كبرياء رجل وشذوذ إمرأه ...

البارت الحادي عشر

في جده وعلى السرير الخشبي إلي ما ضل فيه لا مفرش ولا
مخدة كلهم على الأرض وفوقهم ماجد...
أي مو قادر ينام بسبب الخبر إلي خبرته فيه نوره
عن رحلتها مع أهلها وإنها ما تقدر تكلمه بذي الفترة

شنو يعني إسبوع بالنسبة لمرتاحين البال
لكن بالنسبة لماجد فــــ إسبوع كثير كثير ...
إسبوع جدير بأنه يزرع الشيب برأسه <<<الحب وما أدراك
\\
//
\\
في المطار .... وفي زحمة العالم ..ما حد جالس ببيته هذاك
الوقت
أم تركي" الحمد لله كل شي تم بسهاله
أم عبد الرحمن" الله يحسر ذا البنات هدوا حيل نواف من جا
وإحنا ما شفناه ...ماعدا ها لأملح يروح و يجي علينا
حتى صالح أخذه معه
نوره" يعني وش تبغين منا نروح بدون ملابس ؟؟
أم عبد الرحمن" الحين انتي يا مال البلا ..كم شنطه حاطه لك
نوره" كلهم شنطتين وعلبة مكياج و الاب توب تبعي
أم عبد الرحمن" اهاااا ...قلنا شي إحنا
ميثه بقهر" أفا عليكم الليدي نوره تبغونها تروح بدون بهرجه
ما يصير
نوره بدلع" أقول انتي ...لا يكون انكش كشتك زي امس ....
الظاهر ما كفاك حرمان من الجامعة ثلاث أيام
ميثه" انت أصلا ... ولا أقول إذا خاطبك الجاهلون فقل
سلاما
نوف" يا لله .... تونا اليوم أول يوم و انتوا كذا ...شحالنا بعد
يومين
صيته" مالك فيهم إحنا ناخذ غرفة نجلس سوا وهم براحتهم
ميثه تتصنع الخوف" تكفون ... وربي اصبر خدامه لكم
...والي تبغونه بيصير لكن لا تخلوني معها
البنات " هههههههه
نوره" اووووه أبركها من ساعة وربي
ميثه" ومن قال والله
ربع ساعة وما يشوفون إلا نواف جاي لعندهم وكان بكامل
وسامته وأناقته( كان شاب وسيم وملامحه مرسومه ...
عيونه واسعه وسوده ... وكان لابس شماغ وثوب رمادي )
نوف ودها تطالعه لكنها تعرف إن الأنظار عليها ...وبعد
الرفض وش حال نواف...
نواف" السلام عليكم
أم تركي" هلا وغلا والله.... شلونك يمه
نواف ببرود" الحمد لله... يا لله جاهزين ..الحين بينادون
أم عبد الرحمن" ايي يمه إحنا جاهزين بس تكفى ..بروح
دورة المياه بالأول
طارق جن جنونه" دورة المياه هالحزه.... هي في آخر الدنيا
وانتي تزحفين زحف... الحين بنركب الطائرة وروحي هناك
.... وش دعوه ما تقدرين تمسكين حالك ... تكفين جدتي
نواف بزعل" طارق .... وبعدين
أم عبد الرحمن..(ساعتها مباركه) "ظلت تصرخ بذا المطار
ما خلت هنود ولا أجانب ولا عرب إلا وصاروا يطالعونها
صيته تركض لها" جدتي تكفين خليه يولي ...نواف بيوديك
أم عبد الرحمن" خليني بربيه ها لتيس ... بقولي تحملي ...ما
أدري..؟؟؟؟؟؟؟؟
طارق بجد زعل هالمره" براحتكم وعساها تروح الطائرة
...وش لي شغل أنا
أم عبد الرحمن تطالع بطارق وهي تصرخ " طارت روح
ذا الطيار قبلها روحك.... ترانا دافعين فلوس إحنا مو دافعين
حصى .... يقول تمشي؟؟؟أجل خليها تمشي وأنا اوريك
...والله لأرفع شكوى للأمير
طارق يبتسم ويتمتم " الله عاد الأمير إلي فاضي لك
أم عبد الرحمن تتلفت لهم " شيقول ها لدثوي ؟؟
ما لقت رد عليها " تقولي رجال يالأملح ورني أشوف تخاف
منخش تحت ذا البنات و تتساسر
نواف تعبت نفسيته ...ما ينلام الكل صاير يطالعهم ...والكل
عرف إن ام عبد الرحمن تبغي تروح دورة المياه
بعد عنهم وجلس على الكراسي وحط يده على راسه ...
أم عبد الرحمن ترفع غطاها على جنب وطالع طارق"
اتفوووو عليك الله لا يربحك إن شاء الله ...لابس لي بدله
ها لأملح ... ينقال له بيكشخ ذا البنقالي
نوف" خلاص خاله على شاني شوفي شلون نفسية نواف ...
أم عبد الرحمن تلتفت على نواف" أعوذ بالله من شرك يا
بليس... كله من ذا اليهودي
طارق مو ما عطيها وجه" ويلتفت على خواته ... ما قلتوا
لي وش رايكم بكشختي مو صحيح البدله راح تنطق من
جمالي
نوره بدلع" إنت اصلا وسيم ... وش عليك منها ...ولا كأنك
تسمع..طنش تعش تنتعش
طارق ما عجبه كلامها و عطاها نظره سنعه" ضفي لسانك
اقول
أم عبد الرحمن تطنشهم وتروح لعند نواف" يالله يمه ....
خلاص انا ما ابغى اروح... أتحمل وشدعوه ...بزر انا
نواف يطالعها وعيونه حمره" بعد ايش؟؟؟؟وذا العالم الي
جالسين يطالعونا؟؟ خليتونا فرجه وربي
أم عبد الرحمن بصوت عالي" ما عاش من يسويك فرجه ...
وينهم خليني اشمخ عيونهم
نواف يقوم من مكانه" تكفين يا لغاليه .... يا لله ..يا لله
أم عبد الرحمن" على الله يا ولدي
\\
//
في لبنان ...
سلاف بزعل" لا مابدي ... تروح وتتركني لحالي
تركي" أروح فدوه لعيونك قلبي... بس لازم اروح السعوديه
سلاف" ايييي وأنا التلك لا تروح .... لكن انا بدي روح معك
تركي" يا قلبي " لازم اروح وأبلغ أهلي بالأول .. حتى
يستقبلونك أحلى استقبال.... شي يلوق فيك
سلاف" بتكزوب علي ... بدك تروح وتئول عدولي
تركي يلمها له" أفااا وأنا اقدر.... روحي عندك وربي
سلاف بدلع " اييي بس أجلها شوي منشان خاطري
تركي ضاع " صار يا حبي ..أأجلها وش عندي انا
سلاف تضحك" تئبر لي البي
تركي" هههه يا لله قومي لبسي خليني اوديك احلى
كبريه(إكملت)
\\
//
في المستشفى ....
الدكتور" أنا آسف لكن لازم ننومها ...ما يصير فقدت كيلو
من وزنها في خلال 3 أيام
أم مسعود" طيب قول لنا وش نسوي لها بالبيت وإحنا نرعاها
طلال" ما عليك منها يا دكتور سو إلي تشوفه مناسب
الدكتور" منو إلي بيتنوم معها....
مرام" أنا يا دكتور
الدكتور" خلاص يا خوي انت خلص الأوراق وخليهم
يصعدونها للتنويم
بعد ما خلص طلال من الأوراق....
ام مسعود" هااااا حرصي يمه لا يكون تطرش و انت نايمه
و مو حاسه بحالك
مرام " يوه ...كيف ما احس بحالي ...لا تخافين انتي
طلال رجع ومعه الأوراق" هااا جاهزين
أم مسعود" ايي جاهزين
طلال" مرام تبغين شي اجبيه لك....
مرام بخجل" لا مشكور
ام مسعود" تعال معي أنا برسل لها ملابس وأكل وإنت جيبهم
لها
طلال" خير إن شاء الله
\\
//
في جده...
دلع" خير .... مو عوايدك تجلس بالصالة...
ماجد متملل" بكيفي ... أجلس بالصالة بالغرفة والله براحتي
دلع " بسم الله علي .... كلتني بقشوري
ماجد" ما دري عنك.... تدورين متى الواحد يكون متضايق
حتى تكلمينه
دلع" اممممم ..... طيب آسفين
ماجد" تعالي وين؟؟
دلع" بروح غرفتي..... خير تبغي شي
ماجد" ايي .... تعالي هنا
دلع" مالي خلق بروح
ماجد بحده" قلت لك تعالي
دلع" طيب ... وهذي قعده
ماجد" بقولك سر .... و اياني و اياك تفضحينا
دلع بفرح" سرررر ...أفا عليك ... في بير
ماجد بعشق" أنا تعرفت على وحده
دلع" اييييييي
ماجد" ووو....أحبها كثير
دلع" وهي ؟؟؟
ماجد" ما اعرف بس شكلها تحبني...بس ما قالتها صريحة
دلع مبسوطة" أكيد ما بتقولها .... إذا بنت ناس ومتربية
ماجد متحمس" اييي والله كثير
دلع" طيب من وين هي ... ومن أي عايله؟؟
ماجد" إلي عرفته إنها من الرياض ... واسمها صيته
دلع" يا عيني على الدلع... وش ناوي عليه
ماجد" والله مختبص حدي ...أنتظرها لما ترجع من السفر
وأحط حل للموضوع
دلع" اممم هي مسافرة؟؟
ماجد" ايي والله تقول بتروح فرنسا اسبوع مع أهلها
دلع" اهااا وهذا إلي مزعلك؟؟
ماجد" تخيلي اسبوع ما اسمع صوتها ولا اعرف أخبارها
...أحس إني بنذبح
دلع" الله الله... و انت متأكد من مشاعرك
ماجد " مليون بالميه...
دلع" اذا كذا اتكل على الله .... وأنا بساعدك
ماجد يلم أخته" يا حبي لك يا قمر
ماجد حس براحه كبيره خصوصا إن دلع عاقله وفاهمه
وسابقه سنها ...يعني لما ما تعارضه على شي يحس انه
بالتأكيد صح
\\
//
في الطائرة ....كان نواف يتصنع النوم ...من دخلوا وهو
حاط نظاره سوده على عيونه ... وطارق ما غير يفرفر
بها لمجلات ...والي يشوفه يقول الثقافة موصله حدها ....
وبجنبه صالح نايم وفارش حاله عدل ولا كأنه إلا بس هو إلي
جالس على الكرسي
طبعا النور من جلست على كراسي الطائرة شالت لثامها من
على وجهها وقعدت تسمع موسيقى ...
أما نوف فكانت جالسه بجنب صيته والسوالف ماكلتهم على
الآخر ...
أما ميثه كانت جالسه بجنب أمها إلي كانت نايمه ومو حاسة
بالدنيا ...
أما أم عبد الرحمن فما هنا لها جلسه بذي الطائرة ...جالسه
تحوس وكل شوي تحاول تفتح الحزام تبع الطائرة وما تقدر
طارق يطالعها ويرفع لها حواجبه " وش فيك يا لغلا
أم عبد الرحمن ولا كأنها تسمه"........
طارق حب يتسلى معها شوي" أم عبدوووو ...وش بيك
أم عبد الرحمن تتحقرص وودها ترد عليه لكن خايفه على
نواف بعد عينها يكفي إلي سوته فيه بالمطار وبصراحة
نواف ما يستاهل
طارق" أقول يا حلووو .....من وين القمر؟؟
أم عبد الرحمن ترفع يدينها لربها وتدعي وتتحسب لكن
بدون صوت
وطارق طبعا بدوره ميت من الضحك" ممكن نتعرف
ياحلووو؟؟
نواف وهو حاط راسه على الكرسي" طارق ...ما تركد
طارق" مو أنا هذي جدتك الي جالسه تعرك بذا الكرسي
نواف رفع نظارته من على عيونه والتفت على جدته
أم عبد الرحمن ما صدقت انه التفت عليها وصارت تأشر له
نواف راح لها على طول" خير جدتي علامك
أم عبد الرحمن" ذا الحزام الله يحسره ...بلشونا فيه حاطه لي
مية واحد ..
وليه مسوينه مقاس صغير...ما يدرون إن إحنا بلد
الخير ..كان حطوا مقاسات ...إعنبوا ها لعالم ما يحسون
نواف يبتسم" طيب يا لغالية وش تبغين الحين؟؟
أم عبد الرحمن " شيل عني ذا الحزام خلني اتحرك
نواف" ما يصير يمه ... لازم يخلونه على شان السلامة
أم عبد الرحمن" يا مال البلى إلي يبلاهم ...
أي سلامه ؟؟؟ليش هم بيردون عنا شي كاتبه لنا ربك...شيله
بس شيله
نواف وهو يفتحه" على أمرك يمه وهذا فتحته ...شي ثاني
يا لغلااااا
أم عبد الرحمن" إيييه...الحين الواحد ارتاح الله يوسع لك في
رزقك يا وليدي ...
نواف ابتسم في وجهها ...وما رفع راسه إلا وطاحت عينه
بعين نوف ..إلي كانت تراقبه في كل حركه سواها من يوم
ركب الطائرة ...انتبهت فيه وعلى طول غطت نقابها ...طبعا
نواف تحولت الإبتسامه الجميلة إلي على وجهه إلى هم كسا
وجهه وكأن واحد شاف مصيبة قدامه ...رجع على طول
وجلس على الكرسي وغطى عيونه وتصنع النوم ....ومع
رجاء طارق له انه يجلس يتسامر معه ..إلا إن نواف ما
عطاه وجه ولا كأنه يسمعه
\\
//
في الشرقية....تدخل أم مسعود البيت وهي في حيرتها ..
وش بتقول الحين لأم محمد عن بنتها.... تلقتها شيخه
وصارت تطالعها ...
شيخه" عمه وين شهد ... وش قال الدكتور
أم مسعود" والله يا شيخه لما شاف الدكتور شهد .. قال لازم
تتنيم..لأن وزنها ناقص
شيخه صرخت" بنتي ...وي علي ...لا تقولين شهد صابها
شي والله أموت
أم مسعود" سمي بسم الله يا بنيتي... بنتك ما بها إلا العافية
شيخه" مستحيل ... أكيد صابها شي ولا مستحيل تخلونها
وتجوون
يدخل طلال وينقذ الموقف" وش بلاك يختي ...البنت زينه
شيخه" طيب أروح أشوفها
أم مسعود" ما يصير يمه انتي بالعدة
شيخه" أي عده يا عمتي ... وأنا قايله لك بروح عرس ...أنا
بروح اطمئن على بنتي
أم مسعود" بنتك بحفظ الله وهذي مرام معها ...وهي بتراعيها
شيخه" مالي دخل أروح أشوفها ...ولا تبغونها تموت وأنا
ما شفتها مثل أبوها
أم مسعود عصبت" لا تدعين على البنت ... الله لا يقوله
طلال" عمه خليها تروح تشوف بنتها دام هذا يريحها
أم مسعود" لا ما يجوز ..إلي بالعدة ما يصير تطلع برا البيت
طلال مستغرب" إنتوا بعدكم على حركاتكم ...أي شرع يقول
كذا ...تحبسون إلي ميت زوجها وتحكمون عليها بأشياء
ومعتقدات غريبة
أم مسعود" والله هذي عاداتنا من زمان ...أنا يوم مات بو
مسعود حتى الحوش ما اطلع فيه
طلال" إن لله معكم إنتوا.... شوفي حالتها وش لون صايره
ام مسعود كلها شهرين وتطلع من العدة
شيخه تبكي" ما اقدر إلا أشوف بنتي
طلال تضايق" عمه ...
أم مسعود" دق على مرام و عطها إياها تكلمها
شيخه وهي تبكي" إييييي تكفى يا خوي ...لو أسمع صوتها
\\
//
في احد المزارع....
مالك" أوووف ...إن لله
بو عبد الله" خير يا خوي وش فيها المهرة
مالك" والله المهرة .... ولادتها متعسرة
بو عبد الله" لا يكون يصير فيها شي
مالك" إن شاء الله مابها إلا العافية ..... بحاول فيها
بو عبد الله" والله لو قامت بالسلامة راح أعوضك على تعبك
معها
\\
//
في الإمارات .... مع وصول الطائرة تعطلوا العالم كلهم
على حساب نزلة أم عبد الرحمن من الطائرة ... ورجليها
إلي تجمدت فيها الدم من جلستها من غير حركه.....
,,
نواف" على مهلك يمه
أم عبد الرحمن" أفا عليك تفكرني عجزت ...أنا والله لولا
الكولسترول وألم المفاصل إلي برجلي وها لسكر إلي كل
ماله يعلى وما ادري وش السبب وضغطي إلي يرفعه أخوك
بكل حزه كنت اركض بذا المطار وما حد يوصل لي تخسي
المهرة توصل مواصيلي
نواف" ههههه الله يعطيك العافية
طارق" نواف ... أروح أنا للشنط وانت تجلس مع الحريم
نواف بحزم" لا ...تعال امسك جدتك وأنا بروح
طارق" على راحتك
يمسك طارق بيد جدته إلي عيت في البداية تعطيه إياها<<<
حركات يا بعدي
طارق يطالعها" هلا بالشحرورة
أم عبد الرحمن تقول بخاطرها ..شرحوك بجهنم".....
طارق" وش بلاه القمر زعلان مني.... وهذا إلي أنا جاي
وحاط يدي بيدك .... نسيتي عشرتنا
أم عبد الرحمن" الله لا يجيب الغلا .... افتح لي الجوال
أشوف
طارق" قولي قسم.... هذا وقته الحين يمه
أم عبد الرحمن" احتياط ... يمكن تضيعني بذا المطار ...
على الأقل اقدر أدق على نواف
اخذ طارق منها الجوال بدون ما يرد عليها"........<<<
وكأنه يؤيدها هههههه
البنات كانوا في دوره المياه وكل وحده جالسه تعدل بحالها
.... طبعا نوره لفت الغطا شكل بس أما صيته ونوف وميثه
فتلثموا
نوره تطالع بالبنات" هااا خلاص جاهزين؟؟
صيته " لا يكون بتطلعيين كذا؟؟
نوره تطالع بحالها " وش فيني؟؟
صيته بضيق" على الأقل غطي شعرك.... نواف لو يشوفك
كذا ما راح يصير لك طيب
نوره تنفخ" أوووووف ... عقد
\\
//
مالك" الحمد لله على سلامتها يا بو عبد الله
بو عبد الله" ههههه الله يسلمك يارب... والله ما قصرت
مالك" هذا واجبنا ...
يدق جوال مالك " عن إذنك يابو عبد الله
بو عبد الله " خذ راحتك
مالك" يا هلا والله
ماجد" ما بغيت ترد .... من أمس وأنا أحاول اتصل عليك
مالك ببرود" مشاغل والله
ماجد"من متى تنشغل عني؟؟؟ على العموم أنا ابغي أشوفك
مالك" حياك ...أهلا وسهلا
ماجد" لا أنت تعالي جده ...غير جو
مالك " لاااا .... تدري فيني ما اقدر اترك الأهل بروحهم
ماجد" خلاص أنا بجيك ....طيب
مالك" على خير وانتبه لحالك
\\
//
في المطار كان راشد ينتظرهم .... كان واقف في الاستقبال
وكان أنيق كثير لابس ثوب إماراتي وغتره وعقال وكان
ملتحي .... وملامحه ناعمة
طارق" الحين انتوا تعرفون شكل راشد
أم تركي"إي بالله نعرفه
صالح" يمه مو كأنه هذاك إلي ينتظر لوحده
أم تركي" إييي بالله هوو ....راااشد
انتبه راشد فيهم وجا لهم يركض ...وسلم على عمته وباس
راسها
أم تركي" هلا والله بالغالي ولد الغالي .....كبرت يمه
راشد" شحالك عمتي ..نورتي ديرتنا
أم تركي" دار زايد دوم منوره بأهلها
راشد يلتفت على ام عبد الرحمن" هلا خالتي شحالك
...عساك بخير
أم عبد الرحمن" والله طيبين ...أبوك شلونه وأمك
راشد" كلهم بخير ويحترونكم
صالح" هلا والله بولد خالي
راشد" هلا فيك والله كبرت عن آخر مره
صالح" أفا عليك ...أعجبك أنا
نواف" مساء الخير...أنا نواف وهذا اخوي طارق
راشد" يا مرحبا فيكم .... نورتونا ..حياكم تفضلوا
راحوا الكل معه ولقوا سيارتين ينتظرونهم وركب نواف مع
جدته وراشد وأم تركي وفيصل في سيارة... وطارق والبنات
في سيارة ثانيه ....
\\
//
في الشرقية
شيخه تبكي" هلا مرام ...بشريني عن شهد
مرام" والله طيبه ما بها إلا العافية
شيخه" أكيد ؟؟؟ ولا أقولك عطيني أكلمها
شهد" ماما شخبارك
شيخه" هلا بقلبي والله...شلونك انت كويسه
شهد" اييي يمه بس حطوا لي ابره بيدي ...توجعني
شيخه" ماعليه يمه لاتخافين بس هم بيطمنون عليك
شهد تهز براسها يعني اييي".......
\\
//
في الإمارات ...وفي سيارة راشد بالذات
راشد"يا حيا لله من سير علينا...أقبلتكم الديار بخير
نواف" الله يحيي أصلك ... الواحد يشوفك يتعلق فيك وربي
أم عبد الرحمن" الله يسلم يد ربتك يمه ....
راشد" الله يسلمك يا خالتي ....
أم تركي" وش أخبار العروس؟؟
راشد" والله شاطتن حالها تقولين ما حد بالبلد تزوج غيرها
ههههههه
أم عبد الرحمن" بالعافية عليها خلها تفرح وتستانس ...جعلها
تنسعد وتترس بيته بالذرية الصالحة
نواف " اللهم آمين
أم تركي" وانت متى بتقول يا هادي ... وبدور لك عروس
راشد" ههههه إلي اعرفه إن نواف اكبر مني إذا سواها لحقته
ولا وش رأيك يا بو الشباب
نواف"؟؟؟؟؟؟؟؟؟؟؟؟؟؟

البارت الثاني عشر

أم تركي" وانت متى بتقول ياهادي ... وبدور لك عروس
راشد" ههههه الي اعرفه ان نواف اكبر مني اذا سواها لحقته
ولا وش رايك يا بو الشباب
نواف".....................
\\
//
\\
في شقة مسعود
طلال"والله يختي ذي موب عيشه....
مع إنها عمتي لكن ما يجوز لها تحبسك حبس العبيد
شيخه" وش تبغيني أسوي ؟؟
تدري هذي عاداتهم ،،وما اقدر أقول لها لا
طلال" إلا تقدرين ....
شيخه وسعت عيونها عليه" صاحي انت؟؟
طلال" وش رايك إنت؟؟ شوفي يا عمري أنا أدري إن
الموضوع صعب كثير لكن إنت شايفه الوضع
شيخه" إييي أنا معك لكن العدة ما بقى لها غير شهرين
طلال" ايي عارف شهرين مو شي قليل
شيخه" ............
طلال" هااا وش رايك ؟؟؟
شيخه تطالعه" شوووو
طلال " خلاص يختي ما اعتقد وجودك له داعي هنا
شيخه دمعت عيونها".......
طلال يهديها " قلنا نفكر بعقلنا... هااا وش قلتي؟؟
شيخه بهدوء" إللي تشوفه
طلال" خلاص لا تجيبين سيره ...بكره أروح اطلع شهد من
المستشفى وبعد كذا أجي ألاقيك جاهزة طيب؟؟
شيخه خانتها دموعها" اييي بس
طلال" لا ما في بس ....رتبي أغراضك بكره بس هاااا
...ملابسك وملابس الجهال وبس
شيخه تبكي وتهز راسها يعني ايي "..........
طلال بفرح يبوس راسها " يا لله في أمان الله
\\
//
راشد" ههههه إلي اعرفه إن نواف اكبر مني إذا سواها لحقته
ولا شو رايك يا بو الشباب؟؟
نواف".....................
راشد" هاااا شو فيك ساكت ؟؟؟ لا يكون خالص وأنا
ما ادري
أم عبد الرحمن" ههههه قريب بإذن الله
نواف " الله كريم
وصلوا للبيت قبل طارق ...
راشد" الله حيهم ..تفضلوا،،
نواف" ما شاء الله .... وش ها لزين
راشد مبسوط" والله من ذوقك.....
يـدتي.. ام عبد الرحمن
ما نزلتي ..وإلا ما عيبج المكان؟؟
أم عبد الرحمن بعصاها على صالح" وهاااا لجثه .... الله
رحمني من طويرق هالدور ذا الخبل
نواف" ههههههههه صالح يا لله قوم
صالح مفزوع" خير وش صار بالله؟؟
نواف" ولا شي ...طارق يزهم لك
طارق " مرحبا بنا في سما دبي هههههههههههههه
دخلوا البنات داخل و ام عبد الرحمن تتعكز بعصاها
طارق يصرخ" الشحرووووووووووووووره وش رايك بسما
دبي
ام عبد الرحمن" تجنن بصراحة بس تدري أكيد بتصير
أحلا من كذا لو تضم جسمك تحتها
نواف" جدتي دخلي تكفين!
طارق يسوي حاله متنرفز" لا خلها أبغي أعرف وش قصدها
أم عبد الرحمن" والله لولا إحترامي لهذول إللي واقفين كنت
خليت ها لعصا تلعب بظهرك يا لأملح!
راشد يروح لطارق وهو متأزم" لالالا عيب ما تقول ها الكلام
نواف" ههههههه لا تاخذ عليهم دومهم كذا
راشد" بالله عليك؟!
طارق يضحك" ههههه ايي والله ياما أكلت ضرب منها...
بس داخلها تحبني وتموت فيني ...ودوم تصحى من نومها
تزهم باسمي طاااااااااااارق طااااااااااااااارق
ام عبد الرحمن وهي تدخل" لا والله ناقصني خبال أنا
....وعلى فكره بتآكل ضرب لين تقول الله حق دومك
ما غيرت طبايعك و ظليت كذا
الكل " هههههههههههه
,,
داخل الفيلا
بو راشد" مرحبا الساع ...مرحبا ملايين..
أم تركي " هلا بخوي ...إشلونك عساك بخير
بو راشد "طيبين بشوفتكم والله
نوف تبوس راس خالها" هلا خالي شلونك؟
بو راشد" توها انورت البلاد هلا فيج ياامي،،انتي نوف هاا؟
نوف تبتسم له " ايي خالي أنا نوف
بو راشد "عيل وين أم لسان ميثوه؟؟
ميثه" هههه هلا خالي شلونك
بو راشد" هلا بدلوعة خالها اشحالج غناتي؟
ميثه" أنا طيبه الحمد لله
بو راشد" و منو ها المزاين؟
أم تركي" هذيلي بنات بو نواف
بو راشد "يا لله حيهم، هلا بكن،، واشحالكن؟
صيته ونوره" هلا عمي شلونك ؟
بو راشد" بخير بخير ...إلا وين خالتي لا تقولون مايت؟
أم عبد الرحمن" إلا جيت بس على ما اصعد ذا الدرج الي
يبس رجيلاتي
بو راشد" هلا والله بريحة امي .مرحبا بالغالية....اشحالج يا خالتي؟
أم عبد الرحمن" توك تذكر ان لك خاله من زمان ما شفتها
...وينك عنا من خمس سنين ما زرتنا بالسعودية
بو راشد" تدرين رزقنا هنا ....خلاص صارت دبي دارنا
...الواحد وين ما صار رزقه سار وراه
أم عبد الرحمن" إييي انا معك دار زايد ما تنمل....لكن وأنا
خالتك بعد بلدنا من خيرة البلاد
أم راشد" هلا والله باللي يانا
ام عبد الرحمن" با لمهلي والله.
سلمت ام راشد عليهم والبنات بعد تعرفوا على بعض
وانقسموا إلى ثلاث مجموعات الرجال في الحديقة ....
والحريم في غرفة الضيوف....والبنات بالصالة إللي فوق
نوره"واااو بصراحة بيتكم عجيب ...حلو كثير
زهور" مب احلى منك والله ...
طروب" الله ..أنا مبسوطة كثير بصراحة ييتكم وسعت
صدورنا
نوف" هااا زهور متى عرسج؟
طروب" هههه بكره بالليل العرس
صيته" يا لله أكيد تحاتين صحيح؟؟
طروب " هههههه ذابحتنا والله
ميثه" طروب ....لا تتكلمين عنها أعتقد إن لها لسان وهي
تتكلم عن حالها
طروب" وش أسوي لها مسويه نفسها تستحي
نوف" خلاص لا تحرجوها أكثر
نوره بدون اهتمام لمشاعر غيرها" زهور في نت عندكم؟؟
زهور متفاجئه" طبعا.... تعالي معي اطلع لك الاب توب
نوره" لا مشكوره عندي الاب توب تبعي ...أنا من النوع الي
ما احب استخدم اشياء غيري
ميثه بتجن"طروب وريني غرفتك
طروب" انزين،، يا لله تعالي
زهور" خلاص افتحيه ...مو مشكله.
نوره" لا أنا أبغى مكان هادئ
زهور تواخذت شوي لكن بسرعة" هيه،، مب مشكله تعالي غرفتي
نوف" زهور أنا وصيته ننتظرك تحت.
زهور" لا مب لازم تتريون،، أنا برجع لكم بسرعة.
نوف تبتسم لها " طيب خير
نوف قامت وقفت وصارت تطالع بهذي الفيلا الرائعة إلي كل
شي فيها ينم عن ذوق مو طبيعي...وشافت نافذة كبيره كثير
فصارت تتطلع منها لقت الشباب جالسين بره ...وباين عليهم
انهم مبسوطين كثير وشكلهم توالفوا بسرعة مع بعض
صيته" نوف....وش جالسه تسوين؟؟
نوف" ههههه أتفرج.... الحديقة حلوه كثير
زهور " هااا شو رأيكم ننزل تحت؟؟
نوف مرتبكه" لااا مستحيل
زهور" ليش لا..
نوف" الشباب تحت
صيته" ههه طيب .... وش علينا منهم إحنا ..كل واحد
بصوب
نوف " لاااا ما احب
صيته خلاص نجلس هنا أحسن ....الجو حلو كثير والجلسة
ممتعه
زهور " براحتكم...إلا يا نوف بسألج سؤال بس مستحية
شوي
نوف حطت يدها على الحرق وتغير لون وجهها لكنها
حاولت تتصنع الهدوء
نوف" قولي ...لا يردك إلا لسانك
زهور" شو أخبار تركي؟؟
نوف" تركي ؟؟؟ طيب ليه
زهور " هههههه ....ولا شي بس تدرين انه كان عشيقي قبل
صيته تضحك" وشوووووووووو
زهور" ههههه أي والله كنت أفكر إني أحبه ...لكنه الله يهديه
ما عطاني فرصه هههه
نوف"حمدي ربك.....إنت الكسبانه
زهور" ههههه يعني
صيته" ما شاء الله عليك ..... عادي يعني
زهور" ههههه هذا الكلام و احنا صغار يعني كلام يهال
البنات " هههههههههههههه
بعد العشى إلي كلفوا حالهم فيه بيت بو راشد
تحركوا البنات وقتها الى غرفهم وناموا واهم هلكانين من
التعب ....وطارق صعد فوق مع حمد وصالح..لكن نواف
رفض انه يدخل داخل البيت وفضل انه ينام بالمجلس
....طبعا هم احترموا رغبته ...
ومجاراة للوضع نام راشد معه
\\
//
في المستشفى وشهد نايمه
مرام " الووووووووو
طلال" السلام عليكم
مرام قلبها يحترق" وعليكم السلام
طلال بشوق" هااا لا يكون اتأذيتي معها ؟؟ انا اعرفها متعبه
مرام بخجل" لا الحمد لله ...شهود تحبني وتسمع كلامي
طلال بوله" والله ؟؟ ما شاء الله عليك في كثير غير شهد
يحبوك وهذا دليل على جمال روحك
مرام تحس إنها بتموت" نعم أخوي طلال بغيت شي؟؟
طلال ينتبه لحاله" لا والله مشكور
مرام بحده" ليه متصل؟؟
طلال" اييي ...تبغين شي أجيبه معي وأنا جاي
مرام" ليه انت راح تجي لوحدك؟؟
طلال" لا طبعا أكيد عمتي بتجي معي....
ترا إحنا نعرف الأصول زين
مرام" خلاص إذا بغيت شي بدق عليها
طلال حس بالإحراج" آسفين يا بنت العمة لو ضايقناك
باتصالنا
مرام خافت على زعله" لا ما في مشكله بس تدري الاتصال
غلط في حد ذاته
طلال بحب" هذا الشي يخليني أحبك أكثر وأتمسك فيك لآخر
العمر
مرام بخوف" إنت وش تقول؟؟
طلال" أنا متيم بحبك يا بنت عمتي
مرام بخوف" طلال .!!!..انجنيت؟؟
طلال بحب " عيوني انت أنا مو هدفي العب لا سمح الله أنا
أحبك وابغيك حليلة لي
مرام ماتت من الخوف وسكرت الجوال ورمته وهي تحس
بحر شديد وصارت تدور بالغرفة رايحه جايه
\\
//
في الإمارات
كانوا البنات في غرفة زهور ماعدا نوره كانوا يساعدون
زهور في ترتيب أغراضها
زهور متضايقة" ياويل حالي ما ادري وين الطرحة
نوف" يمكن خليتيها عند أمك؟؟
زهور" لاااا أنا كل الأشياء عندي ماعدا هي ما ادري وينها
ميثه" طيب روقي و جلسي فكري
زهور تبكي"أفكر شو؟؟؟ أنا كل تفكيري كيف أطلع الليلة
وما عندي طرحه
صيته" طيب صلي على النبي و بتلاقيها
زهور" ألف الصلاة والسلام عليه ....ما في حل إلا إني أقول
لراشد يييب لي غيرها لو أجار
طروب" ايييي راشد ...أكيد عند راشد بالسيارة
زهور" صحيح فكره خليني أدق عليه أشوف
,,
في مجلس الرجال
راشد" والله يا نواف كلامك عين العقل ...
يعني لو الواحد يحفظ كرامته وكرامة أهله ما حد تجرأ عليهم
نواف" اييييه والله....الله يعينا على ها لدنيا
طارق يتثاءب " والله متملل..قوموا نطلع شوي
صالح" إيي والله وأنا بعد
راشد" حمد.... خذ الجماعة وسيروا لكوفي أو وديهم يشوفون
دبي أنا ما أقدر أروح وأخلي البنات يمكن يبون شي
طارق" إيييي تكفون ترى الدنيا بدون أم عبد الرحمن ملل
....طلعوني يمكن أنسى بعدها
نواف" أنا بظل جالس معك ... بصراحة هرجنا سوى أحلى
من الطلعات والتمشيات بصراحة انت كنز
راشد" والله انت إلي معرفتك فخر لي
طارق متنرفز" وبعدين بتظلون كذا ؟؟؟
يرن جوال راشد" هلا والله بالعروس.... هيه أتوقع عندي....
انزين،، هدي، هدي...خلاص بشوفه وبييبه
لك....على ها لخشم والله....وداعة الله.
يسكر راشد الجوال" ههههه فديتها ....
هذي العروس ...دقيقه وراجع!
نواف" خذ راحتك...
\\
//
في الشرقية
مالك" كيــــــــــــــــــــــــف؟؟؟
أم مسعود" إلي سمعته والله ....
بس اليوم أنا بروح مع طلال نجيبهم في خروج لهم
مالك" وليه طلال بالله
أم مسعود" لا مو ضروري طلال ...أي واحد يكون فاضي
يودينا
مالك" يا لله جهزي حالك نص ساعة وراجع لك
أم مسعود" بعون الله يا ولدي
,,
في المستشفى
مرام كانت تفكر بكلام طلال وكيف هي ردت عليه بهذا الرد
القاسي ....هي صحيح تحبه لكن ما توقعت انه راح يتجرأ
عليها ها لقد....صارت تلوم حالها مره وتعاتبه ألف مره
شهد" عمه ليش تأخروا
مرام متضايقة" ما أدري ...على كلام أمي إنهم بالطريق
مالك" السلام عليكم
شهد بصرخة" عمو مالك
مالك يلمها له" هلا وغلا ....وش رأيك بهديتي
شهد" اوووو جيم بوي ...أنا أحبك يا عمو.. خلاص ما راح
ابكي حتى البابا يرجع لأنك انت تجيب لي كل شي
مالك يلمها لصدره أكثر ويترحم على اخوه.... تركهم حتى
يخلص الأوراق في هذي الأثناء يدق جوال ام مسعود
أم مسعود" الوووووو..
طلال" هلا عمتي أنا بره انتظرك
أم مسعود" يوه وين بره
طلال" بره البيت بجنب الباب ....حتى نروح نطلع شهد
أم مسعود" ههههه لا ما يحتاج أنا الحين عندهم ومالك
بيخلص الأوراق وبنجيكم
طلال ميت قهر" براحتكم أنا انتظركم عند شيخه
أم مسعود" زين
طلال" مع السلامة
أم مسعود تسكر الجوال" هههههه يا حليه طلال ...والله انه
رجال ينشد الظهر فيه
مرام تغيرت ألوانها ..وحاولت تغير الموضوع حتى ما تنتبه
لها أمها
\\
//
في الإمارات يدخل راشد الصالة وبيده طرحة زهور... وهو
يدندن يا معيريس عين الله تراك والقمر والنجوم تمشي وراك
ما ينتبه إلا للملاك إلي جالس قدامه وقف راشد مذهول من
جمال المنظر....انتبهت له نوره وبابتسامه عريضة وبحركة
بطيئة جلست تعدل شيلتها ..... انتبه راشد لحاله وعطاها
ظهره
راشد" احم احم يا لله
نوره بصوتها الناعم" هلا راشد شلونك؟
راشد" الحمد لله يا بنت العمة بخير
نوره" أنا نوره أخت نواف
راشد" والنعم والله بنواف وفيج...إلا أقول
نوره" هلا آمرني..
راشد" ما عليج أمر بس إذا ممكن تودين الطرحة للعروس.
نوره" اييي ليش لا...و عقبال ما نفرح فيك
راشد يبتسم" تسلمين والله
طلع راشد من عندها وهو يذكر النبي عليها وعلى ادبها
وجمالها
وصلت الكوافيره وابتدت رحلتها مع البنات وهي جالسه تحط
لمساتها الساحرة عليهم إلي زادتهم نور على نورهم وجمال
على جمالهم
\\
//
في الشرقية وبالذات في بيت ام مسعود ...
طلع طلال بسرعة وشيخه دخلت على ام مسعود
أم مسعود تشوف شيخه لابسه عبايتها وغطاها" على وين
يمه
شيخه تبكي" بروح بيت أبوي
أم مسعود تبغي توقف لها مو قادرة" ليش يمه إحنا آذيناك
بشي .... سمعتي كلام على لسانا أذاك لا سمح الله
شيخه تروح لحضن أم مسعود وهي تبكي" ما عاذ الله يا
عمتي
إنت مثل أمي لكن تدرين ما في شي بعد مسعود يربطني بذا
البيت
أم مسعود باستغراب" وإحنا يمه مالنا نصيب فيك ؟؟
وعيال مسعود ليه تحرميني منهم
شيخه" ماراح أحرمك منهم أنا بجيكم كل وقت وانت بعد
خليني أشوفك
أم مسعود ما ردت بكلمه".............
مرام تبكي" ليه كذا يا شيخه ليه
شيخه تمسح دموعها" هذا إللي المفروض يصير من أول ،
يا لله أشوفكم على خير
مرام راحت لحضنها وصارت تبكي معها ...
\\
//
في الإمارات
راشد" هيه يا لله إحنا زاهبين بعد..... يا لله نتريااكم
نواف" هااا خلاص؟؟
راشد" إيي بالله ....بس أقولك
نواف" سم
راشد" سم الله عدوك...
أنا باخذ العروس،، وانت اخذ البنات ،،وألحقني لاهنت.
نواف" والسائق؟؟
راشد" لا خله هنا مالنا فيه
نواف" يا لله صار
طلعوا البنات ونواف في السيارة وصاد بوجهه عنهم حتى
تاخذ العروس راحتها
ركبت العروس وطروب وميثه مع راشد
ونوره وصيته ونوف في سيارة نواف
صيته" هلا والله بالقمر.....
نواف" هلا فيك والله ...هااا خلاص؟؟
نوره" كل شي اوكي،، اتكل على الله
نواف" على الله ...وجدتي راحت؟؟
نوره " إلا ما تروح أكيد من الساعة 7ونص هم بالقاعة
ولوا عليهم ودهم كان ناموا هناك بعد
نواف" ههههه يا حليلهم والله
صيته"وينك اشتقنا لك
نواف" والله مو حاس بالوقت....مبسوط كثير تدرين راشد
ينشرا بماي الذهب
صيته" إيي والله الله يوفقه يارب ويشوف له بنت الحلال
نوره تبغي تغيض نواف" هههه يمكن لقاها وخلص ..ولا
وش رأيك يا نوف؟؟
نواف بدون ما يحس صار يطالع بالمرايه ما كان عارف إن
نوف معهم ولا ما كان خذ راحته ها لقد"......
صيته" نوره اتركي نوف بحالها تراها مو قدك
نواف متضايق" صحيح هو ولد خالها وأولى فيها من الغريب
نوف قهرها رد نواف رمت الخجل وراها" والله يا ولد عمي
راشد من خيرة الرجال وألف وحده تتمناه
جن جنون نواف ولو هي جنبه كان الله العالم وش صار فيها
نواف ضغط على أعصابه" الله يوفق الجميع
وكملوا طريقهم ونواف ما نطق بعد كلمته كلمه ....نوف
تندمت كثير على كلمتها له لكن اسلوبه هو إلي دفعها تقوله
كذا
,,
في القاعة ...كانوا البنات ملتمين حول زهور إلي كانت
فرحانة كثير وجالسه تاخذ صور كثيرة مع أهلها وصديقاتها
وكانت بالفعل من أجمل ما يكون... في دخلتها كانوا البنات
مرتبين كل شي معها دخله رومانسيه على الموسيقى
الكلاسيك و الإضائه الحالمة كانت زهور تمشي بسعادة
خصوصا إن الحفلة كانت نوعا ما خاصة ما فيها ناس كثيرة
...لما وصلت للمنصة صعدوا البنات لها وهم يرقصون لحد
ما وصلوا لعندها وسوو حلقه صارت زهور بالوسط والبنات
حواليها....وبعد ما شبعوا البنات من الرقص أعلنوا دخول
المعرس إللي دخل معه أبو العروسة وإخوانها ونواف
وطارق وصالح ....وطبعا طارق وصالح وحمد ما بطلوا
رقص على المسرح والحمد لله إن طارق ما أصر على لبس
ألبدله واقتنع بكلام نواف وخلاها ثوب ولا كان صار
علوم...
تمت الحفلة على خير و العروسة زفت لزوجها وأخذها راشد
ووصلها مع زوجها للفندق...
أما البنات فرجعوا وكلهم فرح بالي صار ....ماعدا طروب
إللي كانت تضحك شوي وشوي تبكي ... والبنات جالسين
يعلقون على الزواج وعلى زهور وزواجا....لحد ما سمعوا
صوت الشباب بالحديقة فراحت نوره تتسمع عليهم وعلى
كلامهم.....
,,
راشد" آآآآآآآآآآآآآه الله يوفقش يا زهوره...والله انك بنت حلال
وتستاهلي كل خير
طارق" والله عرسكم مثلنا ... وأنا إلي توقعت بشوف شي جديد
راشد" لااا مو مثلكم شفت الرقصة الإماراتية مالتنا .... والله
إنها عجيبة
طارق" اييي حلوه بس مو أي احد يعرف يسويها
وقف طارق وجلس يقلد وحمد يغني له....
نوره نادت البنات وتراكضوا للبلكونه....
الكل" هههههههههههه
راشد" وش بك يا خوك ..... ما انت بعادتك
نواف" لا عادي أنا طيب
راشد" ما أدري أحسك متملل ..لا يكون زهقت من ديارنا
وودك تعود
نواف" ههههه لا والله عادي
طارق" أنا عندي فكره حتى نكسر حاجز الصمت والملل
صالح" خير وش عندك
طارق" نلعب لعبة صراحة وأمر
الكل أيده وخصوصا نواف؟؟؟؟؟

لكن يا ترى ليه نواف كان متحمس للعبه وهل لما يلعبها
بتريح أعصابه أو بتوترها أكثر؟؟

البارت الثالث عشر

راشد" وش بك يا خوك ..... ما انت بعادتك
نواف" لا عادي أنا طيب
راشد" ما أدري أحسك متملل ..لا يكون زهقت من ديارنا
وودك تعود
نواف" ههههه لا والله عادي
طارق" أنا عندي فكره حتى نكسر حاجز الصمت والملل
صالح" خير وش عندك
طارق" نلعب لعبة صراحة وأمر
الكل أيده وخصوصا نواف؟؟؟؟؟
\\
//
في الشرقية وصل ماجد وكان لقاءهم ممتاز لبعضهم ولا كأن
فيه شي ومالك بعد ما جاب له سيرة البنت حتى ما يعكرون
على بعض
مالك" هههههههههههه والله انك عجيب
ماجد" آآآآآآآآآه يا قلبي والله كل ما اذكر العميد وشكله أموت
من الضحك
مالك" لا والله انت كنت شي ... ما تخاف من أحد أبد؟؟
ماجد"والله كنت ميت خوف ....لكن إلي قدامك إذا شاف في
عيونك الثقة ...مهما كان ...لازم يكون موقفك أقوى
مالك" إيييي بالله
ماجد بهدوء" إلا أقول...
مالك" هلا ...
ماجد"وراك السيجارة ما تطيح من فمك... ما كنت كذا؟؟
مالك وهو ينفخ " أممممم حسيت في وقت إني محتاج أحد
يرافقني ...وما لقيت غيرها
ماجد بأسف" الله ....إلى هذي الدرجة صرت أنا بعيد عنك
مالك يوقف ويتوجه جهة البحر" انت إلي بعدت نفسك يا ماجد
ماجد" مهما كان ومهما صار ....ترى معزتك بقلبي ما تغيرت
مالك براحه"أكيد؟؟
ماجد"ما يعني إني حبيت وحده إني أتخلى عنك ....قلبي بستان
ورود وانت مآخذ نصه
مالك بحيرة" ماجد
ماجد" سم
مالك بتردد" يقول المثل يا خوي....اخطب لبنتك ولا تخطب
لولدك
ماجد بذهول"وش قصدك؟؟
مالك" أنا أبغيك تكون نسيبي ....وما راح ألاقي أحسن منك
لأختي مرام وش رأيك؟؟
ماجد مصدوم"!!!!!!!!
\\
//
في الإمارات بوسط الحديقة الرائعة والجمعة الحلوة كانوا
جالسين على طاوله و ملتمين على بعض
و حاطين وسطهم علبه فاضيه ومحتارين منو إلي يسأل قبل
البنات كانوا يطالعونهم من البلكونه .... وبعد نوف كانت معهم
وخجلها ما منعها هذي المرة إنها تجلس مع البنات في مكان
مكشوف ولو واحد من الشباب رفع راسه راح يشوفهم أكيد....
لكن في دافع يخليها تجلس بدون ما يطرق الخجل بابها
,,
راشد" شو فيكم ما يحتاي النقاش هذا كله ...نواف أكبر واحد
فينا يبدي هو
نواف يبتسم" تراني أكبر منك بكم شهر لا تشوف حالك علينا
راشد" ههههه... والله بتتنحش أنا ابدي ما عندي خلاف
نواف يمسك العلبة " لا أنا ببدي
حرك نواف علبة الماي وصارت جهة طارق وهذا أزم نواف
كثير ...
طارق" قولوا قسم....آيييييييي يبا يا لله إسئلني
نواف ماله خلقه " وش تعني لك الحياة ....يعني وش
أهدافك؟؟
طارق فتح فمه" إلي فاهم يفهمني ... هههه بصراحة أنا للحين
ما بعد أذوق صعوبة الدنيا ادرس وعايش مرتاح مع أهلي
...يعني في من يصرف علي وفي من يخدمني وش أبغي بعد
طارق يحرك العلبة" اووووه.... نوااااااااااف حبيبي
صالح" لااااااا مؤامرة هذي
طارق بدون اهتمام" ما هو أصعب موقف مر عليك حبيبي
نواف يضحك" ههههه ....وش جالس تسوي فيني انت ؟؟؟؟
صادوووه ههههه ...شف في مره كنت بملعب .....كنا جالسين
نلعب على بطوله أولاد الحي هههه...
المهم إني بحذف الكره طارت جزمتي و انتوا بكرامه ....من
حماس اللعب ما في وقت أدورها وصرت اعارج بدونها لين
ما خلص الشوط ...وبالأخير خسرنا هههههه
الكل " ههههههههههههه
نواف " أووووه.... بعد طارق مالي خلق أسأله
راشد " يا لله هي لعبه
نواف بملل" وش أكلت البارح؟؟؟
طارق"قول قسم..... هههههه بيتزا وببسي
طارق يحرك العلبة" يا لله راشد ...
راشد" هههه يا لله أنا مستعد
طارق يحك راسه" اممممم بطاقتك الشخصية؟؟
نواف ميت قهر على السؤال لكنه كتم في قلبه وسكت
راشد" هههه الاسم راشد آل.... السن 27 سنه....مدير عام
أعزب .... أهوى السباحة والشعر
صار دور راشد " نواف الدور عليك
نواف يبتسم"......
راشد" منو منا ما عاش فترة حب ولو كان وهو صغير
مرت عليك مرحله في عمرك حبيت فيها؟؟؟
<<جيت على الجرح يا راشد
نواف بحيرة " أنا وأنا صغير كان يتهيأ لي إني حبيت وحده
لكن لما كبرت وعقلت عرفت إنها كانت مجرد لعب عيال
...يعني كنت بزر خالي من المسؤليه والحمد لله إني عرفت
هذا الشي قبل فوات الأوان
البنات كانوا جالسين يسمعون له وصارت صيته تطالع بنوف
إلي تغير وجهها فجأة
نواف يضحك" الدور عليك يا راشد
راشد" حلوووووو يا لله وريني
نواف" أنا بسألك نفس سؤالي
راشد" ههههه والله أنا حبيت وحده من أهلي وأنا صغير وإلى
الآن أكن لها مشاعر بقلبي لكن الدنيا تغيرت والحال صار
غير الحال ....لكن أتمناها تكون من نصيبي
راشد" يا لله صالح.... وش تفكر فيه لما تجي تنام؟؟
صالح" والله أنا بصراحة ما أفكر بشي ....بتقولون لي ليه ؟؟
لأني لما أحط راسي على المخدة أكون مو شايف قدامي من
التعب ...فبكذا ما أفكر بشي
صالح" يا لله طارق نفس السؤال
طارق" بصراحة أنا ثلث تفكيري بجدتي أم عبدووو والباقي
استغفر ربي على إلي أسويه فيها ....بس والله مو مني من
حبي لها
طارق" يا لله حمد ....شو إلي خاطر ببالك الحين؟؟
حمد يضحك" ههههه والله خاطري بصينية حلى وفنيان قهوة
الكل ضحك ماعدا نواف إلي مآخذ اللعبة تحقيق يبغي يعرف
فيه كل شي وما يبغي الوقت يضيع كذا
حمد" دورك يا ولد الرياض
نواف بصوت عالي" والنعم والله بالرياض وأهلها
حمد" والسبعة أنعام بعد ....لا تاخذها جد وأنا أخوك
المهم ....ممكن تعتدي على حرمة أي بلد ثانيه و تأخذ وحده
من بناتهم حليلة لك ولا تفضل بنت بلدك؟؟
نواف" لا بصراحة ....أنا متعصب لبلدي وما أبغى آخذ إلا
وحده سعوديه ميه بالميه ههههه
نواف" راشد الدور عليك .....نفس السؤال
راشد ههههه" انت حطيت ملح على جرحي .... لا والله أنا
أبغي إلي آخذها سعوديه ...مو لأنهم أفضل من بنات بلدنا
لا والله.... فكل بلد منهم عين في راسي ....لكني إلي أنا حاط
عيني عليها بنت السعودية....ولو ما حصلت لي بدور غيرها
من بلد الخير ....دار زايد
نواف" ؟؟؟؟؟؟؟؟؟؟؟؟؟؟؟؟؟؟؟؟؟؟؟
البنات بدورهم صاروا يضحكون بصوت عالي وهذا الشي
لفت انتباه الشباب إلي حسوا بوجودهم
حمد" طروووووووووب تعالوا يلسوا معنا بدل ما تتصنتون
علينا من فوق
نواف بحده" حمد.... لا تنسى إن إحنا سعوديين
راشد بضيق" وش قصدك يعني؟؟
نواف تواخذ" لا بالله ما قصدي شي...أنا ما قصدت إني انزل
قيمتكم بشي لكن يا خوي انتوا متفتحين أكثر منا ...والبنات ما
راح يرضون ...هذا قصدي والله
راشد" ما يحتاي تتأسف ما صار شي
طارق بيلطف الأجواء" قولوا قسم ....بتتخانقون؟؟
حمد" لا الله لا يجيب الزعل ...و الاختلاف في الرأي لا يفسد
للود قضيه
طارق" طيب وش رايكم نروح للشعر
كل واحد يقول بيت من الشعر والي ما يقدر يكمله ينسحب
وبالتالي إلي يقدر يوصل للأخير يقولنا لمنوا يهدي أبياته
حمد" اييي والله بس شوف مو شعر يعني خواطر
راشد" إييي لا تخاف إحنا مو يالسين بأمسية يعني كل واحد
يقول شي خطر بباله ما هي مشكله
نواف" بشرط.... ما تقولون لي أبدي أنا
راشد" لا أنا ببدي ويمشي الدور باليمين
نواف" خلاص موافقين .... وش قولة الشباب
الشباب" عند قولك والله
&&&
راشد" علمتني أبحر بعيونها من غير مرسى
طارق" ما دري من أي معدن قلب المحب أمسى
نواف" كل ما تلذذ ذا القلب بتعذيبي أنسى
صالح" من ألاقي منها ذكرة عهد ؟؟؟؟؟ ما أعرف اكمله
راشد" صالح ....تنحى ما قدرت تكمل البيت
حمد"غاب طيفها عن خاطري وقتها أيام
راشد" حمدت الله يومها... ببعدها بيهدا قلبي وينام
طارق" آثاري عشقها أمسى حفيد الظلام
نواف" وغزا حبها قلبي لين صرت أشوفها بالأحلام
حمد" من يوم يومها تعذب القلب لين ؟؟؟؟؟؟ اووو عذرا
راشد" خلاص اخوي تنحى
راشد"حينها تعوذت من رب البشر والعباد
طارق فرحان بحاله" وصورت نفسي بصورة الأجواد
نواف بغصة" ودقيت بابها خاطب لبستني ثوب السواد
راشد" كل ما قلت أنسى غزت عيونها خاطري بالعناد
طارق" وخاطبتها عيوني قولي قسم؟؟؟؟؟ هههههههه
راشد" ههههه تنحى بلا ضحك
نواف" طلعت أدورها بعيون تطلبها وترجاها
وتمنيت لو لحظه أعرف فيها وش نواياها
راشد" غدا كلام حبيبتي مثل طعن السيوف
وما رحمت دمعه جرحتني وما وزنت الحروف
نواف" من أتذكر يوم كنت أحضن همومها واسليها
تخالجني صورة دمعها وهي تنزل على خديها
راشد" كلمه تجرح قلبي قبلها قلبها تهنيني
تعتبرني مثل أخوها ولا ترحم دمع عيني
نواف" كذبت الزمن يبعدنا وقلت له اليوم يومي
ما دريت انه ظلمني وهزمني وزاد هم على همومي
راشد" تمنيت الزمن يمضي وأشوفها عروسي
وألمها بين يديني وأترحم ؟؟؟؟
راشد" خلاص نواف انت الرابح
طارق يصفق" واااااااااااو مبروك يا خوي
راشد ما قلت لنا لمنو تهديها
نواف ضاقت فيه الوسيعه " ما أقدر أقول اسمها ...لكنها كانت
لي مثل الوردة وبعد هجرها لي صارت لي أشوااااااااااااك
وأحب أقولها آخر كلمه
ما صادفت سنيني في الحلى احلي من حلاها
وما تهنت عيوني بنظرها ولا ذاقت شفافي شفاها
*غروب*
الكل صار يصفق له" واااااااااااااااو
,,
فوق عند البنات
نوره" آآآآآآآآآآآآه وش ها لعشق هذا ....لكن للأسف يا خوي
هي ما تستاهل نصه
نوف ساكتة والدمعة بعيونها وصيته بعد ما عقبت بعد كلام
اختها بكلمه
ميثه" والله إلي ما ترضى بنواف هذي عقلها صغير
طروب" بالله نوره كلميه عني يمكن يجيني عريس
نوره " ههههه ما راح نلاقي أخير منك والله
طروب" ههههه ..كنت أموت اكون زوجة الوسيم ياااااااي
نوره" شدي حالك ها ليومين وخليه يتعلق فيك <<<موكل
الناس زيك يا نوره
صيته " ههههه ما سمعتيه يقول ما يبغي غير سعوديه
طروب" هههه عارفه بس كلموه يمكن يقتنع بكلامكم
الكل ماعدا نوف" ههههههههه
\\
//
في الشرقية...وعند ماجد ومالك
مالك" أنا أبغيك تكون نسيبي ....وما راح ألاقي أحسن منك
لأختي مرام وش رأيك؟؟
ماجد مصدوم"!!!!!!!!
مالك " وش فيك ....لا يكون إحنا مو قد المقام
ماجد" ما عاذ الله يا خوي لكن؟؟؟
مالك" لكن شوووو؟؟
ماجد" شوفي اخوي أنا يشرفني إني أكون نسيبك وإختك
تراها ما تتعيب لكن لو أوافق أكون أخدعها وأخدعك
مالك مذهول يطالعه"................
ماجد بخجل" أنا ميت بهوا صيته ولو أخذت اختك ببهدلها
معي ... لان صيته عايشه بداخلي وبكياني .... ما أقدر إني
أنساها ...كيف أنساها وهي تجري مني مجرى الدم
مالك بصعوبة" تبيعني على شانها؟؟
ماجد ودموعه بعينه" أنا ما أبيعك ...أشتريك بدمي لكن ما
أقدر أخدعك انت معزتك الجبال ما تقدر تحملها
مالك يبتسم" والله لو كنت وافقت على عرضي كنت قطعت
علاقتي فيك ...لكن الحين أنا أقدرك أكثر
ماجد بذهول" وش قصدك؟؟
مالك" كنت أفكر علاقتك فيها شي عابر وانك انصعت ورى
قلبك من غير ما تفكر....ضايقني انك تبيعني على شان وحده
أي وحده كانت ...وعن طريق علاقة غير صحيحة علاقة
تحمل في طياتها الغموض...هذا الشي إلي ضايقني لكن لما
شفت ردة فعلك ...احترمتها كثير وتأكد اني ما كنت راح
اعرض اغلى أخت في العالم عليك ولو كنت اعز أصقائي
ماجد يلمه له " والله انك ما تتخير بملك الدنيا كلها
مالك" هههه يا بختي فيك وعلى العموم خلينا نرجع البيت
وبكره بإذن الله راح اكلم بو عبدالله وهو يطلع لك اسم صيته
بالكامل و وين بيتها ونروح نترجاهم يعطونك إياها
ماجد ودموعه في عيونه" يلوموني فيك يا خوي والله انك
أغلى من روحي
مالك" لا لا تبكي .... والله تراني ببكي معك
ماجد "ههههههه
,,
بعد ساعة ..
مالك" السلام عليكم ....للحين صاحية
مرام مرتبكة" إييي والله يا خوي
مالك" خير وش فيه وجهك أصفر
مرام " أمي يا مالك تعبانه كثير
مالك مصدوم" وشوووووووو
مرام" لا تخاف الحين صارت أحسن
مالك" وش السبب ...و وينها الحين هي
مرام " توها نامت ...وكل شوي تقوم مفزوعة من فراشها
مالك" بالله عليك .... وش السبب طيب
مرام" امممم ما أدري وش أقولك ....بس شيخه اليوم تركت
البيت وراحت بيت خالي
مالك باستغراب" تركت البيت ؟؟؟ ليه؟؟ إنتوا متخانقين
معها؟؟
مرام تبكي" لا والله بس أعتقد إنها مو مرتاحة .... وأمي من
يومها وهي تبكي على فراق عيال مسعود....إنت عارف
ضربتين على الراس توجع يا خوي
مالك متنرفز" لما يصير بكيفها
مرام تهديه" لا تعصب ...الله يخليك تصحى أمي
مالك" طيب أوريك أنا فيهم بكره ...وإذا هي ما بترجع بالبلى
إلي يبليها لكن عيال مسعود ما يتربون غير ببيته...وها لكلام
لازم تفهمه زين....بعد كذا
طلب فراش لماجد وطلب منها إن محد يدخل المجلس وكان
عقله طاير من التفكير
\\
//
في اليوم الثاني في الإمارات
كانت أم عبد الرحمن وأم تركي وأم راشد يتقهوون بغرفة
الضيوف...
صيته" صباح الخير
أم عبد الرحمن" هلا والله ببنيتي .... قولي مسا الخير
وش ها لنوم صار الحين الظهر وانتوا نايمين...
كأنكم من أهل الكهف
صيته" هههه والله يا جدتي المكان هادئ كثير
طارق من بعيد" هاااا يا لله
أم راشد" حياك يا وليدي تعال ما في حد
طارق يفرك بشعره" اووووه وش حلو جمعتكم
أم راشد"تفضل يا ولدي تقهوى
طارق يا خذ من الحلى بيحطه بفمه .... لكن لما لاحظ أم عبد
الرحمن ابتسم لها ومد الحلى ناحيتها
أم عبد الرحمن " خير وش تبغي بها ليوم الأغبر
طارق يغمز لها " منقولة يا قمر
أم عبد الرحمن باشمئزاز" لين أكون خرفت اقبل من عندك
طارق" قولي قسم... وليه ...لا يكون شايفتني ....
أم عبد الرحمن تقاطعه " لا أشوفك ولا تشوفني ...يعني توك
صاحي من النوم ....والله العالم أين باتت يدك
طارق يبتسم" والله إني متوضي ومصلي
أم عبد الرحمن " ما علينا اليوم تفضون لنا حالكم
طارق يقعد عندها ويبوس يدها" آمر وتدلل يا غالي
أم عبد الرحمن تلوي بوزها عليه" ما ادري متى الله يريحني
منك وتطيح في كبد أي وحده
طارق" إييييي تكفين يا لغلى شوفي لي عروس
أم عبد الرحمن" موجودة يا خلف أبوي
طارق فرحان"قولي قسم.... صحيح يا سحر
أم عبد الرحمن" عيون سحر انت ....بصراحة جولي ما تنتعيب
طارق متعجب" جدتي وش بلاك تبغيني آخذ روسية ؟؟؟هم
صحيح يطيحون الطير من سابع سما لكن مستحيل آخذ وحده
منهم...لا أنا ابغي وحده سمره شوي حتى نتماشى مع بعض
في الألوان ....ولا بعدين يطلعون عيالنا مرقطين من مزج
الألوان هههههههه حليب بالشكولا
أم عبد الرحمن" لا تستعجليا ولدي أنا نقيتها لك نقوه
....جولـــــــــــــــــي
الكل "هههههههه
طارق يطالع مستغرب"قولي قسم.... هي يعني هنا موجودة
جولي(الشغالة)" نعم ماما
أم عبد الرحمن" جولي طارق يبغيك.....
طارق يقاطعها وهو مرتبك " جولي كاس شاي لو سمحت
جولي " إن شاء الله بابا
راحت جولي وطارق متواخذ " والله مردودة لك يا سحر
وقولي طارق قال
راح طارق وأم عبد الرحمن تصرخ بعالي الصوت
أم عبد الرحمن" أيا الدرو تهددني؟؟ أعلى ما في خيلك اركبه
يا تيس..... شاهدين عليه ....سمعتوه زين..أوريك وربي
الكل " هههههههه
\\
//
في الشرقية وفي بيت بو طلال على الغدا
أم طلال بفرحه" اييييي يمه الحين أنا ارتاح قلبي
شيخه تبتسم"...........
شيماء" والله البيت منور بوجودك يا ختي
شمسه" إيييي منور أكيد انت نمت على سريرك مرتاحة أنا
إلي انقص ظهري من نومه الأرض والحلوة فارشه روحها
على سريري
شيخه تواخذت"...........
شيماء معصبه" صحيح قليلة حياااا بصراحة انت ما عندك
ذوق
شيخه بغصة" لا والله شمسه عندها حق ...أنا البارح ما
غمضت عيني ..لأني في غير بيتي ..ودام إني ما برتاح ما
عندي مشكله نمت على السرير أو نمت على الأرض
شمسه مبسوطة" والله عين العقل يا ختي
أم طلال" انكتمي أحسن لك ..... أصلا أبوك اليوم بيروح
ياخذ غرفة نوم لاختك و بتجلس فوق مع عيالها
شيخه تبكي" لا يمه تكفين والله أزعل الشقة لطلال وعروسته
لا تحسسوني إن جيتي بتقلب الموازين كلها
طلال داخل عليهم" اسمع اسمي ....خير وش تحشون فيني؟؟
أم طلال" هذي شيخه رافضه إنها تنتقل لشقتك
طلال يجلس عندها ويمسك يدها" خير خير... ليش يا قمر
....كل هذا لأنك ما تطيقين تشمين ريحتي ؟؟؟
مو مشكله بجيب لك شركة الإيباده تنظف لك المكان كامل
...هاااا وش رأيك بعد
شيخه تضحك" هههههه ....ما تجوز من حركاتك
طلال" إييي كذا نوري البيت بضحكتك ...وإذا علي بس أفكر
إني أتزوج يا كثر الشقق إلي حوالينا... يعني إحنا الحين أهم
شي نفكر براحتك
شمسه" يعني أنا الليلة بنام في سريري؟؟
شيماء" الحمد لله رب العالمين على نعمة العقل
,,
بره في السيارة ....كان مالك واقف مع ماجد
مالك يكلم" إييي هلا وغلا والله... شلونك يا عمي بو
عبدالله.....تسلم والله....إييييي بالله إحنا مقصرين لكن تعرف
الارتباطات.....لا بالله لازم أمر اشوفها لك خلال ها
ليومين....والله تمام بس بغيتك بخدمه لو ما في مانع....تسلم
والله...عندي رقم أبغيك تجيب لي كل شي عنه ممكن؟؟ إييي
×××××.... إيوه رقم مميز ..... مشكور طال عمرك
....أنتظرك أنا في أمان الله
ماجد" هااا طمني
مالك" يقول كلها ثلاث ساعات وكل شي عندنا
ماجد براحه" الحمد لله
مالك " يا لله...
ماجد" ما أدري يا خوي ....أحسها مو حلوه ....لا تتهور
مالك" ما تبغي تنزل اجلس انتظرني بالسيارة ...أنا ما غصبت
عليك
ماجد" إييي تكفى أحسها أمور عائليه مالي أنا فيها
مالك ينزل" براحتك
ماجد" طلبتك يا خوي لا تتهور
نزل مالك ودق الجرس وطلع له طلال ورحب فيه كثير
ودخله المجلس ...وطلب منه مالك انه يشوف خاله وأولاد
مسعود ...دخل طلال وراح عند غرفة أبوه وجلسه وهو رايح
للمجلس
طلال" شيخه هذا مالك جاي يبغي يشوف العيال
شيماء ارتبكت"..........
طلال" شيوووم سوي لنا شاهي بسرعة
شيماء فزت على طولها " دقايق يا خوي
,,
في المجلس...
بو طلال" يا لله حيهم هلا هلا بالغالي ولد الغالي
مالك" هلا فيك يا خالي ....شلونك عساك بخير؟؟
بو طلال " الحمد لله إنا بأحسن حال...و الوالدة شلونها
مالك بزعل" الحين توكم تسألون عنها ..... بعد إلي سوته
شيخه والي سواه طلال معها
بو طلال بضيق " خير وش صار؟؟؟ طلال انتووا شو
مسوين لعمتكم؟؟
طلال بهدوء" والله ما سوينا شي وأصلا ما نقدر نسوي لها
شي هذي عمتنا وتاج راسنا
مالك" تدري ان أمي الحين على الفراش كله بسبة ترك شيخه
للبيت
بو طلال متأزم" ............
طلال بهدوء " والله يا مالك هذا إلي المفروض انه يصير
ومهما صار ترى الأولاد محد يقدر يمنعهم عنكم
هناك شيماء واقفة بالشاي لكنها حبت تسمع صوت حبيبها إلي
صار لها فتره ما تصادفت معه
لحظة صمت للكل"..............
مالك بتردد" يا خالي أنا جايك ولا تردني
بو طلال" لو أقدر من عيوني .....لكن لو ما أقدر بتسمح لي
مالك" لاااا بإذن الله انك بتقدر
طلال بحده" شوف يا مالك شيخه مالها رجعه لبيتكم بعد ما
طلعت منه فاهم ولا لا ....ولا تحاول تقنع أبوي لان الحرمة
رافضه ووجودها ببيتكم بعد وفاة مسعود ماله لزوم الإلحاح
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
!!!!!!!!!

البارت الرابع عشر

طلال بحده" شوف يا مالك شيخه مالها رجعه لبيتكم بعد ما
طلعت منه فاهم ولا لا ....ولا تحاول تقنع أبوي لان الحرمة
رافضه وجودها ببيتكم بعد وفاة مسعود ماله لزوم الإلحاح
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
\\
//
\\
في الإمارات
أم راشد"ألف الصلاة والسلام عليك يا حبيب الله محمد
كللللووووووووووش

زهور تبكي" شلونج يمه اشتقت لج
راشد" ههههه يا محلى الصياح و انت مبسوطة ...أحس انه
موب وقته
ميثه بصوت عالي" يا خوي يا راشد وش له وقفتك هنا
....عطنا فرصه نسلم عليها
راشد" ههههه الله يقطع لسانج ...وأنا ميودنج تعالي سلمي
عليها ...ولا ميثوه تغيرت وصارت تستحي؟؟
ميثه" سمعتي يا خالتي يقولي ميثوه ....تدري إني كبرت مو
مثل قبل ....صار عمري 22 سنه وانت تقولي ميثوه؟؟
راشد" هههه ايي يصير كبر سنج بس عقلج ما اضن
زهور" بس بس انت وياها ....راشد اطلع خليني اسلم عليهم
راشد" تكرم ألف عين لجل عين يا حلوو
طلع راشد بره... وتجمعوا البنات على زهور الي تسلم عليها
والي تسألها ....وما خلوا شي ما عرفوه خصوصا ان زهور
بتسافر الصباح وما في مجال تشوفهم غير هذا الوقت
\\
//
في مطار لبنان ....
سلاف تبكي" شووو هاد ...مر الوئت وما حسينا بحالنا أحس
انو ما راح اشوفك تاني مره
تركي" لالالالا يا عمري لا تئولي هيك أنا ما بقدر استغنى
عن جمالك ..وبعدين معك ابن خالتك سمير هو إلي بيدير باله
عليك
سلاف تمسح دموعها" ايي لكان ....لازم توصيه عليي... انت
عارف إني بخاف لوحدي
تركي" شووو حبي أنا حطيت لك مصاري بالبنك وعطيت
سمير كمان ....يعني بإزن الله ما راح تحتاجي شي
سلاف تبكي" راح إشتئلك حبيبي
تركي قلب سعودي فجأه" إنا لله ...وش اسوي بعمري
أنا....والله إني أموت فيك لكن لازم أروح السعودية حتى
أسوي أوراقك...ولازم موافقة الوالد على شان الدعم المالي
...ولا ايش؟؟
سمير" يا لله تركي ...الطيارة بطير وانت واقف هون
تركي " يا لله في أمان الله عمري
سلاف" باي حبيبي ...إنتبه لحالك تؤبرني
راح تركي وعيونه ما فارقت سلاف ...وجالس يلوح لها بيده
والي يشوفه يقول ذابحته الرومانسية
سمير" شوووو البتيها دراما ...خلاص فكيها هو راح وترك
النا المصاري حتى نتنعم فيهن
سلاف" هههه على اولتك يروح... إن شاء الله تحترق الطيارة
إلي هو فيها ....ها لكلب الجربان ...والله إني اتحملتوا غصب
عني ها لدب
سمير" يا لله مشي حبيبتي نلعب با لمصاري لعب....
سلاف تلمه لها " هههههههه
\\
//
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
فز طلال بسرعة وراح جهة الباب ..لاقى شيماء مرتبكة
طلال" وش صار؟؟
شيماء منبهرة" عذرا أخوي
طلال" لا ما كو شي بس لا يكون اتاذيتي ؟؟
شيماء تلم يدها إلي مليانه دم لصدرها" لا ما كو إلا الخير
لمت شيماء باقي الأكواب وحملت الصينية ودخلت بها داخل
...وطلال متفاجئ من إلي صار وصار يسأل نفسه ألف سؤال
بو طلال ينادي" طلال ...وش صار؟؟
طلال يرجع" لا خير خير
مالك قلبه يدق كثير" ما قلت لي يا خال وش رأيك
بو طلال" والله فاجأتني يا ولدي ما أدري وش أقول لك
مالك بغصة" قولي مبروك
بو طلال" عطني فرصه أسأل شيخه وأرد عليك
مالك يوقف" على بركة الله ..... يا لله استأذنك يا خال
بو طلال " في أمان الكريم
طلع مالك من عندهم والهم يكسوا قلبه ...وركب سيارته
وصار يسرع فيها .....وماجد يترجاه انه يتكلم لكنه في عيونه
غضب غريب خلى ماجد يسكت وينتظره يقوله لأنه مستودع
أسراره ...
وقف مالك عند البحر المكان إلي دائما يجتمعون فيه لأنه
المكان الوحيد إلي الواحد يأمن يرمي أسراره وما يتلقاها غير
البحر الصامت
طلال بتردد" مالك خير وش بلاك
مالك يطالعه وعيونه جمر" أنا ما عاد لي عيش في ها لدنيا
طلال بذهول" وش تقول انت ؟؟
مالك ينزل من السيارة بسرعة ويتجه للبحر وطلال يلحقه
بسرعة ويناديه ...لكن مالك الحين في وقت الشيطان لاعب
بعقله ما يسمع غير صوته...
رمى مالك حاله بالبحر ولحقه ماجد والحمد لله انه لحقه
وصار يحاول انه يثنيه عن إلي بباله لكن أبد وكأن مالك
بغيبوبة ما يدري شنو إلي صاير
....ما حس ماجد بحاله إلا انه صار يصرخ من راسه
ويضرب بمالك لين انهاروا طلعوا من وسط البحر
وثيابهم مليانة ماي ورموا حالهم على الرمل...وكل واحد
منهم ياخذ النفس بصعوبة !!!!
,,
في بيت بو مسعود....
رغد" شلونك يمه اليوم؟؟
أم مسعود" أنا الحمد لله ...لكن ما أدري قلبي يوجعني
رغد" لا بسم الله عليك
أم مسعود" لا أنا أحاتي عيال أخوك وعمهم .... دقي لي اطمن
عليهم
مرام" يمه ...بإذن الله ما بهم غير العافيه ..بتظلين كذا إلى
متى هاااا ...شوفي كل هذا على حساب صحتك
أم مسعود" والله ربي بلاني بها لقلب إلي ما يرتاح...ما أدري
متى أموت وارتاح من عيشتي
مرام بحده" يمـــــــــــه ....لا تقولين مثل هذا الكلام
أم مسعود" آآآآآآآآآآآآآآه يا قلبي....ما أدري أنا وش سويت في
دنيتي حتى الله يعاقبني كذا
مرام" بالعكس يمه ...ما يبتلى إلا المؤمنين ...لأن ربي يبغي
يشوفهم يصبرون أو لا
أم مسعود" ونعم بالله .....الحمد لله على كل شي
رغد تبكي على صدر امها" وإحنا تخلينا لمن
أم مسعود" وأنا شو متعبني غيركم ..الله يرزقكم بعيال الحلال
إلي يصونونكم
,,
عند البحر....
ماجد بحده" إنت وش كنت ناوي تسوي بحالك هاااا
مالك يبكي" أبغي أرتاح ....أبغي أموت
ماجد متضايق" الله خير متلهف على موتك ....وش سويت
لآخرتك هاااا؟؟؟ وش عندك تقابل ربك فيه ؟؟؟ تقوله انا قتلت
نفسي لأني ضعيف وما أتحمل المسؤليه؟؟؟
وأخواتك وأمك تتركهم على من ....وين عقلك يا مالك وين؟؟؟
بالكاد انك جنيت
مالك يضرب راسه"ما أدري وين عقلي ....إييي انجنيت
مالك يوقف على طوله ويلف حوالين نفسه ....شفتوا واحد
مثلي ....
أنا أتجرأ على حرمة أخويييي أناااااااا أناااااااا
طاح مالك على الأرض وهو يبكي وماجد مو عارف وش
القصة.....لمه ناحيته وصار يهدي فيه
ماجد" اذكر الله يا خوي وقولي وش فيك
مالك يمسح دموعه بكمه" فيني البلى .... فيني الموت
ماجد"؟؟؟؟؟؟؟؟؟؟
مالك يطالع بماجد ودموعه تنزل على وجهه" تتخيل إني
خطبت مرت أخوي
ماجد مذهول" ايششششششششششش
مالك يهز براسه" إيييييه...تعديت على أملاك حبيب عمري
...ما تقولي كيف بعيش معها تحت سقف واحد ؟؟؟
ما تقولي كيف بحط عيني بعينها وأقولها أحبك؟؟؟
ما تقولي كيف أحط يدي عليها وأبوسها؟؟
ما تقولي كيف يا صديق عمري ما تقولي كيف ؟؟؟ تكفى
دبرني...
ماجد مبهور" وليه كل هذا ؟؟؟ليه .....
مالك يبتسم والدموع بعينه" تبغيني أشوف عيلتي تروح من
تحت يدي وأنا ساكت
وهبت روحي لأخوي وراحت روحه ....حتى روحي تعييي
إنها تريحني...والحين أمي تعبانه من فراق أولاد
أخوي...وحالتها حاله ...أخليها تموت من فراقهم ....ضربتين
بالراس توجع يا خوي ...وهي مو حمل كل هذا
ماجد بهدوء" وإنت بتحل كل هذا
مالك" أنا أبيع روحي لروحها ....أنا أكون مداس لرجولها
...أنا أقتل حالي وهي تعيش ....هذي أمي يا ماجد أمي إلي ما
ظل لي غيرها
ماجد لم مالك لحضنه بدون ما يتكلم بكلمه"..................
\\
//
في الإمارات ...قرروا الجماعة إنهم يطلعون يتعشون بره
يغيرون جو ....لكن أم عبد الرحمن عارضتهم وطلبت إنها
تروح تسير على أهلهم إلي صار لها مده ما شافتهم
أم راشد" وش رأيك يا خالتي إن إحنا نأجل طلعتنا لبكرة
أم عبد الرحمن " لا وألف لا...قلت أطلع اليوم يعني أطلع
اليوم...وثانيا إحنا بكره بنرجع بلدنا
نوره بصوت عالي" اووووووووووووووف والله إنكم
ما عندكم سالفة جالسين تأخذون رأيها ...لو بتضلون أنا بروح
مع السائق
أم عبد الرحمن" ساقوك بجهنم و انت متفحمه بنارها يا قليلة
الحيا...
صيته" خلاص جدتي...لا تأذين حالك أنا بروح معك
أم عبد الرحمن" انتوا طلعوا عن هنا ودقي لي على نواف
عمري هو إلي يريحني
وبالفعل دقوا على نواف وقال لهم انه بمجلس الرجال وان
ما في احد غريب عنها ...خليها تطلع لهم
بالفعل هي ما كذبت خبر .....ومع إن المسافة بعيده إلا إنها
أصرت تروح وصارت تتعكز على عصاها ولما قربت فزوا
لها راشد ونواف وكل واحد ساندها من جهة
أم عبد الرحمن وهي تنفخ" يعني الحين المجلس لازم يصير
بأخر الدنيا حتى يصير مجلس كشخه
راشد" ههههه بسم الله عليج من التعب يا أمي
أم عبد الرحمن" كله من نواف يقولي تعالي فكرت المكان
قريب
نواف" ما ادري حسيتها مو حلوه ادخل الفيلا يمكن البنات
ما خذين راحتهم
أم عبد الرحمن" بس عاد ها لملتزم تكلم
راشد" وش بلاك يا يدتي خير
أم عبد الرحمن" أبد أنا أقول ابغي أروح ازور قريباتي إلي
بدبي وها لبنات معيين
نواف" وش لك فيهم يا لغالية ...أنا بوديك
أم عبد الرحمن" اختك نوير هذي الله يقصفها مبهدلتني
نواف إنحرج"..............
راشد"يدتي ما عليج منهم أنا اتولاهم ....نواف يروح معج وأنا
أسير بالبنات وين ما يريدون
أم عبد الرحمن" لالالالا أنا أبغيك تروح مع نواف حتى تدليه
هو ما يدلي
راشد" خلاص أنا إلي أروح معج ونواف يودي البنات
أم عبد الرحمن" لا وألف لا ....تروحون معي اثنيناكم
نواف طالع راشد وغمز له"................
راشد يأشر على عيونه" من ها لعين قبلها ها لعين يا لغالية
أم عبد الرحمن وهي توقف بارتياح وباين عليها الفخر إنها
سوت شي كبير يكفي إنها مشت كلمتها
راشد" هااا ...تريدين شي ثاني
أم عبد الرحمن"لا أنا الحين أروح البس وانتووا جهزوا
السيارة
نواف" بإذن الله يمه
طارق جاي من بره" هلا هلا والله با لشحروره....يا لله حيهم
أم عبد الرحمن" حياك عزرائيل بتحية اكبر منها
يقرب منها طارق ويجلس بجنبها
طارق يغمز لها" قولي قسم .... بذمتك أهون عليك
أم عبد الرحمن" لا والله ما تهون علي .....لأنك حاطلي عين
غطى وعين مخدة
طارق يهمس لها " أفااااا بس يا قمر أنا
أم عبد الرحمن"أولا ما يلوق لك الدلع ...ثانيا لا تتفشخر
قدامهم ....والله كلهم عارفينك زين ...ما في أحد غريب اكشف
قناعك و ورهم سواد وجهك
طارق يتصنع الزعل" قولي قسم سحوره....على العموم أنا ما
راح ازعل منك ....لأني مو أنا إلي سودت وجهي ...
هذي خلقة رب العالمين..
وأنا فخور بكوني اسود ...لأنه مثل ما قلتي إن لون الكعبة
اسود....فكم أحب اللون الأسود
أم عبد الرحمن تواخذت" استغفر الله العلي العظيم ...طبعا أنا
ما اقصد استهزئ فيك والله العالم
طارق بهدوء" لا تخافين أنا ما ازعل منك وربي
الشباب جالسين يطالعونهم ولا كأنهم إلا يطالعون مسرحيه
أم عبد الرحمن" هههه اييي كذا خلك آدمي ...وبطل تتحرش
فيني ....ولين قلت لك شي نفذه
طارق" قولي قسم ...شفتي رقبتي هذي مداس لرجولك...يا لله
أمريني انت وشوفي طارق قد قوله أو لا
أم عبد الرحمن" صحيح والله ؟؟
طارق يهز براسه " جربيني يا سحوره
أم عبد الرحمن تلتفت على نواف وتقوله بخبث" خلاص يمه
انت روح مع البنات وين ما يبغون وأنا حبيبي طرووووقي
بيروح معي
طارق فز من مكانه" سحوره انت شو تقولين
راشد" هههه خلاص أنا أروح معك أدلي طارق
أم عبد الرحمن" لالالالا يمه إحنا بنروح مع السائق
طارق بذهول" جدتي تتكلمين جد؟؟
أم عبد الرحمن وهي تمشي" مو انت قلت جربيني ....هذا أنا
جربتك وانت طلعت تبيض الوجه رغم سمار بشرتك
طارق يطالع بنواف يترجاه....نواف يرفع له أكتافه وهو
يضحك...طارق مو قادر يصدق وظل متحير وساكت ...وكان
مترجي إنها تكون مزحه من أم عبد الرحمن<<<ههههه
\\
//
في بيت أم مسعود
يدخل مالك عليهم" السلام عليكم
الكل" وعليكم السلام
مرام"للحين ماجد معك يا خوي
مالك تعبان" ايييي بالله عليك اختي سووي لنا عصير وشي
بسيط ناكله
مرام" دقايق وكل شي جاهز
مالك بحده" رغد روحي ذاكري
رغد بدون ما تناقش راحت على طول
أم مسعود" وش بلاك يمه حالك مو عاجبني ....
مالك يحك راسه" لا يمه أنا بخير
مسعود ودموعها بعينها" الحمد لله انك عندي يا ولدي ....أنا
اليوم بقايا إنسان لكنك انت إلي بتصبرني على ها لدنيا
مالك يجلس عندها ويبوس يدها" أنا ما يرضيني تقولين لي ذا
الكلام
أم مسعود"أخوك راح مني وعياله بعد....ما تقولي وش تبغيني
أقول؟؟؟ يا ليتك يا ولدي تشوف لك بنت الحلال ...
ما أدري وش بقى بالعمر يا ولدي ترى إلي باقي بالعمر مو
كثر إلي راح........أنا ابغي أشوف عيالك
مالك تخونه دمعته " يمه كل شي تبينه بيصير
أم مسعود" أتمنى والله...مو بس كلام تسكتني فيه
مالك يبتسم غصب" عيال مسعود بيرجعون في اقرب وقت
...وأنا بعد بتزوج وش رأيك الحين
ام مسعود بفرحه" كيــــف؟؟
مالك على وجهه ملامح صعب تتفسر" أنا خطبت شيخه....أم
محمد وانتظر رأيهم
أم مسعود" شلوووووووووووووون؟؟؟
,,
في بيت بو طلال وفي غرفة شيماء بالذات
كانت شيماء على سريرها تبكي دهرها ....يعني مو كافي إن
حبيبها إلي حبته من صغرها مو حاس فيها ....والحين بعد كل
ها لحب يجيهم ويدق بابهم خاطب ....بس خاطب منو؟؟؟
خاطب اختها حبيبتها
تدق شيخه الباب" شيوووووم....وش جالسه تسوين؟؟
شيماء تفتح الباب وعيونها متنفخه" هلا حياك
شيخه تطالعها بخوف" وش صار عمري
شيماء تبكي " يدي تألمني...
شيخه تشوف يد اختها ملفوفة" يوه بسم الله عليك .....خير
عمري وش صار
شيماء تمسح دموعها" لا أبد ما في شي....بس تدرين إني
أخاف من الدم
شيخه" وريني الجرح يمكن يحتاج غرز
شيماء تضيع الموضوع" وين شهد ؟؟ ابغي العب معها
راحت شيماء وشيخه مستغربه من تصرفاتها لكنها ما لقت
تفسير غير إن الألم متعب نفسيتها...تركت الموضوع على
جنب وراحت ترتب ملابسهم لأن الغرفة بيروح طلال
يختارها اليوم
,,
أم مسعود" لا يمه هذا الكلام ما راح يصير
مالك متضايق" خلاص يمه كل شي انتهى ....أنا خطبتها
وخلاص
أم مسعود" ايييي يمه بس ما يصير بينك وبين شيخه ما يقارب
5سنوات
مالك بغصة" بالعكس هذا شي من صالحي...شيخه وحده
ناضجة وعارفه زين للحياة
أم مسعود بحده " بس أنا ما أرضى انك تهدم مستقبلك على
حسابنا... وش فيك انت حتى تأخذ أرمله ...ولا بعد أرملة
أخوك...كلامك مو كلام صحيح
مالك" وش رأيك آخذها أنا وألم عيال اخوي ببيتهم ولا يأخذها
واحد غريب ويعيشهم بجحيم
أم مسعود" لا شيخه ما تسويها وتنسى أخوك
مالك" يمه وإن سوتها؟؟؟
أم مسعود" ما أدري لكن ما أرضى لك بعد انك تضيع
مستقبلك
مالك بغصة" وحتى لو قلت لك يا يمه إني أحبها
أم مسعود باستغراب" كيف؟؟
ملك ينزل راسه" إلي سامعتيه يمه ....وإذا كلمك خالي بلغيه انك موافقة
أم مسعود" ...........
يدق جوال مالك....إستأذن أمه و طلع
مالك" هلا هلا والله....يا لله حيهم......بخير جعلك بخير
المهرة شلونها ....هههه بلغها سلامي بعد.....الله
يسلمك.....ايييي موضوعنا؟؟؟ اهااا..... وشووووووو
وش قلت يا بو عبدا لله؟؟؟
\\
//
البنات مجهزين و الفرحة مو سايعتهم ....وصيته قررت
تروح مع أم عبد الرحمن ....وطارق بعد مسكين استسلم
للأمر الواقع وقرر انه يروح معها مع ان قلبه وياهم ...جا
يركب
أم عبد الرحمن" وش ذا ذا
طارق بدون نفس" خير وش صار
أم عبد الرحمن" الحين انت بتروح بذي البدله ؟؟؟
طارق " إييي ليه
أم عبد الرحمن" بسلامتك... والله مانت برايح فيها لا تفشلنا
أقول
طارق بحده " مو عاجبك؟؟ قولي من الحين حتى أبطل ما
أروح ....أنا طلعه بثوب ماني طالع ....وإذا مو عاجبك فأنا
اسلم عليك يا مس سحر
أم عبد الرحمن " لالالالا براحتك اركب اركب ..وإذا أحد
سأل عنك نقولهم هذا سائقنا جايبينه محرم ههههههه
طارق ما رد عليها بكلمه وحده وجلس قدام مع السائق وحاط
بإذنه سماعات mb3وجالس يغني وكأنه مو هامه شي وقلبه
وارم من القهر ....وأم عبد الرحمن مبسوطة كثير بحالها وكل
شوي تضحك على طارق وحركاته لكنها تكتم ضحكتها حتى
ما يحس فيها أحد ...لكن كيف ما يحسون وهي ترتج بذي
السيارة <<<يا بعدي والله حركااات
,,
البنات بعد تجمعوا مع الشباب وراحوا لمجمع الوافي سنتر
من أول ما صاروا هناك كلم راشد طروب وقال لها انهم
يتسوقون على راحتهم والشباب راح ينتظرونهم فوق في
المطاعم .....طبعا كانوا البنات في أوج سعادتهم وش يبغون
هم أكثر من هذا ...وطبعا نواف وراشد صعدوا فوق عند
المطاعم وحمد راح يلف بصالح المجمع
بعد ساعتين رجعت طروب ومعها ميثه وصاروا واقفين
ينتظرون نوره ونوف ....
ميثه" بالله خلونا ندخل هنا
صالح" بلاك جنيتي ....هذا بيت الأشباح وش لك فيه
طروب" ههههه اييي ماشي لأنج ما تعرفين وشو داخل
ميثه" يعني وش بيصير ....كل ها لأشياء حركات بس يبغون
يخوفونكم
راشد" الله ...أحـــــــــــلى يا لشجاعة بصراحة يبغى لك وسام
والله
ميثه" وسامي إنكم تخلوني ادخل
صالح" لاااا أنا ما أحب ادخل ..تلوع كبدي من مناظرهم المقرفه
راشد" ههههه لا قول انك خايف ...أفا بس لا يكون البنات
يصيرون أرجل منا
صالح" إذا انت بتدخل أنا بعد بدخل معكم
ميثه بفرح" تكفين طروب تعالي معنا
طروب " لا هههه مستحيل ادخل أنا أخاف
راشد" هااا ميثه من جدج تبغين تدخلين أروح أحجز لج؟؟
ميثه" طبعا ....احجز لي تذكرتين أبغي أدخلها مرتين
راشد" انت على طول مستعجلة انت دخلي وإذا عجبج اجز
لج مرة ثانيه وشو رايج
ميثه بحماس" الشور شورك دوم انك بتدفع لنا
راشد" هههههه
حجز راشد لهم ودخلوا لبيت الأشباح
كل هذا صار ونواف واقف معهم بالاسم بس ...كان يتلفت
للبنات إلي تأخروا ...وكل ما دق لنوره تعطيه مشغول
بعد ربع ساعة رجعت نوره لوحدها
نواف مستغرب" في أحد ناقص؟؟
طروب" إيييي وين نوف؟؟
نوره " ما أدري عنها
نواف بضيق" كيف ما تدرين عنها ليه هي مو معك
نوره بدون اهتمام" لا
نواف" دقي عليها طيب
نوره" ما عندي رقمها
طروب" ولا أنا ما عندي رقمها
نواف بيطير عقله" حمد خلك معهم خليني أدورها
وإذا رجعت دقوا لي
حمد" خير إن شاء الله
صار نواف يدور ...في كل مكان ..خايف عليها كثير ....قلبه
مو مرتاح....لا يكون حبيبته فيها شي...
فكرة إنها تكون تعرضت للخطر ضيع نواف ....خلاه ينسى
رفضها له وبعدها عنه
نواف الحين ما اعتقد انه يبغي شي غير انه يشوفها بخير ولو
صارت لغيره ...لأن حبه لها أكبر من الأنانية
دقايق ولمح وحده متلثمة وكأنها هي لكن كيف يتأكد
....الشنطه شنطتها ونفس طولها
طالعت هي فيه ...وبعد كذا التفتت للشاب إلي كان واقف لها
وكلمته وراحت صوب نواف ....في هذا الوقت ما لاحظت
غير نواف جاي مسرع جهتها وبدون أي كلام ...إلا يمسك
الشاب إلي واقف معها ويضربه يبغى يقتله... لحد ما التموا
حوالينه الناس ...ونوف كانت تصرخ فيه بصوتها ....نواف
حراااام
فككوا بينهم الناس راح هو مسرع وحالته حاله ومسك نوف
من يدها وصار يجرها جر وراه....لحد ما فكت يدها منه
بالغصب وصرخت فيه
نوف" لا يكون تفكرني جاريه عندك؟؟
نواف في قمة العصبية"والله يا نوف ....لو ما تجين معي لا
تشوفين شي ما يسرك ..... و لك عين بعد؟؟
نوف تطالعه" لا والله...ليه وأنا وش سويت ...انت إلي
تصرفك مو منطقي...وفيه همجيه
نواف بحده" لا المنطق إني أشوفك تتكلمين مع شخص غريب
وأوقف لك أحييك على تصرفك؟؟وإذا على الهمجية فهذا مو
جديد في عايلتنا فأخوك أستاذ فيها
نوف ودموعها بعينها" أنا؟؟ وش قصدك ؟؟؟ يعني تبغى تقول
إني جالسه أتسامر مع الشاب؟؟؟؟ بلاك ما عرفتني ...أنا مو
أي وحده يا نواف
نواف بصراخ" وش يفرقك عن غيرك...كنت قبل غير لكن
بعد ها للحظه بعد ما شفتك بعيني خلاص
نوف بحده" إلي يفرقني عن غيري إني مشوهه يا نواف يعني
أي احد بيمسك يدي بينقرف يا نواف فاهمني أو لا
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟



كبرياء رجل وشذوذ إمرأه

البارت الخامس عشر

نواف بصراخ" وش يفرقك عن غيرك...كنت قبل غير لكن
بعد ها للحظه بعد ما شفتك بعيني خلاص
نوف بحده" إلي يفرقني عن غيري إني مشوهه يا نواف يعني
أي احد بيمسك يدي بينقرف يا نواف فاهمني أو لا
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
\\
//
\\
في بيت الأشباح كان هناك واقف مرشد يبلغهم وش صاير
بهذا البيت إلي كان مكركب على الآخر.... ميثه كانت واقفة
مفتحه عيونها على الآخر مو قادرة حتى ترمش وكأنها تندمت
على إصرارها إلي ما كان له داعي .... وخصوصا إن
طروب حذرتها منه
المرشد" هنا كان يقيم رجل مع زوجته ...الزوج كان في غاية
القسوة على زوجته.... وفي يوم من الأيام علت المرأة صوتها
على زوجها .... وعلى أثرها غضب الزوج منها حتى الجنون
...فذبحها وقطع أوصالها
ميثه خافت" وييييه عليها .... راشد خلاص غيرت رآيي
ما عاد لي خلق
راشد بيموت ضحك لكنه ما عطاها وجه وسكتها
راشد بدون ما يطالعها" اششششش
المرشد" بعد ما قتل الرجل زوجته توزعت روحها في كل
مكان ...وللأسف إن في قطه رأت هذا المشهد الشنيع ومن
يومها وهو يدور عليها يريد قتلها حتى لا يكون في شاهد عليه
ميثه مفزوعة " راااااشد خلاص بطلع
راشد"........
ميثه بخوف" راشد... وين صالح؟؟
راشد " فلت الجبان .....والله انك يا بنت خالتي أشجع منه والله
والنعم فيك
ميثه تبلع ريقها" كله أشياء وهميه صح؟؟
يهز راشد لها راسه.... بعد كذا سمعوا صوت القطه
المرشد" الآن اهربوا حتى لا يجدكم الرجل القاتل فهوا يقتل
من يشاهده في وجهه
بعد ما خلص المرشد كلمته صار راشد يركض و ميثه
تركض وراه .... وماسكه ثوبه حتى ما يفلت منها ....كانت
تصرخ من راسها ...وراشد يركض وهو يضحك عليها
....والرجل القاتل خطواته تقرب ليهم ....وهم ما يقدرون إلا
إنهم يركضون لحد ما وصلوا بره ....ولكن؟؟ما حال أبطالنا هههههه
ميثه طلعت ووجها اصفر" بسم الله الرحمن الرحيم كاس ماي تكفون
طروب" هههههه وش صار .... خفتي؟؟
راشد معصب" لا ما خافت بس يودتني من ثوبي ودوست
على ريولي لين قطعتهم
صالح" ههههههههههههههههه
ميثه معصبه" وش له الضحك أنا ما أشوف في شي يضحك
صالح يأشر لهم على راشد
الكل" هههههههههههههه
راشد يطالع بحاله ....ما شاف إلا ثوبه مكرمش على الآخر
ميثه شهقت وصدت بوجهها عنه من إحراجها
راشد" الله يهديج ...يعني بتموتين على اللعبة أنا قلت هاي
البنت ما في مثلها في الشجاعة أثاريج خوافة كثير
ميثه منحرجه "..............
راشد" هييي ميثوه .... بس نرجع للبيت تاخذينه وتكوينه بيدج
عقابا لج على الي سويتيه فيني هاااا
نوره" بصراحة يا راشد اللوم عليك إلي تعطيها وجه .... ولا
البنات إلي كذا الواحد ما ياخذ على كلامهم لأن لهم كل يوم
كلمه
ميثه" والله أنا أفضل منك بكثير والكل عارف .... وبصراحة
لولا إني متربية ولا كان وريتك شغلك زين
نوره " آآآآآآآآآه تكفين لا تخوفيني ....هه اسمحيلي انت مو
قدي يا ولد
راشد يطالعهم باستغراب".........
صالح" ميثوووه بس عاد
ميثه سكتت بس بقلبها غصة من نوير ومن صالح هذا إلي
جالس يتمرجل عليها
راشد بكل هدوء " والله ميثه تستاهل لو الواحد يضحي
بحاله مو لبيت الأشباح لو بقفص الأسود
ميثه ابتسمت ابتسامة رضى ونزلت راسها وكلها فخر بكلامه
راشد" يا لله خلونا نروح للبيت بعد ما اقدر
ايلس هنا أكثر ....إلي يشوفني يقول متعارك مع أحد
صالح" إلا وين نوف؟؟؟
\\
//
في الشرقية.....
مالك" هلا هلا والله....يا لله حيهم......بخير جعلك بخير
المهرة شلونها ....هههه بلغها سلامي بعد.....الله
يسلمك.....ايييي موضوعنا؟؟؟ اهااا..... وشووووووو
وش قلت يا بو عبدا لله؟؟؟ انت متأكد ....اممممم خير
خير....يا لله سامحنا يا عم والله تعبتك كثير ....تسلم والله هذا
العشم فيك...في أمان الكريم....مع السلامة
ماجد متحمس" هاااا وش صار
مالك بقهر" تدري الخط لمنو؟؟؟
ماجد بخوف" منو؟؟
مالك بحده" لقليلين التربية
ماجد بحده" تكلم لا تجلس ترمي رموز .... باسم منوا الخط
مالك يطالعه وعيونه كلها شرار" الخط بإسم نواف ولد عمي
ماجد بذهول " كيف يعني؟؟
مالك" ما يبغي لها ذكاء يا خوي...معناه إن صيته تصير بنت
عمي بو نواف
ماجد" والله؟؟ بصراحة أحلى خبر سمعته
مالك معصب " كيـــــــــــــــف؟؟
ماجد بفرح" الحمد لله إن صيته من عائله طيبه ....والله أنا
الفرحة مو سايعتني ...
مالك" بلاك جنيت...
ماجد بذهول" ليه.... كون ان صيته بنت عمك هذا من
صالحك وصالحي
مالك" والله ...... فهمني يا فالح
ماجد" أولا أنا الحمد لله إني تطمنت إن حبيبتي بنت أصل
وجود ...وثانيا ممكن صيته تسوي إلي الكل ما قدر يسويه ؟؟
مالك يفتح عيونه على الآخر" كيف؟؟
ماجد" بسيطة ...صيته تحبني كثير وأكيد لما أتزوجها بقدر
أوصل لها كيف إن عمك أخذ كل حلالكم من غير وجه
حق وبكذا بتواجهه وبيعطيكم كل حلالكم
مالك يبتسم" والله انك طيب وعلى نياتك
ماجد" اسمعني طيب....
مالك بدون اقتناع" ما أتوقع ...الحريم ما يجي منهم غير وجع
الراس...وليه ما تفكر إن صيته راح تضمك لأهلها وتخليك
تقاطعنا مثلهم وسنين عمرنا كلها تروح مع الريح
ماجد" أفا بس ...وكأنك ما تعرفني؟؟
مالك" أنا؟؟ أعرفك أكثر من نفسي.... لا تشك لحظه في ثقتي
فيك.. لكن الزن على الآذان أمر من السحر
ماجد" خلينا نخطو الخطوة الأولى بعد رجوعهم من السفر
مالك" ليه هم مسافرين؟؟
ماجد" إيييي بالله هم رايحين فرنسا ...ولما يرجعون نروح لهم
خطاطيب...هاااا وش قلت؟؟
مالك" ما أدري سو إلي تبيه ....لكني أجي معك ..إنسى
ماجد عصب" لا بالله ما أروح إلا لما تجي معي
مالك" يا خوي ...وجودي عبئ عليك
ماجد" وليه بالله؟؟
مالك" انت تدري علاقتي مع عمومتي ....فوجودي ممكن
يسبب لك المشاكل وممكن الرفض فأنا من رأيي إن بعدي
أفضل...لما كل شي يتم على خير
ماجد يطالعه" من رآيك
مالك" إييي بالله
ماجد باقتناع" شورك وهداية الله
\\
//
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
نواف بحسره" يا لله قدامي من غير ولا كلمه
نوف نزلت راسها ومن غير ما تتكلم راحت وراه....نواف
يمشي قدامها وقلبه ينعصر عصر وهو يسمع شهقاتها إلي ما
تنتهي...ووده يلتفت لها ويعتذر لكن وش يقول بعد إلي سواه
....كانوا يمشون وكأن على رؤوسهن الطير إلى أن وصلوا
إلى الجماعة...
صالح معصب" وين كنت هااااا ...وش أسوي فيك الحين
نواف بحده" صالح ....بعدين تفاهم معها ...يا لله مشينا
راشد" خير وش صار؟؟
نواف مرتبك" ما صار إلا الخير ....
صار نواف يمشي والكل يمشي ورآه ونوف خطواتها اقل من
غيرها ....وهذا الشي إلي ثار تساؤلات البنات وخصوصا
نوره ...لكن محد يقدر يتكلم بعد كلام نواف ...وطالما أمرهم
بالسكوت فكلهم منصاعين لكلمته
وصلوا للسيارة وكلم نواف راشد كلمتين وبعدها وقف تكسي
وراح .....
ميثه الخرعه للحين ملازمتها وهذا الشي خلاها
ما تنتبه للي يصير حواليها ...والحمد لله إنها ما فتحت
الموضوع لنوف لأن الله العالم وش كان صار
ركبوا البنات في سيارة راشد .... والشباب ركبوا في السيارة
الثانية....
,,
في الجهة الثانية من دبي كانوا الحريم يدخلون ويطلعون من
بيت لبيت .... وطارق يظل واقف لهم بره مثل السكرتي
...كان يعيي يدخل معهم بحجة انه مو جاهز انه يقابل احد
بدون ثوب.... طبعا أم عبد الرحمن كانت دوم تحن وتزن
على راس طارق وتلومه انه ما طاوعها ولبس ثوبه وانه
متنكر لأصله وأصل أجداده وان مو البدله هي إلي بتسويه
رجال....
بعد ما خلصوا آخر بيت ركبت أم راشد وأم تركي وصيته
طارق " هاااا خلاص
صيته" لا جدتي لسى ما وصلت
طارق متنرفز" قولي قسم ...و وينها بالله
صيته" في دورة المياه
طارق تذكر موقفها في المطار وصار يضحك
بعد نص ساعة دقت عليه جوال ...وبعد فتره رد عليها
طارق بملل" هلااااااا
أم عبد الرحمن" تعال...
طارق" قولي قسم؟؟؟ وين؟؟
أم عبد الرحمن" تعال هنا أبغيك ...التفت وشوفني
طارق يلتفت ويشوف جدته واقفة على الباب .... نزل من
السيارة وراح لها
طارق باستغراب" خير سحر وش صاير...
أم عبد الرحمن" ما فيني شي .... بس بغيت أقولك تجيب لي
عصاتي طاحت مني
طارق " بس؟؟ أنا خفت قلت لا يكون أحد متحرش فيك....
أم عبد الرحمن في خاطرها كثير بس ساكتة .....
طارق يدور" وينها؟؟؟
أم عبد الرحمن" شوفها هنا ...بين الشجر
طارق يطالعها" قولي قسم سحوره ....وش دخلها داخل؟؟
أم عبد الرحمن مرتبكة" هاااا ما أدري هي طاحت مني
طارق بينبط...لكنه راعى وصية نواف له وإنه طلب منه انه
يطول باله عليها
طارق" من عيوني يا الحلا ....مو انت تآمرين
أم عبد الرحمن بابتسامة رضى" يا لله طلعها
طارق صار يحاول لكن وش صار؟؟؟؟ كانت العصا داخل
الشجر وحاول كثير انه يجيبها ..لكنه كان متخوف إن يصيبه
شي
أم عبد الرحمن عصبت" دخل يدك يعلها الكسر ....
طارق" قولي قسم .... وبعدين الشوك يدخل ويجرحني؟؟
أم عبد الرحمن تستهزئ" إييي حبيبي من حقك تخاف على
يدينك ....صحيح أيادي نانسي حرام تتشوه
طارق " ههههههههههههه الله يا سحر والله انك خيااااااال
....الله يقطع شرك
أم عبد الرحمن" لا والله قول قسم ؟؟
طارق" طيب وش دخلها داخل ؟؟؟ هااا لا يكون تكونين
متقصدتها.....
أم عبد الرحمن متوا خذه" اخلص بس وجيب العصا بسرعة
طارق دخل يده داخل الشجر وبالموت طلع العصا وطبعا ما
طلعت العصا إلا بعد ما تبهدلت يده من الشوك لكنه تحمل وجا
على نفسه وسكت..وأم عبد الرحمن طبعا كانت بتموت من
الفرح ....ولو جاها شي اليوم من الضحك ما بتلوم أحد ؟؟؟
,,
بعد ساعة رجع نواف بيت بو راشد بعد ما تعب من اللف في
شوارع دبي ....قرر انه يرجع لأن ما في فايده من الهرب
فكل شعره في جسمه تكرهه ....
عرف انه لازم يتكلم مع أحد يفهمه ويفهم نوف .....
(صيته) ما في غيرها هي وبس تقدر تطمنه وتهدي نفسيته
دق عليها وخبرها انه ينتظرها بالحديقة
نزلت له بسرعة وهو كان مرتبك حد الجنون .... يبغي
أخبارها ...ولو إنها ما تسر
نواف" هلا عمري
صيته" خير اخوي وش فيك صوتك خوفني
نواف يجلسها يمه في الحديقة"هاا وش قالت لك نوف
صيته باستغراب" نوف؟؟؟ ليه وش بلاها؟؟
نواف منحرج"يعني ما قالت لك شي؟؟
صيته" بصراحة أنا شفتها متضايقة وسألتها وش فيها قالت لي
إن راسها مصدع من السوق
نواف متأزم" بس؟؟
صيته" هذا إلي قالته ...ليه وش صاير ؟؟
نواف يقوم يوقف" آآآه يا ختي ..... بموت في نار بصدري
صيته توقف له" يوه بسم الله عليك يا خوي...
يعني انت امتى بتنسى ؟؟
يا خوي في كثير بنات بجمال نوف وأخلاقها ...والزواج يا
خوي قسمه ونصيب و انت ألف وحده تتمناك...رجال والله
والنعم فيك بس انت عزم وشوف منو اخطب لك
نواف يتأفف" وش جالسه تقولين ؟؟؟ يا ليت القصة على كذا
ما كان هذا همي أنا تعودت ...أو جالس أجبر نفسي على إنها
تصدق كلامك إلي قلتيه ...لكن إلي صار اليوم قلب كل
الموازين ...صرت أكره حالي والله.... إلي تجرأت عليها
صيته فاتحه عيونها عليه" ليه وش سويت انت ؟؟؟
قال لها نواف على قصته معها وكيف إن وجودها مع شخص
غريب فجر كل العواطف والغضب من رفضها له وحطه
بهذاك الشاب ...
حاول نواف انه يحط اللوم على نوف حتى يبري ساحته
صيته بحده" لا والله بالكاد انك جنيت...
وش ها لتصرفات الغير مدروسة منك يا نواف ....ما كنت كذا
نواف بصراخ" لا عاد تحطين اللوم علي ...ما تقولين لي وش
كانت جالسه تسويه مع الشاب هاااا
صيته" أي شي تسويه مالك حق انت فيها لا انت أخوها ولا
أبوها ولا حتى خطيبها
نواف بصمت"......
طبعا كلمتها دقت على الوتر الحساس وهزت نواف من داخله
صيته" نواف...إلي سويته غلط وانت أكثر شخص عارف
طبيعة نوف وأخلاقها ....إلي ما تقدر ترفع عينها فيك
...بتوقف مع شاب وتتسامر معه ...لااااا هذا جنون
نواف متضايق" طيب والحل؟؟
صيته تنفخ" ما أدري إلي سويته مو شي هين يا خوي
نواف" اختي قولي تم...
صيته" هاااا خير
نواف " تكفين كلميها وخليني اتطمن عليها وبلغيها إني ندمان
في إلي سويته فيها
صيته بحيرة" يمكن نامت
نواف" لااااا حاولي تكفين
صيته" طيب بحاول...
\\
//
في الشرقية......
شيخه" هلا يبه ...وش فيك ....خير
بو طلال" حياك يبه تعالي
شيخه تروح لعند أبوها وتجلس جنبه .... وكان طلال جالس
عندهم بعد ....لكن ما حاول ينطق بكلمه دوم أبوه جالس معها
بو طلال" وش رأيك يا شيخه بمالك
شيخه" مالك؟؟؟ منو مالك؟؟
بو طلال " مالك ولد عمتك بعد منو
شيخه" هههه مالك من خيرة الرجال والله والنعم فيه
بو طلال" يعني هذا إلي تشوفينه ؟؟
شيخه باستغراب" يبه جالس تسألني عن مالك وكأنه غريب
عنكم ...إنت ناسي انه ربى وسطنا وببيتنا
بو طلال" لا مو ناسي يبه... كيف أنسى؟؟
شيخه " ليه يبه في شي؟؟
بو طلال" إيييي يبه هذا مالك اليوم جانا خاطب
شيخه بابتسامه" والله ؟؟؟ هذا أحسن خبر سمعته
طلال مستغرب" يعني انتي موافقة يا شيخه
شيخه ودموعها بعينها " كيف ما أوافق وكانت هذي من أمنية
مسعود الله يرحمه ....انتووا خبرتوا شيماء
بو طلال" شيمااااااااااااء؟؟
شيخه تطالعه" ايييي
طلال عارف قصدها " لا يا أختي مالك جاي خطيب لك مو
لشيماء
شيخه تحس إن الدنيا تدور حواليها" وشووووووووو
\\
//
صيته " هلا قلبي....
نوف وصوتها مبحوح من البكي" هلا فيك قلبي
صيته" نايمه؟؟
نوف " لا والله ...تعالي وينك؟؟
صيته" نوف وش فيك صوتك مو عاجبني .....كنت تبكين؟؟
نوف تمسح دموعها " لااااا أبد ما فيني شي
صيته" نوف ...هذا نواف جنبي وخبرني بكل شي ويترجاك
ما تزعلين منه
نوف"............
صيته" الوووو نوف وينك؟؟
نوف تبكي "......
صيته " الووو الوووو نوف لا تبكين
نواف بيموت" وش فيها ؟؟؟
صيته بزعل" الله يهديك ...البنت منهارة قفلت الخط
نواف بضيق" كانت تبكي؟؟
صيته تدمع عيونها" اييي قطعت قلبي ...أنا بروح لها
نواف" لا بالله ما تروحين وتخليني بناري
صيته بحده" النار هذي انت إلي حطيت حالك فيها
نواف" تكفين اختي دقي عليها
صيته" لا بروح لها ....
نواف يمسكها من يدها ويسحب من عندها الجوال ويدق على
نوف وقلبه ينعصر عصر
نوف بصوت مبحوح" هلا قلبي
نواف ضاع بسما العشق ...خياله عايم في بحر الأشواق
....خاطره يلمها له ويقولها بكل أحاسيسه أنت إلي قلبي
وروحي ووجداني
نوف بهدوء" أنا آسفه يا عمري زعلتي مني؟؟
نواف" نوف....
نوف ساكتة منبهرة من إلي تسمعه معقولة هذا نواف إلي
جالس يكلمها ولا من عشقها له صارت تتخيل صوته بين
الأصوات
نواف" نوف...أنا آسف
نوف بصوت مخنوق من العبرة" ما هقيتك قاسي يا ولد عمي
نواف كانت هذي الكلمة له أقسى من صفعته لها إلي علمت
على خدها الحريري الجميل
قفلت نوف الخط حاول كثير انه يتصل فيها يبين وجهة نظره
لكن هيهات البنت منهارة مو قادرة تنسى بها لسهوله بعد ما
يئس نواف منها كتب لها مسج وأرسله
,,
في غرفة زهور كانت شهقاتها تعلى وتعلى من تحت بطانيتها
الناعمة إلي اشتبه علي منو إلي لام الثاني أكثر ....
وبعد دقيقه وصل المسج لها ....فتحته وطالعته بعيون مليانه
دموع
*****
أهلكك الله يا قلب خان العشق بلحظه
ما تعرف تميز بين الخطا والصواب
ترى عمر الغيرة ما صلحت أي غلطه
بدل ما تعمر بيوت تراها تدمر أبواب
*****
يا يد ارتمت على خد الأحباب
كيف عشتي عيشة ملوك المدينة
وكيف قدرت بعد ما لامست الأطياب
تتركين الحراير وتعوفينها حزينة
*****
يشهد الله إني بالعشق راحت روحي
ولولا الملامة كان ضميتك بين ضلوعي
يمكن تبرد حرتي وأنسى جروحي
أو تتفتت بالعشق ويكثر للهوى نوحي
*غروب*
نوف صارت تلم الجوال لصدرها وزادت بشهقاتها
\\
//
شيخه بزعل" لاااااااا مستحيل ...أكيد مالك جن
بو طلال" فكري يبه مالها داعي ها لعصبيه
شيخه تبكي" تبغون تجننوني ...أنا أتزوج بعد مسعود ؟؟؟
ليــــــه ؟؟
و منو آخذ آخذ مالك إلي دخلت بيتهم وهو توه صغير
.....معقولة ها لكلام
طلال" شوفي يا قلبي.....انت ما راح تظلين على ها لحاله
طول عمرك
شيخه تطالعه" أي حاله بالله
طلال مرتبك" يعني أكيد بترجعين تتزوجين و بتعيشين حياتك
...الدنيا ما راح توقف لحد موت مسعود
شيخه تصرخ" لااااااااا ..... با لنسبه لكم ما توقف ...لكن أنا
خلاص عفت الدنيا بكبرها ..... أنا عايشه في ها لدنيا بس
حتى أربي عيالي ....وإن كان وجودي بدأ يربكم ويثقل عليكم
أنا ارجع لبيت مسعود وبيت عياله أحسن لي ولكم
بو طلال متأثر" لا يبه محد متأذي من وجودك ولا شي
...وطلال يبغي راحتك
شيخه تبكي" راحتي إنكم ما تضغطون علي بشي ....ومالك
هذا اذا ما وقف عند حده أنا أعرف أتصرف معه
راحت شيخه وبو طلال مو قادر ينطق بعد قولها قول
طلال" والحين يبه؟؟
بو طلال " ما في مشكله أنا أبلغ مالك بالرد
\\
//
في الإمارات
صيته تدخل على نوف إلي كانت تعبانه ومنهارة كثير
من إلي صار
نوف" تكفين لا تفتحين النور
صيته " طيب ما راح افتحه ...بس ممكن نتكلم شوي
نوف" صيته والله إني تعبانه وبديت أروح في النوم
صيته" ما راح آخذ كثير من وقتك بس أبغي أعرف شو
إلي صار
نوف ترفع البطانية وتجلس" إلي صار إن نواف مد يده علي
صيته شافت خدها وشهقت" يا لله ...خدك أحمر
نوف تبكي" مو مهم خدي .... لكن قلبي يا صيته انجرح
صيته" والله إن نواف يحبك يا نوف وجن فيك جنون ....
وهو كان خايف يكون صاير لك شي وبعدين يلقاك جالسه
تكلمين شاب
نوف تمسح دموعها" أنا كنت ضايعه وشفت الشاب وسألته
عن مكان المطاعم وهو مسكين رد علي بكل احترام وبعد ما
التفت لقيت نواف واقف وشكرت الشاب وتركته ....بس نواف
الله يهديه هاج عليه ومد يده علي
صيته " إن لله .... أنا عارفه إن نواف غلطان وأنا واجهته
بغلطه وحذرته من انه يتمادى معك أو انه يكلمك أصلا
نوف باهتمام" وهو وينه الحين؟؟
صيته " جالس بالحديقة ماله خلق يشوف أحد
قامت نوف ولفت شيلتها على راسها وراحت صوب النافذة
وشافته جالس هناك ولكن باين عليه انه شارد في دنيا ثانيه
,,
تحت في الصالة
راشد" اييي طروب وينج....هااااا يا لله
طروب" اييي هلا ...خذ هذا ثوبك
راشد" الحين انتي ترسلين لي الشغالة وايي وأترياج ربع
ساعة حتى تقولين لي اخذ ثوبك
طروب " اييي لأن ميثه هي إلي طلبت كل هذا
راشد" هههههه ميثوه ....وش لونها الحين عقب الروعة
طروب" هههه بخير لكنها حرمت تدخل المجمع بكبره
راشد" ههههه يا حليلها.... وينها الحين هي...ناديها خليني
اضحك عليها شوي
طروب تغمز له وتكلمه بصوت واطي" هي جالسه تسمعك
الحين لا يكون تزعل منك
راشد" اهاااا ...طيب والحين؟؟
طروب" ميثه غسلت الثوب ....وكوته لك بيدها مثل ما طلبت
منها
راشد" لا والله
طروب" صدقني ...وهي منحرجه منك ومن إلي سوته فيك
ببيت الأشباح ووسطتني أبلغك سلامها
راشد بفرح" سلمي لي عليها وقولي لها إن لحظاتي معها في
بيت الأشباح من أجمل لحظات عمري .... وبلغيها إن الثوب
ما راح البسه إلا لما أجيهم زاير مع أبوي وأمي لعند بيتهم
طروب" وشو تعني من كلامك
راشد " هي فاهمتني ولا ....لا
ميثه من بعيد تسمعهم"؟؟؟؟؟؟؟؟؟؟؟؟؟؟؟؟؟؟؟؟؟؟










كبرياء رجل وشذوذ إمرأه

البارت السادس عشر

طروب" صدقني ...وهي منحرجه منك ومن الي سوته فيك
ببيت الأشباح ووسطتني أبلغك سلامها
راشد بفرح" سلمي لي عليها وقولي لها إن لحظاتي معها في
بيت الأشباح من أجمل لحظات عمري .... وبلغيها إن الثوب
ما راح البسه إلا لما أجيهم زاير مع أبوي وأمي
ميثه من بعيد تسمعهم"؟؟؟؟؟؟؟؟؟؟؟؟؟؟؟؟؟؟؟؟؟؟
\\
//
\\
فوق عند نوف وصيته كانت نوف سانده راسها على النافذة
ونظراتها ما تبرح عن نواف
صيته" انت تحبينه صح؟؟
نوف تطالعها وتبتسم" والله صحيح؟؟
صيته" والله ولو حلفتي يمين إنك ما تحبيه ما راح أصدقك
تدرين ليه؟؟ لأن كل هذا باين من ملامحك
نوف تسكر الستارة" اسمحيلي أقولك إن ما عندك سالفة
صيته بحده" ليه تكابرين ؟؟؟ ولا لأنك شايفته ذايب فيك ذوب
تسوين انت كذا
نوف بدون رحمه" أخوك تعلم على إن كل شي يطلبه يجيه
لحد عنده فأكيد تأزم لما شافني رفضته ...وصارت صدمه با
لنسبه له ...معقولة هاي المشوهة ترفضني
صيته بزعل" التشوه مو بالجسم.... التشوه هنا بعقلك
تركتها وطلعت ونوف حايره بكل إلي يصير حواليها وتفكر
بحالها مئة مره ليه أنا بالذات هااا
,,
على الدرج تركض .....
صيته" الله يقطع شرك وش جالسه تسوين ؟؟
ميثه بفرح" بموت بموت
صيته" خير وش صار .... شكلك طقمتي الجنان مع أختك
ميثه بفرح" تخيلي انه يحبني
صيته بابتسامه " منو؟؟
ميثه تنطط" راشد يا صيته راشد
صيته" اوووف ممتاز....بس انت وش درآك
ميثه" سمعته يكلم اخته .... وقال بيجي يخطبني لما نرجع
صيته" مبروك يا قلبي ....والله تستاهلين كل خير
ميثه " ما أدري وش حسيت فيه كان خاطري رحت له و
لميته وقلت له إني أنا إلي أموت فيه
صيته" هههه والله انك مخبول وما تنلام نوره لو اتخانقت
معك دوم
ميثه" مو مشكله مخبولة مهستره أهم شي آخذ راشد
صيته" المهم لا تتكلمين لأحد لما يصير الموضوع رسمي مو حلوه بحقك ..
ميثه" بجد؟؟
صيته" إي بالله يمكن يغير رأيه ولا شي
ميثه مفزوعه" كنت أقتله
صيته" هههههههه
\\
//
في الشرقية.....
شيخه" ممكن أدخل ؟؟
شيماء" إييي أكيد حياك قلبي
شيخه" تعرفيني ما عندي مجاملات والي في قلبي على لساني
شيماء بخوف" خير يا شيخه شو صار؟؟
شيخه" بكيك البارح من شووو؟؟
شيماء" هااا أنا ؟؟
شيخه تطالعها وتهز لها راسها"............
شيماء " أنا قلت لك كانت يدي تألمني
شيخه" لا مو هذا الكلام الصحيح
شيماء ودموعها بعينها" أنا سمعت كلام مالك لأبوي
شيخه" انت تحبينه يا شيماء؟؟
شيماء ترمي نفسها لصدر اختها وتبكي" روحي فيه بعد يا
اختي ..أحبه كلمه قليله بحقه
شيخه " لا تبكي يا قلبي ..... مالك من خيرة الرجال وطلبه
يدي هذا يدل على طيب أصله مو لأنه يبغيني لشخصي
شيماء تطالع بإختها" يعني إنت بترفضينه
شيخه تمسح دموع شيماء" موضوعنا انتهى
شيماء زادت من البكي لكن هالمره من الفرحة
شيخه تلم اختها لها ومتحسرة عليها لأنها هي وسعود إلي
حطوا ببالها مالك ....وكيف إنها له من صغرهم
لكن السؤال مالك يهتم لأمرها ولا لااااا؟؟؟؟؟
\\
//
في الإمارات ...ليلتها أبطالنا يتقلبون على جمر الشوق
الإمارات وما أدراك..... حددت لنا مصير أربعه من أبطالنا
,,
في تلك الليله كان راشد يتخيل ميثه وجمال روحها إلي ما
تغيرت بتغير السنين... وبراحة قلبه لما باح بحبه لها ولو كان
عن طريق غير مباشر
,,
ونواف إلي كان بجنبه وهو يتصنع النوم ....إلى الآن يسمع
صوت نوف وشهقاتها... وبعينه ما غابت عيونها لحظه .
..وجالس يفكر شلون يجبرها إنها تسامحه ولو إنها مو من
نصيبه... ولكن يتمنى إن تكون بينهم فكره طيبه عن بعض
,,
ميثه إلي كانت نايمه مع الملائكة وابتسامتها ما تخلت عن
خدودها حتى وهي نايمه
,,
أما نوف ليلتها ما نامت ...مو قادرة تصدق إن نواف يعاملها
بهذي القسوة ..و مو قادرة تصدق بعد ردها عليه وكيف إنها
ما عطته مجال انه يتكلم ..لكن رسالته وش تعني ؟؟
,,
في صباح اليوم الثاني ...
حان وقت الوداع .... أبطالنا اليوم بيرجعون لديارهم وكل
واحد منهم شايل بقلبه ذكريات جميله كانت أو قاسيه لكن
بالنسبة لهم هذي الرحلة كفيله بأنها تعلم في خيالهم المشبع
بالأحداث
كانت أم راشد وطروب مسوين مناحة ...
أم عبد الرحمن" يا لله ما أوصيكم لازم نشوفكم إحنا تعودنا
عليكم
أم راشد" من غير ما تقولين ..... إحنا تعودنا عليكم والله
,,
طلعوا البنات ...
راشد ما شال عينه من على ميثه لدرجة إن نوره حست فيهم
ونوف طلعت وهي مغطيه كامل وجهها ما أدري حتى ما
يشوفون صفعتها ولا حتى ما يشوفون عيونها المتورمة من
البكي.....
قربت بتدخل السيارة ...بدون ما يتحكم نواف بمشاعره راح
لعندها وفتح لها باب السيارة ... وقفت نوف لحظات وراحت
لعند الباب الثاني ..... وهذا الشي اثر على نواف كثير إلي
كان يطاردها بعيونه.....
وهو كذا جت نوره بسرعة وركبت مكانها ...
نوره حابه تغيضه" ميرسي حبيبي
نواف بهدوء" إحنا با لخدمه يا قمر
ركب نواف مع راشد ...وترك طارق مع السائق والبنات
طبعا ما حسوا بالطريق وأهم يتكلمون مع بعض ....
يبغون يستفيدون من كل دقيقه لهم مع بعض ...
ولما وصلوا لعند المطار
نواف يروح لعند راشد ويلمه له" راح نشتاق لك والله
راشد" تكفى يا نواف لا تقول ها لكلام ترى الدموع واصله
حدها...لا تفشلني وتخليني أصيح
نواف يضحك" ههههههه نتريا زيارتكم لازم تسيرون علينا
راشد" إلا أقول تعلمت لهجتنا بسرعة .....وش رأيك أختار
لك عروس
نواف يغمز له" والله شكلي بعتمد عليك
راشد" هههه عند ويهك ...يشرفنا وجودك والله إنت آمر بس
....وعلى العموم إحنا يا يينكم قريب
نواف" تشرفونا بأي وقت ....يا لله نترخص تآمر على شي
راشد" في وداعة الكريم يا خوي.....وما أوصيكم على حالكم
تحركوا من مكانهم ..... وراشد للحين واقف من بعيد يسلم
عليهم ...ويتابع خطوات ميثه إلي ما غابت عن عينه
نواف وصى طارق ها لمرة إنه يدير باله على الشنط ....وهو
راح يصير مع الحريم ...بحجة أم عبد الرحمن
طبعا أم عبد الرحمن الفرحة مو سايعتها نواف معها أخيرا
راسها بيرتاح من طويرق وحركاته
نوف عايشه بدوامه كانت تتصدد له بظهرها لأنها مو قادرة
تشوفه .....
على عكس نوف كان نواف يتصدد لهم ...ويسألهم إذا
خاطرهم بشي أو يبغون يروحون السوق الحرة أو أو أو طبعا
كله على شان خاطر نوف ومنوا استغل ها لفرصه غير نوره
<<<إثقل يا نواف مو طبعك
في الطائرة ...
كان نواف واقف على الكراسي ومو معطي أحد مجال انه
يقرب من البنات ....طبعا نوف دخلت بجنب النافذة
وقف المضيفة وطلب منها إنها تجيب لهم بطانيات لأن جو
الطائرة بارد..
وما ان نواف جلس إلا ويسمع صوت طارق يرتفع
التفت عليه لقاه جالس يتكلم بحده مع شاب ...راح يركض له
نواف بضيق" خير خير؟؟
طارق يصرخ " جالس ولا عليه وفارد الكرسي على البنات
ولما كلمته يقول لي مالي دخل
المضيف" ما صار شي يستحق كل هذا
طارق " وبعد توقف معه تقول ما صار شي ؟؟؟
نواف بحده " طارق ...أنا أتفاهم معه
طارق متأفف" براحتك
نواف بهدوء" لو سمحت يا خوي ....ما يصير ها لكلام مو إن
إحنا نرتاح على حساب غيرنا
الشاب ساكت".........
نواف" المدة قصيرة خلينا نتحمل بعض ...تكفى
الشاب " أنا آسف لكن أشوف هذا إلي جاي هاجم علي ويقول
لي بيعلمني الأدب ....قلت بشوف وش يقدر يسوي
نواف " معلش امسحها فيني يا خوي
الشاب " حصل خير
نواف يروح لعند صيته" هااا خلاص
صيته"خلاص يا خوي الله يخلي لي الذوق وأهله يا رب
راح نواف لمكانه ونوف زاد إعجابها فيه .... وفي تصرفاته الحكيمة والمدروسة ....بس كانت مستغربه ليه لما كان معها
كان إنسان ثاني؟؟؟؟
وراحت في دنيا الخيال وصارت تتذكر يوم جاتها أم عبد
الرحمن وهي تخطبها كيف مدحت فيه وفي أخلاقه ...
ولكن تصرفه فيه شي من الغموض ..
نواف إنسان ما عنده ثقة بالي قدامه ...يقرأ أفكاره وبس
صارت تردد
موتي مو بيدي
كل ما بقول أقبل ينتشل لساني وينفي
ويعيي لفظ الهوا لو موته بكفي
ما بقى لي غير نظرة عشق ويكفي
لو كان حبي مثل طفل بالهوى يشفي
فهوا حبه مثل سفينة نوح تنجي
******
تركت العشق من التهبت بالغدر كفي
وصرخت برب السما منو يشفع لخدي
كل ما أقول تيسرت لعب الهوا بجدي
تعب حال المحب لي شاف الرفض جدي
وباع فكرة عشق ممكن للسما تودي
*****
دام الفعل له ردة فعل عندي
راح أعشقك لين ينقطع في الهوا كبدي
لا بارك الله بقلب يهوى وللقبر يودي
ويكفيني أعرف إنك ليومك ما خنت وعدي
*غروب*
,,
بعد نصف ساعة
أم عبد الرحمن مو مستقره " بس بس
التفت لها نواف" خير يمه خاطرك بشي؟؟
أم عبد الرحمن " امممم نادي لي طارق
نواف مستغرب التفت على طارق وناداه" طارق
طارق " هلا ....
نواف فيه ضحكه" جدتي تبغاك
طارق متأزم"قول قسم ؟؟؟لا بالله ما راح أقوم ...يقولون
ممنوع الحين أفك الحزام
نواف ابتدئ يعصب" التفت ليها شوف وش تبغى لا يكون
تفضحونا مثل الأسبوع إلي فات
التفت طارق عليها وصار يأشر لها وش تبغى
أم عبد الرحمن بنفس اسلوبه صارت تأشر له انه يروح لها
طارق يأشر لها على اللوحة يعني ممنوع انه يتحرك
أم عبد الرحمن افتحت غطاها وصارت تخز فيه "...
طارق فتح حزامه وقام لها لا يكون تسوي لهم مثل هذاك
الموقف
طارق واقف عندها" خير يا سحر؟؟
أم عبد الرحمن " خير خير ....بس الله يهديك نعالي ما أدري
وينه ؟؟
طارق" إن لله وإن إليه راجعون .....جايبتني من هناك حتى
أشوف لك نعالك وينه ...وبعدين معك ؟؟
أم عبد الرحمن " لا مو كذا بس حبيت أهنيك على موقفك إلي
سويته من شوي
طارق مبسوط" قولي قسم.....من جد عجبتك؟؟
أم عبد الرحمن " إييي بالله وش ها لنخوة إلي عندك وغيرتك
لا بالله غيرة رجال
طارق متكي على الكرسي" لا بالله ...قولي قسم ؟؟
أم عبد الرحمن " قسم بالله ....إنك رجال
طارق" زين جدتي بروح أشوف لك نعالك وينه
أم عبد الرحمن " إييي تكفى يا ولدي
طارق ما مداه يتحرك إلا اختل توازنه وطاح
عندها أم عبد الرحمن فزعت الدنيا وصارت تصرخ من
راسها طارق مات طارق مات؟؟؟؟؟
\\
//
في الشرقية .....
مالك جالس لوحده في عيادته ...بعد ما راح ماجد فضت عليه
الدنيا كان يفكر بحالهم بعد موت مسعود ....
والخطوة الجريئة إلي سواها وأكيد إنه راح يتندم عليها طول
عمره ....وفكرة ماجد إلي بترجع لهم حلالهم إلي أنأخذ منهم
عنوه من عم ظالم ما يرحم وما يخاف من ربه
وهو كذا جاه مسج قرر إنه يفتحه
*****
اخوي الغالي مالك ....
اشتقت لكم كثير ....
وجودي معكم كان من أسعد أيام حياتي
حياتي إلي انتهت من زفينا مسعود للحده
أنا مستحيل أقدر أزعل منك ومن تصرفك ....
كنت زمان الشخص الهادئ الشفاف الذي ألجأ له في شدتي
كنت أنت الوحيد من بعد مسعود إلي أرتاح معه واشكي له
همي..... أين مالك اليوم ؟؟
اليوم إنت بشخصيه جديدة ومغايره علي ....
خذلني تفكيرك وتفاجأ عقلي جحود قلبك.....
كيف سمحت لنفسك إنك تتعدى على أملاك مسعود
انت ضيعت لي فرصتي الوحيدة إلي أقدر أقنع أهلي إني بعد
العدة أرجع لبيتي ....
لا يكون تفكر إني ممكن أفكر بالعرض إلي طلبته
معقولة ....أهون عليك تبيع وتشتري فيني كل هذا خوف علي
وعلى أولاد مسعود؟؟
أو عدم ثقة منك لي إني أصون اسمه وأحترم عدم وجوده
اخوي مالك ....
بالرغم من كلامي القاسي لك وبالرغم من موقفي معك
أنتظر منك تبرير لموقفك وبعد كذا تأكد إنني سأنسى هذا
الموضوع وكأنه لم يكن
تحياتي واحترامي ....أختك أم محمد
****
كان هذا المسج كفيل ببث الحياة في قلب مالك من جديد
وقرر إنه يكتب لها مسج كرد على رسالتها
****
أختي أم محمد ..... رسالتك لي كانت كمن يبث الروح بجسد
أصبح يخلو منه
عباراتك كانت قاسيه على قلبي .... ولكنها كانت كما المصباح
الذي أنار لي دنيتي من جديد
انت معزتك بقلبي مثل معزة مرام ورغد .... والله العالم شقد
كنت بعراك مستمر بين قلبي وعقلي
لكن برسالتك هذي رجعت لي الأمل من جديد
احترامي لك وليد ربتك ....
أخوك الميت الحي .....مالك
****
\\
//
نواف كان يمشي بشكل سريع ....ما يبغي احد يلحق عليه
كانت صيته تناديه لكنه ما يرد عليها
أم عبد الرحمن " الله لا يوفقك .... لو انك ميت كنا ارتحنا
منك
طارق وهو ماسك كتفه" لا بالله قولي قسم ؟؟ صار الخطأ
مني الحين
أم عبد الرحمن" الله لا يبارك فيك ما جبت نعالي ومخليني
أمشي حافية وغير كذا زعلت نواف مني يا لدرو
طارق" والله ما تجي المصايب إلا منك
أم عبد الرحمن " إنطم ونادي لي نواف ....بسرعة
طبعا نواف راح يطلع الشنط من المطار وهم واقفين
ينتظرونه بره .... والكل كان متواخذ وساكت بسبب زعل
نواف من الموقف إلي حطتهم أم عبد الرحمن فيه وهي جالسه
تصرخ وتنعي طارق إلي طاح من طوله بسبب راسها اليابس
نواف نادى صيته" يا لله انتوا تعالوا معي وطارق خليه يودي
بيت عمي
صيته" مو مشكله بس إنت روق يا خوي
نواف" يا لله بلا كثره كلام .... جننتوني وربي وما راح
ترتاحون إلا لما أموت
أم عبد الرحمن" جعل الموت لطويرق إلي فشلنا
طارق"هاااا قولي قسم ؟؟؟ أنا الي فشلتكم ؟؟؟
وانتي ما عندك غيري تحطين أخطائك عليه؟؟
نواف ينفخ" أنا با لسيارة إلي بيلحق ولا بمشي
راحوا البنات ركض لعنده وأم عبد الرحمن بالموت ركبت
السيارة ....
وطول الوقت هي تتكلم وتدعي على طارق ونواف ساكت
....لأنه يحس إنه لو بيتكلم راح يزعلها ....فخليه ساكت
أحسن<<<<ههه أموت بروحك يا سحوره
,,
وصل نواف البيت وصعد فوق على طول من غير حتى ما
يسلم على أمه ..
دخل غرفته وأخذ شاور وجلس يصلي ويستغفر ربه ....يحس
على صدره هموم كفيله بذبحه
,,
طارق وصل بيت عمه...وما إن نزلوا البنات إلا راحت ميثه
للتلفون تبلغ طروب إنهم وصلوا
وتبغي تخبرها إنها إشتاقت لها بمجرد فراقها ها لكم ساعة
دقت لبيت خالها
راشد" الووووو
ميثه بخجل" السلام عليكم
راشد" وعليكـــــــــــــم الســـــــــلام هلا والله با لغالين
ميثه" تسلم والله .... وين طروب؟؟
راشد" هههه تبين طروب؟؟؟
ميثه" إييي والله
راشد" قولي لي وش تبين أقولها وأنا بقول
ميثه" ههههه وش دخلك انت شي بيني وبينها
راشد" يعني ؟؟ هذا رايج
ميثه خافت على زعله" لااا تكفى لا تزعل
راشد " هههه يهمج زعلي؟؟
ميثه" إيييي أكيد
راشد" يا بعد عمري والله
ميثه إنحرجت "..........
راشد" لا تسكتين ....أنا بناديها لج بس ببلغج إن البيت اشتاق
لج ولشوفتج
ميثه بخجل " ههههه إشكر لي البيت وبلغه ....
ما لقت إلا إلي واقف ورآها ومسك السماعة من يدها
تركي" منو تكلمين بالله هااااا
ميثه بخوف" هاااا محد
تركي" الوووو
راشد" الووو منو معي؟؟
تركي " أنا من ...ولا انت يا قليل الحيا هااا
انتبه تركي لميثه إلي حاولت إنها تهرب منه وتصعد فوق ..
صاح باسمها وترك السماعة وصعد لها ومسكها من شعرها
وصار يضربها بدون رحمه وما لقى إلا نوف تطلع لهم
وتسمع صوت اختها وهي تصرخ وهو يضربها برجوله من
غير رحمه
صارت نوف تضرب فيه وتصرخ لين ما زاح عنها وراحت
ميثه لغرفتها وقفلت عليها الباب وهو يضرب الباب عليها
برجليه ويصرخ فيها بكلمات ما تنقال ...
وقتها كانت نوف واقفة تطالعه وهي تبكي التفت لها ...شافته
جاي ناحيتها تركته وراحت لغرفتها جن جنونه وصار يصرخ
والبنات كل وحده بغرفتها وخايفة كثير
,,
نواف نايم على سريره ...النوم مجافيه ...
الكل زعلان منه ...نوف وجدته وأمه بعد إلي صعد من غير
ما يفكر انه يسلم عليها حتى
فكر في نوف يا ترى لو يكلمها وش راح يصير ؟؟؟
ويا ترى هي بتتقبل مكالمته لها؟؟
كانت نوف في الغرفة جالسه تبكي على أريكتها ودق عليها
رقم غريب ....ما ردت عليه لكنه دق أكثر من مره
فقررت إنها ترد
نوف وصوتها مخنوق" الووو
نواف"..............
نوف" الووو ...الوووو
نواف" أخبارك نوف؟؟
نوف من سمعت صوت نواف ما قدرت تتمالك نفسها
وصارت تبكي....
نواف" الووو ...نوف وش فيك؟؟
نوف تبكي"............
نواف" تكفين يا نوف لا تجننيني
نوف " مخنوقة يا نواف ...تعبانه كثير
نواف بيموت" ما عاش التعب يا بنت عمي ....
نوف تبكي".................
نواف" خير يا بعد عيني طمنيني
نوف" ما أدري وش صار يا نواف أنا بالغرفة سمعت صوت
صراخ طلعت بره الغرفة ما ألاقي إلا تركي واقف بكل ثقله
على ميثه يبغي يقتلها ...والحين أبغي أتطمن عليها مو قادرة
خايفه منه
نواف جن جنونه" أخوك هذا مو صاحي ...هي وش سوت
له؟؟؟
نوف مرتبكة" ما أدري ....ما أدري
نواف بحده" لا يكون بس مد يده عليك؟؟
نوف بخوف" كان بيجي يضربني بس أنا دخلت الغرفة حتى
ما يوصل لي ...وظل يرجف باب الغرفة
نواف" تبغيني أجيك الحين؟؟
نوف" إنت جنيت تبغيه يذبحك؟؟
نواف بعشق" وكيف ما أجن وحبيبتي بكاها قطع قلبي
نوف"..........
نواف" أنا أعشقك يا بنت الناس ....حسي فيني تكفين
نوف" أنا ما أدري كيف تجرأت أشكي لك
نواف" وش قصدك؟؟
نوف" انت مثله ....كلكم مثل بعض
نواف" أنا ؟؟؟
نوف تبكي" نواف ضربتك للحين أثرها على خدي
نواف بحده" عسى يدي الكسر يا بنت عمي ...أنا أدري إني
غلطت لكن مو مني والله
نوف " من منو يعني ؟؟ إنت ما تقدر تسيطر على أعصابك
نواف" اييي معك حق بس تدرين ليه أنا كذا هااا ؟؟؟
لأن حبك جنني ....إنت جالسه تتلذذين بكوني تعبان من حبك
يا نوف ...
المشكلة إن قلبي مو قادر ينسى حبك حتى بعد الرفض ...
إلا بالعكس أنا جالس أتعلق فيك أكثر إنت تدرين إني وصلت
لمرحلة إني لما أشوفك ما أقدر أتمالك نفسي وأتمنى أصرخ
بالعالم إني أحب ها لبنت لحد الجنون
تخيلي يكون خاطري المك لحضني وما يهمني وش يقولون
الناس
انت شمعة حياتي ....انت النور إلي بداخلي
كنت سر سعادتي لكن الحين ....
نوف كانت تسمع لنواف ودموعها على خدها"كنت؟؟؟
نواف تخونه دموعه".........
نوف بحنان" والحين بطلت تحبني؟؟
نواف وهو يبكي " أنا ما راح أبطل عن حبك لين أتوسد
الثرى ....
إدعي لي يا بنت عمي إني أموت حتى أرتاح تكفين
نوف تبكي" بسم الله عليك يا بعد قلبي .... لا تقول كذا
ليت يومي قبل يومك
نواف مو مصدق" نوف إنت شو تقولين؟؟
نوف "..............
نواف" ممكن تعيدين لي الكلام الي قلتيه ؟؟؟
نوف بهدوء" أقول إني موافقة لو ما غيرت رأيك
؟؟؟؟؟؟؟؟؟؟؟؟؟؟؟؟؟؟؟

...........






كبرياء رجل وشذوذ إمرأه

البارت السابع عشر

نوف تبكي" بسم الله عليك يا بعد قلبي .... لا تقول كذا
ليت يومي قبل يومك
نواف مو مصدق" نوف إنت شو تقولين؟؟
نوف "..............
نواف" ممكن تعيدين لي الكلام الي قلتيه ؟؟؟
نوف بهدوء" أقول إني موافقة لو ما غيرت رأيك
\\
//
في الإمارات ....
كان راشد واقف وماسك السماعة
طروب" خير يا راشد شووو صار؟؟
راشد يطالعها" ما أعرف كانت ميثه زاهمه والحين محد
طروب بدون اهتمام" يمكن قطع الخط
راشد" لا ما يصير أنا سمعت زعيق وواحد كلمني وهو
يصرخ... لا يكون ميثه ابها شي؟؟؟
طروب" لا لا تخوفني ما بها إلا العافية
راشد" تسلمين لي اختي تعالي كلميها شوفي شو بيها
طروب" على أمرك .... إنتوا تحبون وأنا أتورط
راشد" اسم الله عليج من التورط يا عمري
طروب تضحك له وترفع السماعة وتدق على ميثه لكن كان
الجوال مغلق ....غصب عليها راشد إنها تكلمها على تلفون
البيت...ولكنها كانت متردده
راشد" يا لله ولا ترى ما في تروحين بيت ربيعتج والله ما
أوديج
طروب تتنفخ وتدق بدون نفس" الوووو
تركي" خيــــــــر
طروب بخوف" السلام عليكم.... هذا بيت بو تركي
تركي بحده" آمريني ....نعم
طروب" لو تسمح أكلم ميثه
تركي بصراخ" لا والله ما أسمح
طروب بهدوء" منو وياي على الخط؟؟
تركي" وائل كفوري
طروب" إنت تركي؟؟
تركي ينفخ" إيييي آمريني بتخطبيني ولا أيش؟؟
طروب " أنا طروب بنت خالك بو راشد إلي بالإمارات
تركي بحده" الله لا يجيب الغلا وش تبغي هااا
طروب خافت وقفلت الخط بوجهه
راشد" شو صار؟؟
طروب معصبه"هذا المينون خرعني
راشد" منو ؟؟؟ تركي
طروب" إييي والله خوفني كان يصرخ وايد أنا خايفه لا يكون سوى بميثه شي
راشد متأزم" ؟؟؟؟؟
\\
//
في بيت بو نواف.....
ماجد" هلا بقلبي والله
نوره" هلا بيك
ماجد" آآآآآآه يا قلبي تو رجعت روحي
نوره" هاهاهاي اشتقت لي؟؟؟
ماجد بعشق" الشوق جنني يا صيته
نوره متفاجئه" ماجد؟؟
ماجد" عيونه انت
نوره" ناديني عشوق ولا راح أقفل الخط
ماجد" لا لا تكفين ...لكن ليه بالله
نوره بعصبيه " كذا ...وبعدين لا تصير ممل
ماجد" صيته ...أنا ما أحبك تكلميني بهذي الطريقة
نوره معصبه" أصلا إنت تحمد ربك إني أكلمك
ماجد بحده" صيتــــــــــه
نوره تتصنع البكي".............
ماجد بندم" اووو عشوق ليه البكي .....خلاص أنا آسف لا
تبكي
نوره" أنا زعلانه منك ...ورقمي هذا لا عاد تتصل لي عليه
فاهم أو لا
ماجد بحب" حبيبتي ...الووو الووو
قفلت نوره الخط في وجهه ..تضايق ماجد كثير على زعلها
وحاول أكثر من مره إنه يدق عليها لكنها كانت تعطيه مشغول
على طول <<إييي لازم تربيه هذي نوره
,,
نواف" ممكن تعيدين لي الكلام إلي قلتيه ؟؟؟
نوف بهدوء" أقول إني موافقة لو ما غيرت رأيك
نواف مصدوم"!!!!!!
نوف بارتباك" نوااف
نواف بعشق" يا بعد عين نواف ويا بعد روحه بعد ...تكفين يا
بعد هلي قوليها لي
نوف محرجه" يا لله نواف باي
نواف" هههه أموت في الخجل وأهله بعد.... يا لله حبيبتي
الحين اكلم ابوي أشوف متى نجيكم اليوم
نوف تبتسم" مع السلامة
نواف" في وداعة الله يا قلبي
نوف قفلت الخط لكن نواف للحين واقف وحاط الجوال بإذنه
وكأنه يسمع للحين صوتها ....قلبه ذايب عليه
ما يدري إلي صار الحين حقيقي ولا بس كلام...ما حس بحاله
إلا إنه راح يركض لصيته وهو يصرخ
نواف" صيـــــــــــــته
صيته تطلع من غرفتها مزعوجه" نواف ؟؟؟ خير وش
صار؟؟
نواف يطالع بصيته" تدرين إن نوف وافقت ؟؟
صيته حاطه يدها على صدرها وغمضت عيونها".........
نواف " وش بلاك كأنك مو فرحانة
صيته" فرحانة والله بس موتتني
نواف بلوم" وأنا فكرت فيك أول وحده حتى تفرح معي
صيته تبتسم وتلم أخوها لها" مبرووووووووك والله
نواف" ههههه إيييي كذا أنا أحس إن الدنيا فرحانة وياي
صيته" هههههه تستاهل يا وااااااد
نواف" تدرين أنا رايح للوالد حتى نروح لهم الليلة
صيته" الله يهنيكم ... تستاهلون الفرح
نوره" خير وش بيكم؟؟
صيته" نوره باركي للعريس
نوره" مبرووووك ومنهي العروس
نواف باستغراب " ليه نواف يا خذ غير نوف؟؟
نوره" هه مبروك
تركتهم نوره ودخلت داخل قفلت عليها الباب ونواف وصيته
عيونهم لها
صيته" ما يهمك أحد .... روح مين قدك؟؟
نواف" إييي بالله مثل ما قلتي ....هههه سلام
راح نواف ....لكن شنو حال صيته ؟؟
كانت دموعها على خدها من الفرحة ومن كثر ما تمنت
لأخووها هذي الفرحة
\\
//
في جده.....
دلع "هلا والله بها لنور
ماجد" خلصي وش تبغين ؟؟؟
دلع بزعل" أفا وش قصدك؟؟؟
ماجد" أعرفك ما يحلى عندك الكلام الحلو إلا لي بغيتي شي
دلع بدلع" طيب خلاص روح وين ما تبغي
ماجد " هههه يا لله قولي
دلع" لا أنا زعلت
ماجد يمسك خدها" مشكلتي ما أقدر على زعلك
دلع" هههه هذا أحسن شي ....
ماجد" هااا ...خلصينا
دلع" بموووت مللل ...خلينا نروح أي مطعم
ماجد يطالعها بنص عين " والله ما ودي ...لكن ما أقدر أقول
لا...ودي أعرف السر إلي يخليني أطاوعك
دلع بثقة" وش أسوي مشكلتي أنحب على طول
ماجد" خلصيني لا أروح وأتركك
وقتها دلع صرخت صرخة فرح وراحت ركض تلبس وماجد
ميت ضحك عليها
\\
//
في الشرقية .....
مالك وأمه وخواته عند بيت خاله ...
طلال" هلا والله حياكم تفضلوا
مالك" يا هلا فيك والله .... خالي موجود؟؟
طلال " إييي بالله هنا ....عطيني يدك عمتي
أم مسعود" لا الحمد لله أنا للحين ما عجزت
طلال" الله يعطيك الصحة ...شلونكم يا بنات
مرام ورغد" الحمد لله
دخلوا داخل .....
شيخه تروح ركض لعمتها وتلمها لها " إشتقت لك يا عمتي
أخبارك طمنيني عن حالك
أم مسعود ودموعها بعينها" مو طيبه والله
مرام" عمري شيخه شو أخبارك ؟؟
شيخه" الحين أنا طيبه والله... تعالي تعالي أبغيك فوق
راحت مرام مع شيخه فوق ...وأم مسعود جلست تحت مع
الشباب وأبو طلال وأم طلال والعيال طبعا إلي كانت رافضه
إنهم يروحون من عندها حتى لو للعب
شيماء كانت بالمطبخ تجهز العشا ومعها رغد وشمسه
شمسه" الحين يعني إنتوا ليش ما قلتوا إنكم بتجون حتى
نحسب حسابكم في الأكل
رغد منحرجه" لا إحنا تعشينا والله
شيماء تدقها" ههههه تمزح معك وثانيا إنت تعرفين إن لسانها
متبري منها
شمسه بزعل" وش قلت الحين أنا ؟؟
شيماء " بلا كلام فاضي ....روحي شوفي شيخه بتنزل تحت
تتعشى ولا نصعد لها عشاها مع مرام؟؟
شمسه " ما ني رايحه روحي إنت
شيماء بدون ولا كلمه هي عارفه إختها زين...راحت شيماء
بتصعد فوق لكنها بعد ما سمعت صوت مالك صار قلبها يدق
بشكل جنوني .... وحبت إنها تسلم عليه
شيماء" السلام عليكم
الكل" وعليكم السلام
شيماء بنعومة" شلونك مالك ؟؟ عساك بخير
مالك" الحمد لله بخير
طلال متضايق من تصرف إخته بس ما حب إنه يبين
مالك" شلون المدرسة معك؟؟
شيماء" أنا شيماء يا مالك مو شمسه
مالك" إيييي هلا والله عذريني بس أصواتكم تتشابه
شلونكم عساكم طيبين؟؟
شيماء بضيق" الحمد لله يا ولد عمتي
,,
فوق عند شيخه..........
مرام" الله الغرفة حلوه كثير .... بس هذا شي ما يبشر بخير
شيخه " ليه؟؟
مرام بهدوء" شيخه ما راح ترجعين للبيت ؟؟
شيخه بضيق" أنا ودي والله لكن خليك عارفه إن مو بيدي
مرام" ليه وش إلي يمنعك؟؟
شيخه الدموع تتجمع بعيونها " العادات.... والتقاليد.... والناس
كل هذولي يمنعوني
على أي أساس أنا أرجع البيت هاااا ...شكلي مو حلووو
وخصوصا يوم مالك يطينها ويجي يخطبني
مرام" تأكدي إن مالك كان قصده خير
شيخه تبكي" أدري و متأكدة بعد ....لكن شو الحل برأيك
هااا؟؟
مرام" ما أدري ...إنتوا بعد تحطون حواجز وتحسبون حساب
لكلام الناس ...والله الناس ما راح تتركم بحالكم لو شو ما
يصير ...ولو تدفنون حالكم با لحيا
شيخه" الحل إن مالك يتزوج ....في هذا الوقت أقدر أجي
بدون ما حد يتكلم
مرام" والله؟؟
شيخه" إييي والله
مرام" سهله شيماء ومالك من وهم صغار مسميين لبعض
ومالك وش له ينتظر دام عروسته جاهزة وبكذا تنحل كل
المشاكل وترجعون للبيت لأن هذا بيت محمد وإخوانه
شيماء تسمعهم من بره وتعمدت تسوي حركه حتى تبين لهم
إنها موجودة....في هذا الوقت شيخه تغمز لمرام إنها تقفل
الموضوع
شيماء" هااا شو أخبار الأميرات ...أجيب عشاكم فوق أو راح
تتكرمون وتجلسون معنا
شيخه" هههه لا نازلين ...بس خلي عشا الرجال في المجلس
شيماء بفرح" عيوني لك يا عيوني
وقتها البنات عرفوا إن شيماء سمعتهم وصاروا يطالعون
ببعض ويضحكون
\\
//
في الرياض ....
طبعا نواف كلم أبوه إلي ما كان عنده مانع أبد وعطوا بو
تركي خبر إنهم جايينهم بعد كم ساعة ....
نواف راح للصالون وطلب من الحلاق إنه يضبطه وقاله إنه
عريس ...وطالما الميزانية مو محدده صار الحلاق يبدع في
نواف حتى يطلعه بأجمل صوره<< والله ما يحتاج لك ها لقد
خلص نواف وراح أخذ إسوره الماس لها .... وكان خاطره
ياخذ لها طقم كامل لكنه قال ياخذه مره وحده مع الدبل ليلة
العقد
رجع نواف البيت والفرحة مو سايعته
نوره تروح له تلمه لها" مبروووووك يا عريس
نواف" عقبالك والله
نوره بدلع" هههه أستاهل والله
صيته تصفر له" وااااااو .... وش ها لزين
نواف يبتسم" من جدك ....تغيرت ؟؟
صيته" إلا تغيرت إلا وجهك يشرق .... بصراحة عجيب
نواف" ههههه وخري خليني أروح أجهز حالي ما في وقت
صيته" أيووه مين قدك حبيبي ؟؟
نواف" جهزوا حالكم مو بعدين تأخروني ...والله الميك أب
وما أدري وشووو
نوره بلا مبالاة" أنا ما راح أروح
نواف يوقف ويطالعها" وليه بالله ؟؟
نوره" كذا..أحس إن عندي صداع
نواف بحنان" لكن أنا اليوم أتمنى إن كلكم تكونون معي
صيته " مو مشكله نوره بتروح معنا أكيد
نوره بلوم" صيـــــته
نواف" إذا كانت تعبانه خليها ترتاح أفضل.. أهم شي عندنا
راحتها...راحتها أهم
صيته ما ودها تكسر بخاطر أخوها" لا يا عمري حبتين
بندول وكاس عصير وتكون أحسن
نواف يلتفت ناحية نوره ....طالعته بابتسامه صفرا ..من
فرحته فيها راح لها وباسها بين عيونها
صاحت فيه صيته" أخرتنا يا نواف
راح نواف ركض للدرج" يا لله يا لله كونوا جاهزين
نوره وصيته" هههههههههههه
,,
بعد ساعتين .... نواف جالس يطالع بساعته
نواف" يمه غريبه أبوي محد
أم نواف" والله مدري دق عليه شوفه ليه تأخر
دق نواف على أبوه " هلا يبه..... إييي بس بشوف ليه
تأخرت....إييي موعدنا الحين ....
نواف تغيرت نبرته وهذا الشي خلى صيته تروح لعنده
نواف" إن شاء الله يبه..... خير خير ....مو مشكله نلتقي هناك
مع السلامة ...في أمان الكريم
نواف بضيق" جاهزين؟؟
صيته" خير وش صار؟؟
نواف بهدوء" تخيلي أبوي يقول نروح وبعدين يلحقنا
صيته تفرك شعره" طيب .... فكرت في شي
نواف" مو حلوه يا صيته ندخل بدونه
صيته تبتسم له" مو قلنا اليوم يوم الفرح ؟؟؟ ما نبغي شي
يعكنن علينا فرحتنا ...وخاصة إن اليوم بتشوف العروس
نواف يضحك من قلب"..........
طارق" قول قسم؟؟ أنا أبغي أعرف وش قلب حالك كذا
سكر فمك شفنا ضرس العقل
أم عبد الرحمن جايه من غرفتها" وش لك فيه خليه بحاله ....
يمه خليني أقرأ عليك المعوذتين
طارق" أوف أوف .... وش ها لحلا يا سحوره
أم عبد الرحمن" قول قسم؟؟؟ وكأن الزين ناقصني
طارق " لا بالله إنت الحلا كله بس مو من ها لحمره إلي مآكله
نصها ...لكن من السكر إلي يجري بدمك ههههه
أم عبد الرحمن" بلاك ربي بمرض أقسى منه يا لحمار
نوير.... مسكيه لي خليني أجي أكسر راسه
نوره ترفع يدينها" سوري سحر لكني ما أبغي أخرب شكلي
أم عبد الرحمن" سحروك مجنونه يا قليلة الحيا
طارق" لالالالا كيف ترضين لها تكلمك بهذي الطريقة؟؟
أم عبد الرحمن" العن من رباك يا شيفة إبليس
نوره تتركها وتروح للمطبخ"......
أم عبد الرحمن" خايفه يا لملعونة ... تعالي أوريك ...لا
تفكرين إن دلعك الماسخ هذا علي يا لمغرورة
نوره من بعيد" ما راح أرد عليك باين إن اليوم حلمانه
بكابوس
أم عبد الرحمن" حلمانه بكشتك إلي مليانه قمل
نوره بنظرة كبر" هه
ترمي أم عبد الرحمن عصاها على نوره الي أخطأتها
طارق يصفق" أحلى أحلى .....سحوره والله إنك قويه
أم عبد الرحمن" قواك ربي على سنينك ولحقك بزبانيه جهنم..
نواف بضيق" جدتي .... شووو بتضايقيني في ليلتي؟؟
أم عبد الرحمن" شفتووو أقولكم إن طويرق يبغي يفرق بيني
وبين غناتي نواف وكأنه ما يقصد
طارق" أفاااااا لفيتي علي الحين؟؟
أم عبد الرحمن " إكل تبن يا ولد اللذين
نواف يصعد الدرج" إذا خلصتوا مناقشاتكم نادوني
أم عبد الرحمن تطالع بطارق وتتوعد فيه" خلاص تراضينا
انزل...
نواف يطالعهم" أكيد؟؟
طارق" قولي قسم؟؟
أم عبد الرحمن تغمز له "........
طارق يروح لها ويحضنها " بعد عيني جدتي
أم عبد الرحمن بصوت واطي" راحت عينك قبلها روحك
طارق ميت ضحك ...حملوا روحهم وراحوا لبيت عمهم ....
طبعا نوره وصيته صعدوا على طول لبنت عمهم
صيته"كلووووووووووش
نوف تلتفت عليهم وهي تبتسم" هلا والله
نوره" مبروك يا عروس.... بس ليه وجهك ما عليه شي؟؟
نوف نزلت راسها" لأن نواف بيشوفني ..
صيته" طيب مو مشكله كنت حطيتي شي خفيف
نوره" هههههه أحسن خليه ينصدم فيك من البداية
الكل"..............
نوره" هاهاهاي أمزح والله
ميثه" تعالي يا نوره أبغاك بموضوع
نوره تضحك" هاهاهاي وش فيها عينك ؟؟
ميثه" عادي عادي بس تركي موقع عليها تدرين دايم معجب
فيني بلوه ها لحب وش أسوي بحالي
نوره شهقت" تركي هنا؟؟
نوف" هههه وش بلاك ....لا تخافين هو يوقع على المحارم
بس..حمدي ربك إنك حرام عليه
الكل ماعدا نوره" ههههههههههه
ميثه تسحب نوره معها" تعالي تعالي أبغيك بشغله
طلعت ميثه ونوره ...عندها التفتت صيته لنوف
صيته" آآآآآآآه وأخيرا
نوف" هههههه الحمد لله
صيته" لو تشوفين نواف ....بصراحة بيطير قلبك
نوف" ليه؟؟
صيته" متأنق على الآخر ....بصراحة طالع يجنن خيال خيال
من العصر وهو في الصالون .... يسوون له غسيل وتنظيف
ههههه
نوف" حبيبي .... هو حلو من غير ما يتعب حاله
صيته" ايوووه يا عيني عــ الحب
نوف انحرجت ونزلت راسها
,,
تحت بمجلس الرجال كان جالس نواف على أعصابه وتركي
جالس جنبه .... ويدخن وينفخ عليه وكأنه متقصد إنه يخرب
أناقته
طارق بيكسر حاجز الصمت" حيا الله ولد عمي .... إلا وين
كنت؟؟
تركي" والله ...كنت أشم هوااا بدل جوكم إلي يخنق
صالح" والله يا خوي هوانا حلو كثير بس للي يفهم له
تركي بعصبيه" وش تقصد؟؟
صالح مرتبك" يعني طالما الواحد يشغل مكيفات بيجيه الهوااا
الزين
تركي طالعه بنظره مو حلوه " إلا يا نواف ....للحين انت
تشتغل مع الوالد؟؟
نواف ما وده بس مضطر يجاوب" إيي
تركي" وش تشتغل يعني؟؟
نواف" أي شي با لشركه
بو نواف وبو تركي " السلاااااااام عليكم
كلهم فزوا وردوا السلام
بو تركي" وين الشاهي والقهوة .... صالح قوم فز جيبهم
صالح" على أمرك يبه
بو نواف" يا بو تركي ...إحنا جايينكم اليوم بناخذ بنتنا نوف
لنواف.... وش رايك
بو تركي" هههه رايي إنها بنتك وأولى فيها مني ...
بو نواف" أصلا إلي إحنا نسويه اليوم شكليات بس وإلا إحنا
ما بينا رسميات ولا وش رايك يا خوي
بو تركي" كلامك عين العقل ... ونواف والله والنعم فيه
نواف الفرحه مو سايعته" الله ينعم بحالك يا عمي ...الله يطول
بعمرك يا رب
تركي" إييي بس مو تسأل البنت ؟؟
بو تركي" إيييي قوم نادي لها هنا حتى يشوفها ولد عمك بعد
تركي باستغراب" وش قصدك يبه ؟؟ لا نوف مالها نزله هنا
قبل العقد أبد
نواف بجنون" كيف يعني ؟؟
تركي بحده" كذا
نواف ضغط على أعصابه ...خلاص إسألوها وإذا وافقت
أبغي أشوفها شوي
تركي" لا ....أنا قلت إن نوف ما تشوفها إلا لما تكتب العقد
نواف تنرفز" إييي لكن هذا من حقي ....ولا لا؟؟
تركي" صحيح ...لكن إحنا ما عندنا إن بنتنا تنكشف على أحد
وإذا مو عاجبك إحنا على البر.... ولا وش رايك يا عمي؟؟
بو نواف" لا من حقكم وأنا أبوك .... عين العقل كلامك
نواف قلبه ينعصر جالس يطالع أبوه...ويمسكه تركي من كتفه
تركي باستفزاز" هااا ما سمعت قولك يا ولد عمي أروح
أسألها ولا مو عاجبك كلامي
نواف يشيل يده من عليه" لا عاجبني يا ولد عمي عاجبني
صعد تركي وأخذ الموافقة من عندها .....وهو طالع سمع
ضحك نوره بغرفة ميثه...
تركي" ميثووووه
ميثه تطلع له بسرعة" خير يا تركي
تركي" روحي بسرعة جهزي قهوة
ميثه باستغراب" إيييي لكن توني سويت
تركي بصراخ" إييييي قهوتك باردة.... روحي سوي غيرها
بدون كثرة كلام
ميثه بدون ما ترد راحت تحت ...صار تركي يتسحب للغرفة
ودخل ...ما لقى إلا نوره جالسه على الاريكه والآب توب في
حضنها كانت مندمجة فيه كثير ... وخصل شعرها جايه على
وجهها ومو باين منه إلا ابتسامتها العريضة إلي كلت عقل
تركي المريض
تركي يدخل لها" والله زمااااان يا قمر
نوره شهقت وطاح منها الجهاز"..........
تركي" اششششش ولا صوت
نوره خايفه وحاطه يدها على فمها ومتكومه على حالها
تركي" كل مالك وتحلوين أكثر
نوره تبكي" تكفى يا تركي ....لا تلمسني
تركي" ما راح ألمسك بس أبغي أتملى من جمالك يا حلوه
نوره بخوف" تكفى روح عني
تركي" ما أقدر أتحرك من غير ما توعديني.....
ميثه تنادي" تركـــــــــــــــي
تركي فز من مكانه وراح جهة الباب ورمى بوسه طايره
بالهوى لنوره... وهو طالع من الغرفة شاف ميثه بوجهه ...
تركها ونزل وهي كانت ملامحها تبين استغرابها من الموقف
إلي قدامها
,,
في المجلس.......
تركي ينفخ" مبروك يا جماعه... العروس موافقة
الكل فرح بالخبر كثير وخصوصا نواف مع إن نوف عطته
الضوء الأخضر بس بصراحة كان خايف كثير من ردها
طارق يلم أخوه" أوووووووو... مبروك يا عزيزي
نواف يضحك" قول قسم ؟؟ هههههههه الله يبارك فيك
بو تركي" ومتى تآمرون العقد؟؟
بو نواف ما عندنا مانع ... متى ما تصير العروس جاهزة
نواف بهدوء" تكفى يبه بعد إذنك....أنا أبغي العقد بعد اسبوع
تركي بحده" اسبوع قليل
نواف بحده أكبر" أنا أبغيها بالفستان إلي عليها ... وهذا الشي
ما يبغي له وقت ولا وش رايك؟؟
تركي بلا مبالاة" براحتك
استأذن نواف .... يبغي يمشي كان الكل معارضه لكنه يحس
إن روحه من الغيض بتطلع ففضل إنه يستأذن ...وقفوا معه
الجماعة حتى يسلمون عليه ...
نواف" صالح .... يا ليت توصل هذي الهدية البسيطة لنوف
تركي بفضول" وشنو هذي بالله؟؟
نواف فتحها" إسوره ألماس .... شي بسيط ما يليق بنوف
تركي يضحك" هههههه
نواف متنرفز" وش إلي يضحكك ...لا يكون ذوقي ما
عجبك؟؟
تركي " إلا ذوقك لا يعلى عليه لكن أنا محتار بصراحة
نواف بلا مبالاة" وش إلي محيرك يا تركي؟؟
تركي بصوت واطي" يا ترى بأي يد راح تلبسها نوف في
اليد المشوهة أو اليد السليمة
نواف تضايق كثير ورمى تركي بضربه من يده... حاول
تركي إنه يقوم ....لكنه رجع ضربه في ظهره
تركي صرخ من قمة راسه"آآآآآآآآآآآآآه
نواف ودموعه بعينه" حتى تفكر تمس نوف بأي حال من
الأحوال .... ومن اليوم نوف تخصني وخليني أسمع إنك هنتها
فاهم؟؟
طلع نواف وترك الكل في حيره من أمرهم وخصوصا أبوه
إلي كان متضايق من نواف كثير .... وكان يتوعد فيه لما
يرجع البيت.







كبرياء رجل وشذوذ إمرأه

البارت الثامن عشر

طلع نواف وترك الكل في حيره من أمرهم وخصوصا أبوه
إلي كان متضايق من نواف كثير .... وكان يتوعد فيه لما
يرجع البيت.
\\
//
\\
في بيت بو تركي .... بالذات فوق كانت ميثه مدهوشه من
شكل تركي لما شافها وكيف كان مرتبك .... دخلت لنوره
لقتها كانت تبكي
ميثه تروح ركض لنوره" خير نوره وش فيك
نوره تمسح دموعها "ولا شي ...
ميثه باستغراب" وش كان تركي يسوي هنا ؟؟
نوره مرتبكة" هاااا .... وأنا وش يعرفني
ميثه" منو يعرف ؟؟ تركي شكله كان غير يوم شافني ... لا
يكون سوا لك شي ؟؟
نوره بثقة مصطنعه" ليه هو وش يقدر يسوي لي ؟؟
ميثه " ما أدري بس أقول يمكن
نوره توقف قدام المرايه تضبط مكياجها إلي تبهدل من
دموعها
نوره " أبد ما كان يدري إني كنت بالغرفة ولما شافني صد
عني لكنه شافني فزعت ارتبك
ميثه سكتت مع إنها مو مقتنعة من كلامها
نوره" هاااا وش بك قرونك الإستشعاريه وش فيها مو مقتنعة
ميثه" ههههه ...أسمع كلامك أصدقك أشوف أمورك أستعجب
نوره" هاهاهاي صدقي صدقي يا ماما ...أنا لساني ما ذاق
طعم الكذب
ميثه"............
,,
بغرفة نوف ....
دق نواف على صيته ....صارت صيته تبتسم
نوف قلبها بدى يدق بسرعة ....خايفه من ها للحظه على قد
شوقها لها
نواف ينفخ " الوووو
صيته" هلا بالعريس هاااا أنزل نوف الحين
نواف" لاااا ...أنا مشيت
صيته بخوف" مشيت؟؟؟ ليه
نوف"؟؟؟؟؟؟؟؟؟؟؟
نواف معصب " رفض تركي إني أشوفها وطبعا عمي وأبوي
أيدوه... وخلوني بيزه ما أسوى ولا كأني إلا ولد طايش عمره
18 سنه
صيته تطالع بنوف" طيب مو مشكله لا تعصب إنت
نواف" كيف ما أعصب أنا كان ودي بهذي اللحظة أقتله
وأشرب من دمه بعد .... تخيلي يتكلم عن نوف ولا كأنها إخته
أبد
صيته" خلاص يا عمري العصبية الحين مو بمحلها ..
وطلعتك في هذا الوقت مو حلوه بحقك لو ترجع أحسن
نواف بحده" جنيتي إنتي ؟؟
صيته" طيب روح البيت مو حلوه مشيك وانت معصب لا
يكون يصيبك شي
نواف " والله بقلبي نار تسعر ...محد حاس فيني
نوف خايفه مره مو عارفه شو الموضوع
صيته" إذكر الله ... وهذي نوف يمي وخايفه كثير
نواف" له له له تكفين يا صيته كل شي ولا نوف ....ريحي
قلبها تكفين
صيته تبتسم" أروح فدوه للحب والي يحبون
نواف" ههههه عقبال ما أشوفك وإنت ميتة بالعشق موت
صيته" هههه بسم الله علي
نواف" يا لله أسلم عليك
صيته" انتبه لحالك فاهمني
نواف" على خير .... سلامي لأحلى عيون
صيته تطالع بنوف وتبتسم" يوصل يا قلبي
\\
//
في الشرقية بعد العشا ..... إلي شيماء ما ذاقته بس جالسه
تقطع في الخبز بأسنانها ولا كأنها إلا عصفوره
شيخه" يعني الحين إنتي أكلتي
شيماء" هاااا..... إيييي الحمد لله
أم مسعود" مو عاجبتني يا شيماء أحسك مو بطبيعتك
....لا يكون تعبانه
شيماء انحرجت"........
شيخه تلم الموضوع" إيي والله تقول راسها يوجعها ها ليومين
شمسه" هههه الله يساعدك
شيماء" ممكن تقومين تشيلين معنا السفرة ... لو تتكرمين
شمسه" أوووف مو لو جايبين لنا شغالة عن ها لتعب إلي إحنا
فيه ... بعد مو نشيل روحنا ...لا ضيوف بعد
أم طلال بحده" قومي فزي بلا كثرة حكي يا طويلة اللسان
شمسه قامت ترفع في الصحون بدون نفس والبنات بيموتون
عليها من الضحك لأن بوزها وصل لآخر البيت
,,
في المجلس ...كان محمد يصب لهم القهوة ومالك يطالعه
وقلبه عليه ... صار رجال في أربع شهور
تعود إنه يعتمد على حاله ...
يدق جوال مالك " هلا والله .....يا لله حيهم ....الله يسلمك
...إييي ليه ...والله تشرفون حياكم الله .... لنا الشرف والله
الله يطول بعمرك....إييي هو يمي راح أبلغه.... تسلم تسلم....
أنتظركم على الساعة ثمان بإذن الله.... خير خير .... في أمان
الكريم
سكر مالك الخط وعلى وجهه ابتسامة رضا ....
مالك" هذا يا خال بو عبد الله الــــ .... تعرفه؟؟
بو طلال" إييي أعرفه و منو ما يعرفه هو غني عن التعريف
مالك بهدوء" يقول يبغي يجينا بكره هو وولده عبد الله ويبغي
يشوفك معنا
طلال قلبه صار يدق بصوره غريبة".........
بو طلال" حياه يشرف ....البيت أوسع له من العين
مالك" لا يعمي هو بيجي عندنا بالبيت
بو طلال" ما في فرق هنا أو هناك يا ولدي
مالك" إييي كلامك صحيح يا خال لكنهم ها لمره جايين
خطاطيب...
بو طلال" والله؟؟؟؟ طالبين من؟؟
مالك يبتسم" مرام يا خال
طلال وقف على طوله "........
\\
//
كانوا الحريم جالسين تحت بالصالة ....
أم عبد الرحمن" طيب وين العروس ...ما بتنزل نبارك لها؟؟
أم تركي" ههههه توني زهمت عليهم قالوا بينزلون
من فوق صوت الزغاريد تتعالى .... وطبعا الحريم بعد
صاروا يزغردون معهم ...نزلت نوف من على الدرج وهي
مرتبكة كثير وما شالت عينها عليهم ....هذا ونواف ما راح
يشوفها... كيف لو إنه بيشوفها ؟؟؟؟
صيته" الف الصلاة والسلام عليك يا حبيب الله محمد كلللللللوووووووووش
أم عبد الرحمن" كللووووووووووش
راحت نوف لها وباست راسها ويدها
أم عبد الرحمن تدمع عيونها" الله يهنيكم يمه .... الله يجعل
حياتكم كلها سعادة
نوف تبتسم" الله يسمع منك يمه
حطت ميثه المسجلة و إبتدت نانسي تغني
أطبطب ودلع ... وميثه ونوره يرقصون مصري ببراعة
وصاروا يتحدون بعض وكل وحده تقول الزود عندي من
الجسم والأناقة .... لكن هالشي طبعا ما عجب أم عبد الرحمن
وصارت كل وحده تجي يمها وهي ترقص تضربها بعصاتها
.... لكنهم كانوا مكملين .... وما همتهم أم عبد الرحمن ولا
عصاتها ... طبعا ها لشي خلاها تأشر لصيته إنها تشيل
المسجل عنهم .... وطبعا صيته ما تقدر ترفض لها طلب
نوره" اوووو ليه كذا؟؟
أم عبد الرحمن" مزااااااج ... وش لك عندي؟؟
نوره توجه كلامها لنوف" شفت إنهم مو راضين تصير ليلتك
شي ...مو تقولين بعدين صارت الخطبة سكيتي
أم عبد الرحمن" سكتي بسكتة قلبك قولي آمين ....يعني ها
لحين تبغين تطيحيني معها هااا ...
نوف منزله راسها وما انطقت بكلمه
صيته تروح تكلم أم عبد الرحمن بإذنها" يمه لا يكون يسمع
نواف ويزعل
أم عبد الرحمن فتحت فمها على الآخر " هااااا
نوف ابتسمت"..............
أم عبد الرحمن" يا لله أم تركي عطينا من أغاني أول إلي ترد
الروح ... وخلينا نفرح مع نوف ونواف
البنات" هههههههه
أم تركي " هههه والله محد صوته حلو غيرك وبعدين وينا
وين أغاني أول نسيناهم وطوى عليهم التاريخ صفحاته
أم عبد الرحمن" أقول يا بنيتي قديمك نديمك والي ماله أول
ماله تالي .... آآآآه يا زين أول وأغاني أول
صيته متشجعة" تكفين جدتي غني لنا وحده من أغانيكم
أم عبد الرحمن بانت ضروس الذهب " هههه يا بنات لا
تغصبوني
نوف بنعومة" تكفين جدتي ...على شاني
أم عبد الرحمن مبسوطة" يوووه غالي والطلب رخيص يا
قمر نواف انت ...
احم احم .... عاد ساعدوني هااا
أم نواف" إحنا معك بس بدي إنت
أم عبد الرحمن "يا غزال البر يا غزال البر ليش ما ترعى
حبيبي فوق عشب البر
البنات متفاجئين وجالسين يطالعون فيها
أم عبد الرحمن " وش ذا أسمع صفقتين بس ؟؟ وين أياديكم هااا
البنات "..............
أم عبد الرحمن " يا لله ولا ماني بمغنيه
يا غزال البر يا غزال البر ليش ما ترعى حبيبي فوق عشب
البر فوق عشب البر
يا ليتني ساعة يا ليتني ساعة وأدور بذراعه حبيبي فوق عشب
البر فوق عشب البر
يا ليتني عقاله يا ليتني عقاله وأدور براسه حبيبي فوق عشب
البر فوق عشب البر
يا ليتني خاتم يا ليتني خاتم وأدور بصبوعه حبيبي فوق عشب
البر فوق عشب البر
يا ليتني كحيله يا ليتني كحيله وأدور بعيونه حبيبي فوق عشب
البر فوق عشب البر
يا ليتني بشيته يا ليتني بشيته وأدور بكتوفه حبيبي فوق عشب
البر فوق عشب البر
طبعا البنات كانوا متجاوبين معها با لبداية لكن لما شافوها
استرسلت في الأغنية صارت كل وحده تلتهي بحالها إلي
تضبط مكياجها والي ترفع شعرها والي بتموت من الضحك
بس ماسكه روحها غصب<<أموت بالشحرورة
\\
//
في الشرقية.....
مالك يطالع بطلال إلي تغير فجأة
بو طلال "خير يبه وش فيك؟؟
طلال بحده" إنتوا ناسيين يا يبه إن مرام سميتي من وإحنا
صغار؟؟
مالك"!!!!!!!
بو طلال" إيييي يبه بس إنت ما قلت إنك تبغاها قبل ها لوقت
طلال" إيييي صحيح أنا ما تكلمت .... لكني أعتبرها خطيبتي
مالك بهدوء" وعلى أي أساس تعتبرها خطيبتك؟؟
طلال تأزم" وش قصدك يا مالك؟؟
مالك" قصدي معروف .... ما تقيس على كلام أهلك وانت
صغير .... وأنا أعلم الغيب يعني؟؟؟
طلال بضيق" يعني شووو ...
مالك" يعني الوقت غير الوقت والحال غير الحال ... وإذا
خالي وأبوي الله يرحمه قالوا إنكم لبعض هذا ما يعني إنكم
مرتبطين..صح ولا لا
طيب هم قالوا عني وعن شيماء إن إحنا لبعض هل هذا معناه
إن شيماء تكون خطيبتي؟؟
طلال جلس على الأرض ومو عارف وش يقول"!!!!!!!!
مالك" أنا ما أقدر أربط مصير أختي بكلام وإحنا صغار و با
لنسبه لي أنا أعتبر إن شيماء مثل إختي ... فكيف أعرف إن
إنت نظرتك لمرام غير؟؟
بو طلال بضيق" خلاص وأنا خالك اعتذر من الجماعة وقول
لهم إن البنت مخطوبه
طلال ارتاح بكلام أبوه لكن رد مالك جا مثل الصدمة إلي
زلزلته من الأعماق
مالك" لا يا عمي ...أنا ما راح أعتذر من أحد .... بو عبد الله
بكره بيجي مع ولده وأنا عطيتهم كلمه ....
وبعدين لا تنسون مرام ...أنا أقول لها وهي حرة التصرف
وما غيرها إلي يختار شريك حياتها ...
وأنا ما عندي مانع سواء إختارت عبدالله أو طلال
طلال كان متضايق كثير .... وفضل إنه يطلع ويترك المكان
لا يكون يتصرف تصرف يندم عليه طول حياته ...
وطالما في أمل راح يتمسك فيه حتى لو كان أمل ضعيف
\\
//
نواف جالس بالبيت .... متملل وأهله تأخروا كثير
كان رايح راجع في الصالة .... وكل شوي يدق على جوال
طارق ويشوفه مغلق .... تضايق كثير وكان متوعد فيه
شوي إلا ويسمع صوت السيارة جايه .... جلس على الكنبة
ومسك جريده والي يشوفه ما يقول إنه جالس يحترق من
داخله وإنه كان ينتظرهم بشغف ماله حد ....كيف ما يكون كذا
وخواته بيجيبون له كل شي عن نوف وش كانت لابسه ووش
قالت ومتى ابتسمت وكل نفس متى تنفسته ...
وجدته أم عبد الرحمن بعد راح تخزها زين بعيونها مثل ما
يسوون كل الجدات الحريصات بأن ولدهم يأخذ أحلى البنات
وأقوى البنات وأشطرهم
دخلت صيته ونوره وأم عبد الرحمن وطارق ولقوه جالس
طارق" أصلي .... وأسلم ....عليك ....يا حبيب
....الله....محمد.....كلللللللوش
صار يصفق ويغني له والبنات يساعدون طارق وأم عبد
الرحمن تضرب بعصاها على الباب يعني تطبل لهم ....
وخلوا نواف في وسطهم وهم يدورون عليه .... وهو
الإبتسامه ما فارقت وجهه وكان يطالعهم وهم بقمة سعادتهم
وكان خاطره يرقص معهم لكنه مسوي حاله ثقيل
شوي ويدخل بو نواف وهو يصرخ " خيــــــــــر
لحظة صمت با لنسبه للكل وهم مستغربين من ردة فعل أبوهم
....هي فترة وبعدين انتبهوا على حالهم و بو نواف الشرار
يتطاير من عيونه
صعدوا البنات فوق في غرفهم .... وطارق مسك يد نواف إلي
كان يطالع بــــ أبوه ومستغرب من تصرفه
بو نواف يطالع بنواف " وش له هـــ الاحتفال هااااا .... لسواد
وجهك ؟؟
نواف عارف أبوه وش يقصد .......
أم عبد الرحمن " اذكر الله على شوووو ها لنفخه
بو نواف" اسألي ها لدثوي وش مسوي؟؟
نواف بضيق" وش سويت أنا بالله ؟؟؟؟ ما أعتقد إني سويت
شي يسوى كل ها لزعل
بو نواف باستغراب " لا ما سويت شي يا قليل الحيا ....
في أحد يروح يخطب يسوي إلي سويته انت؟؟
نواف بحده" يستاهل أكثر .... مثل ها لخنزير حتى الذبح قليل
عليه... لو موته بيدي ما خليته على وجه الأرض
بو نواف عصب كثير وراح لنواف" الخنزير إنت يا ملعون
يا بن الملعون ما تدري إنك بظفره
رفع بو نواف يده يضربه كف .... لكن طارق تصدى له وجاه على وجهه
في هذا الوقت زاد ضيق نواف وصار يصرخ بوجه أبوه
ودموعه مجمعه بعيونه
نواف" اضربني اضربني ...
إييي معلوم أنا للحين نواف البزر إلي ناقص تربيه
بو نواف" انكتم وترفع صوتك علي يا لنذل
نواف بحده" إلي تدافع عنه هذا يهين نوف قدامي ...تبغيني
أسكت له ؟؟؟؟والله ما أسكت له لو على موتي
بو نواف" اطلع من بيتي يا لله ...ولا توريني وجهك هنا يا لله
الشرهة مو عليك الشرهة علي إلي ما عرفت أربيك
نواف ترك المكان وكان طارق يلحق فيه يبغي يوقفه لكنه أبد
ما كان يسمع إلا كلام أبوه وإهاناته له وهو صاير في طوله
طبعا أم نواف كانت قاتلتها دموعها لكن ما تقدر تقول كلمه
وهو موجود ....
أم عبد الرحمن مو قادرة تمسك نفسها وانفجرت فيه
أم عبد الرحمن" هيييييييي إنت وش شايف حالك عليه هاااا
ما تقولي وش استفدت الحين يوم فضلت خوي إبليس على
ولدك هااا .... بس ما أقول إلا يا حيف على إلي ما يعرف
قدرك يا ولدي.... هذا إنت تسمع
والله لو يصير بنواف شي وهو طالع على وجهه الحين إني ما
راح أرحمك...لا يكون تفكر إن إحنا ساكتين عليك يعني
يرضينا إلي إنت جالس تسويه بها لفقير
بو نواف ينفخ في وجهها ويروح عنها..........
أم عبد الرحمن تبكي" الله يرحم بحالك يا ولدي ترى الطيب
ماله حظ بها لدنيا
\\
//
في الطريق مالك كان يفكر بكلام طلال .... وكيف إنه رد
عليه وضرب عصفورين بحجر ...خليهم يعرفون إن شيماء
ما
تعني له شي .... ومرام بعد معقولة تاخذ غير عبد الله إلي
بالتأكيد حياتها معه بتكون وافره ومريحة
يدق الجوال عنده ......
مالك" هلا با لغلا .... وينك يا وسيم؟؟
ماجد" هلا بيك إنت
مالك" وينك إنت ؟؟ وش صار على الخطبة
ماجد" أنا كلمت الأهل وهم ما عندهم مانع ... قلت بكره بدق
على نواف آخذ منه موعد
مالك" حلوو والله
ماجد" يا لله أسلم عليك
مالك"لا تنسى تخليني با لصوره
ماجد" أكييييد ...يا لله سلام
مالك " سلام
وصل البيت وبعد ما دخلوا داخل نادى مالك مرام ...وطلب
منها إنها ترفع عبايتها وتجيه بغرفته ...بالفعل هذا الي صار
فوق بغرفة مالك...
مرام تدخل عليه وهو سرحان ويفكر
مرام بهدوء حتى ما يفزع" مالك
مالك يلتفت لها ببرود" هلا هلا حياك
مرام تروح تجلس جنبه" خير يا مالك وش بغيت؟؟
مالك يبتسم لها" والله وكبرتي يا لغلا وصاروا الخطاب
يجونك من كل مكان
مرام انحرجت ونزلت راسها"...........
مالك" ههههه أموت في الخجل.... لا تقولين لي إن قلبك ما
يرقص من الفرح
مرام تطالعه وهي تبتسم" والله؟؟
مالك " هههه المهم الليلة بيجون لك بيت ال.... يخطبونك
وأهم من عيله كبيره أصل وفصل
مرام مستغربه" منو؟؟
مالك" ولدهم عبد الله موظف ببنك وأبوه من كبار الشخصيات
وعندهم مزرعة كبيره كثير فيها كل شي
مرام ساكته"..........
مالك" وش رايك .. وليه ساكتة؟؟
مرام مو عارفه وش تقول" إنت سألت عنه؟؟
مالك متشجع" أقولك إنه خوش رجال يعني تفكريني برميك
لمين ما كان ؟؟
مرام متأزمة" ما أدري خليني أفكر
مالك متحير" ما عندي مشكله لكن بكره بيجون أبغي ردك
يكون جاهز....طيب؟؟
مرام تبتسم له" يا لله تصبح على خير
مالك " و إنت من أهله
راحت مرام غرفتها وهي تفكر بطلال إلي كان يقولها شقد
إنه يحبها ... وش ينتظر أكثر ؟؟
مالك بعد كان مبسوط من ردة فعل إخته وردها هذا يدل على
إنها ما بينها وبين طلال أي علاقة وكلامه إلي قاله جايبه من
راسه ومرام مالها علم بالموضوع لا من قريب ولا من
بعيد<<<لكن ليه ما كلمتها عن طلال يا مالك؟؟
\\
//
في بيت بو نواف كان الكل حوالين أم عبد الرحمن إلي جالسه
تبكي وتنعي نواف ....
مو جاي لها قلب تنام وهو بره البيت ..كيف دعاه قلبه يروح
ويتركها وهو عارف إنها لما تصبح بوجهه يكون يومها كله
مليان تفاؤل وحب للحياة ...
أم نواف كانت جالسه جنبها وحاطه يدينها على راسها
وصيته بعد الدموع ما فارقت عيونها ...
لكن نوره ولا على بالها جالسه تلعب بالجوال ووجودها بينهم
ديكور لا أكثر ولا أقل
يدخل طارق بحبة بندول وكاس عصير ويقدمهم لأمه
أم نواف تاخذه من يده " تسلم لي يمه
أم عبد الرحمن تبكي" جيب لك شيله وتملفع فيها وتعال إجلس
جنبي على السرير
طارق يستعبط" من وين أجيبها
أم عبد الرحمن زاد بكاها" آآآآآه يا يمه يا ليتك ما جبتيني كنت
إرتحت من ها لدثوي إلي بيجنني
طارق " قولي قسم ؟؟ بعد ما قضى ثلاث أرباع عمرك
تندمتي إنك إنولدتي ....ههه والله إنك عجيبة
أم عبد الرحمن وقفت من البكي وصارت تطالع فيه ووجها ما
فيه ولا أثر لأي دمعه حتى لو بالغلط
أم عبد الرحمن" ما تقولي شو يجلسك بيناتنا
طارق" أواسيكم يا سحوره
أم عبد الرحمن" قول قسم ؟؟؟ ما تروح إنت ووجهك تدور
على أخوك وين راح .... لا تبط كبدي أقول
طارق" والله إنكم عجيبين ...سحوره لا يكون تفكرين إن
نواف بزر ولا مراهق هايت وما عنده ولا فلس بجيبه
أم عبد الرحمن تطالع فيهم " يعني من جدكم هذا تعدونه بني
آدم علينا ؟؟؟
طارق ساكت ويتلفت عليهم يبغي أحد يرد متلهف يشوف وش
رايهم فيه ....لكنه تفاجأ بصمت الكل
طارق" أفا بس ما هقيتكم سلبيين كذا قدام الطاغية
أم عبد الرحمن " طغى عليك إبليس ولحس عقلك وبعدك عن
ربك قول آمين
طارق بعناد" ماني قايل وش تقدرين تسوين ؟؟
أم عبد الرحمن" تبغي تعرف وش أسوي هااا
وهم كذا إلا ويسمعون فتح الباب كلهم قاموا ركض ومن
ضمنهم أم عبد الرحمن ....ولقوه نواف صرخوا كلهم باسمه
نواف واقف يطالعهم مستغرب من جلستهم ها لوقت
نواف " خير ؟؟ وش مصحيكم ها لوقت؟؟
أم عبد الرحمن تتبكبك" ومنو يجيه نوم وإنت للفجر ما رجعت
البيت
نواف" إييي جدتي بس أنا مو بزر حتى تخافون علي
طارق ينفخ" والله قلت لهم ها لكلام مليون مره بس منو يسمع
هااا
أم عبد الرحمن تخز فيه " إسمعك...
قاطعها طارق" سمعني عزرائيل بليلة ظلمة وأنا بليا ثياب
....حفظناها عندك شي ثاني؟؟
أم عبد الرحمن تروح لنواف تبكي" كذا تروح وتتركني
بالبيت لحالي مع ها لعاصي
طارق يستعبط" ههههه عاصي الحلاني؟؟
نواف" طارق ممكن تصعد فوق الحين
أم عبد الرحمن ترز روحها مو قادره تسيطر على مشاعرها
طارق" قول قسم ؟؟ أنا فدى ها لعيون أصعد ليه لا
أم عبد الرحمن طايره من الفرح" عساني ما أنحرم منك يا
لغالي
نواف يجلس ويجلسها جنبه " يمه أنا جاي أتروش وآخذ
ملابسي وأطلع من هنا
أم نواف" لا بالله تمزح
نواف" لا يمه أنا ما أمزح ...إنتي راضيه بالي يسويه فيني
أبوي يهزئني على الطالعة والنازلة أنا خلاص مليت عيشتي
معه ما أدري ليه يكرهني ها لقد؟؟
أم عبد الرحمن" أنا أقولك يا ولدي ليه أبوك يكرهك
نواف"!!!!!!!!!!!!!
أم عبد الرحمن" أبوك يكرهك لأنك طالع نسخة طبق الأصل لعمك صالح .... في أدبه ورزانته
عمك صالح يا ولدي كان ونعم الرجال .... رجال حقاني وما
يرضى بالغلط ...وإنت طلعت مثله ومثل ما بهدل عمك وموته
ناقص عمر يبغي يكملها فيك
نواف متفاجئ بس مو قادر ينطق بكلمه".........
أم عبد الرحمن "قول تم يمه
نواف بضيق" لا جدتي لا تحرجيني أنا جلسه بالبيت ماني جالس
أم عبد الرحمن" طيعني يمه ...إنت ساير الوضع الحين لحد ما
تملك على نوف وبعدين اخذ لك بيت وإجلس بره ...
لا تعانده وإنت محتاجه ...لأنك عارف أبوك زين
نواف ساكت"...........
أم عبد الرحمن" قوم يمه ...اصعد فوق وخزي الشيطان وفكر
بنفسك ولا تخلي إبليس يلعب عليك
نواف فهم جدته صح وعرف إن كلامها عين العقل ....لازم
يهدي الوضع الحين ولما يتزوج لازم ياخذ نوف ويسكن بره
لأن الأمور ابتدت تسوء أكثر
باس يد جدته واستأذنهم وصعد فوق ....



....

كبرياء رجل وشذوذ إمرأه

البارت التاسع عشر


أم عبد الرحمن" قوم يمه ...اصعد فوق وخزي الشيطان وفكر
بنفسك ولا تخلي إبليس يلعب عليك
نواف فهم جدته صح وعرف إن كلامها عين العقل ....لازم
يهدي الوضع الحين ولما يتزوج لازم ياخذ نوف ويسكن بره
لأن الأمور ابتدت تسوء أكثر
باس يد جدته واستأذنهم وصعد فوق ....
\\
//
\\
مر اسبوع اليوم وتطورات كثيرة صارت
عبد الله زارهم مع أبوه وتمت خطبة مرام ... وهذا طبعا كان
صدمه با لنسبه لطلال إلي ظل يصرخ في خواته إلي ما
كلماها عنه وكيف انه يذوب فيها خصوصا إن شيخه عارفه
ها لكلام ... وعلى طول قدم أوراقه وطلب نقل ما يقدر يجلس
بنفس المكان إلي هي فيه ....
,,
مرام يا غافل لك الله.... هي ما تدري عن طلال لأن مالك ما
كلمها عنه وعبد الله رجال طيب مثل ما قال لها أخوها وما
ينتعيب ..ليه الرفض وهي بتريح أخوها من همها ...
وبصراحة زواج البنت ستره
,,
مالك ما يدري انه حرم حبيبين من بعضهم هو كان قصده انه
يطمن على اخته ما يدري انه باعها وذبح طلال إلي ابتدت
دوامته تدور بشكل جنوني بعد ما فقد مرام
,,
تركي ما يبطل اتصالاته على سلاف ..... زوجته إلي تاركها
وكل ما كلمها تجلس تتشكى له من بعده وإن الدنيا ما تسوى
شي بدونه ....
لكنه حياته عند نوره وزاد شوقه لها بعد ما شاف جمالها وإنها
كبرت كذا فجأة بالنسبة له ....ومنو ما يعشق النور ؟؟
كان يتمنى إنه يتزوجها لو يوم واحد بس المهم انه ينفرد فيها
ويطفي نار شوقه ؟؟
,,
ماجد مو قادر يصبر على فراق حبيبته إلي ما عطته وجه
وغير كذا غيرت رقمها حتى ما يقدر يتصل عليها .... هو
بدوره دق على نواف وقاله انهم جايينهم زيارة خاطبين
...طبعا نواف رحب فيه ولكنه طلب منهم انهم يجونهم بعد
عقده بيوم حتى يكون متفرغ لهم ....
وما فضل انه يتكلم لأحد حتى يجونهم بشكل رسمي ..
,,
نوره ما كانت عارفه نواياه ...هي عارفه إنه ذايب فيها ذوب
.... وهي بس بتربيه حتى مره ثانيه يعرف منهي نوره وشنو
تقدر تسوي...
تركي كان بالنسبة لها مثل فلم الرعب إلي كل ما تذكرته
تصير ترجف مكانها ... خايفه منه كثير حتى لو إنها في
غرفتها مو تاركها خوفها....
وجوده بالبلد يحرق كل كروت الأمان بالنسبة لها تركي هو
الوحيد إلي يشكل خطر بالنسبة لها؟؟
,,
أم عبد الرحمن .... وما أدراك
بهدلت طارق ...طالبه منه يشتري لها جلابية للعقد وكل ما
جاب لها وحده ما عجبتها ... وكان يترجاها توصي البنات هم
أدرى بها لشغلات لكنها أبد مستحيل ترضى ...
لحد ما صار موعدها عند طبيب السكر ....أخذها ووداها
المجمع حتى تختار ...طبعا هي رفضت لكنه وعدها انه
بيشتري لها آيس كريم ومو مهم عنده لو طق السكر عندها
600 المهم انه يرتاح من ها لمهمة الصعبة
والخلاصة انها فشلت طارق وحرجته قدام الناس ...
وبهدلت راعي المحل من كثر ما تنزل في السعر والي
يسمعها يقول قل فلوس عندها ... لدرجه إن صاحب المحل
قالها تاخذها بأي سعر تبغاه ... بعد ما تفاهم طارق معه انه
يعطيه من وراها كل إلي طالبه ...
,,
نوف اسبوع واحد ما يكفيها لكنها ما حبت إنها تزعل حبيبها
.... ما في شي بالدنيا يسوى زعله ....جهزت حالها بسرعة
وطبعا ميثه وصيته ما تركوها لوحدها ....وجهزوا كل شي
معها
,,
نواف الشوق كل ماله ويزيد عن قبل .. ذابحته الرومانسية
وجالس يكتب فيها أشعار لأنه لو ما تكلم وش بداخله يمكن
يجن ....
,,
الليلة العقد وبيت أم نواف مدووشين على الآخر ....
كان هذا الشي جديد عليهم .... فعطوا الموضوع أكبر من
حجمه ... الكل كان مبسوط وفرحان بفرحة نواف إلي ما
تنوصف ...أم عبد الرحمن ما خلت شي ما سوته .... قرت
عليه لين قالت بس .... وطلعت صدقه بإسمه ....
\\
//
في الشرقية....
شيخه" كلامك مو معقول
طلال يطالعها بضيق" وش قصدك ؟؟
شيخه" وش يعني تروح بعثه ؟؟
طلال بدون اهتمام " عادي..أنا بروح شغل
شيخه" إييي بس انت شايف إن ابوي بروحه ما وياه أحد
كيف تتركه لوحده وهو محتاجك؟؟
طلال" إلي صار ...وثانيا كلها ستة شهور وأنا راجع
شيخه" الكلام معك ما يفيد
تركها طلال وراح من عندها
أم طلال تبكي" الله يسامحك يا مرام ...
شيخه" يمه مو تحطي اللوم على مرام .... هو الرجال ليه ما
تصرف ؟؟
أم طلال" انزين يمه حاولي معه
شيخه" شو أحاول يمه ... شوفيه شلون ميبس راسه
راحت شيخه من عند أمها وهي قلبها معصور عصر
\\
//
في الرياض .... وفي بيت أم تركي بالذات
غرفة ميثه ما تبان من كثر الفوضى إلي فيها .... تدخل عليها
نوف وتلاقي الزحمة عندها ....
نوف" وش جالسه تسوين ؟؟
ميثه" أرتب حالي ....شغلتيني معك والحين بتفرغ لنفسي
نوف" وش ها لغرفه ...لو أحد يدخل هنا وش بيقول؟؟
ميثه بلا مبالاة" ومنو بيتكلم هااا ؟؟ ومنو بيدخل أصلا ؟؟إنت
ناسيه إن الخطوبة بالمزرعة ؟؟
نوف" لا مو ناسيه بس شكلك انت إلي نسيتي إن بيت خالي بو
راشد جايين من الإمارات
ميثه متفاجئه" شووووو؟؟
نوف" يعني ما تدرين ؟؟
ميثه وعيونها مليانه دموع" لا ما دريت
ميثه تطالع بالغرفة ... وبعد كذا صارت تبكي وجلست على
الأرض
نوف بحده" وش له البكي ؟؟ الحين راح يسيح المكياج
ميثه" لو تدخل مرت خالي غرفتي وتشوفها كذا وش بتقول
عني هااا.... بعدين بتروح لراشد وبتقوله عني إني وسخه
نوف" الحين نادي الشغالة ترتبها لك
ميثه بصدمه" هاااا ... من جدك سيتي ما راحت المزرعة
نوف تبتسم " لا
ميثه صارت تصرخ باسمها .... وهي بقمة سعادتها
\\
//
في الشرقية....في بيت بو طلال
يدق التلفون ...
طلال" الوووو
مرام بهدوء" السلام عليكم
طلال صوتها ذبحه " وع...وعليكم
مرام بنعومة" شلونك يا طلال ؟؟
طلال ودموعه بعينه" أنا ؟؟ ممتاز ....في أحسن حالاتي
مرام قلبها صار يدق كثير" عساك دوم
طلال بحده" مبروك يا بنت عمتي .... تستاهلين الخير
مرام ودها تلومه انه بيوم من الأيام وعدها لكن الحين وين
مرام" مشكور ما تقصر
طلال مو قادر يستمر معها"مرام
مرام " هلا
طلال" انت طالبه منو؟؟
مرام وكأنها ما سمعته " صحيح بتروح بعثه ؟؟
طلال مو قادر يتكلم" ايييييييه
مرام " وليه تترك إلي يحبونك وتروح
طلال خاطره يقول لها انت السبب يا مرام انت إلي بعتي حبي
...انت و محد غيرك
طلال" الرزق يا بنت عمتي الواحد لازم يحسن من مستواه
مرام" الله يرزقك ... انتبه لحالك يا ولد خالي
طلال خانته دموعه وترك السماعة وصار ينادي لشيخه حتى
تجي تكلمها
\\
//
في المزرعة .... كانت أم عبد الرحمن وأم تركي وأم نواف
أول الواصلين
كانوا جالسين يرتبون ... ويجهزون الشاي والقهوة و الحلى
للضيوف ... مع إن الجلسة عائليه لكن البنات لزموا إنهم
يدعون صديقاتهم وأمهاتهم
شوي إلا بجيه أم راشد وطروب وزهور ... كانت فرحتهم
فيهم ما تنوصف
تجمعوا الضيوف والبنات للحين ما وصلوا .... طبعا نواف
طلب من طارق انه يروح يجيب نوف حتى ما تتعرض
للحيوان تركي .... فأهم شي بالنسبة له إنها ما تتكدر الليلة
بأي حاله من الأحوال
وبالفعل .... وصلت العروس وكان زمور السيارة تبع طارق
ضاجة بالمزرعة لحد ما حس نواف إن روحه بتطلع لكن
تركي كان له بالمرصاد .... وكان جالس على قلبه وكل واحد
يطالع في الثاني ويتمنى إن الصبح ما يطلع عليه ....
لكن أم عبد الرحمن علمت نواف كيف يتعامل معه ويغيضه
وهو ساكت <<< ههههه مدرسه يا بعدي
وصل الشيخ .... وأخذ موافقة نواف إلي كان من فرحته يسبق
الشيخ بكلامه ... وبعد كذا طلب من بو تركي انه يآخذ
الموافقة من البنت ويخليها توقع في الدفتر الخاص
,,
داخل بالمزرعة كانوا البنات يتكلمون مع نوف إلي كانت
طالعه ملاك يمشي على الأرض ....
شو حاسة وشنو آخر طلب تطلبه قبل ما تدخل عش الزوجية
وكل وحده من البنات يقولون لها تدعي لهم إنهم يكونون بعدها
.....طبعا هي كانت الإبتسامه ما تفارق وجهها مع حمرة خجل
البنات كانوا يتنافسون بالجمال والأناقة وكل وحده تقول الزود
عندي بالذوق
,,
ميثه... كانت لابسه فستان تركواز داخل معه الأصفر ....كان
بالحرير الطايح مره ....وحاطه لها ربطه على شعرها ...إلي
مخليته على راحته مكياجها نوع ما جريء لكنه كان متناسق
وحلو ...كانت بجد ناعمة كثير
,,
صيته .... كانت لابسه فستان أحمر حريري ...فيه قطعة فرو
بالصدر مليانه بخيوط اللؤلؤ وفيه فتحه للركبة .... وكانت
رافعه شعرها بشكل عشوائي وحاطه فيه كريستاله كبيره
ومنزله لها غره ناعمة على وجهها زايده على جمالها جمال
و مكياجها كان ناعم كثير ...
,,
طروب.... كانت لابسه فستان باذنجاني قصير ... وكانت
لابسه بوت طويل.... وشعرها مخليته على راحته وحاطه فيه
تاج ناعم كثير يدل على نعومتها وأناقتها
,,
زهور العروس .... كانت لابسه فستان ليموني طويل وكانت
لابسه فوقه صدريه مثل المشد بارز فيها جمال قوامها ...
وشعرها قصته فراوله ومخليته على راحته
,,
نوره.... كانت لابسه فستان مخملي أسود مطعم بكريستالات
صغيره على الصدر .... كان عبارة عن بلوزه وتنوره .
...التنوره حاشيتها مليانه كريستالات .... وحاطه ورده كبيره
على صدرها فضيه ووحده ثانيه على شعرها إلي كانت
رافعته كريزي .... والوردة ضايعه فيه ...مكياجها كان ناعم
كثير لكنه بارز ملامحها الجميلة ....كانت ملكه وكانت أشيك
وحده بالبنات
,,
دخل بو تركي لعند البنات بعد ما طلعوا زهور وطروب من
يمهم .... وكانوا البنات يزغردون ويذكرون الله ورسول الله
بو تركي " شلونك يبه
نوف" الحمد لله طيبه
بو تركي " نوف الشيخ طلب مني أجي آخذ رأيك إذا كنت
موافقة على نواف أو لا
ميثه"إيييي يبه موافقة ...أكيد هي بتحصل مثل نواف؟؟
بو تركي يطالعها بنظره زعل" ميثه .... روحي هناك عند
بنات خالك
نوره حاطه يدها على فمها " هه
ميثه تطالع بنوره وودها تقتلها" إن شاء الله يبه
بعد ما طلعت ميثه ...
بو تركي " هاا يا نوف ما سمعت موافقتك
نوف تنزل راسها " إلي تشوفه يا يبه
بو تركي " أنا أسألك انتي .... انتي موافقة عليه أو لا
صيته تدقها بكتفها
نوف بصوت واطي " إييي يبه
بو تركي يسألها مره ثانيه" انتي موافقة على نواف يا يبه
نوف بدون تردد" إييي يبه موافقة
بو تركي يبتسم ويعطيها الدفتر حتى توقع عليه
بعد ما وقعت تعالت الزغاريد في الغرفة ...أخذ بو تركي
نوف لحضنه وباسها بين عيونها ... وكانت عيونه تلعب فيها
الدموع لكن ما حب انه يبكي ويخرب عليها فرحتها
طلع بو تركي من عندها التموا عليها البنات إلي يزغرد والي
يرقص فرحانين بقلب لنوف ونواف
,,
في مجلس الرجال .... دخل بو تركي ووجهه أحمر كان شكله
غريب ... مال تركي لنواف وهمس له
تركي" شكل العروس انكبت فيك يا ولد العم
نواف فز واقف وراح لعندهم .... ما وصل لعندهم إلا بعد ما
بلغهم بو تركي بالموافقة ... عندها طالع الشيخ بنواف إلي
جاي جهته ...
الشيخ" الله يبارك لكم يا ولدي .... الله يجمع بينكم بخير ...
الف مبروك
نواف عندها ما لقى قدامه غير الشيخ أخذه لحضنه من فرحته
وصار هو إلي يقول للشيخ مبروك
طبعا تركي كان يطالعه بنظره حاقدة مو عاجبه ها لوضع ....
راشد" مبروك يا ولد عمتي عقبالك إن شاء الله
تركي ما نزله راشد من زور" اييي يصير خير
راح عنه وتركه وهو يطالع فيه ومستغرب من تصرفه معه
...وصار يكلم حاله معقولة عرف إني أنا من كلمت ميثه ؟؟؟
,,
داخل عند البنات كانوا البنات يجهزون البوفيه .... والمسجلة
على الآخر والعروس ما نزلت ...لأن البنات قالوا لها الأفضل
إنه يدخل وبعدين انت تنزلين من فوق ويصير الاهتمام كله
عليك
صيته كلمت نواف وقالت له يدخل لأنهم منتظرينه و ما يبغون
يتأخرون حتى يفتحون البوفيه
وبالفعل .... دقايق وهو عندهم .... وقفوا البنات بجنب الباب
ينتظرون دخلته .... بالفعل كان وسيم كثير كثير .... الثوب
والشماغ كأنهم مفصلين له و ما يلوق لأحد يلبسهم غيره....
نواف كانت حصته بالوسامة الشي الكثير
دخل نواف وقامت الزغاريد تعلوا بكل مكان والريحان
والحلاوة في كل مكان .... كانت ضحكته عجيبة تدل على
مدى سعادته .....
طبعا أم عبد الرحمن راحت له ولمته بين يدينها .... ما أقول
لكم إنها عفست الدنيا ...إلا جابت عاليها واطيها
بهدلت الشماغ والعقال لكنه أبد ابتسامته ما تركت خده ثانيه
وحده
بعد ما فكت من عنده أم عبد الرحمن راح لأمه وباس راسها
ويدها ... وراح سلم على عمته أم تركي
وبعدين البنات حطوا له أغنية راشد الماجد
أطالع جمالك وعيني تشوف ولا شفت مثلك في عيني محال

أحبك وحبي بقلبك شغوف سحرني جمالك وذاك الدلال

صاروا صيته ونوره يرقصون بجنب أخوهم وفرحتهم ما

تنوصف ..... وهو بعد كان فرحان فيهم كثير ... ونظراته

تتحول لأمه وجدته يبغي يشوف مدى فرحتهم ....إييي أكيد

يحبهم يفرحون معه

شوي إلا وتتحول الاغنيه إلى أغنية نانسي

إحساس جديد ....بقلبك بيزيد....
تحسه كل ما تتطلع فيي ...
انك على طول فييي مشغول...
كثير بتشتاق لي وتموت عليي
أنا مابدي تقولي كلام ...
يذوب قلبي حنين وغرام...
يكفيني إني بحبك هذي الكلمه بتقتلني

تحولت الإضاءة إلى جهة الثانية الكل حول نظره هناك لعند

الضوء طلعت من عنده ملكة القلوب .... صار نواف يدقق

النظر يبغي يشوفها ... كانت تمشي بخجل ملاحظ

كانت ملاك بصورة بشر ...

(كانت لابسه فستان أحمر ومطعم بالأسود .... كان عبارة عن

تنوره وبلوزه .... البلوزة صدريه مليانه كريستال ... وبارزه

جمال الجسم ... وبعدين التنوره كانت ضيقه كثير لحد الركبة

وبعدين فيه جيبونه كبيره ... وكانت حاطه تاج كبير على

جانب شعرها ولافه خصل شعرها عليه وكان كل شعرها

جهة التاج .... مكياجها كان بارز عيونها أكثر ... وحاطه

روج أحمر محول شفايفها وكأنه قطعه كرز .... وحاطه قفاز

على يدها اليمين )

كانت تمشي جهته ورأسها منزلته وخصل شعرها على وجهها

...وصايره تمشي وترفع الجيبونه كانت كبيره كثير بالنسبة

لجسمها الناعم

نواف كان فاتح عيونه على الآخر مو قادر يرمش يخاف إنها

ترفع راسها وما ينتبه لها ...لما قربت منه مسكته صيته

وأخذته لها .... عندها نوف صارت تخطي خطواتها للورى

... كان متفاجئ وهو يطالعها ... ما لقى إلا أم عبد الرحمن

تروح من وراها وتسحبها له ... في ها لوقت تحول خجلها

إلى ابتسامه عريضة ...انعكست على شفايف نواف .... سلم

عليها وباسها بين عيونها ...عندها رفعت نوف عينها فيه ....

وطاحت عينها بعينه ...همس لها نواف بكلمه وعلى وجهه

ابتسامه جميله ما ميزتها من خجلها نزلت راسها ... مسكها

من يدها وصعد معها على المنصة....وقفوا شوي للتصوير

إلي ميثه ما خلت لقطه ما خذتها لهم .... كل هذا ونوف منزله

راسها ونواف صاير يختلس النظر لها وكأنه مو مصدق حاله

إنه واقف معها... ما وقفوا البنات رقص قدامهم ... وكان

ساعة يطالع بخواته ويبتسم لهم وساعة يطالع فيها .... سحبت

صيته نوف لعندها وصارت ترقص معها طبعا كانت نوف

منحرجه .... وخصوصا إن نواف ما ترك يدها وصايره بين
مد وجزر

بعد نص ساعة .... طلبت أم عبد الرحمن إنهم يدخلون

العرايس الغرفة الثانية حتى يلبسها الطقم....

بالفعل دخل معها الغرفة وكانت نوف ماسكه صيته بيدها

نواف يبتسم لصيته" يا هلا والله بحبيبة أخوها

صيته" مبروك بصراحة الحفلة روعه وانتوا أروع

نواف يغمز لها بعينه يبغيها تطلع .... لكنها تأشر له إن نوف

ماسكتها ...عندها مسكها نواف بيدها الثانية ... وراحت صيته

ونوف كانت متابعتها بنظراتها وكأن إلي طلعت أمها وهي

وحده صغيره مو قادرة تتصرف

نواف يطالع فيها " حبيبتي انت

نوف تنزل راسها بخجل"...........

نواف يجلس ويجلسها بجنبه ....

نواف" يطالعها بحب" وأخيرا يا عمري

نوف تبتسم ".........

نواف " مبروك علي انتي يا قلبي

نوف تطالع نواف" أنا بعد مبروك علي انت

كان نواف يطالع في نوف وهايم ببحر حبها كان جالس يدقق

بملامحها .... وهي بعد كانت تطالعه بشوق

قرب منها نواف وباسها ....حس نواف تغير مود نوف كثير

كانت هي متوترة بشكل مو طبيعي

ودموعها متجمعة بعينها .... ولو يكلمها راح تبكي أكيد

نواف يطالع بيدها الي فيها القفاز ...تذكر كلام تركي وكأن

أحد مسك قلبه وعصره عصر

مسك نواف يدها وحاول يسحب القفاز منه ... عندها سحبت

نوف يدها منه وقامت وقفت وعطته ظهرها

نوف" تكفى يا نواف...........

نواف يوقف لها ويكلمها بهدوء" نوف .... طالعيني

نوف صارت تبكي ومو قادرة تطالع فيه" ...........

نواف يمسكها من بين أكتافها ويلفها له ... ويلمها لصدره

وقتها نوف حست بجسمها كله يرجف مو قادره تسيطر على

أعصابها

نواف بحب" نوف .... طالعيني

نوف تحاول تمسح دموعها " أنا آسفه ...غصب عني

نواف يطالعها" ليه ؟؟

نوف مو قادرة تتكلم تدري لو تكلمت بتنفجر بالبكي

نواف" تدرين إني أعشقك بعدد النجوم؟؟

نوف تمسك منديل وتمسح دموعها"...............

نواف " طيب ما راح تلبسين الطقم ؟؟؟ ولا أرجعه؟؟

نوف تبتسم "...........

نواف بحب" يسلم لي الوجه الملائكي

يمسكها من يدها ويجلسها على الكنبة ويجلس عندها

نواف" شوفي يا قلبي ....إنا جايك على وجهي مو بعدين

تشتكيني عند أهلي وتقولين ما يعرف يلبسني

نوف تضحك" ههههه

نواف" آآآآآآآآآه يا قلبي .... تكفين رحمي قلبي

نوف بعشق" بسم الله على قلبك

نواف يقرب منها " من جدك؟؟

نوف تبعده شوي عنها " شكلك ما بتلبسني الطقم ودك ترجعه ؟؟

نواف" هههه والله انك مو هينه تعرفين تتهربين

نوف تبتسم وتنزل راسها ....هي عارفه مغزاه

قرب منها نواف ولبسها العقد ... وكان ملاصق لها لدرجة إنه

صار يسمع دقات قلبها إلي صارت تتسارع كل ما قرب منها

أكثر ... لبسها الحلق بمساعدتها طبعا ....ولما جى دور

الإسوره صار يطالعها مدت له يدها اليسار .... لكنه مسك

يدها اليمين وصار يطالعها ....استسلمت لرغبته مع إنها كانت

في موقف لا تحسد عليه وتمنت لو إن الأرض تنشق وتبلعها

مسك يدها ورفع القفاز عنها ....لما شاف يدها حس بقلبه

وكأن أحد طاعنه فيه ....تصنع الا مبالاة ...ولبسها الإسوره

فيها وقربها لعنده وباس يدها ...وهذا الشي خلاه يكبر في

عينها أكثر ... صار يطالعها نواف ويبتسم

نوف تطالعه" ذوقك كثير حلو

نواف" أكيد مو أنا مختارك؟؟

نوف" ههه محد يغلبك بالكلام

نواف" تدرين منو أحسد أنا ؟؟

نوف تطالعه تنتظر الرد

نواف" أنا أحسد خصلة شعرك إلي راميه حالها على خدك

نوف تبتسم وهي عيونها بعيونه".....

نواف يزيح خصلة شعرها ويبوسها ... كان يحس انه بعالم

ثاني ... صار يقول بخاطره


يا من تطلب السعادة تجيني
من زودها أحس با لمنيه تجيني
وقلبي بتوقف دقاته وهم ما يجيني
لأن حبها من الموت ينجيني
****
سمعت الصوت من زادت ونيني
وضميت العشق يوم انها تهنيني
قبل حبها حاشاه القلب يسمع حنيني
اليوم يوم قلبي وبالعشق اشجيني
عشقت سهام عينك لو بنظري تصيبيني
****

تكفون كتبوا وصيتي ولا تجيبوا خبرها
كل ما قلت أعشقك صابتني بنظره من نظرها
رحت بالعشق ميت وأقدم روحي مهرها
منو يقدر يقول عاقل وأنا مجنون بقمرها
****
مسكت يدها بقربها ولجبينها بقبلها
خانت يدي لمسها ومالت على كتفها
وشفّتي اليوم خانت حياها وخجلها
يكفيني بس ألمها وأسمع بإذني نفسها
*غروب

كبرياء رجل وشذوذ إمرأه

البارت العشرون
\\
//
\\

البنات متجمعين على البوفيه وجالسين يتكلمون ويضحكون
أكثر من إنهم ياكلون .....
ميثه ضبطت صحن من البوفيه وقدمته لخالتها أم راشد
ميثه" نورت الرياض يا خاله
أم راشد ترفع يدها " الله يبلغني أجي خطبتج
ميثه تبتسم "..........
أم عبد الرحمن" الله يهنيهم ويفكنا منهم ....هم البنات للممات
صيته تقدم صحن لأم عبد الرحمن " والله جدتي ؟؟
أم عبد الرحمن" لا إلا انت انت حبيبة جدتك
صيته تلمها لها " يا بعدي والله
نوره" ههههه تقصدني أنا مو انت يا صيته ريحي حالك
أم عبد الرحمن تتجاهلها " إلا وش أخبار أم حمد يا أم راشد
أم راشد" والله كلهم بخير وبلغوني أوصلك سلامهم
أم عبد الرحمن" الله يسلمهم والله إنهم من خيرة الناس
ميثه" صيته خلي أخوك يطلع اشتقت لأختي
صيته" من جدك انتي ؟؟؟ ما خذ لهم نص ساعة
نوره" هههه إلا ماخذتها الغيرة ...أقول لما يجي دورك
بنشوف وش بتسوين
ميثه بدلع" والله أنا لو جى صاحب النصيب ما راح تشوفوني
أصلا
البنات" هههههه
نوره باستفزاز " هه لما يجي مع انه مو باين في صاحب
نصيب كلش
طروب"وشوو ؟؟؟ صاحب النصيب جاهز بس يستنى إشارة
ميثه تدعي الخجل".........
نوره باستغراب" شلون يعني ؟؟
زهور" ميثه ....روحي تطمني على نوف لا يكون صابها شي
ميثه " إيييي والله بروح أودي لهم عصير حجه حتى أدخل
عليهم
البنات " هههههه
,,
عند نوف ونواف ... كان جالس بجنبها وماسك يدها
نواف " يعني بس أبغي أعرف كم يبغي لك وقت حتى
تتعودي علي
نوف ووجها أحمر " عادي
نواف بعشق " على قد ما أقول انك قمر ما أعطيك حقك
نوف منزله راسها "عيونك الحلوة حبيبي
نواف" آآآآآآآه كلامك يذبحني ...والله أنا مو مسؤل عن أي
شي أسويه بعد إلي قلتيه
نوف تبعد عنه" والله لو تقرب أنادي لك تركي
نواف يبتسم " يعني تهدديني ؟؟
نوف تطالعه وفي عيونها خوف " لا
نواف شافها ارتبكت استغل الموقف " إلا كلامك يقول كذا
نوف تلتفت له" والله مو قصدي كنت امزح معك
نواف يتصنع الزعل ووقف" يا لله مع السلامة
نوف تركض وراه" نواف حبيبي ...
نواف ولا كأنه يسمعها" ......
نوف الدموع موصله حدها وتمسكه" نواف والله امزح معك
لا تطلع بأول ليله لنا و انت زعلان
نواف يطالعها " نوف ... لا تدقين على الجوال لأني بقفله
وبكره ما راح اقدر أجي عندي شغل
وقتها نوف ما قدرت تمسك نفسها وراحت عنه وصارت تبكي
...وقتها نواف تفاجأ من ردة فعلها ما توقع إنها بتاخذها جد
كذا .... راح لها على طول وجلس عندها
نواف باستغراب" نوف...
نوف ترمي حالها في حضنه وهي تبكي" والله ما كان قصدي
إني ازعلك كنت أحاول إني امزح لكن المزح ما يلوق لي
صدقني ما راح أعيدها بس سامحني انت
نواف مبسوط إن نوف تهتم لزعله ها لقد ومبسوط أكثر إنها
مرميه في حضنه برغبتها وانه يسمع صوتها الناعم في إذنه
.... بعدها نواف عنه وصار يمسح دموعها
نواف" أثاريك زعول ...أنا كنت أمزح معك
نوف تطالعه مستغربه ".......
نواف" يعني تعتقدين إني اقدر ازعل منك؟؟؟
أنا مستحيل ازعل بهذي الليلة إلي تمنيتها طول عمري ....
وجودك معي بهذي اللحظة هي أمل عمري ...هي فرحة
أيامي وسنيني ...وجودك يعني لي الكثير ....يكفيني اطالع
بعيونك والمس خدك بيديني
نوف بزعل" يعني كنت تلعب بأعصابي ؟؟
نواف" كنت بشوف وش بتسوين
نوف" انبسطت يوم خليتني ابكي وو....
نواف يبتسم لها " انبسطت أكثر لما لميتيني .....
تدرين ان حضنك مليان عشق وكل دقه من دقات قلبك تنادي
بإسمي ؟؟
نوف عصبت منه وقامت وهي تمسح دموعها " طيب يا
نواف أنا اوريك
راحت من عنده ....وقتها مسكها من يدها وسحبها جهته
وصار يطالعها بوله عندها ما قدرت نوف إنها تطالع غير
بعيونه إلي خذتها لعالم ثاني عالم مليان بأعذب الألحان
وهم كذا يدق الباب .... وقتها فزعوا ثنينهم وكل واحد جلس
بجهة وصارت نوف تعدل بحالها ونواف يطالعها وهو مبتسم
من ورى الباب صيته ونوره" ممكن ندخل
نواف يبتسم" حياكم
دخلوا البنات ...عندهم وهم منحرجين
نواف" هلا هلا بهادم اللذات ومفرق الجماعات
صيته" هاااا نطلع ؟؟
نوف " لاااا وش ها لكلام حياكم
نواف يبتسم" والله تسوون خير
وقتها نوف طالعت بنواف إلي غمز لها ...وقتها سمعت
ضحكة البنات إلي ما شالوا عينهم من عليهم
بعدها ما أقدرت ترفع عينها بعينه وبعين خواته
نواف كان مبسوط على الآخر عاجبته نوف بكل ما فيها
...خجلها وطيبتها وبساطتها وكل شي فيها حلو ....
\\
//
في جده وعلى صوت الموسيقى
كان جالس على السرير ...يقلب في جواله يتفرج على
الرسائل إلي جاته من عشوق ويتخيلها
شوي إلا يدق الباب
ماجد يجلس " أيوه .... ميييين
دلع تطل براسها " نايم؟؟
ماجد" ههههه اييي نايم وبكلمك هااا
دلع " هاااا أخبار النفسية؟؟
ماجد " بموت ...أحس ان الوقت بطيء مو راضي يمشي
دلع" أبوي يبغيك تحت ...إنزل كلمه وبعدين نام حتى يضيع
الوقت عليك
ماجد" لا بالله؟؟
دلع" إييي والله ...
ماجد " على أساس بيرجع بكره من مصر
دلع" يقول حصل حجز الليلة
ماجد" يا لله أروح أشوفه
نزل ماجد تحت لقى أخوه محمد وأمه جالسين في الصاله
وأبوه مو موجود ...فهم إنه مقلب من دلع
ماجد بحده" دلــــــــــع
بو ماجد طالع من غرفته " هلا يبه شلونك ؟؟
ماجد يبتسم يوم شاف أبوه" هلا وغلا تو ما نورت البلاد
بو ماجد" هذا نورك يا بو مالك
ماجد" هاا وش أخبار أم الدنيا معك
بو ماجد" والله .... من رحت وأنا أشتغل ما في وقت إني
أروح مكان
أم ماجد جايبه القهوة" لا تصدقه يا بو مالك ..تلاقيه طوى
شوارع مصر طي
بو ماجد يلتفت لها وعلى وجهه ابتسامه" وش أسميه كلامك يا
أم ماجد ؟؟
دلع من فوق" غيره يا بابا
أم ماجد تمد له القهوة" وليه ما أغير وعندي أحسن رجال
بالدنيا ...يحق لي أخاف تروح مني
بو ماجد يطالعها بابتسامه " ليه وأنا شفت وحده أحسن منك
بها لدنيا كلها وما خذت؟؟
ماجد" والله ؟؟ أقول تصبروا علي بروحي أبغي أخطب حتى
أسمع الكلام الحلو هذا
دلع تجلس جنبه" آآآآه خسارتك يا قمر في الزواج
ماجد يطالعها " لا بالله ؟؟
محمد من بعيد " اللـــــــــــــــــــــــه قوووووووووووووول
دلع بضيق" يوووه بسم الله علي
ماجد" الحين انت ما تقولي وش يخليك تترك جلستنا الحلوة ؟؟
محمد" انتوا لاحق عليكم لكن المباراة ما تتفوت
بو ماجد بجد " التفت لي يبه
ماجد" هلا يبه أنا معك
بو ماجد" خلاص رتبت مع الجماعة؟؟
ماجد" إييي بالله ...كلمت أخوها وعطاني موعد بكره بعد
صلاة العشا
بو ماجد" الله يوفقك يبه .... بس متى حجزت؟؟
ماجد" على الظهر يبه
بو ماجد يطالعه باستغراب" مو بدري يا بو مالك ؟؟
أم ماجد" لا والله يا بو ماجد .... تعرف نبغى نروح نرتب
روحنا بالأول .... وبما إنها أول مره نشوفهم لازم نروح لهم
وإحنا بشكل لائق
ماجد وقتها حس إن الموضوع جد ... وصار هايم في بحر
شوق صيته وجلس يكلم حاله
الله يكتب إلي فيه الخير ويكون بكره أول سعادتي يوم أكون
بجنبك وما بيني وبينك غير كم متر يا بحر شوقي
؟؟؟؟؟؟؟
\\
//
في الرياض وعند نوف ونواف
نواف " يعني شووو بتظلون جالسين عندكم ولا ايش؟؟
نوف تهمس لصيته" لا تطلعين ولا أقتلك
نواف يبتسم ويطالع بصيته" بالله وش يهمس لك القمر
صيته تطالع بنوف" ههه أقول؟؟
نوف تفتح عيونها على الآخر" لااا
نواف" من جدكم ؟؟ يا لله نوف سمعيني وش قلتي لها
نوف تبتسم" ......
نوره" أقول لا يتناجى إثنان
نواف" خليهم عنك أنا أعرف كيف أخليهم يتكلمون
صيته" هههه أنا مالي دخل إذا نوف بتقول لك براحتها لكن أنا
ما يخصني
نواف يلتفت لنوف وعلى وجهه ابتسامه ساحره" لا بالله ....
نوف بتقولين ولا؟؟
نوف تبتسم له " ولا
نواف عجبه إن تكون نوف مرتاحة ها لقد قرب منها وهمس
بإذنها ...كانوا البنات مفتحين آذانهم عدل يبغون يسمعون شي
.... لكن لما شافوا رد فعل نوف وكيف إن وجهها امتلى دم
من الخجل فضلوا إنهم يطلعون من جنبهم لأن نواف جريء
والله العالم وش قال لها
نواف " هههههه هاا بتقولين ولا شووو
وهم كذا ما سمعوا إلا صوت دق خشن على الباب وصوت
تركي من بره مثل الزلزال ...عندها فزوا البنات وراحت
نوره لنواف تتحامى فيه وكلها خوف عندها نوف تلاحقت
الموقف وصاحت فيه
نوف" لحظه جايه تركي لا تدخل
نواف على وجهه علامة تعجب لكنه كان خايف كثير على
نوره إلي كانت مثل العصفور الجريح تحته صار يلمها
ويطمنها إنه ما راح يدخل وش له الخوف كله
بره عند تركي
تركي" لا بالله ؟؟ لا يكون ولد عمك بينام هنا ؟؟
نوف بخوف" لا أكيد بيمشي
تركي" خبريه يطلع الحين ماله داعي حركات العشاق هذي
نوف بضيق" لا ما أقدر أقوله يمشي
تركي يزيحها من طريقه " ما بتقولي له أنا بخبره
نوف مفزوعه" لالالا ...أنا بخبره
تركي" ربع ساعة لو ما أشوفه عندنا ما راح يصير طيب
فاهمه؟؟
نوف منزله راسها " إيييي فاهمه
تركي" والحين انتوا وش ناويين عليه بتنامون هنا
بالمزرعة؟؟
نوف " اييي الظاهر كذا
تركي طيب خلصينا بلا لعب عيال انت معه
نوف بغصة" إن شاء الله
تركي بقرف" هه صايره لي مهرج على غفلة تفكر نفسها
هيفاء وهبي الله يرحم بنات لبنان على الجمال والدلال مو
انتوا يا خياش
نوف تركته ودخلت داخل من غير ما ترد عليه ظلت واقفة
ورى الباب ومنزله راسها
كان نواف يطالعها ينتظرها تخبرهم شو صاير أو على الأقل
تجي تجلس عندهم .... صيته شافت حال نوف عرفت
السيناريو ...مسكت نوره من يدها وطلعوا بره ....عندها
نواف راح لعندها ... ورفع راسها بيده
نواف" خير يا عمري
نوف تصد عنه" خير حبيبي ما في شي بس....
نواف" بس شووو
نوف" تركي .....
نواف يقاطعها بحده " والله لو أذاك بكلمه لأقتله
نوف بضيق" تكفى نواف بروحي تعبانه
نواف متأزم " نوف .... تبكي؟؟
نوف تمسح دموعها " لا لا بس ما أدري وش دخل في عيني
نواف يمسك خدينها بيدينه ويرفع راسها" وريني عينك
رفعت نوف عيونها فيه" حبيبي خلاص ما في شي
نواف يبوسها بين عيونها " ما أبغى أشوف دموعك مره ثانيه
لو على شان من كان ....
ما حد يستاهل تنزلي دمعه من دموعك على شانه فاهمتني ؟؟
نوف تبتسم له وتهز براسها يعني إيييي
نواف" يا لله حبي بروح أنا تبغين شي ؟؟
نوف " سلامة عمرك حبيبي
نواف بشوق" راح أعطيك ساعة تغسلين مكياجك وتبدلين
وأبغي أسمع صوتك .... ما أبغي أنام الليلة غير لما أسمع
صوتك ...طيب؟؟
نوف"من عيوني
نواف" تسلمين لي يا بعدي.... أقول قلبي
نوف" هلا
نواف بعشق"ما في شي على الماشي ؟؟
نوف" هههه لا
نواف بوله" تكفين بوسه بس
نوف بداخلها فرحه لا توصف" إن ما رحت ببكي
نواف يبتسم لها" والله عرفتي كيف تمسكيني من يدي إلي
توجعني
طلع نواف وهو متعلق فيها أكثر من قبل ...راح جلس عند
الرجال وهو في عالم ثاني ...موجود معهم بجسمه بس لكن
روحه هناك مع حبيبته إلي تملكته بكل مشاعره من أول ما
انتبه للدنيا ...نوف ومن غيرك في قلبي؟؟
,,
داخل عند البنات ...طبعا استلموا نوف وهاتك يا تحقيق
...وش قلتوا وكيف طالعك وش رديت عليه ....
لكن نوف كانت تتحفظ على كلامها وما تقول لهم كل إلي
صار لأنهم أكيد بيلومونها على تصرفاتها وعلى خجلها الزايد
إلي اليوم قليل من البنات محافظه عليه
الجلسة كانت ولا أحلى ....طبعا البنات اهتموا كثير بأكل نوف
لأنها من الصبح ما حطت شي بحلقها ... وهي لازم تتغذى
زين وتحافظ على جمال جسمها وحيوية وجهها لأن الزواج
بعد ثلاثة شهور
شوي إلا نادى نواف على أهله إنهم يطلعون .... وهذا الشي
خلى نوف تروح ركض لغرفتها يدوب تمسح مكياجها
وتتروش حتى يكون ما عندها شي لما يكلمها نواف
\\
//
في الشرقية وفي بيت أم مسعود
رغد تأشر على مرام ...تخبرها إن عبد الله على التلفون
لكن مرام ما عطتها وجه ولا كأنها تسمعها ...وهذا الشي خلى
رغد ترتبك وتتحجج لعبد الله وتقول له إن مرام نايمه
بعد ما قفل عبد الله الخط راحت رغد لعند مرام وهي معصبه
على الآخر من الموقف
رغد" هيييي انت مره ثانيه ردي على الرجال ...حرام عليك
صار له اسبوع يحاول يكلمك وانتي محد
مرام بحده" وين مفكر حاله هو إلي يبغيني اكلمه .... ينتظر
إلى بعد العقد
رغد" لكن هو استأذن مالك ومالك ما أبدى أي مانع
مرام بضيق" خلاص خليه يكلم مالك
راحت مرام غرفتها ورغد متضايقة كثير على حالها
أم مسعود" يا رغد روحي جلسي مع اختك شوفيها وش فيها
....مالها خلق تكلم أحد وحتى المشغل ما تروحه
رغد" اوووف يمه تعبت وأنا اكلمها لكنها تردد علي إن ما
فيها شي .... وأنا أحس العكس ما ادري يمكن ما تحب تقول
لي ...خليها براحتها
يدخل مالك عليهم
مالك" السلام عليكم
أم مسعود ورغد" وعليكم السلام
مالك يروح لامه ويبوس يدها وراسها" بشريني عنك يا لطيبه
أم مسعود" دومك بخير أنا بخير
مالك يبتسم لها ابتسامه صفره" الحمد لله رب العالمين الله
يخليك تاج لراسنا
أم مسعود" العالم عندي بكفه وانت بكفيه يا ولدي ...
مالك " تسلمين لي والله
أم مسعود بتردد " يمه مالك اختك ما أدري وش فيها ها
ليومين مو عاجبني حالها كلش
مالك يطالع برغد" منهي ؟؟؟ مرام؟؟
أم مسعود بضيق" ومنو غيرها يمه ؟؟؟ لا أكل حالها حال
العالم ولا حتى تطلع حابسه روحها بالبيت ما أدري وش
صار فيها
مالك يهز راسه بألم " طيب يمه أنا بروح أشوفها
راح مالك لعندها ودق عليها الباب
مرام" ايوووه
مالك من ورى الباب " أنا مالك
مرام تركض للباب" هلا والله حياك ....ادخل
مالك يدخل غرفتها ويطالع فيها كانت جميله بكل المعاني
صحيح إن الأثاث مو ذاك الزود لكن النظافة تشع منها ....
ولمسات مرام الناعمة فيها ...ابتسم مالك وهو يفر براسه في
الغرفة وبعد كذا جلس على فراشها إلي بالأرض وصار
يتحسب على عمه بقلبه وطالعها بأسى
مالك" ما ودك بسرير ؟؟
مرام تبتسم وما ردت عليه
مالك يطالعها" هههه صحيح نسيت انك كلها كم شهر
وبتروحين بقصر
مرام بغصة" أنا غرفتي هذي بالنسبة لي أحسن من القصر
مالك فاهم قصدها ...لكن غصب عنه هو يبغي مصلحتها
مالك بهدوء" مرام ليش انت رافضه تكلمين عبد الله ؟؟
مرام باستغراب" غريبه
مالك يلتفت ليها" وش الغريب في الموضوع
مرام" مالك إحنا لولا الضروف إلي غيرتك وعفستك على
الكل حتى على حالك ...
مالك يقاطعها" أدري وش تبغين تقولين...لكن انتوا مو
عارفين إن إلي جالس يصير غصب عني ..أنا تعبان يا مرام محد فاهمني
مرام نست موضوعها" مالك تدري انت وش محتاج له؟؟
مالك يطالعها بنظرات باردة" شووو؟؟
مرام بجرأة" انت ناقصك وحده تقاسمك اللقمة وحده ترمي
همومك عليها ...وحده تحسسك انك مو لوحدك في ها لدنيا
مالك يلمها له ويبوسها براسها" انتوا بالنسبة لي كل شي
انتي ورغد أحلى ما بحياتي بعد الوالدة الله يطول بعمرها
مرام" أمي تعبانه لتعبك ....ريحها يا خوي وخليها تشوف
عيالك .... ودام العروس موجودة وش له الانتظار؟؟
مالك " عروس؟؟؟أي عروس
مرام" شيماء سميتك من وانتوا صغار ولا نسيت
مالك بحده" مثل ما انتي وطلال نسيتوا أنا بعد نسيت
شيماء مجرد بنت خال لا أكثر ولا أقل ...وهذي آخر مره
تكلميني بالموضوع هذا ....وبكره بيجي عبد الله يشوفك
ويجلس معك يبغي يتعرف على شخصيتك
مرام مستغربه" كيف؟؟
مالك يطلع من الغرفة" إلي سمعتيه وما في نقاش
راح مالك وترك مرام بحيرة وش لون تجلس مع رجال
غريب معقولة هي تخجل من نفسها ليه كذا يا مالك ليه؟؟
\\
//
في الرياض ...وصلوا الجماعة للبيت
على طول نواف بيصعد فوق في غرفته....لكن صوت أم عبد
الرحمن وقفه
أم عبد الرحمن" على وين يا عريس؟؟
نواف يطالعها بابتسامه ساحره" ببدل ملابسي
أم عبد الرحمن" أنا أدري الحين بتصعد وبتقعد قرقه على
التلفون وما بنشوفك تعال اجلس يمنا شوي
طارق بصراخ" يا هوووو رحمي الرجال ...والله لو أنا منه
كنت انذبحت صايره بتكس فكي شوي يا سحوره
أم عبد الرحمن " انطم أقول يا ليهودي ...قسم بالله لو ما
تسكت لأخلي نعالي يقرقع عليك
طارق" قولي قسم ؟؟
أم عبد الرحمن" اقسموا عليك أهل الجنة والنار انك تظل
معلق بجهنم لين أرضى عليك
طارق" ههههه أنا بس أبغي أعرف من وين لك ها لمعجم في
الدعاوي ...غريبة انت والله
أم عبد الرحمن " مالت بس أقول على أم ربتك
أم نواف بضيق" يوووه يمه لفيتي علي ؟؟
أم عبد الرحمن معصبه " اييي الله لا يبارك فيك ... ومالت
علي يوم إلي جبتك لو ادري انك بتجيبين ها لاملح كنت
بركت عليك وارتحت منك
طارق يستفزهم" يمه وتسكتين لها ؟؟؟ والله لو أنا منك ما
اسكت وش معناه كلامها هاا؟؟
أم نواف" معليه يمه أنا الحيطة الهبيطه بذا البيت أنا إلي مالي
حظ بها لدنيا الكل علي حتى الزمن ... بس ما أقول إلا الله لا
يخليني لين بكره ليتني أموت وارتاح
أم عبد الرحمن كلها الحسف" اجل وش أسميه أنا ها لكلام
.....تسمعين ولدك يطول لسانه عليّ وما تأدبينه
أم نواف تبكي "...........
طارق متأزم كثير ما توقع إن المسائل بتوصل كذا .... ونواف
نزل بسرعة لأمه يهديها ....وأم عبد الرحمن تطالعها على
جنب وتتحسب على طويرق إلي مورطها دوم
أم عبد الرحمن" يعني وش أسوي ....انتوا إلي تطلعون الواحد
من طوره
طارق يزيد الطين بله " ايي بس يا سحر المفروض الواحد
يصير أكثر تحكم بحاله ...لالالا ما يصير كذا يبغي لك
كورس في تربية النفس
أم عبد الرحمن جن جنونها" رباك شارون وتمثلت بأخلاقه يا
ليهودي
أم نواف بحده" طارق حب على راس جدتك واصعد فوق لــ
والله ما أجلس لكم بذا البيت
طارق بيروح لها يحب على راسها ما شافها إلا رافعه له
العصا بتبرد حرتها لكنه سحب روحه بسرعة والله ستر ولا
كان راح الراس
,,
في المزرعة كانت نوف جالسه على السرير وتنشف شعرها
شوي إلا بدخلة ميثه عليها
ميثه بضيق" ما في حس للموضوع
نوف بلامبالاة" أي موضوع ؟؟
ميثه" أي موضوع بعد ...موضوع راشد
نوف" اييي ...هم جالسين يومين انتظري شوي
ميثه" أوف وليه انتظر ليه ما كلم أبوي ... ملل
نوف عصبت" صحيح قليلة حيا ... وش عليه مستعجلة ...لا
يكون تروحين تقولين له ليه ما خطبتني
ميثه بغباء" اييي والله فكره .... تهقين عادي ؟؟
نوف تطالعها وهي معصبه" طلعي من وجهي لا أقول لتركي
يعطيك طراقين يصحونك
ميثه" اوووووف
طلعت ميثه ونوف تضحك على تصرفاتها ... وبعدين صارت
تطالع حالها بالمرايه وتكلم نفسها
ما ادري عجبتك يا نواف ولا لا ؟؟
,,
في بيت بو نواف
بعد نص ساعة وبعد ما هدأت الأمور صعد نواف لغرفة
صيته ...دق عليها الباب كانت صيته على السرير لكن لما
شافته انبسطت كثير وأصرت انه ما يطلع وإنها لاحقه على
النوم
صيته بفرح" هااا وش رايك بالعروس؟؟
نواف" آآآآآآه تجنن
صيته " صحيح والله ؟؟
نواف بعصبيه" ليه عندك شك؟؟
صيته " لا ابد بس أنا أتكلم عن شخصيتها ... وطريقة كلامها
وها لشغلات
نواف" وش أقول عنها ... بصراحة الله يحبني يوم كتبها لي
الحمد لله رب العالمين على ها لنعمه
صيته بتموت فرح وكأنه يتكلم عنها " الله وناسه
نواف يبتسم" نروح للموضوع إلي أنا جايك له
صيته باستغراب "أي موضوع؟؟
نواف " جايك عريس
صيته بخجل " هااا
نواف" اييي بالله ولا مو أي عريس...ولد ناس ومحترم وأبوي
يعرف أبوه ويقول إنهم من خيرة الناس
صيته محرجه".............
نواف" هو شاب وسيم كثير وطويل وعريض وعنده
بكاليريوس لكنه يشتغل أعمال حره وعنده شركة....من أكبر
شركات التجميل ...أهله عايشين بجده
صيته" بجده؟؟
نواف" اييي وش يصير الله يخلي الطائرات متى ما اشتقت لنا
تعالي ...أو تلفون وإحنا نجيك
صيته ضايعه " ما ادري والله
نواف" صيته الرجال ابن ناس وإحنا سألنا عليه وهو نعم
الشباب وما فيه شي ينتعيب ...وتقريبا أنا وأبوي موافقين لكن
يظل رأيك هو الأساس
صيته" خليني أفكر
نواف يقوم" على خير على العموم أهله جايين الليلة
صيته ساكتة ... راح نواف لعند الباب وقتها نادت عليه التفت
عليها لقاها تفتح الدرج وتطلع منه ظرف ....
صيته بابتسامه" هذا لك
نواف مستغرب " شووو؟؟
صيته افتحه وشوف
فتح نواف الظرف وارتسمت على وجهه ابتسامه جميله جدا
....غمز لها وراح غرفته
جلس على سريره وبيده الظرف إلي كانت فيه صوره لنوف
...غابت الدنيا عن خياله وارتسمت فيه صورة نوف ....وما
حد غيرها
تبسمي خلي زماني يغني
ويحلى بوجودك الطرب والتمني
كل ما أشوف ابتسامة عيونك
أحس بجفوني ترقص بشوقك
عيونك مثل سهام رماها رامي
صوبت بقلبي وخلته اليوم ضامي
انت ينبوع العشق وللقلب سلوى
من يلامس اطيابك ابد ما يتروى
*غرووب*