 |
|
|
01-06-2012
|
#71 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
(( سيارة احمد .. ))
( الساعة 8 بالليل ) كان قاعد في سيارته ويلف في الشوارع بدون وجهة .. يطالع كل شي .. وكل ما يمر بمكان .. يتذكر مو قف من المواقف اللي قضاها مع عوض هنا .. ويتنهد بعدها ويمشي لمكان ثاني ... وفي اثناء تمشيته .. رن جواله .. طالع الشاشة وشاف رقم ابو رائد .. احمد : الو .. ابو رائد : السلام عليكم احمد : وعليكم السلام يا هلا ابو رائد : كيف حالك يا احمد ..؟؟ احمد تذكر عوض وابتسم بالم : الحمدلله على كل حال ابو رائد : أي يا ولدي .. ابغاك كذا صابر .. ما ابغاك تضعف زي الحريم..خلك رجال .. احمد : انشالله يا عمي .. شخبار عمي صالح .. ؟؟ ابو رائد باسف : والله يا ولدي حاله حل زي ابو .. مسكين مكسور خاطره على ولده .. تعرف عوض صغير ماهو بعمر الموت .. بس هذا القدر والله يرحمه يارب ويدخله الجنة احمد امتلت عيونه دموع بس مسك نفسه : آمين يارب .. اجمعين انشالله ابو رائد : الا اقولك يا ولدي احمد : سم يابو رائد ابو رائد : الا متى بتداوم يا احمد ...؟؟ احمد تنهد : والله مدري يا طويل العمر ابو رائد : مو على شي يا ولدي .. بس انا ما ابغاك تطول على هالحالة .. ابغاك تنشغل وتنسى السالفة بالشغل .. لانه توك شباب وصغير ع الهموم احمد : والله يا عمي السالفة ماتننسى بهالسهولة .. وخصوصا صارت قدام عيوني!!! ابو رائد سكت شوي .. زعل على ولد اخوه وعلى صديقه المتبهدل من بعده ... ابو رائد : .............. تدري كيف يا احمد .. بكرة من الساعة 9 الصباح ابغى اشوفك ف الشركة عندي فاهم..؟؟ واذا ما جيت بخلي رائد يجي يسحبك من سريرك .. طيب..؟؟ ههههههههههههه احمد : ههههههههه ابشر خلاص ... ولاتزعل .. من بكرة انا عندك ابو رائد : كفو يا ولدي .. يللا طولت عليك .. فمان الله ...انتبه وانت تسوق ..!!!! احمد : انشالله لاتوصي .. فمان الله .. ************************************* (( اليوم الثاني ... الاحد .. مدرسة لينا .. )) ( الساعة 8 ونص الصباح ) كانوا البنات قاعدين ف الصف وياخذون درس رياضيات يوم دخلت عليهم المديرة فجأة .. وبدوا البنات كلهم يتعدلون ف جلستهم .. واللي ترفع شعرها .. واللي تمسح الروج .. واللي تتادب وهي تتكلم وتسوي نفسها فاهمة وهي ما تدري ايش الدرس اصلا .. الا لينا .. اللي كانت قاعدة ترسم على غلاف الكتاب قلوب واغاني ... قربت المديرة منها مستغربة من تصرفها الغريب .. وعدم احترامها لها ... اخذت الكتاب ورفعته وقامت تقرا المكتوب باهتمام .. اما لينا .. فما قدرت تسكر فمها حتى قدام المديرة .... لينا : لوسمحتي ممكن كتابي...؟؟ المديرة ما ردت عليها وكملت قراءة ........ لينا : ياهووو .. لو سمحتي بلا قراءة ..هذي اشياء خصوصية وما احب احد يتدخل فيها..!!!!!!!!!!!!!!! المديرة طالعتها باستغراب وتفاجؤ : انتي ما تحترمين اللي واقفة قدامك يعني ..؟؟!! لينا : مع كل احترامي .. احترمك .. بس انتي اللي ما تحترمين خصوصيات الناس ... وتتفهمين انه هذي اشياء خاصة فيهم ما يبغون احد يشوفها ........!!!!!!! المديرة خزتها خزة قوووووووية .. بعدين قالت : المهم .. انا اليوم جاية عشان اقولكم .. انه مدارس الاشراق مستضيفة مسابقة الرياضيات السنوية للموهوبين .. وتعرفون بعد انه مدرستنا عندها كثير موهوبين .. ولازم تشارك كل سنة .. فاللي تحب تشترك تقجر تبغلغ ابلة الرياضيات .... البنات بدو يتمتمون ويتكلمون مع بعض بصوت واطي المديرة : ترى ما خلصت كلامي .......!!! سكتوا البنات ... المديرة : وتعرفون التاثير النفسي اللي يصير في كل المسابقات والتوتر اللي يلحق البنات ... عشان كذا .. قررنا نرسل البنت مع صفها للمسابقة عشان يشجعونها ويعموها ويعطونها الثقة ... البنات كلهم فرحوا واستانسوا ..... لينا تقاطع : يعني استاذة نعتبرها رحلة عشان ما تودونا رحلة زي النااااااس....!؟!؟!؟!؟ المديرة تفاجأت بهالسؤال بس قالت : لا انشالله بيكون في رحلات ثانية بس هذي الرحلة الصغيرة بتكون عشان نشجع بنات .. لينا تقاطع من جديد : افهم من كذا انه في رحلة ثانية ...؟؟؟ المديرة : أي طبعا .. لينا من جيد : لوين .....؟؟ المديرة زهقت : لمكان ما بقولكم وبخليها مفاجأة ... وجات بتطلع الا تسمع لينا تقول : دامها مفاجأة ترى نبغى شي زي الناس .. خلك قد كلمتك يا استاذة المديرة ابتسمت غصب وطلعت من الفصل ..... ولينا ضحكت بانتصار لانها طيحت وجه المديرة قدام البنات .. بس لانها بنت عبدالله ما تقدر المديرة تسوي لها شي... ___________________________________
|
|
 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
