوم ماما وأمج ما يو بعدهم ,,

جواهر : امبلى قالو بنيي الساعه سبع بس بيدشون من الباب الرئيسي ما بيدشون ما باب أهل العرس ..
ميثا : انزين تعالو شكلهن خوات خالد يو ..

قلت : أكيييد أهل المعرس لازم ييون من وقت ..
دخلنا من الباب اللي بتدش منه العروس .. ورحنا صوب القاعه ,,

الحين أحلى عن الصبح .. الاضاءه صح انها قويه بس تبين خافته وحلوه وايــــــــد غير الكريستالات ,,
رحنا صوب أول طاوله يمب الكوشه ,,

وشفنا خوات خالد سلمنا عليهن .. ماشالله كاشخات عدل ,, لازم عرس أخوهن .. يارب متى يصير عرس عموري والله برقص رقص هههه فديته ,,

وقعدنا مع بعض شوي وكل شوي ميثاني وجواهر وخوات خالد يعلقن على علايه فديتها هههه أما الجوهره محد متذكرنها غيري .. علني فداها ..
مرت نص ساعه صارت الساعه سبع ونص بدو المعازيم يزيدون ويزيدون ...

والدي جي شغلو الأغاني .. وبدا الفسق ..
والدق عالي حسيت راسي بينفجر من علو الصوت ..
جواهر تصارخ : ميثوه قمنا نرقص ,,

ميثا وقفت وسوت حركه بمعني أوكيه .. وبدت تتمخطر وتسوي حركات بصراحه عجيبه وتسكّت الين وصلت للاستيج ,, والناس كلهم يطالعون صوبها وصعدت وتمت ترقص ,, وجواهر وخوات خالد دخلن ,,
تميت قاعده روحي ,,, ثواني الا وبعد الأغنيه الأولى ,,

يت جواهر صوبي : تعالي يلا نرقص بلاج قاعده
قلت لها : لا لا لا بعيد عني .. ما اعرف
جواهر : علينا هاااا يلا تعالي ,,

قلت لها : مابي جواهر أستحي في حياتي ما رقصت يدام هالكم الهائل من الناس ..
جواهر سحبتني وتمت تحرك ايدينها معاي الين وصلنا صوب الاستيج ,,

ورقصت معاي اكتفيت باني أتحرك بهدووو أوني أرقص .. استحيت كل الناس يطالعون صوبنا الين خلصت الأغنيه ونزلت طيراااان صوب الطاوله اللي قاعدين عليها ..

رحت تميت أطالع صوب البنات .. وجواهر وميثاني .. ميثاني الصراحه رقصها يسكت غير حركاتها ..
كنت لابسه الكيمره بالشريطه العوده ,, يودت تلفوني تميت اشوف الصور اللي فالتلفون ,,
ثواني ما حسيت الا بمسج يوصلني ,,

( نواري انتي لابسه بنفسجي ومسويه تسريحة السبعينيات وميكبج صارخ .. ولافه الكام .. حبي لج .. ودي )

ودي .,. ها لقب ودادووووه .. شقايل عرفت ..
وقفت تميت أطالع يمين ويسار .. ما شفت وداد .. حاولت أشوف أختها بعد ما شفتها تميت أركز ,, بعد ما حصلتها ,,

جان أتصل ..
قلت : السلام عليكم
وداد : وعليكم السلام ..

قلت : تريي ودي شوي ..
حسيت روحي ما اسمعها من صوت الأغاني رحت صوب الحمامات دشيت ..

وقفت يدام المرايه .. الاضاءه اهني بيضا غير عن برا ,, تميت اطالع شكلي في المرايه
وقلت : ودي انتي فالعرس ..
وداد : هي حياتي .. شفتج

قلت لها : وينج عسب أيي صوبج
وداد : لفي وراج بتشوفيني ..

لفيت وراي فتحت حلجي متفاجأه نفس الدقيقه حطيت ايدي عويهي وضحكت ..
قلت : ههههه وداد ... حياتي شخبارج ..
وداد : تمام الحمدلله انتي اش حالج ..؟

قلت لها : تمام دام شفناج والله فرحتيني ..
وداد : ههه فديتج ، هااا أشوفج كاشخه ..!!
قلت لها : هي ترا عرس علايه والجوهره ..

وداد : الجوهره بنت عمج وعلايه شو تصير لج ..؟؟
قلت لها : بنت عمتي .. وانتي بعد أشوفج كاشخه ..
وداد : هي ترا خالد ولد عمي ,,
طالعتها : صــــــــــدق نقرب لـ،بعض ولا ندري ههههه
وداد : خلااااص تناسبنا الحين ههههه

قلت لها : زين سوو علايه وخالد عسب نتم ويا بعض ..
وداد : تعالي تعالي نروح نرقص ,,.

قلت لها : لا لا أمي أنا توني راقصه .. ما أحب تبين سيري روحج ,,
وداد : أوكي عاد عقب بروح ههههه

شفت الكيمره وقلت : اهني الاضاءه أوكي تعالي نتصور ..
وداد : أوكي ..

تصورنا .. حسيت روحي مستانسه مع وداد .. عقب وداد راحت ترقص .. رحت صوب عموتي ومرت عمي .. شفتهن مستانسات وقاعدات مع أم خالد ومعاهن حريم ..
استحيت بس واجب اسلم .. تجدمت منهن ,,

قلت : السلام عليكم ,,
ردو عليه : وعليكم السلام ..

أم خالد : مبروووك نوره ...
قلت لها : الله يبارك في حياتج خالو ..
أم خالد ترمس أم يوسف : زين سويتي خذيتي نواري ماشي شراتها ..

في حرمه قالت : هاي نوره بنت المرحوم خليفه ,,
يتني الغبنه .. العبره بتخنقني لازم تذكرون لازم ما ترتاحون جذا ..

عمتي : هي هاي نواري ,, والحين هي خطيبة يوسف ولد مزنه ,,
الحرمه : ماشالله الله يحفظها ,,

ابتسمت : عن اذنكم ..
ورحت صوب الطاوله ومجموعة بنات يو وقعدو ويانا .. تمينا نعلق ونسولف ,,

وتعشينا ,, بس ما كليت عدل هع ,. ميكبي بيخترب جذا ,,, ههههه
عقب العشا تمو البنات يرقصون حشا ما تعبو هههه

بس اللي عيبني يوم أخت خالد الصغيره توقف ع الطاوله وترقص مصري الحركه بـ صراحه طررررر بمعنى الكلمه .. عقب الرقص والضحك والسوالف ..

علايه انزفت .. وكانت زفتها روعه ,,, وعقب ما سلمو عليها الحريم .. رحنا لبسنا عبينا ,, ودخل خالد .. ومعاه أبوه وريل عمتي اللي هو أبو علايه ,,,

بس خالد ماشالله عليه مسكت ملك جماااااااال .. روعه
الله يسعد علايه معااه ،، من صغرها تموت عالتراب اللي يمشي عليه ,, والحين ربنا راد وجمعهم ,, يعل حياتهم تدوم بـ سعاده ..

وعقب الرسميات الكيكه والعصير بـ كم من دقيقه تقريبا جريب الساعه .. نشو علايه وخالد ... وراحو الحجره مال العروس .. اللي كانت تتجهز بها ,,

وطلعو الجوهره .... حسيت دموعي هاللحظه بتنزل ,,
الجوهره أكثر من أخت لي .. كيف الحين أقدر أفارقها .. شكلها طفولي برئ ,., حلوه ملكة جمال شوي عليها .. الله يحفظها من كل شر ..

الجوهره تمت تبتسم لنا ويوم طالعت ابتسمت لي .. دموعي بغت تنزل ,, أحبها هالانسانه أموت عليها الله لا يفرقنا ,,

وعقب دقايق وبعد السلام والتصوير .. ردينا لبسنا عبينا .. الجوهره لبسوها هالشال الأبيض مدري ليش عليا ما لبسوها بس يمكن فهد أخو حمد بيدش ..

قعدت في صوب على طاولتنا ومعاي البنات .. عسب أراقب حمد يوم يدش .. أكيد يوسف بيدش وياه ..
تمينا نطالع .. دش حمد ومعاه عمي وريل عمتي ومعاهم يوسف وياسر وفهد ..وعموري فديته وعدول وعلاوي ..

شفت صوب عموري سويت له باي أنا وجواهر بس ما رد لنا لأنهم قاعدين يصورون هع طلع ذكي بو الشباب ....
وصلو صوب الكوشه ..
وحمد باس راس الجوهره .. ووقف يمبها ..

حسيت هاللحظه حمد بيكون انسان متفتح مع الجوهره ,, حتى ولو الواحد يكون عصبي وشديد بس مع زوجته غيييييييييير عكس بمليون درجه ,,
هالحزه عمي أشر لنا نروح صوبه ..

قلت : الله واحد مابسير ..
جواهر : أنا بسير عسب أحر فهود واراويه كشختي
قلت : أنا متمكيجه بتغشى

ميثا سحبتني : عادي لاااه لابسه عباه وشيله كله مستور بس ويهج باين ..
تقدمنا وركبنا ورحنا صوب الكوشه تميت ميوده ايد ميثاني عن اطيح ,,

سلمنا على عمي وريل عمتي ,,
عمي : هااا بنات محلوات اليوم
جواهر : بابا أنا كل يوم حلوه

سمعنا صوت من يمبها : قاصه ع روحج بـ هالميكب
جواهر : يسور صخ عن الحركات هاااي

ياسر ضحك وقف يمب جواهر وصورتهم المصوره الصوره مبين بتطلع حلوووه واااااايد
عقب بدت أغنيه آه منك منقهر .. حلوه الأغنيه بس مو وقتها هااا عرس معرس وعروس يمب بعض شوو بعد آه منك منقهر ,,

جاااان جواهر ترص على ايدي وتطالع صوب فهد وتقول لي بصوت واطي : صدق والله آه منك منقهر طالعي شقايل ولا جني موجوده ..

ضحكت عليها جان أسمع عمي يقول : نواري تعالي يمبي نتصور ..
رحت يمبه .. والمصوره تمت تصور وأنا مبتسمه ,,

عقب عمي تم يرمس ميثاني .. عرفت ليش ميثاني مسويه روحها شي ورزه عسب تجذب نظر
يسور ..

شو هالعايله والله حاله ياااااانااااااااااس نحن عالاستيج والناس تطالعنا وجواهر وميثاني بعدهن على حركاتهن ,,
كنت واقفه يمب الجوهره ,,

قلت : مبروووك حبيبتي
الجوهره : الله يبارك في حياتج ,, مت تحت هااذاا الشال
قلت لها : الحين بيطلعون الشباب

شفت صوب أخر الاستيج جواهر راصه على ايد ميثاني .. وهــ اللحظه راشد الماجد فالأغنيه يوم يقول آه منك منقهر ,, جواهر تحرك شفاتها شرات الكلمه ,,

ابتسمت ابتسامه عن خااااطر في خاطري أضحك بعد هههه على حركات جواهر ,,

سمعت صوت طول عمري حافظه أنغامه بعد : ماشالله التقويم بعد لون الفستان ,,,
صديت صوبه ابتسمت واستحيت .. رحت صوب جواهر وميثاني ونزلنا .. شو نسوو فوق بعد ,, وطلعو الشباب ,,

تميت أفكر في خاطري ,,, يوسف قال لي التقويم لون الفستان .. التقويم شافه لأني ابتسمت .. ومسويه لونه بنفسجي .. بس الفستان ... أويــــــــــــــه ليكون شافني بالفستان فضيحه وافضيحتاه ,,

سمعت صوت جواهر .. : بنات يلا نروح صوب الحمامات ,,
ميثا طلعت عباتها لأنه حمد أخوها ,, أما أنا وجواهر تمينا بالعبي ,,

دخلنا الحمامات ,, مشيت شوي ,,
وتجرفست .. زين ما طحت كنت بتكسر .........
قلت : عن ابو دارج شو ما تشوفين ..

جواهر : شو يخصني ها فستانج اللي ذيله واصل لأخر الدنيا ,,

طالعت وراي بالفعل الذيل وايييييييييد طويل .. ابتسمت ,, أكيد يوسف عرف لون فستاني من الذيل ... يعني كان مركز علي ,, عمي الله يسامحه فضحنا قال لنا نروح له ,, هههه

بس وايد حلو ذيل فستاني طويــــــــــل وايد ..
عقب الرسميات والسوالف .. خلّص العرس ,,

رحنا صوب الحجر عسب نييب أغراضنا أنا وجواهر .. ميثاني قالت بترد مع فهد ما بتيي صوبنا لأنه بنات عمهم في بيتهم ,,

شلينا أغراضنا ورحنا صوب السياره ركبنا ,, عموري وعدول وعموري ويانا في نفس السياره وياسر اللي يسوق ..

جواهر : يسور ماما راحت مع منو
ياسر : مع الوالد ,, هكوهم جدامنا لو تبين تروحون وياهم
جواهر : لا جييييه تباني باجر أوصل البيت ,, ههههه


ردينا البيت ورحنا أنا وجواهر كل وحده حجرتها ,,, دخلت ,, رحت طلعت الفستان وعلى طوووول صوب الحمام أتسبح وأفتك من الجل والاسبري غير الفاونديشن اللي أحسه طين ,,

تسبحت فماي ساااااااخن حلو ومنعش طلعت لبست لي بجامه مريحه ..
رحت صوب المرايه أمسح الجحال اللي تام تحت عيوني ,, عقب ما خلصت رحت صوب السرير ,, حطيت راسي ع المخده ..

طالعت يمبي ,, : وينج يا الجوهره ,, تركتيني روحي ,,
أكيد الحين جوجو مستانسه وأخيرا هي وحمد مع بعض الله يوفقها ..

دموعي هلّت .. حسيت بالوحده من بعدج جوجو .. والله مكانج خالي ,,
قمت .. طلعت من الحجره رحت صوب جواهر .. دشيت ,,

شفت جواهر حاطه البطانيه ع روحها وصوت أنين من تحت البطانيه ,,
تجدمت منها رفعت البطانيه شفتها بالفستان ,,, تخرعت ليش بعدها ما غيرت ولا مسحت الميكب ,,

قلت : جواهر حبيبتي فيج شي ,,
جواهر قعدت ,, قعدت يمبها ,, .. وارتمت في حضني ,, لويت عليها ,,
وقلت : جواهر حبيبتي ليش كل هااا ,.. حق شو مسويه بروحج جذا ...؟

جواهر : نواري أبا الجوهره ,, اشتقت لها ,,
قلت لها عسب أنسيها : منو اللي تقول أبا الفكه وأبا الفكه ,,

جواهر : مو شرط الحركات والرمسه تعبر عن اللي داخل الواحد ,,

صدقج يا جــــــواهر .. وايد كلام نحن نقوله ومب مقتنعين به .. باطن الانسان يختلف عن خارجه وايييييييد .,,,

مسحت على شعرها : حبيبتي هاي سنة الحياه ,, كل وحده تعرس وتروح بين ريلها ,, وانتي بعد ... انشالله باجر بييج ولد الحلال وبتروحين بيتج ..

جواهر ابتسمت لي وقالت : مابا أي ولد حلال أنا .. أنا أبا فهودي ..
ابتسمت لها : انزين بييج هالفهودي اللي ذالتنا وياه بس سيري تسبحي ,,

جواهر : اوكي هههه

نشّت جواهر راحت صوب المنظره .. عسب تشل البينات من على شعرها ..
رحت وقفت وراها وتميت أساعدها الين خلصنا ,, ودشت تسبحت وطلعت ..

قلت : نعيماً
جواهر : ينعم بحالج ,,, ارقدي اليوم عندي ..

قلت لها : هي تراني برقد عنج .. أخاف أتخبل روحي متعوده ع الجوهره هههه
جواهر : عنلاااته حمد الحين أكيد مستانس ,, سرق عني أختيه

قلت لها : ههههه حرام عليج الريال عرسه اليوم ادعي له بالخير أحسن لج
جواهر يت قعدت يمبي : نورو اليوم كنتي وايد حلوه ..

قلت لها : مشكوره وانتي بعد كنتي حلوه ,,
جواهر : شكرا هههه ،، يسوف ما قال لج شي اليوم .. جذا ولا جذا

رقدت وغطيت روحي باللحاف : اجلبي ويهج ,, برقد
جواهر : أونها حرمة أخويه تستحي ..

قلت : ترا بعدني هب حرمته ,,
جواهر : اللي يشوف اليوم بيقول يوسف باجر بيملج .. كان مقطعنج من كثر ما يطالعج

قلت لها : أقول جواهر بلا بهارات وبزار زياده ارقدي أحسن لج تراج بتحلمين في فهودي وانتي قاعده تغنين آه منك منقهر ,,

جواهر لحفت روحها : ههههه يارب أحلم فيه ,,
ابتسمت على خبال جواهر ... يا رب أنا بعد أحلم في يسوف فديته ,,,

...............................

قمت اليوم الثاني الظهر وأنا كلّي كسل ,,, طالعت الساعه الحين هنتين أنش أصلي الظهر قبل ما تطوفني
تسبحت وتلبست كشخت شوي .. ونزلت عسب أتغدى .. شفت جواهر قاعده ,,

قلت لها : غريبه شاللي موعنج قبلي ..
جواهر وهي تاكل : ماشي بس ما ياني رقاد ،، اقربي ,,

قعدت يمبها وتميت آكل : والله البيت بدون الجوهره هب شي موووول ..
جواهر : تخيلي الصبح شفت منوووه ..؟

قلت لها : منووه ..؟
جواهر : ولد ييرانا ,,

قلت لها : ليكون هاااك اللي متخبله عليه ,,
جواهر : لا لا هب .... هذا ..واحد.. غاوي ..

قلت لها : هههه عينج زايغه ,, كل اللي تشوفينهم غاويين ... ها خبريني شقايل شفتيه ..؟
جواهر : يخبل هااا والله العظيم ,, شكله بيموتني بحلاته ..

قلت لها : أمييييه حرصج .. عن تضيعين فهود
جواهر : لا عــــــاد فهود غير ..القلب ما يهوى اثنين ..

قلت لها : صرتي شاعره ,,
جواهر : عنلااته هـا يومياً أشوفه ويذكرني بـ منصور زايد

قلت لها : انتي كل حبايبج يشبهون ها .. منصور زايد ههههه
جواهر : بس فهود أحلى وأحلى وأحلى

قلت لها : تدرين حنيت للشارجه وايد ..
جواهر بحركه تقهر : اندوك انته توّج تذكرتي انج مال الشارجه ,,

قلت لها : من يوم يومي شرجاويه وأفتخر فديتج
جواهر تقلد رمستيه : مال شارجه لاااه هي لاااه هكو لاااه ,,,

ضربتها : جب لاااه أصلا انتي توصلينا ..
جواهر : لا صدق بس في خاطريه نروح صوب صحارى ..

قلت لها : فديت باباتيه الله يرحمه دوم كان يطلعنا ,,
جواهر : فديته الله يرحمه ويغمد روحه الينه ,,

قلت لها : تعالي تعالي نروح نحدر نور الامارات
جواهر : أوكي يلا ..

..........................

رحنا حدرنا .. العصر ... سمعنا صوت باب الصاله
جان نربع أنا وجواهر صوب الصاله .. رحنا صوب الجوهره سلمنا عليها ..
بصراحه مبين عليها خلاااص وحدة عوده ومعرسه ..

سلمنا عليها ويلسنا ..
الجوهره : اشحالكن ,,.؟
قلت : والله البيت هب شي بدونج موووووول ..

الجوهره : هههه صدق الحين ولا رمسه وبس .. وانتي جوجو ..؟
جواهر : واييييييييد حلو .. خلاص اروم أصيع ع كيفي ههههه

طالعت جواهر بـ نظره فهمتني بس بينت روحها هب مهتمه لرمستيه ,,
قلت : وين عمو صح ..؟؟

الجوهره : في بيت عمتيه .. كانو مسويين عزيمه الظهر ,, والحين هي هناك تساعدها ..
جواهر : اويـــــــــه جيه ما خبرتنا كنا نسير وياها ..
الجوهره : تقول الساعه عشر صوتها بح وهي توعيكن ..

قلت : هههه عاد نحن أمسات مسوين مناحه لازم ما نحس
الجوهره : هههه فديتكن كل ها عشاني ..؟
جواهر : لا هب حقج حق حمد هع ..
قلت : شخباره حمد

الجوهره جنها استحت : عـــــسل والله عـــــســــــــل
جواهر : ماما نحن بنات عن تخربينا هع .. عقب بقول زوجوني قمت أغار من أختيه ..
ضحكنا على تعليقات جواهر اللي في حياتها ما بتخلص ..

الجوهره : يلا عاد فديتكن ,, أنا سايره ..
قلت : وين تمي بعدج ما تميتي عندنا
الجوهره : ههه حمد قاعد مع الشباب في الميلس .. طيارتنا عقب ثلاث ساعات ,,

جواهر : حظها الحرمه رايحه ايطاليا هب نحن معفنين فالحر ..
الجوهره : هههه بتم أسبوعين وبرد حشا .. كل ها غيره جوجو
جواهر : بسوي اضراب عن الطعام الين ما ييوزوني ..

قلت : عنلااتج جوجو شو هالرمسه ..
الجوهره باستنا : يلا في أمان الله
أنا وجواهر : في أمان الكريم
قلت : الجوهره ديري بالج ع روحج
الجوهره ابتسمت : انــــــــــشاااالله وانتن بعد ..

طلعت الجوهره .. طالعت صوب الباب ,, ما تمنيت في حياتي أفارقج يا الجوهره بس هذا طبع الزمن ,, دوم يفرقنا ..

جواهر قعدت تتنهد : أوووووف ملل الحين شو بنسوي ..
قلت لها : طلعات بنطلع اليوم باجر وعقب بيملون ما يتفيجون يطلعونا ..
جواهر : نسااااافر
قلت لها : نروح السعوديه ..
جواهر : في الصيف وايد زحمه مكه شهر ثلاثه أحلى ..

قلت لها : صدقج عاااد البحرين ,,
جواهر : شرات الامارات دول الخليج ,,

قلت لها : احلمي يودونا بلاد برا ,,
جواهر : جيييييييه انزين
قلت لها : لو رحنا بلاد برا ع الأقل نتم أسبوع أسبوعين والرياييل يالله يالله يتمون اربع خمسة ايام
جواهر : صدقج عاد وين ..

قلت لها : عمان قريبه عن الامارات ..
جواهر : حررر شرات الامارات ..
قلت لها : الحين شهر سبعه وصلاله حلوه هالفتره وجوها خباااال

جواهر : فكره شقايل راحت عن بالي ..
قلت لها : أوكي عاااد يلا نخطط عسب السفره ..
جواهر : يبالنا نرمس بابا لو برمس يسور ويسوف بيتفلون في ويهي ..

قلت لها : عاد مولـ هالدرجه .. ريلي هب جذا ..
جواهر بنص عين : بدينا من الحين ريلي وريلي الله المستعان
قلت لها : بلا هذر جوجو يلا فكري ..

جواهر : ماشي حل غير نرمّس باباتيه ,,
قلت لها : أوكي اليوم بليل نرمسه ,,
جواهر : أوكي اتفقنا ..

سمعنا صوت الباب ينفتح ,,
وعدول وعلاوي يركضون بسررررررررعه ويتنفسون بسرعه ..
تخرعت رحت ركض صوب عدول وعلاوي ..

الحلقه الخامسه عشر ..



يودتهم وقلت : بلاااكم شو صايـــــــر ..؟
علاوي يضحك ويأشر برا : هذا عموري فاتح ماي الزراعه ويرش علينا ..

قلت : ترييو أنا براويه ..
طلعت ويمبي جواهر وعدول وعلاوي .. يضحكون بصوت عالي ومتمسكين بـ جواهر ..

طالعت صوب عموري كان قاعد .. فجأأأأأأأأأأأأأه لف بسرعه .. وارتفع البيب والماي كله طش علي .. وجاااااان >< أخييييس عدل

طالعته فالبدايه بس كنت بنازعه بس الحين شكلي بضربه بعد هب بنازعه..
جواهر تبااااااغم : يالحيوااااااااااان خيستنا غربلاتك ..

عموري تم يضحك وميود بطنه استوا طماااااااط ,,
رحت صوبه على حرارة الجو الا اني أحس بالبروده لأني مبلله وخرسانه ماي ..
رحت صوبه عموري ركض بعيد وابتعد عنيه شوي

قلت له : وين بـتروح عني يالشيطون ..
عموري يضحك : هههههه نورو شكلج طررر وانتي خرسانه ماي ..
طالعته : انززين تنكت علي أنا .. هاااه براويك يالعصوص ياللي بعدك ما فقصت من البيضه

رحت صوب بيب الماي وجواهر يمبي .. جان أيود البيب والف عسب ارش الماي صوبه
يودت البيب باصابعي عسب تزداد قوة الماي ,,,

رشيت عليه .....وقلت : يؤيؤيؤيؤيؤ تستاهل ولا تحط دوبك بدوب نواري مره ثانيه فاهم
جواهر تصفق : عاشت حرمة أخويه عاشت ..

جان الف بالبيب وارشها ماي : ان سمعتج تقولين حرمة أخويه بدخلج في هالبيب فاهمه ..
جواهر : ههههه خلااااص فهمت

عدول يطالع علاوي : قلت لك أنا أختي قويه ..
علاوي : هي وايد قويه أقوى عن يسوف بعد

أنا وجوااهر نقعنا من الضحك شوي وبمووت من الضحك ..
جواهر ميوده روحها : هههههه نورو طلعتي أقوى عن يسوف عند اليهال هههه
قلت لها : ولا عدول أونه أختي قويه جني سوبر سستر هههه

عدول : اذا الاولاد سوو لنا شي نقول لهم عندنا أخت اسمها نواري تفلع
عاد اهني أنا وجواهر ما قدرنا قعدنا ع الأرض وتمينا نضحك ,,, شوي وننسدح اهني خلاااص هههه


فجأأأأة سمعنا صوت واحد وقف الدم بـ عروقي من الزيغه ..
......... : شو مستوي ..؟؟

صخينا ووقفنا وعدلت شيلتي .. طالعنا بعض كلنا ,,
علاوي : لا تصارخ يسوف نواري أقوى عنك ..

حسيت روحي بنقع من الضحك خلاااااااص شوي وبموت .. يودت روحي غصب ..
يوسف : محد يرمس .. سألتكن شو مستوي .. ضحكونا وياكن ..
جواهر بتردد: آآآآآ ........

يوسف معصب: ارمسي جييييه الحوي خرسان ماي ..
جواهر : رشينا ع بعض ماي ,,

يوسف : ما تعرفون ها تبذير حرااااااااام
جواهر بهمس : بدا شريف مكه ,,
كنت بنقع خلااااص ,,, من الضحك ,,
جواهر : بس كنا نلعب ,,

يوسف بتهديد: صخي انتي وياها ودرو سوالف اليهال مالكم .. و دشو داخل ,,
تونا بنتحرك عسب ندش ,,

سمعنا صوت سويج السياره والسياره صوتت دليل انها مفتوحه الحين ..
جان أصد وراي .. وشفت شي ما تتوقعونه ,,

السياره خرسانه مااااااي عموري يوم رشيته كان واقف يدامها ,,
على طووول أبا أركض عن أكل هزبه ,,

يوسف صارخ حسيت أذوني بتنطر ,,
يوسف : منووووووه راش ماي عالموتر ..؟
صدينا سمعت عدول يقول : نوااااري ,,,,,,

بغيت اروح افلعه اذبحه اسوي به شي وقته هااا عسب يفضحني ,,
يوسف طالع صوبي ,, ياه تقدم منا أنا وجواهر ,,

حسيت لـ لحظه انّه ياي يفلعني لأنه موتره غالي وايـــــــــــد وهو يحب سيارته نظيفه وشكله مستعيل يبا يطلع ,,

نزلت راسي ..

دموووووعي على طووول نزلت خانتني العبره ,,
زين بس جواهر يمبي واليهال بعاد يلعبون فالحوي ,,

يوسف تقرب ابتسم : بلااااج تصيحين ,,...؟؟؟
للأسف عبراتي خانتني و قلت له : والله هب قصدي .. بس كنت أبا أخيس عموري لأنه خيسني والله مب قصدي ,, ( وبديت أكح ع الخفيف )

يوسف ابتسم : عادي صار خير .. تراني كنت ياي بقول لج .. ادواج عندي عقب .. لا أكثر
نزلت راسي ودموعي بعدها تنزل .. وقلت : آسفه والله مب قصدي والله العظيم ( وازدادت الكحه ) حسيت روحي بختنق لو يمبي طماط ما بيفرقون بينا باللون ..

يوسف : مصدقنج حياتي ... دشي داخل عن تمرضين .. يلا ..
ورووح صوب سيارته ,,

طالعت جواهر ،،البنيه فاتحه ثمها ,, جنها أول مره تشوف موقف جذا ,,
دخلت داخل بسرعه ورحت الحجره عسب اتسبح لأني خست ,,

يوسف قال لي حياتي .. أول مره يقولها .. يوسف قال حياتي .. آآآآآآآآآآآآآآآآ خاطري أصارخ من اليوم الين باجر .. يوسف ما تدري اش كثر أحبك أحبك ,,, فرحتني واااااااااااايــد ..
ههههه ولا أنا الغبيه صحت .. بس يلا زين صحت .. يومياً بصيح عسب يقول حياتي ..

تسبحت وغيرت .. وصليت المغرب ورحت صوب جواهر ..
جواهر تطالعني مستغربه : نواري ... يسوف رومنسي ..
قلت لها بسخريه : وايد .. لو اني هب صايحه جااان فلّعني بنعاله هههه

جواهر : لا لا أول مره أخوي يرمس بـ هــالأسلوب ,, عبالي ما يعرف
قلت لها : انسي اللي صار خلاااص بعدج بيبي ههههه
جواهر : حظج نواري بـ يسوف وايد لايقين ع بعض ..

قلت : جوجو ان ما صخيتي ترا بيييج هاك السطار اللي يأدبج فاهمه ..
جواهر تحط ايدها ع حلجها : هه سكتت خلاااص

فجأأه تذكرت يوسف يوم قال ياي أقول لج دواج عندي لا أكثر .. شو قصده .. كيف بيداويني يعني ..؟ وشو اللي بيسويه .. ؟؟ ..اممم يا ربيييه والله احترت معاااك يا يوسف ..

بس أنا هـ الجمله ما همتني كثر ما همتني كلمة حياتي مو بس همتني الا هيمتني والهمتني به أكثر وأكثر .. كلماله حبي لك يا يوسف يزيد ويزيد ..
مر الوقت ونحن نطالع برامج في التلفزيون الين حزة العشا ,,

جواهر : تعالي نروح نطلع عشا ,,
قلت : أوكي .. يلا شباب نروح نتعشا ,,
عموري : مابا ..

قلت له : عموري بلا سخافه ولا تراني بخلي عمي ياخذ عنك هالبي اس بي ..
عموري يتأفف : انزيـــــــــــن ..
قلت : يهالوووه آخر زمن ..
رحنا المطبخ .. تمينا انا وجواهر نطلع الأكل ,, ونرتبه ,,

جواهر : ماما تأخرت ,,
قلت لها : لازم ,, الحين عموتي مره وحده ولدها وبنتها تزوجو أكيييد بتتعب ,,
جواهر : الله يعينها .. صعب فراق العيال ..

قلت لها وأنا اتنهد : بس هذا مجرد فراق أيام وبيرجعون .. هب فراق يدوم طول العمر ..
جواهر تغير السالفه : يا ريت اليوم رحنا بيت عمو
قلت لها : هي اليوم مسوين عزيمه عوده بيت عمو ..

جواهر : ميثاني بتحتشر ليش ما ييتو ..
قلت لها : هاي لما تشوف بنات عمها تنسانا ,,
جواهر : هههه صدقج ,, مصلحجيه ميثاني ,,

طلعنا العشا تعشينا ,, وكل واحد راح حجرته يرقد بس أنا وجواهر تمينا سهرانين ..
صيفيه شو ورانا .,. عقب جامعه وبننسى أيامنا الحلوه هاي هههه

جواهر : نواري بقول لج شي بس لا تزعلين ..
قلت لها : قولي ,,

جواهر : خوالج يو هاك الأسبوع ,,
قلت لها بتعجب : شي طيب ,,
جواهر : يوم درو يوسف خاطبنج احتشرو .. بس بابا قال انه هو ولي أمرج الحين لأنه عمج هب هم وعلى كيفه يسوي اللي يسويه .. وانتي راضيه ,,

قلت لها : برايهم .. زين سوّا عمي ,,
جواهر : الله يعينج في حياتج
قلت لها : أمين ,, شو دراج انهم يو ..

جواهر : سمعت صوت يوسف وبابا يرمسون ..
تميت ساكته وأقول في خاطري .. أكيد بيخبون علي أشيا أكثر وأكثر .. دوم يخبون عني معنه هـ الأشيا تخصني ولازم أعرف عنها ..

جواهر : قمنا نرقد شكلهم بيتأخرون ..
قلت لها : هي بعده فيني تعب من كعب أمس هههه
جواهر : وأنا بعد ..

...........................

رقدنا واليوم الثاني نشينا على صــــــوت اليهال يصارخون ومستانسين ..
قمت بكسل .. رحت تسبحت وتلبست ..

جواهر توها طالعه من الحمام : ترييني بنزل وياج ..
قلت : انتي شعرج هااا روحه يباله ساعه الين تسحينه ..

جواهر : نورو ترييني بالمره نتفق مع بابا ..
قلت لها : أوكي ,,
جواهر وهي تمشط شعرها : خخخخ تخيلي يسوف تحت كيف بتحطين عينج بـ عينه .
.
قلت لها : هب وقته تذكريني به .. خليني مستانسه .. قال ادواج عندي ,,
جواهر .. : تخيلي يعني شو بيسوي ..؟؟
قلت لها مب مهتمه : بــــــرايه يسوي اللي يسويه ..

جواهر : لو بيطلعج ويــــــاه حرام طلعوني وياكم ..
قلت لها : يلا مناك رزة الفيس من طبايع التيس ..
جواهر تترجاني : حرام حرااااام نواري ..

قلت لها : راقده انتي .. شو نطلع ويا بعض رواحنا .. شكلج تخبلتي .. الا هو خاطبني ..
جواهر : صدق عاد .. يلا طوفي جدامي ,,
قلت لها : صدق مصلحجيه .. جوجو

نزلنا شفنا عدول وعلاوي قاعدين يلعبون بــ سيارات ريموت ..
علاوي : تعالو تعالو شوفو بابا شو اشترا لنا ..
جواهر : الحين كل ها حشره حق سيارة الريموت ..

قلت : والله لو ندري جان ما نشينا من الرقاد بعد ..
جواهر : أنا قلت مستوي شي شي .. ما أقول الا مالت ,, ...

جواهر أشرت على عادل وعلي وقالت : انت وياه والله ان صارختو مره ثانيه وأنا راقده بعلقكم ع المروحه سمعتو ..

علاوي : نوار نوار شوفي جواهر تنازعنا ..
طالعت جواهر وضحكت : ههههه ذكروني بـ سالفة أمس ..
جواهر : هههه ع بالهم صدق قويه لو شافوج تصيحين جان يقولون صدق نورو اخرطي ,,

قلت لها : عاد هب لـ هالدرجه يلا مناك يلا مناك ,, يالردييه ,,
جواهر : عصافير بطني قاعده تصوت .. قمنا نروح نتريق ..

قلت لها : سيري روحج هب مشتهيه ,, بقعد ويا اليهال ..
جواهر : صدق ياهل .. يلا نشّي ولا تراني بخبر أبوي عليج وأقول له بنت أخوك تبا يرد لها فقر الدم ,,
قلت لها : والله مب مشتهيه .. مالي خاااطر أكل ..

جواهر يت صوبي وسحبتني ,, : طوفي يلا .. بلا دلع ..

تريقنا وعقب الريوق رحنا حدرنا الايميل اشوي .. طبعا ايميل جواهر لأنه يوم اللاب وياها لا يمكن أشوف شكله بعد هع ,, ورمست ربيعاتها .. وهكذا ..

..................

سمعنا صوت باب الحجره يندق ..
جواهر : امنووو ..؟

........: أمج أنا ..
جواهر : دشي ماما دشي ..
مرت عمي فتحت الباب ودشت : هااا اشحالكن اليوم ..
قلنا : بخير ...

جواهر : شو ماما بغيتي تباتين بيت قوم عموووه أمسات ..
مرت عمي : ههههه الله يهديج ,, بيت عمتج كل شوي ناس يايين وطالعين ويباركون لهم تعرفين عاد معارف عمتج وايد ..

قلت : عموووه عادي برايج سوي اللي تبين تسوينه .. خلّج من هاي اللي ما تنفع .. ( أشرت على جواهر )
مرت عمي : فديتج أنا هههه ... يلا انزلن عسب نتغدا ..
جواهر : شبعانه مابا ..
مرت عمي طالعتني وأشرت على جواهر : بلاها هاي مبوزه ..؟؟

رفعت جتفي وقلت : مدري عنها تصنيفات هـ البنيه ..
مرت عمي : بلاااج جواهر ..

جواهر بندت اللاب بقوه .. حسيت انه للحظه بينكسر خلاااااص من ايد جواهر ..
قلت : شوي شوي ع اللاب عن يتكسر ..
جواهر : كلّه تتفدين حرمة ولدج .. أما أنا بنيتج صفر ع الشمال ..
مرت عمي : جواهر شو هـ الرمسه ..

طالعت جواهر وسويت لها طاف معني تضايقت .. وكلامها حز بخاطري.. وقمت عسب أطلع ..
توني وصلت صوب الباب ..

حسيت بايد على جتفي زختني بقوه .. وتمسك بي ..
لفيت جفت جواهر ..

جواهر : أيــــــــــه ليكون زعلتي أتمصخر أنا .. تعرفين مصخرتي .. عاد تسم البدن
مرت عمي : الله يهديج جواهر ,, ( وأشرت على جواهر ) نواري خليها هاي ما بتعقل .. انزلي فديتج نتغدا ..

طالعت مرت عمي وقلت : انشالله ..
طلعت مرت عمي ونحن واقفين عند الباب ..,

بغيت أطلع جواهر يودتني : نورو زعلتي ..
قلت لها : زين انج تعرفين مصخرتج تسم البدن ..

جواهر لوت علي من ورا .. وتمسكت بي وقالت : حياتي انتي لا تزعلين ... يلا عاد ..
ابتسمت لها وقلت : صدق خبله ..

جواهر شدت خدودي : فديتها حرمة أخوي ..
طالعتها وقلت : مالت عليج وعلى أخـــــوج .. مدري عنه بعده ما سوّا شي ..

جواهر تقلده : ادوااااااااج عندي ..... هع ضحكني والله ..
لفينا عسب نبند باب الحجره ونطلع ,,,,, كنّا واقفين عند العتبه ..

رفع راسي انصدمت ,,,,,, اااااااااا موقف يفشّل .. يوسف طول الوقت كان واقف وسمع كلامنا .... آآآآآآآآآآآآآع ع ع وين أودي ويهي الحين ..

جواهر طالعته : مالي خص حرمتك انت وياها تنيازون ..
يودت ايدها وهمست : جب يالحيوانه شو حرمتك بعد ..

جواهر ودرت ايدي وقالت : مالي خص .. انتي اللي بديتي ..
وراحت صوب الدري تربع .. يوسف قال : وانتي بعد ادواج عندي فاهمه ..
جواهر تربع : مالي خــص ..

طول عمرج يا جواهر تسوين البلا وتعقينه ع غيرج هههه بس والله براويج
أنا رحت صوب الدري عسب الحقها .. بس صوت يوسف .. وقّف الدم بـ عروقي ..

يوسف : عيدي اللي قلتيه .. لو سمحتي ..
وقفت بدون ما أطالع صوبه .. ونزلت راسي ..
يوسف : عيدي اللي قلتيه ..

قلت له : ما قلت شي ..
يوسف : عاد اللي سمعته منو قاله ..
قلت له : امممم قلت،،، بعدك ما سويت شي ،،، ..

يوسف : لأأأأ اللي قبله ,,
قلت بتردد : مالت عليج وعلى أخوج ..
يوسف : ومنو أخوها ,,
قلت بتردد : كنت أمزح ,, والله

يوسف قال : الحين شكلي بستعيل .. يوم اراويج .. ،،،وراح صوب حجرته

تركني روحي بين الشكوك والأوهام والخيال الواسع .. شو بيسوي .. شاللي ممكن يسويه يا ترى يضرني .. لا لا لا لا لا نوووووووي أنا بنت عمه وخطيبته ,,
عاد شو بيسوي ..

أحسن لي أنزل وأتغدا ,, براويج يا جواهر ان ما أدبتج ما يكون اسمي نوره ..
ونحن قاعدين نتغدا ,, كل شوي اطالع جواهر وجواهر تطالعني .. هي مبين شوي وتنقع من الضحك ,, وأنا شوي وبنفجر من البركان اللي قاعد يغلي بداخلي ..

عقب الغدا رحنا نغسل ايدينا ,,
جواهر بهمس : خبريني شو استوا ..
قلت لها : حرّه فيج ما بخبرج ,,

جواهر : حراااااام يلا نورو ..
قلت لها : منو قال لج ودريني روحي ها يزاج تستاهلين ,.,
جواهر : انزين قال لج شي شرات أمس جي ولا جي

لفيت عسب أطلع : مالج خص فاهمه ,, لو انج تامه وتاكلين الهزبه وياي جان سمعتي روحج
جواهر تضرب الأرض بريولها وتقول بغيض : أنا غبيه منو قال لي أودرج مالت علي ..

طلعت وأنا أضحك على جواهر الهبله هههه .. وتاركه وراي قنبله شوي وتنفجر ..
صعدت فوق شوي شوي عسب ما أطالع يوسف .. هع ولا هالمره صدق بروح فيها ..
والله من بعدج يـ الجوهره قامت تنحذف علي المشاكل حذف .. كلّه من جوجو هـ الهبله ..

رحت صوب السرير فريت روحي عليه ,,,
ابتسمت ,, أنا مستانسه وايد لأني معاك يا يوسف ,, ما تدري بغلاتك بـ قلبي ,, وايد أحبـــك أحبــــــك احبك عدد ما قالوا العشاق احبك..احبك عدد ما سطرت الاوراق كلمه احبك .. أحبـــــكـ يا يـــــــــوســــــــــــف .. محد ملك قلبي في هالعالم غيرك ..

شفت اللاب تقدمت منّه .. الا هالشي ما بقول لك اياه يا يوسف .. ومستحيل أقول لك حاليا يمكن بعد مرور سنوات بـ تدري .. بس الحين حتى ظلي اللي هو ظلي نو وي يدري ..

قعدت ع اللاب الين أذان العصر نشيت رحت تيددت وصليت العصر ,, وقريت قرآن ,,
تذكرت أمس هالحزه جوجو يت عندنا فديتها والله مشتاقه لها ..
شفت روحي مليت وتعبت .. جان أنزل .. شفت عمي وعموتي قاعدين يشربون جاي حمر ..
رحت بستهم ع راسهم : اشحالكم ..؟؟

عمي : بخير الغاليه ,, وينكن انتي وجواهر من عقب الغدا محد شافكن ,,
قلت له : موجودين .. بس وينها جواهر ,,..؟؟
مرت عمي : بنتي سيري ازقريها وتعالو عسب نقعد سوا ..
قلت لها : انشالله ,,
رحت صوب حجرة جواهر دقيت الباب ,, ما ردت علي ,,دقيته بعد ما ردت ,,
جان أدش .. شفتها قاعده ع اللاب

يوم طالعتني قالت : نــــــــعم ,,
قلت لها : أوب أوب كل ها شايله بـ خاطرج ..
قالت : خير شو تبين ,,

قلت لها : أعوذ بالله تبيني أقول لج شو قال لي ..
جواهر ابتسمت ونطت ,, : هي حرمة أخوي أباج جذا ,,
قلت لها : دامج قلتي حرمة أخوي خلاص ما بقول لج شو قال ..

جواهر : خلاااص خلاااص يا بنت عمي أخوي شو قال لج .,.
قلت لها : ادوانا عنده هع وبس ..
جواهر : بس بس ,,

قلت لها : هي والله قال بيستعيل ,, بعد
جواهر : أحسن عسب نعرف شو بيسوي ..
قلت لها : هي أنا اللي باكل الرمسه هب انتي ..

جواهر : المهم نعرف ,,
قلت لها : شو قاعده تسويين ,,
جواهر : ع الجات ,,

طالعتها مبطله عيوني : هـــــــااا ..؟
جواهر : بلااج ع الجات قلت لج .. مجرد لعب
قلت لها : هاااا انتي صاحيه ,, حرااام تدرين وبعدين فيه ناس يلعبون بالعقول

جواهر : عااادي انزين ,,
قلت لها : واذا يوسف درا والله بيذبحج ,,
جواهر : خلاااص خلاااص انزين ,,

قلت لها : والله ان دشيتي براويج .. تراني يمكن أخبر يوسف هاااه
جواهر : خلااااص أبوي ما بدش .. الا يوسف لو درا بيدعسني بموتره ,,

قلت لها : زين دريتي روحج .. يلا ننزل عمو تقول اقعدو ويانا ..
جوااهر : اوهو علينا سوالف الشواب تعور الراس ,,
قلت لها : حرام عليج هاييل أمج وابوج .. يلا طوفي ..

جواهر تأفف : انزيييين ..

نزلنا تحت .. أحم أحم يا ريتنا ما نزلنا .. أخ شو هالمصيبه ,, يوسف قاعد ..
جواهر تهمس لي : شو نزلنا يلا نرد ..
عمي : تعالو بنات اقعدو ويانا ..

جان نتجدم أنا وجواهر لاصقات في بعض وقعدنا في صوب ,,
عمي : بلاكن ..
جواهر : ماشي بس جنه الجو بارد ..

طالعتها وقلت بهمس : غربلاتج عن الرمسه الزايده ,,
عمي : انزين انت سير لهم وجوف شو من مناقصات يديده عندهم ..
يوسف : بشوف ... يمكن بطرش يسور ما وراه شي كلّه هايت ,,

مرت عمي : هي ما يقعد فالبيت طول الوقت برا ..
جواهر تهمس لي : يروح يغازل شو وراه بعد هـ الهيز ,,
ابتسمنا أنا وجواهر ويا بعض كان في خاطري أضحك بس الوضع ما يسمح موول

عمي : بنات ما تبون تسافرون هالسنه ,,
طالعنا بعض أنا وجواهر وابتسمنا جنه تحقق اللي في بالنا ,,
جواهر : أكيييييد أكيد ,, بس وين ..

عمي : صلاله شو رايكم ,,
جواهر : أنا أقول مركبين في هالبيت كيمرات .. ما تصدقوني ,, أمسات انا ونوره قررنا بعد

عمي : شي طيب ,,
يوسف : بس ما بنسير الحين ,,
عمي : جيه ,,

يوسف : السبوع الياي أحسن ,,
مرت عمي : لا نستعيل أحسن لأنه الجوهره يمكن ترد عقب أسبوعين ,,
يوسف : هالأسبوع عندي شغله ما أقدر ,,

عمي : خير ,,
يوسف : أبا أملـــــــــج ,,
كنت قاعده أشرب ماي جان أشرق ........ كحيييييييييييييت عدل ,,

جواهر تدقني ع ظهري : بلااااج ..؟
طالعتها : ماشي ..

يوسف جنه ضحك علي .. برايه .. فاجئني واااااااااايــــــد شو يملج هالثاني بعد ..
عمي : زين انزين ,, نواري شو رايج ,,؟؟
وقته عمي تسألني ,, ألحين يدام ولدك ,, شو تبا تفضحني ,,

مرت عمي : بس الجوهره محد حرام بتزعل لو درت ,,
يوسف : ما بسوي لا حفله ولا شي عقد قران في المحكمه وبس ,,
عمي : أحسن بعد .. مره وحده نسوي حفله حق العرس ما يباله ملجه وخطوبه ,,

ما خذيتو رايي يا جماااعه .. جني أطرش في الزفه معني أنا صاحبة الموضوع والقرار بيدي ..
عمي : ها نواري شو رايج ,,
جواهر : وافقي وافقي حرام ,,جواهر صخت يوم طالعت نظرات يوسف ..
قلت بتردد : مب جنكم استعيلتو ,, ...

عمي : بالعكس ,, لو في خاطرج تقولين شي بنتي قولي عادي ,,
قلت : مادري أحس مستعيلين ,, وبعدين الجوهره محد ..
عمي : قال لج يوسف ,, ما بنسوي لا حفله حق الملجه ولا شي بس في المحكمه ,,
قلت . . : والله مدري ,,

عمي : انزين انتي فكري ,,
طالعته وحركت راسي دليل اني أأيده ,, : انشالله ..
قمت ,, وقامت معاي جواهر ورحنا الحجره ,,

قلت لها : أخوج هاااا ما بقعد بمجلسه مرة ثانيه ..
جواهر : جيييييه انزين ..
قلت لها : أونه بملج قااال كان يتريا لما أنش مب يدامي فضيحه ,,

جواهر : عادي لاااه .. وبعدين وافقي نواري ,, حرااام
قلت لها : وااااااايد صغيره أنا ,,
جواهر : عادي .. هكو الجوهره عرّست مب بس ملجت ,,

قلت لها : والله مدري .. بفكر وبشوف ..
قعدت مع روحي شوي أفكر .. اذا ما ملجت الحين شو بيستوي واذا ملجت شو بيستوي ,, احترت معاااك يا يوسف .. أوافق ولا لأأأ

بس اذا وافقت يمكن عقب ما أحس روحي عال على بيت عمي .. لأنه وجودي بيكون افتراضي .. وبكون وحده من عايلتهم ,,
قلت أشوف باجر الصبح يصير خير ,, ...

حسيت اليوم ممل .. معنه ملئ بالأحداث والمغامرات نوعاً ما ..
مر اليوم وأنا أفكر في كلام يوسف قال يبا يملج ,,, يعني انتقامه هو انّه يملج علي ..
والله يا يوسف لو هذا انتقامك عاااد هذا أحلى انتقاااام وأحلى دوااا ذقته بـ حياتي ,,

.....................

صحيت الصبح على صوت جواهر محتشره ..
طالعتها وقلت : بلاااااااااااج من صباح الله خير تباغمين ,,؟؟؟
جواهر : أوووف بدلتي الحمره مب اهني ..

قلت لها : أوووووف محد يرتاح وهو راقد وياج .. من باجر برقد روحي أحسن لي ,,
جواهر : سيري تلبسي أحسن لج ,,
قلت لها : جيييه انشالله ,,

جواهر : بنروح السوق نتشرّا أغراض وملابس حق صلاله.,
قلت لها : انزين ,,
رحت تسبحت وتلبست ,, نزلت عسب أتريق شفت عمي قاعد يقرا الجريده ,,

رحت صوبه بسته على راسه : صبااااح الخير ,,
عمي : صباح النور والنوير .. بأحلى نوير ..
قلت له : ههههه فديت منطوقك والله
عمي : هاااا رقدتي عدل ,,

قلت له : في حد يرقد مع جواهر عدل .. تذبح الواحد ,,
عمي : ههههه والله هالبنيه حاله ..

بغيت أقوم عسب أروح المطبخ .. بس عمي رمسني ..
عمي : نوار فكرتي في سالفة أمس ,,
قلت له : والله مدري يا عمي ,,

عمي : يعني ,,..؟؟
قلت له : محتاره .. انت شو تشوف ..
عمي : هذي حياتج وانتي حرّه ,,
قلت له : مادري أحس روحي مب مستعده ,,

عمي : انتي توكلي على ربج ويحلها انشالله ..
قلت له : ها شورك ..
عمي : هي أنا من رايي نستعيل أحسن ..
قلت له : برايك ,, سو اللي يعيبك ,,

عمي : هب أنا اللي مستعيل .. ها يسوف ,,
استحيت طالعته وقلت : بس المهم عقب أسبوع نروح صلاله ,,

عمي : انزين ,, من عيون والله
قلت له وأنا مبتسمه : تسلم والله
،، رحت عسب اتريق عقب الريوق رحت صوب جواهر قعدت وياها شوي ,,

دشّت عموتي ومعاها ميثاني ومرت عمي بعد ,,
عموتي تمّت تيبب ,,
طالعتها ’, ، جان تقول لي ..: مبرووووووك حبيبتي ,,
قلت : هههه مسرع ما انتشر الخبر ..

مرت عمي يت حضنتني وتمت تصيح ,, دمعت عيوني وياها فديتها ..
عموتي : هب وقته الحين تصيحون استانسو ..

جواهر : هي يلا ميثاني نرقص ,,
عمتي : وين شو ترقصن بعد .. هههه
مرت عمي تمسح دموعها وتطالعني : الله يوفقج ,,
طالعتها ابتسمت لها مستحيه ..

ميثاني : يا حيها والله أم المعرس ولدها البجر بيعرّس كلللللللوش ..
جواهر : صرعتينا شو هاليباب بعد هااا ههههه
ميثاني : من الفرحه هع ..

عموتي : ها سمعت بو يوسف يقول يوم الخميس ..؟
قلت لها : وأنا شو دراني ,,..
مرت عمي : هي يوم الخميس انشالله ..

عموتي : ماشي وقت متى بتتجهزين نورو ..
قلت لها : يوسف قال ماشي حفله وخرابيط ..
عموتي : شووه .. ؟؟ حتى ولو نحن ما بنتجهز بس انتي لازم تتجهزين لأنج العروس ,,

قلت لها : جيه لازم أنا أتجهز لو مافي حفله ..
عموتي : عاد منو بيقعد ويا يوسف أنا ..
طالعتها : هي صدق ههههه شقايل راحت عن بالي هاي بعد ..

عموتي : ها مزنه متى بتسووون فحص الدم ..
مرت عمي ,, : يباله ثلاث أيام على ما يطلع ,,
عموتي : عاد اليوم ودوهم مركز الطب الوقائي ,,

قلت : جيه أنا خدامه عسب تودوني هناااك يايه من بلاد برا ,,
عموتي : لا ها فحص قبل الزواج
حركت راسي : هيييييييه

ميثاني : صدق ميييح ما تعرف شي ..
عموتي طالعت ميثاني نظره خلّت ميثااااااني تصخ ... وقالت : هب شراتج مشفوحه ع كل شي ..

عموتي : لازم اليوم تودوهم عسب فحص الدم ,,
مرت عمي : بتصل بـ يوسف الحين ..
قلت : والله حاله .. لازم ها الفحص بعد ..

عموتي : مزنه انتي بتسيرين وياها ولا أنا
جواهر : لأأأأأ أنا بسير ,,
ميثاني : لأأأأ أنا ..

عموتي : صخي انتي وياها .. ها شو قلتي مزنه ..؟
مرت عمي : انتي سيري .. أانا بتم وياالعيال .. وبعدين ما أعرف وايد في هالسوالف
عموتي : انزين اتصلي بولدج .. خل ايي قبل ما يسكرون ..

مرت عمي : هي قاعده أتصل به ..
عموتي سحبتني .. : يلا البسي عباتج ..
قلت : جذا بس ..

عموتي : هي ماشي وقت اهناك بس بيفحصون دمج ..
رحت لبست عباتي وشيلتي ..
عموتي : ها مزنه وينه يوسف ..؟
مرت عمي : تحت واقف يترياكم ,,

جواهر تهمس لي . . : جافج عقب ما وافقتي ..؟؟
طالعتها بغيت أفلعها هاااك البوكس بس ما رمت ,,
عمتي : يلا نواري ..
رديت ورا صوب الستاره : مابا ..

عمتي : نواري بلاها سوالف اليهال تعالي ..
جواهر : جنها عنزه بيودونها القصاب ,, أمي الا هو فحص دم وبعد يومين ثلاث ملجه
قلت : نشوف يومج شو بتسوين ..

جواهر : أنا اللي بوديه وياي هع
مرت عمي طالعت جواهر جان تصخ قلت : مابا .. حرااام
عمتي يودت ايدي .. : يلا بلاه هذا منكر البنات وايد أحسن لج ..

سمعت كلامها تميت ميوده ايدها الين ما نزلنا تحت ووصلنا صوب السياره .. استحيت وايد مدري ليش ..
ركبنا ..
عمتي : يوسف بس مايبنا الأوراق ..
يوسف : الأوراق جاهزه عندي ..

عمتي : وصوره شخصيه ,,
يوسف : بعد عندي .. يلا نتوكل خلاااص ولا أمايه بتيي ..
عمتي .. : لا محد بييي ..

حسيت روحي بموووت خلاااص من الحيا ,, لا وماشالله يوسف مرتب من قبل .. وصورتي الشخصيه عنده .. طلع الحبيب مرتب وأنا مدري عنه ..

وصلنا الطب الوقائي ,, وسحبو عني دم حسيت روحي بموووت خلااااص .. دخت .. بس الحمدلله الله ستر وعقب الفحوصات ردينا البيت ع الساعه هنتين ونص ..
نزلنا رحت على طول الحجره ,, صليت .. وغيرت ,,

يت جواهر : هاااا خبريني شو صار ..
قلت لها : راسي يعورني مب متفيجه ,,
ميثا دخلت : نواري عمي يقول لج تعالي تغدي ..

قلت : مابا جبدي لايعه ,,
جواهر : انزين برايج بس نشّي العصر عسب نروح السوق وتتجهزين انتي ,,
قلت لها : مابي اليوم مدوخه أحس روحي بطيح ,,

جواهر : أوكي عاد خلااااص باجر ,,
ميثا : كل شي مابا ومابا ,,حشى منكر بنات ,,
قلت : اطلعن لافلعكن بــ هــ الفروحه ...
جواهر وميثاني : هههههه

ميثا قبل ما تطلع : احلمي في الحبيب .,.,
وسكرت الباب قبل ما تيي الفروحه ع ويهها نجت حظها حلو ..

قعدت أفكر في يوسف .. لـ هالدرجه مهتم بي حتى الأوراق كان مجهزنها ,,
يا رب التحليل تطلع سليمه ,, والله مقدر أعيش بدونك يا يوسف انت حلمي اللي بنيته من صغري ,,, والله أموووت فيك ..

......................

اليوم الثاني الصبح ,, عقب الريوق ..
جواهر : نوير هااا نسير السوق اليوم ..
قلت لها : مالي بارض ..
جواهر : جييه تعبانه ,,؟؟
قلت لها : لأأأأ الحمدلله ,,,

جواهر : يلا نشّي حراااام نروح السوق ..
قلت لها : منوو بيودينا ,,
جواهر : يوسف بعد منووه ..
قلت لها : عاد مابيي ..

جواهر : حرررراااااااام والله كنت بقول حق ياسر بس ياسر محد ..
قلت لها : مابا ,,
جواهر : عاد احلمي وتمي جذا الين يوم الملجه ,,
قلت لها : احسن بعد
جواهر سحبتني : بلااا منكر البنات مالج وسيري البسي عباتج ..
رحنا الحجره ولبسنا عبينا ,, ونزلنا تحت ,,

جواهر : لحظه بتصل به ,,
قلت لها : أووووف بعد نتريا ..
جواهر : بس لو اقول له نواري ويانا بييي طرررر
قلت لها : لا لا أمي أخاف يستوي به شي ,..

جواهر : ههههه يا عيني عاللي يخافون ع رياييلهم ..
ضربتها ع الخفيف .. عسب ما اعورها .. وقلت : اتصلي يلا ..
جواهر : انزين ,,

اتصلت جواهر واتريينا دقايق .. ويوم سمعنا هرن السياره ظهرنا من البيت .. ركبنا ,,
طبعا ركبت ورا ... مب ناقصه بعد ..

تحركنا .. وطول الدرب أحس روحي متوتره أعد الثواني والدقايق متى نوصـــل .. ؟?
ويوم وصلنا نزلنا أنا وجوجو ,,, ويوم تونا بننزل ,,
يوسف : ناقصكم شي .. تبون بيزات ,,؟؟
جواهر : لا ويانا الكارد ماما عطتني اياه ..
يوسف : انزين ديرو بالكم ع روحكم ..

هـ الكلمه تعنيني كثير يا يوسف .. ولو انها من منطوقك انت تهمني أكثر وأكثر وأكثر ...
نزلنا .. ودخلنا المركز ,, وصدينا ورانا شفت يوسف توّه حرك سيارته ..

ابتسمت .. يالله يا يوسف هـ الكثر أهمك ,, والله أني أحبك كثر ما تحبني وأكثر ..

دخلنا أنا وجواهر كذا محل واخترنا اللي بنحتايه .. وشريت شوية شغلات حق صلاله .. وخذيت لي فستان خفيف أو بالأحرى دراعه خفيفه للملجه ..وبعد حواطه ..

جواهر اتصلت بـ يوسف عسب ياخذنا ,, وياه خذانا .. ردنا البيت .. ردينا ,,
وتغدينا .. عقب الغدا رحنا أنا وجواهر نقايس اللي خذيناه ..
جواهر حطت البدله عليها وقعدت ..: نواري ما بتحجزين في الصالون ..؟؟

قلت لها : والله مدري ... ما جد شفت عروس تتجهز ,, حتى جوجو كانت مع علايه ,,
جواهر : أوكي عاد بتصل بالحرمه ونأكد لج حجز حق عقب باجر أوكي ..
قلت لها : شورج وهداية الله ..

جواهر : خلاص موافقه يعني ..
هزيت راسي بمعنى هي ..
جواهر : والحنا ..

قلت لها : لا لا ما بتحنا .. بنروح صلاله والحنا بتضايجني يوم تروح لونها هب شي ..
جواهر : غبييييه انتي فيه عروس بدون حنّا هاااه ..
قلت لها : مالي خاطر للحنا .. مابا أتحنا ..

جواهر : يلا مناك ,, غصبا عنج تتحنين باجر انروح الصالون ..
قلت لها : النتيجه بعدها ما ظهرت ..
جواهر : عيني خير ,, وكل شي بيصير انشالله ..
طالعتها وقلت : هييييييه الله كريم ..

.. مر يوم .. وعقبه يوم .. وهــ الأيام تمر علي جنها سنوات من زود التفكير في حياتي اللي قاعدهـ تنتظرني ... كيف بعيش بها ,, يا ترى بـ سعادهـ ولا العكسـ .. ما يندرا والله .. !!

هاي الحياااه .. مخبيه لنا أشياااااء كثيييييييره ما نعرفها .. الحمدلله ما نعرف شو اللي تخبيه لنا .. ولا جاااااااان متنا قهر وصيااااح .. هذي نعمه من رب العالمين ...

،،،،،،،،،،،،،،

ياااه يوم الملجه .. ورحنا أنا وجواهر وميثاني معاي ,. الصالون ..
بعد ما سوو لي الميكب والتسريحه هاااديه هب تسريحه بس فير .. حتى الميكب نعوووم وايد جني رايحه حفلة بنات هب ملجتي .. بس ها اللي طلبته أنا ,,

عقب ما سووت كل شي راعية الصالون ..
وقفت يدام المنظره ,, طالعت شكلي في المرايه ,, تفاجئت من شكلي ... بدون ما أمدح بس

بقول الحقيقه ,, جني ملااااك بالميكب الهادي .. أحلى عليه من الدفش .. تجدمت من المنظره عسب أشوف شكلي من يدام ,,

حركت ايدي ع ويهي ,, طالعه غير غير .. عيبني شكلي ,, وايد هادي ,,

عقب لفيت ... جان جواهر تقول : مبروووك يا عرووووس
ميثاني : نواري الله يحفظج ماشالله عليج ملااااك ,,
طالعتهن : صدق ولّا ,,

جواهر : والله ميكبج وايييييد هادي ونعووومي ,, لايق عليج
طالعت جواهر وميثاني وقلت : بعيش مع يوسف بحياه آمنه ولا ...

جواهر : انشالله كل أيامج أفراح في أفراح نواري ..
طالعتها : آميييين ..
رحت صوب جواهر وميثاني ولويت عليهن ... حسيت روحي بصيح خلااااص ..

ميثاني .. : حووووه عن تخربين ميكبج دافعين عليه وايد
طالعتها : طول عمرج مصلحجيه هههه
جواهر : هكو .. يسوف قاعد يتصل بي ..

قلبي فز ,,, يوم سمعت اسمك يا يوسف .. مدري رعب منك ,, ولا لـ مكانتك الكبيره اللي في قلبي ... أعشقـــــــــــــــــكـ يا يوسف ...

،،،

طلعت النتايج .. ورحنا المحكمه ,,, وعقدو القران ... ارتبكت واااااااااايد يوم سألني الشيخ ,, غير انّه يوسف واقف ..

وسمعت صوته وهو يردد ورا المليج يوم يقول له الجمله .. عسب نملج ,,
عقب ما ظهرنا من المحكمه

.. ركبت السياره مع عمّي ,, كنت متغشيه لأني متمكيجه ,, طول الوقت كنت ميوده ايد عمي عن أطيح هههه وتخترب كشختي ,,

ردينا البيت ,,, أول ما دخلت الصاله كانت جواهر معاي وميثاني دخلت قبل ,,,
سمعت صوت يباب ,, ابتسمت لمرت عمي وعموتي ,,
يو صوبي .. وسلمن عليه وباركن لي ,, حسيت بالفرح .. بس ناقصني يابوي .. ناقصني ,,
طالعت صوب عمي ,,.

أشر لي أروح له .. تجدمت منّه .. بست راسه ,,
جان يمط خدودي ,, ويقول : مبرووووك غديتي عروس خلااااص ..
طالعته ابتسمت له ,, وقلت : الله يبارج في حياتك ..

حطيت عيني بـ عينه ,, حسيت بشوق لأبوي .. جان ارمي روحي عليه .. ولويت عليه ..
خلااااص عبراتي بغت تخونني وتنزل ,,

ما حسيت الا بأحد يسحبني ,, ويقول : الا ميكبج نورو عن تخربينه ..
طالعت جواهر وقلت : هههه لا تخافين ما بيخترب ,,
ميثاني قالت وهي معاها الكيمره : غربلاتج خربتي اللحظه الرومنسيه كنت بصورها ,,
جواهر : راحت عليوووه ويت لنا أختها هههه

ابتسمت لهن ,, طالعت صوبي اليمين ,, شفت يوسف واقف في صوب يراقبني ,,
تذكرت هاللحظه خلااااص أنا هب ملك نفسي .. صرت من ممتلكات يوسف ,, أنا لـ يوسف ..
استحيت ,, وطالعت صوب البنات ..

يوسف ياه صوب عمي ,, وباسه على راسه ,,
عمي : مبروووك تستاهل ولدي .. الله يوفقك ,,واالله خذيت شيخة الزينات ’’
حسيت روحي بالفعل أميره ملكه شي جذا ,, فرحت لأن عمي وصفني هالوصف ..

عمتي ومرت عمي يو صوب يوسف ,, وسلمو عليه ,,
مرت عمي لوت على يوسف ,, وبدت تدعي له بالخير ,, .. حسيت بـ قرب يوسف لأمه ,, وايد يعزها ويبرها ,,

عموري وعدول وعلاوي يو صوبي .. عموري مبين عليه حزين ,, عباله بتركه .. بس والله ياعمور بتم وياااك طوووول عمري ,, ومستحيل أبادلك بالجفا والحرمان اللي ذقته وأنا صغيره ...

عموري ياه صوبي لوا عليه وبدا يصيح ,, حسيت روحي بصيح .. بس جواهر تيي تخرب اللحظات الرومنسيه ,,
عموري مسح دموعه : نواري أحبج ,,

طالعته وقلت له : وأنا بعد حبيبي .. امسح دموعك الرياييل ما يصحون فديتك ,,
عموري طالعني وقال : انزلي ,,
نزلت شوي .. معنه يقد يطولني ,, لأنه بيروح سادس ,,
عموري قرب روحه من اذوني وقال ,, : مبروك يا أحلى أخت فالدنيا ,,

وباسني ع خدي ’’
دموعي تكونت بـ عيوني ,, حسيت بقرب عموري لي ,., حسيت بمعنى الأخوه ,, حضنته ,,
حسيت يوسف يراقبني حركه حركه ويسمعني حرف حرف ,,

عدول ياه صوبي .. وقال : مبروووك نواري ..
طالعته مطيت خدوده وقلت : الله يبارك فيك حبيبي ,,
علاوي : الحين انتي خلااص بتروحين شرات جوهره ,,
قلت له : لأاأأ أنا بتم عندكم ما بروح ,,

علاوي وعدول تمو يصفقون ويتراقصون ,, مدري ليش ,,
بس شعور حلو الواحد يحس عنده أهل حوله .. يحبونه ويخافون عليه ,, من نسمة الهوا ..

يوسف قال ,,, : يلا عاد أنا بترخص وباخذ حرمتيه ويايه ,,

طالعت صوب عمي .. ترييت يقول لأأأأ مابا أطلع وياك يوسف روحنا ,,
عمي .. : خذها وياك .. ودير بالك عليها ,, ما وصيك ,,
يوسف : لا توصي حريص ,,
يوسف طالعني ,, وقال : يلا نوره ,,

ما قدرت أقول لأأ .. لحقته ,, يوم وصلنا صوب باب الصاله ,, تقدم ما ترياني .. ولا مسك ايدي لييييييييش يا يوسف لييييش ..

ويوم طلعنا ,, راح تجدم وفتح لي الباب اللي جدام ,, ركبت وبند لي اياه ,,
حسيت روحي بالفعل أميره اليوم ,, تذكرت كلام يوسف .. يوم قال حرمتيه ,, خلااااص أنا ملكك يا يوسف ,, أحبك أحبك ,,

ركب يوسف ,, بس هالمره ما شغل المسجل مدري ليش ,,

هالمره غيييييير حسيت بشعور ثاني اتجاهه .. حسيت بقربه مني ,, مو بس قربه هو .. قرب أنفاسه بعد ,, حسيت بالدفا والحنان اللي كنت فاقدتنه ,, لكنني اليوم حصلته ,, وعند منو ..؟؟ عند يوسف .. يوسف اللي كنت أهواه من ظهرت لـ هالدنيا ,,

وأخيراااا حصلته ’’ كنت حاطه ايدي ,, على ركبي وأفركها في بعض ,, كنت متوتره واااايد ,,

حسيت بشي دافي على ايدي ,, بشي وقف الدم بـ عروقي .. حسيت بالأمان والدفا يوم ايد يوسف مسكت ايدي ,,

كان في خاطري أقول ,, بحط قلبي بين ايدينك هديه .. وأقول لك كل عام وانته حبيبي ..

وقال يوسف كلمات قليله لكن ما يدري وش غلاها بقلبي .. وش تأثيرها بـ مشاعري ,, وش تسوي بي ,, وانها عادي تذلني وأقعد يدامه وأترجاه واقول له عيد وعيد ,,

قال : مبروك حياتي ,,

هالكلمتين على سهولة نطقهم الا انهم أثرو بي .. وخاصتا منك يا يوسف .. فديت منطوقك ..

رفعت راسي وشفت يدام الشارع وقلت : الله يبارك في حياتك ,,

ثواني حسيتها ساعات وأيام ,, الا ووصلنا صوب البحر ,,
كان المكان خالي مافي أي مخلوق يدور اهنيه ,, بس ما نزلنا الجو حااااااار ..

يوسف وقّف السياره ,, وطالع صوبي ,, يوّد ويهي ورفع راسي صوبه عسب أطالعه ,,
حسيت بدفا ايده يزيد يوم انه مسك ويهي ,,

طاحت عيني بعيونه ,, .. حسيت بعيونه كلام يبي يقوله لي .. حسيته يبي يقول .. تدلل لك حياتي تدلل لك عيوني ..

والله يا يوسف لا أبي حياتك ولا أبي عيونك بس اللي أبيه شي واحد ,,, واحد وبس ,, ابي حنانك وعطفك اللي فقدته من صغري ,, وعقب فقدته في مراهقتي ,,

يوسف تم يطالعني وقال .. : نواري أنـــا أحبج من زمـــــــان ,,

حسيت روحي بطلع من السياره وبطير من الفرح ,, يوسف يحبني .. يوسف يبادلني الشعور ذاته يوسف اللي بادر .. يوسف اللي بدا وقال أحبج ,,

كل هذي الفتره يا يوسف معذبني بحبك ,, والله لو تدري اني أحبك أضعاف وأضعاف حبك لي ,, يعني تحبني من زمااان ,,
نزلت راسي بـ حيا ,,

يوسف نزل ايده عنّي ,, وقال : كنت أباج من زمان وياه اليوم اللي نجتمع فيه ,, أوعدج انّي بسعدج في حياتج وبعوضج عن أيامج اللي عشتيها قبل .. انشالله

رفعت راسي نزلت دمعه من دموعي ,,
قرّب ايده عن ويهي ومسح الدمعه اللي كانت نازله واختلط معاها شوي من الجحال ..

يوسف : شي في خاطرج ارمسي قولي بسمعج ,,
قلت لها : لأأأ بس تذكرت بابا ,,
يوسف بحزن : الله يرحمه كان يتريا هاليوم ..

طالعته باستغراب : شو يعني ..؟؟
يوسف : قصدي كان يتمنى يشوفج عروووس ..
,, مسح دموعي أول .. عقب قال : زين جيييه تخربين ميكبج .. لو جوجو اهني جان فلعتج ,,

ابتسمت له ,,
قال : افتحي الطبلون ,,
فتحته ,,وقال : عطيني هالجيس ,,
عطيته الجيس ,, طلّع منه علبه صغيره ,, فتحها كان فيها خاتم ,, سحب ايدي بهدوو وقربها منه .. ولبسني الخااتم ..

طالعت صوبه ,, بديت أصييييح أكثر وأكثر ,,
يوسف قرب ايده عني : بلااااج نواري ,,؟؟
حطيت ويهي بين ايديني وقلت : بابا قبل ما يتوفى سوّا نفس الحركه ,,
يوسف : حبيبتي .. انسي خلاااص وادعي لأبوج بالرحمه ,,

طالعته : الله يرحمه ,, يوسف انت شرات باباتيه كل شي فيك يذكرني به ..
يوسف رص ع ايدي وابتسم : وأفتخر بعد ..

طالعته يودت ايده لا ارادياً : لا تودرني يوسف ,, لا تسو شرات ما سوّا أبويه وراح ,,
يوسف : ما بودرج حياتي ,, وبعدين الأعمار بيد الله ..

طالعت صوبه ,, وقال : نواري ميكبج اخترب هههه بديت أتروع منج ..
ابتسمت طالعته ,, وقلت : أونك ..
يوسف : لو جواهر اهني جان فلعتج وفلعتني وياج ..

يوسف حرّك السياره ,, رحنا صوب مطعم ونزلنا ,, قال بيعزمني ع الغدا ,, ونحن داخلين كنت متغشيه ,, لأني متمكيجه ,,
رحنا قعدنا في كبينه ,, رحت الحمامات عدّلت شكلي لأني بالفعل بديت أروع اللي يدامي هههه

وبعد ما عدلته رديت شرات أول واحلى بعد ,,,ههههه

رحت قعدت مع يوسف .. حسيت روحي بعيش بأمان معاك يا يوسف .. بنسى همومي خلاااص ...
عقب الغدا تم يوسف يفتر بالسياره وياي ,, وتم يسولف .. وأنا نادر ما أعلق بس أبتسم ههه بعدني يديده ع السوالف ..

الين جريب المغرب ردينا ,, البيت ,,

على طول رحت الحجره ,, رحت تسبحت وتلبست ,, صليت المغرب ,,
روميت روحي ع السرير ,, أحس روحي أسعد انسانه اليوم .. يعل ربي يديم السعاده بيني وبينك يا يوسف ,,

والله يا يوسف مستانسه .. ما تدري اش كثر استانست يوم قلت لي انك تباني من زمان هالشي فرحني وايد ,, أحس روحي بعيش وياك بـ سعاده وبنسى الهموم كلهااا ..


شو بيصير بحياة نوره با ترا .. بنشوووف في البارت الياي ..

الحلقه السادسه عشر ..


قطع علي تفكيري ..صوت جواهر وهي داخله ..
جواهر : هلا والله بالعروس هلا ,,
قعدت عدل .. : هلاأأ

جواهر : سوري خربنا عليج لحظتج الرومانسيه ,,
ابتسمت لها : لا عادي .. تعالي ..
جواهر : ها شو الحياه اليديده ,,

قلت لها : حلوه عسل ع قولة الجوهره هههه
جواهر : أميييه أميييه خربتني البنيه ,, هههه
قلت لها : انتي اللي سألتي ,,

جواهر : خبريني يلا شو قال وشو سوّا ..
قلت لها : هااااااه شوووه ما سمعت ,,؟؟
جواهر : خبريني كل شي بالتفصيل ,,

طالعتها وقلت : هاللي ناقص .. بنات آخر زمن .. يوم تملجين تعالي قولي لي حبيبج شو قال لج أوكي ..
جواهر : لأأأأ أنا ما أخبر
قلت لها : أشك الصراحه ,, وأنا بعد ما أخبر ,,
جواهر ترفع ايديها : يالله متى أعرس ,,

قلت لها : ههههه لاحقه ماماتيه بعدج ياهل ,,
جواهر : متى العرس انزين ..؟؟

هالشي اللي ما فكرت فيه وما حسبت حسابه بعد .. كيف راحت عن بالي ..؟
رفعت جتوفي وقلت : مدري والله ,,
جواهر : انزين .. خلاااص بابا قال يوم الثلاثا بنروح صلاله ..

قلت لها : زين ,, يلا عاد يبالنا نتجهز ,,
جواهر : اعتبريه شرات شهر العسل للملجه ,,

طالعتها : ههههه أوكي أفا عليج ,,
مر اليوم بسرعه .. يوسف ما كان موجود ع العشى ,, وبليل اتصل بي رمسني نص ساعه .. حسيت بقربه منّي ,., حسيت بحبي له كلماله يزيد ويزيد ,,

يوم الجمعه يو عندنا .. عموتي وميثاني ع الغدا استانسنا وياهن واااايد ,,
المغرب روحو .. رديت الحجره رحت تسبحت ولبست .. وعقب صليت المغرب ,,

عقب الصلاه سمعت صوت باب الحجره يندق ,,
جان أقول .. : منو ..؟
...........: ممكن أدش ..

فرحت يوم سمعت صوته اليوم كنت مشغوله وايد مع عمتي والبنات ,, رحت صوب الباب ,,وفتحته ,,
قلت : هلأأأ
يوسف : أهلين اشحالج ,,.؟؟
قلت : تمام ,, ومن صوبك ,,؟

يوسف سند راسه ع الباب .. : هب بخير ,,
حسيت روحي فزعت تفاجئت ,, قلت : له له عسى ما شر ..
يوسف : حبيبتي اليوم ما اتصلت بي ولا سئلت عني كانت مشغوله بناس غيري ,,

استحيت الصراحه جان أبتسم وقلت : يوووووسف ..
يوسف : ههههه خلاص انزين لا تعصبين ..

طالعته ابتسمت له جان يقول : يلا بس بغيت أتطمن عليج ,, أنا ظاهر تبين شي ..؟
طالعته وقلت : سلامتك ,,
يوسف : حشا تبين الفكه ماقلتي ها ريلي أباه يتم ويايه ,,

استحيت منه وصديت الصوب الثاني ,, وبديت ألعب بأصابعي ..
يوسف : ههههه انزين خلااص ,, بتصل بج ع الساعه عشر ,,
طالعته وقلت : انزين .. الله وياك

رووح تميت أطالعه الين اختفي عن عيوني ..
كان في خاطري يا يوسف أقول لك تم ويايه طول عمرك ... لا تفارقني لو دقيقه بعد ..
رجعت فريت روحي ع السرير ,, دعيت ربي يحفظ لي يوسف ..

قمت من ع السرير ,, رحت صوب السده فتحتها .. شفت الروج .. حطيت شوي .. مدري ليش بس عبط ,,
رحت صوب الستاره ,, فتحتها شوي ,, ركزت شفت سيارة يوسف ..

الظاهر توّه ظهر من البيت ,, الله يحفظك ويرعاك وين ما تروح .. يا يوسف يا غناتي ومنيتي ,,
نزلت سولفت مع جواهر ,, وتعشينا .. عقب العشا .. شفت الساعه عشر رحت صوب التلفون ,,
أتريا اتصالك يا يوسف .. قعدت ع السرير أحك في ايدي وأتريا يوسف يتصل كل شوي أطالع صوب التلفون

,,
ترييت الين صارت عشر بالضبط .. قلبي فز ,, طالعت صوب التلفون ترييت اتصال يوسف ,, ترييت وترييت ,, الين صارت عشر وخمس ,,

حضنت التلفون وأنا أدعي يارب يتصل الحين ,,
طالعت صوبه وكل شوي أطالعه .. ما اتصل بي ,,
شفت الساعه عشر وربع حسيت قلبي بيوقف من الخوووف ..

اتصلت به ما رد عليه ,, خفت أكثر وأكثر .. اتصلت به بعد .. ما رد عليه ,,
الين صارت عشر ونص ,,

سمعت صوت التلفون ياني مسج ,,
قلبي فز .. وسحبت التلفون بسرعه ,, زين ما طاح ,,

شفت مسج من .. بلسم جروحي ,,
( حياتي أنا مابيي اليوم عندي شغل .. برد باجر بليل .. )

دمعت عيوني .. كل هذا وأترياك آخر شي ما تيي ,, شو شغله هذا بعد اللي ظهر لنا ..
رديت راسي لورا .. الله يحفظك يا يوسف .. بس ليش خوفني عليه جان يخبرني من أول ,,
بس الغايب معاه عذره .. يمكن فيه رياييل يمبه ,,

رقدت على أمل أنش وأعيش يوم أحلى عن اللي قبله ,, وغير عن اللي قبله ,, ملئ بالحياه .. خالي من الهموم والمواجع ..

قمت اليوم الثاني الظهر تسبحت ولبست .. وصليت نزلت أتغدا ,,
قلت : السلام عليكم ,,
عمي : وعليكم السلام هلا بعروسنا هلا ,, ...

الصراحه قمت أستحي على أي جمله تنقال الحين .. وقمت أحاسب وأخيل على تصرفاتي أكثر عن قبل ..
ياسر : مبروك حرمة أخويه ..
طالعته ابتسمت له : الله يبارك فيك ,,

قعدت أتغدا ,,
عمي : ياسر اليوم بليل يوم يرد يوسف انت سير عسب تجابل الشغل ,,
ياسر : بس أنا وراي جامعه ,,

عمي : عادي تقدر تاخذ يومين اجازه ,, حق تايلند خذيت اجازه ,,
ياسر يتنهد : انشالله .. يسوف بيسافر وياكم ,,
عمي : هي انشالله .. بس اذا الشغل توقف قال ما بيسافر ويانا ,,
ياسر .. : على خير انشالله ,,

يوسف لأأأ يوسف تعال ويانا .. أنا ما أروم أفارقك وانت في نفس البلاد .. عاد اذا رحت بلاد ثانيه شو بيصير .. يوسف لا تخذلني تعال ويانا ..

مر اليوم وأنا أفكر يوسف بيي ويانا ولا لأأأأ يا ربيييه ما اروم أعيش بدونك يا يوسف ..
خلاااص انت صرت لي عالمي ودنياي وكوني كلّه ..

رقدت وأنا أفكر بك يا يوسف .. أفكر في حبك ,, اللي تربّع و سِطا وسط الحنايا ,, أفكر في غرامك اللي ماكلني أكـــل .. ومسهرني الليل .. وينــكـ يا يوسف رد .. بسرعه مشتاقه لكـ موووت ..؟؟

رقدت وأنا كلّي أمل في شوفتك بكره ,, والله في غيبتك أعيش هموم ومعاناه ,,
قمت من النوم وأنا مستانسه ,, اليوم بشوف يوسف أمس بليل رد ,, يااااي اش كثر مستانسه .. برجعتك يسوفي ..

رحت تسبحت ولبست وكشخت ,, طلعت برا الحجره شفت جواهر قاعده ,,
استغربت ليش ناشه جواهر مبجر اليوم .. طالعتها : صباح الخير ,,.
جواهر : صباح النور ..
سألتها : تريقتي ولا لأأأأ

جواهر : الحمدلله تريقت ..
نزلت أتريق وأنا أفكر يوسف رد ولا لأأأأ يارب يكون رد ما أتحمل بعاده أنااااا .. صار مثل الهوا فـ حياتي اللي لا يمكن أستغني عنه ,, صار أنفاســـــي باختصار ..

خلصت ريوقي .. نشيت رحت فوق .. شفت جواهر وعدول قاعدين ..
رحت قعدت ع القنفه وشغلت التلفزيون وقلت : شو السالفه .. ع شو متيمعين ..؟؟

عدول متضايج : نوار اسمعي جواهر شو تقول ,,
قلت له : شو تقول هاي بعد ،، حتى انت حليلك ما سلمت من لسانها..؟
جواهر : أصلاً هي تقرب لي قبل ما تقرب لك ..

عدول معصب وينفي .. : لأأأأأ أختي أنا هب أختج سمعتي ,,
جواهر : لأأأأ تقرب لي قبل ما تقرب لك إنت ..
عدول شوي ويصيح : نواري سمعيها شو تقول .. أصلا انتي أختي أنا أكثر صح ..؟؟

قلت له وأنا أبتسم .. : هي حبيبي ,, وانتي ايه .. صخّي بلاج حاطه دوبج بدوب الياهل ..
جواهر تطالع عدول وتطلع لسانها : امممم ... أصلا هي حرمة أخوي قبل ما تستوي أختك ..

طالعتها فريت عليها الفروحه .. وقلت : صخي أحسن لج ..
عدول : أصلا انتي غبيه .. هذاك الأسبوع صارت حرمة يوسف .. أنا كنت قبل أخوها ..

جواهر تنفي .. : لأأأأأأ ،،، أصلا نحن نباها حق يوسف من قبل ما تنولد من يوم كانت في بطن أمها تعرف هالشي ولا لأأأ .. ويوم طلعت يوسف قال .. أباها يعني أباها ..
عدول ياه حضنني : نوار طالعي هاي شو تقول ..

قلت له : خلها هاي المخرفه مدري شو شاربه الصبح .. تبا تصيحك أصلاً ..
عدول : هي أنا ريال ما بصيح ,, ( وطلع لسانه حق جوجو .. )

مطيت خدوده وقلت : فديت الرياييل أنا ,, يلا حبيبي سير العب مع علاوي وعمور ..
راح عادل طالعت جواهر وقلت : انتي بلاج ع الولد ..

جواهر : محد عندي أطفره ,, جان أيّود عدول ..
قلت لها : لا حول ولا قوة الا بالله .. حشا انتي حتى لسانج متبري منج ..

جواهر : ههههه فديت حرمة أخوي اللي كلامها عسل يفتح الشهيه ..
وركضت صوب الحجره قبل لا أفلعها ,,

ابتسمت .. جواهر يوم نمدحها .. تسبنا .. ويوم نسبها تمدحنا .. حلو طبع هالانسانه يعجبني واااايد ,, أحلى شي فيها .. عندها قاعده تسميها ,, لا للهموم .. كل شي قاطتنه ورا ظهرها ,,

تميت مندمجه وأطالع برنامج صباح الخير يا بلادي ,, مدري في مقطع شدني له وايد ,, وتميت أطالعه ..
ما حسيت الا بظلام حااااااااااااااااالــــــــــك يدامي ويعم المكان ,,

تخرعت ,, قلت : منووووه ..؟
..........: حبيب حبيبتي ,,

هالصوت اللي أتمنى أسمعه في أحلامي بعد ,, هالصوت اللي يوقف الدم بـ عروقي ,, لكننه يرد لي الحياه في نفس الوقت ,,

شليت ايده عن عيوني وقلت ,, متفاجأه : يســـــــــــــــوف ..!!!
طالعني ودار حوالين القنفه وياه صوبي ,, وقال : فديت منطوقج .. يا حلو يسوف .. وانتي تنطقينها ..

استحيت منه ,, وايد .. قلت .. عسب أغير الجو .. : هههه منو هذا اللي اسمه حبيب حبيبته ,,
يوسف : واحد ولهان ما شاف حرمته من يومين ..

ويلس يمبي هالشي وترني .. قربه لي يوترني واااااااايد .. أحس بخوف وسعاده ,, وألم وشوق وكل شعور العالم وأحاسيسه تتجمع بي ..
قلت له وأنا مبتسمه ابتسامه صغيره : وليش ما شافها انشالله ,,؟؟
يوسف : مشاغل الدنيا لهته ,,

مدري كيف يتني الشجاعه .. وأنا أكلم يوسف .. يمكن شعوري بالأمان وياه يشجعني ,,!!
قلت : ليييييش مشاغل الدنيا أهم عنها ,,؟؟
يوسف : السموحه .. يا نونة مملكتي ,,

قلت له : أوكي .. يالملك متريق ,,
يوسف : من زمااان .. تريتج تنشين كنتي راقده فالعسل شكلج تحلمين بي صح ..!! ههههه
استحيت وما رديت عليه ,, طالعت صوب التلفزيون ,,

يوسف : أوكي نواري .. أنا بظهر تامرين بحايه ,,
قلت له : ما يامر عليك عدو .. بس ممكن سؤال ,,

يوسف : أمري ,,
قلت له : يوسف .. انت بتيي صلاله ولا لأأأ ..؟؟
يوسف : والله ما أظن ,,
طالعته وطلعت مني كلمة بألم .. : لييييييييش ؟؟

يوسف : لهالدرجه مهم أنا ههههه
قلت له : لا صدق جيييه ما بتيي ..؟؟

يوسف : الشغل واقف ويباله من يجابله .. غير شركة أبوج الله يرحمه كل مسؤولياتها علي ..
قلت له : الحين من كبر شركة أبوي الا هو مكتب وله فروع .. ويا ريت لو عود ..
يوسف : بس بعد الشغل شغل هب من مظهر الشركه ,,
قلت له : انزين برايك ..

نشيت عسب أدش الحجره .. شفت يوسف ولا عبرني .. ع الأقل ارفع معنوياتي .. قول المره اليايه بيي وياكم ,, انشالله تردون بسرعه الا هم كم يوم .. ولكن لا حياة لمن تنادي ..

حز في خاطري هالشي ,, دوم يوسف ما يعتذر ,, حتى ولو كان غلطان ,,, دوم أنا اللي أعتذر معنه أغلاطي تافهه وهب كبيره ,, وما تبا السموحه من أحد ,, بس يوسف أحسه مستحيل يتنازل ويعتذر حتى ولو لي أنا حرمته .. اللي باجر بكون كاتمة أسراره يمكن ..

رميت روحي ع السرير .. ما بكيت مدري ليش .. يمكن لأني خلاااص تعودت ع الصد والجفا ,, صار هالشي شي أساسي في حياتي ,, من كثر ما صدوني .. ناس وناس .. صار عادي عندي ,, حتى ولو سألت وما جاوبو على سؤالي ,, شي عادي ,,

قمت من النوم .. على أذان العصر ,, شفت حواليني تخرعت ,, أنا راقده من الصبح الين الحين ,, شفت الموبايل ,,
1 مكالمه لم يرد عليها ,,ومسج ,,
طالعت الرقم .. بلسم جروحي ,,
تذكرت اللي صار ,, وانه حتى ما حاول يرفع معنوياتي ,,
فتحت المسج .. شفت مكتوب ,, ( لا تردين برايج ,, )


لـ هالدرجه !! ,, انزين أنا كنت راقده ,, ولو متصل أكثر من مره يمكن سمعت ,, بس اهني مكالمه وحده .. بدينا جذا .. عاد شو نهايتنا ,,
تألمت في خاطري ,, طرشت له مسج ,, ( كنت راقده .. )

وقمت رحت الحمام تيددت عسب أصلي الظهر والعصر ,, لأني طوفت صلاة الظهر ,,
طلعت .. شفت الموبايل مثل ما هو .. ما في أي مسج يديد ,, ولا مكالمه ,,
صليت ,, قريت قرآن ,, بعده يوسف ما دز لي مسج ولا اتصل ,,

نزلت ,, شفتهم كلهم قاعدين ,, حتى يوسف وياهم ,,
قلت : السلام عليكم ..
الكل : وعليكم السلام ,,
عمي : صح النوم نواري ,,
قلت له : صح بدنك الغالي .. ورحت يلست يمب جواهر ,,

جواهر : حشا .. كل ها رقاد شو ما تشبعين رقاد انتي ..؟؟
يوسف : قولي ماشالله عن تصكين حرمتيه بعين ,,

استانست .. بس ياريت يوسف قالها بظروف أحسن ,, من جذا ,, هذا ومب صاير شي وتزاعلنا عاد لو يصير الله يستر ..
عمي : ها بنات تجهزتو حق باجر ,,
أنا وجواهر : هـــــــي ,,

مدري ليش قلت جذا .. يمكن عسب أحسس يوسف انه هب لازم اييي ويانا ..
يوسف : أبويه سيرو بالطياره سياره وحده ما بتسدكم ..
عمي : جيييه خلاص ما بتيي ,,؟

يوسف : هي ما بيي عندي شغل ,,
عمي : الله يوفقك ولدي ,,
يوسف : آمييين ,, يلا أنا ظاهر تامرون بحايه ,,
مرت عمي : ربي يحفظك الغالي ,,

يوسف وقف وقبل ما يطلع .. قال : نوره تعالي أباج ,,
قمت وأنا مستغربه ,, رحت وراااه لحقته الين وصل الحوي رحت له صوب سيارته ,,
فتح الباب وقعد .. وقال : اركبي ,,
ركبت .. قال : بعدج زعلانه ,,

قلت له : لااا خلاص انسى السالفه ,,
يوسف : انزين بس خلااص بس كنت بسألج هالسؤال ..

نزلت وبندت الباب بهدوو ومشيت بهدو الين داخل البيت ,,
يا برودة دمك والله يا يوسف .. كل ها اللي سويته ولا يهمك ,,

بس أنا الغلطانه يوم اني قلت اني هب زعلانه .. الله يسامحك ,, ألحين تعالي وأباج آخر شي ولا تهتم لي .. حتى ما حاولت تراضيني ..


رحت الحجره مالي بارض أقعد مع قوووم عمي ,, قعدت عاللاب شوي ..
حسيت روحي مليت من اللاب ومن التلفزيون من كل شي .. بس اللي أحس به ,, اني ضايقه ,, و أبي أحد يسليني يواسيني .. ينسيني الهــم ..

بس منووو ..؟ منو اللي بيحس فيني .. منو بيشاركني همومي وحياتي اللي عايشتها ,, حتى انت يا يوسف صرت مثلهم كلهم ,, أنا اللي ظنيتك حياتي ودنيتي وبنسى الهموم بقربك ,, صرت مثل الكل لا تحس ولا تشعر .. ماقول غير كافي جفا منك ,, يجي منك أكثر يا يوسف ..

.. قلت أنسى شوي .. رحت صوب الشنطه .. رفعتها ,, وبديت أحط أغراضي اللي باخذها وياي .. خذيت لي كم من بدله وجينزات وسوالف تكفيني هالأربعة أيام ,, باجر الثلاثه بنطع وبنرد الأحد بليل أو الاثنين الصبح ..

يا ريت لو نرد اليمعه ,, ما أستحمل بعد يوسف .. ياريت يبادلني نفس الشعور ..
قضيت وقتي وأنا أتجهز ,, الين الساعه تسع رحت تعشيت مع جواهر وعقب انخمدت .. لأنه باجر بنطلع الساعه ست الصبح ,, مدري ليش أحس روحي مستانسه ,,

عمي قال بنروح بسياره .. بتسدنا السياره لأنه ياسر بعد بيي وبياخذ معاه عموري وعلاوي وعدول .. أما أنا وجوجو بنركب مع عمي وحرمته ,, هذا غير الجنط اللي ويانا روحها يبالها مكان ,.. جوجو شكلها ماخذه كبتها وياها .. هههه

قمت على صوت جواهر وهي تحوس .. وتدور مدري على شو ..
قلت وأنا أتجلب : أووووووف شو تيبن يايه الحجره تالي الليل ..
جواهر : شو تالي الليل الساعه أربع الحين نشي تجهزي ,,

قلت لها : وعيني خمس ..
جواهر : ما بتلحقين ,,
قلت لها : ما بحط ميكب هب رايحه عرس ,,,,,أووووووووف بندي الليت وردي حجرتج ..
جواهر : انزيييييييييين ,, طلعت بس بندت الباب بقوه حسيت أذوني انطرت ,,
دعيت عليها ,, الله يبلاها بـ ريل يأدبها انشالله ,,

رديت رقدت الين خمس وربع ,, نشيت تسبحت وتلبست .. صليت الفير ,,
ما حطيت شي غير كريم حق الويه ومرطب مالي بارض ميكب ما ميكب ,,
جواهر دخلت الحجره : ها جاهزه ,,؟؟
قلت لها : هيه يلا ننزل ,,

جواهر متخرعه : لاااااااااا من صدقج تيين ويانا جذا بتفضحينا ,,
قلت لها : هي بيي جذا ,,
جواهر : حطي جحال ع الأقل وبودر ,,

قلت : ما يحتاي أصلا نحن بنتم في السياره الين ما نوصل ,,
جواهر : برايج ,,. انزين يلا ننزل ,,
نزلنا أنا وجواهر كانو عمي ومرت عمي وياسر واليهال متيمعين ,,
عمي : هااا بنات خلصتو ..

جواهر : هي ..
عمي : يسووور صح صح في الدرب سمعتني ..
ياسر يأفف : انتو مدري شاللي موعنكم الفير تبون تظهرونا ,,
عمي : بنوصل بليل صلاله بعيده فاآخر عمااان ..

ياسر : يلا اللي ييي وياي يركب ,,
عمي : تريا نتريق قبل ,,
ياسر يتنهد : انشاااالله ,, وباس عمي على راسه ,,
وقال : أشوف أنا راسي يابس ,, أثر طالع عليك هههه

عمي : انزين يلا تريق ,,
تريقت ع السريع خلصت أول وحده لأني ما شربت غير حليب ,,

رحت المطبخ أشرب ماي لأنه الماي كان بارد وايد ,, شربت ماي ,, تذكرت اني ناسيه كيمرتي ,, رحت فوق دخلت الحجره خذيت الكيمره ,,
يوم طالعه وأشوف الكيمره .. واذا داخل الجنطه فيه جراجه ,,

سمعت ..........: صباح الخير ,,
طالعت صوبه قلت : صباح النور ..
تجدمت عسب أنزل ,,

يااااه سحبني من ايدي ,, طالعته وقلت : نعم يوسف شو تبا ..؟؟
يوسف : انتي زعلانه صــح ,,!!
قلت له : لأأأأ ..

يوسف : نورو عن الخرط زعلانه ولا لأأأ ..؟؟
قلت له وأنا دموعي تهل : وانت شو تفسر موقفك .. ؟؟

يوسف مسح دمعتي : مابا أشوف دموع في عينج حياتي ,,
صديت ويهي الصوب الثاني ,, .. رد لف ويهي عسب أطالعه ,,
قال : أنا آســــــــــف .. ،،، رضيتي ,, وانشالله تردون بالسلامه ,,

مسحت دموعي طالعته وقلت : مسموح ,, يلا مع السلامه ,,
ما عبرته ,, ونزلت بسرعه ,, معنه كسر خاطري أشك انه زقرني ,, بس خل يعرف ماني بلعبه يلعب فيها وقت ما يبا يزعلها يزعلها ووقت ما يبا يراضيها يراضيها ,,

شفت كلهم خلصو ريوق ,, عمي : يلا ياعيال روحو اركبو .. الأغراض في السياره .. ؟؟
مرت عمي : هي .. يلا توكلنا ,,

طلعنا أنا وجواهر مستانسين .. ركبنا السياره ,, يوم عمي ركب وحرك السياره ,,
طالعت من الجامه برا ,, صوب البيت .. والله أحبك يا يوسف غصب عني سويت جذا ولا أنا ما زعلك يا غلا الكون كله ,,

سهيت شوي .. وعاني صوت التنبيه على وصول رساله نصيه جديده ,,
فتحتها وقريت الرساله .. ( أحبج نــــواري .. ربي يرعاج ,, ديري بالج ع روحج .. )

دموعي بغت تهل ,, بس مقدر أنزلها الظروف ما تسمح الكل شو بيقول ,,
ندمت ليش اني عاملتك جذا ,, مدري كيف قلبي طاوعني أصدك اليوم .. ولا أنا هذا هب طبعي يا يوسف ,,
رديت له مسج ,, ( تهمني والله تهمني ,, كذاب أنا يوم أقول انك ما تهمني .. ترا بعادك يالغلا عنّي .. يذبحني ويبعثرني .. )

شفت الدرب .. تميت أطالع يمين ويسار ,, بعد ثلاث ساعات أو أربع تقريبا وصلنا الحدود وبعد الاجراءات المعتاده ,, دخلنا عمان ,, بس يبالنا وقت الين ما نوصل صلاله لأنها آخر عمان ...

حاولت الهي روحي بأي شي بس للأسف ما قدرت .. كل همي بـ حبيب قلبي يوسف ..
أخر شي رقدت مدري كم ساعه يمكن جريب النص يوم لأنه صلاله آخر عمان ,, نشيت طالعت روحنا في مكان حلوووووووو أخضر .. جنه جنه بمعنى الكلمه ,,

كلّه ضباب روووعهـ خبااااال المكان ,, تمنيت أنزل هاللحظه من السياره ,, كانت الدنيا ليل وما نقدر نشوف برا عدل بس الخضر يبين شوي .. والضباب مانع للرؤيه ,,

وصلنا لـ مكان.... و وقفنا ,,
عمي : يلا الحمدلله وصلنا بالسلامه ,,
نزلنا كلنا رحنا ورا عمي .. كنا حاجزين من الشقق الفندقيه عسب نتم مع بعض ,,

دخلنا ’’ عمي أشر على حجره .. رحنا أنا وجواهر حطينا أغراضنا ,,
جواهر راحت تسبحت وأنا بعد .. عقب طلعنا عسب نتعشا .. عمي كان طالب العشا ,,

حطينا العشا تعشينا ,, أنا وجوجو في حجره .. وعمي وعموه في حجره .. ويسور مع الحشاكل في الصاله هع ,, بس عقب ثواني عمي قال حصل حجز يمبنا جان يسور والعيال يروحون الشقه اللي يمبنا ,,

جواهر حطت راسها ع السرير .. ورقدت على طول ,, طول الدرب ماشالله عليها واعيه ,,
أنا تجدمت من الشباك .. حطيت راسي عليه وتميت أطالع برا ,,

أتذكر يوسف حبيبي .. آآآه ه ه اش كثر اشتقت لك يا حياتي ,, هالحزه رن فوني .. رحت صوبه ..
بلسم جروحي يتصل بك ,,
استانست .. رديت بسرعه ,,

قلت : هلأأأأ ,,
يوسف : أهلين حياتي .. ها وصلتو ..؟؟
ابتسمت : هييييه ..
يوسف : ها شو صلاله ,,؟؟

قلت له : هب شي بدونك ..
يوسف : هههه فديت منطوقج ,,
قلت له : تدري أنا يمب الدريشه وقاعده أطالع برا ..

يوسف : وأنا بعد .. بس أنا قاعد أشوفج ..
قلت له : اممم صوره ولا شقايل ..؟؟
يوسف : هههه كلما أشوف القمر أتذكرج ,,

قلت له : بس الشمس أحلى ,,
يوسف : لأأ نواري أحلى عن الكل ,,
استحيت وقلت : هههه والله خاطري أرد دبي ..
يوسف : لأأأأ الامارات حررر خلج في صلاله هههه

قلت له : هههه لو أروح الشمس وياك ترا عادي المهم وياك ..
يوسف : ما نقدر ع الرمسه الحلوه هههه
قلت له : يسووووف لا تلعوزني ,,

يوسف : هههه أوكي حياتي ,, أقول حياتي بتصل بج باجر أوكي ..
قلت له : بترقد ,,؟؟
يوسف : هيه وانتي بعد ارقدي ,,
قلت له : انشالله ,,

يوسف : احلمي فيني أوكي ..
قلت له : هههه من عيوني ..
يوسف : تسلم عيونج ... يلا فمان الله
قلت له : فمان الكريم ,,

سكرت التلفون .. حضنته وأنا قاعده أطالع برا ,, شكله الجو حلو برا ,., حطيت راسي ع الزجاج ..
لاحظت انه بدا ينفنف .. طالعت النفاف حلووو وايد ..لفيت شفت جواهر راقده .. نعست جان أروح صوب السرير وأرقد ..

ما حسيت بروحي الا وصوت عدول وعلاوي يقولون : مــــــــــــطـــــــر مطر ,,!!
قمت طالعت صوب الدريشه .. بالفعل فيه صوت ,,
تجدمت فتحت الستاره ,, الجو حلو وااااااااايد ..فتحت الدريشه ,, طلعت ايدي ..

قطرات المطر .. قاعده تحتك بجلدي .. جنها تداويه ,, يا حلاه المطر ,, حلو واااايد ..
رحت تغسلت وتسبحت ولبست .. طلعت من الحجره ,, شفت الكل يتريق في الصاله ما عدا ياسر .. أكيد راقد في سويتهم ..

قلت : صباحم ضباب ... في أحلى صلاله هههه
عمي : صباحج مطروبرد ..
قلت : أوووه أووووه قويه عمي ..

جواهر : بابا عن تسمعك ماما ,,
مرت عمي طلعت من الحجره : سمعت اسمي أنا ,,
قلت : هي عموووه ترا عمي قال بيطلعج روحج ..

مرت عمي ضحكت وعمي بعد ضحك ..

عقب الريوق تلبسنا وتجهزنا ,, شليت الكام ويايه .. وجواهر بعد شلّت مالها ,, طلعنا عسب نحوط ,, رحنا صوب جبل ,, ما نقدر نشوف السيارات اللي يمبنا من الضباب وروعة الجو .. هالمكان خياااال روعه ..
تجدمنا وصل مكان فووووق فووووق حلاتـــه ..

نزلنا من السياره .. أنا وجوجو رحنا في صوب عسب نصور المكان اللي هو روعه ..
وتمينا نصور ونصور .. عقب فرشنا وقعدنا قضينا يومنا ونحن نتجول في أرجاء هالمكان .. وطول الوقت أنا وجواهر نتصور .. حلو المكان وااااااااااااايد ,,

عقب رحنا صوب بعض المطاعم عسب نتعشا .. تعشينا عشااا لذيذ .. عقب ردينا الشقه عسب نرقد وباجر ننش وندور مره ثانيه ,,

ترييت اتصال يوسف لي .. ترييت وترييت بس للأسف ما اتصل بي .. ورقدت ..
اليوم الثاني نشيت الصبح .. شفت يايني مسج ,, من بلسم جروحي ( حياتي مشغول وايد ما اقدر أتصل بج .. )

تنهدت ,, أأأأه اش كثر أحبك يا يوسف مووووووت أحبك .. ومووووت أهواك ..
تريقنا وقعدنا نسولف حزة الضحى .. طلعنا رحنا صوب هالنافوره الطبيعيه اللي كل ما يشتل الموج تعلا أكثر وأكثر .. شكلها طرررررر ..

صورناها أكيد .. طول الوقت يوم نطالع يسور .. مندمج مدري بـ شوه ..
جواهر : بلاه هذا ,,...؟؟

قلت لها : مدري عنه من أمس جذا ,,
جواهر : موجنه السماعه في اذنه ,,
قلت لها : أكيد عاد يرمس أحد من البلاد ..
جواهر : هههه أكيد ربيعته .. ميثاني أكيد بتذبحه ,,

طالعتها وقلت في خاطري .. خبرج عتيييج يا جواهر .. ياسر يحب ميثاني وااايد .. لو يرمس
ويا بنات العالم ميثاتي غير عنده ..

قلت لها : تعالي نروح هاك الصوب ..
جواهر : يلا ,,
تمشينا شوي ..

قلت : جوجو في استيشن سودا رقمها مال الامارات تعالي نرد ..
جواهر سحبتني : شو يعني عادي شو بيسوون بنا يلا ..
تجدمنا وتجدمنا ابتعدنا شوي عن الأهل .. خفت ,,

الاستيشن راعيها تم يديم مدري ليش ..
فتح باب السياره واحد وقال : نوره ...
طالعت صوبه .. عرفته ....... هذاااااااا هوووه .. بس سويت روحي ما أعرفه ,,

قلت : جوااااهر قمنا نرد هذا ولد خالي اسمه سلطان ,,
جواهر : يلا نرد مب ناقصين رمسات بعد ,,
ردينا .. جربنا صوب الأهل ,, ونحن ماشيين ..

ما حسيت الا بيد تضمني ... تخرعت صديت وراي ..
فتحت حلجي مستغربه وقلت : شوووووووووووواخ ..
شيخه : هي شوااااااااااخ ..
قلت : شخبارج حياتي ,,
شيخه : بخير ومن صوبج ..

قلت : تمااام .. شو هالصدف العجيبه ...؟؟
شيخه : ها مع منووه يايين هههه ؟؟
قلت لها : مع قوم عمي ,, وانتي .. ؟؟

شيخه : مع ريلي هههه ..
جواهر ابتسمت : هي رمّست منى قالت لي أخوي وحرمته بيروحون صلاله ..

شيخه : هههه يلا صدفه عجيبه .. صــــــــــح !! نورو مبروووك مبروك ..
قلت لها : الله يبارج في حياتج غلايه ,,
قعدنا مع شواخ .. صديت شفت صوب قوم عمي ..

مبين مانع ريل شيخه وياهم .. ومعاه واحد .. ركزت هذا سلطان .. بس الظاهر سلطان ياي مع ربعه صلاله هب مع الأهل ..
قلت : هااا شواخ ما فيه شي في الدرب ,,
شيخه : لا لا ,, لو فيه جان ما بدق خط هههه

قلت : صدقج ..
شيخه : يلا انشالله بنحظر عرسج ,,

طالعتها ابتسمت لها ,,, يالله اش كثر أحب هالانسانه .. وأحب معدنها ..
مر اليوم ونحن مع شيخه والشباب مع مانع وسلطان وربعه ,,

جريب المغرب شلينا قشارنا .. والكل تم يرد لسيارته ,, ودعت شواخي فديتها ,,
رحت صوب السياره .. الظاهر ولد خالي سلطان قاعد يساعد ياسر ,,
سلطان : اشحالج نوره ,,؟؟

قلت له : تمام ,,
سلطان : مبروووك عالملجه ..
قلت له : الله يبارك فيك ,,

وركبت السياره ,,,
جواهر : يالله نواري اش حلاته ,,

قلت لها : ماماتيه الشكل هب كل شي ,,
جواهر : ميبي .. أوكي ترانا يوم نرد اليوم نقول حق يسور يتصل بالجوهره نرمسها ..
قلت لها : أوكيييييييه ..

وتميت أفكر ليش يوسف ما دق .. ولله المكان اهنا حلو واااايد وشي .. بس ناقصنه سكر حياتي يسوووف ..

ردينا السويت .. خلينا يسور يتصل بـ الجوهره رمسناها .. بغيت اصيح تذكرتها ,, مب باجي شي عسب يردون .. يوم الأحد بترد الامارات ,, والله بتنورها فديتها ,,

رحت صوب الدريشه كالعاده .. وأنا أطالع صوب الدريشه وأتذكر يسوف وليش ما يدق علي ,, والله اشتقت له واااايد .. معقوله ما يشتاق لي يعني ..

طالعت برا .. الدنيا قاعده تنفنف .. سبحان ربي محلاها هالأرض ,, خضره و ماي .. وشلالات يعني هب عوده عوده بس تهبل واااايد .. يقولون ماليزيا بعد حلوه وفيها أماكن طرر بس يلا انشالله أروح الها يوم ..
تذكرت .. يوم أنا وشواخي صغااار ابتسمت .. كيف كنا نحلم ونقول .. شو بنصير يوم نكبر

سندت راسي ع اليدار .. دموعي بدت تهل .. مدري شوق ليوسف .. ولا تذكرت أبوي الله يرحمه ولا شواخي كيف صارت حياتها غير .. مثل اللي كانت تتمناه ,, الله يوفقها ,,

رحت صوب السرير ,, وما حسيت بروحي الا وجواهر توعيني ..
قمت .. تسبحت ولبست .. قالو بنطلع ,, عقب الغدا هالمره ,,
تمينا الصبح أنا وجواهر نفضي الممري من الصور .. ونحطهم عاللاب ,,

عقب ما تغدينا طلعنا رحنا صوب كلّه شلالات .. روعه المكان ..
رحت تجربت صوب الماي وتميت أطالع فوق .. يت قطرة ماي عليه .. مسحتها ..

يالله اش حلات هالمكان رووووعهـ بالفعل يغير نفسية الواحد .. طالعت صوب مجموعة ورد بعيده عنا شوي ,,
رحت تجدمت من الورد ومعاي الكام .. تميت أصور الورد ,, صورت وصورت ..
الين مليت قعدت ع الحشيش ,, حسيت لبسي كلّه تبلل بس عادي يلا ,, ما يهمني جي ولا جي خايسه ,,, الدنيا كلها وحل ,,

قربت روحي من الورده ,, قطفتها ,, قلبي عورني .. هاي معطيه منظر حلو للمكان ليش سويت جذا ..
بس عقب قلت بجففها وبحطها ذكرى طول عمري ,,

رفعتها قربتها صوب ويهي وطالعتها ,,
شفت عليها ندى .. يالله محلا الندى اللي معطيها حلا ,,
لولا هالندى ما كان لـ هالورد قيمه ,,

جان أقول ليش صورت الورده شكل وبس .. المفروض يوم أصور الشي أصور أحلى جوانبه ومعدنه .. المفروض تفكيري ما يكون سطحي .. مفرووض أتعمق بالشي ,, وأستعمل هالأسلوب في حياتي مع يوسف .. يمكن بيكون لها حل ..

يودت الكام وصورت الورد بالندى اللي عليه ,, ومن جانب وزاويه يعطون معنى للصوره ,,
تميت أجلب بالصور .. ركزت بين صورة الورده بدون ندى واللي مع الندى ...

اهني تذكرت ,, شي يشبه الورد .. هذا خدي ,, بدون دموع ما يروم يعيش ,, بدون هالدموع ما بيكون لخدي قيمه ,, وبدون هالندى ما بيكون لوردي قيمه ,,

أنا والورده فينا صفات متشابهه جداً فينا أشيا كثيره مشتركه ,,
اذا هملناها تذبل ,, واذا شفناها من شوفها ما نمل ,,

هذي الورده .. تشبهني في أشيا كثيره ,, حسيت روحي بحط هالورده بأغلى مكان عندي مدري ليش همتني هالكثر ...

صحاني من خيالي يوم حسيت بيدين على عيوني ..
حاولت أشلها وصديت وراي .. تخرعت ,, وقلت : يسوووووووف ...؟
يوسف مبتسم : هي يسوووووف .. هههه حبيب نواري ..

صديت قلت : أنا زعلانه ما تتصل بي بعد ,,
يوسف : واذا ما اتصلت الا لأني بيي عند حبيبة قلبي ,,
طالعته استحيت قلت : والله فاجئتني ,,
يوسف : حلوه المفاجئه ,,

قلت له : فوووووق ما تتصور ..
يوسف شاف الورده سحبها عني وقال : في منو تفكرين ..؟
قلت له : حزر فزر هههه

يوسف : أكيييد الشيخ يوسف ..
قلت له : هههه والنعم والله .. عطني الورده لا تخربها حرااام ..

جان يطالعني وقال بأسلوب يذوب ويابها ع شكل شله : مـنّــكـ يغــــار الــــورد يــا ورد ..

حسيت روحي بموت من أسلوبه قلت له : بس انت ماي هالورد .. لو أهملته بيموت .. وانت الرحيق اللي يطلع من هالورد ..

يوسف : فديت منطوقج والله ..
جان يزخ ايدي وتمشينا .. رحنا صوب الشلالات شكلها طرر وتمينا أنا ويسوف نصور المكان وأصوره ..
يوسف : أحس روحي هندي كل شوي اتصور ههههههه
قلت له : عسب تتم ذكرى ..

يوسف : حق عيالي صــــ !! ـــح
استحيت منه جان أقول : تعال تعال شوف هاك اليبل شقايل خضر ,,
يوسف ياااه صوبي .. وقال : ترا نحن قراب عن السعوديه .. أبها جريبه عنا وايد ..

قلت له : صدق .. قمنا نسير ابها ..
يوسف : راقده انتي .. يبالنا عاد نتم أيام وايد ..
قلت له : اوووف شو هالدوامات اللي تذبح ..

يوسف : هههه تراني باجر برد الامارات ,,
طالعتها متفاجأه والحزن بعيوني ,, : هاااااه ..؟؟
يوسف : والله ما ييت اليوم الا عشانج ,,

قلت له : انزين يوم الأحد نرد رباعه أحسن ,,
يوسف : مليتي من صلاله ولا بعدج ..

قلت له : بصراحه عــــــاااد مستحيل الواحد يمل في صلاله .. بس بدونك حتى بانكوك ملل ,,
يوسف : هههه فديتج ,, انزين وين جواهر ,,
قلت له : تعال نروح صوبهم ,,

مشينا أنا ويوسف صوبهم .. رحنا عند قوم عمي .. هم شكلهم يعرفون انّه ياي .. وكان مسلم عليهم قبل ما ييي صوبي .. بس أنا كنت سرحانه ..
قعدنا ,, عقب جواهر قالت : أنا برد باجر ويا يسوف ,,

عمي : اسألي يوسف يردج ولا لأ ,,
جواهر : هااا يسوف تردني ..
يوسف : جييييه مليتي ,,
جواهر : هيييه ,,

قلت في خاطري نو وي جواهر تمل من السفرات .. أكيد يوسف راشنها عسب جذا قالت ملانه ,, يوم بنرد البلاد يطلعها طلعه لا صارت ولا استوت ,, هههه هاي جوجو ..

يوسف : لو نواري بتيي ويانا موافق ,,
طالعت عمي وقلت : الشور شور عمي ..
عمي : أنا موافق عن نفسي .. بس تاخذون وياكم جواهر ,,

أكيد عمي يوافق أول شي لأنه مالجين وثانيا جواهر بتيي ويانا ,,
والله اشتقت لدبي وااايد .. قمت ما اروم أفارقها ثواني .. عاد لو أيام الله يعين ..
يوسف : يعني خلااااص نورو وجواهر باجر تجهزن بنطلع الساعه تسع الصبح ,,

أنا وجواهر : أووكي ..
قعدنا نسولف كلنا وعمي تم يعلق علينا يوم نحن يهال شو نسوو وكيف حركاتنا ’,’, استانست الصراحه سوالف عمي خباااال ,, غير اني أنا عاااد كنت أم كشه .. والله فضيحه ..

تمشينا شوي واستانسنا .. حتى يوسف طول الوقت كان وياي ما قصر .. فديته يااااي عشاني ,, هههه
الين بليل تمينا وعقب ردينا الشقه .. أنا وجواهر ,, رحنا حجرتنا ,,
جواهر فرت روحها ,, ع السرير .. وقالت : وأخييييراً باجر بنرد البلاد ..

قلت لها : كنتي تعرفين من قبل صـــح ..!!
جواهر : امممم نوعاً ما هو مخطط عليج ههههه
قلت لها وأنا أفسخ عباتي ,, : أحلى مخطط بعد .. ههههه

جواهر : تدرين يسوف أبد ما يمزح ويانا .. دوم في كل شي جااااد .. الا وياج أحسه عادي ,,
قلت لها : صلي ع النبي عن تصكينا بعين هههه
جواهر : هههه أنا سايره أتسبح ,,

قلت لها : حرااام اليوم بدش قبلج .. ريلي اهني هههه ..
جواهر : بس هالمره مسامحه ,, لأنه ريلج اهني لو انه مب اهني كنت بفرج من الجامه هههه

قلت لها وأنا ماخذه ملابسي وأدش الحمام وانتو بكرامه : الله يعيني على هيك حميّه شو غليزة .. ما بتنبلع
جواهر : ههههه دشي دشي عنلااتج ألحين بفرج من الدريشه ..

...... تسبحت وطلعت بدلت .. لبست بجامه .. وسحيت شعري رفعته بقباضه .. حطيت كريم مرطب ومرطب شفايف !! عقب صليت العشا لأني هب مصلتنه .
.
رحت وقفت صوب الدريشه .. تميت أطالع برا ..
شو حلو المنظر من اهني ,, السياير رايحه وراده ما يبين غير ليتها أما الباجي معتم وضباب ..

بدا ينفنف ع الخفيف .. حسيت بالبروده معني داخل ,, رحت قعدت ع السرير .. وتلحفت .. تذكرت كل شي صار اليوم .. كل موقف كل حرف قال لي اياه يوسف .. استانست حمدت ربي انه يوسف من نصيبي وأنا من نصيبه .. يوسف غير غييييير عن الكل ..

قطع علي تفكيري صوت جواهر : نواري يوسف يباج ..
طالعتها وقلت : انتي مو توج كنتي تتسبحين ..؟

جواهر : صح النوم ماما .. أنا طلعت ورحت قعدت مع يسوف ويسور وانتي بعدج سرحانه ,.
طالعتها : صـــدق ..

جواهر : اللي ماخذ عقلج يتهنا به ..
طالعتها : مالت .. أقول اختاري أي مخوره ألبس ,,

جواهر : اطلعي بالبجامه عادي لاااه ..
قلت لها : اجلبي ويهج .. ألبس الورديه ولا السوده مع البيج ..
جواهر : الأسود مع البيج أحلى ..

قلت لها : أوكي .. ممكن الحين تطلعين ..
جواهر : معـــــــــقده ,,

قلت : هب هبله شراتج انتي وميثوه .. ماشي مستحا ,,
جواهر : انزين انزين .. خذي راحتج أووووف ..

لبست وكشخت ع الخفيف .. طالعت روحي في المرايه ,, قلت ما بحط غير جحال وقلوز ,, ع السريع حددت عيوني بالجحال .. وطلعت ,,

شفت يوسف وجواهر قاعدين ,,
جواهر دوم صنم يدام يوسف مدري ليش تخاف منه ,, معنه وايد طيب ..
قلت : أهلين ..

يوسف : هلا والله ,,
رحت قعدت يمب جواهر ,, وقلت : بلاااج ..؟
جواهر : ماشي ,, يلا أنا سايره داخل ,,

راحت جواهر ,,
يوسف : نواري سيري البسي عباتج وييبي وياج شال لأنه برد,,
قلت له : جيييه بنطلع ,, ؟؟

يوسف : انتي سيري ييبي لج هالأشيا وتعالي ..
طالعته وقلت : أوكي ,,

رحت البس عباتي ولفيت الشال ع رقبتي ,,
جواهر : طالعين ..
قلت : هيه ,, تيين ويانا ..؟؟

جواهر : لا شو بكون رزه عقب ..
طالعتها : ماشالله من متى جواهر عندها مذهب ..
جواهر : هههه سيري قبل ما أفرج من الدريشه ..

قلت : اتهبين ريلي ويايه ..هههه ... وطلعت ..
يوسف قام بهيبه .. وقال : ها خلصتي ,, نمشي؟؟
قلت له : هي خلصت ,,

تجدمنا من الباب ,, يوم يوسف فتح الباب أشر لي أتجدم واطلع قبله ..

طلعت قبله .. لف سكر الباب .. وطلع وقف يمبي ,, يوم نحن نازلين ,, مسك ايدي.. يوم مسك ايدي ,, رفعت راسي عسب أطالعه ,, طالعته ,,عيني طاحت بعينه جان أسحب ايدي ,,

شو كااانت مشاااعر نوره بهاللحظه ,,, وكيف بترد ع يوسف هل بحنيه مثله أم راااح تعامله عااادي ..

الحلقه السابعه عشر ..



معني أتمنى اني أمسك ايديه طول عمري ,, وصلنا تحت .. قال : يلا نواري اركبي ,,
قعدت فالسياره حسيت روحي يوم أرمس دخان يطلع من حلجي .. حلاته هههه ..

يوسف ركب .. وشغل السياره ,, بند الدرايش ,, السياره مخفي ما يبين شي .. حتى أنا يمكن ما أقدر أشوف برا من الظلمه ,,

طالعت يوسف .. طالعني ,, وقال : هـــا تجهزتي .. حق باجر ,,؟؟
قلت له : لأأ بس أغراضي هب وايد ,,
قال : أغراض الذكيه اللي وياج بتعبي السياره ,,

قلت له وأنا أضحك : ههههه حرام عليك عاد هب جذا ..
بس ضحكتي وقفت يوم يوسف تم يطالعني مبحلق مستغرب والله مدري عنّه ,,

لفيت ويهي مستحيه ,, ما رمت أحط عيني بـ عينه ,,
يوسف ياب ايده ع ويهي ولف ويهي وخلا عيني تيي بعينه ..
قال لي : فديت هـ الضحكه والله .. دوووم انشالله ..

نزلت راسي مستحيه .. بديت أفرك ادي في بعض ,, رفعت راسي قلت ,, : يـــوسف ..
قال : لــــــــبـــــــيـــــــــه ..
قلت : لبيت حاي انشالله .. ,, باجر الساعه كم بنطلع ,,؟؟

يوسف دقني ع راسي بالخفيف وقال : ويا راسج أفهم أنا انج تبين تغيرين السالفه .. ههههه
قلت لها : هههه عاد غيرها أحسن لك ..

يوسف : نواري تعالي نروح مشي عند محل هالآيس كريم ,,
قلت لها برعب : آيــــــــــس كريم مره وحده في هالبرد ..

يوسف : حلاته انزين ,, يلا ننزل ..
نزلت وياه .. تمشينا ونحن طول الوقت نمشي ..
فجأه يوسف بدا يكح ,, قلت له : صحه .. ليكون مرضت من الجو .. ؟؟

يوسف طلع بخاخ من جيبه وبخه في فمّه .. طالعته مستغربه ,,
يوسف : دوا الربو ,,
قلت له وأنا أشهق ومتخرعه : ايييييييييه .. عندك ربو ..؟؟
يوسف طالعني : جيييه ما تعرفين ,,

هزيت راسي بالنفي ,,, وقلت : عاد يلا نرد قبل لا يزيد عليك ,,
يوسف يود ايدي وقال : فديت اللي يخافون عليه والله ..
قلت له بالغلط : يفداك كلّي وربي ..

يوسف قرب راسه عني وقال : عيدي عيدي ما سمعت ,,,
قلت له : سلامات ما تشوف شر ,,
يوسف : هههه يالمكاره ,,

رحنا محل الآيس كريم .. خذينا لنا آيس كريم ,, ما خليت يسوف ياكل ماله الا يوم يذوب هع أحسن ,, وعقب ردينا السويت مشي .. كان الجو روعه وبرد نفس الوقت .. لكنني مع يوسف أحس بالدفا ..

دخلت الحجره شفت جواهر راقده ,, رحت غيّرت .. ورقدت .. من التعب ما حسيت الا بمرت عمي توعينا ,, طالعت الساعه .. شفت الساعه ثمان ,, رحت بسرعه تسبحت ولبست ، .. لبست عبايتي ,, وطلعت الصاله عسب أتريق .. أنا وجواهر تريقنا ,, وعقب رحنا حطينا شنطنا في صوب ,,

طلعت من الحجره .. شفت يوسف داخل ,, ولابس وكاشخ ,,
جان ييي يسلم على أمه ويبوس راسها ,, وطالع صوبي ..
قال : ها جاهزين ,,؟؟
قلت : هيييه ,,
مرت عمي : تريق انزين ولدي ..

يوسف : مابا بس صبي لي جاي ,,
قلت : هاااه جاي ع الريق ,, عمووه صبي له حليب أحسن ,,
مرت عمي : هههه فديتج .,. يسوف شكلها يت اللي بتعلمك النظام ,,

جواهر طلعت : هذا اذا هو ما خربها وعلمها الكسل هههه
يوسف : صخي ولا تراني بودرج في صلاله ..

جواهر : لا لا .. أبا أرد دبي ربيعاتي هنااااك ,,
يوسف : ترد حق ربيعاتها هب لأنه هلها اهناك ..
مرت عمي : الله يهديكم ,, حبيبي يوسف تامر بحايه ثانيه ,,

يوسف : لا الغاليه .. بنطلع الحين ..
مرت عمي : في أمان الله ..
يوسف راح باس راسها : في أمان الكريم .. وين الوالد
مرت عمي : راقد حليله متزجم ..

يوسف : هيييه سلامات ما يشوف شر تبيني أوديه العياده ..
مرت عمي : لا حبيبي انتو سيرو ياسر عندنا
يوسف : زين يصير أي شي اتصلو بي .... يلا بنات ,,

نزلنا أنا وجواهر مع يوسف ويوم وصلنا البنايه تحت يوسف تم يمبي وقال بصوت واطي ,,
يوسف : تغشي ,,
طالعته استغربت .. بس بعد تغشيت مدري ليش .. معني ولا مره في حياتي تغشيت ,, بس يوسف لو طلب عنيه أفر روحي في البحر بفر روحي .. علني أفدااااه ,,

تجدمنا .. ركبنا السياره ,, هالمره ركبت يدااام .. مع يسوووف ..
يوسف على طول لبس النظاره ,,

جواهر : زين يبتها وياااك ..
طالعتهم مستغربه ,, جواهر قالت : ترا ريلج نظره هب أوكي ,,

هاي أول مره أسمع هالشي عن يوسف ,, أول مره أعرف انه نظره خفيف ,, وغير جذا عنده ربو .. صج الزمن فرق بينا ,, بس يالله الحمدلله انه رد جمعنا مره ثانيه ,,
لو أردى صفات العالم فيك يا يوسف جان خذيتك .. بس الحمدلله انك سيد الرجاااال كلهم ..

شفت جواهر راقده .. على طول رقدت ماشالله عليها ,, أنا ما ياني رقاد .. غير انه يوسف ساكت من ظهرنا ما قال ولا ربع كلمه ,, يمكن هذي بعد من عاداته ,,

حاولت ارقد ما ياني رقاد .. تميت أطالع صوب الشارع .. سرحت شوي ,,
حسيت بالسياره قاعده توقف بمكان صديت شفت يوسف وقّف السياره عند محطة بترول ..
يوسف : تبين شي ..؟

قلت له : لا .. يمكن جواهر تبا .. بس جواهر راقده ..
يوسف : أوكي ..

نزل يوسف دخل المحطه ,, وظهر معاه أجياس ,, ركب عطاني اياهم ,, حطيتهم ,,
يوسف حرك السياره ,,
قال : طلعي البيبسي ,, وافتحي لي اياه ,,

قلت له : بيبسي ,, !! هب أوكي يسوف انت روحك مريض ,,
يوسف طالعني ابتسم .. : خلاااص انزين هههه ... عطيني سفن آب ,,
قلت له : لا والله شو الفرق ,,

يوسف : نورو أنا متعود .. يلا افتحي لي اياه ,,
طلعت البيبسي من الجيسه ,, وفتحته حطيته مكان المشروبات اللي فالنص ,, ابتسمت ,, خلاااص حياتي صارت مثل حياة أي وحدة متزوجه .. وعايشه بسعاده الحمدلله ,,

يوسف : كلي شاري أكل بعد ,,
قلت له : مب مشتهيه ,,
يوسف : يا ربيييييييه من هـ البنيه عنيده ,,

قلت له : هههه حرام عليك ,,
يوسف بدا يسولف سوالف عاديه .. مواقف طريفه في حياته وأنا بعد قلت له بعض الأشيا ,, الين تعبت من الدرب ورقدت .. بس كان يقطع علينا وقت الصلاه نصلي ونرد نقبض الخط ..

ما حسيت بـ روحي الا ويوسف يهزني ع الخفيف وبصوت واطي ..
يوسف : نواري حبيبي قومي وصلنا الحدود ,,

فتحت عيوني وشفته ابتسمت .. عدلت شيلتي .. طالعت جواهر راقده وعيتها ..
خطفنا الحدود ..

جواهر : بــــــــل كل هذا أنا راقده ,,
قلت : صكّت روحها بعين هههه ..
جواهر : هممم يعت شي أكل ,,

عطيتها جيسة الأكل معنه البارد سخن والساخن برد ... يلا يمشي الحال ..
وكنا في دربنا لدبي ,, جواهر كانت مشغوله .. تطرش مسجات حق ربيعاتها .. أنا تميت قاعده .. ساكته مدري شو اللي خلاني أسكت .. عقب بدت جواهر تسولف معاي عن الطلعات .. وكيف عشنا هـالـ كم من يوم .. بصراحه كانت سفره ولا أروع .. لأنه يوسف معاي ,, فديته ,,

جربنا عن دار الحي ,, يوسف فتح جامته ,,
جواهر : فديته جو داريه محلاه ..
قلت : الشارجه أحلى ,,

جواهر : يلا مناك .. دبي أحلى ,,
يوسف : صخي انتي وياها لأفلعكن وأطلعكن من السياره ,,
أنا وجواهر ضحكنا مع بعض ,,قربنا عن منطقتنا أو بالأحرى فريجنا ..

بدينا نرتب أغراضنا .. و وصلنا البيت ,..
جواهر نزلت أول وحده .. عقب أنا نزلت .. يوسف تم في السياره ,,

جواهر فتحت الباب .. دخلنا .. كل واحد راااح حجرته ,, رحت على طول طيحت عباتي ,, ورحت صوب الحمام .. رحت تسبحت وغيرت .. طلعت مشطت شعري .. كانت الساعه 2 بليل .. لأنه صلاله بعيده وايد ..
طالعين من الصبح وتونا وصلنا بدون ما نوقف الا للصلوات ..
طلعت من الحجره .. شفت يوسف توه قاعد يصعد ..

طالعني وقال : تصبحين على خير ,,
قلت له : وانت من أهله ,,

دش حجرته .. غمضني شكله .. حليله من الصبح قاعد يسوق حراااام أكيد تعبان ومنهد حيله ,,

رحت صوب حجرة جواهر .. شفتها راقده .. رجعت الحجره .. ما ياني رقااد في البدايه .. كنت راقده طول الوقت ..بس عقب يوم بديت أنعس حطيت راسي ,,

ما حسيت بـ روحي الا و يد تلعب بـ شعري .. بديت أشل الايد .. وتجلبت أتأفف ,, ..
مره ثانيه الايد بدت تلعب بشعري ,, قلت : أوووووف جواهر متفيجه انتي ..

............: حياتي نشي أنا هب جواهر ...
تخرعت نقزت من الرقاد .. وقلت : حيــــــــــــــاتي ,,!!

...........: ههههه هي حياتج ,,
قلت : متى ييتي ..؟؟

الجوهره : هههه فديتج أنا أمس بليل وصلنا ,.
طالعتها وارتميت في حضنها ,, قلت : فديتج والله مشتاقه لج موووووت ..

قالت : وأنا أكثر هههه ... مبرووووك ..
طالعتها وقلت : الله يبارك في حياتج ,, ( ابتعدت عن حضنها ) مو جنكم ييتو قبل الموعد .. ؟؟

الجوهره : هي ... هههه حبينا نسويها مفاجأة ..
قلت لها : وأحلى مفاجأه ,,

الجوهره : نشي يلا ميثاني معايه .. عسب نتغدى ..
قلت : دامج حميتها خلاااص بتلصق فيج ,,

الجوهره : هههه حرام بس أختها خلاااص تزوجت لازم تحس بالوحده ,,
طالعتها : صدقج ,, يلا أنا رايحه أتسبح وأتلبس وأنزل ,,
الجوهره : أوكي بسرعه لأنه الساعه قربت تستوي ثلاث ..

قلت لها : مالت علي لا فير ولا ظهر مصلتنهم ..
الجوهره : عاد يلا قومي بسرعه .. بترياج تحت ,,

طلعت الجوهره .. رحت صوب الكبت طلعت لي ملابس .. ورحت تسبحت وتجهزت و صليت ..
نزلت عسب نتغدا .. تذكرت تلفوني .. رحت صوبه .. شفت مسج .. من .. ( بلسم جروحي ) ..
( حياتي أنا بظهر وبرد المغرب ,, )

رديت عليه ( بحفظ الرحمن ,, الجوهره وحمد ردو من السفر )
ورديت طلعت من الحجره .. رحت صوب البنات
قلت : مسااا الخير ,,

ميثاني نطت صوبي : هااااه ما ييبتو لي شي ..؟؟
قلت لها : ههههه تبين نارييل شي خخخخخ ..
ميثاني : مالت عليج ,,

جواهر : سيري لاااه .. محد يسب جنتيه ,,
طالعت الجوهره والجوهره قالت : الله يكملهم بعقلهم ,,
قلت لها : هههه باجر بيكبرون هههه

ما حسيت الا وجواهر وميثاني يتحرطمن عليه ..
طلعنا الغدا وتغدينا وسولفنا الجوهره تمت تسولف عن سفرتهم وكيف كانت ,,, وحمد كيف .. استانست يارب أنا ويوسف نكون جذا .. وأحسن بعد ,,

عقب جواهر راحت تراوي ميثاني الأشيا اللي شرتهم ,,
قلت : جوجو تعالي نروح الصاله اللي فوق ..
الجوهره : يلا ,,

قامت الجوهره ويايه .. قلت : هاااا ما فيه شي في الدرب ..؟؟
الجوهره : حرااااام عليج توني الا أسبوعين .,.
قلت : هههه فديتج أنا ... أتخيلج بطه ,,

الجوهره : مالت .. هههه انشالله انتي قبلي ,,
قلت لها : يااااا حــــــــــافظ جيييه تبيني أمووت ..
قعدنا عالقنفه .. الجوهره تمددت قلت : شكلج حااامل تدرين هههه
الجوهره فرت علي الفروحه : حرااام عليج ,, ها ارهاق من السفر ..

قلت : جوجو كيف كان شعورج أيام الملجه ,,؟؟
الجوهره : شرات شعورج الحين ..
قلت : لا لا .. يعني يوم حمد قال لج بنعرس .,

الجوهره : هههه أول ما رووح بديت أصييييييح أوني مابا أعرس ..
قلت : والحين ..؟؟
الجوهره : ياليته ماخذني من يوم وأنا ثلات تعش أربع تعش سنه ,, ههههه

قلت لها : لهالدرجه ههههه يالله الله يسعدج حبيبتي ,,
الجوهره : قاعد يأذن يلا نروح نصلي ,,
قلت لها : يلا ,,

رحنا نصلي وعقب نزلنا .. سوينا جاي حمر .. الجوهره طلبته شكلها تتوحم هههه لو تسمعني ,, بتذبحني ،، عقب قعدنا نسولف الين الساعه خمس العصر ,, جان حمد يتصل بالجوهره ,,

الجوهره : يلا ميثاني قمنا ,,
قلت : تو الناس حرررراااام تمو عندنا ,, شوي ..
الجوهره يت تبوسني : يلا مره ثانيه انشالله حمد مستعيل ,,

جواهر واقفه في صوب : ميثوووه أخوج سرق أختيه ,,
ميثاني : محد قال لها وافقي ,,
قلت : حرااام عليكم انتو الاثنين ،، باجر بيصيرون أم وأبو وانتو على هالطاري ..

الجوهره : عاااد مو لهالدرجه هههه

سلمنا على بعض .. لويت على الجوهره عن خاااااااااطر علني أفداها ,, والله أحبها هالانسانه واااايد ..
طلعو .. جواهر قالت : نواري تعالي نرتب الصور مال صلاله ..
قلت لها : أوكي بالمره نفضي الممري لأنه فوّل ..

جواهر : عاد يلا بسرعه عسب نلحق ,,
قلت لها : قوم عمي متى بيوصلون ..
جواهر : يمكن الفير باجر ,,

قلت لها : يوصلون بالسلامه انشالله
جواهر : آمييين ,,

رحنا نرتب الصور في اللاب ,, خذينا ساعه وشي لأنه الصور وايد ,.,. وعدلنا في حجمها .. وفي منهم لعبنا فيهم ..

الين اذن المغرب .. رحت حجرتيه عسب أصلي ,, صليت وخلصت .. رحت صوب التلفون عسب أتصل بيوسف أسأله وينه ..

توني بدق الرقم .. سمعت صوت الباب ,,

تجدمت منه مسرعه بـ فرح .. فتحته بس شهقت يوم شفت اللي يدامي .. قلبي طاااح وأنا بعد بغيت أطيح ..
ارتمت في حضني وهي تصيييح وعيونها كلها دموووع ..

سحبتها وقعدتها ع السرير رحت سكرت باب الصاله ,, يودت ويهها رفعته عسب عيونها تطيح بعيني

قلت : جواهر حبيبي شو فيج ,, ليش كل هالدموع مستوي بج شي ,,؟؟
جواهر حضنتني بقوه وتمت تصيح أكثر ..

قلت : جواهر حبيبي شو فيج ارمسي خوفتيني ,,؟؟
جواهر من بين صياحها بغت ترمس ما قدرت ,,

قلت لها : شو فيج العصر كنتي أوكي شو ياج ارمسي ,, ؟؟
شفته تعبانه شوي .. جااان أنزل عسب اييب لها ماي .. رحت صوب الثلاجه وفتحتها ,, طلعت الماي ,,
قلت حق الخدامه : سيلينا سوي عصير ليمون أوكي ,,

الخدامه : انزين نواري ,,
رحت أصعد وأنا أفكر شو فيها جواهر .. وصلت صوب الحجره شفت الباب مفتوح أنا أحيد اني ودرته مسكر ,, تجدمت منه بسرعه ,,

تخرعت يوم شفت جواهر ساكته ,, ويوسف يمبها .. شو السالفه ليكون صاير امبينهم شي ..

دخلت عطيت جواهر الماي ,, شربت شوي منه .. حطيت راسها على ريولي بديت أمسح ع شعرها ,,

يوسف ساكت ويطالع جواهر : شربتي الحين ماي .. ارمسي شو فيج ,,
جواهر تمت ساكته وما ترمس ,, ..
يوسف : نوره تدري انزين شو فيج ,,

جواهر هزت راسها بمعنى هي تدري ,,
تخرعت .. أنا شو دراني ولأا أعرف أصلا عن أي شي ,,
يوسف : نوره شو فيها جواهر ,,؟؟

قلت له : سوالف بنات ..
يوسف طالعني : مثل ..
قلت له : ماشي بس سوالف عاديه ,, هب لازم تعرف .. بناااات ..

يوسف طالعني : أكييييد ,,
قلت له و انا ابتسم : أكيد ..

طلع يوسف .. رفعت راس جواهر وطالعتها وقلت : جواهر شو فيج .. ؟؟
جواهر طالعتني وقالت وهي تصيح : نوره فهد درى باللي قاعد يصير ,,
قلت لها : جواهر بلااااج ارمسي ,,

جواهر وهي تشاهق : نوره نوره .. أنا كنت أرمس ولد ييرانا ... والحين فهد درا ,,
طالعتها وقلت : شووووووووووه .. انتي غبيه ترمسين أولاد ..
جواهر : والله كنت أرمسه تسليه وبس ,,

قلت لها : شو انتي ما تعرفين هالشي حراااااااااااام ..
جواهر بدت تصيح : أنا يايه أقول لج عسب تهديني هب تزيدين عليه ,,
قلت لها : كيف درا فهد ,,

جواهر : ولد ييرانا ربيعه هو وياسر ,,, يا خوفي ياسر يدري بيذبحني ,, وبدت تصيح أكثر ..
قلت لها : انشالله ما يدري ,, انتي ودري هالسوالف الحين ,,

جواهر : خلاااص أنا حتى موبايل مابا ,,
قلت لها : زين بس فهد درا .. ع الأقل الواحد يقدر يتفاهم وياااه .. لو انه حمد و لا واحد من خوانج جان الله يعلم شو بيسوون ..

جواهر تصيح : بس أنا طحت من عين اللي كنت أحبه يا نوره تعرفين شو يعني ..
قلت لها : انتي اهدي وانشالله السالفه بتنحل ,,

جواهر تصيح : انشالله ,, بس خلاااص طحت من عين فهد ,,
قلت لها : والله أول مره أعرف وحده تحب وتتسلى مع الغير ,,

جواهر : نوره بليز لا تزيدين علي ,,
قلت لها : انتي هدّي الحين وانشالله كل شي ينحل ,,
جواهر : انشالله ,,

ياني مسكول في التلفون من بلسم جروحي .. أكيد يباني ,,
قلت : انتي ارقدي ريحي شوي حبيبتي ..وكل شي ينحل ..

جواهر حطت راسها ,, أنا قمت عسب أطلع ,, جواهر يودت ايدي وقالت : نواري تمي ,,
قلت لها : بشوووف يوسف شو يبا وبيي لج حياتي ,, أوكي ..

طلعت رحت صوب الصاله اللي تحت .. شفت يوسف طرش لي مسج ,, ( أنا في حجرتيه تعالي عندي )
رحت فوق ودقيت باب حجرة يوسف .. فتح لي الباب ابتسم لي .. رديت له الابتسامه ,,

قال : دشي ,,
دخلت .. هاي يمكن أول مره أدخل حجرة يوسف وأنا بروحي ,,
دخلت ,, بند الباب .. قلت : اممم خله مفتوح ,,

يوسف : لا تخافين حبي ,, ايلسي أبا أرمسج في سالفه ,,
يلست ياه قعد يمبي هالشي أربكني وايد .. بلعت ريجي من الربكه وقلت : نعم ,,

خفت لا سمعنا أنا وجواهر .. أول شي جواهر بتموت عقبها أنا ,, الله يستر ,,
يوسف يوّد ايدي وقال : حياتي .. أنا قررت نعرّس ,,

طالعته متخرعه : هااااه ..؟
يوسف : جيييه ما تبين ,,
قلت له بربكه : بس مب جنه بدري ع العرس ,,

يوسف : وين .. لا انتي صغيره ولا أنا ,,
قلت له : لاأأأ بس أنا أحس روحي صغيره ,.,.,

يوسف ابتسم : وأنا أبااااج وانتي صغيره ,, عسب اربيج ,, ( ومط خدودي )
طالعته ضحكت وقلت : لأأأأأ أنا يالسه أقول الصدق ..

يوسف : ما عليج حياتي ,, انشالله بسعدج ,, طالعي هكو الجوهره عرست وهي صغيره ..
قلت له : مدري والله .. ما أعرف أنا انت شو تقول .
.
يوسف : أصلا لو بيدي جان من يوم الملجه ونحن معرسين .. بس قلت أخذ رايج ,,
طالعته وقلت : شكرا ,,

يوسف : شو هاذي بعد على شو هههههه ؟؟
قلت له : مدري روحي هههه ... يمكن من الربكه ,,
يوسف : انتي فكري عدل ,, وياريت لو الحين هالساعه تعطيني الراي ..
طالعت ايدي وبديت ألعب بصبوعي .. جواهر بمصيبه كيف أتركها .. غير اني لو تزوجت بلتهي بالعرس ,,
بس اذا صار العرس هالشي يمكن ينسي جواهر اللي صار ..

طالعته وقلت : بس أنا مابا عــــــــرس ,, حفله عاديه مع الأهل ’’
يوسف : هاااه ,, لأا حبيبتي أنا بسوي عرس لا صار ولا استوى ,,
قلت له : بس أنا مابي ,,

يوسف : نواري فكري .. لو انتي ما تبين غيرج يبا ... أمي أنا بكرها ,, وخواتي أنا أخوهم العود وأبويه ,, مو بس انتي .. فكري عدل ,,
طالعته ودموعي تهل : بس أنا أبويه محد ,,

يوسف مسح دموعي وقال : والله لو بيدي يا نوره جان عطيتج فرحي وهمج أخذه عنج ,,
قلت له : سو اللي تباااه ,,

يوسف ابتسم : هي جذا أحب اللي يسمعون الكلام هههههه
طالعته : هههه يلا عاد أنا برد حجرتيه ,,

يوسف : صح بلاها جواهر ,, ..؟؟
قلت له : سوالف بنات ,, يلا عاد بودرك ,,
وأنا طالعه يوسف قال : سوي حسابج .. ترا العرس مب هالخميس لأاأأ اللي بعده ,,

لفيت طالعته .. ابتسمت له بحيا وقلت : ما يمديني ,,
يوسف : امبلى .. بضاعف مبلغ كل شي عسب يجهزون لج اياه بسرعه ههههه

ابتسمت له ,, وطلعت رديت الحجره عسب أخبر جواهر .. بس شفتها راقده .. وشكلها يكسر الخاطر ,,

مدري شاللي بيطلعج من هالمصيبه حليلج ,, بس أنا من البدايه قلت لها تبتعد عن هالسوالف الله يسامحها ما سمعت الرمسه ,, والله لو يسوف درا جان بتروح ملح ,..

قعدت أقرا في كتاب لأني ملانه ,, وعقب رحت على موقع للعرايس .. ابتسمت وأنا أطالع الفساتين ,, يااااي وأخيرا بلبس فستان أبيض بطلع ملااااك بـ هاليوم .. وبكون مع يوسف فارس أحلامي ,, متى ييي هاليوم يارب بسرعه ,,

أذن العشا .. صليت .. ما كان لي خاطر أتعشى جااان أرقد ,, رقدت وأنا مستانسه يوسف لي وأنا لـ يوسف وأخيرا ..

ما حسيت بروحي الا وصوت ياااهل جريب عني ,, فتحت عيوني طالعته ,, ابتسمت له ضميته ,,
قلت : الحمدلله ع السلامه متى وصلتو ..؟؟
عدول : قبل شويه ,,

قلت له : فديتك والله .. يلا سير ارقد وباجر الصبح تعال رمسني أوكي ..
عدول : انزين ,,

قمت وأنا نعسانه .. رحت تيددت عسب أصلي الفير صليت وقريت قرآن ,, عقب قومت جواهر عسب تنش وتصلي .. قامت صلّت .. وعقب حطيت راسي عسب أرقد ,,

شفت جواهر بعدها على نفس الحاله مال أمس .. صح انها غلطت .. بس غلط انه نعامل أو نعالج الغلط بغلط .. يت حطت راسها عالمخده ,,
طالعتها وقلت : حبيبتي لا تفكرين .. انشالله خير ,,
جواهر ابتسمت لي ابتسامه باهته : انشالله

قلت لها : بقول لج خبر بتفرحين وايد ,,
جواهر : شو .. يمكن نطلع من الهم والنكاده اللي نحن فيها ,,
قلت لها : عرسي عقب أسبوعين ,,

جواهر ابتسمت وقالت : صدق والله
هزيت راسي بمعنى هي : أمس يوسف رمسني ,, قلت أخبرج انتي أول وحده ..
جواهر ابتسمت : الله يهنيج ,, ماما وبابا يدرون ,,

قلت : يمكن يوسف خبرهم مدري عنه ,,
جواهر ابتسمت ودموعها نزلت : شكلي أنا بتم جذا .. وسواد ويهي بيتم يلاحقني طول عمري ,,
قلت لها : جوجو شو هالرمسه حرام عليج مب لهالدرجه ,, انتي الحمدلله غلطتج هب كبيره ,, فيه بنات خسرو شرفهم ,,

جواهر بقهر : وهذا اللي أنا سويته مب شرف يعني ,,
قلت لها : انتي غلطتج تتصحح في غيرج لأأأأ احمدي ربج ,,

جواهر : أنا مدري كيف قلبي طاوعني وسويت جذا ,,
قلت لها : انتي اذكري ربج وانسي ,, وودري الولد ... هالفتره خلينا نتجهز للعرس أوكي ..
جواهر ابتسمت : انشالله ,, يلا عاد ارقدي عشان بشرتج ,,

طالعتها : الله يعيني ع الجلسات اللي في الصالون روحي أكرهها ههههه
جواهر : عاد أنا اللي بيي وياج ..
قلت لها : طبعا تراج انتي حميتيه ,,

جواهر ابتسمت لي رديت لها الابتسامه .. تلحفت عسب ارقد غمضت عيوني وأنا أدعي لي أنا وجواهر .. بحياه أفضل ,, وربي يحل مشكلة جواهر ..
قمت من النوم على صوت عموري يقومنا ,, رحت الحمام تسبحت وغيرت ,, نزلت عسب اتريق ,,
شفت عمي ومرت عمي واليهال رحت صوبهم سلمت عليهم ,,

عمي : ها شخبارج يالعروووس ,,؟؟
طالعته ابتسمت له وقلت : الحمدلله بخير ,,, ماشالله مسرع ما انتشر الخبر ..
مرت عمي : الله يوفقكم فديتج .. ويهنيج بحياتج ,,

قلت لها : آمييين ,,
يت جواهر سلمت .. وبدينا نتريق ,, عقب مر اليوم ممل لدرجه بغيت أسوي أي شي .. حتى جواهر اللي هي جواهر ما قامت تسولف .. الله يعينها ,,

اليوم اللي بعده كنا يالسات أنا وجواهر نسولف ..
............: مرحبااااااااا ..
قلت : هلا والله هلا .. هلا بالطش والرش والماي المبرد بالغرش ..

الجوهره : هههه ماي مبرد هب ماي ورد مره وحده ,,
قلت لها وأنا أقوم أبوسها : فديتج .. لج وحشه والله ,,

ميثاني تخصرت : هي لها وحشه أما نحن لا صفررررر ع الشمال ..
قلت لها : ههههه فديتج عاد مو لهالدرجه ,, بس عاااد غلاتها غيييييررر ..

ميثاني تروح عن جواهر : نحن لنا الله ,, هيه يالزمن ..
الجوهره : تعالي تعالي ... جيه ما خبرتيني يسوف قايل لج العرس عقب أسبوعين ..

قلت لها : والله أول ما ظهرتي من عندنا .. يوسف رمسني المغرب ..
الجوهره : بس ما أظن يمديج تتجهزين أنا يالله يالله شهر وخلصت ..

قلت لها : مب أسبوعين بعد .. أقل عن أسبوعين الخميس الياي ..
ميثاني وقفت : يلا عاد نشي .. ييبي عباتج نروح ناخذ جوله في السوق ..

جواهر : يا حظي .. محد عنده الليسن فينا عسب يوديني الله يرحم أيام عليوووه ..
قلت : صح شخبارها علايه .. وين دارها ..؟؟

الجوهره : بعدها في بريطانيا مع حبيب الألب هههه
ميثاني : يلا قومو .. ما بتلحق نواري تزهب للعرس ..
الجوهره : بشوف .. بدق على حمد ... بسأله اذا بيودينا ..

الجوهره قامت وشلّت وياها فونها تمينا نحن رواحنا ,,, ميثاني كانت ترّمس جواهر .. بس مبين على جواهر اهيه ولا في الدنيا بعد .. لاهيه في عالم ثاني ,,
يت الجوهره مبتسمه ..

ميثاني : ها بشري ..؟؟
الجوهره : ههههه قال أنا ياي بس خمس دقايق يبالي أوصل .. لو ما تجهزتو بودركن وبروح ..
ميثاني قامت ومسكت ايد جواهر : يلا نشي ترا ريلها يسويها ويودرنا ,,
جواهر بتعب : مالي بارض .. مابا أيي ..
ميثاني : يلا تعالي حرااام ..

جواهر : مابا .. خلااااص سيرو رواحكن ,,
قلت وأنا أطالع جواهر : والله ان ماييتي ما بسير ..
الجوهره : خلاااص جواهر تعالي .. عروسنا حلفت ما نقدر عليها ..

قمنا نلبس عبينا .. بس قبل ما ألبس عباتي رحت صوب الفون عسب أدز مسج ليوسف أخبره اني رايحه السوق ..

وأنا قاعده ألبس عباتي ,, ياني مسج لبست عباتي .. سرت صوب الفون مسج من بلسم جروحي ,,
( ديري بالج ع روحج حبيبي ,, سيري شيلي بطاقة البنك من عند الوالده .. أنا معطنها اياها ,, المهر كله
في البطاقه .. وياليييييييييت لو تتغشين .. أوكي حبيبي ,, )

رحت لبست شيلتي ,, وأنا قاعده ألبس نعالي ,, وانتو بكرامه ..
ميثاني .. يت : اييييييه يلا بسرعه .. كل هذا تستأذنين من يوسف ... رمسيه عقب ..
قلت لها : مالج خص بيسوفي سمعتي ,,

الجوهره : مب وقت ضرابتكم .. يلا بسرعه حمد بيوصل ,,
طلعت سرت صوب مرت عمي خبرتها نحن رايحين السوق .. خذيت عنها بطاقة البنك .. باسمي البطاقه .. استغربت لهالدرجه يوسف مهتم بي ,, طلعت ..

يوم وصلت تحت ..
الجوهره : يلا هكو جنه حمد وصل ,,
سرنا صوب السياره .. ركبنا .. سلمنا على حمد .. وبعد السؤال عن الحال ..

شفت الجوهره قاعده تسولف مع حمد وتضحك ,, يارب حياتي تكون مع يوسف مثلهم ونعيش بسعاده ’’
شفت حمد أبد ما كان يكلمنا .. ولا زال ما يكلمنا .. بس مع الجوهره غييييير غير .. أكيد هي شريكة حياته ,, وصلنا المركز .. حطيت الغشوه على ويهي ..

ونحن نازلين شفت الجوهره بعد متغشيه .. استغربت بس أكيد حمد قال لها مثل ما يوسف قال لي .. شي طبيعي الريال يغار على حرمته .. وهذا ماله الا تفسير واحد أكيد يحبها ..

دخلنا المركز .. حطنا أكثر من محل وشريت أغراض أحتاجها .. حتى البنات كل وحده شرت لها شي للعرس .. خذينا أكثر من ساعه ونحن نحوط الين ما خلصنا من بعض المستلزمات .. واتصلت الجوهره على حمد وياه ردنا البيت .. مر اليوم جدا عادي غير انه يوسف محد أكيد في بوظبي .. بيتأخر لما يرد ..

رتبت أغراضي اللي شريتها ورحت عند جواهر ,,
شفتها قاعده سرحانه دخلت بندت الباب وقلت : اللي ماخذ عقلج يتهنا به ..
جواهر عدلت قعدتها ابتسمت ابتسامه باهته وقالت : محد ماخذنه غير فهد ..

قلت لها : يلا زين .. جوجو ما أعرف من وين أخذ فستان العرس ..
جواهر : لا تشترين أجري .. الشرا ما منه فايده ..
قلت : هي أأجر أحسن بس من وين وكيف ..؟؟

جواهر : فيه دار ساره للأزياء نسير له وشوفي لج ..
قلت لها : أوكي عاد باجر نروح للفستان .. واللي عقبه للمخاوير ..
جواهر : هي زين .. والميكب والذهب يوم السبت

قلت : أووووف أحس كله تعب ,,
جواهر : من يوم الأحد خلاااص يوميا بنروح الصالون ..

قلت : أوكي .. بس انتي تكونين وياي ..
جواهر : أكيييييييد كيف قلبي يطاوعني أودر جنتي العوده روحها ..
قلت : ههههه فديتج ..

اليوم اللي بعده .. عمي نزلنا صوب دار الأزياء .. دخلنا وتكلمنا مع الحرمه .. معنه المصمم ريال واماراتي بعد بس فضلت نروح صوب الحرمه ..

شفت الفساتين في البدايه ما عجبني شي بس جواهر لحّت على واحد يلق لق .. جان أقول حق الحرمه أباااه وخذت قياسي .. وراوتني الطقم اللي مع الفستان والطرحه والشال اللي ينلبس لما الرياييل يدشون .. غير الكعب ,, عيبني وايد كل مواصفات الفستان حلوه غير الاكسسوار والتاج ..

اتفقنا وياها تضيجه وتعدله .. وقبل الموعد بيومين نيي ناخذه عنها .. شليت عنها الوصل عقب لفينا المحل عسب جواهر تاخذ لها واختارت لها فستان .. وشرته عنهم .. وعقب طلعنا ..
عمي : كنتو ترقدون مب أحسن ..

جواهر : ههههه باباتيه ترا هاي جنتك اللي ما يعيبها شي ..
عمي : دام جنتي في السالفه .. عاد مسموحين ..
قلت : هههه فديتك عمي ,,

جواهر : نواري باجي وقت على أذان المغرب تعالي نروح محل المخاوير والدراعات ,, ونمر الخياط بالمره ..
قلت : هااا عمي شو الراي ..؟؟

عمي : بس تخلصون بسرعه .. مدري الحين أنا المعرس ولا يوسف ..
قلت : ههههه شكلنا متعبينك وايييد ..

وصلنا صوب الخيايط والمحلات ,, دشينا أنا وجواهر خذيت كم من مخوره جاهزه ودراعات لأنه ما يمديني أفصل ,, عقب وديناهم للخياط عسب يضيج ويقصر ويطول هههه ..

جواهر : أقول شريتي لج بدل وجينزات ونعله ..
قلت : هي خلاااص هاك اليوم يوم رحنا المول خميته هههه
جواهر : وعبي ..
قلت : أويييييييه والله راحت عن بالي ,,
جواهر : وعطورات ..
قلت : لا لا العطورات الجوهره قالت بتعطيني هدية العرس طقم كامل ,,

جواهر : أوكي الحين بعد ما الهندي يحاسبج نروح محل العبي قريب عن اهني ,,
قلت : أوكي ..

اتفقنا مع الخياط يجهز المخاوير خلال يومين الا هو تضييج .. عقب رحنا محل العبي ,, اخترت لي كم من عباه ,, جاهزات .. كل شي جاهز ما فيه شي تفصيل هههه واتفقنا يجهز العبي خلال يومين بعد ..
عقب ردينا البيت .. كنت مره هلكانه ميته من التعب شوي وأموت .. على طول تسبحت وغيرت .. نزلت أتعشى ,, عقب العشا ييت أنخمد ,,, لا كمبيوتر ولا تلفزيون لأنه عيوني روحها متكون حواليها هالات عاد اذا قعدت يدام الكمبيوتر ولا التلفزيون شو بيستوي بي ,,

ما حسيت بروحي الا وعموه توعيني حق صلاة الفير ,, نشيت صليت .. عقب رديت أرقد .. ما ياني رقاد .. الين رقدت غصب .. قمت على صوت عموتي ..

عمتي حفصه : هلا والله بعروسنا ..
طالعتها : هلا عموووه ,,
عمتي : قومي يلا تسبحي وتلبسي .. اليوم يايه مخصوص عشانج ..
قلت : هههه حلوه هاي مخصوص ..

قمت تسبحت ولبست .. قريت سورة الكهف لأنه جمعه عقب نزلت .. شفت ياسر وفهد قاعدين مع عموتي ,,

قلت : السلام عليكم ,.
الكل : وعليكم السلام ,,
عموتي : ها العروس شخبارج ,,؟؟
طالعتها رحت بست راسها : تمام الغاليه ... ومن صوبج ..؟
عموتي : بخير حبيبتي ..
شفت جواهر والجوهره وميثاني قاعدات وعلايه وياهم ,,
رحت صوبهم .. سلمت على علايه ولويت عليها : اشحالج غناتي لج وحشه وربي ,,
علايه : تمام حبيبتي .. ها عروسنا خلااااص ,,

طالعتها ابتسمت لها ,, وقعدت يمب جواهر .. صح كنا بعاد عن ياسر وفهد اللي عموه طايحه فيهم محاضرات ,,
بس حسيت جواهر متوتره وايد يودت ايدها وقلت : اذكري ربج حبيبتي ,,
جواهر وقفت سحبتني وياها رحنا صوب المطبخ في زاويه ,, بدت اتصيح : نواري ما شفتيه كيف يستحقرني حتى ما يطالعني ,,

قلت لها : عادي حبيبتي انتي لا تهتمين وخير انشالله ..
جواهر : كيف ما اهتم له وهو كل حياتي ..
قلت : جواهر انسي خلااااص .. وانشالله فتره وفهد ينسى ..
جواهر : ياريت يا نوره ياريت .. أحس روحي خنته مدري ليش ..

قلت لها : جواهر تعالي نرد نقعد .. بيشكون .. عندنا الليل نتفاهم ..
جواهر راحت غسلت ويها .. تريتها لما تخلص وردينا مع بعض ,, طالعت صوب فهد .. مبين عليه مهتم لوجود جواهر بس روحه يخفي هـ الشي ..

فهد كان نادر ما يقعد ويانا .. بس هالمره مدري شاللي مقعدنه ,,
عموتي : ها نواري خلصتي الزهبه ,,؟؟
قلت لها : هي بس باجي الذهب والميكب ..
عمتي : ههههه حليلج سمعت كل شي جاهز ماشي تفصيل ,,

قلت لها : هههه هي شفتي شقايل ظالمين بنت أخوج ..
عموتي : فديتج ,, أقول جواهر بلاج ساكته ارمسي ,,
جواهر طالعتني وعقب طالعت عموتي وقالت : هههه لا ماشي .. بس أمس تعبت من دوارة السوق ,,
سولفنا نحن البنات ,, سمعت عموتي تقول : ها شكلي بزوجكم انتو الاثنين بعد ,,

كلنا صخينا هاللحظه علايه قالت : هي ماما دوري لهم على عرايس مهبل شراتهم ,,
ياسر : لا لا أنا بعدني صغير ع الزواج بعيد عني دخيلكم ,,
عموتي : هههه هي عسب التسكع في المولات صغير هاااا ..

ياسر ضحك عموتي قالت : فهود كان ناوي يخطب .. بس مدري شاللي غيّر رايه ..
فهد يمزح أونه : انسي أمايه خلااااص شكلي بتم طول عمري عزوبي ,,
عموتي : فال الله ولا فالك شو هالرمسه ..

طالعت فهد .. محط أنظاره صوب جواهر .. وجواهر متوتره وتهز ريولها ... اللي يعرف عن اللي بداخلها يقول .. بركان وبينفجر خلااااص ,, الله يعينج يا جواهر ,, الظاهر فهد اليوم قاعد ويانا عسب يفر هالرمستين ويطلع ,,

جواهر دموعها تجمعت بعيونها همست لي : أنا بقوم ..
قلت لها : جواهر تمي لا تستوين ضعيفه ,,
جواهر : ما اقدر ,,

ضميت ايدها ورصيت عليها وابتسمت لها .. عقب الأولاد روحو الميلس بعد محاضرات عموتي ,, قعدنا نحن البنات نرتب أغراض الغدا ,, وطلعناه ,, كان وياي صحن سلطه كنت قاعده ع الكرسي والصحن يدامي ع الطاوله وأكل ..

ميثاني : كلي سلطه عدل الخيار أوكي حق البشره ,,
قمت وأنا اقول : انشالله ههههه .. ها خلاااص ولا في شي ثاني ,,
جواهر : لا لا اقعدي مكانج لا تتحركين عرووووس ,,

قعدت غصب وقلت : أوووووف ذليتوني تراكم .. عروس وعروس .. جني أول وحده أعرس في هالعالم ..
الجوهره : حرمة أخوي العود يعني جنتي العوده هههههه

طالعتها ابتسمت لها ,, عقب ما تغدينا .. رحنا كلنا فوق .. في الصاله و الجوهره ركبت فيلم العرس ,, بدينا نطالع كل شي .. كنت مبينه بعض الأماكن .. كنت حلوه .. ولازلت هههه
حسيت روحي بالميكب وحده غير .. غير نوره اللي أعرفها .. بس معدني هو نفسه نو وووي يتغير ..
على آذان العصر كلنا قمنا رحنا صلينا ,, العصر و عقب البنات حطو السويت .. ما كليت ما أشتهي الحلويات وايد .. قعدت ..

ياني مسج من بلسم جروحي .. ( سمعت بتروحين سوق الذهب .. )
رديت ( هي .. اذا تسمح لي ,, )
قعدت أسولف ويا البنات أتريا يوسف يرد عليه ,, وياني مسج ... من بلسم جروحي ..
رد ( بسمح لج بس وياي .. أوكي )

طالعت الشاشه ابتسمت ,, قمت عسب أروح الحجره ارمسه ,,
ميثا : حظهم والله حظهم ..

طالعتها وقلت : اللهم لا حسد .. باجر بتعرسين وبتملين من سوالف التلفون .. هههه
رحت الحجره .. وضغطت رقم يوسف .. حافظتنه عن غييييب .. رقم حبي هذا ,, حسيت اذا بيقول ألو روحي بترد لي ,,

رد عليه : هلا والله هلا ,,
قلت : هلا ,,
يوسف : شخبارج ,,
قلت له : هب بخير ,,

يوسف : له له .. نونوتي هب بخير جيه ,,؟؟ عسى ماشر ..
قلت : حلوه هاي نونوتي .. اممم اليوم ما فكرت تمر صوبنا بعد .. معنه في نفس البيت ..
يوسف : حياتي انتي .. لو على جيه بتم وياج طول اليوم ..

قلت : ههه أتمصخر تراني ,,
يوسف : عاد يلا تجهزي بنروح سوق الذهب ..
قلت له : أوكي .. بسأل جواهر اذا بتيي ويانا ,,

يوسف : اممم ابا نكون رواحنا .. بس يلا عادي بالمره جواهر ملانه تطلع ويانا ..
قلت له : أوكي ,,, يلا بلبس وبنزل ..
يوسف : أنا بكون في الصاله عند قوم أمايه وعموووه ,,

قلت له : أوكي .. يلا دقايق ونازله ,,
لبست عباتي والشيله وخذيت الجنطه ويايه ونزلت ,, طالعت ,, يوسف قاعد ,, شكله من يوم صعدت وهو قاعد .. بس كيف رمسني .. يلا ما علينا ,,

يوسف : يلا عاد أمايه ,, أنا رايح بودي نواري ويايه ..
مرت عمي : دير بالك عليها ,,
يوسف : أنا ولدج لازم تقولين لها ( وياشر عليه ) ديري بالج على ولدي هههه

طالتعه بغيض ورديت طالعت جواهر قلت : جوجو البسي انتي وميثاني تعالو ويانا ..
ميثاني : نحن المغرب بنروح بيت عمي ما اقدر ايي ,,
جواهر : وأنا مالي بارض .. ريولي تعورني ,,

قلت : يلا عاد جوجو تعالي ,,
جواهر : والله ما اقدر ,,
يوسف : خليها براحتها يمكن ما تقدر ,,

وعقب سلمت ولحقت يوسف ,, أصلا هو يباها من الله انه جوجو ماتيي ,,
ركب السياره وركبت .. عقب حرك السياره ,, وشغل أغنيه ,,
قال : سمعتيها ’’
قلت : لأأأأ أول مره أسمعها ,,
قال : يعني ما تسمعين أغاني ,,

قلت : نااااااااادر ,,
يوسف : تعالي جواهر بعدها هب طبيعيه ,,
قلت له : سوالف بنات ,, وبعدين هي هلكت أمس دورتها ويايه السوق ..
يوسف : هيه ,, انزين باجر مع منوو بتروحين الصالون ..

قلت له : هب وياك ,,
يوسف : جيه انزين ,,؟؟
قلت له : اليوم يوم سولفنا عموتي قالت أسبوع كامل لا تجوفني ,.,
يوسف : شو يصبرني أنا انزين ,,

قلت له : تحمل انت اللي قلت نتزوج الحين ,,
يوسف : بس عقب باخذ راحتي أكثر عن الحين صــــــح ..!!
طالعته استحيت قلت : في أي قاعه حجزت ,,؟؟

يوسف : في دبي اهني صوبنا ,,
قلت له : لأأأأ أنا أبا الشارجه حرااام ,,
يوسف : خلااص حجزت انا ,,

قلت : يلا زين ,,
يوسف ابتسم وقال : أشك انج بتطلعين وحشه يوم العرس وبخاف منج ,,
طالعته انقهرت وقلت : يوووووسف ..

يوسف : هههه حيااااااة يوسف ,, شو تبين أكثر غير انج ماخذه شيخ الشباب يوسف ,,
قلت له : أنا الغلطانه يايه وياك .. بس تمدح روحك وتذمني جني هب حرمتك ,,

يوسف : خلاااص يا عسل لا تزعلين ,, حقج عليه .. انتي اللي بتخافين مني يوم العرس ..

طالعت بره وطنشته ,, وصلنا سوق الذهب ,, نزلنا شريت لي ذهب بس كله يوسف اختاره ما خلاني أختار .. قال هو يشوفه عليه أحلى ,, عقب ما خلصنا ردينا ركبنا السياره ,,

يوسف : ها وين الحين ..؟؟
قلت له : باريس غاليري ...
يوسف : حق المكياج والجنط ,,
قلت له : هي ,,
يوسف : أونج ما تاخذين الا ماركات ,,

قلت له : من يومي بس مال قوم ماركات ,,
يوسف : فديت حرمتيه المتطوره ههههه

استحيت وطالعت برا يوسف قال : نواري اسمعي ها اهدااا لج ,, شغل المسجل وبدا يغير في رقم السيدي ,, اشتغلت أغنية ,,
انته ذهب من دون ما تلبس ذهب وش له تروح السوق وتدور عليه ,, .. (اغنية حسين الجسمي ..)

مديت ايدي للمسجل ,, عسب أطفيه ,, جان ما أحس الا بايد يوسف تسحب ايدي ,,

بغيت أسحب ايدي ,, ما رمت قلت : ودرني ,,
يوسف بدا يلعب بايدي وأصابعي وقال : شو كنتي تبين تسووين .. ؟؟
قلت له : كن بطفيه ,,
يوسف : جيييه ..؟؟ هذا اهداا من ريلج .. حبيبج ,,

قلت : منو قال انك حبيبي هههه
يوسف قرب ايدي عن ويهه أكثر وبدا يلعب في ايدي .. ويطالع ايدي .. سحبت ايدي ما قدرت حسيت أصابعي بتنجلع وأنا أمط في ايدي ,,

يوسف رص على ايدي .. : ريلج وحبيبج وحياتج ,,و ...............
كملت عنه : وعمري بعد بس ودّر ايدي دخيلك ,, أحس أصابعي بتنجلع ,,

يوسف : ههههه ما بودرها ,,
قلت وأنا أصارخ لأنه عضني : يسوووووووف عوووووووورتني لا تعضضضض ..

يوسف يضحك : فديت منطوقج والله .. ( يقلدني ) يسووووف عورتني ..
قلت له : ترانا بندعم بسبتك ,,
يوسف ودر ايدي .. : لا لا أنا معرس .. مالي خلق حوادث بعد ..

طالعته وقلت : مكاااااااار أعوذ بالله ,,
يوسف : فديتج والله ( يقلدني ) يسوووووووف هااا ......... بعلمج منو يسوف الخميس الياي ,,

طالعته وقلت وأنا مستحيه ومعصبه : سخيييييييف ..
ما حسيت الا يضربني بايده على جتفي بالخفيف : عيب نونوتي .. محد يقول سخيف حق ريله ..
قلت له : انت وحرمتك هاي نونو على قولتك ,,

يوسف : اذا حرمتيه نونو ويايه عادي هههههه

مضا اليوم حلو ملئ بالمغامرات مع يوسف .. الحلوه والمحرجه نوعاااااااً ما مع يسوف فديته .. ردينا البيت على طوووول رحت الحجره تسبحت ولبست بجامه ,, طليت على جواهر راقده .. غمضتني الله يعينها .. عقب حطيت راسي ع المخده أفكر في التجهيزات والفستان والميكب غير االصالون والسوالف اللي بتذبحني .. و في اني بنزف يدام هالعالم كلهم .. وحياتي مع يوسف .. أشيا كثيره لا يمكن العقل يستوعبها .. رقدت ......
شورايكم

الحلقه الثامنه عشر ..



ما حسيت بروحي الا وصوت جواهر تقول : نواري قومي نروح الصالون ..
فتحت عيوني بتعب طالعتها : همممممممممم خليني أرقد ..

تجلبت سمعت صوت جواهر : نورو نشّي يلا ماشي وقت بعدنا ما سوينا شي ..
طالعتها ..: أوكييييي ,,
قمت بتعب رحت تسبحت ولبست .. عقب الريوق .. وأكل الفواكه طبعا أونه بشره ما بشره .. ظهرنا من البيت رحنا الصالون ..

من يوم السبت للثلاث يوميا أروح الصالون حزة الصبح وما أرد الا بليل .. حسيته تعب وايد .. حمام مغربي ,, حلاوه .. قص شعر وصبغ وحف وتنظيف بشره وووووو سوالف مالها أول ولا تالي ..
وايد تعبت حسيت روحي بنتهي خلااااص انهد حيلي .. حتى راعية الصالون قالت المفروض من شهر أيي وأحضر الجلسات .. هذا أنا أسبوع واحد أو يمكن أقل هلكت عاااد لو شهر الله يعين .. ومرت الأايام جييييه ..

يوم الثلاث بليل عمي شلانا من الصالون عسب يردنا البيت في الدرب ..

جواهر : بابا مر دار الأزياء ..
عمي : أوكي ..
جواهر : نواري تنزلين ..؟

قلت لها وأنا ميته رقاد وتعب : لا مقدر خلااااص انهد حيلي انزلي روحج ..
جواهر : أوكي بس عطيني الفاتوره ,,

عطيتها الفاتوره وصلنا صوب محل الفساتين .. وعقب جواهر راحت شلّت الفستان مع الأشيا اللي وياه ,, وعقب مرينا ع خيايط المخاوير والعبي .. وخذيناهم .. ما نزلت حسيت روحي منهد حيلي .. ردينا البيت أول ما وصلنا سرت تسبحت .. مسحت جسمي بكريم راعية الصالون عطتني اياه ,, وعقب حطيت ع ويهي قناع بعد اهيه معطيتني اياه ..

بعد ما خلصت رقدت على طول مقدر أصبر أكثر .. حتى عشا ما تعشيت أشك باجر .. بنهزب من عموووه الا متأكده يعني ..

من النوم اللي فيني حتى ما حلمت ,, قمت اليوم الثاني على صوت جواهر وهي تقول ..
جواهر : نواري يلا الحنا ..
طالعتها وقلت وأنا معصبه : يعل يوم عرسج ألعوزج جذا وأقطع رقادج ..

جواهر ابتسمت بس بين في عيونها دموع قالت :اذا عرست أنا .. يلا يلا عن نتأخر لما الحنا تنشف عقب بنظهر من الصالون ...
طالعتها وقمت وأنا فيني كسل الدنيا كله .. : هممممممم مدري متى نفتك ,,

جواهر : نورو تحركي لأشوتج وأدخلج الحمام ...
وانتو بكرامه ..

رحت وأنا كلّي كسل رحت صوب الحمام .. تسبحت وطلعت لبست ولبست عباتي .. وتغشيت .. عسب محد يقدر يطالعني ,, نصايح عموتي ,, الله يخليها هههه .. رحت صوب جواهر وهالمره ياسر وصلنا الصالون .. نزلنا .. رحنا صوب الجلسات العربيه .. ويت الحنايه اللي متفقين وياها .. وماقصرت بدت بي .. ويت عقب ربع ساعه وحده حنّت جواهر ..

وهي قاعدع تحنيني طالعت جواهر وقلت لها : جوجو طالعي اذا حناي هب حلو خبريني أوكي ,,
جواهر : قبل ما أخبرج بفلعها اذا ما حنتج عدل ,,

طالعتها : هههه عن تسمعج وتفلعنا ,,
جواهر تطالعني .. : نواري وايد تغيرتي ,,

قلت لها : طبعا حرم الشيخ يوسف ..
جواهر : مالت ,,

قلت : جوجو كيف عرفتي ها ولد ييرانا اللي ترمسين عنه ..
جواهر تضايقت : هب وقته نورو ..

قلت : ارمسي يمكن أقدر أساعدج ,,
جواهر : والله مدري شقول لج ,,

قلت : جواهر .. لا تعتقدين اني بضرّج ,,
جواهر بدت دموعها تنزل ع الخفيف .. وقالت : أول مره دشيت الجات ,, واحد بدا يرمسني وطلعني من طوري ,, حسيته غير الشباب مدري ليش معني أحب فهد ..

طالعتها : أوكي .. وبعدين ,,
جواهر : عقب خذا ايميلي .. وبعد الايميل بفتره الرقم .. وعرف اني جواهر .. بنت ييرانهم ,, وجذا ,,

طالعتها : جواهر ما أصدق انه ينخرط عليج انتي ,, انتي عاقله وكامله ماشالله عليج مب ناقصنج شي ..
جواهر : يا نـــوره لا بد في الكامل نقصان ..

قلت : انزين فهد كيف درا ,,؟؟
جواهر : تراه ربيعه ..

طالعتها : ومالقيتي ترمسين الا ربيعه ,, وبعدين .,. انتي تعرفين ما في واحد في الدنيا يتزوج وحده يكلمها .. اهووه مو بس على انه عيب لأأأ يا جواهر .. انتي فكرتي قبل انه هالشي حرااام ..

جواهر تصيح : شو دراني طيش ياني ,, والحين شكلي بتحمل نتايجه طول عمري ,,
قلت : جواهر خلاااص لا تصيحين انشالله خير ..

جواهر : انشالله ..
الحنايه الهنديه : هادا سيستر مال انتي ,,؟؟
قلت : هيييه ,,

الحنايه : أنا يشوف فيه سيه أسان انتي فيه زواز ,,
ابتسمت لجواهر وقلت : سولفي وياها بتنسين ,,

جواهر ردت لي الابتسامه وبدينا نطالع نقشة الحنا ,, ونسولف مع الحرمه ,, الحنا شكله شي شي .. بمعنى الكلمه ,,

عقب ما خلصت الحرمه تريينا لما يجف .. وشلينا .. وحطت لنا الحرمه عليه نوع من الدهن عسب ياخذ لون غامج ,, وحاسبنا .. عقب تغشيت .. و طلعنا أنا وجواهر ,, وردينا البيت ,,

على طول رحت تعشيت ,, لأني بس كليت فطاير في الصالون ,, طلبناه من المخبز اللي جريب عن الصالون ,, وعقب العشا ,. طبعا تعشيت في الحجره .. ممنوع أحد يشوفني .. بس اللي عندهم واسطات خخخ .. حطيت راسي ع المخده ,, شفت جنطي اللي فيها ملابسي ,, غريبه ليش ما ودوهم حجرة يوسف ,, يمكن الخدامات باجر لما يفضى البيت بيرتبنها ,, رحت صوب الكبت فتحته ,, وطلعت البوكس اللي فيه أغراضي ,, الخاصه والغاليه نوعا ما ,, طالعت فيه ميداليه ,, شليتها .. ورحت قعدت ع السرير أتأملها ,, شفتها وشفتها ,, اندمجت مع الصوره .. قربتها صوبي .. وبستها ,, ضميتها بايدي وقربت ايدي من ويهي ,, هلّت دموعي .. وعبراتي خانتني .. ..


وينكـ ..؟؟ وينك يابوي .. تشوف بنتك عروووس فرحتها ناقصنها انت ,, وينك تيي وتجس نبضي اش كثر مستانسه وأخيرا بكون مع يوسف بس انت محد .. ليش يابوي تركتني ليش ,, ليتك معي بأحلى أيام عمري ليتك ,, تجي وتشوف بنتك تروح بيت ريلها ,,

مسحت دموعي .. وطالعت الميداليه ,, تذكرت لما كنّا في صحارى وتصورنا مع بعض وصورتنا انحفرت في هالميداليه ,, اش كثر كان يوم حلو ..
...... رديت مسحت دموعي ,, اليوم لازم ما أصيح باجر عرسي ,, هالشي بيأثر علي ,, لازم أكون قويه وأفرح .. غير الصياح بينفخ عيوني ويغيّر في تعاليم ويهي ..

حطيت راسي وأنا مرتاحه .. رفعت ايدي وحطيتها يدام عيوني .. قعدت أتأمل الحنا وهي مرسومه ومنقوشه
نقش على ايدي ,, معطيه ايدي منظر حلو ومحلتني وايــــــــــد ,, أحس العروس بدون حنا هب عروس الحنا تعطي بريق وشكل ثاني غير ..

قطع علي تفكيري صوت التلفون ,, طالعت الشاشه .. بلسم جروحي يتصل بك ,,. بسرعه رديت وأنا مستانسه ,,
قلت : هلا والله بـ ناعم العــــــود ..
يسوفي : هلا وغلا بالورد ,,

قلت : ها شو المعنويات ,,؟؟
يسوف : اسكتي لأيي أفلعج في الحجره عندج ..

قلت أوني زعلانه : أفا أفاااه .. زعلانه منك خلاااص .. قلت لازم انت تسألني شو المعنويات بس أشفقت عليك وقلت أسبقك ,, بس أنا الغلطانه ,,
يسوف : ازعلي واشربي من ماي البحر .. باجر غصبا عنج بتيين لي هههه

قلت له : يلا عاد باي ما تستاهل ,,
يسوف : لا لا لااااااااااااا شو بايه بعد ,, أنا مب مستحمل ما أطالعج تبيني ما أسمع حسج عاد بموت ,,
قلت : يعل عيني ما تبكيك يالغالي .. المهم ما بترقد ,,

يسوف : أشوووف تبين الفكه ,,
قلت : لا والله العظيم .. بس هلكانه أبا أرقد ,,

يوسف : ارقدي اليوم اقري اكتبي سوي اللي تبين باجر عندي يعني عندي ,,
قلت : ردينا على الطير يلي ,,

يوسف : ترا ها موضوعنا باجر ههههه
قلت : يسوووف شكلك تباني أنتحر ,,

يسوف : خلاااص باي حبيبي ارقدي وارتاحي عدددددل ,, أوكي
قلت : انشالله وانت بعد .. يلا في أمان الله ,,
يوسف : في أمان الكريم ,,


بعد ما انهيت مكالمتي مع يوسف .. طالعت التفلون ضميته لي .. من باجر مدري كيف بتكون حياتي معاك يا يوسف .. حياه يديده مليئه بأشيا مخفيه ما نعرفها ,, ضميت المخده لويهي ,, ورقدت ,,
ما حسيت بروحي الا والساعه عشر ونص ,,

الجوهره : نواري حبيبتي قومي يلا ,,
طالعتها : مابااااااااا ,, أول أختج والحين انتي ,,

الجوهره : بنتأخر ع راعية الصالون ,,
نشيت مفزوعه : هيييييييه اليوم العرس ,, يلا يلا الحين بنش ,,

قمت ورحت تسبحت ولبست .. عقب تريقت ,, فوووق طبعا ,, ورتبت أغراضي وجنطتي اللي باخذها وياي الفندق ,, وبعد ما رتبت كل شي ,,

الجوهره : هاا نواري خلصتي ,, ؟؟
طالعتها : هي ,,
الجوهره : بلاااج ..؟

طالعتها وأنا متوتره : خايفه وايد ,,
الجوهره : هههه عادي حياتي ,, كل وحده جذا يوم عرسها ,,

قلت : يلا نروح شكلنا تأخرنا ’’
الجوهره : تراها بتينا القاعه ,,
قلت : زين .. أحسن بعد عسب ما نتعب ,, يلا ازقري البنات ,,

الجوهره : لا البنات كلهن بيروحون صالون بافان في الشارجه ,, ما بييون ويانا القاعه .. بييون بليل
قلت : أهـــــــــاا عاد يلا مشينا ,,
الجوهره : يلا ,,

قلت : لحظه وين الفستان رتبت كل شي باخذه ويايه الا الفستان
الجوهره : جواهر حطته في السياره الصبح ,,

طالعتها : أهااا ,,, فديتها جوجو تعبتها ويايه ,,
الجوهره : أحسن عسب تتعلم حق عرسها ,,

طالعت الجوهره وابتسمت لها .. تذكرت سالفة جواهر .. فديتها والله ما تستاهل .. ربي يكون في عونها ,,
نزلنا ورحنا صوب القاعه ,, دخلنا القاعه ,, الجوهره قالت ندخل من باب أهل العرس ,, بس أنا أصريت الا ندخل من الباب الرئيسي ,, دخلنا ,, وبصراحه انبهرت من تصميم القاعه لأنه طررررر .. ومن فوق الين تحت أو بالأحرى القاعه عامها اللون الذهبي وفيه تدرجات البني ,, أذكر يسوف يحب اللون الذهبي فديته ,,

الجوهره : ها خلااااص طالعتي .. استانستي ,,؟؟
طالعتها : هي شكله طر الصراحه .. يسوف ذويق

الجوهره : هي وايد حلو .. يلا الحين نروح الحجره اللي بتتجهزين فيها ,,
قلت : يلا ,, تأخرنا وايد ع الحرمه ,,

الجوهره : مادري عنج .. كل شوي تعطلينا هههه

طالعتها وابتسمت .. ورحنا الحجره اللي بتجهز فيها ’’, ،، وعلى طول أول ما وصلنا الحرمه بدت بالسشوار ,, و عقبه ميكب ,, وآخر شي التسريحه ,, تأخرت واااااااااااااااااايد .. وأنا أتريا متى تخلص لأنه عظامي عورتني وأنا قارّه في مكاني ههههه ,,

بعد ما خلصت يت الجوهره وكانت جاهزه وطالعه طرررررطريشن ,,
قلت : جوجو بتغطين عليه ,,
الجوهره : ههههه خلّي عنج .. أشوف أشوف ,,

تمّت الجوهره تطالع الميكب والتسريحه عسب اذا فيه أي غلط أو شي مب عايبني تغيره الحرمه ,,
عقب وقفت عسب أطالع روحي .. شفت روحي الصراحه ما عرفت روحي ,, أحس روحي ملااااك غير غير بمعني الكلمه ,, بديت أدقق في ملامحي ,, حسيت روحي وايد تغيرت ,,

الحرمه قالت أروح البس الفستان ,, لبست الفستان الجوهره ساعدتني والحرمه بعد لأنه ثجيييييل وايد ,, عقب الحرمه رشّت اللمعه ع التسريحه ,, والجوهره لبستني الطقم ,, والحرمه ثبتت الطرحه ع التسريحه ’’ وحطت فصوص ع الفتحات والورد اللي في الحنا .. عيبتني الفكره .. وآخر شي تمت ترش اللمعه ع كل جسمي ,, وبعد ما خلصت ,,

الجوهره : ماشالله ماشالله أشوف اليوم ندوّر القمر ما حصلناه أثره يمبنا اهنيه ,,
طالعتها وقلت : ههههه عاد لا تبالغين ,,

وقفت لبست الكعب اللي طولني .. وااااااااااايد ,, طالعت شكلي في المرايه العوده ,, شفت روحي جني عارضه أو شي جذا من طولي ’’, ،، دققت في ميكبي شفته حلو وايد هب دفش على لون الكوشه .. تدرجات البني والذهبي اللي دارج عليه ,, وعيوني محدده وطالعه كشخه .. والتسريحه بعد حلوه .. شعري مرفوع وااايد ونازل من التسريحه فير .. شكلي غير غير ,, الفستان من بُعد كيلو يلق لق ,,

الجوهره : بسج يلا تعالي اقعدي هههه
طالعتها وقلت : خليني أستانس شوي عاااد ,,

الجوهره : الساعه سبع ونص الحين .. يلا عقب شوي بتدش المصوره وتبدا تصورج ,, أنا بروح صوب المعازيم ,,
قلت : لأأأأأأأأأأأأ .. لو تروحين ازقري البنات مابي أتم روحي ..

الجوهره : ماشي يلا ,, الحين المصوره بتيي ..

طلعت جواهر تميت قاعده روحي الين يت المصوره وتمّت تصورني .. سمعت صوت الدق والموسيقى .. أكيد بدو الناس ييون .. يا خوفي .. كيف أطلع يدام هالعالم كلهم ,, روحي والأنظار والأضواء مسلطه عليه ,, يارب استر ,,

وقعدت المصوره تخليني أسوي حركات ,, وأوقات جني تايهه .. كشخه ,, وتقول أحط ايدي جني سرحانه أو اني أحضن اليدار هههه ,,

تمنيت أطلع وأشوف الفعاليات اللي قاعده تصير بره ,, ملل اهني
مر الوقت وأنا طول الوقت قاعده مع المصوره الظاهر فيه غيرها يصورون بره هاي بس حقي خخخ زين أقضي وقت وياها ,, وعقب كم من ساعه دشّت الجوهره ..

الجوهره في ايدها مسكه : هاااج يودي مسكتج وعقب شوي .. تراج بتطلعين استعدي ,,
طالعتها وقلت : خايفه جوجو ..

الجوهره : نواري خلج قويه ,., وبعدين الا هي كم من دقيقه والناس ما بياكلونج ,,
قلت : انزين أوقفي يمبي يوم تزفوني ,,

الجوهره : لا شو تبين نخرب عليج ,, المهم ابتسمي كل شوي وطالعي الناس أوكي ,,
طالعتها وأنا أنافخ : انزين ,,

الجوهره : تعالي أعدل لج الروج ذاب ..

عدلت لي اياه وطلعت وقفت شوي بعيد .. وقالت تعالي شوي شوي ..

يودت المسكه وأنا أرتجف مدري شو صابني ,,. لحقتها .. الين وصلنا قريب الباب العود .. كنت أسمع صوت جري حصان .. ويوم وصلنا جريب الباب الجوهره ابتعدت عنّي .. انفتح الباب .. وصار صوت عالي واييييييييد صوت الباب يوم ينفتح ,.,
وأول ما طلعت حسيت ضوء قوي على عيوني .. طالعت المصوره واقفه يدامي بس بعيده بخطوات .. وقفت للحظه هاي أوامر الآنسه الجوهره .. فجأه بدا صوت يوسف وهو يمسي ع الجميع .. ويقول قصيده فيني ,, حسيت روحي مستانسه .. صوت يوسف يحرك كياني ويهز فيني أشيا وأشيا ,, أحبك يا يوسف ؟؟

تميت واقفه والناس كلهم يطالعون صوبي .. ثواني الا والا القصيده تنختم بكلمة زوجتي حبيبتي ..
بدا لحن هــــــــــادي وحلو وايد .. تقريبا هندي شوي .. بس وايد هادي وحلو ..
وبديت أمشي وأنا أطالع الناس وأرتجف .. وأبتسم لهم ,.. حسيت روحي بموووت من الخوف والرعب .. الين وصلت جريب الكوشه .. وساعدتني الفلبينيه يوم أشل فستاني شوي عسب أروم أصعد .. وقعدت .. حسيت الناس كلها تطالعني بس أنا ,.. كنت أطالعهم وأبتسم الهم .. وأرتجف في نفس الوقت ,, طالعت جواهر وميثاني يتجدمون مني .. ابتسمت الهن .. وبدو يتصورون ويايه ويسوون حركات دلع ,,
والناس بدو ييون يباركون لي .. ثواني الا ويبدا لحن موسيقي .. هااادي ..

جواهر يت صوبي ومسكت ايدي وميثاني معااها وعلايه والجوهره بعد .. ونزلوني من ع الكوشه ,, الكوشه ما كانت عوده وايد كانت استايل أجنبي ,, ووقفوني في النص وبدو يرقصون .. ابتسمت لهن على حركتهن الحلوه ,, وبدت جواهر تيود ايدي وتحركها ,, ما رقصت بس كنت أبتسم أو هم يحركون ايدي لأنه عيب عندنا العروس ترقص دفش خخخخ وعقب اللحن هذا ,,

شفت مرت عمي وعموتي ييون صوبي باسوني وسولفو ويايه شوي .. وعقب ردو قعدو مكانهم ,, طالعت صوب وحده يايه صوبي .. يت وباستني ,,

قلت : شوووووووووواخ ,,
شيخه : فديتج أنا مبروووووك حياتي ,,

قلت لها : الله يبارج في حياتج حبيبتي فرحتيني وربي ,,
شيخه : لازم يوم أدري عرس نواري وما أيي ,,

طالعتها .. وسولفت وياي شوووووي .. ونزلت ,,, وثواني الا والدي جي يقولون اللي يتغطا يتغطا ,, ارتبكت واااااااااااااايد عرفت انه خلااااص يوسف بيدش .. خفت وايد وارتبكت ,,

الجوهره يت صوبي .. وخلتني أوقف ونزلت شوي من الطرحه على ويهي ووقفت جريب عني في طرف الكوشه ,, يوسف دخل معاه عمّي ,,

ما كنت أطالع صوبه مدري ليش استحييييييت وايد .. وصل صوبي مع عمي ,, تجدم عني رفع الطرحه عن ويهي و يودني من جتفي بايديه وباس راسي .. وقال بهمس : مبروووك الغاليه ,,

مدري ليش حسيت برعشه خوف وبنفس الوقت أمان واستقرار..
عقب عمي باس راسي ,,
يت عموتي ومرت عمي صوبنا .. وسلمنا عليهم أنا ويوسف .. مرت عمي حضنت يوسف وحضنتني وتمت تصيح ,, بغيت أصيح .. بس كللللللللل شي بيخترب ..

ثواني الا والبنات ييون صوب عمي ويتصورون وياه .. وعمي قبل ما يطلع ياه وقف يدامنا .. باسني وبست راسه .. ويوسف بعد باس راسه ,,

عمي قال بهمس : دير بالك عليها عدل هاي بنت الغالي ,,
يوسف ابتسم وطالعني : لا توصي حريص ,,

وطلع عمي .. وهو يبتسم لنا ,, وثواني الا وعموري وعدول يدشون ومعاهم علاوي .. يو صوبي وباسوني .. مدري ليش نزلت لمستواهم ,, مب اني نزلت لأأأأ انحنيت وبستهم ..

وبعد أكييييييييد الفعاليات الرسميه وتقطيع الكيكه ,, والعصير وهالسوالف .. زفونا يوسف تم ميود ايدي هالشي وترني واااااايد ’, ، ورحنا الحجره .. ويت المصوره ,, وتمت تصورنا عاااااااااد خلونا ساكتين وايد أحسن .. عقب ما خلصت .. يوسف راح يشل الشنط صوب السياره .. الا هي جنطه وحده عسب الفندق ,, وأنا تمت الجوهره تساعدني أطلع الفستان وألبس مخوره ,, ولبست عباتي ,, وعمي دخل من باب أهل العرس ياه صوبنا ..

عمي : ها العروووس اشحالج ..؟؟
طالعته متلومه : بخير ربي يعافيك ,,

عمي : خوالج بييون الحين يسلمون عليج ,,
ترييت لما يو خوالي يسلمون عليه .. سلمو عليه مدري حسيت ملامحهم غير .. عاديه جدا ,, باين مستانسين يالله ربي يديم المحبه ,,

وعقب ما ظهرو .. زفونا صوب السياره ,, وبعد ما ركبنا السياره ,, يوسف تم يسوق وهو ساكت وأنا بعد كنت ساكته ,,

يوسف : مبروووك نواري ,,
قلت وأنا منزله راسي .. : الله يبارك في حياتك ,,

يوسف : ع الأقل قولي لي مبروووك ,,
تلومت وما رديت عليه جان يقول : جيه طلعتي الفستان ,, كان حلو عليج ,,

قلت في خاطريه بدينا جان أقول : ترا الفستان عوود وايد مقدر اروح الفندق وياه ,,
يوسف : هييييه ,,

وصلنا الفندق بسرعه ,,
ونزلنا يوسف عطا سويج السياره حق العامل ,, ويود ايدي ورحنا صوب الجناح ,, دخلنا .. يوسف قال ..
يوسف : يلا حبيبي دشي ,,
دشيت وتم هو ماسك ايدي ,,

على طول بعد ما دشيت رحت قعدت صوب القنفه ,, كنت لابسه عباتي والشيله ع جتفي ’’
يوسف ياه قعد يمبي .. وقال : نواري حبيبي لا تخافين خلااص أنا ريلج ,,

طالعته ما رديت عليه هزيت راسي بمعنى هيه ,, جان يرد
يوسف : متعشيه ,,

هزيت راسي بمعنى هيه ,, يوسف طالعني ويودني وحطا ايده ورا ظهري وقربني عنه وقال .........
يوسف : ارمسي .. شو كله تهزين راسج ههههه

حسيت روحي ما أروم أرمس جان يقول : شكله ماشي فايده هههه .. يلا أنا بروح بتسبح ,,
يوسف خذا ملابسه ودخل الحمام وانتو بكرامه ,, وأنا رحت صوب المنظره .. طلعت عباتي وعلقتها ,, وبديت أمسح الميكب بالكلينكس مزيل الميكب ,, خلصت بسرعه قعدت ع السرير ,, دموعي خانتني مدري ليش تذكرت ابويه واااايد ,, الله يرحمه ,, لو اليوم عايش جان استانس لي واااايد ..

ما حسيت الا وصوت يوسف يقول لي : نواري بلاااااج ..؟؟
مسحت دموعي بسرعه يوسف تجدم عني وقعد يدامي رفع راسي بايدينه وقال : نواري شو فيج ..؟؟
مارديت عليه وبديت أمسح دموعي ,, قال : خايفه ,, ؟؟

حركت راسي بمعنى لأأ قال : عاد شو فيج ..؟
قلت له : تذكرت بابا الله يرحمه ,,
يوسف تغيرت ملامحه بعد وقال : الله يرحمه ,, والله لو بيدي بعطيج فرحي وهمج أخذه عنج ..
طالعته وقلت : يلا أنا بسير بتسبح ,,
يوسف طالعني وقال وهو يبتسم .. : يلا بسرعه فيني رقاااد ..


.................................................. .................


رحت بفكري بعييييييييييد حسيت روحي مستانسه .. وأخيرا يوسف يمبي ,, مدري كيف أعبر عن وناستي ,, شي حلو اثنين يحبون بعض ويتزوجون وعقب تنتهي حياتهم بسعاده ,, وتكون دايمه للأبد ..


.................................................. .................

ما حسيت بروحي الا وأنا أفتح عيوني على ضو الشمس اللي داخل من بين الستاير ,, قعدت فتحت عيني بكسل ,, تذكرت انه أمس كان عرسي ,, طالعت يمبي .. شفت يوسف رااااااااااااقد ,, حليله شكله تعبان .. لازم كل مسؤؤليات العرس عليه لازم يتعب ,, قمت رحت تسبحت ,, وغيرت ملابسي ,, ورفعت شعري بطريقه مرتبه ,, وقعدت أعابل في التلفون أتريا يوسف ينش ,, قعدت أتريا وأتريا ,, ما نش بغيت استشور شعري بس بضايجه بالصوت .. جان أشوووف مجله ,, رحت يبتها وتميت أتصفحها وكان فيه موديلات وفساتين .. تميت أطالع الفساتين والأزياء ..

حسيت بصوت يوسف وفيه رقاد يقول : صبااااح الورد ,,
نزلت المجله وقلت : صباح النور ..

يوسف حضن المخده وحط راسه وغمض عيونه قال : يقولون الفل والياسمين ولا ورود الدنيا ,, هب صباح النور بس .. أسميج بخيله ..

طالعته ابتسمت : ههههه خلاص الفل والياسمين والجوري .. شو تبا بعد ..؟؟
يوسف ابتسم : هههه هي أباج جذا شطوره تسمعين الكلام ,,

قام وراح خذا الفوطه ودش الحمام وانتو بكرامه يتسبح .. رحت صوب السشوار وركبته واستشورت قذلتي ورتبتها من ورا ما سشورته ما يحتاي جف شوي وناعم ما يباله بس مشيته بالخفيف ... ورفعته رحت قعدت أشوف الأزياء ,,

ما حسيت الا ويوسف واقف يدامي .. يطالع المجله وياي ... جان يقول ..

يوسف : طر هالفستان صـــح ..؟
جلبت الصفحه بسرعه وقلت : لا تطالع عييييييب ..

يوسف : ههههه تغارين يعني ,,
قلت له : شو تتحراني ما أغار ..

يوسف : ههههه انزين أنا بتلبس وبطلبنا ريوق ..
قلت له : أوكي .. متى بنرد البيت ..

يوسف : الساعه وحده وحده الا ربع جذا ..
قلت : أوكي ,,

يوسف طلب لنا ريوق وتريقنا عقب .. أنا رحت صوب المنظره عسب أحط ميكب ,,
يوسف : لا تحطين ,, بدون ميكب أحلى ..
قلت له : عرووس وما أحط ميكب شو تباهم يقولون عنيه ,,

يوسف : ههههه حطي انزين خلاااص ,,
تميت أحط و حددت عيوني وبعد ما خلصت من الميكب ,, شليت ملابسي رحت غيرت .. وبعد ما خلصت طلعت من الحمام وانتو بكرامه ,, شفت يوسف وياه المجله ,,

قلت له : ليش وياك هالمجله ..؟؟
يوسف : حرمتيه مودرتني .. قاعد أدور غيرها ,,

طالعته قلت له بدلع : حراااام عليك يعني ما تباني أكشخ ,,
يوسف : مب ذابحني غير هـ الدلع ,, اكشخي أبوي خلاااص ما بنقول شي ..

رحت رتبت قذلتي كنت مخلصه خلااااص .. ولبست الاكسسوار وتعطرت ,,
طالعت يوسف من المنظره : ها شو رايك أوكي ..؟؟

يوسف صفر وياه صوبي لوا علي تلومت من حركته وتم يطالع من المنظره وترني وايد ,,, جان يقول ..
يوسف : لو أدري انج جيه حلوه جان خذيتج من انتي ياهل ,,

ابعدته عني شوي وقلت : لا تبالغ عاااد ..
يوسف ضحك وراح لبس كندورته ورتب شعره عقب وقف يدام المنظره عسب يلبس الغتره والعقال .. بعد ما خلص وتعطر قال : هاااا شو رايج في ريلج ..؟؟

قلت له : جنتل مان وربي ههههه
يوسف ابتسم ياه يودني من خدودي وقال : يلا البسي عباتج بننزل ..

لبست عباتي والجعب اللي بيسويني ناقه هع .. بس الدراعه طويله شسوي يعني ,, ههههه
ولفيت الشيله ,, ولبست الغشوه ,,

يوسف : ها خلصتي ,,؟؟
قلت له : هيه ,,

يوسف : شطوره حرمتيه تسمع الكلام تتغشى ,,
قلت له : تغار يعني ,,

يوسف : أكييييييد جيه تشوفيني ماكل لحم خنزير عسب ما أغار ,,
قلت : وع ع ع عليك يسوف لوعت بجبدي ,,

يوسف ياه صوبي وزخني من ايدي ونحن طالعين قال : هههه فديتج ,, يلا نسير ..

طلعنا ونحن نازلين نروح صوب السياره .. يوسف رمس الرسبشن .. عسب ييبون الشنط ,, ورحنا نحن السياره ,, تمينا قاعدين ويوسف يسولف ويطفر بي ,, لدرجه سويت روحي زعلانه ,, بس فديته يراضيني ,, عقب دقايق العامل ياب الشنط وحطهم وتحركنا عسب نروح صوب البيت ,,

تميت ساكته أسمع يوسف وهو يسولف وياي وأطالع ملامحه وطريقة كلامه .. غير عن قبل ,, أول غامض وعصبي بس الحين غير وايد .. أحسه قريب مني ,,

يوم عن يوم يكبر في نظري .. وحبه يزداد في قلبي ..
وصلنا بيت عمي .. يوسف طلع وطلعت أنا بعد .. قفل السياره برموت السويج .. وطالع صوبي .. ياه وقف يمبي وقال : وأخيراااااً نواري انتي خلاااص لي ,,,

تلومت واستحيت من طريقة كلامه ونظراته اللي تذبح ..
دخلنا البيت ,, شفت كلهم قاعدين .. الظاهر كانو كلهم يتريونا .. بدت عموتي ومرت عمي يببون ..
تلومت لأنه كل الأنظار صوبي معنهم الأهل بس ,, رحت صوبهم سلمت عليهم وبستهم ..

وشفت عمي رحت صوبه ,, بست راسه ,, صديت شفت عموري وعدول وعلاوي يايين ركض صوبي ,, انحنيت لمستواهم وبستهم ,, شفت البنات رحت صوبهن وسلمت عليهن .. عاد الله المستعان من ميثاني وتعليقاتها ,, ههههه

صديت شفت يوسف واقف يمب عمي وعمتي ومرت عمي ومستانس شكله ,,
جان توني أقعد .. الجوهره قالت : نواري افسخي عباتج ,,
جان أطلع العباه ,, وجواهر شلتها عسب تعلقها ,,

ميثاني تمت تهمس : ياااااااي متى أعرس ,, حلو العرس صح نواري ,,
الجوهره : ميثوووه شو هالرمسه صخي أحسن لج

وقعدو البنات ويايه وسولفنا ومرت عمي وعموتي سولفو ويايه عاد الله والنصايح ,, مالهم ما تخلص ’,,
تغدينا عقب الغدا قعدنا ويا بعض ,, وتذكرت العصر اليوم طيارتنا ,,

قلت : جواهر جنطة السفر مالي جاهزره ,,
جواهر : هي جهزتها .. ريلج ها ما كان جاهز خل يحمد ربه رتبت جنطته ,,

طالعتها وقلت : غصباً عنج وبعدين ما اسمح لج ههههه
جواهر : تغارين عليه يعني ,, ؟؟؟

قلت لها : أكيد ريلي حبيبي ما تبيني أغار عليه ..
ميثاني تغمض عيونها : خربتنا خربتنا ,, بعدني فتاه عذرا لا تسولفين جذا يدامي ,,

طالعنا ميثاني وضحكنا على تعليقها اللي يفطس من الضحك ,,
وعقب الجوهره أشرت لجواهر وميثاني بمعنى تعالو ,, وعلايه تمت ويايه ,,

قلت : شوسالفتهم ,,؟؟
علايه ما فيها حيل : مدري والله عنهم ,,

قلت لها : بلاااج ..؟؟
علايه : جبدي لايعه واااايد أبا أرقد ..

طالعتها وغمزت لها : هاااا يعني حامل ,,
علايه : مدري اليوم العصر خالد بيوديني العياده ,,

قلت لها : عاد مبروك مقدما ههههه ..
طالعت علايه ,, كانت تحب خالد من اهيه صغيره ,, ولد عمها هو ..وربي جمعهم مع بعض .. حتى أنا ويوسف .. ياربيييييييه اش كثر احبه مقدر أفارقه ,,

وعاني من خيالي صوت جواهر وهي تقول : نواري تعالي ,, عليوووه سيري الميلس ,,
لحقت جواهر قلت : شو تبين ,,؟؟

قالت : يوسف يباج ,,
استانست ولحقتها وصلنا صوب المطبخ ,, شفت يوسف ابتسمت له ,,

قال : تبيني نواري ,,؟؟
قلت له : لأأأ انت اللي بغيتني ,,

يوسف استغرب طالع جواهر قال : لأأأأ
جواهر : انزين ترا بابا يباكم في الميلس ,,

يوسف مشا وياي وجواهر تجدمت .. راحت صوب الميلس ,, تقربنا من الميلس ,,
دخلنا كان ظلمه ,, جان نسمع صوت يباب جوجو وميثاني المفلع ههههه

فتحت جواهر الليت وكانت مشغله أغنيه باللاب .. طالعتها مستغربه ,, حتى يوسف تم يطالع مستغرب ,, جان نشوف الصوب الثاني من الميلس كيكه كبيره مكتوب عليها .. مبروك للعروسين ,, نواري و يسوف ..
طالعت يوسف ابتسمت له حتى هو ابتسم لي ,’,

عقب جواهر والجوهره وميثاني ودونا صوب الكيكه ,, وخلونا نقطعها ويا بعض ,,
وحطو القطع في صحن .. وجواهر بالشوجه قطعت قطعه وقالت ليوسف يوكلني ..

وميثاني كان وياها الكام وتصورنا .. يوسف تم يلعوزني كلما يقربه يبعده أخر شي حلفت ان ما صخ ما باكل القطعه هههه .. عقب عطوني الشوجه وأنا وكلته .. حسيت الحركه حلوه ووناسه أمس سويناها بس كانت غير عن اليووم أمس كنت متوتره ومحتاسه أما اليوم لأأ على روااااأ على قولتهم ههههه ..

عقب الجوهره يابت عصير ,, وقالت حق يسوف يشربني .. وبدون استرو لحسن الحظ خخخخ ..
طالعته وقلت : ها بدون استرو عن تخيسني ,,

يوسف طالع الصينيه اللي فيها العصير وقال : هههه حلوه فكرة الورد ,,
جواهر : طبعا أختك سوتها ,, هههه

يوسف شربني العصير ,, عقب الجوهره قالت أنا أشربه ,.,
جان أقول : من نفس القلاص ,,؟؟

الجوهره : هي شو فيها ريلج يلا بسرعه ,, ههههه
طالعت يوسف توني بشربه قال : أبا من صوبج ,,

استحيت طالعته بمعنى البنات اهني شو هالرمسه جان يبتسم ويقول : لأأأأ من صوبج اللي شربتي فيه ,,

استحيت غير انه الكام قاعد يصور كل شي شربته بسرعه وأنا متوتره ومستحيه من سوالفه هههه ..
عقب قال : منو فيكن بتصورنا صور عاديه ,,

علايه هلكانه : أنا أعرف أصور عدل بس منهد حيلي ميثاني تعرف تصور عدل ,,
يوسف : ازقرو ريلها يوديها عنا عن تطيح وتبلشنا هههه

ضحكنا على كلام يوسف من زمان ما يمزح جذا ,, يمكن كان يمزح بس يدامي لأأأأ ..
ميثاني يت تصورنا .. جان يوسف يلوي علي من ورا .. استحيت وهمست : عيب البنات اهني ,,
يوسف طنشني وابتسم للكام وأنا معصبه ههههه ..

وجذا لما أذن العصر وراحو الشباب المسيد يصلون العصر وتمينا نحن البنات وصلينا في البيت عقب رحت شفت الشنطه اذا أغراضي ناقصنها شي ولا لأأأأ ..

رحت غيرت ملابسي ولبست بنطلون بيج وقميص أحمر عنابي شوي والنعال كعب أحمر خخخ وحطيت روج أحمر فاتح هو قلوز نوعا ما ورفعت شعري بقباضه حمرا ,, كنت حاطه ميكب بس خفييييف وايد الروج والجحال بس اللي باين هههه ..

توني بلبس عباتي .. سمعت صوت الباب ,,
رحت صوبه قلت : منوووه ..؟؟
...... : جواهر نواري فجي الباب شوي ..

فتحت الباب دخلت جواهر وقعدت ع السرير ,, قالت : نورو بليز يوم تسافرين لا تفكرين فيني أنا نسيت الحمدلله وانشالله ربي يحلها ,,

قلت لها : عفيه عليج أباج جذا شطوره ,,
سمعت صوت الباب اندق ثلاث وانفتح : ليش ما تفكر فيج ,, وطالع صوبي ابتسم ..

جواهر ابتسمت : قصدي مابي هدايا ههههه يلا أنا بطلع تبين شي ..
قلت : لا سلامتج ..

طلعت جواهر رحت صوب العباه مستحيه عسب ألبسها .. يوسف طالعني ابتسم ,,
قال : لايق عليج الأحمر مسكت الصراحه ,,

طالعته وقلت : استح لا تطالع ’’, ،،
يوسف تم يطالع ويقول : حرمتيه كيفي ..

لبست عباتي وقلت : بس هاي حجرتي جيه دخلت جذا ,,
يوسف : ههههه جب لافلعج الحين .. يلا البسي وتعالي تحت بنتأخر ع الطياره ,,

خذيت جنطة الايد وياي وخذيت الكام بعد .. ولحقت يوسف ..

نزلنا سلمنا على عمي وعموتي ومرت عمي والبنات واليهال .. حسيتهم مستانسين وبيفتقدون وجودنا يوم بنسافر .. الا هم أسبوعين ونرد انشالله ..

وعقب ما سلمنا عليهم .. عمي تجدم مني وقال : ديري بالج ع روحج ,,,
طالعته وارتميت في حضنه تذكرت أبوي وبديت أصيح وأنا حاضنتنه ,,

عمي رفع راسي ومسح دموعي وقال : نواري فديتج ليش تصيحين الا هم أسبوعين وتردون ..
طالعته ابتسمت له ومسحت دموعي ,,

يوسف : تامرون بحايه ..
عمي : سلامتكم بس ديرو بالكم ع روحكم وما وصيك على نوره ..

يوسف ابتسم لي وقال : في عيوني .. نواري ..... يلا نواري ,,

لحقت يوسف وطلعنا ركبنا السياره وتحرك .. وصلنا المطار بسرعه لأنه جريب شوي عن بيت عمي ..
نزلنا كنت ورا يوسف .. بس عقب رحت قعدت في الانتظار وراح خلّص اجراءات السفر والطياره .. ورد صوبي .. رحت وياه لسوق الحره وقال شو أبا اشتري .. ما خذينا وايد أشيا .. خذينا شوي .. عقب أعلنو انه الطياره بتقلع .. ردينا ورحنا صوب الطياره ,,

يوم نحن نركب يوسف كان ميود ايدي لأنه زحمه وايد غير انّه صيف والناس كلها تسافر ,, رحنا قعدنا ..
وربطنا الحزام ,, والطياره دقايق وأقلعت ..

يوسف طالعني وقال : خفتي ,,؟؟
قلت له : لأأأأ ..
يوسف : لازم حرم الشيخ يوسف ,., ما تخاف هههه

طالعته وقلت : ماخذ في روحك مقلب تصدق هههه
يوسف : تعالي جيه سويتي لنا فيلم هندي قبل ما نطلع اليوم ..
طالعته وقلت : ما يخصك ,,

يوسف طالعني وقال : نواري صخي .. عيب ..
طالعته : آسفه ,,

طالعني وقال : ههههه حياتي والله .. فديت اللي يخافون من ريايلهم ,,
قلت بهمس : يفداك كلّي وربي ..

يوسف ابتسم وقال : عيدي ,,
قلت : لأأأأ ليش نازعتني ..

يوسف : دلوووعوووه ,,
قلت : مب انت تقول حرم الشيخ يوسف ..

يوسف : نواري جيه تحت عيونج هالات ,,
تميت اتحسس عيوني وقلت : مدري ,,

يوسف : بس مسود تحت عيونج عدل ,,
قلت : يمكن من القعده ع الكمبيوتر ..

يوسف : عاد شكلي ما بخليج تقعدين ,, عليه مره ثانيه الا مره في الاسبوع
طالعته قلت بسرعه : لأأأأأ ..... أنا أ .......... وتذكرت انه سر جان أسكت ,,
يوسف : شوووه ؟؟

قلت : لا ماشي بس كنت بقول اني من زمان ما قعدت عليه عشان العرس ,,
يوسف : أشك انه كلامج صح ,,

طالعتها وقلت : شو يعني أجذب عليك ,,, بس أكيد من التعب ..
يوسف : يبالنا وقت الين ما نوصل ,,
قلت له : هي لبنان بعيده شوي ,,

يوسف : سرتي لبنان قبل ,,؟؟
قلت له : لأأأ بابا كان يسفرنا بس ماليزيا و مصر ودول الخليج هههه
يوسف : احمدي ربج انزين هههه غيرج ما يسافر ..

قلت له : هي الحمدلله .. انت سرت لبنان قبل ..
يوسف : وااايد ,,
قلت له : شي طيب ,,

يوسف : بناتهم طررررر ,,
طالعته بقهر : يا ريتني ما ييت عاد دول الخليج أحسن ..

يوسف ضحك : ههههه فديت الزعلانين ,,
قلت : سير خل اللبنانيات ينفعونك ..

يوسف تم يضحك علي ,, يت المضيفه وقالت : سي ، أهلين كيفكون ,,
يوسف رد : منااااح ,,

المضيفه : نائيصكون شي .. بدكون شي ,,
يوسف : لأأ خدمتكن في أي بي ,, مو نائصنا شييي ..

المضيفه : نحنا تحت أمركن امتى ما بدكون ايانا .. نجي ,,
وقعدت تدلي يوسف ,, انقهرت الريال يرمسها عادي .. ولا جنه صاير شي ..

قالت : المدام حبيبتك ولا زوجتك ,,
قالت زوجتك بطريقه حلوه خخ جان يوسف يرد : حبيبتي وزوجتي كمان ,,

المضيفه : اي الله يهنيكون مع بعد شكلكون عرسان جدد ,,
يوسف قال : أي جايين لبنان شهر عسل ,,

المضيفه : بتنورها ..

وتمت ترمس يوسف شوي حسيت روحي أغلي من العصبيه جني بركان ومهدد بالانفجار ..

يوم روّحت ,, يوسف شافني وقال وهو يبتسم .. : حلوه لااه عندها أسلوب ,,

طالعته وأنا كلي قهر وصديت ,, متعمد يقهرني هالانسان ويرفع ضغطي ,, يعرف شو نقطة ضعفي ..

طالعته وقلت : هي وايد حلوه لو تباها خذها بعد .. وصديت عنه ,,

يوسف تم يضحك ويقول اني هبله .. ما عبرته ,, عقب ساعات يوم الطياره تهبط ,, ربطنا الحزام وحزامي ما طاع ينربط ,,

جان أطالع يوسف وأقول : أوييييييه هب راضي ينربط ..
يوسف طالعني ضحك وقال : أحسن هههه

طالعته وأنا معصبه : هاللي يهمك يعني أوكي .. ما عليه ,,
يوسف طالعني وقال : ما بربطه الا يوم تقولين حبيبي آسفه ,,

قلت له : ع شو بعد أتأسف ,,
يوسف : لأنج زعلتيني قبل شوي ..

قلت له : هي مبين ,, روحك طفرت بي وقهرتني وآخر شي أنا أتأسف ..
يوسف : خلاااص برايج ,,

ومره ثانيه قالو خلاااص الطياره بتهبط ,, طالعت يوسف وأنا متخرعه وشوي وأصيح ..

مسكت ايده و قلت : يوسف اربطه .. والله آسفه حراااام بموت ..
يوسف ساعدني ربط لي اياه وقال : حياتي ليش تخافين ,, ما في شي يخوف ..

طالعته : هي ليش أخاف ,.. تباني أموت وما أخاف ,,
يوسف : ههههه غبيه ,,

قلت له : محد غيرك ,,
يوسف : تراني بفتح لج اياه ,, وبفرج من الدريشه ,,

قلت : اذا الدريشه تنفتح يعني الطياره والناس اللي فيها بيطيرون هع ..
يوسف : خلي معلوماتج حقج ,,

طالعته وقلت : حبيبي ما بتغشى في لبنان ,,
طالعني وقال : شوووه ..؟

تخرعت قلت يمكن يباني أتغشى ,, نزلت راسي وقلت : اللي يريحك ,,
يوسف : لا لأأأ الكلمه اللي قبل ,,

طالعته وتذكرت تلومت الصراحه بس قلت له : ما بتغشى في لبنان ,,
يوسف ابتسم جنه فهمني وقال : هي محد يتغشى اهناك عادي .. وبعدين انتي امبونج ما تتغشين ,,

قلت له : بس انت اللي قلت تغشي ,,
يوسف : هي يوم نرد الامارات من فوق الين تحت أباج أسود ههههه أغااار ,,

طالعته وقلت : أونك عاد ,, عاد مو لهالدرجه ’’, ،،

وهبطت الطياره في لبنان ,, نزلنا .. ويوسف خلص اجراءات المطار والسفر ,, وهالسوالف عقب ياه يود ايدي وطلعنا ,, بصراحه المكان يخبل بمعنى الكلمه .. حتى يهبل شوي عليه ,, حسيت روحي في بلاد برا ,, لهالدرجه المكان حلو ..

عقب يوسف اتصل مدري على منو بس الظاهر مأجر سياره وفي واحد طول هالأسبوعين هو اللي بيودينا ويردنا ..

ركبنا السياره ورحنا صوب الفندق ,, طول الوقت كنت أطالع برا ,, الجو وااااااااايد حلو .. أحلى عن صيف الامارات بس بعد الامارات حلوه بحرّها وبردها وفي كل حالاتها ..

وصلنا ونزلنا الفندق .. رحنا الجناح ,, ويوسف بعد ما العامل دخّل الأغراض راح قعد عالقنفه ,,

قال وهو يمسح راسه : أووووف تعبت ,,
قلت : هي القعده ممله في الطياره ,,

طالعني وقال بخبث : بس المضيفه ما حسستني مووول بالملل ..
صديت عنه ,, ورحت صوب الشنطه أطلّع لي ملابس عسب أتسبح ,, سمعت يوسف يقول ..

يوسف : فديت اللي يغارون ع رياييلهم ,,
ما رديت عليه .. وقلت : اتصل بـ عمي قول لهم وصلنا ,,

يوسف : هي كيف راحت عن بالي ,,
دشيت الحمام أتسبح وانتو بكرامه وأنا مقهوره ليش يوسف يحب يضايجني دوووم ..

طلعت وأنا شعري مبلل ,, يوسف قال : الوالد سلّم عليج ,,
قلت له وأنا رايحه صوب المرايه ,, : الله يسلمه من كل شر ,,

يوسف ياه من وراي ,, مسك الفوطه وحطاها على شعري وتم يطالعني من المرايه وقال ,,
يوسف : حبيبي جففي شعرج قبل لا تمرضين ,,

ابتسمت له رد لي الابتسامه وشل ملابسه عسب يتسبح ,, ومشى وهو يطالع صوبي ..
عقب تميت أطالع برا من الدريشه صح انه ليل ,, بس بعد الجو حلو والمنظر خلاب وااايد ,,
تقريبا الحين جريب الفير ,, الوقت راااح بسرعه ونحن في الطياره ,,

ما حسيت الا ويد تمسك جتوفي ,, : ها حياتي ,, ما تاكلين ,,
طالعته وقلت : مب يوعانه كليت في الطياره ,,

يوسف : أكيد ما تبين عشا ,,
قلت له : والله العظيم ولو شريت ما باكل لأني هب يوعانه ,,

يوسف ابتسم : على راحتج يلا ارقدي باجر ورانا حواطه ,,
طالعته : هي الله يستر هههه ان ما فلستك ,,

...........................

قمت من النوم طالعت حواليني شفت يوسف راقد ,, وحالته حاله .. تعبان وايد أخاف يمرض ..

قمت رحت تسبحت ولبست وكشخت ,, لبست بنطلون جينر وقميص أسود مع رصاصي وأبيض .. ورديت شعري كله على ورا ورفعته و رفعت قذلتي بطريقه حلوه .. رحت صوب الدريشه طالعت برا ,, الفندق هذا يطل على حدايق كلها خضره وأسواق ,, مدري ليش يوسف ما حجز لنا صوب البحر أحلى ,, طالعت وراي شفت يوسف بعده راقد ,, رحت صوب علبة الميكب ,, حطيت فونديشن خفيف ومسحت ويهي بالبودر عسب يتساوى لون البشره والفاونديشن يلمع .. وحطيت جحال خفيف .. وقلوز .. عقب لبست طقم خفيف ونعومي .. شفت صوب يوسف بعده ما تحرك راقد ..

حسيت روحي ميته يوووع .. رحت صوب الثلاجه عسب أشوف شي أكله ,, ما عيبني شي ,,
ركزت عدل طالعت في الثلاجه .. غرشه شكلها غريب ,,

ركزت وركزت .. أوووووه هذا ويسكي ,, غربلات اليهود ,, غريبه شاللي يايبنه اهني ,, حاولت أعرف تذكرت انه في الفنادق يتواجد بكثره هالشي ,,
رديت قعدت ,, آخر شي مليت رحت صوب السرير قعدت وتلحفت ,,

يوسف ما حس اني ييت يمبه بعد ,, صدق هالانسان نومه ثجيل .. الله يعيني عليه .. بس في كل الحالات فديته فديته فديته ,, وتراني أدل بيته ههههه

آخر شي نفذ صبري .. وهزيته ,, قلت : يوسف ,, يوسف حبيبي قوم ..
تحرك وما رد عليه قلت : حبيبي يسوف قوم .. يعت تراني بموت يلاااا قوم ..

تحرك وغطّا روحه بالبطانيه وقال : هممم خليني أرقد ..
شوي وأصيح : يوسف قووووم ملييييييــــــــت حراام ..

يوسف قام وكلّه رقاد : انزين انزين ,,
قام وشل اللحاف عنه بطريقه غجريه لدرجه تحركت ورديت ريوس ع السرير زين راسي ما دق السرير ..
خفت منه وايد ..

قال : أوووووف ما تخلين الواحد يرقد بعد ,,
أول مره يعاملني جذا ,, وهذا ثالث يوم زواجنا عاد عقب الله يعين دام البدايه جذا ,,

قعدت حسيت دموعي بتنزل .. ليش يعصب علي بس لأني وعيته من الرقاد ,, طالعت الساعه شفت الساعه هنتين ونص الظهر ,, بسه رقاد ..

يودت روحي ,, ترييت تميت قاعده أترياه ,, طلع من الحمام وانتو بكرامه وراح يلبس ,,
تميت صاخه وما أرمس ,, طالعني قال : شو فيج ,,؟؟

الحلقه التاسعه عشر ..


ما رديت عليه تميت أهز ريولي بقهر ,, شوي ودموعي تنزل .. بس قدرت أيودها ,,
يوسف : نواري حبيبي شو فيج ..؟
طالعته ودموعي خانتني وهلّت قلت : الحين حبيبتي بعد ما هزبتني ,,

يوسف تقرب وهو مبتسم : نواري حبيبي زعلتي ,,
ما رديت عليه ,, تقرب عني ومسك ويهي بايدينه قال : حبيبي لا تزعلين ,, كنت أمزح ,,
طالعته وقلت : يوم تهزب يعني تمزح ,,

يوسف : والله بغيت أشوف ردة فعلج بس .. ههههه ضحكتيني يوم رديتي على ورا زين راسج ما دق
هههه بغيت أضحك بس كنت بنجك ,,

طالعته ولفيت ويهي وأنا مبوزه و قلت : ما تضحّك ,,

يوسف : عن البوز يطيح بس ,, ههههه شكلج هب شي يوم تعصبين ,,

طالعته ويتني الضحكه ,, نطيت صوبه جني ياهل ولويت عليه ,,,
يوسف : ههههه قومي عنّي بختنق ,,

رديت ورا وقلت : ما تستاهل حد يحضنك ,, انزين اطلب أكل بسرعه ميته يوع ,,

يوسف : يا حياتي انتي ,, الحين بنظهر ,,
قلت له : لا لا نتغدا اهني ميته يوع أنا والله بموت خلااااص

يوسف : فديتج .. خلاص ثواني وبيبون لنا الأكل ,,

ترييت وقعدت مع يوسف وتغدينا عقب الغدا ,, أذن العصر و صلينا ,, ورحت صوب عباتي عسب البسها لأنه يوسف قال بنظهر ,, لبست وخلصت ,,

يوسف : شو حاطه ع ويهج ,,
قلت : الا هو جحال وقلوز ,,

يوسف : لا تحطين ميكب بيحسدونج هههه

قلت : ما بحط بشرط ما تبص بص مني ولا مناك ,,
يوسف : عاااد حطي خلاااص ههههههه
قلت له : مكااااار ,,

وطلعنا رحنا الحديقه اللي جريب الفندق ,, دشينا المكان كلّه خضر بديت أصور المكان عيبني المكان واااااااايد ,, حلو وشكله عجيب ,,

يوسف : تريي باجر الفير بنيي وشوفي كيف شكله ,,

طالعته : صـــــــدق !! عاد باجر لا زم نرد اهني ,,

يوسف طالعني يود ايدي وتمينا نتمشى في الحديقه ’’, ،، وأنا أصور وأتصور مع يوسف حلو المكان واااايد .. طالعت صوب الشير شكله غييييير وحلو ..

قلت : يسوف تعال نروح صوب هالشيره العوده ,,
يوسف : أوكي حياتي ,,

يوسف يوّد ايدي عسب نتقدم من الشجره الا وعائله راحت صوب الشيره ,,

جان يقول : حبيبي راحو صوبها ناس نروح صوب هذيج ,,
قلت : لا لا هاي حلوه خلاااص باجر نرد لها ,,

يوسف أوكي ,, تمشينا وشرينا غزل البنات لذييييييييذ مالهم ,, ونحن قاعدين نسولف .. يت كره صوبنا ,, جان أشوف ولد صغير ,, يشوف صوبنا ,,

يوسف شال الكره وقال : تعال يالبطل ,,

الياهل تردد ييي بس لما شاف أهله يمبه ياه صوبنا ,,

يوسف ابتسم له ونزل لمستواه .. أنا بعد نزلت لمستواه ,, قلت حق يوسف
: يذكرني بعدول وعلاوي تصدق ,,
يوسف : هههه هي وااااااايد ..

الياهل ياه صوبنا متلوم جان يوسف يقول له : شسمك يا بطل ,,؟؟
الياهل جنه ما فهم قلت له : شو اسمك يا بطل ..؟؟
الياهل متلوم وبصوت يالله يالله ينسمع : تووووني ,,

قلت : فديت منطوقه .. هههه حلوه هاي بدال طوني تووووووني ,,
يوسف ابتسم وقال : كم عمرك يا طوني ..؟؟

طوني أشر بيده يعني خمس ,, طالعته وابتسمت بصراحه ظريف وايد ماشالله عليه يدش القلب حبوب ..

قلت له : طيب شو بدّك هلأ يا شاطر ..؟؟
طوني متلوم ..: البول تبعي ,,

طالعت يوسف وقلت : هاييل اللي مثقفين هب عندنا ,, أباااااا الكوووووره هههههه

يوسف ضحك على تعليقي ,, قلت : طيب يا طوني روح هونيك بدي ارمي لك البول تبعك ..

طوني ضحك متلوم وقال : بحبك كتييييير ..
طالعته وبسته قلت : وأنا كمااان حبيبي ,,

راح طوني وفريت له الكره يودها لأني رميتها بالخفيف ,, لفيت طالعت يوسف شفته يتأملني ,,, استحيت منه الصراحه ..
جان أقول : حلو واااايد صح ,, ماشالله عليه ذوووق ..

يوسف طالعني مبتسم ومستغرب : هي وايد ,, ماشالله عندج أسلوب مع اليهال ,,
قلت له : بس مو لهالدرجه ,, هههه ماشالله عليه الله يحفظه لأهله ,,

يوسف بخبث : شكلي مستعيل .. متى بتحملين ,,؟؟
تلومت تميت أطالع صوب اليهال وهم يلعبون قال : ماشالله عليج من وين متعلمه لبناني ..؟؟

طالعته ابتسمت وقلت : هههه جيه أرمس عدل ..

يوسف : ماشالله مسكته هههه جنج لبنانيه ,,

قلت له : عاااد لا تبالغ يسوووف ..

يوسف تم يسولف وياي ,, الين ما الدنيا ظلمت ردينا الفندق .. صلينا المغرب ,, غيرت ويوسف بعد لبس بدله تسكّت يوم عن يوم أكتشف فيه شي أحلى وأحلى ..


عقب نزلنا رحنا مشي صوب المطعم اللي تحت الفندق .. أول ما دشينا كان فيه لحن هااااادي وحلو .. دخلنا والاضاءه كانت خافته ,, والجو رومنسي وايد ,,

قعدنا في البدايه يابو لنا المنيو ,, ويوسف طلب عصاير وهالسوالف بس .. لأنه بعده الوقت مبجر .. قعدنا سولفنا تميت أطالع البنيه اللي قاعده تعزف ما شالله عليها عزفها روعه ,, أكيد هذي موهبه ,,

دقايق ولا مر الوقت .. وتعشينا عقب العشا تمينا قاعدين مدري ليش .. ثواني الا ويوسف قام وراح عطا النادل ورقه مدري اش كتب فيها ,, النادل راح عطاها للبنيه ,,

حسيت بالغيره تذبحني حتى اهني تغايضني يا يوسف ..

ثواني الا وأضواء المطعم تخف أكثر يصير الضوء خااااااااافت جدا ,, وتقوم البنيه وتقول ..

البنيه : مسا الخير ..
الكل رد التحيه وقالت : هَي اهداااااء من يوسف لـ حبيبت ألبو نواري ,,

الكل صفق .. استغربت حسيت نحن في بلاد أجنبي ,, بس يوسف كان عنده هالشي عادي مدري كيف ..؟

وقالت البنيه : أبل ما نبدا ,, بدي ئوول مبروك للعروسين وربنا يهنيكن طول عمركن ,, وتعيشو بسعاده دايمه ,,

مدري ليش استانست .. طالعت يوسف ابتسمت متلومه ويوسف كان مبتسم ,,
قعدت البنيه وبدت تعزف لحن طررررررر الصراحه يسكّت مدري ليش تذكرت زفتي ,, يمكن هاللحن يشابه لحن زفتي ,,

طالعت يوسف ابتسم ويود ايدي قلت له : ربي ما يحرمني منك ..
يوسف ابتسم لي ابتسامه تطيح وتذوب تسكت مدري شقول وقال : ولا منّج حياتي ..

تمينا الين الساعه 11 في المطعم وعقب طلعنا ونحن طالعين كانت البنيه قاعده تطلع شكله دوامها خلّص ,, شافتنا في البدايه سنترت وبدت تركز ,, يت صوبنا ابتسمت ,, وسلمت علينا ,,

قالت : هااااي ,, مسا الخير ,,
يوسف : مسا النور ,,

البنيه : انته يوسف ,,
يوسف : هي نعم ,,

البنيه ابتسمت : وانتي نواري صــح ..؟؟
حتى هاي تدلعني اش علي هههه قلت لها : هي ,,

البنيه : ربنا يهنيكون مع بعض .. يا عصافير الحب ,,
يوسف ابتسم وقال : يسلمو .. من ذوقج والله ,,

البنيه ركزت : من الكويت انتو ..؟؟
يوسف : لا من الامارات ,,

البنيه : نورتونا والله .. اي تعو عننا مره تاني ..

يوسف : ان شالله ,,

البنيه : يلا .. بشوفكن مره تاني .. بااااي ..
ابتسمت لها وقلت : بااااي ,,

يوسف : يطيحن الطير من السما والله ..
طالعته بطرف عيني وقلت : تعال نروح فوق قبل لا يصيب عقلك شي ..

يوسف : هههههههه غيووره ..
قلت لها : هي تراني سمو الأميره نوره .. وبعدين أغار على ريلي هب أي حد ,,

يوسف : أونها البنيه رفعت خشمها منو قدها ,,

طالعته يودت ايده ومشينا ,, وردينا الفندق على طول تسبحت ورقدت .. ما حسيت بروحي الا ويوسف يوعيني

يقول .. : نواري قومي بنروح الحديقه ,,
طالعت صوبه : مابا فيني رقااااااااد .. وتجلبت ..

يوسف : قومي انزين صلّي ع الأقل
قمت عسب أصلي رحت تيددت وصليت حسيت النوم طار ..

قلت : خلااااص رقادي طار يلا نطلع ,,
يوسف : أوكي تلبسي ونطلع ,,

رحت تسبحت ولبست بسرعه ويوسف بعد .. الساعه كانت ست وربع .. الشمس بعدها ما طلعت ,,

طلعنا أنا ويوسف .. نزلنا رحنا صوب الحديقه مشي ,, ورحت صوب الشيره .. وقعدنا تحتها ,,

يوسف : تتريقين ..؟؟
قلت له : لأأأأ عقب شوي ,,

يوسف قعد يمبي واثنينا سندنا راسنا ع الشيره ,, ويوسف طالعني وابتسم و تم يشل ,,
أول مره أكتشف صوته عذاااااااااااب الصراحه ,,

قال الله يسلمكم ,,
(( أحب صوتك وأموت والله أنا فيك ,,
وأرعى خيالك ويحب قلبي مناجاك ..
يعل السعاده يعل السعاده تباريك ،،
وتعيش يالله فرحتك طول دنياك ..
انته الحبيب اللي أعزك وأراعيك ،،
يالغالي اللي من بـ هالكون يسواك ..
لا عاش قلبن دون ذكرك وطاريك ،،
لو كان عمري ينحرم من محياك ..
محلا قبالك ويا حلاوة معانيك ،،
سبحان ربّي بالحسن كيف سواك ..
بهجة حياتي فتنة من مواريك ،،
ما لوم قلبي يوم بالحب ناداك ..
أحب صووتك ...................
أحب صوووووتك وأموت والله أنا فيك ,,
وأرعى خيالك ويحب قلبي مناجاك .. ))


طالعته ابتسم لي رديت له الابتسامه وقلت : صح صوتك ..

يوسف : صح بدنج الغاليه ,,

قلت له : يسوووف وربي صوتك عذااااب
يوسف ابتسم لي ,, وقف ,, مد لي ايده وقفت معاه قربني منّه وضمني له .. أو انه حط ايده ورا ظهري
قال : يلا نروح نشتري ريوق ونرد نقعد ,,

طالعته ويودت لحيته ,, هي هب عوده ,, بس اني يودت حنجه ,, وقلت .. : أوووكي ,,

يوسف : دلوووعووووووه ,,

طالعته ابتسمت له .. ورحنا صوب واحد شايب جنه و يبيع كعك ,, سرنا سلمنا عليه الظاهر يوسف يعرفه دوم ييي صوبه ,, والريال .. تم يطالع صوبي ,,
قال : أي يا ابني مبروووك .. هي عروستنا ,,؟؟

يوسف طالعني وقال له : هي هذي ,,
وقال لي : نواري أعرفج عمي أبو معتز ,,

طالعته وقلت : تشرفنا عموووه ,
ابتسم لنا ,, ودعا لنا بالخير ,, بصراحه عجبني هالانسااان وااااااايد أحسه حنون ,,

ورحنا صوب الشيره وقعدنا عالحشيش أنا ويسوفي ناكل من الكعك الصراحه عجيب يحبه قلبي ,, ويوسف تم يلعوزني كل شوي .. أخر شي حسيت روحي طفرت شوي وأفلعه ,, بس نو وي أسويها ما ارضى عليه مهما كان ,,

عقب ما خلصنا ,, الشمس هالحزه كانت طالعه ’’ بس ضووها عجيب وخفيف ,, وأشعتها جنها خيوط ذهبيه أو انها عروووس لابسه طرحه ,,


مشينا أنا ويسوف ,, فجأأه شفت تجمع طيور ,,

قلت : يسوف يسوف طالع طيور ..

سرنا صوب الطيور .. كان فيه واحد شايب بعد ,, يوسف رااح سلّم عليه ,, والشايب طالع صوبي أكيد يوسف قال له هاي حرمتيه ,, ماشالله معارفه وايد ,, عقب الشايب عطاااه حب ,,

يوسف ياه صوبي وقال : نواري سيري جبيه صوب الحمام ,,
استانست وسرت صوب الحمام وأنا خايفه والشايب ويوسف يطالعون صوبي ,, حطيت حق الحمام حسيتهم يتيمعون حوله أكثر وأكثر ,,

استانست بديت أصور الحمام وأصور يسوف بعد ,,
عقب أنا ويسوف يودنا ايد بعض ورحنا صوب الفندق ,,

وأول ماا وصلنا رحنا رقدنا ,, لأنه مب راقدين ,, ما حسيت بروحي الا ويوسف يوعيني ,,

يوسف : نواري حبيبي نشي صلي الظهر ,,

طالعت صوبه : جيه الساعه جم ,,

يوسف : وحده ونص ,, يلا عقب بنروح نتغدا برا ,,

قمت وتغسلت ,, وصليت عقب تجهزت عسب نطلع ,, وطلعنا الظهر ,, سرنا بالسياره هالمره لأنه حسب
كلام يسوف المطعم بعيد ,, تحركنا ,, وصلنا المطعم تغدينا ,, استانست وايد المطعم حلو و مفتوح ع البحر بس هب السيف نحن فوووق .. قلت حق يسوف نروح البحر قال لي يوم ثاني ,, مدري ليش ,,
عقب العصر ,, الريال ودانا صوب جبااال كلها خضره من فوق .. ورحنا فوق .. يقولون المنطقه كلها تبين من اهني ,,
تميت أطالع المنظر حلو ,,

يوسف قال : تريي نواري ,, الحين لا تصورين جريب المغرب شوفي الشمس كيف بتطلع ,,

قعدنا نسولف أنا ويسوفي .. الين جريب المغرب وقفت عسب أطالع المنظر ,, بصرااااحه يسكت بمعنى الكلمه ,, طالعت صوب البيوت كيف وتشكيلتها كيف ,, غير البحر مبين من اهني ,, شكله طررر الصراحه ,, تميت أصور وأصور .. انتبهت للشمس كيف قاعده تغيب منظرها خلاااب وايد ,,

طالعت يوسف يراقبني ابتسمت له ,, رد لي الابتسامه ,, وعقب يوم بدا يظلم ردينا الفندق وعاد أنا مالي بارض أطلع بعد انهد حيلي .. ياجر بطلع ,,

تعشينا ورقدنا ,, نشّيت على صوت يوسف وهو يقول .. كالعاده : نواري نشي صلي ,,
صار لي فتره أرقد الظهر ,, دوم متعوده أنش الصبح أو الضحى يوسف غير حياتي وسستمي وجلب كياني .. كلّه على بعضه غيرني ,, أحبه أحبه ,,

قمت من الرقاد ورحت تسبحت وصليت ,, عقب يوسف طلب لنا غدا وتغدينا ,,

عقب قال : تجهزي العصر بنروح السوق ,,
طالعته وقلت : أوكي ..

ومر الوقت .. بسرعه .. ورحنا السوق ,, في البدايه يوم دشينا عيبني سوقهم وايد وعقب عاد التهيت ,, ما كنت أشتري روحي الا يوم يوسف يقول خذي ,, خفت أكلّف عليه ولا شي جذا ,, رحنا صوب المحلات الثانيه يوسف قال أخذ هدايا للأهل ع ذوقي .. عاد كنا نختار مع بعض ,,

أخر شي وصلنا صوب محل فيه فساتين ,,

يوسف : في خاطرج تشترين فستان من لبنان ,,
قلت : لأأأ مابا ,,

يوسف : غصبا عنج تاخذين ,, هههه ... هالقصير عايبني ,,

استحيت ,, وسحبني ,, ودشينا المحل ,, تميت أطالع الفساتين كلّه قصير ,, بس حلو وايد ,,
ينفع ألبسه عند يسوف خخخ .. حلاته أصلا ,,
عيبني واحد لونه أسود ,,

يوسف : بل أسود مره وحده ,,
قلت له : لوني المفضل ,, وبعدين يحلي ,,
يوسف : زين خذيه ’’

رحنا صوبه ,, سألنا الريال عنه وتم يقول هالمقاس هب أوكي حقج ’’ وهذا أحسن ,, وجذا ,’’ اخر شي قريت على واحد ,, وخذيته ,,

يوم نحن طالعين ,, يوسف قال بجديه : يلا نرد الفندق ,,

ما عارضت ,, ومشيت وياه ,, ركبنا السياره وتجربنا عن الفندق ,, أول ما وصلنا ودخلنا الجناح ’,’ يوسف ما عبرني على طول دش الحمام يتسبح استغربت منّه وايد ,,

رتيت الهدايا والأغراض اللي خذيناها ,, وعقب يوسف طلع ,, شفت شعره مبلل ,,

رحت صوبه ومسكت الفوطه الصغيره وحطيتها على راسه : عن تمرض ,,
سحب عنيه الفوطه ,, وراح يلبس ,, استغربت منه ورحت أتسبح ,, ولبست خلّصت ,,
قعدت ع السرير وأنا اطالع يوسف مستغربه جيه ساكت بلااه شاللي فيه ,, بس ولا عبرني ,,
مرت ثواني ودقايق وهو على هالحاله ,,

قمت تجدمت عنه ويلست يمبه قلت : حبيبي شو فيك ..؟؟
يوسف معصب وقال وهو راص ع أسنانه : قوووووووومي عني أحسن لج ,,

تخرعت من طريقة كلامه وابتعدت رديت قعدت ع السرير روحي ,, وهو قاعد وما يتكلم ,,
دموعي بغت تهل بس يودتها مب دوم لازم أكون ضعيفه ,, هالحزه رن موبايله ,,

رد : هلا والله ,, ......... تمام نحن بخير ومن صوبكم ,,......... بخير وعافيه ,, لا راقده ,,,,, ههههه هيه ,,...........لهالدرجه مشتاقين لنا ,,,........الا هم كم يوم وبيمرون بسرعه ,,......... انشالله .......... يلا في أمان الله ,,

طالعته وقلت : عمي ,,.؟؟
يوسف بدون اهتمام قال : ما يخصج ,,

انجرحت منه ,, حرام عليه ,, ورقدت لحفت روحي بالبطانيه ,,, ما حسيت الا ويوسف ياه بعد رقد يمبي ,,
رفعت راسي ,, وقعدت طالعته ,, شكله بعده ما رقد ,, تميت قاعده ,, لا اراديا دموعي بدت تهل ,,,
ما حسيت الا وايد يوسف تمسك ايدي ,,

سألني : تعبانه ,,.؟؟
طالعته وقلت : ما أعتقد يهمك ,,

يوسف : نوره شو فيج ,,؟؟
طالعته وقلت : حرااام عليك ليش تعاملني جذا ...

يوسف جنه تذكر شي وقال بعصبيه : عسب تتأدبين ,,
طالعته وقلت : ما أحيد روحي سويت شي غلط ,,

يوسف ابتسم بسخريه ,, : لا لا واليوم في المحل شو سويتي ,,؟؟
طالعته مستغربه ... قال : مره ثانيه تبين تضحكين وتسولفين مع هالخكارى روحي روحج ..

استغربت قلت وأنا أصيح : يوووسف أنا ما سويت شي والله ..
يوسف بسخريه : لا لا .. ويوم هو يقول هذا قياسج وهذا أليق .. جيه ما طلعتي ,,

قلت : يوسف كل البياعين يسوون جذا ,, انت مدري ليش ركزت على هالمحل بس ,,
يوسف : لأنج طيحتي الميانه وياه ,,

قلت له : بس لأني كنت أقول له مابا ها مب حلو وها حلو على طووول فهمتها وفسرتها ع كيفك ,,
يوسف بعصبيه : نوووووووره اسكتي ,, بس خلااااااااااص ..

سكت طالعته ,, وتمت دموعي تنزل ما قلت شي ,, قمت من ع السرير وأنا افر اللحاف ,,

قلت له : تحريتك أعقل عن جذا يوسف ,, ما كنت أدري انك تعصب على أي شي ولو سالفه تافهه ,,
يوسف يود راسه بتعب وقال : خليني أرقد .. مب متفيج لج الحين ,,

بديت أصيح وأصيح بس يوسف ما حس بي لهالدرجه قاسي يا يوسف ,, لهالدرجه عشان سبب تافه تزعل والله كنت أظنك أحسن وأعقل عن جذا ,,

.............................

ما حسيت بروحي الا ويوسف يقومني بس هالمره على صلاة العصر ,,

طالعت صوبه وقلت : مابا أقوم ,,, يعلي ما أنش من هالنومه ,,
يوسف حط ايده ع حلجي ,, وقال : نواري حبيبي يلا نشّي ,,

ما عارضته قمت عسب أصلي العصر والظهر ... استغفر الله مدري أحس روحي وااايد مقصره في عبادتي ,, الله يهديني ,,
بعد ما خلصت صلاه رحت صوب السرير عسب أقعد ,, قعدت ,, حسيت بايد تلفني وتضمني لها ,,
طالعت يوسف بغيت أبعد روحي عنّه بس ما قدرت ,, في شي خلاني ما أعارض ضمته ولا لمسته ’’

قال : نواري سامحيني .. أنا أصلا أمس مزاجي كان هب أوكي ,,

ابعدته عني ,, وقعدت بعيد دموعي خانتني ,, وقلت : يعني أنا لعبه متى ما تحب تزعلها تزعلها ويوم تبي تراضيها تراضيها ..

يوسف ياه صوبي ومسك ويهي وقال : والله صار ضغط وايد في الشغل والشركه أحوالها متدهوره هالكم من يوم ..

قلت له : يعني كلما تتدهور أحوال هالشركه أنا بكون الحيطه المايله..
يوسف ضمني : نواري حبيبي والله آسف ما كان قصدي ,,

طالعته مدري شاللي يخليني .. ما أقدر على زعل يوسف ,, حتى ولو السالفه فيها روحي وعمري نو وي أزعله ,,

دفنت راسي بصدره وبديت أصيح بشكل هستيري ,, حسيت روحي بموووت ,,
يوسف : حبيبي لا تسووين في روحج جذا خلاااص ,, لا تزعلين مني فديتج ,,

طالعته وحطيت عيني بعينه وقلت : يوسف مقدر أزعل منك أنت روحي ,, والله أزعل من كل هالعالم الا منك .. والله العظيم ,,

يوسف ابتسم لي وضم ويهي له وقال : فديتج أنا ,, يلا تجهزي نروح نحوط بنشتري لج هالمره فساتين لبنان كلها ,,

طالعته وضحكت وياه قلت : بس مب تنازعني أوكي ,,
يوسف ابتسم : والله لو يتصلون من الشركه بي ما برد ههههه

طالعته وسرت تجهزت طلعنا .. وتغدينا برا كان الجو روعه .. وعقب درنا الأسواق والمحلات ,, حسيت روحي مستانسه مع يوسف مابي أفقده ولا أبي أزعله ولا أزعل منه .. يوسف حياتي وعمري وروحي اللي لو فارقتني بكون جسد بلا روووح من دونه ,,

... اليوم الثاني رحنا البحر الساعه 12 الظهر ,, الجو كان حلو وروووعـــــهـ تغدينا عالبحر .. بصراحه منظر عجيب ’’ صح انه عندنا بحر ,, وحلو .. بس أكيد النفسيه تتغير مع تغير الجو ..

عقب الغدا تمينا نتمشى والظاهر شي منتجع اهني ع البحر ’’ حلو وايد ,,
تعبت من المشي ,, جان أقول : يسوووف تعال نقعد تعبت ,,
يوسف : هههه تعبت عيوزي ,,
طالعته وقلت : هي يا الشايب ..

يوسف : قولي آسفه ..
قلت له : ما بقول ......
يوسف : بزعل ..

قلت له : ازعل واشرب من ماي البحر بعد هكووه جدامك ..
يوسف : والله ان ما تأسفتي بشلّج ..

قلت له : هه ما بتأسف .. أصلا ما بتسويها ,,
يوسف : آخر قرار .. ,,
قلت له : هي .. وما بتأسف ..

يوسف : طالعي طالعي هناك ,,
طالعت الصوب اللي يأشر يوسف ..........
صارخت : آآآآآآآآآآآآآآآآآآآع نزلني يسوف ,,

يوسف : ما بنزلج ,,
قلت : يسوووووف فشلتنا كل الناس يطالعون صوبنا ,,
يوسف : عااادي أجانب ولبنانيين عادي عندهم هع ,,

بديت أرافس يوسف قال : تأسفي ..
قلت : آسفه آسفه آسفه بس نزلني فضيييحه
لما نزلني يوسف ... انحرجت حسيت الكل يطالع صوبنا ,,, بس عادي عندهم ,,

يوسف يمسح جتفه : عورتيني غربلاتج .. مب ايد عليج مطرقه ..
طالعته : هههه عسب ما تتحداني ,,

يوسف : تعالي انزين نروح نشتري عصير من عند هاي .. بيحبه قلبج عقب يوم تتوحمين تقولين أبا هالعصير ..
ضربته بالخفيف و قلت له : هههه يا حيك عسب تقهرني .. أوكي بشرط أنا اللي أرمسها ..

يوسف : هههه غيوره .. أوكي يلا ..

سرنا صوبها .. شرينا عصير ... بصراحه لذيذ .. صدق يوم بتوحم شكلي بطلب هالعصير ..
وعقب مشينا ومشينا ع السيف .. الين ما تعبت .. يوسف قال : تعالي باخذ لج آيس كريم ,,
طالعته وقلت : والله شكلي بصير بطه وياك ,,

يوسف : انزين جربي ما تخسرين ,,
قلت له : بمتن والله ..
يوسف : يلاااا .. عاد لا تتدلعين ..

عقب دقايق رحنا صوب الحرمه اللي تبيع ورد جريب السيف ,, سرنا صوبها .. ابتسمت لي وعطتنا ورده حمرا ,, حلوه الورده واااايد ..
عقب قعدنا نسولف .. حسيت روحي مب ملانه موووول .. لأنه يوسف معايه ,,

يوسف : نواري طالعي اهناك ,,
طالعت صوب ما يأشر ,, قال : حلوه لاااه ..

حطيت ايدي ع عيونه وقلت : لففففف أحسن لك ,, عييييييب لا تطالع ..
شل ايدي وقال : أحلى عنج ههههه

انقهرت منه الصراحه دوم يحاول يقهرني ,, جان أصد عنّه .. يوم أمس العامل كلمني هو زعل واليوم يوم يطالع وحده ملعونه ووو ( خلونا ساكتين أحسن ) ما يباني أزعل ,,

وقفت وقلت : يلا نرد الفندق ,,
يوسف : تو الناس بنرد المغرب ,,


قلت له : لأأأأ والله دقيقه وحده مب تامه اهني ,,
يوسف قام وضحك : يلا ..

ردينا الفندق .. أول ما دخلت رحت صوب الحمام وانتو بكرامه تسبحت .. كلّي رمل ..
طلعت .. لبست ورفعت شعري قعدت أعابل في التلفون ..

يوسف سار تسبح .. ويوم طلع كشخ ..

قال : عقب المغرب بنسير المطعم اللي تحت الفندق ..
قلت له : مابا ,,
يوسف : ليش ..؟؟

قلت له : كيفي ,,
يوسف : ممكن أعرف الحين انتي جيه مبوزه..
قلت له : اسأل روحك ..

ياه وقعد يمبي ع السرير ,, قال : نواري بلاااج .. نحن من عرسنا يوميا تتضاربين ماشالله عليج أبد ما صخيتي ,,
بديت أصيح وقلت : الحين أنا اللي أتضارب ولا انت اللي تقهرني ,,

يوسف يأشر بتعجب على روحه .. : أناااا ... متى ..؟؟
قلت : كلما نطلع تشوف البنات وتقهرني جني مب عايبتنك ..

يوسف ضحك ومسك ايدي : نوااااري أنا أتمصخر وياج عسب أرفع ضغطج بس ..
قلت له : بس أنا ما أحب حد يقارنني بحد ..

يوسف : فديتج ,.. والله لو هالشي يزعلج .. ما بسويه ..
طالعته : قول والله ما تشوف البنات مال اهني الـــ ..............

يوسف : امممم حسب ,,
وقفت وقلت : عاد خل ينفعونك ..
يوسف سحبني من ايدي وطحت ,, ع السرير .. طالعني وقال : هههه خلاااص والله ,,

ابعدته عني ,,,: آآآع بتخنقني ,, انزين خلاااص صدقتك ..
يوسف : نورو أشك انج خبله ..

طالعته وقلت : أنا خبالي ما هو بأي خبال أنا خبالي من نوع راقي ..
يوسف : أكدتي لي ألحين يبالنا ندخلج مصح عقلي ,,

وقفت ورحت صوب المرايه أرتب شعري .. وقلت : اذا تدش ويايه المصح لا امانع ..
يوسف : لا لا بدخلج وبعرس عليج يوم انج تتعالجين ..

قلت له : توّنا شو قلنا ..
يوسف : هههه عدلي كشتج قبل .. بديت أتروع منها ,,
طالعته وقلت : انت توك فريتني عسب جذا اختربت ,, ولا أنا شعري أحلى عن شعرك ,,

يوسف : هييي باين ماشالله خخخ ..
قلت له : انزين تعال نشوف منو أبيض ..؟؟

يوسف : أكييييد أناااا ,,
قلت له : تعال نتأكد ,,

يوسف ياه وقف يمبي .. هو حنطاوي .. لأنه ولد .. وأصلا اذا الولد أبيض وايد هب شي ,, أحس جذا ..

يوسف : طالعي طالعي ,,
قلت له : والله اني أبيض عنك ,,

يوسف : ههههه انزين منو أطول ..
قلت له : انزل لمستواي شوي وبقول لك ,,

يوسف نزل قرب اذنه صوبي .. جان أقول له : جوف المرايه وبتعرف ..
يوسف جاف صوب المرايه ,, جان أبوسه ع خده ههههه ..

يوسف بسرعه صد وطالعني ,, : يالمكاره ههههه
طالعته .. صح اني سويتها بس تلومت عقب ,,

يوسف يابني صوب السرير وقال : أنا براويج ,, ( وتم يقرقطني حسيت روحي بموووت )
قلت : والله التوبه ما أعيدها ,,

يوسف : عيديها بالعكس أستانس أنا هههه ..بس وأنا أعرف مب جذا ,,
قلت له : ههههههههه انزين ودرني حرام عليك بمووووت أحس روحي بموووت .. ههههههههه

........................................

مرت الأيام ونحن في لبنان مستانسين حسيت روحي أسعد انسانه في الدنيا مع يوسف .. ربي لا يفرقنا .. ونتم طول عمرنا مع بعض ,, ونعيش بسعاده يارب ,,

،،،،، عقب كم من يوم خلّصو الأسبوعين و ردينا الامارات ,, كنت مستانسه برد لأهلي وأخيرا .. وغير انه يوسف خلااااص بيتم ويايه ,,, حبيبي بيعيش ويايه ,, بيشاركني همومي وحياتي وكل شي ,, كل صغيره وكبيره في حياتي ,,

رجعنا ... وصلنا البيت كنت هلكانه ميته تعب ... بس مب بيت عمي وقفنا يدام بيت ثاني ,,
قلت : يوسف ليش ما نرد بيت عمي ,,

يوسف : نريح وعقب نرد ,,
طالعته فهمت انه بنعيش اهني خلااااص ما علقّت لأنه راديين من السفر وغير انه أكيد منهد حيله ..
دشينا البيت ويوسف نزل الشنط ,, الخدامه شلّتهم وراحت رتبتهم ,,

سرت صوب يوسف قلت : أي حجره ,,؟؟
يوسف يود ايدي ورحنا صوب حجره مبين انها الرئيسيه في البيت ,,

دخلنا ,, عقب يوسف سار تسبح أول ما ظهر غير .. عقب راح قعد ع السرير شكله بيرقد الحين ..
قال : نواري أول ما أنش من الرقاد بنروح بيت أبوي ..
قلت له : أوكي ..

رحت تسبحت ,, وكليت شي لأني ميته يوع ,, ورحت رقدت ,,
نشيت ع صوت المؤذن .. شفت الساعه سبع .. فتحت عيوني غصب ,,

قمت عسب أتجهز عسب نروح بيت عمي ,, تسبحت وصليت ولبست ,, شفت يوسف توّه داخل ,, جنه راح صلّى المغرب ,,
شافني قال : السلام عليكم ,,
قلت له : وعليكم السلام ,,

يوسف : متى نشيتي ,,؟؟
قلت له : توني ,,

يوسف : زين ,, يلا حياتي البسي بنروح بيت أبوي ,,
قلت له : أوكي ثواني ,,

تجهزت وخلصت ,, ظهرنا رحنا صوب بيت عمي ,, يوم دشينا كلهم سلّمو علينا واستانست ,, عقب ع حزة أذان العشا الرياييل راحو المسيد ,,
رحت صوب حجرة جواهر ,, عسب أصلي ,,

شافتني ابتسمت لي ,, تيددت وصليت ,, عقب ما خلصت رحت يمبها ,,
سولفت وياها شوي بس آخر شي جواهر بدت تصييييح وااااااااايد ..

طالعتها وقلت : جواهر حبيبتي شو فيج ...؟؟
جواهر : نواري أخوي ياسر درا بالسالفه ,,

طالعتها مب مصدقه : جواهر صدقج ,,
جواهر تصيح : هي والله مدري شسوي ,,

قلت لها : ياسر كلّمج سوّا بج شي ,,
جواهر : لأأأ قال اتريي يوسف بيأدبج ,,

طالعتها : جوااااهر لا تصيحين ..
جواهر : كيف ما أصيح ,, تدرين لو يوسف درا يمكن يذبحني ,, تعرفين هالشي ,,
طالعتها وقلت : هدّي اذا سوّا شي بتفاهم وياه ,,

جواهر : نواري يوسف عصبي وااااايد ما تعرفينه ,,
مسحت ع شعرها : جواهر حبيبتي خلاااص يصير خير انشالله لا تصيحين وبعدين أهم شي عرفتي غلطج
سمعنا صوت الباب يندق ,,

جواهر : ادخل ,,
دخل عموري مبتسم : نواري يوسف يقول لج تعالي تعشّي وبنرد البيت ,,
طالعته وقلت : انشالله حبيبي الحينه بيي ..

يودت ايد جواهر وقلت : تعالي تعشي يلا ..
جواهر : يمكن ياسر خبر يوسف بيذبحني ,,

قلت لها : لا تخافين يلا تعالي ..
نزلنا نتعشا ,, عقب العشا قعدنا شوي ويوسف قال نرد البيت لأنه هلكان ,,

ردينا البيت دخلت الحجره غيرت ومسحت الميكب ,,, يوسف ياه صوبي

قال : نواري أنا بظهر شوي وبرد ..
قلت له : أخاااف روحي ..

قال : الخدامه عندج ,, برد بسرعه سالفه ضروريه ..
قلت له : أوكي ,,

وهو قاعد يطلع سمعته يقول : هي ياسر الحين ياي صوبك ,,
قلبي نغزني شو السالفه ,, أوييييييييه ليكون ياسر بيخبره ,,

الحلقه العشرون ..

رحت قعدت ع السرير .. أفكر .. وأدعي يارب ما يصير شي لو صار جواهر المسكينه بتروح فيها .. أنا مدري هذي عقلها وين كان يوم تكلمه ,,

قعدت أتريا وأتريا ,, الين صارت الساعه 11 ونص ..
اتصلت بيوسف أسأله وينه .. ما رد عليه ,,

قعدت ع السرير أترياه ,, سمعت صوت باب الصاله ,, رحت ركض طلعت من الحجره ..
شفته قلت له : يوسف وينك تأخرت ,,
يوسف ياه صوب الحجره دخل ,,

قلت له : عسى ماشر بلااك متضايق ..؟؟
يوسف : نوره لو سمحتي .. لا ترمسين الحين لأنه راسي قاعد يعورني ,,

فضّلت السكوت أعرف انه يوسف يوم يعصب ينسى أمه وأبوه بعد .. حطيت راسي عسب أرقد .. شفته خذا ملابسه ودخل الحمام ..

دفنت راسي تحت البطانيه .. يارب مب شي جايد ,, بغيت أصيح فضلت السكوت ,, ما ياني رقاد ,, سمعت صوت باب الحمام وانتو بكرامه ينفتح ,, وجنه يوسف طلع ,,, ترييت ييي يرقد ,, بس للأسف ما حسيت بشي .. سمعت صوت باب الحجره يتصكر ,, لفيت ,, ما شفته أكيييد طلع ,,

قعدت ,, بغيت أتصل به ,, بس لأأأ بينازعني يمكن لأنه معصب ,, قعدت ,,, قلت أروح أقرا قرآن ,, تيددت وقريت قرآن ,, حسيت دموعي تهل وأنا أقرا مدري ليش ,, بس القرآن يريحني واااايد يوم أقراه ..

أول ما صديت وراي شفت الساعه هنتين ونص الفير ,, يوسف صار له ساعتين طالع ,, يارب استر وين راااح هالحزه ,,

فكرت شسوي أتصل بعمي .. لأأأأ أخاف يوسف ينازعني ,, شسوي يارب ساعدني ..
طلعت من الحجره ,, رحت الصاله ,, ما شفت يوسف .. وين رااااح هالحزه ,, فكرت أتصل به ,, توني برد الحجره سمعت صوت مفاتيح باب الصاله ..

لفيت بسرعه ..
استانست يوم شفت يوسف .. رحت صوبه ركض ,,,
بس فاجئني يوم أشر لي أوقف .. وقفت بمكاني .. خفت ليش سوّا جيه ,,

يوسف : كنتي تدرين ان جواهر ترمس واحد ,,

طالعته تميت ساكته ,, ما تحركت ,, بغيت أرد بس قال : بــاجر يصير خير ,,

وراح الحجره غير ورقد ,, يلست بمكاني مسنتره ,, الله يعين جواهر ,, أنا يهمني أنا شو يصير لي لأني مجرد أعرف وبس ,, اللي يسوي السواه هو اللي بياكلها يعني محد بينظلم غير جواهر الله يعينج ..

شفت تلفوني ياني مسج ,, رحت صوبه بسرعه ,, فتحت المسج قريته ,,

(( نوره الحقي علي يوسف درا ,, والله بيموتني ,,))
رديت لها : (( لا تحاتين حبيبتي بتفاهم وياه ))

واتريت ترد علي ما ردت .. رحت صوب الحجره عسب أرقد ماياني رقاااد الين الفير ,, بعد آذان الفير رقدت ,, وأنا أفكر يا ترى شو بيصير باجر ,,

قمت اليوم الثاني فتحت عيوني .. شفت يمبي ما شفت يوسف ,, تخرعت ,, شفت الساعه ,, وحده ونص الظهر ,, أويييه كل ها أنا راقده ,,

قمت بسرعه تيددت وصليت الظهر ,, عقب رحت تسبحت ولبست ,,, الين صارت اثنين خلصت ,,
نزلت ,, شفت الخدامه مسويه الغدا ,, زين لأني ما أعرف أطبخ ,,

طلعت رحت الصاله قلت بتصل بيوسف ,, توني بدق اتصال ,, الا وأسمع صوت باب الصاله يفتح ,,

شفت يوسف دخل قال : السلام عليكم ,,
طالعته ابتسمت : وعليكم السلام ,,

يوسف مشا بدون ما يقول شي ,, قلت له : تتغدا حبيبي ,,؟؟
قال : مب مشتهي ,,

وراح الحجره ,, استغربت شو سالفته من أمس بليل من ردينا من بيت عمي على هالحال ,, معقوله سالفة جواهر جذا مأثره عليه ,,

رحت الحجره ,, شفته محد .. سمعت صوت الماي .. أكيد دش يتسبح .. رحت قعدت ع السرير ,,
أفكر فيه ,, ودقات قلبي كل شوي تتسارع .. مدري خوف ولا توتر .. ولا شووو ..

طلع يوسف مبين عليه هلكان طالعني .. وما تكلم ,, راح لبس الجلابيه ,, وطلع
لحقته ,, شفته راد الحجره جنه غير رايه بشي ,,
دخل راح صوب السرير رقد ,,

طالعته قلت : حبيبي فيك شي ,,؟؟
يوسف : نوره دخيلج روحي مصدع لا ترمسين ,,

طالعته ولفيت بانكسار جنه خيبة أمل .. معنه كلامه حز بخاطري ,, بس أنا زوجته حبيبته شريكة حياته ,, وباجر بكون أم عياله ,, المفروض يشكي لي لو ما يشكي لي يشكي لمنووه ..

بس سمعت صوت وقّف الدم بـ عروقي ,, لفيت قلت : نعم ,,
يوسف : نوره لا تتضايجين من رمستيه بس أنا ما أحب أقول شي عن حياتي لأاي حد ,,

طالعته وسرت قعدت يمبه ,, دموعي كانت بتهل على حاله بس تمالكت روحي مب وقته الحين الصياح ,,

وقلت : بس يا يوسف أنا مب أي أحد أنا زوجتك شريكة حياتك ,,

يوسف حط راسه ع ريولي ,, أول مره أحس انه يوسف لهالدرجه تعبان وهموم الدنيا عليه ,,
مسحت على شعره وقلت : حبيبي ارمس بسمعك ,,

يوسف طالعني وقال : جواهر من صوب وخوالج من صوب ..
طالعته وقلت : يوسف خلنا من خوالي الحين بس جواهر عرفت غلطها ,,

يوسف : تعرفين يا نوره شو اللي سوته جواهر ,, كلمت واحد يعني خانت ثقتنا فيها ,,
طالعته وقلت : يوسف يمكن جواهر ما كان عندها أحد يسمعها راحت لهالدرب ,,

يوسف : انتي كنتي تعرفين انها تكلم واحد ,,؟؟
قلت له : عقب ما فهد درا خبرتني ,,

يوسف : وليش ما خبرتيني ,, ؟؟
قلت له : خفت تسوي بها شي ,, وبعدين هي عرفت غلطها خلاااص ,,

يوسف : والله مدري شسوي وياها الحين .. أذبحها أكفخها ,,
قلت له : يوسف .. الضرب ما ييب فايده ولا النزاع ,, نصيحه خذها مني أنا بنيه مثلها وأعرف ,,

يوسف طالعني بحيره ,, جنه محتار بحياته ندمان على شي ما يدري شو هو بالضبط ,,
يوسف قال : نوره خوالج كل يوم والثاني يطالبون ببيزات أمج ,,

قلت له : برايهم لا تسوي لهم شي ,,
يوسف طالعني محتار جني فهمته من عيونه وقلت : اذا خايف يسوون فيك مثل ما سوو في أبوي .. ما يقدرون .. يوسف خلاااص كل شي تطور .. ومستحيل يقدرون يسوون شي ,,

يوسف قال : نوره تدرين ورثكم من أمج كان باسم منو ..؟؟
شد انتباهي هالسؤاااال ,,,,,,,,, سنترت بمكاني بغيت أسمعه يقول باسم منو .
.
بس تلفون يوسف رن ,,
يوسف : آلو ... هاااااه ,,,,, اوكي خلاااص يااااي ,,,......... أقول لج يااااي خلااااااااص ..

بعد ما أنهى المكالمه طالعته ,, قال : قومي بسرعه البسي عباتج ,,
قمت البس عباتي سألته : لييييش ؟؟

يوسف : في الدرب بقول لج ,.,,
بسرعه نزل يوسف ونزلت وياااه راح ركب السياره وشغلها وتحرك ,,
سألته متخرعه : يوسف شو صاير ,,

يوسف : جووواهر ,,,,,,,,,,
قلت : بلاها جواهر ,,

يوسف : ياسر بيذبحها ,,

طالعته مدري عقلي طااار .. شو استوى بي ,, قمت أعد اللحظات متى بنوصل ,, معنه نوصل بيت عمي خلال غضون دقايق .. بس الحين أحسهم ساااعات ,,,,,,,

وصلنا بسرعه نزلنا ,, محد كان في البيت ,, سرنا فوق بسرعه ,, صوب حجرة جواهر ,,, سمعت صراخ ريال ,,

ياسر ,, : افتحي الباب .. وقسم بالله بفلعج يا جواهر ,,
يوسف راح صوب ياسر وقال : ياسر هدّي ,,

ياسر : كييييييف تباني أهدّي وهالحيوانه فضيحتها واصله للجامعه ,,
يوسف سحب ياسر بس ياسر راح صوب الباب وقال : يالحيوانه افتحي لاكسر لج الباب ع راسج .. ياللي ما عرفنا نربيج ,,

كنت واقفه بمكاني أشوف ياسر ويوسف ما باليد حيله ,,
يوسف صارخ : يااااااااااااااااااسر .. خلااااااااااااص أنا أكبر عنك وبتفاهم وياها ,,
ياسر : هاي اللي مب متربيه فضحتنا ,,

يوسف سحب ياسر ,, وقال : نوره دشّي عندي جواهر لتسوي بروحها شي ,,
يوسف نزل مع ياسر مدري شو بيقول له .. أما أنا رحت ركض صوب الباب ,,

دقيته وقلت : جواهر حبيبتي افتحي ,,
جواهر تصيح : ياسر اهني ,,؟؟
قلت لها : لأأأأ

جواهر : احلفي ,, بيذبحني نوار
قلت لها : والله لأأ بس انتي افتحي ,,

فتحت الباب دشّيت ,, وارتمت في حضني ,, وبدت تصيح ..
قالت : نوره بموووت ,,
قلت لها : بعيد الشر عنج حبيبتي ,,

جواهر : يعل ربي ياخذني وأفتك وأموت ,, فشلت خواني أنا ,,
طالعتها وقلت : جواهر ... حبيبتي هدّي ..

سحبتها ووديتها صوب السرير قعدتها وصبيت لها ماي ,, عطيتها ,,
طالعتني وبدت تصيح ,, مسحت دموعها وقلت : لا تخافين حبيبتي ,,,

سمعت صوت الباب ينفتح ,.. يوسف دخل ,,
جواهر على طول لوت علي ,, وقالت : والله آآآآسفه يوسف لا تذبحني ,,

يوسف طالعني وأشر لي أتركهم روحهم ,, بعدت جواهر عني ,, عشان أطلع .. بس مسكتني ,,
وقالت جواهر : نوره لا تطلعين ,,

طالعت يوسف اذا بيعارض ولا لأأأ .. يوسف أشر لي اطلع لي ,,
بغيت أطلع جواهر بدت تصيح بصوت عالي ,, وتقول : نوره بيذبحني تمّي حراااام ,,

طالعت يوسف .. وما عارض .. رحت قعدتها وقعدت يمبها ,,
يوسف طالعها ,, وجواهر قالت : والله أسفه ما بعيدها يووووسف والله ,,
يوسف طالع جواهر وتقرب منها ,, جواهر حضنتني وحطت ايديها ع ويها ,,

جواهر تصيح : نوره لا تخلينه يضربني ,,

بس يوسف سحب جواهر .. لدرجه حسيت انه بالفعل بيذبحها ,, وقفها على أطراف ريولها ,,
جواهر تمت تطالعه وتصيح ,,

عطاها هااااااااااااااااااااااك الكف الساخن اللي يحرق الويه ..

لدرجه حسيت روحي أنا بعد احترقت مع هالسطار ,, طالعت جواهر تصيح ,, صحت وياها ,, وحضنتها بعدتها عن يوسف ,,

جواهر صارخت بصوت عالي : مااااااا أحبكم أنا ,, ما أحبكم ,,

يوسف طالعني وقال : أنا بتصل في أمي وأبوي بقول لهم هاي بنوديها ويانا كم من يوم في بيتنا ,,
اعتقدت انه عمي ومرت عمي والعيال محد أكيد عسب جذا يوسف وياسر يفلعون البنيه ع كيفهم ,,

جواهر عارضت ... : مابي وياك انت بتذبحني ,,
يوسف طالعها بنظره حاده : اسكتي أحسن لج ,,

جواهر طالعتني وقال وهي تترجى : ما بي بيتكم مابي ,,

طالعته أشرت لها بمعني أنا بكلم يوسف ,,
يوسف طلع وعقب ثواني رجع داخل الحجره وقال : يلا تعالو السياره ,,
جواهر راحت وراي : مابي بيتكم مابي ,,

يوسف بعصبيه : جيييييييييه تبين ياسر يذبحج ويا سواد ويهج هاللي مسوتنه ,,
جواهر تمت تصيح يوسف قال : تعالي بالطيب أحسن لج ,,

لبست جواهر عباتها وهي تصيح وطلعت وأنا ميوده ايد جواهر .. رحنا صوب السياره ,, وركبنا ,,
طول الدرب يوسف كان ساكت ويدق أصابعه ع السكان بتوتر ,, طالعت جواهر حالتها حاله وتصيح ,,
وصلنا البيت نزلت مع جواهر ووديتها حجرتنا ,,

قلت : جواهر ارقدي ,, شوي عسب ترتاحين ,,
قالت : وين ييني النوم وأنا محد راضي علي ,,

طالعتها وقلت : كلهم بيرضون عليج حبيبتي انشالله .. بس انتي ارقدي ,,

جواهر راحت صوب السرير عسب ترقد رحت عندها تميت أمسح ع شعرها عشان ترقد .. الينما رقدت ,,
شفت انه أذن العصر من شوي وأنا بعدني مب مصليه رحت تيددت وصليت ,, ورحت الصاله ,,
شفت يوسف قاعد محتار ,, قعدت يمبه ,,

يوسف : شو تسوي ..؟؟
قلت له : رقدت ,,

يوسف : خليها ترقد وياج هـ الكم من يوم ,,
قلت له : انزين ,,

يوسف طالعني وقال : اسمحي لي نوار مقصر بحقج أنا بـ هالضروف ,, وانتي توج عروس ,,
طالعته وقلت : لأأأأ يوسف أنا زوجتك مهما تكون ضروفك لازم أتحملها وياك ,,

ابتسم يوسف ,, قلت له : حرااام ليش ضربتها ,,؟؟
يوسف : كنت بذبحها لو انج مب موجوده ويانا ,,

طالعته وقلت : حرااام عليك يوسف ,, ليش جيه عاد ,,
يوسف : نوره لو سمحتي لا تتدخلين بيني وبين أختي ,,

طالعته وقلت : يعني أنا غريبه ,, يوسف الضرب ما منه فايده أبد ,, حرام هالشي تعرف ,,
يوسف طالعني وقال : أنا طالع تبين شي ,,

طالعته وقلت : سلامتك ,, بتيي ع العشا ’,,؟؟
يوسف : هي انشالله ,,

طلع يوسف رحت شفت جواهر راقده ,, رحت المطبخ أساعد الخدامه يوم تسوي العشا ,, وخلصت على أذان المغرب ,, ييت تسبحت ,, وغيرت ,, عقب قومت جواهر عشان تصلي ,,

قامت وصلّت ,,
قلت لها : تعالي نروح الصاله ,,
جواهر : يوسف بيذبحني ,,

قلت لها : يوسف محد ,,
جان تطالعني وطلعنا .. شغلت التلفزيون ,, وقعدنا ,, سألتها : تقعدين على نور الإمارات ,, ؟؟
جواهر : هه وين ياسر ساحب عني كل شي ,,

طالعتها وقلت : بيرضى انشالله وانتي بتعقلين ,,

طالعتني بحسره وردت تطالع التلفزيون ,, أشفقت على حالها ,, هذي وعندها أهل وكانت بتضيع بس ربي ستر ,, عاد اللي ما عندهم أهل الله يستر عليهم ,,

قعدنا لما أذن العشا ,, رحنا صلينا شفت جواهر ساجده وهي تصيح ,, فرحت من قلب ,, يمكن هذا امتحان من رب العالمين ,, وجواهر بتكون قريبه من ربها ,,

خلصت صلاه وطلعنا رحنا الصاله نقعد .. سولفت ويا جواهر عن اللي صار لي في لبنان وكيف لبنان حلوه ,, وقلت الها الهدايا اذا عجبتها ولا لا .. خذتنا السوالف ,,
فجأه سمعنا صوت الباب ,, ينفتح ,,,

جواهر قامت عشان تروح ركض الحجره ,,
بس صوت يوسف وقفها قال : جـــواهر ,,
جواهر سنترت بمكانها وطالعت وراها وقالت : نعم ,,
يوسف : تعالي ,,

جواهر بدت تصيح : عشااان تذبحني ,,
يوسف : جواهر قلت لج تعالي لأيي صوبج واييبج من شعرج ,,
جواهر طالعته ونزلت يت وقفت وراي ,,

يوسف تقدم منا ,, جواهر تمكست بي ,, يوسف طالعنا نحن الاثنين ,, وأشر لجواهر ,,
جواهر ما تحركت من مكانها تمت خايفه وترتجف وتصيح ..

يوسف قال : أنا قلت لج تعالي يعني تيين فاهمه ,,

جواهر رفعت ريولها الظاهر انها قاعده تشيلها شيل من التوتر والخوف ,, تقدمت من يوسف ببطئ .. الواحد يوم يشوفها يقول رايحه لحبل المشنقه أو شي جذا ,,

وصلت صوبه ,, يوسف مد ايده جواهر ابتعدت عنّه ,, رحت أبي أحضنها عن يضربها ,, بس يوسف فاجئني لما حضنها ,,

طالعتهم مستغربه ,,
جواهر أبعدت روحها عنها وقالت : أنا ما أستاهل حبكم أنا خنتكم ,,
يوسف : جواهر تعالي ,,

جواهر تقدمت منه ورمت روحها في حضنه وبدت تصيح وتعتذر ,,
جواهر : سامحني يوسف والله آسفه ما أعيدها ,,

يوسف قال لها : جواهر أهم شي تتوبين وتطلبين الرحمه من ربج ,, وبعدين نحن بشر ,, دام ربنا يغفر ويسامح آخر شي نحن البشر نيي وما نسامح منو نحن عشان ما نسامح ..

طالعت جواهر ويوسف الظاهر يوسف راح يسألها ويطلع منها الكلام كله ,, فضّلت ما أسمع الكلام كلّه على بعضه ,, المهم يوسف رضا عن جواهر ,,

رحت أساعد الخدامه نطلع العشا .. طلعناه عقب رحت عند جواهر ويوسف ,, وطالعت يوسف باس جواهر ع راسها ,,
طالعتهم وقلت وأنا مبتسمه : تراني أأغــــــــــــار هههه ,,
يوسف طالع جواهر وقال : بسبتج مهمل حرمتي أنا وما صار لنا الا أسبوعين ,,

جواهر ابتسمت ,, ويت تساعدني نطلع العشا ,, طلعنا العشا وتعشينا ,,عقب العشا قعدنا شوي ,,
يوسف : أنا بسير برقد تصبحون على خير ,,

قلنا : وانت من أهله ,,
جواهر : يوسف ارقد في حجرتك أنا برقد في أي حجره عادي ,,
يوسف : لا لا ارقدي ويا نوره اليوم ..

جواهر طالعتني وقالت : مليت منها ,, وايد مرات رقدت وياها هههه ..
طالعتها وقلت : يسوف عاد خلها ترقد روحها وأشباح بيتنا ياكلونها ..

يوسف : صـــدقج ,,
جواهر جنها صدق زاغت وقالت : لأأ لأأأ خلاااص برقد ويا نوره أحسن لي ...

ضحكنا على جواهر ,, عقب شلينا العشا أنا وجواهر ورحنا الحجره ,, غيرت ملابسي .. وييت برقد .. جواهر طالعتني وهي راقده ..

قالت : نوره يوسف وايد حنون ومتفاهم ,,
قلت لها : هي أمس منو رمس على ريلي قال عصبي وما يتفاهم ,,

جواهر : هههه والله ما كنت أدري ,,
طالعتها ابتسمت وقلت : ارقدي تراني برقد .. وراي ريل هب شراتج لا شغله ولا مشغله ,.

جواهر ابتسمت لي وقالت : نواري تدرين ييسوف أول مره يلوي علي ,,
طالعتها وقلت : واااايد بنات عندهم أخوان جذا ,,

جواهر : هع يعني يوسف كان يستحي مني ,,
قلت لها : ارقدي وايد أحسن ,,

رقدنا ونشيت اليوم الثاني الضحى ,, مريت ع يوسف شفته راقد جان أروح المطبخ عند الخدامه أساعدها نسوي الغدا عقب ييت صليت الظهر ورحت أوعي يوسف ..

قومته عسب يصلي وصليت وتسبحت ولبست ,,
رحت أوعي جواهر ,,
قلت : جووااااهر قومي ..

جواهر ما ردت عليه تقربت عنها هزيتها ما قامت ,, حطيت ايدي ع راسها تخرعت ,,
رحت ركض ليوسف ,..

قلت : يوسف الححححححق على جواهر مدري شو فيها ..
يوسف ياااه بسرعه ,, ولمس راسها ,, تم يكفخها ,, ما ردت ,,

قال : البسي عباتج بسرعه ,,
لبست عباتي ,, وشل جواهر ورحنا السياره ,, ورحنا صوب المستشفى .. يوم شلّو جواهر وودوها الحجره .. عسب الدكتور يشوفها ,,

تمينا قاعدين برا نتريا جواهر شو مستوي بها ,, ترييت وترييت ,, وتميت أدعي شفت يوسف ,, وايد متوتر ,, طلع الدكتور ,,
طالعت الدكتور في البدايه ما رمس ,,

ردت لي الذكرى شرات قبل .. كنت واقفه بـ هالمكان وفقدت أغلى ناسي ,, وفهالمكان لي ذكريات وذكريات كلها مؤلمه ,,

طالعت الدكتور وأنا متخرعه شوي وبموت من الصياح وفي خاطري أقول له .. لا لا تقولها دكتور ,,
الدكتوره حطم كل شي أفكر فيه بس أسعدني يوم قال : هي بتدلع البنت ديه ,,

يوسف طاالع الدكتور : شو مستوي بها دكتور ,,
دكتور : مسخنه شويه وهي حساسه كتير الزاهر بتزعل كتير وبسرعه ,,

يوسف : دكتور يعني جواهر بخير ,,
الدكتور : آآآه كويسه الحمدلله بس حنومها لمدة أربع وعشرين ساعه عندنا لما حالتها بتستئر بنطلعها ,,

طالعت يوسف حسيت ردت لي الحياه ابتسمت ورحت صوب اليدار تساندت وتميت أدعي الحمدلله الحمدلله ,, جواهر ما استوا بها شي ..

وقفت يمب يوسف ودخلنا الحجره .. تطمنت على جواهر .. وقعدت وياها الين العصر ,, لما بدت الزياره ,,
يو قوم عمي ,, ومرت عمي أكيد يوسف خبرهم من قبل بس الزياره ممنوعه ,

قعدنا ويا بعض ,, وسولفنا حسيت جواهر صحتها صارت أحسن وايد عن الصبح ,, وبعدين هو حسب النفسيه .. ااذا النفسيه أوكي خلااااص كل شي أوكي ,,

لما سمعت صوت الباب ينفتح .. دخل ياسر ,, جواهر بدت تصيح وحطت ايدها على ويهها ,,
ياسر تجدم عنها ,,

جواهر بدت تصيح أكثر ,, ياسر تقرب ولوا عليها جواهر تمسكت به .. شكله رضا خلاااص أكيد يوسف اللي مكلمنه ولا هو بيذبح جواهر ,,

غريبين الأولاد كل يوم ولهم راي ووجهة نظر ,, بس غالبا وجهات نظرهم صحيحه مدري ليش ,, أحسهم يفكرون بعقلهم دوووم أما نحن نفكر بعواطفنا أكثر ..

مر اليوم مع جواهر اللي صحتها تحسنت وبليل ردينا البيت أنا ويوسف ,,, حسيت يوسف مستانس ,, أكيد لأنه لحق ع أخته قبل الضياع ,,
حسيت بتعب وهم وانزاح من ع قلبي .. وأخيرا جواهر سالفتها انحلت ,,

طالعت يوسف راقد لو انه واعي جان سألته ذاك اليوم عن سؤاله لي عن ورثنا ,, شو سالفته ,, ..؟؟
تميت أفكر الين ما رقدت .. قمت اليوم الثاني ع صوت موبايل يوسف ..

يوسف رد وقال .. : ابشر .. مسافة الطريج ونحن عندكم ..
ويوم طالعته سألته : بتطلع ..؟؟

يوسف : لا حياتي .. قومي تجهزي وخل نتريق بنروح بيت أبوي يقول يبانا ..
طالعته راح يتسبح .. تذكرت سالفة الورث ,, ترييت ورتبت اللبسه اللي بلبسها وجهزت الاكسسوار والسوالف ,, شفته طلع رحت صوبه ,,

قلت : يوسف حبيبي .. آآآآ ..
يوسف : حياتي أجلي السوالف الوالد مستعيل ,,

طالعته ورحت تسبحت .. طلعت وتجهزت وترتبت وحطيت ميكب عقب تريقنا ,, شفت الوقت أبد هب أوكي عسب أفاتحه بالموضوع ,,

وبعد الريوق طلعنا عسب نروح بيت عمي ,,

استانست نوعا ما .. وأخيرا جواهر مشكلتها انحلت وبسرعه سبحان الله .. كان ع بالي خوانها بيودرونها طول عمرها وبيعاملونها معامله سيئه ,, بس صار العكس سبحان مغير الأحوال ..

يمكن هالشي مكتوب لها ,, بس أهم شي الحين فهد .. يا ترى طاحت من عينه ,, ولا يحبها حب جما ولا يمكن يستغني عنها لو شو ما صار وشو ما سوت ..

وصلنا بيت عمي ,, نزلنا سلمنا عليهم استانست لما شفت عموري وعدول .. بكلم عمي اني بسكنهم ويايه ,, ابا أنا اللي أربيهم ,, أباهم يطلعون عليه في كل صغيره وكبيره ,,

لفيت شفت عموتي و ميثاني وعلايه ,, سلمت عليهن ,, ورحت فوق شفت جواهر تصيح ..
رحت ركض صوبها ..

قلت لها : حياتي شو فيج عسى ماشر ,,؟؟
سمعت صوت أحد يقول : فهميها الغبيه يمكن تفهم ,,
صديت طالعت وراي : هههه الجوهره اش حالج .. ؟؟

الجوهره : هب بخير ... أوووووف عيزت وأنا أفهمها .. تنياز هي و اللي ياينها أنا بنزل راسي عورني وجبدي لاعت ,,
طالعت وقلت لها : له له جبدج لايعه .. مبرووووووووك مقدما ,,

الجوهره : مليييييييييقه ,,, ونزلت ..
طالعت جواهر أضحك وقلت لها : أكيد حامل لأنها تعاملنا بطريقه هب أوكي ,,

جواهر ابتسمت : هي أكيد ,,
طالعته وقلت مستغربه : مب توج تصيحين ,, ؟؟ شاللي جلب ,,

جواهر : نورو تخيلي شو صار ,,
طالعتها شو بعدددددد ؟؟؟ الله يستر ,,

جواهر .. : فهد تقدم لي ,,
طالعتها وقلت : مبرووووك ..
جواهر : مب جذا السالفه ,,

طالعته وقلت : ليش شو رايج ,,؟؟
جواهر : تقدرين تقولين رافضه ...

طالعتها وفتحت عيوني .. وقلت : شو غبيه انتي ,, فهد ما ينرد ,, وبعدين ليكون تفكرين في ولد ييرانكم هذا ,,
جواهر : لاااااا نوار لا تفهميني غلط ,, بس أنا أحس اني ما أستاهل فهد ,,

طالعتها وقلت : ليييييش ..؟؟
جواهر : نوره فكري ,,. الولد يوم ياخذ وحده ياخذها وهي ما تعرف شي هو اللي يعلمها كل شي ,,
طالعتها : يعني ,,,؟؟

جواهر : نواري فهد خل ياخذ واحد ما عندها لا ماضي ولا شي ... أنا ما أستاهله ,, وبعدين هو يعرف عن سوالفي جيه تقدم لي ,,
طالعتها وقلت : ماله غير تفسير واحد ,,, يحبج يا جواهر وما يبا يضيعج من بين ايدينه ,,

جواهر : مستحيييل مافي حب صادق في هالزمن ,, يمكن يبا ينتقم ولا يأدبني ,,
طالعتها : يلا سخاااااااافه جواهر ... محد ينتقم من بنت خاله ,, وانتي بنت خاله ,,

جواهر : مدري يا نوره والله مرتاحه ,,
طالعتها وقلت : تعالي الله يخليج نروح المطبخ في خاطري حليب ,,

جواهر : وع ع ع مااااااالت عليج ,,
طالعته وقلت : والله مشتهيتنه واااااااااااااااايد ,,

جواهر : ليكوووووووووون ,, وغمزت لي ,,
طالعتها وضربتها : لا استريحي ,,, ,,
جواهر : مالت أبا أصير عمه احملي بسرعه ,,

ضربتها بالخفيف ,,: هي تراج ما بتتعبين ,, أنا اللي بهلك ,,
جواهر : يلا يلا بسرعه ,, سيري اشربي حليب عن يستوي بج شي ويوسف يزعل خخخخ


طالعتها : ملييييييييقه ,,
جواهر : هه أكيد حامل الجوهره قالتها قبل شوي هع ,,
طالعتها : ربي يكملج بـ عقلج ... يلا بسرعه ,,

نزلنا ورحنا أنا وجواهر صوب المطبخ ,, سمعتنا صوت واحد يرمس في التلفون ,, تجدمنا ,,

جواهر مسكت ايدي ,, : لا نواري أخاااف يذبحني ,,
طالعتها : شو انتي غبيه .. خلاااص كل تصرفاته معناها راضي عنج ,,

طالعتني : مدري .. يمكن لأني مريضه ,,
طالعتها ودزيتها ودخلنا المطبخ ,, طالع صوبنا وقال : بكلمك عقب ,,

طالعنا وابتسم ,, جواهر ما ابتسمت أنا عن نفسي ابتسمت ,,
وقلت : كيف االحال ..؟؟

ياسر : بخير ربي يعافيج حرمة أخويه ,, انتي اش حالج ,,؟؟
طالعته وقلت : بخير الحمدلله ,,

ياسر طالع جواهر وقال : ها اش حالج اليوم ..؟؟
جواهر : بخير ,,

ياسر يا صوبنا وجواهر بان عليها الخوف ,,,, لدرجه بغت تلصق فيني بس الحمدلله ما سوتها ,,

ياسر سحب خدودها ,, وقال وهو يضحك : يلا الحمدلله ع السلامه .. نورو شلوها وياكم انتي ويوسف عسب نفتك ههههه

طالعته وقلت : حرااام عليك عاد جواهر حبوبه ,,
جواهر ما علقت مدري ليش ,,, مبين عليها خايفه بعدها ,,

ياسر تقرب عن جواهر وكلمها بصوت واطي ,,, بس سمعت لأني قريبه عنهم ,,
قال لها بأسلوب حيوي : ان ما وافقت عالولد .. شوفي شسوي فيج ,,

طالعت عيونه وبلعت ريجها : لا لا بوافق خلاااص ,,
طالعها عطها كف ع الخفيف : أتمصخر فكري زين وترا الريال شاريج ,,
حسيت البسمه ردت لحياة جواهر ,, حسيتها استانست على كلام ياسر .. طلع من عيونها بريق فرح ,,

طالعت صوب ياسر ,, شافنا وهو رايح لصوب الثلاجه ,,
سمعنا صوت ميثاني من صوب باب المطبخ تركض ,,
دخلت وقالت : ايه انتي وين من ساعه أدور عليج ,,

طالعتها بغيت أضحك .. جواهر : موجوده ,,
ميثا تجدمت عنا وقالت لجواهر : وافقي ويا شكلج .. ع الأقل بنرقص مره ثانيه ,,
قلت : ميثوه ما يهمج الا الرقص ,,

قالت : هي حتى في عرسي برقص هع ,,,
طالعتها وأشرت لها شوفي وراج ,,

لفت وشافت ياسر تفشلت ,, راحت بسرعه صوب باب المطبخ عسب تطلع ,, ياسر كان قريب عنها لأنه
الثلاجات هناك ,,
ياسر قال لها شي بصوت واطي بس ما سمعته ,, لأنه نحن بعاد ,.,.

اللي حسيته ... انه ميثا وايد انحرجت مدري شو قال لها ,, ولو نسألها نو وي ميثوه تخبرنا بس تخبر جواهر .. اللي حسيته ياسر وميثا بينهم شي نظراتهم لبعض غير ... مب انه ميثا تكلمه في التلفون .. لأأأأأ بس اللي حسيته واحد من الطرفين صرّح بحبه للثاني ,, الله يهنيهم ,,

،،،،،،،،،،،،،،،،،،،،،،،،،،،،

مر الأسبوع .. وكانت آخر تطوراته جواهر وافقت على فهد .. الله يهنيها فرحت الها وايد .. وعرفت انه فهد المزوح والشيطون ,, واللي ياخذ كل شي بمزح ,, الا حبه لجواهر صادق وساسه قوي ..

أما ميثوه ما عرفت شو قال لها ياسر ما رضت تخبرني ,, بس مدري ليش متأكده ياسر يباها وهي تباه ,,
علايه والجوهره فحصو .. ثنينهم حوامل ,, عقبالنا هههه لا لا بس أحس روحي تو الناس مابي حاليا لأني أبا أكمل دراسه وأول سنتين مابي يهال ,,

صـــح جواهر ما بتعرس الا بعد أربع سنوات بعد ما تخلص دراسه ,, وغير انه فهد عمره وايد صغير ع الزواج 22 سنه بعده خل يعيش حياته شو يبا عرس وعيال وصدعه ههههه

،،،،،،،،،،،،،،،،،،،،،،،،،،،،

رفعت راسي نقزت وتخرعت ,,
طالعت صوبه : يوسف من متى انت اهني ,,

يوسف ياه وبند اللاب ,, من ساعه وانتي ولا داريه عني ,,
طالعته : هي ... انزين بغيت أسألك باجر بداوم ,,

يوسف : هي باجر أول يوم لج ودوامج المسا ترا ,,
طالعته وقلت : تدري حبيبي أنا وايد مستانسه ,,

يوسف : دوم انشالله حياتي ,,, حبيبي جيه اخترتي تدرسين ,, قانون ,,
طالعته : امممم أحب هالشي ,,

يوسف : شي راجع لج بس عقب هالوضيفه تعب ,,
طالعته واستانست : يعني انت موافق أشتغل عقب ...

يوسف : هي وشو المانع ,,
قلت له : الجوهره تقول حمد قال لها ما شي تشتغل ,,

يوسف : حرين في حياتهم وبعدين يمكن يخاف عليها وما يباها تتعب ,,
طالعته وقلت : يعني انت ما تخاف عليه وتباني أتعب ,,

يوسف : يعني لو تبيني أرفض انج تصيرين محاميه ترا عادي عندي ,,
طالعته وقلت : لأأأأأأأأأأأأأأأأ عاد الا هاي ,, هههه أنا مب مصدقه شقايل انت راضي ,,

يوسف : انزين حبيبتي أنا بظهر الحين شوي ,,
طالعته وقلت : الوقت متأخر ,,

يوسف : عندي شغيله وبرد ,,
طالعته : يوسف ممكن سؤال ..

يوسف : هلأأأأ ,,
قلت له : شو سالفه ورث ماماتيه ,,

يوسف : سالفه طويله وعريضه يوم برجع بقول لج اياها ,,
قلت له : درب السلامه حبيبي ,,

يوسف ابتسم لي الابتسامه اللي أتريا أشوفها طول عمري من شفاته ,, يوم تكون من خاااطر غير ..
حطيت راسي ,, باجر أول يوم جامعه الله يعيني رقاد ونشه من الفير ,, الله يعين ,,

رقدت تميت أتجلب وأتجلب ,, فتحت عيوني ع الساعه هنتين ,, شفت يمبي ,, تخرعت ,, يوسف محد وينه يوسف ,, ربي يستر ,,

طالعت كل صوب في الحجره ما شفته كل شي مثل ما هو الظاهر ما رد ,,
قال دقايق ويرجع ما بيتأخر ,,, تخرعت وطلعت الصاله ,,

سمعت صوت ضحكات ,, ركزت في الصوت ,, هذا يوسف ,, ليش الين هالحزه سهران ,, غير الكلام اللي قاعد يقوله ما يدش العقل ,,

تجدمت عنه بهدوء ,,, لما شافني أشر لي بايده أروح ,, بغيت أذبحه .. كل هذا وبعدك بارد ,,
طالعته بغيض ,, تقدمت عنه ,,, سكر التلفون ,,

ما تكلم تم يهز ريوله بتوتر حتى ما فكر يبرر موقفه لي .. رفعت ايدي وما حسيت بروحي الا وأنا أَضربه .. وأصااارخ : يووووووووسف حراااام ليش سويت فيني جذي حرااام عليك ..

الحلقه الواحده والعشرون ..


أول مره أسويها في حياتي بس يستاهل والله يستاهل ,, وهذا شوي ,,

طالعته في البدايه خفت بس عقب قلت لأاأأ نوره دوم انتي ضعيفه بس هالمره خلّج قويه ع الأقل لو مره في العمر ,,

طالعني وقف .. طالعت قمته بالنسبه لي ,, خفت أطول عني وأضخم عني ,, يعني لو يهفني بس بطير ,,
رجعت ورا .. ياه صوبي ومسكني من ياقت قميصي ,, ررفعني ,,,

قال من بين أسنانه وبغييييض : انتي منو سمح لج تسوين جيييييه ,,,
طالعته ما رديت حاولت أفج روحي من بين أيدينه قبل ما أموت ,.,

طالعني وفرني ع القنفه وصفق : برافو .. تتسمعين ها ,,, والله ايدج هاي بكسرها لج ,,
طالعته وبديت أصيح قلت : وين كلامك نوره أحبج من زمان أباااج من زمان .... كنت ترمس من قبل وتقول أبا بيزاتج .. كنت بعطيك ,, بس لييييييش دمرت حياتي ,,,

تجدمت منه وبديت أضربه على صدره : لييييييييييييييييييييييش حرام عليك ,,,
يوسف بعدني عنّه قال : نوره اهدي ...

بعدته عني ,,, قلت من بين دموعي : كنت أتحراك غير عن كلهم .. طلعت شرات كلهم .. حتى انت تهمك البيزات ,,,

وقعدت ع الأرض : ليتني فقيره وما عندي لقمه أكلها أهوّن عن العذاب اللي قاعده أشوفه ,,

تجدم عني يوسف ومسكني من ايدي بهودء ورفعني طالعت عيونه وقلت وأنا أصيح : انتتتتتتتتته جذاااااااااااااااااااااااااااااااااااااااب ,,
يوسف بغا يرمس ,, قلت : اسككككككككت مابا أسمع ولا كلمه يوسف ,,,

ودرته رحت الحجره ركض ,,, وقفلت الباب ,,
يوسف ياه دقه ودقه ,, ما رديت عليه رحت قعدت ع السرير ,,

حتى ما فكر يبرر موقفه ,, كنت بقول انه يوم شاف حالتي ع الأقل ما قدر ,, بس لأأأ مستحيل هو ما قدر ينطق بكلمه وحده بعد ,, أكيد شو عنده يقوله بعد اللي سمعته بأذوني ,,
بديت اصيح واصيح ,,

وينك عنا يابوي ,, هذا اللي وصيته علينا بعد طمع فينا ,,, منو اللي يحبنا كلهم قامو يحبونا عشان بيزاتنا يا ليتني منتفه وما عندي شي .. بس ما أعرف انه واحد متزوجني عشان بيزاتي وعقب بيفرني ,,
أصعب شي ,, هذا ,, بعد ما عطيته كل شي وعطيته حبي وأنفاسي بعد .. يخونني ,, وليييييش عشان البيزات ,, ويني أنا عميه وما أعرف عنه ,,, غبيه أنا غبيه ,, طول عمري ينقص عليه ,..
ما حسيت بروحي الا وأنا أنش على الساعه اثنعش ,, قمت رحت صوب المرايه ,,
شفت عيوني .. وااااااااايد ورمانه ,, أكيد البارح ذبحت روحي من الصياح عشان هذا اللي ما يستاهل ,,
دخلت تسبحت .. وغيرت ,, ما بغيت أطلع عشان ما أشوف يوسف ,, بس اليوم بيذبحني ,, علني أموووت وأفتتتك وايد أحسن لي ,,

طلعت رحت المطبخ تريقت حمدت ربي ما شفته ,, طالعت صوب الساعه ,, أوووه اليوم لازم أروح الجامعه ,, بس لأأأأ ما بروح ,, ليش بروووح خلاااص مافي أي شي في هالحياه يعنيني ,,

وأنا طالعه .. شفت يوسف يدامي ,,طالعني ومبين في عيونه كلااام ,,

طالعته وقلت : يكفي خداااااع ,, مدري كيف كنت أشوفك ملاااك شكلها نظرتي فيك هاي .. عمتني من اني أشوف عيوبك ,,

طالعني وقال بجمود : اليوم الغدا عند أبوي ,,
طالعته وأنا أمشي قلت : مابي سير روحك ,,

وأنا ماشيه ما حسيت الا وايده تمكسني بقوه وقال : تييين غصبا عنج ,,
فضلت السكوت باين عليه معصب واااايد ... بس هالألاعيب هب علي ,, خل يلعبها على غيري ’’

قلت أقصر الشر وأروح .. دخلت الحجره فريت روحي ع السرير ,, تذكرت كلامه اللي قاعد يقوله في التلفون .. لهالدرجه ما يحس ,,

معنه غلطان بس ما فكر يبررر غلطته أو حتى يعتذر بعد ,, لازم دامه جذب عل وحده يتيمة ماله أحد في الدنيا .. أكيد قلبه حجر وما يحس ,, حتى الحجر أشك انه يحس بحالي ,, بس يوسف مستحيل ,,

تجهزت وطلعنا .. طول الوقت كنت ساكته يوسف كان متوتر هه يدور له عذر أكيد
وصلنا قبل ما ننزل لفيت صوبه وطالعته بغرور ..

قلت له : روح عند دكتور فيل يمكن يطلع لك عذر هه
يوسف ما رد نزلت سلمت على مرت عمي وجواهر كانو قاعدين ,,,

ثواني الا وعمي دش ,, وسلمت عليه ,,
بعد السؤال عن الحال وجذا عمي طالعني وقال : نوره خوالج يايين يشوفونج ,,

شو ما يكفيهم اللي سوووه بنا بعد يو .. حرااام عليهم ,, بس شو دراني يمكن تابو وصارو أوكي ,,
دشيت الميلس عندهم وسلمت عليهم هالمره عاملتهم عدل مدري ليش بالضبط ,,
قعدت وياهم ,, وعمي بعد كان قاعد ويوسف ,,

خالي عبدالرحمن قال : ها نوره فكرتي وين بتكملين ,,
طالعته وقلت بفخر وأنا أطالع يوسف : هي خالي ,, بدرس قانون ,, ع الأقل يمكن أقدر أخذ حقوق الناس اللي مأكوله حقوقهم ,,

خالي : مره وحده قانون ,, يلا الله يوفقج ,,
قلت : آميييين ,,
خالي : ها بو يوسف سجلتوها في أي جامعه ,,

عمي : هي يوسف سجلها في جامعة زايد ,,
قلت : عمي بس خلااص أنا ويوسف اتفقنا أنقل ..

عمي طالع يوسف ,, يوسف طالعني وسكت ,, ما قال أي شي ,,
قلت : هي بكمل في بوظبي ,,

مدري كيف هالجمله طلعت مني أشك انها لا بمحلها ولا بمكانها ,, ولا بوقتها بعد ,,
عمي ويوسف طالعوني مصدومين ,, الصدمه يمكن على عمي أكبر ,, حليله ,,

قلت : صح يوسف انت قلت أدرس هالترم في بوظبي لما تتعدل أمورك ,,
يوسف ما رد ,,
خالي : صدق عاااد تعالي عندنا لو ما شالج البيت بتشيلج عيونا ,,

طالعته وابتسمت وقلت : مشكووور خالي ,,
عقب ثواني طلعت وأنا أقول لخالي بيي وياك بوظبي ,, طلعت وأنا أمشي ,, أحس روحي خرفت نوعا ما شو هالقرار الغبي .. اللي اتخذته وأنا اعرف شو معدن خوالي بعد ,,

حسيت روحي غبيه جدااا أو اني كنت قاعده أحلم ,, أصلا السالفه كلها على بعضها مب داشة عقلي .. كيف ياربييه ,, صرت انسان غبيه جدا ,,

بس يوسف ليش ما عارض ,, أكيد يعرف اني عرفت معدنه وانه لا يمكن يوصل لي الحين ,, باي وسيله ,, لو تكون روحه ,, خلااااص يا يوسف ما عدت ذاك الحبيب الغالي ,,

ما حسيت الا وايد تسحبني وياها سحب وتييرني يرررر ,, الين وصلنا تحت كراج السيارات ,,
قلت : ودرني شو تبا فيني الحين ,,

قال : شو هالكلام اللي قلتيه نوره ,,
طالعته وقلت : يوسف أعتقد خلااااص مالك حق عليه من اليوم ورايح ,,
يوسف : شو انتي غبيه كيف مالي حق وأنا ريلج ,,

طالعته وقلت بسخريه : ريل بيزاتي قصدك هااا ..
يوسف : نوره شو انتي غبيه سوووي اللي تبين بس بوظبي لا تسيرين ,,
قلت له : بسير يعني بسير ,,

قال : ماشي سيره ولا تراني بذبحج ,.,.
طالعت عيونه وقلت : الذبح واااايد أهووون من اني أسمع ريلي ماخذني عسب البيزات ,,
قال بنفاذ صبر : نوره شو انتي غبيه تبين تذبحيني ,,

قلت : خلاااص العب غيرها هاللعبه ما تمشي علي ,,
قلت : تراني سايره بوظبي اليوم .. لو رضيت وان ما رضيت برايك ,,

بغيت أمشي وحط ايده علي ولصقني في اليدار ,,
قال : نوره انتي ما تعرفين هاييل يلعبون بعقلج ,,

طالعته وقلت : لااا لاا ,, وهاي اللي لعبت بعقلك وخلتك تخون بنت عمك وحرمتك عشان البيزات شو ما لعبت بعقلك ,,
يوسف : نوره افهمي .. افهمي ..

قلت له : مع السلامه يوسف ما بسمع كلمه زياده ,, صح بغيت أقول لك ,, دبر روحك مع عمي .. باين عليه تضايج ,, عاد تقول له .. كنت العب على حرمتي اللي هي بنت أخوك ولا أبا بيزاتها برايك ,,
يوسف سحبني ,, قلت له ,, : والله ان ما ودرتني بصارخ ,,

يوسف : نوره اعقلي واسمعي الرمسه ,,
بس اللي قطع علينا صوت ريموت سياره وهو يفتح قفل بيبان السياره ’,,
تجدمت بسرعه ودخلت داخل ,’,

تغديت مع جواهر ومرت عمي وعموري وعدول وعلاوي ,, يمكن هذا آخر غدا لي وياهم ,, الله يعلم ,,
عقب الغدا سحبت عدولي وعموري ,,

طالعتهم وعيوني كلها دموع : حبايبي اسمعو كلام عمو انزين ,,
عدول : انزين ,,
عموري : ليش انتي وين ,,

قلت له : أنا بسير كم شهر عشان الدراسه أوكي ,,

عموري وعدول حضنوني وعيونهم كلها دموع ,, بغيت أصيح بس الكل بيشك فيني الا هالشي ماباه ,,
عقب سلمت على مرت عمي وجواهر ,, طبعا سألوني ليش رايحه يوظبي وهالسوالف بررت بأشيا تافهه ما تدش العقل بعد يمكن ..

مرت عمي بدت تصيح وقالت : ديري بالج ع روحج ,,

عرقت من معنى كلامها خايفه عليه من خوالي ,, من حقها دام تعرف معدنهم ,, بس منو يدري يمكن عيالهم وحريمهم أوكي ,,

طلعت سلمت على عمي اللي شكله مب راضي بس ما قال شي ,, الظاهر يوسف كلمه ,,
استغربت ليش يوسف ما عارض ,, معنه لازم يسوي المستحيل عشان ماروح ,,

هذا دليل يبا الفكه ,, يلا يت منه أحسن ,, لازم الحين أشد على روحي شوي بسني طيبه ,, محد ضيعني غير طيبتي الزايده ,,

ركبت السيااره مع خالي ,, يدام وحرك السياره ,, ياني صياح خواني اهني كيف قلبي طاوعني أروح عند خوالي ,,
خالي طالعني وقال : انشالله تستانسين ويا عيال خالج ,,
قلت له : انشالله ,,

قال : غريبه جيه ريلج شلكه هب راضي عن ييتج ,,
قلت له : تدري عاد ريلي ما يعيبه بدوني ,,
خالي : هيييه صح جذا بعد ,,

مدري كيف طلعت مني كلمة ,, : وبعد فيه شوية مشاكل ,,

طالعت ابتسامه ارتسمت على ويه خالي ,, استغربت ,, بس يمكن فهمت سببها نوعا ما ,, تمينا وقت في الدرب الين ما وصلنا ,,
شفت بيت خالي من بره انبهرت ,, قصر قصر بمعنى الكلمه عاد شو كان يبا ببيزات أمايه ,, أكيد طمع أعوذ بالله ,,

خالي : يلا نوره انزلي ,,
نزلت وياااه وداني داخل أول ما دخلنا الصاله ,, كانو مجموعة بنات قاعدات ,,

نشّت وحده منهن يت صوبنا وقالت : هلا بابا ,, وباست راس خالي ,,
قالت : ما عرفتنا ,,

خالي : ساره هاذي نوره بنت عمتج ,,
طالعتني بغرور وقالت : هييييييييييه ,, هلأأأ نوره منوره دار الظبي ,,

قلت لها بنفس أسلوبها : منوره بأهلها ’,,, وفي قلبي .. عدا انتي طبعا ,,
خالي : نوره سيري اقعدي ويا البنات ,,

ساره : تعالي ,,
طالعته ومشيت وياها ,, حسيت من أسلوبها هي والبنات اللي وياها فيهن غرور واااايد ,,
عقب دقايق راحو البنات ,,

خالي نزل ومعاه ولده سلطان اللي أعرفه ومبين حرمته بعد وياه ,,
ياه وقعد وسلطان سلم علي من بعيد ,,

أما اللي مبين حرمته يت صوبي ,, ومن طرف خشمها قالت : هلأأأأ
قلت : هلأأ خـــالو ,,

دعت دعوه ما سمعتها .. مالت عليها مابينها وبين المقبره الا شبر .. خل تسير تتوب أحسن لها ,,
خالي سولف ويايه وراواني حجرتيه في فلتهم ,, والله ناس بطره ,, وبعد يطمعون ,,

عقب سوالف قال انه بيحول أوراقي عندهم عسب أكمل في جامعه اهني صوبهم ,,
وافقت ومن بعد سوالف بعد العشا رحت الحجره أريح ,, قعدت ع السرير ,,

طالعت صوب التلفون ,, سبحان مغير الأحوال منو كان يدري اني بيي بعيش اهني ,, يمكن لفتره ويمكن للأبد محد يدري ,,
حاولت أرقد ما ياني رقاد المكان ثجيل ع القلب وااااايد ,,

غصبت نفسي الين ياني رقاد ,,
ما حسيت بروحي الا وأنا أنش على صوت المنبه ,, تسبحت ولبست ,, نزلت أتريق ,,

شفت مرت خالي السوسه وبنتها وسلطان في الصاله ..
سلمت وقعدت وياهم و بدت مرت خالي تسولف عن آخر صيحات الميكب والفساتين وبكم تشتريه حسيتها مغروره واااايد

سلطان وساره طول الوقت كانو يطالعون بعض حسيت نظراتهم غااامضه جدا حاولت أفهمها بس للأسف ما قدرت ,,
ساره قالت بغرور : هي نوره تجهزي اليوم الساعه أربع العصر بنروح الكوليج ,,
طالعتها وقلت : أوكي ,,

الحين دوامات الجامعات والكليات غالبا ما يكون العصر ,, في غالب الأماكن ,, حسيت انه هالشي أحسن وايد ,,

مرت خالي : عاد نوره هالله هالله بالكشخه ,, ترا سارا وربيعاتها كلهن مال قوم كشخه ,,
طالعتها وقلت في خاطري جيييييييه شو قاعده تشوفني بدويه أرعي عنز ما أعرف شي عن الحضر والمدن جني يايه من قريه واسكن عندهم ,,

طالعت مرت خالي وقلت : هي خالو لا تنسين اني يايه من دبي ,, يعني بكشخ أبو الكشخه ترا كل الأضوا بتكون عليه اليوم ,,
سارا طالعتني من طرف خشمها ,,

سلطان قام واستأذن حسيته مل من أسلوب أمه وأخته حليله ,, لازم أنا اللي بنيه مليت عاد هو شو ,,
قمت رحت تريقت و رديت الحجره رتبت أغراضي ,, وشغلت اللاب قعدت شوي وبندته بسرعه ,,

ما تغديت لأني مب مشتهيه ,, سمعت صوت تلفوني يرن .. نقزت من مكاني ,, انشالله يوسف ,,
رحت صوب التلفون رديت : هلا حبيبي ,,

عمي : هلا نواري اشحالج غناتي ,,,؟؟
قلت : تمام الغالي .. ومن صوب ،،،؟؟

عمي : تمام الغاليه .. ها انشالله مرتاحه ,,
قلت : الحمدلله قوم خالي هب مقصرين ويايه ,,

عمي . زين عاد ,,, حبيبتي ديري بالج ع روحج ,,
قلت : انشالله عمي ,, سلّم

عمي ..: يوصل يلا فمان الله
قلت : فمان الكريم ,,

سكر عمي شفت التلفون يتني الغبنه بغيت أصيح مشتاقه لهم ,, وااايد مشتاقه لخواني كيف هانو علي ,, كيف قلبي طاوعني على هالفكره الغبيه ,,

بس لأأأأأ دامني اتخذت هالدرب خلاااااص لازم أكمله مستحيل أتراجع ,,
مر الوقت بسرعه قرب العصر وتجهزت ونزلت عسب نروح بس شفت ساره ,,

ساره : مشينا خلاااص ,,
قلت لها : هي يلا

طلعنا ,, أكيد الحين خالي راقد ,, غريبه خالي الثاني ما ياه وزارني ,, مدري عنه برايه ,,

الدريول وصلّنا الجامعه ,, ساره أول ماشافت ربيعاتها يو صوبنا وسلمو ,, الكل تم يسأل منو هاي ومنو هاي ,, حسيت نظرات القهر والغيره قاعده تاكل ساره أكل ,,

ما عبرتهن اكتفيت ساره ترد عليهن ,,
بعد ما سجلنا الأسامي وجذا ’’ أنا لازم أروح كلية القانون والحقوق ,,

ومر اليوم ممل لأني ما أعرف أي أحد كنت قاعده روحي أطالع البنات الظاهر كل وحده عندها شعبيه من الربيعات ,,

ما حسيت بروحي الا وصوت وحده : السلام عليكم ,,
رديت : وعليكم السلام .. بس يوم طالعتها تخرعت ,,

..........: اشحالج نوره ..؟؟

رديت : الحمدلله بخييير ,,, ومن صوبج ..؟؟
ردت عليه : بخير ... ماشالله ييتي بوظبي ,,

طالعتها وقلت : شفتي عاد جمعنا القدر مره ثانيه ,,
قالت : هي والله الدنيا الصغيره ,,

استغربت من أسلوبها هذا.. هذا هب طبعها ,, هذي انجلبت اميه وثمانين درجه ,,
قلت : غريبه حمده .. شاللي يايبنج بوظبي ,,,؟؟

حمده : ههههه نوره قبل بقول لج شي أنا آسفه واااايد عاللي سببته لج ,,
قلت لها : لا عادي نحن خوات ,,

حمده : سمعت انج عرستي ,, مبرووووك .. شكله الحبيب من بوظبي ,,
قلت لها : الله يبارج في حياتج ,, لأأأ هب من بوظبي ,, من دبي ,,

حمده استغربت : آآهااا ,,
حسيت روحي حزنت ,, وينك عني يا يوسف حراااام اللي سويته كيف ترضاها علي ,,

طالعتها وغيرت السالفه وقلت : ها حمده .. غريبه انتي ييتي بوظبي ,, ليكون ماخذه واحد من صوبهم ,,
حمده : هههه لا لا أنا سالفتي سالفه ,,

طالعتها مستغربه ,, شرحت لي كل شي حسيت بريق الحزن بعيونها .. الظاهر مب بس أنا اللي حياتي جيه حتى انتي يا حمده ,,

صدق يوم قالو من يشوف مصيبة غيره تهون عليه مصيبته ,,
دقايق الا وأستأذن حمده .. لأنه الدريول ياه .. يمكن هذا آخر يوم بشوفها فيه ,,, بروح كلية القانون وهي بتروح الشريعه ,, سبحان مغير الأحوال ,,

رجعت البيت حسيت روحي تعبانه أبا أرقد ,,
انسدحت ع السرير غمضت عيوني ,,

الله يالدنيا كيف صغيره ,, هذي حمده وأمها وابوها كانو مطلقين وفي مدينه وحده يوم عند أمها ويوم عند أبوها .. لازم تضيع البنيه ,, بس الحمدلله الحين يت عند أختها .. أكيد بتداريها ,, غير انه ماشالله عليها بتدرس شريعه ,, والله عجيبه هالدنيا ,,

عادي الزين يخترب وعادي ان الخربان يصير زين ,, كل شي جايز في هالزمن ,,
صحاني من خيالي صوت الباب وهو يندق ,,

قلت : ادخل ,,
الخدامه : نوره بابا بو سلطان يباج ,,

طالعتها وقلت : قولي له تغير وتيي ,,
الخدامه : أوكي ,,

غيرت وصليت العشا ,, عقب نزلت أشوف خالي شو يبا ,,
هه البارحه كنت أقول عمي ,, واللي بعده قلت ريلي ,, واليوم خالي ,, الله يعلم باجر منوه ,,

نزلت رحت صوب خالي وسلمت ,,
خالي : هلا نوره استريحي ,,

قعدت ,, وابتسم خالي و قال : ها شو الجامعه اليوم ,,
قلت له : أوكي ,, بس باجر لازم تودوني كلية الحقوق ..
خالي : انشالله تامرين آمر ,,


طالعته وقلت : مشكور خالي ما تقصر ..
خالي : لا بنتي هذا واجبي ,,

ونحن قاعدين دخل سلطان .. ابتسم لنا ,, استحيت منه الصراحه ,, ما ابتسمت له لأأأأ أنا بعدني على ذمة يوسف و لا يمكن أخونه ,, مهما سوه وخانني بتم أحسن عنه وما بخونه ,,

قعدنا وتعشينا مع بعض كلنا ,, وطول الوقت خالي يمدح ساره ,, محد مخربنها غير مدحه الزايد ,, ولا أمها هالسوسه بنتي وبنتي ,, حشا جنه الناس ما عندهم بنات ,,

يتني الغصه بغيت أنا بعد يكون عندي أم .. كل البنات عندهم أم ... بس وين أمي أنا ,,
قمت من ع السفره .. لأنه انسدت نفسي ... بغيت أقول انتو اللي ذبحتو أمي انتو سبب عذابها هي وأبوي بس يودت روحي وقلت الصبر زين ,,
رحت الحجره انسدحت ع السرير ,, وبديت أراجع حساباتي ,, كيف يوسف قلبه طاوعه يخونني لا وأنا بنت عمه لو بنت غريب جان الله يعلم شو سوا بها ,,

الله يالدنيا كلهم قام أكبر همهم البيزات ,, الدنيا صارت مصالح اذا عندك بيزات يحبونك واذا لأأأ يرمونك ,, بس وين بيروحون هالناس من الله ,, يمهل ولا يهمل ,,

نزلت دمعه حارّه على خدي .. حسيته بيحترق من حرارة الدمع وكثر الألم اللي تحمله هالدمعه ,,
حتى انت يا يوسف اللي كنت أظنك بتتزوجني لأنك حبيتني طلعت مثلهم كلهم ,, أكبر همك البيزات ,,
هه حتى أول ما خطبتني قلت يمكن شفقه على حالي لأني يتيمه ,, ولا يمكن عمي أصر انك تاخذني ,,
ياااااااااااااااااريــــــــــــــــت لو انه واحد من هـ الاثنين جاااان أهون بمليون مره من انك تاخذني عشان البيزات ,, ياريت لو شفقه أو تقيد بأوامر أبوك ,, كان يمكن حالنا ما وصل لجذا ,,
بس الدنيا دواره يا يوسف ..


رقدت والدمعه ساكنه بمكانها على خدي ,,, مالحه وكثر الملح اللي تحمله ,, تحمل أضعاف هالملح حزن ,,
ووله .. وشوق .. ولوعه .. واشتياق .. وألم ,, كل أحاسيس هالدنيا يمكن تحملها هالدمعه ,,


.................................


دخلت الكليه ,, وكل أنواع البنات بها ,, أشكالهم مختلفه ,, وأكيد أطباعهم بعد تختلف .. كل وحده ولها بيئتها اللي هي تربت فيها ..
لقيت وحده قاعده روحها ,, رحت وقفت جريب عنها ,, ابتسمت لي ,, رديت لها الابتسامه ,, رحت صوبها ,,

قلت : السلام عليكم ,,
ردت عليه : وعليكم السلام ..

قلت لها : كيف الحال ,,؟؟
ردت عليه : تمام الغاليه ومن صوبج ,,؟؟
قلت : بخير ,, شكلج يديده شراتي ,,

ردت عليه : هي ,, ما أعرف حد اهني ,,
ابتسمت لها : عاد شكلنا بنترابع ههه ..
ردت عليه : هيه ههههه ,, شو تدرسين قانون ,,؟؟

قلت لها : جيه نحن وين .. هههه
قالت : هي هي ,, اسمحي لي هههه ,, شكلها المحاضره بدت ,,
رحت ودخلت وياها ,,

ويوم حزة البريك طلعنا أنا وهي ,,
قالت : تاكلين ,,؟؟
قلت لها : لأأأ لأأأأ هب مشتهيه ,,
ردت عليه : ولا أنا ,,, ما خبرتينا شو اسمج ,,؟؟

قلت لها : نوره .. وانتي ,,
قالت : جواهر ,,

طالعتها وقلت : عاشت الاأسامي ,,
جواهر : عاشت أيامج ,,

قلت لها : شرات اسم بنت عمي ,, بس هي خبله شوي هههه انتي هاديه ,,
جواهر : ههههه شكلج ما عرفتيني عدل ,,

قلت : عاد الله يستر ,,
جواهر : انتي من بوظبي ,,؟؟
قلت : لأأأأ من دبي ,,

جواهر : حيهم هل دبي ,, منورتنا ,, والله
قلت : الله يحييج ,, انتي عاد أكيد من اهني ,,
قالت : هي من بوظبي ... بس كيف يايه بوظبي ,,

قلت : خالي ساكن اهني ,,
جواهر : أهاااا ,, شي طيب ,,, منو خالج ,,

قلت : حميد وعبدالرحمن الــ .......
جواهر : والنعم والله ,, كبارية بوظبي هاييل ,,

طالعتها : هي أظنيه ,,
خلص البريك .. ابتسمت ,, شكلهم كل الناس ما يعرفون معدنكم يا خوالي ... الكل ع باله انكم أحسن ناس ومافي أحسن منكم ,, شكلهم ما يعرفون انه ماشي أردى عنكم ,,

عقب ما خلص الدوام رديت البيت ,, دخلت شفت خالي ,,حميد اليوم موجود ,,
رحت صوبه سلمت عليه ,,

قال : هلا والله نوره ,, أشوف بوظبي منوره ,,
قلت بغرور : لازم ترا نوره عندكم ..

وطالعت صوب ساره اللي باين مقهوره ,, يت صوب خالي حميد وقعدت يمبه ,,
قالت : خالي جيه ما يبت بدور وبدر وياااااك ..؟؟

خالي : بدور قالت انها تعبانه وبدر تدرين مشاغل الدنيا لاهتنه .. كلّه يسافر ,,
قالت : هي الله يكون بعونه ..
قعدت عالقنفه وحطيت ريل ع ريل قلت : خالي بزعل جذا ,, عيالك يدرون ان بنت عمتهم يت دارهم ولا ييون صوبها ما يصير جذا عاد ..

خالي عبدالرحمن : صدقها البنيه ع الأقل بدور تيي ,,
ساره : لا أحسن خلوها ما تيي أخاف يوم تشوفونا وتعرف عن ,,,,,,, سكتت شوي وكملت ,, بتتينن البنيه ,, ترا سلطان غالي ,,

خالي طالعها بنظره ساره اضطرت انها تسكت ,,
دخل سلطان سلم علينا .. قعد يمب خالي عبدالرحمن وخالي حميد ,,

خالي عبدالرحمن : هلا والله بمعرسنا ,,
سلطان : هلا أبويه ,, امايه أنا برقد لا تطلعو لي عشا ,,

مرت خالي : لا لا مايصير لازم تتعشى ,,
سلطان : والله مالي خاطر ,,

خالي حميد : ليكون هذا من سمع طاري العرس قام جذا ما ياكل ,,
قبل ما أي أحد يرمس قلت : جيييه خالي حميد بنتك بدور هاللي ترمسون عنها خطيبته ,,

الكل سكت وخالي عبدالرحمن قال : لا لا منو قال ,, وحده أحسن عنها بعد ,,
طالعتهم وأنا ساكته وصعدت عسب أغير وأتعشى .. وبشيل يوسف من قاموس حياتي نهائياً .. اللي ما يبانا ما نباه ,,

حسيت حياتي مالها أي طعم بوجودي اهني في بيت خالي ,, أصلا الحياه عندهم مالها طعم ,, .. مدري كييييييييييف ..؟؟؟ فكرة اني أييي بيتهم يتني ،،، والله انها فكره غبيه .. في ثواني قررت أييي صوبهم أصلا الكلمه طلعت مني بالغلط بس سبحان الله صارت .. مدري كيف ,,؟؟

مدري كيف هنت على يوسف وخلاني أييي أدري انه رفض بس رفضه ما دام ,, كل هذا عشان ياخذ راحته في حياته ,, وبعدين أكيد يوم انه عرف انه مكشوف وألاعيبه مكشوفه ما قدر يبرر موقفه ,,

بس والله ييتي للعاصمه فادتني وااااايد ,, أول شي ,, أحرق يوسف مثل ما حرقني وأعذبه مثل ما عذبني ,, وأخليه يذوق لو ربع طعم اللي ذقته ,, يمكن بيبرد غليلي ,,

والله مدري كيف قلبه طاوعه يخون الحلوه والمره ,, ويسوي فيني كل هذا ,, هذا وأنا الغالي وشوف وش صار يا يوسف أجل لو قلبك كرهني ,, وش يسوي ..؟؟

والشي الثاني خلوني ساكته أحسن ,, خلني ساكته يا يوسف .. وبحرقك مثل ما حرقتني ,,
بديت أصيح ,, بس أنا بحرقك يا يوسف على حساب سعادتي أنا ,,, يعني محد متضرر كثري أنا ,, بس بعد لازم أحرقك وأسوي اللي أبيه ,,

مدري شو الحل ..؟؟ وكيف ..؟؟ لازم أطلع لي داهيه وسالفه من تحت الأرض عشان أحرقك يا يوسف ,,
رقدت وأنا قاعدع أفكر كيف ,, وشلون ,..؟؟ يا ترى بيصييرر هالشي .. ولا يوسف بيسيطر عليه وعلى قلبي قبل ما أخطي أي خطوه من مخططي ,,
لأأأأأأأأأ .. مستحيل أضعف جدامك يا يوسف مستحيل ,, لازم أكون قويه ,, وأوقف ذد مشاعري ,, اللي تايهه مابيني وبين حبي ,,

أصدق قلبي ولا عقلي ,, دوم يقولون ناخذ كل شي بعقلنا هب بقلبنا ,, هالمره بجرب هالشي ,, عل وعسى ,, أقدر أحل مشاكلي روحي ,,

................

قمت اليوم الثاني وأنا مصحصحه أنظر للحياه نظره ثانيه ,, أحسها ايجابيه هالمره ... لكنها تحمل معاها نوع من السلبيه ,, خل أجرب لو الثمن حياتي معلي .. المهم أخذ حقي ,, هذا قصدي ,, وبس

تجدمت من بابا الحجره مب اني أفتحه .. لأأأ بس كان فضول .. لصقت فيه سمعت صوت أنين وبكا ,, حاولت أسمع تقربت منه زياده ,, سمعت صوت وحده مبين تصيح ...

وتقول : حرااااااااام عليه يا ساره عشان هاي اللي ما صار لها يومين نساني ,,
ساره : طولي بالج .. عيني خير وانشالله خير ,,

قالت اللي تصيح : حراااااااام عليه .. هذا يومين عرفها وانعجب بها غير انها معرسه ,, لو انه دهر وبعدها بنيه جان الله العالم شو سوّا

ساره : بدوووووور لو سمحتي هاللي قاعده تغلطين عليه أخوي ,, وبعدين لا تتكلمين عن شي انتي ما تعرفينه

بدا الصوت يبتعد شوي شوي الين ما اختفى الصوت نهائيا ,,
منو هاي اللي معجب فيها سلطان وما صار الها الا يومين ومعرسه ..؟؟؟ أكييييييد أنا ,, لأنه ماصار لي غير يومين ... بس ليش بدور محتره ,, الظاهر تحبه ,,

بس سلطان ليش حبني واعجب فيني شو السالفه ,,, ؟؟ أهـــــــــااا عسب جذا أمس خالي يقول عنه معرس يعني الريال حاط عينه علي ... بس أنا بعدني على ذمة ريال ,, مو بعيده يوسف قال له انّي متضاربه وياه لأنه كذا مره شفته مع يوسف ,, ,, يلا ما عاد يهمني لا يوسف ولا سلطان ,,

رحت عسب أجهز ملابسي ,,, بس سنترت بمكاني ,,,, ضربت راسي بالقو .........
هييييييييييييييييي كييييييييف راحت عن بالي ,, وأخيرا .. ياه عندي بريوله ,,, الحل عندي خلااااص ,,

عرفت كيف أقهرك يا يوسف ,, مثل ما عرفت كيف تحرق قلبي .. وتخونني ,, أنا بعد أقدر أسوي مثل اللي تسويه وعشر أشيا أمثاله ,,

تسبحت وكشخت ,, نزلت ,, ومشيتي ما عليها كلاااام ,, سلمت ع الكل ,,
شفت وحده قاعده مع الكل وتطالعني باستحقار ’’

رحت صوبها مديت ايدي ,, ما مدت لي ايدها ,, بغيت أكفخها وأزغتها يدام الكل ,,
جان أسحب ايدي بهدوووو وأقول : كان مجرد سلام لاحترام الضيف لا أكثر ,,

رديت فصوب وقعدت ,, شفت خوالي مستغربين ,, حتى خالي حميد طالع البنيه بنظرة استحقار ,, حسيت من نظرته انها بنته بدور ,,

مرت خالي : أنا سايره أجابل الغدا أبرك ,,
قامت ,,,

وسلطان قال : أنا ساير عندي شغل ,,
خالي عبدالرحمن : تم سلطان أباك في سالفه ضروريه ,,

بدور طالعتني وتأففت : تراني هب ضيفه لعلمج ,,
طالعتها وقلت بغرور : أوووه خالي عبدالرحمن عندك بنتين ونحن ما ندري ,, له له وين كانت بنتك الثانيه تدرس في أمريكا ,,

بدور وقفت وقالت : لأأأأأأ بنت خالج حميد ,, ( وقالت بتقزز ) يا نــــــــوره ..
وراحت ساره لحقتها ,, بغيت أموت من الضحك ما قدرت أيود روحي ..

طالعت خالي وقلت : خالي بلاها بنتك ,, جيه محرجه عسى ماشر ,,
خالي حميد ..: خليها هاي روحها جيه ,,

والله حاله في هالبيت حتى الأباء والأبناء هب متفاهيم الله يستر علي دام اني بتم عندهم كل هالفتره ,,
رحت المطبخ عسب أتريق وسويت أكبر طاف للبيت واللي فيه ,, مدري ليش محد يكلمني ولا يعاتبني ,, يمكن هم متعودين يتعاملون جذا مع بعض ,,

ياه العصر بسرعه تجهزت ورحت الكليه ,, حسيت روحي مستانسه حياة الكليه وايد أحلى من حياة المدرسه اهني راحه وهناك عشرين ألف شغله وبعدنا هب ملحقين ,,

مر يومين وأنا مرتاحه جسديا بس نفسيا لا ألأأأأأ بعيده كل البعد عن الراحه النفسيه ,,

هه وين ييني بال وأرتاح ؟؟ في بعادك يا يوسف عني ,, هذا غير غيابك عني ,, حتى ما فكرت كل هالمده تتصل بي وتكلمني ,, بس الدنيا دواره يا يوسف .. يوم لك ويوم عليك ,,

عمي كثّر الله خيره دوم يتصل بي ويسأل عني ,, وجواهر والجوهره ,, حليلهم عبالهم صدق يايه عسب الدراسه ,, أحسه سبب تافه هم بعد مب مصدقينه ,, بس مدري ليش ساكتين ,,

..........................................

نزلت تحت ,, وأنا كاشخه ,, طالعت بس سلطان ,,قاعد ,, تم يطالعني وابتسم لي ابتسامه غامضه مدري شو معناها ,, وشو مقصدها ,,..؟؟

رديت له الابتسامه بأكبر طااااااف ورحت أتريق ,, ماياني خاطر أتريق رحت صوب الثلاجه صبيت لي عصير ,,
وأنا طالعه ومعاي الدفتر اللي قاعده أراجع فيه ,,
صدمت بحد ,,, وانجب العصير ,,

رفعت راسي ,,, قلت متوتره وخايفه : آآآآسفه ما شفت وخيستك ,,,
طالعني ابتسم وقال : لا عادي زين انتي ما خستي ,,

طالعته والشيطان بدا يلعب بـ عقلي لعب ,, وقلت : جييييه ؟؟؟
قال : عسب ما تخترب كشختك ,,

ابتسمت له ونزلت عسب أشل الدفتر عن الأرض .. بس حسيت بايد على ايدي ,, فعت راسي أطالع ,,, شفت سلطان ,, شال الدفتر وعطاني اياه ’’,

طالعته وقلت : شكرااا ,,
ورحت الحجره بسرعه ... رميت روحي ع السرير ,,, بدييييييييت أصيح بانهيار ,,

مدري كيف قلبي طاوعني أخون ربي واتبعت الشيطان ,,, مدري كيف قلبي طاوعني أخون يوسف ,, مدري كيف قلبي طاوعني وأخون تربية أبوي لي ,,,؟؟؟؟

مــــــــــدري ,, في خاطري أموووت وأفتك من هالدنيا ,, مابي هالتحدي ولا أبي أي شي بس أبي أعيش بسلام ,,,

طالعت الكتاب ,,, وقلت .. لأأأأأأأأ بس لازم أخذ حقي بيدي لازم ,,,,

يوسف لو يدري والله جان ما خلاني أقعد دقيقه اهني ,, بس سلطان باين عليه الأخو صدق ذايب فرصه ,,, عشان أقهرك يا يوسف ,,, والله بتعرف منو أنا ...

طالعت تلفوني يرن ,, قريت الاسم ,,, شهــــــــــــقت وتخرعت ,,
بلسم جروحي يتصل بك ,,
قعدت وبلعت ريجي ,,, تقدمت من التلفون نزلت ايدي عسب أشله ,, رفعته ,,, بغيت أرد ,, بعدين حولته ع السايلنت ,,,

لازم أكمل المشوار اللي بديته لازم ,, ما بوقف عند نقطه ضعف لازم أكون اقوى عن كل شي ,,
طالعت الفون ترييت يوسف يتصل مره ثانيه ,,, بس للأسف ما اتصل ,,

أدري باتصال واحد عقب بيذلني ويقول انتي اللي ما رديتي وأنا بغيت أقول لج الحقيقه ,,, هه كلكم يالرياييل جذا تقطون اللوم علينا ,, بس والله ان ما عرفتك قدرك يا يوسف ما بكون نوره ..

وقفت بشموخ وعدلت بدلتي وطالعت شكلي في المرايه ,,
مب ناقصني شي .. جمال ومال ودلال وكل شي ,, لازم سلطان يذوب بي ,,

سامحني يا سلطان بلعب بـ مشاعرك ,, سامحني أدري مالك ذنب بس بعذبك وياي ,, وبدور بعد مالها ذنب من اني أفرقكم ,, بس لازم أسوي اللي أباه وأحررك يا يوسف ..

أدري االمسأله فيها حياتي بس لازم أجازف عشان أخذ حقي ,,
مر القوت بسرعه رحت تجهزت عسب الكليه ورحت الكليه ورجعت بسرعه ما كان فيه وايد محاضرات ,, بديت أخطط لحياتي ومستقبلي ,,, أدري قلبي راح يكون بمكان وأنا بكون بمكان بس لازم أمشي ورا عقلي وأخطي كل خطوه بعقلانيه ,,

رقدت وأنا قاعده أخطط خطط يمكن للبعض جهنميه وللبعض الآخر لاشئ .. بس بعضهم راح يقولون تصرف جدا غبي وفي قمة الغباء ,,

بس اللي يـ عقلي بسويه لو تنطبق السما ع الأرض ,, ما راح أتراجع عن قراري ,,

قمت اليوم الثاني ,,, وأنا كلّي أمل راح أخطي اليوم خطوه جديده بـ حياتي يمكن هي نقطة تحول ,,,
قمت رحت تسبحت وتجهزت ,,, وقريت سورة الكهف ,, وعقب ما خلصت .. نزلت شفت عيال خالي عبدالرحمن وخالي حميد وبدور ومرت خالي ,,

سلمت وقعدت ,, ابتسمت لهم كلهم ,, بس يوم شفت تعابير ويه سلطان .. رديت له الابتسامه بحيا ,,
شفت بدور حسيتها بتذبحني مبين عليها ميته غيره وقهر ,,,, موتي أكثر غرورج الزايد هو اللي وصلج لهالنتيجه ..

طالعت عيون سلطان ,,,, حرااااام أجذب عليه ماله ذنب ,, عشان أدخله بمشاكل مالها أول ولا تالي بيني وبين يوسف ’,’’ بس يمكن هو اللي يستحقني ,, هو اللي بيقدرني وما بيطمع فيني ,,

عقب راحو الرياييل المسيد تمينا نحن ورحنا صلينا الظهر ,,, عقب ما ردو الرياييل من المسيد ,, نجبو لهم الغدا ونحن تغدينا ,, الظاهر اهني عند خوالي متعودين يتغدون مع بعض ,,
عقب ما خلصت غدا وقمت ,,

قلت : أكرمكم الله
مرت خالي بدون نفس : هني وعافيه ,,
قلت : خـــالي قاصرني أغراض وأبا أروح السوق تدري عاد مب يايبه وياي وايد أشيا ,,
بدور بطنازه : جيه بتشحتين عن عمي بيزات ,,

قلت لها : والله خير أبوي الله يرحمه مغرقنا ,, وبعدين هذا خالي يعني مالج شغل بينا فاهمه ,,
بدور بغت ترد عليه بس خالي تكلم : انزين بنتي ,,, سلطان ودها السوق ,,

طالعت سلطان وطالعني ,, ابتسمنا لبعض ,, حسيت كلام بعيونه يبا يقوله ,, الظاهر اليوم بيقوله عشان جذا استانس ,,

طالعت صوب بدور قبل ما أمشي ,, وشفتها بنظرة انتصار ,,, ومشيت ,,

صـــح كيف أروح مع سلطان روحي ما يصير ,, هذا غير اني ع ذمة يوسف بعدني ,, بـــــس ,,, يلا عادي .. وبعدين قوم خالي أصلا فري ,, وحتى خالي ما يغار على بنته أباه يغار عليه أنا هههه والله حاله ,,

هالناس شووه ماكلين لحم خنزير أعوذ بالله ,, والله لو عمي جان ذبحني يوم اني أطلع مع يوسف بروحي ,, قبل ما نعرس ,, بس أوقات الحايه تجبرنا ,,

دخلت الحجره ,,, رقدت لي شوي الين العصر وقمت من النوم صليت ,, ولبست عباتي عسب أروح السوق ,, نزلت تحت ما شفت أحد ,, رحت صوب الخدامه ,,

قلت : وين سلطان ..؟؟
الخدامه : في غرفته ,,

قلت لها : سيري ازقريه قولي له نوره تقول أنا جاهزه ,,
رحت قعدت في الصاله أترياه وأنا قاعده أطالع تلفزيون ,,, لمحت بنتين نازلات من ع الدري ,,

ما شفت صوبهم هالحيايه ,,, يو تقربو عني ,,
ساره : تيين ويانا الجيم ,,

طالعتها وقلت : لا بسير السوق ,,
بدور : أصلا هاي شكل جيم عسب نوديها الجيم ,,

طالعت سلطان نازل مبين عليه جاهز من وقت جان أرد على بدور ... بغرور
وقلت : تراني رشيقه هب دووووبه يعني ما يبالي لا رجيم ولا هم يحزنون ,,,

طالعت سلطان ابتسمت له أقهر بدور .. وقلت : يلا مشينا سلطان ,,
سلطان : مشينا ,,

رحت ورا سلطان تميت أمشي وياه الين طلعنا من البيت كانت سيارته سافطه يدام الفله ,, وركبت ورا ,, وتحرك سلطان ,, كان مشغل أغنيه بس موطي صوتها ع الآخر ,,

تميت عابل فالفون ,, الين ياني مسج ,,,
من بلسم جروحي ,, ( أنا بي بوظبي بيت خالج ,, )

الحلقه الثانيه والعشرون ..



تخرعت هذا شو يايبنه ,, رديت بسرعه .. ( أنا هب في البيت حاليا .. وباجر مشغوله ,, ياريت لو تأجل
ييتك للجمعه اليايه ,,لأني يوميا أروح الكوليج )

مدري كيف طلع مني هالأسلوب الوقح والبارد ,,, وهذا يوسف ليش ياي بعد وقته الحين ,, خل الطبخه تسخن شوي وأخليها تستوي على نار هاديه ,,

أدري كلنا بنروح ضحايا في هاللعبه بس لازم أسويها عسب أخذ حقي ,,, وأعرف الكل قدري ,,

ترييت يوسف يرد عليه بس يوسف ما رد عليه الظاهر رضا بالكلام اللي قلته وصدقه ,, بس أنا لازم هالأسبوع أسوي أي شي أي شي المهم اللي ببالي يصير ,,
وصلنا المول ,,

سلطان : يلا نواري وصلنا ,,
استانست ,, سلطان يدلعني منو قدي ,,, وأخيرا بدت اللعبه يا يوسف ,,,

نزلت وقلت : هب لازم تنزل ,,
سلطان : لا ما يصير دام يبناج لازم ننزل ,,

نزل سلطان ومشا يمبي بس ما مسك ايدي ,, شي طبيعي ,, مهما انعدم الحيا يتم ع الأقل فييه شوي منه ,, ولو القليل ,,
دخلت كذا محل ,,,, آخر شي يوم وصلنا جريب كلّه ملابس رجاليه ,,

مسكت ايد سلطان غصب وقلت وأنا أبتسم : سلطاااان هذاا وااااايد حلو لايق عليك ,,
سلطان طالع ايدي ورد يطالعني : دام نواري اختارته عاد أوكي ,,

ابتسمت له ,, عقب أوني عاد شفت ايدي بايده وسحبته وسويت روحي أستحي ,,, حسيت روحي منافقه وحرام اللي قاعده أسويه ,, ألعب ع الحبلين ,, بس لازم غصبا عني ,,

يكفيني ما ذقت من الحياه شو أذوق بعد ,,, الناس كلها مصالح .. لازم نحن بعد نعيش جذا وشراتهم ,,
سلطان طالعني وابتسم لأني أوني استحيت ,,

قال : فديت اللي يستحون ,,
بدينا ,, هذينا بدينا ,, ومدري متى بننتهي وعند أي نقطة ومنو بيدفع ثمن كل اللي قاعد يصير ,,
رحنا صوب المحل وقلت لسلطان : هذا سلطون حلو السماوي ,,

قال بهمس : فديت منطوقج ,,, هالسماوي قصدج ,, وأشر ع القميص ..
قلت له : هي ,, والبرموده لايقه عليه ,, بتتطلع طررر ,,

سلطان ابتسم وعلى طول راح عند الريال عسب ياخذ البدله ,, ختى بدون ما يقايس ,,
قلت له : قايس يمكن ما طلعت قياسك ,,

سلطان : لأأأأ المقاس عليها شرات مقاسي ’’
طالعته وقلت : برايك ,,
خلصنا وردينا ركبنا السياره ,,
سلطان قال : نوره تتعشين برا ,,

قلت له : لأأأأأ شكرا ,,
سلطان : عشان خاطري ,,
ابتسمت له و قلت له : أوكي ,,

تحرك بالسياره وحركها الين وقفنا عند مطعم قصر الهند ,,
طالعته ولا اراديا قلت : سلطان هالمطعم لأأأ ,,
سلطان : ليييش نوره ..؟؟

قلت له : مابا أتذكر أبوي ,,
سلطان حرك راسه : هيييه فهمت ,, انزين خلاااص حياتي لا تصيحين ,,

ياب ايده صوب ويهي عشان يمسح دموعي بعدت ايده عن ويهي ومسحت دموعي ,,
كثر ما أصير وقحه بس مو لهالدرجه انه يلمسني ,,

رحنا صوب مطعم ثاني ,, وقف السياره سلطان وبركنها ونزلنا المطعم ,, دشينا كبينه من الكباين ,,
قعدنا وسلطان شاف المنيو واخترنا كل اللي نباه ,,

سلطان طالعني وقال : ها مستانسه ,,؟؟
قلت له وأنا أبتسم : هي وااااايد ,,
سلطان : شي طيب ,, انزين نواري انتي في خلاااف بينج وبين يوسف ,,

طالعته مستغربه ,,, سلطان قال : لو ما تبين ترمسين برايج ,, بس والله اني براويه ,,

طالعته مستغربه هذا من وين ييدري ومنو خبّره عن السالفه ليكووون يوسف ,, لأأأأ مستحيل وكيف ,, يوسف أهون عليه ويطلع مشاكلنا لأحد ثاني ,,

سلطان طالعني : لا تخافين بوقف وياج ,, ولو مستغربه من يوسف عادي ترا الناس كلهم ألحين مصالح ,,

طالعته وقلت في خاطري ,, يمكن يوسف شرات خوالي ,, بس سلطاااان غير غير وايد ,, مبين عليه طيب وأيد ما يوقف بصف خوالي عشان الفلوس ,,

حسيت بحب أو بالأحرى باعجاب صوبه ,, لو اني كنت زوجة سلطان جان كيف حياتي ,,
ياربيييييييييييه شو هالأفكار الغبيه ,,, لازم أشيلها من بالي ,,

سلطان طالعني وقال : نوره .. لو يوسف طلقج تتزوجيني ,,

داااااااااااارت بي الدنيا ,, هالخبر اللي ما كنت أبى أسمعه طلاقي من يوسف ,, لأأأأأأ ما أتخيل روحي عايشه بدونه وع ذمة واحد غيره ,,

وسلطان ما صار لي الا أسبوع عايشه معااااه ,, أما يوسف عشرة عمر بينا ,, وأحبه من أنا صغيره ,,
بس دامي ابتديت هالدرب لازم أكمله لازم ,, طالعت سلطان استغربت ,,

كيف ما صار له الا أسبوع وااااحد يعرفني وعايش معاي ويقول هالكلام وشو المغزى من كلامه ,,
بس الظاهر يعرف بكل اللي بيني وبين يوسف ,, ويمكن الولد يبا يدافع عني مب شرات يوسف ,,
طالعته ونزلت راسي ,,

قال : أنا آسف اذا جرحتج ,, وسؤالي الظاهر مب بوقته ,,
طالعته وقلت : لا شو دراك كل شي جايز بـ هالدنيا ,,

سلطان ابتسم ابتسامة فرح ,, الظاهر اني بالفعل دخلت قلبه وحبي تربع في وسط قلبه ,,
تعشينا عقب العشا ,, رجعنا البيت دخلت الحجره ,,,
مستانسه ومب مستانسه ,,

مدري حياتي الحين كيف بتصير ,, وهل سلطان صادق ويايه ,, بس سلطان مبين عليه وايد طيب حرااام أظلمه بـ مخططاتي هذي ..

بس لأأأ لازم الكل يستحمل نتيجة أفعالي ,, المهم أخذ حقي ,,
رحت تسبحت وغيرت ,, وقعدت ع السرير ياترى يوسف شو يبا مني متصل اليوم ,,, والله حيرتني معاك يا يوسف ,,

أكيد متصل ,, عشان اييي ويبرر موقفه ,, شكله شاف له مبررات وفكر وقرر عقب ياااه ,,
بس أنا براويك يا يوسف .. وبنشوف عقب شو بتسوي ,, الله يعين سلطان لأنه بيتحمل نتيجه أفعالي معاي ,,

رقدت وانا مثل كل يوم أفكر وأخطط مستويه مافيا أوشي جذا ههههه .. مدري بس الحياه هي اللي جبرتني على هالشي ,,

...............

قمت اليوم الثاني شفت الشمس داشه بين الستاير ,, تجدمت عن الستاير ,, فتحت الستاره يوم شفت ضوء الشمس حسيت بدوخه ,,,

رجعت قعدت ,, مسكت راسي ,,, راح عني العوار .....
خذيت ملابسي ورحت أتسبح وأتلبس ,,,طلعت من الحمام مصحصحه ,,

رحت جدام المستواليت عسب أنشف شعري ,, وأمشطه ,,
طالعت شكلي في المرايه تخرعت ,, تجدمت ,, شفت ويهي شاحب وتحت عيني أسود ,,

اكيييد من التفكير ,, والهموم والصياح ,, كل شي بــ هالدنيا من صوب ,,
مسحت ايدي على ويهي .. وعقب حطيت بودر عشان أخفي الهالات اللي تحت عيني ,,,

نزلت ما شفت أحد ,, رحت صوب المطبخ ,,
شليت لي سندويشه وعصير ’’’ وطلعت رحت فوق الحجره .. مالي خلق لا ساره ولا أمها ,, ربي يكفيني شرهم هالعقارب ,,

رحت الحجره قعدت أول ما حطيت اللقمه في حلجي ,,
حسيت جبدي لايعه وقلبي تحرك من مكانه ,,, من كثر اللوعه ,,

كليت غصب ,, ما قدرت ,, أتريا ورحت ركض الحمام بديت أرجع ,, وأرجع ,,
لدرجه حسيت أمعائي بتطلع من مكانها ما قدرت أوقف ع ريولي قعدت ع البلاط وأنا ماسكه بطني والعوار يايني وشاد مكان واحد ,,

قمت رحت البانيو فتحت الماي الساخن وترسته ماي ,, قعدت في الماي ,, حسيت لدرجه نفسي بغا ينقطع ,, ياربييييه مابي أموت ,, كلّي ذنوب ,,,

عقب ما خلصت رحت حطيت راسي ع السرير وغمضت عيوني حسيت بلوعه ودوخه ,,, مدري حسيت روحي بموووت من العوار اللي زاخني في ظهري وبطني بعد ,,

حاولت أرقد ,, رقدت وما حسيت بروحي الا وأنا أنش على أذان العصر ,,

قمت بسرعه تيددت وصليت العصر ,, ونزلت عسب أتغدا ,, قلت للخدامه تييب غداي الحجره عشان محد يعرف اني تعبانه ,,

كليت غداي بشهيه لأني يوعانه واااايد وما تلوعت ,, خلصت ويوم رحت أقعد أحضر للكليه ,, حسيت بلوعه ودوخه في نفس الوقت ,,

بس يودت روحي غصب عشان ما اطلع اللي كليته ولا بتعب واااايد وبيرد لي فقر الدم ..

ونسيت روحي التعب بالتحضير .. الين حسيت العشا خلاااص قرب ’’ نزلت وشليت عشاي معاي الحجره ,,
الظاهر بهالبيت محد حاس فيني محد ,, أموت أحيا أكل أشرب محد بيدري عني ,,

تعشيت غصب وكليت شوي عشان ما أتلوع ,,
عقب رحت غيرت عسب أرقد ,,

تجدمت عن السرير ,, وشفت روحي قبل في المرايه ,, الظاهر تعب وبيروح انشالله ,,
خذيت لي حبة بندول ,, ورقدت ,,

قمت اليوم الثاني حزة أذان الظهر ,,
رحت تسبحت ولبست ,, وكشخت عشان اذا بشوف سلطان ,, ولبست أوقايتي ,, عقب نزلت ,,
طالعت محد في الصاله دشيت المطبخ ,,

شفت الخدامه قلت لها طلعي لي غدا ,,
طلعتي لي قعدت أكل قلت لها : ميري وين ساره وأمها ,,
ميري : راحت بيت أختها ,,

قلت : أهااا ,,
أنا أقول مالي أي معنى في هالبيت .. بس أحسن أهون عن الصدعه والسوالف ,,
عقب الغدا وقفت .. تجدمت من المغسله حسيت بدوووخه مسكت الطاوله ,, سنترت بمكاني ما رمت أتحرك ,, العوار رد لي والدوخه واللوعه بعد ,,

الخدامه : مدام نوره شو فيج ,,
طالعتها وقلت : ماشي ,, بس مب راقده عدل ,,

الخدامه : تشربين عصير ليمون ,,
قلت لها : هي ياريت لو تسويين لي ,,

طلعت من المطبخ عشان أروح الحجره وأتجهز للكليه ,, وأترتب ,,
وصلت فوق ,, شفت سمعت صوت ,,

..........: صح النوم يالكسوله ,,
لفيت ابتسمت : صح بدنك يالنشيط ههههه

سلطان : تبيني أوصلج الكليه اليوم ,,
طالعته وقلت : اممم برايك ,, هههه عسب أراوي البنات ولد خالي اش حلاته ,,

حسيت الحيا انعدم فيني لمصالح الحياه ,, لهالدرجه الحياه مشتني على كيفها وهواها ,,
سلطان : بس ولد خالج ,,

نزلت راسي استحيت قال : ما تغارين يوم البنات بيقولون هذا حلو ..
قلت : امبلى هههه

ودخلت حجرتيه بسرعه ,, حسيت روحي سخيييييييييفه وهذا سلطان خلال أسبوع فضح حبه جذا .. عاد لو سنه كل العالم بيدرون

تجهزت وسلطان وصلني الجامعه تم يسولف وياي حسيته خذ عليه واااايد وحسيت كل كلمه يقولها يقول كثرها أحبج أحبج ,,
نزلت الجامعه شفت البنات وابتسمت لهن ,,

جواهر يت صوبي : هلاأأأ والله هلأأأ
قلت : هلا وغلا ,,

جواهر : ها شو الأخبار ,,؟؟
قلت : تمام .. ومن صوبج ؟؟

جواهر : تمام ,, هاااا منو الحبيب اللي موصلنج ,,
قلت : أغااار تراني هههه
جواهر : الله يهنيج ههههه

حسيت روحي سخيفه وتافهه ومخرفه ,, أطلع كلام من جيبي وسلطان ما يعني ولا شي ,,
وايد تعبت في الكلاس ,, استأذنت وظهرت رديت البيت كنت مدوخه وااااايد الألم زاخني عدل ,,
رقدت بدون ما اتعشى ,,

قمت اليوم الثاني هلكانه تسبحت ولبست ,,, الخدامه يابت لي ريوق تريقت لأني ميته يووووع ما تعشيت أمس ,, حسيت بدوخه لما أوقف ,,

بعد ما خلصت قعدت ع السرير أحضر للكليه عشان الظهر أرتاح ,,
رقجت على ظهري ورفعت الكتاب تميت اقرا ,, طاح الكتاب من ايدي على بطني ,,

قعدت متخرعه ,,, فزعت راااااااح فكري بعييييد بعيد وايد ,,,
طالعت روحي في المرايه وطالعت بطني ,, حطيت ايدي على بطني ,,

وطالعته .. ليكووووون ليكون أنا حامل ,, لأأأأ مب وقته الحين ,, مابا أحمل أنا الحين مب وقته ,, هالشي بيخرب عليه ,,

تميت أفكر وأفكر ,, قلت لازم أفحص بس كيف ,, لازم أدور لي على حل ,,

فكرت وفكرت الين ما تجهزت للكليه ولبست ورحت الكليه يوم وصلنا قلت للدريول يوديني للعياده اللي جريبه ,, واذا فتح فمه وقال كلمه يت ويله مني ,,

دخلت العياده وسجّلت اسمي ,, ترييت في الانتظار ,, الين ما زقرو اسمي ,,

دخلت عند الدكتور ,, سوّت لي الفحص وقالت لي أتريا عقب دقايق بتطلع النتيجه ,,
طلعت ترييت في الانتظار وأنا أدعي يا رب ما يصير مب وقته ,, مابا عيال أنا لأأأأ لو فيني بطيحه هي بطيحه ,, حتى ولو كان ضناي وولد يوسف ,,

دقايق الا وزقروني دخلت عند الدكتوره طالعتني وقاااااالت : مبرووووووك يختي مبروك ..
طالعته بحسره وانكسار : أنا حامل ,,

طالعتني : آآآه يا حببتي انتي حامل ,,
طالعته قعدت ع الكرسي بدت دموعي تهل ,, أنا حامل أنا حااااااااااامل شسوي ياربيه ,,

الدكتوره مستغربه : فيكي ايه يا بنتي ,,
طالعتها وقلت : تقدرون تطيحونه ,,

الدكتوره طالعتني مستغربه : داااه حرااام وفيها تحمل مسؤؤليه ومحاكم ما يصيرش ,,
طلعت من عندها وأنا أرككككككض ,, نزلت ركبت السياره وانا أصيح ,,

قلت للدريول : تحرك يلاااا ,,
الدريول : وين مدام ,,

عصب عليه : أي مكان أي مكان البحررررررررر ,,
الدريول تخرع وحرّك السياره بسرعه ,,

آآآآآآآآآآه آه ه ه ه شكلي بتعب وايد الين ما باخذ حقي ,, بتعب واااايد .. وقته الحين أحمل شو هذا ,,
وصلنا صوب البحر نزلت من السياره بسرعه ,, بديت أتمشى ع السيف وأنا معصبه وطالعه من طوري ,,
طالعت بطني ورفسته رفسه بيدي وقلت : وقتك الحين انت الثاني ,,

بديت أصيح ,, بعد ما يوسف خانني صار شي يجمع بينا مابي شي يجمع بيني وبينك يا يوسف مابي ,,
رفست بطني بايدي ,, حسيت بألم فضيع وقفت عن الرفس ,,
حراااام أنا شو قاعده أسوي هذا ربي كاتبه لي لازم ما أعارض ,,
حطيت ايدي على بطني ,, دامه ولدي أنا اللي بتحمل مسؤوليته أنا ,,, ولازم محد يدري عنه خاصتا يوسف ,, ولا سلطان أخاااف يكرهني وأنا اللي بديت أميل له ,,
رديت السياره وتحرك الدريول رجعني البيت دخلت ما شفت أحد الحمدلله ,, أحسن ,,

رحت الحجره بسرعه ,, تسبحت وغيرت ,, حطيت راسي ع السرير وأنا تعبانه وهلكانه ,,
أفكر شو هالمصيبه اللي ظهرت بحياتي من يديد شو هاالمصيبه اللي بتذبحني ,, وتقرب أجلي ,, بس لأأأأ أنا لازم أجازف عشانك يا سلطان ,, مستحيل أخسره ,,

سمعت صوت الباب ينددق تجدمت عنه وقلت : منووو ..؟؟
............: سلطان ,,

قلت : ترييا سلطان ,,
رحت لبست عباتي لأني لابسه بجامه ولبست الشيله فتحت الباب .. سلطان كان متساند ع اليدار ,,

ابتسم لي وقال : ما بتتعشين ,,
قلت له : مالي خاطر ,,

سلطان : عشان خاطري ,,
قلت له وأنا أبتسم : أوكي ,,

سلطان ركز بويهي : بلاااج تعبانه ,,؟؟
قلت له وأنا مرتبكه ليكون يدري : ها لا بس قلة رقااااد ,,

سلطان : انزين يلا تعالي بسرعه ,,
طالعته وقلت : ثواني وبيي

رحت غيرت ونزلت شفت خالي وساره ومرته وسلطان ,, سلمت وقعدت وياهم تميت أكل شوي شوي عن جبدي تلوع ويشكون ,, خاصتا سلطان ماباه يعرف عنيه شي ,,

غير انه بدا يميل لي وااااااااايد هذا الظاهر ,, حتى أنا حسيت روحي أميل له نوعا ما مدري ليش ,,

عقب العشا رحت حجرتيه ,, شفت التلفون ,, مسج من بلسم جروحي ,,
( أنا ياي يوم الجمعه أكييييييد ليكون تطلعين ,, )

ردت لي جروحي ,,, يوسف خاصتا لازم ما يدري عن هالحمل ولا بروح في ستين داهيه وداهيه ,,

حطيت راسي وأنا اصيح .. كلما أتخلص من هم يرد لي هم ثاني وأكبر عن اللي قبله وأضعافه مئات المرات ,, ياربييييه متى بعيش مرتاحه وبتخلص من هالهموم اللي ملاحقتني في كل مكان وزمان ,,

...........................

قمت اليوم الثاني وأنا تعبانه ومرهقه ,, بقدر المستطاع أحاول أخفي الألم والتعب اللي ظاهر بعيوني وويهي ,, محد لازم يدري ,,

مرت الأيام وأنا أخفي هالشي على كل االلي في هالبيت ..
صح انهم ملاحظين اني تعبانه .. بس أتحجج بالكليه وقلة النوم وما شابه

ياه يوم اليمعه ,, قمت من النوم وأنا هلكانه ,, دخلت تسبحت وغيرت كشخت ع الخفيف بس عسب أخفي ملامح التعب اللي ع ويهي ,,

وقفت يدام المرايه تميت أطالع شكلي كيف غدااا ,,
صرت ضعيفه وااااااايد خلال هالكم من يوم ,, وهذا بعدي يمكن ما كملت شهر كامل ,,

عاد الله يعين الأيام اللي يايه ,,
اليوم يوسف بيي وبيشوفني شو بيقول عني .. أكيد مهملينها اهني وفهالبيت ,,,

أصلا أنا مدري كيف راضيه أقابله .. بعد اللي سواه له ويه يقابلني ,, المفروض أعارضه ما أشوفه ,, بس خلاااص أكيد هو ظهر وياي بوظبي ,,

تميت قاعده الين أذن الظهرابتدت صلاة اليمعه صليت ,, ونزلت ,,
شفت مرت خالي مجابله الخدم ,,

طالعتني وقالت : ريلج ياي ع الغدا ,,
قلت لها : أدري ,,

ورحت صوب الثلاجه شربت ماي عسب أبلل ريجي واشفي غليلي ,, مدري كيف بقابلك يا يوسف ,,

طلعت من المطبخ رحت الصاله ,, أفكر شو بسوي يوم بقابل يوسف .. وشو بيقول لي .. وشو بقول له ,, يارب ما أضعف يدامه ,, أنا ابتديت من اهني ولازم أنهي السالفه من اهني نهائيا ..

,,,,,,,,,,,,,,,

يو الرياييل من المسيد وراحو الميلس ,, تأكدت هاللحظه انه يوسف ياه ,,
قلبي عورني ,, كيف قاعده أخونه ,, بس سلطان أحسن عنه وأطيب عنه نوعا ماااا ,,

يوسف لو درا عني شو بيسوي فيني .. أشك انه بيذبحني وبيذبح سلطان ويايه .. أكيد هالشي ..
و كيف بقابل يوسف اليوم ,,, يارببببيييييه مدري والله بعامله أوكي بسلم عليه ولا العكس ,, بس يوسف ما يستاهل حبي له ,, لأنه خاين ,,

وبين شكوكي وتفكيري بيوسف وسلطان .. محتاره أختار قلبي ولا عقلي ,,, زقرتني مرت خالي عسب نتغدا ..
تغدينا أنا وساره ومرت خالي

عقب الغدا ياه خالي صوبنا ,, حسيت قلبي بيوقف ,, أكييييد خالي ياي يزقرني ,,

قال : نوره يوسف في الميلس ,,
طالعته وقلت : هي الحين يايه خالي ,,

رحت الحجره والقيت نظره أخيره على روحي وتعطرت ,, وعدلت القلوز ونزلت ,, رحت صوب الميلس ,,
ترددت في البدايه من اني أدخل .. خفت وايد ... بس لازم أكون قويه وأواجه مشاكلي روحي ,,

دقيت الباب ودخلت ,, يوسف يوم شافني وقف ومد ايده ,, مديت ايدي له وسحبتها بسرعه ,,
قعدت في صوب ,,

خالي قال : عاد أنا بستأذن ,,
طالعت خالي لما طلع ,,, رديت طالعت صوب الطاوله ,,

يوسف : اش حالج نوره ..؟؟
رديت عليه ببرود : بخيييير ونعمه ,,

يوسف : مب مبين ,,
قلت له : جيه يعني تشك اني مب بخير ,, دامك تعرف جيه تسأل ..
يوسف : ضعفانه وايد ..

قلت له : يوسف لو سمحت ابدا بالموضوع جيه يااااي .؟؟؟

يوسف طالعني سكت ونزل راسه ,,, رد بعد ثواني طالعني حطيت عيني بعينه ,, بس نزلتها بسرعه أخاف أضعف وأنا قاعده أطالع عيونه ..

قال : نوره ردي ويايه دبي ,,
وقفت وقلت له : اذا ياي عسب أرد ,, أخبرك تراني مب راده ,,,

وبغيت أمشي ,, وقفني يوم قال : واذا ياي أقول لج ياي أبرر موقفي ..

كلامه أثر فيني نوعا ما لفيت طالعته وقلت : اذا السالفه جذا شي ثاني ,,
ابتسم يوسف وقال : انزين تعالي اقعدي ,,

رديت قعدت يدامه ,, قلت : قول بسمعك ,,
يوسف : كنت أظن انج ما بتسمعيني ,,

قلت له : أنا مب من النوع اللي ما يعطي فرصه لليدامه يبرر موقفه ,, كل شي بالتفاهم ,,
قال : شو قصدج ..؟؟

قلت له : ارمس بسمعك ما علينا من هالسالفه الحين ,,
يوسف : أنا ما بجذب .. صدق كنت أرّمس وحده ذاك اليوم ,,,

قلت له : لا لا ,, وبعد قوي عين ,,
يوسف : نوره رجاءً اسمعي وانتي ساكته ,,

طالعته وقلت : انزيييين كمّل ..

يوسف : هي وحده تبا تنتقم ,, مدري هي ولا أحد مطرشنها ,, وافهميها عاد ,,
طالعته بسخريه : لا لا تنتقم ,, أحس روحي بمسلسل ,, ولا روايه .. للأسف ما فهمتها ياليت تفهمني ,,

يوسف تضايج من رمستيه مبين عليه .. لأنه أبد محد علّه صوته عليه ,, حسيته للحظة بيي صوبي ويكفخني بس يوّد روحه ,,

قال : والله بتفهمينها روحج ,, وبعدين انتي مستانسه بروحج ,, ماماتي ترا أنا لا حاط عيني على بيزاتج ولا شي ..
طالعته وقلت : ما تهمني البيزات .. انت تباها ولا غيرك المهم أنا عايشه حياتي ,,

يوسف : شو انتي غبيه ما تفهمين ,,
قلت له بنفس اسلوبه : لو سمحت ثمن كلامك ,,

يوسف : لو أنا أبا بيزاتج ,, كنت باخذها بدون لف ودوران وبدون ما أتزوجج بعد ,,
لفيت ويهي ,,, يوسف ياب ايده ومسك ويهي من حنجي وخلاني أطالعه ..

قال بجديه : أنا الوكيل الشرعي لبيزات أبوج ,, وبيزات أمج باسمي هب باسم وحده ,, يعني لو بغيت ألعب فيهم جان لعبت من زمان ولا تزوجتج بعد ,,

طالعته وقلت : جـــــــذاب ,,
يوسف : والله العظيم ,,, لو مب مصدقه برايج ,, شو عبالج أنا لهالدرجه مافيني دم العب ببنت عمي ,,

طالعته تجدمت عنه حطيت عيني بعينه عيوني امتلت دموع بغيت أرمي روحي في حضنه .. بس في شي منعني ,,

قلت له : والدليل ,,
يوسف : تعالي معاي السياره ,,
طلع ولحقته ,, سيارته كانت في الحوي ,,

ركبت يمبه ,, قال لي : افتحي الطبلون ,,
فتحته وقال : طلعي الفايل الأبيض ,,

طلعته وعطيته ,, طلع منه أوراق وبدا ينبش ,, لما حصل ورقتين وعطاني اياهم ,,
قريت الورقه الأولى بالفعل كل شي باسم أمي ,, متحول باسمه ,, شفت الورقه الثانيه ,, هو الوكيل الشرعي لبيزات أبوي ,,

يعني يوسف ما كان يلعب فيني ,, يوسف صدق تزوجني لأنه يحبني ,, يوسف ما خانني بس شو سالفة هالبنت اللي يكلمها ,,

طالعته ابتسمت له رد لي الابتسامه وقال : بتردين دبي ,,
فجأه قلت : لأأأ ..

نزلت من السياره ,, قال : ممكن أعرف شو السبب ,,

طالعت صوب سلطان وهو داخل الفله ,, عشان أفهمه بالنظرات ,,
قلت له : يوسف انت ييت واااااااااايد متأخر وااااااايد ,, خلني أفكر وبشوف ,,

يوسف : نوره حطي عقلج راسج ..

طالعته وقلت : يصير خير خلني أفكر ...
بغيت أتحرك .. رفع التلفون وقال : طالعي ,,

طالعت التلفون قال : هذا رقم اللي كانت تكلمني ,,
استغربت منّه ,, وقال : مردج بتعرفين يا نوره وبتيين تترجيني أردّج ,,
طالعته ابتسمت ابتسامه غامضه وقلت : أدري يا يوسف بس مو الحين ,,

مشيت ,, وصلت لباب الفله ,, طالعت وراي .. شفت يوسف يطالعني محتار ,, ليش ما رديت وياه شو السبب ,, وحسيته يقول في خاطره كيف تدرين ان مالج مكان بهالبيت وبتردين لي ,,

ابتسمت له ودخلت ,,, حسيت روحي تركت وراي بركان يغلي من الحراره وثواني بينفجر ,,