الله يحييك معنآ هـنـا


 
العودة   منتديات قصايد ليل > ..✿【 قصــــــايـــد ليـــــــل 】✿.. > …»●[الرويات والقصص المنقوله]●«…
 

…»●[الرويات والقصص المنقوله]●«… { .. حكاية تخطها أناملنا وتشويق مستمر .. }

إنشاء موضوع جديد  إضافة رد
 
أدوات الموضوع انواع عرض الموضوع
#1  
قديم 09-19-2018
Oman     Female
SMS ~ [ + ]
أحبك وأنت النبض ودقات قلبي كله:066
لوني المفضل White
 عضويتي » 28589
 جيت فيذا » Oct 2015
 آخر حضور » منذ 3 دقيقة (06:25 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
مشروبك   7up
قناتك mbc
اشجع ithad
مَزآجِي  »  اطبخ
بيانات اضافيه [ + ]
افتراضي رواية/ وعندما رأت عيناي عيناك أدركتُ حينها أنك ستشقيني/ البارت السابع






بِســم اللّٰه الرحمٰـن الرحِيــم
لا حولا ولا قوةَ لي إلا باللّٰه العليِّ العظِيـم..



^^ الجزء السـ(7)ـابع ^^


الصمت يكفي ويشفي صدر راعيه
لا صار كلّ الحكي ماله معاني
والقلب ما عاد تعنيه المشا ريه
والعين ماعاد تغريها الأماني
يا ليت حزني مجرد دمع وأبكيه
ما هو عايش معي بين المحاني
ماهو يظهر عليّ وأحاول أخفيه
وتصير نظرات حزني هي لساني
مدري ذكّرني زمان كنت ناسيه
مدري ذكّرت الزّمان اللّي نساني

صحت من نومها وهي تحس بصداع فظيييع، ناظرت الساعه،.. قامت مفجوعه وهي تتذكر انها نامت قبل اذان العصر، والحين وقت المغرب ..
دخلت عالحمام "يكرمكم القارئ " خذت شاور بدلت ملابسها عالسريع بقميص لين ركبها ابيض بأكمام قصيره ومن فوق دانتيل ..
لبست جلبابها وصلت صلواتهاا

بعد ربع ساعه فرغت من الصلاه، كانت جالسه فوق سجادتها وهي تتذكر كلامها لأبوها، ضغت على راسها تبي تنسى لحتى ما تحس بالذنب، تزكرت وتين اللي عصبت عليها وراحت زعلانه، وتزكرت طلال اللي انقطت فيه..كانت تشوفه من شباك غرفتها يوم يجي ويجلس عند ابوها بالحديقه،سمرته وعيونه الحاده تفاضيله وملامح وجهه تخوف , وما يطمن، من يوم شافته ما دخل قلبها.. ما تدري شلون ابوها حبه ووثق فيه لحتى يدخله بيته ..بكت بقهر من الضيم اللي تشوفه وتعيشه، حتى بالافلام والروايات صارو يكتبون عن الحياه الحلوه لحتى يصورو للعقول الفرح والابتسام،.. رفعت يدينها وهي تدعي ربهاا بخفوت وصوت روحاني يااااا ربّ ادعُوك دعاءً لا اعرف كيف ارتِبه، فـ أنتَ تُبصر الفُؤاد وتلمس حاجه قلبي بِيدك، اللهم ارزقني اياماً كما احُب، وحالا اليّ ما هو احسَن من حالِي، اللهم عوضّني خيراً وارزُقني خيراً واصرف عنِي شرّ ما قضِيت ..
تنهدت وهي تمسك تحضن يدينها على صدرهاا..

قامت وهي تستلقي على فراشها من جديد..اعتزلت اليوم النزول تحت، تبغى تظل في غرفتها .. شالت جوالها وهي تناظر رقم امها تنهدت بيأس: يمه مشتاقتلك حيل وابيكي الحين ..
تنهدت بيأس وهي تحط الجوال عالطاوله ما تبغى تزيد حزنها وهمها اضعاف: بأتصرف ومستحيل اتزوجه لهالطلال



,



نزلت برعب وهي تسمع شتائم وكلام جارح من اخوهاا، .. ترددت في الدخول وهي تقف على الدرج، جوار المكتب من الخارج

جلس ابراهيم على كرسيه وهو مصدووووم من شِده وحِده الكلمات التي تنهال عليه من خصمه، الذي هو قطعه منه، جزء من قلبه "بل قلبه كله "
ضياء بتعقيده: انا اعرف شلون اخدم وطني٭وهو يشدد على كلماته ٭ وبالطريقه الصحيحه، ارجووووك يبه لا تسوي نفسك ذكي امام واحد فرق كل جهده في التحقيقات
ابراهيم وهو يتنهد بقوه: انا ما اتذاكا معك انا انبهك لحتى ما يصيبك شر
ضياء بإبتسامه جانبيه: الأعيبكم من شهرين صارت مكشوفه ماله داعي التمثيل
ابراهيم ابتسم وبإستغراب: ألاعيب،!!! احسن الظن وهذا انا جالس انبهك من اعدائك
ضياء عطاه ظهره وهو يغمض عيونه: ماني بحاجتك يابوي، لو مت بهالطريق ماني بحاجتكم وفر هالكلام واحمي فيه نفسك منه..
ابراهيم:خفف هالكربرياء وبتعيش صح ..
ضياء بجمود: خبرت اللي قبلك ،!!

دخلت وهي تقرع الباب بقوه، وجههاا غرقان بالدموع
وبحده: ضياااء ثمن كلامك
ابراهيم تنهد وهو يتمالك اعصابه: اطلعي برا يا وتين
وتين ناظرته بعيون مغوقره بالدموع وبخفوت: السموحه يبه اني رفعت صوتي بحضورك، لو انت ترضاها انا ما ارضا فيك
ضياء غمض عيونه: وتين انت ما فاهمه شي لا تتدخلين بشي ما يعنيك
وتين بعصبيه: لا بأدخل، ما دام هالشي يمس ابوي مالك حق تتكلم معاه كِذا
٭ناظرت ابوها ٭ يبه
ابراهيم رفع نظره له بصمت ...
اردفت وهي تبلع العبره: اللي ما يعرف قيمتك يجهلك، ما دام انت نبهته مالك ذنب، في اشخاص مزاجيه ،!!!! خليه يقع في نتايج فعايله عشان يشوف اخر غطرسته وغروره لـ وين اخذته

خلته في صدمته مصعوق من كلمات اخته اللي خدشت قلبه بقوه بشكل قاسي، من المفترض ان هذه الكلمات توجهه لوالدها ،!!!!
عض شفته السفليه بقهر حتى احس بطعم الدم في لسانه ..
ابراهيم وقف وهو يتوجه لخارج المكتب اردف بحكمه: لا بقيت تخطي خطوه، اخطيها بصمت ومن دون ما يحس فيك احد..اقضي حوايجك بالكتمان لحتى النصر بالاخر يكون له طعم، وكا احد يشيل عليك غِلّ..
ضياء بمقاطعه: بسببك حتى اختي صارت تكرهني، وش كسبت يوم تشحن كل البيت ضدي؟!

طلع بصمت بدون لا يرد عليه ..
دخلت حنان ودموعها تنزل بهدوء
قرب من امه وهو يقبل راسها ..
حنان بهدوء: لا تشد على ابوك كثير وبالأخر تندم ..
ضياء بغصه بلع ريقه، ابتسم بيأس: انتِ بعد يمه ،!! لييييش ؟!
حنان وهي تعطيه ظهرها تدراي دموعها عنه، متوجهه للخارج تنهدت بعمق: في الاخر يظل ابوك و بتتزكر كلامي في يوم ان معي حق .!!

طلع من البيت بقهر ،مسح وجهه الذي إحمر من الغضب، ضرب باب السياره بقوه وهو يركب فيها ...

نحن المزاجيُون، المحكُوم عليهم بالفهم الخاطِئ، المتهمين دوماً بالغرور والكبرياء ، لأنني اصّمت، ولانني عِندما اشعر بالحزن لا ألجأُ لأحد واتداوى ذاتياً..ولأنني اعشقُ المساء واختار نِصف الضوء والعتمات، ..
األهذا السبب اُصبح رجل متغطرس، قاسِي لا توجد في قلبه ذره من الرحمه؟
ليه انا كذا بنظرك يا "وتِين"؟! والله كلماتُك جدِيره بأن تُوقِعني في بئر مُظلم سبعينَ خريفا، توجِهينها للشخص الخطأ، بِشكل لاذع لقلبي،! حتى انت يا " يُمه " !! بحقك ما الشئ الخاطئ الذي سيجعلني اندم، انا الذي ظننّت انني سأمُوت، اغرق بسبب هذه كما تقولين؟ ، وبسبب هذا الظنّ نجوتْ..

شتت انظاره في الشارع وهو يعض ظاهر كفه بحرقه ..
لما يقدرُ بي العالم في اشد الناس حباً وقرباً لقلبي، انا واللّه ليس لي احد غيرهم بعد اللّٰه ... لست مجرما انا فقط امارس ردات الفعل لهذا العالم الذي يزيد قلبي ملوحه ..
لن اتراجع سأدع كل ما قيل وما سيقال وراء ظهري فما انا إلا ضيفٌ في هذه الدنيا الفانيه وواجبنا رساله ..
نعم انا ومن هم مثلي نزداد نُضجاً بالألم لا بمرور الزمن. فالمجد لنا نحن الذين تقوم قيامتنا في الداخل، ولا يظهر على ملامِحنا إلا هُدوء وإتزان ...



دخلت غرفت اختها وهي تستند عالباب وتمسح دموعها،
قربت من فراشها بهدوء ..
ابتسمت لتلك الملامح الناعمه التي تنام بسلام، لا تفهم كل هذا الضجيج وما الذي يحدث حولها ..
مررت يدها وهي تخلخل اصابعها في شعرها القصير وتبتسم بين دموعها،بلعت ريقها وبصوت خاافت اشبه للهمس: اوعك تتمنين بيوم تصيرين كبيره، عشان ما تذبل زهور اعوامك قبل نموءها .. زمنا هذا ما فيه شي حلو ،شابت ق
عقولنا قبل الملامح، حياتنا مُره يا "لين " قاسيه، ظالمه، ما فيها رحمه، ..ووين نلاقى رحمه في دنيا فانيه؟! .. ما نبيه ما دام الحلو عند رب العالمين ينتظرنا .. "ضحكت بخفوت وهي تمسح الموع اللي مو راضيه توقف " ما شاءالله عليك بتختمين ثلث القرآن بعمر مبكر، ولا كبرتي اكيد هو اللي بيقويك في زمن انعدمت فيه الثقه حتى اقرب الاشخاص لنا، اخونا اللي هو سندنا وظهرنا، صار شبح الخراب والصراع اللي يصير في دواخلنا .. ثقي في رب العالمين مثلي، وخليكي مثل الجبل، لحتى لا تعصفك الحوادث وتخليكي ضعيفه هشه، كوني قويه وواثقه ..ان بعد كل هالضيق اكيد بيجي الفرج ..


قربت جمبها بهدوء وهي تغطيها، وغطت في نوم عميق بعد ارهاق وتعب نفسي وهي تصراع الضعف اللي يبقى يستوطن قلبها ويهشمها ..

كانت ورا الباب تسمع كل كلمه تقولها بنتها، صغيره بس عاقله وواعيه باللي يصير حولها ومع هذا قويه مثل اخوها .. بس كل البيت حاكم عالثاني غلط .. مسحت دموعها وهي تدعي لهم، جرت الباب بهدوء وهي تقفله وتوجهت لغرفتها




°°°

الساعه الـثـ45:ـامنه مساءً..

في إحدى الكافيهات بالرياض

فارس بتنهيده: مناسب يا ابراهيم وانا اعرفه وتأكدت منه عدل
ابراهيم بإستغراب: وش اللي يطمنك منه، افتكر انه يبي يستضعفك بالبنت،!
فارس بعدم اقتناع: لا لا الراجال انا واثق فيه ومن شغله يبين انه كفو وقد كلمته يبي وحده تكون له ام واخت قبل لا تكون زوجه وانا متأكد انه بيشيلها في عيونها
ابراهيم بسخريه مع نفسه "كفو ويشتغل بالمخدرات ": فكر يا فارس ولا تطيح البنت وتطيح معها وبعدين تندم ..
فارس بمقاطعه: ما وراه اهل لا والد ولا والده بإختصار مافي شي ينخاف منه ..
ابراهيم: طيب رده وانا اطلبها لولدي
فارس: ضياء لو كان يبيها بنفسي كنت خطبتها له، بس بعد الطريق اللي راح فيه ما ابيه
قام وهو يشيل بوكه وجواله: انا رايح الحين بيجي يبغى يشوف البنت
ابراهيم ناظر فيه بصدمه: متى اخذت راي البنت؟
فارس: ما راح تلقى احسن من طلال ..




°°°



كل شي حسيته في بيتك نساني
الهدوء .. الليل .. الصمت .. الأغاني
حتي لون الورد .. والفرحة ومكاني
داهمتني الغربة ليتني ماجيت ،!!
ليتني رديت
حزني عذب ضحكتي
ولساني ضيع كلمتي

كان الصاله التي تتوسط الطابق الاسفل يحتويها الظلام غير نور المطبخ الساطع من بعيد ويضوي جزء قليل من الجلسه،
حمل كاس المويه وتناولها بدفعه وحده، حط الكاسه وهي يميل عالكرسي، غمض عيونه بتنهيده طووويله .. استنشق رائحه والدته، فتح عيانه برعب وهو يتلفت يمنه ويسرى، تعوذ من ابليس.. وضحكاتها تتردد في اذنه، ضغط بكل قوته على اذونه وجبينه يتصبب عرق ..مسح جبينه وهو يرجع شعره لورا ..
ومن مكان بعيييييد يتردد صدى الاصوات في ارجاء القصر ..
وقفت بملل: راكااان،..
ركان بطفوله وهو يضحك: دوري علي واذا لقيتيني با أكل كل الصحن نون
ضحكت على شقاوه صغيرها: نوون ..

حطت صحن الكورن فلكس وصارت تدور عليه.. شعرت بالرعب ولكن سرعان ما هدا روعها عندما رأت يداه تحاوط خصرها وهو يضع رأسه على كتفها الايمن وبلغه المانيه همس في اذنها : على ماذا تبحثين يا كاشفه الاسرار
ضحكت : وش كاشفه الاسرار هاذي بعد
ضحك بقوه: هاذا معنى اسمك بالالماني
ضحكت ببلاه: اهااا تصدق ما كنت اعرف
عبدالملك وهو يقلدها: ياا فشله
انحرجت وهي تضرب يده بخفه: لا تقلدني ويلا ندور على ولدك اللي بيجلطني طالع عليك
بخبث: اهاا انا جالطك يعني؟!
بعدته بإحراج وهي تمسك يده وتدور على راكان ..

كان متخبي ورا شجر زينه كبيره وجزء من قميصه مبين ..
راحو له كل واحد من جهه، وقبضوه وهو يحاول يحرر نفسه من قبضتهم ويضحك بقوه ..
شاله عبدالملك وهو يدقدقه:فزنا عليك يلا خليك رجال وعند كلمتك وتاكل كل صحنك مفهوم ..
راكان وهو يحاول انه يبعد من ابوه ويضحك بكل قوه: ما ابي ما ابي ...
قربت من فمه الملعقه: اجل منت رجال
راكان بصراخ: بلى رجال
بضحكتها الناعمه: يلا طيب افتح فمك ووريني اشوف ..
صار يفتح ويقفله بحركه مجنونه وهو جالس فوق ابوه وهم يحاولو فيه ..

ترددت ضحكته بصدى ضحكاتهم، وهو يناظر الكرسي اللي كانو عليه قبل 22سنه، ..تحلوت ملامحه للجمود

اشتاق لك كل يوم كل ساعه كل شهر وكل لحظه، وانتِ "أم" شلووون قلبك ما حنّ؟ ولا ما تزكرين ..
قطع كلامه صوت الجوال
ابتسم وهو يشوف اسم الغاليه تنور الشاشه.. رد بإبتسامه: هلا يا الغاليه
صوفيا بشوف: شلونك يا ولدي عساك طيب ..
راكان: الحمدلله يمه بخير انت شلونك
صوفيا بإبتسامه: بخير دامك بخير، كذا ما تسأل عني ولا تتصل فيني الا اتصل فيك
ضحك بخفوت: السموحه والعذر يمه بس والله المشغوليات لين راسي ..
صوفيا: ربي يعينكم ان شاءالله ..
راكان: شلونها خالتي زمرد ودانه "وبضحكه "والمقرود ريان
صوفيا ضحكت : الحمدلله تطمن كلهم، يا حليلها دانه مع ان لها اختبارات كل يوم تجيني اقول لها الخدم قايمين بالشغل كله، تقولي لا يمه قلبي ما يطاوعني اخليك جالسه با لحالك ..
ابتسم بهدوء وهو يدرى مغزى كلام جدته، بتضيع: سلميلي عليهم
صوفيا بيأس: من جالس معك يمه؟
راكان: با لحالي والله
صوفيا تنهدت بصوت: الحين لو كنت سمعت كلامي وتزوجت دانه ما كان احسن لك عالاقل كان بتكون معك الحين
غمض عيونه "وبلحظه جاه طيف البنت اللي سرقت تفكيره "وهو يتنهد: جدتي حنا وش قلنا،؟ دانه والله مثل اختي ما اقدر اتزوجها،
صوفيا: مافي شي اسمه مثل اختي وبعد الزواج اكيد بترتاح لها
راكان وهو ينهي الموضوع: سلميلي عليهم يمه بأقفل ابقى انام ..
صوفيا بعد صمت عرفت ان من كلامها مافي جدوى، وما بتطلع معاه بشي وبخفوت وهي خايفه من ردت فعله: امك اتصلت اليوم فيني وسلمت عليك وتقول مشتاقتلك
انصعق من كلامها ببرهه: اميي؟!!!!
صوفيا: اإيه ..
بسخريه: وش اللي زكرها فيني اليوم وبعد كل هالسنين لا تكون تراقب عقلي
صوفيا جرح قلبها كلام حفيدها يعني يتعذب طول الليالي وهو يتزكر امه ويكابر: يمه انت ما تدري باللي صاير فيها لو كنت تعرف ما كنت قلت هالكلام وعزرتها
بعصبيه نادره: وش اللي ما اعرفه خبريني عشان اعزرها،؟
صوفيا بصمت ...
راكان بيأس: اعرف ان مالها سبب يمنعها طول هالسنين تغيب عن ولدها الوحيد،! ومع هذا كان لي امل ..
صوفيا: ....
بمقاطعه: ما عاد لي فيها رجاء راحت مثل غيرها وما عدت ابقاها ما دام تركتني وانا في اشد حاجتي لها ..
صوفيا قفلت جوالها وهي تبكي متى بتنحل هالمصيبه؟!

ما أخذ ثواني إلا وضياء متصل فيه ....
راكان: هلا ضياء..
ضياء وهو يقود سيارته: هلا فيك، كيف حالك؟
ابتسم وبتنهيده: الحمدلله ..
ضياء: انت برا؟
راكان: لا والله بالبيت، بقيت شي
ضياء تنهد: لا خلص مدامك بالبيت كنت حاب اجلس معك شوي
راكان بإبتسامه:حياك والله، اصلا جالس لوحدي ومافي احد يوانسني
ضياء ابتسم بحزن على حال صديقه،، هو الوحيد اللي فهمه صح:اجل مسافه الطريق واكون عندك ..
بإبتسامه هادئه: حياك والله ..
قفل منه واتصل في المطعم طلب بيتزا لين ما يصل ضياء..
قام عالمطبخ وهو يحط البيبسي بالثلاجه لحتى يبرد ..



°°°


فارس وهو يدخله: حياك، حياك تفضل ..
طلال يقف: لا خلني هنا مرتاح
فارس: يا رجل دش داخل ..
طلال وهو يجلس على كراسي حديقه الڤيله:الله يكرمك ما له داعي هنا اريح٭بضحكه٭ افضل الجو الطبيعي اكثر ..
فارس بادله: اجل تفضل دقايق واكون عندك ..

طلع الغرفه بدقايق، شافته واقف عند الباب سكرت دفترها بسرعه وهي توقف ..
كشر وهو يناظر دفتر الرسم ..: وش اللي اتفقنا عليه يا ملاك؟ مو قلنا مافيه رسم بعد هذاك اليوم ..
تنهدت وهي تغمض عيونها: الا هذا يبه ..
رفع نظره تنهد حتى لا يعصب : طيب انزلي طلال تحت يبغى يشوفك ..
انصعقت وهي تناظره، عيونها تغوقرت بالدموع..شهقت وهي تغطي فمها بباطن يدها وهي تحرك راسها بالنفي، اتمسك صوتها مو قادره تتكلم .. لااااا لاااا لا ياربي ما ابقاه، لاااا ما ابيه يا يبه الله يخليك
كان يناظر فيها بجمود لحتى لا يتأثر من دموعها، ..
ملاك بلعت ريقها بخوف: يبه تكفى ما ابيه
فارس بإهتمام: يبه من شو خايفه الرجال انا واثق فيه بيحطك في عيونه
ملاك بقهر وصوت مبحوح: امداه هالثقه والحب وما صار له شهر يشتغل وياك
فارس بحده: ملااك اشوفك هاليومين صرتي ترادديني بالكلمات من وين لك هاللسان اللي طلع لك فجأه
جلست بخوف على ركبها وهي تبكي: يبه الله يخليك والله انا ندمانه وارتراجع عن كل الكلمات اللي قلتها بحقك، بس تكفى يبه الزواج ماهو بالغصيبه، ومالي رغبه فيه

كان جالس بالحديقه ويراقب تحركات الطيف اللي عالشباك بالدور الثاني، وكأن ان والدها يجبرها عالزواج، لا يهم ذلك الاهم اني حصلت على اغلى املاكه اللي بستنزف دمه فيه ..

فارس: الحين،!؟
ملاك بتسرع: إيه
فارس بجمود: خلص نأجله لين ما ترتاحين له
ملاك بصراخ: يبه ارجووك ما ابيه لا الحين ولا بعد فتره افهمني يبه
فارس: ملاك لا تعصبيني بتنزلي بالطيب ولا اجرك غصب
وقفت وهي تبكي بنحيب وبهمس: ما راح سامحك اذا صار فيني شي ولا راح سامح نفسي الضعيفه اللي تخضع لك دايم ..
ناظر فيها بحده وهو عند الباب: طلال بالحديقه انزلي له بسرعه الرجال مستعجل ..
نزلت الدرج ورا ابوها وهي ما تشوف غير الضباب،، وكأن حظي كجندي يحتفل بنصره، ومات عند اطلاق رصاصه فرح، وكأن ايامي دعت عالشقاء وكل شعوبها رددت آميـــن..
مسك يدها وهو يقدمها، كان جالس ومنزل راسه للأسفل وكأن محد يقرب منه وقفت قدامه بفستانها الابيض القصير وهي تفرك يديها بخوف، شال نظارته وهو يناظر رجولها اللي ما يغطيها شي إلي رُكبها، رجعت للخلف بخوف وتوتر وضياع .. وقف على حيله كان عالي بجسم رياضي وطويل مره، ما تجرأت تناظر وجهه من الخوف اللي مستوطن قلبها كانت ترتعش نزلت راسها، شعرها انساب بهدوء بالجهه ياليمنى ..
ما شاف وجهها غير بشرتها الناعمه وجسمها النحيف كأنها راقصه بالي "وهي كذلك بالفعل لا ينافسها احد بالرقص "،شعرها الاسود المتناقض الطوويل الي نهايه خصرها، اللي اطرافه مروله ويملع كأن فيه تراب الذهب، ليس صحيحا بل هذا لون خفيف في بعض الخصل ..
ما قدر يشوف وجهها بسبب الشعر اللي غطاها
قاطعه فارس: هاذي بنتي ملاك، عمرها 20سنه، تدرس بثاني جامعه طب، تراها بنتي الوحيده احطها عالجرح يبرى، تربيتي
طلال بإبتسامه خبيثه "ويا شين تربيتك سبحان الله حق ان الكمال لله يعطي الجمال او الاخلاق ":والنعم فيها وفي ابوها والله، انا طلال بن مقرن عمري 30سنه اشتغل مع الوالد واكيد حكالك عني، واللي تامرين فيه انا عليه ان شاءالله ..
فارس بإبتسامه فخر: وحافظه لكتاب الله
طلال "إيه لحتى يكون شفيع لك ولها يوم القيامه،"
ملاك كشرت بقهر ودموعها مو راضيه توقف اكثر من كذا، خلته وراحت بخطواط سريعه
ما اهتم لها كثير" الحمدلله انها ما طلعت شبه ابوها هذا الاهم عاد كل يوم بجابلها لك الحمد يا رب،جمال من غير سنع، بس والله لا اربيك واوريك النجوم بعز الظهر "
فارس بترقيعه: ترا تعرف البنات، منحرجه..
طلال ابتسم: اجل انا استأذن ..
فارس: الله يسلمك..




°°°


ألمانيـا ـ تحديدا موينخ "بعد الجسر في التلال الخضرا "

* احدهم: صدق يبقى الإجار؟
ـ الاخر زفر بتنهيده يأس: إي والله قال انتظرتكم كثير وما اقدر اكثر يقول محتاج فلوس
* بتعقيده: كم يبقى؟
ـ : 300 يورو
*رفع نظره بإستغراب شديد:لااا والله! واذا ما كان كله كوخ خشبي..
*بضحكه: لا تعصب، وهالكوخ حنا كنا لاقينه, احسن من غيره، المشكله الحين من فين راح ندبر له هالمبلغ ..
ـ اردف بعد سكون: مافي الا ابراهيم ياخذ لنا قرض من البنك بإسمه ..
*: على فكره سلطان يبي يتزوج ملاك
ناظر فيه بإستغراب: وش قلت؟!
برفعه حاجب: سلطان يبي يتزوج ملاك ..
بحده بالغه: لا طبعاا مستحيييل يصير هالشي لازم تمنعه وبإي طريقه
ناظر فيه بتعقيده: ابراهيم حاول معه بس فارس محكم رايه، وبعدين سلطان انت تعرفه مثلي،وفارس لا تخاف عليه
ضرب الجدار بقهر وبصوت عالي : عشاني اعرفه لسلطان ما ابغاه يتزوجهاا..



°°


..



°°



يتبـع
fatima Mohammed💙


كانت تبكي بقوه: يبه مستحيل ما اروح لها، شلون هي بالمستشفى ما اسلم عليها ..
فارس بتنهيده: طيب روحي بدلي ثيابك والحقيني بالسياره ..
راحت فوق ملابسها لبست عباتها وطلعت له ،

خلال النصف ساعه كانو بالمستشفى ..
كانت تجري بالممرات، وفارس راح لـ إبراهيم ..
شافت ملاك حاضنه لين وتبكي معها،
ملاك بعيون مليانه دموع وصوت مبحوح: وتين ..
وتين رفعت راسها ونقابها كله مبلول بالدموع، ما توقعت تشوف ملام بعد اخر لقاء لهم بالجامعه وبعد الكلام القاسي اللي قالته لها بإستغراب وترجي وقفت وارتمت في حضنها: ملاااك، امي
شدت عليها ملاك وهي تثبت نفسها: خلاص وتين اهدي ما فيها الا العافيه ان شاءالله
وتين بصوت عالي تبكي: شلون تبيني اهدى وانا اشوفها قدام عيوني تطيح مغمى عليها، ما قدرت الحقها ووقتها ما كان فيه احد بالبيت غيري وانا لين ٭وشدت في بكاءها٭
ملاك كانو دموعها ينزلو بصمت خذتها وجلو عالكرسي وضمت لين لها
لين بخوف من بين دموعها: ملاك ماما وش فيها؟!
ملاك بتنهيده: ما فيها الا العافيه ان شاءالله، انتِ لا تخافي

شافت ابراهيم واقف بعيد عنهم وصوبه ضياء وعلى حظها ان فارس طلع
جريت له ..
ملاك: عمي ابراهيم شلونك
ابراهيم بابتسامه لطيفه: الحمدلله بخير يا بنتي انت شلونك
ملاك: الحمدلله،٭برجاء٭ عمي طلبتك ولا تردني خايبه، مالي احد اكلمه الا انت ..
ابراهيم ناظر لها بإهتمام: وش فيك يا بنتي، ابشري وش بغيتي
ملاك ببكاء: اكيد سمعت ان ابوي يبغى يزوجني لطلال اللي يشتغل معكم
ابراهيم بإهتمام: إيه، وش فيه؟
ملاك برجاء: عمي والله ما ابيه، ارجوك عمي اقنعه اني ما ابيه الزواج ماهو غصب
ناظر لها ضياء برفعه حاجب: ايه العالم واقف لك انت وبس
ناظر فيه ابراهيم بحده، خلاه يسكت
ملاك تجاهلت كلامه، وتركهم وراح: عمي ارجووك
ابراهيم بتنهيده: ملاك يا بنتي انا لو ما كنت اعرف من طلال، ما كنت بخليه يوافق عليه
ملاك بصوت مبحوح: بس انا ما اعرفه
ابراهيم بإبتسامه: ولانك ما تعرفينه تجهليه، مت تحكمين عالناس من شكلها ونظراتها توكلي على ربنا وهو يوفقك
رجعت منه وكلامته تتردد في اذنه، ليه احد ما يبغى يفهمني والله احسه غير عن كلامهم هذا

وتين قامت لها، ما قدرت تناظر في عيونها وبصوت خافت، شدت على يدها: ملاك ...
ملاك بإبتسامه وهي متناسيه اللي راح: وش فيه حبيبتي ..
بكت مع كلمتها وهي تحضنها بقوه: اسفه اني حكيت معك بقسـ...
قاطعتها بإبتسامتها الهادئه هششش ... ٭وبضحكه حزينه ٭تدرين ان كلامك لي رغم انه كان قوي بس ريحني كثير ٭وبتنهيده٭وبعدين وش بستفيد يوم ازعل منك، بالعكس انا لو زعلت من نفسي ما ازعل منك لان قلبي دايم كان يسأل عنك
وتين ما فهمت على كلامها الاول بس ابتسمت، بكل اللي تقولها لها بس قلبها ابيض ونظيف ويسامح ويغفر لان يدري ان بهالدنيا ما فيه رجاء،ابتسمت بدموع ما عرفت كيف تمنعها: تدرين ان كل هالايام انا اعاتب نفسي ونار الحنين يحتدم و يحرق قلبي في الدقيقه ألف مره
ملاك بمقاطعه: ما تقولين هالكلام وتوني مافي شي بيناتنا، ٭وبعيون متغوقره بالدموع ومحمره وصوت مبحوح ٭تدرين ان مالي سواك ملاذ لقلبي وروحي وقت يحيطني الألم ومصدر سلامي وحظن لقلبي اذا هالعالم ظلمني، انتي اختي اللي ربي ما رزقني فيها بس عوضني خير منها فيك ..
وتين كانت تسمع لها وقلبها يتقطع عليها: بالعكس يا ملاك انت اللي دايم تقدمين لي كل شي انا بدونك ولا شي ما كنتي يوم صديقتي لا، انت ذراعي والجزء اللي من المستحيل ينقسم عني مهما صار، انت شي من روحي
ملاك بإبتسامه وهي تحضنها بقوه: حنا الاثنين مكملين لبعض وانت لي المسافه الفاصله بيني وبين سوء هالحياه ،!
وتين بضحكه: يوه، لا تزيدين ارجوك ما اقدر انا عالكلام الحلو وبعدين اشوف نفسي عليك
ملاك بضحكه رقيقه بين الملامح الباكيه: يحق لك ..

كانت واقفه وراهم وتسمع كل شي ودموعها يسيلو بصمت على حكيهم كأنهم اخوات واكثر، بضحكه: خلصت الدرامه
لفو الاثنين برعب وصوت واحد: ليلي،!!
بضحكه: لا قرينها، ههههه ياخي قطعتو قلبي نعبنو الخصام وسنينه "سلمت على وتين "شلونها خالتي كيف صارت الحين
وتين: الحمدلله الدكتور يقول كان عندها هبوط بالضغط والحين احسن الحمدلله
ليلي وهي تسلم على ملاك: الحمدلله، انت شلونك ام اللول، ومبارك عليك الزواج كذا ما تخبرينا وحنا نسمع من الصحافه
ملاك بإبتسامه حزينه: زواج القهر خليني استوعبه اول عشان اخبركم،
ضغت على يدها بحزن: ملاك لا تحكين هالكلام ان شاءالله بيكون لك خير تفاءلي وربي بيعطيك الزين
وتين: اللي محيرني ان حصه ما اعترضت عن هالزواجه؟!
ملاك بسخريه: عشانها تدري عنه اكثر من ابوي وما يطمن هالطلال من يوم عيني جات في عينه، احس ان وراه شي
ليلي بمقاطعه: وتين خلاص صار اللي صار ما تخوفينها اكثر ..وربي بإذنه بيقدم اللي فيه الخير انت لا توسوسين عالفاضي..
ريهام جات سلمت عليهم بعد ما تطمنت على اختها وان صحتها زينه وما فيها الا العافيه

دقايق وكانت ليندا جمبهم، سألت عن حالها وطمنتهم عليها، ملاك شافتها وجلست تبكي بحضنها وبصوت مبحوح: ابوي مصمم انه يزوجني له
ليندا بتنهيده: استخيري يا يمه واللي فيه خير ربي بيقدمه
ملاك من بين دموعها: بس ما ابي يمه ما ابيه لي ماحد يسمعني، انت ما سفتيه يمه شكله ما يطمن
ليندا ضمتها وهي تمسح على ظهرها وهي تحاكي نفسها "إلا يطمن يا ملاك انت ما تدري عن شي، احسن لك من فارس ومُرته اللي ما تدرين عنهم، بعد انا ما ابيه لك ولا اعرفه زين الا باللي قريته عنه في الصُحف ومواقع التواصل ومبين انه زين ورجال يخاف ربه وواثقه ان هو اللي راح يساعدك .." تنهدت وهي تحاكيها بصوت هادي: كل شي في الحياه يا صغيرتي، كل شي يمشي وفق الترتيب الصحيح ..
ملاك بمقاطعه: بس يمه
قاطعتها بهمس: حتى لو هالشي تفطر منه قلبك وكبرتي في ديرتين ما تبيها، في شي بيظل بعيد وبتدرج مع الوقت وبيكون من صالحك
ناظرت في عيون امها اللي دايم تطمنها، غمضت عيونها وهي تضع راسها على صدرها، استسلم عقلها وكل حواسها لكلمات امها، بس القلب دايم يفهم غلط "ان هالطلال تجربه لحياة اكثر وةخبره وافضل واكيد بزمن بيجي الشخص المناسب "..



'



راكان بتنهيده: الناس دايم بيلاحظون تغير تصرفاتك معهم، لكن اللي بيفشلون فيه انهم يلاحظو تصرفاتهم اللي خلتك تصير كِذا
ضياء بمقاطعه: بس يا راكان اقولك هذا ابوي، بعد امي واختي واقفين معه وانا اللي طالع لهم الغلط
راكان ببروده المعتاد "وهو يتزكر اهله،امه اللي تركته، وابوه اللي توفى ": ادري، ما اختلفنا وهالشي يصير بأرقى العائلات، الضربه الاولى اكيد بتألمنا والثانيه بتكتفي بالحزن ويمكن البكاء، لكن بعد عده ضربات متتاليه بتعرف ان البكاء ما راح يفيدك بشي، بتتألم لكن بتكتفي بالصمت لأجل غير معروف
ضياء بتنهيده أمل: وهذا اللي اسويه الحين
قام راكان وهو يقدم يطفي التلفاز،اردف بإبتسامه: دايما مواقفنا بتخيرنا من اللي يحبنا، ٭جلس قربه وبخفوت يطمنه ٭والظروف بتخبرك من اللي واقف معك بشدتك ومزاجيتك بتخبرك من اللي بيساندك بأسوا حالاتك، لذلك ما تكترث باللي يقولونه لك واكتشف اللي يبيك وروح وياه واترك العالم ورا ظهرك
ابتسم له ضياء بحب وراحه كبيره اتملكها بكلماته اللي يحطها بالصخر يتفجر ماء للعطشان، صج هو بعد يمر بحالات عصيبه بس اللي يطمن اللي حوله قادر على نفسه
"هذا كان كلام ضياء مع نفسه "




،

بعد مُروور أسبــوع...
السـ11ـاعة صباحاً

كانو ثلاثتهم بمكتب سلطان ...

وهو عاض على اصابعه: والحين وش العمل؟ ما ابغاه يكون بالرياض يوم الملكه
راكان بتفكير: لازم يسافر
سلطان بتساؤل: وين؟
راكان وهو يحك ذقنه قام وهو يتوجه للشباك ويناظر ساحه التدريب: روسيا او لبنان
كان ضياء مستند على طاوله الاجتماعات ويناظرهم بتفكير ..
سلطان: روسيا مو بهالسهوله
راكان لف راسه عليه: ليه؟
سلطان وهو يمسك القلم: مستر كاڤلي مو اي احد يقابله
راكان: اجل يسافر لبنان
سلطان وهو يعض شفته السفليه : المشكله مو بالسفره، وش هو السبب اللي بنخليه يسافر من اجله؟
اثنينهم ناظرو بعضهم ..
راكان وهو يناظره بتمعن: وش الحل يا ضياء..
ضياء قرب وهو يجلس بتضيق "يوجه كلامه لسلطان ": مو الاوراق تبع تسليم البضاعه معك
سلطان بحيره: إيه؟
ضياء بخبث ريح ظهره عالكرسي: اجل مافي غير انك تعمل تلاعب عليه
راكان بإندهاش: بالاوراق،! وكذا يكون سافر ..اجل جبتها والله
سلطان تنهد: مو بهالسهوله اكيد فارس بيشك فيني
ضياء قرب منه: ما فيه سبب يخليه يشك فيك، وبعد يرجع بيكون مشغول وعادي فيك تقدر تعدل الاوراق
سلطان: انتو مو فاهمين علي؟ فارس بينقدر له إيه، بس كريستين هالزفت بلف حولي تراه حيّه
راكان وقف: سلطان ما قدامك غير هالحل ولازم تجازف فيه وبكل الطرق عشان لا تغرق..
ضياء:هو صعب إيه بس انت كفو عز الله عليك وتقدر تخطيها
ناظر فيهم بمكر: انا عندي فكره ..
الاثنين بترقب ناظروه ..
سلطان بخبث ابتسم: نفس فكرتكم بس بحليها شوي واضبخها عدل

الثلاثه ابتسمو لبعض بخبث، طلعو راكان وضياء وهم يقومون باللي طلبه منهم سلطان في خلال ساعه لحتى يكون جاهز وهالمره يحسم هالفارغه ..



،



...في اليـوم التالِي...


راكان: خذ هالسي دي نسخت فيه كل شي والاوراق صارت فيها مثل ما تبي
سلطان خذا السي دي وهو يقلبه في يدينه، مده لضياء: خذ يا ضياء هالسي دي، انت مسؤل عنه، شغلك ما ابي اكثر فيه
ضياء: لا تهتم، كل مخططاتهم اللي راقبتها نسختها بسديهات لحتى لا تضيع مننا وكلها في الحفظ والصون
سلطان بإبتسامه صافيه له: كفو والله
ضياء نسى كل كلماته،، شعر انه ارتاح له اكثر، وهذا الشي ازاح عنه ثقل كبيير كان مثقل على صدره ..
بس القوب ادرى فيها عالمها !!!




السـ7:38ـاعة مساء

دخل المكتب بشكل يرعب اللي يشوفه، شماخه على كتفه وشعره مبهذل: الحق يا طويل العمر طحنا بمصيبه
وقف مصدوم: اللهم اجعله خير! وش صاير يا طلال ..؟
طلال بمكر: الاوراق تبع البضاعه ما هي نفس الاوراق، في لعبه فيها والله ما هي نفسها خذ شوفها ..
فارس مسك الاوراق بيده وهو يناظر لما فيها مصدووم من هول المصيبه التي ستلحق به
ابراهيم: عطني اشووف،!
مدّ الاوراق لي ابراهيم بنظرات مرعبه: كييييف يتجرؤ ويسو كِذا؟
طلال كان يراقبهم بمكر وهو متكيف من حالهم والرعب اللي سيطر قلوبهم ..
فارس بصوت عالي وحده بالغه: ناااااايف، ناااايف..
نايف جاه مسرع وهو خايف من عصبيته وبصوت حاول يطلع موزون: آمر يا طويـ...
فارس بعصبيه وهو يرمي الاوراق بوجهه: من الزفت اللي وقع على هالاوراق؟
نايف وهو يلم الاوراق بيدين مرتجفه: ما اعرف طال عمرك ..
فارس بحده: شلوون ما تعرف ماهو شغلك، انقلع من قدامي لا اجيب أجلك الحين
حط الاوراق عالطاوله يبغى يطلع
فارس وهو يتنهد بقوه ويجلس: نادي لي حسن الحين قوله فارس يبغاك ضروري ..
نايف وهو يقفل الباب خلفه: ان شاالله ..
ابراهيم تنهد: يا فارس استهد بالله واجلس خلينا نفكر برواق ونشوف حل لهالمصيبه
فارس وهو يمسح العرق اللي على جبينه: شلوون تبغاني اروق، هالاوراق ان وصلت كريستين بتكون اخرتنا على يده
ابراهيم بحيره: طلال
طلال: اجل يا طويل العمر
ابراهيم بتعقيده وتضيق : مو انت اللي استلمت البضاعه؟
ناظر فيه طلال وناظر فارس اللي يناظره بصدمه تخالطه استغراب: ايه انا استلمت البضاعه ووقعت عالاوراق
فارس فتح عيونه بصدمه: شلوون يعني فسر لي هالكلام؟
طلال يمثل العصبيه والخوف: يا عمي انا يوم استلمت الاوراق سلمتها لحسن وهالاوراق مو الاصليه مبين انها مزوره
فارس بصوت عالي: نادو لي هالحسن الـ***
دخل حسن بخوف من عصبيتهم ..
فارس يمد له الورق: من وقع على هالاوراق؟
حسن ناظر الورق بتدقيق ورجع نظره له: شف انا قلت لنايف هالاوراق نسلمها لطلال وهو يعطيها لك
فارس بمقاطعه حاده: تستظرف دمك، انا ابغى اعرف من اللي رقع وبس هالفيلم والدراما ما ابيه ..
حسن ببلاه: والله ما لي علم
فارس: اطلع برا ما ابغا اشوف وجوهكم، علم الله عليها ان شاءالله
مسرع ما طلع خايف من فارس لا يرتكب فيه جريمه ..
طلال بمكر يهدي عمه: يا عمي ما يصح تعصب هالكثر ترا عندك الضغط وخطر على صحتك
فارس وهو يمسك راسه من هول المصيبه: ما عاد فيه صحه بعد هاللي طحا فيه، تدري كريستين لو شم خبر، مجرد شم راح نضيع فيها، هذا بيعتبره خيانه
طلال تنهد: اهدا وانا اقولك الحل
ابراهيم برفعه حاجب: اسعفه طال عمرك
فارس ناظر فيه برجاء: قلي داخل عليك ..
طلال بخبث وهو يمثل اهتمامه للموضوع : انت لازم تسافر لبنان واليوم ، وتروح لكريستين تعقد معه صفقات جديده
فارس بتفكير: طيب وعن هالصفقه اللي تزورت
طلال: عادي قله ان هالمشروع مو ناجح عندي ولان حنا بالسعوديه صعب اني اوزع هالكميه من البضاعه وبكذا بيقتنع ويوقع على عقود جديده
ابراهيم بإبتسامه صفرا غمز له: عز الله فيك والله انك رجال كفو وينشد فيك الظهر
ابتسم له طلال بدهاء وثقه من نفسه ..
فارس بعد تفكير: والله ان فكرتك جهنميه وبنطلع من هالورطه، بس العرس وش بيصير فيه
طلال"وهذا اللي من اجله اللعبه يا لعيب ": شف يا عمي انا العمل يهمني اكثر من اي شي روحي اقطه بالنار ولا اخسر شغلي وسمعتي، والزواج اذا لي نصيب فيه بيصير وربي قادر
ابراهيم ناظر فيه برفعه حاجب
فارس بتعقيده: بس يا طلال شلون نلقي العرس وحنا حجزنا كل شي وعزمنا كل الناس وش بيقولون عنا ..والزواج بكرا
طلال: خلص اللي تشوفه ابراهيم يكون وكيل للكريمه وما صار شي
فارس ناظر في ابراهيم: اجل على بركه الله وان شاءالله انا ما راح اتأخر اخلصه وعلى اول طياره
"رفع صوته "ناايف ..
دخل نايف وهو مستغرب من حاله وهو يكلم نفسه "وش في ذا الرجال الحين مو كان معصب وغالب المكتب راس على عقب "وبعكس اللي جواه: نعم طال عمرك
فارس بهدوء: شوفلي حجز على اول طياره اليوم
وهو يطلع: ابشر يا طويل العمر
فارس اردف: وانزل الباركينق طلع السياره لحتى توصلني البيت ومن بعدها المطار
نايف: ابشر ..
وقف
سلمو عليه طلال وابراهيم: الله معك، في امان الله، تصل بالسلامه ان شاءالله





°°°


..." يووم الملكـه "...

يوم هادي مافيه اي حفله بطلب من ملاك وكأن الداخل داخل على عزا مو عرس،..
تم العقد بأسمه الحقيقي وكانو الشهود ابراهيم وضياء ..

في جناح بارد ببرود من فيه ..
رفع وجهها بأصابع بارده ارتعشت منه، غمضت عيونها بخوف لا تشوف وجهه، '
ابتسم بمكر وهو يتوعد على ايامها المقبله وبهمس: فتحي عيونك ..
فتحتها بشويش وخوف من صوته الخشن المبحوح ..
قرب يده او بالاحرى اصبعه من عدستها الزرقاء، تراجعت بوجع وهي تغضي عينها وبقهر: تراها مو لينسز، "عدسه تركيب"
بإبتسامه جانبيه: توقعت!!
٭ناظر لبسها بتفحص مد يده على خصرها يبي يقربها منه، رجعت على ورا خطوه بخوف خلا كل خليه في جسمها ترتجف ٭:من اولها اسود
ملاك بجمود وهي تداري دموعها: لوني المفضل
بخبث: بس حلو عليك، انا بطلع بدلي ثيابك عشان نتعشا سوا،
جلست وهي تناظر الغرفه برعب تبكي بقهر، بتوتر بضياع،
دخلت عالحمام قلعت فستانها، ارتدت بجامه طويله زهريه من الحرير اطرافها شفون .. فكت شعرها على راحته، ناظرت بفتحه الباب شافته جالس يتكلم بالجوال بصوت خافت ما ينسمع ما اعتمت له،ناظرت الاكل تلوع كبدها من ريحته، توجهت عالفراش تغطت زين وهي ميته خوف لا يدخل عليها

بصوت المنبـه استيقظت الصُبح، فتحت عيونها وهي تناظر المكان بهلع ناظرت على يسارها انصعقت وهي تشوفه مستلقي على بطنه ونايم بعمق،
ناظرت في ملامحه بتفحص ما شافته امبارح زين ركزت فيه "ياا الله وين شايفه هالملامح؟ شكله وهو نايم احد غير عن اللي صاحي، صج ان النوم مووت ..
انتبهت له وهي ترجع للخلف، كان فاتح عيونه بنعاس ومبتسم بخبث:صباح الخير
لفت وجههاا بجمود: صباح النور
دشت الحمام "انتو والكرامه"
قام "اجل يا ملاك هالغرور والكبرياء اللي انت فيه انا بطلعه بيني وبينك الايام وبتشوفين "
طلعت ما كان موجود بالغرفه صلت ورجعت على فراشها، نامت بعمق وما حست فيه يوم دخل وبدلع ملابسه وراح الشغل


بعد مرور اسبوع من الزواج

صحيت الساعه 11وما كان فيه احد،مسحت وجهها بقوه، كل ليله لها من زوجها تبكي ... سلب منها كل شي حتى ابتسامتها غابت عنها ..بس سخريته وكلماته الغامضه والغير مفهومه وإن اوحت لشي ما توحي الا للجرح توجهت على دولاب الملابس اللي رتبته لها "الخادمه "فتحت الاول وكان دولاب طلال سكرته بقرف، كشرت وهي تفتحه مره ثانيه، لمست القميص بإستغراب: قميص عسكري؟؟ .. وش اللي جابه بخزانته؟ .. يا ترى قبل كان يشتغل في القوات ..
تأفأفت وهي ترجعه ما اكترثت له هم بالغ، راحت الحمام بدلت ثيابها بقميص ناعم قرمزي لين ركبها
ونزلت المطبخ شافت مريم وبإبتسامه باهته: صباح الخير مريومه
"هاذي مريم الوحيده اللي من جيت بهالبيت تعاملني بنيه صافيه ارتحت لها كثير وكان الاحساس متبادل بيني وبينها، حتى صرت احكي معها بدون حواجز وامزح معها احيانا، حتى الخدم اللي فيهم ما ارتحت لهم"
مريم بضحكه هادئه: صباح النور مدام ملاك كيف حالك
ارعبتها كلمة "مدام" وكأنها تو تستوعب انها متزوجه،وبإبتسامه عكس اللي جواها: الحمدلله بخير ما دام شفت هالوجه
ماريا بإبتسامه: نشكر الرب
بإستغراب سألتها: ماريا انت وش ديانتك؟
ماريا بلطف: مسيحيه
تخرعت بل صعقت بالكامل، والله كنت افتكرها مسلمه مثلنا لك الحمد يا رب على نعمه الاسلام، ربي يهديها ان شاءالله ويقدرني " وبلطف: طب انت لك اكثر من 20سنه حسب علمي
ماريا بذكاء "وبلغه انجليزيه ": اعلم ما تودين قوله
ملاك بضحكه: اعتزر بس اللي يعيشون حولك كلهم مسلمين
ماريا بعدم اهتمام: انا لا احب ان اتدخل في الناس كثير
ملاك بضحكه على كلامها اللي نصه عربي فصحه ونصه عاميه: والحين تداخلتي فيني
ماريا ناظرت لها بعمق: انت تحملين قلب طفله لذلك اللي يشوفك يحبك٭وبضحكه ٭ ليس بالقلب حيله
ملاك: طيب بتسمحيلي اتكلم لك عن ديننا
ماريا بضحكه: تكلمي بس اعلمي انه لا يغير بي شيئا انا اعتز بديني كثير

كانت جالسه عالكرسي ويديها مكتفه عالطاوله، سافت يدين تنحط من وراها فوق الطاوله، خافت ورجعت بخوف على ظهر الكرسي
طلال بتضيع: وش في يا ماريا ضحكينا وياك
ماريا بإبتسامه كبيره: اوووه سيد طلال , هههه ليس هناك امر مهم، ملاك تبغى تقنعني على دين محمد
جلس طلال صوبها وهو يناظر في عيونها وبخبث: انا واثق انها بتقدر تقنعك، هو في لو ملحد يحدق لهالوجه اكيد راح يشك من هالعيون ان هناك رب خلق فأبدع وسوى..




نهـايه الجزء..
إلي الملتقى بإذن الله ..
يوم الثلاثاء القادم إن شاءالله





 توقيع : ضامية الشوق


أخي نساي
شكرا على إهداء ربي يسعدك

رد مع اقتباس
قديم 09-19-2018   #2


الصورة الرمزية بوزياد

 عضويتي » 28761
 جيت فيذا » Jan 2016
 آخر حضور » 01-20-2023 (12:16 AM)
آبدآعاتي » 38,577
الاعجابات المتلقاة » 17
الاعجابات المُرسلة » 27
 حاليآ في » سعودي وافتخر
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الاسلامي
آلعمر  » 17سنه
الحآلة آلآجتمآعية  » مرتبط
 التقييم » بوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond repute
نظآم آلتشغيل  » Windows 2000
مشروبك   7up
قناتك abudhabi
اشجع ithad
مَزآجِي  »  اتسوق

اصدار الفوتوشوب : Adobe Photoshop 7,0 My Camera: Sony

My Flickr  مُتنفسي هنا تمبلري هنا My twitter

мч ммѕ ~
MMS ~

افتراضي



كلمآت قمه بالرَّوووووعـــه والجمــآآل ..
أبْدَعتْ .. وَأَتْقَنتْ الإختيــآر ..
دمـــت لنآ .. ودآم ولنــآ قَلَمــك الناابض ..
تــ ح ــيتي .


 توقيع : بوزياد






كن كالصحابة في زهد وفي ورع *** القوم ما لهم في الأرض أشباه
عباد ليل إذا حل الظلام بهم *** كم عابد دمعه في الخد أجراه
وأسد غاب إذا نادى الجهاد بهم *** هبوا إلى الموت يستجدون رؤياه
يا رب فابعث لنا من مثلهم نفراً *** يشيدون لنا مجداً أضعناه


رد مع اقتباس
قديم 09-20-2018   #3


الصورة الرمزية إرتواء نبض

 عضويتي » 27920
 جيت فيذا » Oct 2014
 آخر حضور » منذ 15 ساعات (02:48 AM)
آبدآعاتي » 1,384,760
الاعجابات المتلقاة » 11593
الاعجابات المُرسلة » 6425
 حاليآ في »
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الاسلامي
آلعمر  » 17سنه
الحآلة آلآجتمآعية  » مرتبطه
 التقييم » إرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond reputeإرتواء نبض has a reputation beyond repute
نظآم آلتشغيل  » Windows 2000
مشروبك   7up
قناتك fox
اشجع ithad
مَزآجِي  »  رايقه

اصدار الفوتوشوب : لا استخدمه My Camera: Sony

мч ѕмѕ ~
وتبَقــّـَــيَ~ بيَـنْ ~آضَلُعــِــي ِ آتنفَسُكــَــ في ~كُلَّ ~ حِيـِـــنٍ
мч ммѕ ~
MMS ~

افتراضي



سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي


 توقيع : إرتواء نبض




رد مع اقتباس
قديم 09-20-2018   #4


الصورة الرمزية مجنون قصايد

 عضويتي » 27626
 جيت فيذا » Jul 2014
 آخر حضور » منذ 12 ساعات (05:50 AM)
آبدآعاتي » 265,319
الاعجابات المتلقاة » 1849
الاعجابات المُرسلة » 8770
 حاليآ في »
دولتي الحبيبه » دولتي الحبيبه Saudi Arabia
جنسي  »  Male
آلقسم آلمفضل  » الاسلامي
آلعمر  » 51سنه
الحآلة آلآجتمآعية  » مرتبط
 التقييم » مجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond repute
نظآم آلتشغيل  » Windows 2000
مشروبك   cola
قناتك mbc
اشجع ithad
مَزآجِي  »  احبكم

اصدار الفوتوشوب : لا استخدمه My Camera: Sony

мч ммѕ ~
MMS ~

افتراضي



ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد


 توقيع : مجنون قصايد






رد مع اقتباس
قديم 09-21-2018   #5


الصورة الرمزية ملكة الجوري

 عضويتي » 29073
 جيت فيذا » Sep 2016
 آخر حضور » منذ 2 أسابيع (03:13 PM)
آبدآعاتي » 601,601
الاعجابات المتلقاة » 6636
الاعجابات المُرسلة » 6081
 حاليآ في » فديټ قـ❤ـڵبا اהּـآ فـيـہ
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » العام
آلعمر  » 22سنه
الحآلة آلآجتمآعية  » مرتبط
 التقييم » ملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond repute
نظآم آلتشغيل  » Windows 2000
مشروبك   water
قناتك mbc
اشجع hilal
مَزآجِي  »  لااله الا الله

اصدار الفوتوشوب : Adobe Photoshop 7,0 My Camera: Sony

мч ѕмѕ ~
جـميلة
محيا وسمحة خلق ،
ودقيقة عود
غزالن تقود البـيض
ماهيب تنقادي


мч ммѕ ~
MMS ~

افتراضي



يُعَطِّيگ الْعَافِيَةُ لِرَوْعَةِ الطَّرْحِ،،
تَعَطَّرَتْ زَوَايَا الْمُنْتَدَى بگ
تَقْديرُ يليق بگ وُدِيَ وَعَبِقُ وردَيْ


 توقيع : ملكة الجوري



رد مع اقتباس
قديم 09-21-2018   #6


الصورة الرمزية ضامية الشوق

 عضويتي » 28589
 جيت فيذا » Oct 2015
 آخر حضور » منذ 3 دقيقة (06:25 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
نظآم آلتشغيل  » Windows 7
مشروبك   7up
قناتك mbc
اشجع ithad
مَزآجِي  »  اطبخ

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
أحبك وأنت النبض ودقات قلبي كله:066
мч ммѕ ~
MMS ~

افتراضي



حضورك شرف لي
نورت أخي الكريم
بو زياد




رد مع اقتباس
قديم 09-21-2018   #7


الصورة الرمزية ضامية الشوق

 عضويتي » 28589
 جيت فيذا » Oct 2015
 آخر حضور » منذ 3 دقيقة (06:25 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
نظآم آلتشغيل  » Windows 7
مشروبك   7up
قناتك mbc
اشجع ithad
مَزآجِي  »  اطبخ

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
أحبك وأنت النبض ودقات قلبي كله:066
мч ммѕ ~
MMS ~

افتراضي



حضوركي شرف لي
نورتي عزيزتي
ارتواء نبض




رد مع اقتباس
قديم 09-21-2018   #8


الصورة الرمزية ضامية الشوق

 عضويتي » 28589
 جيت فيذا » Oct 2015
 آخر حضور » منذ 3 دقيقة (06:25 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
نظآم آلتشغيل  » Windows 7
مشروبك   7up
قناتك mbc
اشجع ithad
مَزآجِي  »  اطبخ

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
أحبك وأنت النبض ودقات قلبي كله:066
мч ммѕ ~
MMS ~

افتراضي



حضورك شرف لي
نورت أخي الكريم
مجنون قصايد




رد مع اقتباس
قديم 09-21-2018   #9


الصورة الرمزية ضامية الشوق

 عضويتي » 28589
 جيت فيذا » Oct 2015
 آخر حضور » منذ 3 دقيقة (06:25 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
نظآم آلتشغيل  » Windows 7
مشروبك   7up
قناتك mbc
اشجع ithad
مَزآجِي  »  اطبخ

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
أحبك وأنت النبض ودقات قلبي كله:066
мч ммѕ ~
MMS ~

افتراضي



حضوركي شرف لي
نورتي عزيزتي
ملاك




رد مع اقتباس
قديم 09-24-2018   #10


الصورة الرمزية الغنــــــد

 عضويتي » 28230
 جيت فيذا » Mar 2015
 آخر حضور » 10-28-2020 (01:39 PM)
آبدآعاتي » 152,131
الاعجابات المتلقاة » 428
الاعجابات المُرسلة » 14
 حاليآ في »
دولتي الحبيبه » دولتي الحبيبه
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » الغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond repute
نظآم آلتشغيل  »
مشروبك
قناتك
اشجع
مَزآجِي  »

اصدار الفوتوشوب : My Camera:

افتراضي



يسعد لي رووووحك

ما أجملك وما أجمل ماشاااهدنا

سعدت بمصااافحتك هوووووون

يعطيك العااافيه

شاكره لك




رد مع اقتباس
إضافة رد

مواقع النشر (المفضلة)

الكلمات الدلالية (Tags)
أدركتُ, منك, البارت, السابع, حيوها, رمت, رواية/, ستشقيني/, عيناي, عيناك, وعندما


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية