الله يحييك معنآ هـنـا


 
العودة   منتديات قصايد ليل > ..✿【 قصــــــايـــد ليـــــــل 】✿.. > …»●[دواويــن الشعــراء والشاعرات المقرؤهـ المسموعهــ]●«…
 

…»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. }

إنشاء موضوع جديد  إضافة رد
 
أدوات الموضوع انواع عرض الموضوع
#1  
قديم 12-18-2008
Saudi Arabia     Male
SMS ~
سلام ... !
لوني المفضل Black
 عضويتي » 52
 جيت فيذا » Nov 2008
 آخر حضور » 08-25-2017 (08:10 AM)
آبدآعاتي » 6,210
الاعجابات المتلقاة » 1
الاعجابات المُرسلة » 0
 حاليآ في »
دولتي الحبيبه » دولتي الحبيبه
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » نادر الوجود is an unknown quantity at this point
مشروبك
قناتك
اشجع
مَزآجِي  »
بيانات اضافيه [ + ]
افتراضي الديوان المكتوب للشاعر / ضيدان بن قضعان "المقروءهـ" المكتوبه



السلام عليكم ورحمة الله وبركاته

يسعدني أن اقدم بين يديكم ديوان الشاعر / ضيدان بن قضعان

واللتي جمعتها لكم ... واتمنى ان تعجبكم ...



بنت الشيوخ

بنت الشيوخ اللي يسمون العنـود
من كثرها يـا زيـن حتـى قلهـا

وان ذعذعت لي بالهوى مع كل نود
يا مل عينـي بالهـوى يـا ملهـا

البارحه هبت على صوت الرقـود
وأنا علـى ميعادهـا شفـقٍ لهـا

طرقا بهمستهـا تعدّينـي الحـدود
ميـر أحتـرم مقامهـا وجلـهـا

ما في مواريث الفهود إلا الفهـود
وأنـا مواريـد الـذيـاب أدلـهـا





أضحى الضحى

أضحى الضحى وأنا على رجمٍ بديته من عصير
أدرى خـواطـر كـايـد العجـمـان مــن iiمنـقـودهـا

رجـمٍ جنوبـي طلعـة العشّـار شـرق أبـو ظهـيـر
غـربٍ مـن الصـرار والونـان أشــوف iiحـدودهـا

ومحمد بن سعود بن حثليـن غيـر النـاس iiغيـر
إمّــيــزه ربــــي خـــــوال وقــدهـــا وقــدودهـــا

حفيـد مـن جابـه مـعـزي كـنـه الــداب الضـريـر
مـع ابـن لامـي والدويـش اللـي يـقـود iiفهـودهـا

عـمـود حـمـران النـواظـر كلـهـم قـايــد iiمـطـيـر
يـوم الفغـم والـسـور حــراس البـلـد iiوجنـودهـا




النوخذه


العذر لويحسب على الرجل iiتقصيـر
فـرضٍ ليـا اخطـا للرياجـيـل iiيبـديـه

وبعض الخطايـا تحتملهـا iiالمعاذيـر
وتدمح وتحسب شبه غلطه iiوتنبيـه

وبعـض الخطايـا مالـهـا اي iiتبـريـر
ولاعــاد فيـهـا لا لـمــاذا ولا لـيــه؟

لكـن علـى شـان الرجـال iiالمناعـيـر
يدمح خطا المخطي من الهيه للهيه

الا ليـامـن عـادهــا عـقــب تـحـذيـر
واخطـا علـي بالعمـد مالله iiبحـاديـه

واصبح بحلقي من حسـاب iiالزاريـر
وبـذ الخفـا واطغـى غـروره تماديـه

آقـف واضيـع كـل حشـمـه iiوتقـديـر
ومـن قـال ياضيـدان؟ ماقلـت iiلبـيـه

واجيـه لـو دونـه جمـوع وطوابـيـر
واســوي الـلـي ماتمنـيـت iiاسـويــه

والـلــي يـصـيـر يـصـيـر ويـصـيــر
لابـــو صـبــيٍ مـايـعـادي iiمـعـاديــه

واهـل النخـل لوحسبـوا للعصافيـر؟
ماتهيـوا مـاء بيرهـم فــي iiسواقـيـه

والنوخذه لو ما احتمل iiللاعصايـر؟
امـداه لاقفـى يقطـع اليـاس iiراجـيـه




الجادل

حببتي والقلم يشره علـى iiأوراقـي
وأوراقي البيض للمشروه iiخضاعـه

خذت القلم والعيـون تخيـل iiبراقـي
وأمطر قصيدي على صيفه ومرباعه

هلت سحايب قصيدي فايح اشواقـي
وانبت جمالك قصيدي باجمل iiانواعه

يامن جماله تعـدا هقـوة iiالهاقـي
خلا قصيدي على النفنـوف iiدراعـه

واقول للناس هـذي عـز iiميثاقـي
اللي لها لين اموت السمع والطاعـه

الجادل اللي من اهل المستوى iiالراقي
رفيعـة الـذوق للمعلـوق مزاعـه

الله فرقها علـى زينـات iiالاخلاقـي
بيت الشرف بيتها وتعيـش iiبرباعـه

بنت الترف واسم ابيها درعها iiالواقي
والخال شيخ يحوش الطيب بذراعـه

من ماكـر مالجابـه كـل iiنعاقـي
ماكر حرار تشوق العيـن iiطلاعـه

ريحانة في ظـلال وتحتهـا iiساقـي
من دونها الموت والسلال iiواتباعـه

خذت من اوصاف يوسف كل ما iiلاقي
زعيمة الحسـن مياسـه iiوجزاعـه

ان اقبلت قلت ماتت لوعـة iiافراقـي
وان دبرت قلت عاش البين iiواوجاعه

ان اقبلت قلت ماتت لوعـة iiافراقـي
وان دبرت قلت عاش البين iiواوجاعه

وان وقفت وقفن تلعـات iiالاعناقـي
وان عرضت من لمحها دق iiباصباعه

يخضع لها الراهب العاصي وينساقي
وقلوب الابطال منها شبـه مرتاعـه

حبيبتـي والغـلا ماعـاد iiينطاقـي
شرواي ماتدركـه فزعـاة فزاعـه

انتي مدار الفلـك وعيونـك افاقـي
وانا الذي عاش حبك باربع iiارباعـه

لبيه...لبيـه يافـيـي iiومشـراقـي
ياغلا غلا في حياتي يااثمن iiبضاعه

يالذ من فرحتي بك لحظـة iiعناقـي
قلب وهبته عيونك ترفض ارجاعـه

مدامني لك مليك وترفـض iiاعتاقـي
قلب يكسب الكنز عاش ومات ماباعه

حبيبتي والقلم يشرب مـن iiاعماقـي
عساي بينك وبين الشـر iiواطماعـه

لا يابعد عمري اللـي راح iiوالباقـي
ياجعل يومي قبل يومك لو iiبساعـه




في عبدالله شرفان

الا يالله مـن فضلـك iiعليـنـا
سجدنا لك سجـود iiالشاكرينـا

بعد مـاالله نصرنـا iiوانتصرنـا
سـلام الله عليـنـا iiكلبيـنـا

وسلام الله لبن شرفان iiواثنـي
سلامـي عـد ماحنـا iiثنيـنـا

على ربعي محزمـت iiالقنـازع
هل الفزعـات لا بـاح iiالكنينـا

كـذا وقفاتنـا وسلـوم اهلنـا
مواريـث الـجـدود الاوليـنـا

وليا مـن فـاز ربعـي iiثلاثـه
علـي الشاهـد الله iiماعليـنـا

بعد مافـاز خالـد والبصيـري
رقينا المجد وحنـا قـد iiرقينـا

وليا من فاز ابن شرفان iiفزنـا
وحـنـا كلبيـنـا iiفايـزيـنـا

ياعبـدالله ياعبـدالله iiتفـاخـر
يليق المـدح بـك دنيـا ودينـا

وتفاخر الارض من مشيك عليها
وحنـا نتفاخـر بـك لا iiخلينـا

وانا سعودي ولي صوت iiكويتي
ولا يشكـل علـي ابـن الذينـا

سلام الله علـى كـل iiالقبايـل
وعلى يـام الكـرام iiالاكرمينـا




العمر مشوار

يــا لـلـه يـالـلـي الـيـا ضـاقـت تـفـرجـهـا =يـا فـارج الـهـم والـضـيـقـات والـكـربـه
يـامـخـرج الـعـبـد لا ضـاقـت مـخـارجها =عـن مـوقـفٍ يطحن السربه ورا السربه
افـرج لـمـن كـايـد الـطـرقـات يـنـهـجهـا =لـو مـاش بـكـره ولا مـزهـب ولا قـربـه
بـمـرك يـهـوم الـدروب ايـلـين يسهجها =ولـولا الـرجـابـك قصر ممشاه عن دربه
ثــم الــرجــا فـي رجـالٍ مــا يـخـالـجـهـا =فـي نـفـوسـهـا شـك والـطيب تفاخـر به
شـرواك يـالـلـي الـيـا صـكـت نـعـرجـهـا =صـوبـك شمال الشموخ وشرقه وغربه
نــنــصــاك نــرثــعــبـهـا ولا نــدرجـهــا =ومن شاف وجهك نسى الهم وتباشر به
يـامـن تـسـر الـنـظـر والـنـفـس تبهجها =أنـا أشـهـد ان الـعـيـون لـشـوفتك طربه
لـو حـدهـا عـنـك شـيءٍ قـام يـحـرجـهـا =مـن عـلـةٍ جـات والاوضـاع مـضـطربـه
والـعـلـه الـلـي نـحـولـي مـن نـتـايـجهـا =لــيــه أتــعـبـر بـهـا يـالـهـرجـه الـذربـه
لا صـار صـبـري عـلـيـهـا مـا يـعـالـجها =مــاعــاد لــي عـذر وش عـاد أتـعـذربـه
هـب الـهـوى والـسـفـيـنـة قـام يـدرجها =مـوج يـهـول الـعـقـل فـي جمبها ضربه
امــا نــطــحــهـا الـهـوى ولا تـولـجـهـا =ولا كـل مـن غـربـوا عـادوا مـن الغربه
الــبــحــر غــدار وامــواجـه تـمـوجـهـا =يـخـفـي الـمـنايا وصوت الموت يجهربه
الاقــدار تـخـفـى نـجـومٍ فـي تـوهـجـهـا =ويـمـوت مـيـعـادهـا الـلـي كان تظهر به
قــلــتـه والايـام مـدخـلـهـا ومـخـرجـهـا =مـاهـوب مـثـل الـجـمـال الـلـي تظاهربه
عــادات الايــام لــو يــغــري تـغـنـجـهـا =لا بــد بـيـن الـضـلـوع تـمـكـن الـحـربـه
ومـن لا يـشـد الـرسـن بـيـده ويسرجها =ويــضـرب بـهـا كـل ربـعٍ كـايـدٍ ضـربـه
يــمـوت مـن ونـةٍ مـاأحـتـال يـزعـجـهـا =وحـسـبـه على اللي عن اليمه تياسر به
وكــثــر الـقـنـوات ومـتـابـع بـرامـجـهـا =مـا تـلـحـق الـرجـل مـقـصـودٍ يـفـكر به
والايـام كـثـر الـتـرف فـيـهـا يـسـمـجـها =والـعـمـر مـشـوار والـرجـل إيـتـعـبر به




سديري وطاقية

كفى يا الأمير أرجوك يكفي كفا يا iiأمير
ترى الخال مايسمع نصيحـة iiبناخيَـه

وترى يا طويل العمر ما عادني iiبصغير
كبـرت ودريـت بمـا iiعليَه..وماليَـه

وترى يا طويل العمر ما ينفع iiالتفكيـر
على واحد ٍ ماله عن اللي يبـي iiنيَـه

أقوله وأنا يامير مـا عادنـي iiببخيـر
على بنت ٍ شيخ فـي عبايـه iiملوكيـه

طموح ٍ على شاني وأنا شايم ٍ عن iiغير
هواها..ولا فكـرت فـي ذي ولا iiذيَـه

وإلى هب نسناس الهوى للحزين عصير
وربط غترته من تحت حلقـه بأياديَـه

ويم بوجهه للهوا وقم حومـة iiالطيـر
وتنهد..وون..وحـط ايديـه iiبمخابيَـه

تذكر ذعاذيع الهوا يـوم كـان صغيـر
يوم ان أكبر احلامه سديـري iiوطاقيـه

وقفَا وهو مابين واقف وبيـن iiيسيـر
ووقف..من جديد وحط ايدينـه فأذانَيـه




وليت يا مسلـط

وليـت يـا مسـلـط كـريـم iiالسبـالـي
مـن هـول بيـتٍ يستـحـق iiالزعـامـه

بـيــتٍ تمنـيـتـه وهـــو مـــا iiيـنـالـي
ودامه خطف قبلي فـلا لـي iiملامـه

انـا اتهـم انـه خاطـفـه مــن منـالـي
فـي غفلـه كـل غـرق فـي iiمنـامـه

لــو كــان وقـتـي غـرنـي iiعـزتـالـي
وغديت طير وهو الشبـك iiوالحمامـه

وقـت ٍ علـى كسابـه الطيـب iiمالـي
يلعـب بشيخـان العـرب لعـب iiدامــه

مــن اول تــذرى خـشـوم iiالجبـالـي
واليوم يغنـي عـن ذرا الضلـع iiخامـه

ومــع كــل ذا مــا جمـعـت الريـالـي
ويهـون مـوتـي دون جــرح الكـرامـه

واجـود باليمـنـى وتجـهـل شمـالـي
وهبال مسلط يعطي الراس iiزعامـه

حــي مهـبـول صـامـل مــا iiيـبـالـي
ولا صاحـي وقـت الشـدايـد iiهـلامـه

الشـعـر بـنـت لـبــو زيـــد iiالـهـلالـي
وبيت مسلط يلوح بخدها كنه شامه

انـأ اتهـم انـه مـاخـذه مــن منـامـي
في لحظه قلبي غـرق فـي منامـه




الدور واحد وخمسين

البارحه في الدور واحد iiوخمسيـن
شبيت مـن راس الفتيـل iiالزقـاره

وكنيتهـا ليـن أمتلـن iiالشراييـن
لعلهـا تطفـي لهيـب الـحـراره

ولفتها والدمع في محجـر iiالعيـن
والدمع ماسال لكنه رهين iiالأشـاره

أقرأ وأعيـد الخـط مـره iiوثنتيـن
وأقول من صـدرً تحطـم iiعبـاره

لبيه يا سلطان لـو نـازح iiالبيـن
يـزوي سرابـه ويتركـز غبـاره

غربة حاديني مـن الفقـر والديـن
ماحد أبـو عـرام يجلـب iiقشـاره

ونصيت ربي ثم نصيت iiالسلاطيـن
اللـي تحفـظ لكـل رجـل iiوقـاره

ومن فضل رب البيت مابين iiعديـن
بين أحمد وحمدان والعلـم iiسـاره

في فلةً في دبـي ملكـي iiودوريـن
تعلـم البـدوان فـن iiالحـضـاره

قدامهـا لنكـن وكدلـك iiورنجيـن
وفي البر عزبة وفي المدينه عماره

وأن طعتني روح علي ياأحمر iiالعين
بشت الغنـاة ولا بشـوت iiالأمـاره

ومن لاعشق له وحدة من هل العين
عز الله أن باقـي حياتـه iiخسـاره




وكالـة بالبيـد

راكـب الـي ماتجيبـه وكالـة iiبالبيـد
ولايجيبه بهبهانـي ولا وضيحـي قطـر

ادهم وسم الجميح علـى جنبـه iiجديـد
مهبل الي يوم عـرض يحسبنـه iiشفـر

جمس شكمانيـن وملقبينـه بـا iiالوليـد
من سرابه ما يغبـط القصيبـي iiوالجبـر

كاتبين فـي ضمانـه حديـده مـا iiيبيـد
تمـرةٍ قـاري عليهـا حفيـد iiابوبـكـر

كن وجهه لانطحته تشعشـع يـوم عيـد
وانقفيتـه كنـه السيـل لاسـال iiوحـدر

وان عرض لك في مزاياه من عنق الفريد
وان ركبته تحسب انك على سطح iiالقمـر

دقته نغمة عبـادي علـى سلـم iiفريـد
لا عـزف الاول وجـاوب عاشـر iiوتـر

لاشتغل قالت شكامينه اركـد يـا حديـد
والقزوز تقـول للقـاع روح يـا iiفقـر

كن في الشكمان الايمن صدا عبد iiالمجيد
وكن في الشكمان الايسر صدا نايف iiصقر

والبلوف تقول للكهربه هل مـن iiمزيـد
والسيور تقـول للمروحـه ايـن المفـر

كل اغانيهم علىدرب واصـل يـا iiعنيـد
لين تلفي قصر شيخ على العليـا iiشهـر

سايقه من صلب ربعي وله باس iiشديـد
ما يخاف البعد والليل والمـوت iiالحمـر

من صناديد ال عرجا هل العلـم iiالوكيـد
لابة من جن تمشي علـى هيئـة iiبشـر




ياباشة الروم

يا باشة الروم لا تطلع علـى iiمتنـي
اطلع على متون رومك وانت شرواها

انا مسيـر فقـط والرجـل iiجابتنـي
من دار حكام نجد اللي انت iiبحماهـا

يما اكرم الضيف باول فوح لا iiيثنـي
والا اترك الداب وشجرته iiودعواهـا

لـو ادرى مجلسـك والبـرد iiبيتنـي
ماني من ربعك اللـي تفهـم iiلغاهـا

جعلك فدا وقفتي لو جلستـي iiحتنـي
وحبة خشم وانت قاعد جعلك iiفداهـا

مابيع نفسـي لـو الايـام باعتنـي
ولا جيـت ادور الإهانـه iiواتمناهـا

الحاجه اللي على شـرواك iiحدتنـي
والا انت مانت بقد النفس iiورضاهـا

ياللي علـى دارة الأقـدار iiساقتنـي
ميز هدير الجمـال وميـز iiرغاهـا

بداية الـدرب عـن تاليـه iiكفتنـي
بشعب ذلولي عشاه يطيب iiمسراهـا

من يوم شفتك الامام وتشرب التتنـي
حرمة اصلي ورا اللي تجلـد iiلحاهـا





يامرحبا


يامرحبـا ترحيـبـةٍ كلـهـا iiلــش
تكسيش من راسش ليا حـد iiماطـاش

من قلب مهيـومٍ بحبـه صفـا لـش
يلعب به الغربي ليـا سمـع iiطريـاش

يفرح ليا مـن قالـش كيـف iiحالـش
ولولا غلاش وحشمتش كان ما iiجاش

وان قلتي انه غايتـش شـف بالـش
كأنه ملك يعرب من الطـاش iiللطـاش

يابري حالـي كيـف مالـي iiومالـش
لا والله الا لي ولـش لعنبـا iiالـلاش

من هامتي لي محزمي لـش iiحلالـش
بيتش فديتش واسكني وسـط iiالجـاش

اما ابتلشتي بـي وانـا فيـش iiبالـش
غديت كأني من شـرى علتـه iiكـاش

انا في وجه امش وابيـش iiوخوالـش
ما اجيش لي حاجه واعود على ماش !




لي على الدنيا30وكفاني

الله الــــواحـــــد ولا الله iiثـــــانـــــي
وحــده عـبــد سـجــد قـلــب iiوعـقــيــده

مـومــن يـصـبــر لـيــا جــار iiالـزمـانــي
فـي رجـا الـلـي مـدتــه تـغـنــي iiعـبـيــده

وان تـحــدانــي زمــانـــي و iiاحــتــدانــي
لـلــدروب الـعــوج والــكــف iiالـزهــيــده

شـمـت عـن بـاقـي حـيـاتــي فــي ثـوانــي
والـجـســد لابــد مــا لـلـدنـيــا تـبـيــده

مـا خـلـقـت اعـيـشـهـا عـيـشــة iiهـوانــي
يــا عـســى روحــي وروح ابــي iiشـهـيــده

ولا يــامـــا روح الــلــيــل iiوســرانـــي
و كـم سـريـتـه غــي و احـلامــي سـعـيــده

و كـم خـذا مـنـي الـزمــان و كــم عـطـانــي
و كـم قـصــر يـمـنــاي عــن شــي iiاريــده

مـا سـألـتــه لــو بـعــد جــار و iiخـذانــي
الا عــن عـمــر غــدا وشــلــون اعــيــده

لـي عـلــى الـدنـيــا ثـلاثـيــن iiوكـفـانــي
مـنـهــا الـعـشــر الاخـيــرات iiالـشــديــده

عـلـمـتـنــي كـيــف اوقــف ولا iiدهــانــي
مـا دهــى سـعــدون فـعـقــاب وعـضـيــده

عـلـمـتـنـنـي كـيــف لا مـاتــوا iiاخـوانــي
و مـات ابـي و الـكـف مـا تـصـفــق وحـيــده

كـيــف اوقــف و اتـشـهــد فــي iiمـكـانــي
و اثـبــت بـيــوم عـســى الله مــا iiيـعـيــده

يــوم لـحــق الـعـلــم الاول عـلــم ثـانــي
والـحـق والـحـظ...الـفـقـيــده iiبـالـفـقـيــده

آه مــن شــي عـلــى قـلــبــي كــوانــي
لـيــن وقــف دم قـلــبــي فـــي iiوريـــده

والـشـجــاع الــي وطــاه الـلــي وطــانــي
عـزتـي لــه لــو بـنــي عـمــي iiعـبـيــده

يـابـنـي عـمــي عـريـبـيــن iiالـمـجـانــي
يـاهــل الـوقـفــات والاريـــاء iiالـســديــدة

يــا سـلايــل مــن يـــروون iiالـسـنــانــي
لا قـــدح حـــد الـحــديــدة iiفـالـحــديــده

عـلـمـوا الـسـبـع عـن سـهـيـل iiالـيـمـانـي
الـفـريــد الـلــي مـطـالـيـعــه iiفــريــده

وعـلـمـو الـلـي يـحـسـبـن ضـيــدان iiوانــي
يــا عـويـنــه كـــان ذا حـــده iiوجــيــده

وقـولـوا انـي فـالـرفــاع مــن الـطـمـانــي
وكــل درس مــن حـيـاتــي iiمـسـتـفــيــده

ان ثـقـل حـمـلـه فـانـا الـهـرش iiالـعـمـانـي
وان تــربــق فـالـقــيــود افـــك iiقــيــده

و عـلـمـوا الـلــي لاصـفــت الايــام جـانــي
وفـالـرخــا يـســوى ثـلاثـمـيــه iiبــديــده

وان قـســت الايــام شـفـتــه مــا iiيــدانــي
مـتـرف مـالـه عـلـى الـرمـضـا iiكـبـبـيــده

وعـلـمـوا الـلـي يـوم زانــت لــه iiنـسـانــي
لا يـحـسـب انـي لـيـا مــن صـحــت iiمـيــده

يـوم اصـيـح ...اصـيــح لـلــي لا iiغـشـانــي
نـفـحــه مــنــه تــذكــرت الـقـصــيــده

وان تـنـاوشــت الـقـلــم والـلـيــل iiدانـــي
مـاغــدا لــي مــن شـرايـدهــا iiشــريــده

والله ان اغـلــى الـقـصـايــد فــي iiكـيـانــي
فـالـمـلـك عـبـدالـعـزيـز ...وفـي iiحـفـيــده

الـكـريــم اكــرم كـريـمـيــن iiالـيـمـانــي
الـشـجــاع الـلــي لــه امـجــاد iiتـلـيــده

الـفـعــل هــو عـنـتــره iiوالـغـيـهـبـانــي
والـكــرم هــو حـاتـمــه وابــن iiمـهـيــده

ابـلــج مـــن دون ســيــاه الـحـســانــي
رايـتــه عـلــيــا ونـظــراتــه iiبـعــيــده

أذكـــره لا لـفــنــي الــوقــت iiوطــوانــي
واعـتـزيــت وكــل قـلــب صــار iiحــيــده

واتـذكــر لا قــســى الــوقــت و iiرمــانــي
فــي دروب الـتـهـلـكــه والــدرب iiســيــده

اتـذكــر بـسـمـتــه و الـعــمــر iiفــانــي
وجـود كـفـيــه ومـسـاعـيــه iiالـحـمـيــده

ذاك ابــو عـبـدالـعـزيــز الـلــي iiكـسـانــي
بـالـجـمـايــل مــن قـديـمــات و جــديــده

أشـهــد انــه قـصـرنــا زيــن iiالـمـبـانــي
مـن حــداه الـوقــت شـوفــه يــوم iiعـيــده

درعـنـا الـلـي فــوق الامـتــان iiامـتـحـانــي
ضـافــي هـجــل مـقـاضـيـبــه iiجــويــده

وسـبـفـنـا الـلــي لا تـولــى الـضــد iiلانــي
فــي نـهــار يـاقــف الـضــد iiلـضــديــده

عـدنــا هـــداج لا اجـــدب كـــل iiســانــي
كــن مـورادنــا عـلــى جــالــه تــزيــده

الـفـخـر لـلـفـيـصـلــي ريــف iiالـعـوانــي
خـالــد الـلــي يـكـســب الـطــالات iiبـيــده

يـاهــل الـتـاريــخ جـزلـيــن الـمـعـانــي
يـالـرجــال الـلــي مـصــادركــم وكــيــده

انـشـدوا مـنـهـو الـحـصـان ابـن الـحـصـانـي
ومـن زعـيــم الـطـيــب ولا مــن iiعـمـيــده

عــن حـفـيــد مـوحــد الـدولــه iiوبــانــي
مـجـدنـا الـلـي بـاربـعـيـنـه iiمـسـتـعـيــده

اشـهــد ان الـجــد شــرف يـــوم iiبــانــي
واشـهــد ان الـعــود عـقــب لــه iiولــيــده

يـاطـويــل الـعـمــر وقــف لــي iiتــرانــي
كـان مـا وقـفـت لــي طـحــت iiالـنـضـيــده

مـوقـفــك مــا هــوب لـفــلان iiالـفـلانــي
وعـن مـقـام الـذيــب مــا يـغـنــي ولـيــده

بـيــض الله وجــه مــن وقــف عـشــانــي
سـاعــه كــل طــرف بـشـتــه iiقـعــيــده

والا انــا لــلــه شــكــري iiوامـتـنــانــي
ثـم مـلـكـنـا ثـم حـكـومـتـنــا iiالـرشـيــده

سـيــدي يــا سـيــدي لــو كــان iiاعـانــي
مـــا درت الاذن الـقـريــبــه iiوالـبـعــيــده

وان وصــل صـوتــي لـصـقـهــان iiالاذانـــي
كـيـف اصـب الـعـلـم فـقـلــوب بـلـيــده ii؟؟؟

فــي كـتــاب الاصـفـهــانــي iiلـلاغــانــي
خـيـر مـمــا فــي الـمـجـلــة والـجـريــده

و الـشـعـر لـو مـا تـحـاكـيـتــه حـكـانــي
مـوهـبــه مــن واحــد يـصــدق iiوعــيــده

ان بـغـيــت ادلــعــه قــمــت و زهــانــي
و ان بـغـيــت أطـوعــه عـمــه و iiســيــده

وان بـغـيــت يـقــال : صــح الله iiلـســانــي
سـعـد مـن خـالـد عـلـى الـدنـيــا رصـيــده




خطر غصن القنا

أنا .. أنا وأعوذ بك يـارب مـن كلمـة iiأنـا
عبد وهبته من بديعـات المواهـب iiماوهبـت

آمنت بك وأسلمت لك أمـري وأناوأنـا iiوأنـا
المنتهي كل أربعاء والمبتدي في كـل iiسبـت

أخاطب عقول الرجـال الفاهمـه وانـا هنـا
وان شاء ربي ثم أمرني ماتحاكيـت iiوكذبـت

أجمل نساء الارض غنت لي بصوت ((الله لنا))
وأنا الفقير اللي رزقه الله بمرعى كـل iiنبـت

طرقا عرض فستانها الازرق خطر غصن iiالقنا
نازل على الوادي بنا يشرب وانا قبله iiشربـت

حبيتها ليـن انفـرط سلسالهـا بعـد iiوعنـا
وأبعدت عنها في حياتي كثر ماعنهـا iiقربـت

قولوا لها يا أجمل نساء الارض ((أما آن iiلنا))
أن ننهي الحلم القديم ونكبـت الغايـات iiكبـت




عقب العفو

عـقـب الـعـفـو مـن سـيـد الـجــود iiكـلــه
طـاحـت بـي الـدمـعـه عـلـى كـف سـلـطـان

الـدمـعــه الـلــي جـعـلـهــا فــدوةٍ iiلــه
وانــا بـعــد فــدوة مـواطــي كـحــيــلان

ويـفـداه مـن جــاش الـبـكــا رهـبــة iiلــه
ويـفـداه دمــع الـعـيــن شـكــرٍ iiوعـرفــان

حـبـيـت ركـبــة سـيــدي حـشـمــة iiلــه
ولـي الـشـرف ويـصـيـر لـي عـقـبـهـا شـان

الـبـارحــه كـنــي عـلــى صـلــو iiمـلــه
والـيــوم مـشـرافــي عـلــى راس iiمـابــان

عـديــت روس الـنـايــفــات iiالـمـطــلــه
واخـتــرت مــن غــر الـقــوافــي iiوالاوزان

فـي مــدح مــن شــرد الـقـوافــي iiتـدلــه
تـنـقـادلـه قــود الـعـسـايــف iiبـالارســان

الـمــدح مـالــه غـيــر سـلـطــان لـلــه
والـجـود مـالـه غـيـر سـلـطــان iiعـنــوان

اسـمــه لـحـالــه دولـــة iiمـسـتـقــلــه
ويـعـيـش فـي ظـلــه شـعــوب وسـلـفــان

وان قـلـت حـكــام الـعــرب تـحــت iiظـلــه
عـنــدي عـلــى قـولــي دلايــل iiوبـرهــان

لـيـاحـصـل فـي بـعــض الاوضــاع iiخـلــه
وتـشـتــت فـالــروس الاريـــا iiوالاذهـــان

هــام الـصـعــاب وكــل عـقــد iiيـحــلــه
مـهـوب فـي حــل الـصـعـيـبــات iiبـحــلان

يـشـيـل حـمـل الـلـي عـجــز iiمـايـشـلــه
ويـذري ذراه مـن أشـهــب الــلال iiشـيـخــان

والـيـا بـطـش كــل ثـبــت فــي iiمـحـلــه
والـيـا تـغـاضـا طـمـرتـه طـمـرت حـصــان

والـعـفــو عـنــد الـمـقــدره عــادةٍ لـــه
والـحـلـم لـوصـدره مـن الـغـيـض مـلـيــان

والـجـود مـن لـه غـيـر سـلـطـان مـن iiلــه
ومـن لـلـمـحـبـه والـمـكــارم والاحـســان

الله خـلــق فـيــه الـمــكــارم iiجـبــلــه
والله خـلــق فـيـنــا مـحـبــة iiبـلـيـهــان

يـاحـبـنــا لـــه والـمـحــبــه مـــن iiالله
نـشـري رضـاه ونـؤمــن بـحـبــه iiايـمــان

وعـن الـشـعــر والـمــدح كـثــره وقـلــه
يـغـنـيـه مـن يـغـنـي بـه اشـعـوب iiواوطـان

وان عـاش راســي والـسـعــد مـقـبــلٍ iiلــه
لـعـوض روحـي فـالـقـصـايـد iiلـسـلـطــان




لبا عيونك

لبا عيونك ولبا خدك وخاله = ولبا المحيا ولبا الليل والشفه
فديت عمرك بتجريحه وغرباله = لوتشربه الارض غبره والبحر جفه
هلي كما البدر غيضي كل حفاله = وسجي عن الليل لايلهيك في صفه
وهزي على صوت رجف القلب وهباله =الطار قلبي وكف توجعه شفه
ياشفه العين قبل تجين جماله = وجيتي ولاشفت غيرك لو رفع كفه
كنك لحالك حضرتي الحفل في الصاله= ولاشفت غيرك بشر ياقمه العفه
انتي زعيم رفع للقوم فنجاله=وكل تعذرشروبه ليله الزفه
انتي بيمني الحلا والناس بشماله=ثقيله العقل فيك الدم ياخفه
احيي فقيد بغيت ابكي على اطلاله =في غيرك يموت لو احييه وازفه
وان عودت للغلا غلاك بلحاله=انتي بكفه وباقي الناس في كفه




ياوجودي


يا وجودي كل ما هـبّ نسـناس الشمـال=وجد من حدّه زمانه علـى اللـي مـا يبيـه..

ويا وجودي كلما اضحيـت ثـم مـال الظـلال =لا غفت عينـي ولا ذقـت شـي ٍ مشتهيـه...

وجد من قفّى وهْـو فـي رجـا كلمـة تعـال =وإلتفت من عقب ماْ اقفى ..ولا أحد ٍ لدّ فيه..!!!

ويا عذابي لا دنـا الليـل مـن روس الجبـال =وانتهى يوم ٍ من العمـر مـا عـاد أرتجيـه..

وانتي أبعد من سمـا الحلـم ووصالـك محـال =يا بعد من هلّ دمعي ضحـى الفرقـا عليـه..

يـا غناتـي لا تحسبيـن دمعـي يـوم ســال =ضعـف ولاّ خـوف ..ولاّ كـذا ولاّ كذيـه !!

والله إنـي مـن رجـال ٍ يضـدّون الـرجـال =لكن الحظ ّ الردي ..ساق دمعـي كـل أبيـه !!

ووالله إنـي كلـمـا دار حولـيـك الـجـدال =قمت كنّ الموت يشّـر علـى قبـرى بديـه !!

ووالله ان قد لي وانـا اصّـد لا جالـك مجـال =صدّة اللـي لا تضايـق تذكّـر قبـر أخيـه !

ومن سألني قلت مـدري..وإذا عـاد السـؤال =قلت له تكفى سؤالـك تـرى ماهـو وجيـه !!

وش تبيني اقول عن من ترى ذبحـي حـلال ؟ =والخطا منها عليّ..صـرت أحبـه وأهتويـه!!

عذرها لو مـاْ تْعـذّر مثـل واضـرب مثـال..=واحد ٍ ما يعـرف الحـرّ الاشقـر يشتويـه !!

وان رجعناللـتـواصـيـف لله الـكــمــال =لاْ انتهـى ليـل المزاييـن جاتـك تبتـديـه !

كنّهـا غفـل ٍ مـع البـدو طاويهـا الحـيـال =مـا يميّـز وصفهـا إلا نبيـه ٍ مـن نبيـه.!!

وآهنـي اللـي وصلهـا وذاق مـن الــزلال =شربـة مـع غفلـة النـاس مـن فيهـا لفيـه

ياْ اول أحـلام الطفولـه علـى حـد ّ الخيـال =الرجى باللي حمى البيت مـن حملـة بريـه..

حال دونك سيف عنتـر وتاسـع حـول حـال =باْثر حول ٍ حال دونك وانا ادعى هيـه هيـه !!

هيه ياللي غـرّك الحسـن واطغـاك الجمـال =والله أني اموت ما شفت لأوصافـك شبيـه !!

لـو يسـام الحسـن والتيـه بجنيـه وريــال =ما بقى في سوق غيـرك ريـال ولا جنيـه !!

كيـف أهـدّك للمقاديـر وانتـي راس مـال؟؟ =راس مال ومال..والمال ماْ يغطـي السفيـه !!

حافظك حفظي لعينـي ورمشـي لـك جـلال=وانتـي تْشحّيـن بالما..وانـا شفّـي مويـه !!

شايف ٍ ظلمـك وساكـت وطـال الليـل طـال =لا نويتي طعن قلبـي وانـا مـا قلـت ليـه...

لو بقـى للهيـل صبـر ٍ علـى فـوح الـدلال =ما بقـى للهيـل صبـرٍ علـى شـي ٍ يجيـه!!

وانتـي تْسوقيـن عقلـي علـى حـدّ الهبـال =تحسبين ان من بغى شي ..يقـدر يشتريـه !!!

ولاّ انا يـا وجـد حالـي وجـود ٍ مـا يقـال =وجد مـن ضحّـى بغاليـه لْرضـا والديـه...

ويا وجودي بأول العمـر قبـل ألبـس عقـال =وجد من باع آخر العمر ..في رغبـة ذويـه !!

ويا وجودي كل ما هـبّ صوتـك مـن شمـال =وجد من حدّه زمانه على اللي ما يـبيـه !!!




بـرج الـعاج

الدلو والميـزان والقـوس iiوالحـوت
ماغير برج العـاج تغـري iiوصوفـه

وبرج بقلبـي بـرج لولـو iiوياقـوت
لا يـا بعـد بـرج الحمـام iiورفوفـه

ما يسكنه غيرك من السيـف iiللكـوت
لو ينتحـي راس الولـد عـن كتوفـه

علـم وكيـد بالمواثـيـق iiمثـبـوت
ما هـو عـذر اللـي يفـرك iiكفوفـه

والله لا سافر لك لـو ارجـع iiبتابـوت
وانا من اللي ما ربـوا فـي iiمروفـه

على الشقا لاع الهوى كـل iiشفلـوت
وانتـي تلوعيـن الحشـا بالطروفـه

والوقـت للجاحـظ والايـام iiهـاروت
والقلب حاتم وانتـي اغلـى iiضيوفـه

يا مرحبا ترحيبـة عقـاب يـا نـوت
والحـي يلحـق لـو تحـده ظروفـه

صوتك يكفيني عن الشـرب iiوالقـوت
وشوفـك غناتـي والحيـاه iiمخلوفـه

يااقوى من اللوعات واسخف من التوت
وابلغ مـن البيـت الاخيـر iiوحروفـه

رجـل تنادينـه ولا يسمـع الصـوت
خسـارة سمعـه وصوتـه iiوشوفـه

ورجل يضمك بيـن اياديـه iiويمـوت
والله مـا يلحـق حياتـه iiحسـوفـه




موجهه لـ سعد الودعاني

البارحة يا سعد والعيـن مسهرهـا
واغلا القصايد تزاحم في iiشرايينـي

شبيت نار القصيد وبـت iiاسامرهـا
ويمتت لك يـا سعـد والله iiمحيينـي

وخليت بعض القصايد في iiدفاترهـا
ايمـان بالله ثـم بسمـي وتكوينـي

وغنيت لك من طروقٍ كان iiذاخرهـا
غوالـي مـا تسـاق إلا لغاليـنـي

وانا اعرف منين وليه وكيف iiاعبرها
موهوب فطره ورب البيـت مغنينـي

والشعر لعبة سحر وعيون iiساحرها
احيان تسكن جفوني ليـن iiتغوينـي

واحس نفسي على الدنيا iiواكابرهـا
سلطانها اللي عليهـا الله iiمولينـي

مغرور مجنون مدري كيف iiاصوّرها
الغاية انهـا تركـز فـي شياطينـي

واعـوذ بالله يقهرهـا iiويدحـرهـا
ربٍ ليا اغواني الشيطـان iiيهدينـي

اللي رفع سبع فوق وسبع iiكوّرهـا
إن شاء يميتني وإن شـاء iiيحينـي

مؤمن وشاعر واجم من البحر وارها
وعلى قصير المدا مـا الله بحادينـي

اغلي القصيدة وارتبهـا iiواطوّرهـا
والعب بها كنها المسبـاح iiفيدينـي

ما اتعب عليها واكسرها iiواجبرهـا
إليا تناوشتهـا مـا هيـب iiتلهينـي

وعد القصيدة على اللي ما iiيقدرهـا
عيبٍ على اللي يعرفـون iiالقوانينـي

والسالفة يا سعـد مانيـب iiذاكرهـا
دام انت فاهم وتسمعنـي iiوتوحينـي

والناس سرد الحكي ما هوب iiغاترها
لكن خـل السوالـف بينـك iiوبينـي

وان مرتك صد مـا كنـك بخابرهـا
الصمت حكمة يا راع الشين iiوالعيني

والمزنه اللي سقا الصمان iiماطرهـا
ان خلّتها يا سعـد لا تلتفـت iiفينـي

والساحة اللي تعلـو فـي iiمنابرهـا
غير السعودي اماراتـي iiوبحرينـي

العين يا بو مبارك شافـت اكثرهـا
ويا شيب عيني من اللي شلفته عيني

شافت من الناس شعـارٍ iiجواهرهـا
من غبـة اليـم تشـرا iiبالملايينـي

ناسٍ لـو تمـوت مـن iiمفاخرهـا
قصايـدٍ تفتخـر فيهـا iiالدواوينـي

وشافت من الناس شعارٍ iiبمظاهرها
ناسٍ عسى اللـي تبلاّهـا iiيعافينـي

شعّار ما همها إلا اتطلـع iiصوّرهـا
وقلوبها اكبرمن قلـوب iiالبعارينـي

تقرا على كل ما شافت iiمشاعرهـا
حتـى علـى التايلنـدي iiوالفلبينـي

ناسٍ ما يدرون ويـن الله iiحاشرهـا
ما صاح من صايحٍ هجّوا iiمغيرينـي

بلا على الدبـك سندهـا iiوحدرهـا
وما قالوا الناس عادوه iiالوراعينـي

قلته وانا غلطتي الا اخطيت iiابررهـا
ما اقول فاتـت مـا عـاد iiيمدينـي

وقصيدة ٍ ما تطول وجـه iiشاعرهـا
ما هيب للي على السكـة iiيبارينـي

هذا وتسلم من اولها الـى iiآخرهـا
والسالفة خلهـا مـا بينـك وبينـي




المصرعيه

يقول من وقع علـى تنـدت iiالجيـب
عصر الخميس بفيضـة iiالمصرعيـه

عزي لمن جاففوه روس iiالمعازيـب
واضحت يدينه مـن حزامـه iiخليـه

ياوجد حالي وجد شالح علـى iiذيـب
على طويـق اللـي ركونـه iiذريـه

وين أنت ياريف الخوي منبع الطيـب
يـوم ولـد الـلاش يضهـد خويـه

ياعين لاتبكيـن تـرا البكـا iiعيـب
حتـى ولـو صكـات بقعـاء iiقويـه

ويارجـل لـو جبارتـك للعراقـيـب
ابدايـة المشـراف حقـك iiعلـيـه

لابد ماتجبر اكسـورك وأنـا iiأطيـب
بـإذن الله الرحـمـن رب iiالبـريـه

وأبدي عصيـر بنايفـات iiالمراقيـب
وأجر صوتي عادها الشمـس iiحيـه

وأن كان ماهيضت غيـري iiفلانيـب
كفـوا تلاحـي صوتـي iiالراعبـيـه

من طلعتي لين أمتلا عارضي شيـب
وأنـا ورا الهقـوات عينـي iiشقيـه

أرقى بلعبي فـوق لعـب اللواعيـب
ومـن المطالـع طلعتـي عالمـيـه

أغوص غبات البحر نكـس iiوأجيـب
غنـاة نفـس مـن صباهـا غنيـه

مانيب من يقنـع بهـزل iiالمكاسيـب
ولانيب من يجزي الحسانـي iiبسيـه

القلب غير الحب مرتـاع iiأصاحيـب
والنفس غيـر العـز ماهـي iiدنيـه

والكف غير الجـود تنـدا iiمواجيـب
والراس غير الشعـر يقـدح حميـه

عادة هل السمراء هل الشيخ وعضيب
لادخنـت يـردون حـوض iiالمنيـه

وإن ساقت الدنيا السرايـا iiمراكيـب
تنطـح سراياهـا سريـه iiسـريـه

علـم لمرواسـه تسـاق iiالمناديـب
ولا تجـيـه الصـبـح وإلا iiقفـيـه

وأنا ولد منصور عطـب iiالمضاريـب
اللـي كفوفـه فـي الشدايـد iiنديـه

لويالـدن مـع الخشـوم iiالرعابيـب
ماجابـن اللـي جابـت iiالجابـريـه




سكر الخط

سكـر الخـط صبـري وصـل iiحــده
او تراجـع لــو الخـاطـر كسـرتـه

صـرت تلعـب بقلـب مـنـت iiقــده
غربلتـه الليـالـي وانــت iiبـورتـه

عقـب ذيـك المـوده صـرت ضــده
ولـو تجاهـلـت حـبـك iiمانصـرتـه

بيـن مـزح الزمـان وبـيـن iiجــده
لا قبـلـت الـغــرام ولا iiنـفـرتـه

كنـت اقــدر غــلاك وكـنـت اوده
قـبـل سـاعـات لكـنـي iiخسـرتـه

حتمـا انسـى الغـلا لـو بعـد مــده
وان ذكـرتـه نسيـتـه iiمـاذكـرتـه

شـي عـادي وسـد الـخـط iiســده
يلعـن الليـل كـان أنــي iiسهـرتـه

ويلعـن الحـب ويلعـن جــد iiجــده
انتهيـنـا وسـعـيـك iiماشـكـرتـه




يمر القلب

يمر القلب مـن دار وراء الخفجـي طريـق iiودرب
وامرك يالطريـق اللـي لـك اقدامـي iiمصخرهـا

واذا مريت مع ذاك الطريق اللي يجي مـن غـرب
ذكـرت أحلـى ليالينـا مـن اولـهـا لآخـرهـا

ومريت الحشـى بالونـه اللـي ماجذبهـا iiطـرب
ومريـت العيـون بعبرتـن لـلـدرب ذاخـرهـا

وشفتك في خيالي بيـن طيـات الدفـى iiوالقـرب
وناديتـك فديتـك خــل ايديـنـك لا iiتوخـرهـا

عفى الله من ظميان حصل الماء في الطريق وشرب
وعفى الله عـن ليالـي ماجهلنـا فـي iiاواخرهـا

عقلنا وألتطـم حـب المواجـه يالعفيـف iiالـذرب
كما مـوج لطـم فـي غبـة واغـرق iiبواخرهـا

وسقت الرجل صوبـك ياحبيبـي والليالـي iiجـرب
ولا اهتميـت فـي نـاس تبـي ترفـع iiمناخرهـا

حبيبك ياحبيبي مـن سلالـة اهـل دروع iiوحـرب
ولايعشق من اصنـاف الجواهـر كـود iiفاخرهـا

تفاخـر يابعـد مـن حطلـه بيـن الحنايـا iiدرب
تفاخر وأفتخر واغلـى القصايـد فيـك iiاصخرهـا

واذا مريت مع ذاك الطريق اللي يجي مـن غـرب
تذكـرت احلـى ليالينـا مـن اولهـا iiلآخـرهـا




هبايب نجد

ذعذعي يا هبايب نجد لاطاب نوم iiالسالـي
وانعشيني بريح من رضى نجد iiللشرقيـه

رحمة الله نسناسك على غترتي وعقالـي
كأنه الوصل والبيد شهباء والدير محميـه

مرحبا يا هبايب ياهلا وان خطر في iiبالـي
صاحبن مانساني مرحبا به علـى طاريـه

يحسب اني نسيته وانجلا همي iiوغربالـي
واثرني مانسيت اللي سبا بالهوى iiعانيـه

وكل ماهب نسناس الغلا من ديار iiالغالـي
هب في القلب من ريح الصبا عبرتن نجديه

وان جحدت الدموع من الملا آه iiواعزالـي
وان غشتني دموعي لعنبا الحب iiوالحنيـه

والله اني صبور والبـلا ياصرايـم iiحالـي
لاتذكرت دمع ماغبى لـو جحـد iiراعيـه

واحدن ماجحد حبـه ولا شمـت iiالعذالـي
جاهر بالغلا حلو النبا من صفـات iiالنيـه

كان ماله سوا تاج الحلا واسم جد iiوخالي
وصار بلقيس وفؤادي سبأ والحشا iiواديـه

وله جموع تنادي بالولاء منتخبته iiالوالـي
في خفوق حماه من الظبا واحرمه iiوسميه

ولي عيون تحدى وتخلى من كراه الحالـي
كأنها تقول للنوم تهبى منـت بكفـو iiليـه







التوقيع




04-17-2008, 10:25 PM رقم المشاركة : 2
معلومات العضو
الخيـــــال
عضو نشيط
إحصائية العضو








رد: الديوان المكتوب للشاعر / ضيدان بن قضعان


الشرفه

البارحه يوم شمس الشعر تسطـع iiبـي
وانا أتحرى لشمـس الله مـن iiالشرفـه

ولعي علـى واحـد قبلـي تولـع بـي
مايوم غنى ولا أسهـر للهـوى iiطرفـه

اليـن حتـى تولـع بـي وولـع iiبـي
نار من الشوق صاليهـا لحـق طرفـه

من بعدها ياشقـى حالـي ويـا iiتعبـي
نفسي عن الشعر واهل الشعر iiمنصرفـه

مانيب يـم الشعـر يالشاعـر iiالشعبـي
يا بتوع مش عارف !! وشي ما iiأعرفـه

تبـي تهـز الجبـل بمسـدس لعـبـي
والناس مـن وارد المنصـور iiمنجرفـه

لاتستفـز القصيـد ولا تـرفـع iiبــي
الشعر ماهـوب مهنـه لأجـل تحترفـه

وأن كان يا محترف تقدر علـى iiلعبـي
خلك على جنب لين اشوف لـك iiصرفـه

ما أحد عبالـك ولا لـك عندنـا iiمعبـي
يا كود باب مـداه أكبـر مـن iiالغرفـه

وأنا من الناس ياسهلـي ويـا iiصعبـي
بحـر تشوفـه ولاتقـدر علـى iiغرفـه

مسكون بالشعر من راسي ليـا iiكعبـي
والشعر ملكـي وكـل النـاس iiمعترفـه

أنا (ملك) مير يوم أصبحت مـن iiشعبـي
حذفت تـاج القصيـد وصابنـي iiقرفـه



انعست عين الغلا

انعسـت عيـن الغـلا والهـوى iiهـدا
خانـت الايـام والمـلـح iiوالعـشـره

وابتديـت تشـوف نفـسـك وتتـحـدا
وأنـت ماكنـت تتغـلـى ولا iiتـشـره

كنت مجروحـي وصـرت الـدوا iiوالـدا
كنـت آآه صـرت آآهــات منتـشـره

غلطـة اللـي بالمحـبـه أخــذ iiوأدا
واعترف لك بالغـلا وابصمـت iiعشـره

الهـوى جـاب الـغـلا والـهـوى iiودا
وأنت وجروح الزمـن بالحشـا iiخشـره

يابعـد مـن مابعـد جـا ومـن iiهـدا
ويابعد من ساج روض الحشـا iiنشـره

يـوم صـار الحـب جزيـه ولـك iiتـدا
والقصيـد اسهـل مـن كتابتـه iiنشـره

خـذ قصيـدي ياشـذا الـورد iiلانــدا
وأنتبه لـي واستمـع موجـز iiالنشـره

والله أنــك بالـغـلا فــارق iiجــدا
مثل فـرق الابتسامـه عـن iiالكشـره




العيون


يامرحبا ترحيبة تجـرح iiالـروح
لانـي باقيلهـا ولانـي iiبساكـت

تقولها عيني وانا اصـد iiمابـوح
من الزعل وورود الاحباب iiشاكت

باللي لفت عقب البطا تلعن iiالنوح
بعيونها لوكان هي مـا iiتحاكـت

عين لعيني تشكي البعـد iiوتفـوح
بدموعها والعين لاخرى iiتراكـت

على الجفون وما لها اي مصلوح
سوى رضى اللي في لقاها تشاكت

كنت احسب اللقيا مسرات iiوفروح
واثر العيون ليا تالقـات iiتباكـت



حي الله اللي

حي الله اللي ليا ابطى واق له ويقه
حيى بها اللي من الوحده نفد صبره

البارحه ليلٍ اغفي منـه iiوافيقـه
كني عليل يوايق به علـى iiقبـره

واخوي سلطان مثلي ناشفٍ iiريقه
جاني كتابه وزود عبرتـي iiعبـره

يالله يا كافـلٍ عيشـة iiمخاليقـه
عليك ياللي عليك الحـل iiوالدبـره

والشمل يابو محمـد لـم تفريقـه
للمعتبر يا رفيع المنزلـه iiعبـره

وان كان ما الله وفقنـا iiبتوفيقـه
لو نشبر ايامنا ما هـي بمنشبـره




أستاذ مشارك

يا مرحبا يـا صاحبـي نـواف نـواف الدبـل .. iiدبـل
من وين ما مرت حروفـك توّعينـي قافلـه .. iiقافلـه

شاعر واعّرفك اهـل البحـر واهـل الابـل .. iiوقبـل
واكلمك واخاطبـك واهـل العقـول الغافلـه .. غافلـه

دقت طبول الحـرب واسوحيتهـا طبـل طبـل .. iiطبـل
وانا ادري ان الريع من صوبي ودرب القافله .. iiالقافلـه

لكن على الله تسبل الغيمه على راسـي وبـل ,, iiوأبـل
كبدي واصلّي الفرض والحقه النوافـل نافلـه .. iiنافلـه

وانا اعرف المرقب واععرف الضلع واعرف الجبل ..جبل
واعرف اقول الحق واصحاب القلوب الجافله .. iiجافلـه

لو اقدر امنـح درجـة استـاذ نـواف الدبـل .. iiقبـل
استاذ ومشارك من اليوم وبعد مـا طافلـه .. iiطافلـه

وانا ليا من شفت كل النـاس فعيونـي عبـل .. iiوابـل
مافيه شور اثنين يـا نـواف عنـدي قافلـه .. iiقافلـه




حفيد ابو بكر

راكب الي ماتجيبه بالبيد=ولايجيبه بهبهاني ولا وضيحي قطر
ادهم وسم الجميح على جنبه جديد=مهبل الي يوم عرض يحسبنه شفر
جمس شكمانين ملقبينه با الوليد=من سرابه ما يغبط القصيبي والجبر
كاتبين في ضمانه حديده ما يبيد=تمرة قاري عليها حفيد ابوبكر
كن وجهه لانطحته تشعشع يوم عيد=وانقفيته كنه السيل لاسال وحد
وان عرضلك في مزاياه من عنق الفريد=وان ركبته تحسب انك على سطح القمر
دقته نغمة عبادي على سلم فريد=لا عزف الاول وجاوب عاشر وتر
لاشتغل قالت شكامينه اركد يا حديد= والقزوز تقول للقاع روح يا فقر
كن شكمانه الايمن صدا عبد المجيد=وكن شكمانه الايسر صدا نايف صقر
والبلوف تقول للكهربه هل من مزيد=والسيور تقول للمروحه اين المفر
كل اغانيهم على درب واصل يا عنيد=لين تلفي قصر شيخ العليا شهر
سايقه من صلب ربعي وله باس شديد=ما يخاف البعد والليل والموت الحمر
من صناديد ال عرجا هل العلم الوكيد=لابة من جن تمشي على هيئة بشر




حنا بدو

يلي على وجهي قريتي كل صفحات الشقى = اقري وأنا باكتب قصيدة واشعـل الساحـة حريـق
باقي كثر ما راح واللي راح نصـف اللي بقى = وان ماوصلت لغايتي باموت في نصف الطريـق
يابنت يوم امطر غـلاك بقلـب ضيدان وسقى = تدرين وش سبة شقـاه وسبـة الجـرح العميـق ؟
شقاه من يمناه واسم الشيخ والنفس امحقى = والجرح منك ياأعذب العذبات يالموت الرقيـق
يا بنت ما دام البـدو تخلـف هقاوي من هقى = وانا بدوي مني يشيل من الزمن ما لا يطيـق
ابفتخـر حنـا بـدو نعشـق على وضح النقا = حنا بدو فينا الولد للقمة العليـا عشـيـق
حنا بدو فينا الولد لو شاف موته ماأتقى = حنا بدو فينا الولد يرقـا ولو ماله رفيـق
حنا بدو فينا الولد لا من رقا رقا رقا = الين يوصل غايتـه لـو كـان في قمة طويـق
يابنـت جيتـك والثمـن عمـري ابـي ليلـةٍ لقـا = يما كذا والا بلاش من الصداقـة والصديـق
وساعة تبسمتي وشفت الجمر والثلج اصدقا = قلت أشهد أن الموت حق وصحت لك صيحة غريق
واعتقت دمعي والزعل والحـزن لرضاك أعتقا = وأغفت عيوني في عيونك ياعساها ما تفيـق
وامنت باللـي سخـرك تقريـن صفحات الشقا = واشعلت بردي في دفاك وشبت الساحـة حريـق




يالشاعر الشعبي

البارحة يوم شمس الشعر تسطع بـي
وأنا أتحرى لشمس الله مـن iiالشرفـه

وألعي على واحـد قبلـي تولـع iiبـي
مايوم غنى ولا أسهر للهـوى iiطرفـه

الين حتـى تولـع بـي وولـع iiبـي
نار من الشوق صاليها لحـق iiطرفـه

من بعدهـا ياشقـى حالـي وياتعبـي
نفسي عن الشعر وأهل الشعر منصرفه

مانيب يم الشعـر يالشاعـر iiالشعبـي
يابتوع مش عارف!!وشي ما أعرفه!!

تبـي تهـز الجبـل بمسـدس iiلعبـي
والناس من وارد المنصـور iiمنجرفـه

لاتستفـز القصيـد ولا ترفـع بــي
الشعر ماهوب مهنة لأجـل iiتحترفـه

وان كان يامحترف تقدر علـى iiلعبـي
خلك على جنب لين أشوف لك صرفـه

ما أحد عبالك ولا لـك عندنـا iiمعبـي
ياكود باب مـداه اكبـر مـن iiالغرفـه

وأنا من النـاس ياسهلـي iiوياصعبـي
بحر تشوفه ولا تقـدر علـى غرفـه

مسكون بالشعر من راسي ليا iiكعبـي
والشعر ملكي وكـل النـاس معترفـه

أنا(...) مير يوم أصبحت مـن شعبـي
حذفت تاج القصيـد وصابنـي iiقرفـه




الغرام انواع

أه ياغـفوت الاسـحار ماقـبل الطلــوع=وأه ياشـي ذكـــــرت وعـلى بالي طـرى
العيون ليا ضـمت شوف تسقـيها الدموع=وان روت من دمعها العذب يظماها الكرى
والقلوب تـذوب بصـدور صلفين الطـبوع=والغلا يذكر على الما من البـدو اقصرى
والهـوى لاهـب فـي قـلب رجـال جــزوع=والله ان يصـبر بـرى الجـرح ولا مابرى
والحـياة افـراح وأهات والفرقا تلوع=والمـحـبة لاسـرتـنـي سـرى لـــيل سرى
لين اغـني للفـراشات فـي عيد الشموع=وتهـتـف لـي كــل شــمعة ورى ورى ورى
واذكـر انـي مانسيتك ويغريني الرجوع=ياغـرام تنشــد الـناس ويـــنه ياترى
والغـرام انواع والقلب مدهـل كل نوع=والله اعـلم منهو اللي من الحدب وورى
وانت ياللي منزلك ماورا حـدب الضلوع=تـدري انك مــن وراهــا وغـيرك مادرى
تمتلكني يا اطرق العود من عادك فروع=قـبل تغـريك المـديـنه ويطـغيك الثرى
يـوم عادك تـكـره السبت وتحب الربوع=والمـواجـه كان مسـمـوح والوصل اجهرى
جعـل تسـقي ذيك الأيام سجـدات وركـوع=رحـمـــة مـن رب طـيـبة ورب ام القرى
رحمة تغفر خـطا الفجر ما قبل الطلوع=يالزمـــان اللي ذكـرت وعلى بالي طرى




نجوم الصبح

بانت نجوم الصبح واللي في عيوني من عصر=ماهوب دمع لا تضايقت آتنهت واسكبه
لا والله الا حلم شيخ عن طموحه ما قصر=لو قصرت سود الليالي من يمينه وشنبه
وانا لو اني ماتعلمت الهزيمه والنصر =ماكان ذقت في الهوى مره واعذبه
شاعر وعصري فاتني واعيش في أغرب عصر=لا الوقت وقتي والزمن مابيني وبينه شبه
لكن هنوف مثلت دور العزيزه في مصر =قدت قميصي واسرفت في وصلها قبل انتبه
يوم انتبهت استشهدت ضدي بحراس وقصر=قلت ارحمي عزيز قوم ذل وارخى منكبه
ماني نبي الله اقاوم حسن خصرك لا انصهر =أنا بشر..عبد ضعيف وكل برق يجذبه
قالت وهي توي تثنى كن مافيها خصر =الشعر يا ضيدان ورث جدود ولا موهبه؟!
قلت الشعر سحر يسخر لي القلوب ويختصر=عمر المسافات الطويله والسنين المجدبه
والحب شي لو حصرته في ضلوعي ما انحصر=يطغى على حدب المحاني لين ابيحه واكتبه
وان علمتني الفاتنه وشلون اسير بلا بصر=علمتها الفنجال وشلون اتحدى واشربه
وعلمتها إني كذا طال الزمن ولا قصر =وان اعذب الحب اصدقه وان اعذب الشعر اكذبه




موجز النشره

إنعـسـت عـين الغـلا والهـوى هـدا=خانـت الأيام والملـح والعـشره
وابـتـديـت تشـوف نـفـسـك وتتحدا=وأنـت ما كـنت تـغـلى ولا تشره
كنـت مجـروحـي وصـرت الدوا والدا=كنـت أه وصـرت أهـات مـنـتشره
غـلطـة اللي بالمـحـبه أخـذ وأدا=واعـترف لك بالغلا وأبصمت عشره
الهـوى جـاب الغـــلا والهـوى ودا=وأنت وجروح الزمن بالحشا خشره
يابعـد مـن بعـد جـا ومــــن هدا=ويابعد من ساج روض الحشا نشره
يـوم صار الحـب جـزيـه ولك تــدا=والقـصيد أسهل من كتابته نشره
خـذ قـصـيـدي ياشـذا الـورد لاندا=وانتبه لي واستمع موجز النشره
والله انـك بالغـلا فـــــارق جدا=مـثل فـرق الابتسامه عن الكشره




معلوق معلوق

طلي علي من شرفه القصر من فوق =وتبسمي لي واضحكي في وداعي
أومي بكفين الغلا ؛واشعلي الشوق =في قلب شيخ جاك في ثوب راعي
حده غلاك يجيك ياشيخة الذوق =لو كان ما للحب والذوق داعي!
واقفى يتل القلب معلوق معلوق =في درب فرقا ما وراها اجتماعي
مايتبع المقفين ياكود مطفوق =وانا رصيدي ماتحوشه ذراعي
لو كنت ضايع..كل مطرود ملحوق =يكفيني انك كنت سبة ضياعي




ضيدان بن راكان

سلام الله من ضيدان ابن منصور ابن قضعان=على ضيدان ابن راكان ابن ضيدان ابن حثلين
سلام الله سلام مايساق إلا على ضيدان=يليق بهيبته وجدوده الاقصين والادنين
سلام مايساق إلا لبيت امارة العجمان=لبيت ثايت ساسه وسوره مثل سور الصين
سلام عطره الكادي وريح المسك والريحان =تسوقه من هبايب خاطري يمنى وقلب وعين
سلام احلى من الما لا تدفق في ظما الظميان=واغر من الخزامى لا انثنت عقب اليسار..يمين
وارق من النسايم في عتيم الليل للسهران=والذ من المواصل واللقا مع هجعة السالين
على ذاك الامير الشامخ اللي للزعامة بان =سلام الله مابانت نجوم الليل للسارين
سلام ذعذعت به للولا والشكر والعرفان=ذعاذيع القصيد اللي تذعذع بين حين وحين
وانا شاعر ليا جات الحقايق واسخر القيفان =على صفحات ابو الطيب دروس أقلام طه حسين
وابذكر في قصيدي للفخر ضيدان ابن راكان=وابكتب له حروف من ذهب تبقى ليوم الدين
ابو خالد وريث المجد والتاريخ والصمان =وريث اهل الشدايد اللي عليه العلم الى ذالحين
ابو خالد ذرانا لا اختلف وجه الزمان وشان=لنا ذخر وذرى فالنايبات..وفـالقسى واللين
ذرى كل القبيله في ذرى الله ثم ذرى سلمان =ولد عبدالعزيز اللي ذراه يذري القاصين
ذرى نجد وذرى الشعب وذرى الدين وذرى ضيدان =عسى عمره طويل ابو فهد يا السامعين آمين
تحت ظله وسيفه قالها ضيدان بن قضعان=سلام الله على ضيدان بن راكان بن حثلين




الدنيا حظوظ

المثل حده الأدنى بعوض=قول رب لما أنزل حفيظ
له سجود النوافل والفروض =وله دموعي من الخشية تفيض
احتمى القيظ والميراد حوض =والظوامي تهيض وتستهيض
مايبل الظما برق ينوض =ولايسد الرمق ريح النجيض
والخطا سر والسر معروض=والعذر حق والسفهه تغيظ
وانت ياللي لك السر امحفوظ =عاذرك مثل عذري للمريض
لا لعب فيك تسديد القروض =ولا لعب بك من الشرد غضيض
يلعب الحظ والدنيا حظوظ =والحظيظ انت مانيب الحظيظ
انت ترعى الربيع بكل روض =والا انا من شتاي العز قيظ
يقصر الهرج عن ظلم العروض =ويشهد الله وجيه القوم بيض
والنهايه ونور البدر يوض =ودي أقول بلسان غليظ
(فـ)الكسير ترى الرده تعوض =قلتها كاش بالخط العريض




الحجاج

ياصاحبي غابت على الشمس بأطراف النخيل=وامسيت اشوف الباسقات اللي تميل عذوقها
وانا على بشت حساوي..لا قصير ولا طويــل=والمزنه الغرا على راسي تلوح بروقهـــا
والعالم الله يدرك العطشان منهاسلسبيل=ولا يوقف يومه الموعــود قــبل يذوقهــا
ياصاحبي.ياناس.ياللي فوق.ياللوزن الثقيل=لد النظر للعالم اللي ماتبل حلوقهــا
والعمر مرة.والقلوب البيض ماتبغى دليل=والناس إذا طابت نواياها..تطيب وفوقهـا
لو كل من سمى{نبيل}يصير مثل اسمه{نبيل}=سميتها{ليلى}على ليلى..وانا معشوقهــا
كذا..كذا..يا(حرفة التمويه في نعش القتيل)=يا صاحبي غمض عيونك وادفنه في موقها
وانا تعبت من:{الحجاج السمح والكف البخيل}=ولاعاد عندي حل أعالجها واخيط فتوقها
صحيح أنا ممكن اسويها..واسوي المستحيل=لكن رجلي في هوى نفسي ماعــاد اسوقهــا
وشلون ابرر موقفي واجزا جميلك بالجميل=وانا يديني في فم الحيه..ورجلي فوقهــا




البتول


يابسم الله على قلب البتول وحسنها الفتان =عليها ذكر ربي من قدمها لين هامتها
أسمي كل مامرت علي بأسم الله الرحمن =على من تجمع قلوب الأوادم في محبتها
لها القلب وغلاه ورحمته والشوق والتحنان =ملاك أبدع الرحمن في تركيب صورتها
وهبها الحسن من فضل ملايكته على الأنسان =عسا ربي يعديها العيون وشر نظرتها
عليها يشبهون أغلا الذهب واللول والمرجان =وهي ماتشبه إلا ماتشوفه في مرايتها
أنا لو شفتها مهره لها فوق السحاب عنان =متى ماهب ذعذاع النسيم تفل غرتها
ماشافوا المترفات أحلى وصوف شافها ضيدان =من الغيره عيون غمضت وعيون شافتها
يحق ألها التباها بالجدود وعودها الريان =وانا مالي حقوق إلا محبتها وضحكتها
محبتها حياة وبعدها عن ناظري حرمان =وش أسباب المحبه فالحياة إلا ابتسامتها
يا ذكر الله على وجه البتول وحسنها الفتان =يابسم الله عليها من ذكاها لي براءتها




ياعــظــيـمـه

ياعظيمه كل شـيٍ لـه حدودولـه iiنهايـه
لكن انتـي ماوقفتـي عندحـدّك iiياعظيمـه

استلذّيتـي بطعناتـي واخذتيهـا iiهـوايـه
كن مالك حربـةٍ توجـع وطعنـاتٍ iiأليمـه

آه ليتـك ماتماديتـي بطعـنـات iiالبـدايـه
لين صار لكل طعنه فالحشـا iiمعنىوقيمـه

الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه iiقديمـه

وانتي اللي كل مالـدّت عيونـك iiفالمرايـه
مالمحتي الااليتيم اللي خـذت قلبـه iiيتيمـه

واليتيمه فاليتامـى مالهـا حـق iiالوصايـه
الوصيّه عودهاالغـض ونوايـاه iiالسليمـه

لكن انتي صار لك حق الوصايـه iiوالولايـه
واستبدّيتي وشدّواالبـدو واضحيتـي مقيمـه

مارحلتي ليـن حطّمتـي بمافيـه iiالكفايـه
عاقلٍ حب الجنون وصوت نارك في مشيمـه

استبحتي حرمة المجنون بـادراك iiوعنايـه
والتفتّي له بعقلك وارتكزتي فـي iiصميمـه

امتلكتي غايته لوكـان مالـه فيـك iiغايـه
وانتصرتي في عيونه واعترف لك iiبالهزيمه

من كثرمايعشقك ماقال لـك بالحـب iiرايـه
خايـف الأيـام لاتطلـع عواقبهـا وخيمـه

في طريقك كل ماكنّه لمـس درب iiالهدايـه
تـاه ودروب الحياةالمستقيمـه مستقيـمـه

تايهٍ بصري ومـن جابـه لبيـت الله iiتايـه
عذر من غمّض بعين وعينه الأخرى iiكريمه

فدوتك مافات من ليّام واللـي عـاد جايـه
يا بعدعمرٍ مخاسيره معـك عنـدي غنيمـه

أنتي الفارع بقـد وجـد واسمـاء وكنايـه
من عشق مثلك يجوزمن الهوى وشداد ريمه

ليه لا وانتي بحسنك في ذوات الحسن iiآيـه
لاذهب لاماس لاياقـوت لااحجـارٍ iiكريمـه

شاعرٍله مع هل الرايات فالمرقـاب iiرايـه
كل ماهبّـت هبوبـك فلّهـا iiقدروحشيمـه

سامحك من ألف باء الذنب الى مالا iiنهايـه
واستباحك عن خطاه وكـل طـقٍ iiبتعليمـه

يوم قلتـي أعطنـي حرّيتـي أطلـق يدايـه
ما ذخرعن وجهك الا طعنتينٍ فـي صميمـه




رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الديوان المكتوب للشاعر / سلطان الهاجري "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 2 08-24-2011 01:04 PM
الديوان المكتوب للشاعر / محمد بن فطيس المري "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 23 07-03-2011 11:22 PM
سلسله يدونها لاعضاء...؟؟؟ البرق النجدي …»●[الرويات والقصص المنقوله]●«… 9 02-13-2009 01:10 AM
الديوان المكتوب للشاعر / بندر بن سرور "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 0 12-18-2008 01:33 AM
عثمان بن عفان a7med …»●[ أرواح أيمـــانيـــه ]●«… 5 10-24-2008 03:02 AM

Loading...


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية