 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
#1
03-13-2018
|
||||||||||||||||||||||||||||||||
|
||||||||||||||||||||||||||||||||
رواية /حزينة على ماضي ولىّ و فات
البارت الرابع
حسيت ان الدنيا سودت بعيوني ورجولي مو قادره تشلني طحت منطولي على الارض والنور شوي شوي بداء يختفي من قدامي سمعت صرخة سامي .. ................................. شفتها طاحت بين عيوني وانا مصدوم من الخبراللي سمعته ..زلزل اعماقي تمنيت اني ميت قبل لاشوف هاليوم مها اختي ماتت ماتت شلتها بين يديني وركضت وديتها عن السسترات رقدوها عندهم وعطوها مغذي طلعت من عند غرفة سما وانا بعدني مصدوم احس صوتي راح .. احس بالغصه خانقتني مسكت قلبي وتكيت على الجدار ماقدرت اصيح ماقدرت اصرخ عجزت ماني قادر ابي اطلع شي جواتي اختي ماتت اه ياوجع صدري .. ليت يوم قبل يومك يالغاليه ليت ماحسيت الا باللي مسكت يدي وحده لفيت مزوع سامي:حصة حصة بصراخ :اه ياسامي وينها اختك ضميتها لصدري بقوة وطلعت اه مكتومه من صدري صرت اصيح زي البزر اصرخ بصوت عالي انهرت قبل شوي كانت بيننا ناظرت فوق : يارب اللهم لاعتراض على قدرك حصة صارت تضرني وتهزني:سامي صدق صدق سامي:ايه ياختي ايه حصة بصياح: وينها الحين ابي اشوفها ابيها ابيها سامي:استهدي بالله الحين هي في الثلاجة بكرا يغسلونها ويدفنونها اكرام الميت دف حطت يدها على فمي وسكتتني حصة:تكفين لاتقولها تكفى هذي الغالية سامي:راحت الغالية ام مشعل راحت ......................................... بعـــــــــــــــــــد ثــــــــــــــــــلاث ايـــــــــــــام العـــــــــــــزاء بعد مافضى البيت منسدحة بالصالة ومتغطيه كلها ببطانية نايمه او تسوي روحها انها نايمه ماتبي تقوم ولا تلقى مها قدام عينها ماتبي تصدق اخبر ريما رحت لها وحطت يدها على راسها : يمه قومي كولي لك لقمه حرام عليك اللي تسوينه حرام تعترضين على قدر ربي هذا يومها قوي نفسك تكفين امي ببحة تقطع القلب:والله ماعترضت (انا لله وان اليه راجعون) روحي عني ماني مشتهية شي ريما:يمه انتي مريضة سكر مو زين لك .. صار لك ثلاث ايام ماتاكلين شي كولي شي يصلب طولك ويوقيك تكفين حنا محتاجينك .. والغصة بحلقها كملت ودموعها نزلت غصبن عليها :يمه انت السند والعزوه تكفين قوي نفسك عشان نقوى بك تكفين يمه امي جلست وبعدت الطانية عنها:وين تالا ولمار وفهد ماشفتهم اليوم ريما مسحت دموعها: فوق بالغرفة عند سما .. الله يصلحة فهد مااسكت طول الليل بس يصيح سهى :يمكن فاقد امه ريما لفت عليها وودها سكها بالكوب اللي جنبها هي يالله اقنعت امها تجي ذي تخورها :روحي بس زيني لامي شربه خليها تشرب ازين من الهذرة اللي مالها داعي سهى بفشله:ابشري .................................. طلعت فوق عند سما لقيتها جالسه وفهد بحجرها وتالا ولمار نايمين جنبها سهى: خالة سويت لك شوربة حتاكلي صوابعك وراها ... ماردت علي وبتلت تطالع الارض مارفعت عيونها علي .. حسيتها كانت تبكي .. هويتها من كتفها: خالة وشبك ليش تبكين سما مسحت دموعها :لا ولا شي .. وش تبين انتي جاية سهى :افا يالطرده ..زين المهم انزلي تحت كولي سويت لك شورية عدس اللي تحبينها سما:والله ماني مشتهيه روحي عني بس مالي خلقك سهى:تكفين سما لي ساعه جالسه اسويها سما:انتي اشربيها سهى:طيب لاتشربين بس ابجلس عندك سما:والله والله مالي خلق لك اذلفي عني سهى بعناد جلست : والله ياسما مااطلع من البيت قبل اسبوع ماجلست عشانك .. جلست عشان اعاونك على البرزان طالعتني وماتكلمت ..................................... قمت على الساعه 2 بالليل لقيتهم كلهم نايمين الاطفال وسهى نزلت تحت لقيت اميجالسه بسجادتها وتقرا قران سما:يمه وش مقومك هالوقت امي:ماذاقت عيني النوم .. اخبار الاطفال ماشفتهم اليوم سما:انا ماحبيت انزلهم عندك خفت امي:خفتي من وشو؟ سما: خفت تتذكرينها امي:وانا نسيتها عشان اتذكرها حطيت راسي بحضن امي وانسدحت طالعت السقف صارت دموعي تنزل لا ارادي ماابي اضعف قدام امي بس غصبن علي مسحت امي دموعي وقالت بغصة تذبح :تعوذي من بليس يمه وروحي توضي وصلي سما دفنت راسي بحضن امي وقلت بغصة :اشتقت لها يمه امي:ادعي لها يابنيتي ادعي لها قمت وتوضيت وصليت ودعيت لها بسجودي يارب تجمعنا وياها بالجنه يارب وجميع المسلمين رحت اتفقد تالا ولمار وانسدحت جنب فهد مسكت يده ونمت ............................................. انتهى البارت الرابع بقلم : سلام 
 
|
| مواقع النشر (المفضلة) |
| الكلمات الدلالية (Tags) |
| /حزينة, ماضي, رواية, على, فات, و, ولىّ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الملوك الأربعة الذين حكموا الأرض .. | نادر الوجود | …»●[ أرواح أيمـــانيـــه ]●«… | 4 | 03-19-2009 10:02 PM |
| ملف قصايد ليل اللعنايه بالوجه والجسم واليدين والقدمين والبشره .... | البرق النجدي | …»●[غروركــ مصدرهـ روعة جمــالكــ]●«… | 8 | 01-13-2009 10:00 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| ღღسلـــــةفواكـــــــه والخضـــرواتღღ | نادر الوجود | …»●[لكل داء دواء ولبــدنكـ عليكـ حق]●«… | 6 | 12-13-2008 01:43 AM |
| عشرون معجزة من معجزات القرآن الكريم | بقايا الجرح | …»●[ أرواح أيمـــانيـــه ]●«… | 9 | 11-02-2008 09:51 PM |
 |
العرض الشجري