 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
01-01-2019
|
||||||||||||||||||||||||||||||||
|
||||||||||||||||||||||||||||||||
وانك بداخلي رغم الحواجز والمُدن/ 4
الجـزء الـ 4
. . "ليذَهب كلٌّ منّا في طريقه، أنا نحوك وأنتَ نحوي.” - جبران خليل جبران . . في الامارات وتحديداً في الجامعه … دخل المكتب بابتسامته المعتاده، شافها قاعده ترتب أوراق: السلام عليكم ردت عليه أحلام: وعليكم السلام - شحالج أحلام إن شاء الله ألحين أحسن؟ - الحمدلله أحسن تقدم صوب مكتبها ووضع أحدى أكواب القهوه اللي كان شالنها: هذا لج انحرجت منه: ليش كلفت على عمرك دكتور مشكور - لا كلافه ولا شي دومج تيبين لي قلت اليوم ندلعج بما أنج تعبانه وخلاها وراح لمكتبه داخل، استغربت أحلام من قوله لـ”ندلعج” ! والمزاج الرايق والراحه الواضحه عليه فهو من شهرين كان شارد الذهن، شديد الرسميه في التعامل، وغير انه عصب عليها مرتين! ويمكن هالاشياء اللي خلتها جدياً تفكر بالاستقاله بجانب مشاعرها اللي مب قادره تتحكم فيها ردت تكمل شغلها وهي مب عارفه كيف تفتح موضوع الأستقاله معاه بعد ما قالها أحدى الموظفين أن الدكتور يسعى لتوظيفها مساعده حقه وليس فقط مساعده في الابحاث اللي يقدمها لجامعه من شهر لكنه توقف وما كمل الاوراق فهي اذا تعرف شي عن الموضوع عشان يعرفون يخاطبون الاداره ولا لا شلت تلفونها دقت على أختها: ألو ريم أنتي وين ؟ … متى عندج بريك؟ … لا خلاص مب مهم … باي رن تلفون المكتب كان الدكتور بدر طالبنها عنده ، توجهت للمكت كان الباب مفتوح كانت بدق الباب لكنه قاطع فعلها ب”دخلي تعالي” - قريتي المقالات اللي طرشتهم؟ - هيه قريتهم - انزين تعالي بنقعد على هالطاوله نبدا نشتغل بعد ساعة من العمل أو بمعنى أدق بعد انتهاء الاجتماع قررت أنها تقول اللي في خاطرها بما أنه في مزاج رايق اليوم : دكتور بدر رفع راسه يطالعه ومركز نظارته عليها توترت ما عرفت من وين تبدا وفي خاطرها” ليش كل هالتوتر بقوله اني ما بكمل شغلي وياه ما بكفر ” انتظرها ما تكلمت قرر أنه يبادر: تفضلي أحلام قولي من شفتج الصبح وحسيت أنج تبين تقولين شي تشجعت أحلام: دكتور هذا آخر بحث اشتغل فيه معاك استغرب من كلامها: كيف يعني؟ بتطلعين اجازه طويله ؟ - لا - عيل؟ - لقيت وظيفه - في الجامعه؟ - لا برا الجامعه استمر الهدوء لثواني … توترت بسبب الهدوء المحرج … قطع هذا الهدوء صوته الرخيم : - والله يا أحلام ما أعرف شو أقولج تفاجأت هذا قرارج وأنتي حره فيه وما أخفي عليج أن مركز البحوث بيفقد من أنشط الموظفين حست بخيبة أمل كانت تتريا منه ردة فعل غير كانت تتريا يقول لها لا تروحين أباج قطع الهدوء سؤاله: وين لقيتي شغل؟ - في جهاز *** للرقابة الغذائية - ماشاء الله زين مارحتي بعيد عن تخصصج، الله يوفقج وقفت عشان تطلع : عن أذنك وطلعت حتى بدون ما تتريا رده تم يطالعها لين ما طلعت شل تلفونه من المكتب واتصل بأعز أصدقاءه وزميله في الجامعه د. سلطان بعد كم رنه أتاه صوت صديقه مرحب فيه: حي الله بو شيخه - يحيك ويبقيك، اقولك سلطان أنت في الجامعه - لا والله اليوم بس كان عندي محاضرات الصبح ومن خلصت طلعت آمر بغيت شي؟ - فاضي العصر - أفضى لك أفا عليك نتلاقى في مكانا كل عاده - هيه - خلاص تم - فمان الله - فمان الكريم رد يطالع اوراق امتحان الطلاب امامه لكنه ما اقدر يصلح لهم مب قادر يركز ويخاف يظلمهم ليش أحس بضيق من خبر تركها للعمل وياه! يمكن هذا أحسن لي، ما انكر اعجابي فيها مستحيل اكرر موضوع الزواج مره أخرى إلا وأنا متأكد قمت اخربط شو دخل الزواج الحين —————————— في البيت كعادتها وقت الدراسة والعادة الغريبة واللي الاغلب يشوفه هذا نوع من انواع الاهمال فريم تعودت قبل الدراسه أنها تسبح وتتنشط وتعدل شكلها وتبخر الغرفه قبل الدراسه عشان على قولتها تفتح نفسها على الدراسه قطع روتينها دق الباب فعرفت أنها حرمة أخوها محد على قولتها يحترم خصوصيتها في هالبيت غيرها: تفضل ردت عليها بتعب: ريموه عادي أخلي ناصر عندج تعبانه شوي ابا اريح وهو اليوم ما ادري شوفيه - افا عليج بدون ما تطلبين - عاد بعطلج شوي عن دراستج بس ساعه وبرد اشله - ولو مرت خيو - حبيبتي مشكوره عقبال ما نشوف عيالج ردت باستهبال: أميييين الله يسمع منج سمعت صوت من بعيد: أنتي ما تستحين ؟ انحرجت أن آخوها الكبير هو اللي سمعها لو أحمد ماعندها مشكله فعلي في منزلة والدها رحمه الله ردت بانحراج: كنت أسولف رد عليها بتحذير وهو يقترب منهم: مب كل شي يمزحون فيه يا الريم كم مره اقولج تحب أخوها عندما يناديها بالريم تشعر أنها مميزه، لم تتلقى الكثير من الدلال -من وجهة نظرها- ولكن وقع كلمه الريم في قلبها أجمل أنواع الدلال نزلت راسها بخجل: اسفه ابتسم: لا تعتذرين -لف صوب زوجته- سلمى تعالي أباج مشت وراه حتى وصلوا جناحهم وجلست على الكنبه بجانبه باستغراب: شو مستوي ؟ -مب مستوي شي، تبين تروحين لندن ؟ ردت بخوف: أبوي فيه شي ؟ توني مكلمه سيف قالي ابوي بخير - مب مستوي يا بنت الحلال بس قلت لو تبين تروحين الاربعا وتردين السبت سكتت ما تعرف شو تقول فهي قلقها على ولدها وصل أقصاه، لا تستطيع النوم ليلاً تفكر فيه تشعر أنها تنام على جمر، حملها متعب لا تنكر لكنها متاكده أن تعبها الغير طبيعي في حملها الثاني سببه مرض والدها، ولكن ابنها ناصر لا تستطيع السفر معه وحيده ولا تستطيع تركه احتضن ايدها بين ايده: لا تحاتين ناصر انا الجمعه إجازه والخميس ريم بعد اجازه والاربعا أمي والمربيه الصبح والمسا أحلام والسبت تراج واصله تجمعت الدموع في عينيها فهي بدون شي على قولة أخوها “ أم دميعه” فكيف وهي تمر بهالظروف: تعرف علي - شو؟ - أنت من نعم ربي علي اقترب منها واحتضنها … أول ما حست بحضنه ما قدرت تتحكم بدموعها : يا كثر ما تصيحين يا الدلوعه ردت عليه بابتسامه وهي في حضنه: شو اسوي غصبن علي كله منك رد ضاحكاً: أفا خيراً تعمل شراً تلقى ابعدها عن حضنها حتى يرى وجهها وكمل كلامه: بس أوعديني أنج ما أتعبين عمرج وأول ما تحسين بتعب تريحين عمرج هزت راسها بالايجاب بدون ما تتكلم تحت في الصالة … يالس يتقهوى مع أمه فهو يغيب عن البيت كثيراً ويشتاق لها ويحاول يعوضها … كان يغضب في مراهقته عندما يُنادى بدلوع امه والآن لا يمانع أن يكون دلوعها يشعر أنه محظوظ قطعت انسجامه بشاشة هاتفه: يما أحمد رد عليها بكل حب: آمري - ما يآمر عليك عدو .. يا ولدي ما تبا تعرس كل ربعك عرسوا - بعدني صغير حق شو الشقى - الله يهديك يا و ألحين العرس استوى شقى - يوم سيفوه بيعرس انا بعرس - والله انت وولد عمك يبالكم عصى - ألحين انا بو 28 تقارنيني باللي وصل الثلاثين - وأنت عن يكون تبا توصل عمره بعدين تعرس - يمكن ليش لا يوم بلاقي البنيه المناسبه حقي بعرس - بنت خالتك وين تلاقي أحسن عنها حط تلفونه عداله ولف بكامل جسمه جهة امه وبعصبيه خفيفه: عن يكون نوير - وشوفها نوره يا كافي - انا آخذ هالياهل !! - كل ياهل مصيره يكبر - فاضي لها انا تعرفين كم عمرها ؟ - توها آخر سنة في الثانويه - حتى جامعه ما دخلت !!! قطع حوارهم دخول أحلام: السلام عليكم وتقدمت حبت راس امها ولفت على أخوها: أنت هني؟ أحمد رد عليها: لا هناك أحلام: لا بس غريبه اليوم موجود أحمد: ماعندي رحلات لمده يومين أحلام: هيه أحسن الدريول رايح عنده موعد في المستشفى وأباك توديني ايب اغراض أحمد: ما تتأجل؟ أحلام: لا خالوه بتي اليوم على العشا وفي اشياء ناقصه لف على أمه ،أمه فهمت نظراته: ترا موضوع ييتهم ما يخصه في السالفه أحلام: اي سالفه أحمد: ماشي اذا تبين تروحين قومي ألحين بروح ايب مفتاح سيارتي قام ولفت أحلام على أمها: شو السالفه ؟ أمها بتطنيش وتقرب دلة القهوه عشان تصب لها: اي سالفه أحلام: انتي واحمد أمها: قلتيها انا واحمد شو دخلج استويتي ريم الثانيه أحمد: يلا قامت وراه وفي طريقهم للسياره: ليش ما تاخذين الليسن أنتي وتسوقين؟ أحلام: أول شي انا اخاف وعلي أحس ما ادري يمكن ما يطيع أحمد: ركبي ركبي في السيارة… أحلام: أقولك أحمد شو سالفتكم انت وامي - تباني اخذ نوره - تاخذها وين - تستهبلين؟ اتزوجها بعد شو ضحكت أحلام بكل قوة لدرجة استغرب منها أحمد وبعصبيه: شو اللي يضحكج هالكثر حاولت أحلام تمسك عمرها من الضحك: عاد أمي الله يهديها ما لقت غير نوره أنزين اذا تبا حد من اهلها ليش مب من بنات خالي عادل - شدراني أمج شو ياها ردت تضحك أحلام مره ثانيه : لا تخيل صدق احمد انت ونوره هالمره شاركها أحمد الضحك لان تخيل كيف بيكون شكله، هل كبرت أمه لدرجة تريد تزوجيه من نوره؟ الطفله المتهوره تصرفاتها اقرب أنها تكون صبي على أنها تكون فتاة فهو كان شاهد على طفولتها حتى سن الاعدايه مساءً… في مجلس الحريم أم علي وأختها أم عبدالرحمن يتبادلون أطراف الحديث بينما ريم وأحلام ونوره في الطرف الآخر يتكلمون وطبعاً كالعاده أحلام الصامته في حضور ريم نوره لانهم ما يعطون حد مجال للحديث نوره: اففف خلاص مليت ما أعرف شو فيني آخر فتره كله طفرانه من كل شي من ضغط المدرسة وأحس بعد من طلعوا اخواني كل واحد في بيته البيت ممل صدق اشتقت حق حشره عيالهم ريم: شو رايج تباتين عندنا في الويكند ؟ نوره: ابوي مستحيل يطيع ريم: بنقول حق علي يكلمه نوره: ما ادري والدراسه؟ ريم: يا الدحيحه بسج دراسه كلنا درسنا ثانويه بس ما سوينا نفسج أحلام: قصدج كلنا درسنا ثانويه بس محد سوا نفس ريم نوره ضحكت على الريم قطع ضحكتها سلام علي خالته اللي كانت زوجته سلمى خلفه اللي توجهت تسلم عليها بالخد ثم انتقلت لسلام على نوره أم عبدالرحمن بتساؤول: عيل وين ناصر سلمى ردت: والله خالوه راقد حاولت ما ارقده لان بيسهر في الليل ما قدرت عليه تم يصيح ضحكت وردت: طالع على ابوه علي: وليش مب على امه ؟ أم علي: والله طالع على ابوه وخاله ولا امه حليلها سلمى: فديتج عموه ضحك علي وودعهم لانه عنده منوابه مسائيه في المستشفى: سلمى تعالي شوي اباج قامت ورا زوجها يوم ابتعدوا من مجلس الحريم حاوط كتفها بايدها: ألحين أم علي تفدينها وولدها لا ؟ ضحكت سلمى بخجل: ولدها يعرف أن لو يطلب عيوني ما بقصر علي: فديت عيونج وصل عند باب البيت انفتح الباب قبل ما يفتحه هو علي: بِسْم الله احمد: شايف يني؟ علي: هيه ... وطلع في الحوش أحمد لف صوب أخوه: وين رايح علي؟ علي يعلي صوته وهو يمشي لسيارته عشان يوصل صوته لاحمد : حرمتي انت عشان تسال وطنشه وركب السياره ألتفت لزوجة اخوه: ريلج وين رايح ؟ سلمى: عنده دوام أحمد: الله يعين سلمى: تعال سلم خالتك داخل احمد وهو متوجه لمجلس الحريم: هيه شفت سيارتهم برا دخل المجلس وتوجه ليقبل راس خالته ويسلم عليها خالته بترحيب: يا مرحبا بالغالي وينك ما تنشاف تقول بمر على خالتيه اسلم عليها من عرس هزاع ما يت تتغدا عندنا أحمد: والله يا عموه تعرفين دوام مشغول خلاص باجر بي أتغدى عندج أم عبدالرحمن: يا فرحتيه يوم أحمد بيتغدى عندي وقف : يلا انا بسير الميلس ايلس وَيَا خالي أم عبدالرحمن: خالك محد أحمد باستغراب: شفت سيارته برا أم عبدالرحمن: هيه نوره يايبتنا أحمد بعصبيه: نعم !!!! ولف على نوره بعصبيه: انتي كيف تسوقين بدون ليسن نوره: نفس الناس شو كيف بعدين ترا البيت الا هني ما طلعت الشارع العام احمد: هاللي ناقص بعد ... لف على خالته: وانتي خالوه الله يهديج كيف تخلينها تسوق بج وبدون ليسن أم عبدالرحمن: اخوانها وأبوها معلمينها بعدين وهي ما تسوق الا في العزبه ولا بيتكم أحمد لف صوب نوره: اخر مره تسوقين فاهمه نوره: مب على كيفك أم عبدالرحمن: بنت احترمي ولد خالتج احمد: يبي سويج السياره (مفتاح السياره) انا بردكم البيت نوره: لا والله وأخلي سياره ابوي هني احمد بعصبيه: ما يخصج قلت لج يبيه أم عبدالرحمن: ما تسمعين شو قال قومي يبيه نوره: اففف وقامت بعصبيه لخارج مجلس الحريم لان شنطتها في الصاله قام لحقها لصاله ... طلعت المفتاح وحطته على الطاوله بعصبيه: تفضل احمد: والله يا نوير اذا عرفت انج تسوقين مره ثانيه بدون ليسن حشيت ريولج حش نوره: والله أبويه واخواني راضين انت شو يخصك احمد: ولد خالتج يا قليله الادب نوره باستهتار: وإذا أحمد: انا ارويج وشل المفتاح وراح احمد وهو متوجه لغرفته وهو يركب الدرج يفكر " الحين هذي اللي امي تباني أتزوجها حشى لسانها أطول عنها متى استوت جيه ترادد احيدها ما كانت جيه" فهو كان مرابط في الخيمة الشبابيه في منزل خالته مع ابن خالته هزاع وكان يراها تكبر أمامه ولهذا السبب يراها طفله ولا يستطع التخيل ان تكون زوجه ، خفت زيارته لبيت خالته منذ ثلاث سنوات تقريبا عندما خطط هزاع لزواج وانشغل في حياته الزوجيه بعد العشا والسلام عند الباب كان أحمد ينتظرهم في سيارته، ركبوا السياره أم عبدالرحمن: ولديه أحمد شو تباني اسويلك باجر على الغدا أحمد: لا تكلفين على عمرج خالوه أم عبدالرحمن: أعرفك تحب السمج اللي اسويه خلاص باجر غداك عندي نوره باعتراض: ماما تعرفين اني ما احب السمج أحمد: وانتي شو دخلج أم عبدالرحمن: نوير يبالج ضرب انتي نوره: اففف أم عبدالرحمن: يا بنيه بسج كل ساعه نافختي طيرتيهم الملائكة احمد: حتى الشياطين طارن منها ما بطير الملائكة نوره تتصنع الضحك : ها ها ها ها أحمد بمصخره: عيبتج؟ نوره بعصبيه تحاول ما اطلعها: وايد يوم الأربعاء ... تمشي بعصبيه فتحت باب الصاله بكل دفاشه وعقت شيلتها على كتفها فاجأتها ريحة السمك بدا عقلها يشتغل ردت شيلتها على رأسها تذكرت ان ولد خالتها عندهم في البيت معزوم على الغدا واكيد قاعد وَيَا أمها وأبوها يتغدون مشت صوبهم حمدت ربها محد انتبه عليها وبدون نفس: السلام عليكم أبو عبدالرحمن: وعليكم السلام شحقه تسلمين بدون نفس نوره: تعبانه ومن ريحه اللي تاكلونه ابو عبدالرحمن: يبتي لج شي تاكلينه نوره: لا يوم بقوم باكل ام عبدالرحمن: يأهل تحاتيها خلها احمد كان يتظاهر بانشغاله بالأكل بعد ما رآها بدون شيله وانتبه على قصر شعرها وغضب فهو كان يذكر جدائلها الطويلة عندما كانت طفله والآن الما يسمى بذيل الحصان رَآه بحجم ذيل الفأر ... اشتغل مخه وتوصل لنتيجة وحده وهي ان بنت خاله ممكن تكون مِن المسترجلات يعني بويه بالعامي نوره توجهت للأعلى حتى تستحم من بعد يوم طويل في المدرسه وحمدت ربها ان احمد ما شافها وهي بدون شيله فهو كان مستغرق في الاكل "حشى شوي ويأكل الصحن" اول ما راحت نوره.. احمد: الحمدلله وأكرمكم الله وقام يغسل أيده ام عبدالرحمن : بالعافيه نادت على الخادمة حتى تنظف سريعاً مكان الغدا وتجلب صانيه الشاي والقهوه من بعد السوالف ... قام احمد يسلم ويستأذن للمغادرة في هذي الأثناء نزلت نوره بجلابية كم طويل منقشه بورود بدرجات الوردي وشيلة بلون وردي فاتح فهي بعد الشاور البارد ردلها نشاطها وقررت تاكل وتدرس وتنام مره وحده من وقت في الليل نوه: بابا عطى البشكاره فلوس المطعم برا احمد وهو متوجه للباب للخروج: ان طالع له تعالي شلي اكلج طلع للحوش ودفع الفلوس وخذا كيسه الأكل ولف لقاها ورآه واقفه بملل قرب منها ومد لها الكيسه وبهمس حتى ما يسمعه غيره : والله يا نوره لو عرفت انج قصيتي شعرج مره ثانيه لاقص راسج خلاها بصدمتها وراح تصنمت ... مصدومه، منحرجة، غاضبة ... مصدومه ومنحرجة ان شاف شعرها وغاضبه ان ما يخصه فيها هو منو وشو يخصه "بعدين هالغبي شو بيعرفه اذا قصيت شعري ولا لا " ———————— مطار دبي .... سلمي تمشي بجانب علي وهو يدز العربانه وهو يحاول يركز بكمية التعليمات اللي تقولها سلمى عشان ولدها ناصر اللي كررتهم بدون ملل على ريم واحلام علي: ترا انا ابوه سلمى: حتى ولو علي: خلج من ناصر ما عليه شر ان شاء الله أنتي اول ما توصلين طرشيلي مسج ومن تخلصين إجراءات المطار دقيلي على طول وسيف بيكون هناك بيوصلج المستشفى وبيروح هو يخلص أمور الفندق سلمى: ان شاء الله علي: يلا روحي عن أطير الطيارة -تقرب منها واحتضن أيدها - استودعج الله سلمى: مع السلامة حبيبي ومشت دخلت داخل المطار وقف لثواني حتى يتأكد انها دخلت داخل ومشى ... . . . 
 
|
|
01-01-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ياالبيه يا اختياار الموووضووووع
روووعه ومفيد يعطيك العااافية وشكرااا كبيررة لك
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
