ديوان الشاعر ردة السفياني

الا أنا
ــــــــــــــــــــــــــــــــــ







إلا أنـا وانـا افـرد الحـزن واطويـه
مـا اذكـر لغيـر الله وطيـت راسـي
من يـوم ميـلادي بـدت رحلـة التيـه
اكبـر ويكبـر داخلـي جـرح قاسـي
ابني الأمل تـم اهدمـه وارجـع ابنيـه
طموحي اكبـر مـن مسافـات ياسـي
اعرف متى ؟ واعرف لمن ؟ دمعي اهديه
لحظـة يقـيـن تشـدنـي لالتبـاسـي
فيني وطـن مالـه زمـن والتقـي فيـه
وارسـم ملامـح فيـه لاهلـي وناسـي
فيني طفل ماله اسـم وييـش اسميـه؟!
احبنـي واحــب كــره الكـراسـي
فيني وعد صعب اكسره واصعب اعصيه
نـذرت لـه جفـن انتباهـة نعـاسـي
إلا أنا صحـو المطـر جيـت اصحيـه
ليت العطش مابات فـي جـوع كاسـي
كم باب با اسمي قـال! مـا قلـت لبيـه
اخترت كيف انسـى ليـا كنـت ناسـي
ياصاحبي هـذا الوجـع جيـت اغنيـه
لك , وانـت غنـه دمعتـك للأماسـي

سارة جروحي
ــــــــــــــــــــــــــــــــــ




حتى أنت غبت وكان لغيابـك غيـاب
انتـه نسيـت ولا نسيـنـي غيـابـك
شوف المسا .. لو مرني مر مرتـاب
ماعدت فيـه أقـرأ رضـاك وعتابـك
قل : للسهر فكيت لك يالسهـر بـاب
هذي عيونـي يالسهـر مرحبـا بـك
لي فيـك ماللهمـس بشفـاه الأحبـاب
ولك في مـا يشبـع هزيـل إرتيابـك
سارة جروحي وأجمل أجروحي اسباب
علمتهـا نظـم الشعـر عنـد بـابـك
ليت المكان اللـي ورى دمعتـك ذاب
وقف شوي ومثل مـا أخـذك جابـك
أشهى قدر.. لو الخطأ بالخطـأ تـاب
وأجمل قدر.. لو مربـي .. وإنتهابـك
مادام صبحي تقبل أطيـوره أسـراب
مصيرها تشـرب روى مـن سرابـك
ومادام صدري زفرته حـرف وكتـاب
ماهل حرف إلا وهـو مـن حسابـك

طفلة مراويح السحاب
ــــــــــــــــــــــــــــــــــ




من هي؟هي الطائف حديث الروح صوت مستجاب
"شام" الجهـات وقبلـة التايـه وظـل المهتـدي
الطائف أحلى سمهـا طفلـة مراويـح السحـاب
الطائف أغلـى سمهـا عطـر الكـلام الأبجـدي
الطائف العرعر غصون السدر رايحـة الشـذاب
الطائـف أحـلام الطفولـة والبسـاط الأحمـدي
الطائف الدر وشـذاه وسكـرة أشفـاه الصحـاب
الطائـف اللقيـا أو الرؤيـا دلـع ريـم وغـدي
الطايف التاريـخ والجغرافيـا فصـل الخطـاب
الطايـف الحلـم انتصـار العلـم عمـرٍ مبتـدي
الطايف أشعار "الحميدي" حلم "عواض" اغتـراب
"عبدالغني" فـي شـارع المثنـاه ياقـف ويعـدي
الطايف إحدى القريتين الله ذكرهـا فـي الكتـاب
منها , لها , فيها , بها عاش ألوفا بيـت أجـودي
الطايف الماء والسماء والحب والسحـر المـذاب
كينونـة الشاعـر ليـا غنـت حروفـه للجـدي
الطائـف أحلـى قلتهـا وترابهـا ماهـو تـراب
ترابهـا تبـر وزمـرد , در يـاقـوت بـيـدي
الطائف أشفاه الرواة ولا على الـراوي عتـاب..
لو هـام فيهـا وانسحـر معـذور والله يبعـدي
الطائف أحلى ذاكرة كل المـدن , مليـون بـاب
يفتـح لذاتـك واتجاهاتـك صـبـاحِ سـرمـدي
الطائف أحلى حكمـة الشيـخ وفتـوات الشبـاب
الطائـف أحلـى يـوم مولدهـا تـأرخ مولـدي
الطائف غياب الحضور, الطائف حضور الغيـاب
الطائـف الصمـت المبجـل كلنـا بـه نقـتـدي
الطائف إحساسِ صعـد بـي ليـن ذوبنـي وذاب
في الضئ نبض حي يكتبنـي ويكتـب موعـدي




شام / في رواية أن الطايف قطعة من الشام
الحميدي/ الشاعر الكبير الحميدي الثقفي
عواض/ الشاعر الكبير والروائي عواض العصيمي
عبد الغني / شاب من أبنا مدينة الطايف بحي المثناه نشأ كقدره عقلية جباره وخارقة للعادة وبفعل الضغوط والضروف الحياتية أصيب هذا الشاب بإنفصام في الشخصية فأصبح يهيم على وجه في شارع المثناه لاعينٍ تراقبه ولا أفواه تخاطبه

المحاولة التاسعة
ــــــــــــــــــــــــــــــــــ





مرني هذا المسا بارد وانا عـذب انتباهـي
والمسافر ماكذب لو قال تشبهنـي صلاتـه
ليلة البارح لقيتك تمر فـي نخلـة شفاهـي
والصباح اليوم شيخ الدرب تغتابه عصاتـه
قلت واشياعي نمو خافي وردوا لاتجاهـي
قبل ماذكر رف طرف البال واحيته التفاتـه
ينشدوني والصخط قربان في محراب جاهي
والسهر يثني علي ويخذل الدفتـر رواتـه
شدني خبز الهوس نحوي وكان الشعر باهي
والصباح اللي نطق باسمي تلعثـم باغنياتـه
واشتهت تبني هدام اعراس وبلي في تباهي
رح من مرت شتا وجهه نبت فيهـا شتاتـه
لاتقول الطرف عن ولاتقول الطرف ساهي
صاحبك ياصاحبي تولد حياته مـن رفاتـه

تعطر بالجنون
ــــــــــــــــــــــــــــــــــ




من حدود اولي جيت انفي حدود ( ... ) وانفاه
يقف خلفي مكان وشيخ يستنطـق ثـرى بـلاده
نهاري طفل متشرد غزا جـوع القبـور بفـاه
شرى بعض الكلام .. ودمعتيـن ببيـع ميـلاده
عشقني نورس أبيض .. شق ليلي والظلام اطفاه
بنى منفاه بي .. داخل بياض الصحو وارتـاده
تعطر بالجنون .. وصب ذاته في طهـر منفـاه
تعلم كيف يستسق الوجـع .. و ( ...) ( .... )
يراني برق يحلبه الجفا .. واهل الثرى تجفـاه
يراني ضوح يستقصي السواد .. ويكسر ابعاده
تداخل مع سكوني .. واحترق في ذاكرة مرفـاه
وحول قبلة اغصان المطـر .. لليـل وسهـاده
قدر .. ميت يرث حي .. ويكون وموته استوفاه
خرج محمود من صلب التراب .. وعاود انشاده

حلم
ــــــــــــــــــــــــــــــــــ




مستبشريـن وغيمـة الدمـع تنشـاف
نظحك وحـزن قلبونـا مـن حكالـه
قلت اخرجي من طينة اسوار الاعارف
وتشكلي شجر انفضـل عـن ظلالـه
واستعطفي لطيورنـا تيـن الاطـراف
اليـل شـر ورث المهـد وانفصالـه
احلامنا خوف اعتنق جوع الاسـلاف
وافواهنـا منهـا الكـلام استحـالـة
ندعو ويتنـزل مطـر وسمنـا جـاف
حتى خلق فينـا مـن السهـو حالـه
من وين نلقـى للشتـا نـار ولحـاف
والصيـف مـر ولاخطرنـا فـبالـه
حبيبتي كـم قلـت بحلمـك واخـاف
احلـم ويفجعنـي السـؤال بسـؤالـه

خبل .. لكن مثالي
ــــــــــــــــــــــــــــــــــ




هذي يديني وان حصل والمطر قـل
خذها وحاصـر بيـدرك باحتفالـي
ودع شتاك وشاطـر الوسـم ماهـل
وانت اجودي .. وفنكسارك تعالـي
اخبرك كم خاطر على شرفتك طـل
واعرفك تعصى والوطن فيك عالـي
بغياب تقبل باجمـل اسمـاك مبتـل
وبحضور تقفي .. خبل لكن مثالي!!
مرات اقلـك : ايـه مستقبلـك زل
ومرات طلع المحبرة لـك موالـي
اقراك شيخ يرتـل اقصـاه ماظـل
واكتبـك خيـل وذكريـات وليالـي
قل لـالطليق من العصافيـر ملمـل
صوتـي دفـاي ولاكسبـه ابتهالـي
وكن من تبي .. وبصحبتك بيّت وظل
واقطف سهرك بدمعتك .. لاتبالي !

سادن الكهف
ــــــــــــــــــــــــــــــــــ




ياسادن الكهف ناداك التعب والجـرح حيـاك
كلمتنا كيف صوت الـذات فينـا مـات فينـا
ظل السهر زادك الميسور ظل الجرح مسراك
مسلمت للنوم جفنـك بالرضـى ليلـة غفينـا
يكتبك طهر البياض بخاطـرة والغيـم يقـراك
يسمعك وجـهٍ تهيـل بـك وبحـه يصطفينـا
حاصرت غي الخضوع المبتذل كفرك جافـاك
وانته تناميت في زخـرف سكوتـك وحتفينـا
اشعلت فينا بيات القول حتـى صمتنـا جـاك
وقدام مايولـد الفجـر القصـي فيـه انطفينـا
في صدر هذا الجسد لاحلامنا فكيـت شبـاك
ياليتنـا مثلمـا كنـت انـت موفينـا وفيـنـا
صرنا سبايـا نوايـا خطايـا نـار واشـواك
بعنـا دفانـا لجلـد البـرد وحنـا مادفيـنـا
ياسادن الكهف صمتك فجر بوح وسهوك ادراك
ياعين باكـر خذينـا دمـع باكـر وااذرفينـا
وحدك هزمت التوسل والمكان استعذب اخطاك
بالنار نكوى وعشـب القـول يانـار انصفينـا
قسمت بينك وبينك وانت وحدك زفرة اشتـاك
وعطيت للصيـف نخـل قبـل نلقـاه اختفينـا
يمه ورثنا صفاتك طيب قلـب وبسمـة شفـاك
وش فيك يمه نـردك الـك الوفـا ماتعرفينـا
صدقت ماقاله الراوي زمان وطيـن وافـلاك
يمـه دخيلـك بتـارخ المواجـع جغرفيـنـا

ذاكرة للطين
ــــــــــــــــــــــــــــــــــ




من يصطفيني قلت من غيري وهذا لليل سال
بعروق وادي لا نطق باسمي دروبه معشبـه
تشبه دفى الوادي عصافيره ويطلقها اعتقـال
وان باعها للجوع ماهـا تشتهيـه وتشربـه
قم يارفيقي هيل اسمي وافتح لصدري جـدال
يكتبك وانت وان مرك الموعد تهيـا واكتبـه
هذا جدار الريح قاسمنـي متاهاتـه ومـال
رتب شغب كينونة النسيان وانـا لـذت بـه
اصحو واقول ان المساء يحتد والصبح افتعال
اغفو ويوقضني وطن منسي وغيمه مجدبـه
كانت مواقيتي وسميت المطر ظلـي وقـال
من كان يحمل ذاكـرة للطيـن عمرمشتبـه

جفن السهر
ــــــــــــــــــــــــــــــــــ




صحيت جفن السهر واعطيتني دمعتك ميعـاد
البارحه وانت ترسم لـي بغيبتـك أعترافـك
ليتك ترويت واستحلفت حـق الملـح والـزاد
ليتك حملت المطر في البال واعطيته جفافـك
ليت اول الدرب ليته ما زرع خطوتي اوتـاد
والريح ياليتها مـا كـل مـا هبـت تخافـك
تخيل اني تخيلـت انـك اسـواري والأبعـاد
والكبريا فيك ماهو إلا ضيـا والبـوح شافـك
تخيـل انـي تخيلتـك لدربـي زاد وزنــاد
وان اختلافك زمن مايكسـره غيـر اختلافـك
فيما مابقى عني اكتب واكتب ان الموت ميلاد
واذكرني ان كان وجه الصبح مرك واستضافك
ارسم متاهات صوتي في حدود بـلادك بـلاد
لا زلت حلم اتجاهي لاتقول : الحلـم طافـك!
تكفى تراني على حد الجروح ووجهي عتـاد
ينهل حروفك زمعروفك ويشرع في ضفافـك