06-11-2011
|
#31
|
نورة و ووردة جالسات عند العجايز بإمتعاض مبين على ملامحهم
بينما الهنوف تجر الخطى في المطبخ وشافت كم هائل من الشغالات جالسات
الهنوف : الله لا يسخط علينا استغفر الله كل ذالخدم عندنا ...يارب يارب ارحم ابوي واعمامي بس
داليا : وش فيك تلوحسين هههه ابشرك قروب حزب الله طلعوا
الهنوف ما زالت تقز الشغالات : بالله ناظري هالكم الهائل من الجالية الإندونيسية
داليا : هههههههه ماشاءالله كم وحده بعدهن إلا هنيف لا تفوتك شغالة نورة شوفي كاشخه بتنورة ابتهال سابقا خخخخخخ
الهنوف : هاتي هاتي بصورها عشان اوريها ابتهالووووه ذي اللي مسويه ذويقه
داليا : هههههههه وإلا مريما ذا غثتني كل ماتشوفني تقول اذا صغر لبسك عطيني اياه
الهنوف : لا ياللي ما تستحي بقول لامي عشان تأدبها اجل تشحذ لبس يامال الفقر
داليا : ههههههه يختي الاجر فيهم
الهنوف : اقول انا اذا ظليت معك مانيب متسنعه .....هيه أنتِ ايميليا ,,انت يالشيخه ...
ايميليا بإمتعاض : ايس يبقى ...
الهنوف : يمه يمه خير انت مانيب اطر منك ...
داليا : متكبرة ذي يختي ارطني انقلش معها و تجيك على احسن مايكون
الهنوف : الحين الانقلش ما تعلمته عشان اطور نفسي بتعلمه عشان احاكي ام خشم افنس ذي
داليا : تبين اقولها..... انا اقول بس و شتبين منها
الهنوف تكشش علي ريم : ماقول غير كش لا وربي ماحلا مسويه يعني ان معي لغه هاه تلايطي بس ..
مريماااااااااااا مريماااا
مريما : نعم
الهنوف : فيه ابره ؟
مريما عقدت النون : ابره
الهنوف : لا قلم ... ايه ابره شفتِ او لا بإختصار بلا كثرة هذره
مريما : والله انا مافي سوف ابره ليس استراحه في ابراه مافيه
الهنوف قاطعتها : عاد من يجمعها ذي الحين خلاااص تلايطي .....دقي على " داوود" قولي له يروح يجيب ابره ..
مريما : والله داوود فيه شغل كتير
الهنوف : احلفي بس اقولك دقي عليه لاام تخمني ام التكرن واحوسك انت وذالخمه كلها
ريم دخلت : بنات ابشركم لقينا ابره تعالوا بسسسس
الهنوف بنظرة تهديد : مشغول اجل
داليا : يالله بس خلصينا اخاف تجي ام خلف وتشوف شقة هالصدر و تغير رايها بسسسس هههه
الهنوف : لا مئــدرشي مئـتردشي يامقرمه
داليا فطست ضحك ....
تغريد : ياغبيه انتِ ليش فجيت الصدر كل هالقد
الهنوف : بخرب سوق هيفاء وهبي
اميره : هههههه ياقلبي رحمتك والله يوم سحبتك الخبله ريمووت
الهنوف : آخ بس مشكلة المزيونه تجيها عين ماتشاور دايركتلي
اميره : هههههههه روحي بس غيري وهاتي الفستان خليني ارقع لك فيه
الهنوف : احلفي بس يعني انا البس بجامه وانتم مشخصات بلبس العيد ...
ريم : هههه من قالك البسي بجامه
الهنوف تقلد صوت ريم : لاني ماجبت غير بجامه بس
داليا : يا محلااااتك مشخصه ببجامه قدام ام خلف
ابتهال الرجه : خخخخخ حتى ذالمسكينه طلتوها محد يسلم من لسانكم
ريم : يمه يمه منها بس والله عويناتها تخوووف
تغريد : ذا وهي لابسه البرقع كيف لو تكشفه
الهنوف اللي كانت واقفه عند الباب بتطلع : انا مستغربه الحين عند رجال يوم انها لابسه البرقع عند الحريم تراها ههههه
اميرة : اقووول بسرعه بس ترى وقتي ثمين وعلى فكرة ترى كل شيء بحساب ياقلبه
الهنوف : نحن عائلة نموت على الفلس بس عاد فسقى و بطرى تخيلوا انهبلت يوم شفت الشغالات اكثر منا على كثرنا ماشاءالله ...
داليا : خخخ صح ابتهال ترى شغاله اختك نورة مشخصه بتنورتك التركواز هههه القصيرة على بنطولون جينز اسود تحت هههههه
ابتهال : وعسى ماغردتِ وقلتِ لها ذالحكي يافالحه ترى نفسها عزيزة وبعدين احترمي نفسك هالتنورة هدية من خالد اخوي جايبها لي من مصر
داليا : حرا م عليك والله كانها مربع له يدين و رجلين هههههه بس من جد شغالاتنا مترفات تعالوا نكرفهم !
ريم : شيخات مو بسيطات اووما ايميليا ذي ماهضمتها ابد ...
ود : عسى ماشر يالمخيسات ضاعت السوالف مالقينا غير الششغالات نحش فيهم
داليا : خخخخخخ بلاك ماشفتيهم اكثر من النمل يختي ..
رجعت الهنوف اللي لبست بجامه وردي وعليها صورة ميكي ماوس ...
البنات بصوت واحد اول ما دخلت : ايووووووووه
ريم تصفر : ياساحب عليهممم
الهنوف تمشي ومطنشه .... تغريد : لا احد يشوفك بس
الهنوف : هههه وش فيكم انا انسانه كول عادي ماهتم للمظاهر والدليل ان الاهبل ولد اخوي رامي شافني كذا
داليا : يؤ يؤ هههههههههه تلاقينه اعلن الخبر في كل الرياض وملحقاتها
ريم : تلاقينه الحين مشتغل معه خبر حصري عند العيال ههههههه
ابتهال تتمسخر : العيال اكبر همهم الهنوف وماتسوي ترى
الهنوف : اقوووول لا يكون المزيون مشرف بس والله مدري بس جو الرياض مغبر يع اشم ريحة غبرة اشك انه بالديرة
ابتهال : لا ياللي ما تستحيين بس ماراح ارد عليك لان هذا تأثير انفجاج فستانك اللي تهاوشت انت وذالهبلات عليه ..
الهنوف تذكرت و قربت عيونها لريم : ريموت لا تكون ذي عينك بس
داليا فقعت ضحك : ههههههههههه لا والله والله فاهمه غلط
طبعا قعدوا يسولفون ومعهم قدر يطقون فيه عشان يرقصون الهنوف لابد تهز حتى بالبجامة
اميرة استغرقت وقت ياقلبي تخيط وترقع الفستان ...
تغريد : بروح اجيب القهوة صوفيا وش فيك مالك حس
صوفيا الأي بود على اذنها : تحاكيني تغريد
تغريد : ههههههههه اقول من العايدين
صوفيا ابتسمت بسمة وضحت معالمها الجميلة : وانت بخير ( طقت جبهتها) عفوا اقصد من الفايزين
ضحكوا كلهم ....
الهنوف : اميرة ماصارت والله لو انه فستان عند ايلي صعب او عبد محفوظ امديه خلص
داليا : يعني اني اعرف ديزانيرز
الهنوف : رجاء مااحب احد يقط الفيس وذ مي ....وعلى فكرة ( التفت للبنات) فيه كثير شرذمه على بالهم يمونون وهم من جنبها
ابتهال : ياربي ياربي انتِ حكي العيال ذا من وين تطلعينه يمه يمه منك بس
داليا : بلاك ماشفتِ القروب اللي معها بالمدرسة تحسين انهم من عرابجة شيكاغو
ريم تصفر : ياهوووه يا شيكاغووو ادووخ انا اتعب على شيكاغوو بعدين اسمعي تغلطين على هنيف بيدينك ورجليك بس عاد تتطاولين على اروع قروب سوري اشجب هالحكي منك بنت عمو
تغريد : منتهيات مايمدينا والله هههههههه
اميره : واخيرا خلصت الحمدلله يالله عاد بشويش مو بدفاشه
ود : مالغبي غير اللي لبسهم فساتين والله حدهم جينزات على تي شيرت
الهنوف تنظف اذنها : عفوا ....ماسمعت ترى ...... ترى بكل سهولة يعني امسك جوالي واطلب سعود اخوي والباقي اعتقد تعرفينه ( بحقلت عيونها )
ود بدلع : اتحداك اذا سويتها اصلا سعودي بيطيح وجهك
الهنوف : ابوك يالولد تتحدين
ريم : وسيعة وجه اللي اعرفه ان البنات يتميلحون عن خوات رجالهم وهالطيبة ضامنه سعووودوه حاطته بالجيب
داليا : هييييييه عاد لا تتطاولون على بنت عمي لا اسنع لك لسانك انت وهي
ريم : هنيف وش يقول الورع ذا بالله ..؟
الهنوف : يزامر مدري وش قصة اهله ...
الجميع ضحك على خبـــــــــالهم طبعا ...
اميره : احم احم ابشرك خلاص تم الانتهاء بشكل نهائي
رفعت الفستـــــــــــــــــان ..قربت الهنــــــــــــــــــــ ـــوف بتاخذه بس
اميرة : خير وش فيه ذا عيا يطلع
الهنوف الصيحه واصله معها : وشو
الجميع انتبـــــــــه لـــــهم
اميره سحبت الفستان و شبك في الخداديه ..من زود الحرص وهي تخيط خاطت الخدادية اللي حاطتها عشان توقي يدها خخخخخخخ ( صدق هالموقف صار لنا بالعيد )
اميره بتعب و إنهاك : لااااااااااااااااااااااا اااااااااااااااااااااااا ا
الهنوف : فستااااااااااااااااااااا ااااااااااني
تغريد اللي جابت القهوه << سنعه : وشو خير مين مات ؟
داليا و ريم فاقعات ضحك ... ود تتأمل بصمت ودها تضحك بس خاف من اميره و الهنوف ..
صوفيا في عالمها الخاص والبعيد ....
ريم دموعها طالعه من الضحك : اميرة .....ابرة ........ مع ذا
تغريد : اقولك لاقيتني انت وخشتك احكي عربي بسرعه ( نزلت الصينية )
داليا : اااااي يابطني مقدر مقدر ...ريم الحقي علي
ريم : ياعمري يالهنوف قايله لك ام خللللللللللف ذي ميب سهله
الهنوف فيها صيحه : ياربي ياربي كيف يعني مكتوب علي اعيد بذالبجامه
ابتهال : خيره خيره ماصار إلا كل خير
ريم: داليا تقول خيره هههههههههههههههه << بزران بجد
ابتهال سحبت ريم وقبصتها بخفيه ريم : أي خلاص بسكت
اميرة بحرج : سوري هنيف والله مدري بالغصب
الهنوف تكرنت وخمتها ام العبيد كتمت بقوه .. : يعني اعيد كذا
اميره : بزينه لك اصبري شويات والله والله راح افك ذالخداديه
الهنوف ماسكه الفستان : ناظري القماش راح القماش شيفون يعني مايتحمل
ريم : خسارة قيمته بس قال ايش قال نيو كولكشن
داليا : خلااااااااااااااااااص ريموت تلايطي
تغريد حطت الحلويات والشكولاتات والقهاوي وقعدوا يتفنجلون <<راعيات كيف
ود : هنيف خلاص عاد فكي هالعقدة اللي بجبهتك وذي اميره تحاول تسنعه
ريم : بس يبدو ان شكله...
ابتهال : كح كح احم فنجالك يا بنت
صوفيا بعد ماعرفت السالفه : طيب روحوا السوق اشتروا فستان جديد
الهنوف ناظرت ريم مباشرة : والله ميب شينة
ابتهال : احلفي بس لا احلفي وبقوة بعد من الفاضي اللي بيوديكم
ريم : السووايق مكثرمنهم
ابتهال : ذز از ماي فيس ان وصولك ياهبله ترانا الساعه  الصبح عارفه كيف
داليا : نجرب و نشوف ...
في هذه الاثناء دخلت فرح و حصة
من الجماعة والبنات يموتون عليهم معهم بالمدرسه ...
الهنوف دوروها ما تلاقونها لانها لابسه بجامة خخخخخخخ
ريم : هلاااااااااااااااااااااا اا و سهلااااااااااااااااااااا اااااااا
داليا : هلا من العايدين
اميرة : حياكم صبايا من العايدين
سلموا عليهم و عايدوهم و لا تفوتكم نظرات هنيف لاميرة خخخخ
طبعا الربشة ريم كبت السالفه كلها للبنات اللي ضحكوا لانهم عارفين البنات زين ..
راحوا البنات سلموا على ام فهد اللي هي ام فرح و حصه ... ( طبعا هنيف ما طلعت تسلم خخخ)
رجعوا عند الهنوف ماتهون عليهم تقعد لحالها
الهنوف من اول ما لمحتهم : ريموت شوفي لي حل لازم اروح السوق ؟
اميرة : اقووول خير مين بيوديك وبعدين ياقلبه الاسواق مقفلة امسكي ارضك بس
الهنوف : لا ياشيخه انتِ بالذات لا تحكين يالله تصرفوا
حصه : يختي روحي البيت هاتي لك أي فستان من فساتينك فستانك الرصاصي اللي لبستيه بتمايم عبودي ولد اخوي يجنن
الهنوف : مين يقلعني للبيت بس السووايق عساهم اللي منيب قايله يتعايدون والله خالد اخوي مسوي راحمهم فاقعن لي مرارتي ...
اميرة : بشوف احد اخواني طيب ..؟
داليا : كح كح اختي الفاضلة ماله داعي تحرجين عمرك من الحين اقولك خخخ
طبعا اميرة ضربت كلامها بعرض الجدار و دقت على نايف اللي زفها زفة مو طبيعيه خصوصا وانه منبه عليهم يأخذون كل الاغراض ...
داليا برباشتها المعتادة : دقي على بندر
الهنوف : اوووووما بندر ههههه ذا يقدر يفارق زينة
ريم : ساحرته شكلها ههههههههه الحين مزلبه العالم كلهم ومع ذا يحبها
صوفيا : ذي ام حظين
ابتهال : احم احم خير خير انتِ واياها مااسمح لكم ترى
( اميرة حست بشعور غريب يجرح قلبها تذكرت زينة ...كيف نسيتها بهاليوم..؟ اه ياليتكم تدرون وش اللي صار بحال بندر و زينة صدق ناس مالها غير الظاهر )
داليا : مادريتوا وش صار ...؟
اميرة انتبهت و قبصتها بخفية : بندر مستلم
الهنوف : يوووم العيد عاد يستلم إلا وش اللي صار داليا << تموت على الاخبار
داليا : ههههه وش دعوه عاد فستانك ماخرب يوم العيد خخخخ
الهنوف : شكلك تصرفين بس صدق ياويلي ذكرتني بصيح اهي اهي
ريم نطت بقوة : نواف نواف لقيته بس هو تعالي ندق عليه
ابتهال بلكنة حزن وضحت على معالمها : اخواني كلهم راحوا يزورون قبر ابوي الله يرحمه
ريم تلاشت بسمتها وحماسها ودمعتها في محاجر عيونها
الجميع : الله يرحمه
الهنوف بلعت ريقها بحزن و تحس ببرودة : الله يرحمه والحمدلله على كل حال ... تنهدت بعمق...دارت دمعة بتطيح من عينها : ايه اجل تقولون لي مين يوديني البيت ؟
ود تناظرها بتمعن : بشوف لك احد اخواني انا اكيد حجرف فاضي
طلعت جوالها و دقت على حجرف...
ود : ياربي مافيه بطاريه مو معقوووووول
حجرف كل شياطين رمضان فلتها بوجه ود حجرف : خير
ود: ااا
(طفى الجهاز البطارية فارغه ..)
ود : ياربي على حظي ذا طفى الزفت ذا وانا اكلمه بس يمه يمه الحمدلله اللي طفى
تغريد : هههه طيب شوفي جهازي اخذيه ..
ود : حجرف من سمعته قال خير غسلت يدي مانيب متصله فيه بدق على مين مين ...ايووه سلمان
دقت على سلمان و حصلت معه انتظار
ود : ياربي عليك بس ويتنق مدهر بالعيد خخخخخخ
الهنوف : هههههههه منحوسه انا من جد حتى البزران اللي يموتون على المشورة يطرطعون بالحوش مامعهم سيارات
ابتهال : احلفي بس تبين رامي او بلوط يوصلونك عشان باول ماصوره خير خير يالطيبة فكينا بعيد ونبي نستانس
اميرة : عن اذنكم بنات
الهنوف : عفوا ماسمعت وين عن اذنكم تعالي تعالي تراك انتِ اللي خطتِ هالمخده مع فستاني اذا ناسيه حبيت اذ***
اميرة تضحك : وانا اقدر انحاش شويات وبجيك بس
ريم : لا انا اعرف ليش انحاشت لان ماعاد باقي غير ابو الهش و ينقالها مستحيه لا تتميلحين عند ود و صوفيا مايمديك
داليا : خخخخخ بتسوين ثقل يعني
اميرة : الحمدلله و الشكر بزران بجد << خربت الأخلاق
ود : صح ذكرتوني بهشووم بالخدمه ياحبني له بس
داليا : لو سمحتِ لا تتغزلين بزوج اختي مستقبلاً
اميرة بحلقت عيونها بضحكة ..
ود : احلفي بس تراه اخوي قبل يصير زوج اختك اللي خربت فستان الهنوف
الهنوف قامت تنوح : ياااااااااااااااويلي كل شيء تذكروني ...يالله الحين دقي على المصري ذا هشام هو واسمه اللي ...
ود : هااااااااااه عاد كنك تتريقين ....احترمي نفسك عاد ترا ابوي مسميه على الدكتور اللي سوى لامي العمليه لان ولادتها عسره
الهنوف : ياليل انتِ بتقولين لي قصة حياتك انجزي بس
ريم : والله خطير عمي اجل كل ذا حب لامك هههههه
صوفيا : هههه ابوي يعشق امي فقط
داليا : يهوووه يافقط ادوخ اتعب انا بس
ود بإمتعاض : خلونا بالعيد بس ..... تنهدت
الهنوف : اقول دقي على هشام بس
ود : هلا هشام ...
هشام : هلاويين
ود : دام هلاويين لا اكيد بتلبي الطلب
هشام : شوفي كانه من طلباتكم السخيفة اللي تكرر نفسها دبابات
ايكسريم ملاهي اخذ السيارة وافر فيكم انسي
ود : لا هشوم ابد ابد مشوار قريب
هشام : وين قريب
ود : بيت خالد
هشام : عفوا ... ومن خالد ذا موظف بكنتاكي
ود : هههههههههههه خير إن شاءالله خالد ابو رامي
هشام : قريب ذا يالحولا...يالله يالله دخلوا رجال ....طوط طوط
ود برد وجهها : قفل بوجهي اظن
ريم : ياحرام يالهنوف .....
الهنوف : ياوييييييييييييييييييييي ييييييييييييييييييلي وين اميرة
اميرة اخذت جوالها من ود اللي كانت تحكي فيه هشام
من الجانب الاخر
اميرة واقفه بالحوش تحكي مع بندر
اميرة : بندر ليش ماجبت زينة ..؟
بندر : انت داقه عشان تقولين لي وش اسوي ..وش ماسوي شكت لك الحال
اميره : ياربي منك وربي الكريم ماشكت لي ولا شيء بس من باب
الذوق ضروري تجيبها حرام عليك
بندر : اقووولك انا مشغول وعندي تحقيق في امان الله طوط طوط
اميرة عضت شفتها بقهر و حزن ورجعت للبنات
دق عليها رقم غريب .....( من عادتها ماترد على الارقام الغريبة بس بالعيد قالت يمكن وحده من صحباتي بتعايديني )
اميره : نعم
.......صمت
اميره : نعــــــم
هشام : احم احم
اميره : خير إن شاءالله ...مين انت أي خدمه وش عندك داق <<معصبة من بندر للتو
هشام : أي ااااا
اميره : خير ان شاءالله وشذالوقاحه ...
هشام : يابنت الحلال..
قاطعته بقوه : لا ياقليل الحياء لا ياللي ماتستحي
هشام : خير انا ود
قاطعته : ولا كلمه قسم بالله ان ما قفلت لا اعطي رقمك احد اخواني يتفاهم معك
هشام بصوت عالي : خير انتِ ابي اختي ود كلمتني من ذالرقم من شوي
( اميره تحس جسمها نملّ بقوه عجزت تمشي بردت تجمدت من الفشيله طول الوقت تدعي انه حجرف او سلمان اهم شيء مايكون هشام خطيبها و زوجها عن قريب) دايركتلي قفلت
راحت مدرعمه بسرعه
بصوت عالي : ود ود ود
ود انهبلت : خير وشو
الهنوف : هاه لقيتي احد يودينا
اميرة دمعتها بطرف عينها : انا ....هو ...لا ..انتِ
الهنوف تناظر ود : وش السالفه
اميرة : هو هو انا ذا من رقمه ؟ (رفعت جهازها )
ود تناظر : لا ابشرك عقل ترى من يوم ما خطبناك له وهو تارك حركاته النص كم ( ناظرته بنظرة خبيثه) لا يكون بتكلمينه بس
اميرة بحالة دلاخة : من هو اصلا ذا مين ( مازالت تتأمل انه مو هشام)
ود : بلا إستهبال ...
اميرة : والله من جد احكي
ود : هشام
اميره : لاااااااااااا ياربي لاااااااااااااااا ياخزيااااااااااااااااااا اااااااااااااااااااااااا اا اااااااااه
ود : وشو
الهنوف : الله يلعن ابليسك لا يكون تحسف وحن قلبه علينا ودق ولا رديتي هاتي الجوال بس
اميره : ياليت كذا ياليت إلا رديت و عطيته تهزئ محترم
البنات ضحكوا بقووووووووووووه بعدما فهموا السالفه
اميرة تكره عمرها اذا تذكرت الموقف ....
ود كلمت هشام من جوالها بعد ماشحن وفهمته السالفه
هشام : ياخساااااااااااااااااااا ااره قهر والله قهر ياليتني عارف بسسسسسس
ود : استح على وجهك اشوى اللي ماعرفت
هشام : بس تصدقين انها بنت رجال والله وصوتها جنان
ود : حلالك وانا اختك هههههههه المهم هاه عساك بتودينا
هشام : يالله لعيونها اوديكم وبعد ابوي ارسلني بجيب اغراض من البيت نروح لبيتنا بيت خالد طيب لان فيه رجال
ود : لا يقولون لي البنات انهم راحوا يزورون قبر عمي
هشام : الله يبلشك اقول بتمشون او لا ..؟
ود : هاه إلا إلا يالله ...
ود : يالله يابنات
الهنوف : منهو ؟
ود : ابو الهش ( تناظر اميره وتضحك )
اميره : سخاااافه استغفر الله العلي العظيم
ود تتريق : يالله بيودينا لعيونها اللوزية ههههههه بس لبيتنا ترى
الهنوف : احلفي بس و في بيتكم اروح وش اسوي
ود : احمدي ربك اعطيك من فساتيني اللي شريت يوم كنت اجهز واحمدي ربك وتراك بترجعينه بعد
الهنوف : يمه يمه حلال اخووي تراه
ود : لا شكلنا ماراح نتفق ابد انا وانتِ هههههههه
اميرة : يالله تراكم تأخرتوا مره ينتظركم
ريم : يحووول يالحب يضني يقولون يالله لا تفطس اميره بس
طلعوا ود و الهنوف ودخلت داليا وحصه وفرح بعدما كانوا يلعبون كورة في الحوش ..
في السيارة
هشام : 10 دقايق اذا ما طلعتن قسما بالله لاحرك السيارة
الهنوف : ياخي دامك معصب ليش وافقت ترى محب احب يتمنن علي
هشام : عفوا مين اللي رطنت حتى البزران عرفوا يصفون كلمتين على بعض يالله بس
الهنوف و ود نزلوا بسرعه اختارت الهنوف اغلى فستان و افخم واحد خخخخ قالت ايش قالت حلال اخوي كيفي
ورجعوا الإستراحة وكشخت في الفستان وضبطت الميك اب و طبعا لا يفوتكم تمشي مع البنات والحريم وتقول هذا هدية من سعود اخوي
|
|
|
|
|
06-11-2011
|
#32
|
()
دخلت زينة الفندق اللي كان الفرح في قاعته ... دخلت وابهرت الجيمع بجمالها الرباني ونعومتهااااا شعرها طاااااال كثير ما شاءالله وحاطه تاج ناعم جدا .. الجميع يناظرونها واهي تمشي ..
على تــــــــلك الطــــــــاولة من فئة 1st class ..
ريم : اخيرا شرفت بنت الاكابر هههههه إلا اقولكم فستانها مو كأنه قديم
إبتهال : لا تغلطين ذي عمتنا اخت خطيبي هههههه
الهنوف : يا عيني يا عيني عليها تجنن ماشاءالله ولاحظوا شغل الاتكيت تو ماتجي والفستان قديم بس روعه عليها ماشاءالله
صوفيا تناظـــــــــرها من فوق لتحـــــــت ...( طبعا صوفيا كانت كاشخه جدا )
تغريد : بصراحه تجنن من عذر بندر يوم انه طاير فيهاا ومن عذرها بعد يوم انها ماتشوف احد شيء ههههههههههه ماشاءالله شعرها صاير طويل مره
الهنوف بإقناع : لا مو لذالدرجه بالعكس اول كانت شيء بس كبر راسهااا
طبعا الهنوف وريم كرفن جملة ( خوات المعرس ) يعني يمكن هلكلمة كانهم قالوها ميه مرة قليل عليهم هههه
طبعا وردة و نورة متصدرات الفرح بالتكتيك الراقي و الشغل المضبوط ...
-
-
طبعا لاحظوا ولا وحده رحبت في زينة ولاحتى سلمت عليها من بنات عمانهاا كلهم اخذين فكرة عنها ولا يعرفون وش اللي صاير لها حتى تغريد صديقتها اللي دايم تشكي لهاا سحبت عليهاا..
نسرين كانت كاشخه بفستان ولا اروع بس مسويه ثقل لانها اخت العروس مدري ليش خخخ
داليا عند اميرة ما بعد طلعت للمعازيم ...
حست زينة بالغـــــــــــــــربة واهي بوطنهااا كل المدعوات يناظرونها اللي تسأل عن اسمها تبي تخطبها ابهرت الانظار بجد ..
و زينة نظراتها مبعثرة ..خايفه ...ماحد فز لها و استقبلها ...تحس في الغـــــربة وسط الناس
زحمــــة وجـــــــــــــــــــوه و عـــابـــــــــــريـــن ...لا شــــــــــــوق فيـــــــــــها و لاحنــــــــــــــــــــ ـين ...
وذا هو لسان حال زينة
طلعت زينة وراحت لاميرة مسكت يدها : شفتِ جيتك انا اقدر اتركك ههههههههه
اميرة : ايه يختي اضحكي تجنينن وانت تضحكين بس تعالي انت بجمالك بتخلين العالم يتركوني ويناظرونك ههه
زينة : لا وش دعوة انت العروس الاحلى اكيد .......
ناظرت زينة بود وراحت تبي تسلم عليها إلا ان واضح ان ود مرتبكة ومو متقبله زينة خير شر زينة قالتها الف مبروك
وراحت بس ووقعت في الاوتجراف للذاكرى وقعت لاميرة وسعود وهشام بس ود ماوقعت لها لانها ماعطتها الاوتقراف ....( وذا سبب لزينة جرح ندي جديد ) .
زينة جالسه بلحالهاااا على طاولة واهي تشوووف الرقص والهيصه وجواتهااا حزن والالام ..
نسرين كانت ليئمة لدرجة انهاا تجرح زينة بكلام قدام صاحبتهااا ...بس زينة كانت طبيعيه جداً و سيطرت على اعصابها قد ماتقدر لانها مو بناقصة مشاكل
زينة متحملة كل شيء عشان اميرة ..
واهي جالسه تعد جراحها وتغلط إلا بوقفة إبتهال عندها
زينة ابتسمت بحزن و خوف : هلا والله ..
إبتهال : هلا فيك كيفك ..؟
زينة : بخير انت شلونك .
إبتهال : ماشي الحال
وينك مالك شوفات ولا شيء ..؟
زينة : مشاغل تعرفين صرت راعية بيت هههههههه
إبتهال : أي صح قصدك راعية مركز تجميلي واهي تطق على كتفهااااااا
( يالله يإبتهال ليش بس تحيين ذكرى يوم موت حبي ليش تذكريني بيوم إعدام بندر لمشاعري واحاسيسي )
زينة : لا المركز خسر ولا عاد كملته
إبتهال : يؤ وانا على بالي هههههه اثاريك مانتب بشيء
زينة : ياحبني لك وحشتيني ..........
إبتهال : عطيني رقمك عشان ادق عليك ونتواصل ..؟
زينة بحزن تسوي نفسها طبيعيه : مامعي جوال حاليا بس عطيني رقمك وانا ادق عليك ... خصوصا ان فيه ناس احرقوا دمي عليك بالسؤال هههههههههههه
إبتهال : هههههههه أي وش جاب لجاب ....
زينة تبتسم : لا حرام عليك انا اهلي برى واحس بغربة إلا اذا سمعت اصواتهم وتبينه يسأل عنك بس قاهرني اخوي ترى ههههه
إبتهال : يختي كفاية عليك بندر اعوذ بالله مايفك عنك ابد
زينة ( وش فيـــــــها إبــــــــتهال اليــــــــــوم تبـــــــي تـــــــــــــذبحني )زينة تبتسم بألم : ايه الله يخليه لي
إبتهال : زينة انت فيك شيء متغير ماادري وشووو ,,
زينة : ناحفة صح ..
إبتهال : من يومك رشيقة اصلا ههههههههههه جسمك يجنن يالهبلا
زينة: عاملة دايت تصدقين .............
إبتهال : وشو الحقيني فيها خبرك اخوك هناك مسنتر ويشوف هالعصل هههههههههههه
زينه توهقت وعطتتهاا مكونات من راسها ( الله ييستر لا تنتفخ البنت )
مرت احداث الفرح بتسلسل منطقي يعني مافيه شيء يستحق الذكر
"
"
... بنـــــــــــــــــدر
في سيارته ينتظر زينة كان يشخّص ويعدل شماغه كاشخ مره ذيك الليلة
فجاءه شاف بنت جت وقربت صوبه : السلام عليكم
بندر استغرب وناظر تحت( مايستبعد هالحركة عن وحده تطلع بعباية مثل كذا) : وعليكم السلام ..
..............: " كيفك بندر "؟
بندر : بخير (انحرج مره )
" بسراحة ماندري من المعرس انت او هشام ماشاءالله عليك يوم دخلت مع هشام تحديت انا والبنات ماندري مين المعرس فيكم ..؟
بندر ناظر تحت ( وش عندها ذي قاطة الكلافة وشايته الفيس ) : الله يسلمك ....
زينة كانت طالعة وشافت ((((صوفـــــــــــــــــ ــــــــيا)))
واقفه تحاكي بندر تضايقت مره وحشرجت مشاعرها الغيرة خصوصا وان صوفيا متبرجة تقريباً ....
بس
تذكرت زينة بعدين ان بندر مهما صبر على وجودها معه فذا مو معناه انو لسى يحبها بالعكس يوم ورا الثاني يتجاهلها اكثر واهي كانت حاسه انو صابر عليهاا لان مالها احد في الديرة اهلها برى وامها تخلت عنهاا وبرضوا سافرت وتركتهاا فلذلك بندر ماحب يكون قليل اصل مع بنت عمه مع انها ماتستاهل اللي يسويه عشانها ....
زينة جت قربت للسيارة وفتحت الباب ،،
صوفيا تناظر فيها بنظرات استحقار وتقليل من شأنها ....
صوفيا : اوكي بندر انتبه لنفسك ونشوفك على خير ...
بندر سكت وكان يناظر في جواله طول الوقت مايعرف كيف يتصرف مع بنت عمه الجريئة بزيادة .....(طبعا عرفته بنفسها الشيخه )
زينة تحس انها شربت حزن الدنيا كلها و عيونها تحتضن كميات لا بأس بها من الدمع
بندر ناظر زينة اللي ماقالت ولا شيء ... بندر يناظر عيونها وشاف غيرة حزينة صماء خرساء : كيف كان الفرح ..؟
زينة بصوت صغير ومخنوق : حلوو..
بندر : الله يوفقهم ...
زينة : آمين ...
(زينة تفكر طـــول الوقت في امها كيف بس تتخلى عنهاا بندر ماقال لها شيء بس هي حست لانها تعرف حركات امها اكـــــــــــثر من أي شخص ثاني )
بندر: يلا وصلنا ماودك تنزلين .؟
زينة تبتسم ونزلت ....
طلعت غرفتها فوق وبدلت ملابـــسهاا وبكت شوي من حركات بندر فيها يوم ورا الثاني يهمشها اكثر
، بس يحق له ....بندر طعنها بحركته اللي من شوي مع صوفيا ..بكت بحسرة لبرودة كل شيء حولها
فتحت شعرها ومسحت الميك آب وجلست حطت راسها على ركبتها تداري احزانها ........
" امها من وهي صغيرة علاقتها فاترة معها تقسى عليها و تطقها و تهزءها على أي شيء عكس بدر اخوها الدلوع اللي امها تموت فيه ...ياما و ياما حجزت ام بدر بنتها زينة في غرفة ظلمة بهدف تأديبها تبكي زينة وتصرخ ماما اسفه اسفه توبه توبة بس افتحي لي اخاف من الظلمة كثير ... كثير هالذكرى تتردد عليها
...امها وفرت لها كل اسباب الترف والأناقه بس حرمتها حنان الامومه و دفء الاسرة لولا الله ثم ابوها كان من زمان انجنت وصار فيها شيء كايد ..او انحرفت
بندر ناظر في جاذبيتها اللي كانت توب ونعومتها وشكلها الحزين ، كانت سرحانه
جلس جنبها انتبهت لوجوده وعدلت جلستها ولمت شعرها بسرعه عشان مايفهمها شيء ثاني ..
بندر بحزن يفطر قلبه من جوا : لا يكون على بالك اني جاي اسولف معك او اضحك او حتى اقول مشتاق
( غمضت عيونها بحسره ) ووقفت .
.وقف ومسكها مع يديها بشويش وقال : لسى ماخلصت كلامي
ناظرت فيه واهي تفك يده ماتطيق أي لمسة منه كرهته قد ماعذبها وطقها ..
بندر : اسمعي ان شالله اهلك كلها شهر شهرين بالكثير وجايين يعني بتفارقين عندهم ..
زينة : ان شالله
بندر : بس عشان تعرفين وش قد انا صبرت عليك ورحمتك ماحبيت القيل والقال يكثر والا تدرين اقدر ارميك في بيت جدتك واخليك ...
زينة جمعت قوة وانفجرت من الاسطوانه اللي مليون مرة قالها لها وردت عليه : ادري ماجلستني هنا إلا عشان ابوي وعماني...
بندر صفق بيدينه : برافووو تعلمت الدرس ..
زينة : وحفظته عن ظهر قلب بعد ..
بندر : حلووو شيء طيب في تطورات ...
زينة : واللي يعاشرك ويذوق اللي ذقته منك معقول مايصير له تطورات ..
... بندر : والله وطلعت تعرفين تتكلمين بالاصول يابنت مضاوي
زينة دمعت عيونها و غمضت يوم جاب طاري امها وعجزت تكمل وبكت
بندر : هذا انت كلمتين على بعض وتبكين صدق ضعيفة ومنكسرة بقوه ........
... زينة ناظرت فيه لاول مره بعد اللي صار ( حتى اهو تأثر من نظرتها ) : بندر طلقني ولو ترميني في الشارع مو مشكلة بس ولا الذل والاهانة اللي كل يوم اشوفها منك خلاص طلقني انا ماابيك طلقني عذبتني كسرت قلبي....
بندر يضحك بسخرية : اولااا ماعندك احد ارميك عليه ، ثانيا مو انت للي تطلبين او تحددين الطلاق فاهمه ومسكها مع ذراعها بقوه وقال : متى ماطقت براسي اطلقك طلقتك .... لا تستعجلين بطلقك قريب ان شالله ......زينة بكت وطلع بندر وقلبه منفطر باللي سواه فيها .. مهما كان اهو يحبها موووت ليش يكابر ويجرحها
"
"
من بــــكـــــــــــــــــر ة الــــــــــــــصبــــــ ــــــــح
سوت زينه شغلها كالعاده وكانت تعبانه مره ذاك اليوم مرهقه بشكل غير طبيعي ومع ذلك اشتغلت وسوت الفطور ....
على الفطور كان بندر وامه ونسرين وزينة جالسين ويسولفون عن الزواج ..
اثناء ماكانت زينة تصب الشاهي ،
قالت نسرين بخباثة : بندر لقينا لك عروسة؟
بندر ارتبك يعني اهو يقسى على زينة ويهزءها و يسحب عليهاا ويجرح فيها ....
بندر : هههه ومين قالك اصلا تدورين لي ؟
(زينة كل علامات حزن الدنيا على وجهها نسرين النسرة حتى وجودي مااحترمته يعني بلا في شكلها مو صابرة لين اطلع عشان تقول له )....
ام تركي : لا يمه انا ابي اشوف عيالك
زيـــــــــنــــــــــة صـــــــــاعـــــقة تــــــــفـــــجـــــــر ت في راسهـــــــا
( ليش يبون يذبحوني ويعيروني وين الانسانية ، زينة عيونها امتلاءت دمع وخافت تغمض جفنها وتنزل الدمعه لكذا كابرت وتركت الدمعة تلمع في عيونها .).
نسرين : لا يابندر وحده تجنن ملكة جمال حلووووووه مووووت والاهم من هذا مشهود لها بالطيب واحترام الناس ( وركزت على ذالكلمه واهي تناظر زينة ) ..
بندر ماله وجه يناظر زينة حس بموقفها ....
زينة : عن اذنكم عندي شغل ......
نسرين مازالت تقنع بندر اللي سكتها ورفض رفضا تامااااااا ,
نسرين : بندر وربي انها حلوه ..
بندر : انا مشكلتي مع الحلواااات ماابي حلوه تكفي زينة حلوه ...
نسرين : بلا بشكلها زينة شينه ذي مو زينة بعدين ولا يهمك ادور لك غير البنت واجيب وحده اشين منها .. اهم شي انك تحط على راس زينة تكفى طلبتك .....
بندر تنرفز لان زينة قريبة وسمعت كل شيء ...
بندر : نسرين خلاص روقينااااا قلت لك لا يعني لا مانيب بشكي لك الحال انا
-
-
زينة جلست على طاولة المطبخ تبكي بحرقة ماتعرف كيف تتصرف كل يوم ورا الثاني تفقد صبرها عجزت تتحمل بندر مايرحمها ويتجاهلها الخاله ام تركي تلمح لها دايم انهم مانسوا اللي سووته والزفت نسرين عاد حاله خاصه .... زينة : وينك يا أميرة تشوفين حالي.....
"""
"""
"""""
"""
زينة طلعت غرفتها وضلت تبكي واهي ندمانه على كل شيء
دموعــــــــــــــــــــ ـــــــها
معرفــــــــــــــــــــ ـــــــــــــــــــتها في بنـــــــدر
حبـــــــــــــــــــها اللي ضــــــــــاع
خيــــــــــــــــانة الــــــــــــــــوعــــ ـــــــد
ذكرياتهــــــــــــــــا المؤلمـــــــة مع امها
تتمنى تموت ولا انها تعيش في عالم يركلهاا ويجرح فيهااااا....
مستغربه من حال الدنيا ليش بندر وعدها يحميها وبلحظة طيش منهااا خسرت وعوده وحبه لها..
بندر كان ممكن يصير افضل قدر بحياتي بس عاد المكتوب لازم نرضى فيه
نسرين درعمت على جناح زينة بدون احم ولا دستور
نسرين بكبرياء : زينة صاحباتي بيجون بليز يعني شوفي شغلك والله الله بالنظافه تراها اهم شيء ( شوفي الوقحة نسرين ) ..؟
زينة صدت عنها متقرفة من وجودها
وقالت : انا تعبانه مره مااقدر ساعديني عشان نخلص بسرعه..
نسرين بعصبية : نعم نعم وش قلتِ ما سمعت يلاااا بس انجزي لاااسود عيشتك ...
زينة عضت شفتها وناظرت نسرين بتحدي : لا تخافين عيشتي اصلا سوداء من اول ماشفتك ....
نسرين بحماقة : والله الظاهر لسى ماتربيتِ عدل يبغى لك الظاهر تهزيئة من بندر على كم كف يعلم في وجهك غير العلامات اللي متعلمه ههههههههه.
.. زينة ( تذكرت حركات امها فيها وطق بندر لها) : والله مو بعيده عليكم عادي يعني اعتقد مافي وسيلة تعذيب في العالم ماتجربت علي ....
نسرين : لانك ماتربيت واحنا نقوم بالواجب ... يلا بس انزلي شوفي شغلك
وعطتها فستان قالت لازم تلبسينه لان كلنا مطقمين كذاا وطبعا مايصير انت غير لازم تصيرين مثلنا ..
( زينة ماحبت ترادد نسرين لانها لو بترد عليها تخاف ان بندر يضطر فعلا انه يرميها بالشارع لكذا اهي مضطره تجاري نسرين )
زينة سووت اطباق حلاا ومعجنات وقامت بالواجب والقهوة طبعا قهوة زينة غيرر فيها طعم غير شكل ....
دخلت زينة اللي كانت في قمة النعومه حتى الشغل ماغير شيء من جمالهاا وكشخت في الفستان اللي طلع عليها يجنن ..
صديقات نسرين انبهرن في جمالهاااااا وبنفس الوقت انصدمن
من فستانهاااا ،، ليش ..؟
-
-
-
تتوقعون ليــــــــــــــــــــــ ــــش.....؟ -
-
-
" عندما تحــــــتدم نيــــــران القســـــــوة و تــــلتهب ألســـنة الإنتـــــقام "
لأن رنا صديقة نسرين معها شغاله ملبستها نفس الفستان ، ونسرين كانت مع رنا يوم تشتري الفستان للشغاله واضطرت تشتري واحد للشغاله لانها نوت تذل زينة و ترجع لها الحركة أقوى < - - حركات حريم
رنا : واااااااااااااااو نسرين مين ذي قمر والله ..؟
نسرين غارت منها وقالت : ذي مدبرة المنزل
رنا بنظرات إعجاب : شغالتك احسن منا كلنا تجنن ماشالله ....
( تخيلوا شكل زينة عجزت تقاوم خلاص رجولها ماعاد تقواها بتطيح من الفشيلة ومن الارهاق ومن الحزن اللي فطر قلبهاا وهمش مشاعرهاا و من الإحساس المر اللي ذوقته خالتها ام بندر في سابق لحظة هذا هي قاعدة تشرب من نفس الكأس المر بجــــــد باكــــــر علـــــى الظـــــالــــم تــــدور الدوايــــر يا زينة )
نسرين بإرتباك : أي يقولون اصولها إيطالية مدري وشلون تجي ذي ههههه ...............
العنود : بكم تستأجرينها نفس اجار الشغالات الباقيات ..؟
نسرين : البركة بقناة بداية ههههه ومن السعر أي اكيد وش على بالك وارخص بعد الحبشيات اغلى منها للمعلومية ....
زينـــــــــــة حاولت تكمل الطــــــريق عـــــشان تنزل لهم القهــــوة بس ماقدرت
( آخ بطيح ) لسان حال زينة نطق هالكلمة
بس استجمعت قوتهاا لين وصلت الطاولة ونزلت القهوة والشاهي وطلعت بدون ماترد على السلام لإن دموعها تجمعت في المحاجــر الرقيقة
نسرين عضت شفتها بقهر : ذي مشكلتها ماترد شايفه نفسها لانه مزيوينه ههههههههههههههه
رقية بحسن نية : إلا مزيونة والله ماشالله عليها كاني شايفتها قبل بس مدري وين .....!!
زينة طلعت بسرعه وراحت غرفتها تبكي
بحســــــــــــــــــرة وبـــــألـــــــــــــــ م و بــــــــــشــــــــــــ ــــــجن .
القهر يقطع احشاءها ( ياربي انقذني مااتحمل انا صار لي سنه وانا بين الحياة والموت ياربي اموت وارتاح )
.... بكت بـــــــــقوة وبحــــــــــــــسرة ..
" زينة قررت مستحيل تجلس في هالبيت ثانية وحده خلاص كفاية مايحبونهااا لازم تطلع لو تنام بالشارع بس بتطلع .... "
نزلت شنطتها وحملت اغراضها بعشوائية فظيعة
خطوات متهالكة
طق طق طق
بالكاد ادركت زينة صدى هذه الخطوات ...
التوتر اعتلى على انغام الحزن ....
وتلك الخطوات صوتها ...صداها قد أطل بصاحبها ......
-
-
دخل بندر عليها بهيئته الشامخة المألوفة ...
وشافها مختبه وحالتها حاله ...
بندر بنظرة رجولية خالصه والإستفهام على ملامحه : خير ان شالله ...
زينة مسحت دموعها و تشجعت : الخير بوجهك خلاص ياولد عمي انا ماعدت بصبر تعبت بطلع مستحيل اقعد هنا ...
بندر بغير إكتراث لكلامها : مافي طلعة رجعي اغراضك .......
زينة بإصرار وقفت : بطلع يعني بطلع والله لو على ايش مستحيل اجلس هنا مستحيل
وبكت ........
بندر بحزم اكثر : رجعي اغراضك لا اتهور ولااخليك تندمين ..
زينة بحزن فظيع ناظرت عيونه وقالت بنبرة حزن : وش تتهور بتطق طقني للاسف يابندر تعودت على الضرب خصوصا منك ........... يااخي ارحمني ارحمني ارحموا من في الارض يرحمكم من في السماء ......
بندر ضــــــــغط على اســـــــــــــنانه : مافي طلعة ولا تكثرين هذره ...
زينة جلست بإنكســــار
وحطت يدينها على وجهها
وبكت بقوه بصوت مسموع : حرام عليك والله مقدر اتحمل خلاص بموت ودني لو بالشارع بس هنا خلاص عجزت مااتحمل ....
بندر ناظر فيها واهو يسمعها وقلبه منجرح بلكنة عصبية : ممكن افهم وش اللي تغير يعني لك سنة صابرة ليش الحين ماقدرتِ ..؟
زينه قامت وناظرت ورا وقالت : خلاص انا مالي قبول بينكم كلكم حتى بنات عماني تخلوا عني ـ انت اللي وعدت وعود طلعت سراب خواتك امك وحتى امي واهي امي تخلت عني وش ابي في الدنيا خلاص اللي ابيه اعيش لوحدي عشان اضمن حياتي ابي ارتاح منكم انتم ماتعرفون الانسانية ابي ابوي
" وتــــــــقـــــــــــــ عـــــد تــــــبـــــــــــكي .."
التفت لبندر وهي تبكي : تكفى بـــندر ابـــوس رجولكـ ودني لاابوي او عند بدر اخوووي طلبتك تكفى ذا لآخر طلب الله يوفقك ابي اشوف ابووووي الله يخليك ويسعدك ان شالله ......ابي ابوي
بندر صـــــــــــــد عنها عشان ما تقرأ عيونــــ وهو لا يزال غير قادر على إستيعاب رائحة الدمع والحزن العارم الذي انتشر في المكان .....
زينة مسكت رجوله بهيئة باكية جداً : تكفى ابوس رجولك ودني ابوووووي .. الله يرزقــــك بالولد الصالح ان شالله والله يسعدك مع بنت الحلال اللي تــــسعدكـ وتشتري راحتـــك ...و تعوضك عن كل لحظة شقا عشتها معي
بندر انصـــــــــدم ناظر لها لمح الإنكسار والضعف بعيونها
واهـــي ماسكه رجوله ونزل لها تحــــت تلقائياً بعد النظرة قال بنظرة حانية فظيعه : يصير خير
زينة قامت ومسحت دموعها مثل الاطفال : متى بتخليني اروح ؟
بندر وقلبه ينزف جراح لان وقت الفراق قرب .... : قريب ان شالله .....
بندر ناظر لها واهو حس ان اسارير الفرحة بينت عليها لانه وافق انها تروح ابوهاا ...
بندر بيسترجع شموخه شوي : زينة طيب ليش ماقلتِ ودني لاامي ...؟
زينة بحزن : لان امي مو فاضيه وراح تكمل الدكتوراة وبعدين انا اذا تضايقت احب اكون عند ابوي من وانا صغيرة ....( كتمت حرتها بقوه و دمعت بقوة )
بندر راح ووقف عند الشباك وقال : ما تحسين إنك مخبيه شيء ......
زينة ناظرت فيه بخوف : لا وش راح اخبي يعني ...( إلا قسوة امي لو ايش مستحيل اعترف لاحد فيها )
بندر : ماادري بس احس مجرد إحساس
زينة تمسح دموعها من الفرحة بصوت صغير : لا مااخبي شيء ..
بندر : تدرين زينة انا شفت امك امس ....
زينة بخوف وقلق ( خافت منها او عليها ماندري ) : والله وين وشلونها .؟
بندر يقرأ الإرتباك الممزوج بالحزن بعيونها : لاتخافين عليها بخير ....
زينة بحزن فظيع ناظرت فوق وكتمت دموعها : سألت عني ..؟
بندر " رحمها بقوه " : لا
زينة حست سكين جديدة انضمت لقائمة جروحها الدامية ...
-
-
زينة طلعت من الغرفة وراسها تحت ...
بندر استدرك قبل تطلع : على فكرة زينة ممكن اعرف وش التطورات يعني ليش هالوقت بالذات اختترت الفراق ..؟
زينة رجعت للغرفة و جلست جنبه ( شجعت عمرها ) ومسحت دموعها : انا كنت صابرة طول الوقت لان ماعندي احد اروح عنده استحي اروح لبيت أي واحد من عماني خصوصا وانك تعرف مايحبوني عشان امي كلهم يحاسبوني على حركات امي معهم و تعاليها وغرورها وكنت متأمله ان قلبك يلين وترحمني لانك حبيتني بيوم واللي يحب ما يكره و يرحم بس للاسف طلعت يوم ورا الثاني تزيد قسوتك ومع الايام لان اهلك شافوك ماتحترمني صاروا مايحطون لي احترام
بندر قرب عيونه وناظر في عيونها : تقصدين نسرين صح ...؟
زينة ارتبكت بقوة من قربه صدت وسكتت ....... بندر صد وسكت بعد
بندر اول مره يفتح قلبه لزينة ..
. بندر ( تذكر إهانتها لامه ولعن دقات قلبه اللي لسعته هاللحظة ) : زينة تدرين الليلة موعد فرح بالنسبة لي لان حضرتك قرررت تفارقين انتِ عارفه ان ماعاد لك قبول
( قالها وقلبه يتفطر بس يبي يجرحها لان جرحه منها لسى ندي) .... زينة ناظرت فيه بمشاعر حانية حقًا واهي على وشك تبكي : كل شيء له نهاية وانا بنتهي من حياتك وابي اش*** انك تحملت تشوفني طول هالفتره فعلا بندر انت علمتني اشياء ماكنت اعرفهااا إلا لين علمتني انت وانا ممتنه لله سبحانه ثم لك بشيء كثير ..
.. بندر بكبرياء وتجاهل لنظراتها : من ناحية انك بتنتهين لا عيوني ابشرك انك منتهيه من زمان من حياتي
زينة : اوكي اذا منتهيه وش تبي فيني حرام عليك عذبتني بما فيه الكفاية ..
بندر يناظرها بسخريه وغنى : تحملتك بما في الكفاية ولا ظني ابتحملك ثاني
زينة تأثرت وطلعت .....
"
"
"
"
"
يا ساتر ليش الدنــــــيا مصـــــــره تعـذبكـ يا زينـــــــــة ...!
|
|
|
|
| |
العرض العادي
