" قصايد ليل " (( دفء الصباح .. وهمس المساء )) "

مسآء يشتت أحلآمي / ويبكيني
مسآء العنآ والآه .. لي وحدي ‘

"

جيتك أصبح يامنى الروح بالنور
وأقول ياخلي هلا وكيف حالك
يالله عساك بخيرطيب ومسرور
ويالله عساني مانحرم من وصالك
ياملهم حروفي ترى القلب معذور
ويالله يسعدك وين ما تكون دارك

سيرت لاطراف المدينه ومريت
منازل(ن) مايندرا من نزلها

ماعاد من سكان اهلها ولا بيت
صبغت مبانيها وكثرت احللها

تغيرت من عقب ماغبت وابطيت
لاذي شوارعها ولا اولى باهلها

ان احسب ان علمي بها تو واخطيت
وش يردع ايام العمر دون اجلها

سنين من عمري قضت ماتوعيت
لمحة بصر دافع البلا ما اعجلها

قرب المشيب وشاب راسي وسجيت
ان السنين تدور والناس تلها

لوادري ان ذابيحصل ماتعنيت
انقض اجروحي واداوي عللها

كم مرة لاهزني الشوق ماامسيت
لين اتمثناها واباري فللها

لعيون من ساقت علي وتقهويت
فنجال وله وساقته كف ولها

منوة خفوق (ن) مزعته التناهيت
الى انتوله الشوق ولا انتولها

حفظتها من حكي العرب والشماميت
ومن كلمة يفرح بها اللي نقلها

لو ماقبلها القلب ما كان حبيت
ولولا نزاهة عرضها ماقبلها

هي داريه ويش السبب يوم قفيت
وذاعوقها والاوش اللي قتلها

تقطعت سبل المواصل وضحيت
وازعلتها وانا اتجنب زعلها

بغيت ادور لي بدلها وعييت
لااخطي على روحي وادور بدلها

اخترت من جملة قصيدي شطر بيت
ماجارت الفرقا على غير اهلها

واخترت من بد الحروف وتنقيت
خمسة حروف نصفها الميم والها

تطري علي لاضاق صدري وسجيت
ان السنين تدور والناس تلها

... لشاعر حمدان المري

مساء الخير

يا صباح العاشقين يا صباح اللي حبّوا
واللي تاهوا واللي لسى مغرمين !"

كذبة صباح الخير/ يا صبح الانوار=عذري ليا عدّت ليالي ولا نمت

اسهر طوال الليل وضْيوفي افكار=واقول لاْصحابي : نعم توّني قمت !!

ما عاد فيني ألفت عْيون واْنظار=يكفي بأني من زماني تعلّمت

ان الصدر بيتــ ٍ.. وسكّانه اسرار=نيّام .. بس يصحون لامن تألّمت

يصحون ويناظرهم الجار والمار=وش عاد ينفع سترهم لو تكتّمت ؟!!

آقدّم اقدامي على درب الاصرار=امشي ولكن للأسف ما تقدّمت

النار قدامي .. ومن خلفي النار !!=والعمر يمضي بي وانا ما تولّمت

الين ذاك الحلم في لحظه انهار=وانا مع لحظة سقوطه تحطّمت

جروحي كثار..وتناهيدي كثار=لكن على كثر المواجع .. تبسّمت !!

ثم أْلتزمت الصمت وعزومي اكبار=ولو يشتعل جوفي حشى ما تكلّمت

صباح الخير في بالي أرددها من البارح ،،
تخيل عاد لك مني صباح الخير كم مره .؟

{وَحــدك
أنت لا من قلت :
" يسعد لي صبـــــاحكـ " ..
الشوارع تبتسم ْ ..! والبرد يدفى !
وكل أرض مابهــــا ( ضحكتك )
" منفــــى "

احبك حين تعاتب تقصيري


أحبك حين تعذر إلحاحي
أحبك حين تأتي لتأخذني
إلى صباح مختلف إلى إحساس مختلف
تنوّر عمري وتعلن أروع صباحاتي
صباحك فل يا أغلى صباحاتي

مساء الورد مساء البرد مساء الحب والعشاق
مساء النور يا وجه النور مساء الوصل ياجافي
مساء العذر يتساقط على خدي من الأحـداق
مساء البسمـــه تبرهــن مشاعــر قلبي الـــــوافي
مساء التــوت والياقوت مســاء المنبع الرقـــراق
مساء الهمس يا أحلى أمس مساء من الهوى الخافي