ابي ترسمني على كيفي!!

~{ السلام عليكم ورحمة الله وبركاته }~

.
.

أبي ترسمني يا رسام وتبـرز كـل معاناتـي
أبـي لوحـة طبيعيـة أكـون بمجملـي فيهـا
::
أبي فكـري وفلسفتـي وشيطانـي وزلاتـي
أبيهم مصدر الهامـك وابـي نفسـي تخاويهـا
::

أبي أجساد تتهاوى من سهـوم(ن) بنظراتـي

أبي أبهر جميع الناس وناس(ن ) أقـدر أغويهـا

::

أبي الشيطان في عيني وشره كل طموحاتـي
أبي أفعالـي أفعالـه ونفسـي رهـن حاديهـا
::
أبي خوفي من الماضي من الحاضر من الآتي
أبيه من الصغر وبحيث أواجه نفسي واشكيهـا
::
أبي تجمع عذاريبـي وتنثرهـا وسـط ذاتـي
ولـون كـل مافينـي وفطـرة كنـت أخفيهـا
::
أبي أحزاني بالأسود يسود بكـل فضاءاتـي
وبالأحمر ملذاتـي فـي عـز الليـل أحييهـا
::
يقولون الغرور أصفر ولونه لـون بسماتـي
وانا تنطق شفـاي غـرور وامددهـا وألويهـا
::
بعد ما تنتهي مني ومـن ظلمـي وظلماتـي
أبيـك تبـروز الرسمـة وتحبسنـي وتخفيهـا
::
بعد فترة تحررنـي مـن ذنوبـي وغلطاتـي
ورجعني نظيف أبيض قفـاي الدنيـا معطيهـا
::
وخل الخير عنوانـي ينظـم كـل علاقاتـي
أبي فرق(ن) مابين الأصل والصورة وبلاويهـا
::
أبي أبكي على الماضي وابطلق مني آهاتـي
بتكبيـرة وسجـدة أمـوت وأندفـن فيهـا

تحياتي/
حنـــ@الــــروح@ــــين