ننتظر تسجيلك هـنـا


العودة   منتديات قصايد ليل > ..✿【 قصــــــايـــد ليـــــــل 】✿.. > …»●[دواويــن الشعــراء والشاعرات المقرؤهـ المسموعهــ]●«…

…»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. }

إضافة رد
 
أدوات الموضوع انواع عرض الموضوع
قديم 05-12-2019   #21
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



الخوف

ماتورد البل هكذا يابن أخي

الحب ماهو صدفة شعور وظروف

الحب فن الدرب والجري والضي

وتشوف قدامك ولا كنك تشوف

تستأرض من اللهفه وفي رجا الري

وتطوف أشياء قبل ماكانت تطوف

وعمك يحب وحب عمك ماهو بغي

وهذا البلى لاصرت عاقل ومعروف

مصايبك واجد ولو إنها شوي

وملقوفك يجي عن ثمانين ملقوف

وأنا يابوك أحب وشعوري سخي

شف قلبي مشقق متاهات وحسوف

مالك ومال الحب والجرح والكي

ملئانه الدنيا خيارات وشفوف

غامر بذوق وجرب الشمس والفي

وإن نفت طحت وطيحتك عقبها نوف

تعلم تعايش ظروفك كما هي

ولا تكلف دام منته بمكلوف

ولا ترخص دموعك ولا تجادل العي

ولا تسرق البسمات من وجه مألوف

الطيّب اللي يسخي بذي وبذي

يضحك ولو في صدره رماح وسيوف

والحي ماهو اللي لأجل حاجته حي

الحي من يطفي ضما كل مشغوف

والخوف ماهو بإنك تخاف من شي

الخوف هو الخوف من طاري الخوف


 


رد مع اقتباس
قديم 05-12-2019   #22
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



الذيبه

يالله يارب يارحمن

ياعالم سدّي وغيبه

بيديك تدويرة الازمان

ومطلاعه العمر ومغيبه

حتى اللي ماحل ولاحان

تعرف وشهو وتدريبه

ياذروة الجاه والسلطان

والعفو والملك والهيبه

ملوك الانس وملوك الجان

تشفق لمدك وتشفي به

سبحان سبحانك وسبحان

عظمك واسرار اساليبه

تذل امّه من الطغيان

وتقدّر المسلم الشيبه

عليك تبيحة الكتمان

لانها على غيرك معيبه

الارض جردا وانا بردان

والسبع حدد مخاليبه

ومابشع من فراسة الجوعان

وتسحبه من عراقيبه

إلا مرضاك للزعلان

وحضور يشابه الغيبه

البارحة كان ياماكان

ضيفان عز ومعازيبه

شتان لكننا سيان

بالفعل والذكر والطيبه

اقلنا شان لاجا شان

يصرف على قومه من جيبه

والان والان ليت الان

ماجآ ولاجآ بتعذيبه

تقول ماكن حنّا اخوان

كلن عناده مقفي به

بعض الاماني طوال عنان

تجمع الامل بالخيبه

ياليت مانيب ولد فلان

اللي ربوعه تماريبه

ياليتني حارث في بستان

ومسلم بلاشكه وريبه

إن عاش مايعمل إلا احسان

وان مات محدن بداريبه

يالله يامنزّل القرآن

وفاتحته السبع المهيبه

سجلني مع الندم ندمان

واصلح لعبدك عذاريبه

كتاب وان كان لي عنوان

شريف وايامي صعيبه

يمرني العارض الهتان

وترد العرب من مشاريبه

واصد منه وانا عطشان

شين الجموح وقطع صيبه

المرجلة في بعض الاحيان

تودي الرجل في مصيبه

ياجعلني طمعة الشفقان

لو تاكل عظمي الذيبه

لاني مجرب ولي برهان

في كل وادي اغني به

الحاجه اللي ورى الرديان

ابشع من الموت في عيبه


 

رد مع اقتباس
قديم 05-12-2019   #23
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



العالم

اليا بكى رجل يبكي حوله العالم

ليت الأماني بشر وأقضي حوايجها

آخر جروح السنه واولها ياسالم

هي هي ياسالم ومنتجها منتجها

الواقع الشرس بكى الشاعر الحالم

ونفخ على شمعته وأغتال واهجها

تصدق احيان احس اني انا الظالم

أحد نفسي على العسرات وأحرجها

أحسب نوض الغلا ترحيب ومسالم

شين الجماله ليا خابت نتايجها

تدري متى الجرح يبطي وقعة ويالم

لاجاك من ناس أنت الي تعالجها

ماينفع انك تكون سنافي ومسالم

ماينفع العالم الآ من يحاججها

على كبار المصايب قلبي معالم

الا الآخيره هذي عجزت ادرّجها

حبيبتي روحت يادمعي الوالم

وياليت من يقضي لنفسي حوايجها

وياليت مابه فوارق بين هالعالم

وأن اللي اتحبها فـ الآخر تزوجها


 

رد مع اقتباس
قديم 05-12-2019   #24
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



الطرقات

في الكبد ليعاتها وفي النفس حاجات

حاجات ماهي برغبات وشهوات

ندم على حزن على ماادري شسمه

اللي يكلمك وتكلمه بسكات

ياودي اصرخ من اللي داخلي حيل

وياودي ماتنبس من الليعه شفات

مزحوم تفكير ومشوّش وبردان

وياخوفي من الغضب والانفعالات

تعارك الشر مع الخير فيني

يأثر على اتخاذي للقرارت

ثاقب وألاحظ تفاصيل التفاصيل

كن البشر عري وعيوني مرايات

أفضال ربي علي واجد وأفضل

أفضال ربي علي الفقر وأنكارة الذات

يامجمل الفقر وأشياءه وروحه

تموت منه تعب وتعيشه ازمات

يعلمك ضعفك وبأن عقلك

هو اللي يميزك عن الحشرات

وتعرف بأن هذا لك وذا لغيرك

ولاتفكر ولاتكسّر حسابات

الفقر مفيد وأشياءه مفيده

مليء قوه قناعه وغايات

يمكن لو أن إنك غني تطغى وتنسى

وتطيش وتطوف الخمس الصلوات

لذلك الحمدلله والثناء له

على الفقر والمصايب والمسرات

يمكن اني فقير بس مانبي تبعي

أجلس ولا أنقاد خلف الاتجاهات

وان مااعجبتني قناعات الزمن هذا

انا أألف لتفكيري قناعات

شاعر ويسكن فمخي ألف شاعر

ماهم بشعار هالوقت التروفات

اللي يقولون مافي الشعر نادر

وان الشعراء نفس المستويات

لو انهم واحد وبتفكير واحد

كان ماشفت ناقد ولامعجب وشمات

الله على هاالكلام ومن يقوله

الله يقطع سياسة هالمجلات

يعني اللي قصيده ملى الدنيا جماهير

مثل اللي يطلق قصده سرة ابيات

لامن سمعت القصيد قلت هذي

سمعتها قبل هذي عشر مرات

يشيل اخر كلام الشطر الاول

ويحطه باخر الثاني وخذ هات

قاف متكرر ولا فكره ولاشي

يبني القصيده على تفكير بنات

وبه نوع ساذج علشان يتميز

يصرخ ويعمل بيدينه حركات

والمرء عدو مايجهل لذلك

هالشعراء يكرهوني انا بالذات

الله يخليني لشعري وأصونه

وأحرق به كبود شعار المسجات

أجذب به أذواق حكام الجزيره

وازرعه في عقول فتيان وفتيات

أركبه جن وأمارسه بجنون

وأشبعه فلسفات وإبتكارات

وأعلم الجيل هذا واللي بعده

جودة الاطاله وفن الاختصارات

ووشلون احرث صخر فكري وأخلي

بيني وبين اقرب منافس مسافات

الشعر في نظرة أغلبهم مصالح

فلوس وشيوخ وبنات ولقاءات

وفي نظرتي الشعر رورح وروح حرة

ماتخضع لشف واشخاص وقياسات

الشعر ماتقشعر له الابدان

ومايسرق من الكلمات الكلمات

تقراه في عيون شاعره وتحسه

يفتح له فجلد يدينك مسامات

ردد قصيدي ياجمهوري وصفق

وعلمهم ان الغلا ماهو خيارات

وتعال نسرح سوى في شي عندي

واخاف لاابكي وتبكيني العبارات

حزين جداً ومتعومس وخايف

أحس كني على مهوى نهايات

حبيبتي اللي أغليها وابيها

راحت وقالت بجي وللحين ماجات

ما اذكر اني مسوي شي لكن

الحب اذا زاد يسبب حزازات

والصبر صبر القلوب البيض وادري

يامصعب الصبر لاقد به محاتات

دمرني الشوق واستنزفني شعور

وتعبت اثبت وجودي داخل اشتات

تمر كل الوجيه بدرب عيني

نفس الملامح ونفس الابتسامات

حبيبتي طاغيه وبشكل طاغي

صديقة الليل واجناب البنايات

من وين ما افتر لاهذا وجهها

على الطرقات وأضواء السيارات

يابري حالي عليها بري حالي

عليها يابري حالي عشر بريات

لأني أحبها فعلاً وجداً

ماهي محبة رفث ولا اتصالات

احس كني أبوها او أخوها

أدرى عليها من العالم مدارات

واللي سواتي يحب وخايف الله

يعرف معنى معانات المعانات

الحزن في بعض الاحيان أزدواجي

وجميل لاصار من تجنيب غلطات

من خلا حاجة لربي عاضها خير

منها واحسن دبلات الدبلات

وانا لابي غيرها ولا التفت له

السيده لا رجعنا للسيادات

جعل امها اتوافق ان جيت اخطبها

تكفون دعواتكم يااهل الدعوات


 

رد مع اقتباس
قديم 05-12-2019   #25
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



حزن النبلاء

الجرح ماهو خاطر شوي ويروق

الجرح حتى لو تشافى يعللك

واذاك متحمس متاهات وطروق

انا تعبت اشد حيلي واحاولك

سماي ما شيّ شمس ورعود وبروق

والريح ماهبت ولايجري الفلك

والقلب ناشف بحر وشقوقه شقوق

وشلون بيكوّن سحاب ويبللك

يا ضامي انا اضما ومتشبع حروق

واذاك ضامي للمواصل انا هلك

هلك ووقف في وجهي الاصل والذوق

والمجتمع والعرف والفقر واهلك

متعومس وحزن النبلاء مرموق

يعني لو احتاج لك ماجيتك اسألك

اللي علي اشكي واعاتبك برفوق

واقولك ودي ماعاد اتأملك

من دورة الايام ياخوك مخنوق

الوقت مشاني من السلك للسلك

ازل خطوه بس ما ازل منطوق

ولو صارت ابحب خشمك واجاملك

يبقى البني ادم مجرد ومخلوق

ملك ولكن في الحقيقه بلا ملك

والناس عوق الناس والدرب مسبوق

تتعب على اشياء فـ الاخر مهي بـ الك

كذاب قايل كل مطرود ملحوق

سنين وانا اطردك وازريت لا اوصلك

كنك تطيش وكني ادور في طوق

كل ما وصلت اخرك يطلعلي اولك

ياليت مافي خاطري شوق وفروق

ماكان حسيت ان انا بس منك الك

الشوق ماهو رعشه وقبضة عروق

وماهو اللي من شينك فعينك يجملك

وماهو شعور يخالج الروح برفوق

ولاهو سحر ولا ادري والله شقول الك

كنه سحابة حلم وتطير بك فوق

وتطير ولا ودك انها تنزلك

الشوق هذا والا انا شوقي البوق

ماقد حصل في شوق هذي ولا تلك

تدري وش اسوي ليا اضناني الشوق؟؟

اسوي بعيوني كذا واتخيلك

واقربك واتوق واتوق واتوق

واكثرك واحلف ماعاد اقللك

واصورك في الموق وتكبر على الموق

وتطيح مع دمعي على ايدي واقبلك

هذا غلاي اللي مع الدم مدقوق

ولا عاد تسأل عن شعوري وازعلك

محبة ماهيب من طارف السوق

لو انك توكل كان والله لاكلك

جيتك حقوق ورحت ماعندي حقوق

وان قلت ما احبك ابجحد مواصلك

احبك الا يا بري حالي وعوق

من كثر ما احبك اخاف اني اقتلك


 

رد مع اقتباس
قديم 05-12-2019   #26
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



برحل

برحل وبآتي أذا آني بقدر آتي

بس أخاف أرحل ولا عاد أقدر آتي

لان هذا حظّي وهذي صدوفه

يكره أستقراري ويغلي شتاتي

وعاد عقلي كل ماجيت آتشتّت

يحسب شتاتي على قدر أمنياتي

والبلا أن كل ماعقلي تمنّى

ماحصل لا في شتاتي ولا ثباتي

يمكن أن وضعي وضع سيىء ويمكن

ماتحمّل جسمي كبار شهواتي

والدليل أن ودّي ما أرحل وشفني

أربط أشلائي بمحزم ذكرياتي

ياحبيبي ليتني ماكنت أحبّك

لجل أحبّك دبل وأسوّي سواتي

يعني كل شي حطّه فعقلك وحاته

الاّ بخصوص أنّي أحبّك لاتحاتي

لمّني وامسح دموعك وأبتسم لي

وحبّني منّا ورتّب حاجياتي

وأعرف أن ماودّي أتكلّم ولا أبكي

بس دايم دمعي يحرّك سكاتي

شي واحد قبل ما أرحل بقوله

أنت أجمل حظ سيّىء في حياتي


 

رد مع اقتباس
قديم 05-12-2019   #27
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



اللوبي

الراس بيت شيوخ والحلم جاسوس

للنفس يقطع من تركها ثواني

خذني وطلعني ولو الهوى كوس

ابا أتنفس شي صافي وهاني

داخل تصادم فكر ومزاحم نفوس

على فتافيت الغوى والغواني

في هاللوبي كل شي ضايع ومعكوس

ماكن في هالكون رب واماني

اثاثه الغامق وتصفيفة الكوس

تدل على ذوق راقي وداني

شفهم وشف كيف الفشل يجعل الروس

اشيا كماليه مابين الاذاني

وشف كيف هذا ثمل ويعثر ويدوس

على مسمى جده الاولاني

وشف كيف هالشايب برغبته محبوس

تحت شعار ان آخر العمر فاني

احس عنده عيله وبنت عروس

تخجل من ابوها كثير وتعاني

وشفت الثنين هناك تراهم جنوس

رجال بس رجال من نوع ثاني

ضحايا نفط وقل طاعه وناموس

والام كانت طيش والاب اناني

وشف هالجمال اللي مدّثر ومحيوس

مثل الكلام اللي بليا معاني

فتاه تعرض جسمها الغض بفلوس

ويبيعها في اليوم عشرين زاني

كل الزوايا طافحه قبح ونجوس

تسبح وفي الركن الاخير المواني

واحد يغني وعنده حثاله جلوس

كأن ما في هالحياة الا اغاني

ياوخز قلبي وخزة الجرح بالموس

ياعالمن ما فيه حلم وتفاني

في هاللوبي ما فيه ريس ومريوس

الكل بايع نفس والكل جاني

والكل عنده عذر واهي ومدروس

لو قلت ليه انت كذا قال اعاني

انا اللي اعاني من القوس للقوس

هذا مهب جوي ولا هو مكاني

بركض وابي يركض معي ألف فانوس

الى صباحات الغلا والتهاني

روّح معي والواقع احيان كابوس

وانا ما احط اللوم على زماني

احمد ربي كل ما دق ناقوس

واعرف حدودي واستحي من كياني

واصمت اذا جا للحكي روس وعسوس

واضحك ولو وجهي من البكي حاني

لو كل شي محسوس بالفعل ملموس؟

طلعت آخر جرح بين المحاني


 

رد مع اقتباس
قديم 05-12-2019   #28
‎‏


الصورة الرمزية شموخ
شموخ غير متواجد حالياً

بيانات اضافيه [ + ]
 رقم العضوية : 28080
 تاريخ التسجيل :  Jan 2015
 أخر زيارة : منذ 3 يوم (05:56 PM)
 المشاركات : 98,704 [ + ]
 التقييم :  2147483647
 الدولهـ
Saudi Arabia
 MMS ~
MMS ~
 SMS ~
♔شموخ ♔
لوني المفضل : White
افتراضي



اخذيني

أخذيني ألياا عجبتك. بس رديني
وأن ماا عجبتك خلاص أخذيني. ماابيني
ما دامني شفت فيك الطهر والعفه
بااعيف نفسي ليا منك كرهتيني
أخذيني لو أعتبر من ضمن أشيااائك
وأناا بحبك ولا لازم تحبيني
مابي علاقه ولابي نضره أو بسمه
أحسااسي أني بقربك بس يكفيني
ولو أني أنضفت. لشياائك غصب عنك
طللي علي .. يااغناتي لاتخليني
ترااي لاجاا المصامد ماااني أبهين
تقوول كن العرب لعبه بيديني
شخصيتي من غرابتها وطيبته
ااكن الزمن في تحدي بينه او بيني
أخذيني الشاعر اللي ماااصدق حضه
لاقلت ياااحض وينك قاال يااويني
أخذيني المبدع. المتفلسف. التحفه
مؤمن وتضحك على العاالم شيااطيني
شهرة.شكسيبر وافلاطون وأنيوتن
لاقلتلي بيت شعر أطيح من عيني
وأخذيني العنصري اللي صدق متعنصر
من دون ربعي لو أقطع شرايني
وأخذيني اللي لياامنه طلب يعطا
اوتكفين لامن طلبتك لاترديني
تكفين يااغاايتي يابهجة الدنياا
أبحرق أقلوب ناااسن مااتدانيني
أخذيني أبكل شوق أو قولي
أأحبهوأن شككو فيك والافي ضميني
قولي سعد .والله أنه غاالين جدا
ويااجعل فدوه شبابي وااخر أسنيني
وأنا بصدق كلامك...وأعتنز بالله
وباااقول للناس ماايعيك يعنيني
وأنا علي نذر مرخص جيتك.وأنتي
نذرن على أرقبتك أنك مااتخليني


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
سعد, علوش


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة الوداع - الشاعر سعد علوش !!! بوزياد [ابكتب من قصيدي الوزن وغيرهـ من شعر منثور] 15 02-05-2018 09:36 AM
شيلة طوق ورود | كلمات سعد علوش ضامية الشوق الشـيلات الصوتية 24 01-17-2018 01:07 PM
ديوان الشاعر : عبدالله بن علوش الهاجري إرتواء نبض …»●[دواويــن الشعــراء والشاعرات المقرؤهـ المسموعهــ]●«… 8 08-12-2016 01:09 AM
قصيدة .. يا أنيقة .. للشاعر سعد علوش إرتواء نبض [ابكتب من قصيدي الوزن وغيرهـ من شعر منثور] 36 01-26-2016 05:51 PM
قصيدة غزلية / لــ شاعر سعد علوش .! كبريآء رجل …»●[دواويــن الشعــراء والشاعرات المقرؤهـ المسموعهــ]●«… 0 12-20-2014 01:53 AM



RSS | RSS2 | XML | MAP | HTML


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas