 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
#1
08-27-2018
|
||||||||||||||||||||||||||||||||
|
||||||||||||||||||||||||||||||||
ما تخيلتك حبيبي الجزء العشرون
بوطلال : وشلون شهد الحين
أم ماجد بحزن : قافله على عمرها ورافضه تقابل أحد أم طلال بيأس : حتى عمر وريم ارفضت تطلع لهم بوماجد بغضب : هذي اكيد انجنت أم ماجد بحده : لا تنسى الي ماتت أمها ما هي غريبه بوماجد بغضب : لا ما نسيت ولا نسيت وشو سوته بطلال بوطلال بقهر : لانه حرمها من شوفت أمها وحنا ما ندري عنهم بوماجد : رجال وهو حر في امرته ام طلال بغضب : لا ما هو حر في الي سواه بوماجد بحده : لا حر هي زوجته ولازم تسمع كلامه وهو ما غلط ام ماجد بقلبها: طول عمرك قاسي يوسف حتى على بنتك في محنتها بوماجد بتسلط : أنا بكلم سعود يرجعها بيته طولت الجلسه عنده ام طلال : هي طالبه الطلاق من طلال بوماجد يضرب كف بكف : لا هذي أكيد انجنت من توفت أمها بعدها مصره ويحط يده على رأسه : الله يعينا على المصايب الي بتجي من شهد اذ أصرت لكن طلاق مافي ؛؛؛؛؛؛؛؛؛؛؛؛؛؛؛؛؛؛؛؛؛ مر تقريبا شهر على وفاة هدى وزعل شهد من طلال شهد جات تلم ملابسها واغراضها وهي تعرف انه محد فيه الصباح البيت جات مع سعود ترتب الثياب في الشنطه دخل طلال وهي تفاحات بوجوده وطلال نفس الشي هو مآخذ أجازه من العمل شهد ما هتمت لوجوده وحطت ثيابها في الشنطه وهو يطالعها من فوق لتحت .. حست من نظراته بشوق وطلال بغضب: وش تسوي شهد ما اتحملت نظراته و ما رده عليه وكملت شغلها .. طلال انقهر منها وقرب لها ومسك يدها :لما اكلمك ردي علي شهد اسحبت يدها بقوة منه : ما بينا كلام طلال بغضب : لا فيه واكثر من ما تصورينه شهد وبتحدي : الكلمه الي بينا انك تطلقني طلال بعند: بأحلامك أطلقك سمعتي بأحلامك شهد بغضب : غصب عنك وما هو بكيفك طلال يهدا من نفسه ويمسك كتفها : شهد خلينا نتفاهم بهدوء شهد تبعد يده : ما بينا تفاهم غير الطلاق طلال عصب عليها : طلاق ماني امطلق لو تجلسين مائة سنه عند أبوك شهد : ليه أنا ماابيك ماابيك طلال بتسلط :وأنا ما اتنازل عن شئ ملكي شهد بغضب : أنا ما هو ملكك وما راح أكون في يوم ملكك طلال بثقة: تبين اثبت لك انك ملكي اليوم وبكره الي اخر العمر شهد خافت من نبرت كلامه وارجعت على وراها : أنت وش أنا ماابيك افهم طلال بغضب : لا أنا آلي بفهمك بطريقتي وأنا ابيك وانك ملكي ويمسكها ويجرها معه لسرير ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ نوال فرحانه : يمه سمعتي شهود طالبه الطلاق أم نوال : لا تفرحين كثير طلال رافض يطلقها نوال بحزن : يمه لا بيطلقها أم نوال : أنتي تعرفين طلال إذ رفض شئ نوال ترفع يده : يا رب راس طلال يلين أم نوال : اذ طلق شهد تبينه نوال بفرح: أكيد طلال لي أنا أم نوال : طلال مايناسبك نوال نوال : يمه لا تقولين كذا حرام عليك الا يناسبني ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ طلال : شهد أنتي اجبرتني اسوي كذا معك شهد تبكي وما ترد عليه وهي تغطي نفسها طلال راح يتروش .. وطلع ولف الفوطة على خصره وهي واقفه بنظرات كلها احتقار وحقد : انت حقير اكرهك وطول عمري اكرهك واذا أنت رجال من ظهر رجال طلقني الحين طلال وقف مكانه منصدم وهو يسمع كلمت اكرهك : انتي طالق ودخل غرفة الملابس وغير وهو طالع شافها واقفه مكانها : اتمنئ من ارجع ما القاك وطلع شهد بعد ما اسمعت كلمت انتي طالق الدموع جفت من عينها ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ شهد ترجى في أبوها يسمح لها بسفر بوماجد : ليه تسافرين مع خالك شهد بحرن : فترة بسيطه وارجع بوماجد : لا ياشهد وزوجك مافكرتي فيه الي الحين ماحد يعرف عن طلاقهم شهد متردده وبألم : احم يبه طلال طلقني من كم يوم بوماجد انصدم وبغضب : وشو وليه ماقلتي من قبل وحنا وين عنكم ليه وتتصرفون لحالكم شهد تبكي : لانها لزاوج من الأساس غلط بوماجد : والحين تبين تهربين بدل ما تواجهين شهد بتعب : بيه الله يخليك خلينى اسافر وارتاح لرجعت اتكلم معك في كل شئ بوماجد حس اذ سافرت ماهي راجعه وماقدر يرفض: خلاص لرجعتي اتكلم معك ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ طلال طلق شهد وهي سافرت مع سعود وستقبلهم سلطان وهو مستغرب وجود شهد معه وسلم على سعود : عظم الله أجرك والحمد على السلامة سعود : أجرنا و أجرك سلطان : اكيد تعبانين سعود : يلا وين حجزت لنا سلطان : لا أنا اجرت لكم شقه سعود : احسن ريحتني من ادور شقه سلطان عزاء شهد وهي ماردتعليه سلطان مستغرب سكوت شهد وداهم الشقه وهي مقابله شقته ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بعد مرور شهرين طلال تغير صار عصبي من يكلامه احد هب في وجهه وقرر يروح العمره وبعد مارجع من العمرة قرر يخطب نوال ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ريم : عمر خلص شهد سافرة وانت بعدك حزين عمر بألم : شهد سافرت بدون ما تسلم علي بدون ما شوفها ورافضه تتكلم معي بالتلفون ريم : شهد ماسلمت على احد علشان ما تغير رائيها بسفر عمر : ليه ماحد مانعها ريم : شهد تتهرب من الموجه مع احد عمر : مافهمت ريم بشك : شهد هربت علشان لاتضعف وترجع لطلال عمر بصدمة : لا يكون تحب طلال ريم تبتسم : أكيد عمر باستغراب : تحبه وتطلب الطلاق ريم : أي شهد عندها قنعها ان الحب ضعف وهي مستحيل تضعف او تظهره مشاعرها لحد عمر : وهي تعند طلال .. وطلال ماعطها فرصه تظهر الحب له ريم بتردد : طلال اعند من شهد و عصبي عمر بسخرية : كملي بعد مدام ريم ريم اضحك : ههههههه لا خلص عمر : شهد تقول لك كل شئ ريم : مممم تقريبا وحنا في شهر العسل انقطعت عني عمر بحيره : اذا هم يحبون بعض ليه يعاندون بعض ريم : من هم صغار كذا و اكبرو وتزوجوا وما تغيرت اطباعهم عمر يبسم : تعرفين انهم أغبياء ؛؛؛؛؛؛؛؛؛؛؛؛؛؛؛؛؛؛؛؛؛؛؛؛ فرح مستغربة نوم شهد طول اليوم :سعود متلاحظ نوم شهد غريب سعود : لا عادي فرح : شهد ما تحب تطول في نوم من جينا وهي نايمه و اكلها قليل سعود : يمكن الفترة لا مرة فيها هي السبب فرح : أنا شاكه في شئ الله يستر سعود :في وش شكها فرح : اذ طلع شكي صح شهد لازم ترجع لطلال ؛؛؛؛؛؛؛؛؛؛؛؛؛؛؛؛؛؛؛؛؛؛؛؛ سلطان فرحان بسعود ويسهر معه ويسال عن شهد ويقول له نايمه سلطان بقهر: وانا من اجي شهد نايمه وهي ما اطلعت الي مرتين معانا المجمع التجاري...... القريب ومتضايقه سعود :هههههه زين تطالع شوي سلطان :سعود ليه شهد معك سعود : شهد تطلقته من طلال سلطان بحده : ليه سعود : ماحد يعرف ولاهم راضين يتكلمون سلطان : أنت تكلمت معها حاولت تفهم شئ منها سعود : من بعد وفاة امها صارت ماترد على احد لا بكلمتين أي ولا سلطان : انا بحاول معها ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ كم مرة عمر وريم يتصلون على سعود يتطمنون على شهد وهي رافضه تتكلم مع احد وحابسه نفسها في الغرفة دخل سعود الغرفة علي شهد بغضب وهي تبكي سعود بغضب : شهد هذي ما هي حاله معك شهد تبكي : خالي الله يخلك خلني في حالي أنا تعبانه سعود : لا يشهد أنتي من جاين هنا على هذا الحال ورافضة تكلمين ابوك حتى مازن شهد تصرخ : مابي اشوف او اكلم أحد وإذا أنت متضايق مني اقدر اخذ لي شقه فرح : شهد هدي شوي وسعود خايف عليك شهد : اطلعو من غرفتي انا تعبانه سعود بعناد: لا وطلعي قدمي علشان تأكلين شهد تحس رأسها يدور وما هي قداره تمشي و إغماء عليها سعود بخوف يشيل شهد : فرح جيبي احجابها بسرعة ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ طلال يناديها بصوت عالي : شهد جت تركض وهي خايفه ولما قربت له ضمها بقوة وباسها في وجهها شهد يخوف:في شئ طلال طلال يبتسم: لا اشتقت لك موت بس شهد دفته عنها وتضرب فيه:خرعتني والاخير اشتقت لك طلال :هههههههه و ما هو وجه رومانسيه وهو يضحك تذكر شلون شكلها وهي خايفه عليه طلال يطالع في المرايه وعاتب نفسه على التسرع في الزواج من نوال وهو ملك عليها من أسبوعين ودخل بدر عليه وهو يبتسم: يلا ياعريس تأخرنا طلال بألم : هذا شكل عريس بدر يمزح : ممممممم يعني طلال يبتسم: ارفع معنوياتي شوي بدر : طلال ادري سؤالي مو وقته طلال بحزن : عارف و ماابي تسال ولا رح اجاوبك عليه وتأخرنا على الناس بدر ووضع يده على كتفه وبإصرار : أنت تحبها ليه طلقتها طلال بصوت عالي وتوتر: أنا ما حبها ما احبها بدر: طلال لا تخبي علي تكلم طلال بالم : هي تكرهني أنا اتعذب وأنا اشوف شكثر هي تكرهني ما ابي اتعذب كذا يا بدر ما ابي جلس طلال على الكنبة وهو يتنفس بصوت مسموع بدر حزين على اخوه ويشوفه كاتم الحزن في نفسه ما واندهش هو الألم الذي يشعر فيه طلال ؛؛؛؛؛؛؛؛؛؛؛؛؛؛؛؛؛؛؛؛؛؛ صحت شهد وهي تشوف كل شئ ابيض : أنا وين فرح تبتسم: أنتي في المستشفى شهد وهي تحاول تقوم : ليه دخل سعود وهو في قمة غضب ومسك شهد من يده :اقدر اعرف أنتي حامل من مين شهد انصدمت من كلام سعود وسحبت يدها بقوة حامل وحطت يدها على بطنها ما هي مصدقه انه حامل وبغضب : من طلال سعود بحده : أنتي تركه طلال من أربع شهور أنتي في الثلاث و ماشفتي طلال خلال هذي الفتره شلون فرح : سعود هذي تربيت أختك شلون تشك شهد بغضب: أنت تشك فيني في أخلاقي سعود سعود بغضب : شلون شهد تبكي : لما رحت اخذ اغراضي كان هو في البيت ولا تبي اشرح اكثر سعود خجل من نفسه وهو يشك فيها : أسف لكن أنتي فكري فيها اشوي شهد بغضب وتبكي : مابي افكر في شئ فرح تغير جو الحزن فرح تضحك:هههههه شهد أم لسان طويل تصير أم سعود :ههههههه شهد لازم ترجعين لطلال شهد بحده : لا سعود : شهد فكري الحين بينكم طفل شهد تبكي : اليوم زوج طلال من نوال شلون تبي ارجع له فرح وسعود انصدموا من الخبر : لازم يعرف عن الطفل شهد بغضب : والله اذ عارف طلال بطلع من البيت ولا اخليك تعرف مكاني سعود بحده : بلا هبل اذ ماعرف اليوم بعرف بكره طبعا شهد ترفض أي حد تقابله من اخوانها وهي تمنئ تقابلهم تخاف يعلمون طلال عن الحمل تمسح على بطنها :انا عشت بدون ابو وانت بتعيش بدون أبو انا بكون لك أب وأم .. وبتسمت طلعت مثل ابوك عنيد بضربك هههههه يكفي عنيد واحد في العائله ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ سلطان انصدم من عرف انها حامل كان يخطط انه يخطب شهد بعد ما تخلص عدتها وهو مصدق انه طلال طلقها والحين عرف شهد ماهي له وقرر يتعامل مع شهد على انها اخته ويساعدها ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بعد أربع سنين بوماجد : مفتقد شهد وحزين لانها رافضه تشوفه او تكلمه عمر وريم :عنده بنتين شهد وغلا شهد على بنت اخوه شهد الي افتقدها من سافرت ماجد: تزوج وحده من قريبات أمه من سنتين وما عنده أطفال الي الحين بدر وسارة: تزوجوا بعد سفر شهد بسنه عندهم بنت رزان وهي حامل في الثاني مروان: رجع من بريطانيا ويشتغل في مستشفى خاص ولا يفكر يتزوج مازن: تخرج من الجامعه ويحس انه فرحته نقصه بدون شهد و العلاقه بينه وبين طلال بس سلم يلومه على بعد شهد عنهم طلال ونوال :ما عندهم أطفال سعود وفرح :مستقرين في حياهم مع بناتهم الثلاث __________________ 
 
|
| مواقع النشر (المفضلة) |
| الكلمات الدلالية (Tags) |
| لا, الجسم, العشرون, تخيلتك, حبيبي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الديوان المكتوب للشاعر" ناصر الفراعنه" | عـــودالليل | …»●[دواويــن الشعــراء والشاعرات المقرؤهـ المسموعهــ]●«… | 39 | 07-13-2011 09:31 PM |
| الديوان المكتوب للشاعر / محمد بن فطيس المري "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 23 | 07-03-2011 11:22 PM |
| ااسماء الله الحسنى | ضحكة خجوله | …»●[ أرواح أيمـــانيـــه ]●«… | 8 | 01-22-2009 08:13 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| ديوان الشاعر / محمد بن جار الله السهلي "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 0 | 12-18-2008 01:40 AM |
 |
العرض الشجري